How Honest Are Couples, Really?

k0963922

တော်တော်တန်တန် ဘယ်သူမှ comment မရေးမယ့် Post မျိုးကို တင်ဆက်လိုက်ရပြန်ပါတယ်

အိမ်ထောင်ရှင်တွေ ဘယ်လောက်များ ရိုးသားကြပါသလဲ

ပိုက်ဆံ ဘယ်လောက်သုံးလိုက်တယ်ဆိုတာ ယောက်ျား မသိအောင် ပစ္စည်းပေါ်မှာ ကပ်ထားတဲ့ ဈေးနှုန်းစက္ကူကိုများ ခွာဖူးကြပါသလား။ ဒါမှမဟုတ်၊ ကလေးတွေရဲ့ ကိစ္စတစ်ခုခုကို ဖအေကြီး မသိအောင် ဖုံးထားတာမျိုးရော ရှိလား။ ဒါမှမဟုတ်ရင်လည်း တခြားတစ်ယောက်ယောက်ကို ဖျိုးခနဲ၊ ဖျတ်ခနဲ စိတ်ကစားမိသွားတာကို ခပ်မဆိတ် နေလိုက်ဖူးသလား။

အဲသလိုဆိုရင် အားတက်စရာ စကားလေးတစ်ခွန်း ပြောလိုက်ချင်စမ်းတယ်။ “အဲဒါ ခင်ဗျားတစ်ယောက်တည်း မဟုတ်ဘူးဗျို့”လို့။

အဲ… ဒါပေမယ့် သက်တမ်းကလေး အထိုက်အလျောက် ရင့်မာလာတဲ့ ကျွန်တော့် လူမှုရေး အတိုင်ပင်ခံ သက်တမ်းမှာတော့ ပြဿနာ တက်နေတဲ့ အိမ်ထောင်ရေးတွေရဲ့ အဓိက အကြောင်းရင်းခံဟာ ရိုးသား ပွင့်လင်းမှု နည်းပါးလွန်းလို့ ဖြစ်နေရတာချည်း တွေ့ရပါတယ်။ ကျွန်တော်ကိုယ်တိုင်ရဲ့ အိမ်ထောင်ရေးမှာကျတော့ အတော့်ကို ခိုင်မာတယ်လို့ ဆိုနိုင်တယ်။ တကယ့် ရေစိမ်ခံ အကြမ်းခံ အိမ်ထောင်ရေးဘဝလို့ ဆိုနိုင်တယ်။ သည်အခါ ကျွန်တော့်ကို အောင်မြင်တဲ့ အိမ်ထောင်ရေးရဲ့ သော့ချက်က ဘာလဲလို့ မေးလာမယ်ဆိုရင် ရိုးသား ပွင့်လင်းမှုလို့သာ တန်းဖြေမှာပါ။ ဒါက အတွေ့အကြုံအရ ပြောလိုက်တာဖြစ်ပါတယ်။

တစ်ဖက်ကလည်း ဖတ်မှတ် လေ့လာထားသမျှ စာသိနဲ့ ပြောရရင်လည်း အိမ်ထောင်ရေး အတိုင်ပင်ခံတိုင်းကလည်း ကျွန်တော့်လိုပဲ ရိုးသား ပွင့်လင်းမှုကသာ အခရာဆိုတဲ့ အဖြေကို တစ်ညီတစ်ညွတ်တည်း ပြောကြတာ တွေ့ရ ပါတယ်။

ဒါပေမယ့်လည်း လက်တွေ့ဘဝထဲက အိမ်ထောင်ရေး ၁၀ဝ မှာ ၉၀ လောက်က အိမ်ထောင်ဖက်ချင်း မရိုးသားကြ၊ မပွင့်လင်းကြ၊ မြုံစိစိနိုင်နေကြ၊ မအုံမနွေး လုပ်နေကြ၊ ဖုံးကွယ် သိုဝှက်ထားကြတာတွေက များပါ တယ်။ သည်အခါမှာ ဘာတွေကို မြုံထား၊ ဖုံးထားတတ်ကြပြီး ဘာတွေကိုကျတော့ ပွင့်ပွင့်လင်းလင်း ဖွင့်ပြောတတ်ကြသလဲဆိုတာကို စူးစမ်းကြည့်တဲ့ ဆောင်းပါးတစ်ပုဒ်ကို ဖတ်မိရပြန်တဲ့အခါ စာဖတ်သူများကို မျှဝေပေးချင်လာရပြန်တယ်။

ယောက်ျားနဲ့မိန်းမ၊ ဘယ်သူက ပိုပွင့်လင်းသလဲ?

အခြေခံက စပြောမယ်ဆိုရင် အိမ်ထောင်ရေးမှာ စကားအပြောဆုံး လူသားတွေက မိန်းမသားတွေပါ။ အထူးသဖြင့် ကိုယ့် အိမ်ထောင်ရေး အကြောင်းများ ပြောကြစတမ်းဆိုရင် အမျိုးသမီးတွေက ရှေ့တန်းကနေ ကရားရေလွှတ် ပြောတတ်ကြပါတယ်။ စစ်တမ်းတစ်ခုအရဆိုရင် အမျိုးသမီး ၈၃ရာခိုင်နှုန်းက “ကျွန်မတို့အိမ်ထောင်အကြောင်း ပြောရအောင်နော်…” ဆိုတဲ့စကားမျိုးနဲ့ အစချီပြီး ကိုယ့်အိမ်ထောင်ရေး အခြေအနေကို ကိုယ့်လင်သားနဲ့ ပွင့်ပွင့်လင်းလင်း ဆွေးနွေး တိုင်ပင်ဖို့ ဆောင်ရွက်ကြတယ်လို့ တွေ့ရပါတယ်။


အဲ… သို့ပေမယ့်လည်း အမျိုးသား ၅၇ ရာခိုင်နှုန်းကသာ သူတို့ မိန်းမတွေက သည်ကိစ္စကို ပြောဖို့ အစချီတတ်ကြတယ်လို့ ယူဆပါသတဲ့။
ဘာကြောင့် ကိန်းဂဏန်းတွေက အဲသလောက်ကြီး ကွာခြားနေတာလဲ။

“ကိုယ်လိုချင်တဲ့အချစ်ကိုရယူခြင်း –  စုံတွဲများအတွက် လမ်းညွှန်”ဆိုတဲ့ စာအုပ်ကို ရေးသားတဲ့ အိမ်ထောင်ရေးပါရဂူ ဟာဗှစ်လ် ဟဲန်ဒြစ်ခ်စ်က ဖြေပါတယ်။ “ယောက်ျားတွေဟာ သူတို့ ရင်ဆိုင်ကြုံတွေ့နေရတဲ့ ပြဿနာတွေကို သွယ်ဝိုက်တဲ့နည်းနဲ့ ဖော်ပြတတ်ကြတယ်။ အဲသလို ပြတတ်တဲ့ အတွက် အိမ်ထောင်ရေး ပြဿနာတွေ ရှိနေတဲ့အခါမှာလည်း ဆွေးနွေးဖို့ အစဖော်သူလို့ သူတို့ကိုယ်သူတို့တော့ ထင်ကုန်တတ်ကြတာပါပဲ။ တကယ်တမ်းကျတော့ ယောက်ျားတွေအတွက်က ကိုယ့်ခံစားချက်ကို စကားလုံးတွေနဲ့ ဖော်ကျူးဖို့ မိန်းမတွေထက် အပုံကြီး ပိုခက်တာလည်း အမှန်ပဲ”တဲ့။


စစ်တမ်းအရတော့ ပြဿနာတွေကို ဆွေးနွေးဖြစ်တဲ့ဆီအထိ သယ်ဖြစ်လာဖို့ တွန့်ဆုတ်နေတတ်တာဟာ ယောက်ျားတွေ၊ မိန်းမတွေရဲ့ အသက် အရွယ်နဲ့ သိပ်မဆိုင်လှတာကို တွေ့ရပါတယ်။

“စကားပြောတယ်ဆိုတာ ကောင်းပါတယ်။ ဒါပေမယ့် အရာရာကို ပြောဖို့ဆိုတာကကျတော့ဗျာ…။ ဘာပဲဖြစ်ဖြစ်လေ၊ သူနဲ့ ကိုယ်နဲ့ကြားမှာ ကိုယ်ပိုင်ဘဝဆိုတာတော့ ရှိသင့်ပါတယ်”လို့ အိမ်ထောင်သက် ၁၆ နှစ် ရှိတဲ့ လင်သားတစ်ယောက်က ဆိုပါတယ်။


အိမ်ထောင်သက် ၃၃ နှစ် ရှိပြီဖြစ်တဲ့ အမျိုးသမီးတစ်ယောက်ကတော့ “ကျွန်မတို့ အိမ်ထောင်ရေးမှာ ပြဿနာတွေကို ကွေ့ကွေ့ကောက်ကောက် လိမ်လိမ်ဖယ်ဖယ်နည်းနဲ့ ရင်ဆိုင်ဖြစ်တတ်ကြပါတယ်။ ဆိုလိုတာ ပြဿနာအကြောင်းကို တိုက်ရိုက် မဆွေးနွေးဖြစ်ဘဲ ဝေ့လည်လည် လုပ်ဖြစ်နေတယ်ပေါ့။ ကျွန်မ မိဘတွေလောက်တော့လည်း မပွင့်လင်းကြဘူးပေါ့ရှင်”တဲ့။

“ကျွန်တော့်မိန်းမကပဲ နေရာတကာမှာ ပြောတာပါဗျာ။ သူပြောလို့ ဝတော့မှ ကျွန်တော်က ပြောတာပါ”လို့ အိမ်ထောင်သက် ၄၃ နှစ် ရှိတဲ့ အမျိုးသားတစ်ယောက်က ပြောပြန်တယ်။

အိမ်ထောင်ဖက်တွေ ပြောမပြနိုင်တာတွေက ဘာတွေလဲ?

အဲဒီ့စစ်တမ်းမှာ အံ့ဩစရာကောင်းသွားတာက “ပြောဖြစ်ခဲ့ရင် သိပ်ကောင်းမှာ”လို့ အိမ်ထောင်သည် အတော်များများ၊ အထူးသဖြင့် ယောက်ျားတွေက တဖွဖွ ပြောကြတာပါပဲ။ ယောက်ျားတွေ သိပ်မြုံစိစိ လုပ်တတ်တာပဲလို့ အမျိုးသမီး အစဉ်အဆက်က ညည်းညူတတ်တဲ့ကြားကပဲ စစ်တမ်းအရ တွေ့ရှိရချက်ကတော့ ယောက်ျားတွေလည်း ဘောလုံးပွဲ အကြောင်း၊ ပိုက်ဆံရှာတဲ့အကြောင်းထက်တောင် ကိုယ့်အိမ်ထောင်ရေး အကြောင်းကို ပိုလို့ နက်နက်နဲနဲ ပြောချင်တာကို တွေ့ရပါတယ်။ အဲ… ပြဿနာက သူတို့ ဘယ်လို ပြောရမှန်း မသိကြတာပါပဲ။


စစ်တမ်းအရ အကြီးမားဆုံး အုပ်စုလို့ ပြောနိုင်တဲ့ ၃၈ရာခိုင်နှုန်းသော ယောက်ျားများဟာ သူတို့ရဲ့ ဇနီးမယားတွေက သူတို့ကို အခုထက် ပိုပြီး ယုယုယယ ကြင်ကြင်နာနာ ရှိစေချင်တယ်လို့ ဆိုပါတယ်။ အဲသလို ကြင်နာ ယုယမှုပေးဖို့ကိုလည်း သူတို့ နှုတ်က ရဲရဲရင့်ရင့် ထွက်ဖြစ်ခဲ့ရင် သိပ်ကောင်းမှာလို့လည်း ပြောကြပါတယ်။ သည်နေရာမှာ ကြင်နာယုယမှုဆိုတာဟာ ဖိုမဆက်ဆံရေးကိစ္စနဲ့ မဆိုင်ပါဘူး။


ခင်ပွန်းသည် ပါမောက္ခ ဂျောန် ဂေါ့ထ်မယ်န်နဲ့ တွဲဖက်ပြီး ဆီယက်တယ်လ် ဂေါ့တ်မယ်န် တက္ကသိုလ်နဲ့ အိမ်ထောင်ရေးဆေးခန်း တည်ထောင်ခဲ့တဲ့ စိတ်ပညာ ပါမောက္ခ ဂျူလီ ဂေါ့တ်မယ်န်ကတော့ “ယောက်ျားတွေဟာ ယုယ ကြင်နာမှုကို လိုချင်တယ်လို့ ပြောရမယ့် လူစားတွေ မဟုတ်ဘူးလို့ တစ်သက်လုံး စွဲမှတ်ထားကြပါတယ်။ ထွေးပိုက်တာ၊ ယုယကြင်နာတာကို ခံချင်တယ်လို့ ပြောတာဟာ ပျော့နွဲ့နွဲ့ယောက်ျားတွေမှ ပြောတတ်တဲ့ စကားမျိုးလို့  စွဲနေကြတာကလား။ အဲတော့ ယုယပါ၊ ကြင်နာပါလို့ ပါးစပ်က ပြောထွက်တဲ့ ယောကျာ်းက လက်တွေ့မှာ ဘယ်နှယောက်ရှိမှာလဲ”လို့ ပြောပါတယ်။


သည်နေရာမှာ အိမ်ထောင်သည် ယောက်ျားတွေကို ဆိုလိုတာပါ။ အိမ်ထောင်မကျခင်မှာတော့ ယောက်ျားတွေဟာ ကိုယ့်ကို ကြင်နာပါလှည့်၊ ယုယပါလှည့်၊ သနားပါလှည့်နဲ့ တစာစာ အော်ဟစ် မြည်တမ်းဖို့၊ မျက်ရည်ကျပြဖို့ ဝန်မလေးတတ်ကြပေမယ့် တကယ်တမ်း အိမ်ထောင်ရေးတစ်ရပ်ကို တည်ဆောက်ပြီးချိန်မှာတော့ အဲသလို စကားမျိုးတွေ ပြောလိုက်၊ မျက်ရည်လေး ဝဲပြလိုက်ရင်ပဲ မဟာယောက်ျားမာန မြေသို့ ခတော့မယ့်အတိုင်း ဖြစ်ကုန်တတ်ပါတယ်။ ဒါကို ပြောတာပါ။

၂၆ရာခိုင်နှုန်းသော ယောက်ျား မိန်းမများကတော့ “ကိုယ်နဲ့ပတ်သက်တဲ့ မေးခွန်းတွေ၊ ကိုယ့်အကြောင်းတွေကို သူက ကိုယ့်ကို ဖွင့်မေးစေချင်တယ်”လို့ ပြောပါတယ်။ ဒါဟာ လင်နဲ့ မယားကြားမှာ ဆက်ဆံရေး ပိုမို ပွင့်လင်းလာအောင် လုပ်ဆောင်ရာမှာ အင်မတန် အကျိုးများစေနိုင်တဲ့ နည်းပါ ပဲ။ “မသိ မေး၊ မစင် ဆေး”လို့ ဆိုတဲ့ စကားအတိုင်းပါပဲ။ တစ်ယောက်အကြောင်း တစ်ယောက် ပိုသိချင်ရင် များများ မေးနိုင်မှ တန်ကာကျမှာပါ။


အဲ… အိမ်ထောင်ရေးတွေမှာ တချို့ကိစ္စတွေကို ဗြောင် ဖွင့် ဆွေးနွေးရ တာခက်လှပေမယ့် တချို့ကိစ္စတွေကျတော့လည်း တစ်ချိန်လုံးကို ပြောဖြစ်နေ တတ်ပြန်ရော။ ၄၁ ရာခိုင်နှုန်းသော မိန်းမတွေနဲ့  ၂၉ ရာခိုင်နှုန်းသော ယောက်ျားတွေ ဂျီကျတတ်တာကတော့ ဖရိုဖရဲနဲ့ ရှုပ်ပွနေအောင် ကပျစ်ကညစ် နေတတ်တဲ့ကိစ္စဟာ အဓိကဖြစ်နေတာကို တွေ့ရပြန်ပါတယ်။ ဒုတိယ ဂျီကျတတ်တဲ့ ကိစ္စကတော့ “သိပ်ဝလာပြီ၊ ပိန်အောင်လုပ်စမ်းပါ”ဆိုတာနဲ့ “မင်း ငါ့ကို မဝေဖန်နဲ့”/“တော် ကျုပ်ကို မဝေဖန်နဲ့”ဆိုတဲ့ စကားများပါပဲတဲ့။

“လျှို့ဝှက်တတ်တဲ့ ယောက်ျားနဲ့ ကျွန်မ ညားခဲ့တာပါပဲရှင်၊ ကျွန်မတို့ အိမ်ထောင်ရေးလည်း သူ့လျှို့ဝှက်ချက်တွေနဲ့ပဲ နလံမထူတော့ပါဘူး”လို့ အိမ်ထောင်သက် ဆယ်နှစ် ရှိသူ အမျိုးသမီးတစ်ယောက်က ပြောပါတယ်။

အိမ်ထောင်သက် ၃၇ နှစ် ရှိသူ အမျိုးသမီးတစ်ဦးကတော့ “ကျွန်မတို့ လင်မယား အတူနေဖြစ်တဲ့ အချိန်က တော်တော် များပါတယ်။ ကျွန်မ ထင်တယ်လေ၊ အခုခေတ်မှာ လင်မယား တော်တော်များများက ကျွန်မတို့လို အတူနေဖြစ်တဲ့အချိန် သိပ်မရှိကြဘူးလား မသိ…”တဲ့။

ဘာတွေကို အများဆုံး လျှို့ဝှက်ထားဖြစ်တတ်ကြလဲ?

စစ်တမ်းမှာ ပါဝင်ခဲ့ကြသူတွေထဲမှာ ကိုယ့်အိမ်ထောင်ဖက် မသိအောင် လျှို့ဝှက် ဖုံးကွယ်ထားတာတွေ ရှိလားလို့ မေးကြည့်ပြန်တဲ့အခါ ယောက်ျား ၄၂ ရာခိုင်နှုန်းနဲ့ မိန်းမ ၃၆ ရာခိုင်နှုန်းက သိပ်ရှိတာပေါ့လို့ ဖြေကြပါတယ်။


အထူးသဖြင့်ကတော့ ရာထူးရာခံ ကြီးကြီးသမားတွေနဲ့ ဝင်ငွေ တအားကောင်းသူတွေရဲ့ အိမ်ထောင်ရေးတွေမှာဆို ပိုတောင်ဆိုးသေးတယ်လို့ ဆိုပါတယ်။ “တိုးတိုးဖော်အဖြစ် နေခွင့်ရတဲ့ အချိန် နည်းသွားလေလေ၊ ယုံကြည် ကိုးစားမှုလည်း လျော့ပါးလေလေဖြစ်ကုန်ပါတယ်။ လူတွေမှာ ဗာဟီရတွေ သိပ်များလာ၊ စားလည်း အလုပ်၊ သွားလည်း အလုပ်နဲ့ အလုပ် တအား များလာတဲ့အခါ လင်နဲ့မယား အေးအေးလူလူ မနေဖြစ်၊ မတွေ့ဖြစ်၊ မပြောဖြစ်ကြတော့ဘူး။ အဲဒီ့အခါကျတော့ တစ်ယောက်နဲ့ တစ်ယောက်လည်း ယုံကြည်ကိုးစားမှုတွေ လျော့လာတော့တာပါပဲ”လို့ ဂျူလီ ဂေါ့တ်မယ်န်က ပြောပါတယ်။


အိမ်ထောင်သက် အကြာဆုံး အဖိုးကြီး၊ အမယ်ကြီး စုံတွဲတွေမှာက အဲသလို တစ်ယောက်နဲ့ တစ်ယောက် ဖုံးထားတာက သာတောင် များသေးတယ်လို့ ဆိုပါတယ်။ ဒါကတော့လည်း ကိုယ့်ကိုယ်ကိုယ် ဝေဖန်ရေး လုပ်တာ ခေတ်မစားသေးခင်ကာလမှာ လူလားမြောက်လာတာနဲ့ တစ်နည်းတစ်ဖုံ သက်ဆိုင်နေနိုင်ပါတယ်။

အဲ… အိမ်ထောင်ရေးတွေမှာ အဖုံးကွယ်ဆုံး၊ အမှန်မပြောဆုံး ကိစ္စက ဘာလဲဆိုတော့ ဝယ်လာတဲ့ ပစ္စည်းကို ဘယ်လောက် ပေးခဲ့ရတယ် ဆိုတာပါပဲတဲ့ ခင်ဗျား။ အဲဒီ့ မုသာဝါဒကံကိုတော့ ယောကျာ်းမိန်းမ ထက်ဝက် နီးပါး (၄၈ရာခိုင်နှုန်းက) ကျူးလွန်ဖြစ်နေတယ်လို့ ဝန်ခံကြပါတယ်။
ဒါဟာ အနီကတ်ပြလောက်အောင် အင်မတန့်ကို အံ့ဩစရာကောင်းတဲ့ ကိန်းဂဏန်းပါပဲလို့ ဂျော်န် ဂေါ့တ်မယ်န်က ပြောပါတယ်။ “သည်နေရာမှာ ရိုးသားဖြောင့်မတ်မှုနဲ့ ယုံကြည်ကိုးစားမှုက အတော် စကားပြောသွားပြီ။ ငွေဆိုတာ လွတ်လပ်မှု၊ ငွေဆိုတာ ဩဇာအာဏာပါ။ သည်ကြားထဲကပဲ၊ ငွေရေးကြေးရေးနဲ့ ပတ်သက်လာရင် ယောက်ျားတွေရော၊ မိန်းမတွေပါ လိမ်ဖို့ ဝန်မလေးတာဟာ တော်တော့်ကို စိတ်ဝင်စားစရာကောင်းတယ်”လို့ သူက ဆိုပါတယ်။

ဒုတိယ အလုပ်ဖြစ်ဆုံး လျှို့ဝှက်ချက်ကတော့ ကလေးရဲ့ အမူအကျင့်၊ ဒါမှမဟုတ် ရမှတ်တွေနဲ့ ပတ်သက်လာရင်လည်း ဖုံးကွယ် လိမ်ညာတတ် ကြတာကို တွေ့ရပြန်တယ်။ ဒါကတော့ အိမ်ထောင်ရှင်အမျိုးသမီးတွေ (၁၈ ရာခိုင်နှုန်း)က သူတို့ ခင်ပွန်းသည်တွေ မသိအောင် အများဆုံး ဖုံးထားတဲ့ ကိစ္စပါပဲ။


စစ်တမ်းမှာတွေ့ရတဲ့အထဲက ဝမ်းနည်းစရာ အကောင်းဆုံး အချက်တစ်ချက်ကတော့ ၂၀ ရာခိုင်နှုန်းသော ယောက်ျားတွေဟာ မိမိတို့ရဲ့ လုပ်ငန်းခွင်မှာ ရင်ဆိုင်ရတဲ့ ကျဆုံးမှုများကို ကိုယ့်ဇနီးသည်ကို ပြောမပြဘဲ ဖုံးထားတတ်ကြပါပဲ။ “သည်နေရာမှာ ယောက်ျားတွေရဲ့ ဘဝင်က အခရာပါပဲ”လို့ ”ကိုယ်လား၊ မင်းလား”ဆိုတဲ့ စာအုပ်ကို ရေးခဲ့သူ နယူးယောက် မြို့က စိတ်ပညာရှင် “စကော့တ် ဝက်တ်ဇလာ”က ပြောပါတယ်။
ယောက်ျား ၆ ရာခိုင်နှုန်းနဲ့ မိန်းမ ၃ ရာခိုင်နှုန်းကကျတော့ အစားအသောက် ပျက်နေတာ၊ ဒါမှမဟုတ်လည်း တရားလွန် စားဖြစ် သောက်ဖြစ် နေတာကို မပြောဘဲ ဖုံးထားကြပြန်သတဲ့။ တစ်မျိုးကြီးပဲနော်။

ကိုယ့်ရဲ့ အဆက်ဟောင်းအကြောင်းကို ကိုယ့်အိမ်ထောင်ဖက်က သိရဲလား?

တကယ်တော့ ကိုယ့်အိမ်ထောင်ဖက်ရဲ့ အတိတ်ဇာတ်လမ်းကို စပ်စုချင်တတ်တာဟာ လူ့သဘာဝပါပဲ။ ဒါပေမယ့် အိမ်ထောင်ဖက်တွေအနေနဲ့ကျ သည်ကိစ္စကို ဘယ်လောက် ပြောဖြစ်ကြလဲဆိုတာ စဉ်းစားစရာပါ။

အဆက်ဟောင်းတွေအကြောင်း ယောက်ျားတွေ သိရဲ့လားလို့ မေးတဲ့အခါ အိမ်ထောင်ရှင်အမျိုးသမီး ၆၂% က “ဒါတွေကို ကျွန်မယောက်ျား အကုန် သိပြီးသားပါ”လို့ ပြောကြပေမယ့် အဲသလို အိပ်သွန်ဖာမှောက် ပြောပြီးသားပါလို့ ဖြေတဲ့ ယောက်ျားကျ ၅၂% သာ ရှိပါတယ်။ နောက်ထပ် ၃၈%သော ယောက်ျားတွေကတော့ သူတို့ဇနီးတွေဟာ သူတို့ရဲ့ အတိတ်ဇာတ်လမ်းတွေနဲ့ ပတ်သက်လို့ အနည်းအကျဉ်းတော့ သိတယ်လို့ ဆိုပါတယ်။ တချို့ (၂၂%)ရဲ့အလိုအရ အဲသလို နည်းနည်းပဲ သိကြတာဟာ ဇနီးသည်တွေကိုယ်၌က နှိုက်နှိုက်ချွတ်ချွတ် မမေးကြလို့လို့ ဆိုပါတယ်။ အဲ… ၁၇%သော ယောကျာ်းတွေကတော့ သူတို့ ကိုယ်တိုင်က အကုန် ပြောပြဖို့ ရည်ရွယ်ရင်း မရှိဘူးလို့ ဆိုပြန်တယ်။

သည်အထဲမှာ ယောကျာ်း ၁၀ ရာခိုင်နှုန်းနဲ့ မိန်းမ ၅ ရာခိုင်နှုန်းကသာ သူတို့ရဲ့ အဆက်ဟောင်းတွေအကြောင်းကို ကိုယ့်အိမ်ထောင်ဖက်ကို လုံးလုံး ပြောမပြခဲ့ဘူးလို့ ဖြေပါတယ်။


ဒါတွေကို ပြောခြင်း၊ မပြောခြင်း၊ သိခြင်း၊ မသိခြင်းဟာ အရေးကြီးသလားလို့ မေးစရာရှိပါတယ်။ အတိတ်က အဖြစ်မှန်တွေ သိရခြင်း၊ မသိရခြင်းနဲ့ အောင်မြင်တဲ့ အိမ်ထောင်ရေးနဲ့ ဘာမှ မဆိုင်ပါဘူးလို့ ဝက်ထ်ဇလာ ကတော့ ဆိုပါတယ်။ “လူတစ်ယောက်ကို ယုံကြည် ကိုးစားဖို့အတွက် အဲဒီ့ လူတစ်ယောက်ရဲ့အကြောင်းကို အူမချေးခါး မကျန် သိထားမှ ဆိုတဲ့ ခံစားချက်မျိုးကတော့ လူတိုင်းမှာ ရှိတတ်စမြဲပါပဲ။ အိမ်ထောင်ရေးမှာ ကျတော့ ကိုယ်အကုန်သိတယ်လို့ ကိုယ့်ဘာသာကိုယ် ယုံကြည်နေရင် ပြီးသွားတာပါပဲ”လို့လည်း သူက ပြောပါတယ်။

ဆိုလိုတာက အိပ်သွန်ဖာမှောက်ပဲ ပြောပြထားထား၊ ဘာမှ မပြောဘဲ ထားထား၊ တစ်ချို့တစ်ဝက်ပဲ ပြောထားထား၊ ကြားရတဲ့ သူအဖို့ သူ ကြားလိုက်ရသလောက်က အကုန်လို့ ယုံမှတ်နေသမျှ အဟောဝတဆိုတဲ့ သဘောပါပဲ။

အိမ်ထောင်ကျတယ်ဆိုတာ အသက်ဝိဉာဉ်ကင်းမဲ့သွားတာမဟုတ်ပါ ဘူး။ ဒါကြောင့် အိမ်ထောင်သည်တွေမှာလည်း သူ့ဟာလေးနဲ့သူ ကြိတ် ဖြစ်နေတဲ့ အဆိုးအပြစ်လေးတွေ ရှိကြစမြဲပါပဲ။ စစ်တမ်းရ ယောကျာ်း ၁၉ ရာခိုင်နှုန်းနဲ့ မိန်းမ ၁၀ ရာခိုင်နှုန်းဟာ ကိုယ့်အိမ်ထောင်ဖက် မဟုတ်တဲ့ တခြားသူ တစ်ယောက်ယောက်အပေါ်မှာ ဖျိုးခနဲ ဖျတ်ခနဲလောက်လေးပဲ ဖြစ် ဖြစ်၊ လှစ်ခနဲ စိတ်ကစားလိုက်တာလေးကို ဖုံးကွယ်ထားတယ်လို့ ပြောကြပါတယ်။ ဒါ့အပြင် အဖော်အချွတ်တွေပါတဲ့ မီဒီယာတွေကို ကြည့်ဖြစ်မှန်း၊ ကြည့်ရတာ ဝါသနာပါမှန်း ကိုယ့်အိမ်ထောင်ဖက်ကို ဖွင့်မပြောတဲ့ ယောက်ျား ကလည်း ရှစ်ရာခိုင်နှုန်းရှိတယ်လို့ သိရပြန်တယ်။

အိမ်ထောင်ရှင်တွေဟာ ကိုယ့်စိတ်ကူးယဉ်အိပ်မက်တွေကိုရော ပြောပြတတ် ကြသလား?

စိတ်ကူးယဉ်တာတွေ၊ စိတ်ကူးဉာဏ်ကွန့်မြုးတာတွေကို ကိုယ့် အိမ်ထောင်ဖက်ကို ပြောပြဖူးပါသလားလို့ မေးတဲ့အခါ စစ်တမ်းမှာပါတဲ့ ကျားမ ငါးယောက်မှာ တစ်ယောက်ကတော့ ကိုယ့်စိတ်ကူး အိပ်မက်ကလေးကို ကိုယ့်ဘာသာ တိတ်တိတ်ကလေးပဲ ဝှက်ထားတယ်လို့ ဖြေကြပြန်တယ်။
ဒါ ကိုယ့်အိမ်ထောင်ဖက် သိစရာမှ မလိုတာလေတဲ့။ သုတေသီတွေထဲက ဂျူလီ ဂေါ့တ်မယ်န်ကတော့ သည်အဖြေကြောင့် တော်တော့်ကို စိတ်ပျက် လက်ပျက် ဖြစ်ရကြောင်း ပြောပါတယ်။ “စိတ်ကူးယဉ်အိပ်မက်ဆိုတာဟာ လူတစ်ယောက်ရဲ့ အနက်ရှိုင်းဆုံး အပိုင်းပါပဲ။ အိမ်ထောင်ရှင်တွေအနေနဲ့ တစ်ယောက်ကိုတစ်ယောက် အဲဒီ့ စိတ်ကူးအိပ်မက်တွေကို ဖွင့်ပြောဖြစ်ဖို့ အတွက် တစ်ယောက်ကို တစ်ယောက် စိတ်ချနေမှ ဖြစ်မှာပါ။ အခု ရလာဒ်အရ ဆိုရင်တော့ အိမ်ထောင်ရှင် ငါးစုံမှာ တစ်စုံကတော့ တစ်ယောက်ကို တစ်ယောက် စိတ်မချနိုင်၊ မယုံကြည်နိုင်ဘူးလို့ ပြောရမလို ဖြစ်နေတယ်”လို့ သူက ပြောပါတယ်။

စစ်တမ်းမှာ ပါဝင်သူများအနက် ထက်ဝက်ထက် ပိုတဲ့ အရေအတွက် (၅၆%)က တိတ်တိတ်ကလေး ကြိတ်ပြီး စိတ်ကူးယဉ်နေသူတွေ ဖြစ်နေကြပါတယ်။ အထူးသဖြင့် အိမ်ထောင်သက် ငါးနှစ်ထက် နည်းသူတွေမှာ ဆိုရင် ကိုယ့်အိမ်ထောင်ဖက်နဲ့ အတူ ခရီးယာယီ သွားလိုက်ချင်ပေမယ့် အဲဒီ့ကိစ္စကို လေသံတောင် မသလပ်ဖြစ်ဘူးတဲ့။ တချို့ (၅၃%)ဆိုရင် တစ်ရပ်တစ်ကျေးကို ပြောင်းနေချင်တာ၊ တချို့ (၄၂%)က တစ်ယောက်တည်း ခရီးသွားချင်တာ၊ တချို့ (၄၁%)က အလုပ်အကိုင် ပြောင်းချင်တာ၊ တချို့ (၂၁%)က ခဏလောက် တစ်ယောက်တည်း နေချင်တာ၊ တချို့ (၁၄%)က အိမ်ထောင်ရေး ဖောက်ပြန်မှု ကျူးလွန်ချင်တာတွေကို စိတ်ထဲမှာပဲ တနုံ့နုံ့နဲ့ ကြိတ်ပြီး အိပ်မက်မက်နေကြပါသတဲ့။ အဲ… တချို့(၁၀%)ဆို ခွေးမွေးချင်တာတောင် အိမ်ထောင်ဖက်ကို ပြောမထွက်ဘူးလို့ ဆိုပါတယ်။

ဘာကြောင့် အဲသလို ကိုယ့်စိတ်ကူး၊ ကိုယ့်အိပ်မက်ကို ပြောမထွက်ကြတာလဲ။

“သည်လို စိတ်ကူးအိပ်မက်တွေကို ပြောလိုက်တာဟာ ပိုနေမြဲ ကျားနေမြဲ အနေအထားအတွက် အင်မတန် အန္တရာယ် များလို့ပါ။ စိတ်ကူးအိပ်မက်ကို ပြောလိုက်တာနဲ့ လက်ရှိ အနေအထားကို သိပ်မနှစ်မြို့တော့တဲ့ သဘောက အလိုလို သက်ရောက်သွားနိုင်တယ်။ တချို့ကိစ္စတွေမှာဖြင့် ကိုယ့်စိတ်ကူးထဲမှာ ဘယ်ကဲ့သို့ ဘယ်ချမ်းသာ ဖြစ်နေတယ်၊ ဒါပေမယ့် အဲဒါတွေကို ပြောပြလိုက်ရင် ကြားရသူမှာ ရင်သပ်ရှုမောနဲ့ မတ်တတ်က လဲသွားနိုင်တယ်လို့ လူအတော်များများက ထင်ကြတယ်”လို့ ဂျော်န် ဂေါ့ထ် မယ်န်က ဆိုပါတယ်။


သည်တွေ့ရှိချက်တွေပေါ်မှာ အခြေခံပြီး ရို့ဒ်ကျွန်းက စိတ္တဗေဒ ပါရဂူ ဆရာဝန်ကြီး “ပီတာ ခရာမာ”က အိမ်ထောင်ရေးကို စဉ်းစားတဲ့အခါ အခုထက် ပိုပြီး ပျော့ပျော့ပြောင်းပြောင်း စဉ်းစားသင့်တယ်လို့ အကြံပေးပါတယ်။ “လူတွေအနေနဲ့ ခဏတဖြုတ်လေးလောက် ယာယီ ထွက်ပေါက်၊ ယာယီ ထွက်ပြေး လွတ်မြောက်ချင်ကြတဲ့အခါမှာ အဲဒါလေးကြောင့် တစ်ဘဝလုံးစာ ရည်မှန်းထားတဲ့ အိမ်ထောင်ရေး ဘဝကြီးကို အစွန်းအထင်း မခံသင့်ဘူးဗျ။ ကျွန်တော့်မှာ မိတ်ဆွေ တစ်ယောက်ရှိတယ်။ ကော်လာဖြူ (ရုံးဝန်ထမ်း) တစ်ယောက်ပေါ့။ သူက တစ်နှစ် တစ်ခါတော့ ပင်လယ်ကူး သင်္ဘောနဲ့ တစ်ယောက်တည်း တစ်လလောက် ပျောက်ပျောက်သွားတတ်တယ်။ ဒါပေမယ့် သူ့အိမ်ထောင်ရေးလည်း အဆင်ပြေနေတာပါပဲ။ ဆိုလို တာက အိမ်ထောင်ရေးမှာ တစ်ယောက်နဲ့ တစ်ယောက် ညှိယူလို့ ရတာတွေ အများကြီးပါဗျာ“လို့ သူကပြောပါတယ်။

အလွယ်ဆုံး နည်းက ဘာလဲ?

စစ်တမ်းမှာ အိမ်ထောင်သည်တွေကို တစ်ခု ထပ်မေးကြည့်ကြပါသေးတယ်။ မနက်အိပ်ရာက နိုးလာတဲ့အခါမှာ ရုတ်တရက် ချက်ချင်း ကိုယ်ဟာ အိမ်ထောင်သည်တစ်ယောက် မဟုတ်တော့ဘူးလို့များ မခံစားချင်ကြဘူးလား၊ အမှန်အတိုင်း ဝန်ခံကြစမ်းပါလို့ ပြောတဲ့အခါမှာ ၁၆ရာခိုင်နှုန်းသော ယောကျာ်းများရော၊ မိန်းမများပါ ဟုတ်တယ်၊ အဲသလို သိပ်ဖြစ်ချင်တာပဲလို့ ပြောကြပါတယ်။

“သည်အဖြေရဲ့ အဓိပ္ပာယ်ကတော့ လူတွေဟာ ကိုယ်ရောက်နေတဲ့ အိမ်ထောင်ရေးထဲကနေ ရုန်းထွက်ဖို့ ခက်နေတဲ့အခါ ကိုယ့်ဘဝကိုယ် မကျေမနပ် ဖြစ်နေကြတယ်။ အဲသလို မကျေမနပ် ဖြစ်နေတာကိုကျတော့ ဝန်မခံ ချင်ကြပြန်ဘူး”လို့ ဝက်ထ်ဇလာက ဆိုပါတယ်။

ဒါပေမယ့် ဝက်ထ်ဇလာ့အဆိုကို ဒေါက်တာ ခရာမာက သဘောမတူ ပါဘူး။ “သည်လို စိတ်ကူးယဉ်တာမို့ အိမ်ထောင်ရေးမှာ ပြဿနာ ရှိနေတယ်လို့ သွား အနက်ကောက်မယ်ဆိုရင် တက်တက်စင် မှားသွားမှာပါ။ အိမ်ထောင်ရေးခရီးဆိုတာ တကယ့်ကို အားကြိုးမာန်တက်နဲ့ ဝါယမ စိုက်ရတာမျိုးမို့ မောပန်းနွမ်းလျနေလို့ ပြောတဲ့စကားတွေပါ”လို့ သူက ဆိုပါတယ်။

ဆိုတော့ အကုန်လုံး အိပ်သွန်ဖာမှောက် ပြောပြဖို့ အရေးကြီးသလားလို့ မေးကြည့်ပြန်တဲ့အခါ အောင်မြင်တဲ့ အိမ်ထောင်ရေးကို နှစ်ပေါင်း လေးဆယ်တိတိ ဖြတ်သန်းခဲ့ဖူးတဲ့ အမျိုးသားကြီးကတော့ “သိပ်ပြောသင့်တာပေါ့ဗျာ။ ဘာမှ မချန်ကြေး၊ ကောင်းတာရော၊ ဆိုးတာရော၊ အကုန်သာပြော။ အဲဒါဆို အဲသည့် အိမ်ထောင်ရေး ခိုင်ပြီသာ မှတ်”လို့ ဖြေပါတယ်။

အိမ်ထောင်သက် ၃၃ နှစ် ရှိခဲ့ပြီဖြစ်တဲ့ အမျိုးသမီးကြီးကလည်း “တစ်ဖက်သားက ဆက်မကြားချင်တော့တဲ့ အရိပ်အရောင် မပြမချင်းတော့ အိပ်သွန် ဖာမှောက် ပြောနိုင်သမျှ ပြောသင့်တယ်”လို့ ဆိုလိုက်ပြန်တယ်။ ဒါပေမယ့် နောက်တစ်ယောက်ကကျပြန်တော့ “အဲသလို ပြောလိုက်ရင် ကိုယ့်လည်ပင်း ကိုယ် အရှင်လတ်လတ် ကြိုးကွင်းစွပ်သလို ဖြစ်သွားမှာပေါ့”ဆိုတဲ့ စကားနဲ့ ပြောရေးဖက်က အဆိုကို ကန့်ကွက်ပြန်တယ်။

ကိုင်း… အိမ်ထောင်ရေး ပုံစံ သုံးမျိုး ထွက်မလာပေဘူးလား။ အမြင်ကလည်း သည်မှာတင် သုံးမျိုးကွဲနေတယ်။ အိမ်ထောင်ရှင်တွေထဲမှာတင် အကုန်လုံး ပြောသင့်တယ်ဆိုတဲ့သူက တစ်ယောက်၊ တစ်ဖက်သား နားခံနိုင်တဲ့အတိုင်းအတာအထိ ပြောသင့်တယ်ဆိုတဲ့သူက တစ်ယောက်၊ မပြောသင့်ဘူးဆိုတဲ့ သူက တစ်ယောက် ဆိုပြီး သုံးစား ကွဲနေတယ်။

ပညာရှင်တွေကရော ဘယ်လို ပြောကြတယ် မှတ်လဲ။


ဒေါက်တာ ခရာမာကတော့ “သာယာတဲ့ အိမ်ထောင်ရေးဆိုတာဟာ အားလုံး ဖွင့်ပြောခြင်း မပြောခြင်းအပေါ်မှာ မတည်ပါဘူးဗျာ။ တစ်ခါ တစ်ခါကျတော့ ပြောလိုက်တော့မှ တစ်ဖက်လူမှာ စိတ်အနှောင့်အယှက်တွေ ဖြစ်ပြီး ဆောက်တည်ရာမရတွေလည်း ဖြစ်ကုန်နိုင်သေးတယ် မဟုတ်လား”လို့ ပြောပါတယ်။

ပါမောက္ခဂေါ့ထ်မယ်န်တို့ ဇနီးမောင်နှံကတော့ နှစ်ပေါင်း နှစ်ဆယ်ကျော်အတွင်းမှာ အိမ်ထောင်ရှင် စုံတွဲပေါင်း ၃၀ဝ၀ ကျော်ကို လေ့လာစူးစမ်း မှတ်သားခဲ့ကြသူများပါပဲ။ သူတို့ကလည်း ရက်စက်တဲ့ ရိုးသားဖြောင့်မတ်မှုဟာ အခါခပ်သိမ်းတော့ မသင့်တင့် မလျောက်ပတ်လှဘူးလို့ ဆိုတဲ့စကားနဲ့ ဒေါက်တာခရာမာရဲ့အဆိုကို သဘောတူကြပါတယ်။


လေးနက်ခက်ခဲတဲ့ အကြောင်းရပ် တွေကို ပြောနိုင်ဖို့အတွက် ရင်းနှီး ကျွမ်းဝင်မှုဆိုတဲ့ အုတ်မြစ်အပေါ်မှာ အခြေခံရမယ်လို့လည်း ဆိုပါတယ်။ “တော်တော်ကြီးကို အကဲဆတ်တဲ့ ကိစ္စတစ်ခုခုကို ပြောချင်တဲ့အခါမှာ အရေးမပါလှတာကနေ မစဘဲ စိတ်ထိခိုက်စရာ အကောင်းဆုံးနေရာက စ ပြောတာ ပိုကောင်းတယ်”လို့ ဂျော်န် ဂေါ့ထ်မယ်န်က ပြောပါတယ်။

ပထမဆုံးအဆင့်အနေနဲ့ကတော့ ကိုယ့်အိမ်ထောင်ဖက် ဘာတွေ တွေးနေလဲဆိုတာ အမှန်အတိုင်း သိအောင် အရင် လုပ်သင့်တယ်လို့လည်း သူက အကြံပေးပါတယ်။


အထက်မှာ တစ်လျှောက်လုံး ကိုးကားခဲ့တဲ့ စစ်တမ်းကို ၂၀ဝ၁ခုနှစ် မတ်လ ၁၉ ရက်မှ မတ်လ ၃၁ ရက်အတွင်းမှာ တယ်လီဖုန်းနဲ့ လုပ်ခဲ့တာပါ။ ဖြေကြားသူတွေကတော့ အသက် ၁၈ နှစ် အထက် အိမ်ထောင်ရှင်ပေါင်း ၁၀ဝ၀ ဖြစ်ပါတယ်။ ဒါပေမယ့် အိမ်ထောင်ရှင်တွေကို အတူယှဉ်တွဲပြီး မေးခဲ့တာ မဟုတ်သလို ကိုယ့်ပြောစကားကို ကိုယ့်အိမ်သူအိမ်သား မကြားစေရအောင် စီစဉ်ပြီးမှ မေးမြန်းခဲ့တာလို့ သိရပါတယ်။

ဒါတွေကိုဖတ်ပြီး စာဖတ်သူများကို ပြန်ပြောပြဖြစ်နေတဲ့ ကျွန်တော်ကတော့ အိမ်ထောင်ရှင်တစ်ယောက်လည်းဖြစ်၊ သူများတကာရဲ့ အိမ်ထောင်ရေး ကိစ္စတွေမှာလည်း အတတ်နိုင်ဆုံး အကျိုးဆောင်ပေးနေသူလည်း ဖြစ်တဲ့အပြင် ကျွန်တော်ကိုယ်၌က အလုံးစုံ ရိုးသား ပွင့်လင်းရေးမူကို စွဲမြဲ လက်ခံ ကျင့်သုံးနေတာမို့ အိမ်ထောင်ရေး အပါအဝင် ဘယ်ဆက်ဆံရေးမှာဖြစ်ဖြစ် ပွင့်လင်းရိုးသား တည်ကြည် ဖြောင့်မတ်လေ၊ နေရထိုင်ရတာ လိပ်ပြာ သန့်လေ၊ ဆက်ဆံရေးလည်း ပိုမို တိုးတက် ဖြစ်ထွန်းလေလို့သာ ယုံကြည် ပါတယ်။

ဒါပေမယ့် အဲဒါ ကျွန်တော့် တစ်ဦးတည်းရဲ့ ပုဂ္ဂလိက အယူအဆပါ။ စာဖတ်သူလူကြီးမင်းများ အားလုံးမှာလည်း ကိုယ်ပိုင် ဆင်ခြင်ဉာဏ်များ အသက အသကနဲ့ ဖြစ်ကြတာမို့ ကျွန်တော် ပြောတာကို ယတိပြတ် လက်ခံရမယ်လို့ မပြောဝံ့ပါဘူး။ မိမိတို့ ကိုယ်ပိုင်ဉာဏ်နဲ့ ချင့်ချိန် စဉ်းစားကြပြီး အကောင်းဆုံးလမ်းကို ရွေးချယ်နိုင်ကြအောင် ကျွန်တော် ဖတ်မိလိုက်သမျှ  ပြန်လည် ဖောက်သည်ချပေးလိုက်တာသာ ဖြစ်ပါတယ်။

(Source: How Honest Are Couples, Really? by Louise Lague from the August 2001 issue of Reader’s Digest)

———————————————————————————————–

(၂၀၀၃ ခုနှစ် မတ်လထုတ် သရဖူမဂ္ဂဇင်းမှာ ဖော်ပြခဲ့တာလေးကို ပြန်လည် တင်ဆက်လိုက်တာပါ။)

tvG,fqHk;enf;u bmvJ¿
ppfwrf;rSm tdrfaxmifonfawGudk wpfck xyfar;MunfhMuygao; w,f/ reuftdyf&muEdk;vmwJhtcgrSm ½kwfw&uf csufcsif; udk,f[m tdrfaxmifonfwpfa,mufr[kwfawmhbl;vdkYrsm; rcHpm;csifMubl;vm;? trSeftwdkif; 0efcHMuprf;ygvdkY ajymwJhtcgrSm 16&mcdkifEIef;aom a,mufsm;rsm;a&m? rdef;rrsm;yg [kwfw,f? tJovdk odyfjzpfcsifwmyJvdkY ajym Muygw,f/
]onftajz&JU t”dyÜm,fuawmh vlawG[m udk,fa&mufaewJh tdrfaxmifa&;xJuae ½kef;xGufzdkY cufaewJhtcg udk,fhb0udk,f raus reyfjzpfaeMuw,f/ tJovdk rausreyfjzpfaewmudkusawmh 0efrcH csifMujyefbl;}vdkY 0ufxfZvmu qdkygw,f/
‘gayr,fh 0ufxfZvmhtqdkudk a’gufwm c&mrmu oabmrwl ygbl;/ ]onfvdk pdwful;,OfwmrdkY tdrfaxmifa&;rSm jyóem&dSae w,fvdkY oGm; teufaumufr,fqdk&if wufwufpif rSm;oGm;rSmyg/ tdrfaxmifa&;c&D;qdkwm wu,fhudk tm;BudK;rmefwufeJY 0g,rpdkuf& wmrsdK;rdkY armyef;EGrf;vsaevdkY ajymwJhpum;awGyg}vdkY oluqdkygw,f/
qdkawmh tukefvHk; tdyfoGefzmarSmufajymjyzdkY ta&;BuD;ovm;vdkY ar;MunfhjyefwJhtcg atmifjrifwJhtdrfaxmifa&;udk ESpfaygif; av;q,f wdwdjzwfoef;cJhzl;wJh trsdK;om;BuD;uawmh ]odyfajymoifhwmayghAsm/ bmrS rcsefaMu;? aumif;wma&m? qdk;wma&m? tukefomajym/ tJ’gqdk tJonfh tdrfaxmifa&; cdkifNyDomrSwf}vdkY ajzygw,f/
tdrfaxmifouf 33ESpf&dScJhNyDjzpfwJh trsdK;orD;BuD;uvnf; ]wpf zufom;u qufrMum;csifawmhwJh t&dyfta&mif rjyrcsif;awmh tdyf oGefzmarSmuf ajymEdkiforQ ajymoifhw,f}vdkY qdkvdkufjyefw,f/ ‘gay r,fh aemufwpfa,mufuusjyefawmh ]tJovdk ajymvdkuf&if udk,fh vnfyif;udk,f t&Sifvwfvwf BudK;uGif;pGyfovdk jzpfoGm;rSmaygh}qdkwJh pum;eJY ajyma&;zufu tqdkudk uefYuGufjyefw,f/
udkif;… tdrfaxmifa&; yHkpHoHk;rsdK; xGufrvmaybl;vm;/ tjrifu vnf; onfrSmwif oHk;rsdK;uGJaew,f/ tdrfaxmif&SifawGxJrSmwif tukefvHk; ajymoifhw,fqdkwJholu wpfa,muf? wpfzufom; em;cH EdkifwJhtwdkif;twmtxd ajymoifhw,fqdkwJholu wpfa,muf? rajymoifhbl;qdkwJh oluwpfa,mufqdkNyD; oHk;pm; uGJaew,f/
ynm&SifawGua&m b,fvdk ajymMuw,frSwfvJ/
a’gufwm c&mrmuawmh ]om,mwJh tdrfaxmifa&;qdkwm[m tm;vHk;zGifhajymjcif; rajymjcif;tay:rSm rwnfygbl;Asm/ wpfcg wpfcgusawmh ajymvdkufawmhrS wpfzufvlrSm pdwftaESmifht,SufawG jzpfNyD; aqmufwnf&mr&awGvnf; jzpfukefEdkifao;w,fr[kwfvm;}vdkY ajymygw,f/
ygarmu©a*ghxfr,fefwdkY ZeD;armifESHuawmh ESpfaygif; ESpfq,f ausmftwGif;rSm tdrfaxmif&SifpHkwGJaygif; 3000ausmfudk avhvmpl;prf; rSwfom;cJhMuolrsm;ygyJ/ olwdkYuvnf; &ufpufwJh½dk;om;ajzmifhrwfrI [m tcgcyfodrf;awmh roifhwifh ravsmufywfvSbl;vdkYqdkwJhpum;eJY a’gufwmc&mrm&JUtqdkudk oabmwlMuygw,f/
av;eufcufcJwJh taMumif;&yf awGudk ajymEdkifzdkYtwGuf &if;ESD; uRrf;0ifrIqdkwJh tkwfjrpftay:rSm tajccH&r,fvdkYvnf; qdkygw,f/ ]awmfawmfBuD;udk tuJqwfwJh udpöwpfckckudk ajymcsifwJhtcgrSm ta&;rygvSwmuae rpbJ pdwfxdcdkufp&mtaumif;qHk;ae&mu p ajymwmydkaumif;w,f}vdkY a*smfef a*ghxfr,fefu ajymygw,f/
yxrqHk;tqifhtaeeJYuawmh udk,fhtdrfaxmifzuf bmawG awG; aevJqdkwm trSeftwdkif; odatmif t&ifvkyfoifhw,fvdkYvnf; olu tMuHay;ygw,f/
txufrSm wpfavQmufvHk; udk;um;cJhwJh ppfwrf;udk 2001ckESpf rwfv (19)&ufrS rwfv (31)&uftwGif;rSm w,fvDzkef;eJY vkyfcJhwm yg/ ajzMum;olawGuawmh touf 18ESpftxuf tdrfaxmif&Sifaygif; 1000jzpfygw,f/ ‘gayr,fh tdrfaxmif&SifawGudk twl,SOfwGJNyD; ar;cJhwmr[kwfovdk udk,fhajympum;udk udk,fhtdrfoltdrfom; rMum; ap&atmif pDpOfNyD;rS ar;jref;cJhwmvdkY od&ygw,f/
‘gawGudkzwfNyD; pmzwfolrsm;udkjyefajymjyjzpfaewJhuRefawmfu awmh tdrfaxmif&Sifwpfa,mufvnf;jzpf? olrsm;wum&JU tdrfaxmif a&; udpöawGrSmvnf; twwfEdkifqHk; tusdK;aqmifay;aeolvnf;jzpf wJhtjyif uRefawmfudk,füu tvHk;pHk ½dk;om;yGifhvif;a&;rludk pGJjrJ vufcH usifhoHk;aewmrdkY tdrfaxmifa&;tygt0if b,fqufqHa&;rSm jzpfjzpf yGifhvif;½dk;om; wnfMunfajzmifhrwfav? ae&xdkif&wm vdyf jymoefYav? qufqHa&;vnf; ydkrdkwdk;wufjzpfxGef;avvdkYom ,HkMunf ygw,f/
‘gayr,fh tJ’g uRefawmfh wpfOD;wnf;&JU yk*¾vdu t,ltqyg/ pmzwfolvlBuD;rif;rsm; tm;vHk;rSmvnf; udk,fydkif qifjcifÓPfrsm; tou toueJY jzpfMuwmrdkY uRefawmfajymwmudk ,wdjywfvufcH &r,fvdkY rajym0Hhygbl;/ rdrdwdkY udk,fydkifÓPfeJY csifhcsdefpOf;pm;MuNyD; taumif;qHk;vrf;udk a&G;cs,fEdkifMuatmif uRefawmff zwfrdvdkuforQ  jyefvnf azmufonfcsay;vdkufwmom jzpfygw,f/
(ESvHk;pdwf0rf;Nidrf;csrf;Muygap)

Audio: This Time Last Year

နောက်ထပ် ရေဒီယို အသံလွှင့်ချက်တစ်ခုပါ

မနှစ်က သီတင်းမကျွတ်ခင်မှာ ရန်ကုန် ဆစ်ထီး အက်(ဖှ်)အယ်(မ်)ရေဒီယိုရဲ့ ကြယ်ပွင့်များနဲ့ တွေးဟန် (Stars & Style) ဆိုတဲ့ အစီအစဉ်က ကျွန်တော်နဲ့ တွေ့ဆုံ မေးမြန်းခန်း အစီအစဉ်တိုလေးတစ်ခုကို တင်ဆက်ခဲ့ဖူးပြန်ပါသေးတယ်။ အဲဒါကိုတော့ စာသားအနေနဲ့ လုံးဝ ပြန်လည် ကောက်ယူထားခြင်း မရှိပါဘူး။ ဒါ့ကြောင့် ရှေ့က လူကြိုက်များသူများရဲ့ အကြိုက် (Popular’s Choice) ရေဒီယိုအစီအစဉ်တုန်းကလို ဖတ်လို့ မရဘဲ နားထောင်နိုင်ရုံသက်သက်သာ ရှိနေပါတယ်။ အဲဒါလေးကို ပြန်လည် တင်ဆက်ထားပါတယ်။ အိမ်ထောင်ရေး၊ ချစ်သူ ရွေးချယ်မှုတို့နဲ့ ပတ်သက်ပြီး ကျွန်တော့်သထောထားလေးတွေပါ။

အပျင်းပြေ နားဆင်ကြည့်နိုင်ပါတယ်။

Appraisal of a Poem

ကဗျာ ခံopenmindစားမှု – “ကျပ်သူတို့ လျှောက်သောလမ်း”

တောကျောင်းဆရာဆိုတဲ့ ပုဂ္ဂိုလ်ရဲ့ http://openmindblog.info မယ် စက်တင်ဘာ ၂၅ ရက်နေ့က ကဗျာလေးတစ်ပုဒ် တင်ထားတာ ဖတ်လိုက်ရပါတယ်။ ခေါင်းစဉ်က “ကျပ်သူတို့ လျှောက်သောလမ်း”တဲ့။ တော်တော်ကောင်းတဲ့ စိတ်ကူးလေးကို တော်တော်လှတဲ့ သံတူကပ် အလင်္ကာများနဲ့ တန်ဆာဆင်ထားတာမို့ သဘောကျသွားရတယ်။ သူ့ကဗျာလေးကို အရင်ဖတ်ကြည့်စေချင်ပါတယ်။

ခပ်ကျပ်ကျပ်ခေတ်ထဲ ကျပ်တန်တွေ အသုံးမ၀င်တော့
ဘ၀က ခပ်ကြီးကြီး ကျပ်က ခပ်ကြီးကြီး
တစ်ရာဖိုး ကျပ်ရာက နှစ်ရာဖိုး ကျပ်တယ်
နှစ်ရာဖိုး ကျပ်ရာက ငါးရာဖိုး ကျပ်တယ်
ငါးရာဖိုး ကျပ်ရာက တစ်ထောင်ဖိုး ကျပ်တယ်
တစ်ထောင်ဖိုး ကျပ်ရာက ငါးထောင်ဖိုး ကျပ်မယ်
ကျပ်တန် မရှိတော့တဲ့ ခေတ်ထဲ
ဘ၀ကလည်း ကျပ်ကလေး မဟုတ်တော့
ကျပ်ကလေးတို့ကမ္ဘာလည်း မဟုတ်တော့
ကျပ်ကြီးတို့ကမ္ဘာ
ငါးဆယ် ပြန်မအမ်းလည်း စိတ်ဆိုးမနေနဲ့
အမ်းစရာ မရှိလည်း ငမ်းစရာတော့ ရှိရမယ်
ငမ်းစရာ မရှိလည်း လွမ်းစရာတော့ ရှိရမယ်
လွမ်းစရာ မရှိလည်း နွမ်းတာတော့ ရှိတယ်
အနွမ်း အနွမ်း အနွမ်းတွေ များတော့ လွမ်းတယ်
ကျပ်တန်ဆီကိုလား ကြက်တန်းဆီကိုလား
တစ်ကျပ် နှစ်ကျပ် တေးကိုသီ
အကြွေ မရှိပေမယ့် အကြွေးတော့ ရှိတယ်
ကျပ်ခိုးစင်မှာ ကျပ်ကျပ်တည်းတည်း
ဘ၀ကို ကျပ်တိုက်နေသလား ကျပ်တင်နေသလား
ကျပ်မပြည့်တဲ့ကြားက ကျပ်စည်းလိုက်တယ်
ငါးခုံးမတစ်ကောင်ကြောင့် တစ်လှေလုံးကျပ်
(ကျပ်တန် မရှိတော့တဲ့ ခေတ်ထဲ
ဘ၀ကလည်း ကျပ်ကလေး မဟုတ်တော့
ခပ်ကျပ်ကျပ်ခေတ်ထဲ ကျပ်တန်တွေ အသုံးမ၀င်တော့
ဘ၀က ခပ်ကြီးကြီး ကျပ်က ခပ်ကြီးကြီး)
နေ သည်လောက် ပူနေမှတော့
ငရဲပြည် ရောက်မလား စိတ်ပူမနေနဲ့တော့။

ခေတ်ပေါ်ကဗျာကို သိပ်မခံစားတတ်တဲ့ ကျွန်တော်လိုလူတောင် ခံစားလို့ရတဲ့ ကဗျာလေးပါပဲ။ သူ့ကဗျာလေးက စိတ်ထဲမှာ စွဲနေတယ်။ ဒါပေမယ့် တစ်ယောက်ယောက်ကို ဝေမျှချင်ရင် ပြဿနာက တက်လာတယ်။

“အယက်အကန်ခံလို့ ဗေဒါပျံ အန်ကိုခဲ”(ဇော်ဂျီ)လိုမျိုး၊ “လယ်စောင့်တဲလေး ခြေတံရှည်၊ မိုးကုတ်အောက်မှာနေ”(မင်းသုဝဏ်)လိုမျိုး၊ “အပြင်ဘက်မှ သစ်ရွက်တွေကြား၊ စကားပင်အို ကန်ရေစိုစွတ်” (ကြည်အေး) လိုမျိုး၊ “ဆေးလိပ်လည်း တို၊ နေလည်း ညိုပြီ” (တင်မိုး)လိုမျိုး၊ “တိမ်လိုနွဲ့အောင်နော့ အိမ်ဆိုတဲ့ ထောင်မှာ”(မောင်ခိုင်မာ)လိုမျိုး၊ “သားအမိအိမ်၊ ပတ္တမြား မရှိ၊ စိန်မစီလည်း”(ကိုရိုး)လိုမျိုး၊ “ခင်သွားရင် ရနံ့ပေး၊ ခင်မွှေးရင် ပျော်ရွှင်လို့” (မောင်စိန်ဝင်း)လိုမျိုး စွဲသွားတဲ့ ကဗျာလေးတစ်ပုဒ်ကို ချစ်သူခင်သူများကို ဝေမျှချင်တဲ့အခါ တစ်ပုဒ်လုံးကို ခံစားချက် အပြည့်နဲ့ နှုတ်တက်ရွရွ ပြန်ဆိုပြလို့ မရနိုင်တော့ အားမလို အားမရ ဖြစ်မိတယ်။ အဲဒီ့ကဗျာလေးတွေကျတော့ စိတ်ထဲမှာထင်မကဘဲ ရင်ထဲ အသည်းထဲ နှလုံးထဲမှာတောင် စွဲနေပါတယ်။

အဲဒါဟာ ခေတ်ပေါ်ကဗျာနဲ့ ရိုးရာကဗျာကြားက ကွာနေတဲ့ “အဟပ်”လို့ ယူဆပါတယ်။ ခေတ်ပေါ်ကဗျာက ကောင်းလိုက်တာဆိုပြီး တွေးပုံ ရေးပုံလေးကို ရပ်သပ်ရှုမောလိုက်ရတယ်။ အဲဒီ့နေရာမှာတင် ရပ်သွားတယ်။ နောက်တစ်ခါ ပြန်ခံစားချင်ရင် စာအုပ်ပြန်လှန်ရတယ်။ မနည်း ပြန်ရှာရတယ်။ ပြန်ဖတ်ရတယ်။

ရိုးရာ ကဗျာကျတော့ အဲလိုမဟုတ်ဘူး။ ကောင်းလိုက်တာဆိုပြီး တွေးပုံ ရေးပုံလေးကိုလည်း ခံစားတယ်၊ ချိုနေတဲ့ အသံလေးတွေကိုလည်း ဖတ်သူရဲ့ စိတ်ထဲက လိုက်ရွတ်နေမိတယ်။  ကဗျာကောင်းရင် ကောင်းသလောက်၊ တိုရင်တိုသလောက် ပါးစပ်ထဲ နားထဲမှာ စွဲကျန်ရစ်တယ်။ စိတ်ရော၊ ပါးစပ်ရော၊ နားရော စွဲကျန်ရစ်တဲ့အတွက် ရိုးရာကဗျာလေးတွေဟာ ခေတ်တွေကို ကျော်လွှားရှင်သန်နေခဲ့တာပါ။ “မြိတ်သွင်လွတ်စို့ ပြာသွယ်ညို့”လို၊ “ဆေးတံတို တစ်ညိုလောက် ရော့ သောက်တော့ပေး”လို ရှေးကဗျာတွေတောင် ခေတ်ကို ကျော်လွှားပြီး မြန်မာတို့ရဲ့ အသည်းနှလုံးထဲမှာ ရှိနေနိုင်စွမ်းတာဟာ မြန်မာဘာသာစကားရဲ့ အလှအပ၊ ထူးခြားမှု အပေါ် အခြေခံထားလို့ပဲလို့ ကောက်ချက်ဆွဲမိပါတယ်။

တခြား ဘာသာစကားတွေတော့ မတတ်လို့ သိပ်မသိဘူး။ အင်္ဂလိပ်စာ၊ ပြင်သစ်စာလို ဥရောပ ဘာသာစကားတွေမှာက ဝေါဟာရတစ်လုံးကို အသံစုံ ထွက်လို့ရတယ်။ Go ကို ဂိုလို့ ထွက်လို့ရသလို ဂိုးလို့ ထွက်လို့ရတဲ့အပြင် ဂို့လို့ ထွက်မယ်ဆိုလည်း ဖြစ်နိုင်ပါတယ်။ မြန်မာဘာသာစကားကကျတော့ အဲသလို မဟုတ်တော့ဘူး။ မြ၊ မြာ၊ များဆိုတဲ့ သုံးလုံးမှာတင် အနက်က သုံးမျိုးဖြစ်နေတတ်မြဲ တစ်လုံး တစ်သံ ဘာသာစကားပါ။ အဲတော့ နဘေဆိုတာ မြန်မာဘာသာစကားမှာမှ ထပ်လို့ရတယ်။ ကာရန်ဆိုတာလည်း မြန်မာဘာသာစကားကမှ အုပ်လို့ ရတယ်။

အင်္ဂလိပ်ကဗျာတော့ များများ စားစား သိပ်မဖတ်ဖူးလို့ သိပ်စွဲနေတာ မရှိပါဘူး။ Men may come and men may go; but I go on forever လို ကဗျာထဲက တစ်ကြောင်း တစ်ပါဒလောက်ကိုသာ စွဲစွဲမြဲမြဲ ရွတ်နိုင်တာလေးတွေ ရှိပါတယ်။ ကိုယ့်မိခင် ဘာသာစကား မဟုတ်တာလည်း တစ်ကြောင်း ဖြစ်ချင်ဖြစ်မှာပါ။ တစ်ပုဒ်လုံး အလွတ်ရွတ်နိုင်တဲ့ ကဗျာက ခပ်ရှားရှားရယ်။ ကျွန်တော်တို့ရဲ့ရှေ့ မျိုးဆက်လို ကဗျာတွေ ကျက်ရတဲ့ ခေတ်မှာ လူဖြစ်ခဲ့ရင်တော့လည်း တစ်မျိုးဖြစ်ချင် ဖြစ်နိုင်ပါတယ်။

ပြောချင်တာကဗျာ… ခေတ်ပေါ်ကဗျာကို ကျွန်တော် သိပ်မခံစားတတ်သော်လည်း အသစ်ကို ငြင်းပယ်သူထဲမှာ ကျွန်တော် မပါပါဘူး။ အသစ်ကို အငမ်းမရ တောင့်တသူထဲမှာတော့ ထိပ်ဆုံးက မဟုတ်ဘူးဆိုရင်တောင် ရှေ့တန်းက ပါတယ်လို့ ကိုယ့်ကိုယ်ကိုယ် ထင်မြင်မိပါတယ်။ သို့ပေမယ့် သစ်တာလေးတွေကို “ခေတ်အဆက်ဆက် ရှင်သန် တင်ကျန်ရစ်စေချင်”တာက ကျွန်တော့် ဆန္ဒပါ။ ခေတ်ပေါ်ကဗျာထဲမှာ လမ်းရိုးဟောင်းတွင် ဆင့်ကာထွင်ထားတဲ့ ဆရာမကြီး ကြည်အေးရဲ့ ကဗျာတွေ နောက်ပိုင်းမှာ ကျွန်တော်တို့ နှုတ်မှာ၊ နားမှာ စွဲကျန်ရစ်တဲ့ကဗျာဆိုလို့ ကျွန်တော့်အတွက်တော့ မူးလို့တောင် ရှူစရာ ရှာမတွေ့သလိုပဲ။

အဲဒီ့ အရှိန်အဟုန်ပြင်းနေတဲ့ ခေတ်ပေါ်ကဗျာ ၀ဲသြဃထဲမှာပဲ လွန်ခဲ့တဲ့ နှစ်၂၀ကျော်က ထွက်သွားတဲ့ မောင်စိန်ဝင်း (ပုတီးကုန်း)ရဲ့ “သောကခြေရာ ရတနာ” ကဗျာများ စာအုပ်ဟာ ကဗျာစာအုပ်ထဲမှာ ရောင်းအကောင်းဆုံး စာအုပ်တန်းဝင်ခဲ့ဖူးတာလေးကိုလည်း မှတ်မိနေပါသေးတယ်။ ကဗျာစာအုပ်ဟာ ရောင်းအကောင်းဆုံးဖြစ်ဖို့ နေနေသာသာ၊ ရောင်းကောင်းတဲ့ စာရင်းထဲမှာတောင် ဘယ်တုန်းကမှ မပါခဲ့ဖူးပါဘူး။ ဆရာ မောင်စိန်ဝင်းရဲ့ စာအုပ်ကျတော့မှ ရောင်းအကောင်းဆုံးဖြစ်ခဲ့ဖူးတာပါ။ လှိုင်ပေါလယ်နေတဲ့ ခေတ်ပေါ်ကဗျာတွေကြားမှာ သူ့စာအုပ်ကျမှ ဘာဖြစ်လို့ ပေါက်သွားတာလဲ။

အဖြေက ရှင်းပါတယ်။ မြန်မာဟာ ချိ(စ်)တို့၊ ရို့(စ်)(ထ်)တို့၊ ဂရစ်(လ်)တို့၊ ဘာဘစ်ခယူးတို့ကို တစ်ခါတရံ ခံတွင်းတွေ့စွာ စားချင်တတ်ပေမယ့် မြန်မာဖြစ်နေတဲ့အတွက် ငါးပိရည်လေးနဲ့ တို့စရာလေး၊ ချဉ်ရည်ဟင်းလေးဆိုတဲ့ အတွဲအဖက်ကလေး မှန်နေတဲ့အခါကျတော့မှသာ နေ့စဉ်စားသုံးမှုက မြိန်ယှက်နေမိရတာလိုမျိုးပါ။

ဟုတ်ကဲ့… ခေတ်ပေါ်ကဗျာတွေကို ခံတွင်းတွေ့ပါတယ်။ ဒါပေမယ့် သိပ်မမြိန်ပါဘူး။ ရိုးရာကဗျာတွေက မြိန်ပါတယ်။

အခု နမူနာ ဖော်ပြလိုက်တဲ့ တောကျောင်းဆရာရဲ့ ကဗျာလေးမှာ ရိုးရာ နံနံပင်လေး ဖြူးထားပါတယ်။ သံတူကပ်အလင်္ကာလေးပါ။ အကြောင်းအရာကလည်း ခေတ်ပြိုင်ခံစားမှုပါ။ ဒါ့ကြောင့် ကျွန်တော့်စိတ်ထဲ စွဲသွားတာ ဖြစ်နိုင်ပါတယ်။

ဒါပေမယ့် ကျွန်တော့် ပါးစပ်ထဲ၊ နားထဲ၊ နှလုံးသားထဲအထိ ၀င်လာနိုင်စွမ်း မရှိသေးဘူး။ လမ်းရိုးဟောင်းပေါ်မှာ အသစ်အမြင်နဲ့ ဆင့်ထွင်ထားတာလေး ဖြစ်နေပြီးတော့ နှုတ်တက်ရွရွ ရွတ်လို့လည်း ရတဲ့ ကဗျာလေးသာ ဖြစ်လို့တော့လားဗျာ… တောကျောင်းဆရာရဲ့ အဲဒီ့ကဗျာလေးဟာ နောင်နှစ်ပေါင်း လေး-ငါးရာတိုင် မြန်မာတို့ရဲ့ နှုတ်ဖျားမှာ တည်တံ့နေလောက်တယ်လို့များ ပြောလိုက်ရင် ဒေါသများ သင့်သွားလေမလား မသိ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(၂၇၀၉၀၉)

Interview with City FM (Part 4 Last)

DSC03399ကျွန်တော့် နောက် ဘလော့(ခ်)မှာ ဆစ်ထီးအက်(ဖ်)အယ်(မ်)နဲ့ အိမ်သာဗျူး နောက်ဆုံး အပိုင်းကို တင်ဆက်လိုက်ပါတယ်။

အပိုင်း လေးပိုင်းစလုံး ပြည့်စုံသွားပါပြီ။

http://lettwebaw.mylovecafe.com မှာ သွားရောက် နားဆင်တော်မူနိုင်ကြောင်းပါ ခင်ဗျား။

Will & Way

sidney-poitierဖြစ်အောင်လုပ်က ဖြစ်မှာဗျ

မြန်မာရုပ်ရှင်ကြည့် ပရိသတ်နဲ့တော့ သိပ်ရင်းနှီးမယ် မထင်ဘူး။ နိုင်ငံခြား ရုပ်ရှင် ဝါသနာအိုးဆိုရင်တောင်မှ အသက် ၄၀တန်း၊ ၅၀တန်းလောက်ပဲ ရင်းနှီးနိုင်မယ့် သရုပ်ဆောင်တစ်ယောက်အကြောင်း ပြောပြချင်ပါတယ်။


သူက “ဆစ်ဒနီ ပွိုင်တီယာ”တဲ့။ လူမည်း သရုပ်ဆောင်အနေနဲ့  ရုပ်ရှင်သမိုင်းမှာ ပထမဆုံး အော်စကာ (အကယ်ဒမီ)ဆု ရခဲ့တဲ့ မင်းသားကြီးပါ။ သူ့ ဘဝဇာတ်ကြောင်းလေးက စိတ်ဝင်စားဖို့ ကောင်းတယ်။

သူ့ကို ဘဟားမား(စ်)ကျွန်းစုများထဲက “ကြောင်ကျွန်း”မှာ မွေးခဲ့တာပါ။ သူ့မိဘတွေက ဆင်းရဲတယ်။  မွေးတုန်းက သူ့ကိုယ်အလေးချိန်က သုံးပေါင်သာ ရှိတာမို့ တအား လှီတာပေါ့။ သည်လောက် လှီတဲ့ဟာလေးတော့ သက်ဆိုးရှည်မှာ မဟုတ်ဘူးလို့ ယူဆတာကြောင့် သူ့အတွက် ခေါင်းတလား ပိစိလေးတစ်လုံးတောင် အဆင်သင့် လုပ်ထားခဲ့ကြပါသတဲ့။

သို့သော် လျှပ်စစ်မီးလည်း မရှိ၊ အိမ်တွင်းအရောက် သွယ်တန်းထားတဲ့ ရေပိုက်တွေလည်း မရှိတဲ့ အဲဒီ့ တဲကလေးထဲမှာ ဆင်းဆင်းရဲရဲ နေရတဲ့ မိသားစု ကြားက အဲဒီ့ လူစဉ် မမီတဲ့ ကလေးလေးက အသက် ရှင်လာခဲ့တယ်။ အဲသလိုနဲ့ အတန်းကျောင်းဆိုလည်း နှစ်တန်းထက် ပိုပြီး မနေလိုက်ရဘူး။ အသက် ခြောက်နှစ်၊ ခုနစ်နှစ်လောက်မှာ ကျောင်းက ထွက်ပြီး ခရမ်းချဉ် စိုက်ခင်းတွေမှာ သွားအလုပ်လုပ်ရတော့တဲ့ ဘဝ။

သူ့မိဘတွေက သူတို့သားလေး အခုလို ဆင်းဆင်းရဲရဲ နေရတာကို မကြည့်ရက်ရှာကြဘူး။ ဒါနဲ့ ဆယ်ကျော်သက်ဘဝကို ရောက်ခါစမှာပဲ ဆစ်ဒနီ့ကို မိုင်ယာမီမှာ ရှိတဲ့ သူ့အစ်ကိုဆီ ပို့လိုက်ကြတယ်။ မိုင်ယာမီ ရောက်တော့ သူက ကုန်စုံဆိုင်မှာ ပစ္စည်းပို့တဲ့သူအဖြစ် အလုပ်ဝင်ရတယ်။

တစ်နေ့ကျတော့ ချမ်းသာတဲ့ လူဖြူအမျိုးသမီးကြီးတစ်ယောက်ရဲ့ အိမ်ကို ပစ္စည်းတစ်ခု သွားပို့ဖို့ အကြောင်းပေါ်လာတယ်။ အဲဒီ့မိန်းမကြီးအိမ်ကို ပစ္စည်းပို့ရင် နောက်ဖေးပေါက်ကပဲ ပို့ရတယ်။ အိမ်ရှေ့ပေါက်က ဘယ်တော့မှ မပို့ရဘူး။ ဒါကို သိမထားတဲ့ ဆစ်ဒနီဟာ အိမ်ရှေ့ပေါက်ကို ရောက်သွားပါတယ်။

အိမ့်ရှင် မိန်းမကြီးက နောက်ဖေးပေါက်ကို ပို့ပေးဖို့ သူ့ကို ပြောတဲ့အခါကျတော့ ဆစ်ဒနီက သူ မှားသွားတဲ့အကြောင်း၊ သို့သော် အခုမှတော့ မထူးတော့တဲ့အပြင် လူချင်းလည်း ဆုံနေပြီမို့ ပစ္စည်းကို လက်ခံပေးဖို့ တောင်းပန်လိုက်ပါတယ်။ မိန်းမကြီးက လက်မခံဘူး။ လက်မခံတဲ့အပြင် သည်လူမည်းလေးက သူ့ကို ပြန်ပြောရကောင်းလားဆိုပြီး စိတ်က တအားပေါက်သွားတယ်။

မကြာပါဘူး၊ အဲဒီ့အချိန်က အမေရိကန်နိုင်ငံမှာ လူမည်းတွေကို အကြမ်းဖက်တဲ့နည်းနဲ့ နှိပ်ကွပ်နေတဲ့ “ခလူ၊ ခလပ်(ခ်)(စ်)၊ ခလယ်(န်)”ဆိုတဲ့ အဖွဲ့က ရှိနေတယ်။ အဲဒီ့အဖွဲ့က သည်အမှုကြောင့် ဆစ်ဒနီ့ကို မြေလှန်ပြီး ရှာကြပါတော့တယ်။ သည်မှာတင် ဆစ်ဒနီ့မိသားစုလည်း စိုးရိမ်တကြီးနဲ့ ဆစ်ဒနီ့ကို နျူးယော့(ခ်)မြို့တော်ကို ပို့လိုက်ကြပြန်ပါတော့တယ်။

အဲဒီ့အချိန်မှာ ဆစ်ဒနီ့အသက်က ၁၅နှစ်ပဲ ရှိသေးတယ်။ သူ့အိတ်ကပ်ထဲမှာလည်း ငွေလေးက သုံးဒေါ်လာပဲ ပါတယ်။ နျူးယော့(ခ်)ရောက်တော့ ပန်းကန်ဆေးတဲ့ အလုပ်တစ်ခု ရတယ်။ ဒါပေမယ့် ရတဲ့ လုပ်ခက သိပ်မများတော့ တအားကို ဆင်းရဲတာပေါ့။ ညတိုင်ကျရင် သူ့မှာ ပိုက်ဆံပေးပြီး သွားရတဲ့ အများသုံး အိမ်သာထဲမှာ သွားသွားအိပ်ခဲ့ရပါသတဲ့။

တစ်နေ့ကျတော့ ပြဇာတ်တစ်ပုဒ်မှာ ဝင်ရောက် သရုပ်ဆောင်ဖို့အတွက် သရုပ်ဆောင်များ အလိုရှိသည်ဆိုတဲ့ ကြော်ငြာတစ်ခုကို သတင်းစာထဲမှာ သူ တွေ့သွားတယ်။ သူလည်း စိတ်ဝင်စားသွားပြီး လျှောက်တော့တာပေါ့။

တကယ်လည်း သူ့ကို အစမ်း သရုပ်ဆောင်ခိုင်းတဲ့အခါမှာတော့ သူ သရုပ်ဆောင်တာက တအား ချာတူးလန်နေတယ်။ ထုတ်လုပ်သူလည်း ဒေါတွေ ပွ၊ ဆစ်ဒနီ့လက်ထဲက ဇာတ်ညွန်းစာရွက်ကို ဆောင့်ဆွဲ ဆုတ်ဖြဲပစ်လိုက်ပြီး လူအများ ရှေ့မှာတင်ပဲ မင်းလိုကောင်မျိုးက သရုပ်ဆောင် မဖြစ်နိုင်ဘူး၊ ပန်းကန်ဆေးတဲ့ ကောင်ပဲ ဖြစ်မှာလို့ အော်လိုက် ဟစ်လိုက်ပါတော့သတဲ့။ ဆစ်ဒနီဟာ ပန်းကန်ဆေးတဲ့ ကောင်မှန်း အဲဒီ့ ထုတ်လုပ်သူက မသိပါဘူး။ သို့ပေမယ့် သူ့ စကားက ဆစ်ဒနီ့ကို အကြီးအကျယ် အရှက်ရသွားစေခဲ့ပါတယ်။ ကျလုဆဲဆဲ မျက်ရည်တွေကို ထိန်းရင်း အဲဒီ့ ထုတ်လုပ်သူရဲ့ စကားကြောင့် တစ်နေ့ကျ ငါ သရုပ်ဆောင်တစ်ယောက် ဖြစ်ကို ဖြစ်ရမယ်ဆိုတဲ့ သန္နိဋ္ဌာန်က သူ့ရင်မှာ ခိုင်မာ သွားပါတော့တယ်။


အဲဒီ့နောက် ခြောက်လလုံးလုံးအတွင်းမှာတော့ ဆစ်ဒနီဟာ ရေဒီယိုကို မပြတ် နားထောင်ပြီး သူ့ရဲ့ ပလုံးပထွေးနဲ့ ပြောတတ်တဲ့ ကျွန်းသား လေယူ လေသိမ်းကို ပြုပြင်နိုင်အောင် ကြိုးစားပါတော့တယ်။ မြန်မာ နားလည်အောင် ပြောရင်တော့ သူ စကားဝဲတာကို မဝဲတော့အောင် ရေဒီယို အသံလွှင့်ချက်တွေ နားထောင်ပြီး ကျင့်တော့တာပါ။

ခြောက်လလောက်ကြာတော့ သူ့ကိုယ်သူ အတော် ယုံကြည်လာတယ်။ ဒါနဲ့ သရုပ်ဆောင် သင်တန်းကျောင်းကို တက်ပါတော့တယ်။ အဲဒီ့ သင်တန်းကျောင်းအတွက် ကျောင်းလခကိုတော့ အဲဒီ့ကျောင်းမှာပဲ သန့်ရှင်းရေးသမားအဖြစ် အမှုထမ်းရင်း အဲဒီ့က ရတဲ့ လခနဲ့ ပြန်ချေရတာပါပဲ။ မကြာပါဘူး၊ ပြဇာတ်တစ်ပုဒ်မှာ မထင်မရှား အခန်းလေးတစ်ခန်းကနေ သူ စသရုပ်ဆောင်ရ ပါတယ်။ သို့ပေမယ့် စင်ပေါ်မှာ သူသရုပ်ဆောင်တာက အချိုးသိပ်မကျတော့ ပရိသတ်က ရယ်ကြပါတယ်။ မရယ်သင့်တဲ့ ပြကွက်မှာ ရယ်ကြတာ ဖြစ်ပေမယ့်လည်း ပရိသတ်ရဲ့ အာရုံကို တစ်နည်းတစ်ဖုံ ဖမ်းစားနိုင်ခဲ့တာလည်း အမှန်ပါပဲ။


အဲဒီ့ကနေ တဖြည်းဖြည်းနဲ့ သူဟာ ပြဇာတ်တွေမှာ နေရာရလာပါတော့တယ်။ ၁၉၅၀ပြည့်နှစ်မှာတော့ “ထွက်ပေါက်မရှိ”ဆိုတဲ့ ဇာတ်ကားမှာ ပါဝင် သရုပ်ဆောင်ခွင့် ရလာပါတော့တယ်။ အဲဒီ့ကမှ အားလုံးက ဝိုင်းနှိမ်နေတဲ့ကြား၊  လူမည်းများအတွက် အင်မတန်မှ ခက်ခဲလှတဲ့ အခြေအနေအတွင်းမှာ သူ့ရဲ့ ကြိုးစားမှု၊ မဆုတ်နစ်တဲ့ ဇွဲ၊ ပြင်းထန်တဲ့ စိတ်ဓာတ်များကြောင့် အမေရိကန် ဟောလီးဝု(ထ်)ရဲ့ ထိပ်တန်း သရုပ်ဆောင်နေရာ တစ်နေရာကို ရောက်လာခဲ့ပါတော့တယ်။

သည်နေရာမှာ မေးစရာတစ်ချက်ရှိတယ်။ အတန်းကျောင်းအနေနဲ့ နှစ်တန်းအထိသာ နေခွင့်ရခဲ့တဲ့ ဆစ်ဒနီဟာ ဘယ်လိုလုပ် ထိပ်တန်းနေရာကို ရလာသလဲဆိုတဲ့ မေးခွန်းပါ။ ဟုတ်ကဲ့… ဆစ်ဒနီဟာ စာကို စွဲစွဲလန်းလန်း ဖတ်သူတစ်ယောက်ပါ။ နှစ်တန်းအထိ နေခွင့်ရခဲ့တဲ့အတွက် သူဟာ စာတော့ ဖတ်တတ်တယ်။ စာဖတ်တတ်တဲ့အတွက် စာကို စွဲစွဲလန်းလန်း ဖတ်တယ်။ စာအုပ်တွေ၊ ပြဇာတ်တွေ၊ သတင်းစာတွေ၊ မဂ္ဂဇင်းတွေကို ပြင်းပြင်းထန်ထန် ဖတ်ပါတယ်။

ကနေ့ သူ့အသက် ၇၈နှစ်အထိလည်း တစ်နေ့ကို သတင်းစား ငါးစောင် အပါအဝင် အခြား စာများကို တအားဖတ်ဆဲပါပဲ။

အဲတော့ ပညာရေးအရ မရခဲ့ပေမယ့်လည်း ကိုယ်လိုချင်တဲ့ ပညာကို စာအုပ်တွေထဲမှာ၊ အင်တာနက်တွေထဲမှာ၊ စာနယ်ဇင်းတွေထဲမှာ ရှာလို့ရတယ် ဆိုတာကို ဆစ်ဒနီက သက်သေထူသွားခဲ့တာပါပဲ။ တကယ်တော့ အသိပညာဆိုတဲ့ နယ်ပယ်တစ်ရပ်ဟာ ကျွန်တော်တို့ လူသားအားလုံးကို ငံ့လင့် ကြိုဆိုနေတာပဲ မဟုတ်ပါလား။

၂၀ဝ၉ ဩဂုတ်လ ၂၅ရက်ထုတ် Kazan Today စာစောင်ထဲမှာ တွေ့ရတာလေးကို ဆီလျော်အောင် ပြန်ဆိုတင်ဆက်လိုက်တာပါ။

ကျွန်တော်ကိုယ်တိုင်သည်လည်း အဖေက လက်နှိပ်စက်စာရေးလေး၊ လူလားမြောက်ရတာက လောပိတဆိုတဲ့ ဟိုး ကယားပြည်နယ်ထဲက ရွာသိမ် ရွာငယ်လေးမှာ။ ဆစ်ဒနီ့လောက် မဆင်းရဲပေမယ့် မပြည့်စုံတဲ့ဘဝ၊ သိမ်ငယ်တဲ့ ဘဝမှာ နေခဲ့ရတာပါ။

အဲဒီ့ကနေ ကနေ့အခြေအနေ ရောက်လာအောင် ခါထုတ် နင်းတက်ခဲ့ရသူ မို့လားတော့ မသိဘူး၊ ဆစ်ဒနီ ပွိုင်တီယာဆိုတဲ့ လူမည်း သရုပ်ဆောင် အကျော်အမော်ရဲ့ ဘဝဇာတ်ကြောင်းလေးက ကျွန်တော့် ရင်ကို လာထိပါတယ်။

ကျွန်တော်တို့ ဖြတ်သန်းရတဲ့ ခေတ်ကလည်း ငါးတန်းကျမှ အင်္ဂလိပ်စာသင်တဲ့ ခေတ်ပါ။ အဘက်ဘက်က ချို့ချို့ငဲ့ငဲ့နေခဲ့ရပေမယ့် ကိုယ့်ဘဝကိုယ် တက်အောင် လုပ်မဟဲ့ဆိုတဲ့ ဇွဲနပဲနဲ့ ပြင်းထန်သော စိတ်များကြောင့် ကနေ့အခါမှာ ကျွန်တော်ဟာ ဆစ်ဒနီ့လို ကမ္ဘာကျော် ဖြစ်မလာသည့်တိုင် လူတစ်လုံး၊ သူတစ်လုံးတော့ ဖြစ်လာခဲ့ပါပြီ။ သည်အတွက် ကျွန်တော့်ကို ပျိုးထောင်ပေးခဲ့တဲ့ လက်ဦးဆရာ မိဘနှစ်ပါးအပါအဝင် အနန္တော၊ အနန္တ ငါးပါးရဲ့ ဂုဏ်ကျေးဇူးကလည်း ရှိပါတယ်။ ဆစ်ဒနီ့ကို သူ့မိဘတွေက ကျွန်းစုလေးကနေ အမေရိကန် ပြည်ထောင်စုထဲ တွန်းပို့ခဲ့ကြသလို ကျွန်တော့် မိဘတွေကလည်း ကျွန်တော့်ကို  ကယားပြည်နယ်ကနေ ရန်ကုန်အရောက် ခေါ်လာခဲ့ကြပါတယ်။


ကျောင်းပညာအရ ကျွန်တော်နဲ့ အလှမ်းဝေးခဲ့တာတွေ အားလုံးဟာ စာအုပ်တွေက ရခဲ့တာလည်း အမှန်ပါ။ စိတ်ပညာ၊ စီမံခန့်ခွဲရေးပညာ၊ ကျန်းမာရေး၊ မျိုးဆက်ပွား ကျန်းမာရေး စတာတွေနဲ့ ပတ်သက်တဲ့ စာတွေ တော်တော် များများ ရေးသား ထုတ်ဝေနိုင်ခဲ့တာဟာ အဲဒီ့အတွက် အခိုင်လုံဆုံး သက်သေပါပဲ။

သည်စာလေးကို ဖတ်ပြီး အားထုတ်ချင်သူ လူငယ်လေးများအတွက် စိတ်ကူး စိတ်သန်းကောင်းလေးများ တစ်စတစ်လေ ပေါ်လာမလားဆိုတဲ့ အတွေးနဲ့ ရေးထုတ်လိုက်ရပြန်တာကတော့ အထူးပြောစရာ လိုမယ်မထင်ပါဘူးခင်ဗျား။


အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၁၀၉၀၉)

——————————

(လာမယ့် တနင်္လာ (၂၈-၀၉-၀၉) မှာထွက်လာမယ့် “အတွေးသစ်ဂျာနယ်” အတွဲ ၁၀ အမှတ်စဉ် ၄၅၈ ရဲ့ စာမျက်နှာ ၁၀ မှာ ဖော်ပြထားတာလေးကို ပြန်လည်တင်ဆက်လိုက်တာပါ။)

WOW, I DID IT!!!

pic_4ကျွန်တော့်ရဲ့ အသံဖိုင်တင်လို့ရတဲ့ ဘလော့(ဂ်)မယ် ရန်ကုန်ဆစ်ထီး အက်(ဖှ်)အယ်(မ်)နဲ့ အိမ်သာဗျူးရဲ့ တတိယပိုင်းကို တင်ဆက်ထားပါတယ်။ Audio Player ထည့်တတ်သွားပြီမို့ connection ကောင်းတဲ့ အရပ်ဒေသမှ လူကြီးမင်းများ တိုက်ရိုက် နားဆင်နိုင်ကြပါပြီ ခင်ဗျား။

တစ်ဆက်တည်းမှာပဲ ကျွန်တော် အရင်က အဲဒီ့ ဘလော့(ဂ်)မှာ တင်ခဲ့တဲ့ အသံဖိုင်များဖြစ်တဲ့ ရှေ့က အိမ်သာဗျူး နှစ်ပိုင်းရယ်၊ ကျွန်တော့်အသံပြဲကြီးနဲ့ အားမနာလျှာမကျိုး ဆိုထားတဲ့ “ငယ်ချစ်ဟောင်းနဲ့ နှစ်ပေါင်းများစွာ”တို့ရယ်ကိုလည်း တိုက်ရိုက်နားဆင်လိုက နားဆင်နိုင်ကြပါပြီ။

Interview with City FM (Part 2 of 4)

DSC03394ကြိုတင် အစီရင်ခံထားတဲ့အတိုင်း ရန်ကုန် ဆစ်ထီး အက်(ဖှ်)အယ်(မ်)ရဲ့ ခံစားသူအကြိုက် Popular’s Choice အစီအစဉ်မှာ ကျွန်တော်နဲ့ ပြောခဲ့ဆိုခဲ့သမျှလေးရဲ့ ဒုတိယပိုင်းကို ကျွန်တော့်ရဲ့ နောက် ဘလော့(ဂ်) တစ်ခုမှာ ဆက်လက် တင်ဆက်ထားပါတယ်။ File Size က 18MB လောက် ရှိပါလိမ့်မယ်။ Post မှာ Audio Player မထည့်တတ်တဲ့အတွက် file အနေနဲ့သာ တင်ဆက်လိုက်နိုင်တာကို နားလည် သည်းခံပေးပြီး အဲဒီ့မှာ ပေးထားတဲ့ link ကလေးမှတစ်ဆင့် download လုပ်ပြီးတော့သာ နားဆင်တော်မူကြပါမယ့်အကြောင်း တောင်းပန်အပ်ပါတယ်ခင်ဗျား။

သည်အစီအစဉ်ပထမပိုင်း (ယခု Par 1 နဲ့ 2 အတွဲ)ကို ၂၀၀၈ ခုနှစ် သြဂုတ်လ ၁၅ ရက်နေ့နဲ့ ၁၈ ရက်နေ့များမှာ ရန်ကုန် ဆစ်ထီး အက်(ဖှ်)အယ်(မ်) ရေဒီယို အစီအစဉ်က အသံလွှင့်ခဲ့တာဖြစ်ပါတယ်။