IDAHO in Yangon (Rangoon)

လနှစ်ချောင်းငင်များသာ

၂၀၁၀ ပြည့်နှစ် မေလ ၁၇ ရက်နေ့တုန်းက ထိုင်းနိုင်ငံ ဇင်းမယ်မြို့မှာ မြန်မာလူငယ်တွေ စုဝေး ကျင်းပတဲ့ “လိင်တူတပ်မက်သူများအား မုန်းတီး စက်ဆုပ်မှု ဆန့်ကျင်ရေး နိုင်ငံတကာနေ့” (International Day Against Homophobia)အခမ်းအနားကို တက်ရောက်ပြီး အမှတ်တရ စကားပြောပေးဖို့ ကျွန်တော့်ကို လှမ်းဖိတ်တာနဲ့ သွားခဲ့ဖူးပါတယ်။

ကျွန်တော့်ရဲ့ “သားငယ်တို့ နားလည်ဖို့”စာအုပ်နဲ့ “ယောက်ျားသားချင်း ပွင့်ပွင့်လင်း”ဆိုတဲ့ စာအုပ်များမှာ လိင်တူချင်း တပ်မက်မှုဟာ ပြုပြင် တားဆီးလို့ မရတဲ့ မွေးရာပါ စိတ်ကိုင်းညွတ်မှုသာ ဖြစ်ကြောင်း၊ ဘယ်သန်၊ ညာသန်များလိုပဲ သန်ရာသာ ဖြစ်တဲ့အကြောင်းနဲ့ လိင်တူချင်းတပ်မက်သူများထဲမှာလည်း ထူးချွန်ထက်မြက်သူတွေ အများအပြား ရှိတဲ့အကြောင်းကို ဆွေးနွေးခဲ့ဖူးပါတယ်။ အဲဒီ့စာတွေထဲက တချို့ကို ထိုင်းနိုင်ငံ ဇင်းမယ်မြို့မှာ နေထိုင်နေကြတဲ့ မြန်မာနိုင်ငံသား လိင်တူတပ်မက်သူများ အသိုင်းအဝိုင်းအတွက် ထုတ်ဝေတဲ့ စာစောင်ထဲမှာ ထည့်သွင်းဖော်ပြဖို့ ကျွန်တော့်ကို လှမ်းခွင့်တောင်းခဲ့ဖူးရာက သူတို့ ကျွန်တော့်ကို ဆက်သွယ်လာကြတာပါ။

လိင်တူချင်းတပ်မက်မှုနဲ့ ပတ်သက်လို့ ကျွန်တော့်သဘောထားက ရှင်းပါတယ်။ လူပဲ၊ သူကြိုက်ချင်တာ ကြိုက်ပေါ့။ သူ စွဲလန်းချင်တာ စွဲလန်းပေါ့။ ကိုယ်ကြိုက်တာ၊ ကိုယ်စွဲလန်းတာနဲ့ မတူတိုင်း  သူမှားတယ်၊ ကိုယ် မှန်တယ် ပြောနေရမှာမျိုးမှ မဟုတ်တာ။ အဲသလိုပဲ နားလည်ပါတယ်။

ပိုဆိုးတာက ကျွန်တော့်မှာ ဘယ်ဘဝက ရေစက်လဲတော့မသိဘူး။  ကျွန်တော် လူမှန်း သိကတည်းက စတင် တွေ့ဆုံခဲ့ဖူးတာက ဆွေမျိုးလို နေနေတဲ့ ယောကျာ်းလျာတစ်ဦးဖြစ်ပါတယ်။ သူ့ကို ကျွန်တော်က ဒေါ်ဒေါ်လို့ မခေါ်ရပါဘူး။ “လေးလေး”လို့သာ ခေါ်ခဲ့ရပါတယ်။ သူက အသား ဖြူဖြူ၊ မျက်နှာချောချောနဲ့ပေမယ့် ဒေါင်းတိမောင်းတိပါပဲ။ စီးရင်လည်း ယောက်ျားစီး၊ အလယ်က ဘားတန်းပါ စက်ဘီးကိုပဲ စီးပါတယ်။ ကျွန်တော် သူ့ကို စတင်မြင်ဖူးချိန်က ကျွန်တော့်အသက်က ငါးနှစ် မပြည့်သေး။ သူ့ အသက်က ၃၀ ကျော်လောက် ရှိပါပြီ။

အဲလိုနဲ့ နေလာလိုက်တာ ကျွန်တော့်မျက်စိအောက်မှာ ယောက်ျားလျာ၊ မိန်းမလျာ ပေါင်းစုံနဲ့ ဆုံဖူးခဲ့ပါတယ်။ တချို့ဆို ကျွန်တော်တို့ကို စာသင်တဲ့ ဆရာ၊ ဆရာမတွေ ဖြစ်ပါတယ်။ မှတ်မှတ်ရရ၊ ကျွန်တော့် ဘဝမှာ လိင်တူချင်းတပ်မက်တဲ့ ဆရာ သုံးဦးနဲ့ ဆုံဖူးတယ်။ သုံးဦးစလုံးဟာ စာတော်သူတွေ ဖြစ်ကြသလို အင်မတန်လည်း အသင်အပြကောင်းကြပါတယ်။ သူတို့ဟာ လိင်တူချင်း တပ်မက်သူတွေ ဖြစ်တာမို့ ကျွန်တော့်ရဲ့ “သင်ဆရာ”စာရင်းထဲက ပယ်ဖျက်ပစ်စရာမှ မလိုတာပဲလေ။ အဲတော့လည်း ခေတ်စကားနဲ့ ပြောရင် “အေးဆေး”ပေါ့။

အဲတော့ ကျွန်တော့်စိတ်ထဲမှာ လိင်တူချင်း တပ်မက်သူတွေကို ဘယ်တုန်းကမှ အခြောက်တိုက် မုန်းတီးစက်ဆုပ်တဲ့ စိတ်မပေါ်ခဲ့ပါဘူး။ ကျွန်တော်လည်း လူသားတစ်ယောက်သာ ဖြစ်တဲ့အတွက် ချစ်စိတ်၊ မုန်းစိတ်တွေ ရှိတာ အမှန်ပါ။ ဒါပေမယ့် ဝါးလုံးရှည်နဲ့ သိမ်းကြုံးပြီး မုန်းတဲ့စိတ်မျိုးတော့ ကျွန်တော့်မှာ မရှိဘူး။ ခြေမ မကောင်း ခြေမ၊ လက်မ မကောင်း လက်မကိုသာ မုန်းတဲ့ စိတ်မျိုးသာ ရှိပါတယ်။ မိန်းမတစ်ယောက်က ကိုယ့်ကို အသည်းခွဲသွားတာနဲ့ပဲ မိန်းမတွေ မကောင်းဘူးလို့ ကုန်းအော်တတ်တဲ့ ဉာဉ်က ငယ်ငယ်ကတည်းက ကျွန်တော့်မှာ မရှိပါဘူး။ (သည်တစ်ယောက် မကောင်းဘူးထင်ရင် နောက်တစ်ယောက်ဆီ ပြောင်းသွားလိုက်ရင်းနဲ့ ရည်းစားတွေ များကုန်တာကတော့ အဟဲ… ဝါသနာ ဘာဂီ ဆက်တိုင်းမီလို့သာ အောက်မေ့ကြပါတော့နော်။)

နောက်ပိုင်းမှာ စိတ်ပညာကို ဖတ်ရှုလေ့လာရင်းနဲ့ လူတို့ရဲ့ လိင်စိတ် သဘောကို အမြွက်လောက် နားလည်သဘောပေါက်လာပါတယ်။ သည်အခါမှာ လိင်တူချင်း တပ်မက်မှုရဲ့ သဘာဝကိုလည်း မြင်လာမိရတယ်။ ဒါ့ကြောင့် ကျွန်တော် မြင်တဲ့အတိုင်း၊ ယုံကြည်တဲ့အတိုင်း စာတွေ ရေးမိရာက သူတို့အသိုင်းအဝိုင်းက ကျွန်တော့်ကို အသိအမှတ်ပြုလာကြပြီး ဆိုခဲ့တဲ့အတိုင်း ဇင်းမယ်မှာ ကျင်းပတဲ့ သူတို့ပွဲကို တက်ရောက်ပေးဖို့ ဖိတ်ကြားလာတော့တာပါပဲ။

အမှန်ကို ဝန်ခံရရင် အဲဒီ့ အထိမ်းအမှတ်နေ့ကို ကြားတောင် မကြား ဖူးခဲ့ပါဘူး။ ၁၉၉၁ ခုနှစ် မေလ ၁၇ ရက်နေ့မှာ ကမ္ဘာ့ ကျန်းမာရေးအဖွဲ့ကြီးက လိင်တူချင်းတပ်မက်မှုကို စိတ်စံလွဲမှု (ဝါ) စိတ်ကျန်းမာရေး ချို့ယွင်းမှု (စိတ်ရောဂါ) စာရင်းက ပယ်ဖျက်ပေးခဲ့တယ်လို့ ဆိုပါတယ်။ အဲဒါကြောင့် အဲဒီ့နေ့ကို အစွဲပြုပြီး လိင်တူတပ်မက်သူများအား မုန်းတီးစက်ဆုပ်မှု ဆန့်ကျင်ရေး နိုင်ငံတကာနေ့အဖြစ် ကမ္ဘာ့နိုင်ငံတချို့မှာ ကျင်းပနေကြတယ်ဆိုတာ အဲတော့မှ သိတော့တယ်။

ဇင်းမယ်က ပွဲကို ရောက်သွားတဲ့အခါ မြန်မာနိုင်ငံမှာလည်း သည်လို ပွဲမျိုးတွေ ကျင်းပနိုင်ရင် ကောင်းမယ်လို့ စိတ်ထဲမှာ တွေးမိသွားခဲ့ရသေးတယ်။ ဟုတ်တယ်လေ… ကျွန်တော်တို့ဆီမှာလည်း လိင်တူချင်း တပ်မက်သူတွေ ခေတ်အဆက်ဆက်မှာ ရှိခဲ့ဖူးသလို လက်ရှိအချိန်မှာလည်း ရှိနေတာပဲ မဟုတ်လား။ သူတို့ကို လူတချို့က ဖယ်ကြဉ်ချင်ကြတယ်၊ လူရာ မသွင်းချင်ကြဘူး၊ မေးငေါ့ချင်ကြတယ်၊ ယုတ်စွအဆုံး ကလေးလေးတွေကအစ သူတို့ကိုများဆို ပြောင်ချင် လှောင်ချင်ကြပါတယ်။

တကယ်တော့ သူတို့လည်း ပခုံးနှစ်ဖက်ကြား ခေါင်းပေါက်နေတဲ့ လူသားစစ်စစ်တွေပါပဲ။ ပယ်တာ၊ နှိမ်တာ၊ သရော်တာ၊ ကဲ့ရဲ့တာ၊ ပြောင်လှောင်တာကို မလွှဲသာလို့သာ ခံကြမှာပါ။ သူသူကိုယ်ကိုယ် ဘယ်လူသားမှ မခံချင်ကြပါဘူး။ အဲတော့ သူတို့ လူနည်းစုများခမျာမှာ လူများစု ပတ်ဝန်းကျင်ရဲ့ မေးငေါ့မှု ဒဏ်ကို အလူးအလဲ ခံခဲ့ရတာလည်း နိုင်ငံအသီးသီး ခေတ် အဆက်ဆက်မှာပါ။

အခုတော့ ခေတ်ရေစီးက ပြောင်းလဲလာသလို လူ့စိတ်နဲ့ လူ့အပြုအမူကို လေ့လာတဲ့ စိတ်ပညာကလည်း တစ်နေ့ထက် တစ်နေ့ ပို မိုတိုးတက်လာတဲ့အတွက် လိင်တူချင်း တပ်မက်သူတွေဟာ သူတို့ရဲ့ လူသားတစ်ယောက်အဖြစ် လောကအလယ်မှာ တခြားသူများနည်းတူ ဝင်ဆန့်ရပ်တည်နိုင်ရေးအတွက် ကြိုးပမ်းမှုတွေကို နိုင်ငံတွေက တဖြည်းဖြည်းချင်း လက်ခံလာခဲ့ကြပါတယ်။ ထိုင်းမှာ အဲဒါကို မြင်လိုက်ရတော့ ကြည်နူးသွားမိရပါတယ်။ တစ်ဆက်တည်းမှာပဲ မြန်မာနိုင်ငံမှာလည်း အဲလို အခမ်းအနားမျိုးတွေ ကျင်းပနိုင်မယ်ဆိုရင် လူအများရဲ့ သိရှိနားလည်ထားမှု အလွဲတွေကိုလည်း လမ်းကြောင်း မှန်ပေါ် ပြန်တင်ပေးသွားနိုင်မှာ ဖြစ်သလို မြန်မာနိုင်ငံက အနှိမ်ခံ၊ အပယ်ခံ ပုထုဇဉ်လူသားများအတွက် အားတက်စရာ ပိုကောင်း လာလိမ့်မယ်လို့ တွေးမိရင်းက အဲဒီ့ပွဲကို တက်ရောက်ခဲ့ပါတယ်။

ဘာမှတောင် မကြာလိုက်ဘူး။ ကြားထဲမှာ နှစ်နှစ်ပဲ ခြားတယ်။ ပထမဆုံး စသိရတာက သည်ပွဲကို သည်နှစ် မန္တလေးမှာ ကျင်းပမယ့် အကြောင်း အင်တာနက်ထဲမှာ ဖတ်လိုက်ရပါတယ်။ သူတို့တွေအတွက် မုဒိတာ ပွားမိရတယ်။

ကျွန်တော် ဖြစ်စေချင်ခဲ့မိတာလေးတစ်ခု အောင်အောင်မြင်မြင် ဖြစ်တော့မှာဆိုတဲ့အသိနဲ့ မုဒိတာ ပွားမိသွားရပါတယ်။ ရန်ကုန်မှာ ဘာလို့များ မကျင်းပကြတာပါလိမ့်လို့လည်း တွေးနေမိခဲ့ရပါသေးတယ်။

မကြာပါဘူး။ ကျွန်တော့်ကို သူတို့အဖွဲ့က ဆက်သွယ်လာပါတယ်။ ဖိတ်စာ လာပို့တယ်။ ပြီးတော့ သူတို့ပွဲမှာ စကားပြောပေးဖို့လည်း ဆိုပါတယ်။ ကျွန်တော်လည်း ဝမ်းသာကြည်နူးစွာပဲ ခေါင်းညိတ်လိုက်ပါတယ်။

၂၀၁၂ ခုနှစ် မေလ ၁၇ ရက်နေ့ ည ၇ နာရီအချိန်၊ ရန်ကုန်မြို့ ကမ္ဘာအေးဘုရားလမ်းပေါ်၊ ရွှေဂုံတိုင် လမ်းဆုံအနီးက အိပ်ခဆဲ(လ်) မျှော်စင်ဟိုတယ်ရဲ့ ဆယ်ထပ်မှာ ရှိတဲ့ မင်္ဂလာခန်းမမှာ မြန်မာပြည်ရဲ့ ပထမဆုံး “လိင်တူချင်းတပ်မက်သူများအား မုန်းတီးစက်ဆုပ်မှု ဆန့်ကျင်ရေး နိုင်ငံတကာနေ့”အခမ်းအနားကို ကျင်းပခဲ့ပါတယ်။ အစိုးရမဟုတ်တဲ့ အဖွဲ့အစည်းတွေ၊ ကုလသမဂ္ဂ လက်အောက်ခံ အဖွဲ့အစည်းတွေက တာဝန်ရှိသူတွေ၊ တခြား ဖိတ်ကြားထားတဲ့ ဧည့်သည်တော်တွေအပါအဝင် စုစုပေါင်း လူ ၄၀ဝ လောက် တက်ရောက်ခဲ့ကြပါတယ်။ သူတို့ရဲ့ အဆိုအက သရုပ်ဖော်တွေနဲ့ ကျကျနန စီစဉ် တင်ဆက်သွားတာပါ။ အမျိုးသား လိင်တူချင်း တပ်မက်သူ (သည်းခံပါ ခင်ဗျာ၊ သည်နေရာမှာ အများ နားလည်အောင် မိန်းမလျာလို့ပဲ သုံးပါရစေ) များသာမကဘဲ အမျိုးသမီး လိင်တူချင်း တပ်မက်သူ (ယောကျာ်းလျာ)များပါ သည်ပွဲမှာ ပါဝင်ဆောင်ရွက်ခဲ့ကြပါတယ်။

ဇင်းမယ်မှာ ရှိတဲ့ မြန်မာ အဖွဲ့အစည်းက ယောကျာ်းလျာများ၊ မိန်းမလျာများ၊ လိင်စိတ်နှစ်မျိုး ရှိသူများ၊ ဆန့်ကျင်ဘက်လိင်ကဲ့သို့ ဝတ် စားဆင်ယင်သူ/ဆန့်ကျင်ဘက်လိင်အဖြစ် ခွဲစိတ်ပြောင်းလဲထားသူများရဲ့ အသင်း(Lesbians, Gays, Bisexuals, and Transsexuals Soceity) (အတိုကောက် LGBT Society)လို့ ခေါ်ပေတာမို့ ဇင်းမယ်မှာ တုန်းကလည်း မိန်းမလျာများအပြင် ယောက်ျားလျာများပါ တက်တက်ကြွကြွ ပါဝင်လှုပ်ရှားနေတာ တွေ့ခဲ့ရဖူးပါတယ်။ အခု ရန်ကုန်မှာ ကျင်းပတော့လည်း သူတို့တွေပါ ပါနေတာ တွေ့ရတဲ့အတွက် အားရစရာကြီးပါပဲ။

သည်ပွဲမှာ ဇင်းမယ်ထက် ထူးခြားသွားတာကတော့ လိင်တူချင်း တပ်မက်သူ သက်ကြီးရွယ်အိုများ ပါဝင်နေတာပါပဲ။ အဲဒီ့ သက်ကြီးရွယ်အိုများကို ကန်တော့တဲ့ အစီအစဉ်လည်းပါတာမို့ သိခွင့်ရလိုက်တာပါ။ တစ်ယောက်ဆို အသက် ၁၀၅ နှစ်နဲ့ ခြောက်လတောင် ရှိပါပြီတဲ့။ နောက်တစ်ယောက်ကကျတော့ ဘီးတပ်ကုလားထိုင်နဲ့ သည်ပွဲကို တက်လာတာပါ။ သူကကျတော့ ၈၅ နှစ်ရှိပြီတဲ့။ နောက် ၇၈ နှစ်အရွယ်မှသည် ၇၀ ကျော်အရွယ်တွေလည်း ပါပါတယ်။

အသက် ၈၀ ကျော် တစ်ရာများဖြစ်သွားပေမယ့် သူတို့ရဲ့ လိင်စိတ် ကိုင်းညွှတ်မှုကတော့ ပြောင်းလဲလို့ မရပါဘူးဆိုတာကို သက်ရှိ ထင်ရှားရှိနေဆဲ သူတို့ရဲ့ အခြေအနေတွေက သက်သေထူလို့နေပါတယ်။ သည် အရွယ်ကြီးတွေ ရောက်တော့မှ လိင်ကိစ္စမှာ လော်လည်ဖောက်ပြားချင်လို့  သည်ဘဝကို ဆက်လက်ခံယူထားကြမှာ မဟုတ်တာလည်း အင်မတန်မှ သေချာပါတယ်။ သူတို့ကို မြင်ပြီးတော့ သံဝေဂ ရမိပါတယ်။

ကျွန်တော် အစဉ်တစိုက် ရေးသား၊ ဟောပြောဖြစ်နေခဲ့တဲ့၊ လိင်စိတ်ဆိုတာ သူများက ပြုပြင်ပြောင်းလဲယူလို့ မရသလို ကိုယ်ကိုယ်တိုင်ကလည်း ပြုပြင်ပြောင်းလဲ ယူလို့ မရဘူးဆိုပြီး စိတ်ပညာရှင်အများစု လက်ခံထားတဲ့ အချက်က သည်ပုဂ္ဂိုလ်များနဲ့ ပို ခိုင်လုံသေချာသွားပါတယ်။

၁၉၅၄ ခုနှစ်မှာ ထုတ်ဝေခဲ့တဲ့ ဆရာကြီးသခင်ဘသောင်းရဲ့ “ဒီမိုကရေစီဆိုတာ”ဆိုတဲ့ စာအုပ်ငယ်လေးထဲမှာ ဆရာကြီးက ရေးခဲ့ပါတယ်။

“လူသားအားလုံးရဲ့ ဘဝတွေကို လေးစားတာဟာ ဒီမိုကရေစီဝါဒရဲ့ ရေသောက်မြစ်ပဲ ဖြစ်ပါတယ်။ လောကမှာ အဖိုးမတန်တဲ့၊ အသုံးမကျတဲ့ လူရယ်လို့ မရှိပါဘူး။ ဒါကြောင့် လူတိုင်း မိမိကိုယ်ကို ရိုသေလေးစားကြရပါမယ်။ ပြီးတော့ သူများတွေကိုလည်း မိမိကိုယ်မိမိ လေးစားတန်ဖိုးထားတဲ့အတိုင်း လေးစားတန်ဖိုးထားရပါမယ်”တဲ့။

ဆရာကြီးရဲ့ စကားက တရားမျှတတဲ့စကား၊ ဘုရားရှင်ရဲ့ တရားတော်နဲ့ ညီညွတ်တဲ့စကားပါ။ အဲဒီ့ “လူသားအားလုံး”မှာ ဟိုလူမပါရ၊ သည်လူ မပါရဆိုတဲ့ ခြွင်းချက် မရှိပါဘူး။

ဆိုခဲ့တဲ့အတိုင်း လိင်တူချင်း တပ်မက်သူတွေထဲမှာလည်း လူတော်တွေ အများကြီးရှိပါတယ်။ သူမတူအောင် ထူးချွန်တဲ့ လျှမ်းလျှမ်းတောက် များတောင်ပါဝင်နေပါသေးတယ်။ ပတ်ဝန်းကျင်က နှာခေါင်းရှုံ့မှာ စိုးလို့ သွားလေသူများရော၊ သက်ရှိထင်ရှား ရှိနေသူများပါ သူတို့ရဲ့ ဘဝမှန်ကို ဖွင့်အန်မသွား၊ ဖွင့်အန်မထားတာမို့ နာမည်နာမနဲ့ တပ်ပြီး မပြောကောင်းလို့သာပါ။ နယ်ပယ် အသီးသီးမှာ ထူးချွန်ထင်ရှားကြသူတွေထဲမှာ အဲလို လိင်တူချင်း တပ်မက်သူတွေ ရှိကြပါတယ်။

အန္တရာယ်ကင်း ဘေးရှင်းမယ့် ဥပမာအနေနဲ့ကတော့ လူသိရှင်ကြား ဝန်ခံသွားတဲ့ ကမ္ဘာကျော် ဟောလီးဝု(ထ်) မင်းသားကြီး ရော့(ခ်) ဟဒ်ဆင်(န်)၊ ဆာဘွဲ့ရ ခေတ်ပေါ် အဆိုတော် ဂီတပညာရှင် အယ်လထန် ဂျော်(န်)တို့ပါပဲ။ နာမည်ကျော် သန်းကြွယ်သူဌေး ဖြစ်နေတဲ့ အစီအစဉ် တင်ဆက်သူ အယ်လင်(န်) ဒç ဂျော်(န်)(ရ်) ဆိုရင်လည်းပဲ ယောက်ျားလျာပါ လို့ သူ့ကိုယ်သူ ဝန်ခံထားတာ ရှိပါတယ်။

သည်ကြားထဲမှာ ၂၀ဝ၉ ခုနှစ်က ထွက်လာတဲ့ စိတ်ပညာရှင်တစ်ဦးရဲ့ စာအုပ်မှာ အမေရိကန်သမိုင်းရဲ့ အထက်မြက်ဆုံး သမ္မတအဖြစ် ခေတ်အဆက်ဆက် သတ်မှတ်ခဲ့ကြတဲ့၊ လင်ကွန်းလို့ မြန်မာတွေ အသိများတဲ့ အေဘရာဟင်(မ်) လင်းကား(န်) တောင် လိင်တူချင်း တပ်မက်သူဖြစ်ဖို့ ၉၀ % သေချာပါသတဲ့။

ဘာဖြစ်လဲဗျာ။ လိင်စိတ်ကတော့ သူသူကိုယ်ကိုယ် တစ်မျိုးစီ ရှိကြတာပဲ။ ဘယ်လိင်စိတ်ပဲ ရှိရှိ၊ လူ့ဘောင်ကို ဒုက္ခပေးသူလား၊ အကျိုးပြုသူလားဆိုတာကသာ ပိုပြီး အခရာကျတာပါ။ ကျွန်တော်ကတော့ အဲသလိုပဲ ခံယူနားလည်ထားပါတယ်။ လိင်ကွဲကို ကြိုက်တတ်တဲ့ စိတ်ကြီးနဲ့ပေမယ့် အရပ်ကို ဒုက္ခပေးနေသူနဲ့ လိင်တူချင်း တပ်မက်စိတ်နဲ့ပေမယ့် အရပ်ကို အကျိုးပြုနေသူမှာ ဘယ်သူက ပိုမြတ်တယ်လို့ မြင်မိကြပါသလဲခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ၁၉၀၅၁၂)

 

ယနေ့ (၃၁-၀၅-၁၂) ထုတ် Bi Weekly Eleven Journal ပါ ဆောင်းပါးကို ပြန်လည်တင်ဆက်ထားတာပါ။ 

The History of Scotch Whiskey

မြန်မာနိုင်ငံမှာ လာရောင်းတဲ့ စကော့(ခ်ျ)၀စ္စကီ ကုမ္ပဏီတစ်ခုက အပ်လာလို့ ၂၀၀၆ နှစ်ဆန်းစမှာ ရေးပေးခဲ့ဖူးတဲ့ စကော့(ခ်ျ) ၀စ္စကီရာဇ၀င်လေးပါ။ သေရည် သေရက်ဟာ မကောင်းပါဘူး။ ဒါပေမယ့် ပုထုဇဉ် လူ့အန္ဓ ကျွန်တော်ကိုယ်တိုင် အရက်ကြိုက်ပါတယ်။ ၁၈ နှစ်သားကတည်းက သောက်လာခဲ့တာ ယနေ့ ၅၅ နှစ်အထိလည်း သောက်ဆဲပါပဲ။ ဒါပေမယ့် အရက်သမားဘ၀ကို တစ်ခါမှ အရောက်မခံခဲ့ဖူးဘူး။ အရက်က ကျွန်တော့်ကို နိုင်သွားတဲ့ အထိလည်း တစ်ခါဆို တစ်ခါမှ မဖြစ်ခဲ့ဖူးဘူး။ ကျွန်တော် သောက်တယ်ဆိုတာက (၁) အရက်ကောင်းကောင်းကို သောက်ပါတယ်။ (၂) ကောင်းကောင်း သောက်တဲ့အတွက် အမြဲ မသောက်နိုင်ပါဘူး။ သည်တော့ ကြိုးကြားသောက်ပါတယ်။ (၃) မသောက်ဘဲလည်း ရက်ပေါင်း လပေါင်းများစွာ နေတတ်သလို သောက်ချင်ရင်လည်း နင်းကန်သောက်ပါတယ်။ (၄) အရက်က ကျွန်တော့်ကို နိုင်တော့မယ်လို့ ယူဆရတဲ့အခါ၊ တစ်နည်းပြောရရင် လူက မသောက်ချင်ပေမယ့် သွေးက တောင်းလာတဲ့အခါ လုံးဝ ရပ်ချပစ်ပါတယ်။

ကျွန်တော့်နည်းကို မှန်လှချေရဲ့၊ ကောင်းလှချေရဲ့လို့ မဆိုဝံ့ပါဘူးခင်ဗျာ။ ဒါတွေနဲ့ ပတ်သက်ရင် ကျွန်တော့် ခံယူချက်ကတော့ တစ်ခုတည်းသာ ရှိပါတယ်။ လူတို့ရဲ့ ဘ၀မှာ တော်ချိန်မှာ တော်တတ်နေသမျှ အရာအားလုံးနဲ့ ပျော်လို့ ရတယ် ဆိုတာပါပဲ။

အခုလည်း စကော့(ခ်ျ)၀စ္စကီ ရာဇ၀င်ကို တင်ဆက်လိုက်ပါတယ်။ ခေတ်အဆက်ဆက် ရှိခဲ့တဲ့ သည် သေရည်တွေဟာ မသောက်သုံးအပ်တဲ့ အရာတွေလို့ ဘာသာတရားအသီးသီးက ပညတ်ထားပါတယ်။ သို့သော် သောက်နေတဲ့သူတွေလည်း ရှိတာပါပဲ။ မသောက်တတ်တဲ့သူတွေ သောက်လာအောင် အားပေးတာလည်း မဟုတ်ပါဘူး။ သောက်နေတဲ့သူတွေထဲက အရသာခံပြီး သောက်သူတွေ အပျင်းပြေ ဖတ်ရအောင် တင်ပေးလိုက်တယ်လို့ပဲ နားလည်ပေးတော်မူကြပါခင်ဗျား။

စကော့(ခ်ျ) ၀စ္စကီရဲ့ ရာဇ၀င်

ချဉ်ချဉ် တူးတူး မူးရင်ပြီးရောဆိုပြီး သောက်တဲ့သူရယ်၊ အရက်ရဲ့ အရသာကို ဇိမ်ခံပြီး သောက်တဲ့သူရယ်ဆိုပြီး အရက်သောက်သူ နှစ်မျိုးနှစ်စားရှိတယ်။ ဒါပေမယ့် အဲဒီ့သောက်သုံးသူ နှစ်မျိုးစလုံးရဲ့ ဦးတည်ချက်ကတော့ အတူတူပဲ။ မူးယစ်ရီဝေတဲ့ အရသာကို ခံစားဖို့ပေါ့။ ပထမအမျိုးအစား ချဉ်ချဉ်တူးတူးသမားကတော့ လောကကြီးကို မေ့ပစ်လောက်အောင်ကို မူးချင်တာမျိုး ဖြစ်ချင်ဖြစ်ပါလိမ့်မယ်။ အဲ… ဒုတိယအမျိုးအစား ဇိမ်သမားကတော့ လောကကြီးကို မေ့ချင်စိတ်မရှိဘူး။ အရက်က ပေးလာတဲ့ ရီဝေဝေ အရသာလေးကို ခံစားချင်တာ။ အဲဒီ့နောက်မှာမှ ဆက်ရက်မင်း စည်းစိမ်၊ နဂါးမင်း စည်းစိမ်များကို ဆင့်ပွားခံစားချင်သေးတယ်။

အဲသလို ဇိမ်ယူချင်တတ်တဲ့ သောက်သုံးသူများရဲ့ အသည်းစွဲကတော့ “ဝစ္စကီ”ပါပဲ။ “ဝစ္စကီ”လို့ ပြောလိုက်တာနဲ့ တစ်ကမ္ဘာလုံးမှာ ရှိရှိသမျှ အမျိုးကောင်းသားများရဲ့ မျက်လုံးထဲမှာ၊ နားထဲမှာ “စကော့(ခ်ျ)”ဆိုတာကို ချက်ချင်း တန်းမြင်၊ တန်းကြားမိတတ်ကြပါတယ်။ ဟုတ်တယ်၊ ဝစ္စကီနဲ့ စကော့(ခ်ျ)၊ စကော့(ခ်ျ)နဲ့ ဝစ္စကီက ဒင်္ဂါးတစ်ပြားရဲ့ ခေါင်းနဲ့ပန်းလိုပဲ၊ အမြဲတန်း တွဲလျက်ကလေး ရှိနေတယ်။

တကယ် အရသာခံ သောက်တတ်တဲ့ အမျိုးကောင်းသားတွေ ယမကာဆိုင်ကို ရောက်သွားတဲ့အခါဖြစ်ဖြစ်၊ သူများအိမ်ကို ရောက်လို့ အိမ်ရှင်က ဘာသုံးဆောင်ချင်ပါသလဲလို့ မေးလာရင်ဖြစ်ဖြစ် ဘယ်တော့မှ ဝစ္စကီသောက်မယ်လို့ တုံးတိတိမပြောဘူး။ “စကော့(ခ်ျ)”လို့ ကိုယ်သောက်ချင်တဲ့ ဝစ္စကီအမျိုးအစားကို တိတိကျကျ နာမည်တပ်ပြီးမှ ပြောတတ်ကြတယ်။ ပြောရတာလည်း စေးစေးပိုင်ပိုင်ရှိသလို ကိုယ့်ရဲ့ သောက်သုံးမှု သမ္ဘာ၊ ကိုယ့်ရဲ့ ယဉ်ကျေးမှု အဆင့်အတန်းကိုပါ အဲသလို ပြောလိုက်နိုင်ခြင်းအားဖြင့် ခန့်ညားသွားစေပါတယ်။ ဒါ့ကြောင့် တကယ့် အမျိုးကောင်းသားများရဲ့ ပါးစပ်ဖျားမှာ “စကော့(ခ်ျ)”ဆိုတဲ့ ဝေါဟာရဟာ စွဲလို့နေပါတယ်။

ဘာဖြစ်လို့ အဲဒီ့လို စွဲနေတာလဲ၊ ဘာဖြစ်လို့ သည်ဝေါဟာရက ခန့်ညားနေတာလဲ၊ ဘာဖြစ်လို့ သည်ဝေါဟာရကို ပြောရတာ စေးစေးပိုင်ပိုင်နဲ့ အရသာရှိနေတာလဲဆိုတာ လူကြီးမင်းများ သိကြပါသလား။

အဓိကကတော့ ယမကာတွေထဲမှာ အဲဒီ့ “စကော့(ခ်ျ)”ဟာ အင်မတန် အစဉ်အလာကြီးမားလှတဲ့ ယမကာဖြစ်နေလို့ပါပဲ။ “စကော့(ခ်ျ)” ဝစ္စကီရယ်လို့ ပေါ်ပေါက်လာခဲ့တာဟာဖြင့် ငါးရာစု ကျော်ခဲ့ပါပြီ။ နှစ်အားဖြင့် ပြောရမယ်ဆိုရင် နှစ်ပေါင်း ငါးရာကို ကောင်းကောင်းကြီး ကျော်ခဲ့ပါပြီ။

သမိုင်းကြောင်းနဲ့ ချီပြီး အတိအကျ ပြောရင် အဲဒီ့ “စကော့(ခ်ျ)”ကို ဆေးဝါးအဖြစ် အသုံးပြုဖို့အတွက် စကော့တလန်နိုင်ငံက ဘုရင်ဂျီ ဘုန်းတော်ကြီးကျောင်းတွေမှာ ၁၅ ရာစုနှစ်ကတည်းက စတင် ချက်လုပ်ခဲ့ကြတာပါ။ အဲဒီ့ကမှ တဖြည်းဖြည်းချင်း ပျံ့နှံ့လာပြီး စကော့တလန်ပြည်နယ်ရဲ့ ကျေးလက်ဒေသတွေမှာ အိမ်တွင်းမှု လုပ်ငန်း အငယ်စားလေးတွေအဖြစ်နဲ့ စတင် စည်ပင်လာခဲ့ပါတော့တယ်။ ၁၇ ရာစုကိုရောက်လာတဲ့အခါမှာတော့ စီးပွားဖြစ် ချက်လုပ်တာတွေ စတင်ပေါ်ပေါက်လာခဲ့ပါပြီ။ ၁၈၂၃ ခုနှစ်မှာ ယမကာအက်ဥပဒေကို အတိအလင်း ပြဋ္ဌာန်းလိုက်တဲ့အခါမှာတော့ “စကော့(ခ်ျ)”ထုတ်လုပ်မှုကို တကယ့်စီးပွားဖြစ် လုပ်ငန်း မဟာကြီးများအဖြစ် တရားဝင် ထူထောင် လုပ်ကိုင်လာကြပါတော့တယ်။

ဝိတိုရိယခေတ်လို့ခေါ်တဲ့ ၁၈၃၇ ခုနှစ်မှသည် ၁၉၀၁ ခုနှစ်ကာလအတွင်းမှာတော့ လူအတော်များများဟာ စကော့တလန်က ထွက်သမျှ အရာအားလုံးကို တမြတ်တနိုး၊ တမက်တမော ရှိလာခဲ့ကြတာမို့ “စကော့(ခ်ျ)”ကိုလည်း တစ်ကမ္ဘာလုံးက မက်မောလာကြ၊ စွဲလန်း လာကြ၊ နှစ်သက်လာကြပါတော့တယ်။ အဲဒီ့ ၁၉ ရာစုအတွင်းမှာပဲ ကနေ့ နာမည်ကြီး “စကော့(ခ်ျ)”အမှတ်တံဆိပ် အမျိုးမျိုး စတင် ပေါ်ပေါက်လာခဲ့တာပါ။

ကမ္ဘာမှာ ဝစ္စကီထုတ်လုပ်နေတာ စကော့တလန် တစ်နိုင်ငံတည်းမဟုတ်ပါဘူး။ တခြားနိုင်ငံတွေ အများအပြားလည်း ဝစ္စကီတွေ ထုတ်ကြတာပါပဲ။ ယုတ်စွအဆုံး အရှေ့တိုင်းနိုင်ငံဖြစ်တဲ့ ဂျပန်နိုင်ငံက ထွက်တဲ့ ဝစ္စကီဆိုတာတောင် ရှိပါသေးတယ်။ သို့ပေမယ့် စကော့တလန်နိုင်ငံက ထွက်တဲ့ဝစ္စကီကိုမှ “စကော့(ခ်ျ)”စစ်စစ်လို့ ခေါ်လို့ရတယ်။ စကော့တလန်က ထွက်တာမဟုတ်ရင် အဲဒါ စကော့(ခ်ျ)အတုပဲ။

တကယ့် “စကော့(ခ်ျ)”စစ်စစ်ရဲ့ အရသာက တခြားဝစ္စကီတွေနဲ့ ဘယ်လိုမှကို မတူဘူး။ “စကော့(ခ်ျ)”ရဲ့ အရသာက သိပ်ကို သိမ်မွေ့တယ်၊ နက်နဲတယ်၊ ကျယ်ပြန့်နက်ရှိုင်းလွန်းလှပါတယ်။

စကော့တလန်နိုင်ငံလို့သာ ပြောနေရတယ်။ တကယ့်တကယ်က သိပ်ကြီးလှတဲ့ နိုင်ငံမဟုတ်ပါဘူး။ အဓိက ကျွန်းကြီးပေါ်က ပြည်နယ် လေးခုရယ် ကျွန်းစု နှစ်စုရယ်သာ ပါရှိတဲ့ နိုင်ငံငယ်လေးပါပဲ။ နိုင်ငံလေး သေးငယ်ပေမယ့် စကော့(ခ်ျ)ချက်လုပ်တဲ့ လုပ်ငန်းပေါင်းက တစ်ရာကျော်ရှိပါတယ်။ အဲဒီ့ တစ်ရာကျော်က ချက်လုပ်သမျှ စကော့(ခ်ျ) အမျိုးပေါင်း တစ်ရာကျော်ရဲ့ အရသာကလည်း တစ်ခုနဲ့တစ်ခု မတူပါဘူး။ တစ်ခုစီဟာ သူ့ဟာနဲ့သူ တစ်မျိုးတစ်ဘာသာ ထူးကဲတဲ့အရသာကို ပေးစွမ်းနိုင်ကြတာချည်းပဲ။

ဝစ္စကီတစ်မျိုးစီမှာ သူ့ဟာနဲ့သူ ထူးခြားတဲ့အရသာလေးတွေ ပေါ်လာစေတဲ့အချက်ကတော့ လေးချက်ရှိပါတယ်။ ပထမတစ်ချက်က ထုတ်လုပ်တဲ့ အရပ်ဒေသပါ။ တစ်နည်းပြောရင်တော့ ရေခံမြေခံပေါ့။ မြင်သာတဲ့ ဥပမာ ပေးရရင်တော့ လက်ဖက်ချင်းအတူတူ ပင်လောင်း လက်ဖက်နဲ့ ကျောက်မဲ လက်ဖက်တို့မှာ သူ့ဟာနဲ့သူ အရသာ တစ်မျိုးစီကွာနေတာကို လက်ဖက်ရည်ကြမ်းသမားတိုင်း ကောင်းကောင်း သတိထားမိတတ်ကြတာနဲ့ ခပ်ဆင်ဆင်ပါပဲ။ ဝစ္စကီမှာလည်း ချက်လုပ်ရာ ဒေသရဲ့ ရေခံမြေခံနဲ့ ရာသီဥတုက သိပ်ကို စကားပြောပါတယ်။

ဒုတိယတစ်ချက်ကတော့ ချက်လုပ်ရာမှာ ထည့်သွင်းသုံးစွဲတဲ့ သဘာဝပစ္စည်း အမျိုးအမယ်တွေပါပဲ။ ရေရယ်၊ နှံစားပင် အမျိုးမျိုးက အနှံလေးတွေ (grain)ရယ်နဲ့ ချက်လုပ်တယ်လို့ အကြမ်း ပြောလို့ရတယ်။  သို့ပေမယ့် အဲဒီ့ နှံစားပင်တွေမှာကျတော့ အမျိုးမျိုး ရှိတယ်။ မုယောစပါး(barley)၊ ရိုင်းဂျုံ (rye)ရယ်၊ ပြောင်းဖူးရယ်၊ ရိုးရိုးဂျုံစေ့ (wheat)ရယ်စသဖြင့်ပေါ့။ အခုနောက်ပိုင်းဆို မြန်မာလို အုတ်ဂျုံ၊ ဒါမှမဟုတ် မြင်းစားဂျုံ လို့ခေါ်တဲ့ oats ကိုတောင်မှ ဝစ္စကီချက်လုပ်ရာမှာ သုံးလာကြပါပြီ။ ရေဆိုပေမယ့် စမ်းရေနဲ့ မိုးရေ၊ တွင်းရေနဲ့ ကန်ရေတောင် အရသာချင်း ကွာသလိုပဲ၊ သည်နှံစားပင်အသီးသီးကလည်း တစ်မျိုးနဲ့ တစ်မျိုး ကွာတာမို့ ချက်လုပ်တဲ့ ဝစ္စကီရဲ့ အရသာ ထူးကဲမှုအထွေထွေဟာလည်း သည်ပစ္စည်း အမယ်အမျိုးမျိုးအပေါ်မှာ လိုက်ပြီး အဖုံဖုံ ကွဲပြားနေတော့တာပါပဲ။

တတိယတစ်ချက်ကတော့ ချက်လုပ်ပုံ ချက်လုပ်နည်းပါပဲ။ ဝစ္စကီတိုင်းကို ပေါင်းခံပြီးမှ ချက်လုပ်ကြတာ မှန်ပေမယ့် ပေါင်းခံပုံချင်းကျတော့ တစ်ဦးနဲ့တစ်ဦး၊ တံဆိပ်တစ်ခုနဲ့တစ်ခု (ဝါ) ထုတ်လုပ်ရေးလုပ်ငန်းတစ်ခုနဲ့တစ်ခု မတူကြပြန်ဘူး။ သည်မှာတင် ဝစ္စကီ ပေါင်းစုံရဲ့ အရသာတွေလည်း ကွဲကုန်ပြန်ပါရော။

နောက်ဆုံးတစ်ချက်ကတော့ ဝစ္စကီထုတ်လုပ်ကြတဲ့ လုပ်သားအင်အားစုရဲ့ လက်မှုပညာအစဉ်အလာပါပဲ။ ဒါလည်း အင်မတန် စကားပြောတယ်။ မြန်မာစကားမှာ ရှိပါတယ်။ ငါးပိဖုတ်တာတောင်မှ ဆရာမပြရင် နည်းမကျဘူးတဲ့။ ဝစ္စကီချက်တာဆိုရင်တော့ မပြောပါနဲ့တော့။ တကယ့်ကို နည်းလမ်းကျတဲ့ အစဉ်အလာကို လက်ကိုင်ထားတဲ့ လုပ်သားများက ချက်လုပ်မှသာလျှင် ဝစ္စကီကောင်း ထွက်မယ်ဆိုတာ အထူးဆိုဖွယ်ရာ မရှိပါဘူး။

အဲဒီ့ထဲမှာမှ ဝစ္စကီ့တကာ့ ဝစ္စကီမှာ သက်တမ်းအရင့်ဆုံးဖြစ်တဲ့ “စကော့(ခ်ျ)”စစ်စစ်ကို ချက်လုပ်ရာမှာတော့ အစဉ်အလာကို ပိုပြီး ထိန်းသိမ်းကြရပါတယ်။

ဒါဆိုရင် တကယ့်အမျိုးကောင်းသားများရဲ့ နှုတ်ဖျားမှာ “စကော့(ခ်ျ)”ဆိုတဲ့ ဝေါဟာရဟာ ဘာ့ကြောင့် ရေပန်းစားနေတယ်၊ စွဲနေတယ်၊ ခန့်ညားနေတယ်၊ ပြောရတာလည်း စေးစေးပိုင်ပိုင် ရှိနေတယ်ဆိုတာ လူကြီးမင်းများ ရိပ်စားမိနိုင်လောက်ပါပြီ။

ဤချင်ဤ ကျွဲချင်ကျွဲ ကိုယ်လည်း လိုက်ဤဆဲ

ဆူဒိုနင်

“ဒီမိုကရေစီ”ဆိုတဲ့ ဝေါဟာရက ၁၉၈၈ ခုနှစ်နောက်ပိုင်းမှာ အတော်ကြီး တွင်ကျယ်လာတဲ့ စကားလုံးပါပဲ။ အခုဆို ပိုလို့တောင် တွင်ကျယ်နေတော့တာများ၊ အဲဒီ့စကားလုံးမှ စကားထဲ ထည့်မသုံးရင် ခေတ်ပဲ မမီတော့သလို ဖြစ်နေတယ်။

အသက်ကလည်း ငါးဆယ်ကျော်၊ စာလေးပေလေးလည်း ငယ်ငယ်ကတည်းက မတောက်တခေါက် ဖတ်ထားမိတဲ့လူတစ်ယောက်အတွက်တော့ ကိုယ့်မျက်စိအောက်မှာ တအိအိ တရိပ်ရိပ်ဖြတ်သွားတဲ့ ခေတ်ရထားကြီးကို ကြည့်ရင်း စကားလုံးတွေရဲ့ သဘာဝကို ဆင်ခြင်နေမိတယ်။ ပါလီမန် ဒီမိုကရေစီလို့ ခေါ်တဲ့ လွတ်လပ်ရေးရပြီးစ ၁၄ နှစ်တာ ကာလကို ကျွန်တော် မမီလိုက်ပါဘူး။ လွတ်လပ်ရပြီး ၁၀ နှစ်နီးပါး ကြာတောင့် ကြာခါ မှ မွေးလာတာကိုးဗျာ။ အဲတော့လည်း ၁၄ နှစ် (အနုတ် ၂) ခံ ပါလီမန် ဒီမိုကရေစီထဲမှာ ကိုယ်က ၂ နှစ်လောက်ပဲ လူဖြစ်ခွင့်ရလိုက်တာ။ ဘာမှန်း ညာမှန်း ကောင်းကောင်းကန်းကန်း မသိသေးတဲ့အရွယ်ပေါ့။

တော်လှန်ရေးကောင်စီတက်တော့ပဲ ကျွန်တော့်အသက်က လေးနှစ်နဲ့ သုံးလ ရှိသေးတာ။ သည်တော့ဗျာ… ဘုရားစူးရပါစေရဲ့… တစ်ဘဝလုံးမှာ တစ်ခါမှ ဒီမိုကရေစီဆိုတာနဲ့ မကြုံဖူးခဲ့ပါဘူး။ ကျွန်တော်တို့သိတာ တော်လှန်ရေးကောင်စီ၊ မြန်မာ့ ဆိုရှယ်လစ် လမ်းစဉ်ရဲ့ ပြည်သူ့ဆန္ဒ ခံယူပွဲ၊ မြန်မာ့ဆိုရှယ်လစ်လမ်းစဉ်ရဲ့ တစ်ပါတီ ရွေးကောက်ပွဲတွေနဲ့ ဆိုရှယ်လစ် ဒီမိုကရေစီ။ အဲ… အသက်ကလေး ၃၀ ကျော်လာတော့ တပ်မတော် အစိုးရ။ အဲလိုနဲ့ နေလာလိုက်တာ အခု ကျွန်တော့်ခမျာ ငါးဆယ်တောင် ကျော်လာပေါ့။

တပ်မတော် အစိုးရကနေ ၂၀ဝ၈ ဖွဲ့စည်းပုံ အခြေခံဥပဒေ၊ ၂၀၁၀ ရွေးကောက်ပွဲများကတစ်ဆင့် အခုတော့ အရပ်သားအစိုးရဖြစ်လာခဲ့ပြီ။ ဒါလည်း တကယ့် တကယ်တော့ တစ်နှစ်သာသာ၊ နှစ်နှစ်အတွင်းပဲ ရှိသေး။

အဲတော့လည်း တကယ်ပါဗျာ၊ မယုံမရှိပါနဲ့။ ဒီမိုကရေစီဆိုတာ လုံးသလား၊ ပြားသလား၊ ကိုယ်တွေ့ မခံစားဖူးသေးတာ အမှန်ပါ။ ဒါ အသက် ၅၀ ကျော်နော်။ ဘဝအတွေ့အကြုံတွေ အများကြီး ရှိခဲ့ဖူးပြီလို့ အသတ်မှတ်ခံရတတ်တဲ့ အရွယ်နော်။ အဲလို ၅၀ ကျော် အဘိုးကြီးက ဒီမိုကရေစီကို လုံးသလား၊ ပြားသလား မသိပေမယ့် ခေတ်ထဲနေတာပဲဗျာ။ သူများစီတော့ ကိုယ်လည်း လိုက်စီလိုက်ရတာ ဘာပင်ပန်းတာ မှတ်လို့။ ကိုယ်လည်း ခပ်တည်တည်နဲ့ စီလိုက်တော့တာများ နှစ် ၂၀ တောင် ကျော်လာပြီ။ အိမ်း… သူ့အရပ်နဲ့ သူ့ဇာတ်ကတော့ ဟုတ်သွားပြီ မဟုတ်လား။

ဘာ သွားသတိရသလဲဆိုတော့ ခေတ်ရထားကြီးပဲ။ ကျွန်တော်တို့ ငယ်ငယ်တုန်းက လူမမာဆို နွားနို့နဲ့ ကြက်ဥက ဓာတ်စာ။ ဘယ်လူမမာ ဖြစ်ဖြစ်၊ နွားနို့ရယ်၊ ကြက်ဥရယ်က လူမမာ သွားမေးရင် မပါမဖြစ်လိုပဲ။ ဆရာဝန်တွေကလည်း အဲဒီ့ခေတ်က နွားနို့၊ ကြက်ဥကို မပါမဖြစ် ပေးခဲ့ကြတယ်။ နေမကောင်း ထိုင်မသာ ဖြစ်တာနဲ့ အဖတ်မစားတော့ဘဲ အစာပျော့ပျော့၊ အရည်တွေပဲ လှိမ့်တိုက်ခဲ့ကြတယ်။ ဒါမှမဟုတ် ဝမ်းသွားရင် လည်း ဝမ်းပိတ်ဆေးတွေ တိုက်ကျွေးခဲ့ကြတယ်။

ဟော… အခုတော့ နွားနို့၊ ကြက်ဥက လူနဲ့ပဲ မတည့်သလိုလိုတွေ ဖြစ်ကုန်ပြန်ရော။ လူ့ခန္ဒာအတွက် မကောင်းတဲ့ အဆီဓာတ်တွေပါတယ် ဆိုလားပဲ။ သြော်… လူတွေ၊ လူတွေ… သူတို့ပဲ အမျိုးမျိုး။ လူသားရဲ့ သမိုင်းနဲ့ ပြောရင်တော့ ခုစာကလေး၊ ခုဆီထမင်း သဘောကြီးပဲ။

နေမကောင်းဖြစ်ရင် အစာဖြတ်စရာ မလိုတော့ဘူး။ အူနဲ့ ပတ်သက်တဲ့ ရောဂါမဟုတ်ရင် နေမကောင်းတဲ့သူလည်း ပုံမှန်အတိုင်း အစာစားလို့ ရသွားတယ်။ ဟိုး လွန်ခဲ့တဲ့ နှစ်ပေါင်း ၃-၄၀ လောက်ကနဲ့ တခြားစီ ဖြစ်ကုန်ပြီ။ ဝမ်းသွားရင်လည်း အတူတူ။ ဟိုတုန်းက ဝမ်းသွားရင်လည်း အစာ ဖြတ်တယ်။ ဝမ်းပိတ်ဆေး တိုက်ချလိုက်တယ်။

အခုတော့ ဝမ်းသွားလည်း စား၊ များများစား၊ အရည်များများ သောက်၊ ဓာတ်ဆားရည် သောက်၊ ဝမ်းပိတ်ဆေးက တော်တော်တန်တန်ဆို မလိုပြန်ဘူးတဲ့။

အဲလိုပဲ ကျွန်တော်တို့ ငယ်ငယ်က ကွန်မြူနစ်ဝါဒမှ မယုံကြည်ရင် နိုင်ငံရေးမှာ လူရာ မဝင်ပြန်ဘူးခင်ဗျ။ အခုကာလ နိုင်ငံရေး စိတ်ဝင်စားသူ မှန်ရင် ဒီမိုကရေစီကို ပါးစပ်က အမြှုပ်ထွက်အောင် ပြောတာမျိုး၊ ဟိုး လွန်ခဲ့တဲ့ နှစ်ပေါင်း ၃၀ ကျော် အထက်ကာရီတုန်းကလည်း ကွန်မြူမှ မနစ်ဘူးဆိုရင် အဲ့လူက “ဖောက်ပြန်ရေးသမား၊” “ပညာတတ်လူတန်းစား ဉာဉ်ရှိတဲ့သူ” “အရင်းရှင်ပေါက်စ”စတဲ့ တံဆိပ်လှလှကြီးတွေတောင် အကပ် ခံခဲ့ရသေးဗျား။

အမယ်… အခုကျတော့လည်း ဟုတ်လို့။ ကွန်မြူနစ် ပြဌာန်း စာအုပ် “အရင်းကျမ်း”ကို အာဂုံဆောင်ခဲ့တဲ့ လူကြီးသူမတွေကလည်း ခပ် တည်တည်ပဲ၊ ဒီမိုကရေစီက တစ်ပြားသားမှ မလျှော့ဘူး။ သူတို့ထက် ဒီမိုကရေစီအကြောင်း ပြောနိုင်တဲ့သူတောင် မရှိတော့သလောက်။ ဒီမိုကရေစီ ပြဌာန်းစာအုပ်ဖြစ်တဲ့ “နိုင်ငံတော်များရဲ့ ကြွယ်ဝမှု” စာအုပ်ကြီးကို သူတို့လောက် ကျေတဲ့သူတောင် တစ်ယောက်မှ မရှိတဲ့ အချိုးလေးတွေနဲ့ လှလှပပ ကပြနေတော့… အင်း… ဒီမိုးက ရေစီး တယ်ကြမ်းပါလားပေါ့။

ရယ်တော့လည်း အရယ်ရသား။ ခေတ်လူတွေက စာဖတ်အား နည်းကုန်ကြတယ်။ စာဖတ်အားနည်းတော့ သမိုင်းကို မသိဘူး။ စာမဖတ်၊ သမိုင်း မသိတော့ အရင်းကျမ်းကို အရည်ကျိုသောက်ထားခဲ့သူတွေက ဒီမိုကရေစီဆိုပြီး တစ်စီတည်း စီပြနေတာလည်း တစ်စက်ကလေးမှ မရိပ်စားမိကြတော့ဘူး။ သူတို့ စီပြနေတာကိုပဲ အဟုတ်ကြီးတွေ မှတ်ပြီး သူတို့နောက် တစ်သီကြီး တန်းစီလိုက်နေကြပြန်ပါရောလား

ပြောပါပကော… သူ့အရပ်နဲ့ သူ့ဇာတ်ကတော့ ဂွပ်ခနဲကို အံတွေ ဝင်လို့။

ဗျာ… ကျွန်တော်လား… ကျွန်တော်လည်း ငယ်ငယ်တုန်းက အရင်းကျမ်းတို့၊ အနုပဋိလောမတို့၊ ပစ္စည်းမဲ့ဒေါသဆိုတဲ့ စကားလုံးတွေတော့ ကြားဖူးနားဝနဲ့ ပါးစပ်က အမြှုပ်ထွက်အောင် ပြောခဲ့ဖူးတာပဗျာ။ တကယ် သိလို့တော့ မဟုတ်ပါဘူး။ အဲဒါတွေလည်း မဖတ်ဖူးပါဘူး။ အဲဒါတွေ ဖတ်ရတာထက် တက္ကသိုလ်တင်မြင့်ရဲ့ လေးလေးမြင့် ဖတ်ရတာကမှ စိတ်ကူးထဲမှာ လေးလေးမြင့်တစ်ယောက် ဖန်ဆင်းရင်း သာယာလို့ ကောင်းသေးတယ်။ ဟိုဟာတွေက ပျင်းစရာ။ ဒါပေမယ့် ခေတ်လူငယ်ပီပီ၊ အဲတုန်းက လူကြားထဲမှာ အူတူအတကြီး မဖြစ်ရအောင် အဲဒီ့ ဝေါဟာရတွေတော့ အလွတ်ကျက်ထားရတာပဗျာ။

အခုလည်း လာပြန်ပြီ ဒီမိုကရေစီ။ အဲတော့လည်း လူကြားထဲ အံမဝင်မှာစိုးလို့ ကျွန်တော်လည်း အူကြောင်ကျားနဲ့ နည်းနည်းပါးပါးတော့ စီတတ်ပါတယ်။ ဒါပေမယ့် တကယ်သိလို့ စီနေတာတော့ မဟုတ်ဘူးခင်ဗျ။ ပြောပါပကော… အဲဒီ့ ဒီမိုကရေစီဆိုတာကြီးနဲ့ တစ်ခါဆို တစ်ခါမှ မကြုံဖူးတော့ကာ အဲဒါကြီး လုံးသလား ပြားသလား ကျွန်တော်မှ မသိတာကို။ အဲတော့ တကယ့်စိတ်ရင်းအမှန် ပြောရင် အဲဒါကြီး ကောင်းသလားလည်း ကျွန်တော် မသိ၊ ဆိုးသလားလည်း မမှန်းတတ်။

ဒါပေမယ့် ခေတ်က ရှိသေးမဟုတ်လား။ အဲတော့လည်း ကျွန်တော်လည်း အများနဲ့ ညီအောင် လိုက်စီမှ လူတောတိုးမှာပနော်။

အားလုံးတွေးဆ ဆင်ခြင်ကြည့်နိုင်ကြပါစေ

ဆူဒိုနင်

(ရန်ကုန် ဝ၁၀၃၁၂)

(၂၀၁၂ ဧပြီလမှာ ထွက်လာတဲ့ The Future မဂ္ဂဇင်း အမှတ် ၈  မှာ ဖော်ပြထားတာလေးကို ထပ်ဆင့် ဖော်ပြလိုက်တာပါ။)

An Index Finger and the Other Three

လက်ညှိုးနဲ့ ကျန်သုံးချောင်း

စိတ်ခံစားမှုရဲ့ သဘာဝ

“ဒေါသရှေ့ထားရင် မှားတတ်တယ်”ဆိုတဲ့စကားကို လူတိုင်း ကြားဖူး၊ ပြောဖူးကြမယ် ထင်ပါတယ်။ သိပ်မှန်တဲ့ စကားပေါ့။ ဒေါသစိတ်နဲ့ ပြောဆို၊ ဆုံးဖြတ်၊ လုပ်ကိုင်တဲ့အခါမှာ အမှားတွေနဲ့ ကြုံတွေ့ကြမှာ မလွဲပါဘူး။ တချို့များဆို တစ်ဘဝစာ ပြင်မရတဲ့ အမှားကိုတောင်မှ ဒေါသကြောင့် ကျူးလွန်မိသွားတတ်ကြတာ အကျဉ်းထောင်တွေ၊ ကြိုးစင်တွေက သက်သေထူနေပြီးသားပါ။

ဒါပေမယ့် အဲဒီ့စကားလေးကို ဆန့်ထုတ် စဉ်းစားလိုက်မယ်ဆိုရင် ဒေါသတစ်ခုတည်းသာ မဟုတ်ဘဲ ကျန်တဲ့ “စိတ်ခံစားမှု”တွေကပါ အမှားတွေ ဖြစ်စေနိုင်ကြောင်း သတိထားမိလာနိုင်ကြမယ် ထင်ပါတယ်။ ချစ်လျှင် အကျိုး၊ မြတ်နိုးတော့ သဒ္ဓါဆိုတာမျိုးဟာ ကြားရတာ ကောင်းသလိုလို ရှိပေမယ့် ချစ်ခြင်း၊ မြတ်နိုးခြင်းဆိုတဲ့ စိတ်ခံစားမှုများကြောင့် ပေါ်ပေါက်လာရတဲ့ အသိမှား၊ အမြင်မှား၊ အတွေးမှားများမှတစ်ဆင့် ဆုံးဖြတ်ချက် အမှားတွေ၊ လုပ်ရပ်အမှားတွေကို ဖြစ်လာစေနိုင်တာကို သတိထားမိကြဖို့ လိုမယ်ထင်ပါတယ်။

စာဖတ်သူ လူကြီးမင်း မျက်မှောင်များ ကုပ်သွားမိပါသလား။

နမူနာလေးတစ်ခု ပြောလိုက်ရင် မြင်သွားမယ်ထင်ပါတယ်။ သားသမီး တွေအပေါ်မှာ “ချစ်ရာ မရောက် နှစ်ရာ ရောက်သွားစေတယ်”ဆိုတဲ့ စကားကိုလည်း ကြားဖူးကြမှာပါနော်။ ဒါဟာ “ချစ်ခြင်း”ဆိုတဲ့ “စိတ်ခံစားမှု”ကြောင့် သားသမီးအပေါ်မှာ အလိုလိုက်ရင်းကနေ သားသမီးရဲ့ အကျင့် စရိုက် ပျက်စီးရာ ပျက်စီးကြောင်းကို အမှတ်တမဲ့၊ မရည်ရွယ်ဘဲ အားပေးမိသလို ဖြစ်သွားတာပါ။ “ချစ်စိတ်”ကို သိပ်ရှေ့တန်းတင်လိုက်မိတဲ့အချိန်မှာ ဆင်ခြင်ဉာဏ်ဆိုတဲ့ ဦးနှောက်ရဲ့ အခန်းကဏ္ဍက အလိုလို ပျောက်ကွယ် သွားတတ်မြဲ သဘာဝပါပဲ။

အလားတူပဲ မုန်းတဲ့ စိတ်ကြောင့်လည်း အမှန်ကို မမြင်နိုင်၊ ကောင်းကွက်ကို မငဲ့နိုင်၊ ယထာဘူတကျကျ၊ ဓမ္မဓိဋ္ဌာန်ကျကျ မစဉ်းစားနိုင်အောင် ဖြစ်သွားရတတ်ပါတယ်။ “ပုဂ္ဂိုလ်ခင်မှ တရားမင်နိုင်မယ်ဟေ့”ဆိုတာမျိုးဟာ “မနှစ်သက်ခြင်း၊ မုန်းခြင်း”ဆိုတဲ့ “စိတ်ခံစားချက်သက်သက်“အပေါ်မှာ အရင်းခံပြီး သုံးသပ်ဆုံးဖြတ်တာတွေ ဖြစ်နေတာ သေချာစဉ်းစားကြည့်ရင် မြင်လာပါလိမ့်မယ်။ သည်အတွက်တော့ အကြမ်းစား ဥပမာတစ်ခု ပေးကြည့်လိုက်ချင်ပါတယ်။

ဆိုကြပါစို့… တစ်စက်ကလေးမှ မေတ္တာမရှိတဲ့သူတစ်ယောက်၊ ကိုယ် ကြည့်လို့မရသူတစ်ယောက်၊ ကိုယ် မုန်းသူတစ်ယောက်က “ရှေ့ကို ဆက်မသွားနဲ့နော်… ရှေ့မှာ ချောက်အနက်ကြီးရှိတယ်”လို့ တကယ့် စေတနာအမှန်နဲ့ လာပြောတာမျိုးမှာ ပုဂ္ဂိုလ်ကို မုန်းတဲ့စိတ်နဲ့ “သူက ငါ့ကို သက်သက်မဲ့ လာအနှောင့်အယှက်ပေးနေတာ၊ ခရီးဖင့်အောင် လုပ်နေတာ”ဆိုပြီး ဆင်ကန်းတောတိုးမိတတ်ကြပါတယ်။ အဲလိုနဲ့ တကယ်တမ်းကျတော့မှ ကိုယ်ကြည့်မရတဲ့ ဟိုလူက ကိုယ့်ကို တကယ် စေတနာနဲ့ လာပြောမှန်း အချိန်နှောင်းမှ သိရတာမျိုးလည်း ရှိတတ်တယ်။

အကြမ်းစား ဥပမာပေမယ့် လူတိုင်းရဲ့ဘဝမှာ ဒါမျိုး ခပ်ဆင်ဆင်လည်း ကြုံဖူးကြမှာမို့ “မုန်းခြင်း”ဆိုတဲ့ စိတ်ခံစားမှုဟာလည်းပဲ “ဒေါသ”နည်းတူ ကျွန်တော်တို့ရဲ့ လုပ်ရပ်တွေ၊ တွေးမြင်ပုံတွေကို လမ်းလွဲသွားအောင် ဖန်တီး ပေးနိုင်စွမ်းရှိတာကို လက်ခံနိုင်ကြလောက်ပြီ ထင်ပါတယ်။

စိတ်ခံစားမှုနဲ့ အကျင့်

အဲလို ပြောလိုက်တဲ့အခါ စာဖတ်သူလူကြီးမင်းအတွက် စဉ်းစားစရာတစ်စ ပေါ်ထွက်လာပါပြီ။

“ဒေါသကတော့ ထားပါတော့။ ဝမ်းနည်းတာ၊ ချစ်တာ၊ မုန်းတာတွေက နှလုံးသားနဲ့ လူသားတွေမို့လို့ ဘယ် ရှောင်လွှဲလို့ ရမှာလဲ။ ခံစားရမှာပေါ့၊ မခံစားလို့ဖြစ်ပါ့မလား”လို့ မေးကောင်း မေးချင်ပါလိမ့်မယ်။

အဖြေကလည်း ရှိပါတယ်။ ခံစားတတ်တဲ့ စိတ်နှလုံးကို တားဆီးလို့ မရတာ မှန်ပါတယ်။ လူမှန်မှတော့ ခံစားမှာပေါ့ဗျာ။ ဒါ သဘာဝပါပဲ။ သို့ပေမယ့် ကျွန်တော် ဆွေးနွေးတင်ပြချင်တာကတော့ ခံစားနေခိုက်မှာ ဘာကို မှ သုံးသပ်၊ ဆုံးဖြတ်တာတွေ၊ ဝေဖန်သတ်မှတ်တာတွေ မလုပ်မိအောင် မိမိကိုယ်မိမိ ထိန်းနိုင်ဖို့ပါပဲ။ အဲသလို ခံစားတာကို မိမိဘာသာ တားဆီးလို့ မရပေမယ့် ခံစားမှုကြောင့် ပွင့်အန်ထွက်လာလေမယ့် အပြောတွေ၊ အမူအရာတွေ၊ လုပ်ရပ်တွေကိုကျတော့ မိမိဘာသာ တားဆီးထားနိုင်ပါတယ်။ အလိုအပ်ဆုံးက အလေ့အကျင့်ပါပဲ။

ဟုတ်လို့လားလို့ မေးရင်တော့ အလုပ်အကိုင် နမူနာတွေနဲ့ ပြလိုက်ရင် ရှင်းပါလိမ့်မယ်။ ဆရာဝန်တစ်ယောက်ဟာ စိတ်ခံစားမှုကို ဦးစားပေးနေလို့ မရပါဘူး။ အလားတူပဲ ရှေ့နေတစ်ယောက်၊ စစ်သည်တစ်ယောက်ဟာလည်း စိတ်ခံစားမှုကို ဦးစားပေးလိုက်လို့ ဘယ်လိုမှ မဖြစ်နိုင်ပါဘူး။ သူတို့ရဲ့ အလုပ်သဘာဝတွေကိုယ်၌က ဦးနှောက်နဲ့ ဆင်ခြင်၊ ပိုင်းဖြတ် လုပ်ကိုင်ကြရတာပါ။ လူအများ သုံးနေကျစကားလုံးနဲ့ဆိုရင်တော့ သွေးအေးအေးနဲ့ လုပ်ရတဲ့ အလုပ်တွေပါ။ သည်အလုပ်တွေမှာ လုံးဝ သွေးပူလို့ မရပါဘူး။

ဆရာဝန်တစ်ဦးဟာ လူနာကို ဒေါသတကြီးနဲ့ဖြစ်စေ၊ အလောသုံးဆယ် ဖြစ်စေ ခွဲစိတ် ကုသလို့ မဖြစ်သလို တရားသူကြီးတစ်ဦး၊ ရှေ့နေတစ်ဦးကလည်းပဲ ဒေါသနဲ့၊ စိတ်လောစွာနဲ့ အမှုအခင်းတစ်ခုကို ဆုံးဖြတ်လို့၊ လျှောက်လဲလို့ မရနိုင်တာကို အများ သဘောတူနိုင်ကြမယ် ထင်ပါတယ်။ ထိုနည်းတူပဲ စစ်သည်တစ်ဦးဟာလည်းပဲ ရန်သူနဲ့ ရင်ဆိုင်တွေ့ရချိန်မှာ ထိတ်လန့်စိတ်နဲ့ဖြစ်စေ၊ ကြောက်စိတ်နဲ့ဖြစ်စေ မည်းမည်းမြင်တိုင်း စွတ်ပစ်ခတ်နေလို့ မရပါဘူး။ ကိုယ့်မှာ ရှိတဲ့ ကျည်အင်အား၊ ရန်သူရဲ့အနေအထားစတာတွေကို “ဦးနှောက်နဲ့ ဆင်ခြင် တွက်ချက်ပြီး” “အကောင်းဆုံးဖြစ်နိုင်မယ့်”ထိုးစစ် ဒါမှမဟုတ် ခံစစ်တစ်ရပ်ကို ဆုံးဖြတ်ရမှာသာ ဖြစ်ပါတယ်။

ချစ်တဲ့၊ မုန်းတဲ့ စိတ်ခံစားမှုတွေနဲ့လည်း သည်အလုပ်တွေကို လုပ်လို့ မရပါဘူး။ ကိုယ်မုန်းတဲ့သူက ကိုယ့်ဆေးခန်းလာပြလို့ သေဆေး မဟုတ်တောင် ရောဂါ ပိုသည်းစေမယ့် ဆေးမျိုးပေးလိုက်တဲ့ ဆရာဝန်ရယ်လို့ ရှိမှာ မဟုတ်သလို ကိုယ်မုန်းတဲ့သူ ကိုယ့်ဆီ အမှုလာအပ်လို့ အဲဒီ့အမှုသည်ကို အမှုရှုံးအောင် လိုက်ပေးမယ့် ရှေ့နေလည်း ရှိမှာမဟုတ်ပါဘူး။ ကိုယ်မုန်းတဲ့ သူမို့ သူ့ရောဂါကို စစ်ဆေးမပေး၊ သူ့အမှုကို လိုက်မပေးတော့ဘဲ တခြား တစ်ယောက်ယောက်ဆီကို သွားဖို့ ညွှန်တာမျိုးလောက်သာ လုပ်ကြမှာပါ။ သူတို့ရဲ့ အလုပ်သဘာဝအရ စောင့်သိသင့်တဲ့ ကျင့်ဝတ်များအရ ခံစား ချက်ကို ရှေ့တန်းမတင်ထိုက်သလို အဲသလို စိတ်ခံစားချက်ကို ရှေ့တန်းတင်ပြီး လုပ်ကိုင်ဆုံးဖြတ်ကြတာမျိုးကလည်း အင်မတန် နည်းပါးကြပါလိမ့် မယ်။ (အရာတိုင်းမှာ ခြွင်းချက်ဆိုတာ ရှိတတ်စမြဲမို့ စကားကို ထိန်းပြီး “နည်းပါးကြပါလိမ့်မယ်”လို့ သုံးလိုက်ခြင်းပါ။)

အလားတူပဲ၊ စစ်သည်တော်ဟာလည်း ရန်သူကို မုန်းတဲ့စိတ်နဲ့ ရက်ရက်စက်စက်၊ ရုပ်ပျက်ဆင်းပျက်၊ ညှဉ်းပမ်းနှိပ်စက်တာမျိုး၊ အညိုးတကြီး လုပ်တာမျိုးတွေ မလုပ်နိုင်ပါဘူး။ စစ်သည်တော်တွေမှာလည်း စစ်သည်တော်ကျင့်ဝတ်တွေက အဲဒါတွေကို ထိန်းကွပ်ပေးထားသလို တပ်တွင်း ခုံရုံးတွေ၊ စစ်ခုံရုံးတွေကလည်း အဲဒါတွေကို ကြပ်မတ်စုံစမ်း စစ်ဆေးဖို့ နိုင်ငံတိုင်းမှာ ရှိနေတတ်ကြပါတယ်။

ဆိုတော့ကာ အဲသလို အလုပ်တွေမှာ လုပ်သက်ရင့်လာတဲ့သူတွေဟာ အလိုလိုနေရင်းကို အကျင့်ပါပြီး သွေးအေးလာတတ်ကြပါတယ်။ တစ်နည်းပြောရင် စိတ်ခံစားချက်ကို ရှေ့တန်းမတင်မိတော့ဘဲ ဆင်ခြင်တုံတရားကို လက်ကိုင်ထားတတ်လာတာ ထင်ရှားပါတယ်။

သည်လိုဆိုရင် စိတ်လိုက်မာန်ပါ လုပ်တတ်တဲ့အကျင့်ကို သတိလေး ထားပြီး အကျင့်လေး ပါအောင် ပြင်သွားရင် ရပါတယ်။ အကျင့်ဆိုးကို အကျင့်ကောင်းနဲ့ “အကျင့်ပါအောင်”လုပ်ယူရင်း ဖလှယ်သွားတာပေါ့။

အဲလို လုပ်လို့ ရလို့လားလို့ စောဒက တက်ချင်တယ်ဆိုရင်တော့ ရပါတယ်လို့ပဲ ရှင်းရှင်းလေး ဖြေပေးပါရစေ။

အများသိတော်မူတဲ့အတိုင်း စိတ်လိုက်မာန်ပါ လုပ်တတ်တဲ့နေရာမှာ ကျွန်တော် ထိပ်ဆုံးကပါ။ ဒေါသလည်း အင်မတန်ကြီးပါတယ်။ စိတ်လည်း အင်မတန် မြန်ပါတယ်။ ဒါပေမယ့် မုဆိုးကို စိုင်သင်ဆိုသလို ဒေါသကြီးလို့ မရတဲ့ အခြေအနေမျိုးတွေမှာ စိတ်ကို ထိန်းပြီး သွေးအေးအေးနဲ့ တုံ့ပြန်ရင်းက ပြန်လှန် သုံးသပ်မိတဲ့အခါများမှာ ဒေါသ မကြီးဘဲ ထိန်းထားနိုင်ခဲ့တဲ့ ကိုယ့်ကိုယ်ကိုယ် အားရကျေနပ်မိတာတွေ ရှိလာတယ်။ ဒါဆိုရင် ဘာပြုလို့ နေရာတကာမှာ ဒေါသကြီးနေရမှာလဲ၊ စိတ်ထိန်းပြီး သွေးအေးအေးနဲ့ လုပ်ကိုင်ဆောင်ရွက်လို့ ရတာပါပဲဆိုတဲ့ အသိက ဝင်လာခဲ့ပါတယ်။ သည်လိုနဲ့ပဲ အမှန်တကယ် ဒေါသထွက်ထိုက်တဲ့ အခြေအနေတွေမှာ ဒေါသကို ရှေ့တန်း မတင်တော့ဘဲ ဆင်ခြင်တတ်လာခဲ့ပါတယ်။

တချို့အခြေအနေတွေမှာဆိုရင် ဒေါသထွက်နေတယ်၊ သို့ပေမယ့် အဲဒီ့ အခြေအနေကို ရင်မဆိုင်ဘဲ ရှောင်ထွက်သွားလို့လည်း ရနေတယ်၊ အဲလို ရှောင်ထွက်သွားလို့လည်း ကိုယ့်အတွက် ဘာမှ နစ်နာစရာ မရှိတဲ့ကြားက အဲဒီ့အခြေအနေကို ထိပ်တိုက် ရင်ဆိုင်ဖြေရှင်းကြည့်နေခဲ့မိပါတယ်။ ကိုယ့်ရဲ့ ချုပ်တီး ထိန်းသိမ်းနိုင်စွမ်းကို စမ်းသပ်ကြည့်တာပါ။ အောင်မြင်ပါတယ်။

အထက်မှာ ပြောခဲ့သလို အကျင့်ပါနေတာကို အကျင့်သစ်တစ်ခုနဲ့ ဖြည်းဖြည်းချင်း ဖလှယ်နေတာပါ။

စိတ်ခံစားမှုနဲ့ အကျင့်

ဘာ့ကြောင့် ဒါကို ဆွေးနွေးတင်ပြမိရတာလဲဆိုရင်တော့ ကျွန်တော်တို့ ပတ် ဝန်းကျင်မှာ စိတ်လိုက်မာန်ပါတွေကို အတွေ့ရ များနေလို့ပါ။

မိဘတွေကလည်း စိတ်လိုက်မာန်ပါ၊ ဘိုးဘေးဘီဘင် အစဉ်အဆက်မှာလည်း စိတ်ခံစားမှုကို ဦးထိပ်ထားခဲ့ကြတာမို့ စိတ်ခံစားချက်ကို ရှေ့တန်း မတင်ဘဲ ဆင်ခြင်တုံတရားကို ဦးထိပ်ထားတဲ့သူက နည်းသထက် နည်းပါးလာတာကို တစ်နေ့ထက် တစ်နေ့ ပိုတွေ့လာနေရလို့ပါပဲ။ သားသမီးအပေါ်မှာလည်း မိဘက စိတ်ခံစားချက်နဲ့ပဲ ဆက်ဆံပြုမူနေမိတတ်ကြတာက များတယ်။ စိတ်ကြည်နေရင် လွှတ် ပစားပေးထား၊ စိတ်မထိန်းနိုင်တဲ့အခါ မှ ထ ရိုက်နေတတ်တဲ့သူတွေ ကျွန်တော်တို့ ပတ်ဝန်းကျင်မှာ အများအပြားပါ။ အိမ်ထောင်ဖက်များကြား၊ သူငယ်ချင်း မိတ်ဆွေများကြားမှာလည်း အတူတူပါပဲ။ စိတ်လိုက်မာန်ပါ ပြောဖြစ် ဆိုဖြစ်ကြရင်းကနေ လမ်းခွဲလိုက်ရသူတွေလည်း မနည်းပါဘူး။ အလုပ်ခွင်ဆက်ဆံရေးတွေမှာလည်း အတူတူ၊ ချစ်တဲ့စိတ်၊ မုန်းတဲ့စိတ်တွေကို ရှေ့တန်းတင်မိကြရာက အလုပ်ခွင်မှာ အဆင်မပြေမှုများနဲ့အတူ လုပ်ငန်းတစ်ခုလုံးပါ အဆင်မပြေဖြစ်ကြရ၊ ဗုံးဗုံး လဲသွားကြရသူတွေလည်း ဒုနဲ့ ဒေးပါပဲ။

အားလုံးကို ခြုံပြောလိုက်ရင် လူတွေနဲ့ ပါဝင်ဖွဲ့စည်းထားတဲ့ မိသားစုဘဝ၊ လူမှုရေးဘဝ၊ စီးပွားရေးဘဝ၊ နိုင်ငံရေးဘဝတွေမှာ ဆင်ခြင်တုံတရားထက် စိတ်ခံစားချက်ကို ရှေ့တန်းတင်မိနေတတ်ကြတဲ့အတွက်သာ ကျွန်တော်တို့တွေရဲ့ လက်ရှိအခြေအနေတွေ ဖြစ်တည်နေတာလို့ မြင်နေမိရပါတယ်။ စိတ်ခံစားမှုထက် ဆင်ခြင်တုံတရားကို ရှေ့တန်းတင်တတ်ကြတဲ့ လူ့ဘောင်တွေသာ ကမ္ဘာမှာ အောင်မြင်ထွန်းပေါက်နေတာ သတိထားကြည့် ရင် မြင်လာနိုင်ကြပါလိမ့်မယ်။

တခြားမကြည့်ပါနဲ့၊ ကမ္ဘာ့ စီးပွားရေးမှာ ဒုတိယနေရာကို ယူထားတဲ့ တရုတ်နိုင်ငံနဲ့ တရုတ်လူမျိုးတွေကိုပဲ ကြည့်မယ်ဆိုရင် သည်အချက်က ထင်ရှားပါတယ်။ တရုတ်တွေလည်း လူသားတွေသာဖြစ်တာမို့ သူတို့မှာ လည်း စိတ်ခံစားမှုတွေ ရှိနေကြတာ မလွဲပါဘူး။ သူတို့လည်း ငိုကြ၊ ရယ်ကြ၊ ချစ်ကြ၊ မုန်းကြတဲ့ “လူသားစင်စစ်”တွေပါ။

သို့ပေမယ့် သူတို့တွေဟာ ဘယ်တော့မှ အဲဒီ့ ခံစားချက်တွေကို ရှေ့ တန်းတင်လေ့ မရှိပါဘူး။ အလုပ်နဲ့ ပတ်သက်လာရင် အဲဒီ့စိတ်ထားတွေက ပိုလို့တောင် ရှင်းပါသေးတယ်။ လုပ်စရာရှိတာကို ခံစားချက် မပါဘဲ ဆင်ခြင်တုံတရားနဲ့ ဆုံးဖြတ်လုပ်ကိုင်သွားတတ်တဲ့ အကျင့်က တရုတ်လူမျိုးများ အားလုံးရဲ့ သွေးထဲသားထဲမှာ စွဲနေတဲ့ အမူအကျင့်ပါ။ ဒါ့ကြောင့် တရုတ် နိုင်ငံမှာသာမကဘဲ ကမ္ဘာအရပ်ရပ်က နိုင်ငံပေါင်းစုံမှာ တရုတ်လူမျိုးတွေဟာ ကောင်းစွာ ရပ်တည်နိုင်၊ စီးပွားရှာနိုင်၊ စီးပွားရေးကို ခြယ်လှယ်နိုင်နေကြတာပါပဲ။

ကျွန်တော်တို့ လူ့ဘောင်ကရော ကနေ့ ဘယ်နေရာမှာလဲ။ ဒါကို စဉ်းစားဖို့ လိုမယ် ထင်ပါတယ်။ သည်အတွက် ကျွန်တော်တို့ ဘယ်သူ့ကို သွား အပြစ်တင်သင့်သလဲ။ ခေတ်ကိုလား၊ စနစ်ကိုလား။ ကျွန်တော်ကတော့ ခေတ်စနစ်ဆိုတာ လူက လုပ်ထားတာလို့သာ မြင်မိပါတယ်။ အဓိက ပြင်ရမှာက လူတွေပါ။ ဘယ်လူတွေ ပြင်ရမှာလဲဆိုရင်တော့ ကျွန်တော် အပါအဝင် တစ်ဦးချင်းစီရဲ့ စိတ်တွေကို ပြင်ဖို့ လိုတယ်လို့သာ ရိုးရိုးသားသား မြင်မိပါတယ်။ ဟိုလူ့ လက်ညှိုးထိုး၊ သည်လူ့ အပြစ်ပုံရတာ လွယ်ပါတယ်။ ကိုယ့်ကိုယ်ကိုယ် ဆန်းစစ်ဖို့ကျတော့ ခက်ချင်နေတတ်တယ်။

ဒါပေမယ့် သေချာ ပြန်စဉ်းစားကြည့်ရင် ရိုးအီနေတဲ့ မြန်မာစကားက ကျွန်တော်တို့အတွက် လမ်းညွှန်ဖြစ်လာပါလိမ့်မယ်။ “သူများကို လက်တစ်ချောင်းထိုးရင် ကိုယ့်ကို လက်သုံးချောင်း ပြန်ထိုးနေတယ်”ဆိုတဲ့ စကားပါ။ ကျွန်တော်ကတော့ သူများကို သိပ်လက်ညှိုးမထိုးမိတာကြာပြီ။

စာဖတ်သူ လူကြီးမင်းကရော… သူများတကာကိုပဲ လက်ညှိုးထိုးရင်း ဘဝကို ဆက်လက် ဖြတ်သန်းသွားမှာလား၊ ဒါမှမဟုတ် ကိုယ့်ဘက်ကို ထိုးနေတဲ့ လက်သုံးချောင်းကို ပိုအလေးထားမှာလား။

ဘာကိုပဲ ဆုံးဖြတ်ဆုံးဖြတ် စာဖတ်သူလူကြီးမင်းရဲ့ သဘောတော်မြတ် အတိုင်းပါပဲခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် ၁၀ဝ၃၁၂)

(၂၀၁၂ ခုနှစ် ဧပြီလ ၁၂ ရက်နေ့ထုတ် Bi Weekly Eleven မှာပါတဲ့ စာမူလေးကို ပြန်လည်တင်ဆက်ထားတာပါ။)

Book review on one of my books

စာအုပ် ဖတ်ညွှန်းပါ ကျွန်တော့် စာတစ်အုပ်အကြောင်း


အတ္တကျော်
မိုးထိအောင် လှေကားထောင်နည်း

ဆရာအတ္တကျော်ဆိုတာ သူ့စာအုပ်တွေသာမက လူကိုယ်တိုင်ကပါ စိတ်ဝင်စားစရာ ကောင်းတဲ့သူတစ်ယောက်ပါပဲ။ ရူပဗေဒနဲ့ ဘွဲ့ရတယ်။ ပြီးတော့မှ ဒီဘွဲ့နဲ့ ဘယ်လိုမှ ဆက်စပ်မှု မရှိတဲ့ ရှေ့နေသင်တန်း တက်ပြန်တယ်။ ပြင်သစ်ဘာသာဘွဲ့လည်း ရသေးတယ်။ အဲဒီနောက် အသုံးချ စိတ်ပညာ ဒီပလိုမာ တက်ပြန်တယ်။ ပြီးတော့ ပြည်တွင်း ပြည်ပမှာ လူမှုရေး၊ ကျန်းမာရေး၊ စီမံခန့်ခွဲရေး သင်တန်းမျိုးစုံ တက်ပြန်ရော။

အလုပ်လည်း မျိုးစုံ လုပ်ဖူးတယ်။ တက်စီသမား၊ ရှေ့နေ၊ နိုင်ငံခြား သံရုံးမှာ ဒေါ်လာစား ၀န်ထမ်း။ ဒါတွေကို စွန့်လွှတ်ခဲ့ပြီးတော့မှ စာရေးဆရာဖြစ်လာတာ။ ရေးတော့လည်း လိုင်းကစုံတယ်။ ၀တ္ထုတွေ ရေးနေရာကနေ စာပေ ဝေဖန်ရေးဘက် ရောက်သွားတယ်။ နောက်တော့ ဘာသာပြန်ဘက် ကူးသွားပြန်ရော။ ခု လောလောဆယ်မှာတော့ တက်ကျမ်းတွေနဲ့ ခြေငြိမ်နေတယ်။ နောက်ပိုင်းမှာ ဘယ်လိုင်းပြောင်းဦးမလဲ မသိ။

ဒါလည်း သဘာဝတော့ ကျလှပါတယ်။ ဆရာအတ္တကျော်ဟာ ပညာမျိုးစုံ သင်ဖူးတယ်။ အလုပ်မျိုးစုံ လုပ်ဖူးတယ်။ ဘ၀မျိုးစုံမှာ ကျင်လည်ဖူးတယ်။ လူမျိုးစုံနဲ့ ပေါင်းသင်းဆက်ဆံဖူးတယ်။ ကောင်းမှုကုသိုလ်လည်း လုပ်ဖူးတယ်။ မကောင်းတာတွေလည်း လုပ်ဖူးတယ်။ ဒါကြောင့် သူဟာ တော်ရုံလူကို အထင် မကြီးတတ်တော့ဘူး။ ထို့အတူ အထင်လည်း မသေးရဲတော့ဘူး။ သူဟာ ဘယ်သူ့ အကူအညီကိုမှ မယူဘဲ ကိုယ့်အားကိုယ်ကိုးပြီး ကျားကုတ် ကျားခဲ ကြိုးစားခဲ့လို့ ဒီအခြေအနေ ရောက်လာရတာပါ။

ဒီအကြောင်းရာတွေကို မျှဝေပေးချင်တဲ့အတွက် စာတွေရေးဖြစ်လာပုံ ရပါတယ်။ တကယ်တော့ နိုင်ငံခြားက စာအုပ်စာတမ်းတွေကို ဘာသာပြန်စရာ၊ ကိုးကားနေစရာတောင် မလိုပါဘူး။ များပြား စုံလင်လှတဲ့ သူ့ရဲ့အတွေ့ အကြုံတွေကို ပြန်ပြီး ဖောက်သည်ချရုံနဲ့တင် လုံလောက်နေပြီ။ သူကိုယ်တိုင်က သက်ရှိတက်ကျမ်း ဖြစ်နေလို့ပါပဲ။

မိုးထိအောင် လှေကားထောင်နည်း စာအုပ်ထဲမှာ တဒင်္ဂချင်းစီ ဦးဆောင်မှု၊ လူရည်လည် အောင်နေထိုင်နည်း၊ လိမ်လည်ခြင်း၊ အလွဲသုံးစား ပြုလုပ်ခြင်း၊ ကျင့်ဝတ် ပျက်ပြားခြင်းများဆိုသည်မှာ၊ မုသားရဲ့ အခြားတစ်ဖက်၊ သိမ်းစွန်ငှက်နဲ့ ကျောပိုးအိတ်၊ အဝေဖန်ခံနည်း နိဿရည်း၊ ရင်ဝကို ထိုးဆောင့်တဲ့ ဓာတ်ချောစာတစ်စောင် ဆိုပြီးအခန်းတွေ ခွဲပြထားပါတယ်။

လူငယ်တွေ စဉ်းစားစရာ၊ ဆင်ခြင်စရာ၊ စမ်းသပ် လေ့ကျင့်စရာ အချက်အလက်တွေ ပါဝင်ပါတယ်။

လူငယ်တွေဟာ တစ်နေ့နေ့မှာ ခေါင်းဆောင်တွေ ဖြစ်လာမှာပါ။ အဲဒီအခါ ခေါင်းဆောင်ကောင်းတို့ရဲ့ အရည်အသွေးတွေကို သိထားဖို့လိုပါတယ်။ ခေါင်းဆောင် မဖြစ်ရင်တောင် နောက်လိုက်တော့ သေချာပေါက်ဖြစ်ရမှာပဲ။ အဲဒီ အခါမှာလည်း ဒီအရည်အသွေးတွေကိုသိမှ ဘယ်သူ့နောက် လိုက်ရကောင်းမလဲဆိုတာ မှန်မှန်ကန်ကန် ဆုံးဖြတ်နိုင်မှာပေ့ါ။

သူများကို ဝေဖန်ဖို့ဆိုတာ လွယ်တယ်။ အဝေဖန် ခံနိုင်ဖို့ကျတော့ ထင်သလောက် မလွယ်ဘူး။ လူဆိုတာ တစ်ချိန်မဟုတ်တစ်ချိန်တော့ ဝေဖန်ခံရမှုနဲ့ ထိပ်တိုက် တွေ့ရမှာပဲ။ အဲဒီအခါ ဘယ်လိုတုံ့ပြန်မလဲ။ ထုံပေပေနဲ့ ခံနေမလား။ အပြင်းအထန် ခုခံမလား၊ ဟားတိုက် ရယ်မောပစ်လိုက်မလား၊ ခွင့်လွှတ်စိတ်နဲ့ နားလည်ပေးမလား၊ ကိုယ်မဟုတ်သလို လျစ်လျူရှုလိုက်မလား။ ဒီစာ အုပ်ထဲမှာ အဝေဖန်ခံနည်းပါ ပါတယ်။

ဆရာအတ္တကျော်ရဲ့ စကားပြေရေးဟန်က ရှင်းလင်း ပြတ်သားပါတယ်။ ဆိုလိုရင်းကို ထင်းခနဲ မြင်အောင် ရေးနိုင်ပါတယ်။ ဆွဲဆောင်မှုရှိအောင် လိုအပ်တဲ့နေရာတွေမှာ ဥပမာလေးတွေ ထည့်ပေးတတ်ပါတယ်။ အထူးသဖြင့် ဇင် ဗုဒ္ဓ၀ါဒထဲက ပုံပြင်လေးတွေဟာ အလွန်ထိမိပါ တယ်။ ဥပမာတစ်ခု တင်ပြပါမယ်။

တစ်ခါက ဂျပန် ဇင်ဘုန်းတော်ကြီး နှစ်ပါး အတူတကွ ခရီးသွားကြရင်း ရေစီးသန်တဲ့ ချောက်ကမ်းပါးကို ရောက်တော့ ဂါဝန်လှလှလေး ၀တ်ထားတဲ့ မိန်းမပျို ချောချောလေး တစ်ယောက်ကို တွေ့ရပါတယ်။ မိန်းကလေးက ချောင်းကို ဖြတ်မကူးရဲပဲ ဖြစ်နေတယ်။

ဒီအခါမှာ ဘုန်းတော်ကြီးတစ်ပါးးက မိန်းကလေးကို စွေ့ခနဲ ပွေ့ချီလိုက်ပြီး ချောင်းကို ဖြတ်ကူးလာခဲ့တယ်။ တစ်ဖက်ကမ်း ရောက်တော့မှ မိန်းကလေးကို မြေပေါ် ပြန်ချပေးပြီး ဆက်လျှောက်လာတယ်။ ဒီအပြုအမူကို ကျန်တဲ့ ဘုန်းတော်ကြီးတစ်ပါးက အတော် မကျေမချမ်း ဖြစ်နေတယ်။ ကျောင်းကို ပြန်ရောက်တဲ့အခါမှာတော့  မအောင့်အည်းနိုင်တော့ဘဲ ဝေဖန် ပြစ်တင်ပါတော့တယ်။

“ဘုန်းကြီးဆိုတာ မာတုဂါမတွေနဲ့ မထိစပ် မပတ်သက်ရပါဘူး။ အထူးသဖြင့် နေ့လယ်က ကလေးမလို လှတပတလေးတွေနဲ့ဆို သာတောင် ဆိုးသေးတယ်။ အရှင်ဘုရားကတော့ အာပတ် သင့်တော့မှာပဲ ဘုရား”

ဒီအခါမှာ အပြောခံရတဲ့ ဘုန်းတော်ကြီးက

“ငါ့ရှင်၊ ငါက ဟိုမိန်းကလေးကို စမ်းချောင်း နံဘေးမှာ နေ့လယ်ကတည်းက ထားရစ်ခဲ့ပြီ၊ ငါ့ရှင်ကတော့ အခုထက်ထိ သူ့ကို ဒီကျောင်းပေါ် ရောက်အောင် ပွေ့ချီလာတုန်းပဲကိုး”

ဒီပုံပြင်လေးဟာ ခုကာလနဲ့ အတော်ပဲ လိုက်ဖက်ပါတယ်။ ဒီခေတ်မှာ လူတွေဟာ တစ်ခုခုကိုတော့ ပွေ့ချီထားမိကြတာပါပဲ။ ကိုယ် ဘာကို ပွေ့ချီထားသလဲ ဆိုတာ သိတဲ့လူနဲ့ မရိပ်မိ တဲ့လူပဲ ကွာမယ် ထင်ပါတယ်။

မင်းကိုဉာဏ်
(“ဖတ်ကြည့်ပါ” Teen မဂ္ဂဇင်း၊ မတ်လ ၂၀၁၂)

(မှတ်ချက် – “မင်းကိုဉာဏ်”ဆိုတာ နာမည်ကျော် စာရေးဆရာ “မင်းလူ”ရဲ့ ကလောင်ခွဲဖြစ်ပါတယ်။)

On Cars

လူ့လောက နယ်ပယ် လူ့အသိုင်းအဝိုင်းမှာ နေရတယ်ဆိုတာလည်း ခက်တော့ အခက်သားလား။ တစ်ယောက်စရိုက် တစ်ယောက် သိပ်ခံတွင်း မတွေ့ပေမယ့် ခင်ခင်မင်မင် ရင်းရင်းနှီးနှီး ပေါင်းသင်းဆက်ဆံနေရတဲ့သူတွေလည်း အများသား။

အင်းလေ၊ ကလေးမှ မဟုတ်ကြတော့လည်း စိတ်ထဲ ရှိတဲ့အတိုင်း နေလို့မှ မဖြစ်တော့တာ။ လူဆိုတာ အထီးတည်း နေလို့ရတဲ့ အမျိုးမှ မဟုတ်တော့လည်း၊ အသိုင်းလေး အဝိုင်းလေးနဲ့ နေရတဲ့ အမျိုးဆိုတော့လည်း သည်လိုပဲ အောင့်အည်း သည်းခံ မျိုသိပ် ကြိတ်မှိတ်နေရတာတွေ လူတိုင်းမှာ ရှိကြမှာပါပဲ။

ကွယ်လွန်သွားတဲ့ အစ်ကိုကြီးတစ်ယောက်ကတော့ မကွယ်လွန်ခင် နှစ်ပိုင်းအတွင်းမှာ စိတ်ကျရောဂါ ဝေဒနာကို အပြင်းအထန် ခံစားသွားခဲ့ရဖူးတယ်။ အဲဒီ့အချိန်မှာ သူ့ကို သွားတွေ့တော့ သူက ဝမ်းသာအားရ၊ ဖက်လှဲတကင်း ရှိနေတယ်။ ပြီးတော့ သူ့ဆီကို မကြာမကြာလာပေးပါ၊ စကားပြောလို့ ကောင်းလွန်းလို့လည်း ဆိုပါတယ်။ သည်လိုနဲ့ အဲဒီ့အချိန်မှာ သူ့ဆီကို ဝတ္တရားတစ်ခုလို သဘောထားပြီးကို သွားပေးဖြစ်ခဲ့တယ်။ သွားရင်းနဲ့ သတိထားမိလာတာက သူ သိပ်အထီးကျန်နေတယ်ဆိုတာပါပဲ။ သူက သဘောမနော ကောင်းသူမို့ အင်မတန် အသိအကျွမ်းပေါတယ်။ မိတ်သင်္ဂဟ ပေါတယ်။ ဒါပေမယ့် သူ့မှာ အထီးကျန်နေတယ်။

အဓိကက သူနဲ့ စိတ်တူကိုယ်တူ စကားပြောလို့ ရတဲ့သူ မရှိသလောက်ဖြစ်နေတာ။ သူက စာအလွန်ဖတ်တဲ့သူ၊ ဖြန့်ထွက်တွေးတောတဲ့ အပိုင်း၊ ဆင်ခြင်တုံတရားပိုင်းမှာ သူက အင်မတန် မြင့်မားတယ်။ အဲတော့ တော်တော်တန်တန်လူနဲ့ သူ စကားပြောလို့ မရတော့ဘူး။ အထူးသဖြင့် တစ်ခုခုကို တရားသေ ကိုင်စွဲ ယုံကြည် လက်ခံထားတဲ့သူတွေနဲ့ စကားပြောရတာ အပေါက်အလမ်း မတည့်တော့ဘူး။

ကျွန်တော်ကကျတော့ သူ့လောက်လည်း ဖတ်အား မကောင်းပါဘူး။ ဆင်ခြင်တုံတရားလည်း သူ့လို မမြင့်မားပါဘူး။ ဒါပေသည့် ကျွန်တော့်မှာက ဘာကိုမဆို တရားသေ လက်ခံတဲ့ သဘောထား မရှိဘူး။ သင်ယူ လေ့လာ ဆည်းပူးချင်စိတ်က ပြင်းတယ်။ ဘက်ပေါင်းစုံက ရှုမြင်သုံးသပ်ရတာကိုလည်း သဘောကျတယ်။ သည်တော့ ကျွန်တော် ငမျောက်ငချောက်နဲ့ စကားပြောရတာကို သူ ခံတွင်းလိုက်နေပါတော့တယ်။

ကျွန်တော့်ကို အဝေးမြင်ပဲ မြင်ထားပြီး အတွင်းကျကျ မသိတဲ့သူတွေက သူနဲ့ ကျွန်တော် တွဲနေခဲ့တာကို အံ့အားသင့်နေခဲ့ကြဖူးတယ်။ ကျွန်တော်လို ခွတီးခွကျကောင်ကို သူ ဘာ့ကြောင့် ခင်တာလဲပေါ့။ တကယ်တော့ စကားပြောလို့ အပေါက်အလမ်းတည့်ခြင်းက ပဓာနပါ။ သူနဲ့ ကျွန်တော်နဲ့ တိုင်းရေး ပြည်ရေးတွေလည်း ပြောလို့ရတယ်၊ ဘာသာရေးတွေလည်း ပြောလို့ရတယ်၊ အနုသုခုမ ဂီတ သဘင်အကြောင်း ပြောလို့ ရတယ်၊ ဒဿန အယူအဆတွေလည်း ပြောလို့ရတယ်။ ကျွန်တော်က မပြောတတ်သည့်တိုင် သူပြောတာကို စိတ်ဝင်တစားတော့ နားထောင်တတ်သေးသလို တစ်ခါတလေ ထော်လော်ကန့်လန့်တွေလည်း လျှောက်ပြောတတ်သေးတာကိုး။

သူ မကွယ်လွန်ခင် တစ်နှစ်ကျော် နှစ်နှစ်အလိုမှာ သူက သူ့ရဲ့ ငယ်ပေါင်းတစ်ယောက်နဲ့ ကျွန်တော့်ကို မိတ်ဆက်ပေးတယ်။ အဲဒီ့ အစ်ကို ကြီးကလည်း ကျွန်တော့်လိုပဲ လူကြိုက်နည်းတဲ့ ဘုခွကန့်လန့်သမားပဲ။ အဲတော့ ချိတ်ချိတ်ချင်း ချိတ်မိကြတာပေါ့။

သူကွယ်လွန်သွားချိန်မှာတော့ ကျွန်တော်နဲ့ သူ မိတ်ဆက်ပေးခဲ့တဲ့ အစ်ကိုကြီးတို့ဟာ တအားကို ရင်းနှီးနေကြပြီ။ စကားပြောဖော်တွေ ဖြစ်နေကြပြီ။ ကျန်ရစ်သူ သူ့ဇနီးကတောင် ပြောတယ်။ “အစ်ကိုက သူ သွားရတော့မှာ သိလို့ ရှင့်ကို ဟိုလူနဲ့ မိတ်ဆက်ပေးပြီး သူ့ကိုယ်စား စကားပြော ဖော်ရအောင် ဖန်တီးပေးခဲ့တဲ့အတိုင်းပဲနော်”တဲ့။

ဟုတ်ပါရဲ့။ ပြောလည်း ပြောစရာပါ။

ထားပါတော့ဗျာ။ သွားလေသူကို သတိရပြီး တောင်စဉ်ရေမရတွေ လျှောက်ရေးနေတာပါ။ ပြောချင်တာက လူ့ဘဝမှာ အဲသလို မိတ်ဆွေမျိုး ရဖို့က အတော်များ ရှားပါးသလားလို့ပါပဲ။ အထူးသဖြင့် ဖွင့်ထားတဲ့ စိတ်နဲ့၊ ဩကာသ လောကကြီးတစ်ခုလုံးကို ဖြန့်မြင်ချင်တဲ့ စိတ်နဲ့ လူက ဘုရား ချေးလောက်များ ရှားသလားလို့တောင် တွေးမိရလောက်အောင် နည်းပါးနေသလိုကြီးပဲ။

အဲတော့လည်း ကိုယ်ပေါင်းစိတ်ခွာ မိတ်ဆွေတစ်ရာကြားမှာပဲ တော်သလို ကြည့်နေရတာပေါ့။ စိတ်တိုင်းဆိုတာကတော့ ကိုယ့်ကိုယ်ကိုယ်တောင်မှ အခါခပ်သိမ်း ကျချင်မှ ကျတတ်တဲ့ အမျိုးဆိုတော့လည်း တခြား တစ်ပါးသူဆိုတာတော့ ဘယ် ကိုယ့်စိတ်နဲ့ တစ်ထပ်တည်း ဖြစ်ပါ့မလဲလေ လို့ ဖြေသိမ့်လိုက်ရတာတွေလည်း ရှိတာပေါ့။

§§§§§§§§§§

အဲ… တစ်နေ့က အဲ့လို မိတ်ဆွေတစ်ယောက်နဲ့ ကြုံလိုက်ရတာလေးကို ပြောချင်တာပါ။

အဲဒီ့မိတ်ဆွေက ကျောင်းသင်ပညာအခြေခံတော့ နည်းရှာတယ်။  ဒါပေမယ့် စီးပွားရေးတော့ တအား အောင်မြင်နေတဲ့သူပေါ့။ အောင်မြင်တာမှ လက်ဖဝါး၊ ခြေဖဝါး၊ စားရမဲ့၊ သောက်ရမဲ့ ဘဝကနေ ကနေ့အခါမှာ သိန်းပေါင်း ထောင်ချီအောင် ချမ်းသာနေပါပြီ။ ကျွန်တော်နဲ့ စတင်သိစဉ်အချိန်က သူဟာ သူများဆီက အခစား အလုပ်သမား။ နှစ်ပေါင်း ၂၀ ကျော်အကြာ ကနေ့အခါမှာတော့ တိုက်နဲ့ ကားနဲ့ ကြွားကြွားရွားရွား။

ဝမ်းသာကြည်နူးချင်စရာ၊ မုဒိတာ ပွားချင်စရာ ကောင်းလှပါတယ်။ သူ့ရဲ့ ကြိုးစားအားထုတ်မှု၊ လူရည်လည်မှု၊ လူ့အကြောသိမှုတွေကလည်း အသိအမှတ် မပြုဘဲ မနေနိုင်လောက်အောင်ကို ထူးချွန်လှပါတယ်။ ငွေရေး ကြေးရေးနဲ့ မပတ်သက်ဘဲ လူချင်း ပေါင်းမယ်ဆိုရင် စိတ်ရင်း သဘောရင်းကလည်း အင်မတန်မှ ကောင်းပါတယ်။ အဲ… ငွေရေး၊ ကြေးရေး၊ အထူးသဖြင့် သိန်းဆယ်ဂဏန်း၊ ရာဂဏန်းလောက်နဲ့ ပတ်သက်လာပြီဆိုရင်တော့ သူ့စိတ်က တစ်မျိုးပြောင်းသွားတာလည်း ကျွန်တော့် မျက်စိနဲ့ တပ်အပ် အကြိမ်ကြိမ် မြင်ဖူးတယ်။ ကြောက်စရာကောင်းလောက်အောင်ကို သူ့လောဘဇောက သူ့ကို အရောင်ပြောင်းသွားစေပါတယ်။

ကျွန်တော်လည်း အကောင်းကြိုက်တတ်သူ လူပီပီ ငွေမက်ပေမယ့်  ငွေက ကျွန်တော့်အတွက် အဓိက မဟုတ်ဘူး။ စိတ်ချမ်းသာမှုကိုသာ ရှေ့တန်းတင်တဲ့သူ။ ကျွန်တော် တတ်ထားတဲ့ မဖြစ်ညစ်ကျယ် ပညာလေးနဲ့ ပိုက်ဆံ ရှာစားနေတဲ့သူ။ အဲတော့ သူနဲ့ ကျွန်တော်နဲ့က ငွေရေးကြေးရေး၊ စီးပွားရေး သဘောအရ ပတ်သက်စရာ မရှိဘူး။ အဲလို မပတ်သက်တဲ့ အတွက် သူနဲ့ ကျွန်တော်နဲ့ ခင်မင်ရင်းနှီးမှုက နှစ်ပေါင်း ၂၀ ကျော် ကြာသည့်တိုင် ပျက်ယွင်းမသွားခဲ့ပဲ ခိုင်မာလာခဲ့ပါတယ်။

ဒါပေသည့် သည် နှစ် ၂၀ အတွင်းမှာ သူ့ဘက်ကလည်း ကျွန်တော့်ကို အားမရတာတွေ၊ ဘဝင်မကျတာတွေ ရှိမှာဖြစ်သလို ကျွန်တော့်ဘက်ကလည်း သူ့ကို သဘောမတွေ့လှတာတွေ ရှိပါတယ်။ မည်သို့ပင်ဆိုစေကာမူ သည်အရွယ်ရောက်လာမှတော့လည်း လူနဲ့ လူချင်း ပေါင်းသင်းရာမှာ ဖြည့်ပေါင်းရတာ၊ ဖြေပေါင်းကြရတာတွေနဲ့ အထိုက်အလျောက်တော့ အသားကျနေပြီမို့ ကျွန်တော်တို့ ကြားမှာ ဘာပြဿနာမှမရှိခဲ့ပါဘူး။

အဲ… မကြာသေးခင်က သူနဲ့ ကျွန်တော်နဲ့ ဆုံရာမှာတော့ သူ့ကို ကျွန်တော် ကျေးဇူးတင်စရာ ကောင်းသွားတယ်။ သူကတော့ သိလိုက်မှာ မဟုတ်ဘူး။ ဒါပေမယ့် ကျွန်တော့်အတွက်တော့ တော်တော့်ကို ကျေးဇူး တင်စရာ ကောင်းသွားတဲ့အဖြစ်ပါ။

သူရော ကျွန်တော်ပါ အကောင်းကြိုက်သူ ပုထုဇဉ်တွေဖြစ်လင့်ကစား သူက ကျွန်တော့်ထက် အဆများစွာ ကြွယ်ဝသူမို့ ကျွန်တော့်ထက် အများကြီး ပိုသုံးနိုင်ပါတယ်။ သုံးနိုင်တော့ ထယ်ဝါတာပေါ့ဗျာ။

အခုတစ်ခေါက်မှာ သူက နောက်ဆုံးပေါ် အပျံစား ကားကြီးနဲ့ ရောက်လာတယ်။ ကျွန်တော်နဲ့အတူ ဆိုင်တစ်ဆိုင် သွားကြတယ်။ ဆိုင်ကို ရောက်တော့ သူ့ဖုန်းနဲ့ ရိုက်ထားတဲ့ ဓာတ်ပုံတွေ ထုတ်ပြပြန်ပါတယ်။ အဲဒါကလည်း နောက်ဆုံးပေါ် အပျံစား ကားပုံတွေပါ။ သူ ဝယ်ထားတဲ့ နောက်ထပ် ကားနှစ်စီးရဲ့ ပုံတွေ ဖြစ်နေပါတယ်။

သူနဲ့ ကျွန်တော်နဲ့ မတွေ့ဖြစ်တဲ့ သုံး-လေးလ အတွင်းမှာ သူဝယ်ထားတဲ့ ကားတွေတဲ့။ မိုက်ပါတယ်။ ခေတ်စကားနဲ့ ပြောရင် လန်ထွက်နေတဲ့ ယာဉ်အမျိုးအစားတွေပေါ့။ ကားဟောင်းတွေနေရာမှာ ကားသစ်တွေ အစားထိုးနိုင်အောင် နိုင်ငံတော်က စီစဉ်ပေးလိုက်တဲ့အခါ ကားဈေးတွေ သိသိသာသာ ထိုးကျသွားတယ်။ အရင်က သိန်းပေါင်း ၄-၅-၈၀ဝ၊ တစ်ထောင် ပေးရတဲ့ ကားတွေက အခု သိန်းပေါင်း ၃၀ဝ ဝန်းကျင် ဖြစ်ကုန်ပြီမို့ ငွေလွယ်သူတွေဟာ သူ့ထက်ငါ ကားသစ်ကြီးတွေ စီးနေကြတဲ့ ကာလကြီးပေကိုး။

အဟဲ… ကျွန်တော်ကတော့ စက်မှုဇုန်ထုတ် ဒဂုံဂျစ်ကလေးနဲ့ ခင်ဗျ။ ကျွန်တော့်လက်ထဲ ရောက်နေတာ ကိုးနှစ်တောင် ရှိနေပြီ။ လက်ထဲ ငွေမှ အဲလောက် မလွယ်တာ။ ကားဈေးတွေကလည်း တရိပ်ရိပ် ထိုးတက်သွားတော့ မလိုက်နိုင်တော့ဘူး။ ကျွန်တော့် ငွေနဲ့ ကျွန်တော် ပထမဆုံး စီးတဲ့ ကားက သုံးသိန်းခွဲပေးရတယ်။ အဝေးပြေးလမ်းမှာ အဲဒီ့ ကားတစ်စီးလုံး ကုန်ကားအောက် တိုးဝင်အောင် တိုက်ချလိုက်တာမို့ အပုံလိုက် ပြန်ရောင်းတော့ ငါးသောင်းပဲ ရလိုက်တယ်။

နောက်ဝယ်တဲ့ ကားက ၁၉၈၈ ခုနှစ်ပုံစံ ခရိုလာ ဗှယ်(န်)ကား။ သုံးသိန်း တစ်သောင်းပေးရတယ်။ အဲဒါကို ပြန်ရောင်းတာ သုံးသိန်း သုံးသောင်း ရတယ်။ ၁၉၈၃ ပုံစံ ခရိုနာ တစ်စီး ပြန်ဝယ်တော့ နှစ်သိန်း သုံးသောင်း။ အဲဒီ့ကားကို အကြာကြီး စီးပြီး ပြန်ရောင်းတော့ ၃၁ သိန်း ရတယ်။ လေးသိန်းစိုက်ပြီး နစ်ဆန် ငှက်ပြာတစ်စီးဝယ်တယ်။ ပြင်ရ ခက်လို့ စိတ်ညစ်လာတာနဲ့ ပြန်ရောင်းတော့ သိန်း ၁၂၀ ရတယ်။ အခု ဒဂုံဂျစ်ကို သိန်းတစ်ရာနဲ့ ဝယ်လိုက်တယ်။ အခုနေ ပြန်ရောင်းလို့ သိန်း ၄၀ ပြန်ရ ကံကောင်း။

အဲတော့လည်း ကျွန်တော့် ဒဂုံဂျစ်လေးပဲ ယုယုယယ စီးနေရတော့ တာပေါ့။ သူ့ကျတော့ ဘယ်သူကမှ ကားဟောင်းလို့ သတ်မှတ်ပြီး နိုင်ငံခြားက ကားတင်သွင်းခွင့် ပါမစ် ထုတ်ပေးမယ့် ပုံမပေါ်သေးဘူး။ အဲတော့လည်း ပိန်လိမ်ပြီး ဒါလေးပဲ ခြေထောက် လုပ်ပေါ့။

အခု ကိုယ့်ဆရာက သူ့ကားသစ်ကြီးနဲ့ လာခေါ်တဲ့အပြင် သူ့အိမ်က ကားသစ်နှစ်စီးရဲ့ ဓာတ်ပုံတွေ ပြလာတော့ ထူးထူးခြားခြား သွားရည် မယိုမိဘူးခင်ဗျ။ အရင်ကဆိုရင်တော့ သွားရည်ယိုမိကောင်း ယိုမိမှာပါ။  ကျွန်တော်လည်း ကားဝါသနာတော့ အတော်ကြီးတာပဲဟာ။

မယိုမိဆို သူ့လိုမျိုး သုံးစီး မဝယ်နိုင်ပေမယ့် တစ်စီးလောက်တော့ ဝယ်မယ်ဆို ဝယ်နိုင်တဲ့ ဘဏ္ဍာရေး အခြေအနေက ကျွန်တော့်မှာ  ရှိနေပါတယ်။ တချို့မိတ်ဆွေတွေကဆို ပြည်တွင်းဖြစ် ဂျစ်စုတ်လေး စီးနေတဲ့ ကျွန်တော့်ကို အားမရလို့ ကားသစ် ဝယ်ပါလားလို့ တိုက်တွန်းတတ်ကြသေးတယ်။ သူတို့ တိုက်တွန်းတော့ ယောင်တောင် ပေါင်တောင် စိတ်ကူးမိခဲ့သေးတာကိုး။

သို့ပေမယ့် မဝယ်ထိုက်ဘူးလို့ ကျွန်တော့် အသိဉာဏ်က သတိပေးတယ်။ ကျိကျိတက်နေတာမှ မဟုတ်တာ။ ကားကောင်းစီးပြီး မော်ရမယ့် အရွယ်လည်း မဟုတ်တော့ဘူး။ တစ်ခုပို တစ်ခု စိတ်ဆင်းရဲရမယ့် ဒုက္ခကိုလည်း သိပြီးသား။ အခု ဒဂုံဂျစ်ကတော့ ခရီးလည်း တွင်တယ်။ လမ်းဘေး ရပ်ထားလည်း ဘယ်သူကမှ မျက်စောင်းထိုးကြည့်မှာမျိုး မဟုတ်တော့ ဥစ္စာလည်း သိပ်ခြောက်နေစရာ မလိုဘူး။ တိုက်မိ ခိုက်မိလည်း ကိုယ်က ဒဂုံဂျစ်ဆိုတော့ ပူစရာ မလိုလှသလို မွမ်းမံ ပြင်ဆင်ရတာလည်း လွယ်ကူတယ်။ ပြီးရောပေါ့လို့ တွေးပြီး ရူးကြောင် မူးကြောင်ပေါ်လာတဲ့ ကားသစ်ဝယ်ဖို့ စိတ်ကူးကို အပြီးတိုင် ပယ်ဖျက်ထားလိုက်ပါတယ်။

သူ့ဟာသူ သိန်းသုံးရာပဲ ဖြစ်ဖြစ်၊ ၁၆၀ ပဲဖြစ်ဖြစ် သည်ဈေးက မြင့်သေးတယ်လို့ တွေးမိတာလည်းပါတယ်။ ကျွန်တော် တစ်စီးကို သုံးသိန်း ခွဲပေးခဲ့ချိန် ၁၉၉၀ ပြည့်လွန်နှစ်တွေတုန်းက၊ မြန်မာပြည်မှာ တစ်ပတ်ရစ်ကားတွေ သွင်းပြီး ပြန်ရောင်းတဲ့ ဖက်စပ်လုပ်ငန်းတွေ ရှိတုန်းက ဒေါ်လာ ငါးထောင်လောက်ပေးရင် (အခု သိန်းသုံးရာလောက် တန်တဲ့) အပျံစား တစ်ပတ်ရစ် ကားတစ်စီး ကောင်းကောင်း စီးလို့ရတယ်။ အဲတုန်းက ဒေါ်လာဈေးက ကျပ် လေး-ငါးရာလောက်တောင် အနိုင်နိုင်ပဲ ရှိတဲ့အချိန်။

အခုပေါက်ဈေးနဲ့က ဒေါ်လာ ၅၀ဝ၀ ဆို သေရောကျေရောမှ သိန်း ၄၀ ကျော်လေးရယ်။ အဲလောက်နဲ့ တစ်ပတ်ရစ်ကား ကောင်းကောင်း စီးလို့ မရသေးဘူး။ သည်တော့ သည်ဈေးက ကျွန်တော့်အတွက် သဘာဝကျတဲ့ ဈေးမဟုတ်ဘူး။ မတန်တဆ ဈေးကြီးဖြစ်နေဆဲပဲ။ မတန်တဆတော့ မလုပ်ဘူးကွာဆိုပြီး ပေနေလိုက်မိပါတော့တယ်။

သည်တော့လည်း မိတ်ဆွေက သူ့ကားသစ်ပေါ် တက်စီးခိုင်းရုံမက သူ့အိမ်က ကားတွေရဲ့ ဓာတ်ပုံတွေ ထုတ်ပြလာပေမယ့် ကျွန်တော့် စိတ်ထဲ ဘယ်လိုဆို ဘယ်လိုမှ မနေဘူး။ သူ့ကိုသာ ပြုံးကြည့်နေမိတယ်။

ပြုံးကြည့်နေရင်းနဲ့ သူ တော်တော် အိုသွားတာကိုလည်း သတိထားလိုက်မိတယ်။ ဆံပင်တွေက တစ်ခေါင်းလုံး ပြောင်နေပြီ။ ဆေးဆိုးထားလို့သာ မဲနက်နေဆဲ ဖြစ်နေတာ။ အသားအရေကလည်း လျော့ရဲနေပြီ။ သူတင်လားဆိုတော့ မဟုတ်ဘူး။ ကျွန်တော်လည်း အိုစနာနေပါပြီ။ ကိုယ့်ကိုယ်ကိုယ် အသိဆုံးပေါ့။

နေရမယ့် သက်တမ်းက ဘာမှ သိပ်မကျန်တော့ဘူး။ အလွန်ဆုံးမှ ၁၄-၅ နှစ်ပေါ့။ အဲဒီ့ထက်လည်း လျော့နိုင်တာပဲ။ ကိုယ်နဲ့ ရွယ်တူတွေလည်း တဖြုတ်ဖြုတ် သေမဆုံးဖြစ်နေကြတာ နေ့စဉ်မြင်တွေ့နေရတာပဲဟာ။

ပြုံးနေရင်းနဲ့ ကျွန်တော် ဆတ်ခနဲဖြစ်သွားတယ်။

ဆိုင်က ပြန်ထွက်လာတဲ့အချိန်မှာ အင်မတန်မှ ဇိမ်ကျလှတဲ့ သူ့ရဲ့ ကားသစ်ကြီးပေါ် တက်ထိုင်လိုက်မိတယ်။ သူ့ကားပေါ်က ဆင်းလိုက်တဲ့အခါ အဲဒီ့ဇိမ်ကလည်း ကွယ်ပျောက်သွားမှာပါ။ ခဏ ရတဲ့ ဇိမ်ကလေးပါပဲ။

သူ မောင်းထွက်သွားတာကို ကြည့်နေမိတယ်။ သွားပေဦး မိတ်ဆွေကြီးလို့ စိတ်ထဲက ရေရွတ်မိတယ်။ ဆတ်ခနဲ ဖြစ်သွားပြန်တယ်။

သူ့နောက်ဆုံး ခရီးကို သွားတဲ့အခါကျရင်ရော သူ သည်ကားသစ်ကြီးနဲ့ သွားမှာတဲ့လား။ ဘယ် ဟုတ်ပါ့မလဲနော်။ အလွန်ဆုံးမှ နာရေး ကူညီမှုအသင်းရဲ့ အလောင်းတကာ သယ်ထားတဲ့ ကားသစ်ကြီးနဲ့ သွားရမှာလည်း မလွဲပါဘူး။ အဲဒီ့အခါကျတော့လည်း ကိုယ် ဘယ်ကား စီးတယ်ဆိုတာ သိနိုင်တော့မှာလည်း မဟုတ်၊ ကိုယ့်အိမ်က ကားတွေရဲ့ဓာတ်ပုံတွေ ထုတ်ပြနိုင်တော့မှာလည်း မဟုတ်တာလည်း အင်မတန်မှ သေချာပါတယ်။

အားလုံးသော အရာတွေဟာ ရှင်တုန်းခဏလေးမှာသာ အရေးပါနေတာ။ သည်ခန္ဓာ၊ သည်ရုပ်၊ သည်နာမ်ကအစ သည်ပညာ၊ သည်ဩဇာ၊ သည်ရာထူး၊ သည်ဂုဏ်သိရ်၊ သည်စည်းစိမ်၊ သည်ကြွယ်ဝမှုအဆုံး အားလုံးဟာ သည်တစ်ဘဝစာ ခဏတာသာ အငှား ရထားတာ၊ ခဏတစ်ဖြုတ်ပဲ အရေးပါနေတာ၊ အဲဒါကိုပဲ သူနဲ့ ကျွန်တော်အပါအဝင် လူမှန်သမျှဟာ မာန်တက်လို့ ကောင်းနေတာကို တွေးမိသွားတဲ့အခါ ကျွန်တော့် စိတ်က ငြိမ်ကျသွားပါတယ်။

သည်အတွက် သူ့ကို ကျွန်တော် ကျေးဇူးတင်စရာ ကောင်းသွားပါတယ်။ သူကတော့ သိလိုက်မှာ မဟုတ်ဘူး။ ဒါပေမယ့် ကျွန်တော့်အတွက်တော့ တော်တော့်ကို ကျေးဇူးတင်စရာ ကောင်းသွားတဲ့အဖြစ်ပါ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ဝ၂၀၄၁၂)

(၂၀၁၂ ခုနှစ် မေလထုတ် သရဖူမဂ္ဂဇင်း)
သရုပ်ဖော်ပုံတွေက မဂ္ဂဇင်းပါ ဆရာ ဇော်မောင်ရဲ့ လက်ရာတွေဖြစ်ပါတယ်။