About In Laws

တည့်အောင်ပေါင်း ကျောင်းကို ထုတ် ဥပုသ်ရက်ရှည် စောင့်ခိုင်းပါ

လွန်ခဲ့တဲ့ တစ်နှစ်နီးပါးက Mandalay FM မှာ ကျွန်တော့်အစီအစဉ် စတင် ထုတ်လွှင့်ခါစက တင်ဆက်ခဲ့တဲ့ အသံ file ဖြစ်ပါတယ်။ ယောက္ခမ၊ ယောက္ခထီး၊ ယောက်ဖ၊ ယောက်မနဲ့ မကင်းနိုင်ကြတဲ့ လူသားများအားလုံးအတွက် တွေးစရာ တစ်စုံတစ်ခု ရသွားလိမ့်မယ်လို့ ထင်မိပါတယ်ဗျာ။ နားဆင်တော်မူကြည့်ကြပါဦး။

Please don’t cry when I die

မှာပါရစေ၊ ပြောပါရစေ

(၁)

ကိုယ်သေရင် မငိုနဲ့

ပါးစိုရုံ ရှိမှာပေါ့။

သပိတ်မသွတ်နဲ့

လွတ်ပြီးသား ကျွတ်ပြီးသား။

ထမင်းမထုပ်နဲ့

သိုးစာ၊ ပုပ်စာ၊ ဖြုန်းတီးစာ။

အိုးမခွဲနဲ့ အိုးမလို

ဘာကိုမှ ကိုယ်မစွဲဘူး။

အပွင့်အခက် ယူမသွားနဲ့

ပြန်လိုက်ရမယ့်အစား မဟုတ်ဘူး။

ရက်လည်၊ လလည်၊ နှစ်လည်

ဘာကိုမှ မလည်နဲ့

သံသရာကြီးမှာ လည်ခဲ့သူ။

(၂)

ကိုယ်သေရင် မငိုနဲ့

ကြိုကြိုပြီး သေထားသူ။

“ဘုရားရှင်ရဲ့ ဂုဏ်တော်”ကို

မြတ်နိုးပူဇော်ရင်း

အကြိမ်ကြိမ် အသေရင်းထားသမို့

မရဏမင်းဆီ ပျော်ပျော်သွားမှာ။

ပြီးတော့ ဆက်ပြောပါရစေ…

သာသနာ၊ စာပေ၊ ပရဟိတ

လုပ်လက်စတွေကို ဆက်လုပ်ဖို့

ဟောဒီ ချစ်ရတဲ့ မိခင်မြေကို

ပြန်လာခဲ့မယ် မုချ။

ဒီတော့ ကိုယ်သေရင် မငိုနဲ့

ဖြေသာစမ်းပါ၊ ပြုံးစမ်းပါ။

လူသာဆုံးတာ ကျန်တာ မရှုံးဘူး

မှာခဲ့ပြီ၊ ပြောခဲ့ပြီနော်၊ ဒါပါပဲ။

မိုးဟိန်း (သားဂျာနယ်ကျော်) (၁၉၄၂-၂၀၁၀)

၁၃၇၂ ခုနှစ် ၀ါဆိုလပြည့် ဓမ္မစကြာနေ့မှာ နောက်ဆုံးရေးခဲ့တဲ့ ကဗျာ

(၂၀၁၀ပြည့်နှစ် သြဂုတ် ၂၀ ရက်ထုတ် Bi Weekly Eleven ဂျာနယ်၊ အတွဲ ၃ အမှတ် ၂၁ ဖော်ပြပါရှိခဲ့ပါတယ်။)

ဆရာမိုးဟိန်း ၂၀၁၀ ပြည့်နှစ် စက်တင်ဘာ ၂၃ ရက် မနက် ၉ နာရီမှာ အေးချမ်းစွာ ကွယ်လွန်သွားခဲ့ပါတယ်။ ဆရာဝန်ကြီးနဲ့ စကား အေးအေးဆေးဆေး ပြောတယ်။ ပြီးတော့ ဟောလစ်တစ်ခွက်သောက်ပြီး ခဏ မှိန်းနေရင်းက လူ့လောကကြီးထဲက အေးချမ်းစွာ ထွက်ခွာသွားခဲ့ပါသတဲ့။

သည်ကဗျာလေးကို ကျွန်တော့်ဇနီး ဆရာမိုးဟိန်းအိမ်က အပြန်မှာ ယူလာတဲ့ လက်ကမ်းစာလေးမှာ ဖတ်ရတာပါ။ သဘောကျလိုက်တာ။ ပန်းချီရေးတဲ့၊ စာရေးတဲ့ ဆရာမ မသိင်္ဂီက အဖော်ခေါ်လို့ ကျွန်တော့်ဇနီး အဲဒီ့ကို ပါသွားတာ။ ဆရာမိုးဟိန်းရဲ့သား ဦးမိုးသန့်က ဆရာမ မသိင်္ဂီကို ပြောလိုက်သတဲ့။ ဆရာမိုးဟိန်းက သူ့အမေရေးခဲ့တဲ့ သူ့အဖေအကြောင်း “သူလိုလူ”ကို အင်္ဂလိပ်ဘာသာကို ပြန်ဆိုနေတာ ခရီးအတော်ပေါက်နေလျက်ကနဲ့ ဆရာမ မသိင်္ဂီ ပြန်ဆိုနေမှန်း သိသွားတာနဲ့ “ပြန်ပါစေလေ”ဆိုပြီး အလျှော့ပေးခဲ့ပါသတဲ့။ မြင့်မြတ်လိုက်တဲ့ ဆရာ့ နှလုံးသား။ ဆရာမ မသိင်္ဂီက မချိတင်ကဲ ပြန်ပြောပြတာပါ။ ဆရာမ မသိင်္ဂီက သည်စကားကို ကျွန်တော့်ကို တိုက်ရိုက်ပြောပြပြီး ဆရာမိုးဟိန်းရဲ့ ပြည့်ဝတဲ့ နှလုံးသားကို လူအများသိအောင် လုပ်ပေးဖို့ အကူအညီတောင်းခဲ့လို့ ပြန်လည် လက်ဆင့်ကမ်း တင်ပြလိုက်တာဖြစ်ပါတယ်။

ဆရာ မိုးဟိန်းကို လူချင်း အပြင်မှာ တစ်ခါပဲ ဆုံဖူးတယ်။ စကားတောင် မပြောခဲ့ဖူးပါဘူး။ “သူလိုလူ”ကို ဘာသာပြန်ခဲ့တဲ့ ဆရာမ မသိင်္ဂီကို ဆရာမိုးဟိန်းက ဂုဏ်ပြုတဲ့ ပွဲ (အင်္ဂလိပ်-မြန်မာ နှစ်ဘာသာ ကျွမ်းကျင်တဲ့ ဆရာမိုးဟိန်းကတောင် မသိင်္ဂီရဲ့ ဘာသာပြန်အပေါ် ကျေနပ်ခဲ့တာလေးကို ပြခဲ့တဲ့ ပွဲ) မှာပေါ့။  ဒါပေမယ့် သူ့ကဗျာတွေနဲ့ ရင်းနှီးနေတယ်။ “လူသာ ဆုံးတယ် ကျန်တာ မရှုံးဘူး”လို့ ဆရာက ကျွန်တော်တို့ကို မှာသွားခဲ့ပါတယ်။ ကျွန်တော်တို့လည်း တစ်နေ့မှာ ဆုံးရမှာပါ။ သို့သော် ဆရာ့လို ကျန်တာတွေ မရှုံးအောင်တော့ ကျွန်တော်တို့တွေ အများကြီး ကြိုးစားရပါလိမ့်ဦးမယ်။

A Post on Facebook

I agree the system must be corrected. The mentality of doctors must also be reoriented. Medicine is for service, not for money or power. Some Burmese take medicine for money. That’s wrong. It’s a humane profession, not a trade. (Dr. Maung Maung Nyo)

11 hours ago · · ·

Caesar Min, Chan Myae Khine, Nay Htut Shwe and 2 others like this.

    •  

      Atta Kyaw 

      ဆရာ Shan Gyi (S Htet Aung) ရဲ့ Facebook Post မှာ အသက် ၇၁ နှစ်ရှိပြီ ဖြစ်တဲ့ ဆရာဝန် စာရေးဆရာကြီး ဒေါက်တာ မောင်မောင်ညို ရေးထားတဲ့ မှတ်ချက်ကို ကူးယူ ဖော်ပြလိုက်တာပါ။ ဆရာ ရှမ်းကြီးက “ဆရာဝန်တွေကို အပြစ် မမြင်သင့်၊ စနစ်ကိုသာ ပြင်”ဆိုပြီး တင်လိုက်တဲ့အခါ ဆရာ မောင်မောင်ညိုက “အဲဒါ တစ်စိတ်တစ်ပိုင်းပဲ မှန်တယ်။ စနစ်ကို ပြင်ရမယ် ဆိုတာကို လက်ခံပါတယ်။ ဆရာဝန်တွေရဲ့ စိတ်တွေကိုလည်း ပြင်ရမယ်။ ဆေးပညာဟာ ၀န်ဆောင်မှုပေးဖို့ ဖြစ်တယ်၊ ပိုက်ဆံတို့၊ သြဇာတို့ ထူထောင်ဖို့ မဟုတ်ဘူး။ တချို့မြန်မာတွေက ပိုက်ဆံအတွက် ဆေးပညာ သင်ကြတယ်။ အဲဒါမှားတယ်။ ဆေးပညာဆိုတာ ကရုဏာအလုပ်ပါ။ စီးပွားရေးလုပ်ငန်း မဟုတ်ဘူး”လို့ ဆရာကြီး ဒေါက်တာ မောင်မောင်ညိုက ပြောလိုက်တာပါ။
      11 hours ago · · 10 people
    •  

      Thant Zaw Right ……..  

      7 hours ago · ·
    •  

      Hnin Sandar Admire.. Sayar gyi Dr. Maung Maung Nyo..  

      4 hours ago · ·
    •  

      Nyi Ma Lay ဟာ… တကယ်လေးစားပါတယ် ဒေါက်တာမောင်မောင်ညိုကို ။ ပို့စ်ကို တင်ပေးတဲ့ ဆရာ့ကိုလည်း လေးစားပါတယ် ဆရာ ။ဆရာ တင်ပေးမှ သိရတာပါ။  

      4 hours ago · ·
    •  

      Caesar Min Saya Kyaw, I think service and money is partly related each other 🙂  

      2 hours ago · ·
    •  

      Nyi Aung Chan” ဆေးပညာဆိုတာ ကရုဏာအလုပ်ပါ။ စီးပွားရေးလုပ်ငန်း မဟုတ်ဘူး” ဒေါက်တာမောင်မောင်ညိုရဲ့ စကားကို ကိုးကားပြီးမေးကြည့်မယ်နော်… private hospital တွေကို ဘယ်လိုမြင်ကြလဲမသိဘူး… အမြင်လေးတွေ သိချင်လို့ပါ….  

      about an hour ago · ·
    •  

      Atta Kyaw 

      ကျန်းမာရေး ခရီးသွားလုပ်ငန်း (health tourism industry)ဆိုတာတောင် အာရှမှာ တအား ထွန်းကားနေပြီမို့ ဆေးပညာနဲ့ စီးပွားရှာတာ မဆန်းပါဘူး။ စီးပွားရေးသမားက စီးပွားရေး အလုပ်လုပ်မှာပေါ့။ သန်း ကုဋေပေါင်းများစွာ ရင်းနှီးပြီး လုပ်နေတဲ့ ဆေးရုံကြီးတွေ အာရှမှာ အများအပြား ရှိပါတယ်။ တစ်ခုပဲ၊ သူတို့က customer care, customer service, customer focus စတာတွေကို ဒိုးလိုမွှေ ရေလိုနှောက်ပြီး ကျိုသောက်ထားကြတယ်။ သန့်ရှင်းရေး ၀န်ထမ်းက အစ ပါရဂူ ဆရာဝန်ကြီး အဆုံး အားလုံးသော ၀န်ထမ်းများရဲ့ မျက်နှာတွေက ချိုကြတယ်။ လာတဲ့ လူနာကို customer အဖြစ် ဆက်ဆံတယ်။ ပေးရတဲ့ ပိုက်ဆံ တန်တယ်ထင်အောင်၊ ပေးချင်အောင် လုပ်ကြတယ်။ service ရဲ့ သဘောကို နားလည်တယ်။ သူ့ထက်ငါ အပြိုင်အဆိုင် လုပ်နေရတဲ့ အချိန်မှာ ပုဂ္ဂလိက ဆေးရုံများဟာ နာမည်တစ်လုံးကို အသေထိန်းကြတယ်။ နာမည်ပျက် မခံရစေရေးအတွက် အမှားအယွင်း အတိမ်းအစောင်း နည်းနိုင်သမျှ နည်းအောင် လုပ်ကြတယ်။ မှားခဲ့ရင်လည်း customer ကျေနပ်အောင် အင်တိုက်အားတိုက် ဖိဖိစီးစီး လုပ်ပေးကြပါတယ်။ အဲလို ဆေးရုံတွေက ပါရဂူ ဆရာဝန်ကြီးတွေဟာ ကျင့်ဝတ်နဲ့ မညီညွတ်တဲ့ hypermedicalisation ကို ရှောင်ကြတယ်။ ဆိုလိုတာက ဓာတ်ခွဲခန်းက ဝေစုပေးမယ့် ပိုက်ဆံကို မျှော်ကိုးပြီး လူနာကို လိုလို မလိုလို အကုန် လျှောက်စစ်ခိုင်းတာမျိုး မလုပ်ကြပါဘူး။ (hypermedicalisation ဆိုတဲ့ ဝေါဟာရကို သတိပြုကြစေလိုပါတယ်။ ဆေးပညာ ဘောင်ဝင်အောင် ပြောကြစတမ်းဆိုရင် အကုန်လုံး ဘောင်ဝင်ပါတယ်။ ယာဉ်ထိန်းရဲလိုပေါ့။ ယဉ်ထိန်းရဲတွေသာ စာအုပ်ကြီးအတိုင်း လုပ်ရင် လမ်းပေါ်မှာ သွားနေသမျှ ကားတွေ အကုန်လုံး အပြစ်တစ်ခုမဟုတ် တစ်ခုနဲ့ ဖမ်းလို့ရပါတယ်။) အာရှရဲ့ ထိပ်တန်း ဆေးရုံ ၁၀၀ စာရင်း (http://hospitals.webometrics.info/top100_continent.asp?cont=asia) မှာ ရွှေအမြုတေ ဦးဝင်းငြိမ်း သွားသွား ကုနေတဲ့ ပုဂ္ဂလိက ဆေးရုံ Bumrungrad Internacional Hospital က အဆင့် ၄၅ မှာ ရှိနေပါတယ်။ ကမ္ဘာ့အဆင့်အနေနဲ့ အဲဒီ့ဆေးရုံဟာ အမှတ်စဉ် ၅၀၁ မှာ ရှိတယ်။ အဲဒီ့စာရင်းမှာ ဗီယက်နမ်က ဆေးရုံတစ်ရုံဟာ အမှတ်စဉ် ၉၅ မှာ ရှိနေတယ်။ အဲဒီ့ site မှာ ကမ္ဘာ့အဆင့် ၂၀၀၀ အထိ တန်းဝင်တဲ့ ဆေးရုံတွေကို ဖော်ပြထားပါတယ်။ ကျွန်တော်တို့ အခြေအနေက ဘယ်နားမှာလဲ။ ဘာတွေကို ကျွန်တော်တို့က ရေးကြီးခွင့်ကျယ် လုပ်သင့်သလဲ။ ယနေ့ ဆေးကျောင်းဆင်းတွေရဲ့ အခြေအနေကရော နိုင်ငံတကာ စံနဲ့ဆိုရင် ဘယ် အခြေအနေမှာ ရှိသလဲ။ အားလုံး သိပါတယ်။ 

      သေချာတာတစ်ခုကတော့ ကျွန်တော်တို့ချင်း ရန်ဖြစ်နေ၊ အငြင်းပွားနေ၊ စကားများနေရမယ့် အချိန် မဟုတ်တော့ပါဘူး။ ကျွန်တော်တို့ အားလုံး ကိုယ်နိုင်တဲ့ နည်းလမ်းနဲ့ ကိုယ်လုပ်နိုင်တာကို ကြိုးကြိုးကုပ်ကုပ် လုပ်ရမယ့် အချိန်ပါ။ ငါ့ပညာ အဆင့်မမီဘူး၊ အဲဒီ့အတွက် ဟိုဟာ၊ သည်ဟာကို လက်ညှိုးထိုး ဆင်ခြေပေးမယ့်အစား အဆင့်မီလာအောင် ငါ့ဘက်က ဘာလုပ်နိုင်မလဲ ဆိုတာကို တွေးပြီး အလုပ်လုပ်ကြသင့်တယ်လို့သာ မြင်ပါတယ်။

      about an hour ago · · 4 people Chaw Chaw Po, Nyi Ma Lay and 2 others like this. ·
    •  

      Chan Myae Khine triple like!  

      58 minutes ago · ·

Statement on Criticisms

ဝေဖန် ဆွေးနွေးချက်များနဲ့ စပ်လျဉ်းတဲ့ သဘောထား ကြေညာချက်

ကျွန်တော့်စာများအပေါ် တုံ့ပြန် ဝေဖန် ဆွေးနွေးချက်များ အားလုံးကို ကြိုဆိုပါတယ်။ လက်လှမ်းမီသမျှ တလေးတစားလည်း ဖတ်ပါတယ်။

စာရေးသူတစ်ဦးအနေနဲ့ စာဖတ်သူများဆီက တုံ့ပြန်ဝေဖန်ချက်ကို လိုလိုချင်ချင် တောင်းဆိုပြီး မရအရ လုပ်ယူခဲ့တာ မြန်မာပြည်မှာ ကျွန်တော် တစ်ယောက်သာ ရှိသေးတယ်လို့ ယူဆပါတယ်။ ကျွန်တော့်ရဲ့ “သားငယ်တို့ နားလည်ဖို့၊” “ဟစ်သာငိုတော့ ချစ်တိုင်းပြည်”နဲ့ “မီးငယ်တို့ အသြွိကယ်ဖို့” စာအုပ်များနဲ့ ကျွန်တော့် စာအုပ်တိုက်က ထုတ်တဲ့ ဆရာမောင်ဝဏ္ဏရဲ့ “သူလိုကိုယ်လို မောင်ဝဏ္ဏ” စာအုပ်များရဲ့ အဆုံးမှာ စာဖတ်သူများဆီက တုံ့ပြန်ချက်ကို ဖိတ်ခေါ်ထားတဲ့ ပုံစံစာရွက်ငယ်များ အတိအလင်း ပါရှိခဲ့ပါတယ်။

ကျွန်တော့်စာအုပ် သုံးအုပ်ရဲ့ ပုံစံစာရွက်မှာဆိုရင် အဲသလို တုံ့ပြန် ဝေဖန်ချက် ပြန်ပို့ပေးသူများဆီကို ကျွန်တော့်တိုက်ထုတ် စာအုပ် တစ်အုပ်စီ ပြန်လက်ဆောင် ပေးမယ်ဆိုတဲ့ ကတိကဝတ်နဲ့ကို တုံ့ပြန်ချက်တွေ များများ ပြန်လာအောင် လှုံ့ဆော်ယူခဲ့တာပါ။

ဒါ့အပြင် ကျွန်တော့်ကို တိုက်ရိုက်ဆက်သွယ်နိုင်တဲ့ လိပ်စာ၊ တယ်လီဖုန်းနံပါတ်၊ ဓာတ်ချောလိပ်စာ စတာများကို မဂ္ဂဇင်းတွေက တစ်ဆင့် ဖော်ပြခဲ့တာ ၂၀ဝ၀ ပြည့်နှစ်ကတည်းက ဖြစ်သလို ကျွန်တော့်စာအုပ်တိုက်က ထုတ်သမျှ စာအုပ်တိုင်းမှာလည်း အတိအလင်း ပါရှိပါတယ်။ (အဲသလို မိမိကို တိုက်ရိုက်ဆက်သွယ်နိုင်တဲ့ ဖုန်းနံပါတ်ကို လူသိရှင်ကြား ထည့်ပေးတဲ့ စာရေးသူဆိုတာဟာလည်း လက်ချိုးရေမယ်ဆိုရင်တောင် လက်တစ်ဖက် မပြည့်ချင်ဘူးဆိုတာ အားလုံး အသိပါ။)

စာဖတ်သူစစ်စစ်များရဲ့ တုံ့ပြန် ဝေဖန်ချက်ကို ကျွန်တော် အမှန် တန်ဖိုးထားလို့၊ လိုချင် မက်မောမိလို့ အခုလို ဆောင်ရွက်ခဲ့တယ်ဆိုတာ အထူးပြောနေဖို့ တောင် မလိုပါဘူး။

အဲသလို တုံ့ပြန်ဝေဖန်ချက်တွေထဲမှာ မှတ်သား နာယူစရာ ပါရင် မှတ်သား နာယူပါတယ်။ ကျွန်တော် မှားနေကြောင်း ထောက်ပြထားတာဟာ အမှန်တကယ် မှားနေပါလားလို့ ကျွန်တော့် သိစိတ်လိပ်ပြာက လက်ခံရင် ကျွန်တော်မှားပါကြောင်း လူသိရှင်ကြား ဝန်ခံဖို့ တစ်စက်မှ ဝန်မလေးပါဘူး။ ဝန်လည်း ဝန်ခံခဲ့ဖူးတဲ့ သာဓကတွေ ရှိပါတယ်။ (တစ်ခါတလေများမှာ မလွှဲသာလွန်းလောက်အောင် သက်ဆိုင်ရာ စာစောင်များက အတင်းအကြပ် ဖိအားပေးလာခဲ့လို့ မှားပါတယ်လို့ အခြောက်တိုက် တောင်းပန်ခဲ့ရဖူးတဲ့ သာဓကတွေလည်း ရှိခဲ့ဖူးပါတယ်။)

ပုဂ္ဂိုလ်ရေး ထိုးနှက် တိုက်ခိုက်မှုမျိုးတွေ၊ ကျွန်တော် ဆွေးနွေးတဲ့ ပင်မ အကြောင်းအရာကို မဟုတ်ဘဲ ကျွန်တော့်စာထဲက ဝါကျတစ်ကြောင်း၊ စာတစ်ပိုဒ်ကိုသာ အကျ ကောက်ပြီး ဝေဖန် ဆွေးနွေးတာမျိုးတွေဆိုရင်တော့ ဘာမှ ဖြေရှင်းနေစရာ မလိုဘူးလို့ ယူဆတဲ့အတွက် ဘာကိုမှ ပြန်ပြောမှာ မဟုတ်ပါဘူး။ တစ်ခါတစ်ရံများမှာ တချို့သော အချက်အလက်တွေက အခြေအနေ အချိန်အခါနဲ့ အကြောင်းကြောင်းကြောင့် ပြောဖို့ မသင့်လှတာမျိုးတွေ ဖြစ်နေလို့ ရေငုံနေလိုက်ရတာမျိုးတွေလည်း ရှိပါတယ်။

သေချာတာတစ်ခုကတော့ တုံ့ပြန် ဝေဖန် ဆွေးနွေးချက်များ အားလုံးကို ကြိုဆိုနေတာပါပဲ။ ကျွန်တော် အင်မတန် အရေထူပါတယ်။ ပျဉ်းမနား မဟာမြိုင် တောရဆရာတော်ရဲ့အဆိုအမိန့်တစ်ခုကို မှတ်သားမိပြီးတဲ့ နောက်မှာ ပိုလို့တောင် အရေထူလာပါသေးတယ်။ ဆရာတော်က မိန့်ကြားခဲ့ပါတယ်။

“သူများပါးစပ်လှုပ်တိုင်းသာ ကိုယ်က လိုက်လှုပ်နေမယ်ဆိုရင် ကိုယ့်ဘဝဟာ သူများပါးစပ်ထဲမှာပဲ နစ်မွမ်းသွားလိမ့်မယ်”တဲ့။

ကျွန်တော့်ဘဝကို ဘယ်သူ့ ပါးစပ်ထဲမှာမှ အနစ်မွမ်းမခံနိုင်ပါဘူး။ ကျွန်တော့်ကြမ္မာကို ကျွန်တော်သာ ဖန်တီးနိုင်ပါတယ်။ သတ္တဝါမှန်သမျှ ကံစီမံတဲ့ လမ်းကြောင်းအတိုင်း သွားကြရတာပါ။ အဲဒီ့ကံဆိုတာက အဲဒီ့ သတ္တဝါ ပြုတဲ့ ကာယကံ၊ ဝစီကံ၊ မနောကံလို့ ကျွန်တော် ယုံကြည်ပါတယ်။

ကျွန်တော့် ကာယကံ၊ ကျွန်တော့်ဝစီကံ၊ ကျွန်တော့် မနောကံ မှန်နေအောင် အတတ်နိုင်ဆုံး ကြိုးစားနေပါတယ်။ မှားသွားရင် ဝန်ချပါမယ်၊ တောင်းပန်ပါမယ်။
ကျွန်တော့်ရဲ့ မြန်မာစာ ကျူရှင်ဆရာတစ်ဦး ဖြစ်ခဲ့ဖူးလေတဲ့ ဆရာ ဦးမျိုးအောင် (ယနေ့ ဇာတ်ညွှန်းဆရာကျော် ငြိမ်းမင်း) က ၁၉၇၅ ခုနှစ်လောက်ဆီက ရေးခဲ့ဖူးတယ်။ “ဘဝအခင်း၊ လမင်းနေမင်း၊ အဆင်းအတက်၊ အဖျက်အပြု၊ အတု အစစ်၊ အချစ်အမုန်း၊ ကိုယ့်နှလုံးကို၊ စာလုံးလေးတွေ ပြောလိမ့်မယ်”တဲ့။

အမှန်ကတော့ ဆရာငြိမ်းမင်းတင် မဟုတ်ပါဘူး။ လူတိုင်းရဲ့နှလုံးသားထဲမှာ ဘာရှိတယ်ဆိုတာကို သူ့နှုတ်က ထွက်တဲ့စကား၊ သူ ချရေးလိုက်တဲ့ စာတွေက ရောင်ပြန် ဟပ်လို့ နေပါတယ်။ ဖုံးထား၊ ဖိထားလို့ ဘယ်လိုမှကို မရနိုင်ပါဘူး။ တစ်နေရာမဟုတ် တစ်နေရာမှာတော့ ငေါငေါကြီး ပေါ်လာတတ်စမြဲပါပဲ။ “စကားထဲက ဇာတိပြ”ဆိုတဲ့ မြန်မာစကားကြီးလည်း အထင်အရှား ရှိပါတယ်။

သည်တော့ကာ ကျွန်တော် ရေးတဲ့ စာတွေကတစ်ဆင့် ကျွန်တော့် ဇာတိကို သိနိုင်သလို ကျွန်တော့်အပေါ် တုံ့ပြန် ဝေဖန် ဆွေးနွေးကြတဲ့ စာတွေထဲက ပြနေတဲ့ ဇာတိတွေကလည်း သူ့ဟာနဲ့သူ ရှိနေမှာပါ။

ဖန်တရာ တေနေတဲ့ စကားကို အပ်ကြောင်း တစ်ခါ ထပ်ပြရရင်တော့ လူဆိုတာ ကိုယ့်သမိုင်း ကိုယ်ရေးနေကြသူချည်းပါပဲ။ သို့သော် ကျွန်တော်ကတော့ အဲဒီ့သမိုင်းကိုတောင် သိပ်စိတ်မဝင်စားပါဘူး။

ကျွန်တော် စိတ်ဝင်စားတာက သေငယ်ဇောနဲ့ မျောနေချိန်၊ နောက်ဆုံး ထွက်သက်ကို မှုတ်ထုတ်လိုက်ချိန်မှာ ကျွန်တော့်လိပ်ပြာလေး ကြည်လင်သန့်စင်နေဖို့သာ ဖြစ်ပါတယ်။ အဲဒီ့အချိန်မှာ စုတေစိတ်ကလေး တည့်မတ်နေအောင် အခု နေရသခိုက်လေးမှာ ဘယ်သူ့အပေါ်မှာမှ အကုသိုလ်စိတ် မထားမိအောင် အတတ်နိုင်ဆုံး ကြိုးစားလျက်ပါ။ သတိထားလျက်ပါ။

သည်အတွက် ကျွန်တော်နဲ့စပ်လျဉ်းပြီး ပုဂ္ဂိုလ်ရေးပဲ တွယ်တွယ်၊ နှစ်ပြားမတန်အောင်ပဲ ပြောပြော၊ ကြိုက်တဲ့သူက ကြိုက်သလို ရေးနိုင်၊ ပြောနိုင်ပါတယ်။

ကျွန်တော့်ကို ဆဲတယ်ဆိုရင်တောင်မှ အဲလို ဆဲဖို့ တစ်ဖက်သားမှာ သူ့အချိန်ထဲက တချို့တဝက်ကို ကျွန်တော့်အတွက်သက်သက် တခုတ်တရ ဖဲ့ပေးလိုက်တာကို တွေးမိတာနဲ့တင် ကျေးဇူးတင်လို့က မဆုံးနိုင်တော့ပါဘူး။

ဒါကြောင့် ကျွန်တော်နဲ့ ပတ်သက်ပြီး ရေးသမျှကို လှိုက်လှိုက်လှဲလှဲ ကြိုဆိုပါတယ်။ ကျေးဇူးလည်းတင်ပါတယ်။ ရေးလာသမျှ အားလုံးကိုလည်း လက်လှမ်းမီသလောက် တလေးတစားဖတ်ရှုလျက်ရှိပါကြောင်း အတိအလင်း မြွက်ဟ ကြေညာအပ်ပါတယ်ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
(၁၄၀၁၀၇)

ရေးခဲ့တဲ့ နေ့စွဲက ၂၀၀၇ ခုနှစ် ဇန်န၀ါရီလ ၁၄ ရက်နေ့ပါ။ ဖော်ပြခဲ့တဲ့ ဂျာနယ်က ၂၀၀၇ ခုနှစ် ဇန်န၀ါရီ နောက်ဆုံးပတ်မှာ ထုတ်ဝေတဲ့ လျှပ်တစ်ပြက် ဂျာနယ် ဖြစ်ပါတယ်။  အချိန်ကာလအားဖြင့် သုံးနှစ်ကျော်သွားပါပြီ။ ကျွန်တော်နဲ့ ပတ်သက်လို့ ရေးကြသားကြသမျှအပေါ် ထားရှိတဲ့ ကျွန်တော့်သဘောထားကတော့ မပြောင်းပါဘူးခင်ဗျား။

One Forward Mail

ရောက်လာပြန်တဲ့ လက်ဆင့်ကမ်း ဓာတ်ချောစာတစ်စောင်

ကျွန်တော့်ဆီကို လက်ဆင့်ကမ်း ဓာတ်ချောစာတစ်စောင် ၀င်လာပါတယ်။  အင်တာနက်ပေါ်မှာ ပျံ့သွားအောင် ကူညီ ဆောင်ရွက်ပါလို့လည်း တောင်းဆိုထားလေရဲ့။ ဟုတ်ကဲ့… ကူညီ ဆောင်ရွက်ပေးလိုက်ပါတယ်ခင်ဗျား။

အရာတိုင်းမှာ ဘက်ပေါင်းစုံဆိုတာ ရှိပါတယ်။ အမြင်တိုင်းမှာ မတူညီတဲ့ ရှုထောင့်တွေ အများကြီးလည်း ရှိနိုင်ပါတယ်။

ကြုံဖူးတဲ့ ဖြစ်ရပ်ကလေး နှစ်ခုနဲ့တင် အဲဒါလေးကို နမူနာ ပြလိုက်ချင်ပါတယ်။ ကုလသမဂ္ဂ အဖွဲ့အစည်းတစ်ခုက ကြီးမှူးကျင်းပတဲ့ နှစ်ပတ်တာ ကျန်းမာရေး သင်တန်းတစ်ခုမှာ သက်ပြည့် အငြိမ်းစား ဆရာဝန်ကြီးတစ်ဦးနဲ့ ဆုံပါတယ်။ အဲဒီ့ဆရာဝန်ကြီးက ဆေးမကုဘဲ ရုံးအလုပ်တွေသာ အများဆုံး လုပ်ခဲ့ရတဲ့ ဆရာဝန်ကြီး ဖြစ်ပါတယ်။ သူက ကျွန်တော့်ကို ဘယ်သူဘယ်ဝါမှန်း သိသွားချိန်မှာ ယဉ်ကျေးစွာ ရန်တွေ့ပါတယ်။ ကျွန်တော်က ဆရာဝန်တွေကို မကောင်းမြင်နေတာ ဖြစ်ကြောင်း၊ သတိလစ်သွားရင်တောင်မှ အကုမခံတော့ဘဲ အသေခံသွားမယ်လို့အထိ ကျွန်တော် ရေးထားတာကို ဖတ်လိုက်ရကြောင်း၊ တကယ် အနစ်နာခံ၊ ကိုယ်ကျိုးစွန့် စေတနာထားနေသူ ဆရာဝန်တွေလည်း ရှိကြောင်း ပြောပြပါတယ်။

ကျွန်တော်ကလည်း ဆရာပြောတာကို ကျွန်တော် ခြွင်းချက်မရှိ လက်ခံပါကြောင်း ပြောခဲ့ပါတယ်။ သို့သော် လူတွေနဲ့ ဖွဲ့စည်းထားလေတဲ့ ဘယ်လောကမှာ မဆို လူကောင်းတွေ ရှိသလို လူဆိုးတွေလည်း ရှိတာဟာ သဘာဝဖြစ်တာမို့ ဆရာတို့ လောကမှာလည်း သူတော်ကောင်းတွေချည်း မရှိတာလေးကိုလောက် ဆရာတို့ဘက်က လက်ခံပေးပါလို့ ပြန်ပြောခဲ့ပါတယ်။ ယနေ့ထက်တိုင် အဲဒီ့ဆရာဝန်ကြီးနဲ့ ကျွန်တော်နဲ့ ခင်မင် လေးစားစွာ ဆက်ဆံနေဆဲပါပဲ။

အဲဒီ့ဆရာဝန်ကြီးနဲ့ အဲဒီ့စကားတွေ ပြောစဉ်မှာ ကျွန်တော့်ဘက်က နမူနာတစ်ခုကိုလည်း ထပ်ပြောခဲ့ပါသေးတယ်။ အဲဒါကတော့ ဂျာနယ်တစ်စောင်မှာ ပါတဲ့ ကျွန်တော့် ဆောင်းပါးတစ်ပုဒ်ကို အကြောင်းပြုပြီး ဆေးရုံအုပ် ဆရာဝန်ကြီး တစ်ယောက်က ကျွန်တော့်ကို ဖုန်းဆက်ခဲ့ဖူးတဲ့ အကြောင်းပါ။ တိုက်ဆိုင်မှု တစ်ခုကတော့ စောစောက အငြိမ်းစား ဆရာဝန်ကြီးနဲ့ အဲဒီ့ ဆေးရုံအုပ်ကြီးနဲ့က နာမည်ချင်း တစ်လုံးမလွဲ တူနေတာပါပဲ။ အဲဒီ့ ဆေးရုံအုပ်ကြီးက ကျွန်တော်ရေးထားခဲ့တဲ့ ဖြစ်ရပ်ဟာ သူ့ဆေးရုံမှာသာ ဖြစ်ပွားခဲ့တယ်ဆိုရင် ထိထိရောက်ရောက် အရေးယူပေးဖို့အတွက် ကျွန်တော့်ဆီ ဖုန်းဆက်တာ ဖြစ်ပါတယ်။ ကံဆိုးချင်တော့ ဖြစ်ခဲ့တာ သူ့ဆေးရုံမှာ မဟုတ်ဘဲ တခြားဆေးရုံမှာ ဖြစ်နေပါတယ်။ အဲဒီ့မှာ အဲဒီ့ဆေးရုံအုပ်ကြီးနဲ့ ကျွန်တော်နဲ့ စကားတွေ တော်တော် ပြောဖြစ်ခဲ့ပါတယ်။

ကျွန်တော်က သည်ခေတ် ဆေးလောကဟာ အလွန် စိတ်ပျက်စရာကောင်းအောင် ပျက်စီးနေတာမို့ ကျွန်တော့်အိမ်ကိုတောင် မှာထားတဲ့အကြောင်း၊ ကျွန်တော်များ သတိတွေ ဘာတွေ လစ်သွားခဲ့ရင် ဆေးရုံဆေးခန်း ခေါ်မသွားဘဲ အိမ်မှာသာ အသေခံလိုက်ဖို့ မှာထားမိတဲ့အကြောင်း ပြောလိုက်တာပါ။ သည်အခါမှာ အဲဒီ့ ဆေးရုံအုပ်ကြီးက အောက်ပါအတိုင်း ပြန်ပြောခဲ့ဖူးပါတယ်။

“ဆရာ့လို အပြင်လူ မပြောနဲ့ ဆရာရေ့… ကျွန်တော် သည်လောကက လူလည်း အဲဒီ့အတိုင်းပဲ ကျွန်တော့်မိသားစုကို မှာထားရတယ်ဗျ။ အိမ်ကလူတွေ ဖြစ်ရင်တော့ ကျွန်တော် ရှိနေသေးတာမို့ ကျွန်တော့်ဘက်က သူတို့ကို လိုလေသေးမရှိ အမှားအယွင်း မရှိအောင် လုပ်ပေးနိုင်ပေမယ့် ကျွန်တော်ဖြစ်ရင်တော့ ကျွန်တော့်မိသားစုက အရပ်သား အပြင်လူတွေဆိုတော့ ခံရမှာ သေချာနေတယ်။ ဒါ့ကြောင့် ဆရာ့လိုပဲ ကျွန်တော်လည်း ကျွန်တော့် မိသားစုကို မှားထားတယ်ခင်ဗျ”တဲ့။

နှစ်ယောက်စလုံး သက်ရှိ ထင်ရှားရှိနေဆဲပါ။ နှစ်ယောက်စလုံးလည်း ဆရာဝန်ကြီးတွေပါ။ ဆရာဝန်ကြီး နှစ်ယောက်မှာတောင် မြင်ပုံချင်း၊ သုံးသပ်ပုံချင်း မတူညီကြတာကို ပြောလိုရင်း ဖြစ်ပါတယ်။ ဘယ်သူ မှန်တယ်၊ ဘယ်သူ မှားတယ်လို့ ဆုံးဖြတ်နေတာ မဟုတ်ပါဘူး။ နှစ်ယောက်စလုံးဟာ လူသားများသာ ဖြစ်တဲ့အတွက် သူတို့ရဲ့ အမြင်တိုင်းဟာ သူတို့ထောင့်နဲ့ သူတို့ မှန်ကန်နေနိုင်တာကိုသာ ပြောလိုရင်းဖြစ်ပါတယ်။

ကဲ… ကျွန်တော့်ဆီ ရောက်လာတဲ့ လက်ဆင့်ကမ်း ဓာတ်ချောစာလေးမှာလည်း ကျောင်းဆင်းစ ဆရာဝန်ငယ်များရဲ့ အမြင်တွေ ပါဝင်နေပါတယ်။ ဖတ်ရှုသုံးသပ်နိုင်အောင် တင်ပြပေးလိုက်ပါတယ်။ သူတို့အမြင်တွေဟာလည်း သူတို့ထောင့်နဲ့ သူတို့ မှန်ကန်နေမှာ မြေကြီး လက်ခတ် မလွဲပါဘူး။

သူတို့စာကို သူတို့ ရေးထားတဲ့ အရင်းအတိုင်း ပြန်လည်ဖော်ပြတာပါ။ ဘာကိုမှ မတည်း မဖြတ် မပြင်မဆင်ထားပါဘူး။ ပုံများ၊ စာလုံး အရောင်များကအစ သူတို့ ပို့လာတဲ့ မေး(လ်)ထဲက အတိုင်းဖြစ်ပါတယ်။

အားလုံးတွေးဆ စာနာပေးနိုင်ရန် ရည်ရွယ်FORWARDပါသည်

ဆရာဝန်သည်လူဖြစ်သည်.. အသွေးအသားနှင့်ဖွဲ့စည်းထားပါသည်..
အလုပ်သမားများအနက် အလုပ်ချိန် အများဆုံး အလုပ်သမားသည်  ဆရာဝန်ဖြစ်သည်.. duty ချိန်သည် တသမတ်တည်းမရှိပါ.. လူနာအရေးကို လိုက်ရ်ျု ဆေးရုံတွင် အချိန်ပြည့်နေသင့်လျှင်နေရသည်။
ထို့ပြင် ဆေးရုံတစ်ရုံတွင် အနိမ့်ဆုံးလစာသာရပြီး တာဝန်အကြီးဆုံးအလုပ်များ(လူ့အသက်နှင့်ဆိုင်သောအလုပ်) ကို အိပ်ချိန်တန် မအိပ် စားချိန်တန်မစားရဘဲ နေ့ရောညပါ ထမ်းဆောင်နေရသည်မှာ အလုပ်သင်ဆရာဝန်များဖြစ်သည်.. အနိမ့်ဆုံးလစာ မည်မျှဆိုသည်ကို သင်သိပါသလား?????.

သန့်ရှင်းရေးအလုပ်သမားထက်နိမ့်သည်။  တစ်လမှ ၁၁၇၅ ကျပ်သာရပါသည်.. သို့သော် ပညာသင်ယူစဉ်ကာလဖြစ်သည့်အတွက် မည်သူတစ်ဦးကမှ complaint မတက်ပါ..

လူနာများဧ။် လာသမျှ complaint ကိုသာ ဒိုင်ခံရှင်းရသော သူလည်းဖြစ်ပါသည်.. ဆရာဝန်မှလူနာများကို ဆေးဝယ်ခိုင်းသည်မှာ မှန်ပါသည်.. အဘယ်ကြောင့်ဆိုသော်ဆေးရုံတွင် ဆေးမရှိပါ       မရှိသောဆေးကို ၀ယ်ရန်အတွက် ဆရာဝန်မှာ တာဝန်ရှိပါသလား.. မ၀ယ်လျှင် ဆေးမကုနိုင်ပါ… ထို့အတွက် ၀မ်းနည်းရပါသည်
လူနာများထင်သည်မှာ ဆေးရုံသို့တက်လာသည်နှင့် ဆရာဝန်ကလည်ပင်းညှစ်ကာ ပိုက်ဆံမကုန်ကုန်အောင် ဆေးဝယ်ခိုင်း သွေးစစ်ခိုင်းသည်ဟု ထင်ကြသည်.. ဆေးရုံကိုတက်ရန် ပွဲစားမလိုပါ.. တက်ချင်သည့်အချိန် တက်နိုင်သည်.. မတက်လိုတော့ပါကလည်း DC မရမီ abscond လုပ်နိုင်ပါသည်.. ပွဲစားသည် လူလိမ်သာဖြစ်သည်..
ဆေးရုံတွင် အပေါက်စောင့်က ပိုက်ဆံတောင်းခြင်းသည် ဆရာဝန်နှင့်မဆိုင် ဆရာဝန်သည် လစာမှလွဲလို့ အပိုဝင်ငွေမရှိ။
ဝမ်းစာကို ပြင်ပတွင်ဆေးခန်းဖွင့်ခြင်းဖြင့်သာ.ရှာရပါသည်။ သို့သော် ဆရာဝန်များ ဖုန်းပြောကားစီးနိုင်ခြင်းမှာ ထိုဆေးခန်းမှရသောဝင်ငွေဆိုသည်ထက် မိဘ၀ယ်ပေးထားလို့သာစီးနေကြခြင်းဖြစ်သည်။ 24နာရီ အလုပ်လုပ်ရသောဆရာဝန်သည် လူနာတစ်ယောက်တည်းကို ကြည့်ရတာမဟုတ်သည့်အတွက် စိတ်မရှည်ခြင်းဖြစ်ကောင်းဖြစ်နိုင်သည်.. လူသားတစ်ယောက်ဖြစ်သည့်အတွက်ဖြစ်သည်..
ကိုယ်ပိုင် ကိုယ်ရေးကိုယ်တာကို ဘေးဖယ်ပြီး ဆေးရုံတွင် ၂၄ နာရီ တာဝန်ကျနေရသည့် ဆရာဝန်ကဲ့သို့ သင်ရော လုပ်နိုင်ပါမည်လော..
လူအများက ဆရာဝန်ကို ပိုက်ဆံယူပြီး လူသတ်နေသည်ဟု ထင်ကြသေးသည်…. ဆရာဝန် သည် လူသတ်သမားမဟုတ်ပါ…ရှိသေးသည်..house surgeon 90% သည် လူသတ်ဖူးသည်ဆိုသော စကား… ဆင်ခြင်ပြီးမှ ပြော သင့်သည်။ သွေးလွန်တုပ်ကွေးဖြစ်သောကလေးကို မည်သည့် အပြင်ဆေးခန်းတွင်မှ မကယ်နိုင်ပါ.. ကလေးဆေးရုံကြီးတွင်သာ ကုသရနိုင်သည်.. house surgeon များရှိမှသာ hourly monitoring လုပ်ပြီး ကလေးအခြေအနေကို စောင့်ကြည့်ကာ ကြပ်မတ်ကုသနိုင်ခြင်းဖြစ်သည်..မည်သည့်ကလေးအထူးကုကမှ DHF patient ကို hourly BP နှင့် vital sign monitor လုပ်မပေးပါ.Bird eye view ဖြင့်ကြီးကြပ်ကုသပါသည်။ အလုပ်သင်ဆရာဝန် များကြောင့်သာ ကလေးငယ်များ အသက်ရှင်ခြင်းဖြစ်သည်.. ထို့ပြင် house surgeon မှ ဆေးမှားထိုးပြီးလူသေသည်ဟုဆိုသည်။ ဖြစ်နိုင်ပါသည်.. သို့သော် ၉၀% မဟုတ်ပါ.. ဆေးကျောင်းတက်စဉ်ကာလတစ်လျှောက်လုံး ပညာကို သေချာမလေ့လာပါက လူသတ်သမားဖြစ်ရန် လုံလောက်သော အရည်အချင်းများနှင့်ပြည့်စုံလာပါမည်.. ATD လုပ်ရန်လိုသော ဆေးကို မလုပ်ဘဲထိုးမိပါက သေနိုင်သည်.. တော်ရုံမှားရုံနှင့်လူမသေပါ.. အလွန်တရာ ဆင်ခြင်တုံတရားကင်းမဲ့ပြီး အသုံးမကျရျုသာဖြစ်သည်.. မသိလျှင် AS ကိုမေးနိုင်သည်.. အလုပ်သင်ဆရာဝန်မှ အရာရာကို ဆုံးဖြတ်ခွင့်မရှိသည်ကို မသိခြင်းသည် ထိုသူဧ။် ညံ့ဖျင်းမှုသာဖြစ်သည်.. ထို့အတွက် အခြားသော  ဆရာဝန်များကို မပုတ်ခတ်သင့်ပါ..
ဆရာဝန်တစ်ယောက်ဧ။် ဘ၀ကို နားမလည်ဘဲ ဘေးမှ လက်ခုပ်တီးနေသော သူများကိုလည်း မုန်းမိပါသည်.
ဆေးရုံဧ။် လစ်ဟာချက်များ သူနာပြုများနည်းပါးမှုများကို ဆရာဝန်များလုပ်အားဖြင့် ဖြည့်နေရသည်..တခါတရံအလုပ်သမားပင်မရှိသောကြောင့်  ဆရာဝန်သာအထူးသဖြင့် အလုပ်သင်ဆရာဝန်သာ အားဖြည့်နေရသည်။ လူနာနှင့် ဆရာဝန် အင်အားမမျှ… လူနာများကလည်း ဆိုရှယ်လစ်ခေတ်မှ အကျင့်ဆိုးကို မဖျောက်နိုင် ဆေးရုံရောက်လျှင် အလကားရ ရ မည်ဆိုသော ဆောင်ပုဒ်ကိုသာလက်ကိုင်ထားနေကြသည်.. ယနေ့ခေတ်တွင် ရောဂါ ဆန်းပေါင်းစုံက လူနာများနှင် ဆရာဝန်များကို စိန်ခေါ်နေကြသည်.. ကုသရန်ခက်ခဲသော ရောဂါတို့သည် သာမန်ဆေးဝါးနှင့် မပျောက်ကင်းနိုင်.. အချို့ဆေးများသည် အလွန် ဈေးကြီးသည်.. မတတ်နိုင်သောလူနာများအတွက် ရရာဆေးနှင့်ကုပေးသည်..ရောဂါမပျောက်ကင်းသည့်တိုင် အနည်းဆုံးသက်သာအောင်တော့လုပ်ပေးနိုင်သည်..

ဆရာဝန်သည် နတ်ဆေးဆရာမဟုတ်သည့်အတွက် စမ်းသပ်စရာရှိသည်ကို စမ်းသပ် စစ်ဆေးပြီးမှ ကုသပေးနိုင်မည်ဖြစ်သည်.. ကုသပေးတိုင်းလည်း ပျောက်ကင်းရမည်ဟု အာမ မခံနိုင်ပါ.. ထို့အတွက် ဆရာဝန်များကို အထင်အမြင်လွဲမှားနေကြသည်ကို ပြင်သင့်ပါသည်.. လူနာများဘက်မှ လိုအပ်ချက်များကိုလည်း သေချာ သုံးသပ်သင့်သည်.. မစားနှင့်ဆိုသည့်အရာကိုစားချင်သည်.. complaint အမျိုးမျိုးတက်သည်.. ဆေးရုံရောက်နေသော်လည်း မိမိဧ။် ကျန်းမာရေးကို ဂရုစိုက်ရမည့်သူမှာ မိမိကိုယ်တိုင်သာဖြစ်သည်.. ဆီးချိုရောဂါသည်ကို အချိုရှောင်ရန် မှာထားပါလျက်နှင့် စားချင်ရာစားသည့်လူနာအပေါ် မည်သည့်ဆရာဝန်က စိတ်ရှည်နိုင်ပါမည်နည်း.. တစ်စုံတစ်ခုဖြစ်လာလျှင် ဆရာဝန် အလွန်ဟုပြောဦးမည်.. လူနာများကလည်း ဆရာဝန်ကို ကူညီသင့်ပါသည်.
.                  လူနာစောင့်များစည်းကမ်းမရှိပါ.. ဆရာဝန်ကြီး round နေချိန်တွင် အပြင်သို့ထွက်ရန် မနည်းတောင်းပန်ရသည်.. တစ်ယောက်တစ်ပေါက် ပြောချင်ရာပြောနေသည်.. အမှိုက်များဖွသည်… စရိတ်မျှပေးဆိုင်းဘုတ်ကို သာကြည့်ပြီး မဆူညံရ.. အမှိုက်မပစ်ရ ..ကွမ်းမထွေးရဆိုင်းဘုတ်များကိုတော့ လိုက်နာကြပါရဲ့လား  
မည်သူမှားသည် မှန်သည် မဆိုချင်.. ပြောချင်ရာပြောနေသည့်လူများအနေဖြင့် ကိုသာ ဆင်ခြင်တွေးတောပြီးမှ ပြောဆိုဝေဖန် စေချင်ပါသည်.

အခုနောက်ပိုင်း လူတော်တော်များများက ကျွန်တော်တို့ရဲ့ ဆရာဝန်လောက ကို မကောင်းတဲ့ ဘက်ကနေ ဝေဖန်ပြောဆိုနေတာတွေ တော်တော်များများကြားမိကြမှာပါ။ ဆရာကြီး မောင်မောင်မြင့် ရဲ့ (ကျွန်တော်ရေးခဲ့ဖူးသော ကျေးဇူးတင်စာတစ်စောင် (၁)) နဲ့ အခုတင်ပေးထားတဲ့ မစုမြတ်မို ရဲ့ (အရှိကိုအရှိတိုင်း မြင်စေချင်ပါသည်) စာများကို ပြည်သူတွေအကြား ပြန့်နှံ့ လာပြီ…း ပြည်သူတွေ ဆရာဝန်တွေအပေါ် ထင်မြင်လွဲမှား မှုတွေ လျော့နည်းသွားအောင် ကျွန်တော်တို့က တတ်နိုင်တဲ့ ဘက်ကနေ ကူညီလိုက်ကြရအောင်ဗျာ။ သူငယ်ချင်းတို့ ဖတ်ပြီးသွားရင် အချင်းချင်း share လုပ်ပြီး အင်တာနက်ပေါ်မှာ ပြန့်သွားအောင် လုပ်လိုက်ကြရအောင်လားဗျာ။ ကျွန်တော်ရဲ့လောက ကို အဓိက တိုက်ခိုက်နေတာတွေက ဂျာနယ်တွေ အများစုပါ။ သူတို့က ဟုတ်တာကော် မဟုတ်တာကော် မစူးစမ်းပဲနဲ့ သတင်းတစ်ပုဒ်က ထမင်းတစ်လုပ် ဆိုပြီး ဂျာနယ်ထဲ ထည့်ကြပါတယ်။ အခုနောက်ပိုင်း အင်တာနက်ပေါ် အထိပါ ပြန့် နှံ့လာပါတယ်။ ဒါကြောင့် ကျွန်တော်တို့ကလဲ တတ်နိုင်တဲ့ ဘက်ကနေ ကျွန်တော်တို့ရဲ့ ဆရာဝန်ဆိုတဲ့ profession ဆိုတာ သူတို့ပြော သလို မဟုတ်ကြောင်း ဒီစာနှစ်ပုဒ်ကနေ သက်သေပြလိုက်ရအောင်လားဗျာ။ ဒီလိုစာလေးတွေကို အင်တာနက်ပေါ်မှာ ပြန့်သွားအောင် ကူညီဆောင်ရွက်ပေးပါလို့ ဒီနေရာကနေပြီး တောင်းဆိုလိုက်ပါတယ်။

.

A letter from a gullible girl

လွန်ခဲ့တဲ့ တစ်နာရီလောက်ကပဲ ကျွန်တော့်ဆီကို ဓာတ်ချောစာ တစ်စောင် ၀င်လာပါတယ်။ ဖတ်ပြီးတော့ ခံစားမှု ပေါင်းစုံဖြစ်ပါတယ်။ ကရုဏာလည်း သက်ရတယ်၊ ဒေါသလည်း ဖြစ်ရတယ်။ စိတ်မကောင်းလည်း ဖြစ်ရတယ်။ ရွံလည်း ရွံရှာ စက်ဆုပ် အော့နှလုံး နာမိပါတယ်။ ယောက်ျားဆိုတဲ့ သတ္တ၀ါတွေဟာ အသက်ကြီးလေ ပိုယုတ်ကန်းလေလားလို့တောင် တွေးမိလာရတဲ့ အထိပါပဲ။ တစ်ဆက်တည်းမှာ ဆင်ခြင်ဉာဏ်နည်းလွန်းတဲ့ မိန်းမငယ်လေးတွေကိုလည်း ကိုင်ဆောင့်ချင်စိတ် ပေါက်သွားပါတယ်။ ဒါမျိုးတွေ ကြုံတွေ့နေရတဲ့ မိန်းကလေးတွေ ကျွန်တော်တို့ဆီမှာ ဘယ်လောက်တောင် များနေပြီလဲဆိုတာ မတွေးရဲစရာပါ။ ကလေးမလေးဆီကိုတော့ လိုအပ်သလို အကြောင်းပြန်ပြီးပါပြီ။ အယုံလွယ်တတ်တဲ့ မိန်းမငယ်၊ မိန်းမရွယ်တွေ သတိထားနိုင်အောင် သူ့စာကို အောက်က လင့်(ခ်)မှာ ပြန်ဖော်ပြထားပါတယ်။

http://nookycontent.wordpress.com/2010/09/14/012/

Is “sorry” really enough?

ဆောရီးပါ ခင်ဗျား


တစ်ခါက ကျွန်တော် ရေးခဲ့ဖူးပါသည်။ မဖတ်ဖြစ်လိုက်သူများအတွက် တစ်ခါ ပြန်ရေးပြပါရစေ။


၁၉၉၁ခုနှစ် ဇူလိုင်လ ၃ရက်နေ့တွင် ကျွန်တော့်သားငယ်ကို ဖွားမြင်ခဲ့ပါသည်။ သမီးကြီးကို မွေးဖွားစဉ်ကတည်းက ဗိုက်ခွဲပြီး မွေးခဲ့သော အစဉ်အလာ ရှိသဖြင့် သားငယ်ကို မွေးသောအခါတွင်လည်း မအေ့ဝမ်းကြာ တိုက်ကို ခွဲစိတ်ကာ မွေးယူခဲ့ပါသည်။

ထိုသို့ ခွဲစိတ်ရာတွင် ခွဲစိတ်မှုကို ဆောင်ရွက်သူ တာဝန်ကျဆရာဝန်က လက်လွန်ပြီး ဇနီးသည်၏ ဝမ်းကြာတိုက်ကိုတင်မကဘဲ ဆီးအိမ်ကိုပါ ခွဲမိသွားသဖြင့် ကျွန်တော်တို့မှာ နောက်ထပ် သားသမီး ယူလို့ မရတော့သော အခြေအနေကို ရောက်ရှိခဲ့ပါသည်။ အကျိုးအကြောင်းကို တာဝန်ကျ ဆရာဝန်က ဆောရီးတစ်လုံး ခံပြီး ပြောခဲ့ခြင်းလည်း ဖြစ်ပါသည်။

ထိုအဖြစ်ကို ကျွန်တော်ရေးပြခဲ့ဖူးပါသည်။

တစ်လောက မန်းရွှေမြို့သို့ရောက်သောအခါ မိတ်ဆွေတစ်ဦး၏ ဇနီးသည်ကို ကိုယ်ဝန် အရင့်အမာနှင့် တွေ့လိုက်ရပါသည်။ မိတ်ဆွေကြီးမှာလည်း ၄၀ကျော်၊ သူ့ဇနီးမှာလည်း ၄၀ ကျော်၊ သားကြီး သမီးကြီးတွေပင် လူပျိုပေါက်၊ အပျိုပေါက်ချိန်ရောက်မှ “ကံပေါ်”နေသော မိတ်ဆွေကြီးကို ကျွန်တော်က စလိုက် နောက်လိုက်မိသွားပါသည်။

မိတ်ဆွေကြီးက မျက်နှာပျက်ပျက်ဖြင့် ပြန်ပြောပြသော အဖြစ်အပျက်မှာ ကျွန်တော့်အိမ်သူ့အဖြစ်ထက် ဆိုးနေပါတော့သည်။

သူ့ဇနီးသည်၏ ကျန်းမာရေးအခြေအနေကြောင့် လွန်ခဲ့သောဆယ်နှစ်ခန့်ကတည်းက သက်ဆိုင်ရာ ဆရာဝန်များ၏ ထောက်ခံချက်ဖြင့် သက်ဆိုင်ရာအား လျှောက်လွှာ တင်သွင်းလျက် ခွင့်ပြုချက် ရယူကာ သူ့ဇနီးအား တရားဝင် သားကြောဖြတ်ခဲ့ပါသတဲ့။

ယခုကဲ့သို့ ၄၀ ကျော်မှ ကိုယ်ဝန်ပေါ်လာသောအခါ မျက်ကလဲ ဆန်ပြာနှင့် နောက်ကြောင်းကို ပြန်လိုက်ကြည့်သောအခါ ထိုစဉ်က သားကြောဖြတ်ခြင်းကို တာဝန်ယူခဲ့သော ဆရာဝန်များကို သိလာရပါသည်။ ထိုဆရာဝန်များကို အကျိုးအကြောင်း ပြောပြသောအခါ ဆရာဝန်များက ယခုလို ပြန်ပြောပါသတဲ့။

“ဟာ… ဟုတ်တယ်၊ မှတ်မိပြီ။ အဲတုန်းကရှင်၊ ရှင့်မိန်းမ ဗိုက်ကို ဖွင့်ပြီးခါစမှာ အရေးပေါ် အသက်လုရမယ့် လူနာတစ်ယောက် ရောက်လာတာနဲ့ အဲဒီ့လူနာဘက်ကို ကူးပြီး အားလုံး ဝိုင်းဝန်းခဲ့ကြရတယ်ရှင့်။ အဲလို ဝိုင်းဝန်းနိုင်ဖို့အတွက် ရှင့်မိန်းမဗိုက်ကို သည်တိုင်းပဲ ပြန်ပိတ်ခဲ့ရတာ၊ ကျွန်မ မှတ်မိပြီ၊ မှတ်မိပြီ…၊ ဆောရီးပါပဲရှင်…”တဲ့။

သက်ဆိုင်သူပုဂ္ဂိုလ်များ မန်းရွှေမြို့တွင် သက်ရှိ ထင်ရှား ရှိနေပါသည်။ မပြောကောင်းသောကြောင့်သာ အမည်နာမ ထုတ်ဖော်မပြောခြင်း ဖြစ်ပါ သည်။ လိုအပ်လျှင်မူ လမ်းညွှန်ပေးနိုင်ပါသည်။

ဆိုလိုသည်မှာ ကျွန်တော်က လီဆယ် လုပ်ကြံပြီး ရေးပြခြင်းမျိုး မဟုတ်ဘဲ တကယ့်အဖြစ်အပျက် ခိုင်မာကြောင်းပင် ဖြစ်ပါသည်။

ယခုတလော ရေပန်းစားစပြုလာသော မော်ဒယ်လ် သရုပ်ဆောင် လူငယ်လေးတစ်ဦး၏ မိဘနှစ်ပါးစလုံးနှင့် ကျွန်တော်နှင့် ခင်မင် သိကျွမ်းခဲ့သည်မှာ ဆယ်နှစ်ကျော်ခဲ့ပါပြီ။

ထိုသူငယ်လေး၏ ဖခင် ကျွန်တော့်မိတ်ဆွေမှာလည်း အလွန်တရာမှ ရောဂါ ထူပြောသူဟု ဆိုနိုင်ပါသည်။ သူနှင့် ကျွန်တော်မှာ မေ့လောက်မှ တစ်ခါ၊ ဟိုနား သည်နား ဆုံဖြစ်ကြသူများဖြစ်သဖြင့် သူ့ကို တွေ့လိုက်တိုင်း လန်းလန်းလန်းလန်းနှင့် ရွှင်ရွှင်ပြပြချည်းဖြစ်သော်လည်း တွေ့တိုင်း သူ ပြောတတ်သော စကားမှာ သူ ဆေးရုံ တက်ခဲ့ရသော အကြောင်းများချည်းသာ ဖြစ်နေတတ်ပါသည်။

သူနှင့်ရော၊ ကျွန်တော်နှင့်ပါ သိကျွမ်းသူများထံမှ တစ်ဆင့်ကြား စကားဖြင့်လည်း သူဆေးရုံ မကြာခဏ တက်ရတတ်ကြောင်း ကျွန်တော် သတိထားမိနေခဲ့ပါသည်။
တစ်လောက သူနှင့်တွေ့သောအခါ သူ ပြောပြသော အဖြစ်အပျက်မှာလည်း အလွန်တရာ ရင်သပ် အံ့သြဖို့ ကောင်းလှသဖြင့် ပြန်လည်တင်ပြလိုပါသည်။

သူ့ဝမ်းထဲမှ အူ အစိတ်အပိုင်းတစ်ခုက သူ့ကို ကောင်းစွာ ဒုက္ခပေးနေသဖြင့် ဖြတ်ထုတ်ရန် ဆုံးဖြတ်ကြကာ အငြိမ်းစားယူပြီး ခွဲစိတ် ပါရဂူကြီးတစ်ဦးက ခွဲစိတ် ဖြတ်တောက်ပေးခဲ့သည်မှာ ၃နှစ်ခန့် ကြာပါပြီ။

မကြာသေးမီက သူ့မှာ ဗိုက်နာရောဂါ ပြန်ပေါ်လာသဖြင့် ဆေးခန်း အများအပြား၊ ပါရဂူ အထွေထွေနှင့် စမ်းသပ် စစ်ဆေးမိပြန်ရာ သူ ဖြတ်တောက်ပြီးခဲ့သော အူ အစိတ်အပိုင်းကြောင့်ဟု အားလုံးက တစ်ညီတစ်ညာတည်း ပြောကြပြန်ပါသည်။ သူ့ဝမ်းထဲတွင် ထိုအစိတ်အပိုင်း မရှိတော့ကြောင်း၊ လွန်ခဲ့သည့် ၃ နှစ်ကပင် ခွဲစိတ်ဆရာကြီး ဦးဘယ်သူနှင့် ဖြတ်တောက်ခဲ့ကြောင်း၊ ထို့ကြောင့် ထိုအချက် မဖြစ်နိုင်ကြောင်း သူက ခြေကန် ငြင်းပါသေးသည်။

အာလ်ထရာဆောင်း ရိုက်ကြည့်သောအခါတွင်မူ လွန်ခဲ့သော သုံးနှစ်က ခွဲစိတ်ပါရဂူကြီး ကိုယ်တိုင် ဖြတ်တောက်ခဲ့သည်ဟူသော အူအစိတ်အပိုင်းမှာ သူ့ဝမ်းထဲတွင် ရှိနေဆဲ ဖြစ်ကြောင်း အသေအချာ သိလိုက်ရပါသည်။

ထို့ကြောင့် နောက်တစ်ခါ ဆေးရုံ ထပ်တက်ပြီး အခြား ခွဲစိတ်ဆရာဝန်ကြီးဖြင့် ဖြတ်ပြီးသားဟု အဆိုရှိသောအပိုင်းကို တကယ် သွားဖြတ်လိုက်ရပါသည်။

ထိုသို့ ဖြစ်ကြောင်းကုန်စင်ကို အမှန်အတိုင်း သိရပြီး ဆေးရုံမှ ဆင်းခွင့်ရသောအခါ ယနေ့တိုင် သက်ရှိ ထင်ရှားရှိဆဲ မူလ ခွဲစိတ်ပါရဂူကြီးအား  အကျိုးအကြောင်း သွားမေးသောအခါ “အေးဗျာ…၊ အဲတုန်းက ဘာကိစ္စမှန်းတော့ မမှတ်မိဘူး၊ အရေးပေါ် ကိစ္စတစ်ခု ပေါ်လာတာနဲ့၊ ကျွန်တော်လည်း မဖြတ်ဖြစ်ခဲ့ဘူး ကိုဟဝှာရေ့၊ ဗိုက်ဖွင့်ပြီး သည်တိုင်း ပြန်ပိတ်ပေးလိုက်ရတာ… ဆောရီး…”ဆိုပဲ။

ဒါလည်း မပြောကောင်းသောကြောင့်သာ အမည်နာမ မထုတ်ဖော်ခြင်း ဖြစ်ပါသည်။ လိုအပ်လျှင် လမ်းညွှန်ပေးနိုင်ပါသည်။ သက်ဆိုင်သူအားလုံး သက်ရှိထင်ရှားနှင့် ခြေခြေမြစ်မြစ် ရှိပါသေးသည်။

ယခု ကျွန်တော် တင်ပြလိုက်သော ဖြစ်ရပ်မှန် သုံးရပ်စလုံးတွင် ဆောရီးနှင့် ပြီးခဲ့ရသည်ချည်း ဖြစ်ပါသည်။ အသက်ပါ ပေးခဲ့ရသော လူနာများအတွက်လည်း ထိုသို့သော ဆောရီးပေါင်း မည်မျှ ရှိနေလောက်သည်ကို အားလုံး တွေးဆဆင်ခြင်ကြည့်နိုင်ပါလိမ့်မည်။

သဗ္ဗေသတ္တာ ကမ္မသကာဟု အောက်မေ့ပြီး ကံအပေါ် ပုံချလျှင်ဖြင့် ရတန်ကောင်းသည့်တိုင် အသက်ကို ဉာဏ်စောင့်သည်ဟူသော ဆိုရိုးကလည်း ထိုအတွေးကို မှောင့်နေပြန်ပါသည်။

ထိုဉာဏ်ထဲသို့ ဆောရီးလေးတစ်လုံး ရောက်မလာအောင် လုပ်လို့ မရဘူးလားဟု တွေးမိရပြန်လေသောအခါတွင်မူ…

 

(ဝ၃၊ ဝ၇၊ ဝ၁ နေ့ထုတ် သတင်းစုံဂျာနယ်၊ အတွဲ ၄ အမှတ် ၄၀)