အခမဲ့

တစ်ညနေခင်းမှာပါ။ မအေလုပ်တဲ့သူက မီးဖိုချောင်ထဲမှာ ညစာအတွက် ချက်ပြုတ်ပြင်ဆင်နေတုန်း သားလေးက မအေ့နား ရောက်သွားပြီး သူရေးထားတဲ့ စာရွက်လေးတစ်ရွက်ကို မအေ့ဆီကမ်းလိုက်တယ်။ မအေလုပ်တဲ့သူက အနားမှာရှိတဲ့ လက်နှီးနဲ့ လက်ကို ခြောက်အောင် သုတ်လိုက်ပြီးတော့မှ သားပေးတဲ့ စာရွက်ကလေးကို ယူဖတ်လိုက်တယ်။ စာရွက်လေးပေါ်မှာတော့ သည်လိုရေးထားတယ်။

မအေက စာရွက်ကို ဖတ်အပြီးမှာ သူ့နံဘေးမှာ မျှော်လင့်တကြီးနဲ့ မအေကို မော်ကြည့်နေတဲ့ သားငယ်ကို ကြည့်လိုက်ရင်းက စဉ်းစားနေလိုက်ပါတယ်။ ပြီးတော့ မင်တံတစ်ချောင်းကို ကောက်ယူလိုက်တယ်။ သား ရေးထားတဲ့ စာရွက်ရဲ့ ကျောဘက်ကို လှန်လိုက်ပြီး လွတ်နေတဲ့ အဲဒီ့ ကျောဘက်မှာပဲ ရေးစရာရှိတာတွေ တန်းစီပြီး ချရေးလိုက်ပါတယ်။ 

အားလုံးကို ချရေးပြီးတော့မှ မအေက စာရွက်လေးကို သားဆီ ပြန် ပေးလိုက်ပါတယ်။ သားလေးက အမေရေးထားတာတွေကို ဖတ်ကြည့်ပြီးတဲ့နောက် မအေကို မော်ကြည့်လိုက်တဲ့အခါ သူ့မျက်ဝန်းထဲမှာ မျက်ရည်စလေးတွေနဲ့။ ပြီးတော့ သားက ပြောပါတယ်။

“မေမေ့ကို သားသိပ်ချစ်တာပဲ”တဲ့။

ပြီးတော့ မအေစောစောက ကောက်ကိုင်လိုက်တဲ့ မင်တံကိုယူတဲ့ပြီး သူ တင်ပြတောင်းဆိုထားတဲ့ စာရင်းအောက်မှာ စာလုံးကြီးကြီးနဲ့ ခပ်သွက်သွက်ချရေးလိုက်ပါတယ်။

“ငွေရှင်းပြီး”တဲ့။

Brian Adams ရေးတဲ့ No Charge ခေါင်းစဉ်ပါ စာတိုလေးကို ဆီလျော်အောင် ပြန်ဆိုပြလိုက်တာပါ။

ဖတ်လို့တော့ ကောင်းသားပဲနော်။

ဒါပေမယ့် ကျွန်တော် စဉ်းစားကြည့်နေမိတယ်။ ကျွန်တော်တို့လည်း ငယ်ငယ်တုန်းက မအေဖအေဆီက လုပ်ခတွေ တောင်းဖူးတယ်။ ကျွန်တော့်သားသမီးတွေလက်ထက် ရောက်ပြန်တော့လည်း သားတွေသမီးတွေက ကျွန်တော်တို့ဆီက လုပ်ခတွေ တောင်းဖူးတယ်။ အထူးသဖြင့် ဖအေ၊ မအေကို နင်းနှိပ်ပေးတဲ့အခါတွေမှာ သူတို့လေးတွေကို အခကြေးငွေ ပေးရတယ်။

သူတို့က တောင်းတတ်သွားတာလား၊ သူတို့ တောင်းတတ်လာအောင် ကျွန်တော်တို့ မိဘတွေဖက်က စပြီး သူတို့ကို ပိုက်ဆံနဲ့မျှားခဲ့ မိတာလားဆိုတာ ကျွန်တော့်စိတ်ထဲမှာ သိပ်မသေချာဘူးဖြစ်နေတယ်။

ကျွန်တော်တို့ ကလေးဘဝတုန်းကရော။ ကျွန်တော်တို့က အလိုလို တောင်းတတ်သွားတာလား၊ တောင်းတတ်အောင် ကျွန်တော်တို့ မိဘတွေကပဲ ငွေနဲ့မျှားခဲ့တာလား။ ဒါလည်း သိပ်မသေချာလှပြန်ဘူး။

စာဖတ်သူလူကြီးမင်းများရော၊ ဘယ်လို စဉ်းစားမိကြပါသလဲ။ အဖြေတစ်ခုခုကိုတော့ ကျွန်တော့်ကို “အခမဲ့”ရှာပေးကြပါလားဗျာ။

(အတွေးသစ်ဂျာနယ်၊ ၂၀ဝ၃ ခုနှစ် ဧပြီ ၂၈ – အတွဲ ၃၊ အမှတ် ၁၃၀) ၂၀၀၄ ခုနှစ် ဇန္န၀ါရီလထုတ် အတ္တကျော်ရဲ့ ဘဝတူရိယာ (မောဟပြေ ပုံတိုပတ်စများ ၂ စာအုပ် စာမျက်နှာ ၁၃၃ မှာ ဖော်ပြထားပါတယ်၊)