Skip to content

A little I have just learned about Singapore

19 April 2010
မကြာသေးခင် မတ်လ ၁၆ ရက်နေ့ကနေ ၁၉ ရက်အထိ ကျွန်တော် စင်္ကာပူကို ရောက်ခဲ့ပါတယ်။ အဲဒီ့ ခရီးစဉ်အတွေ့အကြုံကို “စ မလုံးချင်ဘု လုံးလုံးကြီး စိတ်နာ”ဆိုတဲ့ ခေါင်းစဉ်နဲ့ မှတ်တမ်းတစ်ပုဒ် ရေးနေပါတယ်။ အဲသလို ရေးရာမှာ လိုအပ်တဲ့ အချက်အလက်အထောက်အထားများကို Encyclopedia Britannica ရယ်http://www.cia.gov/library/publications/the-world-factbook/geos/ နဲ့ http://en.wikipedia.org/ တို့မှာရယ် မွှေနှောက်ဖတ်လိုက်တဲ့အခါ ကျွန်တော် လုံးလုံး သိမထားခဲ့တာတွေ သိလာရပါတယ်။ ကျွန်တော့်လိုပဲ မသိသေးသူတွေများ သိများ သိချင်မလားဆိုတဲ့ အတွေးနဲ့ မျှဝေပေးလိုက်ချင်ပါတယ်။ ကျွန်တော့် ရေးလက်စတွေထဲက ကောက်နုတ် ဖော်ပြလိုက်တာလည်းပဲ ဖြစ်ကြောင်းပါခင်ဗျား။

စင်္ကာပူရသားတွေ ပါးနပ်ပုံများ

စင်္ကာပူဟာ ဟိုးပဝေသဏီ မူလတုန်းက တံငါသည်များနဲ့ ပင်လယ်ဓားပြများ နေထိုင်ရာ ကျွန်းကလေးသာ ဖြစ်ပါတယ်။ မူလ နာမည်က တူမာဆစ်(ခ်)၊ ဒါမှမဟုတ် တီမာဆစ်(ခ်)တဲ့။ ဂျာဗှားဘာသာစကားနဲ့ တာဆစ်(ခ်)ဆိုတာ ပင်လယ်ကို ခေါ်တာပါ။ ၁၄ရာစု အဆုံးမှာတော့ တရုတ်တွေရဲ့ မှတ်တမ်းမှတ်ရာများ ရှိလာပြီမို့ တရုတ်တွေ စင်္ကာပူကို ရောက်နေတာ နှစ်ပေါင်း ၆၀ဝ ကျော် ၇၀ဝ နီးပါး သက်တမ်း ရှိနေပါပြီ။

အဲဒီ့ ၁၄ ရာစုနှစ် ကုန်လုလုမှာ ဘုရင် ရာဟိန္ဒြာက သည်ကျွန်းကို “စင်္ကပူရ”လို့ အမည်ပေးခဲ့ပါတယ်။ ပါဠိလိုဆိုရင်တော့ “သီဟပူရ”လို့ ခေါ်မလား မသိဘူး။ ဘာသာပြန်ရင်တော့ “ခြင်္သေ့ဌာနေ”လို့ အတိအကျ ရနေသပေါ့ဗျာ။ ဒါ့ကြောင့် စင်္ကာပူရဲ့ အမှတ်အသားဟာ ယနေ့ထက်တိုင် ခြင်္သေ့ဖြစ်နေတော့တာပါပဲ။
ရယ်တော့လည်း အရယ်ရသား။ မလေးမှတ်တမ်းတစ်စောင်မှာကျတော့  စင်္ကပူရကို ထူထောင်သူ မင်းသား ရှရီ တြိ ဘွာနာက ကျားတစ်ကောင်ကို ဖျတ်ခနဲ လှမ်းမြင်လိုက်တာတဲ့။ အဲဒါကို သူက ကျားလို့ မမြင်ဘဲ ခြင်္သေ့လို့ အမြင်မှားသွားတဲ့အတွက် စင်္ကပူရဖြစ်သွားတယ်လို့လည်း ဆိုပြန်တယ်။

ဘယ်လိုပဲဖြစ်ဖြစ်၊ အခု ၂၁ ရာစုထဲမှာတော့ အဲဒီ့ ခြင်္သေ့ဌာနေဟာ အာရှ ကျားတစ်ကောင်အဖြစ်နဲ့ တွင်ကျယ်နေတာလည်း အများအသိပါပဲ။ နယ်မြေ အကျယ်အဝန်းအားဖြင့် ကျွန်းသေးကျွန်းမွှား ၆၀ လောက်ကို ထည့်ပေါင်းရင်တောင် စုစုပေါင်းမှ စတုရန်းမိုင်ပေါင်း ၂၄၀ လောက်သာ ရှိတဲ့ ကျွန်းမြို့ကလေးက နိုင်ငံဖြစ်နေရှာတာပါ။

နယ်မြေအကျယ်အဝန်းကို အဆနဲ့ ပြောရင် ကျွန်တော်တို့ ရွှေနိုင်ငံကြီးရဲ့ အပုံတစ်ထောင်ပုံ တစ်ပုံလောက်သာ ရှိတဲ့ နိုင်ငံပိစိညှောက်တောက်လေးပါပဲ။ ဘာ သယံဇာတမှလည်း မရှိ၊ ရေတောင်မှ သူများနိုင်ငံက တင်သွင်းပြီးမှ သောက်ရတဲ့ နိုင်ငံ၊ စားသောက်ကုန်ဆိုလည်း ထို့အတူ၊ သမိုင်းအစဉ်အလာဆိုလို့လည်း ဘာမှ လက်ဆုပ်လက်ကိုင် ပြစရာ မရှိဘူး။ သို့ပေမယ့် သူ့ရဲ့ ပထဝီအနေအထားအရ ကုန်သင်္ဘောတွေ ဆိုက်ကပ် ရပ်နားလို့ရတဲ့ နေရာဖြစ်နေတယ်။ အဲဒီ့အပေါ်မှာ အမြတ်ထုတ်နိုင်ခဲ့ကြတယ်။

ဒုတိယကမ္ဘာစစ်အပြီး ၁၉၄၆ မှာ စင်္ကာပူဟာ သီးခြား ကိုလိုနီတစ်ခုအဖြစ် ရပ်တည်ခဲ့ပြီး ၁၉၅၅ ခုနှစ်မှာတော့ ရွေးချယ်ခံကိုယ်စားလှယ်များက စင်္ကာပူ အစိုးရ တာဝန်ကို ရယူခဲ့ပါတယ်။ သို့တိုင်အောင် ဗြိတိသျှကတော့ ကာကွယ်ရေးနဲ့ နိုင်ငံခြားရေးမူဝါဒတွေကို ကိုင်တွယ်ပေးခဲ့ကြသေးတယ်။ အဲဒါက စင်္ကာပူကို မလေးရှား ပြည်ထောင်စုရဲ့ ပြည်နယ်တစ်ခုအဖြစ် ပူးပေါင်းလိုက်တဲ့ ၁၉၆၃ ခုနှစ်တိုင်အောင် ဖြစ်ပါတယ်။

သည်နေရာမှာ အာရှသားတွေ ဦးနှောက်ရှိရဲ့လားဆိုတဲ့ မေးခွန်းက ပေါ်လာတယ်။ တခြား အာရှသားတွေထက် စင်္ကပူရသားတွေက ဦးနှောက်ပိုရှိတယ်လို့ သုံးသပ်နိုင်မယ် ထင်ပါတယ်။ သူတို့ ကိုယ်ပိုင်အုပ်ချုပ်ခွင့်ရတာ ၁၉၅၅ လောက်မှသာ ဖြစ်တယ်။ သို့သော် သူတို့ကိုယ် သူတို့သိတယ်၊ တစ်ကမ္ဘာလုံးနဲ့ ရင်ပေါင် တန်းနိုင်လောက်အောင် သူတို့မှာ အရည်အချင်း မရှိသေးဘူး။ သည်အတွက် ကာကွယ်ရေးနဲ့ နိုင်ငံခြားရေးမှာ နိုင်ငံတကာဝါး ကောင်းကောင်းဝနေတဲ့ ဗြိတိသျှတွေရဲ့ အကူအညီကို ရယူခဲ့ပါတယ်။ တစ်နည်းပြောရရင် ဗြိတိသျှတို့ရဲ့ လက်ကိုတွဲပြီး ဖြည်းဖြည်းချင်း လမ်းလျှောက်သင်ခဲ့တာပါ။

သည်နေရာမှာ မလေးရှားနိုင်ငံသားတွေကလည်း ဦးနှောက်ရှိနေပြန်တယ်။ ၁၉၆၅ခုနှစ်မှာ စင်္ကာပူကို သူ့ပြည်ထောင်စုထဲက ခွဲထွက်ဖို့ သူကပဲ စတင် ကမ်းလှမ်းလိုက်တယ်။ ဗဟိုအစိုးရနဲ့ ပြည်နယ်အစိုးရတို့ကြားက နိုင်ငံရေး တင်းမာမှုတွေက မနိုင်ရင်ကာ ဖြစ်လာနေတာကိုး။ အဲတော့ မလေးတွေက လူလည်ကျလိုက်တယ်။ စင်္ကာပူကို သူတို့ပြည်ထောင်စုထဲကနေ ထွက်ချင်ထွက်ပေရော့လို့ ကမ်းလှမ်းလိုက်ပါတယ်။ စင်္ကပူရက မောင်တွေကလည်း အခွင့်အရေးကို လက်လွတ်မခံဘူး။ အရအမိ ယူလိုက်တယ်။ ခွဲထွက်လိုက်ပါတော့တယ်။

၁၉၆၈ ခုနှစ် ဇန်နဝါရီလမှာ ဟောင်ကောင်မှတစ်ပါး တခြား အရှေ့နဲ့ အရှေ့တောင်အာရှက ဗြိတိသျှကာကွယ်ရေးတပ်ဖွဲ့တွေ အားလုံးကို ၁၉၇၁ခုနှစ် နောက်ဆုံးထားပြီး ရုတ်သိမ်းတော့မယ်လို့ ဗြိတိသျှ အစိုးရက ကြေညာလိုက်ပါတယ်။ ဧပြီလမှာကျတော့ စင်္ကာပူမှာ ရွေးကောက်ပွဲ ကျင်းပတယ်။ ဖြစ်ချင်တော့  တကယ် ရွေးကောက်ပွဲ ကျင်းပဖို့ သတ်မှတ်ထားတဲ့ရက်ထက် ခုနစ်လ စောနေတယ်။ သည်မှာတင် အဓိက အတိုက်အခံ နိုင်ငံရေးပါတီတွေအနေနဲ့က ရွေးကောက်ပွဲ ဝင်ဖို့ အသင့်မဖြစ်သေးဘူး။ အဲတော့ သူတို့က သည်ရွေးကောက်ပွဲကို သပိတ်မှောက်ကြပြီး ဝင်မပြိုင်ကြတော့ဘူး။

ဝင်မပြိုင်တော့ လီကွမ်ယုရဲ့ “လူထုလှုပ်ရှားမှု ပါတီ”ကသာ လွှတ်တော်က နေရာအားလုံးကို ရသွားပါတော့တယ်။ သည်ပါတီကလည်း ဦးနှောက်ရှိတယ်။ ဗြိတိသျှ တပ်တွေ ဆုတ်ပြီဆိုတာနဲ့ နိုင်ငံရဲ့ စီးပွားရေးက မလွဲမသွေ ထိခိုက်တော့မယ်။ အဲဒါကို ကြိုပြီး ကန်ထားမှဖြစ်မယ်ဆိုတာကို တွက်ချက်ပြီး ကြိုတင် ပြင်စရာ ရှိတာတွေကို ပြင်ထားတဲ့ ပါတီကိုး။

၁၉၇၁ ခုနှစ် အောက်တိုဘာလမှာတော့ ဗြိတိသျှတို့ဟာ မူလက ကြေညာထားခဲ့တဲ့အတိုင်း စင်္ကာပူက သူ့ရဲ့ တပ်တွေကို အပြီးအပိုင် ဆုတ်ခွာပေးခဲ့ပါတယ်။ အဲဒီ့နောက်ပိုင်းမှာတော့ စင်္ကာပူဟာ ပို့ကုန်ထုတ်လုပ်ရေးနဲ့ ကုန်သွယ်ရေးကို အားပြုပြီး အကြီးအကျယ် လုပ်ပါတော့တယ်။ ဒါ့အပြင် ဒေသတွင်း သံတမန်ရေးရာပိုင်းမှာလည်း တက်တက်ကြွကြွ လှုပ်ရှားခဲ့ပါတယ်။ ၁၉၆၇ခုနှစ် မှာ အာဆီယံအဖွဲ့ကို စတင်ဖွဲ့စည်းရာမှာလည်း စင်္ကာပူဟာ အဲဒီ့အဖွဲ့ကို တည်ထောင်သူ အဖွဲ့ဝင်နိုင်ငံတစ်နိုင်ငံအဖြစ် ရပ်တည်ခဲ့ပါတယ်။

သည်နေရာမှာ လူသိပ်မသိလှပေမယ့် မှန်ကန်တဲ့ အချက်အလက်တစ်ခုကိုလည်း ပြောပြပါရစေဦး။ အဲဒါကတော့ နိုင်ငံခြား တိုက်ရိုက်ရင်းနှီးမြှုပ်နှံမှုများနဲ့ စက်မှုနိုင်ငံအဖြစ် နိုင်ငံတော်က ဦးဆောင်ပြီး ပြောင်းလဲယူရာမှာ စက်မှုလုပ်ငန်း၊ ပညာရေးနဲ့ မြို့ပြစီမံကိန်းများအပေါ် အထူးအလေးထားတဲ့ ခေတ်မီ စီးပွားရေးတစ်ရပ်ကို စင်္ကပူရသားများ ထူထောင်နိုင်ခဲ့ကြပါတယ်။ အဲသလို ထူထောင်ရာမှာ ဒတ်(ခ်ျ) စီးပွားရေးပညာရှင် Albert Winsemius
ရေးဆွဲပေးတဲ့ အစီအစဉ်များအတိုင်း လုပ်ဆောင်ခဲ့တာဖြစ်ပါတယ်။ သည်နေရာမှာလည်း သူတို့တွေဟာ နိုင်ငံထူထောင်ဖို့အတွက် ခေတ်မီ စီးပွားရေးပညာ မတတ်ကျွမ်းတာကို ကိုယ့်ဘာသာ အသိအမှတ်ပြုပြီး ကျွမ်းကျင်သူ ပညာရှင်ရဲ့ အကူအညီကို ပေါ်ပေါ်တင်တင်ပဲ ရယူခဲ့ကြပြန်တယ်။

အကျိုးဆက်အဖြစ်တော့ ကနေ့အခါမှာ အဲဒီ့နိုင်ငံ ပိစိညှောက်တောက်လေးဟာ ကမ္ဘာ့ ပဉ္စမ အချမ်းသာဆုံး နိုင်ငံဖြစ်လာခဲ့ပါတယ်။ ၂၀ဝ၉ခုနှစ် ဇူလိုင်လမှာဆိုရင် စင်္ကာပူနိုင်ငံရဲ့ တရားဝင် ခြေစောင့်လက်စောင့်ထားတဲ့ ငွေပမာဏဟာ အမေရိကန် ဒေါ်လာ ဘီလျံပေါင်း ၁၇၀.၃ ရှိတယ်လို့ ထုတ်ပြန်ထားပါတယ်။ (မြန်မာလို ပြောရင်တော့ အမေရိကန် ဒေါ်လာ ၁၇၀၃ ကုဋေပေါ့။)

စင်္ကာပူ မိုးပျံရဟတ်ကြီးရဲ့ ရာဇ၀င်

“စင်္ကာပူ မိုးပျံ” (Singapore Flyer) ဆိုတာ ဘာမှန်း မသိဘူး။ စင်္ကာပူကို အစကတည်းက နည်းနည်းလေးမှ စိတ်ဝင်စားခဲ့တာ မဟုတ်တော့ ဘာမှလည်း ကြိုဖတ်ထားတာမျိုး မရှိဘူး။


အနားရောက်တော့မှ ဧရာမ ချားရဟတ်ကြီးဖြစ်နေတာ တွေ့ရပါတယ်။ တကယ့် ဧရာမပါပဲ။ သို့ပေမယ့် နှယ်နှယ်တော့ မဟုတ်ဘူးခင်ဗျ။ ကမ္ဘာ့အမြင့်ဆုံး ရဟတ်ကြီးဖြစ်ပါတယ်။ အထပ်ပေါင်း ၄၂ ထပ်ရှိတဲ့ တိုက်လောက်ကို မြင့်ပါတယ်။ ၁၆၅ မီတာ (၅၄၁ ပေ) မြင့်သတဲ့ခင်ဗျ။

အဲဒီ့ရဟတ်ကြီးရဲ့ အချင်းကိုက ၁၅၀ မီတာ (၄၉၂ပေ) ရှိပါတယ်။ အဲလောက်ကြီးတဲ့ ရဟတ်ကြီးကိုမှ သုံးထပ်အဆောက်အအုံကြီးပေါ်မှာ တည်ထားတာပါ။ အဲဒီ့ သုံးထပ် အဆောက်အအုံကြီးပေါ်မှာလည်း ဆိုင်တွေ၊ အရက် ဘားတွေ၊ စားသောက်ဆိုင်တွေ အပြည့်နဲ့ပါ။

၂၀ဝ၈ ခုနှစ် မတ်လ ၁ ရက်နေ့ကမှ တရားဝင် စဖွင့်ခဲ့တာဖြစ်ပြီး တကယ့် အခမ်းအနားနဲ့ ဖွင့်ခဲ့တာကကျတော့ ၂၀ဝ၈ ဧပြီလ ၁၅ ရက်နေ့မှာမှ ဖြစ်ပါ တယ်။ အဲဒီ့ရဟတ်ကြီးမှာ လူလိုက်စီးဖို့အတွက် ဖန်လုံအိမ်ကလေးတွေ ပါပါ တယ်။ အိမ်ကလေးတွေဆိုလို့လည်း ပေါ့သေးသေးတော့ မမှတ်ပါနဲ့ဦး။ တစ်အိမ် ကို လူ ၂၈ ယောက် စီးလို့ ရပါသဗျား။ ပြီးတော့ အလုံပိတ်၊ လေအေးစက်လည်း တပ်ဆင်ထားပါသေးတယ်။

အဲဒါကြီး တစ်ပတ်ပြည့်အောင် လည်ဖို့က သုံးဆယ်နဲ့မှ ခုနစ်မိနစ်နီးပါး ကြာပါတယ်။ စလည်တုံးကတော့ စင်္ကာပူ မြေဘက်က ကြည့်ရင် နာရီလက်တံ ပြောင်းပြန်လည်တဲ့ ဦးတည်ရာနဲ့ လည်ခဲ့တာ ဖြစ်ပေမယ့် ၂၀ဝ၈ ခုနှစ် ဩဂုတ်လ  ၄ ရက်နေ့ကစပြီး ဖုန်းရွှေဆရာများရဲ့ ညွှန်ကြားချက်အရ နာရီလက်တံအတိုင်းပဲ လှည့်ပေးပါသတဲ့။


အဲဒါကြီးကို တည်ဆောက်ဖို့အတွက် ကုန်ကျခဲ့တဲ့ စရိတ်ကတော့ စင်္ကာပူ ဒေါ်လာ သန်းပေါင်း ၂၄၀ (အမေ ရိကန် ဒေါ်လာ သန်းပေါင်း ၁၈၀) ပါတဲ့ ခင်ဗျား။

အဲဒီ့ပေါ်က ကြည့်ရင် ဘေးပတ်ဝန်းကျင် ၄၅ ကီလိုမီတာ (၂၈ မိုင်) လောက်အထိ လှမ်း မြင်ရတယ်လို့ ဆိုပါတယ်။ အင်ဒိုနီးရှားနဲ့ မလေးရှားက ကျွန်းတွေကိုတောင် လှမ်းမြင်ရဆိုပဲ။ ဒါက အခု သည်စာရေးတော့မှ စာဖတ်ပြီး ပြောတာ။ တကယ်တမ်း အဲဒါကြီးပေါ်တုန်းက မသိခဲ့တော့ ကိုယ်မြင်သလောက်ပဲ လှမ်းကြည့်၊ ဓာတ်ပုံတွေ ရိုက်ပေါ့ဗျာ။


စိတ်ထဲမှာတော့ စင်္ကပူရသားတွေရဲ့ အကြံကြီးပုံကို တွေးပြီး ပြုံးနေမိတယ်။ ပြောခဲ့တဲ့အတိုင်း သူတို့မှာက နိုင်ငံဆိုလို့လည်း တခြား ပြစရာ မရှိဘူး။ သည်မြို့ ကျဉ်းကျဉ်းကလေးက နိုင်ငံဖြစ်နေတာ။ လက်ညိုးထိုး ပြစရာ သမိုင်းအမွေအနှစ်တွေ၊ ဘာတွေလည်း မည်မည်ရရက မရှိဘူး။

သည်မောင်တွေက ပါးတယ်၊ နပ်တယ်။ စင်္ကပူရ ကိုယ်တိုင်က နိုင်ငံခြားသားတွေနဲ့ ဖွဲ့စည်းထားတဲ့ နိုင်ငံလေးဖြစ်နေတာဆိုတော့ သူတို့က နိုင်ငံခြားသားတွေကို “ငွေတွင်း”တွေ အဖြစ်သာ မြင်ထားတယ်။ သူတို့ နိုင်ငံထဲကို နိုင်ငံခြားသား များများဝင်လေ၊ နိုင်ငံခြားငွေ ပိုရနိုင်လေဆိုတဲ့ အကွက်ကိုလည်း ချောင်းတယ်။

နိုင်ငံခြားသား၊ အထူးသဖြင့် အနောက်နိုင်ငံက လူတွေကမှ အားအားယားယား ကမ္ဘာလှည့်ပြီး ခရီးသွားသန်ကြတာ။ ပိုက်ဆံရှိခြင်း၊ မရှိခြင်းနဲ့ မဆိုင်ဘူး။ ပိုက်ဆံ မရှိတဲ့ အနောက်တိုင်းသားကလည်း ကျောပိုးအိတ် တစ်လုံးလွယ်ပြီး ကစုတ်ကဖတ်နဲ့ ကမ္ဘာပတ်ချင် ပတ်နေတဲ့သူတွေ။ အဲဒီ့လို ကမ္ဘာလှည့်တွေကို မြှူဆွယ်စရာက စင်္ကပူရမှာ ဘာမှ သိပ်ရှိလှတာမဟုတ်ဘူး။ ဘန်ကောက်တို့၊ ကမ္ဘောဒီးယားတို့၊ မြန်မာတို့မှာက ရှေးဟောင်းအမွေအနှစ်တွေ ရှိသလို သွားကြည့်စရာ တခြား နေရာတွေကလည်း အများသား။ စင်္ကပူရမှာတော့ အဲဒါမျိုး ဘာဆို ဘာတစ်ခုမှ မရှိဘူး။

မရှိ ဘာဖြစ်တုံး။ ကိုယ့်ဟာကိုယ် ဖန်တီးယူမှာပေါ့ဆိုတဲ့ စိတ်နဲ့ သည်မောင်တွေက စင်္ကာပူဒေါ်လာ သန်း ၂၄၀ တန် သည်ချားရဟတ်ကြီးကို ဆောက်ချလိုက်တာပ။ အကြံကတော့ အတော်ကြီးကြပေတာပဲ။

အကြံကြီးတာကတော့ မပြောနဲ့၊ အဲဒီ့ ရဟတ်စီးရင်း ညစာ စားမယ်ဆိုလည်း စားလို့ရသဗျ။ ဈေးကတော့ ခေါင်ကို ခိုက်လို့။ စုံတွဲ တစ်တွဲအတွက်ဆို စင်္ကာပူဒေါ်လာ ၃၆၀၊ မြန်မာငွေနဲ့ဆို နှစ်သိန်းခွဲလောက် ကျမှာပါခင်ဗျ။ ညစာစားရင်တော့ နာရီဝက်လောက်နဲ့ မပြီးတာမို့ ရဟတ်ကို နှစ်ပတ် စီးရတယ်လို့ သိရပါတယ်။

ဆယ်(န်)ထိုဇာ ရာဇ၀င်အူပေါက်

“ဆယ်(န်)ထိုဇာ”ဆိုတာက မလေးစကားနဲ့ ငြိမ်းချမ်းငြိမ်သက်မှုတဲ့။ အဲဒီ့ ကျွန်းကလေးမှာ အပန်းဖြေရာနေရာအဖြစ် စင်္ကပူရသားတွေက ဖန်တီးထားလိုက်ကြပြန်တာပါ။ နှစ်ကီလိုမီတာလောက် ရှည်လျားတဲ့ ကမ်းခြေ ရှိတယ်။ ဂေါက်ကွင်း နှစ်ကွင်းရှိတယ်။ ကြယ်ငါးပွင့်ဟိုတယ် နှစ်လုံး ရှိတယ်။ ပြီးတော့ “အပန်းဖြေကမ္ဘာ ဆယ်(န်)ထိုဇာ”ဆိုတာ ရှိပါတယ်။

စကားစပ်လို့ ပြောရရင် အဲဒီ့ ဆယ်(န်)ထိုဇာလို့ နာမည်ပေးတာက ၁၉၇၂ ခုနှစ်ကျမှ ဖြစ်ပါတယ်။ မူလက ဗြိတိသျှတို့ရဲ့ ခံတပ်ရှိတဲ့ ကျွန်း၊ နောက်တော့ ဂျပန်က မဟာမိတ် စစ်သုံ့ပန်းတွေကို ထားတဲ့ ကျွန်း။ ဒုတိယကမ္ဘာစစ်ပြီးတော့  ဗြိတိသျှ စစ်စခန်း။ ၁၉၆၇ ခုနှစ်ကျမှ လွတ်လပ်ရေးရခါစ စင်္ကာပူ အစိုးရလက်ထဲကို ဗြိတိသျှက ပြန်လွှဲပေးတာ။ အဲတော့ စင်္ကာပူ ရေတပ်စခန်းကို အဲဒီ့မှာ ဖွင့်ခဲ့သေးတယ်။ နောက် ရေကြောင်းပညာသင်ကျောင်း ဖွင့်တယ်။

၁၉၇၀ပြည့်လွန်နှစ်လောက်ကျတော့ စင်္ကာပူသားတွေအတွက်ရော ကမ္ဘာလှည့်ခရီးသွားတွေအတွက်ပါ အဲဒီ့ကျွန်းကလေးကို အားလပ်ရက် အပန်းဖြေ စခန်းအဖြစ် ပြုပြင်ပြောင်းလဲဖို့ ဆုံးဖြတ်လိုက်ပါတော့တယ်။ စင်္ကပူရသားတွေ လျင်ပုံကို ပြောပါတယ်။

Advertisements
7 Comments leave one →
  1. ဖိုးသား permalink
    19 April 2010 6:51 am

    မှတ်သားစရာကောင်းတဲ့ အကြောင်းကို ရေးသားပေးလို့ ကျေးဇူးတင်ပါတယ်ဆရာ။ တခုလောက် ဆွေးနွေးချင်လို့ပါ။ “ဒါ့အပြင် ဒေသတွင်း သံတမန်ရေးရာပိုင်းမှာလည်း တက်တက်ကြွကြွ လှုပ်ရှားခဲ့ပါတယ်။ ၁၉၆၇ခုနှစ်မှာ အာဆီယံအဖွဲ့ကို စတင်ဖွဲ့စည်းရာမှာလည်း စင်္ကာပူဟာ အဲဒီ့အဖွဲ့ကို တည်ထောင်သူ အဖွဲ့ဝင်နိုင်ငံတစ်နိုင်ငံအဖြစ် ရပ်တည်ခဲ့ပါတယ်။” အာဆီယံအဖွဲ့မှာ စလုံးက တည်ထောင်သူ ပါတာတင် မကဘူး၊ အာဆီယံဆိုတာပေါ်လာတာကိုက စလုံးနဲ့ ဆက်စပ်နေတာပါ။ ဒါပေမယ့်သူက တက်တက်ကြွကြွနဲ့ ဦးဆောင်သူနေရာကတော့ မဟုက်ဘူးထင်ပါတယ်။ ဒီကိစ္စက စလုံး မလေးက ခွဲထွက်တာနဲ့လည်း ဆိုင်တယ်လို့ ပြောပါတယ်။ သူတို့ ခွဲထွက်တာကို အင်ဒိုနီးရှားက မကြိုက်ပါဘူး။ အကြောင်းရင်းကိုတော့ ကျွန်တော်လည်း မသိဘူးဆရာ။ ဒါနဲ့ အင်ဒိုနီးရှား ကွန်မန်ဒို ၂ ယောက်က စလုံးမှာ လာပြီး ဗုံးခွဲပါတယ်။ သူတို့ကို ဖမ်းမိတဲ့အခါ ကြိုးပေးလိုက်ပါတယ်။ ဒီမှာတင် စလုံးနဲ့ အင်ဒိုနီးရှား ဆက်ဆံရေး အရမ်းတင်းမာသွားပါတယ်။ အဲဒီလိုဖြစ်နေတဲ့ အချိန်မှာ ထိုင်းနိုင်ငံက ပွဲစား (ဦးဆောင်တယ် ပြောမလား) လုပ်၊ မခေါ်မပြော ဖြစ်နေကြတဲ့ နိုင်ငံတွေ နှစ်စဉ် တွေ့ဖြစ်အောင် လုပ်ရင်းနဲ့ အာဆီယံဆိုတာ ဖြစ်လာတယ်လို့ ကြားဖူးပါတယ်။ အစပိုင်း သူတို့ ကြေညာချက်တွေမှာ စီးပွားရေး ပူးပေါင်းဆောင်ရွက်ဖို့ ဘာညာတွေ ပါပေမယ့် တကယ်တမ်း လုပ်ဖြစ်တာ နည်းပါတယ်။ အဓိကကလဲ သူတို့က ထိတွေ့မှု ပြန်ရပြီး ပြန်ဆက်ဆံနိုင်အောင် ရည်ရွယ်ထားတာမို့ပါ။

    • lettwebaw permalink
      19 April 2010 12:29 pm

      ကျေးဇူးတင်ပါတယ် ဆရာ ကိုဖိုးသား။ ကျွန်တော် မသိသေးတာကို အစဖော်ပေးတဲ့အတွက်ပါ။ ကျွန်တော် ဆက်ဖတ်ပါဦးမယ်။

  2. ktta permalink
    19 April 2010 9:57 pm

    ဂျာဗှား – ဆိုတာကို အသံမထွက်တတ်လို့ အခြားဟာတွေနဲ့ ယှဉ်ပြီးထွက်ပြပေးပာဆရာ။
    ဟထိုးပာတာနဲ့ မပာတာ ဘာကွာသလဲ သိချင်လို့ပာဆရာ။
    စာတွေအတွက် ကျေးဇူးတင်ပာတယ်။

    • lettwebaw permalink
      19 April 2010 10:18 pm

      င ကို ဟထိုးထည့်ပြီး အသံထွက်ကြည့်စေချင်ပါတယ်။။ အလားတူပဲ ည၊ မ၊ ရ၊ လ၊ ၀ တို့ကိုလည်း ဟထိုးထည့်ပြီး အသံထွက်ကြည့်ရင် ထွက်လို့ရပါလိမ့်မယ်။ အင်္ဂလိပ်ရဲ့ V သံက /ဘ/သံ မဟုတ်ပါဘူး။ “ဗ”က /ဘ/ သံပဲ ထွက်ပါတယ်။ “ဗမာ”ရဲ့ အသံထွက်က /ဘမာ/ပါ။ Vama ဆိုတဲ့ အသံမထွက်ပါဘူး။ ဟထိုးထည့်လိုက်ရင် v သံ ထွက်လာလောက်တယ်လို့ ယူဆလို့ ထည့်တာပါ။ မြန်မာစာအဖွဲ့ကထုတ်တဲ့ မြန်မာအဘိဓာန်မှာတော့ “သ” ကို ဟထိုးထည့်ထားတာ အတော်များများ တွေ့ရပါတယ်။ သေသေချာချာရဲ့ အသံထွက်ကို အဲဒီ့အဘိဓာန်မှာ /သေသှေချာဂျာ/လို့ ရေးထားတာ တွေ့ရနိုင်ပါတယ်။

      အစဉ်အဆက်က မသုံးလို့ ကိုယ်လည်း သုံးလို့ မရဘူးလို့ ယူဆနေတဲ့ အတွေးတွေ နေရာမှာ ကိုယ်ပိုင်ဉာဏ်လေး ကွန့်မြူးကြည့်စေချင်တဲ့ စေတနာနဲ့ စိတ်ရှည်လက်ရှည်ဖြေပေးလိုက်ပါတယ်။ သဘောတူတာ မတူတာက ပြဿနာ မဟုတ်ပါဘူး။ ကျွန်တော် မှန်ပါတယ်လို့လည်း ခြေကန် ငြင်းလိုရင်း မဟုတ်ပါဘူး။ အစဉ်အလာ ဥခွံထဲက ထွက်ကြည့်စေချင်တဲ့ ဆန္ဒပါ။

      ကျေးဇူးတင်ပါတယ်။

      • ktta permalink
        20 April 2010 3:40 pm

        စိတ်ရှည်လက်ရှည်ဖြေကြားတဲ့အတွက် အထူးတလည် ကျေးဇူးတင်ပာတယ် ဆရာ။

  3. ဝေေ၀ permalink
    22 April 2010 4:22 pm

    မသိတာလေးတွေသိလိုက်ရလို့ ကျေးဇူးး ဘကြီး 🙂

Trackbacks

  1. စင်္ကာပူရသားတွေ ပါးနပ်ပုံများ – အတ္တကျော် | Saw Zar Li's world

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: