ကံကောင်းသွားတဲ့ သူငယ်ချင်း

၆ တန်းကတည်းက အတန်းဖော် သူငယ်ချင်းတယောက်ရှိတယ်။ လူက လူချော။ လူအေးလည်း လူအေး။ စာကလည်း အလွန်တော်။ (ကျနော်နဲ့ တနှစ်တည်း၊ တလတည်း မွေးတာ။ သူက ရက်ကြီးတယ်။ အခုဆို ၆၀ ကျော်ပေါ့။)

ဆယ်တန်းမှာ ကျနော်က (ခ)စာရင်းဆိုတဲ့ အူကြောင်ကျားနဲ့ ကျန်ရစ်တယ်။ (ကျတာလည်း မဟုတ်ဘူး။ အောင်တာလည်း မဟုတ်ဘူး။ တက္ကသိုလ်တက်ခွင့်မရတဲ့ အောင်နည်းကားပေါ့။)

သူကတော့ ထုံးစံအတိုင်း ဆေးတက္ကသိုလ်တက်ပေါ့။Image may contain: one or more people and text

ကျနော်ပထမနှစ်။ သူ ဆေးကျောင်း ဒုတိယနှစ်အကြီးတန်းမှာ ပြန်ဆုံတော့ သူဟာ (အခုကွယ်လွန်သွားရှာပြီဖြစ်တဲ့) ကျနော့်အရင်းနှီးဆုံး သူငယ်ချင်းနဲ့အတူ ပက်သဒင်းလို့ ခေါ်တဲ့ မူးယစ်ဆေးဝါးကို အကြောထဲ ထိုးသွင်းပြီး ပျော်မြူးနေတာ တွေ့ရတယ်။

လူတွေက မူးယစ်ဆေးသုံးသူတွေဆို ပစ်လိုက်ရပြီလို့ ထင်တတ်ကြတယ်။ အဲဒီ့ နှစ်ကောင်ကတော့ စံပြပါ။ ၆ တန်းတည်းက အတန်းဖော်သည်လည်း မူးယစ်ဆေးသုံးနေတဲ့ကြားကပဲ စာမေးပွဲ တပွဲမှ မကျခဲ့ဘူး။ ဆပ္ပလီ (ကျတဲ့ဘာသာ ပြန်ဖြေယူရတဲ့ နောက်ဆက်တွဲ စာမေးပွဲ)တောင် မထိခဲ့ဘူး။ တနှစ်လောက်နေတော့ နှစ်ကောင်စလုံး ဆေးမသုံးတော့ဘူး။

အရင်းနှီးဆုံးသူငယ်ချင်းက ကင်ဆာနဲ့ သေတာ။ သေတော့ နာမည်ကျော် စီးပွားရေး လုပ်ငန်းရှင် သူကြွယ်ကြီးဖြစ်နေပါပြီ။

ဆေးကျောင်းတက်တဲ့ ကောင်ကလည်း အခုအခါ အနောက်နိုင်ငံတခုမှာ တော်ဝင်သမားတော်ကြီး ဖြစ်နေပါပြီ။

အဟဲ… အဲဒီ့ကောင် အိမ်ထောင်ကျသွားသေးတယ်။ အိမ်ထောင်ကျပြီးတော့မှ သည်ကောင် အချစ်ကို ရှာဖွေတွေ့ရှိသွားတာ။

သူတွေ့ရှိတဲ့အချစ်က လိင်တူ။ ဆိုလိုတာက ယောက်ျားချင်း မေတ္တာသက်ဝင် ချစ်ခင်သွားတာပ။

သူ့ဇနီးကို ဖွင့်ပြောတယ်။ သူ့ဇနီးကလည်း ကွာရှင်းပေးလိုက်တယ်။

ခုအခါမှာတော့ မောင်မင်းကြီးသားဟာ သူချစ်တဲ့ ယောက်ျားနဲ့ အကြောင်းဆက် ပေါင်းဖက်ပြီး ပျော်ရွှင်စွာ ညားကြလေသတည်းပေါ့။

➡️ သူက ပြောဖူးတယ်။ မြန်မာပြည်မှာသာဆို ငါ အခုလို စိတ်ချမ်းချမ်းသာသာ နေရမှာ မဟုတ်ဘူးတဲ့။

ဟုတ်ပ…

မြန်မာပြည်မှာသာဆို တော်ဝင်သမားတော်ကြီးဖြစ်ကာမှ ဖြစ်ရော… သည်လို လူသိရှင်ကြား လိင်တူချင်း ပေါင်းဖက်နေရင် ဆမ အသိမ်းခံရကိန်းက ရာနှုန်းပြည့်သလောက် ရှိသမို့လား။

🔹🔹🔹

ပြောချင်တာက အသက်မွေးမှုဘဝ (professional life) နဲ့ တကိုယ်ရေ ကိုယ်ပိုင်ဘဝ (private/personal life) ဆိုတာ လူတိုင်းမှာ ရှိပါတယ်။ ရောမပစ်ရင် ပြီးတာပဲပေါ့။

အဆုတ်ရောဂါ အထူးကုဆရာဝန်ဆိုပါစို့ရဲ့။ ဆေးလိပ်မသောက်ဖို့ ဆော်သြမယ်၊ ပညာပေးမယ်။ ဒါပေမယ့် သူ့အိမ်မှာ၊ ဘီယာဆိုင်မှာ၊ အပြင်မှာကျတော့ သူ့ဘာသာ ဖျင်က မီးခိုးထွက်အောင် သောက်ချင်သောက်နေပါလိမ့်မယ်။ ဘာဖြစ်တုံး။ သူ့ကိုယ်ပိုင်ဘဝမှာ သူ့ရွေးချယ်မှုနဲ့ သူ စိတ်ချမ်းသာတာ လုပ်ပါစေ။ ဆေးရုံ ဆေးခန်းမှာ မသောက်ရင် ပြီးတာပဲလေ။

သိပ္ပံပညာရှင် တယောထိုး၊ ပန်းချီဆွဲတာ ဘာမှ မဖြစ်ဘူး။ ဂေါပက မိန်းမရွှင်အိမ်သွား၊ အရက်သောက်ရင်တော့ ပြောချင်တတ်ကြတယ်။ ဂေါပကဆိုတာ သူတော်စင်မှ မဟုတ်တာ၊ ပစ္စည်းတွေ ငွေတွေကို ထိန်းသိမ်းစောင့်ရှောက်တဲ့ အလုပ်ကို လုပ်ရတဲ့ သာမန်ပုထုဇဉ်။ အလုပ်ခွင်မှာ သူ့အလုပ်သူ စေတနာပါပါ သပ်သပ်ရပ်ရပ်လုပ်နေရင် ပြီးတာပဲပေါ့။ သူ့ကိုယ်ပိုင် ဘဝမှာတော့ အရက်ပဲသောက်သောက်၊ မိန်းမရွှင်တရာနဲ့ပဲ အိပ်အိပ် အဲဒါ သူ့ကိုယ်ပိုင်ဘဝ။

သည်လောက် အခြေခံမှ မခွဲတတ်တဲ့သူတွေ စဆရက တက်ဖြစ်နေတဲ့ ခေတ်ကြီးကို အံ့ပါရဲ့ဗျာ…

အားလုံး တွေးဆ ဆင်ခြင်ကြည့်နိုင်ကြပါစေ

အတ္တကျော်

(၁၂၀၆၁၉)

Author: lettwebaw

A prolific Burmese writer whose main work is non-fiction with many articles and books on psycho-social and health issues including sex education for teenagers, proper etiquette, child rearing practices and marriage counselling tips. Another nom de plume is "Pseudonym."

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s