On Resilience

လူမုန်လာဥ၊ လူကြက်ဥနဲ့ လူလက်ဖက်ခြောက်

တစ်ခါက ဤမဟာဘဒ္ဒကမ္ဘာရဲ့ တစ်နေရာမှာ သားအဖနှစ်ယောက် ရှိလေသတဲ့။

တစ်နေ့မှာ သမီးလုပ်တဲ့သူက ဖအေကို တိုင်တည်တယ်။ သူ့ဘ၀မှာ အဆင်မပြေတာတွေက များနေတယ်ပေါ့။ ဘာလုပ်လုပ် အဆင်မပြေတာတွေချည်းမို့ အားက ပျက်နေပြီ၊ အရာရာကို လက်လျှော့လိုက်ချင်စိတ်က ပေါက်နေပြီ ဖေဖေရယ်။ တိုက်ရ ခိုက်ရတာ၊ ရုန်းရ ကန်ရတာလည်း သမီးမှာ မောလှပါပြီ၊ ပန်းလှပါပြီရှင်၊ ပြဿနာတစ်ခု ပြေလည်သွားလို့မှ မနားရသေးဘူး၊ နောက်ထပ် ပြဿနာ တစ်ခုက ထပ်တက်လာနဲ့၊ ဘ၀ဆိုတာ ဒုက္ခတွင်းကြီးထဲ စောက်ထိုး ဆင်းနေရသလိုပါပဲ ဖေဖေရယ်၊ သမီးတော့ စိတ်ညစ်တယ်၊ လူတောင် ဆက်မလုပ်ချင်တော့ဘူး ဘာညာစသဖြင့် ဖအေကို တိုင်တည်ရင်း ညည်းရှာတယ်။

ဖအေလုပ်တဲ့သူက စားဖိုးမှူးကြီးပါ။ သမီးကလည်း အဲသလို ညည်းညူ တိုင်တည်လာရာ ဖအေက ဘာမပြော ညာမပြောနဲ့ သမီးကို လက်ဆွဲပြီး မီးဖိုချောင်ထဲ ခေါ်သွားတယ်။ ပြီးတော့ အိုးသုံးလုံးထဲကို ရေတွေဖြည့်ပြီး မီးပြင်းပြင်းနဲ့ ဖိုသုံးဖိုပေါ်မှာ တည်လိုက်တယ်။

မကြာပါဘူး၊ မီးတွေက ပြင်းတော့ သုံးအိုးစလုံးထဲက ရေတွေ ပွက်ပွက်ဆူလာတော့တာပေါ့။ ရေနွေးလည်း ဆူရော ဖအေလုပ်တဲ့သူက တစ်အိုးထဲကို မုန်လာဥတွေ ထည့်၊ နောက်တစ်အိုးထဲကို ကြက်ဥတွေ ထည့်၊ နောက်တစ်အိုးထဲကိ ကျတော့ လက်ဖက်ခြောက်တွေ ထည့်လိုက်ပါတယ်။

သမီးလုပ်တဲ့သူက ဖေဖေ့နှယ် ဘာတွေမျာ လုပ်နေပြန်တာလဲလို့ တွေးရင်း စိတ်က တယ်မရှည်ချင်ဘူး။ ဒါပေမယ့် ဘာကိုမဆို အကြောင်းမဲ့ မလုပ်တတ်တဲ့ ဖအေ့အကြောင်းကို သိထားတော့ အံကလေး တင်းရင်း စိတ်မရှည်စွာနဲ့ပဲ စောင့်နေရပါတော့တယ်။

ဆယ်မိနစ်လောက်ကြာတော့ ဖအေလုပ်တဲ့သူက မီးသုံးဖိုစလုံးကို သတ်လိုက်ပြီး ပထမအိုးထဲက မုန်လာဥတွေကို ဆယ်၊ ပန်းကန်တစ်ချပ်ထဲ ထည့်တယ်။ နောက်တစ်အိုးထဲက ကြည်ဥတွေကိုလည်း ဆယ်ပြီး တခြားပန်းကန်တစ်လုံးထဲ ထည့်တယ်။ နောက်ဆုံးအိုးထဲက လက်ဖက်ရည်ကြမ်းတွေကိုလည်း ပန်းကန်တစ်လုံးထဲ ထည့်တယ်။ ပြီးတော့မှ သမီးဘက်ကို လှည့်ပြီး မေးလိုက်တယ်။

“ကဲ… သမီးရေ၊ ဒါတွေက ဘာတွေလဲ…”

“မုန်လာဥပြုတ်ရယ်၊ ကြက်ဥပြုတ်ရယ်၊ ရေနွေးကြမ်းရယ်ပါ ဖေဖေ”

သမီးက အဲလိုဖြေလိုက်တော့ ဖအေက သမီးကို သူ့နား လာခိုင်းပြီး မုန်လာဥတွေကို စမ်းခိုင်းတယ်။ သမီးက ဖအေခိုင်းတဲ့အတိုင်း မုန်လာဥပြုတ်တွေကို ဇွန်းနဲ့ ထိုးကြည့်လိုက်ပြီးတဲ့နောက် “ဖေဖေ့ မုန်လာဥတွေကလည်း ပျော့ပြဲနေပြီ…”လို့ ပြောလိုက်ပါတယ်။

ဖအေက သမီးစကားကို အမှုမထားဘဲ ကြက်ဥပြုတ်တစ်လုံးကို ယူပြီး သမီးကို ခွဲခိုင်းပြန်တယ်။

အပေါ်က အကာကို ခွာလိုက်တဲ့အခါမှာတော့ ကောင်းကောင်းကြီး ကျက်နေပြီဖြစ်တဲ့ ကြက်ဥပြုတ်ပေါ့။

နောက်ဆုံးမှာတော့ ရေနွေးကြမ်းကို မြည်းကြည့်ဖို့ ဖအေက ခိုင်းလိုက်ပြန်တယ်။ သမီးလုပ်တဲ့သူက ပြုံးလိုက်မိရင်းကနေ ဖအေခိုင်းတဲ့အတိုင်း အငွေ့တထောင်းထောင်းထနေတဲ့ ရေနွေးကြမ်းပူပူကို တဖူးဖူးမှုတ်လို့ မြည်းလိုက်ရပါတယ်။ အင်မတန် မွှေးပျံ့ပြီး အရသာရှိတဲ့ လက်ဖက်ရည်ကြမ်း ဖြစ်နေတာကိုလည်း သတိထားလိုက်မိတယ်။

“ဖေဖေ ဘာကို ပြောချင်တာလဲဟင်…”

လက်ဖက်ရည်ကြမ်းကို အရသာခံရင်း သမီးက မအောင့်နိုင်တော့ဘဲ မေးလိုက်မိရပါတော့တယ်။

“မုန်လာဥရယ်၊ ကြက်ဥရယ်၊ လက်ဖက်ခြောက်ရယ်ဆိုတဲ့ မတူတဲ့ အရာသုံးမျိူးဟာ တူညီတဲ့ ဒုက္ခဖြစ်တဲ့ ရေနွေးပူပူထဲမှာ တစ်ပြိုင်တည်း၊ တစ်ညီတည်း ထည့် အပြုတ်ခံခဲ့ရတာချင်း အတူတူ တုံ့ပြန်ပုံချင်းကျတော့ မတူဘူးလေ သမီးရဲ့… မုန်လာဥဟာ ရေနွေးပူထဲ မရောက်ခင်တုန်းကတော့ သန်သန်မာမာ၊ တောင့်တောင့်တင်းတင်းကြီးရယ်။ အဲ… ဒါပေမယ့် ရေနွေးနဲ့လည်း အပြုတ်ခံလိုက်ရရော တစ်ခါတည်းကို ပျော့ဖတ်ပြီး ချိနဲ့သွားတော့တာပဲ။ ကြက်ဥကကျတော့ ရေနွေးထဲရောက်ခင်က အထိမခံဘူး၊ ထိလိုက်တာနဲ့ ဖတ်ခနဲ ကွဲမှာ အသေအချာနော်။ အပေါ်ခွံပါးပါးလေးက အထဲက အရည်ကြည် ပျော့ဖတ်ဖတ်လေးတွေကို ကာရံထားရတဲ့ အနေအထားပေါ့။ ဒါပေမယ့် ရေနွေးဆူဆူထဲမှာလည်း ကြာကြာလေးလည်း နေလိုက်ရရော အဲဒီ့ ပျော့အိအိအတွင်းသားတွေ အားလုံး မာကုန်တာပဲ မဟုတ်လား သမီးရဲ့။ အေး… လက်ဖက်ခြောက်ကတော့ တစ်ဘာသာပဲ။ ရေနွေးပွက်ပွက်ထဲလည်း ရောက်သွားရော အဲဒီ့ပွက်ပွက်ဆူနေတဲ့ ရေကိုပါ လက်ဖက်ရည်အဖြစ် ပြောင်းလဲပစ်လိုက်တယ်။ ကဲ… အဖေ့သမီးကရော ဘာလဲ၊ မုန်လာဥလား၊ ကြက်ဥလား၊ လက်ဖက်ခြောက်လား။ လောကဓံဆိုတာတော့ လူတိုင်း ရင်ဆိုင်ကြရတာပဲ သမီး။ အဲဒီ့ လောကဓံနဲ့ နဖူးတွေ့၊ ဒူးတွေ့ ရင်ဆိုင်ရတဲ့အခါမှာ သမီးက ဘယ်လို တုံ့ပြန်လိုက်ချင်သလဲ။ မုန်လာဥလို တုံ့ပြန်မလား၊ ကြက်ဥလို တုံ့ပြန်မလား၊ လက်ဖက်ခြောက်လို တုံ့ပြန်မလား၊ သမီးဘာသာ စဉ်းစားပေတော့ကွယ်။

ပုံပြင်လေးကတော့ ဒါပါပဲ။ စာဖတ်သူလူကြီးမင်းကရော ဘယ်လိုပါလဲ။

အပြင်ပန်းအမြင်းမှာတော့ မုန်လာဥလို မာမာချာချာ တောင့်တောင့်တင်းတင်းကြီးနဲ့၊ လောကဓံနဲ့ တကယ်တမ်း ရင်ဆိုင်ရတဲ့အခါကျရင်တော့ ပျော့ခွေ နွမ်းရိပြီး အားကုန်သွားမယ့် လူစားမျိုးပါလား။

ဒါမှမဟုတ် ကြက်ဥလို လူစားလား။ အစတုန်းကတော့ ထိလွယ်၊ ရှလွယ်တယ်၊ စိတ်ကလည်း ပျော့တယ်။ ဒါပေမယ့် သေခြင်းတရားလို၊ ရှင်ကွဲကွဲတာလို၊ ချွတ်ခြုံကျတာလို ကြမ္မာဆိုးတစ်ခုခုကို အပြင်းအထန် ခံစားရပြီးတဲ့နောက်မှာတော့ နင်လားဟဲ့… လောကဓံဆိုတဲ့ စိတ်ဓာတ်၊ ထီမထင်တဲ့စိတ်ဓာတ်နဲ့ မာကျောကျော၊ တောင့်တင်းတင်းကြီး ဖြစ်သွားမယ့် လူစားမျိုးလား။ မပြုတ်ခင်ကြက်ဥနဲ့ ပြုတ်ပြီးသားကြက်ဥလိုပဲ၊ အပြင်ပန်းအမြင်မှာ သိပ်မကွာလှပေမယ့် အတွင်းမှာ ခါးသီးမာကျောနေတဲ့ နှလုံးသားနဲ့လူများ ဖြစ်နေမှာလားး။

ဒါမှမဟုတ် စာဖတ်သူလူကြီးမင်းဟာ လက်ဖက်ခြောက်လို လူမျိုးလား။ ရေပူကိုပေမယ့် အသွင်ပြောင်းပေးနိုင်စွမ်းရှိတာမျိုးလေ။ လက်ဖက်ခြောက်ဆိုတာက ရေနွေးဆူလေလေ၊ ပွက်လေလေ လက်ဖက်ရည် အရသာ ကောင်းလေလေပေါ့။ လက်ဖက်ခြောက်လိုလူဆိုတာကလည်း ဒုက္ခသုက္ခတွေ အရှိန်တက်လေ၊ အရည်အချင်းတွေ ပိုရှိလာလေဖြစ်ပြီး ကိုယ့်ပတ်ဝန်းကျင်အတွက် ပိုကောင်းတဲ့အခြေအနေကို ဖန်တီးပေးနိုင်သူ ဖြစ်နေပါလိမ့်မယ်။

ကဲ… စာဖတ်သူလူကြီးမင်း၊ လောကဓံကို ဘယ်လို ရင်ဆိုင်မယ် စိတ်ကူးပါသလဲ။ စာဖတ်သူဟာ လူမုန်လာဥလား၊ လူကြက်ဥလား၊ လူလက်ဖက်ခြောက်လား?

ကိုယ့်ဘာသာ ဆင်ခြင်ပိုင်းဖြတ်လိုက်ကြရုံပါပဲ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော် (အတွေးသစ်ဂျာနယ် ၀၅-၀၆-၀၁)

(၂၀၀၂ စက်တင်ဘာလမှာ ပထမအကြိမ်၊ ၂၀၀၆ အောက်တိုဘာလမှာ ဒုတိယအကြိမ် အဖြစ် ပုံနှိပ်ထုတ်ဝေထားတဲ့ အတ္တကျော်ရဲ့ “နေပျော်တဲ့ဘ၀၊ ကြည်မြတဲ့ဘ၀င်၊ ရွှင်လန်းတဲ့စိတ်” စာအုပ်မှာ ဖော်ပြထားတဲ့ စာတို တစ်ပုဒ်ပါ။)

Blog မှာ ပြန်တင်ခြင်းအတွက် မှတ်ချက်

Facebook မှာ ကျွန်တော့်မိတ်ဆွေစာရင်းထဲက တစ်ယောက်က သည်စာလေးကို သဘောကျလို့ဆိုပြီး ကျွန်တော့်စာအုပ်ကို ကိုးကားပြီး အစအဆုံး ကူးယူ ဖော်ပြထားတာတွေ့လိုက်ရလို့ ပြန်လည် တင်ဆက်ဖြစ်သွားပါတယ်။

သည်စာလေးကို စရေးဖြစ်ခဲ့တဲ့အချိန်က ၁၁ နှစ်တောင် ရှိခဲ့ပါပြီ။ သည်စာပါတဲ့ အတ္တကျော်ရဲ့ ပထမဆုံး ပွဲဦးထွက်စာအုပ်ကို ထုတ်ဝေခဲ့တာလည်း ၁၀ နှစ်တောင် ပြည့်ပါတော့မယ်။ သည်စာစုရဲ့ ပထမဆုံး စာ၊ အတ္တကျော် ကလောင်အမည်နဲ့ ပွဲဦးထွက်ရေးတဲ့စာကို အလင်းတန်း ဂျာနယ်မှာ ဖော်ပြခဲ့တာ ၂၀၀၀ ပြည့်နှစ် ဇန္န၀ါရီ ၃၁ ရက်နေ့မှာ ဖြစ်တာမို့ အတ္တကျော်ရဲ့ ကလောင်သက်ဟာလည်း ၁၂ နှစ်တောင် ရှိသွားပါပြီ။

အဲဒီ့ လွန်ခဲ့တဲ့ ၁၂ နှစ်တုန်းက မြန်မာပြည်မှာ အင်တာနက် ဆိုင်တွေ မပေါ်သေးသလို အများပြည်သူ အင်တာနက်သုံးနိုင်တဲ့ အခြေအနေမှာ မရှိသေးပါဘူး။ ကျွန်တော်ကတော့ အနောက်နိုင်ငံ သံရုံးတစ်ရုံးမှာ အလုပ်လုပ်နေခိုက်မို့ ဂြိုဟ်တုနဲ့ တိုက်ရိုက်ချိတ်ဆက်ထားတဲ့ အင်တာနက်ကို ကံအားလျော်စွာ သုံးခွင့်ရခဲ့ပါတယ်။ ၁၉၉၉ ခုနှစ်၊ နှစ်ကုန်ပိုင်းက တိုင်းတစ်ပါးမှာ သင်တန်းတက်ရင်း သိကျွမ်းခင်မင်ခွင့်ရခဲ့တဲ့ (အခုတော့ ကနေဒါနိုင်ငံသူဖြစ်နေတဲ့) ဖိလစ်ပိုင်နိုင်ငံသူ Malen Pares က ကျွန်တော်တို့တွေဆီ လက်ဆင့်ကမ်းပေးပို့ခဲ့တဲ့ ဓာတ်ချောစာလေးတွေကို ဖတ်ရင်း နှစ်သက်လွန်းမက နှစ်သက်တာနဲ့ ဘာသာပြန်ပြန်ပြီး တင်ဆက်ရာကနေ အတ္တကျော်ရယ်လို့ ဖြစ်လာတာပါ။ အဲဒီ့ စာအုပ်တစ်အုပ်လုံးမှာ သုံးပုဒ်သာ ကိုယ်တိုင် ဖတ်မိရာက ဆင့်ပွားပေါ်လာတဲ့အတွေးတွေကို ဖော်ပြထားတာ ဖြစ်ပြီး ကျန်တဲ့ ၂၇ ပုဒ်ကတော့ ဘာသာပြန်ထားတာချည်း ဖြစ်နေခဲ့ပါတယ်။

ဘာသာပြန်တာတွေ ဖြစ်လင့်ကစား မူရင်းက ဘယ်သူရေးမှန်းလည်း မသိ၊ ဘယ်ထဲမှာ ပထမဆုံး စတင်ဖော်ပြခဲ့မှန်းလည်း မသိဘဲ ကျွန်တော့်ဆီ ရောက်လာတဲ့ ဓာတ်ချောစာတွေကသာ ဖြစ်တာမို့ အကိုးအကား မထည့်နိုင်ခဲ့သော်လည်း (ဒုတိယအကြိမ်မှာလည်း ပြန်လည်ဖော်ပြထားတဲ့) ပထမအကြိမ်ထုတ် စာအုပ်ရဲ့ အမှာစာမှာတော့ ဓာတ်ချောစာတွေကို ဘာသာပြန်ထားကြောင်း ဖော်ပြထားခဲ့ပါတယ်။

အဲဒီ့ “နေပျော်တဲ့ဘ၀၊ ကြည်မြတဲ့ဘ၀င်၊ ရွှင်လန်းတဲ့စိတ်” တစ်အုပ်လုံးကို ebook အဖြစ် ဖတ်ချင်ရင် သည်စာကြောင်းထဲက စာအုပ် ခေါင်းစဉ်ကိုဖြစ်စေ၊ အပေါ်က စာအုပ်မျက်နှာဖုံးပုံကိုဖြစ်စေ နှိပ်လိုက်နိုင်ပါတယ်။

On Valentine’s Day

ရင်မောစရာ ချစ်သူများနေ့


နိုင်ငံခြား အသံလွှင့်ဌာနတစ်ခုက ကျွန်တော့်ကို လှမ်းဆက်သွယ်ပြီး မေးမြန်းပါရစေလို့ ခွင့်တောင်းလာပါတယ်။ မေးလိုတဲ့ အကြောင်းအရာကတော့ Valentine’s Day လို့ ခေါ်တဲ့ ချစ်သူများနေ့နဲ့ ပတ်သက်လို့ပါတဲ့။

ပြောချင်နေတာ ကြာပြီဖြစ်တာမို့ ပြောဖြစ်ခဲ့ပေမယ့် လက်တန်း ပြောတာမို့ အချက်အလက် အပြည့်အစုံ ပါမသွားဘူး။ အချိန်ကလည်း တိုတာကိုး။ ဒါနဲ့ ကျွန်တော့်ရဲ့ မန္တလေး အက်(ဖှ်)အယ်(မ်)က ရေဒီယို အစီအစဉ်မှာ တင်ဆက်ဖို့ ရည်ရွယ်ပြီး စာမူ ရေးဖြစ်ခဲ့ပါတယ်။ အဲဒီ့စာမူလေးကိုပဲ ရေဒီယို နားမထောင်ဖြစ်သူ ဂျာနယ် ပရိသတ်များအတွက် အနည်းငယ် တည်းဖြတ် တင်ဆက်ပေးပါရစေလားခင်ဗျာ။

ပထမဆုံးက အဲဒီ့ Valentine’s Day ဘယ်လို ပေါ်ပေါက်လာသလဲ ဆိုတာ အရင်တင်ပြချင်ပါတယ်။ ခရစ်ယာန်အာဇာနည်တွေထဲမှာ ဆိုတဲ့ ဗှယ်လင်ထိုင်းနာမည်နဲ့သူတွေ မရေမတွက်နိုင်အောင် များပြားလှတယ်။ အဲဒီ့ထဲကမှ ဒဏ္ဍာရီလာ ဗှယ်လင်ထိုင်း ဘွဲ့ခံ သူတော်စင်တစ်ပါးကတော့ စစ်တပ်ကို ချဲ့ထွင်ချင်တာမို့ အရွယ်ရောက်သူ အမျိုးသားတွေကို အိမ်ထောင်ပြုခွင့် ပိတ်ပင်ထားတဲ့ ရောမ ဧကရာဇ် ဒုတိယမြောက် ခလောဒစ်ယပ်(စ်) ရဲ့ အမိန့်ကို ဖီဆန်ပြီး လူငယ်လေးတွေကို လျှို့ဝှက် လက်ထပ်ပေးခဲ့ဖူးတယ် လို့ အဆိုရှိပါတယ်။    ဒါကို ဘုရင်ကြီး သိသွားတော့ သူ့ကို ဖမ်းဆီးပြီး ထောင်သွင်း အကျဉ်းချထားလိုက်ပါတော့တယ်။ ဒါက သိပ်မခိုင်လုံလှတဲ့ ပါးစပ် ရာဇဝင်ပါ။

သူ့ထက် နည်းနည်းလေး ပိုခိုင်လုံတဲ့ ဒဏ္ဍာရီမှာကျတော့ ဘုရင် ခလောဒစ်ယပ်(စ်)က ဘုန်းတော်ကြီးဗှယ်လင်ထိုင်းကို ခရစ်ယာန်ဘာသာဝင် ဖြစ်လို့မို့ တရားစွဲဆိုပြီး ကိုယ်တော်တိုင် အမှုစစ်ခဲ့တယ်လို့ အဆိုရှိပါတယ်။ အမှုစစ်ရင်းက ဘုန်းတော်ကြီးကို ဘုရင်က အထင်ကြီးသွားပြီး Paganism လို့ ခရစ်ယာန်ဘာသာဝင်တွေက ခေါ်တဲ့ ဗာဟီရဝါဒကို ကူးပြောင်းမယ်ဆိုရင်ဖြင့် အသက်ကို ချမ်းသာပေးမယ်လို့ ကမ်းလှမ်းခဲ့ပါသတဲ့။ ဘုန်းတော်ကြီး ဗှယ်လင်ထိုင်းက အဲလို ကမ်းလှမ်းတာကို ငြင်းပယ်ပြီး ဘုရင်ကိုသာ ခရစ်ယာန်ဘာသာ ပြောင်းဖို့ တိုက်တွန်းပါတယ်။ ဒါနဲ့ပဲ နောက်ဆုံးမှာ သူ့ကို ဘုရင်က ကွပ်မျက်လိုက်ပါတယ်။ မကွယ်လွန်ခင်မှာ ဘုန်းကြီး ဗှယ်လင်ထိုင်းဟာ ထောင်မှူးရဲ့သမီးလေး မျက်စိကွယ်နေတာကို သူ့တန်ခိုးနဲ့ စက္ခုနှစ်ကွင်း အလင်းရအောင် ကုသပေးခဲ့ပါသေးသတဲ့။

အဲဒါကိုပဲ သမိုင်းအခြေခံ တစ်စက်မှ မပါတဲ့ စီးပွားရေးသမားများက ဝါဒဖြန့်လိုက်တဲ့အခါ ဇာတ်က နည်းနည်း ပိုနာသွားတယ်။ အဲဒီ့ ဘုန်းကြီး ဗှယ်လင်ထိုင်းကို မကွပ်မျက်ခင် ညဦးပိုင်းမှာ သူက သူချစ်တဲ့ မိန်းကလေးလို့လည်း ဆိုရဲ့၊ တချို့ကလည်း သူနဲ့ ခင်သွားပြီး သူကပဲ မျက်စိမြင်အောင် ကုပေးခဲ့တဲ့ ထောင်မှူးရဲ့ သမီးလေးလို့လည်းဆိုရဲ့၊ တချို့ကလည်း အဲဒီ့ နှစ်ယောက်စလုံးပါလို့ပြောကြရဲ့၊ အဲ… အဲဒီ့မိန်းကလေးတွေဆီကို ကမ္ဘာ့ ပထမဆုံး ဗှယ်လင်ထိုင်းကတ်ပြားလေးကို ဘုန်းကြီးက စရေးခဲ့တာ ဖြစ်သွားတယ်။ သေခါနီး မှာတမ်းစာလေးပေါ့ခင်ဗျာ။ စာရဲ့အဆုံးမှာတော့ မင့်ရဲ့ ဗှယ်လင်ထိုင်းထံမှ၊ အင်္ဂလိပ်လိုတော့ From your Valentine ပေါ့၊ အဲလိုလေး ရေးထားပါသတဲ့။ ဘာ သမိုင်းအထောက်အထားမှ မရှိဘဲ လိုရာတွေးကာ ချဲ့လိုက်ကြတာပါ။

၁၈ ရာစု ကုန်လုနီး သုံးနှစ်အလို ၁၇၉၇ ခုနှစ်မှာတော့ ဗြိတိသျှ ထုတ်ဝေသူတစ်ယောက်က ကိုယ်တိုင် အချစ်ကဗျာမရေးတတ်ကြသူ လူငယ်အမျိုးသားများအတွက် ခံစားချက်ကဗျာတွေ အပြည့်ပါတဲ့ စာအုပ် တစ်အုပ်ကို ကိုလူပျိုရဲ့ Valentine စာရေးဆရာ (The Young Man’s Valentine Writer)ဆိုတဲ့ ခေါင်းစဉ်နဲ့ ထုတ်ဝေခဲ့ပါတယ်။ သည်မှာတင် တခြား ထုတ်ဝေသူတွေကလည်း အချစ်ကဗျာတွေ၊ သရုပ်ဖော်ပုံတွေနဲ့ ကတ်ပြားတွေ ရိုက်နှိပ်ထုတ်ဝေကြပါတော့တယ်။

၁၉ ရာစုမှာတော့ အင်္ဂလန်နိုင်ငံမှာ အဲဒီ့ ဘုန်းတော်ကြီး ဗှယ်လင်ထိုင်းကို ကွပ်မျက်တဲ့နေ့လို့ အစွဲရှိရာ ဖေဖော်ဝါရီလ ၁၄ ရက်နေ့မှာ လုလင်ပျို၊ လုံမပျိုများကြား ဗှယ်လင်ထိုင်းကတ်ပြားတွေ အပြန်အလှန်ပေးပို့ကြတဲ့ ဓလေ့တစ်ခု ထွန်းကားလာပါတော့တယ်။ ၁၉ ရာစု အလယ်ပိုင်းမှာဆိုရင် တစ်နှစ်တစ်နှစ်ကို ပေါင်စတာလင် သန်းထောင်ပေါင်း များစွာ အကုန်ခံ ပြီးတောင် အဲသလို ကတ်ပြားတွေ ပေးပို့ ခဲ့ကြပါသတဲ့။ အဲဒီ့ ၁၉ ရာစု အလယ်ပိုင်းမှာပဲ ဖေဖော်ဝါရီ ၁၄ ရက်ကျရင် ဗှယ်လင်ထိုင်းကတ်ပြားတွေ ပေးပို့တဲ့ ဓလေ့ဟာ အမေရိကန် နိုင်ငံဆီကိုလည်း ကူးစက်သွားခဲ့ပါတယ်။ အမြတ်ထွက်တာကတော့ ကတ်ပြား ထုတ်လုပ် ရောင်းချသူတွေပဲပေါ့ခင်ဗျာ။

အမယ်… အမေရိကန်နိုင်ငံမှာ ဗှယ်လင်ထိုင်းကတ်ပြားပို့ပေးတဲ့ အလေ့အထကို စတင်ခဲ့သူ Esther Howland  ကို ဂုဏ်ပြုတဲ့အနေနဲ့ အမေရိကန် လက်ဆောင်ကတ်ပြား အသင်းက လက်ဆောင်ကတ်ပြား အမြော်အမြင် အတွက်Esther Howland  ဆုဆိုပြီး နှစ်စဉ်တောင် ဆုပေးပါသေးတဲ့ဗျား။ ဒါဆိုရင် စီးပွားရေးသမားတွေရဲ့ ကွက်ကျော်မြင်တတ်မှုက ထင်ရှားနေပါ ပြီနော်။

နှစ်ဆယ်ရာစုရဲ့ ဒုတိယတစ်ဝက်ကာလမှာတော့ ကတ်ပြားတွေ အပြန်အလှန်ပေးပို့ကြရာကနေ တခြား လက်ဆောင်တွေပါ ပေးပို့ကြတဲ့ အလေ့အထက အမေရိကန်နိုင်ငံမှာ တွင်ကျယ်လာပါတော့တယ်။ အဓိက ကတော့ နှင်းဆီပန်းတွေ၊ အသည်းပုံ အနီရောင် ဖဲသားဘူးနဲ့ ထည့်ထားတဲ့ ချောကလက်တွေ ပို့ကြ၊ ပေးကြတာပါ။ ဘယ်သူက ဘယ်လို ထွင်လိုက်တယ်ဆိုတာ အထူး ပြောစရာတောင် လိုမယ် မထင်ပါဘူး။ ၁၉၈၀ ပြည့်လွန်နှစ်တွေမှာတော့ စိန်အရောင်းအဝယ် လုပ်ငန်းရှင်တွေကလည်း လပ်မြင်လာပြီး ဖေဖော်ဝါရီလ ၁၄ ရက်နေ့မှာ ချစ်သူတွေ အချင်းချင်း စိန်ရွှေရတနာတွေ ပေးတဲ့ အလေ့အထလေးပါ တွင်ကျယ်လာအောင် လုပ်ကြပါတော့တယ်။ ဈေးသည်ဆိုတာကတော့ သူ့ပစ္စည်းတွေ များများ အစွံထုတ်နိုင်ဖို့ နည်းလမ်း ရှာရတာပေါ့ခင်ဗျာ။

သည်လောက်ဆိုရင် ချစ်သူများနေ့လို့ အတော်လေး တွင်ကျယ်နေတဲ့ ဖေဖော်ဝါရီလ ၁၄ ရက် Esther Howland  ရဲ့ ရာဇဝင်အကျဉ်းကို မှန်းဆနိုင်ကြပြီ ထင်ပါတယ် ခင်ဗျာ။ အဲဒီ့နေ့ဟာ ခရစ်ယာန်တို့ရဲ့ ဘာသာရေး အထွတ်အမြတ် ပွဲတော်နေ့ တစ်ခုမဟုတ်တာမို့ ရုံးပိတ်ရက်၊ အားရက်၊ နားရက်အဖြစ် ဘယ် ခရစ်ယာန်နိုင်ငံကမှ သတ်မှတ်ပေးမထားပါဘူး။ ခရစ်တော်ဖွားတဲ့ ခရစ္စမတ်လို၊ ခရစ်တော် ရှင်ပြန်ထမြောက်ခြင်း အထိမ်းအမှတ် အီစတာပွဲတော်လိုမျိုး ကျင်းပကြတာ မဟုတ်ဘဲ စီးပွားရေးသမားများရဲ့ ဈေးကွက်ချဲ့ထွင်လိုမှုကြောင့် ပေါ်ပေါက်လာတဲ့ နေ့တစ်နေ့သာ ဖြစ်ပါတယ်။

စီးပွားရေးသမားတွေရဲ့ ကျေးဇူးကြောင့် အင်္ဂလန်နဲ့ အမေရိကန်မှာ စတင်ခဲ့တဲ့ အဲဒီ့အလေ့အထဟာ စင်္ကာပူနိုင်ငံသားတွေ၊ ဂျပန်တွေ၊ တရုတ်တွေ၊ တောင်ကိုးရီးယားလူမျိုးတွေကြားမှာလည်း ကျွန်တော်တို့ထက်တောင် စောပြီး တွင်ကျယ်ခဲ့ပါတယ်။ အဲဒီ့က လူငယ်လူရွယ်တွေဟာလည်း ဖေဖော်ဝါရီ ၁၄ ရက် ချစ်သူများနေ့လက်ဆောင်အတွက် ပိုက်ဆံတွေ နင်းကန် အကုန်ခံကြပေတာပဲပေါ့။

ကျွန်တော်တို့ဆီမှာ တွင်ကျယ်လာတာကတော့ ဈေးကွက်စီးပွားရေး စတင်ခါစ ကာလက မြို့ပြတွေမှာ အပြိုင်းအရိုင်း ပေါ်ထွန်းလာတဲ့ ဟိုတယ်တွေနဲ့ ညဘက်ကပွဲ ခန်းမတွေက စလိုက်တာပဲလို့ ယူဆရပါတယ်။ ဟိုတယ်တွေကလည်း သူတို့ရဲ့ ချောကလက်တွေ ရောင်းကောင်းရေး၊ ညဘက်ကပွဲခန်းမတွေကလည်း သူတို့ ခန်းမတွေမှာ လူစည်ရေးအတွက် သည်နေ့ကို မြန်မာတွေကြားမှာ မိတ်ဆက်လိုက်တဲ့အခါ ဇစ်မြစ်ကို ဂဃနဏ မသိသော်ငြား အများညီရင် ဤကို ကျွဲဖတ်ဖို့ ဝန်မလေးတဲ့ အထုံဝါသနာနဲ့ လူအများက အလွယ်တကူ နားယောင်သွားပြီး သည်နေ့ကို တခမ်းတနား လုပ်လာကြတော့တာပဲလို့ မြင်မိရပါတယ်။

မြန်မာရာဇဝင်မှာလည်း နတ်ရှင်နောင်နဲ့ ရာဇဓာတုကလျာ၊ ရှင်မွေ့နွန်းနဲ့ မင်းနန္ဒာ၊ သုဓနုနဲ့ ဒွေးမယ်နော်အစရှိသဖြင့် အချစ်သူရဲကောင်းတွေ တစ်ပုံတစ်ပင် ရှိခဲ့ပေမယ့် အမှတ်အသားကောင်းတဲ့ အနောက်တိုင်း ရာဇဝင်လို နေ့စွဲ၊ ရက်စွဲနဲ့ အတိအကျ မဟုတ်လေတော့ကာ မြန်မာလူငယ်တို့အတွက် ရက်သတ် ဆင်နွှဲစရာ ချစ်သူများနေ့က မယ်မယ်ရရ မရှိဘူး။ ဒါကို အခွင့်ကောင်းယူတတ်တဲ့ စီးပွားရေးသမားတွေက ရောမဒဏ္ဍာရီထဲက ယုံတမ်းစကား ပလီပလာကို တင်သွင်းလာလိုက်တဲ့အခါမှာတော့ နားယောင်လွယ်သူများကြားမှာ ရေပန်းတွေ တအားစားကုန်တော့တာပါပဲ။

အဓိကကတော့ ဆင်ခြင်တုံတရားလို့ပဲ မြင်မိပါတယ်။ ဆင်ခြင်တုံတရား ရှိမယ်ဆိုရင် သည်နေ့ဟာ ဘာနေ့လဲ၊ ဘယ်လိုကြောင့် ပေါ်လာရတာလဲဆိုတာ စူးစမ်းကြဖို့ သိပ်ကောင်းလှပါတယ်။ အနောက်တိုင်းကဟာမို့ ပစ်ပယ်ရမယ်၊ အရှေ့တိုင်းကသာ ပိုမြတ်တယ်ဆိုတဲ့ ခပ်ကြောင်ကြောင် အတွေးအခေါ်မျိုးနဲ့ ပြောတာမျိုး မဟုတ်ပါဘူး။ ကမ္ဘာကြီးဟာ ရွာတစ်ရွာလို အရှေ့နဲ့ အနောက်၊ တောင်နဲ့မြောက် လွယ်လင့်တကူ ကူးလူး ဆက်ဆံလာနိုင်တဲ့ ကနေ့လို ကာလမျိုးမှာ ယဉ်ကျေးမှုတွေ အပြန်အလှန် ကူးလူး ယှက်နွယ်နေတဲ့ ရေစီးကိုလည်း ဘယ်သူမှ တားဆီးလို့ မရစကောင်းပါဘူး။

ကတာ၊ ခုန်တာ၊ ဆိုတာ၊ တီးတာ၊ ဝတ်စားဆင်ယင်တာလို၊ စာပေ၊ အနုသုခုမသဘင်လို ယဉ်ကျေးမှုတွေ ကူးလူးယှက်နွယ်နေတာ အင်မတန်မှ ချစ်စရာ၊ နှစ်လိုစရာ ကောင်းပါတယ်။ လူသားတိုင်းရဲ့ မူလ အခြေခံ အခွင့်အရေးဖြစ်တဲ့ လွတ်လပ်စွာ ကိုးကွယ် ယုံကြည်ခွင့်ကြောင့် မြန်မာနိုင်ငံအတွင်း မှီတင်းနေထိုင်ကြသူ တခြားဘာသာဝင်အသီးသီးရဲ့ ဘာသာရေး ပွဲတော်တွေဟာလည်း ပျော်စရာ၊ ကြည်နူးစရာပွဲတော်များသာ ဖြစ်တာမို့ တရုတ်နှစ်သစ်ကူးဆိုလည်း တရုတ်နှစ်သစ်ကူးအလျောက်၊ ခရစ္စမတ် ဆိုလည်း ခရစ္စမတ်အလျောက်၊ အစ္စလာမ်တို့ရဲ့ အစ်ပွဲတော်ဆိုလည်း အစ်ပွဲတော်အလျောက် ကျွန်တော်တို့ မြန်မာတွေလည်း တစ်နည်းတစ်ဖုံ ပါဝင်ဆင်နွှဲ ပျော်ပွဲဆင်နေကြတာကို သဘောမတူစရာ အကြောင်းမရှိပါဘူး။

သည် ချစ်သူများနေ့ကတော့ဗျာ၊ ကျွန်တော့် စိတ်ထဲ တယ်လည်း ဘဝင်မကျမိဘူး။ မကြာသေးခင်ကမှ အလားတူ တွင်ကျယ်လာတဲ့ အမေနေ့၊ အဖေနေ့ဆိုတာများလိုပဲ ခံစားရပါတယ်။ အမေ၊ အဖေကို တစ်နှစ်မှာ ၃၆၄ ရက်လုံးလုံး ဂရုမစိုက်၊ ပစ်ပယ်ထားပြီး အမေနေ့၊ အဖေနေ့ကျတော့မှ သတိတရနဲ့ သွားကန်တော့မယ်ဆိုရင် ဘယ်အမေ၊ ဘယ်အဖေက ကြည်နူးနိုင်ပါလိမ့်မလဲနော်လို့ ပြောရင် ကျွန်တော်က ခွကျတယ် ဖြစ်ဦးမယ်။

ဒါပေမယ့် သေချာ စဉ်းစားကြည့်တော်မူပါခင်ဗျာ။ အမေနေ့ကျမှ အမေ့ကို ကန်တော့၊ အဖေနေ့ကျမှ အဖေ့ကို ကန်တော့မယ့်အစား မိခင်၊ ဖခင်များ အသက်ရှင်နေခိုက်၊ သူတို့အတွက် လူ့လောကကြီးမှာ နေရမယ့်ရက် နည်းသထက် နည်းလာခိုက်မှာ နေ့တိုင်းမတတ်နိုင်ဘူးဆိုရင်တောင် တစ်လ တစ်ကြိမ်၊ နှစ်ကြိမ်၊ သုံး၊ လေးကြိမ် သတိလေးထားပြီး သူတို့ ကြိုက်တတ်တဲ့ စားစရာလေးနဲ့ဖြစ်ဖြစ်၊ စားစရာ မတတ်နိုင်ရင်တောင် သူတို့နားမှာ နေပြီး သူတို့ ပြောတဲ့ စကားလေးတွေကို အဖန်ဖန်ကြားပြီးဖြစ်သည့်တိုင် စိတ်ရှည်လက်ရှည် နားထောင်ပေးတဲ့ နည်းလေးနဲ့ဖြစ်ဖြစ် အလုပ်အကျွေးပြု ဖြစ်ကြတာက ပိုမကောင်းပေဘူးလားခင်ဗျာ။

ချစ်သူများနေ့ဆိုတာလည်း အလားတူပါပဲ။ ချိန်တန်ရွယ်ရောက် လူလားမြောက်လာတဲ့အခါမှာ တခြားတစ်မိသားအပေါ် ချစ်ခင်စုံမက် နှစ်သက်မြတ်နိုးတဲ့ စိတ်ဆိုတာ ပေါ်ပေါက်လာစမြဲပါပဲ။ အဲဒီ့ကမှ အိမ်ရာထူထောင်ကြရမယ်၊ ဘဝကို အတူယှဉ်တွဲ ရုန်းကန် ဖြတ်ကျော်ကြရပါမယ်။ ဆင်ခြင်တုံတရားလေး ရှေ့ထားပြီး မောင်တို့ မယ်တို့သာ ဉာဏ်ကလေးနဲ့ ချစ်ကြမယ်ဆိုရင် ချစ်သူများနေ့က အထူး လိုအပ်စရာ ဘာ အကြောင်းမှ မရှိပါဘူး။ သည်နေ့ကျတော့မှ ချစ်နေပြီး ကျန်တဲ့နေ့တွေကျရင် တစ်ယောက်ကိုတစ်ယောက် မကြည့်ချင်။ မမြင်ချင်အောင် ဖြစ်နေကြမှာမှ မဟုတ်တာပဲလေ။

အဲတော့ သည်နေ့ကို ဆင်နွှဲမယ်ဆိုလည်း လူငယ်လူရွယ်တို့ ဘာသာဘာဝ အများနဲ့ညီမှ ခေတ်မီမယ်ဆိုတဲ့အတွေးနဲ့ ဆင်နွှဲတာကို မတားချင်ပါဘူး။ ဒါပေမယ့် ဆင်ခြင်တုံတရားလေး ရှေ့ထားပြီး တခြား မွန်မြတ်တဲ့နည်း တစ်နည်းနည်း၊ ကိုယ်ချစ်တဲ့ခင်တဲ့သူနဲ့ တစ်ဘဝတာ လက်တွဲကြရေးမှာ ပိုမိုတင့်တယ်သာယာစေမယ့် နည်းတစ်နည်းနည်းကို ကိုယ်ပိုင်ဉာဏ်ကလေးများနဲ့ ကြံဆ ဆင်နွှဲသွားမယ်ဆိုရင် စီးပွားရေးသမားတွေရဲ့ သားကောင်ဘဝက လွတ်မြောက်သွားနိုင်မှာလည်း မလွဲပါဘူးခင်ဗျား။

အဲ… သည်ကြားထဲမှာ သည်နေ့အတွက် အင်မတန် ထူးခြားတဲ့ အချက်အလက်သစ်တစ်ခုကိုလည်း သည်နှစ်မှာမှ ကြားရ မြင်လိုက်ရ ပြန်ပါသေးတယ်။ ကျွန်တော့်ကို မေးသွားတဲ့ နိုင်ငံခြား အသံလွှင့်ဌာနက မေးခွန်းထဲမှာ ပါလာလို့ စတင် သတိထားမိခဲ့သလို အင်တာနက်ပေါ်က မြန်မာတို့ရဲ့ လူမှုရေး ကွန်ရက်ပေါ်မှာလည်းပဲ သည်အချက်ကို ဖျတ်ခနဲ တွေ့လိုက်မိပါတယ်။ အဲဒါကတော့ ဖေဖော်ဝါရီ ၁၄ ရက်နေ့မှာ မြို့ကြီးများပေါ်က တည်းခိုခန်းတွေ၊ ဟိုတယ်အိပ်ခန်းတွေမှာ နေရာမရလောက်အောင်တောင် ပြည့်နှက်နေတယ်ဆိုတဲ့ သတင်းမဟာပါပဲ။

စီးပွားရေးသမားတွေရဲ့ လက်ချက်ကြောင့် ခရစ်ယာန် ဘုန်းတော်ကြီး တစ်ပါး ကွပ်မျက်ခံရတဲ့နေ့ကနေ ချစ်သူများနေ့ရယ်လို့ ဖြစ်လာ၊ မြန်မာပြည်ကို ရောက်လာတော့ တချို့သော ယောက်ျားပျိုလေးများရဲ့ အသွင်ပြောင်းမှုကြောင့် ချစ်သူများနေ့ကနေ သွေးသားကိစ္စနေ့အဖြစ် ပြောင်းသွားပါပေါ့လားလို့ ရင်မောစွာ တွေးလိုက်မိရပါတယ်။

အဲဒီ့နေ့မှာ အကာအကွယ်မဲ့ ချစ်တင်းနှောကြမယ့်သူက အများသား ဆိုတာလည်း တွေးမိသွားရပြန်တာမို့ ချစ်သူများနေ့ဟာ သွေးသားကိစ္စ နေ့မှသည် HIV ပိုး အပါအဝင် လိင်မှတစ်ဆင့် ကူးစက်တဲ့ရောဂါများ ပြန့်ပွားရေးနေ့ တစ်နေ့အဖြစ် ပြောင်းလဲသွားနိုင်တာကို မြင်လာရင်း စိတ်မောသွားမိပါတယ်။

အချစ်ကို ကိုးကွယ်လိုကြတဲ့၊ နှာခေါင်းမပါရင် ဘာဖြစ်တယ်၊ ညာဖြစ်တယ်လို့ ခေတ်အဆက်ဆက် အပြောခံခဲ့ကြရတဲ့ သမီးငယ်လေးများ သတိထားသင့်တဲ့ နေ့လို့ တောင်မှ သည်နေ့ကို ပြောင်းလဲ ခေါ်ဝေါ်သင့်ကြပြီ ထင်ပါတယ်။

သည်လောက်ဆိုရင် ကျွန်တော်တို့ ကိုးကွယ်ရာ ဘာသာနဲ့လည်း ဘယ်လိုမှ မသက်ဆိုင်၊ ရိုးရာဓလေ့ထုံးတမ်းလည်း မဟုတ်သလို သက်ဆိုင်တဲ့ ခရစ်ယာန် ဘာသာဝင်တွေရဲ့ တကယ့်နေ့ထူးနေ့မြတ်အစစ်လည်း မဟုတ်ဘဲ စီးပွားရေး သမားများရဲ့ ထွင်လုံးကြောင့် ကမ္ဘာမှာ တွင်ကျယ်လာနေတဲ့ ဖေဖော်ဝါရီလ ၁၄ ရက် ချစ်သူများနေ့ဆိုတာရဲ့ သဘောသဘာဝ အစစ်အမှန်ကို မှန်းဆနိုင်ကြပြီလို့ မျှော်လင့်မိရပါတယ် ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
(ဝ၂၀၂၁၂)
စာညွှန်း   Encyclopedia Britannica, 2007
        http://en.wikipedia.org/wiki/Valentine’s_Day

(၂၀၁၂ ခုနှစ် ဖေဖော်ဝါရီ ၁၀ ရက်နေ့ထုတ် Bi Weekly Eleven ဂျာနယ်ပါ ဆောင်းပါး ဖြစ်ပါတယ်။)