Skip to content

Inside-the-box Thinking

13 October 2011

အမေး ပီအိပ်(ခ်ျ)ဒီ ကျောင်းသူ၊ အဖြေ လီကွမ်ယု

အင်တာနက်ကျေးဇူးကြောင့် စင်္ကာပူသတင်းတစ်ပုဒ် ဖတ်ခွင့်ကြုံလိုက်ပါ တယ်။ အသက် ၂၇ နှစ်အရွယ် ပါရဂူဘွဲ့သင်တန်းတက်နေတဲ့ ဇီဝသိပ္ပံ ကျောင်းသူလေးတစ်ယောက်က စင်္ကာပူရဲ့ ဝါရင့် ဝန်ကြီးချုပ်ဟောင်း လီကွမ်ယုကို ကျောင်းသား ၁၇၀ဝ ရဲ့ ရှေ့မှာ မေးခွန်းတစ်ခု မေးချလိုက်ပါတယ်။

အချိန်တိုအတွင်းမှာ တခြားနိုင်ငံက ဝင်ရောက်လာတဲ့ နိုင်ငံခြားသားတွေ  အောတိုက်နေတာမို့ စင်္ကာပူနိုင်ငံသူ၊ နိုင်ငံသားတွေမှာ အမျိုးသားရေးစိတ်တွေ ပျက်ယွင်းနေကြပြီ။ ဒါ့ကြောင့် သည်နိုင်ငံဟာ သူတို့ မိခင်နိုင်ငံဆိုတဲ့ ခံစားချက်တွေ ပြန်ရလာအောင် လူမှုရေးအရ စည်းလုံး ညီညွတ်မှု ရှိလာအောင် ကျွန်မတို့တွေ ဘယ်လို လုပ်ကြရင် ကောင်းမတုံးလို့ ကလေးမလေးက သူ့ထက် အသက် ၆၀ တိတိ ကြီးတဲ့ လီကွမ်ယုကို  မေးလိုက်တာပါ။
မေးခွန်းကို ဘိုးတော်က အတည့်မဖြေဘူး။ စစချင်း ပြန်ပြောတာက စင်္ကာပူနိုင်ငံရဲ့ အဆမတန် များပြားလာတဲ့ သက်ကြီးရွယ်အိုတွေ အကြာင်း ပြောတယ်၊ ပြီးတော့ စင်္ကာပူနိုင်ငံရဲ့ ကျဆင်းနေတဲ့ လူဦးရေ တိုးပွားနှုန်းအကြောင်း ပြောတယ်။ အဲဒါတွေကသာ စင်္ကာပူနိုင်ငံ့ခေါင်းဆောင်များ ခေါင်းခဲနေရတဲ့ ပြဿနာတွေလို့လည်း ဆိုတယ်။ “ကနေ့ မီးဖွားနှုန်းက ၁.ဝ၁ ပဲ ရှိတယ်။ တစ်နည်းပြောရင် အိမ်ထောင်ရှင်စုံတွဲတိုင်းမှာ ကလေး ၁.ဝ၁ ယောက်ပဲ ရှိတယ်။ ရွှေ့ပြောင်းအခြေချလာတဲ့ သူ တစ်နှစ်ကို ခြောက်သောင်းလောက်ရှိမှ ကျုပ်တို့ရဲ့ စီးပွားရေးကို ပျိုမျစ်နုနယ်စေလိမ့်မယ်လို့ မူဝါဒ လေ့လာရေး သိပ္ပံရဲ့ ကိန်းဂဏန်းတွေက ခပ်တင်းတင်းကြီး ပြဆိုနေပါတယ်။ အဲလောက်တော့ ကျုပ်တို့ မလုပ်နိုင်ဘူး။ နှစ်သောင်း၊ မသကာ နှစ်သောင်းခွဲလောက်ဆို တော်လောက်ပြီ။ ခြောက်သောင်းတော့ ဘယ်လိုနည်းနဲ့မှ မဖြစ်နိုင်ဘူး”လို့ လီကွမ်ယုက ပြောပါတယ်။

အိမ်ထောင်ရှင်စုံတွဲတွေမှာ ကလေး ၁.၈ ယောက်နှုန်း၊ သည့်ထက် ပိုကောင်းတာက ကလေး ၂.၁ ယောက်နှုန်းလောက်အထိ မွေးနိုင်မှ လိုအပ်တဲ့ လူဦးရေကို ထေမိနိုင်မယ်လို့လည်း ဘိုးတော်က ပြောပါတယ်။

ပြီးတော့မှ လီကွမ်ယုက ကလေးမလေးကို မေးခွန်းပြန်ထုတ်ပါတယ်။

“ဒါထက် ညည်းအသက်က ဘယ်လောက်ရှိပြီလဲ”

“နှစ်ဆယ့်ခုနစ်နှစ်ပါရှင့်”

ဆက်မေးတဲ့ မေးခွန်းတွေက ကြမ်းတယ်။ သွက်တယ်။ “ညည်းမှာ အိမ်ထောင်ရှိလား” (ဟင့်အင်း… ရှိဘူးရှင့်။) “ညည်း ပါရဂူဘွဲ့ပြီးဖို့ နောက်ထပ် ဘယ်နှနှစ်လိုသေးလဲ” (နှစ်နှစ်ပါရှင့်။) “ဒါဆို ဘွဲ့ရတဲ့အချိန်ဆို ညည်းအသက် ၂၉ နှစ်ပေါ့။ ညည်းမယ် ရည်းစာရော ရှိလား” (မရှိဘူးရှင့်။)

သည်မှာတင် ဘိုးတော်က အမျိုးသမီးတွေ မီးဖွားမှုဆိုင်ရာ ဇီဝဗေဒ သဘောတရားတွေကို ပြောပါတော့တယ်။ အသက် ၃၅ နှစ်နောက်ပိုင်းမှာ မျက်နှာပြားပြား၊ မျက်လုံးပိတ်ပိတ်နဲ့ ဦးနှောက်မမှန်တဲ့ ကလေးတွေ  မွေးလာနိုင်တာမျိုးလို အန္တရာယ်တွေ များပြားလာကြောင်း ဆက်ပြောတယ်။ “အဲတော့ ညည်းကို ကျုပ်အကြံပေးချင်တာက အချိန်မဖြုန်းပါနဲ့လို့ပဲဗျ။ ညည်းရဲ့ ပါရဂူဘွဲ့လည်းရ၊ ရည်းစားလည်း ရပါစေလို့ ကျုပ် ဆုတောင်းပေးလိုက်ပါသဗျာ”ဆိုတာနဲ့ စကားကို အဆုံးသတ်လိုက်တယ်။

၁၇၀ဝ ရှိတဲ့ ပရိသတ်က အုတ်အော်သောင်းသဲ ရယ်တယ်။ ကလေးမရဲ့ မျက်နှာလည်း ရဲရဲတွတ်သွားပါတော့တယ်။

သတင်းက မဆုံးသေးပါဘူး။ ကလေးမလေးကို သတင်းထောက်က မေးမြန်းထားတာတွေ ပါပါသေးတယ်။ ကလေးမလေး ရှက်သွားတဲ့အကြောင်း၊ ဖြစ်နိုင်ရင် အဲဒီ့အချိန်မှာ အငွေ့ပျံသွားချင်တဲ့အထိဖြစ်ရကြောင်း၊ ဘာညာ စတာတွေ ဆက်ရေးထားပါတယ်။

သို့သော် ကျွန်တော် ပြောချင်တာက အဲဒါတွေ မဟုတ်တဲ့အတွက် သတင်းကို အစအဆုံး ပြန်ပြောပြမနေတော့ပါဘူး။ ဒါလေးကို အင်တာနက်ပေါ်က ကျွန်တော့် စာမျက်နှာမှာ တင်လိုက်တော့ စာဖတ်သူတစ်ဦးက မှတ်ချက်ပေးလာတယ်။ “ဒါကတော့ အဲဒီ့ကလေးမ ညံ့လို့ပါ။ လီကွမ်ယုကို မမေးခင်မှာ လီကွမ်ယု ပြန်ပြောလာမယ့် တုံ့ပြန်ချက်တွေကို ကြို ပြင်မထားလို့ သူ ခံလိုက်ရတာပဲ။ နည်းတောင် နည်းသေး… တဲ့။

အဲဒါကို ကျွန်တော် အောက်ပါအတိုင်းပြန်ဆွေးနွေးဖြစ်သွားပါတယ်။

“ကလေးမ ညံ့ရခြင်းမှာ အကြောင်းနှစ်ချက် ရှိတယ်လို့ မြင်မိပါ တယ်။ ပထမတစ်ချက်ကတော့ ငယ်မာန်နဲ့ ပညာမာန်။ ဒုတိယအချက်က သူ့မေးခွန်းမှာ ပေါ်လွင်တယ်။ စလုံးမောင်မယ်တွေ အားလုံးလိုပဲ အလုပ်အကိုင် အခွင့်အလမ်း ကြုံ့ဝင်နေမှုဟာ နိုင်ငံခြားသားတွေ လှိမ့်ဝင်နေလို့ ဆိုတဲ့ အမြင်တစ်ခုတည်းကိုသာ သူက ကိုင်ဆုပ်ထားတယ်။ သည်အတွက် မူဝါဒ ချမှတ်သူတွေကိုသာ အပြစ်တင်ချင်တဲ့ သဘောက ရှိနေတယ်။ သည်မှာတင် ငါတို့မှာ ဘာတာဝန်ရှိလဲဆိုတာကို လုံးဝ မဆင်ခြင်မိတော့ဘဲ သူ့အမြင်က ပိတ်သွားတယ်။ အဲဒီ့မှာတင် သူ့ကိုယ်သူ ကာကွယ်ဖို့ ပြင်ဆင်ရကောင်းမှန်း မသိရှာတော့တာလို့ မြင်မိပါတယ်။ ယူတတ်ရင် သိပ် ကောင်းတဲ့ နမူနာပါ”လို့။

မှန်ပါတယ်။ အသက် ၂၇ နှစ်အရွယ်ဟာ အင်မတန်မှ မာန်တက်လို့ ကောင်းတဲ့အရွယ်ဆိုတာ ၄၀ ကျော်ပြီး တကယ်ရင့်ကျက်လာရင် သဘောပေါက်လာပါတယ်။ ငယ်မူငယ်သွေး၊ ငယ်စိတ်ငယ်မာန်ဆိုတာ သည်အရွယ်တွေမှာ ဖြစ်တတ်တဲ့သဘောပါ။ ကျွန်တော်လည်း အဲဒီ့အရွယ်တုန်း က အဲလိုပါပဲ။ သိပ် ရှေ့နောက် မစဉ်းစားတတ်ဘူး။

သည်အထဲ ပါရဂူတန်းလောက်အထိ တက်နေပြီဆိုတော့ ပညာမာန်ကလည်း ဟိန်းဟိန်းထနေလောက်ပါပြီ။ တော်တော်တန်တန်ကို လူ မထင်ချင်တဲ့ စိတ်ကလေးက ဦးဆောင်နေမှာ သေချာပါတယ်။ သည်အခါ လီကွမ်ယုလို ပုဂ္ဂိုလ်ကြီးကိုတောင်မှ ခေတ်ဆွေး ဘိုးတော်ကြီးဆိုတဲ့ အတွေးက သိစိတ်နဲ့ပဲဖြစ်ဖြစ်၊ မသိစိတ်နဲ့ပဲ ဖြစ်ဖြစ် သူ့ရင်ထဲမှာ ကိန်းကောင်း ကိန်းနေနိုင်ပါတယ်။

ဒါပေမယ့် အဲဒါတွေထက် အရေးကြီးတာက ကျွန်တော်ဆွေးနွေးခဲ့သလို အမြင်ပိတ်နေတာပါ။ ပြဿနာတစ်ခုအပေါ် သုံးသပ်ရာမှာ ကိုယ့်ဘက်က ဘာလိုနေလဲဆိုတာထက် ခေတ်တွေ၊ စနစ်တွေ၊ မူဝါဒချမှတ်သူတွေကို အပြစ်ဖို့ရတာက ပိုလွယ်လွန်းလှသလို အလွန်အင်မတန်မှလည်း လူဆန်လှပါတယ်။ လူဆန်ဆို ကိုယ့်အတွက်ဆို တစ်ကွက်ချန် တွေးတတ်တဲ့ သဘာဝ၊ ကိုယ်က မှန်ပြီး သူများတကာကသာ မှားတယ်လို့ မြင်ချင်တတ်တဲ့ သဘာဝများနဲ့ လူသားတွေကိုး ခင်ဗျာ။

အဲတော့ ဟိုဘိုးတော်ကြီးက ချက်နဲ့ လက်နဲ့ တုံ့ပြန်လာမယ့် စကားတွေကို ကလေးမလေးက နည်းနည်းလေးမှ ကြိုတွက် မထားမိတော့ဘူး။ သည်လို လူမျိုးကို မေးခွန်းထုတ်မယ်ဆိုရင် ကိုယ့်ဘက်က ဘာတွေ ပြင်ဆင်ထားရမယ်ဆိုတာကိုလည်း သတိမမူနိုင်တော့ဘူး။ သည်မှာတင် လူကြားထဲမှာ သူ့အရှက် ဗျန်းဗျန်းကွဲသွားရရှာတော့တာပါပဲ။

ယူတတ်ရင် အင်မတန့်ကို ယူထိုက်တဲ့ သင်ခန်းစာလေးတစ်ခုပါ။ အထူးသဖြင့် ထစ်ခနဲရှိ တောင်ပြော၊ မြောက်ပြော ပြောလွယ်တဲ့ အာစ လျှာစများ ရှိနေကြသူ ကျွန်တော်တို့ ရွှေများအတွက် အင်မတန်မှ ဆင် ခြင်ထိုက်တဲ့ နမူနာလို့ မြင်မိရလို့ လက်ဆင့်ကမ်း ဖောက်သည်ချလိုက်ရပြန်တာပါပဲခင်ဗျား။
အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ၂၆၀၉၁၁)

[ကနေ့ (၁၃-၁၀-၁၁) ထုတ် Bi Weekly Eleven ဂျာနယ် အတွဲ ၄ အမှတ် ၂၈ ပါ စာမူပါ။]

မနေ့ညက သည်ကလေးမနဲ့ အရွယ်ချင်း မကွာလှတဲ့ ကလေးမလေး တစ်ယောက်နဲ့ စကားတွေ အတော်များများ ပြောဖြစ်ခဲ့တယ်။ အခုစာထဲက ကလေးမလိုပဲ “အပိတ်တွေး”တွေနဲ့သာ ဖြစ်နေတာကို စိတ်မကောင်းစွာ တွေ့ရပါတယ်။ အဲလို ဖြစ်မယ့်သာ ဖြစ်နေတာ သူက စာနယ်ဇင်းနယ်ပယ်နဲ့ အစိုးရမဟုတ်တဲ့ နိုင်ငံတကာ အဖွဲ့အစည်းတွေမှာ ကျင်လည်နေသူရယ်ပါ။ သေချာ ပြန်စဉ်းစားကြည့်လိုက်တော့ သူ မွေးဖွားကြီးပြင်းခဲ့တဲ့ ပတ်ဝန်းကျင်က လူကြီးမိဘ ပြောလေမျှ အကုန်နာခံ၊ တစ်ခွန်းမှ ပြန်မမေးနဲ့ဆိုတဲ့ အပိတ်ဝန်းကျင် ဖြစ်တဲ့အပြင် ကျောင်းနေခဲ့တဲ့ ၀န်းကျင်မှာလည်း မေးခွန်းထုတ်တာကို အားမပေးဘဲ အရာရာကို အသေကျက်မှတ်ခိုင်းခဲ့တဲ့ အစဉ်အလာကြီးကို မြင်လာရတဲ့အခါမှာတော့ သူကလေး ပိတ်နေတာကို အပြစ်မတင်ရက်တော့ပါဘူး။ အင်း… သည်လိုပုံနဲ့ကတော့…

Advertisements
3 Comments leave one →
  1. Thiri permalink
    13 October 2011 2:18 pm

    တကယ်တော့ အဲဒီကောင်မလေး ကို ကျေးဇူးတင်၇မှာပါ… အကြောင်း ကောင်မလေး၇ဲ့ မေးခွန်းတွေက စင်္ကာပူ နိုင်ငံသား တွေ ၇ဲ့ စကားကို ကိုယ်စားပြုလို့ပါ… လီကွမ်ယုဖြေသွားတာ လဲ အ၇မ်းကောင်းပါတယ်… စင်္ကာပူဟာ…၇ုပ်ဝါဒအ၇မ်း ဆန်တဲ့ နိုင်ငံတနိုင်ငံပါ …. လူမျိုးေ၇း ခွဲခြားခြင်း… အနောက်တိုင်းသား တွေ ကို အထင်ကြီးလွန်းကြီးခြင်း… အေ၇ှ့တိုင်းသားတွေ ကို အထင်သေးလွန်းခြင်း … တ၇ုတ်လူမျိုးခြင်းတူ၇င်တောင်… ပြည်ကြီး တ၇ုတ်…တွေ ကို နှိမ်ခြခြင်း တွေ…. နောက် လုပ်ငန်းခွင်မှာ ….. အပြင်စကားပြော ချို သလောက်…နောက်မှာ … အတင်းပြောခြင်း………. သည်းခံစိတ်နည်းပါးခြင်း …… တွေ နဲ့ နေသားကျနေကြတဲ့..နိုင်ငံသားတွေ ပါ …နောက်တစ်ခု က … ၇ုပ်ဝတ္ထု ပစ္စည်း တွေ နောက်လိုက်နေ၇လို့ … သားသမီး တွေ အပေါ်မှာ လုံလောက်တဲ့ အချိန်နဲ့ မေတ္တာတ၇ားမပေးနိုင်… အိုမင်းမစွမ်း မိဘတွေ ကို အချိန်မပေးနိုင် လို့ လူအို၇ုံလို နေ၇ာတွေ ပို့ နဲ့ .. ဒီလို မိသားစုလေး တစ်စု အပေါ်မှာ တောင် လုံလောက်တဲ့ အချစ် ခင်တွယ်မှုမပေးနိုင်ကြတဲ့ ဒီနိုင်ငံသားတွေ ဟာ… သူတို့၇ပိုင်ခွင့် အခွင့်အေ၇း တွေ ကို အမြဲလိုလို တောင်းဆိုနေတတ်တာ ကလွဲလို့ သူတို့ ၇ဲ့ မိခင်နိုင်ငံဆိုတဲ့ ခံစားချက်တွေ ၊ လူမှုရေးအရ စည်းလုံး ညီညွတ်မှု မ၇ှိတော့တာ ဟာ …. အထူးအဆန်း တစ်ခု မဟုတ်ပါဖူးလေ…….

    • 1 November 2011 6:37 pm

      မြန်မာနိုင်ငံမှာလည်းတူတူပါပဲ။အနိမ့်ဆုံးတော့စင်ကာပူခေါင်းဆောင်ပိုင်းက သူတို့နိုင်ငံတိုးတက်ဖို့အတွက်
      နိုင်ငံခြားသားတွေကိုလက်သင့်ခံနိုင်ရမယ်ဆိုတဲ့ အတွေးတော့ရှိပုံရပါတယ်။ သူတို့ နိုင်ငံသားတွေအနေနဲ့ကြည့်ရင် နေရာတကာနိုင်ငံခြားသားတွေ ဖြစ်နေလို့ အနေကျပ်လာပုံရပါတယ်။
      မြန်မာနိုင်ငံမှာရှိတဲ့ နိုင်ငံခြားသား အချိုးကမြန်မာပြည်နဲ့ စာရင် အများကြီးနဲပါသေးတယ်။ ဒါတောင် အစိုးရပိုင်းကရော ပြည်သူပိုင်းကပါ လက်ခံနိုင်ပုံမရသေးပါ။

  2. lettwebaw permalink*
    13 October 2011 6:41 pm

    Facebook က ဒါကို မျှဝေထားတဲ့ ပို့(စ်)မှာ စင်္ကာပူမှာ ပညာသင်နေတဲ့ ကလေးမလေးတစ်ယောက်က comment လာရေးသွားပါတယ်။ အဲဒါကို ကျွန်တော် ပြန်ဖြေထားတာလေးက ပညာသင်နေသူ လူငယ်များအတွက် အသုံးတည့်ချင်တည့်နိုင်တာမို့ အဲဒီ့ ကွန်မန့်နှစ်ခုကို ကူးယူဖော်ပြပေးလိုက်ပါတယ် ခင်ဗျား။

    #
    Evelynn: ပြန်မမေးတတ်တာ ပြသနာတစ်ခုတာင်ဖြစ်လို့။ ကျောင်းမှာဆို သူများတွေက မေးလိုက်တာ ဖွတ်ဖွတ်ကျေလို့။ သမီးတို့တွေကတော့ မမေးကလည်း မမေးတတ်တော့ သိချင်တတ်ချင်တဲ့သူ မဟုတ်ဘူး ။ စာမတော်တဲ့သူတွေလို့ သတ်မှတ်ခံရတယ်။ အမှတ်စာရင်းကလည်း ငယ်ငယ်ကလို ကျောက်သင်ပုန်းမှာ ရေးပြီးကပ်တာ မဟုတ်တော့ ။
    5 hours ago · UnlikeLike · 1 person
    #
    Atta Kyaw: အဲဒါ လေ့ကျင့်ကြည့်စေချင်ပါတယ်။ ကျောင်းစာ (ပြဋ္ဌာန်းစာအုပ်) ဖတ်တဲ့အခါ ပထမဆုံးက အခန်းလိုက် ခေါင်းစဉ်တွေ့ရမှာပါ။ ကိုယ်ဖတ်မယ့် အခန်းခေါင်းစဉ်ကို မြင်တဲ့အခါ ဆက်မဖတ်သေးဘဲ သည်ခေါင်းစဉ်နဲ့ ပတ်သက်လို့ ကိုယ်ဘာတွေ သိချင်သလဲဆိုတဲ့ မေးခွန်းတွေကို စာရွက်တစ်ရွက် / မှတ်စုစာအုပ်မှာ ချရေးထားလိုက်ပါ။ ပြီးရင် အားလုံး မဖတ်သေးဘဲ ခေါင်းစဉ်ခွဲ၊ ခေါင်းစဉ်ငယ်တွေကို ဆက်ဖတ်ရင်း အလားတူပဲ အဲဒီ့ ခေါင်းစဉ်ခွဲအောက်မှာရော ကိုယ်သိချင်တာများအတွက် မေးခွန်းများ ချရေးထားလိုက်ပါ။ ပြီးတော့မှ စာတွေကို ဖတ်သွားပါ။ ခေါင်းစဉ်ငယ် တစ်ခုစာ ဖတ်ပြီးသွားတဲ့အခါ မဖတ်ခင်က ကိုယ်သိချင်လို့ ထုတ်ထားတဲ့ မေးခွန်းတွေကို ဖြေနိုင်လားဆိုတာ ပြန်စစ်ကြည့်လိုက်ပါ။ တစ်ခန်းလုံး ပြီးသွားတဲ့အခါလည်း စစချင်းတုန်းက ကိုယ်ထုတ်ထားတဲ့ မေးခွန်းတွေရဲ့ အဖြေတွေကို ဖြေကြည့်လို့ ရနေလောက်ပါပြီ။ ဒါဆို စာကျက်ရတာ ပိုလည်း အဓိပ္ပာယ်ရှိ၊ ပိုလည်း မှတ်မိတဲ့ အပြင် “မေးခွန်းထုတ်တဲ့ အလေ့အထ”ကိုလည်း ကိုယ့်ဘာသာ တစ်ယောက်တည်း ကြိတ်ပြီး လေ့ကျင့်သွားရာ ရောက်ပါလိမ့်မယ် သမီးတို့ရေ။
    5 hours ago · LikeUnlike · 10 people

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: