ရုပ်ရှင် ရုပ်ရှင် ရုပ်ရှင် (၃)

🎬 🎬 🎬 🎬 🎬 🎬

လေ့လာဆည်းပူးချင်ရင်၊ ဆည်းပူးတတ်ရင် 
အလကားရနိုင်တာတွေချည်းပဲကို နည်းမှတ်လို့…

ဖြစ်ရပ်မှန် ဓာတ်ရှင်အကြောင်း အနည်းအပါး ပြောပြီးတဲ့အခါ ကျနော်တို့မှာ ရှိတဲ့ ငွေလေးတမတ်နဲ့ တက်ကိုင်ဖို့ ရွယ်နေတဲ့ အတ္ထုပ္ပတ္တိဓာတ်ရှင်အကြောင်း ဆွေးနွေးကြည့်ပါရစေ။ (ဆက်ရေးတဲ့အခါ အတ္ထုပ္ပတ္တိဓာတ်ရှင်ကို “ထုတ်ရှင်”လို့ အတိုကောက် သုံးပါရစေ။)

အဲဒီ့အတွက် ကျနော် အိမ်စာ လုပ်ပါတယ်။

အောင်မလေးဗျာ… တေဝါးမယ်၊ ရှင်ဝါးမယ်၊ မတေမရှင် ဖိဝါးမယ်ဆိုတဲ့အတိုင်းပါပဲ။

ထုတ်ရှင်ကို တကယ် ချရိုက်ဖို့ အသာထား၊ ထုတ်ရှင်ရဲ့ သဘောသဘာဝကို နားလည်ဖို့တောင် ဖတ်စရာတွေက တပုံတပင်၊ ကြည့်ရမယ့်ကားတွေကလည်း မနည်းမနော။

၂၀၁၀ ပြည့်နှစ်က စတင်ပြီး အခုအထိ ၈ နှစ်ခွဲအတွင်းမှာ ဟောလီးဝု(ဒ်)က ထုတ်ရှင်ပေါင်း ၂၂၅ ကား ထွက်ထားသဗျ။ ဒါက ထင်ရှားတာတွေနော်။ မထင်မရှားတွေ မပါသေးဘူး။ ပျမ်းမျှ တနှစ်ကို ၂၈ ကားနှုန်း၊ တလကို နှစ်ကားနှုန်းလောက် ထွက်ထားတာလို့တောင် ပြောနိုင်တဲ့ အနေအထားပါ။

ငွေတမတ်နဲ့ ငါးကြင်းကောင်း မကိုင်ခင်မယ် အဲဒီ့ ၂၂၅ ကားအနက်က ကားပေါင်း ၁၀၀ လောက်ကိုပဲ လိပ်ပတ်လည်အောင် ထိုင်ကြည့်လိုက်မယ်ဆိုရင်တောင် ထုတ်ရှင်ဆိုတာ သည်လိုပါလားလို့ ကိုယ့်ဆရာတွေ သဘောပေါက်လာနိုင်လောက်အောင်ကို အသင့်ရှိနေပါတယ်။

ဝါသနာပါရင် ဝစ်ခီမှာ သွားကြည့်လို့ ရပါတယ်။ ၁၉၅၀ ပြည့်မတိုင်မီကာလမှသည် အခု ၂၀၁၉ ခုနှစ်အထိ နှစ်အလိုက် ထုတ်ရှင်စာရင်း တော်တော် ပြည့်ပြည့်စုံစုံက သည်မှာ ရှိပါတယ်။

https://en.wikipedia.org/wiki/List_of_biographical_films

ထုတ်ရှင်ရဲ့ အမြွက်သဘော

“ထုတ်ရှင် ဇာတ်ညွှန်းဟာ ကိုယ်ဘာကို ပြချင်တာလဲဆိုတဲ့အပေါ်မှာ မူတည်ပါတယ်။ မှတ်တမ်းဓာတ်ရှင်ဆိုရင်တော့ မှတ်တမ်းကားတို ဘယ်လောက်များများ ရနိုင်သလဲဆိုတဲ့အပေါ်မှာ မူတည်တာပေါ့။ ဒါပေသည့် ထုတ်ရှင်ကတော့ မှတ်တမ်းက ပြနိုင်တာထက် ဇာတ်လမ်းကို အများကြီး ပိုကောင်းအောင်၊ ပိုအသက်ဝင်အောင် လုပ်ယူနိုင်ပါတယ်”လို့ လောလောဆယ် နိုင်ငံတကာ ရုပ်ရှင်ပွဲတော်တွေမှာ တင်နေတဲ့ Stand Up Man ကိုရီးယားနဲ့ ကနေဒီယံ ဟာသရုပ်ရှင် ဇာတ်ညွှန်းကို ရေးခဲ့သူ ကနေဒါအခြေစိုက် ဒါရိုက်တာ၊ ဇာတ်ညွှန်းရေးဆရာမ Nathalie Younglai က ပြောဖူးပါတယ်။ (https://www.facebook.com/standupmanfilm/)

သူ့ဇာတ်ရုပ်ကို တည်ပြီး အရိုက်ခံလိုက်ရတဲ့ Facebook ဆရာကြီး ဇကာပေါက်ကိုယ်တိုင်ကတောင် အဲဒီ့ကားကို ကြည့်ပြီး “အီစလံဝေသွား”တာမို့ အဲဒီ့ကားကို “Block လုပ်လိုက်တယ်”လို့ ပြောခဲ့သလို သူနဲ့အတူ Facebook ကို တွဲပြီး တည်ထောင်ခဲ့တဲ့ Educardo Saverin ကလည်းပဲ “သည်ကားက ဖျော်ဖြေရေးအတွက် ရိုက်ကူးထားတာ ရှင်းပါတယ်။ အချက်အလက်မှန်ကို အခြေခံထားတဲ့ မှတ်တမ်းကား မဟုတ်ပါဘူး”လို့ ဆိုခဲ့တဲ့ The Social Network ဇာတ်ညွှန်းကို ရေးခဲ့သူ Aaron Sorkin ကလည်း ”အမှန်ပေါ်မှာ သစ္စာမထားချင်ပါဘူး။ ကျနော်က ပုံပြောချင်တာပါ”လို့ အတိအလင်း ဆိုခဲ့ပါတယ်။

အဲဒီ့ နှစ်ယောက်ရဲ့ စကားနဲ့တင် ထုတ်ရှင်ရဲ့ အမြွက်သဘောကို စောကြောနိုင်မယ် ထင်ပါတယ်။ ထုတ်ရှင်ဟာ မှတ်တမ်းကားမဟုတ်ပါဘူး။

ထုတ်ရှင်နဲ့ အလုပ်လျှောက်မှာ မဟုတ်ပါ

မှတ်တမ်းကား (documentary) ဆိုတာကတော့ အလုပ်လျှောက်တဲ့အခါ ထည့်ကြမြဲ ကိုယ်ရေးရာဇဝင်လိုပါပဲ။ အမည်၊ အခြားအမည် (ရှိလျှင်)၊ အဘအမည်၊ အမိအမည်၊ လူမျိုး၊ ကိုးကွယ်သည့်ဘာသာ၊ မွေးနေ့သက္ကရာဇ်၊ ပညာအရည်အချင်း၊ အိမ်ထောင်ရေးအခြေအနေ၊ သားသမီးအမည်… စသဖြင့်မှသည် ဟိုတခေတ်ဆီက နိုင်ငံကူးလက်မှတ် လျှောက်တဲ့အခါ လက်ညောင်းအောင် ဖြည့်ရတဲ့ ဆွေခုနစ်ဆက် မျိုးခုနစ်ဆက်ရဲ့ အသေးစိတ်တွေလိုမျိုး ထည့်ချင်သလောက် လျှောက်ထည့်လို့ ရပါတယ်။

Image may contain: 2 people, textထုတ်ရှင်လို့ ပြောကတည်းက “ဓာတ်ရှင်”သဘောပါသွားပါပြီ။ တနည်းပြောရရင် ပရိသတ်စွဲမက်အောင် ဖမ်းစားရပါတော့မယ်။ သည်အတွက် သက်ရှိထင်ရှားရှိခဲ့ဖူးတဲ့၊ ဒါမှမဟုတ်လည်း The Social Network မှာလို သက်ရှိ ထင်ရှားရှိဆဲ လူတယောက်ယောက်ရဲ့ အတ္ထုပ္ပတ္တိကို ရိုက်ပြရာမှာ ဇာတ်လမ်း (ပုံပြင်) သဘော ဖြစ်နေဖို့ မလွဲမသွေ လိုလာပါတယ်။

မှတ်တမ်းကားကို အလုပ်လျှောက်တဲ့အခါ တွဲတင်တဲ့ ကိုယ်ရေးရာဇဝင်နဲ့ ပုံခိုင်းခဲ့သလို ခိုင်းရမယ်ဆိုရင်တော့ ထုတ်ရှင်ဟာ ဝတ္ထုပါပဲ။ အဲလောက်ကို ရိုးစင်းရှင်းလင်းပါတယ်။ ဝတ္ထုပေမယ့် တကယ့် ဓိဋ္ဌဓမ္မလောကမှာ သက်ရှိထင်ရှားရှိခဲ့သူရဲ့ ဘဝကို အခြေခံထားတဲ့ ဝတ္ထုပေါ့။

(မြန်မာဝတ္ထုထဲမှာ နမူနာ ပြစရာအဖြစ် ခေါင်းထဲ တန်းခနဲ ပေါ်လာတာက ဆရာမကြီး ခင်နှင်းယု ရေးခဲ့ဖူးတဲ့ လုံးချင်းဝတ္ထုတပုဒ်ပါ။ ဝတ္ထုနာမည်တော့ မမှတ်မိတော့ပါဘူး။ တော်တော့်ကို အနုပညာမြောက်တဲ့ ဝတ္ထုတပုဒ် ဖြစ်ခဲ့တာကိုတော့ မမေ့နိုင်ပါဘူး။ ခက်တာက အဲဒီ့ဝတ္ထုကလည်း နောက်တကြိမ် ပြန်ထွက်လာစရာ အကြောင်း အလွန်နည်းသွားပါပြီ။ “ကျွန်မ၏ ချစ်သူ”ဆိုတာလည်း ဆရာမကြီးရဲ့ခင်ပွန်း ဗိုလ်မှူးကြီးကျော်သောင်းရဲ့ ဘဝကို အခြေခံ ထားတဲ့ ဝတ္ထုပါပဲ။ အဲဒါလည်း အလွန်ကောင်းပါတယ်။)

ပထမအချက်

အဲတော့ ပထမဆုံးအချက်က ထုတ်ရှင်ရိုက်မယ်ဆိုတဲ့အခါ အလုပ်လျှောက်လွှာတင်မှာ မဟုတ်ဘူးဆိုတာကို သတိထားဖို့ လိုမယ်ထင်ပါတယ်။ အနုပညာမြောက်တဲ့ ဇာတ်လမ်းရိုက်မှာကို ပြက်ပြက်ထင်ထင် သိထားရပါလိမ့်မယ်။

တဘဝလုံး လျှောက်ရိုက်ပြမှ ထုတ်ရှင်ကောင်း ဖြစ်တာမဟုတ်

ဒုတိယကတော့ ပထမအချက်နဲ့ ဆက်စပ်နေပါတယ်။

ဇာတ်လမ်းရိုက်တော့မှာမို့ အဲဒီ့သက်ရှိထင်ရှားရှိသူရဲ့ ပုခက်တွင်းမှသည် အုတ်ဂူဆီအထိ အစဉ်အတိုင်း စီကာစဉ်ကာ ရိုက်ပြစရာ မလိုဘူးဆိုတာကို ပြက်ပြက်ထင်ထင် သိထားသင့်ပြန်ပါတယ်။

ဇာတ်လမ်းဖြစ်တဲ့အတွက် ထုတ်ရှင်ဇာတ်ညွှန်းရေးသူမှာ လွတ်လပ်ခွင့် အတော်အတန် ရသွားပါပြီ။ ပြင်လို့မရတာက အချိန်ကာလ၊ အခင်းအကျင်းနဲ့ အဓိက ဇာတ်ကောင်တွေပါ။ အဲဒါကို မူသေထားပြီး ကျန်တာက အနုပညာအား ကောင်းရင် ကောင်းသလောက် ကွန့်လို့ ညွှန့်လို့ ရနေပါတယ်။

နမူနာလေးတွေ ပြပါရစေ…

အမေရိကန် သမ္မတ Abraham Lincoln ရဲ့ ထုတ်ရှင်တွေ တကားမက ရှိပါတယ်။ သည်ထဲမှာမှ The Better Angels ဆိုတဲ့ ကားက လင်းခန်း (Lincoln) ရဲ့ ငယ်ဘဝကိုသာ ရိုက်ပြခဲ့တာပါ။

Image may contain: 1 person, smiling, textနယ်လဆင်(န်)မယ်(န်)ဒဲလားဆိုလည်း တကားမက ရှိပါတယ်။ ဒါပေသည့် အဲဒီ့ထဲမှာမှ Clint Eastwood ရိုက်တဲ့ Invictus ဇာတ်ကားဟာ သူ့ထက်ပိုပြီး အတ္ထုပ္ပတ္တိအပြည့်အစုံ ပိုဆန်တဲ့ Mandela: Long Walk to Freedom ကားထက် ပိုပြီး မယ်(န်)ဒဲလား ရုပ်လုံးပိုကြွခဲ့ပြန်တယ်။

Invictus က တောင်အာဖရိက နိုင်ငံက လူဖြူတွေ အင်မတန် ခုံမင်တဲ့ Rugby ကမ္ဘာ့ဖလားပွဲမှာ အနိုင်ရလာတဲ့ လူဖြူအသင်းကို နွေးနွေးထွေးထွေး ကြိုဆိုခဲ့တဲ့ တကယ့်ဖြစ်ရပ်ကို အခြေခံပြီး မယ်(န်)ဒဲလားရဲ့ နိုင်ငံရေး ကြံ့ခိုင်မှုစွမ်းရည်ကို မီးမောင်းထိုးပြခဲ့တာပါပဲ။

တနည်းပြောရင် နယ်လဆင်(န်)မယ်(န်)ဒဲလားဆိုတာ ဘယ်လိုလူစားလို့ ပေါ်လွင်အောင် ရိုက်ပြခဲ့တာ ဖြစ်ပါတယ်။

ကျနော် ခဏခဏ ညွှန်းခဲ့ဖူးတဲ့ Bohemian Rhapsody ဆိုလည်း လူ့ဘဝမှာ ၄၅ နှစ်နေသွားတဲ့ Freddy Mercury ရဲ့ဘဝကို Queen တီးဝိုင်း စဖွဲ့တဲ့ ၁၉၇၀ ပြည့်မှသည် ၁၉၈၅ ခုနှစ် ကယ်ဆယ်ရေး ရံပုံငွေ ဖျေဖ်ာဖြေပွဲအထိ ၁၅ နှစ်တာလေးပဲ ဖြတ်ရိုက်ပြသွားတာပါ။ ဒါပေမယ့် အဲဒီ့မှာလည်း Freddy ဘယ်လိုလူစားဆိုတာ ကွက်ခနဲ ပေါ်ပါတယ်။

ဒုတိယအချက်

သည်မှာ အချက် ၂ ချက် ထပ်ထွက်လာပါတယ်။

အစအဆုံး လျှောက်ရိုက်နေစရာ မလိုဘဲ ဇာတ်လမ်းအရ လိုတဲ့နေရာလေးပဲ ဖြတ်ပြလို့လည်း ထုတ်ရှင်အတွက် အဆင်ပြေတယ်ဆိုတဲ့ အချက်က တချက်ပေါ့။

တတိယအချက်

နောက်တချက်က ကိုယ်ရိုက်ပြမယ့် အဓိကဇာတ်ရုပ် (သက်ရှိထင်ရှားရှိခဲ့သူ)ဟာ ဘယ်လိုလူစားဆိုတာ ပေါ်လွင်သွားတာနဲ့ ထုတ်ရှင်သမား တာဝန်ကျေပြီဆိုတဲ့ အချက်ပါ။ ဒါ သိပ်အရေးကြီးပါတယ်။

သည်နေရာမှာ အဲဒီ့လူဟာ ဘယ်လိုလူစားလို့ ကိုယ်မြင်တဲ့ အမြင်အတိုင်း ပီပြင်ဖို့လေးပဲ လိုတာပါ။ အဲဒီ့အမြင်ကို ပရိသတ်ရှေ့မှောက်ချပြလိုက်တာဟာ ထုတ်ရှင်ပါပဲ။

အဲတော့ ထုတ်ရှင်ရိုက်တော့မယ်ဆိုရင် ကိုယ်ရိုက်မယ့် ဇာတ်ရုပ်ရဲ့ စရိုက်မှန်၊ စိတ်ရင်းကို ထဲထဲဝင်ဝင် ပပ်ပပ်နပ်နပ် သိထားဖို့က တခြားဟာတွေရဲ့ ရှေ့ကို ရောက်လာပါတယ်။

အရေးကြီးဆုံး

သိပ်အရေးကြီးတာကတော့ အဲဒီ့လူနဲ့ ပတ်သက်လို့ တခြားဆရာတွေ၊ သူ့သူငယ်ချင်းတွေ၊ သူနဲ့ ခေတ်ပြိုင်တွေ ပြောသမျှကို နားထောင် ဖတ်ရှုပြီး သည်လူဟာ ဘယ်လိုလူရယ်လို့ သည်ဇာတ်ကို ရေးမယ့်သူ၊ ရိုက်မယ့်သူ “ကိုယ်တိုင်ကိုယ်ကျ” “ရင်ဘတ်ကြီးနဲ့” ထိုးထွင်း သိလာတဲ့ “ကိုယ်ပိုင်” သိရှိမှုကို ဆိုလိုပါတယ်။ ဟိုလူပြော သည်လူပြော ကြားဖူးနားဝနဲ့ သိထားတဲ့ “အိယောင်ဝါး” အသိ၊ “သညာသိ”လောက်နဲ့ မရပါဘူး။

အားလုံး တွေးဆ ဆင်ခြင်ကြည့်နိုင်ကြပါစေ…
အတ္တကျော်

၂၄၀၆၁၉

Advertisements

ရုပ်ရှင် ရုပ်ရှင် ရုပ်ရှင် (၂)

🎬 🎬 🎬 🎬 🎬 🎬

အတ္ထုပ္ပတ္တိဓာတ်ရှင်ဆီ မသွားခင် ကြားတဆင့်

အားနာနာနဲ့ ပြောရမယ်ဆိုရင်တော့ အတ္ထုပ္ပတ္တိ ရုပ်ရှင်က ကျနော်တို့ မြန်မာ ဓာတ်ရှင်သမားတွေနဲ့ ဝေးလွန်းလှတယ်လို့ မြင်မိရပါတယ်။

ကျနော့်အမြင်မှာတော့ အဲဒီ့အတ္ထုပ္ပတ္တိ ရုပ်ရှင်ဆိုတဲ့ ငါးကြင်းခေါင်းကြီး မကိုင်ခင်မှာ ကြားတဆင့် ကျန်နေပါသေးတယ်။ အဲဒါကတော့ ဖြစ်ရပ်မှန် ရုပ်ရှင်ပါပဲ။

မြန်မာ့ရုပ်ရှင် နှစ် ၁၀၀ သက်တမ်းအတွင်းမှာ ကျနော်သိမီသလောက် ဖြစ်ရပ်မှန် ရုပ်ရှင် မရှိသလောက်နည်းပါတယ်။ မှုခင်းဖြစ်ရပ်မှန်တချို့ကို ရိုက်ပြဖူးကြတာကလွဲရင် အမှတ်ထင်ထင် တကားမှ မရှိပါဘူး။ (မှားနေရင် ပြင်ပေး၊ ထောက်ပြပေးတော်မူကြပါ။)

ဘောလီးဝု(ဒ်)က ဖြစ်ရပ်မှန် ဓာတ်ရှင်တွေ

တကယ်ဖွံ့ဖြိုးနေတဲ့ ရုပ်ရှင်လောကတွေမှာတော့ ဖြစ်ရပ်မှန်ရုပ်ရှင်တွေ တသီကြီး ရိုက်ကူးတင်ဆက်နေကြပါတImage may contain: 2 people, textယ်။ ဟောလီးဝု(ဒ်)ကို အသာထား၊ အိမ်နီးချင်း အိန္ဒိယနိုင်ငံက ဘောလီးဝု(ဒ်)မှာတောင် အများကြီးရှိပါတယ်။ ကျနော် ကြည့်ဖူးပြီး စွဲနေတဲ့ ကားတကားက Sarbjit (2016) ပါပဲ။ နောက်အမှတ်ထင်ထင် ဖြစ်ကျန်ရစ်တာက No One Killed Jessica (2011), Shahid (2012), Manjhi – The Mountain Man (2015) တို့ပါပဲ။ ကျနော် မကြည့်ဖူးတာတွေ အများအပြား ကျန်ပါသေးတယ်။ မွမ်ဘိုင်းမှာ ဗုံးကွဲတာ အခြေခံထားတာ၊ အကြမ်းဖက်သမားတွေ လေယာဉ်ကို ပြန်ပေးဆွဲချိန်မှာ ရဲရဲရင့်ရင့် ရင်ဆိုင်ခဲ့တဲ့ လေယာဉ်မယ်၊ ခြေနင်းမီးစက်ကို ဖန်တီးပြီး ရွာနဲ့ ကျောင်းတွေကို မီးလင်းအောင် လုပ်ပေးခဲ့တဲ့ စုံတွဲ၊ ဆာဒမ်ဟူစိန် ကူဝိတ်ကို ကျူးကျော်ချိန်မှာ ကူဝိတ်ရောက် အိန္ဒိယနိုင်ငံသားတွေကို ထောင်နဲ့ ချီပြီး ကယ်ထုတ်ခဲ့တဲ့ အိန္ဒိယ စီးပွားရေးလုပ်ငန်းရှင်စသဖြင့် တကယ့် ဖြစ်ရပ်မှန်တွေကို အခြေခံ ရိုက်ကူးထားတဲ့ ကုလားကားတွေ အများအပြား ကျန်ပါသေးတယ်။

ဟောလီးဝု(ဒ်)က တောင်ပုံရာပုံ

ဟောလီးဝု(ဒ်)မှာတော့ မပြောပါနဲ့တော့။ Escape from Alcatraz (1979), Enemy at the Gates (2001), Catch Me If You Can (2002), the Pianist (2002), Hotel Rwanda (2004), Ray (2004), Letters from Iojima (2006), a Beautiful Mind (2006), the Queen (2006), Into the Wild (2007), the Pursuit of Happyness (2006), the Last King of Scotland (2006), a Mighty Heart (2007), the Hunting Party (2007), Che (2008), Hachi: a Image may contain: 1 personDog’s Tale (2009), J. Edgar (2011), the Social Network (2012), Lincoln (2012), Sully (2016), the Butler (2018), Green Book (2018), … အစရှိသဖြင့်။ ဒါ ကျနော် အမှတ်ထင်ထင် ဖြစ်ကျန်ရစ်တဲ့ ကားတချို့ပါပဲ။ ပြောမယ်ဆို တပုံကြီး ကျန်ပါသေးတယ်။

သည်ကားတွေထဲမှာ အတ္ထုပ္ပတ္တိဓာတ်ရှင်တချို့လည်း ပါနေပါတယ်။ ဥပမာ J. Edgar တို့၊ Ray တို့၊ Che တို့၊ Lincoln တို့ပေါ့။

ကိုရီးယားတွေလည်း တွယ်နေကြပြီ

ဖြစ်ရပ်မှန်ဇာတ်လမ်းတွေကို ကိုရီးယားဓာတ်ရှင်သမားတွေလည်း ဓာတ်ကျနေကြပါတယ်။ A Taxi Driver (2017) ဆို ဒေါ်လာ ၁၄ သန်း အကုန်ခံရိုက်ပြီး တောင်ကိုရီးယားတနိုင်ငံတည်းမှာတင် ၈၉ သန်းလောက် ပြန်ရခဲ့ပါတယ်။ ကမ္ဘာမှာ လည်းအောင်မြင်သလို ဆုတွေလည်း ရ၊ ဆန်ကာတင်စာရင်းတွေလည်း နိုင်ငံတကာမှာ ဝင်ခဲ့တဲ့ ဇာတ်ကားပါပဲ။

Northern Limit Line (2015) ဆိုလည်း ၆ သန်းပဲ ကုန်ပြီး ၃၉ သန်း ပြန်ရခဲ့တဲ့ဇာတ်ကားပါ။ မြောက်ကိုရီးယားနဲ့ ဖြစ်ခဲ့တဲ့ တိုက်ပွဲဖြစ်ရပ်မှန် ဇာတ်လမ်းပါ။

Memories of Murder (2003) က ကိုရီးယားနိုင်ငံသမိုင်းရဲ့ တယောက်ပြီးတယောက် ဆက်တိုက်သတ်တဲ့ ပထမဆုံး လူသတ်သမားရဲ့ ဖြစ်ရပ်မှန်ပေါ် အခြေခံထားတဲ့ဇာတ်ကား။ ၁၉၈၆ ကနေ ၁၉၉၁ ခုနှစ်အထိ ငါးနှစ်တာအတွင်းမှာ အမျိုးသမီး ၁၀ ယောက် အသတ်ခံခဲ့ရတဲ့ အဖြစ်။ သို့ပေတည့် ရုပ်ရှင်က လူသတ်သမားကို အဓိကမထားဘူး။ မပြည့်မစုံနဲ့ သည်အမှုကို လိုက်ရတဲ့ ရဲစုံထောက်နှစ်ယောက်ကို အသားပေးရိုက်ခဲ့တာပါ။ ဒေါ်လာ သုံးImage may contain: 2 people, textသန်းလောက် ကုန်တယ်လို့ သိရပေမယ့် ဘယ်လောက် ပြန်ရတယ်ဆိုတာတော့ မသိရပါဘူး။ သို့သော် ကိုရီးယားမှာ လူကြည့်အများဆုံး ဇာတ်ကားအနေနဲ့ စတုတ္ထနေရာမှာ ရှိပါတယ်။

Silenced (2011) က တော်တော် ထူးခြားပါတယ်။ ဘယ်လောက်ကုန်တယ် မသိရပေမယ့် ဒေါ်လာ ၃၁ သန်းလောက် ပြန်ရတယ်။ ဒါက အရေးမကြီးပါဘူး။ သည်ကားက နားမကြားတဲ့ ကလေးတွေကို နားမကြားကျောင်းက ဆရာတွေက ၂၀၀၀ ပြည့်လွန်နှစ်များမှာ ငါးနှစ်လောက် လိင်ပိုင်းဆိုင်ရာ မတော်မတရားပြုကျင့်ခဲ့ကြပြီး တရားရုံးက ကျူးလွန်သူတွေကို အလျှော့ပေါ့ဆုံး ပြစ်ဒဏ်ချမှတ်ခဲ့တာကို ရိုက်ပြလိုက်တာပါပဲ။ ဇာတ်ကားထွက်လာတော့မှ အဲဒီ့ကျောင်းကို ချက်ချင်း ပိတ်လိုက်သလို ကလေးငယ်တွေ၊ မသန်မစွမ်းတွေ (ကျနော် မသန်စွမ်းလို့ ရေးတာကို ဘာသာစကားအသုံးအနှုန်းအရ သဘောမတူပါ။ ဗမာစကားမှာ အစဉ်အဆက်အရ မစွမ်းမသန်၊ မသန်မစွမ်းလို့သာ သုံးပါတယ်။ စွမ်းရှေ့က “မ”ကို ပယ်ခြင်းဟာ ဘာသာစကားကို ဖျက်ဆီးခြင်းလို့ မြင်မိပါတယ်။ ကျနော့်တယောက်တည်း သဘောထားပါ။) အပေါ် ကျူးလွန်တဲ့ လိင်ပိုင်းဆိုင်ရာ ပြစ်မှုများနဲ့ ပတ်သက်တဲ့ ကာလစည်းကမ်းသတ် ဥပဒေ (ဘယ်နှနှစ်ကြာသွားရင် ပြစ်မှု ကျူးလွန်သူကို အရေးမယူတော့ဘူးလို့ သတ်မှတ်ထားတာမျိုး)ကို ပယ်ဖျက်တဲ့ ဥပဒေလည်း ပေါ်ထွက်ခဲ့တာမို့ သည်ကားဟာ တော်တော်ထူးခြားတယ်လို့ ဆိုလိုက်ရတာပါပဲ။

ဓာတ်ရှင်ဆရာတွေရဲ့ သြဇာဟာ ကျနော်တို့ အနုဉာတ စာရေးသူတွေရဲ့ သြဇာထက် အဆပေါင်းများစွာ အစွမ်းထက်လှတယ်ဆိုတာကို သည်ဖြစ်ရပ်က သက်သေခံနေပါတယ်။

နမူနာအဖြစ် အနည်းအပါး ကောက်နုတ်ပြတာပါ။ ပြောမယ်ဆို သူတို့ဆီက ဖြစ်ရပ်မှန် ရုပ်ရှင်ဇာတ်လမ်းတွေလည်း အများအပြား ကျန်ပါသေးတယ်။

ထိုင်းရိုက်တဲ့ ထိုင်းကဖြစ်ရပ်မှန်

ထိုင်းနိုင်ငံက ဖြစ်ရပ်မှန်ကို အခြေခံပြီး ဟောလီးဝု(ဒ်)က ရိုက်တဲ့ကားတွေ ရှိပါတယ်။ အဲလို မဟုတ်ဘဲ ထိုင်းဒါရိုImage may contain: one or more peopleက်တာ ကိုယ်တိုင်ရိုက်ကူးတဲ့ ဖြစ်ရပ်မှန် ကားတကားက Sam Chuk (2009)ပါ။ မူးယစ်ဆေး ငြိသွားသူ ကျောင်းသားလေး ၇ ယောက်ကို ဆရာလုပ်သူက ဆေးပြတ်အောင် အနုနည်းနဲ့ ကယ်တင်ခဲ့တဲ့ ဖြစ်ရပ်မှန် ဇာတ်လမ်းလေးပါပဲ။

ဖြစ်ရပ်မှန်“ဇာတ်လမ်း” ရိုက်တော့မယ်ဆိုရင်…

ဖြစ်ရပ်မှန် ရိုက်မယ်ဆိုရင်တော့ အလိုအပ်ဆုံး အချက်က သုတေသန၊ တနည်းပြောရရင် လေ့လာစူးစမ်းမှုတွေ လုပ်ဖို့ အများကြီးလိုပါတယ်။ ဖြစ်ရပ်“မှတ်တမ်းတင်ရုပ်ရှင်” ရိုက်တာမဟုတ်ဘဲ ဖြစ်ရပ်မှန်“ဇာတ်လမ်း”ကို ရိုက်မှာမို့ ပရိသတ်ရဲ့ ခံစားချက်နဲ့ အာရုံကို ဖမ်းစားရပါတော့မယ်။ တဖက်ကလည်း ဖြစ်ရပ်မှန်ကို အခြေခံတာမို့ အချက်အလက်တွေ မှန်ဖို့ထက် နီးစပ်ဖို့ လိုပါတယ်။ သည်အခါမှာ အဲဒီ့ဖြစ်ရပ်ဖြစ်ပွားစဉ်က အခြေအနေတွေကို ဘက်စုံ ထောင့်စုံက လေ့လာ စူးစမ်းရပါ တော့မယ်။ အချိန်ယူရပါတော့မယ်။ ဒါဟာ ဖြစ်ရပ်မှန်ဇာတ်လမ်းအတွက် အဓိက အခြေခံပါပဲ။

ဖြစ်ရပ်မှန်ပေမယ့် အကုန် အတိအကျ ဖြစ်နေစရာ မလို

ဝတ္ထုကို ရုပ်ရှင် ရိုက်သလိုပါပဲ။ မှတ်တမ်းကား မဟုတ်ဘဲ ဇာတ်လမ်းကား ဖြစ်တာမို့ ဖြစ်ရပ်မှန်ဆိုပေမယ့် တချို့ဟာတွေကို စိတ်ဝင်စားစရာ ကောင်းလာအောင်၊ ဇာတ်ရှိန်တက်လာအောင် အပိုဆာဒါးလေးတွေ ထည့်ရတာလည်း ရှိချင်ရှိနိုင်ပါတယ်။ အထက်က နမူနာပြခဲ့တဲ့အထဲက ဘယ်ဖြစ်ရပ်မှန်ကားကိုဖြစ်ဖြစ် ဝေဖန်သူတချို့က အချက်အလက်တွေ မှားတယ်လို့ ဝေဖန်တာ ခံရခဲ့တာချည်းပါပဲ။

ဓာတ်ရှင်သမားတွေဘက်ကလည်း ရှင်းပါတယ်။ ဓာတ်ရှင်ဖြစ်နေတာမို့ အနုပညာသည်အခွင့်အရေးကို သုံးပြီး ဇာတ်သွက်အောင်၊ ဇာတ်တက်အောင် တချို့ဟာတွေကို သစ္စာဖောက်ရတာလို့ ဖြေရှင်းကြစမြဲလည်း ဖြစ်ပါတယ်။

မြန်မာပြည်က ဖြစ်ရပ်မှန် အနမတဂ္ဂ

မြန်မာတွေလည်း လူတွေသာမို့ ဖြစ်ရပ်မှန် ဇာတ်လမ်းတွေ တပုံနဲ့ တမ ရှိပါတယ်။

ရုတ်တရက် ခေါင်းထဲ ပေါ်လာတာဆိုရင် အင်းယားကန်ဟိုတယ်မှာ ဂျပန်ကြီး အသတ်ခံရတာမျိုးဆို သိပ်ရိုက်လို့ ကောင်းပါတယ်။ ခုလောက်ဆိုရင် ရဲမှတ်တမ်းတွေ ဘာတွေလည်း တောင်းကြည့်လို့ ရလောက်နေပါပြီ။ မရိုက်ခင် အကျအန စူးစမ်းလေ့လာ၊ အဲဒီ့တုန်းက ရှိခဲ့တဲ့ ဝန်ထမ်းတွေ၊ သည်အမှုမှာ အစစ်ခံခဲ့၊ မေးမြန်းခံခဲ့ရသူတွေကို သွားတွေ့၊ မေးစသဖြင့် ဖြစ်ရပ်တခုလုံးကို ထောင့်စုံက ရုပ်လုံးပေါ်တဲ့အထိ ရတဲ့အထိ ကြိုးပမ်းနိုင်ပါတယ်။ ရပြီဆိုရင် ဘယ်ထောင့်က ပြမလဲဆိုတာ စဉ်းစားရမှာပါ။ အကြီးအကျယ် အားစိုက်ရမှာ ဖြစ်သလို နည်းနည်းလည်း အပင်ပန်းခံရမှာတော့ မလွဲပါဘူး။ ဒါပေမယ့် နိုင်ငံတကာ တန်းဝင် ဇာတ်ကားတကား ဖြစ်လာဖို့လည်း ခြေတလှမ်း ပိုနီးလာမှာ အသေအချာပါ။

လောလောဆယ် ရေပန်းစားနေတဲ့ အိမ်ဖော်တွေ အနှိပ်စက်ခံ၊ သေကျေသွားတဲ့ ဖြစ်ရပ်မှန်တွေ၊ ကလေးသူငယ် မဖွယ်ရာမှု ကျူးလွန်တဲ့ ဖြစ်ရပ်မှန်တွေ၊ တလောဆီက ဖြစ်ခဲ့တဲ့ တတ်ယောင်ကား ပယောဂဆရာလက် ထိုးအပ်လို့ အနှိပ်စက်ခံပြီး သေသွားခဲ့ရတဲ့ ကလေးငယ်တွေရဲ့ ဖြစ်ရပ်မှန်၊ ဖုန်းမော် ကျဆုံးခဲ့ရတဲ့ ဖြစ်ရပ်မှန်၊ ၈၈ နောက်ပိုင်း ထောင်တွင်းမှာ၊ စစ်ကြောရေးစခန်းတွေမှာ သေဆုံးခဲ့သူတဦးဦးရဲ့ ဖြစ်ရပ်မှန်၊ မကဒတ (မြောက်ပိုင်း)က သတ်ဖြတ်မှု ဖြစ်ရပ်မှန်၊ တရုတ်နိုင်ငံကို လူကုန်ကူးခံရ၊ မယားအဖြစ် ရောင်းအစားခံရသူတဦးဦးရဲ့ ဖြစ်ရပ်မှန်၊ ထိုင်းငါးဖမ်းလှေပေါ် ရောင်းစားခံရသူရဲ့ ဖြစ်ရပ်မှန်… ရိုက်ပါလေ့ဗျာ… တပုံကြီး ရှိပါတယ်။ (ကြောက်လို့ ချန်ထားခဲ့တဲ့ ဖြစ်ရပ်မှန် အယ်စတုံတွေလည်း ရှိပါသေးတယ်။) ဒါတွေဆို သိပ်မကြာသေးခင်က အဖြစ်အပျက်တွေမို့ အချက်အလက် စုဆောင်းရတာ ပိုလွယ်ပါလိမ့်မယ်။

အောင့်ထားသင့်သေးတဲ့ ဖြစ်ရပ်မှန်ဇာတ်လမ်း

ဟိုတနေ့က ရှေ့ဘီး ချမရတဲ့ကြားက ဘေးကင်းစွာ ဆင်းသက်နိုင်ခဲ့တဲ့ မြန်မာ့လေကြောင်း လေယာဉ်မှူးရဲ့ ဖြစ်ရပ်မှန်ဆိုလည်း Sully လောက်တော့ ဖြစ်နိုင်မှာပါ။ ဒါပေသည့် အဲဒါမျိုးကျတော့ ကုန်ကျစရိတ်က တတ်နိုင်မယ် မထင်ဘူး။ လေယာဉ်တွေ၊ အထူးပြုလုပ်ချက်တွေ ပါမှာကိုး။ အဲဒါမျိုးဆို လောလောဆယ် လက်ရှောင်ထားရမှာပေါ့။

လေယာဉ်နဲ့ ပတ်သက်လို့ ရိုက်မယ်ဆို မော်တော်ဆိုင်ကယ်စီးရင်းတန်းလန်းက လေယာဉ်အတိုက်ခံရပြီး ကွယ်လွန်ခဲ့တဲ့ ရှမ်းပြည်နယ်က ဦးပွားကြီး အဖြစ်မျိုးဆိုလည်း သိပ်ရိုက်လို့ ကောင်းမှာ။

တချို့ အမည်မဖော်လိုတဲ့ ဖြစ်ရပ်မှန်တချို့ဆိုရင်လည်း လောလောဆယ် အောင့်ထားရမှာတွေထဲ ပါပါတယ်။

လူငယ်တွေကို အားကိုးပါတယ်

နာမည်ကျော် ဝတ္ထုကို ဝယ်ပြီး ရုပ်ရှင်ရိုက်တာကတော့ ဟုတ်ကဲ့… အားနာပါတယ်… ရိုးဟိုးဟိုးဟိုးနေပါပြီ။ ရုပ်ရှင်သမိုင်း အစကတည်းက လုပ်လာခဲ့တာမို့ ဘယ်ဒါရိုက်တာမဆို လုပ်နိုင်တာမျိုးပါ။

ဖြစ်ရပ်မှန်ကို အခြေခံပြီး ကိုယ်တိုင် ဇာတ်ညွှန်းရေး ရိုက်ကူးတဲ့အထိ ဖောက်ထွက်ရဲတဲ့ သတ္တိရှိသူ ဒါရိုက်တာ လူငယ်လေးတွေကို ကျနော်တို့ မျှော်လင့်နေပါတယ်။

အသားပေးရုပ်ရှင်ကြီး မဟုတ်တောင်၊ တနာရီစာ၊ ၄၅ မိနစ်စာလောက် ရိုက်ပြနိုင်ရင်ကို နိုင်ငံတကာ ပွဲတွေ တင်နိုင်ပါ။ အသားပေးရုပ်ရှင်ကြီးဆိုရင်တော့ အတိုင်းထက်အလွန်ပေါ့။ ကမ္ဘာ့ ရုပ်ရှင်ဆီ ခရီးချီရာမှာ သည်လို ဖြစ်ရပ်မှန် ရုပ်ရှင်တွေကို ရိုက်ပြတဲ့နည်းတနည်း ရှိတာကိုလည်း မမေ့ကြစေချင်ပါဘူး။

အထက်က ကျနော့် ခေါင်းထဲပေါ်လာသလောက် ချပြလိုက်တဲ့ ဖြစ်ရပ်မှန်တချို့ဆိုရင် ရိုက်ကူးရေးစရိတ် သိပ်မများပါဘူး။ ဖုန်းမော် ကျဆုံးခဲ့တဲ့ ဖြစ်ရပ်မှန်ဇာတ်လမ်းထက် စစ်ကြောရေးစခန်းမှာ တိမ်းပါးခဲ့ရသူတဦးရဲ့ ဖြစ်ရပ်မှန်ဇာတ်လမ်းက စရိတ်သက်သာပါလိမ့်မယ်။ အဲဒါထက် ပယောဂဆရာ နှိပ်စက်လို့ တိမ်းပါးခဲ့ရသူ ကလေးငယ်တွေရဲ့ ဖြစ်ရပ်မှန်က ရိုက်ကူးရေးစရိတ် ပိုသက်သာနိုင်ပါတယ်။ ဂျပန်ကြီး အသတ်ခံရတဲ့ ဇာတ်လမ်းဆိုလည်း ရိုက်ကူးရေးစရိတ် သိပ်များမယ် မထင်ပါဘူး။ ဂျပန်ကြီးရဲ့ နေရာကို အဓိကမထားဘဲ လူသတ်မှုကိုသာ အဓိကထားမယ်ဆိုရင် အများကြီးဖြစ်နိုင်ပါတယ်။

ဖောက်ထွက်မယ့် လူငယ်တွေကို ကျနော်တို့ မျှော်လင့်နေပါတယ်။ အားလည်း ကိုးမိပါတယ်ဗျာ။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်

၂၂၀၆၁၉

ရုပ်ရှင် ရုပ်ရှင် ရုပ်ရှင် (၁)

 🎬 🎬 🎬 🎬

ရေးချင်သွားရခြင်း အကြောင်းရင်း

ဗိုလ်ချုပ်ရုပ်ရှင်နဲ့ ပတ်သက်လို့ လက်ထဲမှာ ရှိနေတဲ့ ငွေက မလုံလောက်ဘူးလို့ ဒါရိုက်တာလုပ်မယ့်သူက ပြောတဲ့ အင်တာဗျူးကို နားထောင်ရတဲ့အခါ ကျနော့်ခေါင်းထဲမှာ ရုပ်ရှင်အကြောင်းက ရောက်လာပြန်ပါတယ်။

ဗိုလ်ချုပ်ရုပ်ရှင် (အတ္ထုပ္ပတ္တိ ရုပ်ရှင်)ကို အသာထား၊ ဝတ္ထုကို ရုပ်ရှင်ရိုက်တာတောင် သည်ဘက်ခေတ်ဆရာတွေ ဘယ်လောက် လက်စွမ်းပြနိုင်ခဲ့ကြသလဲဆိုတဲ့အတွေးက ခေါင်းထဲ ဝင်လာပါတယ်။ အာဆီယံ ဓာတ်ပုံဆုရတဲ့ “မီ”ကိုတော့ ကျနော် မကြည့်ဖူးလို့ မပြောတတ်ဘူး။ ပရိသတ်ရဲ့ အသံကတော့ အဲဒီ့ကားနဲ့ ပတ်သက်လို့ ကောင်းတယ်။ ကျန်တာတွေကိုတော့ ပရိသတ်က သိပ်မကျေလည်သံတွေပဲ ကြားနေရပါတယ်။

ဝတ္ထုကို ရုပ်ရှင် ပြောင်းတာ

ဝတ္ထုနဲ့ ရုပ်ရှင်မှာ တူနေမှာက ဇာတ်လမ်းရယ်၊ အခင်းအကျင်းရယ်၊ ဇာတ်ကောင်တွေရယ်ပါပဲ။

Image may contain: 3 peopleဇာတ်ညွှန်းဆရာမတယောက်က ပြောဖူးတယ်။ ဇာတ်ညွန်းပြောင်းယူတာနဲ့ ပတ်သက်ရင် အထိမိဆုံး ဥပစာ။

“ဝတ္ထုကို ဇာတ်ညွှန်းပြောင်းတာဟာ အိမ် ပြန်ပြင်တာနဲ့တူပါတယ်။ အိမ်ရဲ့အတွင်းပိုင်း အကုန်လုံးကို ဖြိုချလိုက်ပြီး လှလှပပ ဖြစ်အောင် ပြန်ဆောက်ယူတာပါပဲ”တဲ့။

ဟုတ်တာပေါ့။ အတွင်းလှေကားကအစ နေရာရွှေ့တပ်ရတဲ့အထိ ဖြစ်နိုင်ပါတယ်။

စကားပြေကနေ ဇာတ်ညွှန်းပြောင်းရာမှာ ရုပ်ရှင်ဆိုတဲ့ ပုံစံရဲ့ အကန့်အသတ်ကို နားလည်ဖို့ လိုပါတယ်။

စကားပြေပုံစံ၊ ဇာတ်ညွှန်းပုံစံ

စကားပြေက ဇာတ်ညွှန်းပြောင်းရင် ဇာတ်လမ်းကို စဉ်းစားပုံ ပြောင်းရပါလိမ့်မယ်။ သူ့ဟာသူ ဘယ်လိုရေးထားထား၊ ကိုယ်က ပြကွက် အခန်းစဉ်တွေအဖြစ် မြင်တတ်ရပါတော့မယ်။

နောက်တချက်က ရုပ်ရှင်တကားရဲ့ ပျမ်းမျှ ကြာမြင့်ချိန်က တနာရီခွဲ၊ တနာရီ ၄၅ မိနစ်လောက်ပဲ ရှိပါတယ်။ အကြမ်းဖျင်း ပြောရင် အဲလောက်အတွက်က ဇာတ်ညွှန်း စာမျက်နှာ ၁၀၀၊ အများဆုံး ၁၅၀ ကြားမှာပဲ ရှိပါတယ်။ ပျမ်းမျှ ဝတ္ထုတပုဒ်က စာမျက်နှာ ၃၀၀ လောက် ရှိပါတယ်။ တချို့ဆို စာမျက်နှာ ၅၀၀ လောက်အထိတောင် ရေးကြတယ်။ စာမျက်နှာ ၃-၄ ၅ ရာ ကို စာမျက်နှာ ၁၀၀-၁၅၀ ကြား ဖြစ်ဖို့အတွက် အများကြီး လျှော့ချရတော့မှာပါ။

ရုပ်ရှင်ဘာသာစကား

ဝတ္ထုကို ဇာတ်ညွှန်းပြောင်းမယ်ဆိုရင် ရေးထားတဲ့ ဝတ္ထုထဲက စာတွေကို မေ့လိုက်ပြီး အဲဒီ့ဇာတ်လမ်းကိုပဲ အရုပ်တွေ၊ သီချင်းတွေ၊ အသံတွေ၊ အရောင်တွေနဲ့ ဘယ်လို ပြန်ပြောမလဲဆိုတာ စဉ်းစားရပါတော့မယ်။ ဘယ်လို ပြောမလဲ။ ဘာပုံ ထွက်လာမလဲ။ အဲဒီ့ဝတ္ထုထဲက ဇာတ်ကောင်တွေက ပိတ်ကားပေါ်မှာ ဘယ်လို အသက်ဝင်လာမလဲ။

ဇာတ်လမ်းစဉ် ဖွဲ့စည်းပုံ 

ဇာတ်လမ်းထဲက ဘယ်အပိုင်းတွေ ချန်ထားမလဲ၊ ဘာတွေကို ဖြုတ်ပစ်မလဲ။ ဘယ်ဇာတ်ကောင်၊ ဘယ်အဖြစ်၊ ဘယ်နေရာ အခင်းအကျင်းတွေ ထားမလဲ၊ ဖြုတ်မလဲ။ ဘယ်အပိုင်းတွေကို အပြတ်ရှင်းမလဲ။ ဇာတ်လမ်းကျောရိုးကို ပုံဖော်ဖို့ ဘယ် အပိုင်းတွေ၊ ဘယ်အဓိက ဇာတ်ကောင်တွေကို ချန်ထားခဲ့မလဲ။

ဘာတွေ ပြောင်းလိုက်မလဲ။ ဘာတွေ မူလအတိုင်း ထားမလဲ။ ဇာတ်ညွှန်းကို အလီလီ ပြန်ရေးရင်းနဲ့ မူရင်းဝတ္ထုထဲက ဖြစ်ရပ်တွေ၊ အခြေအနေတွေ၊ ဇာတ်ကောင်တွေ ပျောက်သွားနိုင်ပါတယ်။ မူရင်းဇာတ်လမ်းထဲမှာ မပါတာတွေကလည်း ဇာတ် ရုပ်လုံးကြွတက်လာအောင် ပါလာနိုင်ပြန်တယ်။ ရိုက်ရင်းနဲ့သော်လည်းကောင်း၊ ရိုက်ပြီး တည်းဖြတ်ရင်းနဲ့ သော်လည်းကောင်း နောက်ထပ် ပြောင်းကုန်တာတွေလည်း ရှိနိုင်ပါတယ်။

အခန်းစဉ်

ပထမဆုံး စဉ်းစားရမှာက ရုပ်ရှင်ဇာတ်လမ်း ဖွဲ့စည်းပုံပဲ။ ဖွဲ့စည်းပုံက မူရင်းဝတ္ထုနဲ့ တူချင်မှ တူတော့မယ်။ ဝတ္ထုထဲက အစီအစဉ်အတိုင်း ဟုတ်ချင်မှ ဟုတ်တော့မယ်။ ဇာတ်ညွှန်းပြောင်းရာမှာ ပထမဆုံး စဉ်းစားရတာက ရုပ်ရှင်မှာ ပြမယ့် ဖြစ်ရပ် အစီအစဉ်ပါပဲ။ အံ့အားသင့်အောင် လုပ်ရတာဟာ ဇာတ်ညွှန်းရဲ့ အသက်ပါ။ ဇာတ်ကွက် အလှည့်အပြောင်းတွေကြောင့်သာ ရုပ်ရှင်ကြည့်သူရဲ့ အာရုံကို ဖမ်းစားနိုင်မှာလည်း ဖြစ်ပါတယ်။Image may contain: 8 people, people smiling

ဝတ္ထုမှာလည်း ဇာတ်ကွက် အလှည့်အပြောင်းတွေ ပါတာပေါ့။ ဒါပေမယ့် ရုပ်ရှင်ကို ခံစားပုံ ခံစားနည်းနဲ့တော့ တထပ်တည်း မဖြစ်တာ သေချာပါတယ်။ အဓိကက ရုပ်ရှင်မှာ ကြည့်သူကို တနာရီခွဲ နှစ်နာရီ ထိုင်ရာက မထဘဲ အာရုံစိုက်နေအောင် ဖမ်းစားရတာ။

ဝတ္ထုက အဲလို လုပ်ဖို့ မလိုဘူး။ ဇာတ်လမ်းက ကောင်းနေ၊ ငြိနေဦးတောင် စာဖတ်သူက စာအုပ်ကို ဘေးခဏ ချထားပြီး နောက်မှ ပြန်ဆက်ဖတ်လို့ ရနေပါတယ်။

တခါတလေကျရင် ဝတ္ထုအစပိုင်းက ဖြစ်ရပ်ကို ရုပ်ရှင်မှာကျတော့ နောက်ကို ပို့လိုက်ရတာမျိုးတွေဟာ သည်သဘောပါပဲ။ ဇာတ်ကောင်စရိုက်ပီပြင်လာချိန်၊ ဇာတ်ပန္နက်ခိုင်ပြီဆိုမှ ပရိသတ်က ဇာတ်ရည်လည်မှာမို့ အဲလို ရွှေ့ယူရတာမျိုးတွေ ရှိတတ်ပါတယ်။

ဇာတ်ကောင် အတိုးအလျှော့ 

ဇာတ်ညွှန်းမှာ ဝတ္ထုထဲက ဇာတ်ကောင်တွေကို ပြောင်းဖို့ လိုတတ်တယ်။ အထူးသဖြင့် ဇာတ်ဖြည့် ဇာတ်ကောင်တွေ အများအပြားပါနေတဲ့ အခါမျိုးမှာပေါ့။ ဇာတ်ဖြည့်ဇာတ်ကောင်ဆိုတာက ဝတ္ထုထဲမှာ အဓိက ဇာတ်ကောင်ရဲ့ စရိုက်ကို ပံ့ပိုးပေးသူ ဖြစ်ပေမယ့် တခါလောက်ပဲ ပါတဲ့ ဇာတ်ကောင်မျိုးပေါ့။ ဥပမာ ဇာတ်လိုက်က လမ်းဖြတ်ကူးတယ်၊ ဇာတ်လိုက်ရဲ့ ကူညီတတ်တဲ့ စရိုက်ကို ဖော်ချင်တဲ့အတွက် အလေးအပင်တွေ မလာတဲ့ အမယ်အိုရဲ့ ပစ္စည်း ကူသယ်ပေးတာမျိုးမှာ အမယ်အိုဟာ ဇာတ်ဖြည့်ဇာတ်ကောင်ပါ။

ဒါက ဖြစ်ရပ်တို။ ဖြစ်ရပ်ရှည်မှာ အဓိက ဇာတ်ကောင်နဲ့ အချီအချ စကားပြောတာပဲ။ အဓိက ဇာတ်ကောင်က ယဉ်ကျေးသူ ဖြစ်တာကို ဖော်ချင်လို့ မူရင်းဝတ္ထုမှာ ဂျီကျတတ်တဲ့ ခရီးဖော်ထည့်ထားတယ်။ အဲဒီ့ ခရီးဖော် ဂျီကျတယ်၊ အဓိက ဇာတ်ကောင်က သည်းခံတယ်၊ ဟိုက တအားဂျီကျနေတယ်။ အဲဒီ့နေရာမှာ ခရီးဖော်ဟာ ဇာတ်ဖြည့်ပေါ့။

ဇာတ်ကောင်စရိုက် ပီပြင်ဖို့၊ ဇာတ်လမ်းရသရှိနေဖို့၊ ရုပ်ရှင်ရဲ့ အကန့်အသတ်ကြားထဲဘောင်ဝင်ဖို့ကျတော့ အဲလို ဇာတ်ဖြည့် တွေ လျှော့လိုက်ရတတ်ပါတယ်။ ဝတ္ထုထဲက ဇာတ်ကောင်တိုင်းကို ထည့်ဖို့ မလိုပါဘူး။ ဇာတ်လမ်းအတွက် အရေးမကြီးရင် ဖြုတ်ခဲ့ရပါတော့မယ်။ ဝတ္ထုမှာ အဓိက ဇာတ်ကောင်ရဲ့ စရိုက်ကို ပီပြင်ဖို့ အဲဒီ့ဇာတ်ဖြည့်က အရောင်အသွေးစုံအောင် ခြယ်သပေးတာ ဖြစ်ပေမယ့် ရုပ်ရှင်မှာတော့ မလိုအပ်တဲ့ အပိုဖြစ်နေတတ်ပြီး ကြည့်သူကို အာရုံ နောက်စေတတ်လို့ပါပဲ။

နောက်တခု ဖြစ်နိုင်ပြန်တာက ဇာတ်ညွှန်းကို သယ်သွားဖို့အတွက် ဇာတ်ကောင်သစ်တွေလည်း ပေါ်လာနိုင်ပါတယ်။ ဆိုကြပါစို့… ဇာတ်ကောင် ဘယ်လိုတွေးနေတယ်ဆိုတာကို ဝတ္ထုမှာ စာတွေနဲ့ ရေးပြလို့ ရတယ်။ ရုပ်ရှင်မှာကျတော့ ရေးပြတာ မဟုတ်ဘူး။ သည်တော့ ဇာတ်ကောင်ရဲ့ အတွေးကို ဇာတ်ဝင်စကားတွေအဖြစ် ပြောင်းဖို့ လိုလာတဲ့အခါ မူရင်းစာအုပ်ထဲမှာ မပါတဲ့ ဇာတ်ကောင်ထပ်ဖြည့်ပေးလိုက်ရတာမျိုးလည်း ရှိပြန်ပါတယ်။

ဇာတ်ကောင်ရဲ့ ခံစားချက် အခြေအနေကို စာရေးသူက တဝါကျတည်းနဲ့ဖော်လိုက်လို့ ရပါတယ်။ “မိုးမိုး တနေကုန် စိတ်တိုနေသည်”ဆိုရင် တိုတိုလေးရယ်။ စာဖတ်သူက အဆင်ပြေပါတယ်။ ရုပ်ရှင်မှာကျတော့ မိုးမိုး တနေကုန် စိတ်တိုနေတာကို ဘယ်လို ပြမလဲ။ သူ တနေကုန်စိတ်တိုတာ ပေါ်လွင်စေဖို့ အိမ်ကအထွက် လမ်းတွေ့တဲ့ လူကို ရန်လိုတာ၊ ဈေးရောက်တော့လည်း ဈေးသည်ကို ဘုပြောတာ၊ ဘတ်(စ်)ကားပေါ် တက်တော့လည်း တခြားခရီးသည် လာအထိမှာ တွန်းထုတ်တာစတာတွေနဲ့ ပြရတော့မယ်ဆိုရင် ဝတ္ထုထဲမှာ မပါတဲ့ ဇာတ်ကောင်တွေ ဖြည့်ရတော့မှာပေါ့။

တချို့ဟာတွေကျတော့လည်း အရင်းအတိုင်း ထားရတယ်

တခါတလေကျတော့လည်း ဝတ္ထုထဲမှာ ရေးထားတာက ဇာတ်ညွှန်းမှာ၊ ပိတ်ကားပေါ်မှာ ကောင်းကောင်းအံဝင်နေတာ မျိုးလည်း ရှိတတ်ပြန်တယ်။ အဓိက ဇာတ်ကောင်ရဲ့ အတွေးကို နောက်ခံ စကားပြောနဲ့ ထည့်လိုက်တာမျိုး၊ တချို့ အချီအချ စကားပြောခန်းတွေကို အရင်းအတိုင်း ယူသုံးတာမျိုးပေါ့။ ရုပ်ရှင် ဇာတ်လမ်းအဖြစ် ပြန်ပြောရာမှာ အသုံးတည့်တာတွေ ကိုတော့ ယူသုံးရမှာပါပဲ။

မြန်မာတွေ ဝတ္ထုကို ရုပ်ရှင်ပြောင်းတဲ့အခါ

ရှေးက ဆရာကြီးတွေဖြစ်တဲ့ ဒါရိုက်တာ ဦးချစ်ခင်တို့၊ ဦးသက်လယ်တို့၊ နောက်ဆုံး မောင်ဝဏ္ဏ၊ ဦးဝင်းဖေတို့အထိက ဝတ္ထုကို ရုပ်ရှင် ပြောင်းတဲ့နေရာမှာ ပီပြင်တယ်။ မောင်ဝဏ္ဏဆိုရင် စာရေးဆရာ မောင်သာရကိုယ်တိုင်က သူ့ဝတ္ထုကို ရုပ်ရှင်ရိုက်လို့ မရပါဘူးလို့ ယုံကြည်နေတဲ့ကြားက ရိုက်ပြခဲ့ပြီး ဝက်ဝက်ကွဲ အောင်မြင်ခဲ့ဖူးတယ်။ သူတို့တွေဟာ အထက်က ပြောခဲ့တဲ့ နည်းတွေကို တစိုက်မတ်မတ် သုံးခဲ့ကြပါတယ်။ စာရေးဆရာလည်း ဘဝင်ကျ၊ ပရိသတ်လည်း အားရတဲ့ ဇာတ်ကားတွေကို ရိုက်နိုင်ခဲ့ကြပါတယ်။

Image may contain: 3 people, including Moe Min Theinအားတော့နာပါတယ်။ သို့သော် အထက်က ဆရာတွေလို ဝတ္ထုကို ရုပ်ရှင် ပြောင်းရာမှာ မပီပြင်တော့တာ ငြိမ်းကျော် ဝတ္ထုတွေကို ရိုက်တဲ့ အချိန်က စတယ်လို့ စိတ်ထဲမှာ စွဲနေပါတယ်။ ပရိသတ်အကြိုက်တော့ ဖြစ်ပါရဲ့။ ဝင်ငွေတွေလည်း ကောင်းတန်သလောက် ကောင်းပါရဲ့။ စိတ်အထာကျလောက်တဲ့ အရည်အသွေးကို မရတော့တာပါ။ သည်ဘက်ခေတ်မှာတော့ ပိုဆိုးလာပါတယ်။ ရုပ်ရှင်အတွက် တမင်ရည်ရွယ်ပြီး ရေးထားတဲ့ ဝတ္ထုတွေကို ရိုက်ရာမှာ ပရိသတ်ကြိုက်တာ၊ ပိုက်ဆံရတာတွေကိုတော့ ထည့်မပြောတော့ပါဘူး။

အခုလည်း နာမည်ကြီး ဝတ္ထုတွေကို ဝယ်ခြမ်းနေသံတွေ ညံနေအောင် ကြားနေရတယ်။ လူငယ် ဒါရိုက်တာတွေ အားထုတ်နေတာ ကြိုဆိုပါတယ်။ တချို့ဆို အင်္ဂလိပ်စာတတ်တဲ့သူတွေ၊ နိုင်ငံခြားမှာ ရုပ်ရှင်ပညာ သင်ယူလာသူတွေမို့ မျှော်လင့်စရာတွေတော့ ရှိနေပါသေးတယ်။

ဝတ္ထုက ရုပ်ရှင် ပြောင်းတဲ့အခြေခံသဘောကို နားလည်ပြီး ရုပ်ရှင်ဘာသာစကား (visual language) ကို ပိုင်ပိုင်နိုင်နိုင် တတ်ကျွမ်းမယ်ဆိုရင်တော့ ဝတ္ထုများနှယ် ပီပြင်တဲ့ ဇာတ်ကားတွေကို ပရိသတ်ကြည့်လာနိုင်ကြပါလိမ့်မယ်။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်

၂၃၀၆၁၉

ရုပ်ရှင်နဲ့ နည်းပညာ

ကမ္ဘာ့ရုပ်ရှင်ဈေးကွက်၊ ဓနအင်အားနဲ့ နည်းပညာတို့ အဆက်အစပ်

(လွန်ခဲ့တဲ့ ၁၁ နှစ်၊ ၂၀၀၇ ခုနှစ်က ရေးခဲ့တာ)

၁။

ကိုရီးယား-မြန်မာရုပ်ရှင်နှီးနှောဖလှယ်ပွဲကို ရန်ကုန်မြို့မှာ မေလ ၁၁ရက်နေ့က ကျင်းပခဲ့ပါတယ်။ အခမ်းအနားမစခင် လေးနာရီလောက်အလိုမှ ရုပ်ရှင်အစည်းအရုံးရဲ့ တွဲဖက်အတွင်းရေးမှူး ဒေါ်ဆွေဇင်ထိုက်က ကျွန်တော့်ကို ဖုန်းနဲ့ လှမ်းဖိတ်တယ်။ မပျက်မကွက် ဆက်ဆက်တက်ပေးပါလို့လည်း ပြောပါတယ်။ ဒေါ်ဆွေဇင်ထိုက်နဲ့စသိတာ ၁၉၈၇ ခုနှစ်လောက်ကတည်းကပါ။ အဲဒီ့နောက် (လူရွှင်တော်မင်းသားမဟုတ်တဲ့) သွားလေသူ သူ့ခင်ပွန်းနဲ့ ကျွန်တော်နဲ့က တစ်ရုံးတည်းမှာ အလုပ်လုပ်ကြတာမို့ ဒေါ်ဆွေဇင်ထိုက်နဲ့က ပိုပြီး ရင်းနှီး ခင်မင်ခဲ့ပါတယ်။ သူက မပျက်မကွက် ဆက်ဆက် တက်ပေးပါလို့ ပြောတော့လည်း ကျွန်တော် တစ်ယောက် အူကြောင်ကြောင်နဲ့ အဲဒီ့ပွဲထဲ ရောက်သွားခဲ့တယ်လို့ပဲ တိုတိုပြောကြပါစို့ရဲ့။

၂။

သည်ပွဲနဲ့ပတ်သက်လို့ သက်ဆိုင်ရာ စာစောင်တွေက အကျယ်တဝင့်ရေးသားကြမှာမို့ အဲဒီ့ပွဲအကြောင်းကို မပြောလိုတော့ပါဘူး။ အဲဒီ့ပွဲမှာ ကျွန်တော်တစ်ယောက် မှန်းချက်နဲ့ နှမ်းထွက် မကိုက်ခဲ့ရပုံလေးကို ပြောပြရင်းနဲ့ ကမ္ဘာ့ရုပ်ရှင်နဲ့ မြန်မာ့ရုပ်ရှင်ကို ကျွန်တော် မြင်သလို တင်ပြကြည့်ချင်တာပဲဖြစ်ပါတယ်။

သည်လိုပါ။ အဲဒီ့ကိုရီးယား-မြန်မာရုပ်ရှင်နှီးနှောဖလှယ်ပွဲမှာ ကိုရီးယားတို့ဘက်က ပါရှိလာကြသူ သုံးဦးအနက် တစ်ဦးက ရုပ်ရှင်ဝေဖန်ရေးဆရာ ဖြစ်နေတယ်။ သူပြောမယ့် ခေါင်းစဉ်က “ကမ္ဘာ့ရုပ်ရှင်၏ ပြောင်းလဲလာသော ရိုက်ကူးမှုပုံစံ”တဲ့။

ဟား… ခေါင်းစဉ်နဲ့တင် အတော် စိတ်ဝင်စားစရာကောင်းနေပြီ။ မြန်မာရုပ်ရှင် လောကသားများအတွက် အင်မတိအင်မတန် အကျိုးရှိလေမယ့် အကြောင်းအရာပေပဲပေါ့။ အဲလို ကျွန်တော်တွေးပါတယ်။ အဲဒါက မှန်းချက်ပါ။

အဲ… နှမ်းထွက်က တကယ့် အလွဲခင်ဗျ။

သူပြောသွားတာက နည်းပညာ အပြောင်းအလဲကို ဇောင်းပေးပြီး ပြောသွားတာ။ ဖလင်ကော်ပြားမှသည် ဒစ်ဂျစ်ထယ်(လ်)လို့ ခေါ်တဲ့ ဒွိကိန်းနည်းပညာနဲ့ ရိုက်ကူးတင်ဆက်နေပြီ ဖြစ်ကြောင်းကို အာပေါင် အာရင်းသန်သန်နဲ့ ပြောချသွားတာပါ။

ဘာသွားသတိရသလဲဆိုတော့ လွန်ခဲ့တဲ့ ၁၅နှစ်ကျော်၊ နှစ်၂၀ နီးပါးလောက်က အဲဒီ့အချိန်က မြန်မာပြည်မှာ လျှမ်းလျှမ်းတောက်နေတဲ့ ခေတ်ပေါ်တေး အဆိုကျော် တစ်ယောက်ရဲ့ စကားပဲ။ မဂ္ဂဇင်းတစ်စောင်မှာလား၊ ဂျာနယ်တစ်စောင်မှာလား မသိဘူး၊ အဲဒီ့ ပုဂ္ဂိုလ်ကျော်က ပြောတာ။  မြန်မာသီချင်းတွေ နိုင်ငံတကာ ဈေးကွက် ဝင်ဖို့အတွက် တိတ်ခွေနဲ့ သွင်းနေရုံနဲ့ မလုံလောက်ဘူးတဲ့။ စီဒီနဲ့ ထုတ်လုပ်မှဖြစ်မှာမို့ စီဒီထုတ်ဖို့ သူ ကြိုးစားနေပါသတဲ့။ (အဲဒီ့အချိန်က မြန်မာပြည်မှာ ဗီစီဒီဝေးစွ၊ စီဒီတောင် မပေါ်သေးပါဘူး။ စီဒီဆိုရင် နိုင်ငံခြား သီချင်းအချပ်တွေပဲ ကြိုးကြား ဝယ်ယူ နားဆင်ရတဲ့အနေအထားပါ။)

ကျွန်တော့်မှာ သူ့အပြောကိုဖတ်ပြီး ရယ်လိုက်ရတာ မျက်ရည်တောင် ထွက်တယ်။ အခုလည်း ကိုရီးယား ရုပ်ရှင်ဝေဖန်ရေးဆရာက “ကမ္ဘာ့ရုပ်ရှင်၏ ပြောင်းလဲလာသော ရိုက်ကူးမှုပုံစံ”ဆိုတဲ့ခေါင်းစဉ်ကြီးနဲ့ တွယ်ထည့်လိုက်ရာမှာ နည်းပညာပိုင်းကို ပြောတာ ဖြစ်သွားတော့ တကယ့်ကို အံ့ဩကုန်နိုင်ဖွယ်ဖြစ်နေပါတယ်။ ရုပ်ရှင်ထဲက စက်မှု လုပ်သားတစ်ယောက်၊ ဒါမှမဟုတ် ကင်မရာမင်းတစ်ယောက်က အဲဒီ့အကြောင်းကို ပြောတယ်ဆို နည်းနည်း နာပျော်မယ်ထင်တယ်။ ရုပ်ရှင်ဝေဖန်ရေးဆရာလို့လည်း ဆိုထားသေးရဲ့၊ အဲဒါမျိုးကို ပြောချလာတော့ ကျွန်တော့်မှာ ငိုရအခက်၊ ရယ်ရအခက်။

ဖြစ်ချင်တော့ ပွဲက ရှည်လျားနေတယ်။ အဲတော့ အမေး-အဖြေကဏ္ဍကို ခြုံ့လိုက်ကြတယ်။ ပရိသတ်ဘက်က ထမေးကြတာတွေကို အခမ်းအနားမှူး ဒေါ်ဆွေဇင်ထိုက်က အချိန်ကို ငဲ့ပြီး ကန့်သတ်လိုက်ရတယ်။ အဲတော့ အဲဒီ့လူကို ရုပ်ရှင်ဝေဖန်တယ်ဆိုတာ နည်းပညာကိုပဲ ဝေဖန်တာလား၊ တခြား ဘာတွေ ဝေဖန်ပါသေးလဲလို့ဆိုတဲ့ ကျွန်တော့်လည်ချောင်းဝက မေးခွန်းကို အသာ ပြန်မျိုချလိုက်ရပါတော့တယ်။

အမယ်… သည်ဘက်က တစ်ယောက်မေးတဲ့အထဲက ရယ်စရာလေး တစ်ကွက်ကို ပြောပြပါရစေဦးခင်ဗျ။ သူ့မေးခွန်းက အဲဒီ့ဝေဖန်ရေးဆရာ ပြောသွားတဲ့ အကြောင်းအရာနဲ့က တကယ့်ကို ဟပ်ပြီး အဆက်အစပ်ရှိပါတယ်။ သည်ဒွိကိန်းနည်းပညာကြောင့် ဖလင်ကော်ပြား ပျောက်ဆုံးသွားတော့မှာလားလို့ မေးချလိုက်တာပါ။

ကျွန်တော် မနေနိုင်ဘူး။ ဘေးနားမှာ ထိုင်နေတဲ့ ဆယ်တန်းတုန်းက ကျွန်တော့် မြန်မာစာဆရာတစ်ဦးဖြစ်ခဲ့ဖူးလေသူ ထပ်ဆင့်အကယ်ဒမီ ဆရာ ငြိမ်းမင်းကို ပြောမိသွားရတယ်။ “သူ မေးတဲ့သူ မှားနေတယ်။ အမှန်က အဲဒီ့မေးခွန်းကို ဆရာစံဇာဏီဘိုကိုသာ သွားမေးရမှာ”လို့ ပြောလိုက်မိသွားရတယ်။

ဟုတ်ပဗျာ။ အနာဂတ်ဆိုတာ ဘယ်သူမှ ကံသေကမ္မပြောနိုင်တာ မဟုတ်ဘူး။ ဖလင်ကော်ပြားမပျောက်ခင် ဥက္ကာပျံကြီးတစ်ခုခုနဲ့ တိုက်မိလို့ပဲဖြစ်ဖြစ်၊ ရာသီဥတု ဖောက်ပြန်မှုကြောင့် ရေတွေ လွှမ်းလို့ပဲဖြစ်ဖြစ်၊ အပြိုင်အဆိုင် စစ်မက်တွေဖြစ်ပွား ရာကဖြစ်ဖြစ် လူသား မျိုးနွယ်စုကြီး တစ်ခုလုံးတောင် ပျောက်ချင်ပျောက်သွားနိုင်သေးတာပ။ 

ပြောရတာတော့ သိပ်မကောင်းဘူးဗျ။ အဲဒီ့ပွဲတစ်ပွဲလုံးမှာ ကိုရီးယားတွေဘက်က ပြောသွားတာက ရင်းနှီးမြှုပ်နှံမှုဆိုတဲ့ ပိုက်ဆံစကားရယ်၊ နည်းပညာစကားရယ်ပဲ အဆမတန် များလွန်းနေတယ်လို့ သုံးသပ်မိတယ်။

မြန်မာတွေဘက်က ပြောရာမှာ ဒေါ်ဆွေဇင်ထိုက်က မြန်မာ့ ရုပ်ရှင်သမိုင်းကို အတိုချုပ် မိတ်ဆက်ပြောပြသွားတယ်။ မင်းသားလွင်မိုးက ပြောတာလည်း နည်းပညာပဲ။ မင်းသားလူမင်းက ပြောတာကကျတော့ ကျွန်တော်တို့ဆီမှာ ရုပ်ရှင်တက္ကသိုလ်တွေ မရှိခဲ့တဲ့အတွက် အတတ်ပညာပိုင်းမှာ အားနည်းတဲ့အကြောင်း။ ဆိုတော့ အဲဒီ့တစ်ပွဲလုံးမှာ ဝေစည်နေတဲ့ အသံက နည်းပညာနဲ့ပိုက်ဆံပဲ ဖြစ်နေပါတယ်။

၃။

ဘဝင်က မကျမိဘူး။ ဘာနဲ့ သွားတူသလဲဆိုတော့ ကျွန်တော်တို့က ၁၉၆၀  ပြည့်လွန်နှစ်များဆီက ပေါ်ခဲ့တဲ့ ဖှို့(စ်)ဗှာဂန် လိပ်ခုံးကားလေးနဲ့ပေါ့။ သူများ နိုင်ငံတွေမှာက ကွန်ပျူတာစနစ်တွေ နေရာတိုင်းမှာ တပ်ဆင်ထားတဲ့ ၂၀ဝ၇ ခုနှစ်ပုံစံ မာစီးဒီး ကားကြီးနဲ့ပေါ့။ ဒါပေမယ့် သွားတာကတော့ သည်ခရီး၊ သည်ခရီး၊ သည်လမ်း၊ သည်လမ်းပဲ။ သူ့ကားက ပိုမြန်ချင်မြန်မယ်၊ လမ်းမှာ ဒုက္ခပေးတာ ရှိချင်မှ ရှိမယ်။ သူ့ကားထဲက လေအေးစက်ကလည်း စိမ့်နေအောင် အေးတာမို့ ယာဉ်မောင်းရော ခရီးသည်ပါ အေးအေးလူလူ သက်သောင့်သက်သာ သွားနိုင်ကောင်း သွားနိုင်ကြလိမ့်မယ်။ ကိုယ့်လိပ်ခုံးကားလေးက သူ့ကားလောက်တော့ မပြေးဘူး။ လမ်းမှာ ဗွေဖောက် တာလေးတွေလည်း ရှိမယ်။ လေအေးစက်လည်း မပါတော့ မောင်းသူရော ခရီးသည်ပါ ချွေးတလုံးလုံးနဲ့ ဖြစ်ကောင်းဖြစ်နေမယ်။ သို့ပေမယ့် တကယ်အရေးကြီးတာက ယာဉ်မောင်းပဲ။

ယာဉ်မောင်းက ကား ဗွေဖောက်တဲ့အခါလည်း ပြုပြင်တတ်မယ်၊ ကိုယ့်ကားအင်ဂျင်၊ ကိုယ့်ကားရဲ့ တခြားစက်ပစ္စည်း အစိတ်အပိုင်းများနဲ့ လိုက်ဖက်တဲ့ အမြန်နှုန်းအတိုင်း မှန်မှန် မောင်းတတ်မယ်၊ လမ်းမှာ ဆုံရတဲ့ ခလုတ်ကန်သင်း၊ ချိုင့်ကျင်းတွေကိုလည်း လိမ္မာပါးနပ်စွာ ကျော်လွှားတတ်မယ်၊ ချွေးတလုံးလုံးဖြစ်နေတဲ့ ခရီးသည်တွေကိုလည်း စိတ်ဝင်စားစရာ အကြောင်းအရာလေးတွေ၊ ရယ်စရာ မောစရာလေးတွေ တရစပ်ပြောသွားရင်း ရာသီဥတု အပူဒဏ်ကို မေ့လျော့နေအောင် ဖန်တီးတတ်မယ်ဆိုလည်း မဖြစ်ပေဘူးလား။

နောက်ဆုံး သွားရမယ့် ခရီးပန်းတိုင်က အတူတူပဲ။ မာစီးဒီးလည်း သည်လမ်းက သွားပြီး သည်လမ်းဆုံး ရောက်မှာပဲ။ လိပ်ခုံးလည်း သည်လမ်းက သွားပြီး သည်လမ်းဆုံးရောက်မှာပဲ။ အဲဒါ ဟိုက မာစီးဒီးမို့လို့၊ ကျုပ်တို့ကတော့ လွန်ခဲ့တဲ့ နှစ် ၄၀ က ထုတ်ခဲ့တဲ့ လိပ်ခုံးကားလေးနဲ့မို့လို့လို့ လျှောက်ပြောနေတာကြီးက သဘာဝမကျလှဘူး ထင်တယ်။ မြန်မာစကားလည်း အရှိသားပါ။ ဘာတဲ့… “ရှိတာလေးနဲ့ လှအောင် ဝတ်၊” “ရတာလေးနဲ့ ဝအောင် စား”တဲ့။ 

၎။

ရုပ်ရှင်တစ်ကား ကြည့်ဖူးတယ်။ ဟောလီးဝု(ထ်)က ထုတ်တာပဲ။ အတိအကျတော့ မမှတ်မိဘူး။ အဲဒီ့ရုပ်ရှင်ထုတ်လုပ်စရိတ်က ဒေါ်လာတစ်သောင်း မကျော်ဘူး မှတ်တယ်။ လင်လုပ်သူက ဒါရိုက်တာ၊ ဇာတ်လမ်း ဇာတ်ညွှန်းနဲ့ ကင်မရာမင်း လုပ်တယ်။ မယားလုပ်သူက ထုတ်လုပ်သူ (ငွေရှင်မဟုတ်ပါ။ သူတို့ဆီက ထုတ်လုပ်သူ ဆိုတာဟာ ကျွန်တော်တို့ဆီက ဒါရိုက်တာတွေ လုပ်နေရရှာလေတဲ့ အလုပ် အတော်များများရဲ့ အလုပ်ကို တာဝန်ယူ ဆောင်ရွက်ပေးရတဲ့သူ။ ဒါရိုက်တာက သရုပ်ဆောင်နဲ့ ရိုက်ကူးမှုအပိုင်းကိုပဲ အာရုံ အပြည့်စိုက်နိုင်သွားတယ်)၊ ရိုက်ကွင်း မန်နေဂျာ၊ အကူကင်မရာမင်းနဲ့ တခြား လက်တို လက်တောင်း အကုန်လုပ်တယ်။

အဲဒီ့လင်မယားနှစ်ယောက်တည်းနဲ့ ကားရိုက်ခဲ့တာခင်ဗျ။ သရုပ်ဆောင်တွေက အသစ်၊ နှစ်ယောက်တည်း။ ကျန်တဲ့ဇာတ်ရံတွေက တွေ့ကရာလူ ခေါ်ရိုက်သွားတာ။ ထုတ်လုပ်မှုအတွက် ရိုက်ကွင်းစရိတ်က တစ်နေ့ကို ဒေါ်လာ နှစ်ရာ မကျော်ဘူး။ ရဟတ်ယာဉ်တွေ၊ ဘာတွေ ငှားပြီး ရိုက်ရတဲ့ ရက်တစ်ရက်ပဲ ဒေါ်လာ သုံး-လေးထောင် ကုန်သွားတယ်။ (အတိအကျ မမှတ်မိတော့ပါ၊ ဒါပေမယ့် အဲဒီ့ကား ဒီဗီဒီရဲ့ အပိုဆောင်းပေးထားတဲ့ အပိုင်းတိုလေးတွေမှာ အဲဒီ့ကား ရိုက်ကူးရေးစရိတ် စာရင်းကိုပါ ပြပေးထားတာတော့ မှတ်မိနေပါတယ်။)

ကားကို တည်းဖြတ်တော့ အိမ်က ရှိတဲ့စက်နဲ့ ဖြစ်သလို တည်းဖြတ်လိုက်တယ်။ အဲသလို ရိုက်လိုက်တဲ့ကားကို ဟောလီးဝု(ထ်)ကုမ္ပဏီကြီးတစ်ခုက ဒေါ်လာ သန်းချီပြီး ပေးဝယ်ခဲ့တယ်ခင်ဗျ။ ရုပ်ရှင်ကားနာမည်က Open Water ပါ။  အဲဒါဟာ ကျွန်တော်ပြောနေတဲ့ ဖှို့(စ်)ဗှာဂန် လိပ်ခုံးနဲ့ မာစီဒီးတို့ သွားကြတဲ့ ခရီးချင်းအတူတူဆိုတဲ့ ဥပမာကို ထင်ရှားစေပါတယ်။ အဲဒီ့ လင်မယား ရိုက်ကူး ထုတ်လုပ်လိုက်တဲ့ကားကို တင်စားမယ်ဆိုရင် ဖှို့(စ်) ဗှာဂန်လို့တောင် မဆိုနိုင်တော့ဘူး။ ဆိုက်ကား၊ ဒါမှမဟုတ် လန်ချားနဲ့ တင်စားမှပဲ ဖြစ်လိမ့်မယ် ထင်တယ်။ ဟုတ်သလေ။ ဒေါ်လာတစ်သောင်း မကျော်တဲ့ ကုန်ကျစရိတ်နဲ့ ဟောလီးဝု(ထ်)ဈေးကွက်ဝင် ကားတစ်ကား ဖြစ်သွားတဲ့အပြင် အဲဒီ့ကား ပေါက်သွားတဲ့အတွက် အခုအခါမှာ သည်နာမည်နဲ့ပဲ ဒုတိယတစ်ကား (Open Water 2)တောင် ဆက်ထွက်လာပါပြီ။

ကိုင်း… ပြောမယ်ဆိုရင်တော့ ဥပမာတွေက အများကြီးပါ။ နာမည်ကျော် ဇာတ်လိုက် မင်းသား အန်ထိုနီယို ဘယ်(န်)ဒီ့ရာ့(စ်)နဲ့ မင်းသမီးချော ဆယ်လမာ ဟေယက်(ခ်)တို့နဲ့ ရိုက်ကူးတင်ဆက်လိုက်တဲ့ “မက္ကဆီကိုက တစ်ရံတစ်ခါ” (Once Upon A Time in Mexico)ဆိုတဲ့ ကားကို ရိုက်တဲ့  ဒါရိုက်တာဆိုလည်း လက်တင်အမေရိကနိုင်ငံက မထင်မရှား ဒါရိုက်တာလေးပါ။ သူ့ရဲ့ “ဂီတာဆရာ” (El Mariachi)ဆိုတဲ့ ကားကို သူ့တိုင်းပြည်မှာတင် သူ့ မင်းသားနဲ့ သူရိုက်ခဲ့တယ်။ အင်္ဂလိပ် စကားပြောနဲ့ အသံ သွင်းခဲ့တယ်။

ဒါပေမယ့် သူ့ရဲ့ ရိုက်ကူးတင်ပြပုံနဲ့ ဇာတ်လမ်းဇာတ်ကွက် ကောင်းတာ ကြောင့် အတတ်ပညာပိုင်းနဲ့ နည်းပညာပိုင်းမှာ သူနဲ့ခေတ်ပြိုင် ဟောလီးဝု(ထ်)ကားတွေ ကို မယှဉ်နိုင်ပေမယ့် သူ့ကားက ဝက်ဝက်ကွဲ အောင်မြင်ပြီး အဲဒီ့ဇာတ်လမ်းကိုပဲ အခြေခံတဲ့ ဇာတ်လမ်းအဆက်(sequel)တွေ ရိုက်ရင်း အခုဆို ဟောလီး ဝု(ထ်)မှာ နေရာတစ်နေရာ ရနေပါပြီ။

ရှိသေးတယ်။ ဟောင်ကောင်က ဂျွန်ဝူးတို့၊ တရုတ်ပြည်မကြီးက ချန်ခေ ဂျီးတို့၊ ကျန်ယိမူတို့ရော နည်းပညာတွေ၊ အတတ်ပညာတွေကို လက်ညိုးထိုးပြ နေခဲ့ကြလို့လား။ ယနေ့ ဟောလီးဝု(ထ်)ကို ထိုးဖောက်နိုင်ခဲ့တဲ့ ထိပ်ထိပ်ကျဲ ဒါရိုက်တာများ ဖြစ်လာအောင် သူတို့ရဲ့ အရည်အချင်းနဲ့ လုပ်ပြခဲ့ကြတာပါ။ အဲဒီ့ထက် စောတဲ့ခေတ်။ ဂျပန်ဒါရိုက်တာကြီးတွေဖြစ်တဲ့ မီဇိုဂူချီ ခင်ဂျီတို့၊ အိုဇူယာဆူဂျီရိုတို့၊ အာခီရာ ခူရိုဆာဝါတို့ဆိုရင်ရော။ သူတို့ခေတ်တုန်းက ဂျပန်နိုင်ငံက အခုလို မတိုးတက်သေးဘူး။ စစ်ပြီးစ စစ်ရှုံးနိုင်ငံ ပြာပုံဘဝမှာ ရုပ်ရှင်ရိုက်ခဲ့ရတဲ့ သူတွေ။ နည်းပညာပိုင်းမှာ အနောက်ကမ္ဘာကို မယှဉ်သာတဲ့ အချိန်မှာ ပေါ်ပေါက်ခဲ့ရ သူတွေ။ သို့ပေမယ့် ကနေ့အခါမှာ သူတို့ရိုက်ပုံရိုက်နည်းတွေကို ရုပ်ရှင်သင်ရိုး ညွှန်းတမ်းတွေမှာ တခုတ်တရ ထည့်လာကြရပြီ။ ရုပ်ရှင်ဆရာတွေ နည်းယူနေကြရပြီ။

သူတို့ထက် ဆက်စောချင်သေးလား။ ကွယ်လွန်သူမင်းသား(ဦး) မြတ်လေး အပါအဝင် အဲဒီ့ခေတ် ရုပ်ရှင်သမားအတော်များများက ဂုရုကြီးတွေလို မှီငြမ်း ကိုးကား ခဲ့ကြရတဲ့ ဆိုဗီယက်ရုပ်ရှင်ဆရာ ဆာဂေ အိုက်ဆင် စထိုင်း (Sergey Einsenstein) တို့၊ ဇီဂါဗှားတော့(ဖ်) (Dziga Vertov) တို့ ဆိုရင်လည်း ဆိုဗီယက်တော်လှန်ရေးကာလ (ဝါ) ခေတ်ပျက်မှာ ပေါ်ပေါက်လာခဲ့ကြတဲ့ ရုပ်ရှင်ဆရာကြီးတွေပါပဲ။

၅။

ဘယ်ကိစ္စမှာပဲဖြစ်ဖြစ်၊ အခြေအနေတစ်ရပ်ရပ်တိုးတက်မှု၊ ဖြစ်ထွန်းမှု သိပ်မရှိတဲ့အခါ တစ်ခုခုကို ပုံချ၊ အပြစ်ဖို့ရတာ သိပ်လွယ်ပါတယ်။ အခက်ဆုံးကကျတော့ ကိုယ့်ကိုယ်ကိုယ် အရင်းအတိုင်း ပြန်သုံးသပ်ဖို့ပါပဲ။ ငွေကြေးအမြောက်အမြား ပုံအောရင်းနှီးပါမှ အလုပ်ဖြစ်မယ်၊ ကိုယ့်မှာ ဘာ အရင်းအနှီးမှ မရှိလို့ ဘာမှ မလုပ်ဘဲနေတဲ့သူတွေ ခဏခဏ ဆုံဖူးတယ်။ ဘာမှ မလုပ်ရင် ဘာမှ ဖြစ်မှာ မဟုတ်တာကိုလည်း စဉ်းစားသင့်လှပါတယ်။

သဘာဝတရားက ကျွန်တော်တို့ကို ပညာပေးထားပြီးသားပါ။ အပင်နဲ့ သတ္တဝါ အပါအဝင် သက်ရှိမှန်သမျှဟာ နုရာကနေ တဖြည်းဖြည်း ရင့်လာရတာချည်းပါ။ အစေ့လေးကမှ အညှောက်၊ အညှောက်ကလေးကမှ ပင်ပေါက်၊ ပင်ပေါက်က ပင်ပျို၊ ပင်ပျိုကမှ အရွက်အသီး ဝေဆာတဲ့ အပင်ကြီးဖြစ်လာကြရတာချည်းပါပဲ။ ခွတိုက်ပြောချင်လို့ အပင်ပေါက်ယူစိုက်တာလို့ ပြောဦးတောင် အဲဒီ့ အပင်ပေါက်က စကတည်းက အပင်ပေါက်ဖြစ်လာတာမဟုတ်ဘဲ အစေ့ အညှောက်က စခဲ့တာပါ။ လူမှာလည်း အတူတူပဲ၊ ကနေ့ တာဝေးအပြေး ချန်ပီယံတွေလည်း မွေးကတည်းက လမ်းထလျှောက်နိုင်ခဲ့ကြသူတွေမဟုတ်ပါဘူး။ ဝမ်းလျားထိုးခဲ့၊ လေးဘက်သွားခဲ့ ရသူချည်းပါပဲ။

၆။

မြန်မာ့ရုပ်ရှင်တွေ နိုင်ငံတကာဈေးကွက်ကို ထိုးဖောက်ရေးအတွက် စိတ်ကူးကြတာ သိပ်ကြိုဆိုစရာကောင်းတယ်။ အလားတူပဲ၊ အခုလို တခြားနိုင်ငံက ရုပ်ရှင်ဆရာတွေနဲ့ နှီးနှောဖလှယ်ပွဲတွေ လုပ်လာတာမျိုးဟာလည်း ကြိုဆိုစရာပါပဲ။ အခုဟာက ပထမဆုံး ပွဲဖြစ်နေတဲ့အတွက် နှစ်ဖက် အဟပ်ကွာနေတာပဲလို့ မှန်းဆကြည့်နိုင်ပါတယ်။

မြန်မာ့ရုပ်ရှင်တွေ နိုင်ငံတကာဈေးကွက်ကို ထိုးဖောက်ဖို့အရေးမှာ အတတ်ပညာတွေ၊ နည်းပညာတွေ၊ စက်ပစ္စည်းကိရိယာတွေက အခရာလား၊ လူက အခရာလား ဆိုတာကိုတော့ လေးလေးနက်နက်ကြီး စဉ်းစား ဆွေးနွေးကြဖို့ ကောင်းနေပါပြီ။ ဟိုမှာက လွန်ခဲ့တဲ့ဆယ်နှစ်၊ နှစ်နှစ်ဆယ်လောက်က အကြောင်းအရာတွေ (ဥပမာ – The Last King of Scotland ထဲမှာ အီဒီအာမင်ရဲ့ ဘဝဇာတ် ကြောင်း၊ Hotel Rwanda ထဲမှာ ရဝမ်ဒါနိုင်ငံက ယနေ့ထက်တိုင် သက်ရှိ ထင်ရှားရှိနေသူ ဟိုတယ် မန်နေဂျာအကြောင်း၊ Antoine Fischer ထဲမှာလည်း ယနေ့ထက်တိုင် သက်ရှိထင်ရှား ရှိနေတဲ့ အမေရိကန် ရေတပ်က စစ်သားလေး တစ်ယောက်အကြောင်း)များသာမက လက်ရှိဗြိတိန်ဘုရင်မကြီး အလစ် ဇဘက်(သ်)နဲ့ ဝန်ကြီးချုပ်တိုနီဘလဲကို အဓိက ဇာတ်ရုပ်ထားကာ ရိုက်ကူးတဲ့ The Queen ဟာ မနှစ်က အပေါက်ဆုံး ဇာတ်ကားဖြစ် သွားချိန်မှာ ကျွန်တော်တို့က လွန်ခဲ့တဲ့ နှစ်ပေါင်းရာချီနေတဲ့ ရာဇဝင်တွေထဲမှာပဲ တဝဲလည်လည် လုပ်နေကြရုံနဲ့ တိုးလို့ပေါက်နိုင်ပါ့မလားဆိုတာလေးလောက်တော့ စဉ်းစားသင့်တယ်ထင်တာပါပဲ။

၇။

တိုးတက်ချင်တယ်၊ အောင်မြင်ချင်တယ်ဆိုရင် တိုးတက်ချင်လိုက်တာ၊ အောင်မြင်ချင်လိုက်တာလို့ ပါးစပ်ကနေ ဆီမန်းမန်းသလို ရွတ်နေရုံနဲ့ မပြီးတာ အားလုံးအသိပါ။ တိုးတက်အောင်မြင်ချင်သူတိုင်း ပထမဆုံး လုပ်ရမယ့်အလုပ်က မိမိကိုယ်ကို မငဲ့မညှာဘဲ အရင်းအတိုင်း ပြန်လှန်သုံးသပ်ဖို့ပါပဲ။ ကိုယ့်အားနည်းချက်ကို သေချာမြင် ပြီး ပြုပြင်မွမ်းမံယူသူများသာ ဘယ်နယ်ပယ်မှာ မဆို အောင်မြင်ထွန်းပေါက်တာပါပဲ။

ကိုရီးယား ရုပ်ရှင်အဖွဲ့က နိဂုံးချုပ်မှာ မင်းသားလွင်မိုးကို ချီးကျူးသွားတယ်။ လွင်မိုးဟာ သင်ချင်တတ်ချင်စိတ် ပြင်းပြသူဖြစ်လို့ပဲလို့လည်း အကြောင်းပြသွားပါတယ်။ သူတို့က လွင်မိုးမှာ ဖွင့်ထားတဲ့စိတ်နှလုံး (open mind) ရှိတယ်လို့လည်း ပြောသွားတယ်။ မြန်မာ့ရုပ်ရှင်တိုးတက်ရေးအတွက် အဲဒီ့စိတ်လိုအပ်တယ်လို့လည်း ပြောသွားပါသေးတယ်။

မှန်ပါတယ်။ ဖွင့်ထားတဲ့စိတ်နှလုံးဆိုတာက ဘာကိုမဆို သင်ယူတတ်ပွန်ချင် စိတ်အပြည့်နဲ့ပါ။ ငါဘာမှ မသိသေးပါလား၊ ငါဘာမှ မတတ်သေးပါလားလို့ အခါ ခပ်သိမ်း ဆင်ခြင်မိနေသူများသာလျှင် ဖွင့်ထားတဲ့စိတ်နှလုံးရှိ သူတွေ ဖြစ်ပါတယ်။

၈။

မြန်မာ့ရုပ်ရှင်တိုးတက်ရေးအတွက် ရုပ်ရှင်လောကသားများ၊ ရုပ်ရှင်ချစ်သူများနဲ့တကွ နောင်လာလတံ့သော ရုပ်ရှင်ပညာသည်များ ဆင်ခြင်ကြည့်စရာ အချက်ပိစိကွေးလေး တစ်ခုကို တင်ပြဆွေးနွေးကြည့်လိုက်တာပါ။ စာဖတ်သူ လူကြီးမင်းများအားလုံးရဲ့ ကိုယ်ပိုင် ဆင်ခြင်ဉာဏ်ကို အသုံြးုပပြီး ကျွန်တော့် ဆွေးနွေးချက်ကို လက်ခံသင့်၊ လက်မခံသင့်၊ ပယ်ရှားသင့်၊ မပယ်ရှားသင့် ကြိုက်သလို ဆုံးဖြတ်တော်မူနိုင်ကြ ပါလိမ့်မယ်။ လက်ခံပါလို့ ဘယ်သူ့ကိုမှ ကျွန်တော်မပြောနဲ့ သိကြားမင်းကြီးကတောင် တိုက်တွန်းလို့ မရတာ ကျွန်တော် နားလည်ပါတယ်။ နည်းနည်းလောက် ခေါင်းထဲထည့် စဉ်းစားကြည့်ကြမယ်ဆိုရင်ပဲ သည်စာကို ရေးရကျိုးနပ်ပြီလို့ နှလုံးသွင်းနေမိကြောင်းပါ ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ

(၁၃၀၅၀၇)

ဘယ်ဂျာနယ်မှန်း မမှတ်မိတဲ့ ဂျာနယ်တစောင်မှာ ရေးခဲ့ပြီး အတ္တကျော်ရဲ့ တစ္ဆေကို ခဲနဲ့ပေါက်မယ့် ဧရာမ နှလုံးသားဆိုတဲ့ စာအုပ်ထဲမှာ ပါတဲ့ စာကို ပြန်လည်ဆန်းသစ်လိုက်တာပါ။

 

လူစိတ်နဲ့ လူ့စိတ်

ကြောက်ခမန်းလိလိ

ဟုတ်မဟုတ်တော့ မသိဘူး။ တဆင့်ကြား စကားမို့ အဲလို ပြောရတာပါ။

သည်နှစ်မှာ သမရိုးကျ ဗမာကားတကား အလွန်ပေါက်သွားတယ်။ သည်မှာတင် အဲဒီ့ကားမှာ ပါတဲ့ မင်းသားလေးရဲ့ ဈေးလည်း ထိုးတက်သွားပါတယ်။ ကားကြီး (ရုပ်ရှင်)တကားအတွက် သူ့သရုပ်ဆောင်ခက သိန်း ၈၀၀ ပါတဲ့။ ရိုက်ရက်က ၁၀ ရက်ပဲ ပေးပါမယ်တဲ့။ အဲ… အဲလိုဆိုလို့ သူ့ကို ရက်ချိန်းယူထားဖို့က ၂၀၁၉ အတွက် မရနိုင်တော့ဘူးဆိုပဲ။ ရှိသမျှ ဆူပါ မင်းသားတွေရဲ့ ဈေးကိုတောင် အပြတ်အသတ် ကျော်တက်သွားပြီတဲ့။

ပြည်တွင်း အခွန်က တာဝန်ရှိသူတွေတော့ ဘယ်လို တွက်ချက်ကောက်ခံနေကြတယ် မသိဘူး။ တကား သိန်း ၈၀၀၊ ရိုက်ရက် ၁၀ ရက်၊ တလကို ၁၀ ရက်ပဲ ရိုက်တယ်ထား၊ တနှစ်ကို ကားကြီး ၁၂ ကား၊ သိန်း တသောင်းနား ကပ်နေပါပြီ။

အောင်မြင်တာ၊ ပိုက်ဆံရတာ မုဒိတာ ပွားစရာ ကောင်းပါတယ်။ ဟောလီးဝု(ဒ်) သရုပ်ဆောင်တွေ ရတဲ့နှုန်းနဲ့ ယှဉ်ရင် အပုံကြီးလည်း နည်းမှာပေါ့နော်။

ဘာလိုချင်တာလဲ၊ ဘာဖြစ်ချင်တာလဲ

ဒါပေမယ့် အဲဒါဟာ ကနေ့ ဓာတ်ရှင်လောကရဲ့ ပြဿနာပါပဲ။

ဟိုနေ့က ဓာတ်ရှင်မျိုးရိုးတယောက်က ပြောသွားတယ်။ ရိုက်ရက် ၄ ရက်ပဲ ပေးတဲ့ မင်းသမီး။ အဲတော့ ဘယ်လိုလုပ်ပြီး အရည်အသွေးကောင်းမလဲပေါ့။ သူပြောတာ သိပ်မှန်တာပေါ့။

ဒါပေသည့် အဲလို ၁၀ ရက် သိန်း ၈၀၀ တန် မင်းသား၊ ရိုက်ရက် ၄ ရက်ပဲ ပေးတဲ့ မင်းသမီးနဲ့မှ ဓာတ်ရှင်ဖြစ်မှာလား။

မဟုတ်ဘူးဆိုတာ အခု မျက်နှာသစ်တွေနဲ့ အောင်မြင်သွားတဲ့ ဖြစ်ရပ်က သက်သေပြနေပါတယ်။

အဓိကက စေတနာပါ။ ဇာတ်ကားအပေါ် စေတနာထားတာ၊ ပရိသတ်အပေါ် စေတနာ ထားတာပါ။ ကိုယ်ရိုက်တဲ့ ဇာတ်ကားလေးကို ကောင်းစေချင်တဲ့ စေတနာ၊ ကိုယ့်ပရိသတ်ကို အကောင်းဆုံးပေးချင်တဲ့ စေတနာလေး ပျောက်ဆုံးနေကြတယ်။

ဘယ်မျက်နှာကို ကြည့်နေကြသတုံး

ဓာတ်ရှင်ဟာ ဘယ်နိုင်ငံမှာဖြစ်ဖြစ် အင်မတန် ပိုက်ဆံရတဲ့ လုပ်ငန်း။ ပိုက်ဆံနောက်ကို ကောက်ကောက်ပါအောင် လိုက်ချင်စရာ။

လူတိုင်း ငွေမက်တာပဲ။ ကျွန်တော်လည်း မက်တာပဲ။ ဒါပေသည့် ပိုက်ဆံသိပ်လိုချင်ရင် ဓားပြသာ ထွက်တိုက်လိုက်မယ်၊ ကိုယ့်ပရိသတ်ကိုတော့ နှပ်ပစ်ဖို့ (ခေတ်စကားနဲ့ ပြောရင် ဂျင်းထည့်ဖို့) စိတ်မကူးဘူးဆိုတဲ့ အခြေခံ လူစိတ်ကလေးတော့ ရှိသင့်တယ် ထင်တာပဲ။

အခုဟာက ပြောရတာ အားနာစရာ ကောင်းပါတယ်။ ဂျင်းကားဆရာတွေက ငွေမျက်နှာ တမျက်နှာတည်းကိုပဲ ကြည့်နေကြတာ။ ငွေရဖို့အတွက် သရဲမရဲ စီးနေကြတာ။ ဒါ့ကြောင့် ပရိသတ်ကြိုက် မင်းသား မင်းသမီးကို ဈေးကြီးတွေ နင်းကန်ပေး၊ ရိုက်ရက်မရလည်း ရတဲ့ ရက်ကလေးမှာ အတင်း ဖျစ်ညှစ်ရိုက်၊ သူတို့ပါတယ်ဆိုတာနဲ့ လုပ်စားဖို့ပဲ ဦးစားပေးနေတာပါ။

ကားကောင်းရေးလား၊ လာမပြောနဲ့၊ ဟိုလူ့ပုံချ၊ ဟိုအဖြစ် ပုံချဖို့ တစက်မှ ဝန်မလေးဘူး၊ ပြန်ပြောထည့်ပလိုက်မယ်။ ကိုယ်ကတော့ ဘယ်တော့မှ အပြစ်မရှိတဲ့သူ။ အပြစ်မရှိဘူး ပြောရင်းနဲ့ ကိုယ်အဖြစ်မရှိတာပေါ်နေမှန်းလည်း maxresdefaultမရိပ်စားမိကြ။

အမှတ်တံဆိပ်ရဲ့ တန်ဖိုး

တကယ့်တကယ် သိန်း ၈၀၀ ဆိုတာ မနည်းပါဘူး။ ဓာတ်ရှင်တကား ရိုက်ဖို့အတွက် အတော်အတန် လုံလောက်နေတဲ့ ပမာဏပါ။ အသစ်တွေနဲ့သာ ရိုက်မယ်၊ မရိုက်ခင်ကတည်းက လက်ကြားမယိုအောင် အသေးစိတ် ပြင်ဆင်ထားမယ်ဆိုရင် အဲဒီ့ သိန်း ၈၀၀ နဲ့တောင် ဇာတ်ကားတကား ကောင်းကောင်း ရိုက်နိုင်ပါတယ်။

သည်ကုမ္ပဏီက ထွက်တဲ့ ကားဆိုရင် ဘယ်သူရိုက်ရိုက် ဘယ်သူပါပါ ကောင်းတယ်ဆိုတာမျိုးဖြစ်အောင် တချိန်က မန္တလေးရုပ်ရှင်က အားထုတ်ခဲ့ဖူးပါတယ်။ အမှတ်တံဆိပ် ထူထောင်တာပေါ့။

ဒါကိုပဲ ဒါရိုက်တာ ကိုဘယ်သူ၊ မဘယ်ဝါ ရိုက်ရင် ဘယ်သူပါပါ ကောင်းတယ်ဆိုပြီးတော့လည်း ဒါရိုက်တာ အမှတ်တံဆိပ် ထူထောင်လို့ ရပါတယ်။

သို့သော် အဲသလို ထူထောင်ဖို့အတွက်ကျတော့ ဇာတ်ကားအပေါ်၊ ပရိသတ်အပေါ် စေတနာထားဖို့၊ သစ္စာရှိဖို့လေးပဲ လိုပါတယ်။ အဲသလို ကိုယ့်အမှတ် တံဆိပ် ကိုယ်အခိုင်အမာ ထူထောင်ပြီးပြီဆိုတာနဲ့ ရလာမယ့် ငွေကလည်း ဂျင်းကားက ရတဲ့ ဝင်ငွေနဲ့ သိပ်ကွာမှာ မဟုတ်တော့တာလည်း အသေအချာပါ။

ဓမ္မိယလဒ္ဓ (တရားသဖြင့်ရရှိသောအရာ)

ကွာနေမှာကတော့ ဂျင်းထည့်ပြီး ရတဲ့ ပိုက်ဆံက စင်ကြယ်သော ငွေမဟုတ်ဘူး။ အပင်းအဆိပ်တွေပါ။ စေတနာနဲ့ လုပ်ကိုင် ဆောင်ရွက်ပြီး ရတဲ့ ပိုက်ဆံက အင်မတန် မွန်မြတ်ပါတယ်။ ချိုမြိန်ပါတယ်။

ငွေရှာနေသူ ဘယ်သူပဲဖြစ်ဖြစ်၊ ယုတ်စွအဆုံး အခွန်ဌာနပဲဖြစ်စေဦးတော့ သူများ အိပ်ကပ်ထဲက ပိုက်ဆံကို နှိုက်တာပါ။

အတင်းနှိုက်မယ့်အစား အိပ်ကပ်ပိုင်ရှင်က ကျေနပ်တဲ့ မျက်နှာနဲ့ သူ့အိပ်ကပ်ထဲက ပိုက်ဆံကို သူ့လက်နဲ့ ကျေကျေနပ်နပ် နှိုက်ပြီး ကိုယ့်အိပ်ကပ်ထဲ ကြည်ကြည်ဖြူဖြူ ထည့်ပေးတာမျိုးကိုပဲ ကျွန်တော်တော့ စားချင်တယ်။ ငြူငြူစူစူနဲ့ ပေးတဲ့ ပိုက်ဆံ၊ မလွှဲသာလို့သာ ပေးလိုက်ရတယ်၊ ကွယ်ရာမှာ မဲ့ရွဲ့သွားရတဲ့ ပိုက်ဆံမျိုးကိုတော့ လျှာမှာ မြက်ပေါက်နေပါစေ၊ မစားဘူးဆိုတဲ့ စိတ်ကလေးက ကျွန်တော် အခုတလော ဆွေးနွေးဖြစ်နေတဲ့ လူစိတ်လို့ မြင်မိရပါတယ်။

ဘာနောက်ကို လိုက်ကြမလဲ

လူငယ်တွေကို ကျွန်တော် ပြောနေကျ စကားတခွန်း ရှိပါတယ်။ နာမည်ကောင်း၊ ဂုဏ်သတင်းကောင်းရဲ့ နောက်မှာ ပိုက်ဆံတွေ အမြောက်အမြား ရှိပါတယ်။ ပိုက်ဆံရဲ့ နောက်မှာတော့ နာမည်ပျက်ကိန်း၊ ဂုဏ်သတင်းပျက်ကိန်းက အမြဲကပ်လိုက်နေပါတယ်လို့။

အခု မြန်မ့ာရုပ်ရှင်က နာမည်ပျက်၊ ဂုဏ်သတင်းပျက်နေပါပြီ။ အချိန်မီ အဖတ်ဆယ်ကြဖို့ ရုပ်ရှင်လောကသားအားလုံး ကြိုးစားကြရတော့မယ် ထင်ပါတယ်။

လူ့စိတ်ကို ရှေ့တန်းတင်ပြီး ဘယ်သူသေသေ ငတေမာပြီးရောဆိုတဲ့ သဘောထားနဲ့ ငွေနောက်ကိုပဲ သည်းသည်းမည်းမည်း ဆက်လိုက်ကြမလား။ လူစိတ်ကလေး မွေးပြီး ကိုယ့်အလုပ်ကို စေတနာပါပါနဲ့ ကောင်းကောင်းမွန်မွန် လုပ်ဖို့ အားထုတ်ကြမလား။

အားလုံး ကိုယ့်သဘောနဲ့ကိုယ်၊ ကိုယ့်ကုသိုလ်နဲ့ ကိုယ်၊ ကိုယ်အကုသိုလ်နဲ့ ကိုယ်ပါပဲဗျာ။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၂၂၀၃၁၈)

ပုံက Bridges of Madison County (1995) ဇာတ်ကားထဲက ဇာတ်ဝင်ခန်း ပုံပါ။ အဲဒီ့ကားမှာ မင်းသမီး Meryl Streep ဟာ အမျိုးသမီး သရုပ်ဆောင် အော်စကာ ဆန်ခါတင်စာရင်း ဝင်ခဲ့ပါတယ်။ ကလေး နှစ်ယောက်အမေ အသက် ၅၀ ဝန်းကျင် အဘွားကြီးတယောက် အိမ်ထောင်ရေး ဖောက်ပြန်မှု ဇာတ်လမ်းလို့ပဲ အတိုဆိုရပါလိမ့်မယ်။ သို့ပေမင့် ဇာတ်ကားကြည့်သူ ပရိသတ်က ဖောက်ပြန်သူ အမျိုးသမီးကြီးကို အပြစ်မမြင်ဘဲ သနားအောင် ရိုက်ပြနိုင်ခဲ့ပါတယ်။ မင်းသားက Clint Eastwood ပါ။ ကုန်ကျစရိတ် ဒေါ်လာ ၂၂ သန်း ရှိခဲ့ပေမယ့် ၁၈၂ သန်း ပြန်ဝင်ခဲ့တဲ့ ဇာတ်ကားလည်း ဖြစ်ပါတယ်။ ဘာ လူငယ်သရုပ်ဆောင်မှ မပါဘဲ အဘိုးကြီး အဘွားကြီးနှစ်ယောက်ရဲ့ ဇာတ်လမ်းနဲ့ အဲလောက် ငွေပြန်ပေါ်တဲ့ ဇာတ်ကားပါ။ အစက Spielberg ကိုယ်တိုင် ရိုက်ဖို့ကြံခဲ့သေးပေမယ့် မရိုက်ဖြစ်ခဲ့ပါဘူး။

“နည်းကျ သရုပ်ဆောင်ခြင်း”

ဖတ်ဖူးတယ်၊ ဖတ်ဖူးတယ်… ကိုယ်မလွယ်ဘူး ရူးနိုင်တယ်

“နည်းကျသရုပ်ဆောင်ခြင်း” (method acting) ဆိုတဲ့ ဝေါဟာရကို ဇဏ်ခီက ပြောလိုက်တော့ ဘာပါလိမ့်လို့ ပြူးတူးပြဲတဲ ရှာကြည့်မိရတယ်။

 

ဝေါဟာရကိုသာ မသိတာ၊ တကယ်က အဲဒီ့ သရုပ်ဆောင်ပညာအကြောင်း ငယ်ငယ်က ဖတ်ဖူးတယ်။ ဘယ်မှာလဲ၊ ဘယ်သူရေးလဲဆိုတာတော့ မသိဘူး။ ငယ်ငယ်က ဖတ်ဖူးတယ်ဆိုတော့ မြတ်လေး ရေးတာပဲလား မသိဘူး။ ဒါမှမဟုတ် ထွန်းလှိုင် (ဒါရိုက်တာ)လည်း ဖြစ်နိုင်မယ်။ ဒါမှမဟုတ် စာရေးဆရာထဲကလည်း ဖြစ်နိုင်မယ်။ ဖတ်တော့ ဖတ်ဖူးတယ်။

အသေးစိတ်တော့ မမှတ်မိတော့ဘူး။ နှစ်တွေလည်း ကြာပြီဆိုတော့ မှတ်မိတာလေးက နည်းနည်းပဲ ကျန်ပါတော့တယ်။

ဆိုရှယ်မလစ်ခင် ဆိုဗီယက်ခေတ်တုန်းကလည်း သရုပ်ဆောင်ပညာရပ်ပိုင်းမှာရော ရုပ်ရှင်ပညာမှာပါ ဆိုဗီယက်က စခဲ့တာတွေ အများကြီးပဲ။ သည် သရုပ်ဆောင်ပညာကလည်း Konstantin Stanislavski (1863-1938) ဆိုတဲ့ ပြဇာတ်ဆရာ/သရုပ်ဆောင်က စတင်ခဲ့တာပါ။ ယနေ့ထက်တိုင် သူ့နာမည်ကို အစွဲပြုပြီး သရုပ်ဆောင်ပညာမှာ “စတာနစ်(စ်)စလာ့(ဗှ်)စခီး စနစ်”ဆိုပြီး သူ့အမည်ကို အစွဲပြုထားတဲ့ စနစ်က ဟောလီးဝု(ဒ်)အထိ တွင်ကျယ်နေပါတယ်။

အဲဒီ့စနစ်မှာ သရုပ်ဆောင်ကို လေ့ကျင့်သင်ကြားပေးတဲ့စနစ်၊ ကြိုတင်ပြင်ဆင်တဲ့ စနစ်၊ ပြီးတော့ အစမ်းလေ့ကျင့်တဲ့ နည်းစနစ်တွေ ပါဝင်ပါတယ်။

ထားပါတော့… အမြည်းအနေနဲ့ ရေးပြတာမို့ အသေးစိတ် ပျင်းစရာတွေ မသွားတော့ပါဘူး။ သူ့နည်းနဲ့ အပြိုင် ပေါ်ထွန်းခဲ့တာတွေလည်း ရှိပါတယ်။ အဲဒါတွေပေါင်းပြီးတော့မှ နည်းကျသရုပ်ဆောင်ပညာရယ်လို့ ဖြစ်လာပါတယ်။

သရုပ်ဆောင်ခြင်းရဲ့ အခြေခံ သုံးပိုင်း

f7bc8c5deecefced3e7b76af64f24952--kate-winslet-the-readerနည်းကျ သရုပ်ဆောင်ရာမှာ အကြမ်းပြောရင် စိတ်ပိုင်း၊ လူမှုရေးပိုင်းနဲ့ အမူအကျင့်ပိုင်းတွေ ပါဝင်ပါတယ်။ (အဲဒါကို ငယ်ငယ်က ဖတ်ဖူးတာသွားမှတ်မိနေတာပါ။)

လူတယောက်ထဲပေမယ့် ပျော်နေချိန်၊ ဝမ်းနည်းနေချိန်၊ တက်ကြွနေချိန်၊ ညှိုးငယ်နေချိန်တွေမှာ မျက်လုံးမှသည် လမ်းလျှောက်ပုံ၊ လက်ထားပုံ၊ မတ်တတ်ရပ်ပုံကအစ မတူနိုင်ပါဘူး။ အဲဒါဟာ စိတ်ပိုင်းပါ။

လူမှုရေးပိုင်းဆိုတာက ဆရာဝန်၊ ကျောင်းဆရာ၊ သူနာပြု၊ အငှားယာဉ်မောင်း၊ ထန်းတက်သမား၊ နိုင်ငံရေးသမား၊ စစ်ဗိုလ် အစရှိတဲ့ အလုပ်အကိုင် အသီးသီးကြောင့် လူတွေရဲ့ မျက်လုံးမှသည် အထက်က ပြောခဲ့တာ အကုန်လုံးကို ရိုက်ခတ်နေပါတယ်။ ဒါ့အပြင် လူတန်းစား စရိုက်လည်း ရှိပါတယ်။ နိုင်ငံရေးသမားထဲမှာမှ မိကောင်းဖခင်သားသမီး (ဆရာကြီး ရွှေဥဒေါင်း ပြောတဲ့ gentlemen) စရိုက်နဲ့ မိလက္ခူ လူတန်းစားက ပေါက်ဖွားသူ နိုင်ငံရေးသမားတို့ကြားမှာ ပြောဆိုပုံတွေ ကွာနေဦးမှာပါပဲ။

အမူအကျင့်ပိုင်းကျပြန်တော့လည်း အလွယ်ဆုံး ပြောရင် လူတယောက်ထဲမှာတောင်မှ အရက်မူးနေချိန်၊ တယောက်တည်း ရှိနေချိန်၊ လူအုပ်ကြားထဲ ရောက်သွားချိန်၊ ကင်မရာရှေ့ ရောက်နေချိန်၊ မိန်းကလေးတွေ ရှေ့၊ ယောက်ျားချင်းရှေ့၊ ဆရာ့ရှေ့၊ မိဘရှေ့၊ တပည့်ရှေ့မှာ အမူအကျင့်တွေ ကွာနေတတ်ပြန်ပါတယ်။ နောက်အမူအကျင့်က ဒေသပါ။ အညာသားက အညာသား ဓလေ့၊ အောက်သားက အောက်သားဓလေ့၊ တောင်ပေါ်သားက တောင်ပေါ်သားဓလေ့နဲ့ ရှိနေတာမျိုးပေါ့။

ဝင်စားသရုပ်ဆောင်တာ

သရုပ်ဆောင်တဲ့အခါ အဲဒါတွေကို ဝင်စားသရုပ်ဆောင်တာပါပဲ။ အဲဒီ့အခါမှာ ဇာတ်ရုပ်ကို ကိုယ်စားပြုတဲ့ သရုပ်ဆောင်နည်း (Character Representation) ကို နည်းကျ သရုပ်ဆောင်ခြင်းလို့ သူတို့က မခေါ်ပါဘူး။ ဇာတ်ရုပ်အတိုင်း တွေ့ကြုံခံစားခြင်း (Character Experiencing) ကိုမှ နည်းကျသရုပ်ဆောင်မှုလို့ ခေါ်ဆိုပါတယ်။

ဝင်းဦးတို့၊ ကောလိပ်ကျင် နေဝင်းတို့၊ ကျော်ဆွေတို့၊ ရွှေဘတို့မှာ ကိုယ်ပိုင်ဟန်တွေ ရှိကြတယ်။ သို့သော် သူတို့က ဇာတ်ရုပ်ကို ကိုယ်စားပြုခဲ့ကြတာပါ။ ဘယ်ကားမှာဖြစ်ဖြစ် ဒါ ဝင်းဦးပဲ၊ ဒါ ကောလိပ်ဂျင်ပဲ၊ ဒါရွှေဘပဲဆိုပြီး ပရိသတ်က သိနေရပါတယ်။ တနည်းပြောရင် သရုပ်ဆောင်နေတယ်လို့ပဲ ပရိသတ်က မြင်နေရတယ်။ ကျော်ဟိန်းလည်း စောစောပိုင်းတုန်းက အဲလိုပေမယ့် နောက်ပိုင်းမှာ သူက နည်းနည်း ဝင်စားတတ်လာတော့ တပ်ကြပ်ဖိုးစည်၊ တာတီးစသဖြင့် နည်းနည်း ကွဲလာတယ်။ ဒါပေမယ့် ကျော်ဟိန်း ပျောက်သွားတဲ့အထိတော့ ဖြစ်မသွားခဲ့ဘူး။

ဇာတ်ရုပ်အတိုင်း တကယ် ဝင်စားနိုင်တဲ့အခါကျတော့ ပရိသတ်က မင်းသား၊ မင်းသမီးဆိုတာကို မေ့သွားတယ်။ အဲဒီ့ ဇာတ်ရုပ် လုံးလုံးဖြစ်သွားတယ်။ အခုနောက်ပိုင်းမှာ Leonardo DiCarprio နဲ့ Kate Winslet တို့ဟာ အဲလို အတော် ဝင်စားနိုင်ပါတယ်။ အကြီးတန်းထဲက ပြောရင် Marlon Brando, Robert DeNiro, Meryl Streep, Dustin Hoffmann တို့ကို အလွယ်ဆုံး နမူနာ ပြနိုင်မယ်ထင်ပါတယ်။

နမူနာတွေ

အစွန်းအရောက်ဆုံး နမူနာကတော့ Gandhi (1982) ဇာတ်ကားမှာ ဂန္ဓီအဖြစ် သရုပ်ဆောင်ခဲ့တဲ့ Ben Kingsley ပါပဲ။ သူဟာ အဲဒီ့ကားရိုက်ဖို့အတွက် တကယ့်ကို ဂန္ဓီနေသလိုနေ၊ ဝတ်သလိုဝတ်၊ စားသလို စားပြီး ကိုယ်အလေးချိန်ကိုပါ တကယ့်ဂန္ဓီတုန်းကလို အရိုးပေါ် အရေတင်တဲ့အထိ နေကာ သရုပ်ဆောင်ခဲ့ပါတယ်။

550full-gandhi-screenshot

နောက်တယောက်က လူမည်း သရုပ်ဆောင် Forest Whitaker ပါ။ The Last King of Scotland (၂၀၀၆) မှာ အာဏာရှင် အီဒီအာမင်အဖြစ် သရုပ်ဆောင်ပြီး အော်စကာဆု ရခဲ့သလို ၂၀၁၃ ခုနှစ်က ထွက်တဲ့ Butler ဇာတ်ကားမှာလည်း ပြောင်မြောက်စွာ သရုပ်ဆောင်သွားခဲ့ပါတယ်။ သူ့ရဲ့ နည်းကျ သရုပ်ဆောင်ပုံကို အဲဒီ့ နှစ်ကား ယှဉ်ကြည့်လိုက်တာနဲ့ တန်းခနဲ တွေ့နိုင်မလားပဲ။

Robert DeNiro လည်း Raging Bull ဇာတ်ကားမှာ လက်ဝှေ့သမားအဖြစ် သရုပ်ဆောင်ဖို့ သူ့ကိုယ်အလေးချိန်ကို ပေါင် ၆၀ အထိ တက်အောင် နေထိုင် ပြင်ဆင်ခဲ့ဖူးပါတယ်။

Kate Winslet ရဲ့ နည်းကျ သရုပ်ဆောင်ချက်ကလည်း ကမ္ဘာကျော်ပါတယ်။ The Reader (2008) မှာ မင်းသမီးဟာ ဂျာမန် နာဇီ အကျဉ်းစခန်းအစောင့်အဖြစ် သရုပ်ဆောင်ရပါတယ်။ နည်းကျသရုပ်ဆောင်တာများ ဗြိတိသျှမင်းသမီးဟာ ဂျာမန်သံတဝဲဝဲက အကျင့်အပါလွန်ကုန်ပြီး ရိုက်ကွင်းအပြင်သာမက ရိုက်ကူးရေး ပြီးလို့ သူ့အိမ်သူ ပြန်တဲ့အထိတောင် အဲဒီ့ ဂျာမန်သံစွဲနေတာမို့ မနည်း ပြန်ဖျောက်ယူခဲ့ရဖူးပါတယ်။ အဲဒီ့ဇာတ်ရုပ်ကို သူ့ကိုယ်ထဲက ပြန်ထုတ်ဖို့ လနဲ့ချီပြီး ကြိုးစားယူခဲ့ရတယ်လို့ Kate ကိုယ်တိုင်က ပြောဖူးပါတယ်။

စကားသံဝဲတာလည်း ပါတယ်နော်

သူ့နည်းတူ အံ့အားသင့်စရာကောင်းအောင် ဒေသသံဝဲ ပေါင်းစုံနဲ့ သရုပ်ဆောင်နိုင်တဲ့ အမေရိကန် မင်းသမီးက Renée Zellweger ပါပဲ။ အမေရိကန် တောသူသံဆိုလည်း ကော့နေတာပဲ၊ ဗြိတိသျှသံလည်း သူ ရအောင် ပြောပြီး သရုပ်ဆောင်နိုင်ပါတယ်။ ဆေးစက်ကျရာ အရုပ်ထင်တယ်ဆိုတဲ့ ဗမာစကား ရှိပါတယ်။ သရုပ်ဆောင်ဟာ သူကျတဲ့ သရုပ်ဆောင် ပြောမယ့် လေသံ၊ စကားဝဲပုံကအစ တူနေအောင် လုပ်နိုင်မှ တကယ့် သရုပ်ဆောင်ပါ။ တလုံးက ကက်ဆက်ဖွက်ဖို့ တလုံးက မီးထွင်းဖို့ဆိုရင် အဲဒါဟာ ဇာတ်ဆောင်သာဖြစ်ပါတယ်။ ဇာတ်သရုပ်ကိုမှ မဝင်စားနိုင်တာကိုး။

နည်းကျသရုပ်ဆောင်ခြင်းနဲ့ပတ်သက်လို့ အမြည်းသဘောလေး တင်ပြဆွေးနွေးတာပါ။ ပြောတော့ လွယ်လွယ်လေး ထင်ရပါတယ်။ တကယ့်ကို ဂရုတစိုက် အချိန်ယူ ပြင်ဆင်ကြရတဲ့ သဘောပါပဲ။ နှုတ်ခမ်းမွှေးနဲ့ သရုပ်ဆောင်မယ်ဆိုရင် တကယ်ကို နှုတ်ခမ်းမွှေးထားမှ ဇာတ်ရုပ်ပီမှာပါ။ မိတ်ကပ်နဲ့ နှုတ်ခမ်းမွှေး လုပ်မယ်ဆိုရင် တူသလိုလိုနဲ့ လွဲနေမှာမျိုးပေါ့။

မှတ်မိပါသေးတော့တယ်။ အကို မောင်ဝဏ္ဏရဲ့ နောက်ဆုံးကားတုန်းကပါ။ အောင်မြင်နေတဲ့ တိုင်းရင်းသူ မင်းသမီးလေးကို ငှားပြီး ဘာလုပ်ခိုင်းတယ် မှတ်တုံး။ မြန်မာစာ သင်ပုန်းကြီးက အ၊ အာ၊ အား၊ အိ၊ အီ၊ အီးဆိုတဲ့ သရသံတွေကို အလွတ်ကျက် ဆိုခိုင်းခဲ့ဖူးပါတယ်။ မင်းသမီးရဲ့ အသံထွက်ကို သူစိတ်တိုင်းကျတော့မှ ကားစရိုက်တာပါ။ အဲဒီ့ကားက မအောင်မြင်လိုက်ပါဘူး။ သို့ပေမယ့် ပြောချင်တာကို သဘောပေါက်ကြမယ် ထင်ပါတယ်။

ဆရာလိုတယ်

နောက်တချက်က ဆရာပြမှ နည်းကျမှာပါ။ သည်လိုပဲ လုပ်နေကြတာပဲဆိုပြီး သည်လိုပဲ လွှတ်ထားရင်လည်း သည်လိုပဲထဲက ထွက်မှာ မဟုတ်ပါဘူး။

ဗမာစကားလည်း ရှိသမို့လား… ငါးပိဖုတ်တာတောင်မှ ဆရာနဲ့ မဟုတ်ရင် ကောင်းကောင်း မနပ်ဘူးခင်ဗျ။

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၁၈၀၃၁၈)

 

တန်းဝင်

မောင်တင်ဦး ရိုက်ခဲ့တဲ့ သင်္ကြန်မိုး ကောင်းပါတယ်။ ရုံတင်စ ကြည့်တုန်းကလည်း ကြိုက်တယ်။ နောက်ပိုင်း သင်္ကြန်ချိန်တိုင်း အဲဒီ့ကား ပြန်ပြတော့လည်း အခါအားလျော်စွာ (အစအဆုံးမဟုတ်တောင် ခဏတဖြုတ်) ကြည့်ဖြစ်တယ်။ မန်းသင်္ကြန်ကို ချစ်တဲ့ မန်းသားတယောက်အနေနဲ့ အလွန်သဘောကျပဲ။ ရိုက်ချက်တွေကြိုက်တယ်၊ သီချင်းတွေကြိုက်တယ်။

အဲ… ရုံတင်တင်ချင်း စကြည့်တဲ့နေ့ကတည်းက ဇာတ်ကိုတော့ မကြိုက်ခဲ့တာ အမှန်ပဲ။

ဘယ့်နှယ့်ဗျာ… မိန်းမသွားခိုးမယ့်နေ့၊ မိန်းမသွားခိုးမယ့်အချိန်ကျမှ တည့်တည့်မတ်မတ်၊ အပ်ကျမတ်ကျ ဟိုမိန်းမကြီးက ရောဂါ ထသည်းရသတဲ့လား။ အဲဒီ့ ဗြဟ္မာ့ပြည်က အပ်တစင်းနဲ့ လူ့ပြည်က အပ်တစင်းဆုံသလို ထူးခြား တိုက်ဆိုင်မှုက လူ့ပြည်ကြီးမှာ ဖြစ်နိုင်ပါသေးတယ်လို့ ဇွတ်ငြင်းရင် မိန်းမသွားခိုးမယ့်သူကလည်း ဟိုက စောင့်နေမယ့် မိန်းမဆီ တနည်းနည်းနဲ့ အကြောင်းမကြားနိုင်တော့လောက်အောင် မန်းရွှေမြို့ကြီးက လူတွေ အဲဒီ့အချိန်မှာ ဘယ်ရောက်ကုန်သတဲ့လဲ။ ဇာတ်ကို မနာနာအောင် ငရုတ်ကျည်ပွေ့နဲ့ ထုထားသလို ဖြစ်နေပါတယ်။

မကြိုက်ဆုံးကတော့ မိန်းမတယောက် တခြားလူနဲ့ ယူသွားတာနဲ့ပဲ အရက်ထဲ တဘဝလုံးနှစ်လိုက်တဲ့ လူတယောက်ရဲ့ ဇာတ်ဖြစ်နေတာပဲ။ ချာတူးကို လန်လို့။ ပရိသတ်ကို ဘာသတင်းစကား ပါးချင်တာလဲ။ မိန်းမတယောက်နဲ့ လွဲတာနဲ့ အရက်သမား လုပ်ကြပေတော့လို့ ပြောချင်တာလား။

နောက်တခုက ဗမာစကားကို ပီအောင် မပြောတတ်တဲ့သူကို မန်းလေးသူ လုပ်ခိုင်းထားတာကြီး။ အဲဒါလည်း ဘယ်လိုမှ အစာမကျေဘူး။ သူ့ကို ထည့်ရိုက်ချင်တယ်ဆိုရင် အစကတည်းက သူ့အဖေ အမေ အဖွားတို့ကိုလည်း ယနေ့ မန်းလေးမှာ တွင်ကျယ်နေကျတဲ့ စကားမပီသူ ယူနန်နယ်သားတွေ လုပ်ထားလိုက်ရင် ဟုတ်တုတ်တုတ်ရယ်။ ခုတော့ အလွဲကြီး။

သို့သော်… ရိုက်ချက်ရယ်၊ ခမ်းနားတဲ့ ဆက်တင်တွေရယ်၊ သီချင်းတွေရယ်ကြောင့် အဲဒီ့ သင်္ကြန်မိုးကို အောင့်နမ်းခဲ့ရတယ်။ အဲဒီ့ ခမ်းနားမှု၊ အဲဒီ့ သီချင်းတွေ၊ အဲဒီ့ရိုက်ချက်တွေက ကောင်းတယ်။ ဗမာတယောက်၊ မန်းသင်္ကြန်ကို ချစ်လွန်းသူ တယောက်အနေနဲ့ အနာအဆာများစွာကို ခွင့်လွှတ်ခံစားနိုင်ခဲ့ပါတယ်။

အဟဲ… အဲဒီ့ဇာတ်ကားကိုပဲ နိုင်ငံတကာ ရုပ်ရှင်ပွဲတော်တခုမှာ ဗမာရုပ်ရှင်အဖြစ် တင်ကြဖို့ လုပ်တော့ ဇာတ်လမ်းအကျဉ်းကို အင်္ဂလိပ်လို ရေးရပါတယ်။

ဇာတ်လမ်းအကျဉ်းဆိုတာ ဇာတ်လမ်း တပုဒ်လုံးရဲ့ကျောရိုးကို တထိုင်တည်း (ငါးမိနစ်ထက် နည်းတဲ့အချိန်အတွင်းမှာ) ဖတ်လိုက်သူရဲ့ စိတ်မျက်စိမှာ မြင်သာအောင် ရေးသားထားတာကို ခေါ်ပါတယ်။

အဲဒီ့မှာတင် သွားတော့တာပါပဲ။ ဇာတ်လမ်းအကျဉ်း ပြန်ရေးနေစဉ်ကတည်းက အဲဒီ့ကားဟာ ပြသဖို့ ရွေးချယ်ခံရမှာ မဟုတ်ဘူးဆိုတာ သိနေပါတယ်။ ဗမာဆိုတဲ့ စိတ်ကို ဖယ်၊ မန်းသင်္ကြန်ဆိုတဲ့ သညာ မရှိတဲ့ တခြား အရှေ့အနောက်နိုင်ငံသားတွေအတွက် သည်ဇာတ်ကားဟာ ဘယ်လိုမှကို စိတ်ဝင်စားစရာ ကောင်းမှာ မဟုတ်ဘူးဆိုတာ တွက်ဆမိရပါတယ်။

ထင်တဲ့အတိုင်းပါပဲ။ အဲဒီ့ပွဲတော်မှာ အဲဒီ့ကား ပြသခွင့် မရခဲ့သလို ဘယ်မြန်မာကားမှလည်း ပြသခွင့် မရခဲ့တာ အမှန်ပါ။

ဗမာပြည်က ဗမာတွေအတွက်တော့ အဲဒီ့ကားက ကြည့်လို့ ရိုးမှာလည်း မဟုတ်ပါဘူး။ ဒါပေမယ့် ပြည်မကို မရောက်ဖူးတဲ့၊ သင်္ကြန်နဲ့လည်း သိပ်မယဉ်ပါးတဲ့ တခြားတိုင်းရင်းသားတွေဆိုရင်တော့ အဲဒီ့ကားကို တခါကြည့်ပြီး ထပ်ကြည့်ချင်ပါ့မလားဆိုတာလည်း စဉ်းစားစရာပါ။

နိုင်ငံတကာ အဆင့်ဆိုတာ အဲဒါပါပဲ။ ရိုက်ချက်ချည်းပဲလည်း မဟုတ်ဘူး၊ နောက်ခံတေးဂီတချည်းလည်း မဟုတ်ဘူး၊ ဇာတ်အိမ်ခိုင်ဖို့က အားလုံးထဲမှာ အဓိက ကျလှပါတယ်။

ဘောလီးဝု(ဒ်)ကားတွေမှာလည်း ကုလားအကတွေ၊ ကုလားသီချင်းတွေ မနိုင်ရင်ကာ ထည့်ထားတာပါပဲ။ ဒါပေမယ့် သူတို့ ဇာတ်လမ်းတွေက လူမျိုးမရွေး ဘာသာမရွေး ခံစားနိုင်တယ်။ နမူနာအဖြစ် PK ဇာတ်လမ်းကိုပဲ ကြည့်ပါ။ ဘယ်ဘာသာဝင်အတွက်ပဲဖြစ်ဖြစ် မေးခွန်းထုတ်စရာ၊ တွေးစရာ အစတွေ အများကြီး ချန်ထားခဲ့ပါတယ်။

ဒါမှမဟုတ် ထင်ရှားတဲ့ ကိုရီးယားကား Taxi Driver ပဲ ထားပါ။ သူတို့ နိုင်ငံအတွင်းက ဖြစ်ရပ်မှန်တခုကို အခြေပြုထားတာ။ ဒါပေမယ့် သာမန် သူလို ငါလို အငှားယဉ်မောင်းတယောက်၊ နိုင်ငံရေးနဲ့ ဘယ်လိုမှ ပတ်သက်မှု မရှိတဲ့ ယာဉ်မောင်းတယောက်က သူ့မျက်စိအောက်မှာ ဖြစ်လာတဲ့ လူမဆန်မှုတွေကို မြင်ရပြီး ရုတ်တရက်ကြီး မခံစားနိုင်အောင် ဖြစ်လာရာက သည်အဖြစ်တွေကို ကမ္ဘာက သိအောင် ကြိုးစားနေတဲ့ နိုင်ငံခြား သတင်းထောက်ကို သက်စွံ့ဆံဖျား ကူညီပေးခဲ့တဲ့ ဇာတ်လမ်း။ ဘာလူမျိုး၊ ဘာဘာသာဝင်ပဲ ဖြစ်ဖြစ် အဲဒီ့ကားကို ကြည့်ပြီး မချိတင်ကဲ အရသာကို ခံစားရမယ်၊ ဒေါသတွေ ဖြစ်လာမယ်၊ ရင်တထိတ်ထိတ်ဖြစ်လာမယ်။

ဒါဖြင့် နိုင်ငံတကာ တန်းဆိုတာ ဘာလဲ…

ဘယ်လူမျိုး၊ ဘယ်ယဉ်ကျေးမှုနောက်ခံက လာသူပဲ ကြည့်ကြည့်၊ ခံစားလို့ရတဲ့ ဇာတ်လမ်းပေါ့။ ရှင်းနေတာပါပဲ။ မဟုတ်ရင် နိုင်ငံတကာ မဟုတ်ဘူး၊ တနိုင်ငံစာလို့ပဲ ပြောလို့ ရပါမယ်။

ဟုတ်တယ်… အဲဒီ့လို လူမျိုး ဘာသာမရွေး ကြည့်ရှုခံစားနိုင်မယ့် ဇာတ်လမ်းမျိုးတွေကို ကြံဆရိုက်ကူးသွားနိုင်မယ်ဆို တန်းဝင်လာပါလိမ့်မယ်။

LikeShow more reactions

Comment