Skip to content

For Parents and Teachers to Think Twice

8 July 2010

မိဘ ဆရာများ တွေး ဆဆင်ခြင်စရာ

သင်္ကြန်မတိုင်ခင်က မန္တလေးကို ရောက်သွားတော့ စိတ်မကောင်းစရာ သတင်းတစ်ပုဒ်ကို ကြားရတယ်။


ကျွန်တော်နဲ့ ခင်မင်ရင်းနှီးတဲ့ မိတ်ဆွေတစ်ယောက်ရဲ့ သားလေး ပျောက်ဆုံးနေတဲ့ သတင်းပါ။ သားက ၁၅ နှစ်သားပဲ ရှိသေးသတဲ့။ မနက်ပိုင်းမှာ မုန့်စားဖို့ ဆိုပြီး အိမ်က ထွက်သွားရာက လုံးလုံး ပျောက်သွားတာဆိုပဲ။

ကျွန်တော်ကိုယ်တိုင်လည်း သူ့လိုပဲ၊ သမီး တစ်ယောက်၊ သား တစ်ယောက်ရဲ့ဖခင်ဖြစ်နေတဲ့အတွက် မိဘချင်း

စာနာစိတ်နဲ့ စိတ်မကောင်း ဖြစ်ရပါတယ်။ ခက်တာက သူ့ဒုက္ခကို ကူညီ ဖြေရှင်းပေးနိုင်တဲ့ နည်းလမ်းက ကျွန်တော့်မှာ မရှိတာပဲ။ ပြေရာပြေကြောင်းအတွက် တတ်အားသမျှ ပြောဆို ဖေးမရုံပဲ တတ်နိုင်ခဲ့တယ်။

ကျွန်တော့် ရင်ထဲမှာ တနုံ့နုံ့နဲ့။ မန္တလေးမှာ ၁၂ ရက်နေပြီး ပြန်သာ လာခဲ့ရတယ်၊ သူ့သားသတင်းကို အစအနတောင် မကြားရတော့ လိပ်ခဲတင်းလင်းဖြစ်နေတယ်။
ခမျာများမှာ မန္တလေးသတင်းစာတွေ
ထဲလည်း လူပျောက်ကြော်ငြာတွေ ဘာတွေ ထည့်ကြသေးတယ်။ ဂျာနယ်တစ်ခုမှာ မန္တလေးသတင်း ပင်တိုင် ရေးနေသူ ဆရာတစ်ဦးကလည်း သူ့ဂျာနယ်ထဲ သားငယ် ပျောက်ဆုံးနေတဲ့ သတင်းကို စာနာစွာ ဖော်ပြပေးပါသေးတယ်။

သတင်းထူးရင် ကျွန်တော့်ကို ဖုန်းဆက် အကြောင်းကြားပါဗျာလို့ မှာခဲ့ပြီး ကျွန်တော်လည်း ပြန်လာခဲ့ရပါတယ်။ ဒါပေမယ့် သုံးပတ်သာ ကြာသွားတယ်၊ သူ့သား သတင်းကို အစအနတောင် မကြားရဘူး။ ကျွန်တော့်မှာသာ မန္တလေးက ဆွေမျိုးရင်းချာတစ်ဦးရဲ့ နာရေးကြောင့် နောက်သုံးပတ်နေတော့ မန္တလေးကို တစ်ခေါက်ပြန်တက်ရပြန်တယ်။

သည်အခါမှာလည်း မိတ်ဆွေကြီးဆီ ဝင်ပြီး သူ့သားသတင်း စုံစမ်းမိရပြန်တယ်။ ဘာအကြောင်းမှ မထူးသေးဘူးဆိုတာပဲ ကြားရတော့ အားပျက်ချင်သလို ဖြစ်လာတယ်။


အလုပ်က တစ်ဖက်နဲ့မို့ သည်တစ်ခေါက်တော့ မန္တလေးမှာ သုံးညပဲ အိပ်ပြီး ပြန်ပြေးခဲ့ရပြန်ပါတယ်။

ရန်ကုန် ပြန်ရောက်ပြီး သုံးရက်လောက်နေတော့ ဖုန်းဝင်လာတယ်။

ပျောက်ဆုံးနေသူ သားလေးကို ပြန်တွေ့တဲ့အကြောင်း မိတ်ဆွေကြီးက အကြောင်းကြားတာပါ။

ကျွန်တော်လည်း သက်ပြင်းကို ဟင်းခနဲ ချလိုက်တယ်။ ဖြစ်ပုံပျက်ပုံကို မိတ်ဆွေကြီးက ကျွန်တော့်ကို စိတ်မကောင်းခြင်းကြီးစွာ ပြောပြတဲ့အခါမှာတော့ သည်အကြောင်းကို ရေးရပေဦးမယ်လို့ စိတ်ထဲမှာ တေးလိုက်ရပြန်ပါတယ်။

ကလေးက မန္တလေးနဲ့ မနီးမဝေးက မထင်မရှား ရွာလေးတစ်ရွာကို သွားပြီး သင်္ကန်းစီးနေတာတဲ့။ သတင်းအရ ဖအေလုပ်တဲ့သူ လိုက်ခေါ်တဲ့အခါမှာလည်း ကိုရင်ဝတ်နဲ့ပဲ ပြန်လိုက်လာတယ်လို့ သိရပါတယ်။

ဘာဖြစ်တာလဲ၊ ဘယ်လို ဖြစ်တာလဲလို့ စေ့ငုလိုက်တဲ့အခါ ကျွန်တော့်မိတ်ဆွေတင်မက မိဘအများနဲ့ပါ သက်ဆိုင်တဲ့ကိစ္စမို့ သည်အကြောင်းကို ချရေးရတော့တာပါ။

ဖြစ်ပုံက ကလေးက သည်နှစ်မှာ ဆယ်တန်းကို တက်ရတော့မှာပါ။ ကိုးတန်းမှာကတည်းက သူ့ကို မြို့ရဲ့အကျော်အမော် ကျူရှင်ကျောင်းကြီး တစ်ကျောင်းမှာ အပ်ထားပါတယ်။ ကျောင်းအုပ်က ကလေးရဲ့မိဘနဲ့ ခင်မင်နေတော့ ကျူရှင်ခတောင် မယူပါဘူး။

သည်အထိက အင်မတန် ကောင်းနေပါသေးတယ်။

ဆိုးသွားတာက ကလေးက စာသိပ်မလိုက်နိုင်ဘူး။ ကျူရှင်မှာက စာမလိုက်နိုင်တဲ့ ကလေးတွေကို လိုက်နိုင်လာအောင် လုပ်တဲ့နည်းက ရှိနေတယ်။ အဲဒါကတော့ တော်တော်လေး ပြင်းပြင်းထန်ထန် နှိပ်ကွပ်တဲ့နည်းပါ။ ကိုးတန်း၊ ဆယ်တန်း ကျောင်းသားတွေကို တုတ်နဲ့ ရိုက်တဲ့နည်း၊ အရှက်ခွဲတဲ့နည်းများကို ကျင့်သုံးပြီး ခပ်ပြင်းပြင်း မောင်းပါသတဲ့။

ဒါလည်း ကျူရှင်ဘက်က ကြည့်ရင် မှန်တယ်လို့ ရှေ့နေလိုက်ချင် လိုက်လို့ရပါသေးတယ်။ အဲသလို ပြင်းပြင်းထန်ထန်လေး မောင်းပေးမှ ကလေးတွေရဲ့ ပညာရည် တိုးတက်လာမှာဖြစ်သလို ကျူရှင်ရဲ့ အောင်ချက်လည်း တအားကောင်း၊ နာမည်လည်း ပိုထွက်၊ နောက်နှစ်တွေ၊ နှစ်တွေမှာလည်း ငွေတွေ သောက်သောက်လဲ ဝင်တော့မှာကိုး။ ကျူရှင်ဘက်က ကြည့်ရင် သူ့ဟာနဲ့ သူတော့ တရားနေပါတယ်။

ကျွန်တော့်မိတ်ဆွေရဲ့ စကားများအရ သူ့သားအပါအဝင် ကလေးအတော်များများက အဲဒီ့ ကျူရှင်ရဲ့ ဇွတ်အတင်း မောင်းနှင်မှုကို မခံစားနိုင်လောက်အောင် ဖြစ်နေကြတယ်လို့ သိရပါတယ်။ ဒါပေမယ့် မိဘတွေက ကိုယ့်သားသမီးကို ဖြစ်စေချင်၊ ထွန်းပေါက်စေချင်ဇောနဲ့ မတက်မနေရ လုပ်ကြပါသတဲ့။ တစ်ဖက်ကလည်း ကျောင်းအပ်တဲ့အခါမှာ မကျိုးမကန်း ရင်တော်ပါပြီ၊ ဆရာတို့ ကြိုက်သလို ဆုံးမပါဆိုတဲ့ အစဉ်အလာ အရိုးစွဲ အတွေးအခေါ်လေးတွေကလည်း ရှိနေလေသေးတော့ ကလေးတွေခမျာမှာ အလကားနေရင်း သားကောင်လေးတွေ ဖြစ်ကုန်ပါတော့တယ်။

ကျွန်တော့်မိတ်ဆွေရဲ့သားက အင်္ဂလိပ်စာမှာ တော်တော်လေး အားနည်းတဲ့အတွက် အဲဒီ့ကျူရှင်မှာ နေ့တိုင်း အနှိပ်ကွပ်ခံရလေသတဲ့။ ၁၅ နှစ် ဆိုတာ ကြီးကောင်ဝင်စ အရွယ်ပါ။ ကောင်းကောင်းလည်း ရှက်တတ်၊ နာတတ်နေတဲ့ အရွယ်လည်း ဖြစ်ပါတယ်။


သည်အခါ လူပုံအလယ်မှာ နေ့တိုင်း အနှိပ်ကွပ်ခံနေရတော့ သူ့အနေနဲ့ ဘယ်လိုမှ မခံနိုင်တော့ဘူး။ မအေမိဘကို ပြောလို့ကလည်း သဘောပေါက်ကြမှာ မဟုတ်တဲ့ အတူတူ၊ အိမ်က ထွက်ပြေးတာ အကောင်းဆုံးပဲလို့ အောက်မေ့လိုက်ပါတော့တယ်။

ဒါပေမယ့် ကလေးက ကလေးကောင်းလေးဆိုတော့ သူ့အတွက် နားခိုရာ၊ အားကိုးရာကို ရတနာသုံးပါးရဲ့ အရိပ်အာဝါသအောက်မှာ သွားရောက် ရှာဖွေလိုက်တာလေးကြောင့်သာ တော်သွားပါတယ်။ ဖအေနဲ့ ပြန်လိုက်လာခဲ့သော်လည်း လူဝတ်လဲဖို့ ငြင်းဆိုနေခြင်းဟာ လူဘဝကို ပြန်ရောက်ရင် ကျောင်းတက်ရမှာ၊ ကျောင်းတက်ရင် အဲဒီ့ရွှေကျူရှင်နဲ့ ပြန်လည် ရင်ဆိုင်ရမှာကို တအားစိုးရွံ့နေလို့ပဲလို့ တွေးလို့ရပါတယ်။

ကျွန်တော်ကတော့ ကျွန်တော့်မိတ်ဆွေကို ကျွန်တော့်အယူအဆလေးတစ်ခု ပြောလိုက်မိပါသေးတယ်။

သည်လောကမှာ ရှိရှိသမျှ အမွေများ အားလုံးအနက်မှာ အမြတ်ဆုံး အမွေဟာ လူအဖြစ်ကို ရတုန်းရခိုက်မှာ နိဗ္ဗာန်ကို မျက်မှောက်ပြုနိုင်တဲ့ လမ်းကြောင်း ပေါ် တင်ပေးလိုက်နိုင်တာသာ ဖြစ်ကြောင်းပါ။ ဒါကြောင့် ကလေးက သာသနာ့ဘောင်မှာ ပျော်မွေ့သွားမယ်ဆိုလည်း အင်မတန် မွန်မြတ်တာမို့ ကလေး စိတ်ချမ်းသာတဲ့ နည်းလမ်းအတိုင်း လိုက်လျောဖို့ အကြံပေးလိုက်မိပါတယ်။

တစ်ဖက်ကလည်း ကလေးရော၊ ကလေးမိဘပါ အင်မတန် ကံကြီးလွန်းလို့သာ သည်လောက်နဲ့ ပြီးသွားတာကို တွေးမိနေပါတယ်။ တကယ်လို့သာ ကလေးက စိတ်ပေါက်ပေါက်နဲ့ တွေ့ကရာတွေ လျှောက်လုပ်လို့၊ မတော်တာတွေ ဖြစ်ကုန်ရင် စေတနာနဲ့ ဆောင်ရွက်ပေးခဲ့ရတဲ့ မိဘတွေပဲ ရင်ကျိုးရမှာပါ။

မိဘဆိုတာကတော့ ကိုယ့်သားသမီးကို ချွန်စေ၊ ထက်စေ၊ တော်စေ၊ ထွန်းပေါက်စေချင်သူချည်းပါပဲ။ အဲသလိုပဲ၊ ကျူရှင်ဆရာအပါအဝင် ဆရာများအားလုံးကလည်း ကိုယ့်တပည့်လေးတွေကို ဖြစ်စေချင်ကြတာချည်းပါပဲ။

ဒါပေမယ့် ကလေးတွေကို ဖြစ်စေချင်ဇောနဲ့ တအားတွန်းတဲ့အခါမှာ လိုက်နိုင်တဲ့ ကလေးရှိသလို မလိုက်နိုင်တဲ့ ကလေးဆိုတာလည်းရှိနေမှာ  သေချာပါတယ်။

လူချင်းတူပေမယ့် အသက်ရှူချင်းကွဲတယ်ဆိုတာလို ခံနိုင်ရည်ချင်းလည်း မတူတာမို့ ပုံသေကားချနည်းတွေ၊ လှေနံဓားထစ် စနစ်တွေနဲ့ ကိုယ်ဖြစ်စေချင်တာကို ဇွတ်အတင်း လုပ်ယူမယ်ဆိုရင် ကောင်းကျိုးထက် ဆိုးကျိုးက ပိုများနိုင်တဲ့အကြောင်း  မိဘဆရာများ သတိထားမိနိုင်ကြစေဖို့အလို့ငှာ လတ်တလော ဖြစ်သွားခဲ့တဲ့ ဖြစ်ရပ်မှန်လေးတစ်ခုကို အခြေခံတင်ပြလိုက်ရပါတယ်။

(၂၀၀၂ ခုနှစ်က မန္တလေးမြို့မှာ ဖြစ်သွားခဲ့တဲ့ ဖြစ်ရပ်ကို အခြေခံပြီး အလင်းတန်းဂျာနယ်မှာ ရေးသားခဲ့တဲ့ ဆောင်းပါးဖြစ်ပါတယ်။  စာမူခွင့်ပြုချက်အမှတ် ၁၂၀၅/၂၀၀၃(၁၂) နဲ့ လက်တွဲဖော် စာအုပ်တိုက်က ၂၀၀၄ ခုနှစ် သြဂုတ်လမှာ ထုတ်ဝေခဲ့တဲ့ အတ္တကျော်ရဲ့ “သားငယ် သမီးငယ်များ ပဲ့ပြင် ထိန်းကျောင်းခြင်း အနုပညာ” စာအုပ်ထဲက စာတစ်ပုဒ်လည်း ဖြစ်ပါတယ်။)
Advertisements
7 Comments leave one →
  1. 8 July 2010 7:10 am

    ဖြစ်သင့်တာထက်ပိုလို့ ဘေးထွက်ဆိုးကျိုးလို့ပဲ ဆိုရမယ်ထင်တယ်

  2. 8 July 2010 11:49 am

    ဒီတစ်ပုဒ်ကို တအားကြိုက်တယ် ဆရာ။
    ဆရာ ဒီဆောင်းပါး ရေးခဲ့တဲ့ နှစ်လောက်တွေတုံးကပဲ ကျောင်းတက်နေတုံးက နယ်မှာ သူငယ်ချင်းတွေစုပြီး ကျုရှင်ကျောင်းလေး ထောင်တုံးက 10 တန်းကလေးတွေကို စာမရင် ကြိမ်လုံးသေးသေးနဲ့ နာအောင်ရိုက်၊ နားရွက်ဆွဲထိုင်ထ၊ လုပ်ခိုင်းခဲ့ဖူးတာ သတိရပြီး စိတ်မကောင်းဖြစ်သွားမိတယ်။
    သင်တဲ့လူအားလုံးကလည်း တက္ကသိုလ်ကျောင်းသားတွေ။ ငယ်ကငယ်၊ စိတ်တွေ၊ မာန်တွေ ကြွပြီး ငါသင်တာ ရရမယ်၊ ငါခိုင်းရင် လုပ်ရမယ်ဆိုပြီး စာမရရင် အပြစ်ပေးတဲ့ နည်းပေါင်းစုံနေတာပါပဲ။
    စိတ်ထဲမှာလည်း ဖျင်းတဲ့လူ အောင်ရမယ်။ တော်တဲ့လူ ဂုဏ်ထားထွက်ရမယ်ဆိုတာပဲ ရှိခဲ့တာ..။

  3. မိုးသူ permalink
    8 July 2010 1:25 pm

    အဲဒီကျူရှင်နာမည် သိချင်ပါတယ်။

    • lettwebaw permalink
      8 July 2010 5:36 pm

      သည်းခံပါခင်ဗျာ။ သည်ဆောင်းပါး အလင်းတန်းမှာပါလာတော့ အဲဒီ့ကျူရှင် တာဝန်ရှိသူတစ်ဦးနဲ့ ကြားပွဲစား စာရေးဆရာ/စာနယ်ဇင်းဆရာ ရင့်မာကြီးတစ်ဦးတို့ဟာ ကလေးရဲ့ ဖခင်ဆီသွားပြီး ပြဿနာရှာခဲ့ကြဖူးပါသေးတယ်။ ကျွန်တော်က အေးအေး နေချင်တယ်ဗျ။ အထူးသဖြင့် ပိုက်ဆံဝါလားလို့ ခေါ်တဲ့ ငွေရှင်တွေနဲ့ ဖက်မဖြစ်ချင်ပါဘူး။ ဒါ့ကြောင့် အဲဒီ့ ကျူရှင်နာမည်တော့ မပြောပါရစေနဲ့။

      သိပ်လည်း မဝေးလှသေးတာမို့ သိမှီနှံ့စပ်သူ မန္တလေးသားတစ်ယောက်ယောက်ကို တိုးတိုးတိတ်တိတ် မေးကြည့်ရုံနဲ့ အလွယ်တကူ သိရနိုင်ပါတယ်။ သြော်… တစ်ခုတော့ ရှိတယ်။ အဲဒီ့ ပုဂ္ဂလိက ကျူရှင်တွေ၊ ဘော်ဒါတွေမှာ လူမဆန်စွာ ရိုက်နှက်တာတွေက အလေ့အထတစ်ခုလိုဖြစ်နေပါတယ်။ နာမည်က အရေးမကြီးပါ။ နာမည်နဲ့ ပြောလို့ရတာကတော့ ကျွန်တော့်သား နေခဲ့တဲ့ မေမြို့က စာပန်းအိမ်ဘော်ဒါပါ။ ကျွန်တော့်ဆီမှာ ဓာတ်ပုံအထောက်အထားတွေလည်း ရှိပါတယ်။ အပြင်ထွက်တဲ့နေ့မှာ သားက အပြင်မှာ ဆေးလိပ်သောက်လာပါတယ်။ အဲဒါကို အဆောင်ပြန်ရောက်တော့ အင်္ကျီကို နမ်းကြည့်ပြီး အဆောင်မှူး ဦးလားမားဆိုတဲ့ ဆရာက ရိုက်ထားတာ ကျွန်တော့်သား ခြေသလုံးမှာ သွေးစိမ်းရှင်ရှင် ထွက်တဲ့ ဒဏ်ရာတွေ ရခဲ့ဖူးပါတယ်။ အဲဒါကို ကျွန်တော် ဓာတ်ပုံရိုက်ထားတာ ရှိပါတယ်။ ကျောင်းအုပ်ဖြစ်တဲ့ ကျောင်းတည်ထောင်သူနဲ့ ကံအားလျော်စွာ အဲဒီ့တုန်းက တံတားဦးလေဆိပ်မှာဆုံတော့ ကျွန်တော့်ဘက်က အခြေအတင် ပြောယူခဲ့လို့သာ နောက်ပိုင်းမှာ ဆင်ခြင်သွားတာပါ။ သို့သော် ရိုက်လို့ရသူတွေကို ရိုက်နေကြတုန်းပါပဲ။ အဲဒီ့ ကျူရှင်/ဘော်ဒါထက် ဆိုးတဲ့ ဇာတ်လမ်းတွေလည်း အများအပြားပါ။ မိန်းကလေးတွေကို စက္ကူမြားနဲ့ ပစ်လို့ လက်သီးနဲ့ ထိုးတာ သွားတစ်ချောင်းကျွတ်သွားတဲ့ ဆယ်တန်းကျောင်းသား ဇာတ်လမ်းမျိုးတွေလည်း တစ်ပုံတစ်ပင်ပါဗျာ။ အဲတော့ နာမည်က အရေးမကြီးတော့ဘူး ထင်ပါတယ်။

  4. 8 July 2010 8:53 pm

    ဟုတ်……..
    ဆောင်းပါးလေးက ကောင်းပါတယ်ဗျာ…။ တကယ်တော့ တခါ တရံမှာ တုတ်နဲ့ရိုက်တာထက် ပါးစပ်နဲ့ ပြောလိုက်တာတွေက ပိုပြီးပြင်းထန်တာတွေလည်းရှိပါတယ်။ ဘယ်လိုပဲ ဖြစ်နေပါစေ လူတစ်ယောက်ကို ပြောတော့မယ်၊ တစ်ခုခု လုပ်တော့မယ်ဆိုရင် ဒေါသ မာန်၊မာနလေးတွေ ခဏသိမ်းထားပြီး အဲဒီလူရဲ့ အရှက်၊ ဂုဏ်သိက္ခာတွေကို ထိပါးစေမဲ့ အပြုအမူမျိုး မလုပ်တာကတော့ အကောင်းဆုံးပဲလို ထင်မြင်ပါတယ်။ ဒါပေမယ့် တခါ တရံမှာ အပြုမူတစ်ခု၊ စကားတစ်ခွန်းက ဒီလူ တစ်ယောက်အတွက် ဘာမ ဖြစ်မသွားပေမယ့် တခြားသူတစ်ယောက်အတွက် အကြီးအကျယ် ထိခိုက် စေနိုင်တယ်ဆိုတာကိုလည်း သတိထားသင့်ပါတယ်။

  5. 15 April 2011 4:41 pm

    ကြုံဖူးတယ်..ဒါပေမဲ့ကိုယ့်ကိုနှိပ်ကွပ်တဲ့ဆရာက ကိုယ်နဲ့လုံးဝမတည့်တဲ့သူဆိုတော့ ရိုသေလို့ကိုမရ ကြောက်လဲမကြောက် ဂရုလဲမစိုက် ဆိုတော့ ရှက်ရှက်နဲ့ထင်ရာလုပ်တာမျိုးမရှိခဲ့ဖူး..ကိုယ့်ကိုနှိပ်ကွပ်တဲ့ဆရာကိုပဲ သနားလိုက်တယ်..

  6. 18 December 2012 6:32 pm

    ဖတ်ခွင့် ကြည့်ခွင့် ရပါစေ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: