Parkway Eye Centre

ပါ့(ခ်)ဝေး မျက်စိကု ဗဟိုဌာန – ဥုံဖွ မြင်ရစေသတည်း

“ကျွန်တော် ဆေးကုလာတာ ၂၁ နှစ် ရှိပါပြီ။ အမှန်တော့ ကျွန်တော်က မလေးနိုင်ငံသားပါ။ လွန်ခဲ့တဲ့ နှစ်ပေါင်း ၃၀ လောက်တုန်းက စင်္ကာပူကို စာသင်ဖို့ ရောက်လာတာပါပဲ။ ဒါပေမယ့် စင်္ကာပူ အစိုးရက သိပ်နပ်တယ်ဗျ။ ပထမဆုံးက ကျွန်တော့်ကို ပညာသင်ဆု ချီးမြှင့်လိုက်ခြင်းနည်းနဲ့ စင်္ကာပူက မခွာနိုင်အောင် လုပ်လိုက်ပါတယ်။ နောက်ကျတော့ စင်္ကာပူ နိုင်ငံသူ အမျိုးသမီး ချောချောလေးနဲ့ ဖျားယောင်းလိုက်တော့ ကျွန်တော်လည်း စင်္ကာပူမှာ ချောင်ပိတ်မိသွားတော့တာပဲဗျို့”

ပရိသတ်က အုန်းခနဲ ပွဲကျသွားပါတယ်။

“ဒေါက်တာ လီ”လို့ အလွယ်ခေါ်ကြတဲ့ ဒေါက်တာ “လီဟန်မင်း”က ဆင်းဂလစ်(ရှ်)လို့ ခေါ်တဲ့ စင်္ကပူရသားတွေ ပြောနေကျ အင်္ဂလိပ်စကားနဲ့ ပြောလိုက်တာပါ။

စင်္ကပူရသားများရဲ့ ထုံးစံအတိုင်း သန့်ပြန့်တဲ့ အသွင်အပြင်၊ သပ်ရပ်တဲ့ အဝတ်အစားနဲ့ ဆရာဝန်လေးကို ရုတ်တရက် ကြည့်လိုက်မယ်ဆိုရင် အခုမှ ကျောင်းပြီးခါစ ဆရာဝန်ပေါက်စလေး တစ်ယောက်လိုပါပဲ။ သို့ပေမယ့် သူဟာ ပါ့(ခ်)ဝေး ကျန်းမာရေး လုပ်ငန်းရဲ့ လက်အောက်က ဆေးရုံတစ်ရုံဖြစ်လေတဲ့ ဂလယ်နဂေး(လ်)(ဇ်) ဆေးရုံကြီးမှာရှိတဲ့ ပါ့(ခ်)ဝေး မျက်စိ ဗဟိုဌာနရဲ့ ဆေးပညာ ညွှန်ကြားရေးမှူးနဲ့ အကြီးတန်း အတိုင်ပင်ခံ ဆရာဝန်ကြီးဖြစ်လို့ နေပါတယ်။

ပညာရပ်ကိုသာ တစိုက်မတ်မတ် လိုက်စားခဲ့၊ ပူပင် ကြောင့်ကြမှု ကင်းပြီး ကျန်းမာရေးနဲ့ ညီညွတ်တဲ့ ပတ်ဝန်းကျင်မှာ လူဖြစ်ခဲ့ရသူမို့ ထင်ပါရဲ့၊ သူက အတော် နုနေတယ်။ သူ့စကားက ဟာသသာ ဖြစ်ပေမယ့် လွန်ခဲ့တဲ့ နှစ်ပေါင်း ၃၀ က စင်္ကာပူအစိုးရရဲ့ အမြော်အမြင်ကိုလည်း တွေ့ရပါတယ်။
စင်္ကာပူနိုင်ငံသား တစ်ဦးဖြစ်တဲ့ အိန္ဒိယအနွယ်ဝင် မစ္စတာ ခီးရှိုး(ရ်) မာဘူဘာနီဆိုတဲ့ သံတမန်တစ်ယောက် ရေးတဲ့ စာအုပ် တစ်အုပ်ကို ကျွန်တော် ဘာသာပြန် ထုတ်ဝေခဲ့ဖူးပါတယ်။ “အာရှသားများ စဉ်းစားနိုင်စေ”ဆိုတဲ့ စာအုပ်ပါ။ အဲဒီ့စာအုပ်ကို ဘာသာပြန်ခဲ့တဲ့အတွက် အခု ဒေါက်တာလီဟန်မင်း ပြောလိုက် တဲ့ စကားဟာ ပြက်လုံးတစ်ခုသာ မဟုတ်ဘဲ စင်္ကာပူအစိုးရရဲ့ အမြော်အမြင်ဆိုတာကို လှမ်းမြင်လိုက်မိတာပါ။

မစ္စတာ မာဘူဘာနီက အဲဒီ့စာအုပ်မှာ ကျွန်တော့်ကို စကားလုံးတစ်လုံးနဲ့ မိတ်ဆက်ပေးခဲ့ဖူးပါတယ်။ “မယ်ရစ်ထ,ခရေစီ” (meritocracy) ဆိုတဲ့ စကားလုံးပါ။ အရည်အချင်းအလိုက် မြှောက်စားတဲ့ စနစ်လို့ ဘာသာပြန်နိုင်ပါလိမ့်မယ်။ အရည်အချင်း ရှိတဲ့သူဆိုရင် ဘယ်သူ့ကိုပဲဖြစ်ဖြစ်၊ ဆင်းရဲ၊ ချမ်းသာမရွေး၊ ဆူကြုံနိမ့်မြင့် မရွေး၊ လူမျိုးဘာသာ ရွေးမနေဘဲ နေရာပေးတဲ့ စနစ်ပေါ့။

လွန်ခဲ့တဲ့ နှစ်ပေါင်း ၅၀ ကျော်၊ စင်္ကာပူနိုင်ငံ လွတ်လပ်ရေး ရကတည်းက အဲဒီ့စနစ်ကို တစိုက်မတ်မတ် ကျင့်သုံးခဲ့လေတဲ့ အကျိုးကျေးဇူးက ကနေ့ စင်္ကာပူနိုင်ငံလေး အပြည့်အဝ ခံစား၊ စံစားနေရပါပြီ။ အာရှရဲ့ ပထမဆုံး ကျားတွေထဲမှာ ထိပ်ဆုံးက ပါဝင်ခဲ့တာဟာ အရည်အချင်းရှိသူများကို နေရာပေးခဲ့တဲ့ ရလာဒ်ပါပဲ။

မစ္စတာ မာဘူဘာနီဆိုရင် အိန္ဒိယအနွယ်စစ်စစ်၊ တရုတ်သွေး တစ်စက်မှ မပါဘူး။ လွတ်လပ်တဲ့ စင်္ကာပူနိုင်ငံကို ဦးစီး ပဲ့ကိုင်ခဲ့တာက တရုတ်သွေးအပြည့်နဲ့ မစ္စတာ လီကွမ်ယု။ လူမျိုးချင်းက တခြားစီ။ သို့သော် မာဘူဘာနီဆိုတဲ့ သူငယ်လေးက အလားအလာ ရှိတာမို့ စင်္ကာပူ အစိုးရက မာဘူဘာနီ့ကိုလည်း ပညာသင်ဆု ချီးမြှင့်ခဲ့ပါတယ်။ ဆင်းဆင်းရဲရဲ ဘဝကနေ ဆယ်တန်းအောင်ချိန်မှာ အလုပ်လုပ်ဖို့သာ စိုင်းပြင်းနေရတဲ့ မာဘူဘာနီ့အတွက် စင်္ကာပူ အစိုးရက ပေးလာတဲ့ ပညာသင်ဆုဟာ ပညာသင်ရေးအတွက်သာမက မိသားစု စားဝတ်နေရေးအတွက်ပါ အထိုက်အလျောက် ဖြည့်ဆည်းပေးနိုင်သွားတာမို့ ရရာ အလုပ် လုပ်တော့မယ့် မာဘူဘာနီလေးဟာ ပညာ ဆက်သင်ဖြစ်ခဲ့ရင်းက ထိပ်တန်း သံတမန်တစ်ယောက်ဘဝကို ရလာခဲ့ပါ တယ်။

အခု ဒေါက်တာလီဟန်မင်းကကျတော့ လီကွမ်ယုနဲ့ အမျိုးအနွယ် နာမည်ချင်းတောင် တူနေသေးတဲ့ တရုတ်အနွယ်ပါ။ သူကကျတော့ မလေးနိုင်ငံသားဖြစ်နေတယ်။ ဟန်မင်းလေးကို ကြည့်ရတာ အလားအလာ ကောင်းတယ်လို့ စင်္ကာပူ အစိုးရက မြင်တယ်။ အဲတော့ မလေးသော၊ ဘာသော စဉ်းစားမနေတော့ ဘူး။ သူ့ကိုလည်း ပညာသင်ဆု ပေးချလိုက်တယ်။ တစ်နည်းအားဖြင့် အရည်အချင်းရှိတဲ့သူကို ပညာသင်ဆုနဲ့ ညင်ညင်သာသာလေး “ချည်နှောင်”လိုက်တာပါ။

အခုတော့ ဒေါက်တာ လီဟန်မင်းဟာ စင်္ကာပူနိုင်ငံသားကြီးလုံးလုံးဖြစ်ပြီး စင်္ကာပူနိုင်ငံရဲ့ ထိပ်တန်း မျက်စိအထူးကု ဆရာဝန်တစ်ယောက်နေရာမှာ ရပ်တည်လို့ နေပါပြီ။ “စင်္ကာပူ အစိုးရက နပ်တယ်”လို့ ဒေါက်တာလီ ပြောလိုက်တဲ့ စကားက မှန်သော စကားပါပဲ။

သူက အာရှဒေသတစ်ခွင်က စာနယ်ဇင်းဆရာတွေကို သူ့ မျက်စိကုဌာနအကြောင်း မိတ်ဆက်ပေးဖို့ ရောက်လာတာပါ။

“ပါ့(ခ်)ဝေး မျက်စိကု ဗဟိုဌာနမှာ အားလုံးက အသစ်ပဲဗျ။ လေထုတောင် အသစ်လို့ ပြောမယ်။ ကိရိယာတွေ၊ စက်တွေ အားလုံးလည်း အသစ်ပဲ။ ကျွန်တော့်ကို ပါ့(ခ်)ဝေးမှာ လာပြီး အလုပ်လုပ်ပေးဖို့ ပြောတော့ အဲဒီ့အချိန်က ပါ့(ခ်)ဝေးရဲ့ ဥက္ကဌ ကြီးက ကျွန်တော်လိုချင်တဲ့ ပစ္စည်းကိရိယာအသစ် အားလုံး ဝယ်ပေးဖို့ သဘောတူတာနဲ့ ကျွန်တော်လည်း သည်ကို ရောက်လာတော့တာပဲ။ အရင်ကတော့ ကျွန်တော်က အစိုးရ အမှုထမ်းပေါ့”

ဒေါက်တာလီက ဆက်ရှင်းပြပါတယ်။ ဟုတ်တော့လည်း ဟုတ်လောက်တယ်။ မျက်စိနဲ့ ပတ်သက်လို့ ကုထုံးတွေက တစ်နေ့တခြား ဆန်းသစ်နေတာ အထင်အရှားပဲ။  လွန်ခဲ့တဲ့ နှစ်ပေါင်း ၃၀ လောက်တုန်းက မျက်စိမှာ တိမ်စွဲရင် ဘာမှ လုပ်လို့ မရတော့ဘူး။ သည်တိုင်း မျက်စိကွယ်သလို ဘဝမှာ နေလိုက်ကြရတော့တာ။ အခုကျတော့ မျက်စိတိမ်ဆိုတာကို အလွယ်တကူ ခွဲစိတ်ကုသလိုက်နိုင်ကြပြီ။ ဖယ်ရှားရှင်းထုတ်ပြီး မျက်စိအတွက် မှန်ဘီလူး အသစ်တွေ ထည့်လာနိုင်ကြပြီ။

သိပ္ပံပညာရဲ့ တိုးတက်မှုက ကျန်းမာရေး စောင့်ရှောက်မှုပိုင်းကို တအားပံ့ပိုးပေးနေပါတယ်။

“နေရာ အတော်များများမှာ လူ့မျက်လုံးဟာ ကင်မရာတစ်လုံးနဲ့ တစ်ထပ်တည်းပါပဲ။ ရှေ့ပိုင်းမှာ မျက်ကြည်လွှာ၊ အလယ်ပိုင်းမှာ မှန်ဘီလူးနဲ့ နောက်ပိုင်းမှာ မြင်လွှာ ရှိတယ်။ မျက်ကြည်လွှာနဲ့ မှန်ဘီလူးက ကင်မရာတစ်လုံးရဲ့ မှန်ဘီလူးအတိုင်းပဲ။ သူတို့ဆီမှာ ရလာတဲ့ အလင်းတွေကို မြင်လွှာဆီ ပို့ပေးတယ်။ ပုံရိပ်ကို ပို့ပေးတာပေါ့။ သည်အခါမှာ မြင်လွှာကနေ ဦးနှောက်ဆီကို အာရုံကြောတွေကတစ်ဆင့် ဆက်ပို့ပေးတဲ့အခါ မျက်စိက မြင်ရတဲ့အတိုင်း ဦးနှောက်က မြင်လာရတာပါ။ ဒါက မျက်စိနဲ့ ပတ်သက်လို့ အကြမ်းဖျင်း ပြောတာပေါ့”

အမှန်တော့ ဒါတွေက ကိုတန်း၊ ဆယ်တန်းကျောင်းသား ဘဝတုန်းက အနည်းအကျဉ်း သင်ခဲ့ရပြီးသား အခြေခံလေးတွေပေါ့။ ဒေါက်တာလီက ပြန်ပြောပြနေတော့လည်း အရင်က သိထားတာလေးတွေ ပြန်နှူးသလို ဖြစ်သွားတာပ။

“လူ့မျက်လုံးက ကမ္ဘာ့အကောင်းဆုံး အော်တိုဖှိုးခပ်(စ်) ကင်မရာပဲဗျ။ အဝေးကြီးကိုရော အနီးလေးကိုပါ ဖျိုးခနဲ ဖျတ်ခနဲ တန်းမြင်နိုင်စွမ်းရှိတယ်လေ။ အဲဒါကို ဘယ်လို လုပ်လဲဆိုရင်တော့ လူ့မျက်လုံးထဲက မှန်ဘီလူးရဲ့ ပုံသဏ္ဌာန်ကို ပြောင်းတဲ့နည်းနဲ့ လုပ်ယူပါတယ်။ မှန်ဘီလူးကို ထိန်းချုပ်နေတာက ကြွက်သားတွေပါ။ အဝေးကို ကြည့်တဲ့အခါ ကြွက်သားတွေက ပြေလျော့ နေတာမို့ မျက်လုံးမှန်ဘီလူးကလည်း ပါးနေပါတယ်။ စာဖတ်မယ်ဆိုတဲ့အခါမှာကျတော့ အဲဒီ့ကြွက်သားတွေက ချက်ချင်းပဲ ကြုံ့ပစ်လိုက်တယ်။ အဲသလို ကြုံ့သွားတာနဲ့ တစ်ပြိုင်နက် မျက်လုံး မှန်ဘီလူးကလဲ ပုံသဏ္ဌာန်အားဖြင့် ဝိုင်းဝိုင်းခုံးခုံးလေး ဖြစ်သွားပါတော့တယ်။ မှန်ဘီလူး ထူသွားတယ်ပေါ့။ အဲတော့ အဝေးကို ကြည့်တဲ့အခါ မှန်ဘီလူးက ပါးနေပြီး အနီးကို ကြည့်တဲ့အခါကျတော့ မှန်ဘီလူးက ထူသွားပါတယ်။ အဲသလို ပြောင်းတာက တစ်စက္ကန့်ရဲ့ အပုံတစ်သန်းပုံ တစ်ပုံလောက်အတွင်းမှာ ပြောင်းလဲတာပါ”

ဒေါက်တာလီက ဆလိုက် ထိုးပြထားတဲ့ ရုပ်ပုံကားချပ်နဲ့ သွက်သွက်လက်လက်ကြီး ရှင်းပြနေပါတယ်။

“ဒါပေမယ့် အသက်ကြီးလာတဲ့အခါကျတော့ ကြွက်သားတွေက အားပျော့လာသလို မျက်လုံးမှန်ဘီလူးတွေကလည်း မာလာတယ်။ အဲတော့ ကြွက်သားတွေက ကောင်းကောင်း အလုပ် မလုပ်နိုင်တော့ဘူး။ မျက်လုံးမှန်ဘီလူးကလည်း မာလာတာမို့ ပုံသဏ္ဌာန် မပြောင်းနိုင်တော့ဘူး။ အဲဒါကြောင့် အသက် ၄၀ ကျော်လာတဲ့ လူတွေဟာ စာဖတ်ရင် မမြင်ရတော့ဘူး။

“ငယ်တဲ့အရွယ်မှာတော့ အားလုံးက ကောင်းကောင်း အလုပ်လုပ်နေတာပေါ့။ ကြွက်သားတွေလည်း ကောင်းကောင်း ကြီး အလုပ်လုပ်နေသလို မျက်လုံး မှန်ဘီလူးတွေက နူးညံ့ ပျော့ပြောင်းနေတာမို့ ဘယ်အချိန် ဘယ်နေရာမှာမဆို ပုံသဏ္ဌာန် ပြောင်းဖို့ ဘာမှ မခက်ဘူး”

ဇရာအကြောင်းကို သူက ပြောနေတာပါ။ အိုခြင်း၊ နာခြင်း၊ သေခြင်း၊ ဘယ်သူမှ ရှောင်လွှဲလို့ မရတဲ့ တရား။ အိုလာတော့ ချို့ယွင်းလာတာပေါ့။

ဒေါက်တာလီက မျက်လုံးကို ကင်မရာနဲ့ နှိုင်းနေရာက ဘောလုံးသင်းနဲ့ ခိုင်းနှိုင်းလိုက်ပြန်တယ်။ ဘောလုံးကို ဝါသနာ မပါလှတဲ့ ကျွန်တော့်အတွက် သူ့စကားတွေက နားထဲက ဘေးချော်သွားလို့ မနည်း အာရုံပြန်စိုက်ရတယ်။

“ကျွန်တော်က မျက်ကြည်လွှာနဲ့ မှန်ဘီလူးကို အထူးပြု လေ့လာခဲ့တာမို့ လဆစ်(ခ်)ဆိုတဲ့ ခွဲစိတ်မှုနဲ့ တိမ်ခွဲတာတွေ အားလုံးကို လုပ်ပါတယ်။”

လဆစ်(ခ်)ဆိုတာ LASIK (laser-assisted in situ keratomileusis) လေဆာနဲ့ မျက်ကြည်လွှာခွဲတာလို့ ပြောလို့ ရမလား မသိဘူး။

“မျက်စိမှုန်တယ်ဆိုတာက လူတိုင်းမှာ ဖြစ်တာပါ။ ကြီးကြီး ငယ်ငယ်၊ ပညာတတ်တတ်၊ မတတ်တတ်၊ ချမ်းသာသာ၊ ဆင်းရဲရဲ၊  စာဖတ်ဖတ် မဖတ်ဖတ်၊ အသက် ၄၀ ကျော်လာတဲ့အခါ လူတိုင်း ခံစားရတဲ့ ဝေဒနာပါပဲ။ စခါစမှာတော့ မျက်မှန်ပါဝါက တစ်ရာ ဒီဂရီပေါ့။ အဲဒါက တစ်နှစ်ကို ဆယ်ဒီဂရီနှုန်းနဲ့ တိုးနေတယ်။ အသက် ၅၀ ကျရင် ၂၀ဝ ဒီဂရီ တပ်မှ မြင်ရတော့တယ်။ ၆၀ ကျရင် ၃၀ဝ ဒီဂရီအထိ ဖြစ်လာတယ်။ ဒါပေမယ့် ဆန်းတာက ၆၀ ကျော်တဲ့အခါကျတော့ ပါဝါ ထပ်မတိုးတော့ပြန်ဘူး။ ၃၀ဝ မှာပဲ တန်းနေတတ်တယ်”

ဒါတွေကျတော့ ကျွန်တော် မသိတာတွေ ဖြစ်နေတယ်။ ဟုတ်သားပါလား။ အခု ကျွန်တော့် စာကြည့်မျက်မှန် ပါဝါက ၂၀ဝ ဖြစ်နေပြီ။ ၅၃ ထဲရောက်လာတဲ့အခါ အဲဒီ့ ၂၀ဝ နဲ့တောင် ကြည့်ရတာ သိပ်အားမရတော့ဘူး။ သူပြောတဲ့ နှုန်းနဲ့ဆို ၂၃၀ လောက်ဖြစ်နေပြီကိုး။ အင်း… ၅၅ နှစ်ကျရင်တော့ ၂၅၀ ပြောင်းတပ်ရပေဦးမှာပေါ့လို့ တွေးနေမိတယ်။

ဒေါက်တာလီက ဆက်ပြောပါတယ်။

“မျက်စိမှုန်တာကို ကုသတဲ့ ဘယ်ကုသနည်းမဆို အဝေးကို လည်း မြင်နိုင်၊ အနီးကိုလည်း မြင်နိုင်အောင် ကုကြရတာပါ။ ဆိုလိုတာက လူအုပ်ထဲက မျက်နှာတွေကို မှတ်မိနိုင်အောင်၊ အဲသလို မှတ်မိနိုင်ရုံသာမက သတင်းစာပါ စာလုံးတွေကိုလည်း ဖတ်နိုင်အောင် ကုသပေးကြရတာဖြစ်ပါတယ်။ သတင်းစာထဲက စာလုံးကို ဖတ်နိုင်အောင်လို့ ပြောတဲ့အခါ ကျွန်တော်တို့ မျက်စိ ကုသတဲ့သူတွေမှာက စံသတ်မှတ်ချက်ရှိတယ်။ ဂျေ-၁၊ ဂျေ-၂၊ ဂျေ-၃ မှသည် ဂျေ-၁၀ အထိပေါ့။ အဲဒီ့ ဂျေနဲ့ ဂဏန်းနံပါတ်တွေက စာလုံး အရွယ်အစားတွေပါ။ ဆိုတော့ မျက်စိမှုန်တဲ့သူတွေကို ကုတယ်ဆိုတဲ့အခါမှာ အဖျင်းဆုံးတော့ ဂျေ-၃ ဆိုတဲ့ အဆင့်ကို ဖတ်နိုင်အောင် ကုသပေးတာဖြစ်ပါတယ်”

မျက်စိမှုန်တာကို ကုပေးတယ်ဆိုလို့ ကျွန်တော်လည်း အာရုံစိုက်မိသွားရပြန်တယ်။ ကျွန်တော်က ၁၃-၄ နှစ်သား ကတည်းက မျက်မှန်တပ်ရတဲ့ အဝေးမှုန်သမား ဖြစ်ပါတယ်။ ကျွန်တော့်မျက်မှန်က အတော်ထူခဲ့တယ်။ တစ်ဖက်က အနုတ် ၄၅၀၊ တစ်ဖက်က အနုတ် ၄၀ဝ အထိ ရှိခဲ့ဖူးပါတယ်။ အသက် ၄၀ ကျော်လာတဲ့အခါ တဖြည်းဖြည်း လျော့လာတာတောင် တစ်ဖက်က ၃၅၀၊ ကျန်တစ်ဖက်က ၃၀ဝ ကျန်သေးတယ်။

ဒေါက်တာလီ ဆက်ပြောတဲ့ စကားက ကျွန်တော့်မှာ ငိုအားထက် ရယ်အားသန်။

“မျက်စိမှုန်တာကို ကုတဲ့အခါ မျက်မှန်တပ်ဖို့ လိုမှာပေါ့ဗျာ၊ ဘိုင်ဖှိုခယ်(လ်) မျက်မှန်ပဲဖြစ်ဖြစ်၊ ဘိုင်ဖှိုခယ်(လ်)၊ မာလထီဖှို ခယ်(လ်) မျက်ကပ်မှန်ဖြစ်ဖြစ် တပ်ခြင်းအားဖြင့် ဖြေရှင်းကြရ တာပေါ့”

ဒါတော့ ဆရာရယ်၊ ဆရာပြောမှလားလို့ ဒေါက်တာလီ့ကို နောက်ချင်စိတ်တောင် ပေါက်သွားတယ်။ မျက်စိမှုန်တာ ကုတယ်ဆိုလို့ စိတ်ဝင်တစား နားထောင်ပါတယ်။ သူက မျက်မှန်တပ်တဲ့နည်းက စပြောလိုက်တာကိုး။ သေဟဲ့ နန္ဒိယလို့ ညည်းရမလိုတောင် ဖြစ်သွားတယ်။

“နောက်ဆုံးပေါ်နည်းကတော့ ခွဲစိတ်ကုသတဲ့နည်းပါ”

ဒါလည်း ကျွန်တော် ကြားဖူးနေတာ ကြာပါပြီ။ ကျွန်တော့်လိုပဲ အဝေးမှုန်ပြီး မျက်မှန်တပ်ရတဲ့ အမေရိကန်နိုင်ငံသား မိတ်ဆွေတစ်ယောက် လွန်ခဲ့တဲ့ ၁၅ နှစ်လောက်က လုပ်ဖူးတယ်။ နောက်ပိုင်းကျတော့ အခြေအနေက ဒုံရင်း ပြန်ရောက်သွားလို့ ဟိုလူ့ခမျာ မျက်ကပ်မှန် ပြန်တပ်၊ နောက်ကျတော့ တစ်ခါ ပြန် ထပ်ခွဲရတာ ကြားလိုက်ရဖူးတယ်။ အမယ်…ခွဲပြီးခါစ သူနဲ့ ကျွန်တော် ပြန်တွေ့တော့ သူက ပျော်လို့။ သူ့တစ်သက်ဖြင့် မျက်မှန်လွတ်ပြီဆိုပြီးတော့ပေါ့။

မျက်မှန်သမားရဲ့ ဒုက္ခကို မျက်မှန် နှစ်ရှည်လများ မချွတ်တမ်း တပ်ဆင်နေရသူတွေမှ သိပါတယ်။ တော်တော့်ကို စိတ်ညစ်စရာကောင်းတာပါ။

အဲတော့ မျက်မှန်လွတ်တဲ့ဘဝဟာ တကယ်ပျော်စရာ ကောင်းတာပါ။ သူ့မပြောနဲ့ မျက်ကပ်မှန် တပ်မိတဲ့ ကျွန်တော်တောင် အတော်ပျော်တယ်။ မျက်မှန်ဒုက္ခက ကင်းဝေးလို့ ပျော်တာပါ။

ဒါပေမယ့် ၄၀ ကျော်လာတော့ မျက်ကပ်မှန်နဲ့ဆို ဒေါက်တာလီ ပြောသလို စာဖတ်လို့ မရတော့ဘူး။ အဲတော့ ကျွန်တော့်အနုတ်ကို အပေါင်းနဲ့ ပြန်ဖြည်ရတယ်။ အထက်မှာ ရေးခဲ့တဲ့ စာကြည့်မျက်မှန် ပါဝါဆိုတာ မျက်ကပ်မှန် တပ်ဆင်ထားတဲ့အချိန်မှာ သုံးတဲ့ မျက်မှန်ပါ။ မျက်ကပ်မှန် ချွတ်ထားတဲ့အချိန်မှာ အဲဒါကို သွားတပ်လိုက်ရင်တော့ ဘာမှ မမြင်ရတော့ဘူး။ မျက်ကပ်မှန် ချွတ်ထားတဲ့အချိန်မှာ အနီးကြည့်က ရှယ်ကောင်း ပဲ။ ဂျေ-၃ သာမက၊ ဂျေ-၁ ဆိုတဲ့ မှုန်မှုန် မွှားမွှားတောင် မြင်တယ်။ အပ်နဖားတောင် ထိုးလို့ရသဗျ။ ဒါပေမယ့် အဲဒီ့အချိန်မှာ ဆယ့်ငါးပေလောက် အကွာအဝေးက လူကို ကျား-မ မကွဲချင်ဘူး။ မျက်နှာကို မှတ်မိဖို့ကတော့ ဝေလာဝေးပေါ့။

မျက်ကပ်မှန်နဲ့ကျ အဝေးကို အကုန်မြင်ရတယ်။ အနီးကြည့်ချင်တော့မှ ဒုက္ခများတာ။ စာကြည့်မျက်မှန် ဘယ်နား ချထားခဲ့မိမှန်း မသိလို့ လိုက်ရှာရတာကိုက အမောသား။ စိတ်က ခပ်ရှည်ရှည် ကျွန်တော်နဲ့တော့ အံကို ကျလို့ပေါ့ခင်ဗျာ။

ဒေါက်တာလီက “အင်ထြာခေါ်”ဆိုတဲ့ နောက်ဆုံးပေါ် မျက်စိမှုန်ခြင်း ကုသနည်းအကြောင်း ပြောမယ်လို့ အစချီလိုက်တဲ့အခါ ကျွန်တော် နားရွက်ထောင်သွားရပြန်တယ်။

“သည်နည်းက အခုမှ မီးဖိုထဲက ထုတ်ခါစ ပူပူနွေးနွေးဗျ။ ဥရောပ ကော်မရှင်က သည်နည်းကို သဘောတူထားတာ တစ်နှစ်လောက်ပဲ ရှိသေးတယ်။ အဲတော့ ဥရောပနိုင်ငံတွေမှာ လုပ်နေကြတာ နည်းနည်းတော့ ကြာပြီပေါ့။ ကျွန်တော်လည်း သူတို့ လေ့လာစူးစမ်းတာတွေ၊ သုတေသနတွေကို စောင့်ကြည့်နေခဲ့ပါတယ်။ အခုတော့ ရလာဒ်တွေ ကောင်းတယ်ဆိုတာ ကျကျနန သိလာရပါပြီ။ ကျွန်တော်တို့ ပါ့(ခ်)ဝေး မျက်စိကု ဗဟိုဌာနမှာလည်း အဲဒီ့နည်းနဲ့ ကုသတဲ့ စက်က ရောက်လာပါပြီ။ စင်္ကာပူနိုင်ငံရဲ့ ပထမဆုံးနဲ့ တစ်လုံးတည်းသော စက်ဖြစ်သလို အရှေ့တောင် အာရှတစ်ခွင်လုံးမှာလည်း ပထမဆုံးနဲ့ တစ်လုံးတည်းသော စက်ဖြစ်ပါတယ်။ အာရှမှာဆိုလည်း ဟောင်ကောင်မှာသာ နောက်တစ်လုံး ရှိပါတယ်”

မြတ်စွာဘုရား… တယ်ပြောနိုင်ပါလား။ အပျံစားစက်တွေနဲ့ သူတို့ ဆေးရုံတွေကို တပ်ဆင်ပေးထားပါတယ်ဆိုတဲ့ အရောင်းမြှင့်တင်ရေး အရာရှိချုပ်ရဲ့ စကားကို ပြန်ကြားယောင်သွားရပါသေးတယ်။

“အင်ထြာခေါ်ဆိုတာက ခေါ်နီယာ (မျက်ကြည်လွှာ)နဲ့ အင်ထြာ – အတွင်းပိုင်းမှာဆိုတဲ့ ဝေါဟာရနှစ်ခုကို ဆက်ထားတာပါ။ အင်ထြာခေါ်လို့ ခေါ်တာက မျက်ကြည်လွှာ အတွင်းပိုင်းကို လေဆာကို အသုံးပြုပြီး ကုသတာမို့ပါ။ သိပ် အံအားသင့်စရာ ကောင်းတာက သည်နည်းနဲ့ ကုသတဲ့အခါ စက္ကန့် ၂၀ ပဲ အချိန် ယူရတယ်။ စက္ကန့် ၂၀ နဲ့ မျက်မှန်ကို တာ့တာလို့ ပြောလိုက်လို့ ရတယ်”

ဟား… တယ်ဟုတ်ပါလား။ ဆက်နားစွင့်မှ…

“ဆရာဝန်နဲ့ တွေ့တာ၊ ခွဲစိတ်ခုတင်ပေါ် လှဲချတာမှသည် အဲဒီ့ကုတင်ပေါ်က လူနာ ပြန်ထတဲ့အထိဆိုရင်တော့ စုစုပေါင်း ငါးမိနစ်လောက် ကြာသပေါ့ဗျာ။ ဒါပေမယ့် မျက်လုံးပေါ်ကို တစ်ခုခု ထည့်လိုက်ပြီးတဲ့နောက် လေဆာနဲ့ ကုသချိန်က စက္ကန့် ၂၀ လေးပဲ ကြာတယ်။

“မျက်ကြည်လွှာရဲ့ အထူက ဝ.၅ မီလီမီတာလောက်ပဲ ရှိတယ်။ ပြီးတော့ အဲဒီ့ မျက်ကြည်လွှာထဲမှာ အလွှာလေးတွေ အမျိုးမျိုးရှိတယ်။ အင်ထြာခေါ်နဲ့ကျတော့ ဘာမှ ခွဲစိတ်တာ၊ ဖြတ်တောက်တာ၊ ဒဏ်ရာရတာတွေ မရှိဘူး။ မျက်ကြည်လွှာထဲမှာ အင်မတန် သေးငယ်တဲ့ လေပူဖောင်းလေးတွေ ဖြစ်သွားအောင် လေဆာက အသွင်ပြောင်းလိုက်တယ်။ သိပ်ကို မြန်တာ။ မျက်ကြည်လွှာအဝိုင်းအတိုင်း အထဲကနေ အပြင်ကို ပူဖောင်းကွင်း တစ်ကွင်း၊ နှစ်ကွင်း၊ သုံးကွင်း၊ လေးကွင်း၊ ငါးကွင်းဆိုပြီး လုပ်ပေးလိုက်ရင် ပြီးပြီ။ အဲဒီ့ လေပူဖောင်းလေးတွေက မျက်ကြည်လွှာရဲ့ ပုံသဏ္ဌာန်ကို ပြောင်းပစ်လိုက်တယ်။ မျက်ကြည်လွှာလေး မသိမသာ ပိုခုံးလာအောင် လုပ်လိုက်တာပေါ့။

“အဲသလို ခုံးသွားတော့ မျက်လုံးမှန်ဘီလူးရဲ့ ပါဝါက ပြောင်းသွားပြီလေ။ ပြောင်းသွားတော့ အနီးကို လွယ်လွယ်ကူကူ မြင်လာနိုင်တယ်။ ချစ်စရာကောင်းတာက ဒါက တကယ့်ကို အဆင့်မြင့် နည်းပညာဖြစ်နေတာမို့ တိကျတယ်၊ ပြီးတော့ ဘာ ခွဲတာ စိတ်တာမှ မပါတာပဲ။ ဒါ့အပြင် မျက်လုံးထဲကို ဘာ မှန်ဘီလူး၊ ဘာ တခြားပစ္စည်းမှ ထည့်စရာ မလိုတာပဲ။ နာလည်း မနာသလို ပုံမှန်ပြန်ဖြစ်တာလည်း အင်မတန်မြန်တယ်။ သည်နေ့ လုပ်၊ နက်ဖြန်ဆို စာဖတ်နိုင်ပြီ၊ လေ့ကျင့်ခန်းလုပ်နိုင်ပြီ၊ ရေကူး နိုင်ပြီ အမျိုးသမီးတွေဆို မျက်ဝန်းအလှတွေ ဘာတွေတောင် ခြယ်သနိုင်ပါပြီ။ လုပ်နိုင်ဆို ဘာဒဏ်ရာမှမှ မရှိတာကိုး”

တယ်ဟုတ်ပါလား။ ဒေါက်တာလီကလည်း အပြောကောင်း၊ နည်းပညာကလည်း အံ့မခန်း။ အံမယ်မင်း… ကျွန်တော် တော်တော် စိတ်ပါလာတယ်။

“အဲတော့ လူနာက ကျွန်တော့်ဆေးခန်းကို လာ၊ မျက်မှန် လွတ်ချင်ပြီဆရာ၊ လဆစ်(ခ်)လုပ်ရမလား၊ အင်ထြာခေါ်လုပ်ရမလားလို့ လာပြီး ပြမယ်ဆိုရင် ကျွန်တော်တို့က လိုအပ်တဲ့ စစ်ဆေးမှုတွေ လုပ်ရလိမ့်မယ်။ အဲဒါက စုစုပေါင်း နှစ်နာရီ၊ သုံးနာရီလောက်တော့ ကြာတယ်။

“ဆိုတော့ စာပြော ပြောမယ်ဆိုရင်ဗျာ၊ နိုင်ငံခြားသားတွေအနေနဲ့က မနက်ကို လေယာဉ်စီးပြီး စင်္ကာပူကို ရောက်လာ၊ ညနေဆို အင်ထြာခေါ်နဲ့ ကုလို့ရပြီ။ တစ်ခါတလေတော့ ကျွန်တော်က တစ်ရက်လောက် စောင့်ချင်တတ်တယ်။ ကုပြီးပြီဆို နောက်တစ်ရက်၊ တတိယမြောက်နေ့မှာ ကျွန်တော်နဲ့ နောက်တစ်ခါ ထပ်ပြန်တွေ့ပြီး ပြန်စစ်ဆေး၊ စစ်ဆေးပြီးတာနဲ့ ဆေးခန်းကနေ လေယာဉ်ကွင်း တန်းသွားပြီး ကိုယ့်နိုင်ငံ ကိုယ် တန်းပြန်လို့ ရတာပေါ့။ ဘာဒဏ်ရာမှ မရှိတော့ လေယာဉ်ပေါ် တန်းတက်လို့ ရတာပေါ့။

“ခွဲစိတ်ခုတင်ပေါ်က ဆင်းတာနဲ့ ချက်ချင်းတော့ ကြည်ကြည်လင်လင် မမြင်နိုင်သေးဘူး။ မျက်ကြည်လွှာထဲမှာ လေပူဖောင်းလေးတွေ ဖြစ်နေတာကိုး။ ဒါပေမယ့် နှစ်နာရီကနေ သုံးနီရီအတွင်းမှာ မျက်ကြည်လွှာက အဲဒီ့လေပူဖောင်းလေးတွေကို စုပ်ယူလိုက်တော့ လေပူဖောင်းတွေ ပျောက်သွားပြီး မျက်ကြည်လွှာလေးပဲ ခုံးပြီး ကျန်ခဲ့တယ်။ အဲတော့ ကောင်းကောင်း ပြန်မြင်ပြီပေါ့”

ကျွန်တော် သဘောတွေ ကျနေတယ်။ ဒါပေမယ့် ဒေါက် တာလီ ဆက်ပြောတဲ့ ကုန်ကျစရိတ် ကြားရတော့ ကျနေတဲ့ သဘောက ဖုတ်ခနဲ တာဝတိံသံကို ခုန်တက်သွားတယ်။ အဲဒီ့ အင်ထြာခေါ်နဲ့ ကုသမယ်ဆိုရင် မျက်လုံးတစ်ဖက်ကို စင်္ကာပူ ဒေါ်လာ သုံးထောင် (အမေရိကန် ဒေါ်လာ ၂,၁၄၅)တဲ့ ခင်ဗျ။
လေယာဉ်စရိတ်၊ ဟိုမှာ နှစ်ညအိပ် သုံးရက်နေစရိတ်၊ ဘာညာနဲ့ဆိုရင် အံမယ်မင်း… ချွေချွေတာတာ သုံးဦးတောင် မြန်မာငွေ သုံးဆယ့်ငါးသိန်းလောက်တော့ ကုန်မယ်။ မျက်ကပ် မှန်တပ်တာ တစ်သောင်းခွဲ မကုန်ဘူး။ ဒါက မင်းကြိုက်စိုးကြိုက်၊ သူကြွယ်ကြိုက်၊ ကျွန်တော်တို့လို လက်လုပ်လက်စား ကာလသားများနှင့် လားလားမျှ မထိုက်။

နောက်မှ သိရတာက ကျွန်တော်လည်း လုပ်လို့ မရပါဘူး။ ကျွန်တော်က အဝေးမှုန်သမား။ သည်နည်းနဲ့ မရဘူးတဲ့။ သည်နည်းက တစ်သက်လုံး မျက်စိမမှုန်ဘဲ ၄၀ ကျော်မှ စာဖတ်လို့ မရတဲ့သူများအတွက်သာ လုပ်နိုင်တဲ့ နည်းဆိုပဲ။

အဲတော့ ကျွန်တော်နဲ့ ဘာမှ မဆိုင်တော့ဘူး။ ပျော်လိုက်တာ။ ဟေဟေဟေ့ဟေ… ဆိုပြီး သစ်တောက်ငှက်ကာတွန်း ရုပ်လေးလို ဟစ်ကြွေးလိုက်ချင်သွားရတယ်။
သို့သော် အစားကောင်း စားရင် ချစ်သူကို သတိရတယ် ဆိုသလိုပဲ ၄၀ ကျော်မှ မျက်စိမှုန်ရှာတဲ့ အိမ်က ဇနီးသည်ကို လုပ်ပေးရင် ကောင်းမလားလို့ စဉ်းစားတယ်။ ကျွန်တော့်အတွက် ကျွန်တော့်ဇနီးက ၃၅ သိန်းမက တန်ပါတယ်ဗျာ…နော့။

ဒါနဲ့ သူ့ ပြောကြည့်တော့ သူက ခေါင်းတွင်တွင်ရမ်းတယ်။

“တော့်ဟာ လုပ်ပြီး သိပ်မကြာခင် ကျုပ်သေသွားတော့ နှမျောစရာ”တဲ့ဗျား။ အဲဒါလည်း ဟုတ်တာပဲ။ သိန်းသုံးသောင်းလောက် ချမ်းသာနေရင်တော့လည်း သည်လောက်က အရေးလား။ အခုတော့ သိမ်းထားတဲ့ ငွေသုံးသောင်းလောက်ကလေးနဲ့၊ ကျွန်တော်မို့ မတန်မရာ တွေးရဲတယ်။

စပျစ်သီး ချဉ်ချင်စရာ အကွက်ကို ဒေါက်တာလီကပဲ ဖြည့်စွက်ပေးပါတယ်။

“ဥရောပက ရလာတဲ့ ရလာဒ်တွေအရတော့ အင်ထြာခါ် နည်းနဲ့ ကုပြီးတဲ့အခါ ဂျေ-၃ အဆင့်နဲ့ အထက်ကို ရလာတာ ၉၇.၆ % ရှိပါတယ်။ ရာနှုန်းပြည့်တော့ ကျွန်တော်တို့ အာမ မခံနိုင်ဘူး။ လူအမျိုးမျိုးဆိုတော့ ပြန်ကောင်းပုံ၊ ပြန်သက်သာပုံက ကွဲပြားနိုင်သေးတာကိုး။ ဒါပေမယ့် ၉၇ % ဆိုတာတော့ တော်တော့်ကို ကောင်းတယ်လို့ ပြောနိုင်တယ်။ ဆိုလိုတာက ဆယ်ယောက်မှာ ကိုးယောက်ကတော့ ဂျေ-၃ အဆင့်ကို ကောင်းကောင်း ဖတ်နိုင်သွားကြမှာပေါ့”

ကျေးဇူးကြီးလိုက်တာ ဒေါက်တာလီရယ်။ ကိုယ့်ရှိစု မဲ့စုလေးနဲ့ အချစ်ဆုံး မယားလေး မျက်စိတစ်ဖက် ပြန်ကောင်းရေးအတွက် သွားလုပ်၊ ဆယ်ယောက်မှာ ကိုးယောက် စာရင်းထဲ မပါဘဲ တစ်ယောက်စာရင်းထဲ ပါသွားတော့မှ… အံမယ်မင်း လင်ရော မယားရော ရင်ကျိုးပြီး စလုံးမှာ ခေါင်းချလိုက်ရမှ အခက်…

ဒါက စပျစ်ပင်ပေါ် မော့ကြည့်တဲ့ မြေခွေးရဲ့ အတွေးပါ။ စပျစ်ပင်ပေါ် တက်ထိုင်ပြီး အခိုင်လိုက်၊ အပြွတ်လိုက် လွေးနိုင်တဲ့ ရှဥ့်လေးတွေအတွက်ကျတော့လည်း စပျစ်သီးက ချိုမြနေမှာပါလေ။

မည်သို့ပင်ဆိုစေ၊ ကျွန်တော် မတတ်နိုင်သော်ငြား၊ တတ်နိုင်သူများအတွက်တော့ ဒါမျိုးက လုပ်ကောင်းတယ် မှတ်တာပဲ။ ဟုတ်တယ်လေဗျာ၊ ၃၅ သိန်းလောက် အကုန်ခံလိုက်တာနဲ့ စာကြည့်မျက်မှန် တပ်နေစရာမလိုဘဲ သတင်းစာကောင်း ကောင်းဖတ်နိုင်မယ့်ဟာပဲ။

သို့သော် ဒေါက်တာလီ အတိအလင်း ထည့်ပြောမသွားတာ တစ်ကွက် တော့ရှိတယ်။ သို့သော် သူ့စကားထဲမှာတော့ ပါသွားတယ်။ ဥရောပမှာ လုပ်ခဲ့တာ တစ်နှစ်ပဲ ရှိသေးတယ်။ ရလာဒ် ၉၇.၆ % ဆိုတာလည်း မှန်တယ်။ သို့သော် ငါးနှစ်အကြာမှာ အဲဒီ့ အင်ထြာခေါ်နဲ့ ကုသထားသူတွေရဲ့ အခြေအနေက ဘယ်လိုရှိမလဲ။ အဲဒါကို ဒေါက်တာလီ ပြောမသွားဘူး။ မပြောဆို သူလည်း သိသေးပုံ မရဘူး။

အားလုံးက စောင့်ကြည့်အဆင့်ပဲ။

ခွဲစိတ်နည်းနဲ့ မျက်မှန်လွတ်အောင် ကြိုးစားခဲ့တဲ့ အမေရိကန် သူငယ်ချင်းကို ကျွန်တော် ဖျတ်ခနဲ သတိရမိလိုက်ပြန်ပါတယ်။

အားလုံးတွေးဆ ဆင်ခြင်ကြည့်နိုင်ကြပါစေ
ဆူဒိုနင်
(ရန်ကုန် – ၂၉၀၇၁၀)

၂၀၁၀ ပြည့်နှစ် စက်တင်ဘာလထုတ် အနာမယ (Wellness) မဂ္ဂဇင်းမှာ ဖော်ပြထားတာကို ထပ်ဆင့် တင်ဆက်လိုက်တာပါ။

What men and women like and the first encounter

ပထမဆုံး ချစ်တင်းနှောတဲ့ အတွေ့အကြုံကို ရရှိလာအောင် လှုံ့ဆော်တဲ့ အင်အားဟာ အချစ်လည်း ဖြစ်ချင်ဖြစ်နိုင်တယ်၊ တပ်မက်မှု သက်သက်ကြောင့်လည်း ဖြစ်ချင်ဖြစ်နိုင်တယ်၊ ဒါမှမဟုတ် စူးစမ်းလိုစိတ် သက်သက်ကြောင့်လည်း ဖြစ်ချင်ဖြစ်နိုင်ပါတယ်။

ဘယ်လိုပဲဖြစ်ဖြစ်၊ အဲလို ပထမဆုံးအကြိမ်မှာတော့ ယောကျာ်းရော မိန်းမပါ အတော်များများအတွက်က စိုးရိမ်ပူပန်နေမှာ၊ တောင့်တောင့်ကြီး ဖြစ်နေမှာလည်း သဘာဝပါပဲ။ ဒါ့အပြင် ပေါ်ထွန်းလာတဲ့ ရလာဒ်နဲ့ ပတ်သက်လို့လည်းပဲ စိတ်ပျက်လက်ပျက်ကြီး ဖြစ်ရတတ်ပြန်ပါသေးတယ်။ စိတ်ပျက်ရဆို ကိုယ်မျှော်လင့်ထား၊ စိတ်ကူးယဉ်ထားခဲ့တာနဲ့ မတူဘဲ ပထမဆုံး အတွေ့အကြုံက အီလည်လည်နိုင်နေတတ်တာကိုး။

ဆက်ဖတ်လိုက သည်ကို ကြွ > > > http://nookycontent.wordpress.com/

New Book Published

မနေ့က ကျွန်တော့်ရဲ့ စာအုပ်သစ်တစ်အုပ် စတင် ဖြန့်ချိလိုက်ပါတယ်။ Lettwebaw Books ဆိုတဲ့ ကျွန်တော့်ရဲ့ သည်ဘလော့(ဂ်)ကို ဖတ်နေကျ ပရိသတ်များအတွက်တော့ ၀ယ်ဖတ်ဖို့ လိုချင်မှ လိုပါလိမ့်မယ်။ အကြောင်းက အဲဒီ့ ဘလော့(ဂ်) စဖွင့်ချိန်မှသည် ၂၀၀၉ ခုနှစ် စက်တင်ဘာလ (၁၀)ရက်နေ့အထိ တင်ထားခဲ့သမျှ blog posts များ၊ pages များ အားလုံးကို comments များနဲ့တကွ စုစည်းပြီး ပုံနှိပ်ထုတ်ဝေလိုက်တာမို့ပါ။ ရည်ရွယ်တာကတော့ အင်တာနက်တွေ၊ ဘလော့(ဂ်)တွေနဲ့ အလှမ်းဝေးနေဆဲ မြန်မာပြည်တစ်နံတစ်လျားက စာဖတ်ပရိသတ်များအတွက်ပါပဲ။ ဘလော့(ဂ်) ပရိသတ်တွေထဲမှာလည်း ကွန်ပျူတာ ဖန်သားပြင်ပေါ်မှာ ဖတ်ရတာထက် စာအုပ်လှန်ရတဲ့ အရသာ၊ သွားလေရာ သယ်သွားရင်း ဖတ်ချင်တဲ့အချိန်မှာ ဖတ်နိုင်တဲ့ အရသာ၊ အိပ်ရာပေါ်မှာ လဲလျောင်းရင်း စာဖတ်ရတဲ့ အရသာတွေကို ခံစားလိုသူများ ရှိနေသေးတယ်ဆိုပါရင် အဲဒီ့စာအုပ်ကို ၀ယ်ယူ ဖတ်ရှု အားပေးတော်မူနိုင်ကြပါလိမ့်မယ်။

စာအုပ်ရဲ့ အရွယ်အစားက ၂၀.၅ x ၁၃ စင်တီမီတာ (ဆယ်ချိုးဆိုက်) ရှိပြီး စာမျက်နှာ စုစုပေါင်း ၂၉၀ (၂၉ ဖောင်) ပါဝင်ပါတယ်။ ရောင်းဈေးက ကျပ် ၃၀၀၀ ဖြစ်ပါတယ်။ ရန်ကုန်မြို့မှ တစ်အုပ်ချင်း မှာယူလိုသူများအနေနဲ့ Novel Light ဖုန်း – ၃၉ ၁၁ ၈၆ / ၀၉ ၅၀ ၈၀ ၈၅၀ ကို ဖုန်းဆက် မှာယူနိုင်ကြောင်းပါခင်ဗျား။

The Trouble of Being a Woman 2 – Part III

နွေဆိုတဲ့ အမျိုးသမီး ရေးလာတဲ့ စာနဲ့ ပတ်သက်လို့ မဂ္ဂဇင်းက တစ်ဆင့် ပြန်လည်ဖော်ပြဖို့ ကျွန်တော် ကြိုးစားပေမယ့် မအောင်မြင်ခဲ့ပါဘူး။ ရှေ့က ဖော်ပြခဲ့တဲ့ အပိုင်း(က) နဲ့ အပိုင်း (ခ) က မဂ္ဂဇင်းမှာ ဖော်ပြဖို့အတွက် ကျွန်တော် ရေးထားခဲ့တာတွေပါ။ မအောင်မြင်တဲ့အတွက် ဆက်မရေးဖြစ်ခဲ့ပါဘူး။ အခု အပိုင်း(ဂ)မှာတော့ မနွေဆီ ကျွန်တော် ပြန်ကြားခဲ့တဲ့စာရဲ့ မိတ္တူကို ပြန်လည်ဖော်ပြပေးလိုက်ပါတယ်။

ပထမဆုံးက မနွေက မနွေရဲ့ ခင်ပွန်းကို မိန်းမကျမ်းကျေသူလို့ ရေးထားပါတယ်။ မနွေရဲ့ စာအရ သူဟာ မိန်းမကျမ်းကျေသူတစ်ဦး မဟုတ်တာတော့ တအား သေချာပါတယ်။ သူဟာ သူလိုငါလို ယောက်ျားတစ်ယောက်သက်သက်ပါ။ သူလိုငါလို ယောက်ျားမို့လို့သာ ချစ်တင်းနှောရင်းနဲ့,,,

ဆက်ဖတ်လိုက သည်ကို ကြွ >>> http://nookycontent.wordpress.com/2010/08/17/01/

မိန်းမဖြစ်ရတဲ့ ဒုက္ခ (၂) – အပိုင်း (ခ)

အမျိုးသမီးများအတွက် နောက်ပိုင်းဇာတ်က ပဓာန မဟုတ်ပါ။ အလွယ်ဆုံး ပြောရလျှင် မိန်းမသားများအတွက် ချစ်တင်းနှောခြင်းကို လိုချင် တောင့်တကြသည် မှန်သော်လည်း ယင်းမှာ ယောက်ျားသားများ ကဲ့သို့ အဲဒါမှ မရလျှင် သေရမလောက် ကိစ္စမျိုးကြီး ဖြစ်မနေပါ။

အမျိုးသမီးတွေအတွက် အလိုအပ်ဆုံးမှာ ကြင်နာယုယမှုနှင့် နွေးထွေးမှုပင်ဖြစ်ပါသည်။ အလွယ်ဆုံး ပြောရလျှင် ချစ်တင်းနှောခြင်းကို ယောက်ျားသားတွေက ကိုယ်ခန္ဓာဖြင့် ခံစားကြသည် မှန်သော်လည်း အမျိုးသမီးများကမူ “နှလုံးသားဖြင့်” ခံစားလိုကြပါသည်။ အဲဒါကို ကို ရွှေယောက်ျားတိုင်း နားလည်ထားသင့်ပါသည်။

စသဖြင့် ပါဝင်သော မိန်းမဖြစ်ရတဲ့ ဒုက္ခ (၂) – အပိုင်း (ခ) ကို ဆက်လက် တင်ဆက်ထားပါတယ်။ စိတ်ပါဝင်စားသူများ http://nookycontent.wordpress.com မှာ သွားရောက် ဖတ်ရှုတော်မူကြပါကုန်။

The Trouble of Being a Woman 2: Part One

“အခု နှစ်ပိုင်းတွေကျတော့ ဘာဖြစ်တယ်မသိဘူး။ သူ ဇာတ်သိမ်းတာ အလွန်စောပါတယ်။ သူက ကျွန်မထက် ခြောက်နှစ်လောက်ကြီးတော့ သူ့အသက်က လေးဆယ်ကျော်စပေါ့။ ကျန်းမာရေးဆောင်းပါးထဲတွေ့ရတဲ့ ပန်းသေပန်းညှိုးရောဂါက သည်အသက်အရွယ်မှာ စဖြစ်ပြီလား ဆရာ။ တစ်ဦးနဲ့ တစ်ဦးတော့ ဘယ်လိုမှ မတူနိုင်ဘူးပေါ့လေ။ ဒါပေမယ့် သူ တကယ်ကို မစွမ်းတော့တာပါ။ သူ့အလုပ်က အလုပ်ခွင်မှာ ပင်ပန်းပေမဲ့ လစာပြည့် နားချိန်နဲ့မို့ နားချိန်မှာ ဘာမှ ပင်ပန်းစရာ၊ စိတ်ညစ်စရာ မရှိပါဘူး။ အရင်က စတုတ္ထံပိနိုင်သူက အခုကျတော့ တစ်ကြိမ်တောင် အနိုင်နိုင်ဖြစ်လာတယ်”

အိမ်ထောင်ရှင် အမျိုးသမီးတစ်ယောက်ရဲ့ ရင်ဖွင့်စာလေးကို http://nookycontent.wordpress.com/2010/08/13/18/ မှာ တင်ပေးထားပါတယ်။ စိတ်ပါဝင်စားသူများ သွားရောက် ဖတ်ရှုတော်မူကြပါကုန်။

May you show a gesture of goodwill!

စေတနာလေးများ ထားစေချင်

ဆူဒိုနင်

အခုတလော ဂျာနယ်တွေမှာ လူအတော်များများ ရေးလို့ ကောင်းနေကြတဲ့ စာလုံးတစ်လုံးအကြောင်းကို မနေနိုင် မထိုင်နိုင် ပြောချင်လာရပါတယ်။

တခြားတော့ မဟုတ်ပါဘူး။ “အီလစ်”ဆိုတာကြီးပါပဲ။  ပြောချင်ဆို အဲဒီ့ အသံထွက်က သွက်သွက်ခါအောင် မှားနေတာကိုးခင်ဗျ။ ဟိုလူကလည်း အီလစ်၊ သည်လူကလည်း အီလစ်နဲ့၊ တအီတည်း အီ၊ တစ်လစ် တည်း လစ်နေကြတာမို့ ငါများ မှားနေသလားဆိုတဲ့ အတွေးနဲ့ ကျွန်တော့်ခမျာလေးမှာလည်း ရှိရှိသမျှ အဘိဓာန်ပေါင်းစုံက သဒ္ဒဗေဒတွေကို မွှေနှောက်ကြည့်ရသေးတဲ့အပြင် ကွန်ပျူတာနဲ့ ကြည့်ရတဲ့ အဘိဓာန် သုံးမျိုးနဲ့လည်း ကွန်ပျူတာကို အသံထွက်ခိုင်းပြီး နားဆင်ကြည့်လိုက်မိရပြန်ပါသေးတယ်။

ဘယ်အဘိဓာန်ရဲ့ သဒ္ဒဗေဒ၊ ဘယ်အဘိဓာန်က ထွက်ပြတဲ့ အသံမှ မအီလည်း မအီသလို မလစ်လည်း မလစ်တာ တွေ့တော့မှ သည်စာကို ရဲရဲကြီး ချရေးမိရတော့တာပါပဲ။

အခု အီလစ်လို့ အသံထွက်နေကြပုံက တစ်ခေတ်တစ်ခါက နာမည်ကျော်ခဲ့တဲ့ ဇာတ်လိုက်မင်းသမီးကြီးကို “အဲလစ်ဇဘက် တေလာ”လို့ အသံထွက်ပုံနဲ့ ခပ်ဆင်ဆင်လို့ ပြောနိုင်ပါတယ်။ ဘယ်အင်္ဂလိပ်စကား ပြောသူကမှ အဲဒီ့မင်းသမီးကြီးကို “အဲလစ်ဇဘက်”လို့ မခေါ်သလို လတ်တလော ဗြိတိသျှဘုရင်မကြီးကိုလည်းပဲ “အဲလစ်ဇဘက် ဘုရင်မကြီး” [ခွီး(န်) အဲလစ် ဇဘက်]လို့ မခေါ်ပါဘူးခင်ဗျား။

သို့ပေမယ့် ဘယ်ရွှေဉာဏ်ရှင်က စတင်ပြီး အသံဖလှယ်လိုက်သလဲတော့ မသိဘူး။ မင်းသမီးကြီးရော ဘုရင်မကြီးပါ ရွှေတို့ ပါးစပ်ထဲ ရောက်တော့မှ မူလနာမည်မှာ “အဲ” မပါဘဲ တအဲအဲနဲ့ အခေါ်ခံနေကြရရှာလေတော့တယ်။ [သူတို့ကလည်း မြန်မာကို “မိုင်အဲ(န်)မား”တို့၊ သန်းကျော်ကို “သှယ်(န်)ခိုင်အော်”တို့ ဖတ်ကြတော့ ကျေရောပေါ့လို့ တွေးမယ်ဆိုလည်း တွေးနိုင်ပါတယ်နော့။] အမယ်… တချို့က မအဲဘဲ အယ်ပြီးတော့ “အယ်လစ်ဇဘက်”လို့ လုပ်တာ ရှိသေးတယ်။

တကယ်တော့ ဘယ်ဘာသာစကားမှာဖြစ်ဖြစ် အသံနေအသံထား၊ အသံ အဖိ အဖော့ဆိုတာ ရှိပါတယ်။ မြန်မာလိုဆိုရင်ဖြင့် ဂရုသံ၊ လဟုသံ စသဖြင့်ပေါ့ခင်ဗျာ။ ဆိုကြပါစို့… “ဓန”ဆိုတဲ့ မြန်မာဝေါဟာရကို ဖတ်ရာမှာ နောက်က နငယ်သံကိုသာ ဖိပြီး ဖတ်ကြပါတယ်။ ဘယ်သူကမှ ပထမ အက္ခရာ ဓအောက်ချိုက်အသံကို ဖိမဖတ်ပါဘူး။ ဓအောက်ချိုက်သံကိုသာ ဖိဖတ်ရင် /ဒါ့နာ့/လို့သာ ဖြစ်သွားမှာမို့ ဘယ်မြန်မာမှလည်း “ဓန”ကို ပြောနေမှန်း မသိနိုင်ပါဘူး။

ရထားဆိုလည်း သံမှန်က ဒုတိယစာလုံး “ထား”ကိုသာ ဖိဖတ်ပါတယ်။ ဒါပေမယ့် မွန်တလိုင်းသံ ဝဲတဲ့ အောက်ပြည်အောက်ရွာ မော်လမြိုင်နယ်က လူတွေ ဖတ်ရင်တော့ ရထားကို /ယာ့ထား/လို့ ဖတ်ကြတာ အကြားရများပါတယ်။ သူတို့က ရှေ့ဆုံးက ရကောက်ကို ဖိပြီး ဖတ်တတ်ကြတာကိုး။ သံလျင်ကို တညင်လို့ ဖတ်တဲ့အခါမှာလည်း ဒုတိယစကားလုံး “ညင်”ကိုသာ ဖိဖတ်တာမို့ /တညင်/လို့ အသံထွက်ပါတယ်။ ပထမစကားလုံးဖြစ်တဲ့ တဝမ်းပူကိုသာ ဖိဖတ်ရင်တော့ သံလျင်ခမျာမှာလည်းပဲ /တာ့ညင်/ဖြစ် သွားပါလိမ့်မယ်။ အဲသလိုသာ ဖတ်လို့ကတော့ ဘယ်မြန်မာကမှလည်း သန်လျင်ကို ပြောနေမှန်း ရိပ်စားမိတော့မှာကို မဟုတ်တော့ပြန်ဘူး။

Elizabeth ဆိုတာလည်း ရေးတော့သာ ရှေ့ဆုံးမှာ “အီး” ရှိနေတာ၊ အသံထွက်ရာမှာ ဖိရမယ့် အသံကကျတော့ “လစ်(ဇ်)”မှာ ကျရောက်တာမို့  မင်းသမီးကြီးကို ချစ်စနိုးနဲ့ “လစ်(ဇ်) တေလာ”လို့သာ အဲဒီ့ခေတ်က စာနယ်ဇင်းတွေမှာ ရည်ညွှန်းခဲ့ကြပါတယ်။ ဘယ်သူကမှ “အဲ” တေလာလို့ မရည် ညွှန်းခဲ့တာလည်း အထင်အရှားပါပဲ။

အဲတော့ Elizabeth ရဲ့ တကယ့်အသံထွက်အမှန်က “အလစ်ဇ ဘက်(သ်)”သာ ဖြစ်ပါတယ်။ အဲဒီ့ “အလစ်”ကို ဖတ်ရာမှာ အလစ်ချောင်းတာ၊ အလစ်သုတ်တာတို့ကို ဖတ်သလိုပဲ /အလစ်/လို့သာ ဖတ်ရမှာ ဖြစ်ပါတယ်။

အခုတော့ ဘယ်ရွှေဉာဏ်ရှင့် လက်ချက်လဲတော့ မသိဘူး။ အဲဒီ့ လစ်(ဇ်)များ ခမျာမယ် ရွှေတွေ့ပါးစပ်ထဲမှာ တအဲလစ်တည်း အအဲလစ်ခံ နေကြရရှာပါတော့တယ်။ ကျွန်တော်ပေါင်းသလို အလစ်ဇဘက်(သ်)လို့ မပေါင်းချင်ဦးတောင် အနည်းဆုံး “အလစ်ဇဘက်”လောက် လုပ်ရင်ကို တော်တော်လေး နီးစပ်နိုင်ပါလျက်ကနဲ့ ဘယ်လို စေတနာကန်းမှုမျိုးနဲ့ “အဲ”ချလိုက်ကြမှန်းလည်း တွေးမရနိုင်ပါဘူး။

အခုလည်း လုပ်နေကြပြန်ပြီ။ အီလစ်တဲ့။ အဲဒါလည်း စာလုံးပေါင်းက elite ပါ၊ élite လို့လည်း တချို့က ပေါင်းပါတယ်။ ဘယ်လိုပဲ ပေါင်းပေါင်း သူလည်း အလစ်ဇဘက်(သ်)လိုပဲ ပထမဆုံးက “အီး”သံကို လဟုသံ (သံဖော့) ထားပြီး ဖတ်ရတဲ့ ဝေါဟာရ ဖြစ်ပါတယ်။ နောက်က lite ကိုပဲ ဂရုသံ (သံပြင်း)နဲ့ ဖတ်ရပါတယ်။ ဒါကြောင့် “အီလစ်”ဆိုတဲ့ အသံထွက်မှာ “အီ”ဆိုတာ ပထမ အလွဲပါ။

ဒုတိယအလွဲက lite ကို သည်ဝေါဟာရအတွက် အသံထွက်ပုံပါ။ အဲဒီ့ဝေါဟာရက သူ့ချည်းဆိုရင် light နဲ့ အသံထွက်ချင်း တူတဲ့ /လိုက်(ထ်)/ပါ။ ဒါပေမယ့် élite မှာတော့ အဲသလို မထွက်တော့ပါဘူး။  /လိ(ထ်)/လို့သာ ထွက်ပါတော့တယ်။ လစ်(ထ်) (lit) မဟုတ်တာတော့ အင်မတန် သေချာပါတယ်။

ဒါ့ကြောင့် elite ကို အသံထွက်ချင်ရင် /အလိ(ထ်)/လို့ အသံထွက်မှ မှန်ပါလိမ့်မယ်။ ဒါမှမဟုတ် élite လို့ ရေးထားတာမို့ ပြင်သစ်ဆန်ဆန်လေး အသံထွက်မယ် ဆိုရင်တော့ /အေလိ(ထ်)/လို့ ထွက်ရမှာပါ။ ဝေါဟာရ သမိုင်း (နိရုတ္တိ) အရ ဆိုလည်း အမှန်စင်စစ် အဲဒီ့ elite ဟာ ပြင်သစ် ဝေါဟာရ élite က လာတာ ဖြစ်ပါတယ်။ တကယ့် မူရင်း ရှေးဟောင်း ပြင်သစ်စကားလုံးက eslit ဖြစ်ပြီး eslire (ရွေးချယ်သည်)ဆိုတဲ့ ကြိယာရဲ့  past participle ပုံစံဖြစ်ပါတယ်။ တကယ့်ဇာစ်မြစ်ကတော့ လက်တင် ဝေါဟာရ eligere ဖြစ်ပါတယ်။

အဲ… နောက်တစ်ခုက အဲဒီ့ အလိ(ထ်)ဟာ အခု လူအတော် များများ ဇန်းတင် သုံးစွဲနေတဲ့ “ရေပေါ်ဆီ” ဆိုသော အနက်အပြင် တခြား အနက်တွေလည်း များစွာ ရှိပါသေးတယ်။ အများစုက မနှစ်မြို့တဲ့ အနက်နဲ့သုံးပေမယ့် အဲဒီ့ အလိ(ထ်)ဆိုတဲ့ ဝေါဟာရကို အကောင်းဘက်ကလည်း အများကြီး သုံးလို့ရတာကို အင်္ဂလိပ်စာ လေ့လာ လိုက်စားနေတဲ့ လူငယ်လေးတွေ သိထားသင့်တယ်လို့ ယူဆမိပါတယ်။

အလိ(ထ်)ကို Merriam-Webster Collegiate  အဘိဓာန်က အောက်ပါအတိုင်း အနက်ပွား ငါးမျိုး ခွဲပေးတားပါတယ်။ (သူက အပြည့်စုံဆုံး ဖွင့်ဆိုပေးထားတာ ဖြစ်တဲ့အပြင် ခေတ်အမီဆုံး အဘိဓာန်ဖြစ်တဲ့အတွက် သည်အဘိဓာန်ကို ကိုးကားခြင်းဖြစ်ပါတယ်။)

(a) the choice part : CREAM
ဒါက အခု အီလစ်၊ အီလစ်နဲ့ အီပြနေကြသူ လူအတော်များများ ပြောတဲ့ “လူ့မလိုင်”ဆိုတဲ့ အဓိပ္ပာယ်ပါပဲ။ သို့သော် မနှစ်မြို့တဲ့ လေသံနဲ့ ခေါ်တာ မဟုတ်ကြောင်းကို အဲဒီ့ အဘိဓာန်ရဲ့ အဲဒီ့ ပထမ ဖွင့်ဆိုချက်မှာ ပါတဲ့ ဥပမာက ထင်ရှားစေပါတယ်။ သူပေးထားတဲ့ ဥပမာက the elite of the entertainment world  ဖြစ်ပါတယ်။  “ဖျော်ဖြေရေး လောကရဲ့ ထိပ်ဆုံးတန်းက လူတွေ”လို့ပဲ ဘာသာပြန်ရမှာပါ။ အပေါ်လွှာတို့၊ ရေပေါ်ဆီတို့ သုံးလိုက်ရင် အောက်ကလိအာသံ ထွက်သွားပါလိမ့်မယ်။ ဒုတိယအနက်ကို အဲဒီ့အဘိဓာန်က သည်လို ဆက်ဖွင့်ထားပြန်ပါတယ်။

(b) the best of a class
သည်မှာကျတော့ လူတန်းစားတစ်ရပ်ရဲ့ အချွန်ဆုံးလူတွေကို အလိ(ထ်)လို့ သတ်မှတ်ကြောင်း ဖွင့်ဆိုထားပါတယ်။ နမူနာကိုတော့ superachievers who dominate the computer elite လို့ ပေးထားပါတယ်။ အဲဒီ့ နမူနာကို အဘိဓာန်က ပေးတာ မဟုတ်ပါဘူး။ ဝေါ(လ်) စထြိ ဂျာနယ်ရဲ့ လျှမ်းလျှမ်းတောက် သတင်းထောက် စာရေးဆရာမ မယ်ရလင်(န်) ချေ့(ဇ်)ရဲ့ သတင်းဆောင်းပါးတစ်ပုဒ်ထဲက ဝါကျပျက်တစ်ခု ကို နမူနာ ထုတ်ထားတာပါ။ မြန်မာလို ပြန်ဆိုရင် “ကွန်ပျူတာလောကက အချွန်ဆုံးတွေကို လွှမ်းမိုးထားတဲ့ ထိပ်တန်းက အောင်မြင်မှုရနေသူများ”လို့သာ ဖြစ်ပါလိမ့်မယ်။ သည်မှာလည်း အောက်ကလိအာသံ လုံးဝ မပါတာကို ဆင်ခြင်သင့်ပါတယ်။

(c) the socially superior part of society
ဒါကတော့ အထက်တန်းလွှာကို ဆိုလိုတာပါ။ ဒါကိုလည်း အေပီ သတင်းဌာနက သုံးခဲ့တဲ့ ဝါကျပျက်နဲ့ပဲ နမူနာပေးထားပြန်ပါတယ်။ how the elite live တဲ့။ ဂုဏ်အရ၊ ပညာအရ၊ ကြွယ်ဝမှုအရ ထိပ်ပိုင်းမှာ ရှိနေသူတွေကို ခြုံပြီး ပြောတာပါပဲ။ နောက်နမူနာတစ်ခုကကျပြန်တော့  အီခနားမစ်(စ်)(ထ်)သတင်းဂျာနယ်ထဲက ကိုးကားထားတာပါ။ how the French-speaking elite was changing  လို့ပေးထားပါတယ်။ “ပြင်သစ် စကားပြောတဲ့ အထက်တန်းလွှာက ပုဂ္ဂိုလ်တွေ ပြောင်းလဲနေပုံ”လို့ ဘာသာပြန်ရင် ဆီလျော်ပါလိမ့်မယ်။

(d) a group of persons who by virtue of position or education exercise much power or influence
ရာထူးအရဖြစ်စေ၊ ပညာတတ်လို့ပဲဖြစ်စေ ဩဇာလွှမ်းမိုးမှု ဒါမှမဟုတ် အစွမ်းတွေ လွှတ်ပြတတ်တဲ့ လူတစ်စုကို အလိ(ထ်)လို့ ခေါ်နိုင်ကြောင်း ဖွင့်ဆိုချက်ပါ။ နမူနာအဖြစ် အဘိဓာန်က ပေးထားတဲ့ စကားစု နှစ်စု ကတော့  members of the ruling elite  (အုပ်ချုပ်ရေးမှာ ဩဇာရှိတဲ့ သူများ) နဲ့   the intellectual elites of the country  (နိုင်ငံရဲ့ ဩဇာရှိ ပညာတတ်များ) ဖြစ်ပါတယ်။

(e) a member of such an elite
ဒါကတော့ အထက်က လူတန်းစားတစ်ရပ်ထဲမှာ ပါဝင်နေသူ တစ်ဦးတစ်ယောက်ကို ဧကဝုစ်အနေနဲ့ သုံးကြောင်း ခွဲပြထားတာပါ။

၁၉၇၄ခုနှစ်ထုတ် Oxford Advanced Learner’s Dictionary, 3rd Editionကို အခြေခံထားတဲ့ မြန်မာစာအဖွဲ့ရဲ့ အင်္ဂလိပ်မြန်မာ အဘိဓာန်မှာတော့ နှိမ့်ချပြောဆိုတဲ့ (derogatory)အနက်များကိုသာ ဖွင့်ဆိုပေးထားတာ တွေ့ရပါတယ်။ သူ့ထက်ခေတ်မီတဲ့ တခြား Oxford အဘိဓာန်များမှာတော့ ကောင်းတဲ့ ဘက်က သုံးတဲ့ ဖွင့်ဆိုချက်များကိုပါ ထည့်သွင်းထားတာ တွေ့ရပါတယ်။

သည်လောက်ဆိုရင် တချို့တွေ ကွက်ပြီး ပြောနေတဲ့ “လူ့မလိုင်၊ ရေပေါ်ဆီ”ဆိုတဲ့ အဓိပ္ပာယ် တစ်မျိုးတည်းသာမကဘဲ အပြုသဘောဆောင်တဲ့ အသုံးအနှုန်းနဲ့လည်း အလိ(ထ်) သို့မဟုတ် အေလိ(ထ်)ဆိုတဲ့ ဝေါဟာရ ကို သုံးနိုင်ကြောင်း အများသိလောက်ပြီလို့ မျှော်လင့်နေမိရပါတယ်။

ရှင်သန်နေတဲ့ ဘာသာစကား မှန်သမျှဟာ ကာလ ရွေ့လျောတာနဲ့ အညီ အနက်သဘောတွေ ပြောင်းလဲနေတတ်ပါတယ်။ အခြောက်ဆိုတဲ့ ဝေါဟာရဟာ လွန်ခဲ့တဲ့ နှစ်ပေါင်း ၇၀ လောက်က တခြားအနက်နဲ့ တွင်ကျယ်ခဲ့တာပါ။ အခုကျတော့ မိန်းမလျာကို ပြောတာ ဖြစ်သွားပါပြီ။ အလားတူပဲ ဂန်ဒူးဆိုတဲ့ ဝေါဟာရကို မကြားရတာ အတော်ကြာနေပြီလည်း ဖြစ်ပါတယ်။ အင်္ဂလိပ်စကားမှာလည်း gay ဆိုတာကို လွန်ခဲ့တဲ့ နှစ်ပေါင်း ၇၀ လောက်က ပျော်ရွှင်မြူးကြွသောဆိုတဲ့ အနက်နဲ့ သုံးခဲ့ပေမယ့် အခုကာလမှာတော့ မိန်းမလျာကို ဆိုလိုတာမို့ ဘယ်အင်္ဂလိပ်ကမှ မူရင်းအနက်မျိုးနဲ့ မသုံးတော့တာလည်း အမှန်ပါ။

အလိ(ထ်)ကလည်း ကာလ ရွေ့လျောလာတဲ့အခါ တစ်ဖက်သားကို နှိမ်ချတဲ့ အသုံးအနှုန်းကနေ တဖြည်းဖြည်း ပြောင်းလဲနေပြီဆိုတာ အထက်က ဖွင့်ဆိုချက်များအရ ထင်ရှားလို့နေပါတယ်။

အမှားသိပ်ကြာလာတဲ့အခါ အမှန်ဖြစ်သွားမှာစိုးလို့ မနေနိုင်မထိုင်နိုင် ပြောမိတာပါ။

သည်တစ်လုံးတည်းတောင် မဟုတ်ပါဘူး။ တစ်နေ့က ဂျာနယ်တစ် စောင်မှာ ဝါရင့်၊ သမ္ဘာရင့်၊ အသက်ရင့် ပုဂ္ဂိုလ်တစ်ဦးက မဟုတ်တမ်းတရား မြန်မာသံဖလှယ်ပြီး ရေးထားတာတွေ့လိုက်ရပါသေးတယ်။

အဲဒါကျတော့ ကျွန်တော် အင်္ဂလိပ်စာ ကောင်းကောင်းမတတ်ခင် ကလေးဘဝကတည်းက မြန်မာလို အသံထွက်မှန်နဲ့ ဖတ်ခဲ့ဖူးပြီး အင်္ဂလိပ်စကားမှန်းတောင် မသိခဲ့ပါ ဘူး။ မြန်မာစကားလို့တောင် ထင်ခဲ့မိပါတယ်။ နောက်ပိုင်း စာအဖတ်အရှု များလာတော့မှသာ အင်္ဂလိပ်စကားမှန်း၊ အလိ(ထ်)လိုပဲ ပြင်သစ်ဘာသာစကားက ဆင်းသက်လာတဲ့ ဝေါဟာရမှန်း သိလိုက်တာပါ။

အဲဒါကတော့ “ကလီရှေး” ဆိုတာပါပဲ။ အင်္ဂလိပ်လို cliché လို့ စာလုံး ပေါင်းပါတယ်။ ဒါကိုကျ ရှေးကတည်းက အသံဖလှယ်ထားပုံက မှန်နေပါတယ်။ တကယ့် အသံထွက်ကိုက “ကလီရှေး” ဖြစ်ပါတယ်။ အဓိပ္ပာယ်ကတော့ “သုံးဖန်များလွန်းလို့ ဖန်တစ်ရာတေနေတဲ့ လက်သုံးစကား”ဖြစ်ပါ တယ်။ ဆိုကြပါစို့… “မိန်းမ မာယာ သည်းကိုးဖြာ”ဆိုတဲ့ စကားမျိုးဟာ ကလီရှေး ဖြစ်သွားပါပြီ။

ဒါကိုပဲ ဟိုတစ်နေ့က ဂျာနယ်တစ်စောင်မှာ အထက်က ပြောခဲ့တဲ့ ပုဂ္ဂိုလ်ကျော်တစ်ဦးက “ကလီချေ”ဆိုပြီး ထလုပ်လိုက်တာ တွေ့ရတဲ့အခါ ကျွန်တော့်မှာ မျက်လုံးပြူးသွားရပါတယ်။

လူငယ်တွေအပေါ် စေတနာ ကန်းတာပဲလား၊ ထွင်ချင်စိတ် လွန်ကဲသွားပြီး ပမာဒလေခသွားတာပဲလားတော့ သူကိုယ်တိုင်မှပဲ သိပါလိမ့်မယ်။

အင်္ဂလိပ်စကားလုံးတွေကို ထင်သလို အသံထွက်ပြရအောင် ကျွန်တော်တို့အတွက် မိခင်ဘာသာစကားမဟုတ်တာကို လူတိုင်း သတိထားသင့်ကြပါတယ်။ အထူးသဖြင့် စာမျက်နှာပေါ်မှာဖြစ်စေ၊ အများမြင်သာတဲ့ မီဒီယာတစ်ခုခုကဖြစ်စေ ပြောဆို ရေးသား သုံးနှုန်းကြတဲ့အခါ လူငယ်လေးတွေ အမှတ်မမှားစေချင်တဲ့ အနိမ့်ပါးဆုံး စေတနာလေးလောက်တော့ မီဒီယာကို သုံးနေသူ အားလုံးရှိထားသင့်တယ်လို့ ယူဆမိပါတယ်ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
ဆူဒိုနင်
(ရန်ကုန် – ဝ၃၀၇၁၀)

အဓိက ကိုးကားတဲ့ အဘိဓာန်စာရင်း

၁။    Merriam-Webster Collegiate Dictionary, 11th Edition (Both Hard and Soft Copies of Version 3.1)
၂။    Cambridge Advanced Learner’s Dictionary, 3rd Edition  (Both Hard and Soft Copies)
၃။    ပြည်ထောင်စုမြန်မာနိုင်ငံတော် ပြန်ကြာရေးဝန်ကြီးဌာန၊ မြန်မာစာ အဖွဲ့က ထုတ်ဝေတဲ့ အင်္ဂလိပ်-မြန်မာ အဘိဓာန် (Both Hard and Soft Copies)
၎။    The Shorter Oxford English Dictionary on Historical Principles, Third Edition
၅။    Oxford Advanced Learner’s Dictionary, Encyclopedic Edition

[မနေ့က (၂၀၀၀ ပြည့်နှစ် သြဂုတ်လ ၆ ရက်) နေ့စွဲနဲ့ ထွက်လာတဲ့ Bi Weekly Eleven ဂျာနယ်မှာ ဖော်ပြထားတာလေးကို ပြန်လည်တင်ဆက်လိုက်တာပါ။]