Skip to content

A Must Read for Every Burmese

15 August 2009

မြန်မာမှန်ရင် ဖတ်သင့်တယ်

——————————————–

ခုတလော ဂျာနယ် မဂ္ဂဇင်းတွေဖတ်ပြီး တော်တော်စိတ်ညစ်ရတဲ့အကြောင်း အရင်ဆုံး ရေးချင်ပါတယ်။ အဲဒီကိစ္စကတော့ အင်္ဂလိပ်စာလုံးတွေ ထည့်ထည့် ရေးကြပြီး စာလုံးပေါင်းတွေ အဓိပ္ပာယ် ကောက်မရအောင်ကို မှားတတ်ကြတဲ့ ကိစ္စပါ။

…စာရေးဆရာတွေဟာ မလိုအပ်ဘဲနဲ့ အင်္ဂလိပ်စာလုံးတွေ ထည့်မရေးသင့်ပါဘူး။ မရေးရင် မှားစရာလည်း မရှိတော့ဘူးပေါ့။ ရှေးက ဆရာကြီးတွေ ဖြစ်ကြတဲ့ ဆရာကြီးပီမိုးနင်းတို့၊ ဆရာကြီးရွှေဥဒေါင်းတို့၊ ဆရာကြီး မဟာဆွေတို့တစ်တွေဟာ အင်္ဂလိပ် စာတတ်ပေတတ် ပုဂ္ဂိုလ်ကြီးတွေပါ။

ဒါပေမယ့် ဆရာကြီးတွေရဲ့ စာအတွေထဲမှာ အင်္ဂလိပ်စာလုံးတွေ မလိုအပ်ဘဲ ညှပ်ညှပ်သုံးတာ တွေ့ရခဲပါတယ်။ ဘိလပ်ပြန် ဆရာကြီးတွေ ဖြစ်တဲ့ ဆရာ သိပ္ပံမောင်ဝ၊ ဆရာ ဒေါက်တာလှဘေ၊ ဆရာ ဇော်ဂျီ၊ ဆရာ မင်းသုဝဏ်စတဲ့ စာရေးဆရာကြီးတွေရဲ့ စာတွေမှာလည်း အင်္ဂလိပ်စာလုံးတွေ ထည့်ရေးတာ သိပ်များများ မတွေ့ရပါဘူး။


ခုခေတ်ကျတော့ ဘာသာပြန်တွေ မဆိုထားနဲ့၊ ပင်ကိုရေး ဆိုတဲ့ စာတွေကို ဖတ်ရတာတောင် ထော့နင်း ထော့နင်းနဲ့ ဘာသာပြန်ကို ဖတ်ရသလိုမျိုး ဖြစ်နေပါတယ်။ ရှေးက ဆရာကြီးတွေရဲ့ လက်ရာကျတော့ ဘာသာပြန်ထားတယ်လို့ မထင်ရလောက်အောင် မြန်မာ့မျက်စိထဲ၊ မြန်မာ့နားထဲကို ချောခနဲ ချောခနဲ ဝင်သွားစေတဲ့အရေးအသားမျိုးတွေပါ။ ဆရာကြီး သခင်ဘသောင်းရဲ့ ပန်းသာ မစာဥ၊ ဆရာကြီး ရွှေဥဒေါင်းရဲ့ ရတနာပုံ၊ ဆရာဇော်ဂျီရဲ့ မဟာဆန်ချင်သူစတဲ့ ဝတ္ထုကြီးတွေဆိုရင် မြန်မာဝတ္ထုကြီးတွေလို့တောင် မှတ်ထင်ခဲ့ကြရတာမျိုး ဖြစ်ပါတယ်။

ကျွန်တော်တို့ခေတ် ဘာသာပြန်တွေကျတော့ ဘာဖြစ်လို့ အဲဒီလို ကျွန်တော်တို့ အသွေးထဲ အသားထဲ စိမ့်ဝင်သွားအောင် မဖြစ်ကြရတာလဲလို့ ဆန်းစစ် ကြည့်လိုက်တော့ မြန်မာစာ၊ မြန်မာစကား မနိုင်လို့ ဆိုတာ တွေ့ရပါတယ်။ မြန်မာဘာသာစကားက ဝေါဟာရ မပါးရှားပါဘူး။ အတော်အသင့်လေး လေ့လာရင်တောင်မှ စကားလုံး ဝေါဟာရတွေ သုံးလို့ မကုန်နိုင်အောင် ကြွယ်ပိုးကြွယ်ဝ ရှိလှတယ်ဆိုတာ တွေ့နိုင်ပါတယ်။

တကယ်ချို့တဲ့ ရှားပါးနေတာက ကျွန်တော်တို့ တစ်တွေသာ ဖြစ်ပါတယ်။ ကျွန်တော်တို့တစ်တွေက မြန်မာတွေ ဖတ်ဖို့ မြန်မာစာနဲ့ စာတွေ ရေးသားနေကြတာ ဖြစ်ပေမယ့် မြန်မာစာ ဆရာတွေနဲ့ သုတေသီပညာရှင်တွေက လွဲရင် ကျန်တဲ့ စာရေးသူတွေဟာ မြန်မာစာပေကို လေ့လေးနက်နက် လေ့လာမှု ပြုလုပ်တာ အင်မတန်ကို နည်းပါတယ်။ အဲဒီတော့ ကျွန်တော်တို့မှာ ဝေါဟာရ ရှားပါးမှု ကြုံကြရတာပေါ့။

