Dear World

ချစ်သော လောကကြီးခင်ဗျား

ကျွန်တော့်သားတော်မောင်ရဲ့ ကျောင်းအုပ်ကြီးက ကျွန်တော့်ဆီ ဖုန်းဆက်တယ်။ အရေးတကြီး ပြောစရာလေး ရှိလို့ ကျွန်တော်နဲ့ လာတွေ့ချင်ပါတယ်တဲ့။ အဲဒါ ကျွန်တော် ဘယ်အချိန်အားမလဲလို့ လှမ်းမေးတာပါ။

သားက နောက်နှစ်ပတ်လောက်နေရင် အထက်တန်းကျောင်းဆင်းပွဲကို တက်ရတော့မှာပါ။ သည်တော့ကာ ကျောင်းအုပ်ကြီး ကျွန်တော်နဲ့ ပြောချင်တဲ့ကိစ္စက အဲဒီ့ကျောင်းဆင်းပွဲနဲ့ ပတ်သက်နေလိမ့်မယ်လို့ တွေးမိရပါတယ်။ သို့ပေမယ့် တစ်ဖက်ကလည်း သားက အထက်တန်း ကျောင်းသား ဆယ်ကျော်သက်ဆိုတော့ သူ ဗရုတ်ဗရက်လုပ်ထားတာ တစ်ခုခုအတွက် လာပြောချင်တာလည်း ဖြစ်ချင်ဖြစ်နိုင်တယ်ဆိုတဲ့အတွေးကလည်း ကျွန်တော့်ခေါင်းထဲ ဖျတ်ခနဲ ဝင်လာသေးတယ်။ ဘာပဲဖြစ်ဖြစ်၊ ဆရာကြီး ရောက်အလာကိုသာ မျှော်ရင်းနဲ့ သူလာတဲ့အကြောင်းက အကြောင်းကောင်းဖြစ်ပါစေလို့ပဲ ကျွန်တော် ဆုတောင်းနေလိုက်ပါတယ်။

တကယ်တော့လည်း ဆရာကြီး လာတဲ့အကြောင်းက တကယ့် အကြောင်းကောင်းပါ။ ကျောင်းဆင်းပွဲမှာ သားက အဲဒီ့နှစ်အတွက် အထက်တန်းကျောင်းဆင်းကြသူများ အားလုံးကိုယ်စား အမှတ်တရစကား ပြောရမှာတဲ့။ သားက စာလည်းတော်၊ မိတ္တဗလအရာမှာရော၊ စာရိတ္တမှာပါ ချွန်သူပီပီ ကျောင်းရဲ့ ဂုဏ်ကိုဆောင်သူ တစ်ယောက် ဖြစ်တာမို့ သားကို ဂုဏ်ပြုတဲ့အနေနဲ့ အဖေ ကျွန်တော်ကလည်း သားပြောမယ့် စကားထဲမှာ ထည့်ဖတ်နိုင်မယ့် သဝဏ်လွှာတစ်စောင် ရေးပေးဖို့ ဆရာကြီးက ကျွန်တော့်ကို လာပြောတာပါ။

ကျွန်တော်လည်း ရေးပေးပါမယ့်အကြောင်း ဆရာကြီးကို ဝမ်းပန်းတသာ ပြန်ပြောလိုက်ပါတယ်။ တကယ်လည်း တကယ်ပါ။ ကျွန်တော်ဟာ ကျွန်တော့်သားအတွက် အလွန်ကို ဂုဏ်ယူနေမိရပါတယ်။

သည်လိုနဲ့ ရေးမယ်လို့ ပြင်ပြီး လက်နှိပ်စက်ရဲ့ ရှေ့မှာ ထိုင်နေရင်း သားရဲ့ဘဝတစ်လျှောက်မှာ ကြုံခဲ့ရတဲ့အဖြစ်အပျက်တွေကို ပြန်ပြောင်း အောက်မေ့နေမိရပါတယ်။ သည်လိုတွေးနေရင်းကနေ အထက်တန်းကျောင်း ဆင်းပွဲရဲ့ အနှစ်သာရ အစစ်အမှန်ကို သတိထားမိသွားတယ်။

သည်ကျောင်းဆင်းပွဲပြီးရင် သားနဲ့ သားသူငယ်ချင်းတွေဟာ အစိမ်းသက်သက် လောကကြီးထဲကို ဝင်ကြရတော့မယ့်သဘောပါ။ ကျွန်တော်တို့ မိဘတွေဟာလည်း သူတို့ကို နည်းပေးလမ်းပြ လုပ်ဖို့၊ ဖေးမပေးဖို့ သူတို့ နားမှာ အရင်ကလို နေ့စဉ်နဲ့အမျှ ရှိနေတော့မှာလည်း မဟုတ်ပါဘူး။ ဒါကို တွေးမိသွားတာနဲ့ ကျွန်တော်လည်း လောကကြီးဆီ လိပ်မူလို့ စာတစ်စောင် ကောက်ရေးလိုက်ပါတယ်။

ကျွန်တော့်စာလေးက သည်လိုပါ။

ချစ်သော လောကကြီးခင်ဗျား

ကျွန်တော်တို့ရဲ့ သားသမီးလေးတွေဟာ သည်နေ့ပဲ အထက်တန်းကျောင်းမှာ သင်ကြားခဲ့တဲ့ ပညာရေး ဆုံးခန်းတိုင်သွားကြပါပြီ။ သည်အခါ သူတို့လေးတွေဟာ ခဏတစ်ဖြုတ်တော့ တမျိုးတမည်ဖြစ်နေကြဦးမှာ၊ မနေတတ် မထိုင်တတ် ဖြစ်နေကြဦးမှာပါ။ အဆွေလောကကြီးအနေနဲ့ သူတို့လေးတွေအပေါ် ကြင်ကြင်နာနာ ဆက်ဆံပေးပါလို့ ကျွန်တော့်အနေနဲ့ မေတ္တာရပ်ခံပါရစေလား ခင်ဗျာ။

အခုချိန်ထိတော့ သူတို့လေးတွေဟာ သူတို့ပတ်ဝန်းကျင်မှာ သူတို့သာ ရှင်ဘုရင်လေးတွေအဖြစ် နေခဲ့ကြပါတယ်။ သူတို့လေးတွေ အနာတရ ဖြစ်လာချိန်မှာ မိဘတွေက သူတို့အနာတွေ သက်သာအောင် ဆေးထည့်တန်ထည့်၊ ကျပ်ပူတိုက်တန် တိုက်ပေးခဲ့ကြတယ်။ သူတို့ရင်ထဲက ခံစားချက် အစိုင်အခဲလေးတွေကိုလည်း ပြန်လည် ကောင်းမွန်လာအောင် မိဘတွေကပဲ ဂရုတစိုက်နဲ့ ပြုပြင်လို့ ပေးခဲ့ကြပါတယ်။ ဒါကိုလည်း အဆွေ လောကကြီး အသိဆုံးပါနော်။

အခုတော့ အဲသလို မဟုတ်တော့ပါဘူး။ သူတို့လေးတွေဟာ စွန့်စားခန်းသစ်တစ်ခုကို စတင်ကြတော့မှာပါ။ အဲဒီ့စွန့်စားခန်းမှာတော့ ပရိဒေဝတွေလည်း ပါချင်ပါမယ်၊ စိတ်ဆင်းရဲစရာတွေလည်း ပါချင်ပါနေပါလိမ့်မယ်။ သည်ခရီးမှာ ဆက်လက်ချီနိုင်ဖို့ သူတို့မှာ ခိုင်မာတဲ့ ယုံကြည်ချက် ပြင်းပြင်းပြပြ ရှိနေဖို့ လိုပါလိမ့်မယ်။ စစ်မှန်တဲ့ မေတ္တာလည်း  လိုပါလိမ့်မယ်။ ခန္တီစဆိုတဲ့ သည်းခံခြင်းတရားကိုလည်း လက်ကိုင်ထားကြရပါလိမ့်မယ်။ ဒါတင်မကသေးဘဲ၊ နားလည်မှု ဆိုတာလေးကိုလည်း ရင်ဝယ် ပိုက်နိုင်မှသာ သူတို့ရဲ့ ရှေ့ခရီး ချောမွေ့မှာပါ။

သည်တော့ကာ ချစ်စွာသော လောကကြီးခင်ဗျား…

သူတို့လေးတွေအား စောင့်ရှောက်ပါရန် ကျွန်တော်က အဆွေ့အား လေးစားစွာ ပန်ကြားချင်ပါတယ်။ သူတို့လေးတွေရဲ့ လက်ကို ဆွဲကာ ဦးဆောင် ခေါ်ယူလို့ သူတို့တွေသိသင့်သိထိုက်တာအားလုံးကို သင်ကြားပြသပေးတော်မူပါ။ ဒါပေမယ့် တဆိတ်လောက်ခင်ဗျာ၊ ဖြစ်နိုင်မယ်ဆိုရင်တော့ သူတို့လေးတွေ အပေါ်မှာ နူးနူးညံ့ညံ့လေးသာ ထိန်းကျောင်း သင်ကြားပေးစေချင်လှပါတယ် ခင်ဗျား။

လူတိုင်းလူတိုင်းဟာ တရားသူချည်း ဖြစ်လို့မနေသလို လူတိုင်းလူတိုင်းဟာလည်း မျှတသူချည်း မဟုတ်တာ၊ လူတိုင်းလူတိုင်း ဖြောင့်မတ်လို့ချည်း မနေတာကို သူတို့လေးတွေ သိသွားဖို့ လိုပါတယ်။ ဒါပေမယ့် နေရာတိုင်းမှာ လူဆိုးတွေ၊ လူကြမ်းတွေရှိသလို သူရဲကောင်းတွေလည်း ရှိတယ်၊ ကလိန်ကကျစ် နိုင်ငံရေးသမားတွေ ရှိသလို ကြီးကျယ်မြင့်မြတ်ပြီး စိတ်ရောကိုယ်ပါနှစ်ကာ လုပ်ကိုင် ဆောင်ရွက်တတ်တဲ့ ခေါင်းဆောင်တွေ ရှိတယ်၊ ရန်သူတွေ ရှိသလို မိတ်ဆွေကောင်းဆိုတာလည်း ရှိတယ်ဆိုတာကိုလည်း သူတို့လေးတွေကို သင်ကြားပေးပါလို့ အဆွေလောကကြီးကို အပ်ချင်ပါတယ် ခင်ဗျာ။

အချိန်တော့ ယူရမှာပေါ့ခင်ဗျာ။ ဒါပေမယ့် ကောက်ရတဲ့ ငွေတစ်ထောင် ထက်စာရင် ကိုယ့်လုပ်အားနဲ့ကိုယ် ရှာလို့ရတဲ့ ငွေတစ်ရာက ပိုတန်ဖိုးရှိတဲ့ အကြောင်းကိုတော့ သူတို့လေးတွေကို သင်ဖြစ်အောင် သင်ပေးလိုက်ပါ အဆွေ လောကကြီးခင်ဗျား။

ဒါတင်မကသေးဘဲ၊ အောင်မြင်မှုရဲ့ အရသာကို ကောင်းကောင်းကြီး ခံစားတတ်ဖို့ ဆုံးရှုံးတဲ့အခါမှာလည်း သိက္ခာရှိရှိ အရှုံးပေးတတ်အောင် သင်ပေးတော်မူလိုက်ပါဦးခင်ဗျား။

ဖြစ်နိုင်မယ်ဆိုရင် သူတို့လေးတွေရဲ့ ရင်မှာ ဝန်တို မစ္ဆရိယစိတ်တွေ  မမွေး ဖြစ်အောင်လည်း လမ်းညွှန်ပေးလိုက်တော်မူပါ။ မစ္ဆရိယစိတ်အစား တိတ်တိတ်ကလေး ကြိတ်ပြီး ရယ်နိုင်တဲ့အတတ်ကို သူတို့လေးတွေ တစ်ဖက်ကမ်းခတ် တတ်အောင် သင်ပြပေးလိုက်ပါလားခင်ဗျာ။

ဘာသာတရားရဲ့ အရိပ်အာဝါသအောက်မှာ ငြိမ်းချမ်းမှုကို ရှာတတ်အောင်လည်း သင်ပြပေးပါခင်ဗျာ။

အရှုံးကြောင့်ပေါ်ပေါက်လာရတဲ့ နာကျင်ထိခိုက်မှုကို ရင်ဆိုင် ကျော်လွှားပြီး အောင်မြင်တဲ့အထိ မဆုတ်မနစ် အားထုတ်လိုတဲ့ စိတ်ဆန္ဒကလေးတွေ ရလာဖို့အတွက် သူတို့ရဲ့ ရင်ထဲမှာ ခိုင်မာပြတ်သားတဲ့ စိတ်ဓာတ်ကလေးတွေ မွေးယူနည်းကိုလည်း ကျကျနနလေး ပြပေးလိုက်ပါဦး ခင်ဗျား။ သိမ်မွေ့သူများနဲ့ သိမ်သိမ်မွေ့မွေ့ရင်ဆိုင်ဖို့၊ ခဲခဲကပ်ကပ်တွေနဲ့ ကြုံတဲ့အခါ ကိုယ့်ဖက်ကလည်း ပြတ်ပြတ်သားသား ခိုင်ခိုင်မာမာ ရပ်တည်တတ်ဖို့ကိုလည်း သင်ပြပေးပါနော် အဆွေလောကကြီး။

မိုးခါးရေသောက်နေတဲ့ အများနောက်ကို မလိုက်ဘဲ မိမိတို့ရဲ့ ဆင်ခြင်တုံတရားကို လက်ကိုင်ထားကြဖို့ကိုလည်း သူတို့ကို လမ်းပြပေးပါခင်ဗျာ။ တစ်ဆက်တည်းမှာပဲ လူတကာ ပြောသမျှကို တလေးတစား နားထောင်ပါ၊ သို့သော်လည်းပဲ၊ သစ္စာတရားဆိုတဲ့ ဆန်ကာနဲ့ တိုက်ပြီးမှ ကြားသမျှကို ရင်ထဲထည့်ပါလို့လည်း သူတို့ကို သေချာမှာပေးပါ လောကကြီးခင်ဗျာ။

ကြေကွဲခိုက်မှာ ရယ်တတ်အောင် သူတို့ကို သင်ပေးပါလို့ မှာလိုက်ချင်သေးသလို မျက်ရည်ကျတာဟာလည်း ရှက်စရာ မဟုတ်ကြောင်းကိုပါ တစ်ပါတည်း ပြောပြပေးပါနော်။ ဒါတင်မကသေးဘူး၊ ဆုံးရှုံးမှုရဲ့နောက်မှာ အသရေ ဆိုတာ ရှိနိုင်နေသေးသလို အောင်နိုင်မှုရဲ့နောက်မှာလည်း မှိုင်တွေစရာတွေ ရှိနေတတ်သေးတာကိုလည်း သူတို့ကို သင်ပြပေးတော်မူပါ အဆွေလောကကြီး ခင်ဗျား။

သူတစ်ပါးရဲ့ မျက်ချေးကိုပဲ မဲပြီး မြင်တတ်သူတွေကို အမှုမထားဖို့သာ မကဘဲ သိပ်ချိုလွန်းသူတွေကို ဆိုရင်လည်း ကောင်းကောင်းကြီးကို သတိထားဖို့ သူတို့လေးတွေကို သင်ပြပေးတော်မူပါခင်ဗျာ။

သူတို့ရဲ့ ကာယနဲ့ ဥာဏကို ဈေးအမြင့်ဆုံးပေးသူကိုသာ ရောင်းချပါ၊ ဒါပေမယ့် သူတို့ရဲ့ နှလုံးသားနဲ့ ယုံကြည်ချက်ကိုတော့ ဘယ်ဘယ်သောအခါမှ ဈေး အဖြတ်မခံ၊ တန်ဖိုးဖြတ် မခံကြဖို့ကိုလည်း သေသေချာချာ သင်ပြပေးတော်မူပါဦးခင်ဗျား။

တခြားတပါးသူတွေနဲ့ သူတို့ကိုယ်သူတို့ မနှိုင်းမိ၊ မယှဉ်မိအောင်လည်း သင်ပေးလိုက်ပါဦးနော်။ အဲသလို နှိုင်းတိုင်း၊ ယှဉ်တိုင်း သူတို့ထက် သာတဲ့သူ၊ သူတို့ထက် ချာတဲ့သူဆိုတာ အမြဲတန်းရှိနေမှာပဲ မဟုတ်ပါလားခင်ဗျာ။ သည်တော့ကာ သူတို့လေးတွေအနေနဲ့ သူတစ်ပါးနဲ့ ယှဉ်မယ့်အစား ကိုယ့်ရဲ့ စွမ်းဆောင်မှုကိုသာ တစ်နေ့ထက်တစ်နေ့ ပိုပိုပြီး ထက်မြက်နေအောင်၊ တစ်နည်းအားဖြင့် ကိုယ့်အရည်အချင်းကသာ တစ်ကြိမ်ထက် တစ်ကြိမ် ပို ပိုတက်လာ၊ ထက်လာအောင် အားထုတ်တတ်တဲ့ အလေ့အထလေး မွေးဖြစ်အောင်သာ လမ်းကြောင်းပေးတော်မူပါ အဆွေလောကခင်ဗျား။

သူနိုင်ကိုယ်နိုင် ဝင်ကစားရတဲ့ အချိန်ဆိုတာ ရှိသလို တစ်ဖက်သားကို အလှည့်ပေးရတဲ့ အခိုက်အတန့်ဆိုတာလည်း ရှိတဲ့အကြောင်း သူတို့ကို သင်ပေးဖို့လည်း မမေ့ပါနဲ့နော်။

သူတို့အပေါ်မှာ နူးနူးညံ့ညံ့ ဆက်ဆံပေးဖို့ ကျွန်တော် ထပ်ပြီး အနူးအညွတ် တောင်းပန်အပ်ပါတယ် အဆွေလောကကြီး။ သို့သော်လည်း သည်စကားဟာ သူတို့ကို ဖူးဖူးမှုတ်ထားပေးပါလို့ ပြောတာမျိုးတော့ လုံးဝ မဟုတ်ပါဘူးခင်ဗျာ။ မီးနာမှ သံမဏိရဲ့ အရည်အသွေးက ကောင်းမြဲမို့ သူတို့ကို ဖူးဖူးမှုတ်နေဖို့တော့ တစ်စက်ကလေးမှ မလိုတာလည်း အမှန်ပဲ ခင်ဗျ။

သူတို့ကိုယ်သူတို့ ပြည့်ပြည့်ဝ၀ ယုံကြည်တတ်အောင်လည်း သင်ပြပေးပါ ခင်ဗျာ။ ဒါမှလည်း သူတို့က လူသားအားလုံးအပေါ်မှာ ပြည့်ပြည့်ဝ၀ ယုံကြည်တတ်မှာ မဟုတ်ပါလားခင်ဗျာ။

ကျွန်တော် တောင်းဆိုတာတွေက သိပ်များ များသွားပြီလားတော့ မဆိုတတ်နိုင်ဘူးခင်ဗျ။ ဘာပဲဖြစ်ဖြစ်၊ အဆွေလောကကြီးအနေနဲ့ နိုင်သလောက်တော့ လုပ်ပေးတော်မူပါလို့ မေတ္တာရပ်ခံပါရစေခင်ဗျာ။

ကျွန်တော်တို့ရဲ့ သားသမီးလေးတွေဖြစ်တဲ့ သူတို့လေးတွေဟာ အင်မတန် သင်လွယ် တတ်လွယ်တဲ့ အရိုးခံ အဖြူထည်လေးတွေပါခင်ဗျာ။

Avril Johannes ရေးတဲ့ Dear World ကို ပြန်ဆို တင်ဆက်လိုက်တာပါ။ သည်တစ်ပုဒ်မှာလည်း ကျွန်တော့်က ဘာမှ ဝင်ပြောစရာမလိုအောင်ကို ပြည့်စုံနေပါတယ်။

သို့သော် မပြောရရင် မနေနိုင်လို့ သည်တစ်ပုဒ်ရဲ့ဆိုလိုရင်းနဲ့ သိပ်မဆိုင်လှတာလေး တစ်ခုကိုတော့ ပြောကြည့်စမ်းချင်ပါတယ်။

အဲဒါကတော့ လောကကြီးကို ရည်ရွယ်ရေးသားတဲ့ စာကို ရေးဖြစ်စေဖို့ အတွက် လာရောက်တိုက်တွန်းသူ ကျောင်းအုပ်ကြီးရဲ့ အပြုအမူပါပဲ။

သူက ကျောင်းသားမိဘကို တွေ့ချင်တယ်။ တွေ့ချင်တော့ ဘာလုပ် သလဲ။ ကျောင်းသား မိဘကို ကြိုတင် ဖုန်းဆက်တယ်၊ လာတွေ့နိုင်မယ့် အချိန်ကိုမေးတယ်၊ ကြိုချိန်းတယ်၊ ပြီးမှ သူက မိဘရှိရာကို သွားတွေ့တယ်။

အဲဒါလေးက ကျွန်တော့်အတွက် သိပ်ကြည်နူးစရာကောင်းနေတယ်။

ရုပ်ရှင်တွေထဲမှာလည်း ခဏခဏ မြင်ဖူးတယ်။ အတန်းပိုင်ဆရာမက ဖြစ်စေ၊ ဘာသာရပ်သင် ဆရာကဖြစ်စေ၊ ကျောင်းသားတစ်ယောက်ယောက်ရဲ့ အဆိုးအကောင်းနဲ့ပတ်သက်လို့ အဲဒီ့ကျောင်းသားရဲ့ မိဘတွေကို ပြောချင် ဆိုချင်လာတဲ့အခါမှာ မိဘတွေရဲ့အိမ်ကို တကူးတကသွားပြီး ပြောကြတဲ့ ဓလေ့လေး။

သိပ်ချစ်ဖို့ကောင်းတဲ့ ဓလေ့လေးပါ။ တစ်နည်းအားဖြင့် လူနဲ့လူချင်း အပြန်အလှန်လေးစားမှု သဘောလေးကို အဲဒါလေးမှာ သွားတွေ့ရတယ်။

ကျွန်တော်သာ မူရင်းစာရေးသူလို လောကကြီးဆီ စာရေးဖြစ်မယ် ဆိုရင် အဲဒါလေးပါ ဖြည့်ထည့်မိသွားမလားမသိဘူး။

သည်လိုလေးပေါ့လေ…

လောကကြီးခင်ဗျား…

မိမိ ဘာကောင်ဖြစ်နေနေ တစ်ဖက်သားကို လေးလေးစားစားနဲ့ နှိမ့်နှိမ့်ချချ ဆက်ဆံတတ်တဲ့စိတ်ဟာ ကောင်းမြတ်တဲ့ စိတ်နှလုံးဖြစ်ကြောင်း သူတို့လေးတွေရဲ့ ရင်ထဲ အသည်းထဲက နားလည်သဘောပေါက်သွားအောင်လည်း ဖြည့်စွက် သင်ပြပေးတော်မူပါဦးခင်ဗျား… လို့။

 

လက်တွဲဖော် စာအုပ်တိုက်က စာမူ ခွင့်ပြုချက်အမှတ် ၁၂၀၂/၂၀၀၄ (၁၀) နဲ့ ၂၀၀၅ ခုနှစ် ဇန်န၀ါရီလက 
ထုတ်ဝေထားတဲ့ ကျွန်တော့်ရဲ့ “ဘယ်ဆီကိုများ ဒုန်းစိုင်းသွားနေ (မောဟပြေပုံတိုပတ်စများ - တတိယအစု)
စာအုပ်ထဲက စာတစ်ပုဒ် ဖြစ်ကြောင်းပါ။

The Origin of Spilling Over Other People’s Pockets

သူတစ်ပါး အိတ်များထဲ ဖိတ်လျှံလွင့်စင်ကုန်ခြင်း၏ မူလဘူတ

ကျွန်တော် မချမ်းသာပါဘူး။ သည်ကြားထဲကပဲ ဘန်ကောက်မှာ ကျန်းမာရး စစ်ဆေးမှု ခံယူဖို့ သွားလိုက်ပါတယ်။ တကယ်က စစ်ဆေးမှု ခံယုံတင်ဆို သိပ်လည်း မကုန်ပါဘူး။ လေယာဉ်ခ တည်းခိုခ အပါအဝင် ခြစ်ခြစ်ကုပ်ကုပ်သာ သုံးမယ်ဆိုရင် စုစုပေါင်း ကျပ် ခြောက်သိန်းလောက်ဆို လုံလောက်ပါတယ်။ အဲ… တစ်ခုတော့ ရှိသပေါ့။ ကျွန်တော် သွားစစ်ချိန်မှာ အလုံးစုံ အသေးစိတ် စစ်ဆေးမှုအတွက် ကျသင့်ငွေကို ၅၀ % လျှော့ချပေးနေတဲ့ အချိန်မို့ ဖြစ်ပါတယ်။ မဟုတ်ရင်တော့ ရှစ်သိန်း ကိုးသိန်း ကုန်မယ်ထင်တယ်။

သည်နေရာမှာ ဘန်ကောက်ဖြစ်ဖြစ်၊ စင်္ကာပူမှာဖြစ်ဖြစ်၊ တခြား အာရှနိုင်ငံမှာဖြစ်ဖြစ် ဆေးသွားကုမယ်၊ ဆေးစစ်မယ်ဆိုရင် ဂျေစီအိုင် အသိအမှတ်ပြု ဆေးရုံ ဟုတ်မဟုတ် အရင် စုံစမ်းသင့်ပါတယ်။ ဂျေစီအိုင် ဆိုတာက ကျန်းမာရေး စောင့်ရှောက်မှု ပေးနေတဲ့ အဖွဲ့အစည်းများကို  တရားဝင် လက်ခံ အသိအမှတ်ပြုပေးတဲ့ ကမ္ဘာ့အဖွဲ့အစည်း တစ်ခု ဖြစ်ပါ တယ်။ အရှည်က Joint Commission International ပါတဲ့။

ထားပါတော့… ကျွန်တော် ပြောချင်တာ အဲဒါ မဟုတ်ပါဘူး။ ဘန်ကောက်မှာ ဆေးစစ်ပြီး ရလာတဲ့ အဖြေတွေကို အင်တာနက်ပေါ်မှာ တင်လိုက်တော့ တစ်ယောက်က မေးလာတယ်။

“ဒါတွေကို မြန်မာပြည် မှာ စစ်လို့ မရလို့လား”တဲ့။

ကျွန်တော် ပြန်ဖြေလိုက်ပါတယ်။

“အိုး… သိပ်ရတာပေါ့ဗျာ။ ဘန်ကောက်မှာ ပိုကောင်းတာကတော့ဗျာ၊ ဓာတ်ခွဲခန်း ဝန်ထမ်းတွေ၊ သူနာပြုတွေ၊ ရောဂါရှာဖွေရေး ဆရာဝန်တွေသာမကဘူး၊ တံခါးစောင့်က အစ မျက်နှာတွေက ပြုံးလို့ ချိုလို့။ လူကို လူလိုဆက်ဆံလို့၊ လူသားတစ်ယောက်အနေနဲ့ ခံစားထိုက်တဲ့ ဂါရဝတရားနဲ့ လေးစားမှုကို ပြသကြလို့ပါပဲခင်ဗျား”လို့ပါ။

မှန်ပါတယ်။ သည်ကနေ ကျွန်တော်မထွက်ခင်ကတည်းက သည်က သက်ဆိုင်ရာ ဆေးရုံရဲ့ ကိုယ်စားလှယ်လုပ်ငန်းက ဝန်ထမ်းတွေကအစ ပြေပြစ်လှပါတယ်။ ချေငံလှပါတယ်။ အစစ အဆင်ပြေအောင် ဆောင်ရွက်ပေးကြတယ်။ ပြည်ဝင်ခွင့်၊ လေယာဉ်လက်မှတ်၊ ထွက်ခွာပုံစံများကို အစအဆုံး လုပ်ပေးတယ်။ ဟိုရောက်တော့ လာကြိုပေးမယ်လို့ ပြောပြီး တကယ်တမ်းမှာ လာမကြိုဖြစ်ကြဘူး။

ကျွန်တော်က ဘန်ကောက်မှာ ရှိတဲ့ အဲဒီ့လုပ်ငန်းက မြန်မာလူငယ်ကို လေဆိပ်ကနေ ဖုန်းလှမ်းဆက်တော့ သူ့ကို လေဆိပ်မှာ မကြိုနဲ့တော့လို့ အဲဒီ့မနက်ကမှ အကြောင်းကြားလို့ မကြိုဖြစ်တဲ့အကြောင်း၊ သည်အတွက် တောင်းပန်ပါကြောင်း၊ ခဏစောင့်ပေးမယ်ဆိုရင် သူချက်ချင်း လာကြိုမှာ ဖြစ်ကြောင်းတွေ ချေချေငံငံပြန် ပြောပေးခဲ့ပါတယ်။

ဘန်ကောက်က ကျွန်တော့်အတွက် အိမ်ဦးနဲ့ ကြမ်းပြင်လို ဖြစ်နေပြီမို့ မစောင့်တော့ဘူး၊ ကျွန်တော့်ဘာသာပဲ လေဆိပ်ကနေ တည်းခိုမယ့် ဟိုတယ်ဆီ တန်းသွားလိုက်ပါတော့မယ်လို့ အကြောင်းပြန်ခဲ့ပါတယ်။ ကျွန်တော် ရောက်နေတဲ့အချိန်မှာ မြန်မာပြည်ရုံးခွဲက ကျွန်တော့်ဆီ အင်တာနက်ကတစ်ဆင့် ဆက်သွယ်လာပြန်သေးတယ်။ အဆင်ပြေရဲ့ လား၊ လိုအပ်တာ ပြောပါ၊ ဘာညာပေါ့။ သည်မှာတင် ကျွန်တော်လည်း ရောက်ရောက်ချင်းမှာ လာကြိုမယ် ပြောထားပြီးမှ လွဲချော်သွားတာကိုတော့ စိတ်မချမ်းသာလှကြောင်း အကြောင်းပြန်လိုက်ပါတယ်။

နောက်တစ်ရက်မှာ အဲဒီ့ လုပ်ငန်း ပိုင်ရှင်ကိုယ်တိုင်က တောင်းပန်စာ ချက်ချင်း ပြန်ပို့လာတယ်။ အခုလို ဖြစ်သွားတဲ့အတွက် သူကိုယ်တိုင်မှာ တာဝန်ရှိကြောင်းနဲ့ တောင်းပန်ပါကြောင်း၊ ကျွန်တော် ပြန်ရောက်လာတဲ့ ရက်မှာ ရန်ကုန်လေဆိပ်မှာ လာကြိုပေးပြီး အိမ်အရောက် ပြန်ပို့ပေးရင်း ကျွန်တော့်ကို လူချင်းတွေ့ပြီး ထပ်မံ တောင်းပန်လိုပါကြောင်းတွေအထိ ပြောလာတာပါ။

မလိုအပ်ပါဘူး၊ တာဝန်ရှိသူတစ်ယောက်အနေနဲ့ ကိုယ့်လုပ်ငန်းက အမှားအယွင်းကို ဘယ်သူ့အပေါ်မှ လွှဲမချဘဲ ကိုယ်တိုင် တာဝန်ယူပေး၊ တောင်းပန်ပေးတဲ့အတွက်ပဲ ကျေနပ်လှ၊ ကျေးဇူးတင်လှပြီဖြစ်ကြောင်း ကျွန်တော့်ဘက်က ပြန်ကြားခဲ့ပါတယ်။

ဒါတွေကို ရေးပြနေရတာက စီးပွားရေး လုပ်ငန်းတစ်ခုအဖြစ် လုပ်ကိုင် ဆောင်ရွက်နေတဲ့အခါမှာ ကိုယ့်ကို အားပေးသူအပေါ်မှာ တလေးတစားနဲ့ လူလူသူသူ ဆက်ဆံခြင်းရဲ့ အရေးကြီးပုံကို ထင်ရှားစေချင်လို့ ဖြစ်ပါတယ်။

ကျွန်တော် ဘန်ကောက်ကို ရောက်ပြီး နောက်တစ်ရက် မနက် ၈ နာရီခွဲမှာ ကျွန်တော့်ကို ဟိုတယ်မှာ လာကြိုပေးမယ်လို့ ပြောထားပါတယ်။ ၈ နာရီခွဲခါနီး မိနစ်ပိုင်းအလိုမှာ ကျွန်တော့်ဆီ ဖုန်းဝင်လာတယ်။ (ဘန်ကောက်မှာက တယ်လီဖုန်းကတ်ကို ပဲလှော်လို နေရာတကာမှာ အလွယ်တကူ ဝယ်လို့ ရတာမို့ ကျွန်တော်လည်း ဘန်ကောက်ဖုန်းနဲ့ ဘာနဲ့ အိုခေမှာ စိုပြည်နေတာပါ ခင်ဗျ။) ယာဉ်ကြော ပိတ်နေလို့ အရောက်နောက်ကျနတာ ဖြစ်ကြောင်း၊ နောက် ငါးမိနစ်လောက်နေမှ ရောက်မှာဖြစ်ကြောင်းနဲ့တကွ နောက်ကျနေတဲ့အတွက် ကျွန်တော့်ကို တောင်းပန်ပြန်တာပါပဲ။

သည်လိုနဲ့ ဆေးရုံရောက်သွားတော့လည်း လိုလေသေး မရှိပါဘူး။ ဆေးရုံဝန်ထမ်းတွေက အလွန် မျက်နှာချိုပါတယ်။ တလေးတစားနဲ့ ပျပ်ဝပ် ရိုကျိုးကြတာကိုတောင် တွေ့နေရသေးတယ်။ စောင့်ရတယ်ဆိုတာလည်း မရှိသလောက်ပဲ။ ဝမ်းဗိုက်တစ်ပြင်လုံးကို အသံလွန်လှိုင်းစနစ်နဲ့ စစ်ဆေးမယ်ဆိုတော့မှသာ ဆီးအိမ်တင်းအောင် ရေများများသောက်ခိုင်းပြီး ဆီးအိမ်တင်းတဲ့အထိ စောင့်ရတာလေးပဲ ရှိပါတယ်။

စစ်ချက်တွေ အဖြေ မပေါ်ခင်မှာ ကျွန်တော့်ကို မနက်စာစားဖို့ ကူပွန်လေး ပေးပါတယ်။ အချိန်က နေ့လည်ခင်းကို ရောက်နေပြီမို့ ကူပွန်အပြင် ကိုယ့်ပိုက်ဆံ ထပ်ဖြည့်ပြီး နေ့လည်စာ စားလိုက်ပါတယ်။ စားပြီးစမှာပဲ ဖုန်းဝင်လာတယ်။ ကျွန်တော့် ဆေးစစ်ချက် ရလဒ်တွေ အသင့်ဖြစ်နေကြောင်းပါ။

ကျွန်တော် ပြန်ရောက်သွားတော့ ဆရာဝန်နဲ့ တွေ့ရပါပြီ။ ဆရာဝန်က ဆေးစစ်ချက် အဖြေတစ်ခုစီကို ကွန်ပျူတာ ဖန်သားပြင်မှာ ပြသပြီး တစ်ချက်ချင်း ရှင်းပြပါတယ်။

တစ်သက်နဲ့ တစ်ကိုယ် ကိုယ်မသိတဲ့ ဆရာဝန်တစ်ယောက်၊ ဆေးရုံ/ဆေးခန်းက ဆရာဝန်တစ်ယောက်နဲ့ ဒါ အကြာဆုံး စကားပြောဖူးတာပါ ခင်ဗျား။ ဆရာဝန်က နာရီ တကြည့်ကြည့်လည်း မရှိဘူး၊ လောပျာနေတဲ့ ပုံလည်း တစ်ချက်မှ မထွက်ဘူး။ သူနဲ့ ကျွန်တော် လက်ဖက်ရည်ဆိုင်မှာ ထိုင်ပြီး မိတ်ဆွေချင်း အေးအေးဆေးဆေး ပြောသလို ပြောနေတော့တာပါပဲ။ ပြီးတော့ သူက ကျွန်တော့်ကို လူသားချင်း လေးလေးစားစား ဆက်ဆံပါတယ်။ လက်အောက်ငယ်သားတစ်ယောက်လို၊ လူနာတစ်ယောက်လို တစ်ဆင့်နှိမ့်ပြီး ဆက်ဆံနေတယ်လို့ တစ်ချက်ကလေးမှ မခံစားမိခဲ့ရဘူး။

အားလုံး ပြီးတော့ မန္တလေးသား အဖေနဲ့ ထိုင်းမိခင်တို့ကနေ ဘန်ကောက်မှာ မွေးပြီး ကျွန်တော့်သမီးထက် လပိုင်းသာကြီးတဲ့၊ တက္ကသိုလ် နောက်ဆုံးနှစ် ကျောင်းသူမလေးက မွှတ်နေတဲ့ မြန်မာစကားနဲ့ ကျွန်တော့်ကို ပြန်ပို့မယ့် ကားပေါ်ရောက်တဲ့အထိ တာဝန်ယူပြီး ပို့ပေးခဲ့ပါတယ်။ သူကလေးကလည်း ရိုကျိုးလိုက်ပုံများ အားတောင် နာမိရတဲ့ အထိပဲ။

ဆေးကုသမှု ခရီးသွားလုပ်ငန်းဟာ အာရှမှာ တအားကို ဖွံ့ဖြိုး တိုးတက်နေတဲ့ “စီးပွားရေး”လုပ်ငန်းဖြစ်ပါတယ်။ အနောက်နိုင်ငံသားတွေ၊ အမေရိကန်တွေတောင်မှ အာရှကို အုံနဲ့ ကျင်းနဲ့ လာပြီး ဆေးကုသမှု ခံယူနေကြပါပြီ။

သည်အခါမှာ “စီးပွားရေး”လုပ်ငန်းပီပီ အဲဒီ့ လုပ်ငန်းမှာ ပါဝင်နေတဲ့ ဝန်ထမ်းတွေအားလုံးရဲ့ ဆက်ဆံရေးဟာ သိပ်ကို စကားပြောမှန်း သဘောပေါက်နေကြတာမို့ သူတို့က သူတို့ဆီ လာရောက်ကြတဲ့ အားပေးသူတွေကို တလေးတစားသာမက ပျပ်ဝပ်ရိုကျိုးစွာ ဆက်ဆံနေကြတာကို မျက်ဝါးထင်ထင် မြင်လိုက်ရတာပါပဲ။

အဟဲ… ကျွန်တော်တို့မှာကျတော့ဗျာ… အခုတလော ရုပ်မြင်သံကြား အစီအစဉ်တွေမှာ ပြတဲ့ ကြော်ငြာတစ်ခုက သက်သေပါ။ အချိုရည် ကြော်ငြာလား၊ ကော်ဖီ ကြော်ငြာလားတော့ မသိဘူးခင်ဗျ။ အဲဒီ့မှာ လုံခြုံရေးဆိုတဲ့ စာတန်းရှေ့က တူညီဝတ်စုံဝတ်ထားတဲ့ သရုပ်ဆောင်က လာတဲ့လူကို မျက်နှာထားတင်းတင်းနဲ့ ဆီးဟောက်တဲ့ ပြကွက်ကို နှစ်ကြိမ်လား မသိဘူး၊ ပြထားပါတယ်။ ရွှေတို့ရဲ့ လက်တွေ့ဘဝကို ရောင်ပြန်ဟပ်နေတဲ့ ပြကွက်ပါပဲ။

သူများနိုင်ငံမှာတော့ လုံခြုံရေး တာဝန်ကျများသာမက ရဲများကပါ ရှစ်ခေါက်ချိုးမထားကြပါဘူး။ ပုံမှန်မျက်နှာများနဲ့ ဖြစ်တဲ့အပြင် ကုန်တိုက်လို၊ ရထားလို၊ ဆေးရုံလို နေရာမျိုးက လုံခြုံရေးဝန်ထမ်းတွေဟာ မျက်နှာထားချိုကြပါတယ်။ တချို့ဆို ပျပ်ဝပ်ရိုကျိုးပါတယ်။ ကုန်တိုက်တစ်ခုက ဝတ်စုံဖြူဝတ် လုံခြုံရေး တာဝန်ကျတွေဆိုရင် လာသမျှလူကို အလေးပြု၊ ဆလံသတာက ပါပါသေးတယ်။ အဲဒါ စီးပွားရေး လပ်မြင်တာပါ။

ကျွန်တော် သူတစ်ပါးကို ပိုက်ဆံတွေ သွားပေးခဲ့ရပါတယ်။ ဖိတ်ချင်းဖိတ် ကိုယ့်အိတ်ထဲ ဖိတ်စေချင်ပေမယ့် ကိုယ့်အိတ်ထဲ ထည့်မယ်ဆိုရင် ရင်ဆိုင်ရမယ့် စိတ်ကသိကအောင့် ဖြစ်ရမှုများကို တွက်မိလို့ပါ။ စောင့်ဆိုင်းရမှာ၊ သူတို့ ကျွေးတဲ့ ထမင်းပဲ ကိုယ်က စားနေရသလို  မသယ်နိုင် မပိုးနိုင် မျက်နှာထားနဲ့ ကိုယ့်ကို ဆက်ဆံကြမှာ၊ ကိုယ့်ကို အချိန်မပေးကြမှာတွေကို တွက်ဆမိနေတယ်ဆိုရင် ကျွန်တော်များ လွန်နေသလားပဲနော်။ ဒါမှမဟုတ် “သင့်မာနနှင့် စည်းစိမ်ကို အိမ်မှာ ထားခဲ့ပါ”ဆိုတဲ့ အရင်က ရှိခဲ့ဖူးတဲ့ ကားတချို့ပေါ်က စာတမ်းတွေလိုဟာမျိုးကို မုန်းတီးတတ်တဲ့ ကျွန်တော့်အကျင့်ကြောင့်ပဲလားတော့ မသိဘူးပေါ့နော်။

မည်သို့ပင်ဆိုစေ…

ဖိတ်ချင်းဖိတ် သူတစ်ပါး အိတ်ထဲ ဖိတ်ဖိတ်ကုန်ရခြင်း အကြောင်းရင်းတစ်ရပ်ကို ဆင်ခြင်မိရင်းက ဖတ်မိသူများပါ တွေးဖြစ်စေခြင်း အလို့ငှာ ကျွန်တော် တွေးမိ မြင်မိတာလေးတွေကို ပြန်လည်ဖောက်သည်ချလိုက်ရကြောင်းပါ ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ဘန်ကောက် – ၁၀ဝ၈၁၁)

(ယနေ့ ၂၀၁၁ ခုနှစ် သြဂုတ်လ ၁၈ ရက်နေ့ထုတ် Bi Weekly Eleven ဂျာနယ်မှာ ဖော်ပြထားတာလေးကို
ပြန်လည်တင်ဆက်လိုက်တာပါ)

On Homosexuality

လိင်တူချ​င်း တပ်မက်​မှု​နှ​င့် စပ်လျဉ်း၍

“လောကအလှ” အင်တာနက် မဂ္ဂဇင်း စာမျက်နှာက “လိင်တူချင်းတပ်မက်မှု”နဲ့ ပတ်သက်ပြီး ကျွန်တော့်ကို မေးမြန်းခဲ့ဖူးပါတယ်။ အဲဒါကို http://lawka-ahla.com/news.php?item.1167 မှာ ၂၀၁၁ ခုနှစ် သြဂုတ်လ ၁၃ ရက်နေ့က တင်ထားတာ တွေ့ရပါတယ်။ အဲဒါလေးကို သူ့စာမျက်နှာကပဲ ကူးယူပြီး ကျွန်တော့် ပရိသတ်အတွက် ပြန်လည် ဖော်ပြပေးလိုက်ပါတယ်။


မေး
။   ။အမျိုးသားတစ်ဦးက သူ့ကိုယ်သူ လိင်တူချင်းကို နှစ်သက်တဲ့သူဆိုတာကို အသက်ငယ်စဉ်မှာ တင်သိနိုင်သလား ဆရာ။  အသက်ငယ်စဉ်မှာကတည်းက ကိုယ့်ကိုယ်ကို သိနိုင်တာပဲ။ သက်လတ်ပိုင်းအရွယ်ကျမှ လိုင်းပြောင်းသွားတာမျိုးဆိုတာ ဖြစ်နိုင်ပါသလား။

အတ္တကျော်
 ။   ။ ကျွန်တော့်ဆီမှာ ကလေးရပြီး၊ ကလေးတော်တော် အရွယ်ရောက်ပြီးမှ အဲဒီ့လိုင်းကို အပြီး ပြောင်းသွားပြီး သူ့ကိုယ်သူ စက်ဆုပ်နေသူရဲ့ လက်ရေးနဲ့ ရေးထားတဲ့ စာရှိပါတယ်။ အလားတူ စာတွေလည်း ရှိနေတဲ့အပြင် တစ်နေ့က Burnet Institute မှာ Sexuality အကြောင်း ဟောပြောတော့  တက်လာတဲ့ မေးခွန်းတွေထဲမှာ အိမ်ထောင်သည် ဖြစ်ပြီးမှ သည်လိုတွေ လိုင်းပြောင်းကုန်ကြတာ ဘာ့ကြောင့်လဲ ဆိုတဲ့ မေးခွန်းက ငေါငေါကြီး တက်လာပါတယ်။ လိုင်းပြောင်းတာ မဟုတ်ဘူး၊ အပုန်းတွေ ပွင့်လာတာလို့သာ ကျွန်တော် ဖြေခဲ့ပါတယ်။ (အဆိုပါ ဟောပြောချက်ကို Talking about sexualityတွင် နားဆင်နိုင်ပါသည်။) လောကကြီးဟာ တချို့တွေ တွေးသလောက် မဖြောင့်ပါဘူး။ အတွင်းစိတ်ထဲမှာ ငုပ်နေတဲ့ ခုခံမှု ယန္တယားရဲ့ အလုပ်လုပ်ပုံကလည်း အလွန် ပွေလီလှပါတယ်။

မေး။   ။ အိမ်ထောင်ပြုပြီးမှ လိုင်းပြောင်းသွားတတ်သူတွေ ရှိတယ်ဆိုရင် အိမ်ထောင်မပြုခင်က သူတို့ကိုယ် သူတို့ မသိနိုင်ဘူးလား ဆရာ။

အတ္တကျော် ။ လိင်တူချင်း တပ်မက်သူက စုစုပေါင်း ၆ မျိုး ရှိပါတယ်။ (၁) အပွင့် (receiver)၊ (၂) အပုန်း (receiver)၊ (၃) ဂလန် (၀ါ) နှစ်ဖက်ချွန် (၀ါ) Bi (both receiver and provider and finds pleasure in both sexes) ၊ (၄) သ…ူငယ် (provider) (၅) Offer (provider) နဲ့ (၆) အခြောက်တို့ ဖြစ်ပါတယ်။ တချို့ ပြောတဲ့ လိုင်းပေါင်းစုံ “မထသ”က အမှတ်စဉ် ၃ ဂလန်နဲ့ ၄၊ ၅ တို့သာဖြစ်ပါတယ်။ ၄ နဲ့ ၅ ကကျတော့ အပုန်းတွေ၊ အပွင့်တွေ၊ ဂလန်တွေဆီက ချူစားနေသူမို့ ပိုပြီး “မထသ”ဖြစ်ဖို့ များတယ်။ အမှတ်စဉ် ၆ က ရှုပ်ထွေးတယ်။ သူက လူက နွဲ့နေ၊ နုနေ၊ အလှကြိုက်နေ၊ သန့်နေတတ်ပေမယ့် လိင်ကိုင်းညွတ်မှု ရှိချင်မှလည်း ရှိမယ်၊ ရှိချင်လည်း ရှိမယ်။ အပုန်းတွေဟာ တစ်ခါတစ်ရံ သူတို့ရင်ထဲက ကိစ္စကို သူတို့ကိုယ်တိုင်တောင် မသိပါဘူး။ နာမည်နဲ့ မပြောကောင်းလို့သာပါ၊ မြန်မာပြည်မှာ အထင်ကရ တစ်ယောက် ရှိဖူးပါတယ်။ သူဟာ အသက် ၃၅ နှစ်လောက်အထိ မိန်းမပွေသူပါ။ သူ့ကိုယ်သူလည်း မသိပါဘူး။ ခုခံမှု ယန္တယားရဲ့ စေ့ဆော်မှုကြောင့် သူဟာ တကယ့် ကျားကျားလျားလျား ယောက်ျားတစ်ယောက်လိုပဲ နေနေခဲ့ပါတယ်။ ဒါပေမယ့် သည်သဘာဝကို နားလည်တဲ့ offer တစ်ယောက်နဲ့ ၃၅ ကျော်မှ တွေ့ပြီး သေသည်အထိ အဲဒီ့ဘ၀ကို ခံယူသွားပါတယ်။ သေခါနီးမှာ သူ့အကြောင်းနဲ့သူ မိန်းမ ယူပြသွားလိုက်ရသေးတယ်ဗျို့။ အဲဒါဟာ ခုခံမှု ယန္တယားရဲ့ ပွေလီပုံပါပဲ ခင်ဗျား။

မေး။       ။အိမ်နီးချင်းနိုင်ငံတစ်ခုနဲ့ စာရင် မြန်မာပြည်မှာက ဒီလို လိင်တူချင်းနှစ်သက် အတူနေထိုင်သူတွေကို မြင်ရတာ နည်းပါးပါတယ် ဆရာ။  မြန်မာပြည်မှာ လိင်တူချင်းအတူနေထိုင်သူ ပမာဏအင်မတန်နည်းပါးပါတယ်လို့ ယူဆလို့ရပါသလား။

အတ္တကျော် ။   ။ မြင်ရနည်းတာနဲ့ ရှိခြင်း၊ မရှိခြင်းက ဆက်စပ်ရ ခက်မယ် ထင်ပါတယ်။ ဒါတွေက ဘုရားလက်ထက်တော်ကတည်းက ရှိခဲ့တာ ကျမ်းဂန်တွေမှာ အထင်အရှားပဲလေ။ မြန်မာ့လူ့ဘောင်ကလည်း လူတွေနဲ့ ဖွဲ့စည်းထားတဲ့ လူ့ဘောင်မို့ တခြားလူ့ဘောင်တွေနည်းတူ ရှိနေတာပါ။ တစ်ခုပဲ၊ ပတ်ဝန်းကျင်က မတူသလို မတန်သလို ဆက်ဆံခံရမှာကြောက်၊ ဒါကြီးကို လွဲမှားနေတယ်ဆိုတဲ့“အစွဲမှားကြီး”နဲ့ လွဲနေတာများကြောင့် အပွင့်ထက် အပုန်းက များနေလို့သာ ကျွန်တော်တို့ဆီမှာ အမြင်ရ နည်းချင်သလိုလို ဖြစ်နေတာပါ။

ကျွန်တော်တို့ တခြားတဖက်က ဆင်ခြင်ကြည့်ရအောင်လား။ ပညတ်ချက်တွေ၊ ပတ်ဝန်းကျင် လူအများရဲ့ ငြင်းပယ်မှုတွေကြောင့် အပုန်းတွေ ဖြစ်နေကြတယ်ဆိုတဲ့အချက်က ယုတ္တိတန်လိမ့်မယ် ထင်ပါတယ်။ အဲလို ပုန်းနေခြင်းကြောင့် အရွယ်မရောက်သေးတဲ့ ဆယ်ကျော်သက်တွေဟာ အပုန်းတွေရဲ့ သားကောင်တွေ ဖြစ်ကုန်ကြရတယ်၊ ခုနကပြောတဲ့ အတွင်းစိတ်ထဲမှာ ငုပ်နေတဲ့ ခုခံမှု ယန္တယားကြောင့် ဆန့်ကျင်ဘက်လိင်နဲ့ သူတို့ လက်ထပ်ပြီး အိမ်ထောင်ပြုထားကြတယ်။ အဲဒီ အမျိုးသမီးတွေ ဓားစာခံ ဖြစ်ရတယ်၊ တကယ်လို့သာ သူတို့ရဲ့ ခုခံမှု ယန္တယားကြောင့် ကလေးသားမြေး မွေးတဲ့အထိ ဖုံးပြထားပေမယ့် တချိန်မှာ ဆန္ဒအလိုကို မျက်စိမှိတ်လိုက်ရင်း ဖုံးမရ ဖမိရဖြစ်လာတဲ့အခါ အဲဒီ့ ကလေး သားမြေးတွေမှာ အရှက်ကွဲ၊ အကျိုးနည်းကြရပြန်တယ်။အဲလို ဖအေက မွေးလာပြီး လုပ်မိလုပ်ရာ လုပ်ရာက မူးယစ်ဆေးမှုနဲ့ ထောင်ဒဏ် နှစ် ၃၀ ကျော်ကျနေရင်း ထောင်ထဲမှာပဲ တိမ်းပါးသွားသူ တစ်ယောက် အကြောင်း ကြားလိုက်ရတာ မကြာသေးပါဘူး။ ခမျာမယ် သူ့ဖအေ ဘယ်သူဆိုတာ လူကြားထဲ ထုတ်မပြောရဲတဲ့ ဘ၀နဲ့ နေခဲ့ရတာပါ။ မပြောရဲဆို သူ့အဖေက နာမည်ကျော် အပွင့်ကြီး ဖြစ်သွားတာကိုး။

အဲတော့ သူတို့ ဖုံးနေ၊ ပုန်းနေတာဟာ သူတို့ကိုယ်သူတို့သာမက တခြား အပြစ်မဲ့ လူသားတွေကိုပါ ထိခိုက်နေတာ အသေအချာပါ။

သူတို့ကိုသာ ပွင့်လင်းခွင့်ပေးလိုက်မယ်ဆိုရင် သူတို့လည်း ဘယ်ဖုံးနေ ပုန်းနေတော့မလဲ။ အဲဒါဆိုရင် သူတို့ရဲ့ ကြိတ်ပုန်း သားကောင် ဖြစ်ရရှာလေမယ့် ဆယ်ကျော်သက်လေးတွေ၊ ဓားစာခံ ဖြစ်လေမယ့် အမျိုးသမီးတွေနဲ့ လူတော မတိုးရဲမယ့် လူသားတွေ လျော့ပါးသွားနိုင်မလားဆိုတာ စဉ်းစားနေမိပါတယ်။ သည်အတွက် ကျွန်တော်ကတော့ သူတို့ကို ပွင့်လာစေချင်တယ်။ အဲဒါကို “အားပေး အားမြှောက်”လို့ တံဆိပ်ကပ်မယ်ဆိုရင်လည်း ကျွန်တော် ခံလိုက်ပါတော့မယ်။ ကျွန်တော့်စေတနာက သားကောင်တွေနဲ့ ဓားစာခံတွေ မနစ်နာစေချင်တာလေ။ လူတို့ရဲ့ လိင်စိတ်နဲ့ လိင်ပိုင်းဆိုင်ရာ အပြုအမူတွေကို အနည်းအပါး လေ့လာကြည့်မယ်ဆိုရင်တော့ ဒါဟာ သိပ်ကြီးကျယ်လှတဲ့ ပြဿနာ မဟုတ်ပါဘူး။ ညိုညို ကြိုက်တဲ့သူ၊ ဖြူဖြူကြိုက်တဲ့သူ၊ ထောင်ထောင်မောင်းမောင်း ထွားထွား ကြိုင်းကြိုင်း ကြိုက်တဲ့သူ၊ ပိန်ပိန်သွယ်သွယ် ကြိုက်တဲ့သူများနည်းတူ သူတို့သည်လည်း သူတို့ ကြိုက်ချင်ရာ ကြိုက်ကြတာဖြစ်သလို ဘယ်သန် ညာသန်များနည်းတူ အများနဲ့ မတူတဲ့ တစ်ဖက်မှာ သန်နေတာမို့ မူမှန်တယ်လို့သာ ပြောနိုင်ပါလိမ့်မယ်ခင်ဗျား။အိမ်နီးချင်းနိုင်ငံမှာ အပွင့်တွေ နေရာတကာမှာ တစ်နေ့တခြား သိသိသာသာ ပိုများလာတယ်ထင်ရင် တောင်ပြုန်းပွဲကို တစ်ခေါက်လောက် သွားကြည့်လိုက်စေချင်ပါတယ်။ ဘယ်နိုင်ငံက ပိုများလဲဆိုတာ မျက်စိနဲ့ တပ်အပ် မြင်စေချင်လို့ပါ။ တချို့က ပွဲတွေ၊ ပြိုင်ပွဲတွေ၊ အစီအစဉ်တွေ၊ လှုပ်ရှားမှုတွေ လိုတာထက် များနေလို့ အဲဒီ့စိတ် မရှိတဲ့သူက အလကားနေရင်း အဲဒီ့စိတ် ပေါက်ကုန်တာလို့ ထင်ကြတယ်။ သည်စိတ်ဟာ အဲသလို လှုံ့ဆော်ယူလို့ ရတာမျိုး မဟုတ်တဲ့အချက်ကို အင်မတန်မှ သတိထားသင့်ပါတယ်။

အဲဒီ့နိုင်ငံမှာ သိသိသာသာ ပိုများနေတာနဲ့ ပတ်သက်တဲ့ တချို့သူတွေရဲ့ အဆိုကြမ်းတစ်ခုကတော့ လွန်ခဲ့တဲ့ နှစ် ၃-၄၀ အတွင်းမှာ အဲဒီ့နိုင်ငံသူတွေ ပဋိသန္ဓေတားဆေးများကို ပဲလှော်ဝါးသလို ၀ါးခဲ့ကြတာရဲ့ အကျိုးဆက်လည်း ဖြစ်နိုင်တယ်လို့ ဖတ်ဖူးပါတယ်။ အတည်ပြုလို့ မရတဲ့ အဆိုကြမ်းပါပဲ။
ကျား-မ၊ အသားအရောင်၊ ကိုယ်အင်္ဂါပြည့်စုံမှု-ချို့ယွင်းမှု၊ ကိုးကွယ်ယုံကြည်မှု၊ ဇာတိမျိုးနွယ်၊ အသက်အရွယ်များကြောင့် လူနဲ့ လူချင်း မတူသလို မတန်သလို ဆက်ဆံတာ (discrimination) ကို လက်မခံဘူး၊ ကျားဖြစ်ဖြစ် မဖြစ်ဖြစ်၊ ဘယ် ဇာတိကဖြစ်ဖြစ်၊ ဘာဘာသာပဲ ကိုးကွယ်ကိုးကွယ်၊ ကျိုးကျိုး ကန်းကန်း လူကို လူလိုသာ မြင်ရေးကို ဦးစားပေးချင်တယ် ဆိုကြပါရင် သည်ကိစ္စမှာလည်း လိုတာထက် များတာတွေ၊ နည်းတာတွေ၊ သိသိသာသာ ပိုများတာတွေကို ကြောင့်ကြစိုက်မနေတော့ဘဲ ကိုယ်နဲ့ တန်းတူ လူသားများအဖြစ် ရှုမြင်ပေးသင့်နေပါပြီ။ ဒါဆိုရင်တော့ ကျွန်တော်တို့ နေထိုင်တဲ့ လောကကြီးဟာ သိပ်ကို မင်္ဂလာရှိနေမှာပါခင်ဗျား။

ပုန်းပုန်းပွင့်ပွင့်၊ ဘိုင်၊ ဂလန် ကြိုက်တာဖြစ်၊ သူတို့သည်လည်း ၃၁ ဘုံမှာ ကျင်လည်နေတဲ့ ဝေနေယျသတ္တ၀ါအပေါင်းထဲမှာ ပါဝင်တဲ့ ကျွန်တော်တို့နဲ့ အတူတူ လူသားတွေပဲ မဟုတ်ပါလားခင်ဗျာ။

မေး။     ။ ခုနက ဆရာပြောသွားတာက အရွယ်မရောက်သေးတဲ့ ဆယ်ကျော်သက်တွေ၊ ကလေးအရွယ်တွေက အပုန်းတွေရဲ့ သားကောင်ဖြစ်ရတယ်ဆိုတာကို နည်းနည်းလောက် ရှင်းပြပါ ဆရာ။

အတ္တကျော် ။   ။ ဆယ်ကျော်သက်အရွယ် ကြီးကောင်ဝင်စမှာ လိင်ကိစ္စကို စိတ်ဝင်စားတတ်တာ သဘာဝပါ။ သည်အရွယ် သည်အချိန်မှာ ဘာဆို ဘာမှ ကောင်းကောင်းကန်းကန်း မသိသေးဘူး။ သည်အချက်ကို အပုန်းတွေက အခွင့်ကောင်းယူပြီး သူတို့ရဲ့ အာလျကို ဖြည့်ဆည်းပေးမယ့်သူများအဖြစ် စည်းရုံး သိမ်းသွင်းကြပါတယ်။ စည်းရုံးတယ်ဆိုပေမယ့် receiver အဖြစ် စည်းရုံးတာ မဟုတ်ဘဲ သူတို့လိုအင်ကို ဖြည့်ပေးမယ့် provider အဖြစ် စည်းရုံးတတ်တာပါ။ အရွယ်မရောက်သူတွေကို receiver အဖြစ် abuse လုပ်တာကတော့ heterosexual တွေလည်း လုပ်တတ်ကြတယ်။ အမျိုးသမီးတွေလည်း heterosexual acts အတွက် အရွယ်မရောက်သေးသူတွေကို ကျူးလွန်တတ်ကြတယ်။ အရွယ်မရောက်သေးတဲ့ မိန်းကလေးတွေလည်း သည်ဒဏ်ကို ခံကြရတယ်။ သို့သော် ရှက်လို့၊ ဖုံးဖိထားကြလို့၊ ကြောက်လို့ မပြောကြတာတွေ အများကြီးပါ။ ယောက်ျားများ လွှမ်းမိုးတဲ့ နေရာတွေဖြစ်တဲ့ အကျဉ်းထောင်တွေ၊ တူညီဝတ်စုံဝတ် အဖွဲ့တွေ၊ ဘုန်းကြီးကျောင်းတွေမှာ အဖြစ်များပါတယ်။ သို့သော် ဒါကိုလည်း လူ့ဘောင်ကပါ မသိစိတ်နဲ့ အလိုတူ အလိုပါ လုပ်ပြီး ဖုံးဖိပေးထားသလို ဖြစ်နေတယ်။ဒါနဲ့ ပတ်သက်လာရင် child sex offender တွေကို ထိထိရောက်ရောက် အရေးယူပေးဖို့ လိုပြန်သလို awareness raising လည်း လိုပါတယ်။ အဲဒီ့ မဖွယ်ရာမှုကို ကျူးလွန်သူတွေက ပြင်ပက သူစိမ်းတွေ အင်မတန်မှ နည်းလှပါတယ်။ သုတေသနတွေအရ ကလေးတွေနဲ့ အတူနေပြီး ရင်းနှီးနေကြတဲ့ ဆွေမျိုးသားချင်းတွေ၊ ဆရာ/ဆရာမတွေ ကျူးလွန်တဲ့ အမှုက ရာခိုင်နှုန်းပိုများကြောင်းပါ။

မေး။  ။ စိတ်မှာ လိင်တူနှစ်သက်သူဖြစ်နေပေမယ့် အကြောင်းကြောင်းကြောင့် ပွင့်ပွင့်လင်းလင်း မဖြစ်ရတဲ့အခါ ကာယကံရှင်ကိုယ်တိုင်ကို ဘယ်လိုထိခိုက်နိုင်တာတွေ ရှိနိုင်သလဲဆရာ။

အတ္တကျော် ။   ။ အဖြေက ရှင်းပါတယ်။ ဆာလောင်မွတ်သိပ်နေသူ အစာမစားရဘဲ ငတ်လွန်းမက ငတ်လာတဲ့အခါ ဘယ်လို ဖြစ်လာမလဲ။ သည်လိုပါပဲ။ သိပ်ကို တောင့်တ တပ်မက်တာတစ်ခုကို လူမသိအောင် ဖုံးဖိထားရသူရဲ့ စိတ်အခြေအနေဟာ အကဲဆတ်နေတော့မှာ ဖြစ်ပါတယ်။

မေး ။   ။ လိင်တူချင်းနှစ်သက်တာဟာ စိတ်ရောဂါတစ်ခုပါလား ဆရာ။

အတ္တကျော် ။   ။ မဟုတ်ပါဘူး။ အရင်က စိတ်ပညာစာအုပ်တွေမှာတော့ အဲဒါကို စိတ်ရောဂါစာရင်းမှာ ထည့်ထားခဲ့ကြဖူးတယ်။ ခုနှစ်တော့ မမှတ်မိဘူး၊ ကုလသမဂ္ဂ ကမ္ဘာ့ကျန်းမာရေးအဖွဲ့ကြီးက လိင်တူချင်း တပ်မက်မှုကို စိတ်ရောဂါ စာရင်းက တရားဝင် ပယ်ဖျက်ပေးခဲ့တာ နှစ်နဲ့ ချီနေပါပြီ။

မေး ။   ။  တရားသဘောနဲ့ ပြောမယ်ဆိုရင် အတိတ်ကံလို့ ပြောလို့ရပါသလား ဆရာ။

အတ္တကျော် ။   ။ အဲဒါက ကျွန်တော် သိပ်လက်လှမ်းမမီတဲ့ နယ်ပယ်ပါ။ ကျွန်တော့် ဗုဒ္ဓဘာသာ အသိလေး တစ်ထွာတစ်မိုက်နဲ့ဆိုရင်တော့ ဟုတ်ပါတယ်လို့ ဖြေလိုက်ရမယ် ထင်ပါရဲ့

မေး ။   ။  အခြေအနေတွေကတော့ ဖြစ်လာခဲ့ပြီ။ ဒါပေမဲ့ အကောင်းဆုံးဖြစ်အောင် ဘာတွေ လိုအပ်ပါမလဲ ဆရာ။

ဆရာအတ္တကျော် ။   ။ Awareness raising, acceptance, non-discrimination ပါပဲ။ အများစု အနေနဲ့ ဒါဟာ ရှောင်လွှဲလို့ မရတဲ့ အရာ၊ ဘုရားဟောခဲ့သလို လူတိုင်း တစ်မျိုးမဟုတ် တစ်မျိုး ရူးနေကြတာမို့ သူတို့ကို မူမမှန်ဘူးလို့ သတ်မှတ်မယ်ဆိုရင် ကိုယ်လည်း မူမမှန်သူဖြစ်တာကို နှစ်နှစ်ကာကာ လက်ခံပြီး သူတို့တွေကို တန်းတူ ရည်တူ လူသားများအဖြစ် ဆက်ဆံပြီး သူတို့ကြိုက်တာ သူတို့ ကြိုက်ခွင့်ပေးလိုက်နိုင်ရင် အကောင်းဆုံးပါပဲ။

စကားစပ်လို့ ပြောရရင် လွန်ခဲ့တဲ့ ၁၂ နှစ်ကျော်က ကျွန်တော့်ကို တစ်ယောက်က မေးဖူးတယ်။ အဲတုန်းက ကျွန်တော့်သားအသက်က ၈နှစ်လောက်ပဲ ရှိသေးတယ်။ သူ့ လိင်စိတ်ကို တိတိကျကျ မသိရသေးတဲ့ အရွယ်ပေါ့။ အဲဒီ့လူက မေးတယ်၊ လိင်တူချင်း စုံမက်သူတွေကို ဘယ်လို သဘောထားလဲတဲ့။ လူတွေလိုပဲ သဘောထားတယ်လို့ ကျွန်တော်ဖြေတော့ သူက သိပ်ဘ၀င်မကျဘူး။ ဒါနဲ့ ဆက်မေးတယ် “ခင်ဗျားသားသာ လိင်တူချင်း တပ်မက်မယ်ဆိုရင် ခင်ဗျား ဘယ်လိုနေမလဲ”တဲ့။ ကျွန်တော် မဆိုင်းမတွပဲ ဖြေလိုက်ပါတယ်။ ဘယ်လိုမှ မနေပါဘူး၊ သူက ကျွန်တော့်သားပဲ။ ကျွန်တော် သဘောမတူတဲ့ မိန်းမနဲ့ အိမ်ထောင်ပြုသလောက်ပဲ ကျွန်တော် ခံစားရမှာပါလို့။

အဲဒီ့အတွေးအမြင်မျိုး မွေးနိုင်ကြမယ်ဆိုရင်တော့ လောကကြီးက နေလို့ ကောင်းနေမှာပါ။ မမေ့သင့်တဲ့အချက် နောက်တစ်ချက်က လိင်တူချင်း စုံမက်သူတွေထဲမှာလည်း သိပ်ကို ထူးချွန် ထက်မြက်သူတွေ ရှိနေတာပါပဲ။ မြန်မာပြည်မှာ အထင်ကရ ရှိဖူးသလို ရှိနေသလို ကမ္ဘာမှာလည်း မနည်းပါဘူး။ အထင်ရှားဆုံးကတော့ အမေရိကန် သမိုင်းရဲ့ ပြောစမှတ်အတွင်ဆုံး သမ္မတကြီး (လင်ကွန်း လင်ကွန်းလို့ မြန်မာတွေ ခေါ်ကြတဲ့) အေဘရာဟင်(မ်) လင်းခန်း(န်)ပါပဲ။

အခုလိုဖြေကြားပေးတာ ကျေးဇူးတင်ပါတယ် ဆရာ။

Dogs

ခွေးတွေ

(Dogs by Stan Gibilisco)

၈ နာရီ ထိုးပြီဆိုတာနဲ့ တစ်ဖက်ခြံက ခွေးက စ ဟောင်တော့တာ မနက်တိုင်းပါပဲ။ တစ်ဖက်ခြံရဲ့ ခြံစည်းရိုးက ပျဉ်ပြားတွေကို စေ့ပြီး ပိန်းပိတ်နေအောင်လုပ်ထားတာမျိုးမို့ ခြံထဲကို ဘယ်လိုမှ မမြင်နိုင်ပါဘူး။ ဒါကြောင့်လည်း အဲဒီ့ခွေးကို ကျွန်တော် တစ်ခါဆို တစ်ခါမှ မမြင်ဖူးဘူး။

ပျဉ်ကြိုပျဉ်ကြားမှာလည်း အပေါက်ဆိုတာက မရှိသလောက်။ ရှိစုမဲ့စု အပေါက်ကလေး သေးသေးတစ်ပေါက်တွေ့လို့ တစ်ခါလားနှစ်ခါလား၊ အဲဒီ့ခြံထဲကို ချောင်းတော့ ကြည့်ဖူးတယ်။ ဒါပေမယ့် မြေကြီးပေါ် စိုက်ထားတဲ့ ငုတ်ရယ်၊ အဲဒီ့ငုတ်မှာ ချည်ထားတဲ့ သံကြိုးရယ်ကိုပဲ တွေ့ရတာချည်းပဲ။ ကြိုးရဲ့ တစ်ဖက်စွန်း၊ ခွေးရှိလောက်တဲ့ နေရာကိုကျတော့ ဘယ်လိုမှ မမြင်ရဘူး။

လှေကားတစ်စင်းကိုယူ၊ ခြံစည်းရိုးမှာ ထောင်ပြီး တစ်ဖက်ခြံကို ကျော်ကြည့်ဖို့လည်း စဉ်းတော့ စဉ်းစားဖူးသား။ ဒါပေမယ့် အဲဒါလည်း သိပ်တော့ မလွယ်ဘူး။ ကျွန်တော်တို့အရပ်ထဲမှာ ခိုးမှုတွေ၊ အနုကြမ်းစီးတာတွေ ဖြစ်ဖူးထားတော့ အရပ်က ရဲသွားတိုင်နေမှ အခက်။

အဲတော့လည်း အဲဒီ့ခွေးဟောင်သံဟာ ကျွန်တော့်အတွက် စိတ်ဝင်စားစရာအဖြစ်နဲ့ပဲ အတော်ကြာကြာ ရှိနေပါတော့တယ်။ တစ်ခါတလေတော့လည်း အဲလို စူးစူးဝါးဝါး ထိုးဟောင်တတ်တာ ဘယ်လိုခွေးမျိုးများ ဖြစ်လေမလဲဆိုတာ စဉ်းစားရတာကိုက စိတ်ဝင်စားစရာ အကောင်းသား။

ကျွန်တော့်စိတ်အာရုံမှာတော့ အဲဒီ့ခွေးရဲ့ပုံပန်းကို ဘယ်လိုမှကို ဖော်လို့မရဘူး ဖြစ်နေတယ်။ အမွေးပွခွေးလား၊ အမွေးတိုခွေးလား၊ ဘာ အရောင်လဲဆိုတာ ဘယ်လိုမှ မှန်းမရဘူး။ ဟောင်သံက ခပ်စူးစူးဆိုတော့ ခွေးပေါက်စလေးပဲလို့တော့ ထင်တယ်။ သည့်ထက် ပိုပြီးတော့တော့ နည်းနည်းမှ မခန့်မှန်းတတ်တော့ဘူး။

ဟောင်သံနဲ့အတူ ခြွင်ခြွင်မြည်သံတွေလည်း ပါနေတတ်တယ်။ ခွေး အဟောင် ရပ်နေရင်တောင်မှ သံကြိုးဆီက ထွက်တဲ့ တခြွင်ခြွင်အသံကိုတော့ ကြားနေရတတ်တာပါပဲ။ အဲတော့လည်း သည်ခွေးဟာဖြင့် တစ်စက်ကလေးမှ အငြိမ်မနေတတ်တဲ့သတ္တဝါပဲလို့ ကောက်ချက်ချထားလိုက်မိပါတော့တယ်။

ဟောင်သံက နေ့တိုင်းပါပဲ၊ အဲဒီ့ခွေးမို့လို့ တစ်ချိန်လုံးလိုလို မနားတမ်း ဟောင်နိုင်ပါပေရဲ့။ မနက် ၈ နာရီကတည်းက ဟောင်နေတာများ နေဝင်တဲ့အထိကို ဟောင်နေတော့တာပါ။ တစ်ခါတစ်ခါကျတော့ ကျွန်တော့်မှာ အဲဒီ့ဟောင်သံကြောင့် အလုပ်တောင် ပျက်ချင်ချင်ရယ်။

အဲ… မဟောင်တဲ့နေ့တွေကတော့ ရာသီဥတုဆိုးရွားတဲ့နေ့တွေပါပဲ။ မိုးတွေ သိပ်သည်းနေတဲ့အခါ၊ ခိုက်ခိုက်တုန်အောင် အေးနေတဲ့အခါ၊ လေပြင်းကျနေတဲ့အခါမျိုးတွေမှာတော့ အဲဒီ့ ခွေးဟောင်သံကို မကြားရတတ်ဘူး။ အဲတော့လည်း ရာသီဥတု မကောင်းမယ့်နေ့ကိုပဲ မျှော်မိသလိုတောင် ဖြစ်လာရပါတော့တယ်။ တော်တော့ တော်ပါသေးရဲ့။ မောင်မင်းကြီးသား၊ (အဲ… မယ်မင်းကြီးမလည်း ဖြစ်ချင်ရင် ဖြစ်နေနိုင်ပါတယ်လေ) အဲ… အဲဒီ့ရွှေခွေးက ညဘက်ကျတော့ ဘာသံမှ မထွက်ပေလို့။ အိပ်ရေးမပျက်တဲ့အတွက် သူ့ပဲ ကျေးဇူးတင်ရဦးမယ်။

ခွေးရှင်ကိုလည်း စိတ်ကူးထဲမှာ မှန်းကြည့်တယ်။ မျက်မှန်ကြီး တပ်လို့၊ အသက်ခပ်ကြီးကြီး၊ ခပ်ဖိုင့်ဖိုင့်လူကြီးတစ်ယောက် ဖြစ်ချင် ဖြစ်နေမှာ။ မုတ်ဆိတ်မွေးကျိုးကျဲ၊ သွားကျိုးကျဲနဲ့ လူ့ခွစာလိုဟာမျိုးနေမှာ။ အဲဒီ့လူ့ခွစာ နေစိမ့်ပုံများ သူ့ခွေး တစ်နေကုန် ဟောင်နေတာတောင် တစ်ခွန်းဟန့်ဖော် မရဘူး။ ဒါပေမယ့် အိပ်ချိန်လေးတော့ ခွေးမဟောင်အောင် ထိန်းပေးထားဖော် ရသေးတဲ့အတွက် သူ့ကို ကျွန်တော်တင်မကဘူး၊ တခြားအိမ်နီးချင်းတွေကပါ သူ့ကိုပါ ကျေးဇူးရှင်စာရင်းထဲ ထည့်သွင်းရမလိုပါပဲ။

ခက်တာက ကျွန်တော်တို့နေတဲ့ ဖှလော်ရီဒါပြည်နယ်မှာကလည်း  ရာသီဥတုက နေ့တိုင်းလို သာတောင့်သာယာရယ်။ အဲတော့လည်း ခွေ ကို တစ်ချိန်လုံး ခြံထဲထုတ်ထားလို့ရနေတော့တာပေါ့။ သံကြိုးသံ တခြွင်ခြွင်၊ ဟောင်သံ တစ်ဝုတ်ဝုတ်ကိုလည်း ရက်ဆက် အချိန်ပြည့် ကြားနေရတော့တာပေါ့။

ခွေးရဲ့ဟောင်သံက ကြေကြေကွဲကွဲနိုင်လှတဲ့အတွက် ကျွန်တော်လည်း တစ်ခါမှ မမြင်ဖူးတဲ့ခွေးကို သနားသလိုလိုဖြစ်လာရတယ်။ သာတောင့်သာယာ အချိန်မှာ ခွေးတစ်ကောင်ဟာ ဘာလို့ သည်လောက်တောင် ဟောင်နေတာလဲ။ သံကြိုးဆန့်နိုင်သလောက် ၄-၅-၆ ကိုက် အဝန်းအဝိုင်းလေးအတွင်းမှာသာ လှုပ်ရှား နေထိုင်ရတာကို ညည်းငွေ့နေတာမို့ သက်သာရာ သက်သာကြောင်း ရှာတဲ့သဘော မဖြစ်နိုင်ဘူးလား။ ဒါမှမဟုတ် ငှက်ကျေးတွေ၊ လိပ်ပြာလေးတွေ၊ ရွက်ကြွေတွေ၊ လူတွေကို ခြောက်ဖို့ဖြစ်ဖြစ်၊ စိတ်ဝင်စားအောင်ဖြစ်ဖြစ် ဟောင်နေတာရော မဖြစ်နိုင်လား။ ဒါမှမဟုတ်ရင်လည်း ပျော်လို့ ဟောင်တာရော မဖြစ်နိုင်ဘူးလို့ ပြောလို့ဘယ်ရပါ့မလဲ၊ နော်…။ ဟောင်တာဟာ သူ့ဘဝရဲ့တေးသံ ဖြစ်ချင်ဖြစ်နေမှာလေ။

အင်း… ခံစားချက်လည်း ဖြစ်ချင်ဖြစ်နေမှာ။ ဒါမှမဟုတ်လည်း တစ်ယောက်တည်း တတွတ်တွတ် ရွတ်နေ၊ ပြောနေတတ်တဲ့လူတွေလို ကိုယ့်အသံကိုယ် ပြန်ကြားရတာကို အရသာတွေ့နေတာလည်း ဖြစ်ချင် ဖြစ်နေနိုင်ပါတယ်။

ဒါမှမဟုတ်လည်း အမှတ်တမဲ့ လုပ်ဖြစ်နေတာလည်း ဖြစ်နိုင်တာပဲ။ ဒါမှမဟုတ်ရင်လည်း တစ်ဖက်သားကို စိတ်အနှောင့်အယှက်ဖြစ်အောင် လုပ်လို့ ရနေမှန်း သိနေတဲ့အတွက် ဟောင်တာရော မဖြစ်နိုင်ဘူးတဲ့လား။ တစ်ခါတစ်ခါဆို ကျွန်တော့်စိတ်ထဲမှာ အဲဒီ့ဟောင်သံကြောင့် ဒေါသတွေ အလိပ်လိုက်ထွက်လာတာမျိုးလို သူ့ဟောင်သံကြောင့် ပတ်ဝန်းကျင်က လူတွေ လှုပ်လှုပ်ခတ်ခတ် ဖြစ်နေနိုင်တာကို သိလို့ စွတ်ဟောင်နေတာလည်း ဖြစ်နိုင်တာပေါ့နော်။

ဘာလို့ဟောင်တာလဲလို့ ကျွန်တော် သည်ခွေးကို တစ်ခါမှ မမေးခဲ့ဖူးပါဘူး။ ခြံစည်းရိုးကို ကျော်လွှားပြီးတော့လည်း ခွေးကို မမာန်ခဲ့ဖူးပါဘူး။ တကယ်တော့လည်း ကျွန်တော် အသံကုန်ဟစ်ပြီး အော်လိုက်မိရင်တောင်မှ တစ်ဖက်က တိုးဟောင်လာဖို့က လွဲလို့ ဘာမှတုန့်ပြန်မှာ မဟုတ်ဘူး ဆိုတာလည်း သိနေတယ်လေ။

နောက်ဆုံးမှာတော့ သည်ခွေးဟာ စိတ်မချမ်းမသာ ဖြစ်နေလွန်းလို့သာ ဟောင်နေတာနေမှာလို့ ကျွန်တော် ကောက်ချက်ချမိပါတော့တယ်။ မာန်ဖီတာ၊ ညည်းငွေ့တာ၊ ကြံရာမရဖြစ်နေတာ၊ အမျိုးစုံကြောင့် သူ ဟောင်နေတာနေမှာပါ။ ပျော်လို့ ဟောင်တာကတော့ တော်တော့်ကို မဖြစ်နိုင်ပါဘူး။

တစ်ခါတလေကျတော့ အဲဒီ့ ဟောင်သံက ဘာပစ္စည်းတွေမှန်း တိတိပပ မသိနိုင်တဲ့အရာဝတ္ထုတွေဆီကနေ ပဲ့တင်ထပ်လား ထပ်ရဲ့။ အဲလိုအခါကျတော့ ပိုဟိန်းနေသလိုပါပဲ။ စိတ်ပျက်ညည်းငွေ့နေတာ၊ အပယ်ခံထားရတာကိုအကြောင်းပြုပြီး သည်ခွေးဟာ အလကားနေရင်းကို ဟောင်နေတာပဲဖြစ်မှာဆိုတဲ့ ကောက်ချက်က ကျွန်တော့်အတွက် ကြာလေ ခိုင်မာလာလေဖြစ်လို့နေပါတော့တယ်။

ဟောင်တာကို သိပ်အကျင့်ပါသွားတဲ့အခါကျတော့ ဟောင်သံမှာက သံရှည်ဆွဲပြီး အူသံပါ ရောစွက်လာတတ်ပါသေးတယ်။ ဟောင်နေရတာကို အကျင့်ပါနေလို့ပဲ အဲဒီ့ ဟောင်သံဟာ ဘာ အနက်အဓိပ္ပာယ်မှ မရှိတော့သလိုပဲ။ အစာစားချင်လို့၊ လူသံကြားလို့၊ မမာလို့ ဟောင်နေ အီနေတာ မဟုတ်တော့ဘူး။ သူရှိနေမှန်း သတိထားမိစေချင်လို့ ဟောင်တာမျိုးလည်း မဟုတ်ဘူးလို့ ကျွန်တော်ထင်ပါတယ်။

တကယ်တမ်း အဲဒီ့ ဟောင်နေတဲ့သတ္တဝါကို မြင်လိုက်ရချိန်မှာ ကျွန်တော် ဘယ်လောက် အံ့ဩသွားသလဲဆိုတာ စာဖတ်သူများ စဉ်းစား ကြည့်ကြစေချင်ပါတယ်။ မေလရဲ့အလယ် တစ်နေ့ခင်းမှာပေါ့။ အဲဒီ့ ဟောင်သံကို နားမခံသာတော့တဲ့အဆုံးမှာ တစ်ဖက်ခြံထဲကို ချောင်းကြည့်နေကျ အပေါက်လေးထဲကနေ ချောင်းနေလိုက်မိပါတယ်။

ပထမတော့ မတွေ့ရသေးဘူး။ အတော်လေးနေမှ တွေ့ရတာ။

ကျွန်တော်တွေ့တာ ခွေးမဟုတ်ဘူးဗျ၊ အဘွားကြီးတစ်ယောက်။ ငုတ်မှာ အသေချည်းထားတဲ့ သံကြိုးနဲ့ အတည်းခံထားရတဲ့ စုတ်စုတ်ပြတ်ပြတ် မိန်းမကြီးတစ်ယောက်ရယ်…။

ခါတိုင်း ကျွန်တော်ကြည့်တဲ့အခါ ဘာမှ မတွေ့ရတာက ငုတ်ကို တခြားနေရာမှာ စိုက်ထားလို့ရင်လည်း ဖြစ်ချင်ဖြစ်မယ်၊ ဒါမှမဟုတ်လည်း ကျွန်တော် ချောင်းကြည့်တဲ့အချိန်မှာ သည်မိန်းမကြီးက ခပ်လှမ်းလှမ်း၊ ကျွန်တော် မမြင်နိုင်တဲ့နေရာကိုမှ တိုက်တိုက်ဆိုင်ဆိုင် ရောက်နေလို့ရင်လည်း ဖြစ်ချင်ဖြစ်မယ်။

ဘာပဲဖြစ်ဖြစ်၊ အခုတော့ သူ့ကိုတွေ့လိုက်ရပြီလေ။

မယုံနိုင်လောက်အောင် အံ့ဩလှတဲ့အတွက် ပထမတော့ ကျွန်တော့် မျက်စိများ မှားနေတာလားလို့တောင် ထင်မိတယ်။ သေချာကြည့်လိုက်ရင် ပျောက်သွားမှာပါလို့လည်း တွေးမိသေးတယ်။

ဒါပေမယ့် မဟုတ်ဘူး၊ တစ်ဖက်ခြံထဲမှာ မိန်းမကြီးက တကယ်ကြီးကို ခွေးလိုဟောင်နေတာဗျ။

မိန်းမကြီးရဲ့ ဆံပင်တိုနံ့နံ့ကလည်း စုတ်ဖွားပဲ။ ပြီးတော့ ချည်ထားတဲ့ သံကြိုး အလျားရှိသလောက်လည်း လေးဘက်သွားနေလေရဲ့။ ငုတ်ကို ပတ်ပြီး အဲလို လမ်းသလားလွန်းတဲ့အတွက် တစ်ဖက်ခြံက မြက်ခင်းပေါ်မှာ သူ့လမ်းကြောင်း အကွင်းလိုက် ဝိုင်းဝိုင်းကြီးတောင် ပေါ်နေပြီ။  တစ်နေ့တာအတွင်းမှာတင် ဘယ်နှကြိမ် ပတ်ပြီးပြီလဲ မသိဘူး၊ ဒါကြောင့်မို့လဲ စက်ဝိုင်းကြီးက မြက်ခင်းအလယ်မှာ အဲလောက်ကြီးကို ထင်းနေတာ ဖြစ်မှာပါ။

ဒါဆိုရင်တော့ အဲဒီ့ခြံထဲမှာ ဘယ်တုန်းကမှ ခွေးမရှိတာ ထင်ရှားနေပါပြီ။ ခွေးလို့ တစ်လျှောက်လုံး ကျွန်တော်တွေးထားခဲ့တဲ့ အသံရှင်ဟာ သည်မိန်းမကြီးပဲ ဆိုတာလည်း သေချာပါတယ်။ ဟုတ်တယ်လေ၊ ကျွန်တော် ရက်ရှည် လများ မနည်း သည်းခံနေခဲ့ရတဲ့ အသံဗလံပေါင်းစုံကို သည်မိန်းမကြီးက အခုပဲ လုပ်နေတာပဲ မဟုတ်လား။

မိန်းမကြီးက ပါးစပ်လှုပ်လိုက်တာနဲ့ ဟောင်သံက သူ့နှုတ်ခမ်းတွေထဲကနေ အလိုက်သင့်ထွက်လာတယ်ဗျ။ အဲဒီ့ ဟောင်သံကို ပြက်ပြက်ထင်ထင် ကြားနေရမှတော့ ခါတိုင်းနေ့တွေမှာ ကျွန်တော်ဆက်တိုက် ကြားနေခဲ့ရတဲ့ ဟောင်သံဟာလည်း သည်မိန်းမကြီးဆီက ထွက်လာတာပဲ ဆိုတာ သိပ်ကို သေချာသွားတော့တာပေါ့။

တစ်အောင့်လောက်ကြာအောင် သေချာစိုက်ကြည့်ပြီး သေချာ နားထောင်ယူတော့မှ ဒါဟာ အိပ်မက်မက်နေတာမဟုတ်ဘူး၊ တကယ်ပဲဆိုတာကို ကျွန်တော် နှလုံးသွင်းနိုင်လာပါတော့တယ်။

မျက်တောင်တစ်ချက်တောင်မခတ်မိဘဲ ကျွန်တော် ချောင်းကြည့်နေတဲ့အပေါက်လေးဖက်ကို နောက်ဆုံးတော့ မိန်းမကြီး လှည့်လာပါတော့တယ်။

“သည်မှာဗျ…”

ကျွန်တော် အော်လိုက်တယ်။

မိန်းမကြီးဟာ ကျွန်တော့်အသံကို ကောင်းကောင်း ကြားသွားပုံပဲ။ ပထမတော့ ဆတ်ခနဲ နောက်ကြောင်းပြန်လှည့်ဖို့ ပြင်လိုက်သေးတယ်။ ပြီးတော့မှ အပေါက်ဖက်ကို ပြန်လှည့်လာတယ်။

“ဟေ…၊ ဝုတ် ဝုတ်၊ ဝူး၊ ဝေါင်း၊ ဘယ်သူလဲဗျ…”တဲ့။

“သည်မှာ၊ သည်နားလေးမှာ…”လို့ ကျွန်တော်ပြန်အော်လိုက်တယ်။

ကြည့်ရတာ မိန်းမကြီးက ကျွန်တော့်ကို မြင်ပုံမရဘူး။

အပေါက်လေးက သိပ်ကို သေးလွန်းလို့ သူမမြင်နိုင်တာကို ကျွန်တော် စဉ်းစားမိသွားတာနဲ့အတူ ကျွန်တော် အဲဒီ့မှာ တစ်ချိန်လုံး ရှိနေတာကို သူသိနေဦးတောင်မှ သူ ကျွန်တော့်ကို ဘယ်နည်းနဲ့မှ မမြင်နိုင်ဘူး ဆိုတာကိုပါ စဉ်းစားမိသွားတယ်။

“သည်မှာ၊ ဟောဒီ့မှာ…” ကျွန်တော် ထပ်ပြောလိုက်မိတယ်။ “ခြံစည်းရိုးပျဉ်ပြားပေါ်က အပေါက်လေးမှာ…”လို့ ပြောလည်း ပြောရင်း အပေါက်လေးထဲကနေ ကျွန်တော့်လက်ညှိုကိုလည်း ရသလောက် သွင်းတဲ့ပြီး ပြလိုက်တယ်။

ပထမတော့ ဘာသံမှကို မကြားရတော့ဘူး။ ကျွန်တော်လည်း လက်ညှိုကို ဖယ်ပြီး အပေါက်မှာ မျက်စိအပ်လို့ ပြန်ကြည့်လိုက်ရပါတယ်။

မိန်းမကြီးက ကျွန်တော့်ဘက်ကို စိန်းစိန်းကြီး ကြည့်နေတယ်။ မျက်မှောင်ကို တွန့်ပြီး သေချာကြည့်နေတာပါ။ သူ့ကို ကြည့်နေသူတစ်ယောက် တကယ် ရှိနေတာ သေချာအောင် ကြည့်နေတဲ့အကြည့်မျိုးပါ။

ခဏနေတော့ အဲဒီ့မိန်းမကြီးရဲ့မျက်နှာထားပြောင်းသွားတယ်။ သူ ကျွန်တော့်မျက်စိတစ်ဖက်ကို ကောင်းကောင်း မြင်သွားပြီဆိုတာကိုလည်း ကျွန်တော် သိလိုက်ပါတယ်။

မိန်းမကြီး အတော် စိတ်သက်သာရာရသွားမှန်း သိသာတယ်။ လေးဘက်သွားနေရာက မြေကြီးပေါ်ကို ပိုလို့တောင် ငိုက်ကျသွားအောင် မှောက်ချလိုက်ပြီးမှ အဖွားကြီးက ပီပီသသကြီး ပြောလာပါတယ်။

“သွား… သွား…၊ မလာနဲ့…”

“ခင်ဗျားကို မကြည့်စေချင်ရင် သည်အပေါက်လေးကို တစ်ခုခုနဲ့ ဆို့ပြီး ပိတ်လိုက်ပေါ့ဗျာ…”လို့ ကျွန်တော် ပြန်ပြောလိုက်ပါတယ်။

“သွား၊ သွား၊ အဲဒီ့အပေါက်ကို ငါမမီဘူးဟဲ့။ သံကြိုးက သိပ်တိုတယ်။ အပေါက်ကို နင့်ဘာသာ နင်ပိတ်လိုက်၊ ပြီးရင် နောက် ငါ့ကို ဘယ်တော့မှ လာမနှောင့်ယှက်နဲ့…”

“ကျွန်တော်ကိုယ်တိုင် ပိတ်ရအောင် ဒါ ကျွန်တော်ပိုင် ခြံစည်းရိုးမှ မဟုတ်တာဗျာ..”

“အပေါက်ရှိနေတာနဲ့ နင် ငါ့ကို… ဝုတ်… ချောင်းကြည့်စရာ လားဟဲ့…”

“ဘာပဲဖြစ်ဖြစ် အပေါက်ကလေးရှိနေတော့ ခင်ဗျားနဲ့ စကားပြောရတာ ပိုလွယ်တာပေါ့…”

ပြောရင်းနဲ့ အော်ကြီးဟစ်ကျယ် မရယ်မိအောင် ကျွန်တော့်ကိုယ် ကျွန်တော် အတော်ထိန်းလိုက်ရသေးတယ်။ သူ့ကိုယ်သူ ဘယ်ပုံဘယ်ပန်း ဖြစ်နေမှန်း လုံးလုံး သတိမထားမိတဲ့ အဘွားကြီးကို မြင်ရတာနဲ့ကို ကျွန်တော့်မှာ ရယ်ချင်ပက်ကျိဖြစ်နေတာကိုး။

ကျွန်တော်ဟာ အဲဒီ့အပေါက်လေးကနေ တော်တော်နဲ့ ခွာမယ့်ပုံ မပေါ်မှန်း သတိထားမိသွားတဲ့အခါ အဘွားကြီးလည်း တည်တည်ငြိမ် ငြိမ်ဖြစ်စပြုလာပါတယ်။ အဘကြီးရဲ့ဒေါသတွေကလည်း မေလရဲ့နွေးထွေးတဲ့လေပြည်ထဲမှာ မျောလွင့်သွားပုံပါပဲ။

“နင် ဘာလိုချင်လို့လဲ”လို့ သူက မေးတယ်။

နေကုန်နေခမ်း ဟောင်နေတဲ့ ခွေးကို မြင်ဖူးချင်လို့ ကြည့်မိပါတယ်၊ ခွေးမဟုတ်ဘဲ လူအကောင်လိုက်ကြီး ဖြစ်နေတော့လည်း ကျွန်တော့်မှာ အဲဒီ့ မေးခွန်းအတွက် ပြင်ဆင်ထားတာ မရှိဘူး။ ကျွန်တော် မဖြေတော့ အဖွားကြီးက အသံတုန်တုန်နဲ့ ထပ်မေးတယ်။ တုန်ဆို အသက်က စကားပြောနေပြီကိုး။ တစ်ချိန်က လှပတင့်တယ်ခဲ့ပုံရတဲ့ သူ့မျက်နှာမှာ ဇရာအရေးအကြောင်းတွေက တင်းကြမ်း ပြည့်နေပါပြီ။

“ဘာ့ကြောင့် ခင်ဗျားကို သံကြိုးနဲ့ချည်ထားကြတာလဲ…”

သူ ချက်ချင်းမဖြေဘူး၊ ကျွန်တော် ရှိနေတဲ့အပေါက်လေးဆီကို လှမ်း လှမ်းကြည့်နေသေးတယ်။ ပြီးမှ…

“ချည်ထားတော့ ဘာဖြစ်လဲ”

“ဘာရယ်….”
“ငါ ခွေးလိုနေနေတာ နင်မမြင်ဘူးလား…”

“သဏ္ဌာန်လုပ်တဲ့နေရာမှာ ခင်ဗျားက တော်တော့်ကို သရုပ်တူပေတာပဲဗျာ။ ကျွန်တော့်ကို အရူးဖြစ်လို့…”

“ဝုတ်… ဝေါင်း…”

အဘွားကြီး ခွေးလိုဟောင်လိုက်ပြန်တယ်။ သူ့ဟောင်သံဟာ တကယ့်ခွေးတစ်ကောင်ရဲ့ဟောင်သံနဲ့ တစ်ထပ်တည်းတူနေပြီး လူတကာကလည်း အဲဒီ့အသံကို ခွေးအစစ် ဟောင်သံလို့ မှတ်နေကြတာကို သူ ကောင်းကောင်းကြီး သိနေပုံပါပဲ။ အဲလို သိနေတာနဲ့အတူ အဲလို လူတွေ ထင်ယောင်မှားနေတာကိုလည်း သာယာနေပုံပဲ။

တစ်ဆက်တည်းမှာပဲ အဖွားကြီးက “ဝု… အု… အု… အူ…” ဆိုပြီး ခွေးလို ထ အူလိုက်တဲ့အခါ ကျွန်တော့်မှာ ကြက်သီးတောင် ထချင်ချင်ဖြစ်သွားတယ်။

“ကျွန်တော်ခင်ဗျားကို စော်ကားတာမဟုတ်ဘူးနော်၊ အမယ်ကြီး”

“ရပါတယ်။ ငါ့အဖေက အိမ်ထဲမှာနေတယ်၊ သူက…”

“ခင်ဗျားအဖေ၊ ဟုတ်လား…”

ကျွန်တော့်စိတ်ထဲမှာ မှန်းဆမြင်ယောင်ထားတဲ့ ခွေးရှင်ရဲ့ပုံပန်းဟာ ဖျန်းခနဲ ကွဲသွားတယ်။ အဘွားကြီးရဲ့အဖေဆိုတော့ မတ်တတ်တောင် ကောင်းကောင်း ရပ်နိုင်တော့မှာ မဟုတ်တဲ့ ခါးကုန်းကုန်းနဲ့ အဘိုးအိုကြီးပဲ နေမှာပေါ့။ နှုတ်ခမ်းတွေ တင်းတင်းစေ့လို့၊ သူ့မှာ သွားမရှိတော့တာ လူတွေ မြင်ကုန်မှာစိုးလို့ ပါးစပ်ကို အတင်း ပိတ်ထားတဲ့ ပါးရိုးချောင်ချောင်နဲ့ အဘိုးကြီးတစ်ယောက်ရဲ့ ပုံပန်းက ကျွန်တော့်အာရုံမှာ ပေါ်လာတယ်။

“ဟုတ်တယ်၊ ငါ့ဖေဖေ။ ဖေဖေက အိမ်ထဲမှာနေတယ်လေ။ သူက ငါ့ကို ခွေးလို့ပဲ ထင်တယ်။ သူ ဘာကြောင့် အဲလို ထင်နေတယ်ဆိုတာ နင် နားလည်မှာ မဟုတ်ပါဘူး။ သူက ငါ့ကို ခွေးတစ်ကောင်လို ဆက်ဆံခဲ့တာ ကြာလှပြီ။ ဝုတ်… ဝုတ်… ဝေါင်း… အောင်း… အောင်း”

“ဘယ်လို၊ ဘယ်လို…”

ကျွန်တော် အတော် တုန်လှုပ်သွားတယ်။

“ဝေါင်း…”

“ကျွန်တော် ရဲကို ချက်ချင်း ခေါ်ပြီး သည်ကိစ္စကို အကြောင်းကြားမှဖြစ်မယ်။ ခင်ဗျာ့အဖေကို ထောင်ထဲဖြစ်ဖြစ်၊ စိတ္တဇဆေးရုံဖြစ်ဖြစ်ပို့မှ ဖြစ်တော့မယ်၊ ခင်ဗျားလည်း…၊ ထားပါတော့လေ…”

မိန်းမကြီးဟာ တစ်ဖက်ကို ပြန်လှည့်သွားပြီး အကျယ်ကြီး ဟောင်လိုက်ပြန်တယ်။ ဟောင်သံက ကျယ်လွန်းတော့ တစ်ရပ်လုံးကို ဟိန်းသွားသလိုပါပဲ။

အစက ခွေးပေါက်စလေးတစ်ကောင်အနေနဲ့ ဘယ်လို လုပ်ပြီး သည်လောက် အကျယ်ကြီး ဟောင်နိုင်တာပါလိမ့်လို့ ကျွန်တော် တွေးလို့ မရခဲ့ဘူး။ အခုတော့လည်း သည်လောက် အကောင်သေးသေး အဖွားကြီးတစ်ယောက်က သည်လောက် အကျယ်ကြီး ဘယ်လိုလုပ် ဟောင်နိုင်တာပါလိမ့်လို့ တွေးနေမိရပြန်ရော။

နောက်တစ်ချက်က သည်မိန်းမကြီးကို အိမ်နောက်ဖေးမှာ အဲလိုကြီး သံကြိုးနဲ့ချည်ထားတာ ကျွန်တော့်အရင်က ဘယ်သူ တစ်ဦးတစ်ယောက်ကမှ သတိမထားမိခဲ့ကြဘူးတဲ့လား။ သည်လောက် တစ်နေကုန်၊ နေမကွယ်မချင်း မနားတမ်း ဟောင်နေတာကို ဘယ်သူကမှ အရေးတယူ မလုပ်ခဲ့ကြဘူးတဲ့လားဆိုတဲ့ အတွေးတွေက ကျွန်တော့်ကို ဖိစီးလာပြန်တယ်။

အဲ… ဒါပေမယ့် သူတို့ခြံစည်းရိုးကို ပျဉ်ပြားတွေနဲ့ လက်ကြားမယိုအောင် ပိတ်ဆို့ပြီး အမြင့်ကြီး ကာထားလို့ လူသူလေးပါး မရိပ်မိတာပဲနေမှာ။ သည်အရပ်ထဲမှာကလည်း မိုင်ယာမီ ကမ်းခြေမှာရှိတဲ့ တခြားရပ်ကွက်တွေလိုပါပဲ၊ လူတွေက တစ်အိမ့်တစ်အိမ် ကူးလူး သွားလာဖို့ ဝန်လေးတတ်ကြတာလည်း တစ်ကြောင်းပေါ့။

အဲတော့လည်း သည်မိန်းမကြီးကို ပိန်းပိတ်နေတဲ့ ခြံစည်းရိုးနောက်ကွယ်မှာ အသာလေး ဝှက်ထားလို့ ရနေတာ မဆန်းတော့ မဆန်းလှပါဘူး။ ဒါပေမယ့်လည်း အခုတော့ ပျဉ်ပေါ်က ပိုးပေါက်လေးတစ်ပေါက်နဲ့ ကျွန်တော့်ကြောင့် အဲဒီ့ခြံဟာ ပြင်ပကမ္ဘာနဲ့ အဆက်အသွယ်ရသွားခဲ့ပါပြီကော။

အဘွားကြီးက ကျွန်တော်ချောင်းကြည့်နေတဲ့ အပေါက်ဘက်ကို ပြန်လှည့်လိုက်ပြန်တယ်။ သူကျွန်တော့်ကို လှမ်းကြည့်နေတဲ့ပုံက ကျွန်တော့် တစ်ကိုယ်လုံးကိုတောင် သူ ထွင်းဖောက်မြင်သွားတယ်လို့ ကျွန်တော်ကိုယ်တိုင် ခံစားလာရတဲ့အထိ စူးရှနေတယ်။

“နင့်ကို ငါ ခင်သွားပြီ ထင်တယ်…”

“ကျွန်တော်လည်း ခင်ဗျားကို ခင်ပါတယ်”လို့ ကျွန်တော်ပြန်ပြောလိုက်မိတယ်။ ပြောမယ့်သာ ပြောရတယ်၊ ရယ်ချင်စိတ်ကို မနည်း မျိုသိပ်ပြီး ပြောရတဲ့အတွက် နည်းနည်းတောင် ထစ်ချင်ချင်ရယ်။

အဘွားကြီး ငြိမ်သွားပြန်တယ်။ အပေါက်ကလေးကို မျက်တောင် မခတ်လှမ်းကြည့်နေတယ်။ သူကြည့်နေပုံက နဂါးငွေ့တန်းထဲမှာ အလင်းနှစ် ကုဋေပေါင်းများစွာ ဝေးကွာတဲ့အရပ်က လူတစ်ယောက်ကို မမြင်မကန်းနဲ့ လှမ်းကြည့်ပုံမျိုးကြီး။

“ဒါဆိုရင် ကျွန်တော့်ကို အမယ်ကြီး လက်ခံနိုင်တဲ့စာရင်းထဲမှာ ထည့်လို့ရတယ် ဆိုပါတော့နော်…”

“တစ်ခါတလေ စကားလုံးတွေကို ပြောရတာ အပြောင်းအလဲပေါ့ မောင်ရင်ရယ်…”

“ခင်ဗျားအဖေနဲ့ကျတော့ ခင်ဗျား စကားမပြောဘူးလား…”

“တိရစ္ဆာန်တွေနဲ့ ကျေးငှက်တွေက စကားမပြောဘူးလေ။ သူတို့က လူစကားလည်း နားမလည်ကြဘူးဟဲ့…” အဘွားကြီးက ကျွန်တော့် မေးခွန်းကို ဂရုမစိုက်ဘဲ သူပြောချင်တာတွေပဲ ဆက်ပြောနေတယ်။ “သည့်ထက်သာ ကြာရင် စကားဘယ်လိုပြောရတယ်ဆိုတာတောင် မေ့သွားလောက်တယ်…”

“စကားပြောတာကို ခင်ဗျား ဘယ်တော့မှ မေ့မှာမဟုတ်ပါဘူးဗျာ”

အဘွားကြီးက လည်ချောင်း တစ်ချက် ရှင်းလိုက်တယ်။ ကြည့်ရတာ၊ သူ့အတွက် စကားပြောရတာဟာ ဟောင်ရတာထက် ပိုပင်ပန်းနေသလိုပါပဲ။ ပြီးလည်းပြီးရော သူက ဟောင်လိုက်ပြန်တယ်။ သည်တစ်ချီ ဟောင်တာက တအားကျယ်လွန်းလို့ ကျွန်တော့်မှာ ထခုန်မိမတတ် ဖြစ်သွားရတယ်။

“ခင်ဗျားကို အခုလို ချုပ်နှောင်ထားတာကို ဘယ်လိုလုပ်ပြီး သည်းခံနေနိုင်တာလဲ…၊ ကျွန်တော်သာဆိုရင်…”

“ဘာ.. ချုပ်နှောင်ထားတာလဲ…”

“ခင်ဗျားကို သံကြိုးကြီးနဲ့ ငုတ်မှာ ချည်ထားတာလေ။ ခင်ဗျားရဲ့ ကမ္ဘာက အလွန်ဆုံးမှ အလျား ပေ ၄၀ ၊ အနံ ပေ ၄၀ လောက်ပဲရှိမှာ…”

“အောင်မယ်… နင့်ကမ္ဘာကရော ဘယ်လောက်များကျယ်လို့လဲဟဲ့”

ကျွန်တော် ပြန်မဖြေမိဘူး။

“ငါ့အဖေက စိတ်ကောင်းရှိပါတယ်။ အပြင်မှာ သိပ်ပူလွန်းရင်၊ ဒါမှမဟုတ် သိပ်အေးလွန်းရင်၊ ညကျရင်၊ မုန်တိုင်းရှိရင် အိမ်ထဲမှာပဲ ငါ့ကို ခေါ်ထားတယ်။ ငါ့ကိုလည်း ကောင်းကောင်း ကျွေးတယ်၊ ပြီးတော့လည်း ငါ့ခေါင်းကိုလည်း ပွတ်သပ်ပြီး နွေးနွေးထွေးထွေး သက်သက်သာသာ နေရအောင် စီစဉ်ပေးထားတယ်”

]ပြီးတော့ ခင်ဗျားကို ကြိုးနဲ့ချည်ထားတယ်၊ ပြီးတော့ မြေကြီးပေါ်၊ ဖုတ်ထဲသဲထဲမှာ လူးချင်တိုင်း လူးခွင့်ပေးတယ်၊ အဲဒါ စိတ်ကောင်းရှိ တာလားဗျ…”

“ဟဲ့… ခွေးတွေအားလုံး သည်လိုပဲ နေကြတာပဲဟ…။ ငါလည်း ဖုတ်ထဲသဲထဲမှာ နေမှာပေါ့၊ ကောင်လေးရဲ့…”

အဘွာကြီး လှည့်ပတ်နေကျ စက်ဝိုင်းရဲ့အလယ်မှာ မြေမို့မို့လေးတွေ ဟိုတစ်ကွက် သည်တစ်ကွက်ကို ကျွန်တော် သတိထားမိတယ်။ အဲဒီ့နားတဝိုက်က မြက်တွေကလည်း ပိုပြီးစိမ်းစိုနေတယ်။

အံ့တော့ မအံ့ဩမိတော့ပါဘူး။ သည်နေ့သည်ရက်က စပြီး နောင် ဘယ်သောဘယ်အခါမှာမှ ဘာအတွက်မှ ကျွန်တော် အံ့ဩတကြီးဖြစ်မိတော့မယ် မထင်ဘူး။ ချောင်းကြည့်ပေါက်ကလေးကနေ ကျွန်တော့်မျက်စိကို ဆတ်ခနဲ ခွာလိုက်မိသွားရသေးတယ်။

အဲဒီ့ စက်ဝိုင်းအလယ်ကောင်က မြေမို့မို့လေးတွေဟာ အဘွားကြီး အခင်းကြီးသွားထားတာတွေ ဖြစ်မှာလေ။ ကျွန်တော့်စိတ်ထဲမှာ အနံ့ဆိုးကို ခံစားလိုက်ရသလို ရှိသွားတာမို့ မျက်စိကို ချောင်းကြည့်ပေါက်က ခွာလိုက်တာပါ။

ဒါပေမယ့် တကယ်တော့ လေပြည်လေး တစ်ချက် အသုတ်မှာပါလာတဲ့ တစ်ဖက်ခြံဆီက ရနံ့ကတော့ မြက်ပင်၊ သစ်ပင်တို့ရဲ့အနံ့တွေပါပဲ။

ဒါနဲ့ ကျွန်တော်လည်း အဘွားကြီး သေချာကြားရအောင်လို့ ပါးစပ်ကို ချောင်းကြည့်ပေါက်လေးမှာ အပ်လိုက်ပြီး ပြောရပြန်တယ်။

“ကျွန်တော့်အလုပ်က ကောင်းတယ်ဗျ…”

အဘွားကြီးက အားခွန်ပြည့်စွာ ပြန်ဟောင်လိုက်ရင်း ကျွန်တော့်စကားကို ကြားကြောင်း တုန့်ပြန်တယ်။

“ကျွန်တော်လုပ်ချင်တဲ့အလုပ်ကို ကျွန်တော့်ဘာသာ ရွေးချယ်ထားတာဗျ။ အခုနေခါ ကွန်ပျူတာအစီအစဉ် ရေးတဲ့သူဆိုတာ နေရာတိုင်းမှာ လိုအပ်နေတာကလား။ ကျွန်တော်ဆို သည်တိုင်းပြည်ထဲ ကြိုက်တဲ့နေရာသွား၊ အလုပ်က အဆင်သင့်။ ကျွန်တော့်ဘဝဟာ ဘယ်လောက် လွတ်လပ်လဲ၊ ခင်ဗျားပဲစဉ်းစားကြည့်။ ခင်ဗျား ဘယ်လိုလုပ်ပြီးတော့ အခုလို အနှောင်ခံဘဝနဲ့ နေနိုင်လဲဆိုတာ ကျွန်တော်ဖြင့် စဉ်းစားလို့ကို မရဘူး၊ ကျွန်သဘောက်တွေတောင် ခင်ဗျားလောက် အဖြစ်ဆိုးမှာ မဟုတ်ဘူး”

အဖွားကြီးဆီက ဘာသံမှ မကြားရတော့ဘူး။ သူ့မှာ ချေပစရာ စကား မရှိတော့ဘူးလေ…။ ကျွန်တော် ဆက်ပြောလိုက်တယ်။

“သည်ထဲမှာမှ ခင်ဗျားက ခင်ဗျားအဖေကို စိတ်ကောင်းရှိတယ်လို့ ထင်လိုက်သေးတယ်။ တကယ်တော့ ခင်ဗျားအဖေက ရူးနေတာ၊ စိတ်ပုပ်တာ။ ခင်ဗျားကို အခုလို ညှင်းဆဲထားတာ ဥပဒေအရ အရေးယူလို့ ရတယ်ဗျ။ ကျွန်တော် ရဲတိုင်မယ်။ ရဲက ခင်ဗျာ့အဖေကို ဖမ်းချုပ်လိမ့်မယ်…”

“မလုပ်နဲ့၊ မလုပ်ရဘူး…”

အဘွားကြီးက အော်လိုက်တယ်။

“ဟ… ဘာဖြစ်လို့ မလုပ်ရမှာတုန်း…”

“ငါ့ဘဝ ငါကျေနပ်တယ်။ ဒါ ငါလုပ်တတ်တဲ့ အလုပ်ပဲ…”

“ဘယ်လို…”

“သူဌေးဖြစ်ဖို့အတွက် နင့်ဘာသာနင် အလုပ်ကို သေအောင်လုပ်။ ငါ့ကို လာမပြောနဲ့။ နင်ရူးနေတယ်လို့ ငါတစ်ခွန်း ပြောသလား။ ငါနေသလို နင်မနေတဲ့အတွက် နင့်ဘဝကို ပြောင်းလဲပစ်ဖို့ ငါတစ်ချက် ကြိုးစားသလား။ ငါ့ဘဝမှာ ငါကြိုက်သလို ငါ့ဘာသာ နေပါရစေ။ နင်လည်း နင့်ဘာသာနင် ဂုဏ်တွေ၊ ငွေတွေအတွက် လုပ်စရာရှိတာဆက်လုပ်ပေါ့”

သည်နေရာရောက်တော့ အဘွားကြီးအသံမှာ နာကျည်းသံတွေပါလာသလိုပဲ။ သူက ဆက်ပြောနေပြန်တယ်။

“နင့်ဂုဏ်တွေ၊ ငွေတွေက နင့်သွေးကို ဖောက်စုပ်နေပြီး နင့်ကို မသေရုံတမယ် ကျွေးသွားမှာကိုရော နင်မြင်ရဲ့လား။ ဝုတ်… ဝုတ်၊  နင်လို ကောင်မျိုး သေသွားတာကမှ အေးဦးမယ်၊ အောင်း… ဝေါင်း… ဝေါင်း…၊ ငါက နေ့တိုင်း အမဲသားစားရတယ်ဟဲ့၊ အကောင်ရဲ့…”

သူက အဲလိုပြောလိုက်တဲ့အခါ ကျွန်တော့်လုပ်ခကို ပိုတောင်းဖို့ စိတ်ကူး ရနေခဲ့တာကို ဖျတ်ခနဲ တွေးမိသွားရပြန်တယ်။

“ခင်ဗျား အသက်ဘယ်လောက်ရှိပြီလဲ…”

“ဝေါင်း… အောင်း… အောင်း၊ ငါ့ဘဝက နေဖို့ပဲ။ ပိုးကောင်လေးတွေ၊ ငှက်တွေ၊ အိမ်မြှောင်တွေ၊ ဖားတွေကို ကြည့်နေရင်းနဲ့ တစ်နေ့ တစ်နေ့ အချိန် ဘယ်လို ကုန်သွားမှန်းတောင် မသိဘူး…”

“ခင်ဗျားမွေးနေ့ကို သိလား…”

ကျွန်တော်ထပ်မေးတော့မှ သူဖြေတယ်။

“မေလ ၁၅ရက်နေ့…”

“သန်ဘက်ခါပေါ့…”

“ဟုတ်လား…”

“ဟုတ်တယ်၊ မင်္ဂလာရှိတဲ့ မွေးနေ့ဖြစ်ပါစေဗျာ။ ခင်ဗျား ဘာလိုချင်လဲ။ အမဲရိုးလား…”

“ဝုတ်… ဝေါင်း… အောင်း၊ ဝုတ်… ဝုတ်… ဝေါင်း…”

အဘွားကြီးကို ကျွန်တော်ကြည့်မိရပြန်တယ်။ ကျွန်တော် ဘာပြောပြော၊ သူ့အတွက် ဘာတစ်ခုမှ အရေးမပါသလိုကြီးပဲ။ သူက ကျွန်တော့်ကို လှမ်းကြည့်ပြန်တယ်။ ခြံစည်းရိုးက တစ်ဖက်နဲ့တစ်ဖက် ထုတ်ချင်းပေါက် လှမ်းမြင်ရတာကျလို့၊ သူကြည့်နေပုံက ကျွန်တော့်ကို ငယ်ထိပ်ကနေ ခြေဖျားအထိ စူးစမ်းနေတဲ့ပုံမျိုးနဲ့။ အကြာကြီး စိုက်ကြည့်နေပြီးမှ မျက်လုံးလွှဲသွားတယ်။

အဘွားကြီးဟာ သူ့ခြံရဲ့တစ်ဖက်စွန်းမှာရှိတဲ့ သစ်ပင်တွေဆီ လှမ်းသွားရင်းက ပြောလိုက်ပြန်တယ်။

“ငါခွေးလိုပဲ နေမယ်၊ ခွေးလိုပဲ သေမယ်။ နင်လည်း နင့်ကို ကောင်းကောင်း ဂရုစိုက်စောင့်ရှောက်မယ့်သူနဲ့တွေ့ရင် မိခင်မြေကြီးမှာ ငါ့လိုပဲ အချည်ခံရဦးမှာပါ။ ဝေါင်း… ဝုတ်… ဝုတ်… ဝေါင်း… အောင်း…”

သူ့ဟောင်သံဟာ ခြံရဲ့တခြားတစ်ဖက်စွန်းကို ရောက်သွားပြီ။ သစ်ပင်တွေ၊ ပိုးကောင်တွေ၊ အိမ်မြှောင်တွေ၊ ဖားတွေ၊ ငှက်တွေကို ကျော်ပြီး ရောက်သွားပြီ။ ကျွန်တော်တို့ရဲ့ စကားပြောခန်းလည်း နိဋ္ဌိတံခဲ့ပါပြီ။

နောက် ၄-၅-၁၀ ရက်နေတော့ ကျွန်တော်လည်း အဲဒီ့အိမ်မှာ ဆက်မနေချင်တော့တဲ့အကြောင်း အိမ်ရှင်ကို အကြောင်းကြားလိုက်ပါတယ်။ တစ်ချိန်လုံးဟောင်နေတာ ဘာသံလဲဆိုတာကို သိသွားတဲ့နောက်မှာတော့ အဲဒီ့အိမ်ထဲမှာ အောင်းပြီး ကျွန်တော်ဘယ်လိုမှ ဆက်အလုပ် လုပ်လို့မရတော့တာမို့ပါ။

ကွန်ပျူတာအစီအစဉ်အသစ်တွေကို ရေးဆွဲဖို့ ကျွန်တော် ကြိုးစားကြည့်ပါသေးတယ်။ ကွန်ပျူတာ ဖန်သားပြင်ပေါ်မှာကတော့ လေးဘက်သွားနေတဲ့၊ သံကြိုးတန်းလန်းနဲ့၊ စုတ်ပြတ်သတ်ပြီး အရောင်မပေါ်တော့တဲ့ အဝတ်အစားတွေနဲ့ အဖွားကြီးက ခြယ်လှယ်နေတာမို့ ကျွန်တော့်မှာ ဘာဆို ဘာမှ ရေးလို့၊ ဆွဲလို့မရဘူး ဖြစ်နေပါတော့တယ်။
အိမ်ရှင်ကလည်း သဘောကောင်းပါတယ်။ ကျွန်တော့် စပေါ်ကို အသာတကြည် ပြန်ပေးရှာတယ်။ သူသာ အဲသလို အသာတကြည် မလိုက်လျောဘူးဆိုရင် ကျွန်တော် ဘာလုပ်ရမှန်း သိတော့မှာ မဟုတ်ဘူး။

အဲလိုနဲ့ ကျွန်တော်လည်း တိုက်ခန်းတစ်ခန်းကို ရွှေ့ခဲ့တယ်။ အဲဒီ့တိုက်မှာကျတော့ တိုက်ရှင်က ဘယ်သူ့ကိုမှ အိမ်မွေးတိရစ္ဆာန်တွေ မွေးခွင့် မပေးထားတော့ ဟန့်ကို ကျလို့။

အဲ… ဒါပေမယ့် ခွေးတွေကို နေရာတကာမှာ တစ်ချိန်လုံး ရှောင်ကွင်း သွားဖို့ဆိုတာ ဘယ်လိုမှ မဖြစ်နိုင်ဘူးဗျ။ အပြင်ထွက် လမ်းလျှောက်တဲ့အခါ၊ စက်ဘီးစီးသွားတဲ့အခါတွေမှာ ခွေးဟောင်သံတွေကို မကြာခဏဆိုသလို ကြားမိရတတ်ပါတယ်။

ဟောင်သံက တော်တော် ဝေးဝေးကမို့လို့ ခပ်သဲ့သဲ့လေး ကြားလိုက်ရတာပဲဖြစ်ဦး၊ ကျွန်တော့်အာရုံက ချက်ချင်းနိုးလာပြီး စိတ်က ခွေးဟောင်သံဆီကို တန်းခနဲ ရောက်ရောက်သွားတတ်တယ်။

ခွေးဟောင်သံကြားလိုက်တာနဲ့ သွေးသံရဲရဲ အမဲသားတုံးကို အဘွားကြီးဆီ အဘိုးကြီးတစ်ယောက်က ပစ်ပေးလိုက်တဲ့ပုံ၊ ဗိုက်နဲ့ မြေကြီးနဲ့ ထိမတတ် လေးဘက်သွားနေတဲ့ အဘွားကြီးက အဲဒီ့ အမဲသားတုံးကို ပါးစပ်နဲ့ လှမ်းဟပ်ပုံ၊ ပြီးတော့ မာန်တဖီဖီနဲ့ အငမ်းမရ စားသောက်နေပုံတို့က မျက်လုံးထဲမှာ အလိုလို ပေါ်လာတယ်။

စိတ်ထဲမှာ အဲလို တစ်ချက်တစ်ချက် ဖြစ်သွားပေမယ့် နောက်ဆုံးမှာတော့ ကျွန်တော့်လမ်း ကျွန်တော် ဆက်လျှောက်၊ ကျွန်တော့်ခရီး ကျွန်တော် ဆက်နှင်ဖြစ်သွားတာပဲ။

နည်းနည်းလေး လှမ်းသွားတဲ့အခါကျတော့လည်း အဲဒီ့ ဟောင်သံတွေကို လုံးလုံး မကြားရတော့ဘူးပေါ့လေ။    ။

 

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော် (ဘာသာပြန်သူ)

(၁၉၉၄ ခုနှစ်)

(၁၉၉၄ ခုနှစ်အတွက် ထုတ်ဝေတဲ့ The Miami Beach Wire မှာ ပါရှိခဲ့တဲ့ Stan Gibilisco ရဲ့ Dogs ခေါင်းစဉ်ပါ ၀တ္ထုတိုလေးကို အဲဒီ့နှစ်မှာပဲ ဘာသာပြန်ဖြစ်ခဲ့ပါတယ်။ အဲဒီ့နောက် မဂ္ဂဇင်းတစ်စောင်ကို ပေးလိုက်တယ်။ ပုံနှိပ်ဖော်ပြတဲ့ အဆင့်ကို ရောက်မလာခဲ့ဘူး။ ဒါနဲ့ ၂၀၀၀ ပြည့်နှစ်မှာ ဆရာ “ကိုတာ”က “စတိုင်သစ်”မဂ္ဂဇင်းကို ထုတ်ဝေတဲ့အခါ စာမူတောင်းပြန်တော့ သည်စာမူကို ပေးဖြစ်သွားရပြန်တယ်။ ပုံနှိပ်ဖော်ပြတဲ့ အဆင့်ကို ရောက်မလာပြန်ဘူး။ သို့သော် ဆရာကိုတာက အသိမ်းအဆည်း ကောင်းသဗျ။ ၂၀၁၁ ခုနှစ် သြဂုတ်လထုတ် စတိုင်သစ်မဂ္ဂဇင်း အမှတ် ၆၅ မှာ သည်စာမူကို ပြန်ဖော်ပြထားပြီး စာမူခနဲ့ မေတ္တာလက်ဆောင် စာအုပ်ကို အိမ်လာပေးသွားတယ်။ အဲတော့မှ ကျွန်တော်တောင် မေ့တေ့တေ့ဖြစ်ချင်သလိုလို ရှိနေတဲ့ သည်စာမူလေးကို ပုံနှိပ်မူနဲ့ မြင်ရပါတော့တယ်ဗျာ။ အခုတော့ အဲဒါလေးကို ပုံနှိပ်မူ မဟုတ်ဘဲ “အီးမူ”နဲ့ ပြန်လည် ဝေမျှပေးလိုက်ပါတယ်။)