ဘ၀နဲ့ နိုင်ငံရေး

အရေးအခင်းက ဖြစ်လို့ကောင်းဆဲ၊ လူ့ဘ၀မှာလည်း နိုင်ငံရေးထက် အဆများစွာ ပိုအရေးကြီးတာတွေ ရှိနေဆဲ

ကိုယ့်မိသားစုဝင်တွေ၊ မိတ်ဆွေသူငယ်ချင်းတွေမှာ ကိုယ်နဲ့ မတူတဲ့ နိုင်ငံရေး အမြင်တွေ ရှိနေကြလင့်ကစား လူ့ဘ၀မှာ နိုင်ငံရေးထက် အဆများစွာ ပိုအရေးကြီးတာတွေ ရှိနေသေးတာမို့ အစွန်းရောက်အမြင်တွေကြောင့် ချစ်ခင်ရင်းနှီးမှုတွေ မထိခိုက်စေသင့်ဘူး။

နိုင်ငံရေး ပဋိပက္ခတွေက နိုင်ငံ့ရှေ့တန်းမှာ ဆက်လက်တည်ရှိနေခိုက် အဲသလို အခက်အခဲတွေကို အောင်မြင်စွာ ကျော်လွှားနိုင်ခဲ့သူ နှစ်ဦးဆီက ထွက်လာတဲ့ အကြံပြုချက် ဖြစ်ပါတယ်။

နိုင်ငံရေးအရ ကွဲပြားမှုတွေဟာ ဆွေမျိုး မိတ်သင်္ဂဟတွေနဲ့ အဆက်ဖြတ်ပစ်စရာ အကြောင်းရင်းခံ တစ်ရပ် မဖြစ်သင့်ဘူးလို့ အစိုးရမဟုတ်တဲ့အဖွဲ့အစည်းတစ်ခုရဲ့ ဖွံ့ဖြိုးရေး လုပ်သားဟောင်းတစ်ဦးဖြစ်သူ အသက် ၅၈ နှစ်အရွယ် ဂါဝင် ချူတီမာက ဆိုပါတယ်။

???????????????????????????????

မဆွေးနွေးသင့်တဲ့ အကြောင်းအရာတွေ 

“သံယောဇဉ်တွေက အလွန်အရေးကြီးပါတယ်။ ကိုယ့်မှာ တစ်ခုခု ဖြစ်လာတဲ့အခါ လာပြီး ပြုစုစောင့်ရှောက်ပေးလေမယ့် နိုင်ငံရေး ပါတီဆိုတာ ရှိလာမှာတဲ့လား။ ကိုယ့်မိဘတွေကသာ ကိုယ့်ကို စောင့်ရှောက်မှာ။ မိသားစုက အရေးကြီးပါတယ်”လို့ လွန်ခဲ့တဲ့ နှစ်တွေအတွင်း အချင်းချင်း ရင်ဆိုင်တိုက်ခိုက်ကြရာကနေ အသက်တွေ ဆုံးခဲ့ရ၊ ဒဏ်ရာတွေ ရခဲ့ရတဲ့ ၀မ်းနည်းစရာ အဖြစ်တွေကို ရည်ညွှန်းရင်း သူက ပြောပါတယ်။   

အကောင်းဆုံးနည်းကတော့ ဘာပြောမယ်ဆိုတာကို စိစစ်ဖို့ရယ်၊ နိုင်ငံရေးကို ဆွေးနွေးကြတဲ့အခါ ဘယ်လောက်အထိ ပြောသင့်တယ်ဆိုတာကို ချင့်ချိန်ဖို့ရယ်ပါပဲလို့ ဂါဝင်က ပြောပါတယ်။

ဓာတုဗေဒ ကထိကလည်းဖြစ်၊ တော်ဝင်သိပ္ပံရဲ့ အဖွဲ့ဝင်လည်း ဖြစ်ပြီး အသက် ၈၇ နှစ်အရွယ် ရှိနေလေပြီဖြစ်တဲ့ သူ့မိခင်ကြီးနဲ့ ပတ်သက်လို့ ပြောရာမှာ “တချို့ကိစ္စတွေဆို ကျွန်တော် လက်ရှောင်တယ်”လို့ သူက ဆိုပါတယ်။

သူ့အမေကို သူ တစ်ခုပဲ ပြောပါသတဲ့။ အဲဒါကတော့ အစိုးရဆန့်ကျင်ရေး ကောင်းကင်ပြာ ရုပ်သံလိုင်းလို သတင်းဌာန တချို့ဆီက တစ်ဖက်သတ် သတင်းတွေကိုချည်း မယုံသင့်ကြောင်းဆိုတာပါပဲ။

ဒါ့အပြင် အိမ်စောင့်အစိုးရ ၀န်ကြီးချုပ် ယင်းလပ်(ခ်) ရှင်န၀ါထြာဟာ အကျင့်ပျက်နေတဲ့ မိန်းမဆိုတာမျိုးလို အခြေအမြစ်မရှိတဲ့ စွပ်စွဲချက်မျိုးကို ခိုင်လုံတဲ့ အထောက်အထားမရှိဘဲ လျှောက်မပွားသင့်ဘူးလို့လည်း သူ့အမေကို သူက သတိပေးခဲ့ပါတယ်။

“ကျွန်တော်သာ အမေ့နေရာမှာဆိုရင် အဲလို စကားမျိုးကို ပြောဖြစ်မှာ မဟုတ်ဘူးဗျာလို့ အမေ့ကို ကျွန်တော် ပြောခဲ့ပါတယ်”တဲ့။

လူထုရဲ့ ဒီမိုကရေစီနည်းကျ ပြုပြင်ပြောင်းလဲရေး ကော်မတီ [ပီဒီအာ(ရ်)စီ]က သူတို့ကို ထောက်ခံသူတွေအနေနဲ့ အစိုးရ ငွေစုဘဏ်က ငွေစာရင်းတွေ ပိတ်သိမ်းဖို့ တိုက်တွန်းလိုက်တဲ့နောက် သူ့အမေလည်း အဲဒီ့ဘဏ်က သူ့စာရင်းကို ပိတ်ချင်နေတဲ့အခါ အဲသလိုလုပ်လိုက်ရင် ထိုင်းစီးပွားရေး တစ်ခုလုံးကို ဘယ်လောက်အထိ ရိုက်ခတ်သွားမယ်ဆိုတာကို ဂါဝင်က သူ့အမေကို ရှင်းပြပြီး တားခဲ့ပါတယ်။ အဲသလို စာရင်းပိတ်မယ့်အစား အငြင်းပွားဖွယ်ဖြစ်နေတဲ့ ဆန်စပါး အာမခံ အစီအစဉ်ကို ပံ့ပိုးပေးဖို့ ပိုက်ဆံချေးမယ့် ဘဏ်ရဲ့ အစီအစဉ်တွေကို ရှုံ့ချတဲ့ စာတစ်စောင်ကို ဘဏ်ဆီပေးပို့ဖြစ်သွားအောင် သူ့အမေကို စည်းရုံးနိုင်ခဲ့ပါတယ်။

မိတ်ဆွေသူငယ်ချင်းတွေနဲ့ ပတ်သက်လာရင်တော့ အချင်းများရတော့မယ့် အနေအထား ပေါ်ပေါက်လာမယ့် ကိစ္စမျိုးတွေကိုဆို မဆွေးနွေးကြေးလို့ အချင်းချင်း သဘောတူထားကြတယ်လို့ ဂါဝင်က ဆိုပါတယ်။ ခိုင်လုံတဲ့ သက်သေအထောက်အထား မရှိတဲ့ ကိစ္စတွေမှာ အချေအတင် ငြင်းခုန်တာဟာဖြင့် ဘယ်လိုနည်းနဲ့မှကို အဓိပ္ပာယ် မရှိပါဘူးတဲ့။

ဘယ်လိုပဲဖြစ်ဖြစ် သူ့ဆွေမျိုးတစ်ယောက်ကတော့ သည်လို သဘောတူထားကြတာမျိုးကို လက်မခံနိုင်တာမို့ သူနဲ့ အမြင်မတူသူ သူ့ဇနီးနဲ့ နိုင်ငံရေး လုံးလုံးမဆွေးနွေးဖို့ ဆုံးဖြတ်ထားပါတယ်။

အိမ်မှာဆိုရင်တော့ ဂါဝင်ဟာ တရားခံပြေး ၀န်ကြီးချုပ်ဟောင်း တာ့(ခ်)ဆင်(န်) ရှင်န၀ထြာရဲ့ ပရိသတ်တွေဖြစ်ကြသူ သူ့ယာဉ်မောင်း၊ သူ့အိမ်ဖော်တို့နဲ့ သော်လည်းကောင်း၊ နိုင်ငံလုံးဆိုင်ရာ လူ့အခွင့်အရေး ကော်မရှင် တာဝန်ရှိသူ တစ်ဦးလည်းဖြစ်၊ ပီဒီအာ(ရ်)စီကို ထောက်ခံသူလည်း ဖြစ်တဲ့ သူ့ဇနီးနဲ့သော်လည်းကောင်း ဘာတွေဖြစ်ပျက်နေတယ် ဆိုတာကို ဂါဝင်က ဘယ်တော့မှ မဆွေးနွေးဘဲ နေပါတယ်။

တစ်ချိန်ချိန်မှာ ဘယ်ဘက်ကပဲ နိုင်သွားသွား ထိုင်းတွေဟာ ကိုယ်နဲ့ တွေးပုံ မတူသူ သန်းပေါင်းများစွာနဲ့ အတူယှဉ်တွဲ နေထိုင်သွားရမှာပဲလို့ ဂါဝင်က ထောက်ပြပါတယ်။

“အဲတော့ ကျွန်တော်တို့ ဘယ်လို အတူယှဉ်တွဲ နေထိုင်ကြမှာတုံး”လို့ ဂါဝင်က မေးပါတယ်။ အတိုက်ခံဘက်ကို ကျန်တဲ့ တစ်ဘက်က စသတ်ပြီဆိုတာနဲ့ ထိုင်းနိုင်ငံဟာ ပြည်တွင်းစစ် နွံ့ထဲမှာ နစ်သွားလိမ့်မယ်လို့ သူက ပြောပါတယ်။

အသက် ၄၀ အရွယ် နိုင်ငံရေး သိပ္ပံပညာရှင် ဆီရုတ် ခလာ(မ်)ပိုင်ဘွန်ကတော့ သူ့ထက် ၁၆ နှစ်ကြီးသူ ဒီမိုကရက်တစ် ပါတီ အဆင့်မြင့်အဖွဲ့ဝင် သူ့အစ်ကိုကြီး အော်(န်)ငါ့(ထ်) ခလာ(မ်)ပိုင်ဘွန်နဲ့ နိုင်င့ရေး ဆွေးနွေးတဲ့အခါမှာ နှစ်ဖက်စလုံးက လက်ခံနိုင်တဲ့  စစ်တပ်အာဏာ မသိမ်းရေး၊ ဆန္ဒပြသူတွေကို အင်အားသုံး မဖြိုခွင်းရေး ဆိုတာမျိုးတွေကိုသာ အရင်ဆုံး စပြောတယ်လို့ ဆိုပါတယ်။

“ကျွန်တော့်မိသားစုက အစွန်းရောက်တွေ မဟုတ်ကြတာ၊ (ဆန့်ကျင်ဘက်အမြင်တွေကို) နားမထောင်ဘဲ နေကြမယ့်သူတွေ မဟုတ်တာ ကျွန်တော် ကံကောင်းတယ်”လို့ သူကပြောတယ်။ ဘ၀ထဲက နေရာတကာမှာ နိုင်ငံရေးနဲ့ ကိုင်တုပ်တာဟာ “အဓိပ္ပာယ်မရှိဘူး”လို့ သူက ဆက်ပြောလိုက်ပါသေးတယ်။

“နိုင်ငံရေးဆိုတာ ဘ၀ရဲ့ ထောင့်တစ်ထောင့်သာ ဖြစ်ပါတယ်။ နိုင်ငံရေးနဲ့ ပတ်သက်လို့ ကျွန်တော်တို့ ကွဲလွဲနိုင်ကြပါတယ်။ ဒါပေမယ့် စီးပွားရေးကို ဘယ်လို ဆောင်ရွက်သင့်တယ်ဆိုတာကိုပဲဖြစ်ဖြစ်၊ အားကစားနဲ့ ပတ်သက်လို့ပဲဖြစ်ဖြစ် ကျွန်တော်တို့ သဘောတူနိုင်တာတွေလည်း ရှိမှာပါ။ လူတွေမှာက သဘာဝအမျိုးမျိုး ရှိကြတယ်။ အဲဒါကို နားလည် လက်ခံနိုင်မှ တန်ကာကျလိမ့်မယ်”ဟူလို။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ဘာသာပြန်သူ)

၂၃၀၂၁၄

သတင်းတစ်ပုဒ်ကို ဖတ်လိုက်မိပြီး ဘယ်လိုမှ မအောင့်နိုင်တော့လို့ ဘာသာပြန်လိုက်တာပါ။
မူရင်း http://www.nationmultimedia.com/politics/As-crisis-continues-people-discover-that-theres-mo-30227516.html

အိမ်တော်ပါရဲ့ အစ

သည်ရွေးကောက်ပွဲက ကောင်းကောင်းကြီး အလုပ်အကျွေးပြုလိုက်လေတဲ့ အိမ်တော်ပါ (ဘာသာပြန်)

ယူဂျီး(န်) အယ်လင်(န်)ဆိုတဲ့ သတင်းစာခေါင်းကြီးတွေနဲ့ အင်မတန် စိမ်းသူ တစ်ယောက် အိမ်ဖြူတော်မှာ အလုပ်လုပ်ခဲ့တာဖြင့် ဆယ်စုနှစ် သုံးစုကျော်ပါ။ အဲဒီ့ ဆယ်စုနှစ်သုံးစုထဲက ကာလတချို့မှာ ပြင်းထန်တဲ့ လူမျိုးရေး ခွဲခြားမှု ဥပဒေတွေဟာ ဟောဒီ့အမေရိကန် မြေပေါ်မှာ ကြီးစိုးနေခဲ့ဖူးပါတယ်။

052313-national-white-house-washington-dc-eugene-allen-butler-ronald-reagan

 

ယူဂျီး(န်)ကတော့ ညတိုင်ကျရင် သူ့အိမ်ဆီ ခြေလျင်ပြန်ခဲ့ပါတယ်။ သူ့ဇနီး ဟယ်လီး(န်)ကတော့ သူ့ကို မီးဖိုထဲ အဝင်မခံပါဘူး။ အိမ်ဖြူမှာတော့ သူဟာ ဘဲဥပုံရုံးခန်းထဲက စားပွဲကြီးနဲ့ထက် 

သမ္မတ ထရူးမဲ(န်)က သူ့ကို ဂျီး(န်)လို့ ခေါ်တယ်။ညစ်ပတ်ပေရေတဲ့ ပန်းကန်တွေနဲ့သာ ပိုပြီး နီးနီးစပ်စပ် အလုပ်လုပ်ခဲ့ရပါတယ်။ ဟယ်လီး(န်)အတွက် အဲဒါ အရေးမကြီး ပါဘူး။ သူ့မျက်နှာက ဂုဏ်ယူဝမ်းသာမှုနဲ့ ဝင်းလက်လို့ နေခဲ့ပါတယ်။

သမ္မတ ဖှို့(ဒ်)ကကျတော့ သူ့ကို ဂေါက်သီးအကြောင်းတွေ ပြောပြတတ်တယ်။

သမ္မတပေါင်း ရှစ်ယောက် ရောက်လာကြ၊ ထွက်သွားကြတာကို သူမြင်ခဲ့ရတယ်။ သူက တစ်ပတ်မှာ ခြောက်ရက် အလုပ်လုပ်တဲ့သူပါ။ “အလုပ် တစ်ရက်မှ မပျက်ခဲ့ဖူးဘူး”လို့ သူက ပြောပါတယ်။

သူဟာ သမိုင်းရဲ့ နောက်ကျောစာမျက်နှာတွေထဲက ဇာတ်လမ်းတစ်ပုဒ်ပါပဲ။ အသေးဆုံး ပုံနှိပ်စာလုံးနဲ့ ရုပ်ပုံလွှာ၊ မီးဖိုချောင်ထဲက လူရယ်ပါ။

အစိုးရကျောင်းတွေမှာ လူမည်းနဲ့ လူဖြူ ကျောင်းသားတွေ သတ်သတ်စီ ခွဲပြီး တက်ဖို့ သတ်မှတ်ခြင်းဟာ ဖွဲ့စည်းပုံ အခြေခံ ဥပဒေနဲ့ မညီဘူးဆိုတဲ့ ၁၉၅၄ ခုနှစ် စီရင်ထုံး၊ ၁၉၅၇ ခုနှစ်က ကျောက်ကလေး ဗဟိုအထက်တန်း ကျောင်းမှာ အမှတ်ကောင်းတဲ့ လူမည်း ကိုးယောက် ကျောင်းတက်ဖို့ စာရင်း သွင်းရာမှာ အဲဒီ့ကျောင်းတည်ရာ အာခင်ဆောပြည်နယ် အုပ်ချုပ်ရေးမှူးက လူမျိုးရေး ခွဲခြားပြီး တက်ခွင့် မပေးခဲ့လို့ ဖြစ်ပွားခဲ့ရတဲ့ အရေးအခင်း၊ အဲဒီ့ အချိန်က သမ္မတ အိုင်ဆင်(န်)ဟောင်ဝါ ကြားဝင်လိုက်တော့မှ အဲဒီ့ ကျောင်းသားတွေ ကျောင်းတက်ခွင့်ရခဲ့တဲ့ အရေးအခင်း၊ ၁၉၆၃ ခုနှစ် ဩဂုတ်လ ၂၇ ရက်နဲ့ ၂၈ ရက်များက မြို့တော် ဝါရှင်တန်ဒီစီက လူပေါင်း နှစ်သိန်းနဲ့ သုံးသိန်းကြား တက်ရောက်ကြတဲ့ အရပ်ဘက်အခွင့်အရေး တိုက်ပွဲ ဆန္ဒပြ ချီတက်ပွဲ၊ မီးလောင်နေတဲ့ မြို့တွေ၊ အရပ်ဘက်အခွင့်အရေး ဥပဒေတွေ၊ လုပ်ကြံသတ်ဖြတ်မှုတွေနဲ့ပြည့်နှက်နေတဲ့ အမေရိကန်နိုင်ငံရဲ့ လူမျိုးရေး သမိုင်းကို ပြင်ရေးနေချိန် တစ်လျှောက်လုံး သူ အိမ်ဖြူတော်မှာ ရှိနေခဲ့ပါတယ်။

၁၉၅၂ ခုနှစ် အိမ်ဖြူတော်မှာ သူ အလုပ်စလုပ်နေချိန်တုန်းကဆိုရင် သူ့ ဇာတိ ဗှာဂျစ်နစ်ယားပြည်နယ်ကို ပြန်သွားတဲ့အခါများမှာ အများသုံး အိမ်သာကိုတောင် သူ့မှာ သုံးခွင့်မရတတ်နိုင်ခဲ့ပါဘူး။ “အဲတုန်းက ကျုပ်တို့မှာ ဘာဆိုဘာမှ မရခဲ့ဘူး။ အခြေအနေတွေ ကောင်းလာပါစေလို့ မျှော်လင့်နေရုံပဲ တတ်နိုင်ခဲ့ ပါတယ်”လို့ အခုအခါမှာ အသက် ၈၉ နှစ်အရွယ်ကို ရောက်နေပြီဖြစ်တဲ့ ယူဂျီး(န်)က အတိတ်ကို မှန်းဆရင်း ပြောပြပါတယ်။

အိမ်ဖြူတော်… ဟုတ်ကဲ့… နာမည်ကိုက အိမ်ဖြူတော် ဖြစ်နေတာကို သတိချပ်တော်မူ။

အဲဒီ့ အိမ်ဖြူတော်ရဲ့ သမိုင်းရှည်ကြီးမှာလည်း အမေရိကန် လူမည်းတွေနဲ့ ရှုပ်ထွေးနက်နဲသလောက် ဦးနှောက်ခြောက်စရာ ကောင်းလှတဲ့ ဆက်ဆံရေးတွေ ရှိနေခဲ့ပါတယ်။

“အောက်ခြေအဆင့်မှာတော့ သမိုင်းက အဲသလောက်ကြီး မညီမမျှ မဟုတ်ပါဘူး။ မီးဖိုချောင်ထဲက လူတွေအားလုံးကလည်း လူမည်း၊ တံခါးမှူးတွေအားလုံးတောင်မှ လူမည်းတွေပါပဲလေ”လို့ သမ္မတ ခယ်နယ်ဒီရဲ့ အတိုင်ပင်ခံအဖြစ် အမှုထမ်းခဲ့ဖူးသူ ထက်(ဒ်) ဆိုရင်(န်)ဆင်(န်)က ပြောပါတယ်။

အိမ်ဖြူတော်ထဲက လူမည်းတွေကိစ္စကို ကိုင်တွယ်ဖို့ သူကြိုးစားခဲ့ဖူးပါတယ်။ ဒါပေသည့် နောက်ဆုံးမှတော့ ခယ်နယ်ဒီ့လက်ထက် အိမ်ဖြူတော် အမှုထမ်းတွေထဲက အရာရှိနေရာမှာ တစ်နှစ်ကျော် တာဝန်ထမ်းဆောင်ဖူးသွားတဲ့ လူမည်းဆိုလို့ တစ်ယောက်ဆို တစ်ယောက်တည်းသာ ရှိခဲ့ဖူးပါတယ်။ “လူမည်းတွေ ရှိသင့်သလောက် များများစားစား မရှိကြဘူး။ ပြဿနာက သူတို့ ရှိသင့် မရှိသင့်၊ ဒါမှမဟုတ် ရှိနိုင် မရှိနိုင်ဆိုတာကို မဟုတ်ဘူး”လို့ ဆိုရင်(န်)ဆင်(န်)က ဆိုပါတယ်။

လူမျိုးရေးခွဲခြားမှုတိုက်ဖျက်ရေး ဝါဒီ ဖရက်ဒရစ်(ခ်) ဒါ့ဂလာ့(စ်)ဟာ ၁၉၆၆ ခုနှစ်မှာ လူမည်းတွေ မဲပေးခွင့်ရရှိရေးအတွက် တင်ပြလျှောက်လဲနိုင်မယ့် အခွင့်အရေးကို မြင်မိတာမို့ သမ္မတ အယ်(န်)ဒြူး ဂျော်(န်)ဆင်(န်)ကို ဆွယ်တရား ဟောဖို့ အိမ်ဖြူတော်ကို သွားခဲ့ပါသေးတယ်။ ဒါပေမယ့် သမ္မတက လူမည်းများ မဲပေးခွင့်အခွင့်အရေး လှုပ်ရှားမှုမှာ ပါဝင်ပတ်သက်ဖို့ ငြင်းဆိုခဲ့ပါတယ်။ ၁၈၇၇ ခုနှစ်မှာ ဒါ့ဂလာ့(စ်)က အိမ်ဖြူတော်ကို နောက်တစ်ခေါက် ထပ်သွားခဲ့သေး ပေမယ့် ဘယ်သူကမှ သူနဲ့ နိုင်ငံရေးအကြောင်း မပြောခဲ့ကြပါဘူး။ သူရောက် သွားတယ်ဆိုတာကလည်း အဲဒီ့အချိန်က သမ္မတ ရူသှာဖှို့(ဒ်) ဟေး(ဇ်)က ညနေခင်း ဖျော်ဖြေပွဲတစ်ပွဲမှာ အခမ်းအနားမှူး လုပ်ပေးဖို့ သူ့ကို တာဝန်ပေးခဲ့လို့သာ ဖြစ်ပါတယ်။

၁၉၀၁ ခုနှစ်မှာ နောက်ထပ် အမေရိကန် လူမည်းတစ်ယောက် အိမ်ဖြူတော် တံခါးဝ ရောက်လာပြန်တယ်။ သမ္မတ သီအိုဒို ရုစဗှဲ့(လ်)(ထ်)က ထပ်စခီးဂီး သိပ္ပံ ကျောင်းအုပ် ဘွတ်ခါ ထီ ဝါရှင်တန်ကို ဖိတ်ကြားခဲ့တာပါ။ လူအများ တုံ့ပြန်လာမှာ၊ အထူးသဖြင့် တောင်ပိုင်းသားတွေ တုံ့ပြန်လာမှာကို စိုးရိမ်တာမို့ သမ္မတက အဲသလို ဖိတ်ကြားတာကို မကြေညာခဲ့ပါဘူး။ သို့ပေမယ့် သတင်းက ပေါက်ကြားတာ သိပ်မြန်သွားပြီး အုတ်အော်သောင်းသဲဖြစ်တာက မြန်လည်းမြန်၊ အသံလည်း ကျယ်လှပါတယ်။ မဲ(မ်)ဖှစ်(စ်) ဆစ်မစ်ထာ သတင်း စာရဲ့ ခေါင်းကြီးပိုင်းမှာဆိုရင် အဲဒီ့အချိန်မှာ အင်မတန် ရုပ်ဆိုးလှတဲ့ အသုံးအနှုန်းတွေနဲ့ အခုလို ရေးခဲ့ပါတယ်။

“သူ့အမေဟာ တောင်ပိုင်းသူတစ်ယောက်ဖြစ်တာမို့ သူလည်း တောင်ပိုင်းသားတစ်ဝက်ပါလို့ သမ္မတ ရုစဗှဲ့(လ်)(ထ်)ကြွားဝါခဲ့တာ ဘာမှတောင် မကြာလှသေးပါဘူး။ ကပ္ပလီတစ်ကောင်ကို သူ့စားပွဲကို ဖိတ်ကြားလိုက်ခြင်းအားဖြင့် သည်သမ္မတဟာ သူ့အမေကို အကောက်တော်လေး ပေးလိုက်ပါတယ်”တဲ့။

အဲဒီ့နောက် နှစ်ပေါင်း ငါးဆယ်အကြာမှာလည်းပဲ အိမ်ဖြူတော်ဆီ ဖိတ်ကြားမှုတွေဟာ လူမျိုးရေးခွဲခြားမှုအတိနဲ့သာ ပြီးနေခဲ့ပါတယ်။ အမေရိကန် တော်လှန်ရေး သမီးပျိုများအဖွဲ့က စန္ဒယားဆရာမ ဟေဇယ်(လ်) စခါ့(ထ်)ကို သူ့ရဲ့ အသားအရောင်ကြောင့် ဖွဲ့စည်းပုံအခြေခံဥပဒေ ခန်းမမှာ ဖျော်ဖြေခွင့် မပေးဘဲ နေလိုက်တဲ့အခါ အဲဒီ့ အဖွဲ့ကို ရှုတ်ချဝေဖန်တဲ့ စာတွေဟာ အိမ်ဖြူတော်ထဲကို အလုံးအရင်းနဲ့ ရောက်လာပါတယ်။

ပထမဆုံးအမျိုးကောင်းသမီးလို့ သိုးဆောင်းဘာသာနဲ့ ခေါ်ဝေါ်တဲ့ ဘက်(စ်) ထရူးမယ်(န်)က အဲဒီ့အဖွဲ့ရဲ့ အဖွဲ့ဝင်ဖြစ်ပေမယ့်လည်း အဖွဲ့ရဲ့မူဝါဒကို ပြောင်းလဲသွားအောင် နည်းနည်းကမှ အားမထုတ်ခဲ့ပါဘူး။ သည်မှာတင် စန္ဒယားဆရာမရဲ့ ခင်ပွန်းဖြစ်သူ ဥပဒေပြု လွှတ်တော် အမတ် အဒယ်(မ်) ခလေထန်(န်) ပါဝယ်(လ်)က သမ္မတကတော်ကို “အမေရိကန် မြေရဲ့ နောက်ဆုံး အမျိုးကောင်းသမီး”လို့ ထေ့လိုက်ပါတယ်။

သည်ထေ့လုံးကြောင့် သမ္မတ ထရူးမင်း(န်)တစ်ယောက် ရာဇမာန်ရှပြီး သူနဲ့ တစ်ပါတီတည်းက ဖြစ်လေတဲ့ သည်လွှတ်တော်အမတ်ကိုဖြင့် အရေးယူ နိုင်မယ့် နည်းကို ရှာဖြစ်အောင် ရှာမယ်လို့ သူ့လက်ထောက်တွေကို ပြောခဲ့သလို သူ့လက်ထက် အိမ်ဖြူတော် အရိပ်ကိုတောင် မနင်းရအောင် တားမြစ်ထားခဲ့ပါတယ်။

အိမ်ဖြူတော်မှာ မူဝါဒရေးရာ၊ ဒါမှမဟုတ် နိုင်ငံရေး ရာထူးကို ပထမဆုံး စတင် ရရှိခဲ့သူကတော့ စီဘီအက်(စ်)ရုပ်မြင်သံကြားက လူထုဆက်ဆံရေး အမှုဆောင် အရာရှိဟောင်း အီး၊ ဖှရက်ဒရစ်(ခ်) မော်ရိုးဖြစ်ပါတယ်။ ၁၉၅၂ ခုနှစ် သမ္မတရွေးကောက်ပွဲ မဲဆွယ်လှုပ်ရှားမှုမှာ မော်ရိုးရဲ့ လုပ်ရည်ကိုင်ရည်ကို ဗိုလ်ချုပ်ကြီး ဒွိုက်(ထ်) အိုက်ဆင်(န်)ဟောင်ဝါရဲ့ ရွေးကောက်ပွဲ လှုပ်ရှားမှုတာဝန်ခံတွေက သိပ်သဘောကျလွန်းတာမို့ အိုက်ဆင်(န်)ဟောင်ဝါသာ အရွေးခံရလို့ကတော့ အိမ်ဖြူတော် အမှုဆောင်အရာရှိ တစ်နေရာ ပေးမယ်လို့ ကတိပေးခဲ့ကြတဲ့အထိပါပဲ။

ရွေးကောက်ပွဲမှာ အိုက်ဆင်(န်)ဟောင်ဝါ တကယ်ပဲ အနိုင်ရသွားပါတယ်။ ဒါပေမယ့် မော်ရိုးကိုတော့ ကုန်သွယ်ရေး ဝန်ကြီးဌာနမှာပဲ နေရာတစ်နေရာ ပေးခဲ့တယ်။ သူ့ကို မျက်နှာလွှဲခဲပစ်လုပ်တယ်လို့ ခံစားရတာမို့ မော်ရိုးလည်း အိမ်ဖြူတော်က ကတိတည်အောင် ဖိအားပေးဖို့ နျူးယော့(ခ်)က ရပတ်ဘလစ် ခယ်(န်)မိတ်ဆွေတွေကို အကူအညီတောင်းပါတော့တယ်။

၁၉၅၅ ခုနှစ်မှာတော့ တယ်လီဖုန်းသံ မြည်လာပြီး မော်ရိုးကို အထူး စီမံချက်များအတွက် အုပ်ချုပ်ရေး အရာရှိအဖြစ် ခန့်ထားလိုက်ပါတယ်။ ရာထူးအရ သူဟာဖြင့် အိမ်ဖြူတော်ထဲမှာ ကျယ်ကျယ်ပြန့်ပြန့် တာဝန်ယူရတော့မယ်လို့ သူမျှော်လင့်ခဲ့ပေမယ့် တကယ်တမ်းမှာ လူမည်းပြဿနာတွေ၊ အရေးအခင်းတွေနဲ့ စပ်လျဉ်းတဲ့ ကိစ္စတွေကိုသာ ကိုင်တွယ်ခဲ့ရပါတယ်။

“သူဟာ အင်မတန် မြင့်မြတ်တဲ့ လူတစ်ယောက်ပါ”လို့ အိုက်ဆင်(န်) ဟောင်ဝါရဲ့ မိန့်ခွန်းကို နောက်ကွယ်က ရေးပေးသူအဖြစ် တာဝန်ထမ်းဆောင်ခဲ့တဲ့ ဘရွတ်ခင်း(ဂ်)(ဇ်) အဖွဲ့ရဲ့ အကြီးတန်းဂုဏ်ထူးဆောင် အုပ်ချုပ်ရေးမှူးက ဆိုပါတယ်။ မော်ရိုးဟာ အထီးကျန်ရာထူးနဲ့ နေနေခဲ့ရပေမယ့် “မညည်းညူခဲ့ပါဘူး။ ညည်းရင် အဲဒါ မော်ရိုးမဟုတ်ဘူး”လို့ သူက ပြောလေရဲ့။

အိမ်ဖြူတော် အလုပ်က ထွက်လာတဲ့အခါ ကုမ္ပဏီကြီးတွေမှာ အလုပ်ရလိမ့်မယ်လို့ မော်ရိုး မျှော်လင့်ခဲ့ပြန်သေးတယ်။ တကယ်တော့ မရပြန်ဘူး။ “သူ့ကို ကမ်းလှမ်းတဲ့ အလုပ်တွေက လူမည်း အသိုင်းအဝိုင်းနဲ့ ဆက်စပ်နေတာတွေချည်းပဲ။ ဘယ်လိုပဲ ဖြစ်ဖြစ်ပေါ့လေ၊ မော်ရိုးနောက်မှာတော့ အိမ်ဖြူတော် ဝန်ထမ်းတွေထဲမှာ လူမည်းတစ်ယောက် ရှိလာဖို့ မခဲယဉ်းတော့တာလည်း အမှန်ပါပဲ”လို့ အုပ်ချုပ်ရေးမှူးက ပြောပါတယ်။

“စားဖိုဆောင်သား”
အိမ်ဖြူတော်မှာ အလုပ်မဝင်ခင်တုန်းက ယူဂျီး(န်)ဟာ ဗှာဂျစ်နစ်ယား ပြည်နယ် ရေပူစမ်းမြို့ကလေးရဲ့ “ဓားမဦးချ”အပမ်းဖြေစခန်းမှာ စားပွဲထိုး၊ အဲဒီ့နောက် ဝါရှင်တန်က ဂေါက်ကလပ်မှာ စားပွဲထိုးအဖြစ် လုပ်ခဲ့ဖူးပါတယ်။

အခု ၈၆ နှစ်အရွယ် သူ့ဇနီး ဟယ်လီး(န်)က အနောက်မြောက် ဝါရှင်တန် ရိပ်သာရဲ့ တစ်ဖက်မှာ ရှိတဲ့ သူတို့အိမ်ကလေးထဲမှာ သူနဲ့အတူ ထိုင်နေပါတယ်။ သူ့ဇနီးရဲ့ ပေါင်ပေါ်မှာတော့ တုတ်ကောက်တစ်ချောင်း ရှိနေတယ်။ သူ့ဇနီးရဲ့ အသံက အဆိုတော်တစ်ယောက်လိုပဲ ဂီတသံ ထွက်နေအောင် သာယာပြီး သူ့ ယောကျာ်းသူ “အချစ်”လို့ ခေါ်ပါတယ်။

သူတို့နှစ်ယောက်က ၁၉၄၂ ခုနှစ်မှာ တွေ့ခဲ့ကြတာပါ။ ဝါရှင်တန်က မွေးနေ့ပွဲတစ်ပွဲမှာပေါ့။ သူ့ခင်ပွန်းလောင်းက သူ့ဖုန်းနံပါတ်ကို မတောင်းရဲခဲ့လို့ သူကပဲ သူ့ခင်ပွန်းလောင်းကို ခြေရာခံခဲ့ရပါသတဲ့။ နောက်တစ်နှစ်မှာတော့ သူတို့ နှစ်ယောက် လက်ဆက်ခဲ့ကြပါတယ်။

၁၉၅၂ ခုနှစ်မှာတော့ အိမ်ဖြူတော်မှာ နေရာတစ်နေရာ လစ်လပ်နေကြောင်း အမျိုးသမီးတစ်ယောက်က ယူဂျီး(န်)ကို ပြောလာပါတယ်။

“ကျုပ် အဲတုန်းက အလုပ်ရှာနေတာတောင် မဟုတ်ပါဘူးဗျ။ ကျွန်တော် လုပ်နေတဲ့ နေရာမှာပဲ ပျော်နေတာ။ ဒါပေမယ့် အဲဒီ့အမျိုးသမီးက အိမ်ဖြူတော်ကို သွားပြီး အလော်(န်)ဇို ဖှီး(လ်)(ဒ်)(စ်)ဆိုတဲ့သူနဲ့ တွေ့ပါလို့ ပြောလိုက်ပါတယ်”

အဲဒီ့ အလော်(န်)ဇို ဆိုသူက စားပွဲထိုးချုပ်ပါ။ သူက ယူဂျီး(န်)ကို ချက်ချင်းပဲ သဘောကျသွားပါတယ်။

ယူဂျီး(န်)ဟာ “စားဖိုဆောင်သား”အလုပ်ကို ရလာတယ်။ ပန်းကန်ဆေးရတယ်၊ ဘီရိုတွေထဲကို အခြောက်အခြမ်းတွေ ဖြည့်ရတယ်၊ ငွေထည်တွေကို ပြောင်အောင် တိုက်ရတယ်။ သူ့ ပထမဆုံးလခက တစ်နှစ်ကို အမေရိကန် ဒေါ်လာ နှစ်ထောင့်လေးရာပါ။

မကြာခင်ပဲ သူ့ကို အိမ်တော်ပါအဖြစ် ရာထူးတိုးပေးလိုက်ပါတယ်။ “ကျုပ် လုပ်ပေးခဲ့ရသမျှ သမ္မတတိုင်းနဲ့ လက်ဆွဲနှုတ်ဆက်ခဲ့ရတာချည်းပါပဲ”လို့ ယူဂျီး(န်)က ပြောပြပါတယ်။

“ကျွန်မလည်း ရှိပါတယ် အချစ်ရယ်”လို့ ဟယ်လီး(န်)က သူ့ခင်ပွန်းကို သတိပေးလိုက်ပါသေးတယ်။ “နောက်ကနေတော့ ဖြစ်ချင်ဖြစ်မှာပေါ့။ ကျွန်မ လည်း သူတို့နဲ့ လက်ဆွဲနှုတ်ဆက်ခဲ့ရပါသေးသတော်”တဲ့။

အိမ်ဖြူတော်က မိသားစုပွဲတွေကို ပြန်ပြောင်းတွေးရင်း ပြောနေကြတာပါ။ သူတို့မှာ ချား(လ်)(ဇ်)ဆိုတဲ့ သားတစ်ယောက်ရှိပါတယ်။ အခုတော့ သူက နိုင်ငံခြားရေး ဝန်ကြီးဌာနမှာ စုံစမ်းစစ်ဆေးရေးမှူးအဖြစ် တာဝန်ထမ်းဆောင်နေပါ တယ်။

“သမ္မတဖှို့(ဒ်)မွေးနေ့နဲ့ ကျုပ်မွေးနေ့နဲ့က တစ်ရက်တည်းပဲ။ သူက အိမ်ဖြူတော်မှာ မွေးနေ့ကျင်းပတယ်။ လူတိုင်းတက်ကြတဲ့ ပွဲပေါ့။ ပြီးရင် မစ္ဆစ်(စ်) ဖှို့(ဒ်)က ပြောတတ်တယ်။ ကနေ့မွေးနေ့ရှင်ထဲမှာ ယူဂျီး(န်)လည်း ပါတယ်ရှင့်လို့”

အဲလိုပြောပြီးရင် အိမ်တော်ပါအတွက် မွေးနေ့ဆုတောင်း သီချင်းတိုလေး ဆိုတတ်ကြပါတယ်။ အဲဒီ့အခါကျရင် ပွဲတက်ဝတ်စုံကို နေ့တိုင်းဝတ်ရမြဲ အိမ်တော်ပါခမျာ မနေတတ် မထိုင်တတ်ဖြစ်ဖြစ်သွားရပါတယ်။

“ဂျက်(ခ်) ခယ်နယ်ဒီက အင်မတန် သဘောကောင်းတယ်။ သူ့ဇနီးလည်း အတူတူပါပဲ”လို့ သူက ဆက်ပြောပါတယ်။ သူ့မိန်းမက “အင်း အင်း”လို့ ကိုယ်ကို ယိမ်းထိုးရင်း သံယောင်လိုက်ပါတယ်။

သမ္မတ ခယ်နယ်ဒီ လုပ်ကြံခံရတဲ့နေ့က သူဟာ အိမ်ဖြူတော်မီးဖိုချောင်ထဲမှာ ရှိနေခဲ့ပါတယ်။ ဈာပနကို တက်ရောက်ဖို့ သူ့ကို ဖိတ်ကြားခဲ့ကြပေမယ့် သူက တခြားတာဝန်ကိုသာ စေတနာ့ဝန်ထမ်း ထမ်းဆောင်ခဲ့ကြပါတယ်။ “ဈာပနက ပြန်လာတဲ့အခါ တည်ခင်းဧည့်ခံဖို့အတွက် အိမ်ဖြူတော်မှာ တစ်ယောက်တော့ ရှိနေမှ ဖြစ်မယ်လေ”တဲ့။

သမ္မတ ဂျင်မီ ခါထာရဲ့ မိသားစုတစ်စုလုံးအကြောင်းကို ပြောတဲ့အခါမှာတော့ ဟယ်လီး(န်)က တခစ်ခစ်ရယ်နေပါတယ်။ “သူတို့က တောသူတောင်သားတွေ တော်ရဲ့။ လစ်လစ်ယံရော၊ ရိုဇလင်းရော နှစ်ယောက်စလုံးကို ပြောတာ”လို့ သူက တကယ့်ကို အူလှိုက်သည်းလှိုက် အထင်ကြီး သဘောကျသံနဲ့ ပြောလိုက် ပါသေးတယ်။

သမ္မတကတော် နန်စီ ရီဂင်(န်)က တစ်ရက်မှာ မီးဖိုချောင်ဆီအထိ ရောက်လာပြီး ယူဂျီး(န်)ကို လာရှာပါတယ်။ အနောက်ဂျာမဏီ ဝန်ကြီးချုပ် ဟဲလမွတ်(ထ်) ခိုး(လ်)အတွက် ကျင်းပပေးမယ့် ညစာစားပွဲကို သတိပေးချင်လို့ ရောက်လာတာပါ။

သူ ကောင်းကောင်းစီစဉ်ထားနှင့်ပြီးတဲ့အပြင် အဲဒီ့ပွဲမှာ သုံးမယ့် ကြွေထည် တွေတောင် ရွေးထားနှင့်ပြီး ဖြစ်တဲ့အကြောင်း သမ္မတကတော်ကို သူက ပြန် ပြောပြခဲ့ပါတယ်။ ဒါပေမယ့် သမ္မတကတော်က အဲဒီ့ညကျရင် သူ အလုပ် ဆင်းစရာ မလိုဘူးလို့ ပြန်ပြောပါတယ်။

“ရှင်နဲ့ ရှင့်ဇနီးနဲ့က သမ္မတ ရီဂင်(န်)နဲ့ ကျွန်မကိုယ်တိုင်ရဲ့ ဧည့်သည်တော်များအဖြစ် နိုင်ငံတော် ညစာစားပွဲကို တက်ရမှာ”လို့ သမ္မတကတော်က ပြောလှာတာပါ။ “တကယ်ပါပဲဗျာ။ နိုင်ငံတော် ညစာစားပွဲကို တက်ခွင့်ရတဲ့ အိမ်တော်ပါဆိုလို့ ကျွန်တော်ဆို ကျွန်တော်တစ်ယောက်ပဲ ရှိပါသေးတယ်”လို့ ယူဂျီး(န်)က ပြောပါတယ်။

သည်လိုပွဲတွေမှာ ဇနီးတွေ၊ ခင်ပွန်းတွေ အတူ မထိုင်ကြရပါဘူး။ ကမ္ဘာ့ ခေါင်းဆောင်တွေနဲ့ စကားစမြည်ပြောရမယ့်အရေးကို ဟယ်လီး(န်)က တွေးပူ နေပါတယ်။ “ဒါနဲ့ ကျွန်မသားက ပြောတယ်။ မပူပါနဲ့ အမေရယ်တဲ့။ အထက် တန်းကျောင်း တက်ခဲ့တဲ့ အကြောင်းသာ ပြောပြလိုက်။ သူတို့ ဘာမှထွေထွေ ထူးထူး တွေးနေကြမှာ မဟုတ်ပါဘူးဗျာတဲ့”

“လွှတ်တော်အမတ်တွေအားလုံးက သူတို့ တက်ခဲ့တဲ့ ကောလိပ်တွေ၊ တက္ကသိုလ်တွေအကြောင်း ပြောကြတာပေါ့။ ကျွန်မလည်း သူတို့လိုပဲ လျှောက် ပြောတော့တာပဲ”လို့ ဟယ်လီး(န်)က ပြောပါတယ်။ “အဲဒီ့နေ့ညက ရှမ်ပိန်လည်း သောက်ခဲ့ရသေးတယ်”လို့ သူ့ခင်ပွန်းကို လှမ်းကြည့်ရင်း ပြောလိုက်ပြန်တယ်။

သူ့ခင်ပွန်းက ပြုံးနေပါတယ်။ အိမ်ဖြူတော်မှာ ရှမ်ပိန်တွေ စီရတဲ့ အလုပ် ကို သူပဲ လုပ်ရတာကိုး။

တက်တော့ တက်လာတယ်၊ ဒါပေသည့် ဖြည်းဖြည်းချင်းပဲ

အိုက်ဆင်(န်)ဟောင်ဝါကို ဆက်ခံသူ သမ္မတ ခယ်နယ်ဒီက သူ့ရဲ့ အိမ်ဖြူ တော် ဝန်ထမ်းတွေထဲမှာ လူမည်းနှစ်ယောက်ကို အမှုဆောင်အရာရှိ နေရာပေးခဲ့ရင်းနဲ့ စတင်ခဲ့ပါတယ်။ လက်ထောက် စာနယ်ဇင်းအတွင်းဝန်အဖြစ် အမှုထမ်း သူတစ်ယောက်သာလျှင် ခြောက်လနောက်ပိုင်းအထိ တင်ကျန်ရစ်တယ်။ အရပ်ဘက်အခွင့်အရေးကိစ္စတွေမှာ အာရုံစိုက်သူ နောက်တစ်ယောက်ကတော့ နိုင်ငံရေးအရ အပြောင်းအရွှေ့ လုပ်ရာမှာ ကျန်ရစ်ခဲ့တယ်။

လူမျိုးရေးပြဿနာဟာ ခယ်နယ်ဒီ့လက်ထက် သမ္မတအိမ်တော်မှာ ကောင်းတာတွေ လုပ်နေရင်းနဲ့တောင် ဒုက္ခပင်လယ်ဝေသလို ဖြစ်နေခဲ့တယ်။

၁၉၆၃ ခုနှစ် ဖေဖော်ဝါရီလမှာ လွတ်လပ်ရေး ကြေညာချက် ရာပြည့် အခမ်းအနားကို တက်ရောက်ဖို့ ခယ်နယ်ဒီက လူမည်း ရှစ်ရာကို ဖိတ်ကြားခဲ့ ပါတယ်။ သည်အခမ်းအနားကို စီစဉ်ရာမှာ ပါဝင်ကူညီသူ ဒီမိုကရက်တစ် ဝန် ထမ်း လူးဝစ်(စ်) မာထင်(န်)က အဆိုတော် ဆယ်မီ ဒေးဗှစ်(စ်) အငယ်နဲ့ သူ့ ဇနီး မေ ဘရစ်(ထ်)တို့ကို ဧည့်သည်စာရင်းမှာ ထည့်လိုက်ပါတယ်။ အဲဒါကို အိမ်ဖြူတော်က ခြစ်ချလိုက်တယ်။ မာထင်(န်)က ပြန်ထည့်တယ်။
မာထင့်(န်)အဆိုအရ အဲဒီ့ လူမည်းနဲ့ လူဖြူစုံတွဲလည်း အိမ်ဖြူတော်ထဲကို ဝင်လာတာတွေ့ရော ခယ်နယ်ဒီလည်း မှင်တက်မိသွားတော့တာပဲတဲ့။ သူ့မျက်နှာက ရဲတွတ်သွားပြီး သည် မျိုးမတူဇာတ်ခြား မောင်နှံရဲ့ ဓာတ်ပုံ တစ်ပုံကိုမှ မရိုက်ရဘူးလို့ ဓာတ်ပုံဆရာတွေကို ညွှန်ကြားခဲ့သေးတယ်ဆိုပဲ။

ဒါပေမယ့် ဆယ်မီ ဒေးဗှစ်(စ်) အငယ်ဟာ အိမ်ဖြူတော်နဲ့ ဇာတ်လမ်း မဆုံးဘူး။ နစ်(ခ်)ဆင့်(န်)လက်ထက်ကျတော့ ဗီယက်နမ်အကြောင်း၊ လူမည်းတွေအတွက် စီးပွားရေးအခွင့်အလမ်းတွေ အကြောင်းကို ဆွေးနွေးဖို့ အိမ်ဖြူ တော်ကို ဖိတ်ကြားခံရပြန်တယ်။ လင်းခန်း(န်) အိပ်ခန်းထဲမှာတောင်မှ သူအိပ်သွားလိုက်ရပါသေးတယ်။

၁၉၇၂ ခုနှစ်က မိုင်ယာမီမှာ ကျင်းပတဲ့ ရပတ်ဘလစ်ခယ်(န်)ပါတီညီလာခံမှာ ဆယ်မီ သီချင်းဆိုတဲ့အခါ သူဟာ နစ်(ခ်)ဆင့်(န်)ပခုံးကို ဖက်ပြီးတော့ သီဆိုခဲ့တာမို့ လူမည်းအများအပြားက သူတို့ကို ရန်လိုသူအဖြစ် မြင်ထားကြတဲ့ အိမ်ဖြူတော်အတွက် အမှတ်တံဆိပ်သစ်တစ်ခုကို ခတ်နှိပ်လိုက်သလို ဖြစ်သွား ခဲ့ပါတော့တယ်။

လင်(န်)ဒန်(န်) ဂျော်(န်)ဆင်(န်)ကကျပြန်တော့ အရပ်ဘက်အခွင့်အရေး များ ဥပဒေပြဋ္ဌာန်းရေးအတွက် အထိုက်အလျောက် အင်တိုက်အားတိုက် ဆောင်ရွက်ခဲ့ရုံမျှမက တရားလွှတ်တော်ချုပ်မှာတောင်မှ ပထမဆုံး လူမည်းကို ခန့်အပ်ခဲ့ပါတယ်။ ဒါပေမယ့် အဲဒါဟာ သူ့အိမ်ဖြူတော် ဝန်ထမ်းတွေထဲမှာ လိုလားအပ်တဲ့ လူမည်းအရေအတွက် ရှိလာစေခဲ့တယ်လို့တော့ မဆိုနိုင်ဘူး။ ဂျော်(န်)ဆင့်(န်)လက်ထက် အိမ်ဖြူတော်မှာ နိုင်ငံတော် လုံခြုံရေးကောင်စီ အရာရှိအဖြစ် အရင် တာဝန်ထမ်းဆောင်ပြီး နောက်ပိုင်းမှာ အိမ်ဖြူတော် အတိုင်ပင်ခံအဖွဲ့ထဲ ရောက်သွားသူ ခလစ်ဖှို့(ဒ်) အလက်(ခ်)ဇန္ဒြားတစ်ဦးသာ လျှင် လူမည်း အရာရှိ ဖြစ်ခဲ့ပါတယ်။

“အသစ်တစ်ခု ဖြစ်လာအောင် ကျုပ်တို့ တိုက်နေခဲ့ကြရတာပေါ့။ ကိုယ့် အလုပ်က ဘယ်လောက်အရေးပါတယ်ဆိုတာ ကိုယ်သာ အသိဆုံးလေ။ အဲလိုပဲ သမ္မတဂျော်(န်)ဆင်(န်)က ကိုယ့်အတွက် တိုက်ပေးနေတယ်ဆိုတာလည်း ကိုယ် အသိပဲ”လို့ အလက်(ခ်)ဇန္ဒြားက ပြောပါတယ်။

ဟာလင်(မ်)မှာ လူလားမြောက်ခဲ့ရသူ လူငယ်တစ်ဦးအနေနဲ့ အလက်(ခ်)ဇန္ဒြားဟာ မောရိုးအကြောင်းကို ကြားခဲ့ဖူးပါတယ်။ အမေတွေ၊ အဖေ တွေက မောရိုးရဲ့ ကြီးမြတ်တဲ့ အောင်မြင်မှု ဇာတ်လမ်းကို သူ့ကို ထောက်ပြ ခဲ့ကြပါတယ်။

“မောရိုးက ချစ်စရာကောင်းတဲ့လူပါ။ ဒါပေမယ့် အိုက်ဆင်(န်)ဟောင်ဝါ့ လက်ထက် အိမ်ဖြူတော်မှာ သူ့ကို အလေးမထားခဲ့ကြပါဘူး”လို့ အလက်(ခ်)ဇန္ဒြားက ဆိုပါတယ်။

၁၉၈၇ ခုနှစ်မှာ သမ္မတ ရီဂင်(န်)ရဲ့ နိုင်ငံတော် လုံခြုံရေးအကြံပေးအဖြစ် ခန့်ထားခံရတဲ့ ခါလင်း(န်) ပါဝယ်(လ်)ဟာ ရှိခဲ့သမျှ အိမ်ဖြူတော်အဆက်ဆက် မှာ အဲဒီ့အချိန်အထိ အမြင့်ဆုံး ရာထူးကို ရခဲ့တဲ့ လူမည်းဖြစ်ပါတယ်။ ခေါ်(န်) ဒိုလီဇာ ရိုက်(စ်)ဟာလည်းပဲ သမ္မတ ဂျော့(ခ်ျ) ဒဗလျူ ဘွတ်(ရှ်)လက်ထက်မှာ အဲဒီ့ ရာထူးကို ရခဲ့ပါတယ်။

ပါဝယ်(လ်)ကိုရော ရိုက်(စ်)ကိုပါ ဘဲဥပုံရုံးခန်းထဲမှာ မြင်ခဲ့ရတာကို အိမ် တော်ပါကြီးက မှတ်မိနေဆဲပါ။ သူက အအေးပွဲတွေ သွားချပေးနေတာပါ။ လူမည်းတွေဟာ အာဏာရဲ့ ဗဟိုချက်နဲ့ နီးသထက် နီးလာတာ၊ သူ အိပ်မက် တောင်မှ မမက်မိခဲ့ဖူးတဲ့ နေရာဆီအထိ ရောက်လာတာကို သူသတိ မထားမိဘဲ မနေနိုင်ပါဘူး။ သူဘယ်လောက် ဂုဏ်ယူမိတယ်ဆိုတာကို သူ့ဇနီးကို ပြောဖြစ်အောင် ပြောတော့မယ်လို့ စိတ်ကူးမိပါသတဲ့။

ပြောင်းဖို့ အချိန်ကျပြီ
ယူဂျီး(န်)အယ်လင်(န်)ကို စားပွဲထိုးချုပ်အဖြစ် ၁၉၈၀ ပြည့်နှစ်မှာ ရာထူး တိုးပေးခဲ့ပါတယ်။ ၃၄ နှစ်တာ တာဝန်ထမ်းဆောင်ပြီးတဲ့နောက် ၁၉၈၆ ခုနှစ်မှာတော့ အိမ်ဖြူတော်က သူ ခွာခဲ့ပါတယ်။ သမ္မတရီဂင်(န်)က သူ့ကို မှတ်ချက်လှလှလေး ရေးပေးခဲ့တယ်။ နန်စီ ရီဂင်(န်)ကလည်း သူ့ကို ဖက်ပါတယ်။ တင်းတင်းကျပ်ကျပ်ဖက်တာပါ။

ပြီးခဲ့တဲ့ အပတ်က သူတို့အိမ်မှာ တွေ့ဆုံမေးမြန်းတဲ့အခါ ဂျီး(န်)နဲ့ ဟယ်လီး(န်) ဇနီးမောင်နှံဟာ လူမည်းတစ်ယောက်ကိုသာ သမ္မတအဖြစ် အမှန် တကယ် ရွေးချယ်လိုက်မယ်ဆိုရင် ဘယ်လိုနေမယ်ဆိုတာကို ခန့်မှန်းတွက်ဆ နေကြပါတယ်။

“တွေးကြည့်စမ်းပါတော်”လို့ ဇနီးသည်က ပြောတယ်။

“တကယ့်ကို ထူးခြားမှာ ရှင်မရဲ့”လို့ သူ့ခင်ပွန်းက ပြန်ပြောတယ်။

“စင်ပေါ်တက်ဖို့အတွက်တော့ ကျွန်မတို့တွေ အရွယ်တွေ လွန်ကုန်ကြပါ ပြီ။ ဒါပေမယ့် ပြောလို့တော့ မရဘူးလေ။ သူသာ အရွေးခံရလို့ကတော့လား၊ အဲဒီ့ကို နောက်တစ်ခေါက်လောက် ပြန်သွားရတာ ကောင်းနေမှာ သေချာတယ်တော့်”လို့ ဇနီးသည်က ပြောလိုက်ပါတယ်။

သူတို့ဧည့်ခန်းထဲမှာတော့ သမ္မတရီဂင်နဲ့ ဇနီးတို့ရဲ့ ဓာတ်ပုံတွေ ချိတ်ဆွဲထားပါတယ်။ မြေတိုက်ထဲက နံရံပေါ်မှာတော့ ယူဂျီး(န်) အလုပ် လုပ်ပေးခဲ့ဖူး လေသမျှ သမ္မတတိုင်းရဲ့ ဓာတ်ပုံတွေလည်း ရှိပါတယ်။ သမ္မတအိုက်ဆင်(န်) ဟောင်ဝါက သူ့ကို ပေးခဲ့ဖူးတဲ့ ပန်းချီကား၊ မွေးနေ့လက်ဆောင်တွေကို ဖွင့်နေတဲ့ သမ္မတဖှို့(ဒ်)ရဲ့ အနားမှာ ရစ်သီရစ်သီလုပ်နေတဲ့ ယူဂျီး(န်)ရဲ့ ဓာတ်ပုံတွေလည်း ရှိတယ်။

အိုဘားမားတစ်ယောက် အိမ်ဖြူတော် ရောက်သွားရေးအတွက် ပံ့ပိုးတဲ့ အနေနဲ့ သူတို့ဆုတောင်းနေတဲ့အကြောင်းလည်း သူက ပြောတယ်။ သူတို့ နှစ်ယောက်အတူတူ မဲသွားပေးကြမှာပါ။

ဇနီးသည်က တုတ်ကောက်လေးကို တစ်ဖက်က ထောက်၊ တစ်ဖက်က တော့ သူ့ခင်ပွန်းကို အားပြုရင်း မဲရုံကို သွားကြမှာတဲ့။ ပြီးရင်တော့ ညစာစား ကြမယ်ပေါ့။ ရွေးကောက်ပွဲနေ့ အစီအစဉ်ကို သူတို့လင်မယား တစ်ခါမက ညှိပြီးကြပါပြီ။

“တွေးကြည့်စမ်းပါ”လို့ ဇနီးသည်က ပြောတယ်။

“ဒါပေါ့”လို့ သူ့ခင်ပွန်းက ပြန်ပြောတယ်။

တနင်္လာနေ့ကျရင် ဟယ်လီး(န်)က ဆေးခန်းပြဖို့ ချိန်းထားတယ်။ ယူဂျီး(န်) နိုးလာတယ်။ ဇနီးသည်ကို အသာတို့လိုက်တယ်။ ထပ်တို့လိုက်တယ်။ မလှုပ်ဘူး။ ဒါနဲ့ သူ့ဇနီးရှိရာ ခုတင်တစ်ဖက်ခြမ်းကို သွားလိုက်တယ်။ ဇနီးသည်ကို လှုပ်ကြည့်လိုက်ပြန်တယ်။

ခုတော့ သူတစ်ယောက်တည်း။

“ကျုပ်နိုးလာခဲ့ပေမယ့် ကျုပ်ဇနီးကတော့ နိုးမလာတော့ပါဘူး”လို့ သူက ပြန်ပြောပြပါတယ်။

မိတ်ဆွေတွေနဲ့ မိသားစုတွေ အပြေးရောက်လာကြတယ်။ သူက ကော်ဖီ ဖျော်တိုက်ချင်နေသေးတာမို့ အိမ်တော်ပါကို မီးဖိုချောင်ထဲက မောင်းထုတ်လိုက်ကြရတယ်။

လွန်ခဲ့တဲ့ ၆၅ နှစ်က သူလက်ထပ်ခဲ့တဲ့ အမျိုးကောင်းသမီးကြီးကို သည်ကနေ့ မြေမြှုပ်သင်္ဂြိုဟ်တော့မှာပါ။

အင်္ဂါနေ့ကတော့ အိမ်တော်ပါကြီးဟာ အိုဘားမားအတွက် သူ့မဲကို ထည့်ခဲ့ပါတယ်။

ဘဲဥပုံရုံးခန်းဆီ ဦးတည်နေတဲ့ လူမည်းအကြောင်း သူ့ဇနီးကို ပြောချင်တဲ့ စိတ်အပြည့်နဲ့ သူ လွမ်းလို့နေရှာပါတယ်။

အစ
၂၀ဝ၈ ခုနှစ် နိုဝင်ဘာ ၇ ရက်နေ့ထုတ် ဝါရှင်တန်ပို့(စ်)(ထ်) သတင်းစာမှာ ဝစ်(လ်) ဟေးဂွတ်(ဒ်) ရေးခဲ့တဲ့ အသားပေးဖော်ပြချက် သတင်းဆောင်းပါးကို လုံးစေ့ ပတ်စေ့ ဘာသာပြန်ဆို တင်ဆက်လိုက်တာဖြစ်ပါတယ်။
ခေါင်းစဉ်ထဲကအတိုင်း ဒါဟာ “အစ”ပါ။

အဆုံးကိုတော့ ရှေ့လကျမှ ဆက်လက်ဖတ်ရှုတော်မူပေးကြပါခင်ဗျား။

နှလုံးစိတ်ဝမ်း ငြိမ်းချမ်းကြပါစေ
မန်တာခမ်း
(ရန်ကုန် – ၂၆၀၁၁၄)

(၂၀၁၄ ခုနှစ် ဖေဖော်ဝါရီလထုတ် စုံနံ့သာ မဂ္ဂဇင်း)
မူရင်း http://www.washingtonpost.com/wp-dyn/content/article/2008/11/06/AR2008110603948_pf.html

Attachment to packing paper

ထုပ်ပိုးစက္ကူကို စွဲလန်းခြင်းအား…

ချစ်ခင်လေးစားအပ်တဲ့ စာဖတ်သူများ ခင်ဗျား

???????????????????????????????ကျွန်တော် မရေးချင်ဆုံး အထိမ်းအမှတ်ကို ရေးရပါဦးမယ်။ အားနာလို့ ရေးမယ့် စာပါ။
ဖေဖော်ဝါရီလကို ရောက်လာရင် စီးပွားရေးသမားတွေ ရောဂါထပါတယ်။ နိမိတ်မရှိ နမာမရှိ၊ သေခါနီးဆဲဆဲ ခရစ်ယာန် ဘုန်းတော်ကြီးက သူကျိတ်ကြွေနေတဲ့ ဗှယ်လင်ထိုင်းဆိုသူ မိန်းကလေးဆီ စာတစ်စောင်ရေး၊ ပြီးတော့ သေသွားတာကြီးကို အထိမ်းအမှတ်ပြုပြီးသကာလ ကိုယ်တွေနဲ့လည်း ဘာမဆိုင် ညာမဆိုင် “ချစ်သူများနေ့”ဆိုပြီး ဆင်နွှဲတဲ့ အလေ့အထက ကမ္ဘာတစ်ခွင်လုံး တစ်သားတည်းလို ဖြစ်လာတဲ့ ကနေ့ ကာလကြီးမှာ ကျွန်တော်တို့ ရွှေမြန်မာများဆီကို ကူးစက်လာ ခဲ့တာတောင် နှစ် ၂၀ နား ကပ်လာခဲ့ပြီကိုး။

မဂ္ဂဇင်းဆိုတာကလည်း စီးပွားရေး ဖြစ်လေတော့ကာ သည်ကာလရောက်လာရင် သူတို့ကလည်း တစ်စခန်း ထတဲ့ပြီး ချစ်သူများနေ့ အထိမ်းအမှတ်ကလေး ရေးပေးပါဆိုတာက လာတယ်။ ပိုဆိုးတာက သည် (ဖက်တုန်းက ဖက်ခိုင်းပြီး ဖက်လိုက်တော့မှ အင်းဆို သံရှည်ဆွဲကာ မေ့သွားလို့) “ဖက်ရှင်… အင်း… မေ့”လို့ နာမည်ပေးထားတဲ့ မဂ္ဂဇင်းမှာက စိတ်ကူးယဉ်လို့ ကောင်းဆဲအရွယ် မိန်းမငယ်လေးတွေ ရှိနေလေတော့ကာ သည်နိမိတ်မရှိ နမာမရှိဖြစ်ရပ် အကြောင်းပြု စီးပွားရေးသမားကြိုက်နေ့ကို ရည်စူးထုတ်ဝေမယ့် သည်တစ်လစာအတွက် ကျွန်တော့်ကို လာရေးခိုင်းပြန်ပါတယ်။

စာမူ နပ်မှန်အောင် မရေးနိုင်ဖြစ်နေတဲ့ ကျွန်တော့်မှာ သူတို့ကို အားနာ တာနဲ့ပဲ ရာသီစာတစ်ပုဒ်ကို ရေးရပါတော့မယ်။

အချစ်အကြောင်း ရေးရမှာဆိုတော့ အချစ်နဲ့ အခုထက်ထိ မကြုံဖူးရှာသေးသူ ကျွန်တော့်ခမျာ ဘာရေးရမှန်း မသိဘူး ဖြစ်နေတယ်ခင်ဗျ။ (ချင့်ယုံနော်။) အဲတော့ ရေးမယ်ကြံပြီး ဟိုသည် လျှောက်ဖတ်ရင်းကနေ ခေါင်းထဲ တိုးဝင်လာ တဲ့ ပုံပြင်လေး တစ်ပုဒ်နဲ့ အရင် စလိုက်ပါ့မယ်။

မိုဟာမေဒင်ဒဏ္ဍာရီတစ်ပုဒ်
စွန္နီ အစ္စလာ(မ်)ဘာသာရဲ့ ဂိုဏ်းခွဲတစ်ခုဖြစ်တဲ့ ဆူဖှီဘာဝင်တွေမှာ အရူး အမူး ချစ်တတ်သူ “မာဂျနူး”ရဲ့ ဒဏ္ဍာရီက ပြောစမှတ်တစ်ခုပါပဲ။ အချစ်နဲ့ ပတ်သက်လို့ အင်မတန်လည်း လှတဲ့ ဇာတ်လမ်းလေးပါ။
အဲဒီ့ မာဂျနူးက “လိုင်လာ”လို့ ခေါ်တဲ့ မိန်းကလေးတစ်ယောက်ကို ချစ်မိသွားပါတယ်။ ခက်တာက မာဂျနူးက ဆင်းရဲပြီး လိုင်လာက အချမ်းသာဆုံး မိသားစုက ဆင်းသက်တာဖြစ်နေတယ်။ အဲတော့လည်း သည်နှစ်ဦး ပေါင်းရဖို့ အရေးက ဘယ်လိုမှ မဖြစ်နိုင်ဘူးပေါ့။

ပြီးတော့လည်း မိုဟာမေဒင်ဘာသာဝင်တွေရဲ့ နိုင်ငံမှာဖြစ်နေလေတော့ ကာ မိန်းမတစ်ယောက်ရဲ့ မျက်နှာကို မြင်ရဖို့ဆိုတာကိုက အင်မတန်ခက်လှ ပါတယ်။ အဲတော့ မာဂျနူးခမျာမယ် လိုင်လာနဲ့ လက်ဆက်ဖို့ နေနေသာသာ လိုင်လာ့ကို တွေ့ဖို့၊ လိုင်လာနဲ့ စကားပြောဖို့၊ လိုင်လာနဲ့ အတူတူ ထိုင်ဖို့ ဆိုတာလေးတောင် ဘယ်လို ဖြစ်နိုင်မှာတုံး။

ဒါပေမယ့် မာဂျနူးခမျာ လိုင်လာ့ကို ချစ်လွန်းတဲ့ စိတ်နဲ့ ရူးလို့ နေပါတယ်။ ဘယ်လောက်များ ရူးသလဲဆိုရင် လိုင်လာ့အလှကို မွှမ်းထားတဲ့သီချင်းတွေကို နေ့ရော ညပါ သီကျူး မဆုံးဖြစ်နေတာပေါ့။

သူက လူကောင်းသူကောင်းလေး၊ လူလိမ္မာလေးဖြစ်တော့ တစ်မြို့လုံးက သူ့ကို ချစ်ကြတယ်။ သူ အခုလို အချစ်ရူးရူးပြီး ချစ်တေး၊ လွမ်းတေး တကြော်ကြော်နဲ့ မျှော်အော် တမ်းတနေတာကို မြင်ကြ ကြားကြရပြန်တော့လည်း တစ်မြို့ လုံးက သူ့အပေါ် ကရုဏာ သက်မဆုံးအောင် ဖြစ်နေလေတော့တာပေါ့။

ထူးဆန်းတာတစ်ခုကတော့ တကယ်တမ်းမှာ သူကြိုက်နေတဲ့ လိုင်လာက သိပ်လှတဲ့ မိန်းမတစ်ယောက် မဟုတ်ရှာတာပါပဲ။ တကယ့် သာမန် မိန်းကလေး၊ ရွက်ကြမ်းရေကျိုကလေးမျှသာပါ။

သို့သော်လည်း မာဂျနူး ရူးနေအောင်ဖြစ်နေတာ၊ တစာစာ အော်မြည် ငိုကြွေးနေတာတွေဟာ ပြည့်ရှင် ဘုရင့်နားအထိ ပေါက်ကြားသွားရုံမက တစ်ခါ တစ်လေများမှာ မာဂျနူးတစ်ယောက် ဘုရင့်နန်းတော်ဘေးက ဖြတ်သွားရင်း “လိုင်လာရေ… ဘယ်မလဲ အချစ်ရယ်… မင်းဘယ်မှာလဲ”လို့ သစ်ပင်တွေကို မေးလိုက်၊ ကြယ်တွေကို မေးလိုက် လုပ်နေပြန်တဲ့အခါ ဘုရင်မင်းမြတ်မှာလည်း စိတ်မကောင်း ဖြစ်ရလေတယ်။ မာဂျနူးလို လူကောင်း သူကောင်းလေး အခုလို ခံစားနေရတာကို မကြည့်ရက်တော်မူရှာဘူးပေါ့။

ဒါနဲ့ တစ်ရက်ကျတော့ ဘုရင်ကြီးက မာဂျနူးကို သူ့နန်းတော်ဆီ ဆင့် ခေါ်လိုက်တယ်။

“မောင်မင်းအတွက် ငါကိုယ်တော် တကယ့်ကို စိတ်မကောင်းဖြစ်ရတယ် မောင်မင်း။ အဲဒီ့ ကလေးမကိုလည်း ငါကိုယ်တော် ကောင်းကောင်း သိပါတယ်ကွဲ့။ တကယ်တော့ မောင်မင်းရဲ့ ရုပ်ရည် ရူပကာယကတောင် အဲဒီ့မိန်းမထက် အဆပေါင်းများစွာ သာလွန် တင့်တယ်ပါသေးတယ် မာဂျနူး။ အဲဒီ့မိန်းမကတော့ သာမန်မိန်းမ၊ တကယ့်ကို ဘာမဟုတ်တဲ့ မိန်းမပါကွယ်”လို့ ဘုရင်ကြီးက မိန့်လိုက်ပြီး သူ့နန်းတော်ထဲက မိန်းကလေး တစ်ဆယ်နဲ့မှ နှစ်ယောက်ကို မာဂျနူး ရှေ့ကို ထွက်လာခိုင်းလိုက်ပါတယ်။

ဘုရင်ကြီးမှာက အများသိတော်မူတဲ့အတိုင်း မိဖုယားတွေ၊ မောင်းမတွေ၊ ကိုယ်လုပ်တော်တွေ တစ်ပုံရယ်နဲ့မှ တစ်ပင်ဆိုတော့ အပျံစားမှန်သမျှ သူ့ထံပါး မှာ ခစာနေရတာကိုး။

“ကိုင်း… ကြည့် မာဂျနူး။ သည်ဆယ့်နှစ်ယောက်ထဲက မောင်မင်း ကြိုက်တဲ့ တစ်ယောက်သာ ရွေးပါကွယ်။ ကျုပ် မောင်မင်းကို စွန့်ပါ့မယ်”

အဲဒီ့ခေတ် အဲဒီ့အခါက မိုဟာမေဒင်နိုင်ငံတွေမှာ မိန်းမတွေကို လူသုံးကုန်လို သဘောထားတဲ့ ကာလကြီးပေမို့ ပေးလို့ ယူလို့ ရတယ်ပေါ့ ကလေးတို့ရယ်၊ အဲ… လူကြီးတို့ရယ်။

ဘုရင်က အဲသလိုလည်း မိန့်လိုက်ရော ဘာပြောကောင်းမလဲ၊ မာဂျနူးလည်း သူ့ရှေ့က မိန်းမတွေကို တစ်ယောက်ချင်း ကြည့်တော့တာပေါ့။ သူ အဓိက ကြည့်တာက အဲဒီ့မိန်းမတွေရဲ့ မျက်လုံးတွေကို တည့်တည့် စိုက်ကြည့်တာပါ။ တစ်ယောက်ကြည့်လိုက်၊ မကြိုက်လိုက်၊ တစ်ယောက်ကြည့်လိုက် မကြိုက်လိုက်နဲ့၊ အယောက်တိုင်းကို သူက ပယ်ချပါတယ်။ ရိုးရိုး ပယ်တာတောင် မဟုတ်ဘူး။ ပါးစပ်ကလည်း ပြောသေးတယ်။ “ဒါ လိုင်လာ မဟုတ်ဘူး၊ သူလည်း လိုင်လာ မဟုတ်ဘူး၊ ဒါလည်း လိုင်လာ မဟုတ်ဘူး”တဲ့။

ဘုရင်ကြီးက မိန့်ပြန်တယ်။

“မောင်မင်း ရူးနေတာ အမှန် သေချာနေပြီကပဲ။ သည်မိန်းမတွေအားလုံးဟာ မောင်မင်းရဲ့ လိုင်လာ့ထက် အဆပေါင်းများစွာ ပိုလှတဲ့ မိန်းမတွေချည်းပဲ မာဂျနူးရဲ့။ မောင်မင်းရဲ့ လိုင်လာကို ငါကိုယ်တော်တိုင် မြင်ဖူးပါတယ်။ သိလည်း သိပါတယ်။ သူ့ကိုသာမက သူ့မိဘတွေကိုလည်း ငါကိုယ်တော် သိတယ်။ သူ့ ဘိုးစဉ်ဘောင်ဆက်ကအစ သိတယ်ကွဲ့။ သိလို့ ပြောနေရတာ။ အဲဒီ့ သာမန် မိန်းမနဲ့ ပတ်သက်လို့ အားလုံး မေ့ပစ်လိုက်စမ်းပါ မာဂျနူးရယ်။ သည်ထဲက မောင်မင်းကြိုက်တဲ့ တစ်ယောက်သာ ရွေးပါကွယ်။ သည်ထဲက ရွေးလို့မှ အားမရသေးဘူးဆိုရင်လည်း နောက်ထပ် မိန်းမတွေ အများကြီး ခေါ်ပြပေးဦး မယ်။ ငါကိုယ်တော့် နန်းတော်မှာ သည်နိုင်ငံက အလှဆုံး မိန်းမတွေချည်း တစ်ပုံကြီး ရှိပါသကွဲ့။ ငါ့တိုင်းပြည်ထဲ ဘယ်နေရာမှာပဲ မိန်းမချော၊ မိန်းမလှ ရှိရှိ၊ ငါ့ကိုသာ ဦးဆုံး ဆက်သရတာ မောင်မင်း သိမှာပါ။ သည်တော့ ငါ့နန်း တော်ထဲက မိန်းမတွေထက် ပိုချော၊ ပိုလှတဲ့ မိန်းမဆိုတာ ဘယ်နေရာမှာမှ မရှိဘူး မောင်မင်း။ နှစ်သက်ရာသာ ရွေးပါလေ”

မာဂျနူးကလည်း မခေဘူး။ ဘုရင်ကို ပြန်လျှောက်တင်တယ်။

“အရှင်မင်းကြီး သဘောမပေါက်တာပါ ဘုရာ့။ အရှင်မင်းကြီး လိုင်လာ့ကို မမြင်နိုင်ပါဘူး။ အရှင်မင်းကြီးဆီမှာ ကျွန်တော်မျိုး မာဂျနူးရဲ့ မျက်လုံးတွေ မရှိတာမို့ လိုင်လာ့ကို မမြင်နိုင်တာပါ ဘုရား။ အရှင်မင်းကြီး လိုင်လာ့ကို မမြင်နိုင်ပါဘူး၊ ကျွန်တော်မျိုးသာ သူ့ကို မြင်နိုင်ပါတယ် ဘုရား။ သူ့မိရင်း ဘရင်းတွေတောင်မှ လိုင်လာ့ကို မမြင်နိုင်ပါဘူး။ ကျွန်တော်မျိုးတစ်ယောက်တည်းသာ လိုင်လာ့ကို ကောင်းကောင်း မြင်နိုင်ပါတယ် ဘုရား။ ဘာ့ကြောင့်လဲဆိုတော့ လိုင်လာ့ကို ကျွန်တော်မျိုး တစ်ယောက်တည်းသာ နှစ်နှစ်ကာကာ ချစ်မိရလို့ အဲသလို မြင်နိုင်စွမ်း ရှိနေရခြင်းပါပဲ ဘုရား”တဲ့။
ပြောလို့က အားမရသေးဘူး။ သူက ထပ်ဆင့် ပြောလိုက်ပါသေးတယ်။

“လိုင်လာ့ကို ချစ်လို့သာ လိုင်လာ့ကို ကျွန်တော်မျိုး ကောင်းကောင်းမြင်ဖူးသွားတာပါ ဘုရား။ ပြီးတော့လည်း လိုင်လာက လှလို့ ကျွန်တော်မျိုး လိုင်လာ့ကို ချစ်ခဲ့တာ မဟုတ်ပါဘူး ဘုရာ့။ ကျွန်တော်မျိုး သူ့ကို ချစ်မိတာက အရင်ပါ၊ ပြီးတော့မှ ကျွန်တော့်မျက်စိထဲကို အလှအပတွေ ရောက်လာတာပါဘုရာ့”

ပုံပြင်လေးကတော့ ဒါပါပဲ။

ဟုတ်ကဲ့… တကယ်သာ ချစ်သွားရင် ကိုယ့်ချစ်သူသာ အလှဆုံးထင် သွားတတ်တာလည်း ဓမ္မတာပါပဲလေ။

ဇာတ်လမ်းနောက်မှာ တွေးစရာ
သည်ဇာတ်လမ်းလေးက နိဒါန်းမှာ ဆိုခဲ့တဲ့အတိုင်း ရာသီစာလေးတစ်ပုဒ် ရေးထုတ်မယ် ကြံရင်းကနေ ကျွန်တော့်ဆီမှာ အလွယ်တကူ ရှိနေတဲ့ ရည်ညွှန်း စာအုပ်ထဲက “အချစ်”ခေါင်းစဉ်အောက်မှာ ဖတ်ကြည့်ရင်း တွေ့လိုက်တာလေးပဲ ဖြစ်ပါတယ်။ နောက်ပိုင်းမှာ “အိုရှို”ရယ်လို့ ထင်ရှားတဲ့ “ဘာဂဝန် ရှရီ ရာဂျနိ(ရှ်)”လို့ အမည်ရတဲ့ အိန္ဒိယ ဒဿနဆရာကြီးရဲ့ အဆိုအမိန့် စာအုပ်ထူကြီး သုံးအုပ်တွဲထဲက ဒဏ္ဍာရီအတိုလေးတစ်ပုဒ်ကို ကောက်နုတ်ပြီး ဘာသာ ပြန်ဆို တင်ဆက်လိုက်တာ ဖြစ်ပါတယ်။

ဇာတ်လမ်းနောက်က တွေးစရာက လာပါပြီ။

လှတာတော့ လူတိုင်း သဘောကျပါတယ်။ ရူပါရုံကို မက်မောတာ့ လူ့ သဘာဝပါ။ ဘယ်သူက အနိဋ္ဌာရုံကို မက်မောပါ့မလဲလေ။ ဒါ ရှင်းနေတာပါပဲ။
သို့သော် အလှအပေါ်မှာ အခြေခံတဲ့ ချစ်ခြင်းဟာ တည်မြဲပါ့မလား၊ စစ်မှန်ပါ့မလားဆိုတာကတော့ မေးခွန်းတစ်ခု ဖြစ်လာပါတော့တယ်။

ယုတ္တိဗေဒနဲ့ စစ်ချလိုက်မယ်ဆိုရင် လှတာကို သဘောကျတယ်။ အဲဒါ လူကို သဘောကျတာ မဟုတ်ဘူးခင်ဗျ။ အဲဒီ့ လူရဲ့ အပြင်ပန်း ရုပ်ပိုင်းကို သဘောကျတာ ဖြစ်ပါတယ်။ ပစ္စည်းလို ပြောမယ်ဆိုရင် အပြင်က ထုပ်ပိုးထားတဲ့ စက္ကူလှလှကို သဘောကျမက်မောတာသာ ဖြစ်ပြီး အထဲမှာ ဘာပါတယ်ဆို တာ မတွေးထား၊ မတွက်ထားပါဘူး။ အဲဒီ့အလှအပေါ်မှာ အရူးအမူးဖြစ်နေခြင်း သည်လည်းပဲ ထုတ်ပိုးစက္ကူကို ရူးမူးနေခြင်း မတ္တသာ ဖြစ်ပါတယ်။

တကယ်လို့ နှစ်ယောက်တစ်ဘဝ ပေါင်းကြတဲ့ အချိန်ကျမှ အပေါ်ယံ ထုပ်ပိုး စက္ကူလည်း ကွာကျ၊ အထဲမှာ ထုပ်ထားတာက တညင်းသီးတွေ၊ ငါးပိ တွေဖြစ်နေ။ ကိုယ်ကလည်း တညင်းသီးမကြိုက်၊ ငါးပိမကြိုက်သူသာ ဖြစ်နေမယ်ဆို ဘယ့်နှယ့်လုပ်မတုံး။
တော်တော် စဉ်းစားစရာ ကောင်းပါတယ်။ ဒါက ပထမအချက်။

ဒုတိအချက်က လှတာကို မက်မောတာ၊ သဘောကျတာဟာ တည်မြဲပါ့မလားဆိုတဲ့ မေးခွန်းနဲ့ပဲ ဆက်စဉ်းစားရမှာပါ။ ထုပ်ပိုးစက္ကူလေးကို သဘောကျတယ်ပေါ့ ခင်ဗျာ။ နောက်ထပ် လှတဲ့ ထုပ်ပိုးစက္ကူလေးတစ်ရွက်ကို ထပ်တွေ့ရင်လည်း သဘောကျမိဦးမှာ မြေကြီးလက်ခတ်မလွဲ သေချာလို့ နေပြန်ပါတယ်။ နောက်ထပ် တစ်ရွက်၊ နောက်ထပ်တစ်ရွက်နဲ့၊ တစ်ဘဝလုံး ရွက်မဆုံးအောင် ဖြစ်နေမယ့် အလားအလာက အတော် များလှပါတယ်။

ဒါ့ကြောင့် လှလို့ ချစ်ခြင်းဟာ တာရှည်ခံပါ့မလားဆိုတာဟာ တကယ့် စဉ်းစားစရာ အချက်ဖြစ်လာပါတော့တယ်။

မိုဟာမေဒင် ဒဏ္ဍာရီထဲက “မာဂျနူး”ကတော့ ရှင်းတယ်။ “လှလို့ ချစ်တာ မဟုတ်ဘူး၊ ချစ်လို့ လှလာတာ”လို့ ဘုရင့်ကိုတောင် ရဲရဲဝံ့ဝံ့ ပြန်လျှောက်တင်ပစ်လိုက်တယ်။

ဟုတ်တယ်… ချစ်ခြင်းအစစ်မှာ တောင်းဆိုမှု မပါဘူး။ လိုလားမှု မရှိဘူး။ သူ့ဟာလေးနဲ့ သူ ပကတိအတိုင်း ရှိနေတာလေးကို ချစ်တာပါ။ အပေါ်ယံ ထုပ်ပိုး စက္ကူကို ပဓာန မထားဘူး။ အတွင်း အနှစ်သာရက အဓိက။ တညင်း သီး ကြိုက်တဲ့သူက တညင်းသီးမို့လို့ကို ကြိုက်နေတာ၊ ငါးပိကြိုက်တဲ့သူကလည်း ငါးပိမို့လို့ကို ကြိုက်နေတာ။ ပန်းကန်နဲ့ပဲ ထည့်ထားထား၊ နှုတ်ခမ်းပဲ့ ကြွေရည်သုတ် ဇလုံနဲ့ ထည့်ထားထား၊ ယုတ်စွအဆုံး ဖက်နဲ့ပဲ ထည့်ထားထား၊ ကိုယ် ကြိုက်တာလေးမို့ကို စားချင်တာ၊ မစားရ မနေနိုင်တာ။

အချစ်… အချစ်… ဪ… အချစ်
တော်တော် ကဗျာဆန်တဲ့သူပဲနော်… အချစ်ကို တညင်းသီးနဲ့ နှိုင်းလို နှိုင်း၊ ငါးပိနဲ့ နှိုင်းလိုနှိုင်းနဲ့ဆိုပြီး စာဖတ်သူ လူကြီးမင်း မဲ့များနေမိသလားဗျာ။

ဟုတ်ကဲ့… အချစ်ကို အဲသလိုကို နှိုင်းလိုက်မှ မျက်စိထဲ ကွင်းကွင်းမြင်၊ နားထဲ ဆတ်ဆတ်ရောက်မှာမို့ အဲဒါတွေနဲ့ နှိုင်းချလိုက်ရတာပါ။
ခေတ်အဆက်ဆက် ချစ်ကြ၊ လွမ်းကြသူတွေမှာက အပေါ်ယံ စက္ကူတို့၊ ထည့်ထားတဲ့ ပန်းကန်တို့အပေါ်မှာ သိပ်အာရုံများတတ်ကြပါတယ်။ ကျွန်တော်လည်း ဘာသားနဲ့မှ ထုမထားတဲ့ လူသားမို့ နုစဉ်အခါက ချစ်ခဲ့ဖူးတာများ နည်းမှတ်လို့လေ။ စာတစ်အုပ်တောင် ရေးထုတ်ယူရတဲ့အထိပါပဲ။
သို့သော် အဲဒီ့အထဲမှာ အများစုက အပေါ်ယံ ထုပ်ပိုးစက္ကူတွေကို မက်မိတာက များပါတယ်။ ကိုယ့်ကိုယ်ကိုယ်တော့ အဟုတ်မှတ်လို့ပေါ့ဗျာ။ တကယ်လည်း ခွာကြည့်တော့မှ ကျွန်တော် ဘယ်လိုမှ မစားတဲ့ ငါးပိတွေ ဖြစ်လိုဖြစ်နေ၊ ကျွန်တော် ဘယ်လိုမှ မစားတဲ့ အဆိမ့်လုံးဝ မပါသော ချိုရဲရဲ မလိုင်လုံးတွေ ဖြစ်နေတာနဲ့ ကြုံရတာလည်း ခဏ ခဏပါ။

သို့သော် ကံကောင်း အကြောင်းလှတဲ့အတွက် ကျွန်တော့်ဘဝမှာ အချစ်နဲ့ တွေ့ရပါတယ်။ အဲဒီ့ အချစ်ကြီး ကိုယ့်ဆီမှာ ရှိနေမှန်း သိတာ အသက် ၄၀ နားရောက်တော့မှပါ။ အဲ… နေဦးဗျ။ စကားပြင်ပြောမှ ဖြစ်လိမ့်မယ်။ ကိုယ် ချစ်လို့ ရယူထားမှန်း ကိုယ့်ဘာသာ သိတော့တာ အသက် ၄၀ နား ရောက်တော့ မှဖြစ်ပါတယ်။

ကျွန်တော်က ထုပ်ပိုးစက္ကူတွေ၊ ပန်းကန်တွေနောက်ကို ကောက်ကောက် ပါအောင် လိုက်ခဲ့သူဖြစ်လင့်ကစား ကျွန်တော့်ချစ်သူ “လိုင်လာ”ကတော့ သာမန် ရွက်ကြမ်းရေကျိုမျှသာ ဖြစ်ပါတယ်။ ဒါပေမယ့် သူက ကျွန်တော့်မျက်စိထဲမှာ သိပ်လှနေခဲ့ပါတယ်။ ဒါ့ကြောင့် သူနဲ့ လက်ဆက်ခဲ့ပါတယ်။ ဒါပေသိ အဲဒါက မသိစိတ်နဲ့ပါ။

တကယ့် အသိစိတ်နဲ့ သူ တအားလှမှန်း ကျွန်တော် သိခွင့်ကြုံတာကတော့ ၄၀ နားကပ်တော့မှသာဖြစ်ပါတယ်။

နိဂုံး
ယောက်ျားလေးပဲ ဖြစ်ဖြစ်၊ မိန်းကလေးပဲဖြစ်ဖြစ် အချစ်ဆိုတိုင်း မယုံစေချင်သေးပါဘူး။ တပ်မက်စွဲလန်းစိတ်ဟာလည်း မာဂျနူး ရူးသလို ရူးသွားစေနိုင်ပါ သေးတယ်။

တကယ့်အချစ်အတွက်က အကြောင်းသိဖို့ လိုပါတယ်။ သည်အတွက် ပေါင်းကြည့်ရမှာပါ။ ပေါင်းကြည့်တယ်ဆိုတာကို တလွဲ မတွေးစေချင်ပါဘူး။ မိတ်ဆွေ သူငယ်ချင်းတွေလို တရင်းတနှီး လုံးလားထွေးလားနေကြည့်ပြီးမှ အတွင်း အနှစ်သာရကို မြင်သိနိုင် ခံစားနိုင်မှာပါ။ အဲဒီ့အချိန်ကျတော့မှ အပေါ်ယုံ ထုပ်ပိုးစက္ကူတွေ ပြေသွားမှာပါ။

အဲတော့ တစ်ယောက်ယောက်ကို ချစ်မိပြီဆိုရင် ငါချစ်တာ အနှစ်လား၊ အကာလားဆိုတာ ဦးနှောက်လေးနဲ့ ချင့်ချိန်ကြည့်တော်မူကြစေချင်ပါတယ်။ အကာကို ချစ်နေမိတာမှန်း သတိထားမိရင် မချစ်နဲ့လို့ မတားပါဘူး။ ချစ်နိုင်ပါတယ်။ သို့သော် အကြောင်းဆက် ပေါင်းဖက်ဖို့အထိ အလောတကြီး မစဉ်းစားသေးဘဲ အနှစ်ကို မြင်လာရအောင် ထဲထဲဝင်ဝင် ပေါင်းသင်း ဆက်ဆံကြည့် စေချင်ပါတယ်။

အဲသလို ပေါင်းကြည့်နေခိုက်မှာ စကားလည်း မလွန်၊ လူလည်း မကျွံ အောင် ကိုယ်ရှိန်သတ်တတ်ဖို့လည်း အရေးကြီးပါတယ်။

အချိန်လေးတစ်ချိန် ရောက်လာ၊ သာမန်အားဖြင့် သုံးနှစ်လောက် အချိန် ယူပြီးသွားတဲ့အခါ အကာကိုလည်း သဘောကျ၊ အနှစ်ကိုလည်း ကိုယ့်ဘက်က လက်ခံနိုင်ပြီဆိုတာ သေချာတဲ့အခါကျတော့မှ ကျန်တာတွေ ဆုံးဖြတ်ရင် အမှား နည်းပြီး စိတ်ချမ်းသာစရာ ဘဝလမ်းကို လျှောက်လှမ်းနိုင်ကြမှာပါ။

ဒါ ကျွန်တော့်ကိုယ်တွေ့နဲ့ ပြောတဲ့ စကားပါ။ ကျွန်တော်တို့ အိမ်ထောင်သက်ဆိုရင် နှစ်အစိတ်ကို ကောင်းစွာ ကျော်လွန်လာခဲ့ပါပြီ။ အောင်မြင်တဲ့ အိမ်ထောင်ရေး၊ ချမ်းမြေ့တဲ့ အိမ်ထောင်ရေးဆိုရင် ကျွန်တော့်အကြောင်းသိတွေ က အံ့ဩကြပါလိမ့်မယ်။ သည်လောက်တောင်မှ ဣနြေ္ဒမရတဲ့ ကောင်စားမျိုးက ဘယ့်နှယ်က ဘယ့်နှယ် ဣနြေ္ဒရတဲ့ အိမ်ထောင်ရေးကို ရသွားတာလဲလို့ တွေးနေကြမှာပါ။

အမှန်တော့ ကျွန်တော်က ဦးနှောက်ကို သုံးပြီး အိမ်ထောင်ရေးကို တည်ဆောက်ခဲ့တာပါ။ ပြောလက်စနဲ့ ပြန်ချိတ်ရရင်တော့ အကာထက် အနှစ်၊ ထုပ်ပိုး စက္ကူထက် အတွင်းသားကို ပိုပြီး အလေးထား ရွေးချယ်ခဲ့လို့ အခုလို ပြောနိုင်လာရတာလည်းပဲ ဖြစ်ပါတယ်။

သည်တော့ကာ အိမ်ထောင်မရှိသေးသူများ၊ အိမ်ထောင်ပြုဖို့ တာစူနေသူများကို သည်တစ်လအထိမ်းအမှတ်အဖြစ် စကားလက်ဆောင်လေး ပေးလိုက် ချင်ပါတယ်။

ထုပ်ပိုးစက္ကူနဲ့ အတွင်းသား၊ ကွဲပြားအောင် ခွဲပြီး ချစ်တတ်ပါလေမှ တစ်ဘဝစာ စိတ်ချမ်းသာရမယ်ဆိုတဲ့အကြောင်း…

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်
(ရန်ကုန် – ၂၀၁၂၁၃)

(၂၀၁၄ ခုနှစ် ဖေဖော်ဝါရီလထုတ် Fashion Image မဂ္ဂဇင်း)