ဝေါဟာရ ရှားပါးတော့ အလွယ်လမ်းကို လိုက်ပြီး အင်္ဂလိပ် စာလုံးတွေ ယူယူပြီး သုံးလိုက်ကြတော့တယ်။ သည်လိုနဲ့ မြန်မာစကားလုံး ဝေါဟာရတွေ အသုံးနည်းပြီး ကွယ်ပျောက်တာတွေလည်း ကွယ်ပျောက်ကုန်ကြတယ်။

ဆရာ လူထုစိန်ဝင်းရဲ့ “နန်းစကား၊ မန်းစကား၊ မြန်မာတို့ရဲ့ မြန်မာစကား” ဆိုတဲ့ စာအုပ် စာမျက်နှာ ၇၃နဲ့ ၇၄မှာ ဖော်ပြထားတဲ့အထဲက ကောက်နုတ် ဖော်ပြလိုက်တာပါ။

ကျွန်တော်ကိုယ်တိုင်လည်း ဖတ်ရတာ အလွန်ထောင့်လှတဲ့ မြန်မာစာတွေကို အောင့်သက်သက်နဲ့ ဖတ်နေမိရင်း၊ ညှပ်သုံး၊ ဇွတ်သုံးထားတဲ့ အင်္ဂလိပ် စာလုံးပေါင်း အမှားတွေကို ကြည့်ရင်း စိတ်လေနေတာ အတော့်ကို ကြာပါပြီ။ မနေ့ကပဲ အိမ်သားတွေ ငှားကြည့်ကြတဲ့ မြန်မာဗီဒီယို သတင်းခွေ တစ်ခွေရဲ့ အဆုံးက “မကြာမီထွက်မည်”လို့ အနက်ထွက်မယ့် အင်္ဂလိပ် စာလုံးပေါင်း အမှားကြီးကို မြင်ဖြစ်အောင် မြင်လိုက်သေးတယ် ခင်ဗျ။ မြန်မာလို ရေးလိုက်တော့ ဘာဖြစ်သတုံးဗျာ။ မြန်မာတွေ ကြည့်ဖို့ ထုတ်တာမဟုတ်ဘူးလား။ အခုတော့ အဲဒါကိုပဲ အင်္ဂလိပ်လိုတွေ လုပ်လိုက်သေးတယ်။ လုပ်တော့လည်း မှန်သလား ဆိုတော့ မမှန်ဘူး။ Comming Soon တဲ့ ခင်ဗျ။ မူလတန်းကျောင်းသားတောင် မမှားလောက်တဲ့ come ကြိယာကို -ing တပ်တာတောင် အပေါက်တည့်အောင် မတပ်နိုင်ဘဲနဲ့ အင်္ဂလိပ်စာလုံးကြီးနဲ့ ချရေးထားတော့ အတော်စိတ်ညစ်ရတယ်။  Coming ဟာ “m” တစ်လုံးတည်းနဲ့ ပေါင်းရတာပါ။ အဲလောက်လေးတောင် မသိသား ဆိုးရွားနေတဲ့ ကိုယ့်အခြေအနေကိုယ် မဆန်းစစ်ကြဘဲ အင်္ဂလိပ် စာလုံးတွေ တွင်တွင်ကြီး ချသုံးနေရအောင် မြန်မာစကားက ဆင်းရဲနေလို့လားဆိုတဲ့ အငေါ်တူး အတွေးက ပေါ်လာပါတယ်။

သည်အချိန်မှာ ဆရာလူထုစိန်ဝင်းရဲ့စာအုပ်ကို ပြေးသတိရသွားတော့တာပါပဲ။ ဒါနဲ့ ကျွန်တော့် စာအုပ်စင်မှာ ပြန်ရှာပြီး သည်စာအုပ်အညွှန်းကို ရေးမိ သွားရတာပါ။

ဆရာ လူထုစိန်ဝင်းကလည်း လူငယ်လူရွယ်တွေအတွက် အင်္ဂလိပ်စာကို အပတ်တကုပ် သင်ကြားပို့ချပေးခဲ့သူဖြစ်ပါတယ်။ ဆိုလိုတာက ဆရာ ကိုယ်တိုင် အင်္ဂလိပ်စာကို ပပ်ပပ်နပ်နပ် တတ်ပါတယ်။ သို့သော် အင်္ဂလိပ်စာတတ်တာက တစ်ပိုင်း၊ မြန်မာစာ၊ မြန်မာမှုကို ချစ်မြတ်နိုးတာက တစ်ပိုင်းဖြစ်မှန်း အခုစုစည်း ထုတ်ဝေလိုက်တဲ့ “နန်းစကား၊ မန်းစကား…”စာအုပ်က သက်သေခံလို့ နေတယ်။

၁၉၉၆ခုနှစ် နိုဝင်ဘာထုတ် လူထုဒေါ်အမာ ၈၀ပြည့် မွေးနေ့အထိမ်း အမှတ် “ပုဂံလက်သစ်နှင့် အခြားစာတမ်းများ”စာအုပ်၊ ၁၉၉၆နဲ့ ၁၉၉၇ခုနှစ် အတွင်းက ထုတ်ဝေခဲ့တဲ့ စာပေဂျာနယ်၊ ၁၉၉၈နဲ့ ၁၉၉၉ခုနှစ်အတွင်းက ထုတ်ဝေခဲ့တဲ့ ရုပ်ရှင်တေးကဗျာမဂ္ဂဇင်းတို့မှာ ဖော်ပြခဲ့တဲ့ “နန်းစကား၊ မန်းစကား…” ၁၂ပုဒ်ကို စုစည်းထုတ်ဝေထားတဲ့ စာအုပ်ပါ။

