Win Oo, the Ideal Artist

ကွယ် တာ    ကြာ ပေ မယ့်    ဘယ် ခါ    မေ့ နိုင် လိမ့်

“၀င်းဦး” ကျွန်တော့်ဘ၀ထဲ ၀င်လာတာ လူမှန်း သိကတည်းက ဖြစ်သည်။ သူ့သီချင်းသံတွေက အရင်ဝင်လာတာ ဖြစ်လိမ့်မည် ထင်သည်။ အိုး… မေဘရဏီလို… ငွေပန်းချီတောင် လက်မှိုင်ချရသကိုး… မမမိုး… ၀ိုးဝို့ဝို ဖြစ်ပါလိမ့်မည်။ သူ့ခေတ်မှာ လူဖြစ်လာတာဟု ဆိုရမလား မသိပေ။ ကလေးဆိုတော့ ၀င်းဦးကား ကြည့်ဖူးသလား၊ မကြည့်ဖူးသလားလည်း မမှတ်မိ။ သီချင်းကတော့ ငယ်ငယ်ကတည်းက ၀ါသနာပါပြီး တကြော်ကြော် ဆိုနေတတ်ပေရာ မမမိုး ၀ိုးဝို့ဝိုကတော့ တော်တော် စွဲခဲ့တာ မှတ်မိနေပါသည်။

နောက်ထပ် မှတ်မိတာ တစ်ခုရှိသေးသည်။ အဲဒါက မေမေ လစဉ် ၀ယ်ဖတ်သော ရှုမ၀ မဂ္ဂဇင်းထဲက ၀င်းဦး၏ ၀ထ္ထုတစ်ပုဒ်ကို ဖတ်ခဲ့ဖူးတာဖြစ်သည်။ ကျွန်တော် ၆ နှစ်လား၊ ၇ နှစ်လားတော့ မသိ။ သို့သော် ၆ နှစ်၊ ၇ နှစ်အရွယ် ကလေးတစ်ယောက်အဖို့ ၀ထ္ထုကို နားမလည်နိုင် မခံစားတတ်နိုင်သေးချေ။ အဲတော့လည်း ၀င်းဦးသည် ကျွန်တော့်အတွက် ၀ိုးဝို့ဝိုသာ ဖြစ်ခဲ့ပါသည်။ ၀ိုးဝို့ဝိုသာ မကပါ။ “မီးပုံပွဲမှာ စုကာ ဝေးကာ အပေါင်းအဖော်များနဲ့ ပျော်ရွှင်ဖွယ်”တွေရော၊ “မေခင် ကျွန်တော့်အချစ်တော် ဟိုင်း… ဟိုင်…”တွေ အပါအ၀င် သူ့သီချင်းပေါင်းများစွာကို နှုတ်တက်ရွရွ ဆိုတတ်ခဲ့ပါသည်။

မှတ်မှတ်ရရကတော့ ၁၀ နှစ်သားမှာ ဖြစ်သည်။ အဲတော့ ကျွန်တော် မန္တလေးသို့ ရောက်နေလေပြီ။ ၀င်းဦး၏ တိမ်လွှာမို့မို့လွင် ပိုစတာကြီးများက တစ်မြို့လုံးကို မင်းမူထားသည်။ ကျွန်တော်က ကျောင်းကြက်ခြေနီအသင်းနှင့် ဘင်ခရာ အသင်းကို ၀င်သည်။ အဲတုန်းက ကြက်ခြေနီမှာရော ဘင်ခရာမှာပါ ၀တ်စုံအဖြူ အထက်အောက် ဆင်တူ ၀တ်ရသည်။ ဒါကို သဘောကျသဖြင့် အသင်းများသို့ ၀င်လိုက်ခြင်းဖြစ်သည်။ ၀မ်းတွင်းရူးဟု ထိုခေတ်က လူတကာ သရော်လေ့ရှိသော ၀င်းဦးရူး ရောဂါပိုး စ၀င်ခြင်းပင် ဖြစ်တော့သည်။

၁၁ နှစ်သားမှာ ရန်ကုန်ရောက်လာပြီ။ ၁၉၆၈ ခုနှစ်။ ၀င်းဦး အရှိန်တက်လို့ အကောင်းဆုံး အချိန်ပင် ဖြစ်တော့သည်။ သူ့ပုံတွေ ပါသော စာစောင် မဂ္ဂဇင်းတွေ ကြည့်ရတာ အမော၊ သူ့ကားဆိုလည်း ကြည့်ချင်မိရတာ အမော။ သူ့သီချင်းဆိုလည်း လိုက်ဆိုရတာ အမောပင်။

ကျွန်တော် ၁၃ နှစ်သားမှာ သူ အကယ်ဒမီ ရသည်။ မှုန်ရွှေရည်။ မှုန်ရွှေရည်ထဲက သီချင်းတွေ တစ်ပုဒ်မကျန် ကျွန်တော် အကုန်ရသည်။ ကျွန်တော့် ပင်ကိုသံကလည်း သူ့လိုပင် အသံလုံးကြီးသော ဘယ်သံဖြစ်ပေရာ သူ့အသံနှင့် တစ်ထပ်တည်း တူအောင် တုပြီး ဆိုရတာကိုပင် အရသာရှိနေသည်။ အဖေက ကျွန်တော် ၀မ်းတွင်းရူးနေတာကို သိသည်။ သည်တော့ ၀င်းဦး၏ အားကျစရာ တခြား အရည်အချင်းတွေကို ပြောပြသည်။ သူ အင်္ဂလိပ်စာ တတ်တာ၊ သူ ပညာတတ်ပြီးမှ အဆိုတော် မင်းသား လုပ်တာများကိုပင် ဖြစ်သည်။

မှတ်မိနေတာ တစ်ခု ရှိသေးသည်။ accident ကို ၀င်းဦး အသံထွက်တာ။ ၀င်းဦးရူးသော ကျွန်တော်သည် ၀င်းဦး သီချင်းမှန်သမျှ မလွတ်တမ်း နားထောင်တတ်သလို သူ့သီချင်းအတော်များများကိုလည်း (ယနေ့ထက်တိုင်) အလွတ်ရသည်။ သူ့ အသံနှင့် လာသော ရေဒီယို အသံလွှင့်ဇာတ်လမ်းများကိုဆိုလည်း တခုတ်တရ နားဆင်သည်။ ထိုအထဲမှာမှ အင်္ဂလိပ်ပိုင်း အစီအစဉ်မှာလည်း သူက အသံလွှင့်ဇာတ်လမ်းမှာ အသံဖြင့် သရုပ်ဆောင်ဖူးသည်။ ယင်းအသံလွှင့်ဇာတ်လမ်းတွင် ၀င်းဦးက “အက်(ခ်)ဆစ်ဒင့်(ထ်)”ဟု ပီပီသသ ထွက်သွားတာကို မှတ်မိနေခြင်းဖြစ်သည်။ တစ်လျှောက်လုံး အက်ဆီးဒယ့်(န်)ဟု ထွက်လာခဲ့သော ကျွန်တော့်အသံထွက်အတွက် သူက အမှန်ကို ပြပေးသော ကြားဆရာ ဖြစ်လေသည်။

ကိုးတန်း ဆယ်တန်းမှာတော့ စာတွေ ကောင်းကောင်း ဖတ်တတ်လေပြီ။ ထိုစဉ်က ကျွန်တော်နေထိုင်ရာနှင့် မဝေးလှသော နေရာမှ စာအုပ်ဆိုင်လေးမှာ စာအုပ်စုံလှသည်။ နာမည်ကျော် စာရေးဆရာတိုင်း၏ စာအုပ်များ တစ်အုပ်မကျန် ရှိနေတတ်သည်။ သည်တော့ ၀င်းဦးကို ကျွန်တော် ဖတ်ပြီ။ သူ့စာအုပ်တွေ တစ်အုပ်မကျန် ဖတ်သည်။ အဲတော့လည်း သူ့အရေးအသား၊ ဇာတ်ဖွဲ့ပုံများကို သဘောကျလို့ မဆုံးနိုင်ပြန်တော့ပေ။

ထိုစဉ်က ၀င်းဦးမှာ တိုက်ခန်းတွေ ရှိသည်။ လွစ္စလမ်းဟု ထိုစဉ်က ခေါ်သော ယခု ဆိပ်ကမ်းသာလမ်းမှာ တစ်ခန်း၊ ဘားလမ်းဟု ခေါ်သော မဟာဗန္ဒုလ ပန်းခြံလမ်းမှာ တစ်ခန်းဖြစ်သည်။ ကျွန်တော်က ရန်ကုန်မြို့ထဲမှာ နေသည်မို့ ထိုလမ်းများမှ ဖြတ်တိုင်း ၀င်းဦးကို တွေ့ရနိုးနှင့် ကြည့်ရတာလည်း အမောသား။ သူ့ အမိုးဖွင့် ပြိုင်ကား နီနီလေးမြင်လျှင်လည်း အူယားဖားယား ကြည့်မိသည်။ ကားနံပါတ်တောင် မှတ်မိနေပါသေးသည်။ စ-၅၆၇၁ ခင်ဗျ။ နှုတ်ခမ်းမွေးနှင့် အသားဖြူဖြူ မင်းသားကြီးကိုကား ရိပ်ခနဲသာ မြင်လိုက်ရသည်ချည်းပင်။

ထိုခေတ်က ကားဟောင်းတွေကို ရုံပြန်ပြန်တင်သည့် အလေ့ ရှိသည်။ ၀င်းဦးကားသာဆိုလျှင် ဘယ်လောက် ဟောင်းဟောင်း၊ ဘယ်နှကြိမ်ဖြစ်ဖြစ် ကျွန်တော် အမိအရ ပြန်ကြည့်နေမိခဲ့စမြဲပင်။

ဝင်းဦး စာအုပ်အဟောင်းတွေဆိုလည်း စာအုပ်ဈေးပွဲတော်တိုင်းမှာ လိုက်ရှာသည်။ တွေ့သမျှ ၀ယ်ထားသည်။ ရှာရှာဖွေဖွေ ပြား-၆၀ တန် ၀င်းဦး အချစ်ဝတ္ထုတစ်အုပ်ပင် ကျွန်တော့်မှာ ရှိနေသည်။ အင်တာနက်ခေတ်မှာလည်း ၀င်းဦး သီချင်းတွေ လိုက်စုနေတာ အပုဒ် ၇၀ နီးပါး ရခဲ့လေပြီ။

အားလုံးချုပ်လိုက်လျှင် ကျွန်တော့် တစ်ဘ၀လုံးကို ၀င်းဦးက အကြီးအကျယ် လွှမ်းမိုးထားခဲ့ပါသည်။ ယုတ်စွအဆုံး အမိုးဖွင့် ပြိုင်ကား စီးချင်သော ရောဂါအထိ ကျွန်တော့်မှာ အကြီးအကျယ် ရှိပါသည်။ အင်္ကျီအဖြူ၊ ဘောင်းဘီအဖြူ၊ ဖိနပ်အဖြူ ၀တ်ချင်သော ရောဂါကလည်း မသေးချေ။ လစ်ရင် လစ်သလို ၀တ်နေမိဆဲဖြစ်ပါသည်။ ၂၀၁၀ ပြည့်နှစ် မေလမှာ ကျင်းပသော ရွှေအမြုတေ စာပေဆုပေးပွဲမှာ အခမ်းအနားမှူး လုပ်စဉ်ကတောင် ၀တ်လိုက်သေးသည်။ ကျွန်တော့် ပြောပုံဆိုလက်၊ ကျွန်တော့် ရေးပုံသားပုံ၊ ကျွန်တော့်အ၀တ်အစားတွေမှာ တော်တော် သိသာနေပါသည်။ အထင်ရှားဆုံးကား ကျွန်တော့် တစ်ပုဒ်တည်းသော လုံးချင်း ၀တ္ထုမှာ ၀င်းဦး၏ “မိန်းမလှ အမုန်း”နှင့် မထင်မှတ်ဘဲ သွားဆင်နေခြင်းပင်တည်း။ (သူ့လောက် ကောင်းဖို့နေနေသာသာ သူ့ခြေဖျားပင် မမီဟု ကျွန်တော့်ဝတ္ထုကို ဆရာမောင်ဝဏ္ဏက ထောမနာပြုဖူးပါသည်။)

သို့သော် ထိုဝင်းဦးကို သူ အသက်ရှင်စဉ်အခါက တစ်ခါမျှ လူချင်း မတွေ့ခဲ့ဖူးပါ။ သူ့ စန္ဒာမဂ္ဂဇင်းသို့မူ စာမူလေးတွေ ပို့ခဲ့ဖူးပါသည်။ တစ်ခါမျှ အရွေးမခံခဲ့ရချေ။

စာတည်းစားပွဲ အဆင့်ဆင့်ကို ဖြတ်သန်းလျက် စာပေလမ်းပေါ်သို့ ကျွန်တော် ရောက်ရှိစအချိန်မှာတော့ ၀င်းဦးတစ်ယောက် ကွယ်လွန်သွားခဲ့ပါသည်။ ကျွန်တော့်မှာ ယူကြုံးမရ။ နေမယ်ဆို ကောင်းကောင်း နေနိုင်သေးသော အရွယ်ဖြစ်သည်။ လုပ်စရာတွေလည်း အများကြီး လုပ်နိုင်သေးသည်။ ထိုအရွယ်မှာ သူ ကွယ်တော့ ကျွန်တော့်မှာ မဆည်နိုင်၊ မဖြေနိုင်။

ထို့ကြောင့် သူ့ကို လွမ်းလွမ်းနှင့် ၀င်းဦးသုတေသန လုပ်ပြီး မဟေသီမှာ ရေးဖြစ်ခဲ့သည်။ ၀င်းဦး၏ မိသားစုဝင် တချို့၊ ၀င်းဦး၏ လုပ်ဖော် ကိုင်ဖက်တချို့ကို တွေ့ဆုံ မေးမြန်းကာ ပြန်လည်တင်ပြခြင်းပင်ဖြစ်သည်။ ခက်တာက အမှန်ကို ပြောရန် လူအတော်များများက ၀န်လေးနေကြခြင်းပင်။ ခပ်ဖွဖွသာ ပြောခဲ့ကြသဖြင့် ခပ်ကြမ်းကြမ်း ကောက်ကြောင်းကိုသာ ရသည်။

သူ့အမေဘက်က အဘိုးက အင်္ဂလိပ်စစ်တပ်က ဆရာဝန်ကြီး ကာနယ်(လ်) ဘခက်၊ သူ့အမေက မင်နီဘခက်၊ စန္ဒယားအတီးကောင်းကာ စီးကရက်ကြိုက်သူ၊ သူ့အမေနှင့် သူ့အဖေတို့ ကွဲတော့ သူတို့ ညီအစ်ကို မောင်နှမတစ်တွေက မအေနဲ့ ကျန်ခဲ့ကြတာ၊ ၀ါးချက်ကို စစ်ပြေးတော့ သူ့အမေ မမာတော့တာ၊ သည်အချိန်မှာ သူ့အဖေနဲ့ သူ့မိထွေးတို့ကလည်း ၀ါးချက်ကိုပဲ ပြေးလာကြရာက ပြန်ဆုံကြတာ၊ သူ့အမေကွယ်တော့ ဖအေနဲ့ ပြန်ပေါင်းစည်းရတာ၊ ချောင်တစ်ချောင်မှာ ကုပ်ပြီး စာအုပ်နဲ့ မျက်နှာ မခွာတမ်းဖတ်တာ၊ ၁၅ နှစ်နဲ့ ဆယ်တန်းအောင်တာ၊ တက္ကသိုလ်တက်ချိန်အထိ လူဗလံလေး၊ ပိန်ညှော်ညှော်နဲ့၊ တက္ကသိုလ်က အလှပဂေးကို ချစ်ရေးဆိုရာမှာ ဟိုက နင့်လို ကနွဲ့ကလျနဲ့ ဗလံလေးကဆိုပြီး ပြောထည့်လိုက်တာမို့ စိတ်နာပြီး စစ်ထဲ ၀င်သွား၊ အလေးမ၊ အားကစားလုပ်ရင်း သူ့ကိုယ်ခန္ဒာကို မွေးမြူခဲ့တာ၊ အဲဒီ့ဘ၀က ဇာတ်လမ်းစုံ၊ သူကြိုက်ခဲ့ဖူးတဲ့ အဆိုတော် တစ်ယောက်၊ သြစတြေးလျမှာ ပညာသင်သွားခဲ့တာ၊ ပြန်လာတော့ မွေးပွ ခွေးလေးတစ်ကောင်ပါလာတာ၊ ၀င်ဒါမီယာ အသံလွှင့်ရုံမှာ သူ သဘောကျတဲ့ အဆိုတော် သီဆိုနေတော့ သွားပြီး ခွေးလက်ဆောင် ပေးခဲ့တာ၊ ရှုမ၀မဂ္ဂဇင်းတိုက်သို့ မော်တော်ဆိုင်ကယ်ဖြင့် ပေါက်ချလာတတ်သော နှုတ်ခမ်းမွှေးနှင့် စာရေးဆရာ ကိုလူချော၊ သူရုပ်ရှင်ထဲ ရောက်လာပုံ၊ လျှမ်းလျှမ်းတောက်လာချိန်မှာ တစ်သက်လုံး အနေအထိုင် စည်းမရှိတဲ့ လူတစ်ယောက်က သူ့ကို ဇာတ်သွင်းခဲ့တာ၊ သူအတိုက်အခိုက်ခံရပုံ မျိုးစုံ၊ သူ ဘာသာပြောင်းခြင်း အကြောင်းရင်း၊ မှုန်ရွှေရည်ထဲက စရိုက်နဲ့ သူ၊ သူက တစ်ဖက်သားတွေကို သူ့နည်းနဲ့သူ ပြန်နှိပ်ကွပ်ခဲ့တာ၊ သူ့ကို စာမျက်နှာပေါ်ကနေ တိုက်ခိုက်သူတွေ သူတိုက်တဲ့ အရက်ကောင်းကို သောက်ကာ သူသေတော့ သူ့ဘုန်းတော်ဘွဲ့တွေ ရေးကုန်ခဲ့ကြတာ…. အို… ခပ်ကြမ်းကြမ်း ကောက်ကြောင်းပေမင့် အများကြီးကို သိခွင့်ရခဲ့ပါသည်။

ထိုအထဲမှာမှ သူ့ အနုပညာ လုပ်ကွက်လှလှလေးတွေ၊ အနုပညာအား ကောင်းပုံတွေ၊ သင်ယူမှတ်သားမှု မြန်ဆန်ပုံတွေကိုလည်း သိခွင့်ရလိုက်တာ တစ်ပုံတစ်မ။

အားလုံးချုပ်လိုက်လျှင်မူ သူမတူအောင် ထူးခြားသော ပါရမီရှင်တစ်ဦးဟုသာ ဆိုရန် ရှိတော့သည်။ သို့သော် မှတ်တမ်းမှတ်ရာကား များများစားစား မကျန်နိုင်တော့ချေ။ ၀မ်းနည်းစရာ ကောင်းသည်မှာ သူ့ရုပ်ရှင်ကား အများအပြားအနက်မှ တချို့တလေသာ ကျန်ရစ်တော့ခြင်း ဖြစ်လေသည်။ မှုန်ရွှေရည်၊ မောင်တို့ ချယ်ရီမြေ၊ ဆောင်းတစ်ည၀ယ်၊ ကျောက်မဲ အကျဉ်းသား၊ သစ္စာတူပြိုင်၊ တိမ်လွှာမို့မို့လွင်၊ ချစ်သူရွေးမယ် ချစ်ဝဲလည်၊ မုန်းပါတယ် မောင့်ကို၊ တစ်ကျော့နှစ်ကျော့ တေးကိုသီတို့လောက်သာ ရှိတော့မည် ထင်သည်။ နှစ်ယောက်ထဲ နေချင်တယ်၊ ချစ်သော မောင်မောင်၊ မောင်မောင်နဲ့ သိင်္ဂီ၊ မုန်းတစ်လှည့် ပြုံးတစ်လှည့်၊ သိကြားစေ သက်သေညွန်း၊ ပိတောက်ရိပ်ဝယ်၊ နှင်းပျောက်တဲ့ နွေ၊ ဆောင်းအိပ်မက်တို့ဆိုရင် ဘယ်တွေ ရောက်သွားရှာလေပြီလဲ မသိ။

ထို့ထက် ၀မ်းနည်းစရာ ကောင်းသည်ကား စာရေး အင်မတန် ကောင်းသော အတုယူထိုက်သော သူ့စာများကို နှောင်းလူတို့ ဖတ်ခွင့်ကြုံရန် ခက်ခဲနေခြင်းပင်ဖြစ်တော့သည်။ ၀င်းဦးကို အတော်များများက ဇာတ်လိုက်မင်းသား၊ အဆိုတော်အဖြစ်သာ သိထားကြပါသည်။ စာရေးဆရာ ၀င်းဦးအဖြစ် လူငယ်တွေဆိုလျှင် မသိကြတော့ပါ။ အမှန်က ၀င်းဦး၏ အနုပညာ ခရီးအစသည် စာရေးဆရာ ဘ၀သာဖြစ်ပါသည်။ မင်းသား ၀င်းဦးဖြစ်ပြီးမှ စာအုပ်ထုတ်စားသည်မျိုး မဟုတ်မူဘဲ စာရေးဆရာအဖြစ် ခိုင်ခိုင်မာမာ အောင်မြင်ပြီးမှ ရုပ်ရှင်နယ်ထဲသို့ ရောက်လာကာ ရုပ်ရှင်မှာ လျှမ်းလျှမ်းတောက်သွားသူသာ ဖြစ်လေသည်။

လွန်ခဲ့သည့် နှစ်ပေါင်း ၂၀၊ ၀င်းဦးကွယ်လွန်ပြီးစတွင် ဆရာဝင်းဖေ (စာပေနယ်တွင် ဇင်နိုးကြူး ၀ါဒဟု တွင်ကျယ်စေခဲ့ရာတွင် ပါဝင်သူ တစ်ဦးဖြစ်သည့် ဆရာမြဇင်။ ကျန်သူများမှာ ကျွန်တော့် အင်္ဂလိပ်စာဆရာ မောင်သာနိုးနှင့် ဆရာမင်းလှညွန့်ကြူးတို့ ဖြစ်ပါသည်။ ဤကား စကားချပ်)နှင့် ဧည့်ခံပွဲတစ်ပွဲတွင် ဆုံခဲ့ဖူးသည်။ ဆရာ ၀င်းဖေနှင့် ၀င်းဦး၏ စာပေလက်ရာများအကြောင်း ပြောဖြစ်ရာ ဗန်းမော်တင်အောင်၏ သြဇာက တင့်တယ်အပေါ်မှာ သက်၊ တင့်တယ်၏ သြဇာက ၀င်းဦးအပေါ်မှာ သက်ခဲ့သည် မှန်သော်လည်း ၀င်းဦး၏ စကားပြေရေးဟန်မှာ ကိုယ်ပိုင်ဟန်ရှိသဖြင့် stylist ဟု ခေါ်ဆိုနိုင်ကြောင်း ဆရာဝင်းဖေက အလွတ်သဘော ပြောခဲ့ဖူးပါသည်။

ဝင်းဦး၏ စာပေလက်ရာများမှာ နှောင်းလူတို့အတွက် အမှန် တကယ် အတုယူဖွယ်၊ နည်းနာယူဖွယ် စကားပြေလက်ရာများသာ ဖြစ်ပါသည်။ မြန်မာစာကို နှိုက်နှိုက်ချွတ်ချွတ် ဖတ်ထားသလို နိုင်ငံတကာ စာပေကိုလည်း အထိုက်အလျောက် အဖတ်အရှုများသူ တစ်ဦး ဖြစ်သည့် အားလျော်စွာ သူ့စာလေးတွေမှာ တွေးစရာ တစ်ပုံတစ်ပင် ပါဝင်နေခဲ့ဖူးသည်မှာလည်း ဧကန်ပင်။

သူ့စာတွေကို အများပြည်သူ နှောင်းလူ ခေတ်လူငယ်များ ဖတ်ဖြစ်စေချင်သော စေတနာနှင့် ထုတ်ဝေခွင့်ရရန် ကျွန်တော် ကြိုးပမ်းဖူးပါသည်။ သို့သော် သူ့စာများအပါအ၀င် သူ့အနုပညာအရပ်ရပ်ကို ဆက်ခံသူကမူ ဒါတွေနှင့် ဝေးလွန်းလှသည်။ သူ့ကို အဆိုတော် မင်းသား တစ်ဦးအဖြစ် အရူးအမူး ချစ်ခဲ့သည်က လွဲ၍ သူ့တန်ဖိုးကိုလည်း သတိမမူ၊ သူ့အနုပညာအမွေများကိုလည်း လက်ဆင့်ကမ်းဖို့ စိတ်ကူးမရ ဖြစ်နေပေရာ သူ့စာတွေကို လူအများ ဖတ်ရဖို့ ခဲယဉ်းနေပါလေတော့သည်။

သို့သော်… ယနေ့ကာလ နည်းပညာခေတ်၊ သတင်းအချက်အလက်ခေတ်ကြီးမှာ မျှော်လင့်ချက် ရောင်ခြည်က သန်းလာပါလေပြီ။ သူ့စာတွေကို အင်တာနက်စာမျက်နှာပေါ်မှာ အပင်ပန်းခံ တင်ဖို့သာ လိုသည်။ ပင့်ကူအိမ်မှတ်တမ်းဟု ခေါ်သော နိုင်ငံတကာ ဆက်သွယ်ရေး ကွန်ရက်ပေါ်မှ မှတ်တမ်းစာမျက်နှာတစ်ခုကို ဖွင့်လှစ်ရန်မှာ ဘာမှ ခက်ခက်ခဲခဲ မဟုတ်လှချေ။ ထိုစာမျက်နှာပေါ် အပင်ပန်းခံပြီး တင်မည့်သူ တစ်ယောက်မျှ ပေါ်လာလျှင်ပင် ၀င်းဦး၏ လက်ရာမွန်များကို လူငယ် ပရိသတ် ရှာဖွေ ဖတ်ရှုနိုင်တော့မည်မှာ မလွဲပါတည်း။

ထိုနည်းဖြင့်ပင် တစ်နှစ်မျှအတွင်း ၀င်းဦး၏ သီချင်းပေါင်း ၇၀ ကျော်ကို ကျွန်တော် စုနိုင်ခဲ့ပြီဖြစ်ပေရာ မဝေးသောကာလမှာလည်း ကျွန်တော် ချစ်သော၊ လေးစားသော၊ အားကျသော စာရေးဆရာ ၀င်းဦး၏ စာများကို ဖတ်ရှုနိုင်တော့မည်ဟု မမှိတ်မသုံ ယုံကြည်နေမိရပါတော့သတည်း။

(၁၉၈၈ ခုနှစ် ဒီဇင်ဘာလ ၁၄ ရက်မှာ ကွယ်လွန်တိမ်းပါးခဲ့သော အနုပညာရှင် ၀င်းဦး ကွယ်လွန်ခြင်း ၂၂ နှစ်ပြည့် အမှတ်တရ)

အားလုံးတွေးဆ ဆင်ခြင်ကြည့်နိုင်ကြပါစေ

ဆူဒိုနင်

(ရန်ကုန် – ၁၀၁၂၁၀)

Advertisements

10 thoughts on “Win Oo, the Ideal Artist

  1. ၀င်းဦးရဲ့စာအုပ်မဖတ်ဘူးဘူး. ဖတ်ကြည့်ချင်ပါတယ်. လင့်များရှိရင် share ပေးပါအုံး

    • ကျွန်တော် သိသလောက်တော့ စာအုပ်လိုက် မတွေ့မိသေးပါဘူး။ စာမြည်းအနေနဲ့ ဖတ်ချင်ရင်တော့ http://www.facebook.com/note.php?note_id=183002935050283 မှာ ဖတ်နိုင်ပါလိမ့်မယ်။ အဲဒီ့ အမြည်းနဲ့တင် သူ ဘယ်လောက် စာရေးကောင်းတယ်ဆိုတာကို ခံစားကြည့်နိုင်မယ် ထင်ပါတယ်။

      • ကျေးဇူးတင်လိုက်တာဗျာ။ အပင်ပန်းခံပြီး တင်ထားတဲ့သူကိုရော အခု လင့်(ခ်) ပေးလာသူကိုပါ လှိုက်လှိုက်လှဲလှဲ ကျေးဇူးတင်လှပါတယ်ခင်ဗျား။

    • Facebook မှာ Win Oo Fan Page ရှိပါတယ်။ အဲဒီ့မှာ သူ့ဝတ္ထုတိုလေးတွေ၊ ရုပ်ရှင်လင့်(ခ်)လေးတွေ၊ သီချင်းလေးတွေ၊ ဓာတ်ပုံလေးတွေ၊ အတ္ထုပ္ပတ္တိ အကျဉ်းလေးတွေ ရှိနေပါတယ်။

      http://www.facebook.com/pages/Win-Oo/154793814568862?ref=mf မှာ သွားကြည့်နိုင်ပါတယ်။

  2. ၀င်းဦးရဲ့စာအုပ်မဖတ်ဖူးဘူး. ဖတ်ကြည့်ချင်ပါတယ်. လင့်များရှိရင် share ပေးပါအုံး

  3. Dear Saya,

    There is a google’s cache of a page containing Win Oo’s songs. Although the original page is dead now, the “mediafire” links in it are still working. (Pls excuse me if you already have these songs.)

    (1) pls search the following text in google:
    ဆွေးနွေးချက်: ၀င်းဦး သီချင်းများ
    (2) in the topmost search result, pls click “cached” (besides the address of the link)
    (3) pls look for the DOWNLOAD links (mediafire links).

    But, I am not sure whether mediafire is blocked in Myanmar or not.

    All the best.

    Regards,
    Zeyar

  4. ဟုတ်ကျေးဇူးပါလင့်လေးတွေကူးသွားပါတယ်ရှင့်…..

  5. ဒီဆောင်းပါးကို ဖတ်ရတဲ့အတွက် ကျေးဇူးအရမ်းတင်တယ်။ ကျွန်မလည်း လူငယ်တယောက်ပါ ဦးဝင်းဦးရဲ့ အနုပညာကို အရမ်းလေးစားတယ်။ တန်ဖိုးလည်းထားတယ်။

Leave a Reply to lettwebaw Cancel reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s