On Contemporary Burmese Literature

KBC090910_5

ကြိတ်မနိုင် ခဲမရ

ဆူဒိုနင်


နိဒါန်း

၁၉၉၈ခုနှစ်၊ မိုးမိုး(အင်းလျား)အမှတ်တရ ဝတ္ထုတို ဆုပေးပွဲရယ်၊ ဆုပေးပွဲအပြီး နောက်တစ်ရက် ရှမ်းကန်-၃ စားသောက်ဆိုင်မှာ လုပ်တဲ့ ဆုရသူများနဲ့ မိတ်ဆုံစားပွဲရယ်မှာ ပြောဖြစ်နေကြတဲ့ စကားတွေကြောင့် အခုဆောင်းပါးကို ရေးဖြစ်သွားတယ်လို့ စကားပလ္လင်ခံလိုက်ချင်ပါတယ်။

မိုးမိုး(အင်းလျား) အမှတ်တရ ဝတ္ထုတို ဆုပေးပွဲများရဲ့ အစဉ်အလာအတိုင်း ဆုရွေးချယ်ရေး အဖွဲ့ဝင်များဟာ တက်ရောက်လာတဲ့ ပရိသတ် စိတ်ဝင်စားသည်ဖြစ်စေ၊ အိပ်ငိုက်နေသည် ဖြစ်စေ၊ ရယ်မောနေသည် ဖြစ်စေ၊ သန်းဝေနေသည် ဖြစ်စေ စဉ်းငယ်မျှ ဂရုမထားဘဲ သူတို့ တစ်နှစ်တာလုံးလုံး အောင့်ထားခဲ့ရသမျှ အတိုးချပြီး စကားမိုးတွေ တအိအိ ရွာချပါတယ်။ စနေမိုးလို မပြီးနိုင်၊ မစီးနိုင် ရွာသွန်းခဲ့တဲ့ သည်နှစ် စကားမိုးထဲမှာ ဆရာပါရဂူရဲ့ စကားတွေက ဝတ္ထုတို ရေးသူတွေ၊ ဝတ္ထုတိုကို သံယောဇဉ်ရှိသူတွေ၊ မြန်မာစာကို ချစ်သူတွေကို လှုပ်ခတ်သွားစေခဲ့ပါတယ်။

စကားလုံးအတိအကျတော့ ကျွန်တော် မမှတ်မိဘူး။ ဆရာပါရဂူ့ စေတနာက မြန်မာ ဝတ္ထုတိုတွေ ကမ္ဘာ့အဆင့် မီစေချင်တဲ့ စေတနာလို့တော့ နားလည်ပါတယ်။ ဒါပေမယ့် ဆရာပါ ပြောတဲ့ စကားက နည်းနည်း ထွေးသွားတော့ မြန်မာ ဝတ္ထုရေးဆရာထဲမှာ အင်္ဂလိပ်လို ရေးတဲ့သူ နည်းတယ်ဆိုတဲ့ မှတ်ချက်ကြီးကသာ ငေါငေါကြီး ပေါ်လာခဲ့ပြီး အားလုံး ကသိကအောက် ဖြစ်သွားကြတယ်။ တစ်ဆက်တည်းမှာပဲ အိမ်နီးချင်း အိန္ဒိယမှာဆိုရင် အင်္ဂလိပ်လို ရေးတတ်သူတွေ များတဲ့အတွက် အိန္ဒိယ ဝတ္ထုတွေဟာ ကမ္ဘာ့စာပေမှာ တစ်နေရာ ရထားကြောင်းကိုပါ ဆရာပါက မြန်မာစာပေကို ချစ်မြတ်နိုးတဲ့ စိတ်နဲ့ ပြောသွားပါသေးတယ်။

ဒါပေမယ့် အဲဒီ့ကတည်းက ကျွန်တော့် စိတ်ထဲ ဘဝင်မကျဘူး။ နောက်တစ်ရက်ကျတော့ ရှမ်းကန်မှာ လုပ်တဲ့ မိတ်ဆုံစားပွဲမှာ သည်ကိစ္စက တစ်ပတ် လည်လာတယ်။ ဆရာပါခမျာ သူပြောတာ ဟိုလိုမဟုတ်ဘူး၊ သည်လိုပါလို့ ပြန်ရှင်းရပါတော့တယ်။

ဖြစ်ချင်တော့ အဲဒီ့ပွဲမှာ ရှိနေတဲ့ ဆရာ ဦးအောင်သင်းကလည်း တစ်စခန်း ထတယ်။ ဆရာပါက မြန်မာဝတ္ထုတွေကို အင်္ဂလိပ်ဘာသာပြန်ဖို့လည်း လိုအပ်နေတယ်လို့ အပြောမှာ ဦးအောင်သင်းက ထတဲ့ပြီး ကျွန်တော့်ကို လက်ညိုး ငေါက်ငေါက်ထိုးလို့ သူ့ ပင်ကိုဟန်အတိုင်း မာန်ပါပါနဲ့ “အဲဒါ မင့်အလုပ်၊ မင်းလုပ်ရမယ့် အလုပ်ကွ“လို့ ဆော်ထည့်လိုက်ပါရောလား။

ဂျာနယ်တစ်စောင်မှာတောင် သည်ကိစ္စက ကျွန်တော့် မျက်ခွက်ကို အနီးကပ် ရိုက်တဲ့ ပုံကြီးနဲ့၊ “ဦးအောင်သင်းက ယုံကြည်စွာ တာဝန်ပေးအပ်ခြင်း ခံရသူ”ဆိုတဲ့ ပုံစာကြီးနဲ့ တွေ့လိုက်ရသေးတယ်။ ကလေးပြော ပြောရရင်တော့ “စိတ်ညစ်တဲ့အထဲမှာ အဲဒါလည်း ပါတယ်”လို့ ကြုံးအော်မိမတတ်ပါပဲ။

အဲဒီ့ပွဲမှာတော့ ကျွန်တော်လည်း စိတ်ပေါက်ပေါက်နဲ့ ပြောတန်သလောက် ပြောခဲ့ပြီးပါပြီ။ ဒါပေမယ့် သည်ကိစ္စဟာ လိပ်ခဲတည်းလည်းနဲ့ ရင်ထဲမှာ ကျန်နေဆဲမို့ စာဖတ်သူအများ ဖတ်ရအောင် ရေးလိုက်ရပါတော့မယ်။ အထူးသဖြင့် ဝတ္ထုတိုအပေါ် သံယောဇဉ်ရှိသူ အများစုကို ကျွန်တော် ပြောချင်နေမိတဲ့စကားတွေပါ။

မြန်မာစာပေကို အင်္ဂလိပ်လိုရေးဖို့ကိစ္စ

ပထမဆုံးအချက်က အဲဒီ့ပွဲမှာပဲ ဆရာကျော်ရင်မြင့်က ပြောသွားပါတယ်။ မိုးမိုး(အင်းလျား) အမှတ်တရ ဝတ္ထုတို ပြိုင်ပွဲ ကျင်းပခဲ့တာ ၅ နှစ် ရှိပြီ ဖြစ်ပေမယ့် ဆုရ ဝတ္ထုတွေကို ကြည့်လိုက်ရင် လွန်ခဲ့တဲ့ ၅နှစ်က ဝတ္ထုတိုတွေထက် သိသိသာသာ တိုးတက်လာတာ မတွေ့ရတဲ့အကြောင်း သူက အကျယ်တဝင့် ပြောသွားတာပါ။

ဆရာပါက မြန်မာဝတ္ထုတွေကို နိုင်ငံတကာအဆင့် မီစေချင်တယ်၊ ဆရာကျော်ရင်မြင့်က မြန်မာ ဝတ္ထုတိုတွေဟာ လွန်ခဲ့တဲ့ ၅  နှစ်ကအတိုင်းပဲ ရှိနေသေးတယ်လို့ သုံးသပ်တယ်။  တရားကိုယ်အားဖြင့် တူပါတယ်။

ဝတ္ထုတိုအကြောင်း ဘာမှ မပြောခင် ဆရာပါ လွဲနေတာကို အရင်ဆုံး ပြောပါရစေ။ (ဟိုပွဲမှာတော့ ပြောခဲ့ပြီးပါပြီ။)

အိမ်နီးချင်း အိန္ဒိယနိုင်ငံမှာ အင်္ဂလိပ်လို ရေးနိုင်တဲ့ စာရေးဆရာတွေ ပေါများတဲ့ ကိစ္စပါ။ ဒါက ကျွန်တော်တို့ ဘယ်လိုမှ အားကျစရာ မလိုသလို လိုက်လို့လည်း မမီနိုင်တဲ့ ကိစ္စမို့ လွဲနေတယ်လို့ ပြောလိုက်ရတာပါ။

အိန္ဒိယနိုင်ငံက ကြီးသလောက် လူမျိုးကွဲတွေ၊ အယူကွဲတွေ၊ ဇာတ်ကွဲသူတွေ အများကြီးပါ။ ကျွန်တော်တို့မှာ တိုင်းရင်းသား လူမျိုးပေါင်း ၁၁၃ မျိုး ရှိတယ်ဆိုရင် သူတို့ဆီ မှာ ၁၁၃၀ လောက် ရှိပါလိမ့်မယ်။ ဘာသာစကားကလည်း  အမြောက်အများ ကွဲပြားပါတယ်။ သည်အခြေအနေကြောင့် အိန္ဒိယဟာ လွတ်လပ်ရေး ရခဲ့တာ နှစ် ၅၀ ကျော် ကြာခဲ့ပေမယ့် ယနေ့အထိ အင်္ဂလိပ်စာကို ရုံးသုံး ဘာသာစကားအဖြစ် တရားဝင် သတ်မှတ်ထားပါတယ်။ ဒါကြောင့် ကျောင်းတွေမှာလည်း ဘာသာစုံ အင်္ဂလိပ်လိုသာ သင်ကြားပါတယ်။

သည်အတွက် အိန္ဒိယက စာတတ်သူတွေ အားလုံးဟာ အင်္ဂလိပ်စာ၊ အင်္ဂလိပ်စကားနဲ့ ယဉ်ပါးနေကြတာ အဆန်း မဟုတ်ပါဘူး။ သူတို့ စာရေးဆရာများလည်း အတူတူပါပဲ။ သူ့မိခင်ဘာသာစကား (ဥပမာ – ဟင်ဒီဘာသာ) နဲ့ ရေးမယ်ဆိုရင် သူ့နိုင်ငံထဲက ဟင်ဒီစာ တတ်သူ လူနည်းစုသာ ဖတ်ခွင့်ရမှာပါ။ အင်္ဂလိပ်လို ရေးမှ တစ်နိုင်ငံလုံး အတိုင်းအတာနဲ့ ဖတ်ရမှာပါ။

ကျွန်တော်တို့က “မြန်မာစာသည် တို့စာ၊ မြန်မာစကားသည် တို့စကား”ဆိုတဲ့ မျိုးချစ်စိတ် အပြည့်နဲ့ တိုင်းပြည်မှာ နေကြသူတွေပါ။ အဲတော့ ကျွန်တော်တို့ စာရေးဆရာတွေ မြန်မာလိုပဲ ရေးနိုင်နေတာ မဆန်းပါဘူး။ သူတို့လိုသာ မိခင် ဘာသာက တစ်ခု၊ ရုံးသုံးဘာသာက ဥရောပ ဘာသာစကား တစ်ခုခု ဖြစ်နေမယ်ဆိုရင်တော့လည်း တစ်မျိုးပေါ့။

ဒါကြောင့် သူတို့စာရေးသူတွေ အင်္ဂလိပ်လို ရေးတာကို အားကျခိုင်း၊ အတုယူခိုင်းမယ်ဆိုရင်တော့ ဘယ်လိုမှ ဖြစ်နိုင်မှာမဟုတ်တာမို့ သည်အချက်ကို လွဲနေတယ်လို့ ပြောလိုက်ရတာပါပဲ။ ဒါမှမဟုတ် ဆရာပါ သတိ လစ်သွားတယ်လို့ ပြောနိုင်ပါတယ်။

ဆရာဦးအောင်သင်းပြောတဲ့ ဘာသာပြန်ကိစ္စကိုတော့ ဝတ္ထုအကြောင်း ပြောပြီးမှ ဆက်ပါတော့မယ်။

မြန်မာဝတ္ထုများရဲ့အခြေအနေ

သည်ပွဲမှာ ဝတ္ထုတိုကို အဓိကထားပြီး ပြောသွားကြတာ ဖြစ်ပေမယ့် ကျွန်တော်ကတော့ ဝတ္ထုတို၊ ဝတ္ထုရှည် ခွဲမနေတော့ဘဲ မြန်မာဝတ္ထုလို့ပဲ အားလုံး ခြုံပြီး ပြောချင်ပါတယ်။

ဝတ္ထုတို ရွှေခေတ် ရောက်ပြီ၊ ဘာ၊ ညာဆိုတာ တစ်ချိန်က အတော် ကျယ်ကျယ်လောင်လောင် ပြောခဲ့ကြတဲ့ စကားတွေပါ။ ပန်းတိုင် မရောက်သေးဘူး၊ တက်ထောင်ချင်တဲ့ အသံမျိုးတွေပါ။

ကျွန်တော် ခဏ၊ ခဏ စဉ်းစားနေမိတယ်။ လူကျတော့ ပျော့စိစိနဲ့၊ နာမည်ကျတော့ “သံခဲ”လို့ အပေးခံရတဲ့ ကလေးလို ကျွန်တော်တို့မှာလည်း ဘုန်းမရှိဘဲနဲ့ တုံးများ ပိနေသလား ဆိုတာကိုပါ။ အခုလည်းကြည့်… ဝတ္ထုတိုလေးတွေ ရေးတဲ့ သူလည်း နည်းနည်း များလာရော၊ ဝတ္ထုတို ရွှေခေတ်တွေ၊ ဘာတွေ လျှောက်အော်လိုက်ပါရောလား။

အခုကျတော့ ဝတ္ထုတိုတွေ ဘယ်နားရောက်နေလဲ။ အဲဒီ့ အော်ခဲ့သူတွေကို တိုးတိုးလေး ကပ်မေး ကြည့်ချင်နေမိပါတယ်။

အလားတူပဲ၊ ဝတ္ထုရှည်ကရော လောက်လောက်လားလား၊ ဘယ်နှစ်ပုဒ် ထွက်လာခဲ့လို့လဲ၊ ပရိသတ် ရင်မှာ တင်ကျန်ရစ်လို့လဲ။ ခြစ်ခြစ်ကုပ်ကုပ် ရေမှ ၁၉၈၈ကနေ ၁၉၉၈ ၁၀နှစ်တာ ကာလအတွင်းမှာ ဆရာမဝင်းဝင်းလတ်ရဲ့ “အချစ်၏ နောက်ဆက်တွဲ စာမျက်နှာ”လေး တစ်ပုဒ်ပဲ အဟုတ် ကျန်ရစ်တာ ရှိတယ်။

ရေးနေတဲ့သူတွေကတော့ ရေးနေကြတာပဲ။ အားထုတ်နေသူတွေကလည်း အားထုတ်နေကြတာပဲ။ ဝတ္ထုတို ရေးဖို့ ကြိုးစားသူတွေ များလာတယ်။ ရေးဟန် ကောင်းကောင်းနဲ့ ပိုင်ပိုင်နိုင်နိုင် ရေးတတ်သူတွေလည်း ပေါလာတယ်။ ဒါကို ကျွန်တော်တို့ မငြင်းနိုင်ပါဘူး။ ဒါပေမယ့် ဘယ်နှပုဒ် ကျန်ရစ်သလဲ။

ဥတ္တရလမင်းအဖွဲ့က ခံစားသူအကြိုက် မဂ္ဂဇင်း ဝတ္ထုတိုများ ဆိုပြီး ၁၉၉၅၊ ၁၉၉၆၊ ၁၉၉၇ ရယ်လို့ နှစ်နဲ့ပိုင်းပြီး ထုတ်တယ်။ ပထမ နှစ်နှစ်မှာ နှစ်အုပ် ထုတ်နိုင်ပေမယ့် ၁၉၉၇ ခုနှစ် အတွက်ကျတော့ တစ်အုပ်ပဲ ထွက်လာနိုင်ခဲ့တယ်။ ဥတ္တရလမင်းအဖွဲ့က ရေးတဲ့ အမှာစာမှာလည်း ပါတယ်။ သူတို့ စိတ်ကြိုက်က သည်လောက်ပဲ ရှိတော့လို့တဲ့။ စာဖတ်သူအနေနဲ့ ခံစားလို့ရတာ အဲသလောက်ပဲ ရှိတော့သတဲ့။ ရှင်းရော…

ကျွန်တော်ကတော့ ဝတ္ထုတိုတွေ မဖတ်ဖြစ်တာတောင် အတော်ကြာပြီ။ မဖတ်ဆို၊ ကျွန်တော့်အတွက် ဘာမှ မထူးလို့ပါပဲ။ ခံစားလို့ မရဘူးဆိုရင် ပိုမှန်မလားပဲ။ ပိုဆိုးတာက စာရေးတဲ့သူတွေကို သိသွားတာပါ။ စာထဲမှာ သိနေရတုန်းက အကောင်း၊ လူချင်း သိတဲ့အခါကျတော့မှ ကိုယ် ထင်ထားတဲ့ ဆရာနဲ့ တခြားစီ ဖြစ်နေတာ မျက်ဝါးထင်ထင် မြင်ဖြစ်ပြီး တရားမင်ခဲ့မိသမျှ အောင်မယ်မင်း၊ မှားပါပေါ့ အရပ်ကတို့ရယ်တွေ ဖြစ်တာများတော့ တော်ရုံဆို ဖတ်ကို မဖတ်ချင်တော့ဘူး။ လူလစ်ရင် လစ်သလို ခွက်ပုန်း ချတတ်မှန်း သိနေတော့လည်း လူထူရင် ဘုရားတရားအကြောင်း မနားတမ်း ပြောတတ်သူရဲ့တရားကို ဘယ်လိုမှ နာလို့ မရသလိုပါပဲ။

သည်ကြားထဲကမှ လူပြော သူပြောများတဲ့ ဝတ္ထုလေးတွေဆို ဖတ်မိတယ်။ သိပ်ကောင်း၊ အဟုတ်ကောင်း၊ တကယ်ကောင်း ဆိုတာတွေပါ။

အဲဒီ့မှာ ဘာသွားတွေ့သလဲဆိုတော့ ဝတ္ထုတိုဆရာတွေဟာ ဝတ္ထုတို ရေးတဲ့ အလုပ် မလုပ်တော့ဘဲ ကာတွန်းဆရာ့ အလုပ်၊ လူရွှင်တော့် အလုပ်ကို ဝတ္ထုတိုဆိုတဲ့ ခေါင်းစဉ်အောက်က လုပ်နေတယ်လို့ သွားမြင်တော့တာပါ။ ဆိုကြပါစို့၊ သူတို့နဲ့ မတည့်တဲ့သူ တစ်ယောက်ရှိတယ်။ အဲဒီ့သူကို စောင်းချိတ်ပြီး ရေးတာမျိုး၊ ဒါမှမဟုတ်လည်း စာဖတ်သူ အများစု မနှစ်မျို့လောက်ဘူးလို့ တွက်ထားတဲ့ အရာတစ်ခုခုကို ကလော်သလိုလို၊ ထေ့သလိုလို ငေါ့သလိုလို ရေးတာမျိုး။ အဲဒါက တက်ကို မလာတော့ဘူး။ (ကျွန်တော်ကိုယ်တိုင်လည်း အဲလို ဝတ္ထုတိုတွေ ရေးခဲ့ဖူးတာ ဝန်ခံပါတယ်။)

အမှန်က အဲလို အလုပ်မျိုးဆိုတာ ဝတ္ထုတိုဆရာရဲ့အလုပ် မဟုတ်ပါဘူး။ ကာတွန်းဆရာတို့၊ သရော်စာရေးသူတို့၊ လူရွှင်တော်တို့ လုပ်ကြပါလိမ့်မယ်။ ဝတ္ထုဆိုတာက လူအကြောင်း ရေးတာ။ လူဆိုရာမှာ ငဖြူ၊ ငမည်း မရှိဘူး၊ လူ မျိုး၊ ဘာသာ မရွေးဘူး၊ ချမ်းသာ ဆင်းရဲ မရွေးဘူး။ လူ့သဘာဝ လူ့စရိုက်ကို ထင်ရှားအောင် ဖွဲ့ဆိုနိုင်မယ်ဆိုရင် အဲဒါ ဝတ္ထု  ဖြစ်လာပါလိမ့်မယ်။

အခုဟာက လက်ဝဲတိမ်း ဝတ္ထုတိုတွေ ခေတ်စားချိန် ကာလတုန်းကလို ဘဝသရုပ်ဖော် စာပေဆိုရင် ဆင်းရဲ မွဲတေတဲ့ အနိဋ္ဌာရုံကို များများ ရေးမှဆိုတဲ့ အတွေးမျိုးတွေနဲ့ ပလူပျံအောင် ရေးခဲ့ကြတာမျိုးဖြစ်နေတယ်။ အဲဒီ့ ဆင်းရဲ မွဲတေတဲ့ဘဝကို ကျော်လွှားနိုင်အောင် ဘယ်လို လုပ်မယ်၊ ဘယ်လို စိတ်မျိုး၊ ဇွဲမျိုးတွေ ကိန်းသင့်တယ် စသဖြင့် စာရေးသူက ပြောမပေးဘူး၊ ပြောလည်း မပြောတတ်ဘူး။ သူတတ်တာက သူ့ဝတ္ထု ပုံနှိပ် ဖော်ပြခံရဖို့ရယ်၊ သူ့ကို ဘဝသမားလို့ ရေးဖော်တွေက ကျောသပ်ရင်သပ် လုပ်တာ ခံရဖို့ရယ်အတွက်ပဲ။ ကျန်တာတွေကတော့ အားထုတ်ရကောင်းမှန်းလည်း မသိဘူး၊ အားလည်း မထုတ်ဘူး။

အခုလည်း အလားတူပဲ၊ အစောင်းအချိတ်စာပေတွေ ခေတ်စားတယ်လို့ပဲ ပြောလိုက်ချင်ပါရဲ့။ ဟိုဝတ္ထုလေး ကောင်းလှချည့်ဆိုလည်း စောင်းထား၊ ချိတ်ထားတာ၊ သည်ဝတ္ထုလေး ဟုတ်လှချည့်ဆိုလည်း ကလော်ထား၊ ထေ့ထားတာက  တက်ကို မလာတော့ဘူး။

အဲဒါက ကျွန်တော်တို့ရဲ့ ပုဂ္ဂလိက ကိစ္စတွေ။ အဲလို ပုဂ္ဂလိက ကိစ္စတွေနဲ့ ကျွန်တော်တို့ရဲ့ စာပေက နိုင်ငံတကာ အဆင့် ဘယ်မီနိုင်ဦးမှာလဲ။ အဲဒါကို မီစေချင်ဇောနဲ့ ဇွတ် မီခိုင်းနေရင်လည်း ခိုင်းတဲ့သူသာ ကိုယ့်ဇောနဲ့ ကိုယ် နှလုံးရောဂါ ရသွားပါလိမ့်မယ်။

ဝတ္ထုတိုကို သံယောဇဉ် ရှိတဲ့သူတွေ အားလုံး အတည့်အတိုင်း မြင်ကြစေချင်တာပါ။

လူနားမလည်အောင်ရေးတဲ့ကိစ္စ

နောက်တစ်ခုက လူနားမလည်အောင် ရေးတဲ့ ဝတ္ထုတွေ ကိစ္စ။ စာဖတ်တယ်ဆိုတာ စိတ်အညောင်းပြေအောင် ဖတ်ကြတာက များတယ်။ လူနားမလည်အောင် ရေးထားရင် သူ ဘာပြောချင်တာလဲဆိုတာ စဉ်းစားနေရတာကိုက ဝန်ပိုလာတယ်။ ပဟေဠိ ဖြေသလိုမျိုး အဖြေမှန် ရတဲ့အခါ ပျော်သွားတဲ့ ခံစားမှုမျိုးကတော့ အဖြေရှိတဲ့ စာတွေကို ဖတ်ရတဲ့အခါမှာ  ရှိနိုင်သပေါ့။ ဒါပေမယ့် တစ်ပုဒ်လုံး တစ်ကြောင်းမှ နားမလည်ဘဲ ဖတ်လိုက်ရပြီ ဆိုရင်တော့ နဂိုက ညောင်းနေတဲ့ စိတ်ဟာ လေးလံ ကိုက်ခဲလာပါတယ်။ အဲဒီ့အခါ အဲဒီ့စာမျိုးကို ပရိသတ် မဖတ်ပါဘူး။

အဲဒါ ပရိသတ်က နိမ့်လို့ဆိုပြီး အဲလိုစာမျိုး ရေးသူတွေ က ကိုယ့်အပြစ်ကို သူ့အပြစ် လုပ်ပြပါလိမ့်ဦးမယ်။ ကဲ…  ပရိသတ်က နိမ့်တယ်ဆိုရင် အဲဒီ့နိမ့်တဲ့ ပရိသတ်ကိုမှ အမြင့်စားတွေ သွားပေးတဲ့ သူကရော မူမှန်တယ်လို့ ဆိုနိုင်ပါ့မလား။ ခါးဝတ်အင်္ကျီတောင် ကိုယ်မှာ မကပ်တဲ့ စိတ္တဇ ဝေဒနာသည်ကို စိန်လက်စွပ် သွားပေးတယ်ဆိုရင် ပေးတဲ့သူလည်း မူမမှန်တဲ့ သဘောပါပဲ။

စာပေ၊ ဂီတ၊ ရုပ်ရှင်၊ သဘင် အစရှိတဲ့ အနုသုခုမ အားလုံးဟာ ပရိသတ်ကို မီပြီး ရပ်တည်နေရတာပါ။ ပရိသတ်ကမှ အားမပေးရင် ဘယ်လိုမှ အသက်ရှည်မှာ မဟုတ်ပါဘူး။ ပရိသတ်အလိုကို မလိုက်ဘဲ ထင်တာ မြင်တာ စွတ်လုပ်လို့ စင်ပေါ်မှာ နေခွင့် ဆုံးရှုံးသွားလေတဲ့ အနုပညာသည်တွေ နယ်ပယ် ပေါင်းစုံမှာ အများကြီးပါပဲ။ အဲဒါကိုမှ ပရိသတ်ကို စော်စော်ကားကား၊ ကိုယ်ကမြ င့်နေတာ၊ ပရိသတ်က နိမ့်နေတာလို့ တွေးမယ်ဆိုရင်တော့ စိတ်ဝေဒနာ ခံစားနေရသူကို စိန်လက်စွပ် ကမ်းတဲ့ မူမမှန်သူနဲ့ သိပ်မကွာပါဘူး။

ပရိသတ်က နိမ့်တယ်လို့ ယူဆရင် ပရိသတ် လိုက်နိုင်တဲ့အဆင့်အထိ မိမိကိုယ်ကို နှိမ့်ချပြီး ကိုယ့်ဘက် ပါအောင် ဆွဲယူနိုင်မှ ပညာရှင် ပီသမှာပါ။

၉၈-ဒီဇင်ဘာထုတ် ရွှေအမြုတေ မဂ္ဂဇင်းထဲမှာ ဆရာ ဘိုဘိုလန်းစင်ရဲ့ဆောင်းပါးလေး တစ်ပုဒ်ကို ဖတ်ရတယ်။ မြန်မာဝတ္ထုကို မြန်မာ နားမလည်အောင် ရေးနေကြတဲ့ ခေတ်မှာ နိုင်ငံခြား ဝတ္ထုတွေကို မြန်မာ့နားနဲ့ အံဝင်အောင် ဖန်တီးနိုင်ခဲ့တဲ့ ဆရာကြီးရွှေဥဒေါင်းသို့ ဦးညွှတ်လျက် ဆိုလားပဲ၊ အဆုံးမှာ ရေးထားတာ။

မှန်ပါတယ်။ နိုင်ငံတကာစာပေ၊ အထူးသဖြင့် အင်္ဂလိပ် ဘာသာနဲ့ ရေးထားတဲ့ စာကြီးပေကြီးတွေမှာ ဆရာကြီးရွှေဥဒေါင်းက (မြန်မာ တစ်ယောက်အနေနဲ့) အင်မတန် နှံ့စပ်လှပါတယ်။ ဒါပေမယ့် ဆရာကြီးဟာ သူ့ဘဝ တစ်သက်တာလုံးမှာ စာဖတ်သူကို သူတော်ကြောင်း၊ သူတတ်ကြောင်း ပြဖို့အတွက် လူနားမလည်အောင် ရေးတဲ့နည်းနဲ့ နည်းနည်းကမှ ဒုက္ခ ပေးမသွားခဲ့ပါဘူး။ သူ့ဝတ္ထုကို လူပြိန်း နားလည်အောင် ရှင်းရှင်းပြေပြေ ရေးပြခဲ့တာချည်းပါပဲ။

ကနေ့ အသက်နှစ်ဆယ်ကျော်၊ ခေတ်ရေစီးထဲမှာ ပျော် ရွှင် မျောပါနေသူ လူငယ်တစ်ယောက်ရဲ့လက်ထဲကို ဆရာကြီးရဲ့ ဦးစံရှား ဝတ္ထုထဲက စာမျက်နှာ ၃၀ လောက် ရှိတဲ့ ဝတ္ထုတို တစ်ပုဒ်ရယ်၊ ဆရာမောင်သာနိုးရဲ့ “ထင်းရူးပင်ရိပ်” ထဲက စာကြောင်းရေ ၃၀ လောက်သာ ရှိတဲ့ ဘာသာပြန် ကဗျာ တစ်ပုဒ်ရယ် ယှဉ် ဖတ်ခိုင်းကြည့်ပါ။ ပြီးတော့ ဘယ်လိုနေလဲလို့ မေးကြည့်ပါ။

အဖြေကို ကျွန်တော် ပေးစရာ မလိုဘူး ထင်ပါတယ်။

စေတနာအရာမှာ ဆရာမောင်သာနိုးလည်း ဆရာရွှေဥဒေါင်းထက် မလျော့တာကို နားလည်နိုင်ပါတယ်။ မြန်မာ စာဖတ် ပရိသတ်ကို ကမ္ဘာ့စာပေနဲ့ မိတ်ဆက် ပေးချင်တဲ့ စေတနာဇောပါ။ ဒါပေမယ့် ဆရာရွှေဥဒေါင်းက ကြောင်းကျိုး ဆီလျော်အောင် တွေးပြီး ဘယ်လို လုပ်ရမယ်ဆိုတာကို ရှင်းရှင်း ပြတ်ပြတ် သိတယ်၊ တစ်နည်းအားဖြင့် မဟာဗျူဟာကို နိုင်နင်းတယ်။

ဆရာနိုးကတော့ အသစ်ကို လုပ်ပြချင်တဲ့ ဇောက ကြီးနေတယ်။ ပရိသတ်ကို ငဲ့ဖို့ အထုံဝါသနာမပါဘူး။ ပရိသတ်ကို ဒါလေးမှ မသိရကောင်းလား၊ နားမလည်ရကောင်းလား ဆိုတဲ့ ကရုဏာ တစ်ဆနဲ့ ဒေါသော ၅ ဆ ရောထားတဲ့ ကရုဏာ ဒေါသောတွေ များနေတယ်။

သည်တော့ ဆရာနိုးရဲ့ စာထက် စာရင် ဆရာကြီးရဲ့စာတွေက လူတွေထဲကို ထဲထဲဝင်ဝင် ပျံ့သွားတယ်။ ဆရာနိုး စာကတော့ အဲဒီ့ဘက်ကို စိတ်သန်သူ လူနည်းစုကသာ  တခုတ်တရ ဖတ်ယူကြရတယ်။

ပြဿနာက ရှေ့ဆရာ တချို့က မွှေထားလိုက်ကြတော့ တော်ရုံတန်ရုံ စာပေဝါသနာပါသူ လူငယ်တွေအနေနဲ့ လူနားလည်အောင် ရေးမိရင်ပဲ လူငယ် မဟုတ်နိုင်တော့သလိုလို၊ လူနားမလည်အောင် ရေးမှပဲ ခေတ်မီတော့မလိုလို ထင်ကုန်ပြီး အတတ်ဆန်းထွင်၊ ကော့ကော်ကန်ကားတွေ လျှောက်လုပ်ပြနဲ့ လူနားမလည်အောင် ရေးတဲ့စာတွေက တစ်စခန်း ထလာတယ်။

သည်အခါမှာ ဝတ္ထုတို/ရှည်တွေထဲမှာ အကောင်းဆိုတာ မူးလို့မှ ရှူစရာ မရှိအောင် နည်းပါးလာပါတော့တယ်။

တကယ်ကောင်းရင်

သည်ဆောင်းပါးကို ရေးနေချိန်မှာပဲ ဖတ်သူ့အနှစ် မဂ္ဂဇင်းနဲ့ အာရှအပတ်စဉ် မဂ္ဂဇင်းတို့မှာ ကမ္ဘာကျော်နေတဲ့ ဗီယက်နမ် စာရေးဆရာမ တစ်ယောက် အကြောင်းနဲ့ တရုတ် စာရေးဆရာမ တစ်ယောက် အကြောင်းကို ဖတ်လိုက်ရတယ်။

သေချာတာတစ်ခုက အဲဒီ့ကမ္ဘာကျော် စာရေးဆရာမ နှစ်ယောက်စလုံးဟာ ဆရာပါ ပြောခဲ့သလို အင်္ဂလိပ်လို ရေးခဲ့လို့ ကမ္ဘာကျော်သွားတာ မဟုတ်ပါဘူး။ သူတို့ မိခင်ဘာသာစကားတွေဖြစ်တဲ့ ဗီယက်နမ်လို၊ တရုတ်လို ရေးခဲ့တာဖြစ်ပေမယ့် စာတွေက တကယ် ကောင်းနေတဲ့အတွက် ဘာသာ မပြန်ရ မနေနိုင်သူတွေ အလိုလို ပေါ်လာပြီး ဘာသာပြန်ပေးရာက ထင်ရှားသွားတဲ့သူတွေပါ။

မြန်မာဝတ္ထုလည်း အတူတူပါပဲ။ တကယ်သာ ကောင်းပါစေ၊ ပြန်ဆိုမယ့်သူတွေ အများကြီးရှိပါတယ်။ ပြန်လည်း ပြန်ခဲ့တဲ့ အစဉ်အလာတွေလည်း ရှိပါတယ်။ အရေးကြီးတာက ကောင်းဖို့ပါ။

ကျွန်တော်နဲ့ဘာသာပြန်ကိစ္စ

ဆရာဦးအောင်သင်းက ကျွန်တော့်ကို အဲဒါ မင်းလုပ်ရမယ့် အလုပ်လို့ ပြောတာကတော့ ပုဂ္ဂိုလ်ရေး နည်းနည်း ဆန်ပါတယ်။ ကျွန်တော်က အင်္ဂလိပ်စာကို သေစာရှင်စာလောက် တတ်ပါတယ်။ အင်္ဂလိပ်စကားကို နေ့စဉ် ပြောဆို သုံးစွဲနေရတဲ့ အသိုင်းအဝိုင်းထဲမှာ ရောက်နေခဲ့တာ ကြာပြီဖြစ်သလို မြန်မာစာကို အင်္ဂလိပ်လို ပြန်ဆိုရတဲ့ အလုပ်ကိုလည်း အသက်မွေး ဝမ်းကျောင်းအရ ကြိုးကြား လုပ်ဖြစ်နေပါတယ်။

အဲဒါကို ရည်ညွှန်းပြီး ဆရာ ဦးအောင်သင်းက ပြောတာပါ။ ဆရာ ကျွန်တော့်ကို အထင်ကြီးတဲ့အတွက် ကျွန်တော် ကျေးဇူးတင်သလို ရှက်လည်း ရှက်လှပါတယ်။ ဘာကြောင့်လဲဆိုတော့ ကျွန်တော် တတ်တာက လူနားလည်အောင် ပြောနိုင် ရေးနိုင်ရုံလောက် အင်္ဂလိပ်စာ တတ်တာပါ။ ရသစာပေကို ဘာသာပြန်နိုင်ဖို့အတွက်က အဲလောက်နဲ့ မလုံလောက်ပါဘူး၊ မိခင်ဘာသာစကားလောက် နီးနီး တစ်ဖက်ကမ်းခတ် တတ်ပွန်နေမှ ဖြစ်တာပါ။ အဲလောက် မတတ်ကျွမ်းသေးမှန်း ကျွန်တော့်ကိုယ် ကျွန်တော် အသိဆုံးမို့ ဆရာသင်းက အဲလို ပြောချလိုက်တော့ ရှက်တယ်လို့ ရေးရတာပါ။

ဒါပေမယ့် အထက်မှာ ရေးခဲ့သလိုပါပဲ။ တကယ်သာ ကောင်းရင် ကျွန်တော် မပြန်လည်း ပြန်မယ့်သူတွေ ဟောတစ်ယောက် ဟောတစ်ယောက် ပေါ်လာမှာ သေချာပါတယ်။

မြန်မာဝတ္ထုများ နိုင်ငံတကာအဆင့်မီဖို့

အဲဒါအတွက်ကတော့ ကျွန်တော်တို့  မြန်မာ ဝတ္ထုတိုသမားတွေရဲ့ စိတ်ဓာတ်က အရင် စဖို့ လိုတယ်လို့ပဲ ပြောလိုက်ချင်ပါတယ်။

နမူနာလေးနဲ့ ပြောပါရစေ။

တစ်ရက်က မျက်နှာဖြူ သံတမန် တစ်ယောက်ရဲ့ဧည့်ခံပွဲမှာ စာရေးသူတွေ တစ်လှေကြီးနဲ့ ဆုံပါတယ်။ အဲဒီ့ စာရေးသူတွေထဲမှာ နိုင်ငံခြားပြန် ကာတွန်းဆရာ၊ ဆောင်းပါးရှင်၊ ဝတ္ထုဆရာ၊ စာတည်းတွေ ပါသလို နိုင်ငံခြားကို သူတို့လိုပဲ အခမဲ့ သွားဖို့ အားထုတ်နေတဲ့ စာရေးသူတွေလည်း ပါပါတယ်။

ဧည့်ခံပွဲချိန်ရဲ့ အလယ် တည့်တည့်လောက်မှာ မျက်နှာဖြူ အမျိုးသမီးတစ်ယောက်က ဝင်လာပါတယ်။ သည်အခါ မှာ ကျွန်တော်နဲ့ စကားပြောနေသူ စာရေးဆရာက ကျွန်တော့် ခြေဖျားကိုတောင် တက်နင်းပြီး အဲဒီ့ မျက်နှာဖြူမကို အူယားဖားယား သွားနှုတ်ဆက်ပါတယ်။

သူတင်လားဆိုတော့ မဟုတ်ပါဘူး၊ ကျန်တဲ့ နိုင်ငံခြားပြန်များ၊ နိုင်ငံခြား သွားမယ့်သူများကပါ သူ့လိုပဲ အူယား ဖားယားပါ။ ဟိုခမျာမှာ ဧည့်ခံပွဲ ကျင်းပရာ အိမ်ထဲကို ဝင်ဖို့ကိစ္စမှာ မဝင်နိုင်သေးဘဲ သူ့ကို ဆီးပြီး အူယားဖားယား နှုတ်ဆက်နေသူများက ပိတ်နေတဲ့ အတွက်ကြောင့် အိမ်ပေါက်ဝမှာပဲ တစ်နေပါတယ်။ နောက်ဆုံးမှာ ဝိုင်းနေသူတွေကို ဇွတ်တောင်းပန်ပြီး အတင်း တိုးထွက်သွားမှ သက်သာရာ ရသွားရှာပါတော့တယ်။

ကျွန်တော့် မျက်စိထဲမှာ တော်တော့်ကို အချိုးမပြေတဲ့ အဖြစ်မို့ နှုတ်ဆက်ပြီး ပြန်လာသူ ကာတွန်းဆရာကို ခင်ဗျားတို့ကလည်းဗျာ၊ နည်းနည်းလေးမှ ဣနြေ္ဒ မရဘူးလို့ ကျွန်တော့် ထုံးစံအတိုင်း မနေနိုင်၊ မထိုင်နိုင် ပြောလိုက်မိရပါတယ်။

ကာတွန်းဆရာ ချက်ချင်း မျက်ထောင့်နီသွားပါတယ်။

“ခင်ဗျားတို့က ကျင့်ဝတ်တွေ သိနေတော့ မလွတ်လပ်ဘူးပေါ့။ ကျွန်တော်ကတော့ ရှင်းတယ်။ နှုတ်ဆက်ချင်တဲ့စိတ် ပေါ်လာတယ်၊ သွား နှုတ်ဆက်တယ်၊ ဘာဖြစ်လဲ။ ကျွန်တော်က မြန်မာပဲ၊ မြန်မာဟာ မြန်မာစိတ်ပဲ ရှိတယ်”လို့ ပြန်ပြောပါတယ်။

အားပါး၊ အကြီးကြီးပဲ။ မျက်နှာဖြူတို့ရဲ့ဧည့်ခံပွဲအလယ်မှာ ဇာတိမာန် တက်ကြွနေသူရဲ့ မာန်အပြည့်နဲ့ အသံကို အခုလို ကြားလိုက်ရတာဟာ ငိုအားထက် ရယ်အားသန်ပါပဲ။

ကျွန်တော့် ခြေဖျားကို တက်နင်းသွားသူ စာရေးဆရာကတော့ သူ့ထုံးစံအတိုင်း စပ်ဖြီးဖြီးနဲ့ ကျွန်တော်တို့ကို စာသင်ပေးတဲ့ ဆရာမမို့ သွား နှုတ်ဆက်တာပါလို့ ပြောပါတယ်။

ကျွန်တော် မပြောချင်တော့ဘူး။ စာရေးဆရာများရဲ့ အင်္ဂလိပ်စာ သင်တန်းဆိုတာ ၂လ၊ ၃လသာသာပဲ ကြာတာပါ။ ထားပါ၊ ဘယ်လောက်ကြာကြာ၊ ဆရာဟာ ဆရာပဲမို့ မြန်မာစိတ်နဲ့ ဂါရဝပြုတယ် ဆိုတာအထိ ကျွန်တော် လက်ခံပါတယ်။

ခက်တာက ဟိုဆရာမက မျက်နှာဖြူမ။ အသက်ကလည်း ဘာမှ ရှိဦးမှာမဟုတ်ဘူး၊ အလွန်ဆုံးမှ အစိတ်၊ ၃၀ လောက် ရှိမှာ။ နောက်တစ်ခုက အဲဒီ့ ဧည့်ခံပွဲမှာ လူကလည်း များများစားစား ရှိတာ မဟုတ်ဘူး။ လွန်ရော၊ ကျွံရော အစိတ်၊ ၃၀ လောက် ရှိတာ။ အခန်းလေးက ကျဉ်းကျဉ်းလေးရယ်။ အိမ်ထဲ ရောက်အောင် စောင့်ပြီးမှ၊ သူ့ဘာသာ နေသားတကျ ဖြစ်အောင် စောင့်ပြီးမှ ဂါရဝပြုရုံမကလို့ လက်အုပ်ပဲ ချီချီ ကျွန်တော့်အပူ တစ်ပြားဖိုးမှ မပါပါဘူး။

အခုတော့ဗျာ… မိမိရဲ့ ဂါရဝတရားက တစ်ဖက်သားမှာ အနှောင့်အယှက် ဖြစ်သလား၊ မဖြစ်ဘူးလား ဆိုတာတောင် မစဉ်းစားဘဲ ကဲနေကြလေတော့ ဟိုခမျာ အပေါက်ဝမှာ တစ်လစ်ကြီး ဖြစ်နေပါတယ်။ မြန်မာစာပေနယ်က တချို့သော ဆရာများ  (ဆရာမတွေလည်း ပါတယ်နော်) မျက်နှာကြီး ဆာပုံကတော့  အံမယ်မင်း… ကျွန်တော်ဖြင့် မြင်ရတာနဲ့ကို ရှက်နေပါတော့တယ်။

ကျွန်တော်လည်း အဖေ ဗမာ၊ အမေ ဗမာဆိုတဲ့ မြန်မာလူမျိုးစစ်စစ်ပါပဲ။ ကျွန်တော့်ဇာတိမာန်က မျက်နှာဖြူကို ဘယ်တော့မှ မျက်နှာချို မသွေးဘူးဆိုတဲ့ သတိအပြည့်နဲ့ ဇာတိ မာန်မျိုးပါ။ သူတို့ကို လူတွေလို့ပဲ မြင်ပါတယ်။ သူတို့က တန်းတူရည်တူ ဆက်ဆံရင် ကျွန်တော် တန်းတူ ဆက်ဆံမယ်၊ သူတို့က ယဉ်ကျေးရင် ကျွန်တော်လည်း ယဉ်ကျေးမယ်၊ သူတို့ ရိုင်းပြရင် ကျွန်တော်လည်း ခပ်တင်းတင်းပဲ နေမယ် ဆိုတဲ့ စိတ်မျိုးနဲ့ ဇာတိမာန်ပါ။

ဆိုလိုတာက လူ့သိက္ခာ၊ လူ့မာန ရှိတဲ့ မြန်မာစိတ်ပါ။

မြန်မာစကား နားမလည်သူ တစ်ယောက်ကို မြန်မာလို သွားပြောတာဟာ အဓိပ္ပာယ် မရှိသလို မြန်မာစရိုက်နဲ့ လုံးဝ ခြားနားတဲ့ နိုင်ငံခြားသား တစ်ယောက်ကို မြန်မာစရိုက်အတိုင်း နှိမ့်ချ ရိုကျိုးပြနေတာဟာလည်း အင်မတန် ခွကျလှပါတယ်။ ပိုဆိုးတာက မြန်မာတွေရဲ့ ယဉ်ကျေးသမှုနဲ့ ရိုကျိုးတာကို နိုင်ငံခြားသားတွေက မြန်မာတွေဟာ အတော့်ကို ညံ့တာပဲ၊ ကျွန်ခံချင်တာပဲလို့ တွေးဖြစ်အောင် တွေးသွားတတ်ကြတာပါ။

မြန်မာတွေ အဲလို လုပ်လို့ ငါမှ ငါဆိုပြီး သွေးနားထင်ရောက်ကုန်တဲ့ မြန်မာတွေရော၊ နိုင်ငံခြားသားတွေရော ရိုက်သတ်လို့ မကုန်အောင် ပေါပါတယ်။

ဘေးချော်သွားပြီလို့ မတွေးကြပါနဲ့။

ကျွန်တော်တို့ စိတ်ဓာတ်တွေက ခုန ကာတွန်းဆရာ ခပ်တည်တည်နဲ့ အုပ်လိုက်တဲ့ မြန်မာစိတ်ဆိုတဲ့ ခပ်သိမ်သိမ်ငယ်ငယ် စိတ်မျိုးတွေနဲ့ ရှိနေလေသမျှ ကျွန်တော်တို့ လူမှုဘဝကို ရောင်ပြန်ဟပ်နေတဲ့ ဝတ္ထုတွေကလည်း သိမ်သိမ်ငယ်ငယ်နဲ့ လူတောသူတော မတိုးအောင် ဖြစ်နေတော့မှာပါ။

ဝတ္ထုတွေ နိုင်ငံတကာ အဆင့်မီချင်တယ် ဆိုရင် လူတွေကလည်း ပေမီ၊ ဒေါက်မီတဲ့ စိတ်နဲ့မှ ဖြစ်မှာပါ။ တစ်နည်းအားဖြင့် နိုင်ငံတကာ စိတ်၊ နိုင်ငံတကာ အတွေး၊ နိုင်ငံတကာ အမြင် ရှိနေဖို့ လိုပါတယ်။ နိုင်ငံတကာက လူတွေ ဘယ်လို တွေးကြသလဲ၊ နိုင်ငံတကာက လူတွေ ဘယ်လို စိတ်ထားကြသလဲ၊ နိုင်ငံတကာမှာ ဘယ်လို အမြင်မျိုးတွေနဲ့ နေကြသလဲဆိုတာ မပြတ် စူးစမ်းပြီး ကိုယ်တိုင် ကျင့်ကြံယူဖို့ပါ။

ပုံသဏ္ဍာန် သစ်ဖို့ထက် စိတ်ကူး သစ်ဖို့ လိုပါတယ်၊ အတွေးအမြင် သစ်ဖို့ လိုပါတယ်။ နိုင်ငံတကာဆိုရာမှာ အနောက်နိုင်ငံတွေချည်း မဟုတ်ပါဘူး၊ ဖွံ့ဖြိုးနေတဲ့ အရှေ့နိုင်ငံများပါ ပါဝင်ပါတယ်။

ပြောစရာ တစ်ခုတော့ ရှိပါတယ်။

မင်း သည်လောက် ပြောနေတာ၊ မင်းကိုယ်တိုင် ပေမီ ဒေါက်မီ ဝတ္ထုတွေ ရေးပါလားဆိုတဲ့ စကားမျိုးပြောလာရင်တော့ ကျွန်တော့်မှာ ဝန်ခံစရာ ရှိပါတယ်။ ကျွန်တော် အင်မတန် ဝတ္ထု ရေးချင်ပါတယ်၊ ဒါပေမယ့် ဝတ္ထု ရေးနိုင်တဲ့ အနုပညာအားမျိုး ကျွန်တော့်မှာ  ခိုင်ခိုင်မာမာ မရှိဘူး ဆိုတဲ့အကြောင်းပါ။

နောက်တစ်ခုက အထက်မှာ ဆရာနိုးအကြောင်း ပြောတုန်းက ရေးချလိုက်သလို ကျွန်တော်ကိုယ်တိုင်လည်း ကရုဏာ တစ်ဆ၊ ဒေါသော ၅ ဆလောက်နဲ့ သည်ဆောင်းပါးကို ရေးတာပါလို့ ဝေဖန်ကြမယ်ဆိုလည်း ကျွန်တော်ကတော့ ပျော်ပျော်ကြီး ဝန်ခံလိုက်ပါဦးမယ်။

မှန်ပါတယ်။

ကျွန်တော်တစ်ယောက် ဒေါသတွေ ပေါက်ကွဲနေခဲ့တာ တော်တော့်ကို ကြာခဲ့မှကိုး။      ။

———————————

(၁၉၉၉ခုနှစ် နှစ်ဦးပိုင်းထုတ် “ရွှေအမြုတေ” မဂ္ဂဇင်းမှာ ဖော်ပြခဲ့တာလေးကို ပြန်လည် တင်ဆက်လိုက်တာပါ။ သည်ဆောင်းပါးရဲ့ သက်တမ်းက ဆယ်နှစ် ရှိပါပြီ။ သို့ပေမယ့် ဆောင်းပါးပါ အနေအထားက တက်လာပြီ မလာဘူးဆိုတာလည်း အားလုံး ချိန်ဆနိုင်ကြလိမ့်မယ်လို့ မမှိတ်မသုန် ယုံကြည်နေပါတယ်။)

Wanna Hear Me Sing?

ငယ်ချစ်ဟောင်းနဲ့  နှစ်ပေါင်းများစွာ

စန္ဒယားချစ်ဆွေရဲ့ အသက် ၇၀ပြည့် မွေးနေ့ကို ရန်ကုန်မြို့ ကန်တော်ကြီးစောင်းက Dolphin စားသောက်ဆိုင်မှာ ဆရာချစ်ဆွေ မကွယ်လွန်ခါနီးလေးမှာ ကျင်းပခဲ့ပါတယ်။ အဲဒီ့ပွဲမှာ ဆရာ စန္ဒယားချစ်ဆွေရဲ့ ဆန္ဒရှိတဲ့အတိုင်း စာရေးသူများက ဆရာ့သီချင်းတွေ သီဆိုရာမှာ ကျွန်ုပ် ဖိုးဆိုချင် ဆူဒိုနင်သည်လည်း တစ်ပုဒ် ၀င်ဟဲခဲ့ကြောင်းပါ။ အဲဒါလေးကို နားဆင်ကြည့်ချင်တယ်၊ သို့မဟုတ် ကျွန်တော့်အသံနဲ့ နှိပ်စက်တာကို ကြည်ကြည်ဖြူဖြူ ခံစားကြည့်ချင်တယ် ဆိုပါရင် ကျွန်တော့်ရဲ့ တခြားဘလော့(ခ်)တစ်ခုအဖြစ် မနေ့ကမှ အသစ်ဖွင့်လိုက်တဲ့ http://lettwebaw.mylovecafe.com ကနေ တစ်ဆင့် download လုပ်ယူကာ နားဆင်နိုင်ကြပါကြောင်း သတင်းကောင်း (ထင်တာပဲ) ပါးအပ်ပါတယ်ခင်ဗျာ။

Time Has Already Told…

shu

အဲဒီ သင်္ကြန်တစ်တွင်းလုံး မန္တလေးမှာ ရှိခဲ့တဲ့ (ဦး)ဗိုလ်ဗကိုဟာ မောင်နောင့်ကို အတော်လေး မျက်စိကျခဲ့ပါတယ်။ ပရိသတ်အင်အားကိုလည်း သူ ဖြုံသွားပုံ ရပါတယ်။ ရန်ကုန် ပြန်ရောက်တာနဲ့ မောင်နောင်ကို ရုပ်ရှင်ရိုက်ဖို့ စည်းရုံးပါတော့တယ်။ ကုမ္ပဏီအချို့ကိုလည်း စည်းရုံးပါတယ်။ အဲဒီအကြောင်း အသေးစိတ်ကို နောက်ပိုင်းမှာ ဖော်ပြပါမယ်။ ပရိသတ်ကြီးလည်း သင်္ကြန်ပြီးတာနဲ့ မန္တလေး ဟံသာဝတီ သတင်းစာကနေ ကြော်ငြာထည့် ဂုဏ်ပြုတာတွေ လုပ်လာပါတော့တယ်။ အဲသလို မန္တလေး ပန်းဆိုးတန်းသား (ဦး)ဗိုလ်ဗကိုလို သမ္ဘာရင့် သရုပ်ဆောင် အနုပညာသမားကြီးကရော မန္တလေးပရိသတ် အားလုံးကပါ လိုလိုလားလား အားပေးပါလျက် မန္တလေးသား ကလောင်ပေါက်စကလေး “မောင်ကံချွန်”ဆိုသူက မောင်နောင့်ကို သူ့ရဲ့ကလောင် ပေါက်စကလေးနဲ့ အသေ ထိုးပါတော့တယ်။ အသက်ကလည်း ငယ်သေးတာကိုး။ အကုန်ဘယ်သိနိုင်ဦးမှာလဲ။ သိသလောက် ရေးတော့ ရေးတဲ့အချိန်မှာ ဟုတ်သလိုလိုပေါ့လေ။ နှစ် သုံးဆယ်လောက် ကြာလာတော့ အချိန်က အဖြေပေးသွားတယ်။ ခုလို pop ဂီတ ရေစီးကြောင်းကြီး အရှိန်အဟုန်ကောင်းကောင်းနဲ့ စီးဆင်းလိမ့်မယ်လို့ ဟိုတုန်းက ဘယ်တွေးမိမလဲနော်။

သည်အချိန်ကျမှတော့ မန္တလေးသား ဟိုတုန်းအချိန်က “မောင်ကံချွန်” ကလေး ရေးခဲ့တဲ့ အဲဒီဆောင်းပါးကို အချိန်ဆိုတဲ့ ဒိုင်လူကြီးက အနီကတ် တစ်ထောင် ဆက်တိုက် ပြတာကို ခံပေရော့ “မောင်ကံချွန်”ကလေးရေ။ (ဆရာ ကံချွန်ရေ နံမည် တိုက်ဆိုင်နေတာတော့ ဝမ်းနည်းပါတယ်ဗျာ။) ဆရာ ကံချွန်ကို လုံးဝ မရည်ရွယ်ရိုးအမှန်ပါ။ ဆရာကံချွန်လို ပုဂ္ဂိုလ်ကြီးက အဲသလို ကချော်ကချွတ်ဟာမျိုး ရေးပါ့မလားနော်။ (တိုက်ဆိုင်မှုရှိရင် ခွင့်လွှတ်ဖို့ တောင်းပန်လိုက်ပါတယ်)

Pop ဂီတချစ်သူများအတွက် အဲဒီ(၁၅-၅-၇၁)မှာ ထုတ်ဝေခဲ့တဲ့ အဲဒီတုန်းက နံမည်ကြီးဂျာနယ်တစ်စောင်ဖြစ်တဲ့ “ရှုထောင့်ဂျာနယ်” စာမျက်နှာ ၂၅နဲ့ ၂၆မှာ ဝေဝေဆာဆာ ဖော်ပြခဲ့တဲ့ဟာတွေထဲက အချို့ကို scan လုပ်ပြီး တိုက်ရိုက်ကူးယူ ဖော်ပြလိုက်ပါတယ်။ ဝေဖန်ဖို့နဲ့ ဆင်ခြင် တွေးခေါ်ကြဖို့ပေါ့နော်။ ဒါတောင် ဖေတော့၊ မောင်တော့ အရေးအသား အချို့ကို အားနာလို့ ချန်လှပ်ပေးခဲ့ပါတယ်။ နားနဲ့နာလို့ ကောင်းမယ့်ဟာ တချို့ကိုသာ ရွေးပြီး ဖော်ပြလိုက်ပါတယ်။ ဖဝါးနဲ့ နာရမယ့်ဟာမျိုးကိုတော့ ချန်ခဲ့ပါတယ်ဗျာ။ အာဃာတ ကင်းရှင်းကြောင်း သက်သေပါ။ ဒါပေမယ့် အဲဒီ မန္တလေးက ချာတိတ် မောင်ကံချွန်ကလေးလည်း လူ့လောကမှာ ရှိသေးရဲ့လားဆိုတာ မသေချာတော့ပါဘူးလေ။ ဒါပေမယ့် “တက္ကသိုလ် ထွန်းနောင်သို့ အိတ်ဖွင့်ပေးစာ”ဆိုတဲ့ အဲဒီ ဆောင်းပါးကြီးက မသေသေးဘူးခင်ဗျ။ “စာပေ”ကိုး။ ကမ္ဘာတည်သရွေ့ တည်နေမှာ သေချာကြောင်းပါ။ နောက်ပြီး မြန်မာ့ဂီတသမားထဲမှာ အိတ်ဖွင့်ပေးစာ အရင်ဆုံးအပေးခံရတဲ့ ဂီတသမားတစ်ဦးအနေနဲ့ မောင်နောင်လည်း မှတ်တမ်း ဝင်သွားကြောင်း ဂုဏ်ယူလျက်ပါခင်ဗျား။

(၂၀၀၃ခုနှစ်အတွင်းက “မဟာဂျာနယ်”မှာ အခန်းဆက် ဖော်ပြခဲ့တဲ့ တက္ကသိုလ်ထွန်းနောင်ရဲ့ “ဆိုခဲ့ရ ကျွန်တော့်ဘ၀ပါဗျာ”ထဲက ကောက်နုတ်ချက်ဖြစ်ပါတယ်။)

In Ever Loving Memory of Saya Kan Chun


ကျန်ရစ်သူ ကျွန်တော်တို့မှာသာ…

 

အတ္တကျော်

ဆရာကံချွန် ကွယ်လွန်သွားကြောင်းကို ကွယ်လွန်ပြီး နောက်တစ်ရက်မှ ကျွန်တော်သိရတယ်။ ရင်ထဲမှာ ဆို့ခနဲ ဖြစ်သွားတယ်။ တစ်လောဆီက သူ့ကို သတိရလို့ ဖုန်းလှမ်းဆက်တော့ သူ ဆေးရုံက ဆင်းလာခါစဆိုတာ သိရတယ်။ သိပ် နေမကောင်းဘူးပေါ့။ သည်လောက်ပဲ။ ဒါနဲ့ သူနဲ့ ပိုရင်းတဲ့ ဆရာမောင်ဝဏ္ဏကို ပြောပြမိတော့ ဆရာမောင်ဝဏ္ဏက ကျွန်တော့်ထက် ပိုပြီး စုံစုံ သိနေတယ်။ ဆရာ့ အပြောအရ ဆရာကံချွန့်အခြေအနေ မကောင်းဘူးတဲ့။

ကျွန်တော်နဲ့ ဖုန်းပြောတုန်းမှာတော့ ဆရာကံချွန်က အလုပ်တွေ အများကြီး လုပ်စရာ ရှိသေးတဲ့အကြောင်း ပြောတာကို အမှတ်ရနေတယ်။ အဲဒါ သူနဲ့ ကျွန်တော်နဲ့ ဆုံတာ နောက်ဆုံးပါပဲ။

အမှန်မှာတော့ ဆရာ ကံချွန်နဲ့ လူချင်း သေချာသိခဲ့တာ ၂၀ဝ၅ခုနှစ်ကမှပါ။ သို့သော် တစ်ယောက်စာ တစ်ယောက် ရင်းနှီးနေလို့လားတော့ မသိဘူး၊ ခဏချင်းနဲ့ တအား ရင်းနှီးသွားကြပါတယ်။ သို့သော် ဆရာနေတာက မန္တလေး၊ ကျွန်တော်နေတာက ရန်ကုန်ဆိုတော့ ထပ်ဆုံဖို့က အခက်သား။

၂၀ဝ၆-၂၀ဝ၇လောက်အထိက ကျွန်တော်က မန္တလေးကို အိမ်ဦးနဲ့ ကြမ်းပြင်လို သွားဖြစ်နေတာမို့ အဆင်သင့်တဲ့အခါ ဆရာကံချွန့်ဆီ ဝင်ဖြစ်တယ်။ မဝင်ဖြစ်တောင် ဖုန်းဆက်ဖြစ်တယ်။ မေ့လောက်ရင် တစ်ခါလောက် ရန်ကုန်နဲ့ မန္တလေး ဖုန်းနဲ့ လေကန်ဖြစ်တယ်။ သည်လောက်ပါပဲ။

သို့ပေမယ့် ကျွန်တော် ဆရာကံချွန့်ကို အင်မတန် ချစ်သွားစေတဲ့ အဖြစ်တစ်ခုက ကျွန်တော်တို့ ကြားမှာ ရှိသွားခဲ့ပါတယ်။ အဲဒါလေးက လူသိရှင်ကြားလို့ တစ်ဖက်က ဆိုနိုင်ပေမယ့် လူ သိပ်မသိလိုက်တာလည်း ဖြစ်နိုင်နေပြန်တယ်။ တစ်ဆက်တည်းမှာ အတုခိုးစရာ အင်မတန်မှ ကောင်းလှတဲ့ ဆရာကံချွန့်ရဲ့ လုပ်ရပ်ကလေးမို့ ဆရာ့ကို လွမ်းလွမ်းနဲ့ အဲဒါလေးကို တင်ပြလိုက်ပါရစေ ခင်ဗျား။

ဖြစ်ပုံက သည်လိုပါ။ အများသိတော်မူတဲ့အတိုင်း ကျွန်တော့်မှာ ကိုယ်ပိုင်စာအုပ်တိုက် ရှိပါတယ်။ အဓိကက ကျွန်တော့်စာအုပ် ကျွန်တော် ထုတ်တာပါပဲ။ သို့သော် တခြား ဆရာများရဲ့ စာအုပ်များကို ထုတ်ချင်တဲ့ အာသီသကလည်း ကျွန်တော့်မှာ အပြင်းသား။ သို့သော် နှုတ်ခမ်းမွှေး မနိုင်ဘဲ ဘီယာ မော့ချင်တတ်သူလိုဖြစ်နေပါတယ်။ မကြာသေးခင်က ထွက်သွားတဲ့ ဆရာသုမောင်ရဲ့ “ဟိုတစ်စ သည်တစ်စ မောင်ဗလ”ဆိုရင် ဆရာသုဆီက စာမူ ယူထားပြီး သုံးနှစ်ကျော်ကာမှ စာအုပ်ဖြစ်လာတာမျိုးပါ။ ကျွန်တော့်စာအုပ်တိုက်က ထုတ်တဲ့ ဆရာမောင်ထွန်းဦး(မိုးကုတ်) စာအုပ်ဆိုလည်း တစ်နှစ်ကျော်ကြာမှ ထွက်နိုင်ပါတယ်။

ဒါလည်း အမှတ်မရှိပါဘူး။ ကျွန်တော်တို့က စာမူ တောင်းမိတတ်ပါသေးတယ်။ အဲဒီ့ထဲမှာ ကျွန်တော် သိပ်ထုတ်ချင်နေတဲ့ စာအုပ်တစ်အုပ်က ဆရာ တက္ကသိုလ်ထွန်းနောင်ရဲ့ “ဆိုခဲ့ရ ကျွန်တော့်ဘဝပါဗျာ” ဆိုတဲ့ ကိုယ်ရေး အတ္ထုပ္ပတ္တိပါ။ အဲဒါကို ဆရာထွန်းနောင်က မဟာမဂ္ဂဇင်းမှာ အခန်းဆက် ရေးခဲ့တာပါ။ စတီရီယို ခေတ်ဦး သမိုင်းလို့ ဆိုနိုင်ပါလိမ့်မယ်။ စတီရီယိုလမ်းသစ်ကို စတင် ဖောက်ခဲ့သူဖြစ်တဲ့ ဆရာထွန်းနောင် ကိုယ်တိုင်က ရေးထားတာမို့ အင်မတန့်ကို တန်ဖိုးရှိတဲ့ အကြောင်းအရာပါ။ အဲဒါကို ထုတ်ချင်တော့ ဆရာ့ဆီက တောင်းခဲ့ပါတယ်။ ဆရာကလည်း ကြည်ကြည်ဖြူဖြူ ပေးခဲ့ပါတယ်။ (ကနေ့အထိ စာအုပ် ဖြစ်မလာတတ်နိုင်သေးတာကတော့ ကျွန်တော့် နှုတ်ခမ်းမွေး မနိုင်မှုပါ။)

ဆရာထွန်းနောင်ရဲ့ စာမူ တစ်နေရာမှာတော့ ၁၅-၅-၇၁နေ့စွဲပါ ရှုဒေါင့် (ဟိုတုန်းက သတ်ပုံအတိုင်း ဖော်ပြလိုက်တာပါ။ သတ်ပုံမှန်က “ရှုထောင့်” ဖြစ်ပါတယ်။) ဂျာနယ်ထဲမှာ “မောင်ကံချွန်”ဆိုတဲ့ စာရေးဆရာက “တက္ကသိုလ် ထွန်းနောင်သို့ အိတ်ဖွင့်ပေးစာ” ဆိုတဲ့ ခေါင်းစဉ်နဲ့ အဲဒီ့အချိန်က ပရိသတ်ရဲ့ အားပေးမှုကို ရယူနေတဲ့ ဆရာထွန်းနောင်ကို ကောင်းကောင်း တွယ်ထားတဲ့ အကြောင်းကို ဖတ်ရပါတယ်။ ဒါမျိုးကျ ကျွန်တော်လည်း မနေနိုင်တော့ဘူး။ သည်မှာတင် ဆရာကံချွန့်ကို လှမ်းဖုန်းဆက်မိရပါတော့တယ်။

အဲဒါကို ဆရာကံချွန်က ၂၀ဝ၅ခုနှစ် ဒီဇင်ဘာလထုတ် ရုပ်ရှင်တေးကဗျာ မဂ္ဂဇင်းမှာ “ကံချွန်ရဲ့ ဆူးလှည်း – တက္ကသိုလ်ထွန်းနောင် ဖတ်ဖို့”ဆိုတဲ့  ခေါင်းစဉ်နဲ့ အောက်ပါအတိုင်း ရေးခဲ့ပါတယ်။ ဆရာကံချွန့် ဆောင်းပါးကို ဦးစွာ ဖော်ပြပါရစေ။

KanChun၁၆၊၉၊၂၀ဝ၅ ရက်နေ့ ၁၁နာရီလောက်မှာ အတ္တကျော် (atk) ဖုန်းဆက်တယ်။ atk က သူပြောချင်တဲ့ အကြောင်းအရာကို အရေးမကြီးသလို ပြောပြီး အရေးမကြီးတာတွေကို များများပြောပါတယ်။ ဒါ သူ့အကျင့်လေ။ အရေးကြီးတာလို့ ယူဆထားတာကို ပြောရမှာ အားနာပုံရပါတယ်။

အဲဒါကတော့ ဆရာ တက္ကသိုလ်ထွန်းနောင် ရေးတဲ့ ဆောင်းပါးတွေကို စုထုတ်မယ်ပေါ့။ အဲဒီမှာ ဆရာထွန်းနောင်က ကံချွန့် နာမည် ထည့်ရေးထားတာ ပါတယ်။ မဟာဂျာနယ်ထဲမှာ ရေးတဲ့ဆောင်းပါးပါ။ သိတယ်မဟုတ်လားတဲ့။ မဖတ်ရသေးဘူးလားတဲ့။ ဟင့်အင်း။ စာရေးဆရာဖြစ်ပြီး စာမဖတ်တဲ့ လူတစ်ယောက် တိုးပြီတဲ့။ ဟုတ်ပါတယ်။ ကံချွန်ရဲ့ အချိန်ဇယားမှာ စာရေးချိန်က ၉၀ ရာနှုန်း နေရာ ယူထားပါတယ်။ ၁၀ ရာနှုန်း စာစုံအောင် လိုက်မဖတ်နိုင်ပါဘူး။ (မဖတ်ချင်တာမဟုတ်ပါ) မဖတ်ဖြစ်တဲ့အထဲမှာ မဟာလည်း ပါသွားပါတယ်။ ဖတ်ဖြစ်တာက လက်ဆောင်ရတဲ့ ဂျာနယ် မဂ္ဂဇင်းတွေပဲ။

atk က “လေးလေး…သူ့ကို ဝေဖန်ဖူးတယ်နော်”တဲ့။ ဝေဖန်ဖူးတယ်။ ရှုဒေါင့်ဂျာနယ် (ယခင်စာလုံးပေါင်း) ကပါ။ မဟာမှာ အဲဒီဝေဖန်တာတွေ ထုတ်ပြပြီး ပြန်ရေးထားတယ်ပေါ့။ အဲဒါကို သူလုပ်မယ့် စာအုပ်မှာ ထည့်မယ်ပေါ့။ သည်အခါ ကံချွန်က…

“ထည့်ပါ…ကောင်းပါတယ်။ အဲဒီတုန်းက ကံချွန်ရဲ့ တက္ကသိုလ် ထွန်းနောင်အပေါ် အမြင်ကို ထည့်သလို သည်နေ့ ကံချွန်ရဲ့ တက္ကသိုလ် ထွန်းနောင်အပေါ် အမြင်လည်း ထည့်ပါ ရေးပေးပါ့မယ်”

“ဟာ…တကယ်လား”

“တကယ်ပါ”

“မဟာကို ရှာဖတ်လိုက်ပါဦး”

“မဖတ်တော့ဘူး။ ဖတ်ရင် တက္ကသိုလ်ထွန်းနောင်က ရေးတာကို အကြောင်းပြုပြီး ပြန်ရေးတယ် ဖြစ်မှာစိုးလို့။ မဖတ်ဘဲ ရေးရတာကိုပဲ လိပ်ပြာသန့်တယ်။ ဒါက ကျွန်တော်ရဲ့ သည်နေ့ ခံယူချက်၊ သဘောထား အမြင်ဆိုတာ ရှင်းနေမယ်။ ခင်ဗျား ဆရာထွန်းနောင် တွေ့ရင်သာ ပြောလိုက်ပါ”

“သည်နေ့ အမြင်က ဘယ်လိုလဲ”

“ဟိုတုန်းကနဲ့ ဆန့်ကျင်ဘက်ပဲ”

“အဲဒါ တစ်နေရာရာမှာ ရေးပါလား”

ဒါတွေက ကံချွန်နဲ့ atk ဖုန်းနဲ့ ပြောဖြစ်တဲ့ စကားတွေပါ။ ဖုန်းပြောပြီး တစ်နာရီလောက်ကြာမှ ဂျာနယ်၊ မဂ္ဂဇင်း တစ်နေရာရာကနေ တရားဝင် ရေးသင့် ပြောသင့်တယ်လို့ မြင်လာတယ်။ ဘာလို့လဲဆိုတော့ လွန်ခဲ့တဲ့ နှစ် ၄၀ နီးပါးက (ထင်တယ်) ဝေဖန်ခဲ့တုန်းက ကံချွန်ရဲ့အမြင်ကို ဂျာနယ် စာမျက်နှာထက်ကနေ ရေးခဲ့တာပဲ။ သည်နေ့ သူ့အပေါ်ဆိုတာထက် သူဆိုခဲ့တဲ့ ဂီတအမျိုးအစားအပေါ် ထားတဲ့ သဘောထားကိုလည်း စာမျက်နှာထက်ကပဲ ရေးသင့်တယ်။ ဒါမှ တရားရာ ကျမယ်လို့ ယုံကြည်လို့ ရေးလိုက်တာပါ။

ခေတ်ပေါ်ဂီတသစ် တစ်ခုကို ဗြုန်းစားကြီး တွေ့လိုက်ရတုန်းက ဟီးနိုး ကားရှည်ကိုတောင် ရန်ကုန်က ဘုရားဖူးလာမှ တွေ့ဖူးတဲ့ ကံချွန်ဟာ ကောင်းကင်က ပြုတ်ကျလာတဲ့ လဆင်းယာဉ်ကို တွေ့လိုက်ရသလို ဖြစ်သွားခဲ့ပါတယ်။ ဒုက္ခပါပဲ။ ဘာကြီးမှန်း မသိဘူး။ သည်ဟာကြီးရဲ့ အန္တရာယ်ကို ကာကွယ်ဖို့ လိုမယ်ပေါ့။ ကြိုတင် ပြင်ဆင်ထားတာ မမှားဘူး။ ရမ်း လက်ခံလို့ မဖြစ်ဘူး။ ရည်းစား လိုချင်တာပဲ။ အမေကို ပူဆာရသလား။ ဒါဟာ အမေ မသိအောင် ရည်းစားထားတဲ့ အစဉ်အလာကို ချိုးဖောက်တာပဲ။ လက်မခံနိုင်ဘူး။

အဲသလို အဲသလို ခံစားရချိန်ဟာ ကံချွန် အသက် နှစ်ဆယ်ကျော်။ ကံချွန်ရဲ့ပညာအရည်အချင်းက ဆယ်တန်းမအောင်။ နေရတာက မန္တလေး ဆိုပေမယ့် မြို့ပခုံးသာ။ ရွာဓလေ့ ကြားမှာ။ ရွာလယ်က ရေတွင်းကုန်းမှာ ထိုင်ပြီး ချစ်ပြုံးနှင်းဆီ တစ်လှည့်၊ မခင်နှင်းဆီ တစ်လှည့် အော်နေသူတွေ ကြားမှာ ကံချွန်က ချောကလျာကို ကြိုက်တာနဲ့တင် တော်တော် ခေတ်မီတာပဲလို့ အသတ်မှတ်ခံ ထားရချိန်။ ပြား ၆၀ ကောင်ပေါ့။ (ကျပ်မပြည့်ဘူးလို့ ဆိုလိုတာပါ။) စာရေး စာဖတ်ကတော့ ငယ်ငယ်လေးကတည်းက ဝါသနာပါတယ်။ စာရေးဆရာ မြင့်ကျော်ရဲ့ ဝတ္ထုတွေဖတ်ပြီး စိတ်ထဲမှာ သနားလာလို့ အစ်မသာ ရှိရင် ပေးချင်တဲ့ အကြောင်း စာရေးဖူးတယ်။ ဇာတ်ကောင်တွေက စာရေးသူကို ကိုယ်စားပြုနေတာလို့ ထင်ထားတာကိုး။ ကံချွန်က အသည်း နုတယ်လေ။ သူက လွမ်းပြတော့ ကံချွန်က ငိုချင်တာပေါ့။ အဲသလို ငတိဟာ တစ်ခုသော မန္တလေးသင်္ကြန်မှာ “အခါတော်ရောက်ချိန် နီးလို့လာပေ”ဆိုတဲ့ တေးသံကို နားထောင်ဖို့ ချီတက်လာတုန်း ဗြုန်းဆို ”မာမီရယ် ရှာပေးကွယ်”ဆိုလာတဲ့ တက္ကသိုလ် ထွန်းနောင်နဲ့ ဆုံလိုက်ရတော့တာပါပဲ။

ဆရာ ကိုထွန်းနောင်….

အဲဒီတုန်းက ရေးခဲ့တဲ့ ဆောင်းပါးရှင်ကံချွန်ရဲ့ အတွေးအခေါ် အယူအဆ အသိဉာဏ်ကို တက္ကသိုလ်ထွန်းနောင် မှန်းဆ ပုံဖော်လို့ ရလောက်ပါပြီ။ “သဘောထားပုံ”ဟာ အဲဒီလူရဲ့ ဘဝအခြေအနေ တစ်ခုလုံးမှာ အခြေခံတယ်ဗျာ။ လူတစ်ယောက်ရဲ့ ဘဝအခြေအနေဟာ အပြောင်းအလဲ မရှိရင် အတွေးအခေါ်ဟာလည်း ပြောင်းလဲမှာမဟုတ်ပါဘူး။ ခုတော့ ကျွန်တော်ဟာ အသက် ၆၀ ပြည့်တော့မယ့်အချိန်မှာ မမျှော်လင့်ဘဲ အင်တာနက်ခေတ်၊ စလောင်းခေတ်၊ ကွန်ပျူတာခေတ်၊ အီးမေးလ်ခေတ် ဆိုတာမျိုးနဲ့ ရင်ဆိုင်နေရပြီ။ ကံချွန်ဆိုတဲ့ ငတိက ခေတ်မီအောင် ကြိုးစားတာ မဟုတ်ပေမယ့် မြို့သစ်က လမ်းဘေး လက်ဖက်ရည်ဆိုင်မှာကိုပဲ ကမ္ဘာတစ်ဘက်ခြမ်းမှာ ကန်တဲ့ ဘောပွဲ ငုတ်တုတ် ထိုင်ကြည့်လို့ ရနေပြီကိုး။ နိုင်ငံတကာ တေးသံရှင်တွေရဲ့ စတိတ်ရှိုးတွေကို မျက်တောင်မခတ်တမ်း ငေးလို့ ရနေပြီကိုး။

ကျွန်တော် တက္ကသိုလ်ထွန်းနောင်ကို ရေးခဲ့မိတဲ့အတွက် အမြတ်တစ်ခုပဲ ဘဝအတွက် ရလိုက်ပါတယ်။ အဲဒါကတော့ ခံစားမှုကို အကြောင်းပြုပြီး ရေးခြင်းဟာ “အမှား” မကင်းနိုင်ဘူး။ ဒါကြောင့် အချိန်ကာလ တစ်ခုထိ စောင့်ကြည့်ရမယ့် အရာတွေကို မဝေဖန်သင့်ဘူးဆိုတဲ့ အသိ ရလိုက်တာ အမြတ်ပါပဲ။ ကျွန်တော် အဲဒီ အမြတ်ရဖို့ ဆရာတက္ကသိုလ်ထွန်းနောင် ပေးဆပ်လိုက်ရတဲ့ နစ်နာဆုံးရှုံးမှုကို စိတ်မကောင်းလည်း ဖြစ်ခဲ့တယ်။ အားလည်း နာခဲ့တယ်။ ခုမှ မဟုတ်ဘူး။ လွန်ခဲ့တဲ့ နှစ်နှစ်ဆယ်ကျော်ကတည်းက။

ကာတွန်းမောင်ဝဏ္ဏ အိမ်မှာ ကိုစံမြင့် (တက္ကသိုလ်ထွန်းနောင်ရဲ့ ဦးလေး)နဲ့ ဆုံကြကတည်းက။ ဆူးကို အပ်နဲ့ ထွင်းရမယ့်အစား ပုဆိန်နဲ့ ပေါက်သလို ဖြစ်ခဲ့တဲ့ အရေးအသားအတွက် တောင်းပန်ချင်ခဲ့တာပါ။ ပုဂ္ဂိုလ်ရေး အာဃာတ မရှိပေမယ့် ထိခိုက် နစ်နာသွားရပြီ ဆိုတာကို သိနေခဲ့လို့ပေါ့။ ပြီးတော့ အသစ် မွေးဖွားလာတဲ့ အနုပညာသစ် တစ်ရပ်အပေါ်မှာလည်း အချိန်ပေး စောင့်ကြည့်တာ မလုပ်ခဲ့မိလို့ပေါ့။

ဦးထွန်းနောင်….

atk ဖုန်းဆက်လို့ သည်စာကို ရေးဖြစ်သွားတာပါ။ ကျွန်တော်ကတော့ atk ကို ကျေးဇူးတင်တယ်ဗျာ။ ခင်ဗျားအပေါ် ဆိုတာထက် အနုပညာအသစ် တစ်ခုအပေါ် ကိုယ် နားမလည်တာနဲ့ အဆိုးမြင်ခဲ့ဖူးတာကို ဝန်ခံခွင့်ရလို့ ကျွန်တော်က ကိုယ် မှန်တယ်လို့ ယူဆတာကို ရေးခဲ့သလို ကိုယ်လွန်သွားခဲ့တယ်၊ ကျွံသွားခဲ့တယ်၊ မှားသွားခဲ့တယ်လို့ မြင်ရင်လည်း ချက်ချင်း ပြင်ဖို့ ဝန်မလေး ပါဘူး။ (ခင်ဗျားနဲ့ ကိစ္စမှာတော့ အများကြီး နောက်ကျသွားတယ်)။

စာကြွင်း။    ။ ခင်ဗျား ရေးထားတာ ကြုံရင် ဖတ်ကြည့်ပါဦးမယ်။ သည်ဆောင်းပါး (ပေးစာ) မရေးခင်အထိ မဖတ်တာကတော့ သည်ဆောင်းပါးဟာ ဘယ်လို ရိုက်ခတ်မှုမှ မပါတဲ့ ကျွန်တော်ရဲ့ ဆန္ဒ သဘောထား အမှန် ဖြစ်ချင်လို့ပါပဲ။

ကံချွန်
၁၆၊၉၊၂၀ဝ၅

ကျွန်တော် ဘာ့ကြောင့် ဆရာကံချွန့်ကို ချစ်သွားသလဲဆိုတာ စာဖတ်သူ လူကြီးမင်းများ ရိပ်စားမိကြလိမ့်မယ် ထင်ပါတယ်။

ဆရာကံချွန့်ဆောင်းပါးက တိုပါတယ်။ ကျစ်လစ်ပါတယ်။ ဒါပေမယ့် စကားတွေ အများကြီး ပြောသွားတယ်။ ကျွန်တော်နဲ့ ဖုန်းပြောခန်းမှာ သူရေးသွားသလိုပဲ ဟိုးအရင်က သူ့အမြင်နဲ့ ကနေ့ သူ့အမြင် ဆန့်ကျင်ဘက် ဖြစ်နေတာကို ဆရာက ဝန်ခံတယ်။ ကျွန်တော်က အဲဒါကို တစ်နေရာရာမှာ ရေးပါလားလို့ ဆရာကံချွန့်ကို ပြောမိတယ်။

ဆရာက တကယ့်ကို အဲဒါကို ရေးချလိုက်ပါတယ်။ ရေးချတဲ့အခါမှာ ဆရာကံချွန်က ဟိုအချိန်က သူ့အခြေအနေကို လှစ်ခနဲ ပြသွားတယ်။ အဲတုန်းက အမြင်နဲ့ ကနေ့အမြင်က မတူနိုင်တော့ဘူး။ ဒါကို သုံးသပ်ပြရင်း ခံစားမှုကို အကြောင်းပြုပြီး စာရေးရင် အမှားမကင်းနိုင်တာ၊ အချိန်ကာလတစ်ခုအထိ စောင့်ကြည့်သင့်တဲ့အရာတွေကို မဝေဖန်သင့်တာများကို အဓိက အချက်များ အဖြစ် ကောက်ချက် ဆွဲလိုက်တယ်။ ပြီးတော့ သူမှားခဲ့တာကို ဝန်ခံသွားပါတယ်။

ဆရာကံချွန် ကွယ်လွန်ပြီဆိုတဲ့ သတင်းကို ရရချင်းမှာ သည်အချက်တွေက ကျွန်တော့် ခေါင်းထဲမှာ ပေါ်လာတယ်။ တစ်ဆက်တည်းမှာပဲ ဆရာကံချွန် တစ်ယောက် မြင့်မြတ်ရာ ဘုံဘဝကို ရောက်သွားမယ် ဆိုတာလည်း မလွဲဘူးလို့ ကျွန်တော် တွေးနေမိတယ်။

ဆရာ့စာထဲမှာ “လိပ်ပြာသန့်တယ်”ဆိုတဲ့ အသုံးပါတယ်။ ဆရာဟာ ဖြူစင်သူတစ်ဦး ဖြစ်သလို လိပ်ပြာသန့်လိုသူ တစ်ဦးဖြစ်ကြောင်း အထက်က ဆောင်းပါးနဲ့တင် ထင်ရှားနေပါပြီ။ ဒါ့အပြင် ဆရာဟာ မိမိ အမှားကိုလည်း ပြန်မြင်နိုင်သလို ဝန်ခံဖို့လည်း လက်မနှေးခဲ့ဘူး။ ဆရာထွန်းနောင်အပေါ်မှာ လွန်ခဲ့တဲ့ နှစ်ပေါင်း ၃၀ ကျော်က စာကြွေးတင် သွားခဲ့တာကိုလည်း စာနဲ့ပဲ မိမိရရ ပြန်ဆပ်သွားခဲ့ပါတယ်။ သည်တော့ ဆရာ့မှာ လိပ်ပြာက သန့်သထက် သန့်နေမှာ ဖြစ်တာမို့ ဘဝကူးကလည်း မလွဲမသွေ ကောင်းနေတော့မှာပါ။

ကျွန်တော်တော့ ဆရာကံချွန့်ကို အရမ်း အားကျမိသလို အတုလည်း ခိုးနေမိပါတယ်။ ကျွန်တော်တို့လည်း နှေးတာနဲ့ မြန်တာပဲ ကွာမှာပါ၊ ဆရာကံချွန့် နောက်ကို တစ်နေ့မဟုတ် တစ်နေ့တော့ မလွဲမသွေ လိုက်ကြရမှာပါ။ ဒါပေမယ့် ဆရာကံချွန့်လို ကျွန်တော်တို့တွေ တကယ် လိပ်ပြာ တကယ် သန့်သန့်နဲ့ ဘဝကူးနိုင်၊ မကူးနိုင်ဆိုတာကျတော့ ကျွန်တော်တို့ရဲ့ မနောကံ၊ ဝစီကံ၊ ကာယကံများအပေါ်မှာ တည်နေမယ်လို့ တွေးနေမိရပါတယ်။

ဆရာကံချွန်ကတော့ ကျွန်တော်တို့ကို လမ်းကောင်းလေးတစ်ခု ပြကာ သံသရာခရီးကို ဆက်နှင်သွားပါပြီ။

ကျန်ရစ်သူ ကျွန်တော်တို့မှာသာ…

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
စာပြီးနေ့နဲ့ အချိန် – ၂၂၀၈၀၉ (ဝ၂၄၁)

———————————————————–

၂၀၀၉ ခုနှစ် စက်တင်ဘာလ ၁၈ ရက် ထုတ် Bi Weekly Eleven Journal အမှတ် ၂၆ အတွဲ ၂မှာ ဖော်ပြထားတာလေးကို ပြန်လည်တင်ဆက်လိုက်တာပါ။ Comment လေးတွေ ရေးကြပါဦး လူကြီးမင်း အပေါင်းတို့ရေ…. အခုတစ်လော လာလည်သူ အင်အားက သိပ်လျော့မသွားပေမယ့် comment က သိသိသာသာ လျော့နေတော့ ပို့(စ်)တင်ရတာ ဘယ်လိုကြီးမှန်း မသိ၊ အားမလို အားမရ ဖြစ်နေရပါတယ်။ ပရိသတ်မင်းများဆီက ကောင်းတာဖြစ်ဖြစ်၊ ဆိုးတာဖြစ်ဖြစ်၊ ယုတ်စွအဆုံး ဆဲတာလေးမှဖြစ်ဖြစ် မခံရဘူးဆိုရင် စာရေးတဲ့သူများမှာ အစာမကြေ ရင်မချောင် ဖြစ်ရတတ်တယ် ဆိုတာကို နားလည်ပေးတော်မူကြပါခင်ဗျာ။ ကျွန်တော့်ကို သနားသောအားဖြင့် ရေးကြပါနော်…
(သနားကြပါခင်ဗျား)

Freedom of Expression (Australian Version)

၂၀၀၃ခုနှစ် မတ်လ ၂၃ရက်နေ့တွင် ဆူဒိုနင်/အတ္တကျော်အား ပြည်တောင်စု မြန်မာနိုင်ငံတော်ဆိုင်ရာ သြစတြေးလျ သံရုံး၏ ပြန်ကြားရေးနှင့် သုတေသန တာဝန်ခံ ရာထူးမှ ထုတ်ပယ်သည်အထိ အရေးယူလောက်အောင် အလုပ်ရှင် သြစတြေလျံ သံကြီးတမန်ကြီးများ ရာဇမာန်ရှသွားခဲ့ရသည့် မူရင်း မဟာ သတင်းဂျာနယ်ပါ ဆောင်းပါးလေးကို စိတ်ဝင်စားသူများ ဖတ်ရှုနိုင်ရန် အလို့ငှာ ပြန်လည်ဖော်ပြလိုက်ပါသည်။


မာနနှင့် မူ၊ မတူရေးချ မတူ

ဆူဒိုနင်

များမကြာသေးမီက ဖြစ်ပါသည်။

နိုင်ငံခြားအဖွဲ့အစည်းတစ်ခုက သတင်းစာ ရှင်းလင်းပွဲ ပြုလုပ်မည် ဖြစ်သဖြင့် မြန်မာပြည်၊ ရန်ကုန်မြို့ရှိ နိုင်ငံခြားသတင်းထောက်များအသင်းမှ တစ်ဆင့် ပြည်တွင်းရှိ နိုင်ငံခြားသတင်းဌာန ကိုယ်စားပြု သတင်းစာဆရာကြီးများကို “ဖိတ်စာဖြင့်” ဖိတ်ကြားခဲ့ပါသည်။

သတင်းစာရှင်းလင်းပွဲပြုလုပ်မည့်အချိန်က ညနေငါးနာရီခွဲ၊ စကောစက အချိန်ဖြစ်သည်။ စကောစကအချိန်ဟု ဆိုရသည်မှာ သာမန်ရုံးချိန် မဟုတ်သောကြောင့်တည်း။

သတင်းသမားဟူသည်က သတင်းနှင့် ပတ်သက်လာလျှင် အချိန်အခါ ရွေးလို့ ရစကောင်းသည်မျိုး မဟုတ်သဖြင့် ဆိုင်ရာသတင်းထောက်များ အားလုံးသည် ဖိတ်ကြားရာနေရာသို့ အသက အသက ရောက်ရှိလာခဲ့ပါသည်။ နိုင်ငံခြားအဖွဲ့အစည်းတစ်ခုမှ ဖိတ်ကြားခြင်းဖြစ်သည့်အတွက်လည်း ဖိတ်ကြားချိန်ထက် ၁၅မိနစ်၊ နာရီဝက်မျှ စောကာလည်း ရောက်ရှိလာခဲ့ကြခြင်းဖြစ်သည်။ ထို့အပြင် သတင်းစာ ရှင်းလင်းပွဲ လုပ်သည့်အခါများတွင် မိမိ ရောက်နေကျ နေရာမဟုတ်က သတင်းသမားတို့အနေဖြင့် နေရာကို အကဲခတ် စူးစမ်းရသေးသည်။ ဓာတ်ပုံဆရာများအနေဖြင့် အခန်းဖွဲ့စည်းပုံနှင့် မီးအလင်းအမှောင်က အရေးကြီးသည်။ ထိုအချက်များကို သတင်းစာ ရှင်းလင်းပွဲ မစမီ ကြိုတင်စူးစမ်းရသည်။ အသံဖမ်းမည့်သူများအနေဖြင့်လည်း မည်သည့်နည်းဖြင့် ရှင်းလင်းမည်ကို ကြိုတင်သိရှိရန် လိုအပ်တတ်သည်။ အသံချဲ့စက်သုံးပါက မိမိ၏ အသံဖမ်းစက်ကို အသံထုတ်အိမ် အနီးအနားမှာ ထားရမည်။ အသံချဲ့စက် မသုံးဘူးဆိုလျှင်လည်း အသံများ အရအမိ ပါစေရန် ရှင်းလင်း ပြောကြာသူနှင့် အနီးဆုံးနေရာတွင် နေရာယူရမည်စသဖြင့် ကြိုတင် ပြင်ဆင်ရန် လိုအပ်သည်။ ထို့ကြောင့် သတင်းစာရှင်းလင်းပွဲများမှာ သတင်းသမားတို့ တင်တင်ကြိုကြို ရောက်နေဖို့ လိုသည်။

သို့သော် ထိုသို့ရောက်ရှိလာသောအချိန်တွင် ဖိတ်ကြားသည့် အဖွဲ့အစည်းက လုံခြုံရေးကို အကြောင်းပြပြီး ဝင်ခွင့်မပေးပါ။ ထို့အပြင် ဖိတ်ထားသည်က ငါးနာရီခွဲမှသာ ဖြစ်သည့်အတွက် စောပြီး ရောက်လာသူများပင် မှားယွင်းနေလေသယောင် အပြောအဆိုမျိုးကို ပြောလိုက်ပါသေးသည်။ လက်တွေ့တွင် သတင်းစာရှင်းလင်းပွဲတွင် တာဝန်ယူရှင်းလင်းမည့်သူက ချိန်းဆိုချိန်အတိုင်း အတိအကျ ရောက်မလာနိုင်ခြင်းသာဖြစ်ပါသည်။ ထိုသူ ရောက်လာချိန်မှာ ချိန်းဆိုဖိတ်ကြားချိန်ထက် နာရီဝက်ခန့် နောက်ကျပါသည်။

မည်သို့ပင်ဆိုစေ၊ သက်ဆိုင်ရာနေရာအတွက် တာဝန်ရှိသူ နိုင်ငံခြားသားက ဖိတ်ကြားခံစာနယ်ဇင်းဆရာများ တင်ကြို ရောက်ရှိနေသည့်အတွက် မှားယွင်းနေသယောင် ပြောဆိုခဲ့ပါသည်။ ထိုမျှမကသေး သူတို့ ဖိတ်ကြားချိန်ဖြစ်သော ညနေ ငါးနာရီခွဲသွားသည့်တိုင်လည်း ဝင်ခွင့် လုံးဝမပေးခဲ့ပါ။ တာဝန်ယူ ရှင်းလင်းမည့်သူ အမှန်တကယ် ရောက်ရှိလာပြီး အတန်ကြာမှ စာနယ်ဇင်းဆရာကြီးများ ထိုနေရာသို့ ဝင်ခွင့်ရခဲ့ပါသည်။

စာနယ်ဇင်းဆရာကြီးများမှာ ထိုနေရာအနီး လမ်းမပေါ်တွင် အခြေအနေမဲ့များနှယ် မတ်တတ်ရပ် စောင့်ဆိုင်းနေခဲ့ကြရလေသည်။

ထိုအချိန်အတွင်း အနှီစာနယ်ဇင်းဆရာများအကြား ဖြစ်ပွားခဲ့သော အငြင်းပွားမှုတစ်ရပ် ရှိခဲ့ပါသည်။ ယင်းကို ပြောလိုသဖြင့် အစချီနေရခြင်းလည်း ဖြစ်လေသည်။

ကမ္ဘာ့အကြီးဆုံး သတင်းဌာနဟူ၍ လက်ညိုးထိုးကာ ပြောလျှင် သုံးခုသာ ရှိပါသည်။ တစ်ခုမှာ အမေရိကန်နိုင်ငံ၊ နောက်တစ်ခုမှာ ဗြိတိန်နိုင်ငံနှင့် နောက်တစ်ခုမှာ ပြင်သစ်နိုင်ငံတို့မှဖြစ်ပါသည်။ မြန်မာပြည်တွင်လည်း ယင်းသတင်းဌာနများကို ကိုယ်စားပြုနေသည့် မြန်မာလူမျိုး သတင်းစာဆရာကြီးများ ရှိပါသည်။

ထိုသတင်းဌာနသုံးခုအနက်မှ တစ်ခုသော သတင်းဌာနကို ကိုယ်စားပြုသည့် သတင်းစာဆရာကြီးက ယခုဖြစ်ရပ်ကို လုံးဝ မကျေနပ်ပါ။ အထူးသဖြင့် မြန်မာလူမျိုးများအပေါ် အသားလွတ် လူဝါးဝသည့် သဘောထားဟု မြင်ပါသည်။ ဖိတ်စာဖြင့် ဖိတ်ကြားသည့်ကိစ္စလည်းဖြစ်၊ သတ်မှတ်ချိန်ထက်လည်း ကျော်လွန်နေပါလျက်ကနှင့် လုံခြုံရေးကို အကြောင်းပြကာ ဝင်ခွင့် မပေးဘဲထားခြင်းမှာ အခြေအမြစ် မရှိဟု သူက ယူဆပါသည်။ ထို့ထက် ပိုသည်မှာ ဖိတ်ကြားသူက နိုင်ငံခြားသားများဖြစ်နေပြီး ဖိတ်ကြားခံများက မြန်မာများဖြစ်နေခြင်းပင်။ ဖိတ်ကြားခံထဲတွင် နိုင်ငံခြားသားများသာ ပါပါက ထိုသို့ ဖြစ်မည် မဟုတ်သည်ကလည်း သေချာသလောက်ဟု သူက တွေးလိုက်ပါသည်။ ထိုရောအခါ မြန်မာဟူသော ဇာတိမာန်ကလည်း ဟုန်းခနဲ ကြွတက်လာပါတော့သည်။

ထို့ကြောင့် ထိုသတင်းစာရှင်းလင်းပွဲကို မတက်တော့ရန် အားလုံးကို သူက မေတ္တာရပ်ခံလိုက်ပါသည်။

မှန်ပါသည်။ အားလုံးတစ်ညီတစ်ညွတ်တည်း မတက်တော့လျှင် မြန်မာတို့အပေါ် အသားလွတ် နှိမ်သည့် နိုင်ငံခြားသားတို့၏ လုပ်ရပ်ကို မြန်မာတို့ကလည်း ထိရောက်စွာ ရှုံ့ချရာရောက်သွားမည်လည်း အမှန်ပင်ဖြစ်သည်။ သူတို့ဘက်က ပေးလိုသည့် သတင်း၊ ရှင်းလိုသည့် အချက်အလက်များကို အားလုံးက သတင်းမရေးဘဲ နေလိုက်နိုင်သည်။ သူတို့ဘက်က မချေငံသည့် ကိစ္စကိုသာ သတင်း ရေးကြမည်ဆိုလျှင် အနှီနိုင်ငံခြားအဖွဲ့အစည်းသည် ကမ္ဘာ့အလယ်တွင် အရှက်ကွဲရတော့မည်လည်း ဖြစ်နေပေသည်။

ထိုအချက်ကို မြင်သူ အနှီသတင်းစာဆရာကြီးက အားလုံးကို မေတ္တာရပ်ခံရာ တက်ရောက်လာသူ တစ်ဝက်ခန့်ကလည်း သဘောတူကြပါသည်။ သို့ရာတွင် အထက်က ဆိုခဲ့သော ကမ္ဘာ့အကြီးဆုံး သတင်းဌာနကြီး သုံးခုအနက်မှ နှစ်ခုကမူ ထိုသဘောတူသည့်အထဲတွင် မပါပါ။

မပါသည့်အပြင် ထိုနှစ်ဦး၏အနက်မှ တစ်ဦးက ပြောသောစကားက စိတ်ဝင်စားစရာ ကောင်းလှပါသည်။ ယင်းကား… “သတင်းသမားဆိုတာ မာန မထားသင့်ဘူး”ဟူသတည်း။

ရုတ်တရက်ကြည့်သော် ထိုစကားမှာ ဟုတ်တုတ်တုတ် ဖြစ်ပါသည်။ ထို့အပြင် ယေဘုယျအားဖြင့်လည်း မှန်ကန်သောစကားလည်း ဖြစ်ပါသည်။ သတင်းသမားသည် မာနကြီးနေလို့ မရပါ။ မိမိလိုချင်သည့် သတင်းရဖို့ အတွက် အောက်ကျနောက်ကျ ခံသင့်လည်းခံ၊ အဟိန်းအဟောက် ခံသင့်လည်းခံ၊ အဆူအကြိမ်း ခံသင့်လည်း ခံရမည်မှာ အမှန်ပင်ဖြစ်ပါသည်။

သို့ရာတွင် ယခုကိစ္စမှာမူ ယင်းစကားနှင့် စပ်ဆိုင်ခြင်းအလျဉ်း မရှိတော့ပါ။ မာန (pride) နှင့်မဆိုင်တော့ပါ။ ယခုကိစ္စမှာ “မူကိစ္စ” (an issue of principles) ဖြစ်သွားပါပြီ။ အဘယ်ကြောင့်ပါနည်း။

သတင်းသမားများဘက်က လိုချင်သဖြင့် ဇွတ်တိုးသွားသော အခမ်းအနား မဟုတ်ပါ။ သူတို့ဘက်မှ ပေးချင်သဖြင့် တကူးတက ဖိတ်သော အခမ်းအနား ဖြစ်ပါသည်။ လိုချင်သဖြင့် သွားသောအခါမျိုးတွင် မာနထားပါက ထားသူဘက်က အလွန် ဖြစ်ပါလိမ့်မည်။ ပေးချင်လို့ ဖိတ်သဖြင့် သွားရသောအခါတွင်မူ ဖိတ်ကြားခံအနေဖြင့် အလိုလိုကို တင့်တယ်နေပြီး ဖြစ်ပါသည်။ ထိုအခြေအနေမှာ ဖိတ်ကြားခံကို ကြမ်းပိုး သူခိုးနှယ် မယုံသင်္ကာ သဘောထားမျိုးထားကာ အခြေအမြစ် မရှိလှသော လုံခြုံရေးကို အကြောင်းပြပြီး သတ်မှတ်နေရာသို့ သတ်မှတ်ချိန် ကျော်သည့်တိုင် ဝင်ခွင့်မပေးဘဲ ထားခြင်းမှာ အသားလွတ် စော်ကားခြင်း မည်ပါသည်။ ဤအခြေအနေမျိုးမှာတော့ မာန ရှိရပါလိမ့်မည်။ ယင်းအခြေအနေမှာ မာန မထားပါက သတင်းသမားများကို ဘယ်သူကမှ လေးစားတော့မည် မဟုတ်ပါ။

ဖော်ပြခဲ့သော အခြေအနေတွင် ပိုဆိုးသော အကြောင်းတစ်ရပ် ပါနေပါသေးသည်။ ယင်းကား သတင်းသမားများသည် မြန်မာများ ဖြစ်နေကာ သတင်းသမားများအပေါ် မချေမငံဆက်ဆံသူများမှာ မျက်နှာဖြူ နိုင်ငံခြားသားများ ဖြစ်နေပါသည်။ ထိုအခါ မိမိတို့၏ အမျိုးဂုဏ်၊ ဇာတိဂုဏ်ကို ထိန်းသိမ်းရမည့် ဝန်တာတစ်ခုက အလိုလို ပိုလာပါတော့သည်။ ထိုနေရာမျိုးတွင် မာနမထားသင့်ဘူးဟူသော စကားကို ပြောခြင်းမှာ အကျည်းတန်လှစွာပင်၊ မှားယွင်းနေပါတော့သည်။

ဇာတ်လမ်းကို ပြန်ဆက်ရသော် ဆိုခဲ့သည့်အတိုင်း သတင်းဌာနကြီး သုံးခုအနက်မှ နှစ်ခုက သဘောမတူသဖြင့် ထိုပွဲကို မတက်ရန် မေတ္တာရပ်ခံသူဘက်မှ အားနည်းသွားပါသည်။ ထိုသတင်းဌာနကြီး သုံးခုမှာ တစ်ခုနှင့် တစ်ခု အပြိုင်ဖြစ်နေကြသဖြင့် သူတစ်ဦးတည်း မတက်လျှင် သူ့ဘက်ကသာ နစ်နာရန် အကြောင်းရှိသွားသဖြင့် မာန်လျှော့လိုက်ရပါတော့သည်။

သတင်းထောက်များအသင်း နာယကကြီးကတော့ လုပ်စရာရှိသည်ကို လုပ်သွားပါသည်။ အဆိုပါ သတင်းစာရှင်းလင်းပွဲတွင် ယင်းဖြစ်ရပ်အပေါ် တရားဝင် ကန့်ကွက်ခဲ့ခြင်းဖြစ်ပါသည်။ သို့တိုင်အောင် တာဝန်ရှိသူ နိုင်ငံခြားသားများကတော့ ဆင်ဝှေ့ရန်ရှောင်သာ လုပ်သွားကြပါသည်။ တိတိပပ တောင်းပန်ခြင်းမျိုးလည်း မပြုခဲ့ပါ။ စောင့်နေရသည့်အတွက် တောင်းပန်ကြောင်းမျှလောက်သာ သာမန်ကာ လျှံကာလုပ်လိုက်ကြပါသည်။ သူတို့ ဘက်က ရိုင်းပြမှုကို တာဝန်မယူခဲ့ကြပါ။

ဇာတိမာန်ဆိုသည်မှာ လူတိုင်းတွင် ငုပ်လျှိုးနေသော အရာမျိုး ဖြစ်ပါသည်။ ထိုမာန်မှာ ပေါ်သင့်သည့်အချိန်တွင် အလိုလို ပေါ်လာတတ်ပါသည်။ ပေါ်သင့်ပါလျက်နှင့် မပေါ်လာသောအခါ ထိုသူများကို ကျွန်စိတ်ပေါက်နေသူများဟုသာ ကျွန်တော်ကဖြင့် ပစ်ပစ်နှစ်နှစ်ကြီးကို ရှုတ်ချနေချင်မိရပါတော့သည်။


ပြည်တွင်းမှ ရေးဖော်ရေးဖက်၊ လုပ်ဖော်ကိုင်ဖက် သတင်းသမားများ ဝိုင်းဝန်းစဉ်းစားနိုင်ကြစေရန် အလို့ငှာ မကြာသေးခင်က အမှန်တကယ် ဖြစ်ပွားခဲ့သော ကိစ္စကို ဖော်ချဖွင့်ထုတ်လိုက်ရခြင်းဖြစ်ပါသည်။

အားလုံး တွေးဆ ဆင်ခြင်ကြည့်နိုင်ကြပါစေ
ဆူဒိုနင်

(၂၄-၁၀-၀၂ နေ့ထုတ် မဟာသတင်းဂျာနယ်မှာ ဖော်ပြခဲ့တာ ဖြစ်ပါတယ်။ မူရင်းဆောင်းပါးမှာ သံရုံးနာမည်ကို ထည့်မရေးခဲ့ပါဘူး။ ဖြစ်စဉ်အမှန်က အဲဒီ့အချိန်က သြစတြေးလျနိုင်ငံ နိုင်ငံခြားရေး ၀န်ကြီး အလက်ဇန္ဒာ ဒေါင်နာ မြန်မာပြည်ကို လာရောက်နေစဉ် ၂၀၀၂ခုနှစ် အောက်တိုဘာလ ၂ ရက်နေ့ ညနေ ငါးနာရီခွဲမှာ ရန်ကုန်မြို့ ကမ်းနားလမ်း အမှတ် ၈၈ မှာ ရှိတဲ့ သြစတြေးလျ သံရုံးမှာ သတင်းစာ ရှင်းလင်းပွဲ ပြုလုပ်ဖို့ ဖိတ်ကြားခဲ့တာ ဖြစ်ပါတယ်။ အဲဒီ့နောက် တစ်လခန့် အကြာမှာတော့ သြစတြေးလျသံရုံးရဲ့ သံတမန်ထဲက ရာထူးအနိမ့်ဆုံး တတိယအတွင်းဝန်က မြန်မာနိုင်ငံ နိုင်ငံခြားသတင်းထောက်များအသင်းကို သတင်းစာ ရှင်းလင်းပွဲနေ့က ၀င်ခွင့်မပေးဘဲ ထားခဲ့မိတဲ့ ဖြစ်ရပ်အတွက် တောင်းပန်စာတစ်စောင် ပေးပို့ခဲ့ပါတယ်။ ၂၀၀၃ ခုနှစ် မတ်လ ၂၃ရက်နေ့မှာတော့ ကျွန်တော့်ကို သည်ပြစ်မှုကြောင့် အလုပ်က ထုတ်ပယ်လိုက်ပါတယ်။ သို့ပေမယ့် အကျင့်စာရိတ္တ ပျက်ပြားလို့ အလုပ်က ထုတ်ပယ်တာ မဟုတ်တဲ့အတွက် ကျွန်တော့်ရဲ့ လုပ်သက်ခံစားခွင့်များကို အပြည့်အ၀ ပေးခဲ့ကြရပါတယ်။

အသက်မွေးဝမ်းကျောင်း အလုပ်က ပြုတ်စေတဲ့အထိ “ပြောင်မြောက်”ခဲ့တဲ့ စာလေးမို့ အမှတ်တရ ပြန်လည် ဖော်ပြလိုက်တာပါ။)

Though we can make a difference

KBC090910_4မတူပေမယ့် တွဲလို့ရတတ်နိုင်သော်လည်း

ဆူဒိုနင်

ဆရာလူထုစိန်ဝင်းရဲ့ “မတူပေမယ့် တွဲလို့ရပါတယ်”ဆိုတဲ့ ဆောင်းပါးနဲ့ ပတ်သက်ပြီး ကျွန်တော့်ဘက်က ဖြည့်စွက်ပြောဖို့ လိုအပ်မယ်ထင်လို့ ပြောပါရစေ။

ပထမဆုံးတစ်ချက်က ဆရာနဲ့ ကျွန်တော်နဲ့ ပထမဆုံးအကြိမ် စတွေ့ခဲ့တဲ့ ကာလကို ဆရာက ဆယ်နှစ်လောက်ရှိပြီလို့ ပြောခဲ့ပါတယ်။ တကယ်က ဆယ်နှစ်ကျော်ပါပြီ။ အတိအကျ ပြောရင် ၁၉၉၆ခုနှစ်ပါ။ ၁၃နှစ်တောင် ရှိခဲ့ပါပြီ။

သည်အချက်က အရေးကြီးပါတယ်။ အဲဒီ့အချိန်မှာ ကျွန်တော့်ကလောင်သက်က ဆယ်နှစ်မပြည့်သေးပါဘူး။ ရှစ်နှစ်မျှသာ ရှိပါသေးတယ်။ လူသက်ကလည်း ၄၀မပြည့်တတ်သေးဘူး။ ၃၉နှစ်ထဲ ရောက်ခါစပါ။

တစ်နည်းပြောရရင် ကြွစောင်းစောင်းနဲ့ ထင်သလို ရမ်းကားလို့ကောင်းတဲ့ အရွယ်ပဲ ဆိုပါစို့။ (အခုလည်း ကျွန်တော် တစ်ခါတစ်ခါ ရမ်းကားမိတုန်းပါပဲ။ အရင်တုန်းက အခုထက် အဆပေါင်း ငါးရာလောက် ပိုဆိုးပါတယ်။)

ဆရာဦးစိန်ဝင်းဆိုတာက တကယ့် ဝါရင့်သတင်းစာဆရာကြီးပါ။ ကျွန်တော့်အဖေအရွယ်ပါ။ ကလောင်သက်ချင်းရော၊ လူသက်ချင်းရော မယှဉ်သာအောင် ကွာခြားလှပါတယ်။

ဒါပေမယ့် ငယ်စိတ်ငယ်သွေး ငယ်မာန်အပြည့်နဲ့ ကျွန်တော်ဟာ ဆရာ ရေးလိုက်တဲ့ စာတစ်ပုဒ်(ဘာအကြောင်းလဲ မမှတ်မိတော့ပါ)ထဲက အပိုင်း တစ်ပိုင်းကို ဘဝင်မကျဖြစ်မိတဲ့ အတွက်ကြောင့် စိတ်လိုက်မာန်ပါတွေ ပြန်ရေးမိသွားတယ်။ ရေးပြီးတော့ အဲဒီ့အချိန်က ပန်းဝေသီမဂ္ဂဇင်းကို တာဝန်ယူထားတဲ့ ဆရာကျော်စိုးဝင်းလက်ထဲကို ထည့်လိုက်တယ်။ ဆရာကျော်စိုးဝင်းက ဖတ်ကြည့်ပြီးတော့ တွန့်သွားပုံရတယ်။ သူက ဆရာဦးစိန်ဝင်းကို သွားပြကြည့်ပါလား၊ ဆရာဦးစိန်ဝင်းက သဘောတူရင် သူထည့်ပေးမယ်လို့ ပြောပါတယ်။ အမှန်ကတော့ ကိုကျော်စိုးဝင်းက လူလည်။ သူ့လုပ်နည်းလုပ်ဟန်က ခေတ်စကားနဲ့ ပြောရင် “လန်ထွက်နေတယ်။” မျောက်အမြီးနဲ့ မျောက်ကို ပြန်ချည်တာပေါ့။

ကျွန်တော်လည်း ဘာမှ မစဉ်းစားဘဲ တစ်ခါမှ မမြင်ဖူးတဲ့ ဆရာဦးစိန်ဝင်းဆီ ရောက်သွားတယ်။ ဆရာ့လက်ထဲ စာမူထည့်တယ်။ ဆရာက ဖတ်ကြည့်တယ်။ ပြီးတော့ ဆရာ့ဆောင်းပါးထဲမှာ ပါတဲ့အတိုင်း ကျွန်တော့်စာမူကို ဖော်ပြဖို့ ဆရာ့ဘက်က သဘောတူခွင့်ပြုပါကြောင်း မှတ်ချက်ရေးသားပြီး လက်မှတ်ထိုး ပေးပါတယ်။ သို့ပေမယ့် အကြောင်းကြောင်းကြောင့် အဲဒီ့စာမူဟာ ပုံနှိပ်ဖော်ပြတဲ့အဆင့်ကို ရောက်မလာခဲ့ဘူး။

အခု ဆရာဦးစိန်ဝင်းက သူ့ဆောင်းပါးမှာ ကျွန်တော့်ကို ချီးကျူးထားတာတွေ ဖတ်ရတော့ ကျွန်တော် တော်တော် မချိမဆန့်ခံစားရပါတယ်။ အမှန်က အဲဒီ့အချိန်၊ အဲဒီ့အရွယ်တုန်းက ကျွန်တော်ဟာ မာန်လေးတဝင့်ဝင့်နဲ့ သိပ်ကို ထောင်လွှားလို့ ကောင်းနေတဲ့အချိန်ပါ။ စာရေးတာလည်း ကလောင်တဝင့်ဝင့်နဲ့၊ ဟိုလူ့ငြိ၊ သည်လူ့ငြိနဲ့မို့ အဲဒီ့အချိန်က စာပေနယ်ကို ခဏအလည်လာသွားကာ အခုအခါမှာတော့ ရုပ်မြင်သံကြားဖန်သားပြင်ပေါ်က မဆင်းတော့လေတဲ့ ရောင်းရင်းကြီး ကိုမျိုးမြတ်သူကတောင် ကျွန်တော့်ကို “ဆူးလှည်းကြီး”လို့ ကင်ပွန်းတပ်ခဲ့ရတဲ့ အချိန်မျိုးပါ။

ဆရာဦးစိန်ဝင်းရဲ့ ဆောင်းပါးအပေါ်မှာ ကျွန်တော် တုံ့ပြန်ရေးသားထားတာတွေက တော်တော်ကြီး ပြင်းထန်ပါတယ်။ ကြမ်းတမ်းလှပါတယ်။ အဲဒါတွေကို ဆရာက ကနေ့ ပြန်ရေးပြရာမှာ ချန်လှပ်ထားခဲ့ပါတယ်။ ကျွန်တော့်ကို အားနာလို့ ဖြစ်ပါလိမ့်မယ်။

သည်နေရာမှာ ဆရာဦးစိန်ဝင်းရဲ့ တုံ့ပြန်ပုံက အရေးကြီးလှပါတယ်။ ဆရာ ဦးစိန်ဝင်းက ကျွန်တော့်ကို “လူယဉ်ကျေး ပီသတယ်”လို့ သူ့ဆောင်းပါးထဲမှာ မွှမ်းထားတယ်။ မဟုတ်ပါဘူး။ ကျွန်တော်က ဆိုခဲ့တဲ့အတိုင်း ကြွစောင်းစောင်းနဲ့ အောက်ခြေလွတ်နေတဲ့ အကောင်ပါ။

ဆရာဦးစိန်ဝင်းက ကျွန်တော့်ထက် အသက်ရော၊ သမ္ဘာရော၊ ဝါရော၊ ပညာပါ မယှဉ်သာအောင် မြင့်မားလှပါတယ်။ ဆရာ့စကားနဲ့ပြောရင် ပါဝါအရာမှာ ဆရာဦးစိန်ဝင်းက ဆင်ဆိုရင် ကျွန်တော်က အလွန်ဆုံးမှ ခပ်ဝ၀ ကြောင်တစ်ကောင်လောက်ပဲ ရှိပါလိမ့်မယ်။ ဆိတ်လောက်တောင် မဟုတ်ပါဘူး။

အထက်က ပြောခဲ့သလို ကိုကျော်စိုးဝင်းက ကျွန်တော့်ကို ပြန်ချည်လိုက်ချိန်မှာ ကျွန်တော်က ပင်ကိုသဘာဝအရကို နောက်ကျောကို ဓားနဲ့ ထိုးတတ်သူမျိုးမဟုတ်ဘဲ ကိုယ်ရေးတဲ့စာကို ကိုယ့်ဘာသာ တိတိလင်းလင်း တာဝန်ယူချင်တဲ့ စိတ်ရင်းနဲ့ ဆရာ့ဆီကို ဆိုက်ဆိုက်မြိုက်မြိုက် ရောက်သွားခဲ့တာ တစ်ခုပဲ ကျွန်တော့်ဘက်က လုပ်ခဲ့တာ ရှိပါတယ်။

အဲဒီ့အချိန်မှာ ဆရာ့ “အခံ”က သိပ်စကားပြောသွားပါပြီ။ ဆရာ့မူရင်း ဆောင်းပါးမှာ အဲဒီ့အချက်ကို ဆရာက ချန်လှပ်ခဲ့ပါတယ်။ မချန်လို့လည်း မဖြစ်ပါဘူး။ သိုးဆောင်းဘာသာစကားနဲ့ “ကိုယ့်နှဲကိုယ် ဖိမှုတ်”ဆိုသလို ကိုယ့်ကိုယ်ကိုယ် ဖော်တဲ့ မသူတော်ထဲမှာ ဆရာဦးစိန်ဝင်း မပါခဲ့သလို အခု ကျွန်တော်နဲ့ အကြောင်းကို ရေးရာမှာလည်း သူ့ဘက်က တစ်ခြမ်းကို သိသိသာသာ လက်ရှောင်ထားခဲ့ပါတယ်။

ဆရာ့ဘက်ကသာ ကျွန်တော့်အရေးအသားတွေကို လုံးကောက်လိုက်ခဲ့မယ်၊ ကျွန်တော်လက်ညှိုးထိုးပြခဲ့တဲ့ လမင်းကို မကြည့်ဘဲ ကျွန်တော့်လက်ညှိုးကိုပဲ မဲပြီး ကြည့်ခဲ့မယ်ဆိုရင် ဆရာနဲ့ ကျွန်တော်နဲ့ အခုလို ခင်မင်ရင်းနှီးသွားတဲ့ အဆင့်ကို ဘယ်လိုနည်းနဲ့မှ ရောက်လာစရာ အကြောင်းမရှိပါဘူး။ ဆရာက ကျွန်တော့်စာကြောင်းတွေကြားထဲက အနက်အဓိပ္ပာယ်၊ တစ်နည်းပြောရင် ကျွန်တော်ပါးချင်တဲ့ သတင်းစကားကို လှစ်ခနဲ မြင်လိုက်ပုံရပါတယ်။ တစ်ဖက်ကလည်း (အထက်က ကိုမျိုးမြတ်သူရဲ့ ဖခင်) ဆရာသန်းဆွေရဲ့ နှုတ်ခမ်းကို ခုံဖိနပ်နဲ့ တင်စားတဲ့အထိ လက်သံပြောင်ခဲ့တဲ့ ဆရာ သော်တာဆွေတို့ရဲ့ ခေတ်ကို ဖြတ်သန်းခဲ့သူပြီပြီ ကျွန်တော် ရမ်းရမ်းကားကား ကလောင်သရမ်းတာလောက်ကိုလည်း မှုပုံ သိပ်မရပါဘူး။

အဲဒါကြောင့် ဆရာ့ဘက်က လူကြီးလူကောင်းဆန်ဆန် တုံ့ပြန်ခဲ့တယ်လို့ ကျွန်တော် သဘောပိုက်ပါတယ်။ ဆရာက စတွေ့ချိန်ကတည်းက နွေးထွေးနေတယ်။ လှိုက်လှဲနေတယ်။ ပျူငှာနေပါတယ်။ ဆရာ့ဘက်က ကျွန်တော်လို ငမျောက်ငချောက်ကို တလေးတစားနဲ့ နေရာပေးပြီး ဆက်ဆံခဲ့ပါတယ်။ (အဲဒါ အဲဒီ့ခေတ် ဆရာကြီးတွေ အကုန်လုံးပါပဲ။ ဆရာ အထောက်တော်လှအောင်၊ ဆရာစိန်ခင်မောင်ရီ၊ ဆရာသော်တာဆွေမှသည် ဆရာသာဂဒိုး၊ ဆရာ အောင်ပြည့်၊ ဆရာမောင်ဝဏ္ဏ၊ ဆရာသုမောင်၊ ဆရာမင်းလူ၊ ဆရာ လယ်တွင်းသား စောချစ်တို့အထိ ကျွန်တော်ကြုံဖူးသမျှ အဲဒီ့ခေတ်ကို ကောင်းကောင်း သိမီလိုက်သူ လူကြီးသူမတွေ အားလုံးဟာ ကျွန်တော်လို ငမျောက်ငချောက် ထင်တိုင်းကျဲတာကို ခွင့်လွှတ်ပြုံးလေးနဲ့ နွေးနွေးထွေးထွေး လေးလေးစားစား တုံ့ပြန် ဆက်ဆံခဲ့ကြသူချည်းပါပဲ။)

အဲဒီ့အခါမှာ မူလက မာန်တဝင့်ဝင့်နဲ့ ကြွစောင်းစောင်း ကျွန်တော်တစ်ကောင် အလိုလို အပိုးကျိုးသွားပါတော့တယ်။ ဟုတ်တယ်လေ။ ဆင်ပါဝါကြီးက ကြောင်ဝတုတ်လေးကို “မင်းလိုကောင်ကများ ရာရာစစ”ဆိုတာမျိုး တစ်ကွက်မှ မပါဘဲ အေးချမ်းကြည်သာစွာ တုံ့ပြန်ခဲ့တာမို့ ဆရာနဲ့ ကျွန်တော်တို့ မိတ်ဆွေတွေဖြစ်ခဲ့ကြပါတယ်။ စကားတွေ အခါများစွာ ပြောဖြစ်တဲ့အထိ ခင်မင် ရင်းနှီးသွားခဲ့ပါတယ်။

အဲတော့ ဆရာပြောသလို မတူပေမယ့် တွဲလို့ရတယ်ဆိုတဲ့အချက်ကို ကျွန်တော် ခြွင်းချက်မရှိ ထောက်ခံပါတယ်။ သို့ပေမယ့် ဖြည့်စွက်ချင်တာက ဆင်ပါဝါဘက်က ငမျောက်ငချောက် ဘက်ကို ငဲ့ညှာ ထောက်ထားတဲ့စိတ်၊ စာနာတဲ့စိတ်၊ ခွင့်လွှတ်တဲ့စိတ် မွေးနိုင်မှသာလျှင် မတူပေမယ့် တွဲလို့ရမှာပါ။ ဆင်ပါဝါတွေဘက်ကလည်း ငမျောက်ငချောက်လို ရှိစုမဲ့စု မာန်လေးတွေ ထည်ပြနေမယ်ဆိုရင်တော့… အင်း… သိပ်မလွယ်လှဘူးဆိုတဲ့ ကိုယ်တွေ့သိတွေ ကျွန်တော့်မှာ အများကြီး ရှိပါတယ်။

အနီးစပ်ဆုံး နမူနာက ကျွန်တော်ရေးတဲ့ စာတစ်ပုဒ်ကြောင့် ရှိသမျှအင်အားကို ဘက်ပေါင်းစုံက အစွမ်းကုန် ထုတ်သုံးကာ ကျွန်တော့်ဘဝကြီး ယိုင်လဲသွားအောင် ထိုးနှက်ခဲ့ဖူးတာမျိုးအထိ ကျွန်တော် ကိုယ်တိုင် ကြုံဖူးလိုက်တာ အဲဒီ့နောက် ခြောက်နှစ်အကြာ၊ ၂၀ဝ၂ခုနှစ်မှာပါ။

သည်တော့ကာ ဆရာဦးစိန်ဝင်းရေးသွားသလို ကျွန်တော် တော်လို့၊ ကျွန်တော် လူယဉ်ကျေးပီသလို့ မတူပေမယ့် တွဲလို့ရခဲ့တာ မဟုတ်ဘဲ ဆရာဦးစိန်ဝင်းဘက်က အခံကောင်းလို့၊ သဘောထားပြည့်ဝလို့၊ လူကြီးလူကောင်း ပီသလွန်းလို့သာ၊ တစ်နည်းပြောရရင် ဆရာဦးစိန်ဝင်းဘက်က (ဆရာ့စကားနဲ့ပဲ ပြန်ပြောရရင်) ပါဝါမာန်မတက်ခဲ့လို့သာ မတူပေမယ့် တွဲလို့ရသွားတာ ဖြစ်ပါကြောင်း ကျွန်တော့်ဘက်က ဖြည့်စွက်ပြောလိုက်ချင်ပါတယ်။

ဆရာ့လိုပဲ ဥပမာဆောင်ရရင် ဆရာရော ကျွန်တော်ပါ ရန်ကုန် အခြေစိုက် မန္တလေးသားတွေပါ။ သို့ပေမယ့် ဆရာက မုန့်တီမှ ကြိုက်တယ်၊ ကျွန်တော်က မြီးရှည်မှ ကြိုက်တယ်။ ပိုက်ဆံကိုင်ထားတာက ဆရာ။ ကျွန်တော့်ကို မုန့်တီ ကျွေးတယ်။ ကျွန်တော် မစားဘူး။ ကျွန်တော်က မြီးရှည်မှ ကြိုက်တယ်လို့ ပြောမိတယ်။ ဆရာက ကျွန်တော့်ကို လက်ခံကာ ဒါဆို မင်းလည်း မြီးရှည်စား၊ ငါလည်း မုန့်တီစားမယ်ဆိုပြီး သဘောထားကြီးပေးခဲ့တာပါ။ တစ်နည်းပြောရင်တော့ အပြန်အလှန် လေးစားမှုပေါ့။

(သည်ဆောင်းပါးနဲ့ ဆရာလူထုဦးစိန်ဝင်းကိုလည်း ဂါရဝတရား၊ နိဝါတ တရားရှေ့ထားကာ ဆရာ့အပေါ်မှာ မနောကံ၊ ဝစီကံ၊ ကာယကံများနဲ့ ပြစ်မှားမိခဲ့သမျှ ခွင့်လွှတ်ပါမယ့်အကြောင်း ထပ်လောင်း ဝန်ချတောင်းပန်ရင်း ရှိခိုး ကန်တော့လိုက်ပါတယ်ခင်ဗျား။)

အားလုံးတွေးဆ ဆင်ခြင်ကြည့်နိုင်ကြပါစေ
ဆူဒိုနင်
(ဝ၃၀၈၀၉)

——————————————————-

(၂၀၀၉ခုနှစ် သြဂုတ်လ ၁၀ ရက်နေ့ထုတ် Weekly Eleven Journal မှာ ဖော်ပြခဲ့တာလေးကို ပြန်လည်တင်ဆက်လိုက်တာပါ။ ၂၀၀၉ခုနှစ် သြဂုတ်လ ၃ ရက်နေ့ထုတ် Weekly Eleven Journal မှာ ဖော်ပြခဲ့တဲ့ ဆရာ လူထုစိန်ဝင်းရဲ့ ဆောင်းပါးအကျယ်ကို ဖတ်လိုရင် အောက်မှာ ကပ်လျက်ဖော်ပြထားပါတယ်။)

Lu Du Sein Win: Making the Most of Difference

LuduSW

မတူပေမယ့် တွဲလို့ရပါတယ်

လူထုစိန်ဝင်း

ကြာတော့ကြာပါပြီ။ လွန်ခဲ့တဲ့ ၁၀ နှစ်လောက်ကလို့ ထင်ပါတယ်။ ပန်းဝေသီမဂ္ဂဇင်းကို စာရေးဆရာ ကြည်လင်အေး ကိုင်ပေးနေတဲ့ အချိန်ကပါ။ ပန်းဝေသီမှာ ရေးခဲ့တဲ့ စာတစ်ပုဒ်နဲ့ ပတ်သက်ပြီး စာရေးဆရာ ဆူဒိုနင်က သဘောမတူတဲ့အကြောင်း တုံ့ပြန်ရေးပါတယ်။ အဲဒီရေးတဲ့စာကို သူက မဂ္ဂဇင်းတိုက် မပို့ဘဲ လူယဉ်ကျေး ပီသစွာ ကျွန်တော့်ဆီ လာပေးပါတယ်။ ဖတ်ကြည့်ပြီး ဆရာခွင့်ပြုနိုင်မှ မဂ္ဂဇင်းတိုက်ကို ပေးလိုက်ပါ။ ဆရာ ခွင့်မပြုနိုင်ရင် သည်အတိုင်း ထားလိုက်ပါလို့ ပြောပါတယ်။

မတူတာရှိသလို တူတာရှိ

သူ့စာကို ဖတ်ကြည့်ပြီးတဲ့အခါ “ထည့်သင့်ပါတယ်”လို့ မှတ်ချက်ရေး လက်မှတ်ထိုးပြီး မဂ္ဂဇင်းတိုက်ကို ပေးလိုက်ပါတယ်။ ဒါပေမယ့် အကြောင်းကြောင်းကြောင့် အဲဒီ့ ဆောင်းပါး မဂ္ဂဇင်းမှာ ပါမလာခဲ့ဘူး။ အဲဒီနောက် ဆူဒိုနင်နဲ့ အရင်ကထက် ပိုခင်သွားပါတယ်။ အဲဒီ့အချိန်က သူအလုပ်လုပ်နေတဲ့ ဌာနနဲ့လည်း နီးနေလေတော့ မကြာမကြာ သူရောက်လာလေ့ရှိပါတယ်။

စာကြောင်းပေကြောင်း၊ နိုင်ငံရေးအကြောင်းတွေ ပြောဖြစ်ကြပါတယ်။ ကျွန်တော့်ဆောင်းပါးထဲက အယူအဆကို သူ သဘောမတူလို့ မတူကြောင်း တုံ့ပြန် ရေးသားခဲ့ပေမယ့် စာပေသမားချင်းဆိုတော့ သဘောထားချင်းတူညီတာတွေလည်း အများကြီးရှိပါတယ်။ နိုင်ငံ့အရေး၊ ကမ္ဘာ့အရေး စိတ်ဝင်စားတာချင်းလည်း တူကြတော့ အဲဒီ့နယ်ပယ်မှာလည်း သဘောတူတာတွေ ရှိသလို မတူတာတွေလည်း ရှိပါတယ်။ ဒါပေမယ့် သူနဲ့ စကားပြောလို့ ရပါတယ်။ ကိုယ့်ယုံကြည်မှုကို သူက လေးစားသလို သူ့ယုံကြည်မှုကို ကိုယ်က လေးစားလေတော့ မတူတဲ့အတွက် အခင်မင် မပျက်ရုံသာမက သူက တုံ့ပြန်စာရေးပြီးမှ ပိုတောင် ခင်မင်ရင်းနှီးသွားခဲ့ပါတယ်။

ပါဝါမာန်တက်လို့

တစ်ယောက်နဲ့တစ်ယောက် အမြင်ချင်း မတူ၊ သဘောထားချင်း မတိုက်ဆိုင်တိုင်းသာ အငြင်းပွား ရန်ဖြစ်နေရမယ်ဆိုရင် လူတွေမှာ မိတ်ဆွေဆိုတာ ဘယ်ရှိနိုင်တော့မှာလဲ။ မိဘနဲ့ သားသမီး၊ တစ်အူထုံ့ဆင်း မောင်နှမ ရင်းများတောင် အကြိုက်ချင်း၊ စရိုက်ချင်း၊ ၀ါသနာချင်း တူကြတာမှ မဟုတ်တာ။ အဲဒီလို မတူတာတွေကို တူအောင် ဇွတ်အတင်း လုပ်ယူလို့လည်း မရနိုင်ပါဘူး။ ငါကြိုက်တာမှ ကောင်းတယ်၊ သူ ကြိုက်တာ မကောင်းဘူးလို့လည်း ပြောလို့ မရပါဘူး။ မြိတ်သား ထားဝယ်သားက ပင်လယ်ငါးမှ ကောင်းတယ် ထင်သလို မန္တလေးသား၊ မုံရွာသားကလည်း ရေချိုငါးမှ ကောင်းတယ် ထင်မှာပဲ။ ဒါက သဘာဝမို့ အငြင်းပွားနေလို့ ဘယ်ဖြစ်မှာလဲ။

သည်သဘာဝကို နားလည်သဘောပေါက်ပြီး လူတစ်ယောက်နဲ့ တစ်ယောက်ဖြစ်စေ၊ နိုင်ငံတစ်ခုနဲ့ တစ်ခုဖြစ်စေ အငြင်းပွားကြ၊ တိုက်ကြ ခိုက်ကြတဲ့ အကြောင်းရင်းက မတူတာတွေကို တူအောင် ဇွတ်အတင်း လုပ်ယူခဲ့ကြလို့ ဖြစ်တယ်။

မိတ်ဆွေဖွဲ့တာ ကောင်းတယ်

လူတွေအချင်းချင်း မိတ်ဆွေအဖြစ် ရင်းနှီးချစ်ခင်နေရတာ အင်မတန် စိတ်ချမ်းသာပါတယ်။ သူ ဒုက္ခရောက်ရင် ကိုယ်က ကူလိုက်၊ ကိုယ်ဒုက္ခရောက်ရင် သူက ကူလိုက်နဲ့ အပြန်အလှန် ရိုင်းပင်း ကူညီနေရတာ မင်္ဂလာရှိလှပါတယ်။ တစ်ယောက်နဲ့ တစ်ယောက် မျက်နှာချင်းဆိုင်မိတိုင်း ရန်ဖြစ်ပြီး ရန်သူကြီးတွေလို နေရတာ တကယ်တော့ ကိုယ့်အတွက်လည်း အလိုလိုနေရင်း စိတ်ဆင်းရဲနေရတာပါ။ ဘာမှ ကောင်းတာ မရှိပါဘူး။ မိတ်ဆွေဖွဲ့တာ ကောင်းတယ်၊ ရန်သူရှာတာ မကောင်းပါဘူး။ ကိုယ်နဲ့ မတူတာနဲ့ ရန်သူဖြစ်စရာ မလိုပါဘူး။ မတူတာတွေကို အသာထားလိုက်ပြီး တူတာတွေကိုပဲ ပြောကြ ဆိုကြ အတူ တွဲလုပ်ကြရင် ပျော်စရာ ကောင်းမှာပါ။

စာပေလောကသားတွေပဲ အခြေခံတရားကြီးက တူနေတယ် မဟုတ်လား။ စာရေးပြီး လူတွေရဲ့ စိတ်နှလုံး သိမ်မွေ့ ယဉ်ကျေးလာအောင် လုပ်မယ်၊ လူ့လောကထဲက အကျည်းတန် အရုပ်ဆိုးတဲ့ အနိဋ္ဌာရုံ အားလုံး ပျောက်ကွယ်သွားအောင် လုပ်မယ်၊ ကမ္ဘာကြီး ငြိမ်းချမ်း သာယာပြီး နေချင်စရာ ဖြစ်အောင် လုပ်မယ်ဆိုတဲ့ ရည်ရွယ်ချက်တွေက စာရေးဆရာတိုင်းရဲ့ ရင်ထဲမှာ အစဉ် ကိန်းအောင်းနေတဲ့ တရားတွေပဲ ဖြစ်တယ်။ သည်တရားတွေနဲ့ ပြည့်စုံ ညီညွတ်တဲ့ စာတွေရေးထုတ်ဖို့ စာရေးသူ အားလုံး ကြိုးစားနေကြတာပဲ။ ဘယ်ပုံစံနဲ့ ရေးရေး၊ ဘယ်စနစ်ကို ကျင့်သုံး ကျင့်သုံး၊ အန္တိမ ရည်မှန်းချက်က အထက်ပါ တရားတွေနဲ့ ပြည့်စုံတဲ့ စာကောင်းပေမွန်တွေ ရေးထုတ်နိုင်ဖို့သာ ပဓာနဖြစ်ပါတယ်။

စေတနာမပါ အကောင်းမထွက်

ဘာအခြေခံတရားမှလည်း မရှိ၊ အများအတွက်ဆိုတဲ့ စေတနာမျိုးလည်း မရှိတဲ့သူမျိုးတွေကော မရှိနိုင်ဘူးလား။ အဲဒီလူမျိုးတွေကို ဘယ်လို သဘောထားမလဲလို့ မေးစရာရှိပါတယ်။ ဟုတ်ပါတယ်၊ ရှိနိုင်ပါတယ်၊ ရှိကို ရှိပါတယ်။ ကိစ္စမရှိပါဘူး။ မပူပါနဲ့။  သည်လိုလူစားမျိုးတွေနဲ့ သူတို့ရေးတဲ့စာမျိုးတွေက ဘယ်တော့မှ သြဇာကြီးမားတဲ့ နေရာကို မရောက်ပါဘူး။ စာဖတ်ပရိသတ်က ခွဲခြား သိနိုင်စွမ်း ရှိကြပါတယ်။ စေတနာ မပါရင် ဘယ်တော့မှ စာကောင်း မထွက်ပါဘူး။ အဲဒီ့စာမျိုးတွေနဲ့ ရေးသူတွေဟာလည်း သူ့လုပ်ရပ်နဲ့ ထိုက်တန်တဲ့ နေရာကို သူ့ဟာသူ ရောက်သွားမှာပါ။ လေကုန်ခံပြီး ဘာမှ ၀င်ပြောနေစရာ မလိုပါဘူး။

လုပ်ရပ်ကြည့်ပြီး သိတယ်

စာပေမှာတင် မဟုတ်ပါဘူး။ လူမှုရေးနယ်ပယ်၊ နိုင်ငံရေး နယ်ပယ်တို့မှာလည်း အလားတူပါပဲ။ အများအကျိုးအတွက်ဆိုတဲ့ စေတနာနဲ့ လုပ်သူမှန်သမျှ၊ လုပ်ရပ်မှန်သမျှကို လူအများက နှစ်လိုကြမှာ ဖြစ်ပါတယ်။ စေတနာ ပါမပါ ဆိုတာလည်း လုပ်ရပ်ကို ကြည့်ပြီး သိပါတယ်။ (Action speaks louder than words.) လက်တွေ့လုပ်ရပ်က စကားလုံးတွေထက် ပိုပြီး ထင်ရှားတယ်ဆိုတဲ့ စကားလိုပါပဲ၊ စေတနာပါလို့ မဟုတ်ဘဲနဲ့ ကိုယ်ကျိုးစီးပွားကို မျှော်ကိုးပြီး လုပ်ပြရင်လည်း လူအများက တစ်ချိန်မှာ သိလာကြမှာ သေချာပါတယ်။

လူမှုရေးနယ်ပယ်၊ နိုင်ငံရေးနယ်ပယ်ဆိုတာက စာပေနယ်ထက် ပိုပြီး ကျယ်ပြန့်တာဖြစ်လေတော့ အခွင့်အရေး ရှာတဲ့ အတုအယောင်သမားတွေ ပိုများပါလိမ့်မယ်။ မြန်မာနိုင်ငံမှာ သည်လိုလူမျိုးတွေ ခေတ် အဆက်ဆက်မှာ အများကြီး ရှိခဲ့သလို ကမ္ဘာမှာလည်း အများကြီး ရှိနေပါတယ်။

သည်လိုလူမျိုးတွေကို ကြည့်ပြီး လူမှုရေး လုပ်ရတာ၊ နိုင်ငံရေး လုပ်ရတာ စိတ်ပျက်စရာကြီးပါပဲဆိုပြီး ကျောခိုင်း မသွားပါနဲ့။ ကိုယ့်စေတနာ၊ ကိုယ့်မေတ္တာ တွန့်တို မသွားပါနဲ့။ ပျက်ယွင်း မသွားပါနဲ့။ အများ မိုးခါးရေ သောက်နေတာပဲဆိုပြီး ကိုယ်ပါ မိုးခါးရေ လိုက်မသောက်ပါနဲ့။ ကိုယ်သောက်ရင် ကိုယ်ပါ အရူးဖြစ်သွားတာပဲ အဖတ်တင်ပါလိမ့်မယ်။ အရူးလုပ်မလားဆိုရင် သင်ဘာကို ရွေးချယ်မှာလဲ၊ စဉ်းစားထားဖို့ လိုပါတယ်။

စာဖတ်သူက သတ်မှတ်တာ

လူဆိုတာ ကိုယ့်ဘ၀ကိုယ် ဖန်တီးကြတာ ဖြစ်ပါတယ်။ ဘယ်သူကမှ ဖန်တီးပေးလို့ မရဘူး။ ကိုယ့်ဖန်တီးမှု၊ ကိုယ့်လုပ်ရပ်ကို ကြည့်ပြီး ဘေးလူများက လူဆိုးလား၊ လူကောင်းလား၊ လူယဉ်ကျေးလား၊ လူရိုင်းလား သတ်မှတ်တာဖြစ်တယ်။ စာရေးဆရာတစ်ယောက်ကိုလည်း သူရေးတဲ့ စာတွေကို ကြည့်ပြီး စာဖတ်ပရိသတ်က ဆုံးဖြတ်ပါလိမ့်မယ်။ စာရေးဆရာဆိုတဲ့ နေရာဆိုတာ ကိုယ့်ဟာကိုယ် တက်ယူလို့ ရတာမျိုး မဟုတ်ဘူး။ တစ်ဦးတစ်ယောက်က တင်ပေးလို့လည်း မရပါဘူး။ စာဖတ်ပရိသတ်က သတ်မှတ်ပေးတာပါ။

နမူနာကောင်း

လူတိုင်းဟာ သူ့လမ်း သူလျှောက်၊ သူ့သမိုင်း သူရေးကြတာချည်းပါပဲ။ သူလမ်း ကိုယ့်လမ်း မတူလို့ဆိုပြီး ငြင်းခုံနေလို့ အဖြေထွက်လာမှာ မဟုတ်ပါဘူး။ ငြင်းခုံမယ့်အစား ဆွေးနွေး ညှိနှိုင်းတာက ပိုကောင်းပါတယ်။ သူက လျှော့တန်တာ လျှော့၊ ကိုယ်က ဆုတ်တန်တာ ဆုတ်ပေါ့။ ညှိလို့ မရသေးတဲ့ မတူ ခြားနားတာတွေကို အသာ ဘေးဖယ်ထားပြီး တူတာတွေကို အတူတူ တွဲလုပ်နိုင်ပါတယ်။ ဒါမှလည်း အလုပ်လုပ်ဖြစ်မှာပါ။ မတူတာတွေကိုသာ ရှေ့တန်းတင်ပြီး ငြင်းခုံနေမယ်ဆိုရင်တော့ အချိန်ကုန် လူပန်းပြီး ဘယ်သူမှ အကျိုး မရှိပါဘူး။

အတူတူ တွဲလုပ်မယ်ဆိုရင်တော့ လုပ်ရင်းက တစ်ယောက်အကြောင်း တစ်ယောက်ပိုသိ၊ ပိုနားလည်လာပြီး အရင်က အမြင်တူနိုင် ဖြစ်နေတာတွေပါ ပပျောက်ကောင်း ပပျောက်သွားနိုင်ပါတယ်။ ဒါက လူယဉ်ကျေးများရဲ့ နည်းပါ။

ဆောင်းပါး အစမှာ ပြောခဲ့သလို အမြင်မတူတာကို လူကြီးလူကောင်းတစ်ယောက်လို တုံ့ပြန်ခဲ့တဲ့အတွက် စာရေးဆရာ ဆူဒိုနင်နဲ့ အရင်ကထက် ပိုပြီး ခင်မင် ရင်းနှီးသွားခဲ့ကြတယ်ဆိုတာက အထင်ရှားဆုံး နမူနာ ဖြစ်တယ် မဟုတ်ပါလား ခင်ဗျား။

————————————-

(၂၀၀၉ သြဂုတ်လ ၃ ရက်နေ့ ထုတ် Weekly Eleven Journal မှာ ဆရာ လူထုစိန်ဝင်းက ကျွန်တော့်ကို နမူနာ ပြပြီး ရေးခဲ့တာလေးကို အစအဆုံး ပြန်လည် ကူးယူဖော်ပြလိုက်တာဖြစ်ပါတယ်။ နောက်တစ်ပတ် သြဂုတ် ၁၀ ရက်နေ့ထုတ် အဲဒီ့ ဂျာနယ်မှာပဲ ဆရာ့ ဆောင်းပါးနဲ့ ပတ်သက်ပြီး ကျွန်တော် ပြန်ရေးထားတဲ့ “မတူပေမယ့် တွဲလို့ရတတ်နိုင်သော်လည်း…”ဆိုတာကိုလည်း ဆက်လက်ဖော်ပြထားပါတယ်။ အခု Post မှာ တွဲတင်ထားတဲ့ ဆရာ လူထုစိန်ဝင်းရဲ့ ဓာတ်ပုံက ၂၀၀၉ခုနှစ် သြဂုတ်လ ၁၃ ရက်နေ့ ညနေ ၅ နာရီလောက်က ကျွန်တော် ကိုယ်တိုင် ရိုက်ယူလာခဲ့တဲ့ ဓာတ်ပုံဖြစ်ပါတယ်။ ဆရာဦးစိန်ဝင်းကို လူကိုယ်တိုင် သွားရောက် ကန်တော့ရင်း ရိုက်ယူလာခဲ့တာပါ။ ကျွန်တော်နဲ့အတူ ဆရာမောင်ဝဏ္ဏလည်း ပါခဲ့ပြီး ဆရာတို့ နှစ်ယောက် မတွေ့ဖြစ်ကြတာ ၂၁နှစ်ကျော်ခဲ့ရာက အဲဒီ့နေ့ကမှ ပြန်ဆုံကြတာမို့ ကြည်နူးစရာကောင်းလှပါတယ်။)

Are you sure you’re going to die on a holiday?

ခန္ဓာကိုယ် လှူလိုက ရုံးဖွင့်ရက်မှာ သေသင့်လှ

KBC090910_3၁၉၈၉ခုနှစ်၏ နောက်ဆုံးရက်တွင် ကျွန်တော့်အဘိုးလေးတစ်ဦး ကွယ်လွန် အနိစ္စ ရောက်ခဲ့တုန်းက စတင် ကြုံတွေ့ဖူးခြင်းဖြစ်ပါသည်။ ထိုအဘိုးလေးသည် သူ၏ ကြွင်းကျန်ရစ်သော ခန္ဓာကိုယ်ကို ဆေးတက္ကသိုလ်သို့ လှူဒါန်းရာတွင် ကျွန်တော်တို့အမျိုးထဲမှာ ပထမဆုံးဖြစ်ပါသည်။ ထိုစဉ်က ကျွန်တော် မန္တလေးမှာ ရှိနေခဲ့ပါသည်။ အဘိုး၏ ရုပ်ကလာပ်ကို မန္တလေး ဆေးတက္ကသိုလ်အရောက် ပို့ဆောင်ပေးခဲ့သူမှာ ကျွန်တော်တစ်ဦးတည်းသာ ဖြစ်ပါသည်။ ဘယ်သူဆို ဘယ်သူမှ မပါပါ။ သို့သော် အစစအရာရာ အဆင်ပြေပြေ၊ ချောချောမောမောပင် ဖြစ်သည်။

နောက်တစ်ဦးမှာ ၂၀ဝ၀ပြည့်နှစ်တွင် ကွယ်လွန်တိမ်းပါးသွားသော ကျွန်တော့်ဦးကြီးဖြစ်သည်။ ထိုဦးကြီးမှာ မေမေ့တစ်ဦးတည်းသော သားချင်း၊ မေမေ့အစ်ကိုဖြစ်သလို ကျွန်တော့်အတွက်လည်း တစ်ဦးတည်းသော ဆွေမျိုး ရင်းချာဖြစ်ပါသည်။ သူမှတစ်ပါး ကျွန်တော့်မှာ တခြား ဆွေရင်းမျိုးရင်း မရှိပါ။ ထိုဦးကြီးကလည်း မန္တလေးတွင်သာ နေပါသည်။

သူကွယ်လွန်သောအခါ ကျွန်တော်တို့ မန္တလေးကို အပြေးအလွှား သွားပါသည်။ သို့သော် သူ့ရုပ်ကလာပ်ကို မမြင်လိုက်ရပါ။ သူလှူဒါန်းထားခဲ့ရာ  မန္တလေးဆေးတက္ကသိုလ်ကပင် နေ့ချင်း လာရောက် သယ်ယူသွားလေပြီဟု သိရှိရပါသည်။ သူ့မှာ ကျန်ရစ်သူက သူ့ဇနီးတစ်ဦးသာ ရှိသည်။ တခြား သားထောက်သမီးခံ မရှိ။ တူ၊ တူမ အရင်းအချာထဲကဆိုလျှင်လည်း ရန်ကုန်တွင် အခြေချနေထိုင်သည့် ကျွန်တော်တစ်ဦးတည်းသာ ရှိပေရာ သူ့အနီးတွင် ရှိသည့် အမယ်ကြီး ကရိကထ နည်းလေအောင် ဦးကြီးက ထိုသို့ စီစဉ်ထားခဲ့ခြင်းဖြစ်သည်ဟု ကျွန်တော် နားလည်ပါသည်။

ဦးကြီးကား ကျွန်တော်တို့အမျိုးထဲမှ ခန္ဓာကိုယ် လှူဒါန်းသူ ဒုတိယ တစ်ယောက် ဖြစ်ပါသည်။

ကျွန်တော်တို့မှာက “အယာသော”ဟု ဘုရားဟောသည့် “အခြွေအရံ နည်းခြင်း”တည်းဟူသော လောကဓံကို မျိုးနှင့်ရိုးနှင့် ခံရသည်ဟု ပြောရမတတ်ပင်ဖြစ်သည်။ အထက်တွင် အစချီခဲ့သော အဘိုးလေးမှာ ဇနီးမယားလည်း မရှိ၊ သားထောက် သမီးခံလည်း မရှိသလို ကျွန်တော့် ဦးကြီးမှာ ဇနီးမယား ရှိပင်ရှိငြား သားသမီး မထွန်းကား။ ရှားရှားပါးပါး ရှိထားသည့် နှမတစ်ယောက်နှင့် တူတစ်ယောက် (ကျွန်တော်)မှာလည်း တစ်ရပ်တစ်ကျေးတွင် နေထိုင်သူများ ဖြစ်နေခဲ့သည်။

ကျွန်တော်တို့မှာလည်း ထို့အတူပင်။ ရန်ကုန်မြို့ကြီးမှာ ကျွန်တော်တို့ ဆွေမျိုးရင်းချာဆို၍ သားအမိနှစ်ယောက်မှတစ်ပါး အခြား မရှိ။ ထိုသားအမိ နှစ်ယောက်ကလည်း တစ်အိမ်စီ နေထိုင်ကြသည်။ မေမေက မြို့လယ်မှာ၊ ကျွန်တော်က ဆင်ခြေဖုံးမှာ။ (နောင် အေးအေးဆေးဆေးကျတော့မှ ကျွန်တော့်မိခင်၏ ဖြစ်စဉ်ကို မှတ်တမ်းတင်ပါမည်။)

သည်တော့လည်း မေမေသည် သူသေလျှင် သည်လိုပဲ တစ်ယောက်တည်း လူမသိ သူမသိ သေလွန်သွားရလိမ့်မည်ဟု တွက်ဆ မျှော်လင့်ခဲ့ဟန်တူပါသည်။ သူက သေဆုံးနေ၊ နောက်တစ်ရက်ကျမှ အရပ်က သိကြ။ အဲတော့မှ ကျွန်တော့်ထံ အကြောင်းကြား၊ ဘာ၊ ညာ…။ ထိုသို့ပင် မေမေ တွေးမြင် မျှော်လင့်ခဲ့သည်။ အရပ်ထဲမှ နှစ်ပေါင်း သုံးဆယ်ကျော်ကတည်းက ခင်မင်ရင်းနှီးထားသူ မိသားစုကို မေမေ့အိမ်သော့ပင် အပ်နှံထားသည်။ မေမေ့ကို မမြင်လျှင်၊ မေမေ့အိမ်တံခါးတွေ ပွင့်မလာခဲ့လျှင် ဖွင့်ဝင်ပြီး အကျိုးအကြောင်း သိရအောင် လုပ်နိုင်ရန်ပင်ဖြစ်ပါသည်။

သို့ဖြစ်သဖြင့် မေမေသည်လည်း သူ့ကိုယ်ခန္ဓာကိုလည်း လှူဒါန်းထားသည်မှာ ၂၀ဝ၀ပြည့်နှစ်ကတည်းက ဖြစ်သည်။ သူ၏ သွေးသားရင်းချာဖြစ်သူ ကျွန်တော်က ထိုကိုယ်ခန္ဓာကို သက်ဆိုင်ရာ ဌာနသို့ အရောက် ပေးပို့ရန် တာဝန်ယူပါကြောင်း ဝန်ခံကတိပြု လက်မှတ် ရေးထိုးပေးခဲ့ရပါသည်။

သို့သော် လောကသည် မျှော်လင့်သလို ဘယ်တော့မှ မဖြစ်တတ်ပါ။ မမျှော်လင့်တာတွေပဲ သည်းသည်းမည်းမည်း ဖြစ်တတ်သော သဘာဝက သည်လောကကြီးမှာ ရှိပါလေသည်။

ကျွန်တော့်မေမေမှာ နှလုံး၊ သွေးတိုး၊ ဆီးချိုစသည့် အသက်ကြီးလျှင် လူအတော်များများ ခံစားရသော ရောဂါအခံ တစ်စိုးတစ်စိမျှ မရှိပါ။ ထို့ ကြောင့်လည်း နေချင်သလို နေကာ၊ စားချင်သလို စားတတ်ပါသည်။ ထိုသို့  အစားမှားမှုဒဏ်ဖြင့် မေမေ နေမကောင်း ထိုင်မသာဖြစ်ကာ အိပ်ရာထဲမှာ လဲနေသောအခါ ကျွန်တော်က မေမေ့ကို ကျွန်တော့်အိမ်သို့ ခေါ်လာခဲ့ရပါသည်။

အသေးစိတ်တွေ မရေးတော့ပါ။ လိုရင်းကို ခြုံ့လိုက်ရလျှင် ကျွန်တော့် အိမ်တွင် နှစ်ပတ်နီးပါးမျှ ဝမ်းချုပ်သော ဝေဒနာကို အလူးအလဲ ခံစားပြီးနောက် (ကန်တော့ပါရဲ့) နောက်ဆုံး စမြင်းတုံးကို ညှစ်ထုတ်အပြီးတွင် လူ့လောကကိုပါ အမှတ်မထင် စွန့်ခွာသွားပါလေတော့သည်။

လူ့လောကကြီး၏ ဆန်းကျယ်မှုကား အံ့ဩကုန်နိုင်ဘွယ်ဟုပင် ဆိုရ မတတ်ဖြစ်သည်။ မေမေကွယ်လွန်သောနေ့သည် ကျွန်တော့် ၄၈နှစ်ပြည့် မွေးနေ့ (နိုဝင်ဘာ ၂၄)ဖြစ်နေပါသည်။ ထိုမွေးနေ့ကို ကျော်လွန်ပြီး နောက်တစ်ရက် ကူးခါစ မိနစ်ပိုင်းတွင် မေမေ ကွယ်လွန်သွားခြင်းဖြစ်ပါသည်။ သို့ဖြစ်ပေရာ ရက်အားဖြင့် ပြောလျှင်မူ မေမေ ကွယ်လွန်သောနေ့မှာ နိုဝင်ဘာ ၂၅ရက်နေ့ (ယခုနှစ်အတွက် အမျိုးသားနေ့) ဖြစ်လို့နေပါသည်။

ပြဿနာက ကျွန်တော်တို့မှာ အတွေ့အကြုံ မရှိခြင်းပင်ဖြစ်သည်။ ရန်ကုန်မှာ ကျွန်တော့် ဆွေမျိုးရင်းချာထဲက ဈာပနမှာ ဒါ ဒုတိယအကြိမ် ဖြစ်သည်။ ပထမအကြိမ်က ကျွန်တော့်မေမေ၏ မိခင်၊ ကျွန်တော့်အဘွား ကွယ်လွန်ချိန်၊ ဟိုး… လွန်ခဲ့သော ၃၄နှစ်ကျော်က ဖြစ်ပါသည်။ သည်တော့ ဘယ်က စပြီး ဘာလုပ်လို့ ဘာကိုင်ရမှန်း မသိချေ။

ပထမဆုံးလုပ်သည်က မေမေ့အိမ်ကို ပြေးပြီး ခန္ဓာကိုယ် လှူဒါန်းထားသည့် စာရွက်စာတမ်းများကို ယူရသည်။ ထိုစာရွက်ပေါ်တွင် ကျွန်တော့်လက်မှတ် ပါရှိသည် မှန်သော်လည်း၊ ထိုစာရွက်၏ ကျောဘက်တွင် ဖော်ပြထားသော စည်းကမ်းချက်များကို ဖတ်ရှုပြီးမှ ထိုလက်မှတ်ကို ထိုးဖြစ်ခဲ့သည် မှန်သော်လည်း ငါးနှစ်ကျော် ကြာသောအခါ ထိုစည်းကမ်းချက်များကို မေ့သွားပြီဖြစ်သဖြင့် ပြန်ဖတ်ရပါသည်။

ကျွန်တော့်အတွက် အရေးကြီးသွားသောအချက်ကို အောက်ပါအတိုင်း တွေ့ရပါသည်။

“၄။    အစိုးရ ရုံးပိတ်ရက်၊ ကျောင်းပိတ်ရက်တွင် ခန္ဓာကိုယ်လှူဒါန်းထားသူ သေဆုံးပါက သူ၏ ဆွေမျိုးသားချင်းများက မိမိတို့ အစီအစဉ်ဖြင့် သေဆုံးသူအား အအေးတိုက်တွင် ထားပြီး ကျောင်းဖွင့်ရက် ရောက်မှသာ ခန္ဓာဗေဒဌာနသို့ အကြောင်းကြားပေးပြီး ခန္ဓာဗေဒဌာနသို့ အရောက်ပေးပို့ရပါမည်။”

ထို “လိုက်နာရန်အချက်“က ကျွန်တော့်ကို အတော် အုံးစားပါသည်။ ဆိုခဲ့သည့်အတိုင်း မေမေကွယ်လွန်သည်မှာ ယခုနှစ် အမျိုးသားနေ့ထဲသို့ ချင်းနင်းဝင်ရောက်စ မိနစ်ပိုင်းတွင်ဖြစ်ပါသည်။ ယခုနှစ်အမျိုးသားနေ့က သောကြာနေ့တွင် ကျရောက်သည်။ သို့ဖြစ်ရာ ရုံးပိတ်ရက် သုံးရက်တိတိ ခံနေပါတော့သည်။

အဲ… ပြောဖို့ တစ်ခု ကျန်ပါသည်။ မေမေတို့များ ထောင့်စေ့လိုက်ပုံကတော့ ထိုခန္ဓာကိုယ် လှူဒါန်းသည့် စာရွက်စာတမ်းများ ထည့်ထားရာ ပလတ်စတစ်အိတ်ထဲတွင် တစ်ထောင်တန် အသစ်ကျပ်ချွတ် ငါးရွက်ကိုလည်း ထည့်ပေးထားခဲ့ပါသေးသည်။ ကြွင်းကျန်ရစ်သော သူ့ရုပ်ကလာပ်အား လိုရာအရောက် ပို့ဆောင်ရာတွင် လိုအပ်သော စရိတ်စကကို ရည်ရွယ်ထားမှန်း သိသာပါသည်။

ကျွန်တော့်မှာတော့ ရုံးပိတ်ရက် သုံးရက် ခံနေသောကြောင့် ဘာဆက်လုပ်ရမည်မသိ ဖြစ်နေပါတော့သည်။ ထိုအခါ နာရေးကိစ္စများတွင် အားတက်သရော ကူညီပေးတတ်သူ ဆရာမြတ်ခိုင်၏ မျက်နှာကြီးကို တန်းမြင်လိုက်မိရသည်။ သူ့ကို ဖုန်းဆက်တော့ သူ့မှာက ခန္ဓာကိုယ် လှူသည့်ကိစ္စနှင့် ပတ်သက်ပြီး ဘာအတွေ့အကြုံမျှ မရှိကြောင်း ပြောပါသည်။ သူက နာရေး ကူညီမှုအသင်းကို အကူအညီတောင်းရန် အကြံပေးသည်။ ဇာတ်လိုက်မင်းသား ကျော်သူထံ ဆက်ရန်လည်း ဖုန်းနံပါတ်ပေးသည်။ ကိုကျော်သူ့ ဖုန်းကို ဆက်တော့ “လူကြီးမင်း”နှင့်တွေ့နေသည်။

ထိုနေ့ကမှ နာရေးကူညီမှုအသင်းဖုန်းများကလည်း တစ်လုံးမျှ ခေါ်မရ ဖြစ်နေသည်။ ကျွန်တော့်ဖုန်းကိုက အပြင်လိုင်းကို မထွက်တာလားတော့ မသိချေ။ အတော်ကြီး စိတ်ရှည်လက်ရှည်နှင့် ကြိုးစားပမ်းစား ဆက်လေတော့မှ နာရေးကူညီမှုအသင်းကို အဆက်အသွယ်ရသည်။ သူတို့ကလည်း ထိုသို့ ခန္ဓာကိုယ် လှူဒါန်းထားသည်ဆိုလျှင် သက်ဆိုင်ရာတက္ကသိုလ်နှင့် အရင် ဆက်သွယ်ရန် အကြံပေးပါသည်။ အဆင်မပြေလျှင်တော့ ကူညီပေးမည်ဟု ဖော်ရွေစွာ အကြောင်းပြန်ပါသည်။

သို့ဖြင့် သက်ဆိုင်ရာ ဆေးတက္ကသိုလ်ရှိရာကို လူလွှတ်ပြီး အစုံစမ်းခိုင်း ရသည်။ လိုရမည်ရ ငွေတစ်သောင်းလည်း လက်ထဲ ထည့်ပေးလိုက်သည်။  ဆရာဒါရိုက်တာမောင်ဝဏ္ဏ၏ သားကြီးဩရသ၊ မင်းသားသစ်လေး ပြေဇင် ကို သူ့အမေက လွှတ်ပေးထားသဖြင့်သာ တော်တော့သည်။ ကိုပြေဇင်လေးက ကားရော၊ လူပါတစ်နေကုန် ကူညီပေးလေရော ဆေးတက္ကသိုလ်သို့လည်း သူပင် သွားပါသည်။

အတော်ကြာတော့ ပြန်လာကြသည်။ အနှီဆေးတက္ကသိုလ်နှင့် တွဲဖက်ထားသော အထွေထွေရောဂါကု ဆေးရုံကြီး၏ အအေးခန်း (ရေခဲတိုက်)တွင်  ရုပ်ကလာပ်ကို ရုံးပိတ်ရက်အတွင်း လက်ခံထားပေးမည်။ ထိုအအေးခန်းမှပင် လာရောက်သယ်ယူပေးမည်ဟု သိလာရပါသည်။ ထိုအတွက် ကျသင့်ငွေမှာမူ ကျပ်ခြောက်သောင်းဖြစ်လေသည်။ ထိုနေ့က ခေါင်းရှုပ်နေသဖြင့် ကိုပြေဇင်နှင့် အတူသွားသူက ကျွန်တော့်ကို ပြန်ပေးသည့် စက္ကူစုတ်လေးအား ဘယ်နားထားလိုက်မိမှန်း မသိတော့ပါ။ ထိုစက္ကူစုတ်လေးပေါ်မှာတော့ အအေးခန်းတွင် သုံးရက် ထားခက ဘယ်ရွေ့ဘယ်မျှ၊ သယ်ယူစရိတ်က ဘယ်လောက်ဟု အတိအကျ တွက်ချက်ပြီး စုစုပေါင်း ခြောက်သောင်းဟု ရေးသားထားသည်ကိုတော့ မြင်လိုက်ပါသည်။ ပြေစာလည်း မဟုတ်ပါ၊ သာမန် ရွက်ကြမ်း ရေချို စက္ကူတစ်စပေါ်တွင် ရေးခြစ်ထားခြင်းသာ ဖြစ်ပါသည်။ စရံငွေ သုံးသောင်း စိုက်ပေးခဲ့ရသည်ဟု ပြောသဖြင့် ကျွန်တော်လည်း ငွေသုံးသောင်း ထုတ်ပေးလိုက်ပါသည်။

ထိုအအေးခန်းမှ နိဗ္ဗာန်ယာဉ်က နေ့ခင်း နှစ်နာရီခန့်တွင် ကျွန်တော့် အိမ်ရှေ့သို့ ဆိုက်ဆိုက်မြိုက်မြိုက် ရောက်လာပါသည်။ ယာဉ်မောင်းလား၊ ဘာလားမသိ တစ်ယောက်တက်လာသည်။ “ကဲ… သယ်ကြတော့”ဟု ပြောသည်။ “ဟင်… သယ်မပေးဘူးလား”ဟု မေးတော့မှ ကောင်လေးတွေကို သယ်ခိုင်းလျှင် ပိုက်ဆံပေးရမည်ဟု ဆိုပါသည်။ ဘယ်လောက်လဲဆိုတော့ တစ်ယောက် နှစ်ထောင်နှင့် နှစ်ယောက်စာတဲ့။ ဟုတ်ကဲ့… ရော့… ရော့… ငါးထောင် ယူလိုက်တော့ဗျာဟုဆိုကာ တစ်ထောင်တန် ငါးရွက်ကို ထည့်ပေးလိုက်သည်။

အမှန်တကယ် သယ်ယူသောအခါ ရုပ်အလောင်းတို့၏ ထုံးစံအတိုင်း မနိုင်ရင်ကာ လေးလံနေပေရာ ထိုယာဉ်မောင်းရော၊ ကိုပြေဇင်ပါ ကူညီ သယ်ပိုးတော့မှ သယ်လို့ ချလို့ ရသွားပါတော့သည်။ လိုက်လံ အပ်နှံရဦးမည်ဟုဆိုသဖြင့် ကျွန်တော်လည်း ကိုပြေဇင့်ကားနှင့်ပင် အအေးတိုက်သို့ လိုက်ရသည်။ ဟိုရောက်တော့ ပထမဆုံး လုပ်သည်မှာ ပိုက်ဆံတောင်းသည့် အလုပ်ပင်။ ကျန်ငွေ သုံးသောင်းကို တောင်းခြင်းဖြစ်သည်။ ကျွန်တော်လည်း အသင့်ယူလာသည့် ငွေကို ထုတ်ပေးလိုက်ပါသည်။ ဘာပြေစာမှလည်း မဖြတ်ပါ။ ကျွန်တော့်ကိုမူ တစ်နေရာတွင် လက်မှတ် ထိုးခိုင်းပါသည်။ ထို စာအုပ်မှာ အအေးခန်းသို့ ရုပ်အလောင်း အဝင်အထွက် မှတ်တမ်း စာရင်း ပြုစုထားသော စာအုပ်သာ ဖြစ်မှန်းလည်း ကျွန်တော် သိလိုက်ပါသည်။

တနင်္လာနေ့တွင် ပြန်လာပြီး ရုပ်အလောင်းကို ထုတ်ယူ၊ ထို့နောက် မှန်မမှန် ကြည့်ရှု၊ မှန်ကန်ကြောင်း လက်မှတ်ထိုးပြီး ထုတ်ယူကာ သက်ဆိုင်ရာ တက္ကသိုလ်ကို လွှဲပြောင်းပေးရမည်ဟုလည်း သိရပါသည်။

ကဲ… နေရစ်ခဲ့တော့ မေမေရေ။

ဇာတ်လမ်းက အခုထိ မဆုံးသေးပါ။ ပရိဒေဝ တောက်လောင်နေသော ထိုသုံးရက်ကို ဖြတ်ကျော်ပြီး သကာလ တနင်္လာနေ့တွင် ထိုတက္ကသိုလ်ကို ပြေးရပြန်သည်။ သက်ဆိုင်ရာ လက်ခံပေးသူ ဝန်ထမ်းထံ လှူဒါန်းထားသည့် စာရွက်ကို ထုတ်ပြရာ ထိုပုဂ္ဂိုလ်က စာရွက်ကို အခုမှ မြင်ဖူးသည့်နှယ် သေချာ  ဖတ်ရှုပါသည်။ မျက်နှာစာမှ ဖြည့်သွင်းထားချက်များကိုသာ မဟုတ်ပါ၊ ကျောဘက်မှ “လိုက်နာရန် အချက်များ”ကိုပါ တစ်လုံးချင်း ဖတ်နေသည့်နှယ် အချိန်ဆွဲ ဖတ်ရှုနေသည်ကို ရင်ဆိုင်ရပါသည်။

ထိုဝန်ထမ်း၏ ဥပဓိရုပ်နှင့် အဝတ်အစားကြောင့် သူသည် အလွန်ဆုံး ရှိလှမှ ဋ္ဌာနခွဲ စာရေးကြီး အဆင့်လောက်သာ ဖြစ်ပါလေမည်။ သို့သော် သူ့မင် သူ့မောင်းမှာမူ ဧရာမ တာဝန်ကြီးကို ယူထားရသူနှယ် ဟိတ်ဟန် ကြီးလွန်းနေပေသည်။ သူ့ဌာနမှ ထုတ်ထားသော ပုံစံကိုသာမက ထိုပုံစံပေါ်ပါ စည်းကမ်းချက်များကိုပါ ပြန်အလွတ်ကျက်နေသော သူ့သဘောကို ကျွန်တော် ဉာဏ်မမီနိုင်တော့ပါ။ စိတ်လည်း တိုလာပါသည်။

“ကဲ… ကိုယ့်ဆရာ၊ ဘာဖြစ်ချင်သလဲ ပြော၊ ကျွန်တော့်ဘက်က ဘာများ လုပ်ပေးဖို့ လိုသလဲ ပြော”ဟု ကျွန်တော်က သုန်သုန်မှုန်မှုန်နှင့် ဆောင့်ကြီးအောင့်ကြီး လုပ်လိုက်တော့မှ မောင်မင်းကြီးသား အချိုး ပြင်သွားပါသည်။ ရုံးပိတ်ရက်တွေ ခံနေသဖြင့် ကျွန်တော့်မှာ သေစာရင်း မထုတ်ရသေးပါ။ သင်္ဂြိုဟ်ခွင့် လက်မှတ်သာ ရပါသေးသည်။ ထိုအချက်ကို သူက ကိုင်ပြီး ပြောပါသည်။ ရုံးပိတ်ရက်ကို ထောက်ပြ လိုက်တော့မှ သင်္ဂြိုဟ်ခွင့်လက်မှတ်ဖြင့် လက်ခံပေးထားမည်၊ သေစာရင်းမိတ္တူကို လာပို့ပေးပါမည်ဟု နှစ်ဦးနှစ်ဖက် သဘောတူလိုက်ကြပါသည်။

သို့ဖြင့် တွန်းလှည်းကြီး တစ်စီးဖြင့် ရေခဲတိုက်သို့ ကူးသွားကြသည်။ တွန်းလှည်းတွန်းသူ ဝန်ထမ်းသုံးဦးက ဘာမှ မပြောသော်လည်း ကျွန်တော်က အလိုက်သိစွာပင် တစ်ယောက်လျှင် တစ်ထောင် ပေးလိုက်ပါသည်။ မိမိ ဌာနမှ ထုတ်ထားသော ပုံစံကို အလွတ် ပြန်ကျက်ဖော်ရသည့် ထိုတာဝန်ခံအားလည်း ဆုချသည့်အနေဖြင့် ငွေနှစ်ထောင် ပေးလိုက်ပါသေးသည်။

ဟိုရောက်တော့ ကျွန်တော်တို့မှာ အကြာကြီး ထိုင်စောင့်နေရသေးသည်။ ရေခဲတိုက်ဝန်ထမ်းတစ်ဦးက ကျွန်တော်တို့ကို ချပေးသော ထိုင်ခုံများမှာ ထိုင်ကြသည်။ ထိုဝန်ထမ်းကိုလည်း ဘာရယ်မဟုတ် ငွေတစ်ထောင် ထုတ်ပေးလိုက်ပါသည်။ လှူတာပေါ့လေကွယ်။

တစ်နာရီခန့်စောင့်ပြီးတော့မှ မေမေ့ ရုပ်အလောင်း ထွက်လာပါသည်။ ထိုအခါ ခုံချပေးသူ ဝန်ထမ်းက ဟို… လက်အိပ်နဲ့ လူတွေကိုလည်း လက်ဖက်ရည်ဖိုး ပေးလိုက်ပါဦးဟု လာပြီး လက်တို့ပါသည်။ စောစောက ကိုယ့် သဒ္ဓါနှင့် ကိုယ်ပေးနေတုန်းက ကြည်ဖြူသော်လည်း ယခုလို လာအပြောခံရသောအခါတွင်မူ စိတ်ချဉ်က ပေါက်သွားရပါသည်။ အမှန်က သူ မပြောလည်း ကျွန်တော့်ဘက်က ပေးရန် ရည်သန်ပြီးသားဖြစ်သည်။ အဲဒါကိုမှ လာလောဆော်တော့ မပေးတော့ ဘာလုပ်ချင်တုန်းဗျာဟု ပြောချင်စိတ်ပင် ပေါက်သွားရပါတော့သည်။

သို့သော် နာရေးကိစ္စဖြစ်နေသဖြင့် ကျွန်တော့်စိတ်ကို အတတ်နိုင်ဆုံး ပြန်ဆန့်ထုတ်လိုက်ကာ ဟုတ်ကဲ့ဟု ဆိုပြီးသကာလ ငွေသုံးထောင်ကို ထုတ်ပေးလိုက်ပါသည်။

ရေခဲတိုက်ထဲတွင် သုံးရက်တာ လဲလျောင်းခဲ့ပြီးဖြစ်သော မေမေကမူ အပြင်တွင် ဘာတွေဖြစ်နေမှန်း သိတော့မည် မဟုတ်ပါ။ အေးအေးလူလူ ငြိမ်းငြိမ်းချမ်းချမ်း သူ့ကိုယ်ခန္ဓာက သူလှူဒါန်းလိုသော ဆိုင်ရာတက္ကသိုလ်ဆီ သို့ ဒုတ်ဒုတ်ထိ ရောက်သွားပါလေပြီ။

အစတွင် ရေးခဲ့သည့်အတိုင်း ၁၉၈၇ခုနှစ် ဒီဇင်ဘာလ နောက်ဆုံးရက်မှာ ကွယ်လွန်တိမ်းပါးသွားခဲ့သည့် အဘိုးလေး၏ ခန္ဓာကိုယ်ကို မန္တလေး ဆေးတက္ကသိုလ်သို့ ကျွန်တော်ကိုယ်တိုင် ပေးပို့ လှူဒါန်းခဲ့စဉ်က သည်ဒုက္ခတွေ ကျွန်တော်မခံခဲ့ရပါ။ သည်နှယ် ပိုက်ဆံတွေလည်း မကုန်ခဲ့ရပါ။ သည်နှယ် လက်ဖက်ရည်ဖိုးပေးလိုက်ပါဦးဟုလည်း လောအဆော်မခံခဲ့ရပါ။

ဒါတွေကို သိထားသည့်အတွက် ကျွန်တော့်မေမေကလည်း သူ ကွယ်လွန် တိမ်းပါးသွားသည့်အခါတွင် ကျန်ရစ်သူ တစ်ဦးတည်းသား ကျွန်တော်၊ အခြွေအရံ နည်းလှသည့် ကျွန်တော်တစ်ယောက် ကရိကထလည်း နည်း၊ စရိတ်စကလည်း သက်သာစေရန် ရည်သန်လျက် သူ့ခန္ဓာကို ပေးပို့ လှူဒါန်းခဲ့သည်ဟု တွက်ဆနိုင်ပါသည်။ ထိုမျှမကသေး၊ သူ့ခန္ဓာကို လှူသည့် ဌာနသို့ အရောက်ပို့သည့်အခါ မလိုလဲ လိုလဲ သုံးနိုင်ရန် ငွေတစ်ထောင်တန် အသစ်ကျပ်ချွတ်ကလေး ငါးရွက်ကိုပင် အရံသင့် ထားပေးခဲ့ရှာပါသည်။

အကယ်၍သာ မေမေ ကွယ်လွန်သောရက် တစ်ရက်စောလျှင်၊ သို့တည်းမဟုတ် သည့်ထက် သုံးရက်တာမျှ နောက်ကျပြီးမှ ကွယ်လွန်လျှင်မူ သည်သို့ ဖြစ်ချင်မှ ဖြစ်မည်ကိုလည်း ဆင်ခြင်မိရပါသည်။ သို့ဖြစ်ပေရာ ခန္ဓာကိုယ်လှူဒါန်းထားသူများ၊ လှူဒါန်းလိုသူများအနေဖြင့် ရုံးဖွင့်ရက်ကို တွက်ချက်ပြီး သေနိုင်မှ တန်ကာကျမည်ဟူသော နီတိတစ်ရပ်က ကျွန်တော့် ခေါင်းထဲတွင် အလိုလိုပေါ်လာပါသည်။

ကွယ်လွန်ပြီးနောက် ကျန်ရစ်သော ခန္ဓာကိုယ် အပုပ်ကောင်ကြီးမှာ ဘာမှ အသုံးမတည့်၊ အရာမဝင်တော့ပါ။ ထိုခန္ဓာကြီးအား ဆေးကျောင်းသားများ ပညာသင်ကြားရာတွင် ပြန်လည် အသုံးချနိုင်သည့် အခွင့်အရေးအဖြစ် ခန္ဓာကိုယ် လှူဒါန်းသော ဓလေ့တစ်ရပ် ပေါ်ထွန်းလာသည်မှာ အလွန်ပင် ကြည်နူးစရာကောင်းလှပါသည်။ လောလောဆယ်မှာတော့ လှူဒါန်းသူ အင်အား များပြားလွန်းနေသဖြင့် လှူဒါန်းမှုပုံစံများ ထုတ်ပေးခြင်းကို ယာယီ ရပ်ဆိုင်းထားသည်ဟု သိရပါသည်။ ယခင်၊ ကျွန်တော့်မိခင်ကြီး လှူဒါန်းစဉ် ၂၀ဝ၀ပြည့်နှစ်လောက်ဆီက ထုတ်ပေးထားသော ပုံစံများ ရှိပါကမူ လက်ခံပေးနေဆဲ ဟုကြားသိခဲ့ရပါသည်။ ပုံစံသစ်များမူ ထုတ်မပေးမူတော့ပါ။

မည်သို့ပင်ဖြစ်စေ၊ ထိုအလှူမှာလည်း မွန်မြတ်သော အလှူဟုကျွန်တော်  ခံယူပါသည်။ အသုံးမတည့် အရာမဝင်တော့သော ရုပ်အလောင်းအား ပညာရေးကိစ္စအတွက် အသုံးချရန် လှူဒါန်းခြင်းဖြစ်သဖြင့် အင်မတန် သာဓုခေါ်ထိုက်ပါသည်။ အစက ကျွန်တော်ကိုယ်တိုင်ပင်လျှင် (မျိုးရိုးအစဉ်အလာကို ထိန်းသိမ်းသည့်အနေဖြင့်) ထိုသို့ လှူဒါန်းလိုစိတ်များ ပေါ်ပေါက်ခဲ့ဖူးပါသည်။

သို့ရာတွင် ယခု ကျွန်တော့်မေမေ၏ကိုယ်ခန္ဓာအား လှူဒါန်းရာ၌ ကြုံဆုံလိုက်ရသော အတွေ့အကြုံအရ ထိုသို့ လှူဒါန်းမည်ဆိုပါက ရုံးဖွင့်ရက်တွင် မိမိရရ သေပေးနိုင်မှသာ ကျန်ရစ်သူ မိသားစုများ ကရိကထ၊ စရိတ်စကများ နည်းပါး သက်သာနိုင်မည့်အရေးကို တွေးမိသွားရပါသည်။

ခက်တာက သေမင်းနှင့် ကျွန်တော်တို့ကြားမှာ ပဋိဉာဉ်ထားလို့ မရတတ်နိုင်ခြင်းပင် ဖြစ်ပါသည်။ ရုံးဖွင့်ရက်မှာမှ ကျွန်တော့်ကို လာခေါ်ပါမည်ဟု သေမင်းက ကျွန်တော့်ကို ကတိပေးပြီး ဝန်ခံကတိပြု လက်မှတ်ထိုးမည်ဆိုပါမူ ပညာကို ဦးထိပ်ထားသူ ကျွန်တော်သည်လည်း ကျွန်တော့်ခန္ဓာကိုယ်ကို ပညာအကျိုးအတွက် လှူထားရစ်ခဲ့ချင်ပါသည်။

ယခုတော့ ကိုရွှေသေမင်းက ကတိပေးလိမ့်မည်လည်း မဟုတ်ပါ။ လက်မှတ်ထိုးလေမည်လည်း မဟုတ်ပါ။

သို့ဖြစ်ပေရာ သဒ္ဓါစိတ်က မည်မျှ နှိုးဆော်နှိုးဆော် “နောက်တစ်ခါ ဒူနာတေး ကြောက်လှချည့်လေး”ဟု ဆိုရမည်သာ ဖြစ်သဖြင့် ကျွန်တော် သေလွန်သောအခါ နာရေးကူညီမှုအသင်းကိုသာ အကူအညီတောင်းကြပြီး သကာလ မီသင်္ဂြိုဟ်ခြင်းသာ ပြုလိုက်ကြပါတော့ရန် မိသားစုအား မေတ္တာ ရပ်ခံ ထားလိုက်ရပါတော့သတည်း။

အားလုံးတွေးဆ ဆင်ခြင်ကြည့်နိုင်ကြပါစေ
ဆူဒိုနင်

———————————————–

၂၀၀၅ခုနှစ် ဒီဇင်ဘာလ နောက်ဆုံးပတ်ထုတ် မဟာသတင်းဂျာနယ်မှာ ဖော်ပြခဲ့တာလေးကို ပြန်တင်ဆက်လိုက်တာပါ။ ကနေ့ ကျွန်တော့်ဆီ ရောက်လာတဲ့ ဓာတ်ချောစာတစ်စောင်မှာ ကိုယ်ခန္ဓာ လှူဒါန်းလိုတဲ့ လူငယ်လေးတစ်ယောက်ရဲ့စာနဲ့ မန္တလေးဆေးတက္ကသိုလ်ရဲ့ ခန္ဓာကိုယ်လှူဒါန်းမှု လျှောက်လွှာ ပုံစံလေး မြင်လိုက်ရလို့ ဒါကို သတိရပြီး ကျွန်တော့် ကွန်ပျူတာထဲက စာမူဟောင်းတွေထဲမှာ ပြန်ရှာ တင်ဆက်လိုက်ရတာပါပဲ။

Latest in The Ray of Light

rol-570-article_imgဓာတ်ချောစာတွေ ပလူပျံနေတဲ့ ခေတ်ကြီးထဲက စာရေးသူများ

၂၀ဝ၉ခုနှစ် ဩဂုတ်လ၁၇ရက်ထုတ် အလင်းတန်းဂျာနယ်ထဲက ဆရာ ဆွေမြင့်စောရဲ့ “ဝတ္ထုတစ်ပုဒ်၏ နိဒါန်း၊ ဝတ္ထုတစ်ပုဒ်ရဲ့ နိဂုံးနှင့် ဖန်တီးမှုမှတ်တိုင်”ကို ဖတ်ပြီး ပြောစရာလေး နည်းနည်း ရှိလာပါတယ်။

အဲဒီ့ထဲက ခင်ဗျားကိုယ်တိုင်ပါလို့ရတဲ့ ဝတ္ထုရယ်၊ မဂ္ဂဇင်းတစ်စောင်ထဲက နေရစ်တော့ သူထားခဲ့တယ်ဆိုတဲ့ ဝတ္ထုတိုရယ်တို့ စိတ်ကူး တူနေသလားဆိုတဲ့ ပြဿနာပါ။ အဲဒါတွေကို ဖတ်မိတော့ ၂၀ဝ၈ခုနှစ် ဇူလိုင်လ နောက်ဆုံးပတ်ထုတ် “အတွေးသစ်”ဂျာနယ်မှာ ကျွန်တော် ရေးခဲ့တာလေးနဲ့ တစ်ထပ်တည်း သွားတူနေပါတယ်။ ကျွန်တော့် ခေါင်းစဉ်ကကျတော့ “လူပါတဲ့ခင်ဗျား”ဖြစ်ပါတယ်။

အတွေးသစ်ဂျာနယ်မှာ ပုံနှိပ်ဖော်ပြတဲ့ အချိန်နဲ့တွက်ရင် ဝတ္ထုရော၊ ဝတ္ထုတိုပါ တစ်နှစ်လောက် နောက်ကျနေတာ တွေ့ရပါလိမ့်မယ်။ သို့ပေမယ့် ကျွန်တော် ဘယ်သူ့ကိုမှ မဥပါဒ်ပါဘူး။ ဘာဖြစ်လို့လဲဆိုတော့ အဲဒါဟာ အခုကာလမှာ ခေတ်စားနေတဲ့ “ပလူပျံ”ဓာတ်ချောစာတွေထဲမှာ ပွထနေတဲ့ အကြောင်းအရာ ဖြစ်နေလို့ပါပဲ။

ဟုတ်ကဲ့… အီးမေး(လ်)လို့ ခေါ်တဲ့ ဓာတ်ချောစာတွေက မြန်မာတွေ ကြားမှာ အခုမှ အတော် ခေတ်စားလို့ နေပါတယ်။ သူက ထိုင်ရာက မထ စာပို့လို့ ရတဲ့ အပြင် ခလုတ်ကလေး တစ်ချက်နှိပ်ရုံနဲ့ လူပေါင်းများစွာဆီကို ချက်ချင်း တန်းပို့လို့ရတဲ့ စနစ်ဖြစ်နေတဲ့အတွက် chain mail လို့ခေါ်တဲ့ မီးခိုးကြွက်လျှောက် စာတွေက ပလူပျံနေပါတယ်။

အဲသလို ဓာတ်ချောစာနဲ့ ရောက်ရောက်လာတဲ့ အတိုအထွာလေးတွေထဲက သင့်နိုးရာရာလေးတွေကို ဘာသာပြန်ဖော်ပြရင်းက ကျွန်တော့်ရဲ့ “အတ္တကျော်” ဆိုတဲ့ ကလောင်အမည်တစ်ခု  မွေးဖွားလာခဲ့တာ ၂၀ဝ၀ပြည့်နှစ်၊ ဇန်နဝါရီလ ၃၁ ရက်နေ့ထုတ် အလင်းတန်း ဂျာနယ်မှာပါ။ အဲဒါတွေကို စုပေါင်းပြီး လုံးချင်း ထုတ်လာတာဆိုရင်လည်း အခုဆိုရင် လေးအုပ်တောင် ရှိသွားပါပြီ။

ဆရာ ဆွေမြင့်စော ဖတ်လိုက်ရတဲ့  စာရေးသူနှစ်ဦးရဲ့ စိတ်ကူးလိုလို ဘာလိုလို မျက်မမြင်ကိစ္စလေးကလည်း ကျွန်တော့်ဆီမှာ ရောက်နေတာ တော်တော် ကြာနေပါပြီ။ ဘယ်သူက ကျွန်တော့်ဆီ ပို့လိုက်မှန်းတောင် မသိတော့ပါဘူး။ အဲဒါလေးကို ဘာသာပြန်ပြီး ဆိုခဲ့တဲ့အတိုင်း ၂၀ဝ၈ခုနှစ် ဇူလိုင်လ နောက်ဆုံးပတ်ထုတ် အတွေးသစ်ဂျာနယ်မှာ ဖော်ပြခဲ့ဖူးပါတယ်။

အဲတော့ကာ သည်ကိစ္စဟာ အထက်က ဆရာနှစ်ဦး စိတ်ကူးတူနေတာလည်း မဟုတ်သလို တစ်ယောက်က တစ်ယောက်ကို ကူးချတာ၊ ပုံပွားတာမျိုးလည်း မဟုတ်ဘူးလို့ ကျွန်တော်က ကြားက ဝင်ပြီး လျှောက်လဲချက် ပေးလိုလှပါတယ်။ ဘာသာပြန်တာချင်း တူသွားတာလို့ပဲ ပြောနိုင်ပါလိမ့်မယ်။ ဘာသာပြန်ထားတာပါလို့ ဝန်မခံကြတာ တစ်ခုပဲ ရှိပါတယ်။ ဒါလည်း ပြဿနာတစ်ရပ်တော့ မဟုတ်ပါဘူး။ ဆရာကြီးရွှေဥဒေါင်းတို့ လက်ထက်ကတည်းက ဘာသာပြန်တာကို ဘာသာပြန်တာပါလို့ မပြောဘဲ ပင်ကိုရေးကဲ့သို့ ရေးလာကြတဲ့ အစဉ်အလာကြီးက ရှိနေပြီးသားမို့ သူတို့ကို အပြစ်တင်ရင် ဟိုဆရာကြီးတွေပါ စက်ကွင်းမလွတ် ဖြစ်ကုန်ပါလိမ့်မယ်။

ကျွန်တော်ကတော့ ကြုံရပေါင်းများလို့ ဟုံနေပါပြီ။ ဆိုခဲ့တဲ့ အလင်းတန်း ဂျာနယ်က အတ္တကျော်ရဲ့ ပထမဆုံး စာမူဖြစ်တဲ့ “ခင်မင်မှု သံမှိုများ”ဆိုတဲ့ ဓာတ်ချောစာက အကြောင်းအရာလေးပဲ နောက် နှစ်ပေါင်းများစွာအကြာမှာ အလင်းတန်းဂျာနယ်နဲ့ တစ်ဖွဲ့တည်းဖြစ်လေတဲ့ ဖူးငုံမဂ္ဂဇင်းမှာ ဆရာမ မြနှောင်းညိုက ဘာသာပြန်ပြီး ပြန်ဖော်ပြတဲ့အခါ ဖူးငုံက ဖော်ပြပေးလိုက်တာကို တွေ့ရခဲ့ဖူးပါတယ်။ ဒါ့အပြင် အဲဒါကိုပဲ အတွေးသစ် ဂျာနယ်မှာ တစ်လောဆီက ဆရာ ကောင်းသန့်ကလည်း ရေးပြန်ပါတယ်။

ကျွန်တော့်ဟာ ကူးချကြတာပါလို့ ပြောရအောင် မူရင်းကို ပိုင်တာက ကျွန်တော်လည်း မဟုတ်သလို ဘယ်သူ ပိုင်မှန်းလည်း မသိတဲ့အတွက် အဟေဝတ ကောင်းလေစွလို့သာ အောက်မေ့လိုက်ပါတယ်။

ရှိပါသေးတယ်။ အဲဒါက ကျွန်တော်ပါ။ ကျွန်တော့်ရဲ့ “ဆေးရုံမှာ”ဆိုတာလေး ဝ၅-ဝ၆-၂၀ဝ၀ ထုတ် အလင်းတန်းဂျာနယ်မှာ ပါလာတဲ့အခါ စာဖတ်သူတချို့က အဲဒါ ဆရာဖေမြင့်ရဲ့ “နှလုံးသားအာဟာရ”ထဲမှာ ပါပြီးသား ဖြစ်ကြောင်း ပြောလာကြပါတယ်။ ကျွန်တော့်ခမျာက ဆရာဖေမြင့်ရဲ့ “နှလုံးသား အာဟာရ”ကို အဲတော့မှ စ ကြားဖူးတာပါ။ ကျွန်တော့်ဆီ ရောက်လာတဲ့ ဓာတ်ချောစာကိုသာ ပင်တိုင်ထားခဲ့တာမို့ သွားတူနေတော့တာပါ။ အဲဒါမျိုး ဆရာ ဖေမြင့် ရေးပြီးသားနဲ့ ဆင်နေတာက နောက်ပိုင်းမှာ နှစ်ပုဒ်လား၊ သုံးပုဒ်လား ပါသွားပါတယ်။

ဒါ့အပြင် လွန်ခဲ့တဲ့ သုံး-လေးလလောက်က မဂ္ဂဇင်းတစ်စောင်မှာ ဆရာ ထက်မြက်က မင်းထက်မောင်ရဲ့ စာလေးတစ်ပုဒ်ကို ချီးမွမ်းထားပြန်တယ်။ အဲဒီ့ စာကို ဖတ်ကြည့်တော့ ၂၃-၁၀-၂၀ဝ၀ထုတ် အလင်းတန်းဂျာနယ်မှာ ကျွန်တော် ဖော်ပြခဲ့တဲ့ “ပန်းသီးပင်”ခေါင်းစဉ်ပါ အကြောင်းအရာဖြစ်နေတဲ့အပြင် ၂၀ဝ၂ခု  စက်တင်ဘာမှာ ပထမအကြိမ်အဖြစ်လည်းကောင်း၊ ၂၀ဝ၆ အောက်တိုဘာမှာ ဒုတိယအကြိမ်အဖြစ်လည်းကောင်း ထုတ်ဝေထားတဲ့ ကျွန်တော့်ရဲ့ “နေပျော်တဲ့ဘဝ၊ ကြည်မြတဲ့ဘဝင်၊ ရွှင်လန်းတဲ့စိတ်”စာအုပ်ထဲမှာလည်း ဖော်ပြထားတာ ဖြစ်နေပြန်ပါတယ်။ (ဆရာထက်မြက်ဆိုတာ အင်မတန် စာဖတ်နာတဲ့ ဆရာကြီးပါ။ သူလိုလူမျိုးတောင် မျက်စိလျှမ်းသွားတဲ့ အချက်ကို သတိချပ်စေလိုပါတယ်။)

သို့ပေမယ့် ဆိုခဲ့တဲ့အတိုင်း မူရင်း ပိုင်ရှင်က ကျွန်တော်လည်း မဟုတ်သလို ဘယ်သူပိုင်မှန်းလည်း မသိတော့ကာ ယောနိသော မနသီကာရ လိုက်ရပြန်တယ်။

နောက်ဆုံးကတော့ မကြာသေးဘူး။ ၂၀ဝ၉ခုနှစ် ဇွန်လထုတ် ရွှေအမြုတေ မဂ္ဂဇင်းထဲက ဆရာနတ်မှူးရဲ့ ရသစာတမ်းထဲမှာ ပါလာတာ။ အဲဒီ့ ရသစာတမ်းရဲ့ အဖွင့်က အကြောင်းအရာဟာ ၁၄-ဝ၇-ဝ၈ နေ့ထုတ် အတွေးသစ်ဂျာနယ်မှာ “ရင်ဝကို ထိုးဆောင့်တဲ့ ဓာတ်ချောစာတစ်စောင်”ဆိုတဲ့ ခေါင်းစဉ်နဲ့ ကျွန်တော် ရေးခဲ့ပြီးဖြစ်သလို မကြာသေးခင်က ထွက်လာတဲ့ ကျွန်တော့်ရဲ့ “မိုးထိအောင် လှေကား ထောင်နည်း”လုံးချင်းစာအုပ်မှာလည်း နောက်ဆုံးအပုဒ်အဖြစ် ထည့်သွင်း ဖော်ပြထားတဲ့ ဓာတ်ချောစာ ဘာသာပြန်ချက် ဖြစ်လို့နေပါတယ်။

ဆရာနတ်မှူးလည်း သူ့ဆီကို ရောက်လာတဲ့ ဓာတ်ချောစာကို အခြေခံပြီး ရသစာတမ်းကို ရေးဖွဲ့ခဲ့တာလို့ပဲ နားလည်ယူလိုက်ပါတယ်။

အဲတော့ဗျာ… ချုပ်လိုက်ရင် ဓာတ်ချောစာတွေ ပလူပျံနေတဲ့ သည်ခေတ် သည်ကာလကြီးမှာ အတွေးတူတာလည်း မဟုတ်၊ စိတ်ကူးချင်းထပ်တာလည်း မဟုတ်၊ တစ်ယောက်က တစ်ယောက်ဆီက ကူးချကာ ပုံမှားရိုက်တာလည်း မဟုတ်မူဘဲ ကိုယ့်ဆီ ရောက်လာတဲ့ ဓာတ်ချောစာကို အခြေခံပြီး ရေးချင်စိတ်တွေ ချောင်းချောင်းထလာကာ ရေးလိုက်ကြရင်းက ရိုးသားစွာ တိုက်ဆိုင် ကုန်ကြပေတာပဲလို့သာ တွေးသင့်ပြီလို့ ထင်မြင်မိပါတယ်။

ရယ်ရတာ တစ်ခုရှိပါသေးတယ်။ လွန်ခဲ့တဲ့ သုံးရက်လောက်ကပဲ ကျွန်တော့် ဆီကို အဲလို မီးခိုးကြွက်လျှောက် ဓာတ်ချောစာတစ်စောင် ရောက်လာရာမှာ ကျွန်တော့်ရဲ့ အထက်က “နေပျော်တဲ့ဘဝ…” စာအုပ်ထဲက အကြောင်းအရာတစ်ခုကိုပဲ ကာတွန်းရုပ်ရှင်လေးတွေနဲ့ ပူးတွဲကာ အင်္ဂလိပ်လို ဖော်ပြထားတာ ဖြစ်နေပြန်ပါတယ်။ လူငယ်လေးတွေက ပို့ပေးလိုက်တာပါ။ သူတို့က အခုမှ အသစ်အဆန်း လုပ်နေပေမယ့် ကျွန်တော်က အဲဒီ့ အင်္ဂလိပ်လိုကို လွန်ခဲ့တဲ့ ၉နှစ်ကတည်းက ဖတ်ပြီးရုံမကတဲ့အပြင် ဘာသာပြန်ပြီးလို့ စာမူခတောင် ဂျာနယ်မှာတစ်ခါ၊ လုံးချင်းမှာ နှစ်ခါ၊ ပေါင်း သုံးခါတိတိ ရပြီးနေပါပြီ။ သို့သော် သူတို့ခမျာများမှာက ကျွန်တော့်စာတွေကို မဖတ်ဖူးရှာကြဘူးလေ။

အဲတော့ဗျာ… ဆရာ ဆွေမြင့်စောအပါအဝင် သူခိုးဖမ်းဖို့ ဝါသနာထုံကြသူများအနေနဲ့ ကျွန်တော် တင်ပြခဲ့တဲ့အချက်ကလေးတွေကို ထည့်စဉ်းစားပေးကြမယ်ဆိုရင်ဖြင့် ဆရာတို့အတွက်လည်း သိပ် ဦးနှောက်မစား၊ စာဖတ်သူတွေလည်း သဘောပေါက်၊ ကာယကံရှင်တွေလည်း မိမိတို့ ဘယ်က ယူထားတယ်ဆိုတာလေးကို အကိုးအကားလေးနဲ့ ဖော်ပြချင်စိတ်ကလေးများ ပေါက်လာခဲ့ကြသည်ရှိသော်… ဆိုတဲ့ မဝံ့မရဲအတွေးလေးနဲ့ သည်စာကို ရေးလိုက်ရပါကြောင်း။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၇၀၈၀၉)

—————————————————————
မနေ့က ထွက်လာတဲ့ ၀၇-၀၉-၀၉ ထုတ် အလင်းတန်းဂျာနယ် အမှတ်စဉ် ၅၇၀ မှာ ဖော်ပြထားတာလေးကို တင်ဆက်လိုက်တာပါ။ နောက်ဆက်တွဲ ဆက်ပြောရရင် ကျွန်တော့်ဆီကို လူငယ်လေးတွေ ပေးပို့နေတဲ့ မီးခိုးကြွက်လျှောက် ဓာတ်ချောစာနောက်ထပ် နှစ်စောင်မှာလည်း အဲဒီ့ “နေပျော်တဲ့ဘ၀ စာအုပ်ထဲက” အကြောင်းအရာကို သူတို့ဘာသာ ဘာသာပြန်ထားတာလေးတွေ ဖြစ်နေပြန်တာ တွေ့ရပါတယ်။ ကောင်းတာလေးကို မျှဝေချင်တဲ့ စေတနာကို ခံစားမိရသလို တစ်ဖက်ကလည်း လူငယ်တွေရဲ့ စာဖတ်အား တအားကျဆင်းနေတာကို သက်သေထူသလို ဖြစ်နေတဲ့အတွက် ရင်ထဲမှာ မချိလှဘူး။

Who Dares?

မည်သူ ငြင်းဝံ့ပါသနည်း

(၁)
၂၀ဝ၃ခုနှစ် ဇွန်လ၏ ပထမပတ်တွင် ကျွန်တော့်ထံ ဖုန်းဝင်လာပါသည်။ အထင်ကရ အပတ်စဉ်ထုတ်တစ်စောင်မှဟုဆိုသဖြင့် ဖုန်းကို လက်ခံလိုက်ပါသည်။ ကျွန်တော့်ကို အင်တာဗျူးချင်လို့ပါဟု တစ်ဖက်က ပြောပါသည်။

မိန်းကလေးသာဆိုလျှင် တောင်းတစ်လုံးနှင့် လိုက်ကောက်နေရလောက်သည်အထိ အင်မတန် သဘောလွယ်လှသော ကျွန်တော် ဖိုးကျိုင်းတုတ်ကလည်း အိုက်တင်ပင် မခံပါ။ ရပါတယ်၊ ဗျူးပါခင်ဗျားပေါ့။ အချိန် တောင်းတော့လည်း ကိုယ်က အားနေတော့ လွယ်လင့်တကူပင် ပေးလိုက်ပါသည်။

မကြာပါ။ ကျွန်တော့်ဆီသို့ ဘောင်းဘီရှည်ဝတ် ကလေးမလေး တစ်ယောက် ပေါက်ချလာပါသည်။ သွက်သွက်လက်လက်ကလေး။ ရည်ရည်မွန်မွန်၊ နှိမ့်နှိမ့်ချချလေး။

သူက သူ့လိပ်စာကဒ်ပြားကို ထုတ်ပေးပါသည်။ သူကိုယ်စားပြုရာ စာစောင်၏ လိပ်စာကပ်ပြားနှင့် သူ့အမည်ကို ရေးထားပါသည်။ သူ့ရာထူးကမူ သတင်းထောက်တဲ့။

သူ မေးမည်ဆိုတော့ ကျွန်တော်လည်း ကျွန်တော့်အသံဖမ်းစက်ကို ထုတ်ယူကာ အသင့်ပြင်ထားလိုက်ပါသည်။ တစ်ခုခု ချွတ်ချော်ပါက ခိုင်ခိုင်လုံလုံ တည့်မတ်နိုင်ရန်ပင် ဖြစ်သည်။

ကလေးမလေးက အင်္ဂလိပ်ဘာသာဖြင့် ရိုက်နှိပ်ထားသော လျှောက်လွှာစာရွက်တို တစ်ရွက်ကို ကြည့်ကာ၊ ကြည့်ကာ မေးသွားပါသည်။ ကျွန်တော်ကလည်း အိပ်သွန်ဖာမှောက်ပင် ပြောပါသည်။

စုစုပေါင်း တစ်နာရီမျှ ကြာပါသည်။

ပြီးတော့ ကျွန်တော်လည်း သူ့ကို ပြန်ဗျူးကြည့်မိရသည်။ ၂၁နှစ်သာ ရှိသေးသည်တဲ့။ အို… ငယ်ငယ်လေးပဲ။ ကလေးတွေ ကံကောင်းကြသားလို့သာ တွေးလိုက်မိရသည်။ တို့တုန်းက သည်လိုအခွင့်အရေးတွေ မရှိခဲ့ဘူးဟု မုဒိတာ စကားလည်း ဆိုလိုက်မိသည်။

(၂)
နောက်တစ်ပတ်အကြာတွင် ကျွန်တော့်ထံ ဖုန်းတွေ ဆက်တိုက်ဝင်လာပါသည်။ ကျွန်တော့်ကို မေ့နေသူများက ထိုစာစောင်ပါ ကျွန်တော့်ဓာတ်ပုံကို တွေ့မှ သတိတရနှင့် လှမ်းနှုတ်ဆက်ကြတာလည်း ပါသည်။

ကျွန်တော့်ကို ထိုကလေးမလေး ကိုယ်တိုင်ပဲ ဓာတ်ပုံ ရိုက်ယူသွားခဲ့ပါသည်။ ဘယ်အပတ်ထုတ်မှာ ပါမှာလဲဟု ကျွန်တော် မေးခဲ့သည်။ သူက နောက် နှစ်ပတ်လောက်နေရင်ဟု ပြောသွားခဲ့သည်။ ထို့အပြင် မည်သည့်အပတ်ထုတ်စာစောင်တွင် ပါသည်ကိုလည်း ကျွန်တော့်အား ဖုန်းဆက် အကြောင်းကြားဦးမည်ဟု သူ့သဘောနှင့်သူ ကတိကဝတ်ပြုသွားသေးသည်။

ကျွန်တော့်မှာ မိတ်ဆွေများက ဖုန်းဆက်လာသောအခါတွင် ထိုအင်တာဗျူးပါလာသည်ဟု နားလည်လိုက်ပါသည်။

တစ်ယောက်ကမူ ကျွန်တော့်အား “ဆူးဒူးနင်း”ဟု စတင် ခေါ်ဝေါ်ကာ နှုတ်ဆက်သည်။ ကျွန်တော့် အင်တာဗျူးကို အင်္ဂလိပ်ဘာသာနှင့် ထုတ်ဝေသော စာစောင်မှာ ဖော်ပြထားသတဲ့။ ကျွန်တော့် နာမည်ကိုလည်း “ဆူးဒူးနင်း”ဟု အင်္ဂလိပ်လို စားလုံးပေါင်းထားသတဲ့။ ပြောသူက ထိုစာစောင်မှ တာဝန်ခံများအား တော်တော့်ကို ပစ်ပစ်နှစ်နှစ် ပြောနေပါသည်။ အယ်ဒီတာမင်းများက ဆူဒိုနင်ဆိုတာ ဘာအဓိပ္ပာယ်လဲဆိုတာလောက်တောင် မသိကြဘူးလား ဆိုတာအထိ ပါသည်။

ကျွန်တော်ကတော့ ဘာမှမဖြစ်ပါ။ ထိုစာစောင်သည် မှားသည့် နေရာတွင် သူမတူအောင် ပြောင်မြောက်ပါသည်။ ဒေါ်အိုင်ရင်းတင်လှကို ရုပ်ရှင်မင်းသမီးဟုလည်း ညွှန်းဖူးသည်။ အသားဖြူဖြူ၊ တရုတ်မျက်နှာကျနှင့်လူကိုလည်း ညောင်ဦးသားစာရေးဆရာ ကိုရိုးကွန့်ဟူပြီး ပုံစာအမှား ထိုးဖူးသည်။ ဒါက မှတ်မိသလောက် လက်တန်းပြောခြင်းသာ ဖြစ်သည်။

အဲတော့လည်း ဆူဒိုနင်ကို “ဆူးဒူးနင်း”လုပ်လိုက်တာ သူတို့ အတွက်တော့ ထမင်းစားရေသောက်မျှသာ ဖြစ်ချိမ့်မည်ဟု တွေးမိခြင်းနှင့်အတူ ရယ်သာ ရယ်နေမိပါသည်။

ခက်သည်က ထိုအချိန်အထိ ကျွန်တော့်မှာ ထိုစာစောင်ကို မမြင်သေးပါ။ ဆူးဒူးနင်းသတင်းကို ကျွန်တော့်အား ဆက်သွယ်ပြောကြားချိန်တွင် ကျွန်တော်က မိတ်ဆွေတစ်ဦး၏ အိမ်သို့ရောက်နေသည်။ ကံအားလျော်စွာ ထိုအိမ်မှာက ထိုစာစောင် ရှိနေသည်ဆို၍ တောင်းကြည့်ရသည်။

တွေ့ပါပြီခင်ဗျာ။ ကျွန်တော့် မျက်ခွက်ကြီး စပ်ဖြီးဖြီးနှင့်။ အောက်မှာက “ဆူးဒူးနင်း၊ စာရေးသူ”တဲ့ခင်ဗျ။ Sue Do Nin လို့ ပေါင်းထားသည်။

ဘုရား၊ ဘုရား။ Sue ဆိုတာ အင်္ဂလိပ်နာမည် ဆူဇန်ရဲ့ အတိုကောက် ခင်ဗျ။ ဘယ့်နှယ်က ဘယ့်နှယ် သည်ယောက်ျားကြီးက မိန်းမနာမည် မှည့်ထားတာလဲလို့ မြန်မာစာမတတ်သည့် စာဖတ်ပရိသတ်မှာ တွေးကုန်လောက်သည်။ သေဟဲ့ နန္ဒိယ။

ဘောင်းဘီရှည်ဝတ်လျက်လာသော မိန်းကလေးတစ်ယောက် သည်လောက်တော့ မမှားတန်ကောင်းဘူးထင်သဖြင့်၊ သူ့ဂိုက်ကလည်း အတော်လေး ကျနေသဖြင့် စာလုံး ပေါင်းမပေးလိုက်မိ။ သူကလည်း သူ့ဘောင်းဘီရှည်နှင့်သူ အင်္ဂလိပ်စာလုံးပေါင်းလောက်တော့ အလွယ်လေး မှတ်သွားရှာသလားတော့ မသိ။

ခက်တာက ကျွန်တော့်မှာ ယောက်ျားကြီးတန်မဲ့နှင့် မိန်းမနာမည်ကြီးနှင့် ဖြစ်နေခြင်းပင်။

(၃)
၁၉၈၉ခုနှစ်တုန်းက သည်နာမည်နှင့် ပတ်သက်ပြီး တစ်ခါ ရှင်းဖူးပါသည်။ လွန်ခဲ့သည့် ၁၄နှစ်က ဖြစ်ရာ ကျွန်တော့်ကို လာဗျူးသူ သူငယ်မလေးမှာ ထိုအချိန်က ခုနစ်နှစ်သမီးသာ ရှိပါဦးမည်။ ထိုအရွယ်သည် မဂ္ဂဇင်းတွေလည်း ဖတ်နိုင်သေးသည့်အရွယ် မဟုတ်သည့်အတွက် သူ မသိသည်မှာ လွန်စွာမှ တရားပါသည်။

ကျွန်တော့်မှာလည်း သွားလေရာမှာ သည်နာမည်ကိစ္စပဲ ခဏခဏ အမေးခံနေရဆဲဖြစ်သည်။ လွန်ခဲ့သည့် ၁၅နှစ်တုန်းက စိတ်နှင့်၊ ကိုယ့်ဘာသာ ထင်သလို ပေးချခဲ့သော ထိုနာမည်က လာတွင်ကျယ်နေသည့်အတွက် ကိုယ့်ဘာသာကိုယ်လည်း အတော့်ကို စိတ်ပျက်လှပါသည်။ (တကယ် ပြောတာပါဗျာ…)

ကိုင်း… လွန်ခဲ့သော ၁၄နှစ်က တစ်ခါရှင်းပြီးသား ကိစ္စကို ယခု တစ်ခါ ထပ်ရှင်းပါဦးမည်။ ဆူဒိုနင်ဆိုသည်မှာ Pseudonym ဟူသော ဝေါဟာရကို အသံ ဖလှယ်ထားခြင်းဖြစ်ပါသည်။ အသံထွက်အမှန်မှာ /ဆျူဒနင်(မ်)/ဖြစ်ပါသည်။ အင်္ဂလိပ်စာလုံးဖြစ်သော်လည်း အမှန်မှာ မြန်မာစာမှ ပါဠိသက် ဝေါဟာရများနှယ် ဂရိဘာသာစကားမှ ဆင်းသက်လာသော စကားလုံးဖြစ်ပါသည်။ Pseudo ကို မြန်မာစာအဖွဲ့က ထုတ်ဝေသော အင်္ဂလိပ်-မြန်မာ အဘိဓာန်တွင် “အယောင်ဆောင်၊ အတုအယောင်၊ အတု” ဟု ဖွင့်ဆိုထားပါသည်။ Pseudonym ကို ယင်းအဘိဓာန်ကပင် “အမည်ဝှက်၊ နာမည်လွှဲ၊ ကလောင်အမည်”ဟု ပေးထားပါသည်။ အင်္ဂလိပ်ဝေါဟာရ အစစ် မဟုတ်မူပါ။ ပြင်သစ်ဘာသာဖြင့်မူ Pseudonyme ဟု စာလုံး ပေါင်းပါသည်။ ဂရိသက် ဝေါဟာရသာ ဖြစ်ပါသည်။

သည်ကိစ္စကို လွန်ခဲ့သော ၁၄နှစ်က မဟေသီမဂ္ဂဇင်းမှတစ်ဆင့် အကျယ်တဝင့် တစ်ခါ ရှင်းခဲ့ပြီးပါပြီ။ သို့သော် ကျွန်တော့်အား လာဗျူးသွားသည့် သူငယ်မနှယ် နှောင်းလူများအတွက် နှစ်ထပ်ရှိလျှင် မှတ်မိလေမလားဟူသော အတွေးနှင့် ထပ်ရှင်းလိုက်ရခြင်းပင် ဖြစ်ပါသည်။

စာနယ်ဇင်းမှာ အဘယ်မျှပင် ရှင်းရှင်း၊ အပြင်လောကမှာ လူချင်း သိသွားတိုင်းလည်း ကျွန်တော့်မှာ သဟာကိုပဲ အဖန်ဖန် ရှင်းပြနေရစမြဲမို့ အသားတောင် ကျနေပါပြီ။

(၄)
ကျွန်တော်နှင့် ထိုအင်တာဗျူးက သည်မျှနှင့် မပြီးပါ။

ကြည့်လိုက်တော့ အင်တာဗျူးပုံစံ (ဝါ) အမေးအဖြေပုံစံမျိုးဖြင့် ဖော်ပြထားခြင်းလည်းမဟုတ်မူပါ။ ကျွန်တော့်ကို တစ်နာရီမျှ မေးသွားသမျှထဲက သူတို့ လိုချင်တာလေးတွေကို ကောက်နုတ်ကာ လေးလက်မ၊ တစ်ကော်လံစာမျှသာ ဖော်ပြထားခြင်း ဖြစ်နေပြန်သည်တမုံ့။

အင်း… ခံရပြီဟေ့ဆိုရင် ကျွန်တော်ချည်းဖြစ်လို့ နေပြန်ပါပကော။ အညာသားမို့လို့ ခံလိုက်ရသည်ဟု ပြောရအောင်ကလည်း လာဗျူးသူ ကလေးမလေးကလည်း အညာသူ၊ မုံရွေးသူခင်ဗျ။ အေးလေ… သူတို့ ရွာက ကျုပ်တို့ မန္တလေးအထက် မိုင် ၈၀ ကျော်က ဆိုတော့လည်း ပြောင်းတစ်လုံး ပိုရှူသွားတာနေမှာဟု ရယ်စရာ တွေးလိုက်မိရပါသည်။

အမှန်က ကျွန်တော်နားလည်မှု လွဲသွားခြင်းသာ ဖြစ်လောက်ပါသည်။

ရောင်းကြ ဝယ်ကြရာတွင် “ဝယ်သူ သတိ”ဟူသော ဆောင်ပုဒ်တစ်ခု ရှိပါသည်။ အင်တာဗျူးခံသည့်အခါတွင်လည်း အဗျူးခံသူဘက်က သတိ ထားရမည်သာ ဖြစ်သည်။ သေချာဃန စူးစမ်းရမည်သာဖြစ်သည်။

အခု ကျွန်တော့်အင်တာဗျူးကို မည်သည့်ပုံစံနှင့် ဖော်ပြမည်ကို ကျွန်တော်မမေးမိခဲ့။ အင်တာဗျူးကို အင်တာဗျူးလို ဖော်ပြမည်ဟုသာ ကျွန်တော့်အတွေးနှင့် ကျွန်တော် ယုံမှတ်ထားလိုက်မိသည်။

တကယ်ဖော်ပြထားသည်က သူမေးတာတစ်ခုမှ မပါ။ သူတို့ ခေါင်း စဉ်တပ်ထားသောကိစ္စအတွက် ကျွန်တော်က ကျွန်တော့်အမြင်ကို ကရား ရေလွှတ်ထားဘိသကဲ့သို့ ဖော်ပြထားခြင်းသာ ဖြစ်ပေသည်။

ကောင်းပါသည်။ ထိုအတွက် မကျေနပ်စရာမရှိပါ။

သို့သော် ကျွန်တော် လေကုန်ခံထားရသည်၊ အချိန်ကုန်ခံထားရသည်ကိုတော့ လွှတ်နှမျော သွားမိသည်လည်းအမှန်ပါ။ ထို့အပြင် ကျွန်တော့် ရေစီးကမ်းပြို စေတနာတွေကို ထိုမျှလောက်ဖြင့် စာဖတ်သူတွေ မမြင်နိုင်ပါ။

အိုး… ဘာ ခက်တာလိုက်လို့။

ကျွန်တော်က စာရေးနေတဲ့သူပဲ။ အသံလည်း ဖမ်းထားလိုက်သားပဲ။  ကိုယ့်အင်တာဗျူးကို သူက အစအဆုံး မဖော်ပြလည်း ဘာအရေးလဲ။ ကိုယ့်ဘာသာ အသံဖမ်းစက် ပြန်ဖွင့်ပြီး တစ်လုံးစီ ပြန်ချရေးရုံရှိတာပေါ့။

အမယ်… ဟိုလိုသာ သူက အစအဆုံး ဖော်ပြရင် စာမူခက သူပဲ ရမှာ။ အခုတော့ ဖြေသူ ကျွန်တော်က အစအဆုံး ပြန်ရေးလိုက်တော့ စာမူခလည်း ကျွန်တော်ပဲ ရမှာ။ ဘယ့်ကလောက် နိပ်လိုက်ပါသလဲ။

(၅)
ကိုယ့်အင်တာဗျူးကို ကိုယ်ကိုယ်တိုင် အစအဆုံး ပြန်ရေးပြကာ စာမူခ ရသည့် စာရေးသူဟူ၍ ဤမဟာ ဘဒ္ဒကမ္ဘာတွင် ကျွန်တော် ဆူးဒူးနင်း၊ အဲလေ… ကျွန်တော် ဆူဒိုနင်တစ်ယောက်သာ ရှိလောက်ပါသည်။

(မုံရွေးသူ ကလေးမရေ သာဓုသာ ခေါ်လိုက်ပေရော့…)

xxxxxxxxxxxxxxxxxxxxxxxxxxxxxxxxxxxxxxx
၂၀၀၃ခုနှစ် ဇွန်လအတွင်းက အလင်းတန်းဂျာနယ်မှာ သုံးပတ်ဆက်တိုက် ဖော်ပြခဲ့တဲ့ စာမူကို ပြန်လည် တင်ဆက်တာပါ။  အင်တာဗျူးအကြောင်းအရာမှာ မြန်မာစာပေနယ်မှ ကလေးစာပေရဲ့ အခန်းကဏ္ဍ ဖြစ်ပါတယ်။ အပြည့်အစုံကို ဖတ်လိုပါက ညာဘက်က Pages အောက်မှ Interview with MT ဆိုတာလေးကို Click လုပ်ပြီး ဖတ်ရှုတော်မူကြပါခင်ဗျား။