စာမျက်နှာ ၈၁မှာ ဆရာလူထုစိန်ဝင်းရေးသားထားတဲ့အတိုင်း “အသုံး မလေ့ကြတော့လို့ပဲဖြစ်စေ၊ အသုံးနည်းလို့ပဲဖြစ်စေ ပျောက်ကွယ်လုနီးပါး ဖြစ်နေတဲ့ မြန်မာ အရပ်သုံး စကားတွေကို ရှာဖွေတင်ပြ”ထားတဲ့ စာအုပ်ဖြစ်ပါတယ်။ မဂ္ဂဇင်းဆောင်းပါးများ ဖြစ်တာကြောင့် နောက်ဆုံးတစ်ပုဒ်က လွဲရင် ကျန်အပုဒ်တိုင်းမှာ နိဒါန်းဖွဲ့ထားတာတွေ ပါဝင်နေပါတယ်။ သို့သော် အဲဒီ့နိဒါန်းများက စာရေးဆရာရဲ့ အတ္တနောမတိ၊ ဝံသာနု ရက္ခိတစိတ်၊ စေတနာတို့ကို ရောင်ပြန်ဟပ်လို့နေတဲ့အတွက် ဖတ်လို့ ကောင်းနေပါတယ်။

လူထုတိုက်ရဲ့ ငယ်မွေးခြံပေါက်ပီပီ တစ်အုပ်လုံးမှာ လူထုရနံ့ ပျံ့သင်းလွန်း လို့ တချို့တွေကတော့ သိပ်ဘဝင်ကျကြမယ် မထင်ဘူး။ ဘယ်လိုပဲဖြစ်ဖြစ်၊ အသုံး နည်းသွားတဲ့ မြန်မာစကားတွေကို နိုင်သလောက် ရှာဖွေ စုဆောင်း တင်ပြထားတဲ့ အတွက်ကိုတော့ ကျေးဇူးတင်ထိုက်တာလည်း အမှန်ပါပဲ။ ဒါ့အပြင် ကျွန်တော်တို့ အခုနေမှ အားထုတ်မထားရင် နောင် နှစ်တစ်ရာလောက်အတွင်းမှာ တိမ်ကော ပပျောက် သွားနိုင်လောက်တဲ့ မြန်မာစာ၊ မြန်မာစကားအပေါ် ထားရှိတဲ့ စာရေးသူရဲ့ စေတနာရောင်ဝါကလည်း သည်စာအုပ်မှာ လင်းလင်းလက်လက် ပေါ်ထွက်လို့နေပါတယ်။

မြန်မာတို့ရဲ့ ယဉ်ကျေးမှု အဆင့်အတန်းဟာ ခေတ်ပြိုင် အနောက်နိုင်ငံတွေနဲ့ ယှဉ်လိုက်ရင် မနိမ့်ကျပါဘူး။ ယဉ်ကျေးမှု အဆင့်အတန်း မြင့်မားတာနဲ့ အမျှ မြန်မာစကားဟာလည်း အင်မတန် ဝေါဟာရကြွယ်ပါတယ်။ … “ညီမ” ဆိုတာ မိန်းကလေးချင်းတော်စပ်မှု အသုံးစကားပါ။ ယောက်ျားလေးနဲ့ မိန်းကလေး တော်စပ်မှု အသုံးစကား မဟုတ်ပါဘူး။ အခုတော့ လူတိုင်း လိုလိုပဲ “ကျွန်တော့်ညီမ”ဆိုတဲ့စကားကို သုံးနေကြပါတော့တယ်။ အစ်ကိုက အဲဒီတော့ အလိုလို မိန်းမလျာဖြစ်သွားပါရော။ (စာ – ၁၃)

မျက်နှာမည်းစာလုံးက မူရင်းမှာ မပါပါဘူး။ ကျွန်တော် ပြလိုက်တာပါ။  ကျွန်တော်ကိုယ်တိုင်လည်း “နှမ”ဆိုတဲ့အသုံး ရှိမှန်း သိပေမယ့် မှန်အောင် သုံးတတ်တာ သိပ် မကြာသေးဘူး။ (ကျွန်တော့်မှာ နှမမှ မရှိတာကိုး။) ကျွန်တော် စာရေးတဲ့အခါမှာ “ညီမ”လို့ မှားသုံးမိတာ တစ်လုံးပါသွားတော့ ဘယ်သူမှန်း မမှတ်မိတော့တဲ့ ရေးဖော်ဆရာတစ်ဦးက ထောက်ပြလိုက်တော့မှ မှန်အောင် သုံးတတ်ခဲ့တာပါ။


မြန်မာစကားမှာတော့ အဖေ့ရဲ့အစ်ကိုဆိုရင် ဘကြီး၊ အမေ့ရဲ့ အစ်ကိုဆိုရင် ဦးကြီးလို့ ခွဲခြားခေါ်လေတော့ ခေါ်သံကြားတာနဲ့ ဆွေမျိုးစပ်ပေးပြီးသား ဖြစ်နေပါပြီ။ အဖေ့ရဲ့ ညီဆိုရင် ဘထွေး၊ အမေ့ရဲ့ မောင်ဆိုရင် ဦးလေး၊ အဖေရဲ့အစ်မ ဆိုရင် အရီးကြီး၊ အဖေ့ရဲ့ နှမကို အရီးလေး၊ အမေရဲ့အစ်မ ဆိုရင် ကြီးတော် (ဂျီးဒေါ်)၊ အမေရဲ့ ညီမဆိုရင် ထွေးလေး (ဒွေးလေး)၊ ဒေါ်လေးစသဖြင့် ကြွယ် လိုက်တဲ့ ဝေါဟာရတွေ။
(စာ – ၁၄)

ဒါတွေတော့ ကျွန်တော် သိပါတယ်။ ကျွန်တော့်အမေက “ကိုကို”လို့ ခေါ်တဲ့ ကျွန်တော့် ဦးကြီးကို ကျွန်တော်က “ဦးကြီးကိုကို”လို့ တစ်သက်လုံး ခေါ်ခဲ့တာကိုး။ ပြီးတော့ မေမေက သူ့ဘထွေးတွေ၊ အရီးတွေကို “ဘထွေးကြီး၊” “ဘထွေးလေး၊”  “အရီးကြီး၊” “အရီးလေး”စသဖြင့် ခေါ်ဝေါ်ခဲ့တာလည်း ငယ်ကတည်းက ကြားခဲ့ဖူးနေလို့ပါ။ ကျွန်တော့်သားသမီးတွေက သူတို့အမေရဲ့ အစ်ကိုကို “ဘကြီး”လို့ ခေါ်တဲ့အခါ မှားနေတယ်၊ ဦးကြီးလို့ ခေါ်ရမှာလို့ တည့်မတ်ပေးခဲ့ဖူးတယ်။

ဆရာ လူထုစိန်ဝင်း ပြောသလို မြန်မာတွေက မြန်မာစာ ချို့တဲ့နေတာတော့ ကျွန်တော်တို့ခေတ်မှာ အဆိုးဆုံးလို့တောင် ပြောရမလို ဖြစ်နေပါတယ်။ ဖတ်တဲ့ စာ၊ ရေးတဲ့စာမှာ တွေ့ရတာတွေကို ဆရာလူထုစိန်ဝင်းက ရေးပြထားတာပဲရှိ ပါသေးတယ်။ ပြောတဲ့စကား၊ ကြားရတဲ့စကားတွေမှာလည်း တစ်စက်မှ အချိုး မပြေတော့အောင် မြန်မာတွေက မြန်မာစကားကို ဌာန်ကရိုဏ်းကျကျ မပြော တတ်ကြတော့ဘူး။ /သေသှေချာဂျာ/လို့ ပြောရမယ့်အစား ရေးထားတဲ့အတိုင်း /သေသေချာချာ/လို့ ပြောလိုပြော၊ /ရှံ/လို့ ပြောရမယ့် အစား /လှယံ/လို့ ပြောလိုပြောနဲ့ အတော့်ကို လွဲချော်နေကြတာတွေလည်း မနည်းမနောပဲ။

တစ်လောက ရွှေအမြုတေ စာပေဆုပေးပွဲမှာ ကျွန်တော်အခမ်းအနားမှူး လုပ်လိုက်ပြီးတဲ့နောက် အခမ်းအနားအပြီးမှာ ဆရာတွေနဲ့ နှုတ်ဆက်တုန်း ဆရာ “ဘောညို” (ခင်မောင်ညို-ဘောဂဗေဒ)က “ရွှေအမြုတေကို /ရွှေအမဒေ/လို့ အမှန်အတိုင်း အသံထွက်တဲ့သူဆိုလို့ ခင်ဗျားတစ်ယောက်ပဲ ရှိသေးတယ်”လို့  မှတ်ချက်ပေးသွားပါသေးတယ်။ အမှန်တော့ ရေးတော့အမှန် ဖတ်တော့အသံ မူကို ကျွန်တော်တို့တွေ မေ့လျော့နေကြတာပါ။

ကျွန်တော်လည်း မြန်မာစကား တတ်လှချည့်လို့ ကိုယ့်ကိုယ်ကိုယ် မအောက်မေ့ပါဘူး။ သားတော်မောင်ကို ကျွန်တော့် ဝတ္ထုစာအုပ်အတွက် အမှာစာ ရေးခိုင်းတဲ့အခါ ကျေးဇူးရှင်လေးက “အမူကွန်းထိုး”ဆိုတဲ့ ဝေါဟာရကို ချသုံးလိုက်တော့ ကျွန်တော် မျက်လုံး ပြူးသွားပါတယ်။ သည်ကောင်က အခုမှ ဆယ်တန်းတက်တဲ့ အကောင်၊ အသက်က ၁၅နှစ်ပဲ ရှိသေးတယ်။ အဲဒီ့လောက် အလုံး အကြီးကြီးကို ချသုံးလာတဲ့အခါ ကျွန်တော် ဖျားသွားတယ်။ ဒါနဲ့ သူ့အသုံး မှန်ရဲ့လားဆိုပြီး အဘိဓာန်တွေ ဘာတွေ လှပ်ကြည့်ရတဲ့ဘဝတောင် ရောက်သွားတယ်။ (မှန်တယ် ခင်ဗျ။)

ဖအေ့ထက် သားတစ်လကြီးဆိုတာ အဲသလို ကောင်မျိုးကို ခေါ်တာပဲ ဖြစ်လိမ့်မယ်။ နောက်တော့မှ သတိရတယ်။ သည်ကောင်က ဆရာကြီး ရွှေဥဒေါင်းကို စွဲစွဲလန်းလန်းဖတ်တဲ့သူပဲ။ ဆရာကြီးရဲ့ လေအတိုင်းတောင် ရေးတတ်နေတဲ့အထိ ဆရာကြီးစာတွေရဲ့ ဩဇာက သူ့အပေါ် ရိုက်ခတ်နေပါတယ်။ သည်တော့လည်း မြန်မာစာကို ခွန်အားရှိရှိ ရေးတတ်တဲ့ ဆရာကြီးရဲ့ အတုကို သူ ယူထားတာပါကလားဆိုပြီး ကျွန်တော့်မှာ ပီတိပွားရပါတယ်။

ဆရာကြီး ရွှေဥဒေါင်းက ရေးခဲ့ပါတယ်။ “ခွန်အားရှိသောစာ”တဲ့။ ကျွန်တော်တို့ တက္ကသိုလ်ဝင်တန်းတုန်းက သင်ခဲ့ရတဲ့ ဆရာကြီးရဲ့ ဆောင်းပါးထဲမှာ ပါတာ။ အခုတော့ ဂျာနယ် မဂ္ဂဇင်းတွေမှာ အတွေ့ရ များနေတာက ကချော် ကချက်စာတွေ၊ ချိနဲ့တဲ့ စာတွေ ဖြစ်လို့နေပါတယ်။ အဲဒါတွေကို ဖတ်ပြီး စိတ်ဆင်းရဲနေရှာသူ မြန်မာကြီးတစ်ယောက်က မြန်မာစာပေ ပြန်လည် အညွန့်လူလာရေးအတွက် အပင်ပန်းခံ ရှာဖွေတင်ပြထားတဲ့ စာအုပ်ဖြစ်တာမို့ မြန်မာကို ချစ်သူတိုင်း၊ မြန်မာစာချစ်သူတိုင်း၊ မြန်မာစကားပြောသူတိုင်း၊ အိုဗျာ… မြန်မာတိုင်း ဖတ်ကြည့်သင့်တဲ့ စာအုပ်လို့ပဲ ညွှန်းလိုက်ချင်လှပါတယ်။

စာအုပ်ထဲမှာ မြန်မာစကား အသုံးအနှုန်း၊ ဥပစာနဲ့ ဆိုရိုး အထွေထွေ စုစု ပေါင်း ၁၅၁ခု ပါဝင်ပါတယ်။ စာအုပ်အဆုံးမှာ အက္ခရာစဉ် အညွှန်းလည်း ပါတာမို့ လေ့လာသူများအတွက်လည်း အဆင်ပြေမှာပါ။

အဲဒီ့ ၁၅၁ခုထဲက နမူနာတစ်ခုကို ကောက်နုတ်ပြပါရစေဦး။ အမှတ်စဉ် ၁၀၉က “ထိကပေါက်”တဲ့။ အဲဒါကို အခုလို ဖွင့်ဆိုထားပါတယ်။

သည်ခေတ်မှာ မတွေ့ရတော့တဲ့ စကားပါ။ ကွယ်ပျောက်သွားပြီလို့ ယူဆရတော့မှာပါ။ ကျွန်တော်တို့ ငယ်ငယ်က အထိတော့ မန္တလေးဘက်မှာ သုံးတတ်ကြပါသေးတယ်။ ခုခေတ်တော့ ခါးပတ်ခေါင်းလို့သာ ခေါ်နေကြပါတော့တယ်။ ဆရာကြီး ရွှေဥဒေါင်း ဘာသာပြန်ထားတဲ့ ချားလ်ဒစ်ကင်ရဲ့ “မျှော်တလင့်လင့်” ဝတ္ထုထဲမှာ “… ကျွန်ုပ်ကမူ ခါးပတ်အတွက် ထိကပေါက် နမူနာဖြစ်သည်ဟု ထင်မိ၏”လို့ ရေးသား သုံးနှုန်းထားပါတယ်။ (စာ – ၈၈)

ဒါနဲ့တင် သည်စာအုပ်ထဲက မြန်မာစကား အသုံးအနှုန်းလေးတွေ ဘယ့်ကလောက် စိတ်ဝင်စားဖို့ ကောင်းတယ်ဆိုတာ စာဖတ်သူလူကြီးမင်းများ ရိပ်စားမိတန်ကောင်းပြီ ဖြစ်သလို ကျွန်တော့်ရဲ့ မြန်မာတိုင်း ဖတ်သင့်တယ်ဆိုတဲ့ အညွှန်းစကားကိုလည်း သဘောမျှနိုင်သွားလောက်ပါပြီ။

အဲဒီ့စာအုပ်ထဲမှာ ဆရာလူထုစိန်ဝင်း ရေးထားတာလေးနဲ့ပဲ နိဂုံးချုပ်ပါရစေ။


မှေးမှိန်တာ ကြာသွားရင် ပျောက်သွားတော့မှာပါ။ သည်လိုနဲ့ ပျောက်ကွယ်သွားတဲ့ စကားတွေ နည်းသလား။ ပျောက်သင့်လို့ ပျောက်သွားတာကိုတော့ ဝမ်းနည်းနေဖို့ မရှိပါဘူး။ ခေတ်နဲ့ မလျော်ညီတော့တဲ့ အဟောင်းတွေ မှန်သမျှ ချုပ်ငြိမ်းကွယ်ပျောက်ရတော့မှာပါ။ မပျောက်သင့်တဲ့၊ ခေတ်နဲ့အပ်စပ်သေးတဲ့၊ လှပတဲ့ အသုံးအနှုန်းတွေ ကွယ်ပျောက် မသွားစေဖို့အတွက် ဝိုင်းဝန်းထိန်းသိမ်းသင့်ကြပါတယ်။ စာရေးနေတဲ့သူတွေ အားလုံးမှာလည်း တာဝန်ရှိပါတယ်။ နိုင်ငံခြား စကားလုံးတွေအတွက်လည်း မြန်မာ စကားလုံးတွေ တီထွင်ပေးသင့်ပါတယ်။ အင်္ဂလိပ်စကားလုံးတွေကို ဖြစ်နိုင်သမျှ ထည့်မရေးသင့်ပါဘူး။
(စာ-၁၀၁-၁၀၂)

အားလုံးတွေးဆ ဆင်ခြင်ကြည့်နိုင်ကြပါစေ

စာအုပ်အမည်     –     ပျောက်ကွယ်လုနီးပါး မြန်မာစကားများ – နန်းစကား မန်းစကား မြန်မာတို့ရဲ့ မြန်မာစကား
ရေးသူ                 –    လူထုစိန်ဝင်း
မျက်နှာဖုံး            –    သန်းမြင့်အောင်
စာမူခွင့်ပြုအမှတ်      ၄၀ဝ၇၀၆၀၅၀၇
ထုတ်ဝေသူ         –    လင်းဦးတာရာ စာအုပ်ထုတ်ဝေရေး
ပုံနှိပ်ခြင်း             –    ပထမအကြိမ်၊ ၂၀ဝ၆ခုနှစ် ဇန်နဝါရီ
တန်ဖိုး                 –    ကျပ် ၈၀ဝ

———————————————————————————————

(၂၀၀၇ခုနှစ် ဇူလိုင်လ နောက်ဆုံးပတ်အတွင်းမှာ ထုတ်ဝေခဲ့တဲ့ “အတွေးသစ်”ဂျာနယ်ရဲ့ စာအုပ်အညွှန်းကဏ္ဍမှာ ဆူဒိုနင်အမည်နဲ့ ဖော်ပြခဲ့တဲ့ ဆောင်းပါးဖြစ်ပါတယ်။ ဆရာ လူထုစိန်ဝင်းပြောတဲ့ “စာရေးသူအားလုံး”ဆိုတဲ့ စကားရပ်မှာ  စာတွေကို ရေးနေကြတဲ့ ဘလော့ဂါတွေလည်း ပါဝင်မှာဖြစ်တဲ့အကြောင်း ဖြည့်စွက် အဆိုပြုလိုက်ပါရစေလားခင်ဗျား)

Advertisements
6 Comments leave one →
  1. 16 August 2009 1:23 am

    ဟုတ်ကဲ့.. လေ့လာပါ့မယ်။ စာအုပ်ပို့ပေးမယ့်လူရှိရင် ဒါမှမဟုတ် ဒီမှာ ၀ယ်လို့ရရင်ပေါ့။ E book ရောင်းတဲ့ service ရှိရင်လည်း ကောင်းမယ်ဗျာ။

  2. 16 August 2009 1:27 am

    အဲ.. ပြောရင်းနဲ့ အင်္ဂလိပ်လို ညှပ်သုံးမိပြန်ပြီ။ ဆိုလိုတာက လျှပ်စာအုပ် ရောင်းသော ၀န်ဆောင်မှုရှိရင် ကောင်းမယ်လို့ ဆိုလိုတာပါ။ 🙂

    (ကျနော်တို့ ဘလော့ဂါတစ်ဦးဖြစ်တဲ့ သင်ကာ(http://mmthinker.existencemediagroup.com/) က email ကို လျှပ်စာ လို့ဘာသာပြန်ခဲ့ပါတယ်။ 🙂 )

    • lettwebaw permalink
      16 August 2009 2:19 am

      ဒါလေးကို တင်လိုက်တဲ့ ရည်ရွယ်ချက်က လူထုဦးစိန်ဝင်းရဲ့ စာအုပ်ကို ညွှန်းတာထက် မြန်မာစာ မြန်မာစကားကို မတိမ်ကော မပပျောက်အောင် ဘလော့ဂါများ အပါအ၀င် “စာရေးတဲ့သူအားလုံး” ၀ိုင်းဝန်း လုပ်ဆောင်စေလိုတဲ့ စိတ်ရင်းကို အခြေပြုပါတယ်။ သို့ပေမယ့် အရာတိုင်းမှာ အစွန်းကိုတော့ ရှောင်သင့်တယ်လို့ ယူဆပါတယ်။ မော်တော်ကား၊ အင်ဂျင်၊ ဒိုင်နမို၊ ရေပိုက်၊ တယ်လီဖုန်း၊ ဖက်(စ်)၊ ကွန်ပျူတာ၊ ဘလော့ဂါ အစရှိတဲ့ အသံဖလှယ်ပြီး သုံးတာက ပိုထိရောက်တဲ့ ဝေါဟာရတွေကို လိုက်ပြီး မြန်မာမှုပြုနေလို့က အဆင်မပြေနိုင်ပါဘူး။ မြန်မာလို ရေးလို့ရပါလျက်နဲ့ အင်္ဂလိပ်စာတွေ ဇွတ်ညှပ်သုံးကြတာကို ကျွန်တော် ခံတွင်းမတွေ့သလို ဆရာဦးစိန်ဝင်းကလည်း အဲဒါကို ဆိုလိုတာဖြစ်ပါလိမ့်မယ်။ မြန်မာ ဂျာနယ်နဲ့ မဂ္ဂဇင်းတွေမှာ အဲဒါတွေက အတော်ဆိုးနေပါတယ်။ လွန်ခဲ့တဲ့ တစ်နှစ်ကျော်က မြန်မာ တိုင်း(မ်)ဂျာနယ်ထဲက ကြက်ငှက်တုပ်ကွေး သတင်းတစ်ပုဒ်မှာ သည်လိုရေးထားပါတယ်။ “မန္တလေးခရိုင်ဟာ ကြက်ငှက်တုပ်ကွေးရောဂါဖြစ်ဖူးတဲ့ high risk area တွေပါ။ အဲဒီ့ထဲက ပြည်ကြီးတံခွန်၊ အောင်မြေသာစံနဲ့ ချမ်းမြသာစည် မြို့နယ်တွေက high risk အဖြစ်ဆုံးပါ”တဲ့ခင်ဗျား။ အဲဒါမျိုးကို ကျွန်တော်တို့ စိတ်ပျက်မိတာပါ။

      နောက်တစ်ချက်က ငံပြာရည်၊ ဆနွင်းမကင်းဆိုတာတွေဟာ ယိုးဒယားစကားကို အခြေခံသလို အာလူး၊ ချပါတီ၊ ပလာတာ၊ တိုရှည်ဆိုတာတွေကလည်း ကုလားစကားက လာတာပါ။ ဘာသာစကားမှာက အဲသလို ကူးလူးမှု သဘောတွေ ရှိပြီးသားမို့ မျက်စိစုံမှိတ်ပြီး အကုန်ငြင်းပယ်လို့ မရဘူးလို့ ယူဆပါတယ်။ သို့သော် မြန်မာတွေအတွက် မြန်မာလိုရေးရာမှာ “မလိုအပ်ဘဲ” ညှပ်သုံးတာမျိုးကိုသာ ရှောင်ကြဉ်သင့်တယ်လို့ ယူဆပါတယ်ခင်ဗျား။

      “လျှပ်စာ”လို့ “သင်ခါ” မပြန်ခင် ပဝေသဏီ ၂၀၀၀ပြည့်နှစ်လောက်ကတည်းက ကျွန်တော်က အီးမေး(လ်)ကို ဓာတ်ချောစာလို့သာ အစဉ်တစိုက် သုံးစွဲခဲ့ ပါတယ်။ အကြောင်းက မြန်မာစကားအစဉ်အလာနဲ့ ဆိုင်ပါတယ်။ ဓာတ်ကြိုး၊ ဓာတ်ခဲ၊ ဓာတ်စက်၊ ဓာတ်ဆား၊ ဓာတ်ဆီ၊ ဓာတ်တိုင်၊ ဓာတ်ပုံ၊ ဓာတ်ပြား၊ ဓာတ်ဘူး၊ ဓာတ်မီး၊ ဓာတ်မီးခြစ်၊ ဓာတ်မြေသြဇာ၊ ဓာတ်မှန်၊ ဓာတ်ရထား၊ ဓာတ်ရှင်၊ ဓာတ်လှေကား၊ ဓာတ်အား၊ ဓာတ်အိုးအစရှိသဖြင့် လျှပ်စစ် ဒါမှမဟုတ် စက်နဲ့ ပတ်သက်သမျှကို မြန်မာက “ဓာတ်”ခံပြီး သုံးတဲ့ ဓလေ့လေးကို ကျွန်တော် ယူလိုက်တာပါ။ ဓာတ်စာလို့ ပြန်ရင် ဓာတ်ကြီးလေးပါးကို မျှတစေတဲ့ အစာနဲ့ ရောသွားမှာစိုးတဲ့အတွက် “ဓာတ်ချောစာ”လို့ ပြန်ခဲ့ပါတယ်။ မေး(လ်)ဆိုတာကိုက “စာ”လို့ သည်တိုင်း ပြောလို့ ရသည့်တိုင် စကားစပ် မပါရင် ရောကုန် နိုင်တာမို့ “ချောစာ”လို့ ရံခါ သုံးပါတယ်။ ကျွန်တော် မှန်တယ်လို့ ခြေကန်ငြင်းတာ မဟုတ်ပါဘူးခင်ဗျာ။ စဉ်းစားစရာလေးတွေ ပြောကြည့်တာပါ။

      တစ်လက်စတည်းမှာ မိုဘိုင်း(လ်)ဖုန်း/ဆယ်လျူလာဖုန်းကိုလည်း ကျွန်တော်ကဖြင့် “ပါလေရာဖုန်း”လို့ ၁၉၉၆ခုနှစ်လောက်ကတည်းက ယနေ့ထက်တိုင် အစဉ်တစိုက်သုံးစွဲနေကြောင်းလည်း တင်ပြလိုက်ပါတယ်။

      • Aung Maun permalink
        16 July 2014 12:55 pm

        လူထုဦးစိန်ဝင်းရဲ့ စာအုပ်ကိုညွှန်းပေးထားတဲ့ ကိုကြီးကျော်ကို အထူးကျေးဇူးတင်ပါတယ်။ အောင်မောင်းလည်း မြန်မာမှုကို ချစ်မြတ်နိုးလှပေ မယ့် မြန်မာစကားကိုတော့တတ်လှတယ်လို့ တယ်မဆိုနိုင်ပါဘူး။ အဲဒီစာအုပ်ရှာဝယ်ထားပါအုံးမယ်။ ဆွေမျိုးအခေါ်အဝေါ်တွေကတော့ အောင်မောင်းတို့ သီရီခေတ္တရာဘက်မှာ ငယ်စဉ်ကတည်းကသုံးစွဲခေါ်ဝေါ်ခဲ့တာတွေဆိုတော့ အကျွမ်းတဝင်ဖြစ်ခဲ့ပါတယ်။ ဒါပေမယ့် ဆွေမျိုးမရှိတဲ့ မြို့ကြီးပြကြီးကို ရောက်ခဲ့တာ ကြာခဲ့ပြီဆိုတော့ အဲဒီအခေါ်အဝေါ်တွေနဲ့တောင် စိန်းနေခဲ့ပါပြီ။အောင်မောင်းတို့ဆီ မှာတော့ သမီးကလေးကို “လုံမ “သားကို “လူလေး”လို့ခေါ်လေ့ရှိပါတယ်။ အဲဒီတော့ မြို့မှာမွေးတဲ့ ကျွန်တော့်သမီးက လုံမ ရေ လို့အခေါ်ခံရတဲ့အခါ သားက လူလေး ရေလို့ အခေါ်ခံရတဲ့အခါ နဲနဲထူးဆန်းနေပုံပြနေလို့ ဇာတိမြေက အခေါ်အပြောလေးတွေကို မြတ်နိုးလွန်းလို့ ဆိုတာလေးကို ရှင်းပြထားရပါတယ်။ အင်းဂလစ်ရ်ှကိုဝါသနာထုံလှ ပေ မယ့် မြန်မာစာသည် တို့စာ မြန်မာစကားသည်တို့စကား ဆိုတဲ့ ကြွေးကြော်သံကို အောင်မောင်းတို့က ဘယ်အခါမျှ ပစ်ပယ်မည်မဟုတ်ပါကြောင်း ခင်ဗျာ။

  3. 16 August 2009 3:21 am

    ဆရာရေ … ဆရာ့ဆောင်းပါးကို သဘောတူပါတယ်။ သို့သော် …
    အထက်က ကွန်မန့်ထဲမှာပြောလို မလိုအပ်ဘဲ ဘာသာပြန်တာတော့ ကျမအနေနဲ့ သိပ်သဘောမတွေ့မိဘူးရှင့်။
    အီးမေးလ်ကို အီးမေးလ်ပြောလိုက်တာက လူတိုင်းနားလည်နေတာမို့ ဓာတ်ချောစာ (သို့) လျှပ်စာလို့ ပြန်နေဖို့ မလိုအပ်ဘူးထင်ပါတယ်။
    အဲဒီကိစ္စနဲ့ ပတ်သက်ပြီး ဒီရက်ပိုင်းလေးတင်ပဲ မိတ်ဆွေတယောက်နဲ့ ပြောဖြစ်ခဲ့ကြတယ်။
    သူက အာအိုင်တီမှာ ကျောင်းတက်နေတုန်း သင်ရတဲ့ Machine design ဘာသာရပ်က ခက်ခဲတဲ့အတွက် မြန်မာလိုပြန်ထားတာကို ပန်းဆိုးတန်းက ရှာဝယ်ခဲ့တယ်တဲ့။
    အဲဒီစာအုပ်ဖတ်ပြီး ပိုလည်သွားပါသတဲ့။ စာအုပ်ထဲမှာ ပြန်ထားတာတွေကို သူက ခုလို ဥပမာပြောပြတယ်။
    double integration ကို သမူဟ ၂ ခါပြုခြင်း …
    stress ကို ဒဏ်အား …
    power transmission shaft ကို အားသွယ်ပြောင်းဝင်ရိုးတံ …
    စသဖြင့် ပြန်ထားတော့ အဲဒီလိုဘာသာပြန်စာကို ဖတ်ရတာက ကျောင်းသားတွေအတွက် ပိုခက်ခဲစေပါတယ်။
    ကျမတို့ ခေတ်မှာတော့ ရူပ၊ ဓာတု၊ ဘိုင်အို အားလုံးအင်္ဂလိပ်လိုပဲ သင်ရကျက်ရတော့ အဆင်ပြေတယ်။
    ဆိုလိုတာက နေရာတကာ ဘာသာလိုက်ပြန်နေရင် အဆင်မပြေမှုလေးတွေ ရှိတတ်လို့ပါ။
    ကားကို ကားလို့ခေါ်တာက လူတိုင်းနားလည်နေသလိုပေါ့။ ဘီးလေးလုံးပါသည့် စက်တပ်ယာဉ် ဆိုရင် မလိုအပ်ဘဲ ရှည်လျားထွေပြားနေတော့ လိုရင်း မရောက်တော့ဘူးလေ။
    ကျမကတော့ အီးမေးလ်ကို အီးမေးလ်၊ အင်တာနက်ကို အင်တာနက်၊ မိုဘိုင်းဖုန်းကို မိုဘိုင်းဖုန်း ဒီလိုပဲ ခေါ်လိုက်တာက ပိုအဆင်ပြေမယ်လို့ …. ထင်တာပါပဲ ဆရာရေ။

  4. 16 August 2009 1:42 pm

    ခုလို မြန်မာစကားနဲ့ပတ်သက်ပြီးရေးပြထားတာအတွက် ကျေးဇူးတင်ပါတယ် ။ ကျနော်လည်း မြန်မာလိုရေးကြတဲ့သူတွေ အင်္ဂလိပ်လိုညှပ်သုံးရင် စာလုံးပေါင်းမှားတာတွေ ၊ အသုံးအနှုံးမှားတာတွေ တွေ့ရင် သိပ်စိတ်ပျက်မိပါတယ် ။ နောင်ဆို မြန်မာတွေ အင်္ဂလိပ်လိုအသုံးအနှုံးတွေမှာ တရုတ်ပြည်မှာ တရုတ်တွေ အင်္ဂလိပ်လိုအသုံးအနှုံးမှားသလို ဖြစ်လာနိုင်တယ် ။

    http://www.petergreenberg.com/2007/09/10/signs-in-china-a-guide-to-understanding-common-engrish-expressions/

    တချိန်တနည်းမှာ မမေဓာဝီပြောသလို တချို့အသုံးအနှုံးတွေ အထူးသဖြင့် ပညာရပ်ဆိုင်ရာပိုင်းမှာသုံးတဲ့ဟာတွေကျတော့ မြန်မာစကားမှာမရှိတော့ မြန်မာလိုပြန်ရေးနေရင် လိုရာကိုနားမလည်နိုင်ပဲ ပိုဆိုးနိုင်ဖွယ်ရှိတယ် ။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: