He Really DID Pave the Way!

သူ ဖောက်ခဲ့တဲ့ လမ်း

a lo ma shi_small၁၉၇၂ တစ်နှစ်လုံးမှာတော့ လျှပ်စစ်တေးဂီတကို အခြေခံ ထုတ်လုပ်ပြတဲ့ စတီရီယို တေးသမားတွေရဲ့ သီချင်းတွေ ဈေးကွက်မှာ အပြိုင်အဆိုင် ထုတ်လုပ်လာကြပါတယ်။  နာမည်ရပြီး စတီရီယို ခေတ်ဦး အဆိုကျော်တွေရော၊ နောက်ထပ် တိုးဝင်လာကြတဲ့ အဆိုသမားတွေရော၊ မင်းသား အသစ်တွေ ရာ၊ မင်းသား အဟောင်းတွေရော စုံလို့ပေါ့ဗျာ။ နာမည် ရပြီးသား မြန်မာသံ အဆိုရှင် ဦးသန်းဖေလေး (ကွယ်လွန်)တို့တောင် စတီရီယိုစီးရီး တစ်ခု ဝင်ဆိုသွားသေးတယ်။ စတီရီယိုတေးကို ပရိသတ်ကလည်း နက်နက်ရှိုင်းရှိုင်း လက်ခံသွားကြပြီကိုး။ နောက်ပြီး မင်းသား ဦးလင်းအောင် (ကွယ်လွန်)၊ ရုပ်ရှင်မင်းသမီး ဒေါ်ခင်သန်းနုရဲ့မောင် ကျော်မောင်မောင်သွင်(ကွယ်လွန်) တို့လည်း ပါရဲ့။ သမန်းကျား ကိုမြင့်ကတော့ စတာထွက်ကတည်းက Mr. Wong ရဲ့ လျှပ်စစ်ဂီတအဖွဲ့နဲ့ တာထွက်တာပါ။


အဲဒီအချိန်က သူ့တေးတွေလည်း အောင်မြင် လက်ခံကြပါတယ်။ စတီရီယိုတေး ခေတ်ဦးမှာ နေရာကောင်းကောင်း တစ်နေရာ ရခဲ့ပါတယ်။ ဂီတ“ပိုး” ကြီးလွန်းလှတဲ့ ရုပ်ရှင်မင်းသားကြီး ဦးဝင်းဦးကတော့ စတီရီယို ပေါ်ခါစကာလ မောင်နောင်တို့နဲ့ မရှေးမနှောင်းကတည်းက စတီရီယိုတေး စီးရီးတွေ ဆိုခဲ့တာပါ။ “တစ်ကျော့ နှစ်ကျော့ တေးကိုသီ”ထဲက လူသိများတဲ့ “အိုမီဂါ”တို့၊ “ဒီလိုဆို မချစ်ဘူးကွယ်”တို့ဟာ အဲဒီ စီးရီးတွေထဲက တေးတွေ ဖြစ်ပါတယ်။ အများအားဖြင့် ချိုတေးဆက် ဦးအောင်ကိုးက ရေးပေးတာ များပြီး Aces နဲ့တီးတာ များပါတယ်။

အဲဒီအချိန်တုန်းက ဦးကျော်ဟိန်းက တစ်ဦးတည်းအနေနဲ့ အပြင်မှာ တေးစီးရီး မထုတ်လုပ်သေးပါဘူး။ ဇာတ်ဝင်တေး အနေနဲ့တော့ သီဆိုပါတယ်။ မောင်နောင် ရေးတာတွေ များပါတယ်။ အဲသလို လူပေါင်းစုံ ပါဝင်လာကြပြီး ဈေးကွက်လည်း တဖြည်းဖြည်း ကြီးခဲ့တဲ့ စတီရီယို တေးလောကဟာ ၁၉၇၃ ခုနှစ်ထဲ ရောက်လာတော့ ဂီတဈေးကွက်မှာ သူချည်းပဲ နီးပါး နေရာရခဲ့ပါတယ်။ ဆန်းသစ်မှုကို ကြိုက်တဲ့ ပရိသတ်ကြီးရဲ့ အသိအမှတ်ပြုမှုကြောင့်ပါ။ လွတ်လပ်ရေး ရပြီးကတည်းက ဈေးကွက်တစ်ခုလုံး နီးပါးကို ရရှိထားတဲ့ မြန်မာသံ ဂီတသမားတွေအတွက် အခက်ကြုံရတဲ့ ကာလတစ်ခုပါ။ ပျောက်များ ပျောက်သွားမလားလို့တောင် တွေးပူချင်စရာ အခြေအနေမျိုးပါ။


ဒါကြောင့်လည်း အရိုးစွဲဝါဒသမားတွေက ကမ္ဘာကြီးနဲ့ တပြေးညီ ဖြစ်ထွန်းခဲ့တဲ့ မြန်မာ pop ဂီတသမားတွေကို “သရုပ်ပျက်ဂီတ”လို့ ကင်ပွန်းတပ်ပြီး ကျယ်ကျယ်လောင်လောင်၊ ပေါ်ပေါ်ထင်ထင် တိုက်ခိုက်လာကြပါ တော့တယ်။ နောက်ကွယ်ကနေ လက်သီးပုန်း ထိုးတာတို့၊ မိန်းမဉာဏ် သုံးတာတွေလည်း ပါကြတာပေါ့လေ။ မောင်နောင်တို့တစ်တွေကတော့ ခံစစ်နဲ့ ကစားရင်း အောင်မြင်မှုပန်းတိုင်ကို မျက်ခြည်မပြတ်မခံတဲ့ အချိန်ပေါ့။

အဲဒီအချိန်က ဖြစ်ပေါ်နေတဲ့ အခြေအနေကို မိုးဦးကျ ဖားရိုက်သမားတွေနဲ့ ဥပမာပေးချင်ပါတယ်။ ရိုက်ချင်စိတ်က စောနေတော့ ကွင်းထဲကနေ အရင်ဆုံး ထွက်လာတဲ့ကောင်ကို အသေလိုက်ရိုက်တော့တာပဲ။ နောက်က ထွက်လာမယ့် အကောင်တွေ ဘာလဲဆိုတာ မစဉ်းစားအားသလိုပေါ့။
အဲဒီတော့ တွင်းထဲက အရင်ဆုံးခုန်ထွက်လာတဲ့ “တက္ကသိုလ် ထွန်းနောင်” ဆိုတဲ့ကောင်ကို ပစ်မှတ်ထားပြီး အသေ ရိုက်ကြတော့တာပဲ။ အရေးကောင်း၊ အဆိုကောင်းလို့ တေးချစ်ပရိသတ်ကြား နာမည်ကြီးရသလို သည်းသည်းမည်းမည်း တိုက်ခိုက်သူတွေကြောင့်လည်း အဝေးကနေ လှမ်းကြည့်သူတွေ အတွက်တော့ မောင်နောင်ဟာ နာမည်ဆိုးနဲ့ ကျော်ကြားသလို ဖြစ်ခဲ့ပါတယ်။

သည်လိုနဲ့ ၁၉၇၃ ဒီဇင်ဘာလမှာ ပြုလုပ်မယ့် ဆန္ဒခံယူပွဲအတွက် စည်းရုံးလှုံ့ဆော်ရေး အဖွဲ့တွေ ဖွဲ့ဖို့ တာဝန်ရှိသူတွေက စီစဉ်ကြပါတယ်။ အဲဒီမှာ ပြည်သူတွေရဲ့ နှလုံးသားထဲမှာ ရှိပြီးသား ဖြစ်တဲ့ အနုပညာသမားတွေရဲ့ အင်အားကို ရယူဖို့ ဆုံးဖြတ်ကြပါတယ်။ အနုပညာအင်အားစု ဆိုတာကတော့ စာပေသမားတွေရယ်၊ ဂီတသမားတွေရယ်၊ ရုပ်ရှင်သမားတွေရယ်၊ သဘင်အဖွဲ့တွေရယ်၊ ပန်းချီနဲ့ ကာတွန်းဆရာတွေရယ် စသဖြင့် အနုပညာရှင် တွေ အချိုးကျပူးပေါင်း ပါဝင်တဲ့ အဖွဲ့တွေပါ။ အဖွဲ့ငယ် သုံးဆယ်ကျော် ဖွဲ့ပေးပါတယ်။ “မောင်နောင်” ကတော့ အဖွဲ့အမှတ် ၂၉ မှာ ပါဝင်ပါတယ်။ အဖွဲ့ဝင်တွေကတော့ ကာတွန်း ဦးကျော်ဆန်း(က၊ဆ)၊ စာရေးဆရာ မောင်ဝံသ၊ ရုပ်ရှင် သရုပ်ဆောင် ဦးရာဘ၊ ဒေါ်စံရှားတင်၊ ကမ္ဘောဇ မေသင်းရီ၊ တေးရေး မောင်ဆွေနွယ်၊ ရေး/ဆို ဥက္ကလာ ခင်စောနဲ့ ကျွန်ုပ် တက္ကသိုလ်ထွန်းနောင်တို့ ဖြစ်ကြပါတယ်။

ရှမ်းပြည်ကို ထွက်ကြတဲ့ သုံးဖွဲ့ထဲမှာ မောင်နောင်တို့အဖွဲ့ အမှတ် ၂၉ ကတော့ ရှမ်းပြည်မြောက်ပိုင်း လားရှိုးမြို့ အခြေစိုက်အဖွဲ့ ဖြစ်ပါတယ်။ ၁၉၇၃ ဒီဇင်ဘာ ၁ ရက်နေ့မှာ ရန်ကုန်က လေကြောင်းနဲ့ ထွက်ခွာကြပါတယ်။ အဲဒီနေ့မှာပဲ လားရှိုးမြို့ကို ရောက်ကြပါတယ်။ သည်အဖွဲ့ကို နယ်ခံအဖွဲ့က ကြိုဆိုပါတယ်။ နယ်ခံအနုပညာ အဖွဲ့ခေါင်းဆောင်ကတော့ စာရေးဆရာ၊ ဆရာဝန်ကြီး ဒေါက်တာကမ္ဘောဇ ဦးခင်လှိုင်ဖြစ်ပါတယ်။ အလွန် သဘောကောင်းပါတယ်။ ဆက်ဆံဖူးသူတိုင်း သိကြမှာပါ။ သူ့ကို လူတိုင်း လေးစားကြပါတယ်။ အုပ်ချုပ်ရေးပိုင်းကရော နယ်ခံတိုင်းရင်းသား ပြည်သူတွေကရော၊ လက်နက်ကိုင် ခြားနားတဲ့ အဖွဲ့တွေပါမကျန် လေးစားခံရသြူ ဖစ်ပါတယ်။ ခွဲစိတ်ဆရာဝန်ကြီးဖြစ်ပြီး ကျောသားရင်သား မခွဲခြားဘဲ ဆက်ဆံကုသမှု ပေးတတ်သူလည်း ဖြစ်ပါတယ်။ စာရေးကောင်းသော ခွဲစိတ်ဆရာဝန်ကြီး ဖြစ်သော ဆရာကြီး ကမ္ဘောဇခင်လှိုင်ကို သီချင်းဆို ကောင်းသော သွားဆရာဝန် ပေါက်စကလေးဖြစ်သော မောင်နောင်ရဲ့ လေးစားအားကျမှုကိုတော့ ခန့်မှန်း ကြည့်နိုင်ကြပါလိမ့်မယ်။

ဒီဇင်ဘာလ ၂ ရက်နေ့မှာတော့ နယ်ခံအဖွဲ့နဲ့ မောင်နောင်တို့ ရန်ကုန် အနုပညာရှင်အဖွဲ့တို့ ပူးပေါင်းပြီး ခရီးစဉ် အသေးစိတ်ကို ရေးဆွဲပါတယ်။ လှုံ့ဆော်ရေးကာလအတွင်း ရက်လပ်၊ ကွက်လပ် မရှိအောင် အစီအစဉ် ရေးဆွဲကြတာပါ။ မောင်နောင် အဖို့ကတော့ နယ်ခံ လျှပ်စစ်ဂီတဝိုင်း တစ်ဝိုင်း ပါဝင် ပူးပေါင်းတဲ့အတွက် အရမ်းကို အဆင်ပြေသွားပါတယ်။ အဲဒီ ညှိနှိုင်းဆွေးနွေးပွဲမှာ ဒေသခံအဖွဲ့ခေါင်းဆောင် ကမ္ဘောဇဦးခင်လှိုင်နဲ့ ရန်ကုန်အဖွဲ့ ခေါင်းဆောင် ကာတွန်းဦးကျော်ဆန်းတို့က မိမိတို့ အဖွဲ့ဝင်တွေကို အပြန်အလှန် မိတ်ဆက်ပေးကြပါတယ်။

မောင်နောင့် အလှည့်လည်းရောက်ရော “ဒါ တက္ကသိုလ်ထွန်းနောင်ပါ” လို့ မိတ်ဆက်ပေးလိုက်တာနဲ့ ဆရာ ကမ္ဘောဇဦးခင်လှိုင်က “ဟာ သိတာပေါ့ဗျာ။ နာမည်ကြီးပဲ။ Notorious (နာမည်ဆိုး) နည်းနဲ့ ကြီးတာလေ”လို့ “ဒက်ခနဲ”ပြောချလိုက်ပါတော့တယ်။ ကိုယ့်ထက် “ဂုဏဝုဒ္ဓိ၊ ဝယဝုဒ္ဓိ”အားဖြင့် မြင့်မားတဲ့ ဆရာဝန် အနုပညာသမားကြီးရဲ့အပြောကို ခံလိုက်ရတဲ့ ဆရာဝန်ပေါက်စ၊ အနုပညာသမား ပေါက်စကလေး “မောင်နောင်” အတော် ခံစားလိုက်ရပါတယ်။ အသည်းမှာ ဒဏ်ရာ ရသွားလို့လား မသိပါဘူး။ ရှေ့ဆက် လှုံ့ဆော်ရေး ခရီးတွေဆက်တော့ မိုင်းရယ်မြို့က စလို့ အသည်းရောင် (hepatitis) ဖြစ်ပါတော့တယ်။ အဲဒီတုန်းက လမ်းကလည်း အတော် ကြမ်းသေးတယ်ခင်ဗျ။ မောင်နောင့်ကို လားရှိုးဆေးရုံမှာ နေခဲ့ဖို့ ဝိုင်းနားချကြသေးတယ်။ မနေခဲ့တဲ့အပြင် တစ်ပွဲမှ အလွတ်မခံဘဲ ဖျော်ဖြေ လှုံ့ဆော်ခဲ့ပါတယ်။ Notorious မောင်နောင်လေးကို ဆရာဝန်ကြီး ကမ္ဘောဇဦးခင်လှိုင်လည်း တစ်လမ်းလုံး ဆေးဝါးကုသပေးပါတယ်။ ဖျော်ဖြေ လှုံ့ဆော်ကြတဲ့ မြို့တွေကတော့ လားရှိုး၊ တန့်ယန်း၊ မိုင်းရယ်၊ ကျောက်မဲ၊ နမ့်စမ်၊ သီပေါနဲ့ နောင်ချိုမြို့တွေမှာပါ။


ပြောချင်တာကတော့ ၁၉၇၀ လောက်က စခဲ့တဲ့၊ စင်မဲ့ခဲ့တဲ့ စတီရီယိုသမားတွေ ၁၉၇၃ ဒီဇင်ဘာလမှာ စင် stage တစ်ခု ရခဲ့တာပါ။ နေရာတစ်ခု တရားဝင် ရလိုက်တာနဲ့ စတီရီယိုတေးဟာ ထိရောက်တဲ့ လက်နက်ဆိုတာ ပြနိုင်ခဲ့ကြပါတယ်။ အဖျက်ဂီတ မဟုတ်ဘဲ အားကောင်းတဲ့ အပြုဂီတ ဆိုတာကိုလည်း ထင်ထင်ရှားရှား ပြနိုင်ခဲ့တာပါ။ စတီရီယို တေးသံရှင် အောင်ကိုလတ်ရဲ့ “မဲရုံ… မဲရုံ… ကိုသာ… တစ်ပြည်လုံးမဲဆန္ဒနဲ့… တစ်ပြည်လုံး မဲဆန္ဒနဲ့…” ဆိုတဲ့ တေးသံလေးဟာ လူတိုင်း ပါးစပ်ဖျားမှာ ရေပန်း စားခဲ့ပါတယ်။ ဦးကျော့မှူးရဲ့ လက်ရာ “မဲရုံကိုသွားကြပါစို့” သီချင်း ဖြစ်ပါတယ်။ သည်သီချင်းနဲ့ပဲ (ဦး)အောင်ကိုလတ် “ပေါက်”ခဲ့တာ ဖြစ်ပါတယ်။

အဲသလိုနဲ့ စတီရီယိုတေးဟာ ၁၉၇၄ နှစ်ဆန်းပိုင်းက စလို့ တရားဝင် တေးဂီတအဖြစ်နဲ့ ကောင်းမွန်စွာ ခရီးဆက်နိုင်ပါတော့တယ်။ နောက်ပိုင်းမှာ မြို့နယ်ပြည်သူ့ကောင်စီတွေက stage show permit တွေ စိစစ်ပြီး ချပေးပါတော့တယ်။ စတီရီယို ဂီတသမားတွေကလည်း မြို့နယ်လူမှုရေးနဲ့ အားကစား ရန်ပုံငွေတွေကှိုstage show တွေနဲ့ ရှာဖွေပေးနိုင်ခဲ့ပါတယ်။ အားလုံးလည်း အမြင်ကြည်လင်ကုန်ပြီပေါ့ဗျာ။ အဲဒီအချိန်ကျမှ ဇာတ်လမ်း အစတုန်းက ဘယ်နားနေမှန်းမသိတဲ့ “ပွဲကန်ထရိုက်”ဆိုတဲ့ လူတန်းစား တစ်ရပ်က ဝင်ရောက်စီးပွားရှာတော့ကြောင်းပါဗျာ။

——————————

၂၀၀၃ ခု နှစ်က မဟာဂျာနယ်မှာ အခန်းဆက် ဖော်ပြခဲ့တဲ့ တက္ကသိုလ် ထွန်းနောင်ရဲ့ “ဆိုခဲ့ရ ကျွန်တော့် ဘ၀ပါဗျာ” ထဲက ကောက်နုတ်ချက်ဖြစ်ပါတယ်။ အဲဒီ့ဆောင်းပါး အပြည့်အစုံကို စာအုပ်အဖြစ် ထုတ်ဝေဖို့ လက်တွဲဖော် စာအုပ်တိုက်က စိုင်းပြင်းလျက်ပါ။