Skip to content

Modcons and Foremost Teachers

1 October 2009

07-01ခေတ်ရေစီးနဲ့ လက်ဦးဆရာ

၂၀ဝ၉ စက်တင်ဘာ ၁၈ရက်နေ့ထုတ် Bi Weekly Eleven ဂျာနယ် မျက်နှာဖုံး ဆောင်းပါးတစ်ပုဒ်က “ကလေးသူငယ်များအကြား လိင်ပိုင်းဆိုင်ရာ အလွဲ အသုံးချမှုများ ရှိလာ”ဆိုတဲ့ ခေါင်းစဉ်နဲ့ ဖြစ်တာကြောင့် သေချာ ဖတ်မိသွားပါတယ်။

ရည်ရွယ်ချက်နဲ့ စေတနာ ကောင်းမွန်တဲ့ သတင်းဆောင်းပါးပါပဲ။ လောကဓာတ်ပညာ အရှိန်အဟုန်နဲ့ ထွန်းကားမှုကြောင့် ပေါ်ပေါက်လာတဲ့ ရုပ်မြင်သံကြား၊ ဂြိုဟ်တုစလောင်း၊ အင်တာနက်၊ ပါလေရာဖုန်း၊ အယ်(မ်)ပီ-၄ ဖွင့်စက်ငယ်များ၊ ဆင်ဆာမဲ့ ရုပ်ရှင်ကားတွေ အလွှတ်မဲ့ ပေါများလာမှုကြောင့် ကလေးတွေမှာ လိင်ပိုင်းဆိုင်ရာ အန္တရာယ်တွေ ကျရောက်လာနိုင်တဲ့အကြောင်း အကျယ်တဝင့် ရေးသားဖော်ပြထားတဲ့ ဆောင်းပါးဖြစ်ပါတယ်။ အငြိမ်းစား စိတ်ပညာပါမောက္ခ ဆရာမကြီး ဒေါ်ခင်အေးဝင်းအပါအဝင် ဆရာ၊ ဆရာမများ၊ မိဘများနဲ့ တွေ့ဆုံ မေးမြန်းချက်များကိုပါ ထည့်သွင်းပြီး ဝေဝေဆာဆာ ဖော်ပြထားတာလည်းပဲ ဖြစ်ပါတယ်။

သို့သော် အဲဒီ့ သတင်းဆောင်းပါးမှာ အရေးကြီးဆုံး၊ အဓိက အကျဆုံး အချက်တစ်ချက်က ဘာကြောင့်လဲ မသိဘူး၊ ပါမလာဘူး။ အဲဒါ ပါမလာတော့ ဆောင်းပါးရဲ့ အနှစ်သာရက တစ်မျိုးဖြစ်သွားပါတယ်။ ယေဘုယျကောက်ချက် ဆွဲမယ်ဆိုရင် အဲဒီ့ ခေတ်မီလောကဓာတ်ပစ္စည်းတွေ အလျှံ့ပယ်ပေါများနေတာ မကောင်းဘူး၊ ကလေးတွေမှာ ဒုက္ခများနိုင်တယ်၊ ဒါ့ကြောင့် ဆောင်းပါးရဲ့ အဆုံးသတ် စာမျက်နှာပြည့် နှစ်ကော်လံစာ ဖော်ပြထားတဲ့ ဥပဒေများနဲ့ အရေးယူခံရနိုင်တယ်လို့သာ ရလာတော့မှာပါ။

ပြောရတာ သိပ်မကောင်းဘူး၊ ရည်ရွယ်ချက်နဲ့ စေတနာ ကောင်းပင် ကောင်းငြားသော်လည်း အဲဒီ့ဆောင်းပါးတစ်ပုဒ်လုံးမှာ အင်မတန် ပါရှိသင့်တဲ့ အဓိကအချက်က ပျောက်ဆုံးနေတာမို့ လက်ပံသားကို ဓားနဲ့ ချိုင်လိုက်သလို ဖြစ်သွားပါတယ်။

ဆောင်းပါးပါ အချက်အလက်များ အားလုံးမှန်ကန်ပါတယ်။ သည်ခေတ်မီ အသုံးအဆောင်တွေရဲ့ အန္တရာယ်က မသေးပါဘူး။ ကလေးတွေအတွက် ပိုလို့တောင် အထိတ်တလန့်နိုင်နေတာလည်း အမှန်ပါ။ သို့သော် အဲဒါတွေရဲ့ အန္တရာယ်ကို ကာကွယ်တားဆီးရေးမှာ အဓိကကျလှသူတွေက “လက်ဦးဆရာ” လို့ သညာပြုခံထားရသူ မိဘတွေသာ ဖြစ်ပါတယ်။ အဲဒီ့အချက်က အဲဒီ့ သတင်း ဆောင်းပါးမှာ မှိန်ဖျော့နေပါတယ်။

ကျွန်တော်ဟာ အသက် ၂၀ အရွယ် သမီးနဲ့ ၁၈ နှစ် အရွယ် သားတို့ရဲ့ဖခင် ဖြစ်လို့နေပါတယ်။ သူတို့ လူဖြစ်စခေတ်မှာ အခုလို အင်တာနက်တွေ၊ ဂြိုဟ်တုစလောင်းတွေ၊ အယ်(မ်)ပီ-၄တွေ မပေါ်သေးပေမယ့် အပေါ်စက်၊ အောက်စက် ဆိုတာများကတော့ တအား တွင်ကျယ်နေပါပြီ။ သူတို့ ၆ တန်း- ၇ တန်းလောက်မှာ အိမ်မှာ ကွန်ပျူတာ ရှိလာပါတယ်။

သို့ပေမယ့် အန္တရာယ်ကို လွန်ခဲ့တဲ့ ၁၆နှစ်ကျော်၊ သမီး ၃နှစ်-၄နှစ်လောက်မှာ စမြင်လိုက်ပါတယ်။ အဲဒီ့နေ့ညနေက ကျွန်တော်တို့အိမ်မှာ မြန်မာ ဗီဒီယို ဇာတ်ကားတစ်ကား ကြည့်နေကြပါတယ်။ သမီးလည်း ကြည့်နေတာပေါ့။ သားကတော့ ပေါက်စနလေးပဲဆိုတော့ မကြည့်တတ်သေးပါဘူး။ မြန်မာကားတို့ရဲ့ ထုံးစံအတိုင်း မင်းသားနဲ့ မင်းသမီး သီချင်းဆိုခန်း တစ်ခန်း ပြလိုက်ချိန်မှာ သမီးက သူ့ဘေးက အိမ်ဖော်မလေးကို လှမ်းမေးလိုက်ပါတယ်။

“မမ… မမ… တူရို့နှစ်ယောက် ချစ်သွားကြပြီရားဟင်”တဲ့။

သမီးစကားကို နားနဲ့ ဆတ်ဆတ်ကြားလိုက်သူ ကျွန်တော် ခေါင်းမွေးတွေ ထောင်သွားပါတယ်။ ငါးနှစ်မပြည့်သေးတဲ့ ကလေးငယ်တစ်ယောက်ရဲ့ အသိမှာ ယောကျာ်းနဲ့ မိန်းမ “ချစ်သွားကြတယ်”ဆိုတဲ့ အသိလေး ရှိနေဖို့ မလိုအပ်သေးပါဘူး။ အဲဒါကို သမီးက မေးနေပါပြီ။ တရားခံကို စိစစ်လိုက်တော့ ကျွန်တော်တို့ကိုယ် ကျွန်တော်တို့ တန်းမြင်မိပါတော့တယ်။

ဘာအပြာကားမှလည်း မဟုတ်၊ ဘာနိုင်ငံခြားကားမှလည်း မဟုတ်လို့ ကလေးတွေအတွက် အန္တရာယ် မရှိလောက်ဘူးဆိုတဲ့ အတွေးနဲ့ ကျွန်တော်တို့ မိသားစုလိုက် ထိုင်ကြည့်နေတဲ့ ဗီဒီယို ဇာတ်လမ်းခွေဟာ ကလေးတွေကို မလိုအပ်သေးတဲ့ အသိတွေ ပေးနေပါပေါ့လားဆိုတာကို မြင်လိုက်မိပါတယ်။ ဒါနဲ့ အဲဒီ့နေ့ အဲဒီ့ရက်ကစပြီး အိမ်မှာ မြန်မာကား လုံးဝ မကြည့်ရဆိုတဲ့ တစ်ချက်လွှတ်အမိန့်ကို ထုတ်ပြန်လိုက်ပါတော့တယ်။

သို့သော် အပေါ်စက် အောက်စက်ဆိုတာကြီးက အိမ်မှာ ရှိနေလေတော့ကာ အဲဒါတွေကို သွားလွှင့်ပစ်လို့ကလည်း မဖြစ်၊ ကျွန်တော်တို့ ကိုယ်တိုင်လည်း ကြည့်ချင်တာလေးတွေ ရှိတာမို့ ကလေးတွေအတွက် ကာတွန်းကားလေးတွေ၊ ဝေါ့(လ်)(ထ်)ဒစ္စနီက ထုတ်တဲ့ ကလေးကားလေးတွေကို မပြတ် ရှာဖွေပေးခဲ့သလို ကျွန်တော်တို့ကိုယ်တိုင်လည်းပဲ နိုင်ငံခြား ကားများကို ကလေးများ အိပ်ချိန်မှာ ကြည့်ခဲ့ကြရပါတော့တယ်။

သည့်ထက် အရေးကြီးတဲ့ အချက်တစ်ချက် ကျန်ပါသေးတယ်။ အဲဒါကတော့ ကျွန်တော့်ကလေးတွေရဲ့ အသိစိတ်ထဲမှာ စာအုပ်ကို အဖော်လုပ်လို့ ရတယ်ဆိုတာ စွဲမြဲသွားအောင်၊ စာဖတ်ဝါသနာ ပါသွားအောင် အဲဒီ့ လူမမယ် အရွယ်ကတည်းက ကြိုးပမ်း ဆောင်ရွက်ခဲ့တာပါပဲ။ သည်အချက်က အင်မတိ အင်မတန် အရေးကြီးပါတယ်။ ခေတ်မီလူ့အသုံးအဆောင်တွေရဲ့ ရေစီးကို ကျွန်တော်တို့ လိုက်တားနေလို့ မရပါဘူး။ ဒါပေမယ့် အဲဒါတွေက မိမိတို့ရဲ့ မိသားစုကို လှိုက်စား မသွားအောင် လုပ်နိုင်တဲ့နည်းက တစ်နည်းပဲ ရှိပါတယ်။ အဲဒါက မိသားစုရဲ့အသိဉာဏ်အဆင့်ကို မြင့်သထက် မြင့်အောင် မြှင့်တင်ပေးတဲ့နည်းပါပဲ။ အဲသလို မိသားစုရဲ့ အသိဉာဏ်အဆင့်ကို မြှင့်တင်ပေးနိုင်တဲ့ တစ်ခုတည်းသော လက်နက်ကိရိယာကတော့ စာဖတ်ခြင်းသာ ဖြစ်ပါတယ်။

အထူးသဖြင့် ကလေးတွေ၊ သည်ခေတ် ကလေးတွေ ဖြတ်သန်းနေရတဲ့ ခေတ်ကြီးနဲ့ ခေတ်မီ အသုံးအဆောင်ပေါင်းစုံက စာဖတ်ခြင်းကို ပစ်ပယ်အောင် လုပ်နေတဲ့ ခေတ်ကြီးပါ။ ဒါတင်မကသေးဘူး၊ ကျောင်းနေဝန်းကျင်ကလည်း “စာအုပ်ဆိုတာ ကြောက်စရာ”ဆိုတဲ့ အသိကို ကလေးတွေရဲ့ နှလုံးသားထဲကို ရိုက်ထည့်သလို ဖြစ်နေပါတယ်။ သူငယ်တန်း ကလေးလေးဟာ သူ့ကိုယ် အလေးချိန်ရဲ့ နှစ်ဆလောက်ရှိတဲ့ လွယ်အိတ်ကြီးကို လွယ်နေရကတည်းက စာအုပ်ဆိုတာ ဝန်ထုပ်ဝန်ပိုးဖြစ်လာပါတယ်။ သည်ကြားထဲ ကျူရှင်တွေ၊ စာကျက်လမ်းညွှန်တွေနဲ့ နေ့မီးညမီး သင်ကြားနေကြတာဟာလည်း ကလေးတွေရဲ့ နှလုံးသားမှာ စာအုပ်ဆိုတာ မုန်းစရာ၊ ရွံ့စရာ ဖြစ်အောင် လုပ်နေသလိုဖြစ်ပြန်ပါတယ်။

သို့သော် အဲဒါလည်း “ခေတ်ရေစီး” ဖြစ်နေတဲ့အတွက် အဲဒါကိုလည်း ကျွန်တော်တို့ လိုက်တားလို့ မရတတ်နိုင်ပြန်ဘူး။ ကျွန်တော်တို့ လုပ်နိုင်တာက တစ်ခုပဲ ရှိပါတယ်။ အဲဒါကတော့ အဲဒီ့ ဝန်းကျင်တွေထဲ ကျွန်တော်တို့ ကလေးတွေ ခြေစုံပစ်ပြီး ရောက်မသွားခင် ပဝေသဏီ၊ ကျွန်တော်တို့ရဲ့ ရင်ခွင်ထဲမှာပဲ ကျွန်တော်တို့ကိုသာ အားထား ယုံကြည်နေကြရတဲ့ ငါးနှစ်အောက် အရွယ်ကတည်းက ကလေးတွေရဲ့ရင်ထဲမှာ စာအုပ်ဆိုတာ ချစ်စရာ၊ စာအုပ်သည်အဖော်၊ စာအုပ်သည် ပျော်စရာရယ်လို့ ခံစားနေရအောင် မိမိရရ ကြိုးပမ်းထားတာပါပဲ။

အဲဒီ့အတွက် ကလေးတွေ ရှစ်လသားလောက်ကတည်းက စတင်ပြီး စာအုပ်လေးတွေ ဖတ်ပြရပါလိမ့်မယ်။ ဘာမှ နားမလည်သေးတာ သေချာပါတယ်။ သို့သော် အဲဒီ့အရွယ်လောက်ကျရင် အရောင်နဲ့ ပုံသဏ္ဌာန်လေးတွေကိုတော့ သိနေကြပါပြီ။ ဒါ့ကြောင့် အရောင်နဲ့ ပုံသဏ္ဌာန်များများ ပါတဲ့ စာအုပ်၊ အရုပ်များများ ပါတဲ့ စာအုပ်လေးတွေ ဖတ်ပြရပါတော့မယ်။ အများကြီးလည်း မလိုပါဘူး။ သည်အရွယ်လေးတွေဟာ တစ်ခုခုဆိုရင် အကြာကြီး စိတ်ဝင်စားလေ့ရှိတာမို့ တစ်အုပ်၊ နှစ်အုပ်လောက်နဲ့တင် လုံလောက်ပါတယ်။

နှစ်နှစ်သားလောက်အရောက် စကားကိုလည်း အထိုက်အလျောက် နားလည်လာပြီဆိုရင်တော့ အိပ်ရာဝင်ပုံပြင်လေးတွေ ပြောပြရပါတော့မယ်။ အိပ်ရာဝင်ခါနီး ပုံပြောပေးတဲ့အကျင့်၊ စာဖတ်ပြတဲ့ အကျင့်လေးတွေ လုပ်ကြရပါတော့မယ်။

ဘယ်လောက် မအားသည်ဖြစ်စေ၊ ကလေးရဲ့ တစ်ဘဝလုံးအတွက် နေ့စဉ် နာရီဝက်၊ ၄၅ မိနစ်လောက် အချိန်ပေးသွားခြင်းဟာ တကယ့် ရင်းနှီးမြှုပ်နှံမှုပါ။ လက်ရှိ အမေရိကန်သမ္မတ အိုဘားမားဟာ သူ့သမီးငယ်ကို ဟယ်ရီပေါ်တာ စာအုပ် ခုနစ်တွဲစလုံး ဖတ်ပြပြီး ဖြစ်နေခဲ့တယ်ဆိုတဲ့ အချက်ကို မမေ့သင့်ပါဘူး။ မူရင်း ဟယ်ရီပေါ်တာ ဝတ္ထုစာအုပ် တစ်တွဲဟာ အဖျင်းဆုံး စာမျက်နှာ ၇၅၀ ပါပါတယ်။ အဲဒါမျိုး ခုနစ်တွဲစလုံးကို ဖတ်ပြနိုင်ဖို့အတွက် အိုဘားမား ဘယ်လောက် ဝါယမ စိုက်ခဲ့ရမယ်ဆိုတာ မှန်းဆနိုင်ကြပါလိမ့်မယ်။ မအားတဲ့ နေရာ၊ အချိန်ဆင်းရဲတဲ့ နေရာမှာ သူ့ကို တော်တော်တန်တန် ယှဉ်နိုင်မှာ မဟုတ်ပါဘူး။ သမ္မတဖြစ်ဖို့အရေးအတွက် အချိန်ပြည့် ကြိုးပမ်းခဲ့ရတဲ့သူပါ။ အဲသလို လူမျိုးတောင်မှ သူ့ကလေးအတွက် မဖြစ်မနေ အချိန်ပေးခဲ့တာဟာ သိပ်ကို အတုယူဖို့ ကောင်းလှပါတယ်။

သူသည်လည်းပဲ ခေတ်ရေစီးထဲက မိသားစုကို ဦးဆောင်နေရသူပါ။ သူတို့ဆီမှာ ခေတ်ပေါ်အသုံးအဆောင်တွေက ကျွန်တော်တို့ဆီမှာထက် အဆပေါင်း များစွာ သာလွန် ပေါများနေမယ်ဆိုတာလည်း အငြင်းပွားစရာ မရှိပါဘူး။ သို့ပေမယ့် သူတို့တွေရဲ့ ပတ်ဝန်းကျင်က လက်ဦးဆရာတွေရဲ့ အဓိက ကျလှတဲ့ အခန်းကဏ္ဍကို အမြဲတစေ အသားပေးတဲ့ ပတ်ဝန်းကျင်ဖြစ်ပါတယ်။ ဒါ့ကြောင့် ကလေးတွေ လူလား မမြောက်ခင်ကတည်းက စာဖတ်ဝါသနာမျိုးစေ့ကို ချပေးခဲ့ကြပါတယ်။

စကားစပ်ခိုက် ပြောလိုက်ပါရစေ။ တစ်ခါလည်း ရေးပြီးပါပြီ။ လွန်ခဲ့တဲ့ သုံးနှစ်လောက်က စာတမ်းတစ်စောင် ဖတ်လိုက်ရတယ်။ အမေရိကန် မိဘတွေရဲ့ ၂၅% က ငါးနှစ်အောက် ကလေးတွေကို စာဖတ် မပြကြတော့တဲ့အတွက် အမေရိကန်နိုင်ငံကြီး ထိတ်ပျာနေတဲ့အကြောင်းပါ။ အဲဒီ့စာတမ်းအရ ၇၅% သော မိဘတွေဟာ ငါးနှစ်အောက်ကလေးတွေကို စာဖတ်ပြနေကြဆဲဆိုတာ ထင်ရှားပါတယ်။

ကျွန်တော်တို့ ရွှေမြန်မာ မိဘတွေရဲ့ ဘယ်နှရာခိုင်နှုန်းက ငါးနှစ်အောက် ကလေးတွေကို စာဖတ်ပြနေကြမလဲဆိုတာ မှန်းဆကြည့်ရုံနဲ့ ရင်လေးစရာ ကောင်းလှပါတယ်။ ကလေးတွေကို ဖတ်ပြဖို့ နေနေသာသာ သူတို့ကိုယ်တိုင်တောင် မဖတ်ကြဘဲ သူတို့ကိုယ်တိုင်က ခေတ်မီ အသုံးအဆောင်တွေအပေါ် တပ်မက်မှုနောက်ကို မျောလိုက်နေကြသူတွက ခပ်များများလို့ ပြောရင် လွန်မယ် မထင်ပါဘူး။

စာမဖတ်ရင်တော့ ကလေးတွေရဲ့ အနာဂတ်ဟာ ဝေ၀ါးအုံ့ပျနေတော့မှာ ဖြစ်သလို ကျွန်တော့်ကို သည်စာရေးဖြစ်စေခဲ့တဲ့ သတင်း ဆောင်းပါးပါအတိုင်း ခေတ်မီ အသုံးအဆောင်တွေရဲ့ ကျေးကျွန်တွေ ဖြစ်ကုန်ပြီး မဖွယ်မရာ အပြုခံရ၊ မဖွယ်မရာ လုပ်ဆောင်ကြတဲ့ လူမမယ်လေးတွေ ဖြစ်လာမယ့် အလားအလာက သိပ်ကို များနေပါတယ်။

