Excerpts from “For Babygirls to Learn”

ကိုယ့်ကို တစ်ယောက်ယောက်က မဖွယ်မရာများ လုပ်လာခဲ့ရင်

လိင်မှုကိစ္စဆိုတာ တစ်မိသားနဲ့ တစ်မိသားအကြားမှာ ချစ်ခင် စုံမက်မိကြရာက ပေါ်ပေါက်လာတာမျိုးဆိုရင် အင်မတန်ကြည်နူးစရာ ကောင်းလှသလောက် မဖွယ်ရာတဲ့ စိတ်နဲ့များ အကျူးကျော်ခံရမယ်ဆိုရင် အင်မတန် စက်ဆုပ်စရာကောင်းလှပါတယ် သမီးငယ်ရေ။
သည်အခန်းမှာတော့ သမီးအနေနဲ့ အဲသလို ကိုယ့်ကို မဖွယ်မရာများလုပ်လာခဲ့ရင် ဘယ်လို ရင်ဆိုင်ဖြေရှင်းမလဲဆိုတာ သမီးတို့ သိရအောင် ဆွေးနွေးသွားမယ်နော်။

မဖွယ်မရာပြုမှု

မဖွယ်မရာပြုတာက ပုံစံအမျိုးမျိုး ရှိနေနိုင်တယ် သမီးလေး။ ကျောင်းမှာဖြစ်ဖြစ်၊ အလုပ်ခွင်မှာဖြစ်ဖြစ် ကိုယ့်စိတ် အနှောင့်အယှက်ဖြစ်တဲ့အထိ ညစ်တီးညစ်ပတ်တွေချည်းပဲ တစ်ချိန်လုံး အပြောခံနေရတာမျိုးမှသည် ပခုံးဖက်တာ၊ ဟိုကိုင်သည်ကိုင် လုပ်တာအထိ အမျိုးစုံ ခံရနိုင်တယ်။

နှုတ်နဲ့ အပြောခံရတာ

လူတစ်ဦးချင်းစီမှာ အကျင့်တစ်မျိုးစီ ရှိတတ်ကြသလို ခံနိုင်ရည်လည်း တစ်ယောက်နဲ့ တစ်ယောက် မတူကြဘူး။ တချို့တွေက  ညစ်တီးညစ်ပတ်တွေ ပြောတာကို နားခံသာတတ်ပေမယ့် တချို့ကတော့ ဘယ်လိုမှ နားမခံသာနိုင်ဘူး။ တချို့အမျိုးသမီးတွေက အဲသလိုဟာမျိုးကို ရယ်စရာအဖြစ် လွယ်လွယ်ကူကူပဲ ရယ်လိုက်တတ်ကြတယ်၊ ပက်ခနဲ ပြန်ပြောလိုက်တတ်ကြတယ်။ ဖေဖေတို့  မြန်မာမိန်းမပျို အများစုအတွက်ကတော့ အဲသလိုစကားမျိုးက ဘယ်လိုမှ နားခံသာမှာမဟုတ်တာလည်း အသေအချာပဲ။ တချို့တွေအတွက်ဆို အရှက်ကြီး ရှက်သွားချင်စရာတောင် ဖြစ်နေနိုင်ပါတယ်။
သမီးသာ အဲသလို အပြောခံရတယ်ဆိုရင် ဘယ်လို တုံ့ပြန်မလဲဆိုတာ သမီးအပေါ်မှာသာ မူတည်ပါတယ်။ သမီးအတွက် ဘာမှ စိတ်အနှောင့်အယှက် မဖြစ်ရပါဘူး ဆိုရင်လည်း ပြီးရောပေါ့။ ဘာမှ အရေးမကြီးဘူးလို့ သဘောထားလိုက်လည်း ပြီးနေတာပဲ။

အေး… ဒါမှမဟုတ် အဲသလို ပြောနေ ဆိုနေလို့ သမီးရဲ့စိတ်မှာ အနှောင့်အယှက် ဖြစ်ရတယ်ဆိုရင်လည်း သမီးကို အဲသလို ပြောတာဆိုတာ၊ သမီးရှေ့မှာ အဲသလို တစ်တစ်ခွခွတွေ ပြောဆိုနေတာတွေကြောင့် သမီးမှာ စိတ်အနှောင့်အယှက်ဖြစ်ရတဲ့ အကြောင်း ပြောနေဆိုနေသူတွေကို ချေချေငံငံ တည်တည်ငြိမ်ငြိမ် ပြောလိုက်သင့်ပါတယ်။ အဲသလို ပြောတဲ့ကြားကမှ ရပ်မသွား၊ တော်မသွားဘူးဆိုရင်တော့ ကျောင်းအုပ်တို့၊ အထက်လူကြီးတို့လို တာဝန်ရှိသူတွေဆီမှာ အကျိုးအကြောင်း ပြောပြ တိုင်တန်းသင့်ပါတယ်။

ရေးရင်းနဲ့ တစ်ခုသတိရသွားတယ်။ ပုဂ္ဂလိက လုပ်ငန်းတစ်ခုမှာ ရာထူးအကြီးဆုံး ပုဂ္ဂိုလ်က သမီးအရွယ် မိန်းကလေးတွေကို အဲသလို မဖွယ်မရာတွေ ပြောဆိုနေတာ ဖေဖေ အကြိမ်ကြိမ် ကြားဖူးတယ်။ သူ့အထက်မှာ တိုင်စရာတန်းစရာလူက တစ်ယောက်မှ မရှိတော့ဘူး။ အဲလိုကျရင် ဘယ်လို လုပ်မလဲလို့ မေးစရာရှိတယ် သမီး။

အဲဒါဆိုရင်တော့ ပထမဆုံးက သမီးတို့ လက်မခံနိုင်တဲ့ အကြောင်းကို ချေချေငံငံ ယဉ်ယဉ်ကျေးကျေး ပြောပြတောင်းပန်ပါ။ သည်ကြားထဲကမှ လွန်လာရင် ဥပဒေကြောင်းကို ထောက်ပြပါ။ ဒါမှ ဆက်ကျူးလွန်နေသေးတယ်ဆိုရင်တော့ သူ ပြောဆို နေတာကို မသိမသာ အသံဖမ်းထားပြီးတော့ဖြစ်စေ၊ သက်သေတွေ ရှာဖွေပြီးတော့ ဖြစ်စေ ရာဇဝတ်ကြောင်းက တရားစွဲ ဆိုနိုင်ပါတယ်။

ပြစ်မှုဆိုင်ရာ ဥပဒေ ပုဒ်မ ၅၀၉

မည်သူမဆို မိန်းမတစ်ဦးဦး၏ ကာယိနြေ္ဒကို စော်ကားရန် ကြံရွယ်၍ ပြောဆိုခြင်း ပြုသည်တွင်၊ သို့တည်းမဟုတ် အသံပြုသည်တွင်၊ သို့တည်းမဟုတ် ကိုယ်အမူအရာကို ပြသသည်တွင်၊ သို့တည်းမဟုတ် အရာဝတ္ထုတစ်ခုခုကို ပြသည်တွင်၊ ပြောဆိုသော စကားကိုဖြစ်စေ၊ ပြုသောအသံကို ဖြစ်စေ၊ ထိုမိန်းမအား ကြားစေရန် ကြံရွယ်လျှင်၊ သို့တည်းမဟုတ် ပြုသော ကိုယ်အမူအရာကိုဖြစ်စေ၊ ပြသောအရာဝတ္ထုကိုဖြစ်စေ ထိုမိန်းမအား မြင်စေရန် ကြံရွယ်လျှင်၊ သို့တည်းမဟုတ် ထိုမိန်းမ၏ ကာယိနြေ္ဒကို စော်ကားရန် ကြံရွယ်၍ ထိုမိန်းမ၏ ဆိတ်ကွယ်ရာသို့ ကျူးကျော်လျှင် ထိုသူကို တစ်နှစ် အထိ အလုပ်မဲ့ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ရမည်။
အဲဒါ ကနေ့လက်ရှိ တည်ဆဲဖြစ်တဲ့ပြစ်မှုဆိုင်ရာဥပဒေ(ရာဇသတ်ကြီး)မှာ ပါဝင်တဲ့ ဥပဒေ ပြဌာန်းချက် အတိအကျပဲသမီး။

သည်ပုဒ်မအရ ပါးစပ်နဲ့ မဖွယ်မရာ ပြောဆိုတာဟာ သမီးရဲ့ကာယိနြေ္ဒလို့ခေါ်တဲ့ ကိုယ်လက်အမူအရာ ထိန်းသိမ်းစောင့်စည်းမှုကို ပျက်ပြားစေပြီဆိုတာနဲ့ တစ်ပြိုင်နက် ရာဇဝတ် ပြစ်ဒဏ်ထိုက်သင့်တယ်ဆိုတာ ထင်ရှားပါတယ်။ သားပြော၊ မယားပြော ပြောတာ၊ ညစ်တီးညစ်ပတ်တွေ ပြောတာ၊ ညစ်ပတ်တဲ့ ပြက်လုံးတွေ ပြောတာဟာ သမီးရဲ့အရှက်နဲ့ သိက္ခာကို ထိပါးလာပြီလို့ ယူဆရင် သမီးအနေနဲ့ ဘာမှ ငြိမ်ခံနေစရာ မလိုဘူးဆိုတာ သမီးအပါအဝင် မိန်းကလေးတိုင်း သိထားသင့်ပါတယ်။

ကိုယ်ထိလက်ရောက် အစော်ကားခံရတာ

မိမိအလိုမတူဘဲ တခြားသူတစ်ယောက်ရဲ့ ကိုယ်ထိလက်ရောက် စော်ကားတာ၊ ဟိုကိုင်သည်ကိုင်လုပ်တာ၊ ဟိုပွတ်သည်ပွတ် လုပ်တာတွေကိုလည်း ဘယ်မိန်းကလေးမှ သည်းခံမနေသင့်ဘူး။

ဒါမျိုးကို အရှိန်အဝါကြီးတဲ့ အနေအထားမှာ ရောက်နေသူ ယောကျာ်းသား အတော် များများက မိန်းကလေးငယ်လေးတွေအပေါ်မှာ ထမင်းစားရေသောက်သဖွယ် ကျူးလွန်တတ်ကြတယ်။ ကျောင်းဆရာထဲက အဲသလို ကျူးလွန်သူတွေ ရှိတတ်သလို အထက်လူကြီးတွေထဲမှာလည်း အဲသလိုကျူးလွန်တတ်သူတွေ ရှိနေတာ ဖေဖေကိုယ်တိုင် ခဏခဏ မြင်ဖူးတယ်။ အဆိုးဆုံးက အဲဒီ့လူတွေဟာ ၄၀ ကျော်၊ ၅၀ ကျော်၊ ၆၀ ကျော် လူကြီးတွေ ဖြစ်နေတာပဲ။


ရင်းနှီးမှုကို အခွင့်ကောင်းယူတာ၊ ဒါမှမဟုတ်လည်း ကိုယ့်အသက်အရွယ်၊ အရှိန်အဝါအပေါ်မှာ အခွင့်ကောင်းယူတာပါပဲ သမီး။ သမီးသာ အဲသလိုမျိုး ကြုံရတယ် ဆိုရင် တည်တည်ငြိမ်ငြိမ်၊ အေးအေးချမ်းချမ်းနဲ့ သည်လိုလုပ်တာ သမီး မကြိုက်တဲ့ အကြောင်း၊ ရပ်တန်းက ရပ်ဖို့အကြောင်းကို ပြောနိုင်ပါတယ်။

“စိတ်မရှိပါနဲ့ရှင်။ သမီးကို အဲသလို ဖက်လှဲတကင်းနေတာမျိုး၊ ဟိုပုတ်သည်ပုတ် လုပ်တာမျိုးကို သမီး ဘယ်လိုမှ ခံစားလို့မရတဲ့အတွက် နောက် ဒါမျိုး မလုပ်ဖို့ သမီး ဦးလေးကို အလေးအနက် မေတ္တာရပ်ခံပါရစေရှင်”ဆိုတာမျိုးနဲ့ ရပ်တန်းက ရပ်ဖို့ တားမြစ်သင့်ပါတယ်။

အဲလိုပြောတဲ့ကြားကမှ ဆက်လက်ကျူးလွန်နေသေးတယ်ဆိုရင်တော့ တာဝန်ရှိသူ အထက်အဆင့်အထိ တိုင်တန်းရတော့မှာပဲ။ အေး… သည်လိုမှမဟုတ်ဘဲ သူ့ကို ပြောနိုင်ဆိုနိုင်သူတစ်ယောက်မှ မရှိသူမျိုးဖြစ်နေရင်တော့ အထက်မှာ ဖော်ပြခဲ့တဲ့ ပုဒ်မ ၅၀၉အရ ငြိစွန်းနေတာကို ထောက်ပြရတော့မှာပါပဲ။

သည်ကြားထဲကမှ ဆက်ကျူးလွန်နေတယ်ဆိုရင်တော့ သမီးဘက်က သက်သေ ခိုင်လုံအောင် လုပ်ယူပြီး ရုံးတင် တရားစွဲဆိုနိုင်တယ်ဆိုတာကို မမေ့စေချင်ဘူး သမီးရေ။

မုဒိမ်းမှု

လူတစ်ယောက်က တခြားတစ်ယောက်ရဲ့ အလိုမတူဘဲ ကိုယ်လက်နှီးနှောတာဟာ မုဒိမ်းမှုပါပဲ။ ဒါဟာ ရာဇဝတ်ပြစ်ဒဏ် ထိုက်သင့်တဲ့ပြစ်မှုပါပဲ။ တစ်သက်တစ်ကျွန်း ထောင်ဒဏ်အထိတောင် အပြစ်ပေးလို့ရတဲ့ ပြစ်မှုပဲ။


အေး… သို့ပေမယ့် ကမ္ဘာအရပ်ရပ်မှာ မုဒိမ်းမှုအတော်များများကို အမှုဖွင့် တိုင်တန်းကြတာ သိပ်နည်းတယ်။ ရှက်ကြတာကြောင့် မတိုင်ကြသလို တချို့ကျတော့လည်း ငါကိုက ကံဆိုးတာ၊ ဘာညာလို့ တွေးပြီး မတိုင်ကြတာတွေလည်း အများအပြားပဲ။ တခြားမပြောနဲ့ ဖေဖေ့ဆီ ရောက်လာတဲ့ အမျိုးသမီးတွေထဲမှာတောင် အိမ်ထောင်သည် အမျိုးသမီးနှစ်ယောက်က သူတို့ ငယ်ရွယ်စဉ်အခါက အဲသလို အကျူးလွန်ခံခဲ့ရဖူးကြောင်း ရင်ဖွင့်သွားတာ နားနဲ့ ဆတ်ဆတ်ကြားဖူးတယ်။ ဒါပေမယ့် ရှက်လို့ ဆိုတဲ့အကြောင်းပြချက်နဲ့ သူတို့က အမှုဖွင့်တာတွေ၊ တိုင်တာတောတာတွေကို မလုပ်ခဲ့ကြဘူးတဲ့လေ။

ရာဇဝတ်မှု ထူပြောတဲ့ တခြားနိုင်ငံတွေမှာတော့ သူစိမ်းတွေက အဲသလို မုဒိမ်းမှု ကျူးလွန်တာ များတယ်။ ဖေဖေတို့ နိုင်ငံလို ရာဇဝတ်မှု ဖြစ်ပွားနှုန်း နည်းပါးတဲ့နေရာ တွေမှာကျတော့ လူရင်းထဲက ကျူးလွန်တတ်တာ ပိုများတယ်လို့ ဆိုရမယ်။

အခုကာလမှာ မိန်းမငယ်လေးတွေလည်း နိုင်ငံရပ်ခြားကို သွားနေကြပြီဖြစ်သလို သမီးကိုယ်တိုင်လည်း နိုင်ငံခြားကို ရောက်ချင် ရောက်သွားနိုင်သေးတာမို့ ရာဇဝတ်မှု ထူပြောတဲ့ နိုင်ငံတွေမှာ ကိုယ့်ကိုယ်ကိုယ် ကာကွယ်နိုင်တဲ့ နည်းလမ်းတွေကို ကြိုပြီး ပြောပြထားချင်ပါတယ်။

  • ဘယ်တော့ပဲဖြစ်ဖြစ် လူပြတ်တဲ့နေရာတွေကို တစ်ယောက်တည်း မသွားသင့်ဘူး။ လူအုပ်ကြားထဲမှာ သွားလာတာက အန္တရာယ် ကင်းတယ်။
  • ကိုယ်ဘယ်ကို သွားမယ်ဆိုတာ ကိုယ့်ဘာသာ သေချာနေဖို့လိုတယ်။ ဆိုလိုတာက ဦးတည်ရာမဲ့ လမ်းသလားတာမျိုးကို ရှောင်ကြဉ်သင့်တယ်။ ပြီးတော့ လမ်းလျှောက်တဲ့အခါ ကိုယ်ကို မတ်မတ်ထား၊ မျက်နှာကို မော့ထားပြီး ခြေလှမ်းကိုလည်း ခိုင်ခိုင်မာမာ ပိုင်ပိုင်နိုင်နိုင် လှမ်းစေချင်တယ်။ ဒါမှ ဘာကိုမဆို ရင်ဆိုင် ဖြေရှင်းရဲတဲ့ပုံ၊ ဘယ်သူ့ကိုမှ၊ ဘာကိုမှ မကြောက်တဲ့ပုံမျိုး ပေါက်နေမှာလေ။ နောက်တစ်ချက်က လျှောက်သွားရမယ့် ခရီးက လှမ်းနေရင် မြန်မြန်သွက်သွက် လျှောက်နိုင်၊ ပြေးနိုင်လွှားနိုင်မယ့် ဖိနပ်မျိုးကို ရွေးစီးသင့်ပါတယ်။
  • တစ်ယောက်တည်းဆိုရင် မှောင်မိုက်တဲ့ လမ်းကြိုလမ်းကြားတွေ၊ လူပြတ်တဲ့ လမ်းမကြီးတွေကို ရှောင်သင့်တယ်။
  • စိတ်ထဲမှာ မသိုးမသန့်ဖြစ်မိရင် အရဲမကိုးပါနဲ့တော့။ ကိုယ်ရောက်နေတဲ့ အရပ်၊ ဒါမှမဟုတ် အခြေအနေကို ကိုယ့်စိတ်ထဲမှာ မသိုးမသန့် ဖြစ်လာတာနဲ့တစ်ပြိုင်နက် အဲဒီ့နေရာက အမြန်ဆုံး ခွာသင့်တယ်။ ပြေးတန် ပြေးသင့်တယ်။
  • အငှားကား စီးမယ်ဆိုရင် သတိထားပါ။ ရာဇဝတ်မှု ထူပြောတဲ့ နိုင်ငံတွေမှာ အဲသလို မုဒိမ်းကောင်တွေဟာ ယာဉ်မောင်းဟန် ဆောင်ထားတတ်ကြတယ်။ ဒါ့ကြောင့် အငှားယာဉ်မှာ သတ်မှတ်ထားတဲ့ နံပါတ်တွေ၊ အငှားယာဉ်မှန်း သိသာတဲ့ အမှတ်အသားတွေ ပါမပါ ကြည့်ပြီးမှ စီးသင့်ပါတယ်။
  • ဖြစ်နိုင်ရင်တော့ ကိုယ်ခံပညာတစ်ခုခုကို တတ်မြောက်ထားသင့်တယ်။ ဒါမှ ကိုယ့်ကိုယ်ကိုယ် ကာကွယ်နိုင်မှာလေ။
  • ရထားတွေ၊ ကားတွေ စီးတဲ့အခါမှာလည်း လူကြပ်တာကို စီးတာ အကောင်းဆုံး ပဲ။ ထိုင်တဲ့အခါမှာလည်း ယာဉ်မောင်းနဲ့ ခပ်နီးနီးမှာ ထိုင်တာ အကောင်းဆုံးပဲ။
  • နိုင်ငံခြားမှာက ကားကြုံပို့တဲ့ အလေ့အထတစ်ခုရှိတယ်။ ကိုယ်မသိတဲ့ သူတစ်စိမ်းက ကားကြုံလိုက်ခဲ့ပါလားလို့ ခေါ်ရင် ဘယ်တော့မှ မလိုက်မိပါစေနဲ့။

————————————-

စာမူခွင့်ပြုချက်အမှတ် ၄၀၀၃၃၃၀၆၀၃ နဲ့ ၀၀၆ ခုနှစ် မေလမှာ လက်တွဲဖော်စာအုပ်တိုက်က ထုတ်ဝေထားတဲ့ အတ္တကျော်ရဲ့ မီးငယ်တို့ အသိကြွယ်ဖို့ စာအုပ်ထဲက ကောက်နုတ်ဖော်ပြလိုက်တာပါ။