ကနေ့ ကျွန်တော့်သမီး အသက် ၂၀၊ ကျွန်တော့်သား ၁၈ နှစ်မှာ သူတို့ အတွက် ကျွန်တော် တစ်စက်မှ မပူရတော့ပါဘူး။ အချိန်အရွယ်မတိုင်ခင် အိမ်ထောင်ကျမှာ မပူရတော့တာ သည်အသက်များ ရောက်လာတာနဲ့ ထင်ရှားနေပါတယ်။ အလားတူပဲ အရက်ရဲ့ ကျေးကျွန်၊ မူးယစ်ဆေးရဲ့ ကျေးကျွန်ဘဝကို ရောက်မသွားလောက်တော့ဘူးလို့လည်း ရာနှုန်းပြည့် မဟုတ်တောင် ၉၀% ကျော်တော့ စိတ်ချလို့ ရသွားပါပြီ။

သူတို့တွေမှာ ဘဝအတွက် ရည်ရွယ်ချက်၊ ရည်မှန်းချက်များ ရှိနေကြပြီ။ စိတ်ကူးတွေ ရှိနေကြပြီ။ အိပ်မက်တွေ ရှိနေကြပြီ။ အဲဒါတွေ ဘယ်က ရလာသလဲ။ စာဖတ်ခြင်းကသာ ရလာတာပါ။ ရုပ်မြင်သံကြားတွေ၊ အင်တာနက်တွေ၊ တီဗီဂိမ်းတွေက ရလာတာ မဟုတ်ပါဘူး။ ကျွန်တော့်အိမ်မှာ အပေါ်စက်၊ အောက်စက်ရှိပါတယ်။ ကွန်ပျူတာ သုံးစုံရှိပါတယ်။ အင်တာနက် ချိတ်ဆက်ထားပါတယ်။ ကျွန်တော့်ကလေးတွေ လက်ထဲမှာ ဘက်စုံသုံးနိုင်တဲ့ ပါလေရာ ဖုန်းတွေ ရှိကြတယ်။ သူတို့လည်း ခေတ်ရေစီးထဲက လူသားတွေပါ။ ခေတ်နဲ့အတူ မျောပါနေကြပါတယ်။ သို့သော် သူတို့ လိုချင်တဲ့စာအုပ်များကိုလည်း စာရင်းချပြတတ်တဲ့ ကလေးတွေလည်း ဖြစ်သလို သူတို့ရဲ့ အားချိန် နားချိန်များမှာ စာအုပ်နဲ့ မျက်နှာ အပ်နေတဲ့ ကလေးတွေဖြစ်ပါတယ်။

ဒါ့ကြောင့် သူတို့အတွက် ကျွန်တော့်မှာ ကြောင့်ကြကင်းပါတယ်။

“လက်ဦးဆရာ မည်ထိုက်စွာ ပုဗ္ဗာစရိယ မိနဲ့ ဘ”ဆိုတဲ့ စကားဟာ ကြားရလွန်းလို့ ရိုးအီနေတဲ့ စကားဖြစ်ပါလိမ့်မယ်။ သို့သော် အဲလို ဖန်တစ်ရာ တေနေတဲ့ စကား အတော်များများဟာ အမှန်တရားကို ညွှန်းဆိုနေတတ်တာလည်း အမှန်ပါ။

ကလေးငယ်များရဲ့ စာရိတ္တ (ကျင့်ကြံမှု)၊ ဝါရိတ္တ (ရှောင်ကြဉ်မှု)၊ အသိဉာဏ်၊ အကျင့်စရိုက် အပါအဝင် အားလုံးအတွက် အဓိက တာဝန်ရှိသူတွေက လက်ဦးဆရာဖြစ်တဲ့ မိဘနှစ်ပါးသာ ဖြစ်တယ်ဆိုတဲ့အချက်ဟာ သည်ဆိုရိုးတစ်ခုတည်းနဲ့တင် ထင်ရှားပါတယ်။ ကလေးများ မဖွယ်မရာ လုပ်တတ်လာတာ၊ မဖွယ်မရာ အလုပ်ခံရတာများအတွက်လည်း တကယ့်တကယ် ပြောကြစတမ်းဆိုရင် မိဘများမှာသာ တာဝန်ရှိနေပါတယ်။

အဲဒီ့မိဘတွေဘက်ကသာ ခေတ်ကိုလည်း မျက်ခြေမပြတ်၊ ကိုယ်တိုင်ရဲ့ အသိဉာဏ်အဆင့်များကို မြင့်သထက် မြင့်အောင် ကြိုးပမ်းကြရင်း ကြိုကြိုတင်တင် ပြင်ဆင် ထိန်းကျောင်းသွားကြမယ်ဆိုရင်ဖြင့် မလိုလားအပ်တဲ့ ခေတ်ရေစီးရဲ့ ဘေးထွက်ဆိုးကျိုးတွေ ကလေးတွေဆီ ရောက်မသွားနိုင်တဲ့အကြောင်း ဖြည့်စွက်တင်ပြလိုက်ချင်ပါတယ်။

ကျွန်တော် ပြောတိုင်း လက်ခံရမယ်လို့ ဘယ်သူ့ကိုမှ မတိုက်တွန်းပါဘူး။ စာဖတ်သူလူကြီးမင်းများ အားလုံးမှာလည်း ဆင်ခြင်ဉာဏ်ကိုယ်စီနဲ့မို့ ကျွန်တော် ပြောတာ ယထာဘူတ ကျမကျ ကိုယ်တိုင် ဆင်ခြင် သုံးသပ်ရင်း လိုတာကိုယူ၊ မလိုတာကိုသာ ပယ်ဖို့လောက်သာ ကျွန်တော့်မှာ ပြောအားရှိပါတယ်ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၇၀၉၀၉)

———————————————————————————————————-

၂၀၀၉ ခုနှစ် အောက်တိုဘာ ၁ ရက် ထုတ် Bi Weekly Eleven ဂျာနယ် အတွဲ ၂ အမှတ် ၂၈မှာ ဖော်ပြထားတာလေးကို ပြန်လည် တင်ဆက်လိုက်တာပါ။ ဆောင်းပါး အစက အရောင်ကွဲနေတဲ့ စာပိုဒ်နှစ်ပိုဒ်က ပြန်လည်ပုံနှိပ်ဖော်ပြရာမှာ အဲဒီ့ ဂျာနယ်ရဲ့ စာတည်းများ ဖြုတ်ပယ်ထားခဲ့တဲ့ စာနှစ်ပိုဒ်ဖြစ်ပါတယ်။

Advertisements
6 Comments leave one →
  1. 1 October 2009 2:09 pm

    ဆရာရေ ဆောင်းပါးကောင်းတစ်ပုဒ်ပါပဲ။
    မိနဲ့ဘက သားသမီးအတွက် အရေးအကြီးဆုံး သားသမီးအတွက် အများကြီးဆင်ခြင်တွေးတောသင့်ကြောင်း သတိပေးထားတဲ့အတွက် ကျေးဇူးတင်ပါတယ်ဆရာ။

  2. santhaw permalink
    1 October 2009 5:23 pm

    ဆရာ ကျွန်တော်လည်းဂျာနယ်ဖတ်ပြီးပြီ ဆရာပြောတဲ့အရောင်ကွဲ ကတစ်ကယ်မဖော်ပြထားဘူး
    ကောင်းတယ်ဆရာ မှန်တယ် ကျွန်တော်မှာညီတစ်ဝမ်းကွဲတစ်ယောက်ရှိတယ် သူကအဖေကအလုပ်လုပ် အမေက နောက်ကလေးကိုထိန်းနဲ
    ကျွန်တော်ညီအတော်လွတ်နေတာ ရင်လေးတယ်ဆရာ ကျွန်တော်ညီကိုကျွန်တော်ပြင်ပေးမယ် ဆရာ
    ကျွန်တော် မှာဦးလေးတို့ကျေးဇူးရှိတယ်

  3. santhaw permalink
    1 October 2009 5:45 pm

    ကျွန်တော်သေချာမကြည့်မိဘူးဆရာ မြန်မာဖြစ်ရပ်နဲ့ ရှမ်းဖြစ်သွားတယ်

  4. 1 October 2009 8:18 pm

    ဆရာခင်ဗျာ ဆရာဘလော့ရေးမှန်းအခုမှသိရလို့လာဖတ်ပါတယ်။ ကျွန်တော်က အသုံးချစိတ်ပညာသင်တန်းအပတ်စဉ်၁၀ကပါ ဆရာမကြီးဒေါ်ခင်အေးဝင်းက ဆရာအကြောင်းအများကြီးပြောပါတယ်။ နောက်ဆရာနဲ့ MMRD မှာတစ်ခါဆုံဖူးပါတယ်ခင်ဗျာ ဆရာစာတွေအားလုံးကိုကြိုက်ပါတယ်။ ဟစ်သာငိုတော့ချစ်တိုင်းပြည် ကိုအကြိုက်ဆုံးပဲခင်ဗျာ အရင်ဆုံးမိတ်ဆက်တာပါခင်ဗျာ ကျွန်တော်ဘလော့ကိုလည်းလာလည်ပါအုံးလို့ ဖိတ်ပါရစေခင်ဗျာ
    ဆရာစာတွေအများကြိးရေးနိုင်ပါစေ

  5. 3 October 2009 7:03 pm

    ခုခေတ်ကလေးတွေ ဘာလို့စာမဖတ်လဲဆိုတဲ့အကြောင်းကတော့ တကယ်ကို့အလေးထားသင့်တဲ့အရာပါပဲ..။ မြန်မာပြည်မှာ စာကြည့်တိုက်သုံးတဲ့ အလေ့အကျင့်မရှိတာ၊ တချို့မိဘတွေက ၀တ္ထုဖတ်ရင် ကလေးပျက်စီးမယ်ထင်တာ(ရုပ်ရှင်ကြပေးကြည့်ပြီးတော့လေ..)၊ မိဘတွေကိုယ်တိုင်က စာဖတ်ဝါသနာမပါကြတာတွေက အဓိကအကြောင်းရင်းဖြစ်မယ်ထင်ပါတယ်။ ဘာဖြစ်လို့လဲဆိုတော့… ရုပ်ဝတ္ထုတွေ နည်းပညာတွေ ဘယ်လောက်တိုးတက်တိုးတက် ကလေးတွေသာ စာဖတ်ရတာကို တကယ်ကြိုက်ကြတယ်ဆိုရင် စာအုပ်အတွက်အချိန်အများဆုံးယူကြမှာပဲ မဟုတ်လား။ နေ့အိပ်မက်လည်း ခဏခဏစိတ်ကူးယဉ်ဖူးပါတယ်။ တစ်နေ့နေ့ မြန်မာပြည်မှာ ကလေးတွေချစ်တဲ့ စာကြည့်တိုက်တွေအများကြီး ဖွင့်ပစ်ဖို့လေ.. :)။

  6. Zarni Lwin permalink
    5 October 2009 7:31 pm

    Excellent article, Saya! I’m Zarni and I’m very glad to talk with you at my sister’s wedding. I’m thankful to my sister that she requested you as a Master of Ceremony. At the wedding, we were talking that it’s a heart breaking situation that young people now a days think reading is boring. I hope your article is a wake up call for parents. My parents never read aloud to us as we were growing up, but both my parents love reading. For me I never enjoy reading until the age of 20. So I guess it’s never too late to start reading. In Myanmar there are limited books for children and young adults. I mean children and young adults will not read unless they are interested in what they are reading. At college, I had to take two classes, Children’s Literature and Adolescent’s Literature, since I was majoring in Elementary Education. After taking those two classes, it came to my realization that those two literatures are the foundation for young people to develop the love of reading.
    So at the age of 22, I started reading books for children and adolescents, and I thoroughly enjoyed reading them. I still enjoy reading them. I wish I could read them when I was younger. One of my favorite and respected authors is Dr. Seuss (Theodor Geisel), an American author who is most widely known for his children’s books. Please excuse me if you’ve already known about Dr. Seuss, but I just wanted to share with you a little bit about Dr. Seuss.

    “In May 1954, Life magazine published a report on illiteracy among school children, which concluded that children were not learning to read because their books were boring. Accordingly, William Ellsworth Spaulding, a textbook editor at Houghton Mifflin who later became its Chairman, compiled a list of 348 words he felt were important for first-graders to recognize and asked Geisel to cut the list to 250 words and write a book using only those words.[8] Spaulding challenged Geisel to “bring back a book children can’t put down. Nine months later, Geisel, using 236 of the words given to him, completed The Cat in the Hat. ” [9] (This is take from Wikipedia)

    “The Cat in the Hat” book is very easy to read, and my first graders LOVE the book. Not only they love reading the book, they even love to write journal entries based on what happened in the story.
    So my hope and prayer for Myanmar is that there will be great authors for children and young adults, and those authors will write books that children can’t put down. And the readers will not stop there after putting the books down, but will yearn for more and even try to inquire new things on their own.

    P.S – I forgot your email address when you told me at the wedding. But thanks to the great technology!!! I goggled your name, and found this website!!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: