Royal Me!!!

03Royal“ဆဝါဒီခပ်(ပ်)”ဆိုပြီး ပြုံးချိုချို၊ ငယ်နုနု၊ မြန်မာနဲ့ ခပ်ဆင်ဆင် ယပက်လက်မလေးတွေက လက်အုပ်ကလေးတွေ ချီလို့ အဝင်ဝမှာ နှုတ်ဆက်တော့ သူတို့ လက်ထဲကို ဝင်ခွင့်လက်မှတ် ထည့်လိုက်ပါတယ်။ ပြီးတော့ ကျွန်တော်တို့ နှစ်ယောက်သား အတွင်းခန်းထဲကို လှမ်းဝင်လိုက်ကြပါတယ်။


လားလား… နည်းတဲ့အခန်းကြီးမဟုတ်ဘူး။ ပေ ၆၀၊ ပေ ၄၀လောက်တောင် ရှိမယ်မှတ်တယ်။ ကမှ ကရဲ့လားတောင် မသိဘူး။ တစ်ခန်းလုံး ထိန်ထိန်လင်းလို့။ အထဲမှာက ထိုင်ခုံမျိုးစုံနဲ့။ စားသောက်ဆိုင် ထိုင်ခုံလို မတ်မတ် ကုလားထိုင်နဲ့ စားပွဲတွေ၊ ကော်ဖီဆိုင် ထိုင်ခုံလို သက်သက်သာသာ ထိုင်လို့ကောင်းတဲ့ ကုလားထိုင်နဲ့ စားပွဲတွေ၊ ဧည့်ခန်းထိုင်ခုံလို ဆိုဖှာ ဆက်တီတွေအပြင် သူကြွယ့်အိမ်ရဲ့ နားနေခန်းထဲက ရုပ်မြင်သံကြား ကြည့်တဲ့ ထိုင်ခုံလို ပက်လက်ကြီး ခြေဆန့် လဲလျောင်းပြီး ဇိမ်အပြည့် ယူလို့ရတဲ့ ဧရာမ ဆိုဖှာခုံကြီးတွေလည်း ရှိတယ်။


တချို့က စားနေကြ၊ တချို့က စာအုပ်ဖတ်နေကြ၊ တချို့က သတင်းစာ ဖတ်နေကြ၊ တချို့က မျက်နှာကို မျက်စိဖုံး စွပ်ပြီး အိပ်နေကြ၊ တချို့ကလည်း အဲသလို မျက်စိကို ဖုံးထားလို့ရတဲ့ သိုင်းကြိုးလေးနဲ့ အမည်းရောင် ပိတ်စွပ်လေး မပါဘဲ သည်တိုင်း ခလောနေကြ။


ကျွန်တော်လည်း ကျွန်တော်နဲ့ အတူပါသူ လုပ်ဖော်ကိုင်ဖက်ကြီးရဲ့ ဦးဆောင်မှုကိုသာ အကြည်အသာ ခံယူနေရပါတယ်။ မခံလို့လည်း မဖြစ်ဘူး။ သူက နိုင်ငံခြားကို အားတိုင်း ထွက်ရတဲ့သူ။ ကျွန်တော့်လို မေ့လောက်မှ တစ်ခါ သွားရသူမျိုး မဟုတ်ဘူး။ သည်တော့ အတွေ့အကြုံက သူ့မှာ အပြည့်ရှိတယ်။ ပိုဆိုးတာက ကိုယ့်လူကြီးက လူ့ခွစာကြီး။ (ကျွန်တော်လို ခွကျကျကောင်ကတောင် အဲသလို ပြောယူရတယ်ဆိုရင် သူ ဘယ်လောက် ခွကျတယ်ဆိုတာ ဓာတ်သိများ မှန်းဆကြည့်တော်မူနိုင်ကြပါလိမ့်မယ်။) မထင်ရင် မထင်သလို မာန်က မာန်တတ်ပါဘိသနဲ့။ စကားကလည်း အတော်နည်းတဲ့သူခင်ဗျ။


သည်တော့လည်း သူ့အရိပ်အကဲ ကြည့်ပြီး သူထိုင်တဲ့ စားပွဲမှာ အသာလေး ဝင်ထိုင်လိုက်ရပါတယ်။ သူက သတင်းစာတစ်စောင် ထယူတော့ ကျွန်တော်လည်း ထယူပေါ့။ သူလည်း သတင်းစာဖတ်၊ ကျွန်တော်လည်း တောင်လှန်၊ မြောက်လှန်။ သတင်းစာကြီးကလည်း ကြီးမှ ကြီး။  ဖြန့်ဖတ်လိုက်ရင် တစ်လံလောက်များ ရှိမလား မှတ်တယ်။ စက္ကူကတော့ သတင်းစာ စက္ကူပါပဲ။ သို့ပေမယ့် မျက်နှာဖုံးက ဓာတ်ပုံတွေက ရောင်စုံတွေနဲ့။ အဲတုန်းက ၁၉၉၉ခုနှစ်ဆိုတော့ ကျွန်တော်တို့ဆီမှာ မြန်မာတိုင်း(မ်)တို့၊ မဟာတို့၊ ဗွိုက်(စ်)တို့၊ ဆဲဗှင်းဒေးတို့လို ရောင်စုံနဲ့ သတင်းစာပုံစံတွေ မမြင်ဖူးသေးတော့ အဲဒီ့သတင်းစာကို “ခွာလထှီ”သတင်းစာလို့ ထင်မိသလို ဖြစ်သွားရသေး။


အမှန်တော့ မဖတ်ချင်ပါဘူးဗျာ။ ဟိုလူကြီး ကြောက်လို့သာ ဖတ်ချင်ယောင်ဆောင်နေရတာ။ ခြေထောက်နာတာက တစ်မျိုး၊ တောသား မြို့ရောက်သလို ဖြစ်နေတာက တစ်မျိုးနဲ့မို့ သတင်းစာအစား လည်ပင်းကို ပတ်ချာလှည့်ပြီး တောင်ကြည့် မြောက်ကြည့် ကြည့်ချင်လှတာပ။ သို့သော် အဲသလိုဆို ကိုယ် တောသားမှန်း လူသိကုန်ပါ့မယ်လေဆိုတဲ့ အတွေးနဲ့ သတင်းစာထဲ ခေါင်းစိုက်ထားရတယ်။ ဟန်ကိုယ့်ဖို့ဆိုတာ ဒါမျိုးပေါ့ခင်ဗျာ။


ကိုယ့်လူကြီးကလည်း သတင်းစာကို အလွတ်များကျက်နေသလား မှတ်တယ်။ မပြီးနိုင်ဘူး။ အမှန်တော့ အဲဒီ့သတင်းစာမျိုးတွေက အပုဒ်စေ့သာ ဖတ်မယ်ဆိုရင် တစ်နေကုန်မှ ပြီးမယ့် သတင်းစာမျိုးကလား။ စာအုပ်တွေအကြောင်းချည်းကိုက တစ်မျက်နှာ၊ နှစ်မျက်နှာ၊ ရုပ်ရှင်တွေ၊ ရုပ်သံ အစီအစဉ်တွေ အကြောင်းလည်း မနည်းမနောပါရဲ့။ ဒေသတွင်း သတင်း၊ နိုင်ငံတကာသတင်းဆိုတာလည်း ကောင်းတာရော၊ ဆိုးတာရော အစုံ၊ အစုံ။ ဈေးကွက်သတင်း၊ အားကစားသတင်း၊ အံမယ်မင်း… ဒင်းကြမ်း ပြည့်လို့။


သူက သတင်းစာနဲ့ မျက်နှာ မခွာတော့ ကျွန်တော့်ခမျာလေးမှာလည်း တောင်လှန် မြောက်လှန်နဲ့ စိတ်ဝင်စားစရာလေးတွေ လျှောက်ဖတ်ပေါ့။ အတော်လေးကြာတော့မှ ကိုယ့်လူကြီးက စတင် လှုပ်ရှားတယ်။ “ကျုပ် စားစရာ သောက်စရာ သွားယူလိုက်ဦးမယ်”တဲ့။

ဟုတ်ကဲ့။ ကျွန်တော်တောသားက သူသွားရင် ကျွန်တော် စောင့်ရမယ် မှတ်တာ။ အမှန်တော့ သည် တော်ဝင်သစ်ခွ နားနေဆောင်ကြီးမှာ ကျွန်တော်တို့ ထိုင်တဲ့ နေရာနားမှာ ချထားတဲ့ ဝန်စည်စလယ်တွေကို အလစ်သုတ်မယ့်သူ ရှိမှာမှ မဟုတ်တာ။ သို့သော် အကျင့်က ပါနေတော့ သူသွားတဲ့အခါ ကျွန်တော် စောင့်နေလိုက်တယ်။

သူ သွားရာကို လိုက်ကြည့်တော့ စားပွဲကြီးက ဧရာမ အကြီးကြီးဗျ။ အလျား ၁၅ ပေ၊ အနံ ၇ ပေလောက်များ ရှိမလားပဲ။ စားစရာ သောက်စရာတွေကလည်း စားပွဲအပြည့်။ သို့ပေမယ့် စားချင် သောက်ချင်စိတ်က တယ် မရှိလှဘူး။ ခြေထောက်နာတာကို စိတ်ညစ်နေတာ၊ ကိုယ် မရောက်ဖူး၊ မသွားဖူးတဲ့ ခရီးမို့ စိတ်ထဲမှာ တစ်မျိုးတစ်မည် သရိုးသရီဖြစ်နေတာတို့ကြောင့် ထင်ပါရဲ့။


ကိုယ့်လူကြီးက မုန့်ပန်းကန်လေး တစ်ပန်းကန်၊ လက်ဖက်ရည်လေး တစ်ခွက်နဲ့ ပြန်ရောက်လာတယ်။ သူ့နေရာသူ ပြန်ထိုင်တယ်။ သူက လက်ဖက်ရည်သမား။ တစ်နေ့ကို လက်ဖက်ရည်ချည်း လေး၊ ငါး၊ ရှစ်ခွက် သောက်တတ်တဲ့သူ။  သူ ယူလာတဲ့ မုန့်တွေကို ကြည့်လိုက်တော့ စမူဆာတို့၊ ကော်ပြန့်လိပ်တို့လိုဟာမျိုးရယ်၊ ပေါင်မုန့်သား ပိစိ သေးသေးလေးပေါ်မှာ အဆာတင်ထားတဲ့ ဟာလေးတွေရယ် တွေ့ရတယ်။ ကျွန်တော်လည်း သတင်းစာပဲ ဆက်ဖတ်နေလိုက်တယ်။ နည်းနည်းတော့ အသားကျသွားပြီမို့ သတင်းစာထဲက ကျွန်တော် စိတ်ဝင်စားတာလေးတွေကို အေးအေးလူလူ လျှောက်ဖတ်နေလိုက်တယ်။


အတော်လေးကြာတော့မှ ကျွန်တော်လည်း စားစရာသောက်စရာ ထယူ ပါတော့တယ်။ ဇာတ်လမ်းက အဲဒီ့မှာ ဖြစ်တဲ့ဇာတ်လမ်း။ အဲဒါလေး ပြောချင်လို့ ချီနေတာပါ။ (ချီနေတာကိုက အတော်ရှည်နေပြီနော်…)


ထော့ကျိုးပေမယ့် စပ်စုချင်စိတ်ကြောင့် ရှည်လျားလှတဲ့ စားပွဲကို တစ်ပတ် ပတ်ကြည့်လိုက်သေးတယ်။ အားပါး… စားစရာက အစုံအစုံ။ ထမင်းတွေ၊ ဟင်းတွေလို အဝစားလို့ ရတာတော့ မပါပါဘူး။ သို့ပေမယ့် သွားရည်စာတွေကတော့ အမျိုးမျိုး အမယ်မယ်ပဲ။ သောက်စရာကလည်း အပြည့်ပဲ။ ချောကလက် ဖျော်ရည်၊ မိုင်လို၊ အိုဗှာ(လ်)ထီး(န်)၊ နို့၊ ကော်ဖီ၊ လက်ဖက်ရည်၊ ရေနွေးကြမ်း… အမျိုးကို စုံလို့။ အရက်သောက်ချင်ရင် အရက်ကောင်တာက သတ်သတ် ရှိသေးတယ်။ ကြိုက်တာ ယူစား၊ ကြိုက်တာ ယူသောက်။

ပထမဆုံး နိုင်ငံခြားခရီးလည်း ဖြစ်နေ၊ လူကလည်း မအူမလည်ဆိုတော့ အရက်ကို စိတ်မကူးရဲဘူး။ အချိန်ကလည်း မွန်းတောင် မတည့်သေးဘူး။ ဒါနဲ့ ပန်းကန်ပြား အလွတ်လေးတစ်ချပ် ယူတဲ့လို့ စားစရာတွေထဲက သင့်မယ် ထင်တာလေးတွေကို ကောက်ထည့်လိုက်တယ်။

ပြီးတော့ ကော်ဖီသောက်ဖို့ စိတ်ကူးလိုက်တယ်။ ကျွန်တော်က ကော်ဖီ သရဲ။ ကော်ဖီ အသောက်ကြမ်းတဲ့နေရာမှာတော့ ကျွန်တော့်ကို တော်တော်တန်တန် နိုင်ငံခြားသားတောင် ဆလံသရတယ်။

ကော်ဖီအမျိုးအစားပေါင်းစုံရှိတဲ့အနက်မှာ အက်(စ်)ပရက်ဆို (espresso) ဆိုတဲ့ ကော်ဖီက တကယ့်ကို အပြင်းစားပဲ။ ခါးတူးနေတာ။ အဲဒီ့ကော်ဖီမှာရင်  ကော်ဖီမှုန့်တစ်ဇွန်း (single scoop)တို့၊ နှစ်ဇွန်း (double scoop)တို့ မှာရတယ်။ ဇွန်းဆိုလို့ စားပွဲတင် ကော်ဖီဖျော်တဲ့ ဇွန်းလို့ မမှတ်ပါနဲ့။ အဲဒီ့ တစ်ဇွန်းက စားပွဲတင် ကော်ဖီမှုန့် ဇွန်း သုံးဇွန်းမောက်မောက်စာလောက်ရှိတယ်။ သိပ်ကို ကော်ဖီကြိုက်တဲ့ ကော်ဖီသရဲတွေမှ သောက်တတ်တဲ့ ကော်ဖီမျိုး။ နိုင်ငံခြားသား ကော်ဖီသရဲတွေတောင် တစ်ဇွန်းဖျော်ပဲ မှာပြီး နို့တွေ နင်းကန်ထည့်ကာ ဇိမ်ဆွဲ သောက်ကြတာကလား။ အဲ… ကျွန်တော်က အဲဒီ့ အက်(စ်)ပရက်ဆိုကို ဘယ်တော့ဖြစ်ဖြစ် နှစ်ဇွန်းဖျော် မှာတယ်၊ ဘာနို့၊ ဘာသကြားမှ မထည့်ဘဲ ကော်ဖီချည်းသက်သက်ကို အစိမ်းအတိုင်း သောက်တတ်တယ်ဗျ။ အဲသလောက် ကော်ဖီကို ကြိုက်တဲ့ကောင်။ ညစာစားပွဲအပြီး အစာပိတ်ဆိုရင်လည်း အဲဒီ့အတိုင်းပဲ သောက်တာဆိုတော့ နိုင်ငံခြားသားတွေက ကျွန်တော့် ကော်ဖီသောက်နှုန်းကို လွှတ်ဖျားကြတယ်။ သူတို့သာဆို အိပ်မပျော်ဘူးတဲ့။ ကျွန်တော်ကတော့ ကော်ဖီကြောင့် ကနေ့ထက်ထိ တစ်ခါမှ အိပ်မပျော်တာမျိုး မဖြစ်ဖူးသေးဘူး။ အအိပ်မက်တဲ့ကောင်ဆိုတော့ ကော်ဖီ ဘယ်လောက်သောက်သောက် ခေါင်းချလိုက်တာနဲ့ အိပ်ပျော်တာချည်းပဲ။ လင်းတဲ့အထိ တစ်ရေးပဲ။


(အိပ်မပျော်တာက ရည်းစားပူမိတဲ့အခါလောက်၊ အသည်းကွဲတဲ့အခါလောက်သာ ရှိတတ်တာပါ။ ဘာတဲ့… အစွဲများ ခြောက်လှန့်နေသည်နှယ်၊ အသည်းများ ထိတ်၊ ထိတ်လှပါတယ်ကွယ်ဆိုတဲ့ အခါမျိုးများမှာပေါ့ ခင်ဗျာ)

အဲ… အဲသလို ကော်ဖီသမားဆိုတော့ တော်ဝင်သစ်ခွ နားနေဆောင်ကြီး ထဲမှာ တည်ခင်းထားတဲ့ ကော်ဖီမျိုးစုံကို မျက်လုံးကစားလိုက်တယ်။ နက်(စ်) ကော်ဖီလို ချက်ချင်း တန်းဖျော်လို့ရတဲ့၊ ဓာတုနည်းနဲ့ြုပပြင်ထားတဲ့ ကော်ဖီမှုန့်  ပုလင်းတွေကလည်း မျိုးစုံချထားတယ်။ အဲဒါလည်း ကျွန်တော်တို့က နက်(စ်)လောက်သာ သိတာ။ တကယ်က အမျိုးမျိုးအမယ်မယ်ရှိသေးတယ်။ တန်ဖိုးကြီးတဲ့ ချက်ချင်းဖျော် ကော်ဖီမှုန့်တွေ အများကြီးရှိသေးတယ်။ သို့သော် အဲဒါတွေကို ကျွန်တော်က တစ်စက်မှ စိတ်မဝင်စားဘူး။ ကျွန်တော် တကယ်ကြိုက်တာက အက်(စ်)ပရက်ဆိုလို တကယ့်ကော်ဖီစေ့ စစ်စစ်က ထွက်တဲ့ အမှုန့်နဲ့ ခပ်ပျစ်ပျစ်လေး နှပ်ထားတဲ့ ကော်ဖီမျိုး။

မျက်စိကစားလိုက်တော့ လားလား… တစ်နေရာမှာ တွေ့ရတယ်။ ကော်ဖီစေ့တွေ အပြည့်အသိပ်ထည့်ထားတဲ့ ဖန်ပေါင်းချောင်နဲ့ ကော်ဖီစက်ကြီး။ ရွေး… နိပ်ဟလို့ စိတ်ထဲက ဥဒါန်းကျူးပြီး ကျွန်တော်လည်း ထော့ကျိုးထော့ကျိုးနဲ့ ကော်ဖီစက်ကြီးရှေ့ ရောက်သွားတယ်။


ကြုံတုန်းကြွားတယ်ပဲမှတ်လိုက်ပါခင်ဗျာ။ ကျွန်တော့်အိမ်မှာလည်း ကော်ဖီကို ကော်ဖီဖျော်စက်နဲ့ နေ့စဉ် ဖျော်သောက်တာပါ။ ကော်ဖီဖျော်စက် ဆိုတာက ဘာမှတော့ ထူးထူးထွေထွေမဟုတ်ပါဘူး။ တစ်ခုပဲ လိုတယ်။ မှုန်ပြီး ညက်နေအောင် ကြိတ်ထားတဲ့ (fine) ကော်ဖီမှုန့်နဲ့တော့ သိပ်အဆင် မပြေလှဘူး။ ကော်ဖီစစ်တွေ ပိတ်ကုန်တတ်လို့ပါ။

သည်တော့ ကော်ဖီမှုန့်ကို မညက်အောင် ကြိတ်ခိုင်းရတယ်။ ခပ်ကြမ်းကြမ်းလေး၊ စလုံးစခုလေး (coarse) ပေါ့။ အဲဒါကိုမှ ကော်ဖီဖျော်စက်အတွက် သတ်သတ် လာတဲ့ ကော်ဖီစစ် စက္ကူကတော့လေးထဲ လိုသလောက်ထည့်၊ စက်ထဲကို ရေထည့်ရမယ့်နေရာ ရေထည့်၊ ကော်ဖီမှုန့် ထည့်ရမယ့်နေရာ ကော်ဖီမှုန့် ထည့်ပြီး ခလုတ် နှိပ်လိုက်ရတာပါပဲ။

ရေကို စက်က တစ်မုဟုတ်ချင်းအတွင်းမှာ အငွေ့ပျံအောင် လုပ်လိုက်တယ်။ အဲဒီ့ပေါင်းခံရေက ကော်ဖီမှုန့်ပေါ်ကို တစ်စက်ချင်း ကျတယ်။ အဲဒီ့ကမှ အောက်က ကော်ဖီအိုးထဲကို ကော်ဖီရည်အဖြစ် ကျလာတယ်။ အဲဒါ ကော်ဖီဖျော်စက်တစ်လုံးရဲ့ အလုပ်လုပ်ပုံပါ။ ကနေ့ ကုန်တိုက်ကြီးတွေမှာ ရောင်းနေတဲ့ ဖျော်စက်တွေပဲပေါ့။

ဟိုးတစ်လောဆီက နိုင်ငံခြားသားတစ်ယောက်ရဲ့အိမ်မှာတော့ သူ့ထက် နိပ်တဲ့စက်တစ်လုံးတွေ့ခဲ့ဖူးတယ်။ သူက ကျတော့ ရိုးရိုးမှုန်နေတဲ့ ကော်ဖီ မှုန့်ကို အပြည့်အသိပ် ထည့်ပြီး ခက်ပချီးနိုး ကော်ဖီလိုချင်ရင် ခက်ပချီးနိုး ခလုတ်ကိုနှိပ်၊ အက်(စ်)ပရက်ဆို လိုချင် အက်(စ်)ပရက်ဆို ခလုတ်ကို နှိပ်ရုံပဲ။ တော်တော် နိပ်တာဗျ။ သည်မှာ မတွေ့ဖူးသေးဘူး။ တွေ့ရင် ကျွန်တော် အရင်ဆုံး ပြေးဝယ်မိမယ် ထင်တယ်။

နေဦး… ဘာမှဆက်မပြောခင် ခက်ပချီးနိုး ကော်ဖီအကြောင်း နည်းနည်း ရှင်းပြဖို့ လိုမယ်ထင်တယ်နော်။ သူကလည်း ကော်ဖီပူပူပါပဲ။ အက်(စ်)ပရက်ဆို ကော်ဖီကို နွားနို့ပူပူနဲ့ ရောဖျော်ထားတာပဲ။ ထူးခြားတာက ကော်ဖီထဲကို သစ်ကြံပိုးခေါက် အမှုန့်ဖြစ်ဖြစ်၊ သစ်ကြံပိုးခေါက် အချောင်းလိုက်ဖြစ်ဖြစ် ထည့်ပေးထားပြီး အပေါ်က မလိုင်မြှုပ်ထူထူ အုပ်ပေးထားတယ်။ အက်(စ်)ပရက်ဆိုနဲ့ ဖျော်တာပေမယ့် နို့များများနဲ့ဆိုတော့ ကော်ဖီက သိပ်မပြင်းတော့ဘူး။ အလောတော်ပဲ။ သစ်ကြံပိုးခေါက်အနံ့လေးကလည်း တသင်းသင်း၊ မလိုင်မြှုပ်နဲ့ဆိုတော့ တစ်မျိုး သောက်လို့ ကောင်းတယ် ဆိုရမှာပါ။ သို့သော် ကျွန်တော်တော့ သိပ်ခံတွင်း မတွေ့လှဘူး။ ကော်ဖီသမား အတော်တော်များများတော့ ကြိုက်တယ်ခင်ဗျ။

တော်ဝင်သစ်ခွနားနေဆောင်ထဲ ပြန်သွားရရင်တော့ဗျာ… ဆိုခဲ့တဲ့အတိုင်း ကျွန်တော့် အိမ်မှာလည်း ကော်ဖီဖျော်စက်နဲ့ဆိုတော့ ကော်ဖီစေ့တွေ အပြည့် ထည့်ထားတဲ့ ဖန်ပေါင်းချောင်နဲ့ စက်ကြီးကိုလည်း ထီမထင်တဲ့စိတ်နဲ့ သူ့ရှေ့ သွားရပ်လိုက်တာ။ စက်ရှေ့ရောက်တော့မှ ခေါင်းနပန်း ကြီးသွားတယ်။

————————————

“(ဆူဒိုနင် ပြောကြားတဲ့) တောသားလည်း ဟုတ်နိုင်ပေါင်ခင်ရယ်စာအုပ်ထဲက တတိယ အခန်းပါ။

In the beginning…

02Beginningကျွန်တော့်ခမျာလေးမှာ နိုင်ငံခြားခရီး “ကံ”က လေးဆယ်ကျော်မှ ပေါ်ရှာတာပါ။ (သနားစရာလေးနော်။ မသနား သနားအောင် “ခမျာလေး”နဲ့ “ရှာ”ကို မနည်း ခြစ်ကုတ်ပြီး ထည့်ရေးထားတာကို ထောက်ထားသောအားဖြင့် သနားပေးကြပါခင်ဗျာ။)


အဲ… ကြာတော့ ကြာပြီဗျ။ ကြာဆို ခြောက်နှစ်တောင် ကျော်ခဲ့ပြီ။ အတိအကျ ပြောရရင် ၁၉၉၉ခုနှစ် သင်္ကြန်တွင်းကြီးမှာ နိုင်ငံခြားကို သွားဖို့ အကြောင်းက ဖန်လာတယ်။


ဘယ်သွားရမှာလဲဆိုတော့ မလေးရှားနိုင်ငံမြို့တော် ကွာလာလမ်ပူကို သွားရမှာတဲ့။


တစ်ခါမှ မရောက်ဖူးတဲ့ကောင် နိုင်ငံခြား ထွက်ရမှာဆိုတော့ အူက အရွလွန်သွားလို့လား မသိဘူး။ သွားဖို့ လာဖို့ စာရွက်စာတမ်းကိစ္စတွေ လုံးပမ်းနေရင်း တန်းလန်းက ခြေချော်သွားတယ်။


ဖြစ်ပုံက သည်လိုဗျ။ ကျွန်တော်က အလွန် ခြေဆီလက်ဆီ သန်တဲ့ ကောင်။ အဲဒီ့နေ့ကလည်း ခြေဆီတွေ မတရား လွှတ်ထွက်နေတာ။ အဲတော့ ကားပေါ်က အဆင်းလိုက်မှာ ကျွန်တော် စီးထားတာက သားရေဖိနပ်ဆိုတော့ ကိုယ့်ခြေဆီနဲ့ကိုယ် ညာခြေထောက်က လျှောခနဲ ချော်ထွက်သွားတယ်။

ကားပေါ်ကအဆင်းဆိုတော့ ချော်တဲ့ခြေက လူသွားစင်္ကြံ အင်္ဂတေ ဘောင်ကို ခပ်ပြင်းပြင်းလေး ခတ်မိသွားပါရောလား။ ဟား… သည်မှာတင် ညာဘက်ခြေသန်းဟာ တစ်ခါတည်းကို အက်သွားပါတော့တယ်ခင်ဗျား။


နိုင်ငံခြားကို တကယ်သွားတဲ့အခါကျတော့ ကျွန်တော့်မှာ ဘွတ်ခြေနင်းကြီးနဲ့၊ ခြေထောက်နာကြီးနဲ့ ထော့ကျိုး ထော့ကျိုး။ ဘန်ကောက်လေဆိပ်က အကျယ်ကြီး၊ လေဆိပ် အဆောက်အအုံရဲ့ တောင်ထိပ်က မြောက်ထိပ်အထိ သုံး၊ လေးမိုင်လောက်များ ရှိသလား မှတ်တယ်။ ထော့ကျိုးကြီးနဲ့ သွားနေရတော့ အဲသလောက်ကြီးတဲ့ လေဆိပ်ကို ဆောက်လုပ်ထားတဲ့သူတွေကို မေတ္တာတွေ အတုံးလိုက် အတစ်လိုက် ပို့ချင်တဲ့စိတ်တောင် ပေါက်လာတော့ သလိုပဲခင်ဗျ။


သည်မှာတင် ကျွန်တော်လည်း သားရေဖိနပ်ကို စိတ်အနာကြီး နာသွားပြီး အဲဒီ့ခရီးစဉ်က ပြန်လာပြီးတဲ့နောက် အပြင်ထွက်တဲ့အခါမှာ ဘောင်းဘီရှည်နဲ့ ဘွတ်ခြေနင်းနဲ့ နေလိုက်မိတော့တာ ကနေ့အထိပဲ။ ဓာတ်မသိတဲ့သူတွေကတော့ သည်အကောင် အနောက်နိုင်ငံလည်း မဟုတ်ဘဲ အရှေ့အာရှထဲက မလေးရှားက ပြန်လာပြီးတဲ့နောက် ဘာကြောင်သွားတာလဲ မသိဘူးလို့ တွေးခဲ့ကြဖူးပါတယ်။ တချို့ဆို ဗြောင်ဖွင့်ပြောတဲ့အထိပဲ။ ဆရာ နိုင်ငံခြားက ပြန်လာပြီးတဲ့နောက် ပုဆိုးကို မဝတ်တော့ဘူးနော်တဲ့။ ဟုတ်ကဲ့ခင်ဗျာ၊ မလေးက ပြန်လာပြီးတဲ့နောက် ကုလားစိတ် ပေါက်သွားလို့ပါလို့သာ ခပ်လွယ်လွယ် ဖြေလိုက်ပါတယ်။

အမှန်တော့ ကိုယ့်ဒုက္ခနဲ့ ကိုယ်။ ဘွတ်ခြေနင်းနဲ့ဆိုတော့ ခြေအိတ်က ကျွန်တော့်ရဲ့ သန်လှတဲ့ ခြေဆီကို နိုင်နိုင်နင်းနင်း စုပ်ထားနိုင်တယ်။ သည်တော့ကာ ကျွန်တော်လည်း အနေရ သက်သာ၊ ခြေချော်စရာအကြောင်းလည်း တစ်စက်မှ မရှိတော့ဘူး။ ကျွန်တော့်ဒုက္ခကို မသိရှာကြတော့ နေပူ ကျဲတောက်မှာ ဘောင်းဘီရှည်နဲ့ ခြေနင်းနဲ့ ကျွန်တော့်ကို ကြည့်ပြီး “မပူဘူးလားဗျ”လို့ မေးတဲ့သူက အတော် များတယ်။ ဟိုတစ်နေ့ကတောင် ဆရာ မောင်ဝဏ္ဏ(စာရေးဆရာ)က အဲဒီ့အတိုင်း မေးလိုက်သေးတယ်။


အဲ… ဖိနပ်ချွတ်ရတဲ့ အိမ်များ သွားရလို့ကတော့ ခြေအိတ်နဲ့ မဟုတ်ရင် လွှတ် အားနာစရာ ကောင်းကုန်တတ်တယ်။ ကျွန်တော့် ခြေထောက် ချထားတဲ့နေရာမှာ ကျွန်တော့်ခြေက ထွက်တဲ့ ခြေဆီတွေဟာ အိုင်ထွန်းပြီး ကျန်ရစ်တတ်လို့ခင်ဗျ။ ကျွန်းတုံးအလှလေးတွေများ ခင်းထားလို့ကတော့ အံမယ်မင်း… ဘယ်လို အားနာစရာ ကောင်းမှန်းမသိဘူး။ အားနာလေလေ၊ ခြေဆီက ပိုထွက်လေ မှတ်တယ်။ ကျွန်တော်ခြေချရာ နေရာတင်မက ဘေးပတ်လည်အပါအဝင် တစ်ပေ၊ တစ်ပေခွဲလောက်အထိ ကျွန်တော့်ခြေဆီတွေနဲ့ ပွကုန်တယ်။

အဲ… ဖုန်အလိမ်းလိမ်းနဲ့ ကြမ်းပြင်ဆိုလို့ကတော့လား ကျွန်တော့်ခြေဆီနဲ့ ရောပြီး ရွှံ့ဖြစ်ကုန်တာက ပါသေး။

အခုလို ဘွတ်ခြေနင်းနဲ့ ခြေအိတ်နဲ့ဆိုတော့ ကျွန်တော့်အတွက်လည်း အန္တရာယ်ကင်း ဘေးရှင်း၊ သူများတကာအိမ်မှာလည်း ဒုက္ခမများ၊ နိပ်လှသပေါ့။

ထားပါလေ။ ကျွန်တော် ပြောချင်တာက အဲဒါမဟုတ်ပါဘူး။ စကား အလျဉ်းသင့်နေတုန်း တောရောက်တောင်ရောက် လျှောက်ပြောတာပါ။
ဒါတွေက ကျွန်တော် ပြောချင်တာနဲ့လည်း ဘယ်လိုမှကို မပတ်သက်ဘူး။ ကိုယ့်ပိုက်ဆံနဲ့ကိုယ် ငှားကြည့်ရတဲ့ ဇာတ်လမ်းခွေတွေထဲမှာ ရုပ်ရှင်ကား ကြော်ငြာလည်း မဟုတ်ဘဲ ကုန်ပစ္စည်းကြော်ငြာတွေပါ အချောင် ကြည့်ကြည့်နေရတတ်တဲ့ ကျွန်တော်တို့ မြန်မာဗီဒီယိုခွေတွေလိုပဲ သဘောထားလိုက်ပြီး ကျွန်တော် ဘောင်းဘီရှည်ဝတ်တဲ့အကြောင်း၊ ခြေနင်းစီးတတ်တဲ့အကြောင်းကို ဘာမဆိုင်၊ ညာမဆိုင် ကြော်ငြာဝင်ထိုးတယ်လို့သာ မှတ်ယူတော်မူပေးကြပါကုန်။


အဲ… ပြောလက်စကို ပြန်ကောက်ရရင် အဲဒီ့ထော့ကျိုး ကျွန်တော်ဟာ  ဘဝရဲ့ ပထမဆုံး နိုင်ငံခြားခရီးစဉ်ကို နိုင်ငံတကာ မြန်မာ့လေကြောင်း လေယာဉ်ကြီး စီးပြီးသကာလ စတင်ခဲ့ပါတော့တယ်။

ဘန်ကောက်ကျတော့ လေယာဉ်ပြောင်းစီးရတယ်။ မလေးရှား လေကြောင်း ပြောင်းစီးရတာ။ ကြားထဲမှာက အချိန်က ငါးနာရီလောက် ဟနေတယ်။ ဒါနဲ့ ဘန်ကောက်လေဆိပ်ထဲမှာပဲ အချိန်ဖြုန်းဖို့ အကြောင်းပေါ် လာတယ်။ အဲဒီ့မှာ ကြုံခဲ့ရတာလေးကို ပြန်ဖောက်သည်ချချင်တာပါ။
သည်မှာတော့ လိုအပ်တယ်ထင်လို့ နည်းနည်းလေး ဝင်ပြောပါရစေ။


ကျွန်တော်သွားတာက ကိုယ့်စရိတ်နဲ့ ကိုယ်မဟုတ်ဘူး။ အဲဒီ့အချိန်မှာ ကျွန်တော် အလုပ်လုပ်နေတဲ့ ရုံးက လွှတ်တဲ့သင်တန်းကို တက်ဖို့ သွားရတာ ဆိုတော့ ရုံးစရိတ်နဲ့ပေါ့။ ရုံးစရိတ်နဲ့ဆိုတော့ ချွေတာရေးတန်းလို့ ဘာသာပြန် လို့ ရတဲ့ Economy Class က စီးစရာ မလိုဘဲ အလုပ်ကြီး အကိုင်ကြီးတန်းလို့ ခေါ်တဲ့ Business Class က စီးရတာ။ လေယာဉ်ခချင်းက နှစ်ဆမက ကွာခြားပါတယ်။ အလုပ်ကြီးအကိုင်ကြီးတန်းက အတော့်ကို ဈေးကြီးလှတာကလား။

သူတို့ ချွေတာရေးတန်းနဲ့  အလုပ်ကြီး အကိုင်ကြီးတန်း ကွာခြားပုံက ကျွန်တော်တို့ရဲ့ ရထားတွေပေါ်က ရိုးရိုးတန်းနဲ့ ပထမတန်းနဲ့ ကွာတာလို ထိုင်ခုံချင်းအတူတူ ဆိုဖာပါးပါးလေး ထည့်ပြီး သားရေတု အုပ်ထားတာမျိုးလောက် ခြားနားတာမျိုး မဟုတ်ဘူး။ ပက်ပက်စက်စက်ကို ကွာတာ။

ဘယ်ကတည်းက ကွာသလဲဆိုရင် လေဆိပ်မှာ သတင်းပို့ကတည်းက။ ချွေတာရေးတန်းက လူတွေ တန်းအရှည်ကြီး စီရပေမယ့် အလုပ်ကြီး အကိုင်ကြီးတန်းက လူတွေ တန်းစီစရာ မလိုဘူး။ ပြီးတော့ လေယာဉ်ပေါ် မတက်ရသေးခင်မှာ ချွေတာရေးတန်းက လူတွေအနေနဲ့က လေဆိပ်ထဲ လျှောက်မော့၊ ညောင်းလာရင် လေဆိပ်ထဲမှာ ချထားတဲ့ အများ နားနေနိုင်တဲ့ ထိုင်ခုံမှာ ဝင်ထိုင်ရုံ လောက်ပဲရှိတယ်။ ဒါမှမဟုတ်လည်း စားသောက်ဆိုင် ရှိရင် စားသောက်ဆိုင်ထဲ ဝင်ထိုင်၊ စားချင်တာ ကိုယ့်ပိုက်ဆံနဲ့ကိုယ် မှာစား။ ဒါပဲ။


အလုပ်ကြီးအကိုင်ကြီးတန်းက စီးတဲ့သူဆိုရင်တော့ နားနေခန်း သတ်သတ် ရှိတယ်။ အဲဒီ့ နားနေခန်းထဲမှာ အပျံစား ထိုင်ခုံတွေရှိတယ်။ စားစရာ သောက်စရာတွေကို ကိုယ်ကြိုက်သလောက် အလျှံပယ် စားလို့ သောက်လို့ ရတယ်။ ပိုက်ဆံ တစ်ပြားမှ ပေးစရာမလိုဘူး။

အဲ… ကျွန်တော်တို့ တောကျပုံများ ရန်ကုန်လေဆိပ်မှာတုန်းက သတင်းပို့တဲ့ ကောင်တာမှာ မိတ်ဆွေဟောင်း လေယာဉ်မောင် တစ်ယောက်နဲ့ တွေ့တယ်။ သူက ကျွန်တော့်ကို လေယာဉ်ပေါ်တက်ခွင့်လက်မှတ် ပေးလိုက်ပြီးတဲ့နောက် အပေါ်မှာ ကော်ဖီလေး ဘာလေး သွားသောက်ပေါ့လို့ ပြောလိုက်ပါတယ်။

အဲဒါဗျာ၊ ပိုက်ဆံပေးရမယ် မှတ်လို့ ကျွန်တော့်ခမျာမှာ နိုင်ငံတကာ မြန်မာ့လေကြောင်းရဲ့ အလုပ်ကြီးအကိုင်ကြီးတန်း နားနေဆောင်ကို ကော်ဖီ တက်မသောက်ရဲဘူး။ အောက်ထပ်က အများ (ချွေတာရေးသမားတွေ)အတွက် ချထားတဲ့ ရောင်စုံ ပလတ်စတစ် ထိုင်ခုံလေးတစ်လုံးပေါ်မှာ ကုပ်ချောင်း ကုပ်ချောင်းနဲ့ ဝင်ထိုင်နေခဲ့မိရတယ်။ ပိုက်ဆံနှမျောလို့ မဟုတ်ပါဘူး။ အဲဒီ့မှာ ကော်ဖီ တက်သောက်ရင် ဘာပိုက်ဆံနဲ့ ပေးရမှန်း မသိလို့။ မြန်မာပြည်ထဲမှာတင် ရှိသေးတော့ မြန်မာငွေနဲ့ ပေးရမှာဆိုရင် ကျွန်တော့် အိတ်ထဲမှာ မြန်မာငွေ မပါဘူး။ နိုင်ငံခြားငွေဆိုရင်လည်း ကျွန်တော့်အိတ်ထဲမှာက ရာတန်တွေချည်းပဲ။ အကြွေ မပါဘူးလေ။ အဲဒါကြောင့် ပိုက်ဆံ  ပေးရမယ် အမှတ်နဲ့ ကုပ်ချောင်း ကုပ်ချောင်း လုပ်နေမိတာ ခင်ဗျ။

အတော်လေး ကြာလို့ ကျွန်တော်နဲ့ အတူသွားမယ့် လုပ်ဖော်ကိုင်ဖက်က ရောက်လာပြီး “လာ… ကော်ဖီ သွားသောက်ရအောင်”ဆိုတော့ ကျွန်တော်က အူလည်လည်နဲ့ “မြန်မာငွေနဲ့ ပေးရမှာလား၊ နိုင်ငံခြားငွေနဲ့ ပေးရမှာလားဟင်” လို့ မျက်နှာငယ်လေးနဲ့ မေးမိရသေးတယ်။


သူက “ဘာနဲ့မှ မပေးရဘူး၊ အလကားတိုက်တာဗျ”ဆိုတော့ ကျွန်တော့်မှာ အံ့တွေကို ဩလို့။ ဂလိုကိုးလို့ တွေးပြီး ကော်ဖီတစ်ခွက် တက်သောက်ခဲ့ပါသဗျ။

မြန်မာ့လေကြောင်း လေယာဉ်ပေါ်မှာတော့ ဘာမှ သိပ်မထူးပါဘူး။ လေယာဉ်ဦးပိုင်းမှာ အလုပ်ကြီးအကိုင်ကြီးတွေကို နေရာပေးတယ်။ ပဲ့ပိုင်းမှာ ချွေတာရေးတွေကို နေရာပေးတယ်။ အစားအသောက် နည်းနည်းပါးပါး ကွာတယ်။ ဒါပါပဲ။ [တကယ့် လေယာဉ်ပျံဘတ်(စ်)ကားကြီး (Air Bus) တွေပေါ်ကျတော့မှ ဆီနဲ့ ရေလို ကွာမှန်း သိတော့တယ်။ အဲဒါတော့ သူနဲ့ဆိုင်ရာ ဆိုင်ရာ ရောက်တော့မှ ရေးပါ့မယ်။]


သည်လိုနဲ့ ဘန်ကောက်လေဆိပ် ရောက်သွားရော ဆိုပါစို့ရဲ့။  ဟိုကျတော့ ဆိုခဲ့တဲ့အတိုင်း တစ်မျှော်တစ်ခေါ်ကြီးကို ထော့ကျိုး ထော့ကျိုးနဲ့ လျှောက်ရသေးတယ်။ တောသား မြို့ရောက်တဲ့အတိုင်း နေ့ခင်းကြောင်တောင်ကြီးမှာ မီးတွေ ထိန်နေအောင် ထွန်းထားတဲ့ ဆိုင်ခန်းတွေကို မော့။ လေဆိပ်က ဆိုင်တွေသာ ဆိုတယ်။ ပစ္စည်းတွေ အပုံလိုက် ခင်းထားတာများ မင်္ဂလာဈေးက လက္ကားဆိုင်တွေနဲ့ နင်လား ငါလားပဲ။


စီးကရက်တွေ၊ ယမကာ ပုလင်းတွေ၊ နာရီတွေ၊ ကင်မရာတွေ၊ စုံစီနဖာ၊ ထွေလီကာတွေ အောတိုက်လို့။ တချို့နေရာတွေမှာ ရွေ့လျားစင်္ကြံနဲ့  ကြုံရတော့ တက်စီးပြီး နာနေတဲ့ ခြေထောက်ကို ညှာရတယ်။ ရွေ့လျားစင်္ကြံဆိုတာက ရွှေတိဂုံ အနောက်မုခ်မှာ တပ်ထားတဲ့ စက်လှေကား ဆိုတာကို အလျားလိုက် (ပြင်လိုက်)ကြီး ခင်းထားတာမျိုးပါ။ စက်လှေကားမှာက လှေကားထစ်တွေက သူ့အလိုလို ရွေ့နေတာ။ လှေကားထစ်ပေါ် တက်ရပ် လိုက်တာနဲ့ တက်တဲ့ လှေကားဆိုလည်း အထက်ကို ခြေနဲ့ တက်စရာမလိုတော့ဘဲ သူ့ဘာသာမြင့် တက်သွား၊ ဆင်းတဲ့ လှေကားဆိုလည်း သူ့ဘာသာ နိမ့်ဆင်းသွားတာပေါ့။


ရွေ့လျားစင်္ကြံကျတော့လည်း မနီးရိုးစွဲပါပဲ။ တက်ရပ်လိုက်တာနဲ့ သူကတော့ ဆင်းမသွား၊ တက်မသွားပေမယ့် လမ်းလျှောက်စရာ မလိုတော့ဘဲ ရှေ့ကို သူ့ဘာသာ တိုးသွားတာပါ။

ကြုံတုန်း စက်လှေကားအကြောင်း စာဖွဲ့ရပြန်ရင် သူ့ခမျာလေးမှာလည်း သနားစရာတော့ အကောင်းသားလား ခင်ဗျ။ ဟုတ်တယ်လေ၊ စက်လှေကားက နောက်မှ ပေါ်တာပေမယ့် သူ့အရင် ပေါ်တဲ့ “ဓာတ်လှေကား”ဆိုတာကြီးက ရှိနှင့် ပြီးသားမို့ သူ့ခမျာမှာ “စက်လှေကား”လို့သာ နာမည်တွင် သွားရှာတယ်။ စဉ်းစားကြည့်တော်မူကြစမ်းပါဗျာ။ သနားစရာ မကောင်းပေဘူးလားလို့။ “စက်”နဲ့ “ဓာတ်”နဲ့ ဘယ်သင်းက အဆင့်မြင့်သလဲလို့။ ကျွန်တော့်စိတ်ထင်တော့ “စက်”ဆိုတာက “နုပ်”သလိုပဲ။ “ဓာတ်”ကတော့ ဘာဖြစ်ဖြစ် နည်းနည်း ဂရိတ်မြင့်တယ် ထင်ရတာပ။
ပေါ်ပေါက်လာပုံချင်း၊ နည်းပညာချင်းမှာကျတော့ စက်လှေကားက ပိုပြီး ခေတ်မီတယ်။ သို့သော် သူ့ရှေ့မှာ ဓာတ်လှေကားဆိုတာကြီးက ခံနေတော့ သူ့ခမျာ “စက်လှေကား”လို့သာ သညာ အပြုခံလိုက်ရရှာလေတော့တယ်။

အခု ကျွန်တော်ပြောတဲ့ ရွေ့လျားစင်္ကြံဆိုတာက စက်လှေကားနဲ့က မောင်နှမအရင်းပါ။ နည်းပညာချင်းက အတူတူပဲ။ အပေါ်တက် အောက်ဆင်း လုပ်တာနဲ့ အလျားလိုက် သွားတာပဲ ကွာတယ်။ သို့သော် သူ့ရှေ့မှာ ဘာ ဓာတ်စင်္ကြံမှ မပေါ်ခဲ့ဖူးလေသေးတော့ စက်လှေကားနဲ့ မောင်နှမအရင်း တော်ပင်တော်လင့်ကစား သူ့ကို “ဓာတ်စင်္ကြံလမ်း”လို့ ခေါ်လိုက်မယ်ဆိုရင် အတော် နိပ်သွားမယ်ထင်တယ်။ ဆရာမောင်ခင်မင်တို့လို ပညာရှင်များ စဉ်းစားလို့ရအောင် ကျွန်တော်လူပြိန်းက ခပ်တည်တည်နဲ့ ဝင်လျှာရှည်ကြည့် တာပါ။ (ဂေါဏေန ဂေါဏောပဲလေ၊ ကိုယ်နဲ့မဆိုင်၊ ကိုယ် မကျွမ်းကျင်လှတဲ့ နယ်ပယ်ပေမယ့်လည်း ဝင်လျှာရှည်တာ အထုံပါနေတဲ့ ပတ်ဝန်းကျင်မှာ လူဖြစ်လာရရှာတာပဲဆိုတဲ့ အတွေးနဲ့ ဆရာများ နားလည် သည်းခံပေးနိုင်ကြမယ်ထင်ပါရဲ့။)

အဲ… ဘယ်ရောက်သွားမှန်းတောင် မသိဘူး။ သည်းခံတော်မူကြပါ၊ စာဖတ်သူ လူကြီးမင်းများ ခင်ဗျား။ (သားက အခုမှ စာ စ ရေးခါစဆိုတော့ လိပ်ပတ်လည်အောင် သိပ်မရေးတတ်ရှာသေးလို့ပါနော်။ တောင်ရောက်၊ မြောက်ရောက်က အဲသလိုပဲ ခဏခဏဖြစ်တတ်တယ် ခင်ဗျ။)


သည်လိုနဲ့ ဘန်ကောက်လေဆိပ်ကို ထော့ကျိုး ထော့ကျိုးနဲ့ ဝအောင် မော့ပြီးသကာလ မလေး လေကြောင်းလိုင်းရဲ့ ကောင်တာမှာ သတင်းပို့လိုက်တဲ့ အခါကျတော့ မလေးလေကြောင်းက လေယာဉ်ပေါ်တက်ခွင့် လက်မှတ်အပြင် လေဆိပ်က အလုပ်ကြီးအကိုင်ကြီးတန်း နားနေဆောင် ဝင်ခွင့် လက်မှတ်တွေပါ ထုတ်ပေးလိုက်ပါတယ်။

တော်ဝင် သစ်ခွ နားနေဆောင်ဆိုလားပဲ။ သွားရပြန်ပြီ။ သည်ဖေမောင် ထော့ကျိုးလေးမှာလ၊ အီနေအောင် အသော့ဒိုးပြီး ပြေးလိုက်တဲ့အခါ [နဘေကို ဇွတ်ထပ်ကြည့်လိုက်တာပဲ၊ ဟစ်(ပ်)ဟော့(ပ်) ဖြစ်သွားလည်း မနည်းဘူးလကွယ်] အဲဒီ့ နားနေဆောင်ကို ရောက်သွားရပါတော့တယ်။

————————————————–

“(ဆူဒိုနင် ပြောကြားတဲ့) တောသားသည်း ဟုတ်နိုင်ပေါင်ခင်ရယ်ာအုပ်ထဲက ဒုတိယအခန်းကို ပြန်လည်ဖော်ပြလိုက်တာပါ။

Maung Wunna’s Autobiography (Volume 1)

thulokolo

“သူလိုကိုယ်လို မောင်ဝဏ္ဏ (၀-၁၉)”ဆိုတဲ့ ဆရာမောင်ဝဏ္ဏ ရဲ့ ကိုယ်ရေးအတ္ထုပ္ပတ္တိ ပထမတွဲထဲက ကောက်စာလေးကို ဖော်ပြလိုက်ရပြန်ပါတယ်။ ဆရာ မောင်ဝဏ္ဏရဲ့ ပရိသတ်များ စာမြည်းနိုင်အောင်လို့ပါပဲ။

————————————–

စက်ခေါင်း ၄၁၈

ကျွန်တော် ပြန်စဉ်းစားကြည့်တော့ အဲဒီ့ရုပ်ရှင်စက်သမားဘဝဟာ တော်တော် ပျော်စရာကောင်းပါလားလို့ ထင်မိတယ်။ ဟုတ်တယ်ဗျ။ ပင်ပန်းတာတော့ တကယ်ပင်ပန်းတယ်။ ဒါပေမယ့် တာဝန်က သိပ်မကြီးဘူး။ သိပ် စဉ်းစား တွက်ချက်နေစရာလည်း မလိုဘူး။ ကိုယ့်စက်ကိုယ် ဂရုတစိုက် ကိုင်၊ နည်းနည်းပါးပါး ဖောက်ရင်ပြင်၊ မနိုင်ရင် ဆရာကြီးတွေ သွားပြ။ ပြီးပြီ။

စက်သမားဘဝ ပျော်စရာကောင်းတာလေးတစ်ခု ရေးပါရစေ။ သည်အကြောင်း ကလျာမှာလား၊ သောင်းပြောင်းထွေလာမှာလား၊ နှစ်အတန်ကြာတုန်းက ရေးဖူးပါတယ်။

ရိုက်မယ့်ဇာတ်ကားက စက်ခေါင်း၄၁၈၊ မင်းသားက အစ်ကိုဇော်လွင်၊ မင်းသမီးက အစ်မတင်တင်အေး၊ ကျွန်တော်တို့ငယ်ငယ်က သိပ်သဘောကျခဲ့တဲ့ မင်းသားကြီး ဒိုင်ဗင်တင်လှလည်း ပါတယ်။ လူကြမ်းကတော့ ဦးမျိုးငြိမ်း၊ ဦးညိုအေးကြီး၊ အစုံပါပဲဗျာ။ တပျော်တပါးကြီးပေါ့။

အဲ… ဒါရိုက်တာကျတော့ တစ်ယောက်တည်း မဟုတ်ဘူးဗျ။ လေး ယောက်၊ ဟုတ်ကဲ့၊ လေးယောက်ပါခင်ဗျာ။ မြန်မာရုပ်ရှင်ရာဇဝင်မှာ ဒါရိုက်တာ လေးယောက်နဲ့ရိုက်တဲ့ ရုပ်ရှင်ကား အဲဒီ့တစ်ထုပ်ပဲရှိမယ်လို့ထင်တယ်။ ဒါရိုက်တာတွေက ဇမ္ဗူထွန်းဦးသိန်းလွင် (ဇမ္ဗူထွန်း မောင်သက်လွင်တို့ ဖခင်)၊ ဆရာ စိန်ဖေတင်၊ ဆရာ ချန်ပီယံတင်ညွန့်နဲ့ အမျိုးသားရုပ်ရှင်က ဆရာ ဦးသိန်းခိုင်။ အစတုန်းကတော့ သူ့အပိုင်းနဲ့သူ တာဝန်ခွဲပြီး ရိုက်ဖို့လို့ ထင်ပါတယ်။ ဦးသိန်းလွင်က ဒိုင်ယာလော့ခ် အက်တင်ကိစ္စ၊ ဦးသိန်းခိုင်က ကင်မရာ ရှုထောင့်ကိစ္စ၊ ဆရာစိန်ဖေတင်က သူ့ဇာတ်ညွှန်းလည်း ဖြစ်ပြန်၊ ပန်းချီလည်း ကျွမ်းကျင်ပြန်ဆိုတော့ scene အလှအပတွေကို ရွေးရိုက်ဖို့၊ ဆရာ ချန်ပီယံတင်ညွန့်ကတော့ ကင်မရာ လှည့်စားမှုကိစ္စ စသဖြင့် ဖြစ်မှာပေါ့။ နောက်တော့ နှစ်ရက်သုံးရက်လည်းရိုက်ပြီးရော၊ အရောရော အထွေးထွေးဖြစ်ပြီး ရှုပ်ကုန်ကြတော့တာပဲခင်ဗျ။ အယူအဆ မတူလို့ ငြင်းနေကြတာနဲ့ပဲ တော်တော်နဲ့ မပြီးတော့ဘူး။ ကျွန်တော်တို့ စက်သမားတွေဆိုတာ ဒါရိုက်တာ ခိုင်းရင် လုပ်ပေးရမယ့် တာဝန်ရှိတယ်။

စက်သမားဘဝ ပင်ပန်းပုံတစ်ခု နမူနာပြောချင်ပါတယ်။ ရုပ်ရှင်စက် အဖွဲ့ဟာ နံနက်စောစောထ၊ ထမင်းကျော်စား၊ ရေနွေးကြမ်းသောက် ပြီးရင် ကားပေါ်စက်တွေတင်၊ အဆင်သင့်လုပ်ထား၊ ဒါရိုက်တာက ဘယ်နားကို သွားမယ်ဆိုရင် ကားဆရာ မောင်းတဲ့အတိုင်း လိုက်သွား၊ အဲဒီ့နားမှာ စောင့်နေ။ ဒါရိုက်တာက ရောက်လာရင် ရိုက်ကွင်းရွေး၊ နေရာချ။ အဲဒီ့မှာ အဆင်သင့်လုပ်။ ရုပ်ရှင်ရိုက်တယ်ဆိုတာ အလင်းရောင်များများ လိုတယ်။ ဒါကြောင့် နေရိပ်ထဲ အေးအေးဆေးဆေး ရိုက်ရတယ်ဆိုတာ မရှိသလောက်ပဲ။ နေပူထဲရိုက်၊ နားတဲ့အချိန် သစ်ပင်ရိပ် ခြုံရိပ်ကလေးခို၊ သိပ်ပူရင် ရောင်ပြန် မှန်ပြားကို ခေါင်းပေါ် တင်ပြီး အရိပ်ခိုရတာ။ ထမင်းစားချိန် ခဏနား၊ ဆေးလိပ်လေး တစ်ဖွာလောက်သောက်၊ ပြီးတာနဲ့ ဆက်ရိုက်။ လက်ဖက်ရည် သောက်ချိန်မှာ အနားပေးချင်မှ ပေးတယ်။ ချိုင့်ကြီးတစ်လုံးထဲ လက်ဖက်ရည် ထည့်လာပြီး၊ မတ်ခွက်နဲ့ တစ်ယောက် တစ်ခွက်မော့လိုက်၊ ပြီးပြီ။ နေစောင်းတဲ့အထိ ရိုက်၊ ပြီးရင် အားလုံး ပြန်လို့ ရပေမယ့် စက်အဖွဲ့က ပစ္စည်းတွေ သိမ်း၊ သယ်ပိုး၊ ကားပေါ်တင်၊ တည်းတဲ့ဆီ ပြန်၊ စက်တွေပြန်ချ၊ ပြန်သိမ်း၊ ပြီးမှ ရေမိုးချိုး၊ ထမင်းစား။ ညဦးဘက် အနီးအနား လက်ဖက်ရည်ဆိုင် ရှိရင် ခဏတစ်ဖြုတ်သွား၊ စောစောအိပ်၊ မနက်စောစောထ၊ ထမင်းကြော်စားပြီး စက်တွေကားပေါ်တင်။ သည်လိုနဲ့ နားရက် မရှိပါဘူးဗျာ။ ဒါပေမယ့် တာဝန်က သိပ်မကြီးတော့ ပျော်ပါတယ်။

အဲ… တစ်ရက်တော့ ဒါရိုက်တာလေးယောက်အနက် တစ်ယောက်က ဘယ်လင်းနားက တောင်တစ်လုံးကို လက်ညှိုးထိုးပြပြီး “မနေ့က ငါ အဲဒီ့တောင်ပေါ် တက်ကြည့်ပြီးပြီ။ သိပ်လှတယ်။ သည်နေ့ scene ကို အဲဒီ့အပေါ် တက်ရိုက်မယ်”

ကျွန်တော်တို့ တောင်ပေါ်လှမ်းကြည့်တယ်၊ ဝှီး… တော်တော် မြင့်ပါလား။

“ဆိုင်းလင့်လား ဆရာ”(အသံမပါဘူး မဟုတ်လား)

“တော်ကီကွ”(အသံပါတယ်)

“ထော်လီ လိုမလား ဆရာ”

“လိုတာပေါ့ကွ”

သွားပြီ။ ဘာကျန်သေးလို့လဲ။ စက်ပစ္စည်းတွေအားလုံး တောင်ပေါ် ထမ်းတင်ရတော့တယ်။ ကျွန်တော်တို့ စက်အဖွဲ့ထဲက ခပ်ငေါ့ငေါ့ ပြောတတ်တဲ့ တစ်ယောက်က…

“ဇွန်းကော ဆရာ”

“လိုတာပေါ့”

အမှန်ကတော့ စက်တစ်ဖွဲ့လုံး တောင်ပေါ်တက်မှတော့ ဇွန်းလဲင့်စ် ကလေးပါ ပါသွားမှာ အမှန်ပါပဲ။ ဒါနဲ့ အဲဒီ့တစ်ယောက်က ထအော်တယ်။ စက်အဖွဲ့ တောင်ပေါ်တက်ရမယ်၊ “ထော်လီ၊ တော်ကီ၊ ဇွန်း”။ ဆိုလိုတာကတော့ ပါသမျှ စက်ပစ္စည်း အားလုံးပဲ။ အဲဒီတုန်းက ကျွန်တော်တို့ မီးစက်က ဂျာမနီ ဒီဇယ်မီးစက် လူခြောက်ယောက် မ ရတယ်။ ထော်လီ(ဒေါ်လီ)က သံလမ်း လေးဆက်၊ အကြမ်းခံအောင် သံပိုက်တွေနဲ့ လုပ်ထားတာ။ သံလမ်း တစ်ဆက်ကို လူနှစ်ယောက် မ ရတယ်။ စက်အဖွဲ့သား စုစုပေါင်းက ဆယ်ယောက်။ ရုပ်ရှင်ကင်မရာက လူနှစ်ယောက်၊ ထမ်းပိုးလျှိုထားတဲ့ သစ်သားခုံ ပေါ်တင်ပြီး မ ရတာ။ တောင်တက်ဆိုတော့ ပြုတ်ပြုကျမှာစိုးလို့ ဖြည်းဖြည်း မှန်မှန် သယ်ရတယ်။ အသံဖမ်းစက်က နှစ်ယောက် မ ရတယ်။ ကဲ…

ပြောနေကြာရော့၊ တစ်ခုပြီးတစ်ခု၊ တစ်ခေါက်ပြီး တစ်ခေါက် တင်။ ကျွန်တော်က အသံဖမ်းစက်ကို ထမ်းတက်။ ထရန်စဖော်မာဆိုတာ သံတုံးကြီး တစ်တုံးပါ။ အဲဒီ့သံတုံးကြီး နှစ်တုံးထည့်ထားတဲ့ သံသေတ္တာကို လူတစ်ယောက် နင့်နေအောင် မရတယ်။ သည်လိုနဲ့ ဖြည်းဖြည်း၊ ဖြည်းဖြည်း တက်လာကြတာ တောင်ထိပ်ရောက်ရော ဆိုပါတော့။ တချို့ပစ္စည်းတွေ နှစ်ခေါက်သုံးခေါက်သယ်ရတယ်။ တောင်ထိပ်မြေပြန့်နေရာလည်း ရောက်ရော ကျွန်တော် သဘောပေါက်လိုက်ပြီ။

ကျွန်တော်တို့စက်အဖွဲ့ဟာ ဒါရိုက်တာ ပေါင်းစုံနဲ့ လိုက်ရိုက်ဖူးတော့ အတွေ့အကြုံ များနေပြီ။ အဲဒီ့တောင်ထိပ်မှာ အသံထွက် ရုပ်ရှင်ရိုက်လို့ မဖြစ်နိုင်။ ရိုက်လို့ရသည်ထား၊ ရှုကွင်းရှုကွက် မကောင်းနိုင်။

ဒါရိုက်တာ ဆရာသမားက သူ့ဘာသာသူ တစ်ယောက်တည်း တက်ကြည့်တော့၊ တောင်ပေါ်ကနေ တောင်အောက်ကို ကြည့်။ လှသပေါ့ဗျာ။ ဒါပေမယ့် လူ့မျက်စိနဲ့ ကြည့်လို့လှနေတဲ့ နေရာတိုင်း ရုပ်ရှင်ရိုက်လို့  လှတာ မဟုတ်ဘူးခင်ဗျ။ တောင်ထိပ်က ပေလေးဆယ် ပတ်လည်လောက်ပဲ ရှိတယ်။ ကင်မရာကို အစွန်းသိပ်ကျတဲ့နေရာမှာ ထောင်လို့ မဖြစ်နိုင်ဘူး။ ယိုင်လဲရင် ကင်မရာ တောင်အောက် ကျသွားလိမ့်မယ်။ ပြီးတော့ အလင်းရောင် ပေးဖို့၊ မှန်ထိုးဖို့ နေရာ။ အသံဖမ်းတဲ့စက်နဲ့လူ နေဖို့နေရာ။ ကျွန်တော်တို့စက်အဖွဲ့ ထော်လီလမ်း ခင်းလိုက်ရင်ကို သရုပ်ဆောင် ရပ်ဖို့နေရာ မရှိတော့ဘူး။ ဘယ်နားများ ရိုက်မှာတုံး။ ကျွန်တော်တို့မှာ ချွေးဒီးဒီးကျအောင် တောင်ပေါ် တက်ခဲ့ပြီးမှ ဘာမှ ရိုက်လို့မရတဲ့နေရာ ရောက်နေမှန်း သိရတော့တယ်။

ဒါရိုက်တာများနဲ့ မင်းသား၊ မင်းသမီး မရောက်သေးဘူး။ ဇာတ်ပို့တချို့တော့ ရောက်ပြီ။ ကျွန်တော်ကလည်း အဲဒီ့အချိန်မှာ ရုပ်ရှင်ရိုက်နည်း စာအုပ်တွေ တော်တော် ဖတ်ထားပြီးပြီ။ လက်တွေ့လည်း လုပ်နေတာ။ မဖြစ်နိုင်တဲ့နေရာမှာ ဘာလုပ်ဖို့ ရိုက်မှာလဲ။ ဒါပေမယ့် ကျွန်တော်တို့ ပြောပိုင်ခွင့် မရှိ။ ဒါရိုက်တာက ကြိုက်ရင် ပြီးကြေး။ ခဏနေတော့ ဒါရိုက်တာ လေးယောက် ရောက်လာပါတယ်။ အဲဒီ့အထဲမှာ ဦးသိန်းခိုင် ဆိုတာက အမျိုးသား ရုပ်ရှင်က ကင်မရာ ဆရာကြီး၊ သူကတော့ သိသပေါ့။ ရောက်ရောက်ချင်း ခုန တောင်ပေါ်တက်ဖို့ ညွှန်ကြားတဲ့ ဒါရိုက်တာကို ပြောတော့တာပဲ။

“ခင်ဗျား၊ ဘယ်နားက ဘယ်လိုရိုက်မှာတုန်း”

“သည်ကလေဗျာ၊ နောက်ခံ scene ဘယ်လောက်လှသလဲ”

“ဟုတ်ပါပြီ၊ မျက်စိနဲ့ကြည့်တော့ လှတာပေါ့၊ ကင်မရာ ဘယ်နား ထားမလဲ”

“သည်မှာပဲပေါ့ဗျ”

“သည်ကရိုက်ရင် ခင်ဗျာ့တောင်အောက်ကို ဘယ်လိုလုပ် မြင်ရမလဲ”

“ငုံ့ကြည့်ရင် မြင်ရတာပေါ့ဗျ”

“ကင်မရာက လူလို ငုံ့ကြည့်လို့ ရတာ မဟုတ်ဘူးဗျ”

သည်လိုနဲ့ စကားများကြပါလေရော။ နောက် ကျွန်တော်တို့ဘက် လှည့်လာတယ်။

“ကဲ… ကိုယ့်လူတို့ ရိုက်လို့ မရဘူးလား”

“ရိုက်ချင်ရင်တော့ ရိုက်လို့ရပါတယ်”

“ဒါဖြင့် ရိုက်တာပေါ့ကွာ”

သည်လိုနဲ့ ကင်မရာ နေရာချလိုက်တယ်။ မင်းသား ဘယ်နားနေ၊ မင်းသမီးဘယ်နားနေ၊ လူစားဝင်ရပ်၊ ကပ်သီးကပ်သပ် မှန်ထိုး၊ ကင်မရာထဲကနေ ကြည့်လိုက်တော့ တောင်အောက်က လျှိုတွေ၊ မြောင်တွေ ဘာမှ မပါဘူး။ နောက်ခံက ကောင်းကင်ပြာပြာကြီး။

“မင်းတို့ ကင်မရာကို နည်းနည်းငိုက်ပေါ့ကွ”

“အဲဒါဆို မင်းသား၊ မင်းသမီး ခေါင်းတွေ မပါနိုင်တော့ဘူး”

“ကင်မရာမြှင့်ကွာ”

“ဒါအကုန်ပဲ၊ သည့်ထက် မြှင့်ချင်ရင် ရန်ကုန် ပြန်ပြီး ကမ္ဘာကျော်ငွေလှိုင် ဆီက ကရိန်းငှားပေတော့”

စက်အဖွဲ့သားတစ်ယောက်က မောမောနဲ့ ပြန်ပြောလိုက်တယ်။

“မင်းတို့ တော်တော်ပျင်းတဲ့ ကောင်တွေ”

“ဘာဗျ၊ ခင်ဗျား ကျုပ် မတဲ့ ထော်လီ လိုင်းတစ်လိုင်းပဲ မ ကြည့်ပါဦး”

ကျွန်တော်လည်း စကားမများရအောင် ဝင်ထိန်းလိုက်ရတယ်။

“ကဲ…ကဲ… တက်လာပြီးမှတော့ ရသလောက် ရိုက်တာပေါ့ဗျာ”

သည်လိုနဲ့ မင်းသားနဲ့ မင်းသမီးရောက်လာပါလေရော၊ ဟောဟဲလိုက်လို့။

အစ်ကိုဇော်လွင်က သူကိုယ်တိုင်ဒါရိုက်တာလုပ်ဖူးလေတော့…

“ခင်ဗျားတို့ဗျာ၊ သည်လိုမှန်းသိ၊ အောက်မှာပဲ စကိုင်းဘက်ဂရောင်းနဲ့ ရိုက်ရင်ရသားနဲ့”

ဟုတ်တော့လည်း ဟုတ်ပါတယ်။ ကင်မရာထဲက အကျယ်ဆုံး(wide) မှန်ဘီလူးနဲ့ ရိုက်သည့်တိုင်အောင် တောင်အောက်မြင်ကွင်းကို လှလှပပ မတွေ့ရနိုင်။ သည်လိုနဲ့ နှစ်ကပ်၊ သုံးကပ်ရိုက်ပြီး ပြန်ဆင်းခဲ့ကြရပြန်ပါရော။ ပစ္စည်းအလေးကြီးတွေ ပြန်သယ်ချ၊ အောက်ရောက်တော့ ခြေကုန်လက်ပန်းကျကုန်ပြီ။ နေလည်းပူလာပြီ။ ခဏတဖြုတ် နား၊ ထမင်းစား။

ပြီးတော့ ဆရာလေးယောက် ဆက်ငြင်းနေကြပြန်ပါလေရော။ ငြင်းလေ ကြိုက်လေပဲ။ သူတို့ငြင်းတော့ ကျွန်တော်တို့ နားရတာပေါ့။ အဲဒီနေ့ နည်းနည်း ပါးပါး ထပ်ရိုက်ပြီး ရှူတင်ဖြုတ်လိုက်တယ်။ လူတွေလည်း ယဲ့ယဲ့ပဲ ကျန်တော့တယ်။

ညကျတော့ ဒါရိုက်တာများငြင်းကြခုံကြ။ “တောင်ထိပ်တက်ပြီး ကလို့ဆပ်(close-up)ရိုက်တာ ခင်ဗျား တစ်ယောက်တည်းရှိတယ်”

ကျွန်တော်တို့က မောမောနဲ့အိပ်။

နောက်တစ်နေ့မနက်။

ဆရာတစ်ယောက်က… စက်အဖွဲ့ ရထားပေါ်တက်။ အဲဒီ့ဇာတ်ကားက ရထားကြီးတစ်စင်းနဲ့ သောင်းကျန်းသူနယ်မြေက ထွက်ပြေးလွတ်မြောက်တဲ့ ဇာတ်လမ်း။

ကျွန်တော်တို့၊ စက်တွေ၊ မီးစက်ကြီးအပါအဝင် ရထားနောက်နားတွဲ တစ်တွဲ ပေါ်တက်လိုက်တယ်။

“ရယ်ဒီပဲလားဟေ့”

“ရယ်ဒီပဲဆရာရေ့”

“ရထားထွက်မယ်၊ အလံပြခိုင်းတော့”

အဲဒီ့မှာ ဂတ်ဗိုလ်အဖြစ်ပါလာတဲ့ အမှုထမ်းက အလံပြ၊ စက်ဗိုလ်က မောင်းထွက်။ ဒါရိုက်တာ တစ်ယောက်က ကျွန်တော်တို့တွဲမှာ။ နောက်တစ်ယောက်နဲ့ ဇာတ်ပို့တချို့က နောက်တစ်တွဲမှာ။

ရထားကြီး သုံးလေးမိုင်လောက် မောင်းလာပြီးတော့…

“ရပ်တော့ဟေ့”

ရှေ့ကအသံ…

ရထားဆိုတာ ရပ်ဆိုရင် ကားလို ဘရိတ်အုပ်လို့ ရတာမှ မဟုတ်တာ။ အရှိန်လျှော့၊ ဘရိတ်တွဲက ဘရိတ်ဖမ်း၊ အလံပြ၊ ဘာညာ… အလုပ်က ရှုပ်သား။ ရပ်ဆိုတဲ့ နေရာကနေ တော်တော်ဝေးဝေးရောက်မှ ရထားကြီးရပ် သွားပါလေရော။ သည်တော့ “သည်နေရာမဟုတ်ဘူး၊ ခုန နေရာ ပြန်ဆုတ်”

ရထားကြီးပြန်ဆုတ်။ လိုချင်တဲ့နေရာနဲ့ မလှမ်းမကမ်းရောက်။ ရပ်။

“စက်အဖွဲ့ ဆင်း။ အောက်ကနေ ရိုက်မယ်”

“တော်ကီ ပါလား”

“ပါတယ်”

“ထော်လီတို့၊ ဇွန်းတို့ရော”

“ပါတယ်ကွာ၊ အကုန်ပါတယ်”

“ထော်လီ၊ တော်ကီ၊ ဇွန်းဟေ့”

ကျွန်တော်တို့ စက်တွေအကုန်ချ။ “ဘယ်နားက ရိုက်မလဲ ဆရာ”

“ဟိုနားက”

သူ ပြတဲ့နေရာသွား။ “မီးရထားက ဟိုက လာမယ်။ သည်ပြောင်းခင်းတွေ ကြားကနေ ရိုက်မယ်။ ရထားပေါ်မှာ ဒိုင်ယာလော့ခ်ပြောမယ်”

“ဟာ… ဒါဆို အသံက ရထားပေါ်မှာ နေရမှာပေါ့”

“သည်ကနေ လှမ်းဖမ်းပေါ့ကွာ”

“ရထားသံကြားထဲမှာ ဘယ်လိုလုပ် စကားက ပေါ်နိုင်မလဲ”

“ခွပဲကွာ”

“သည်လိုလုပ်ပါလား ဆရာ။ အက်တာတွေကို ဟိုပေါ်မှာ ပြောစရာရှိတာ ပြောခိုင်း၊ ပြီးမှ အသံသွင်းယူ။ နောက် ပါးစပ်ပေါက်ကိုက်ပြီး ထည့်ရင် ရပါတယ်”

ကျွန်တော်က အဖြစ်နိုင်ဆုံး ရှင်းပြတယ်။

“အေး၊ ဟုတ်ပြီ။ မင်းသားနဲ့ မင်းသမီးကို ဒိုင်ယာလော့ခ်ပေးလိုက်ကွာ”

တစ်ယောက်ထွက်သွား။ ပြန်လာ။

“မင်းသားနဲ့မင်းသမီး ပါမလာဘူး ဆရာ”

“ဟေ… မင်းသားနဲ့မင်းသမီး မပါဘဲ၊ ဘယ်လိုလုပ်ရိုက်ကြမလဲ”

“မသိဘူးလေ၊ ဆရာက ထွက်ဆိုတော့ ကျွန်တော်တို့လည်း အလံပြ ခိုင်းလိုက်တာပေါ့”

“(…)တဲ့၊ သွား မင်းဟာမင်း ပြန်ကြိုကွာ”

ရထားကြီး ရှူးရှူးရှဲရှဲနဲ့ ပြန်ထွက်။ ပြောတော့သာ လွယ်တာ။ ရထားဆိုတာ ချက်ချင်း ထွက်လို့ ရတဲ့ ယာဉ်မျိုး မဟုတ်ဘူး။ ကျွန်တော်တို့ အရိပ် ကောင်းကောင်းမှာ နားနေလိုက်တယ်။

ဇာတ်ပို့တွေလည်း ရထားပေါ်ကဆင်းပြီး သစ်ပင်ရိပ်မှာ ခိုနေကြတယ်။ ရထားကြီးကတော့ မင်းသားနဲ့မင်းသမီးကို သွားကြိုပြီ။

ရထားကြီးပြန်လာတယ်။ ဒါရိုက်တာတစ်ယောက်ရဲ့ လက်ထောက်က လာအော်ပြောတယ်။ “ဟိုမှာ မင်းသား၊ မင်းသမီးနဲ့ ဇာတ်ပို့တွေ ရိုက်မယ်။ ဇာတ်ပို့တွေ တက်။ ဇာတ်ပို့တွေ ရထားပေါ် တက်”

ကျွန်တော်တို့က အဲဒီ့ကိစ္စ မသိဘူး။ သစ်ပင်ရိပ်ကောင်းကောင်းမှာ ဒါရိုက်တာများနဲ့ မင်းသား၊ မင်းသမီးကို စောင့်ရင်း စကားတပြောပြောနဲ့ပေါ့။

ရထားကြီး ပြန်ထွက်သွားပြန်ပြီ။ အဲဒီ့ အသွားအပြန် နှစ်ခေါက်နဲ့တင် ရထားက ရှေ့တိုးရ၊ နောက်ဆုတ်ရ၊ သွားရ ပြန်ရမို့ ရေကုန်ပြီ။ မီးသွေးခေါင်း၊ ရေနွေးငွေ့အင်ဂျင်။ ရေမရှိရင် မောင်းလို့မရ။ သည်တော့ ရထားကြီးပြန်ရောက်လာ။ ရေထည့်ရမယ် ပြော။ ကျောက်ဆည်မှာ ရေသွားထည့်။

ကျွန်တော်တို့ စက်အဖွဲ့က သုံးမိုင်ကွာနေရာက သစ်ပင်ရိပ်မှာ။ မင်းသား၊ မင်းသမီး၊ ဇာတ်ပို့နဲ့ ဒါရိုက်တာတွေက ကျွန်တော်တို့နဲ့ သုံးမိုင်လောက် ကွာတဲ့နေရာမှာ။

ဟိုမှာ သည်လိုဖြစ်သတဲ့ဗျား။

မင်းသားနဲ့ မင်းသမီးကို စကားပြောတွေ သင်၊ အိုက်တင်တွေ သင်၊ လူကြမ်းက ဝင်လာခဲ့ ကိစ္စတွေလုပ်။ အဲဒီတော့မှ တစ်ယောက်က “ကင်မရာ ဘယ်က ယူမလဲ”ဆိုတော့မှ…

“စက်အဖွဲ့ ဘယ်မှာလဲ”

“ပထမရိုက်မယ်ဆိုတဲ့ နေရာမှာ ကျန်ရစ်ခဲ့တယ်”

“ဟာ… ဘာလို့ပြန်လိုက်မလာတာလဲ”

“ဆရာတို့မှ မမှာဘဲ”

“သွားခေါ်ကွာ”

“မရဘူးဆရာ၊ ရထားက ရေသွားထည့်နေတယ်”

“ဘယ်မှာလဲ”

“ကျောက်ဆည်”

အဲဒီ့တော့ နေ့တစ်ဝက်ကျိုးပြီ။ ထမင်းစားချိန် ရောက်ပြီ။ နေ့လည် တစ်နာရီကျမှ ရထားပြန်လာ။ စက်တွေတင်။ ဒါရိုက်တာ၊ မင်းသား၊ မင်းသမီး ရှိတဲ့နေရာ သွားကြ။ စက်တွေချ။ ထမင်းစား။

ကျွန်တော်တို့ ထမင်းစားနေတုန်း (အခြားလူတွေအားလုံးစားပြီးပြီ) ဘယ်လိုက ဘယ်လို အဆက်အသွယ်၊ အဆုံးအဖြတ် မှားသလဲတော့ မသိဘူး။ ရထားကြီးက မင်းသား၊ မင်းသမီးတွေတင်ပြီး ပြန်ထွက်သွားပါလေရော။

စက်တွေတော့ပါသွားပါရဲ့။ စက်အဖွဲ့က နှစ်ယောက်ပဲ အစောင့်အဖြစ် ပြန်လိုက်သွားတယ်။

ကျွန်တော်တို့ ထမင်းစားပြီးတော့ ခေါ်နိုး၊ ခေါ်နိုးစောင့်နေတာ၊ လာ မခေါ်နိုင်တာနဲ့ ထွက်ကြည့်တော့ တစ်ဖွဲ့လုံး ရထားကြီးနဲ့ ထွက်သွားကြပြီ။ ကင်မရာမင်းနဲ့ အသံဖမ်းဆရာ၊ စက်အဖွဲ့သားတချို့ ပါမသွားဘူး။ ရထားပေါ်မှာ ရုပ်ရှင်ရိုက်စက်နဲ့ အစောင့် (ဘာမှမလုပ်တတ်တဲ့၊ မှန်ပဲ ထိုးတတ်တဲ့) နှစ်ယောက် ပါသွားလေရဲ့။

ပြန်လာမှ မေးကြည့်တော့ တော်တော် ဝေးဝေး နေရာအထိ သွားကြဆိုပဲ။ အဲဒီ့ရောက်တော့မှ ရထားရပ်။ “စက်အဖွဲ့ ဆင်း”ဆိုတော့မှ စက်အဖွဲ့မှာ နှစ်ယောက်တည်း။

“ကင်မရာမင်းရော”

“သူတို့ ထမင်းစားနေကြတယ် ဆရာ”

“ဘယ်သူမှ သွားမခေါ်ဘူးလား”

“ဆရာတို့မှ မခေါ်ခိုင်းဘဲ”

အဆဲမျိုးစုံဆဲရင်း ရထားကြီးနဲ့ တူပျော်ပျော်၊ ပြန်လည် ချီတက်ခဲ့ကြပါသတဲ့။

အဲဒီတော့ ညနေ လေးနာရီလောက်ရှိပြီ။ ကျွန်တော်တို့ ရထားပေါ်တက်၊ ရိုက်မယ့်နေရာကို သွား။ ရိုက်မယ့်နေရာကို ရောက်တော့ နေက ဝင်ချင်နေပြီ။

သည်လိုနဲ့ပဲ ရထားကြီး ပြောင်းခင်းကြားက ဖြတ်သွားပုံကို စိတ်ပြေ လက်ပျောက် အသံတိတ်တစ်ကပ်ရိုက်ပြီး အဲဒီ့နေ့ ရှုတင်နားလိုက်ရပါတော့တယ်။

New Lettwebaw Book: Maung Wunna’s Autobiography (Volume 3)

မနေ့က လက်တွဲေThuLoKoLo3ဖာ် စာအုပ်သစ်တစ်အုပ် ထွက်ပါတယ်။ အဲဒီ့စာအုပ်က “ပန်းတွေနဲ့ဝေ”တို့၊ “ကတ္တီပါဖိနပ်စီး ရွှေထီးဆောင်း”တို့လို ရုပ်ရှင်ကားတွေကို ရိုက်ကူးခဲ့တဲ့ အကယ်ဒမီ နှစ်ထပ်ကွမ်း ဒါရိုက်တာ စာရေးဆရာ မောင်ဝဏ္ဏရဲ့ ကိုယ်ရေးအတ္ထုပ္ပတ္တိ တတိယတွဲပါ။ ပထမတွဲ နှစ်တွဲကိုလည်း လက်တွဲဖော် စာအုပ်တိုက်က ထုတ်ဝေခဲ့ပြီး အခု တတိယတွဲ ဆက်ထွက်လာတာ ဖြစ်ပါတယ်။ တတိယတွဲထဲက စာမြည်းလေးကို ဖတ်ရှု အားပေးတော်မူကြပါဦးခင်ဗျား။

——————————

ကျွန်တော် ပွဲဦးထွက်ရပါပြီ။ စာပေဟောပြောပွဲမှာ စစချင်း စိတ်ဝင်စားစရာ အကြောင်းအရာတစ်ခု ပြောရပါတယ်။

ကျွန်တော်က ရုပ်ရှင်ရိုက်ပုံရိုက်နည်းအကြောင်း ပြောတယ်။ ပရိသတ်က ငြိမ်လို့။ ရုပ်ရှင်ရိုက်ရင်း ကြုံရတဲ့ ရယ်စရာ ပြောတယ်။ (သူလို ကိုယ်လို စာစု ရှေ့ပိုင်းမှာ ရေးခဲ့တဲ့ စက်အဖွဲ့မပါဘဲ ရုပ်ရှင်ရိုက်တဲ့အကြောင်း၊ လက်သီးထိုးခန်းအကြောင်း။) ပရိသတ်က မရယ်ဘူး။ (ရယ်စရာပြောလို့ ပရိသတ်က မရယ်ရင် ပြောရတဲ့လူ သိပ်မျက်နှာငယ်တာ ခင်ဗျ။)

ကျွန်တော် ဘာဆက်ပြောရမှန်းမသိဘူး။ ဒါနဲ့ ချာလီချက်ပလင်အကြောင်း ပြောတယ်။ မှားပါ့ခင်ဗျား။ ရွာမှာ ချာလီချက်ပလင်ရဲ့ ဟာသ ရုပ်ရှင်တွေ ကြည့်တဲ့လူ နည်းမှာပေါ့။ ရယ်စရာလို့ ထင်ရတာတွေ တစ်ခုပြီး တစ်ခု ပြောပေမယ့် ပရိသတ်က ငုတ်တုတ် တင်းခံနေတယ်။ နည်းနည်းလေးမှ မရယ်ဘူး။ ခွပဲ။ အဲဒီအချိန်မှာ ဆရာတော်က တစ်စခန်း ထပါတော့တယ်။ ဘုန်းကြီးက ဘာမပြော ညာမပြောနဲ့ ဟောပြောစင်ပေါ် တက်လာပြီး ကျွန်တော့် ပြောလက်စကို…

“ဟေ့ ဒကာစာရေးဆရာ… ခဏရပ်စမ်း”

ကျွန်တော် ကြောင်အမ်းအမ်းဖြစ်နေတုန်း မိုက်ကရိုဖုန်းကို ဆွဲယူတဲ့ပြီး…

”ဟေ့ ဒကာတွေ… မင်းတို့ကို သည်စာရေးဆရာက ရယ်စရာပြော နေတာကွ။ ရယ်စရာပြောရင် ရယ်ရတယ်။ မင်းတို့ တယ် အသုံးမကျတဲ့ ကောင်တွေ ဒါပဲ… ကဲ… ဒကာ စာရေးဆရာ ဆက်ဟော…”

ကျွန်တော်… “အဟမ်း အဟမ်း…”

ပရိသတ်… “ဝါး ဟား ဟား ဟား ဟား ဟား ဟား”

ကျွန်တော်… “ကျွန်တော် ပြောမလို့ ခုန..”

“ဝါး ဟားဟား”

ဘုန်းတော်ကြီး စင်ပေါ်တက်လာပြန်ပြီး…

“ဒါ ရယ်စရာ မဟုတ်သေးဘူး။ ခက်လိုက်တဲ့ အကောင်တွေ ဒါကြောင့် မင်းတို့ကို တောသားလို့ အပြောခံရတာ။ ရယ်စရာပြောမှ ရယ်ရတယ် မှတ်ထား။ ကဲ… ဒကာ ဆက်ပြော”

ကျွန်တော် ဆက်ပြောရပါတယ်။ လူကတော့ အူကြောင်ကြားဖြစ်နေပြီ။ ရယ်စရာ ဟာသတစ်ခု ပြောတယ်။ ပရိသတ်ရဲ့ ဟဒယကို မမိဘူး။ မရယ်ဘူး။ စာရေးဆရာက ရယ်စရာ ဟာသကလေးတွေ ညှပ်ပြောတယ် ဆိုတာ လူရွှင်တော် ပြက်လုံး ထုတ်သလို “မင်းသမီးအမေကြီး၊ ရှူးပေါက်တာ၊ နို့ဆီခွက်ဟာ ဆယ်ပြား ငါးလုံး”ဆိုတာမျိုး ပြောသင့်တာ မဟုတ်ဘူး ခင်ဗျ။ အကျိုးသင့် အကြောင်းသင့် သရော်တော်တော် ရယ်စရာတွေ ပြောရတာကိုး။ စာအကြောင်း ပေအကြောင်းလည်း ပြောရမှာ။

စာပေဟောပြောပွဲ နားထောင်လေ့မရှိသေးတဲ့နေရာမှာ တန်ရုံဟာသက တိုးမပေါက်ဘူးခင်ဗျ။

သည်တစ်ခါတော့ ဘုန်းတော်ကြီး ဒေါထပြီ။

စင်ပေါ်ကို ဘုန်းတော်ကြီး ပြန်တက်လာပြန်ရောခင်ဗျ။ (စဉ်းစားကြည့်ပါဗျာ။ စာရေးဆရာက ပြောလိုက် ဘုန်းတော်ကြီးက ဝင်ကြိမ်းလိုက် စာရေးဆရာက ဆက်ပြောလိုက်။ စင်ပေါ်မှာ စာရေးဆရာ တစ်လှည့် ဘုန်းတော်ကြီးတစ်လှည့် ဟောလိုက် ပြောလိုက် ကြိမ်လုံးနဲ့ ကြိမ်းလိုက် မောင်းလိုက်နဲ့။)

ဘုန်းတော်ကြီးက…

“အဲဒါပဲ မင်းတို့ကို ဗဟုသုတရစေချင်လို့ ငါက အပင်ပန်းခံပြီး စာရေးဆရာတွေ ရန်ကုန်က ရောက်ခိုက်ခေါ်လာတယ်။ မင်းတို့က ရယ်စရာ ပြောလို့ ရယ်ရမှန်း မသိဘူး။ တောသားတွေလို့ ပြောတော့လည်း မင်းတို့ နာတတ်သေးတယ်။ ကိုင်း…သည်တော့ သည်လိုလုပ် ဟောဒီမှာ ကြိမ်လုံး…”

ပရိသတ်ခမျာ အပ်ကျသံ ကြားရမတတ် ငြိမ်သွားရှာတယ်။ တချို့ အဖွားကြီးတွေ ပြောင်းဖူးဖက် ဆေးလိပ်ကြီးကို တံတွေးနဲ့ တို့ပြီး ငြိမ်းနေလေရဲ့။ “မီးသေတယ်”ဆိုတာ ဒါမျိုး ပြောတာ ထင်ပါရဲ့။ ဘုန်းတော်ကြီးက ဆက်မိန့်တယ်။

“သည်မယ်… ငါက ဟောဒီ ကြိမ်လုံး ကိုင်ပြီး ဟိုထောင့်မှာ ရပ်နေမယ်။ စာရေးဆရာက ရယ်စရာ ပြောရင် ငါက ကြိမ်လုံး မြှောက်ပြမယ်။ ဒါဆို ရယ်ကြ။ ကြိမ်လုံးကို ပြန်ချရင် ရယ်တာ ရပ်ကြ။ ဒါပဲ… ကိုင်း… ဒကာစာရေးဆရာ ဆက်ဟောပေတော့”

ကျွန်တော့်ဘက် မိုက်ကရိုဖုန်း လှမ်းချိန်ပေးပြီး ဘုန်းတော်ကြီးက စင်ထောင့်မှာ ကြိမ်လုံးကိုင်လျက် ရပ်နေပါကရော။

ပရိသတ်တော့မသိဘူး။ ကျွန်တော်တောင် ကျော နည်းနည်း ချမ်းလာတယ်။ အပြောမှား အဆိုမှား တစ်ခုခုဖြစ်ခဲ့ရင် ကြိမ်လုံးက ကျွန်တော်နဲ့ အနီးဆုံး။ ဘုန်းကြီးလက်သံပြောင်ပုံကို ကြားဖူးထားပြီပဲ ဥစ္စာ။ မကြောက်ဘဲ နေပါ့မလား။ ဘုန်းကြီးရဲ့ကြိမ်ဆိုတာ ကျောမရွေး ကြိမ်ခင်ဗျ။
ဒါနဲ့ပဲ ဆက်ပြော။

ရယ်စရာလို့ ဘုန်းကြီးက ယူဆရင် ကြိမ်လုံးကိုင်ထားတဲ့ လက်မြှောက် ပြ၊ ပရိသတ်က “ဝါးဟားဟား။” ကြိမ်လုံးပြန်ချ။ ရယ်သံ တိခနဲရပ်။ ဆက်ပြော။

ကျွန်တော်လည်း ပြောတတ်သလောက် ပြောပြီး နိဂုံးချုပ်လိုက်ပါတယ်။

နောက်ဆရာတစ်ယောက်။ သည်လိုပဲ ရယ်စရာ တစ်ခုခုပြော ဘုန်းကြီး ကြိမ်လုံးမြှောက်ပြ ရယ်ကြ၊ ကြိမ်လုံးပြန်ချ ပြန်ရပ်။

တချို့ဟာသကျတော့ တကယ် ရယ်ချင်လို့ ရယ်တာ၊ တချို့ဟာသကို သဘောမပေါက်ဘူး။ ဘုန်းကြီးကြိမ်လုံး အရှိန်အဝါနဲ့ ရယ်တာဆိုတော့ အရင်တုန်းက မြန်မာ့အသံ ဟဒယရွှင်ဆေးအခန်း ရယ်သံလိုပါပဲ။ “ဝါးဟားဟား ဟား ဟားဟား အွိ”ပေါ့။ တာဝန်အရ ရယ်ပေးရတယ်ပေါ့ဗျာ။

အဲ… ဆရာမောင်နေဝင်းဟောပြောတဲ့ အလှည့်ကျတော့ ပရိသတ်က ကျင့်သား နည်းနည်းရပါပြီ။ ရယ်စရာကို သဘောပေါက်ပြီး ရယ်လာကြပါပြီ။ ဆရာတော့်ကျေးဇူးပါပဲ။

ဆရာမောင်နေဝင်းက ဆရာ့ရဲ့နာမည်ကျော် ရသမြောက် ဝတ္ထုတိုတွေ ဖြစ်တဲ့ “မငွေရီ”ဝတ္ထုတိုတွေအကြောင်း ပြောပါတယ်။ မငွေရီဟာ စာမတတ်ဘူး။ ဒါကြောင့် ကမောက်ကမအဖြစ်တွေနဲ့ ကြုံရတယ်။ ဒါကို ဟာသစွက်ပြီး ပြောပါတယ်။ ပရိသတ်ရဲ့ ဟဒယကို ထိပါတယ်။ ရယ်ကြပါတယ်။

အားလုံး အဆင်တပြေဖြစ်လာပါပြီ။ သည်လိုနဲ့ ဆရာမောင်နေဝင်းက ဆရာ ပြောနေကျအတိုင်း မငွေရီ စာမတတ်လို့ လူလိမ်က လှည့်ဖျားတာ ခံလိုက်ရပြီး ချုန်းပွဲချငိုလောက်တဲ့အဖြစ်ကို ပီပီပြင်ပြင် ပြောပါတော့တယ်။

ပရိသတ်က ငြိမ်ပြီး နားထောင်နေတုန်း…

လွမ်းစရာ မျက်ရည်စို့စရာအခန်းလည်းရောက်ရော… ဆရာတော့် ချိုင်းကြား ခြင်ကိုက်ပါတော့တယ်။

ဆရာတော်လည်း ဆရာမောင်နေဝင်းရဲ့ဟောပြောချက်မှာ အာရုံဝင်စားနေခိုက်မို့ သတိလစ်ပြီး ချိုင်းကြားကခြင်ကို မောင်းဖို့ ကြိမ်လုံးကိုင်ထားတဲ့ လက် မြှောက်လိုက်မိပါရော။

ရင်ဆို့စရာ အလွမ်းခန်းပြောနေတုန်းမှာ…

“ဝါး ဟားဟားဟား…”

ရယ်သံကြီးက တခဲနက်ထွက်လာပါတော့တယ်။ ဆရာမောင်နေဝင်း ကြောင်ပြီး ရပ်နေတယ်။ ဆရာတော်လည်း ဖျတ်ခနဲ သဘောပေါက်သွားပြီး မိုက်ကရိုဖုန်း ရှေ့ကို ကြွလာတယ်။

“ဟေ့ကောင်တွေ ငါ့ချိုင်းကြား ခြင်ကိုက်လို့ လက်မြှောက်မိတာကွ ဒါ ရယ်စရာမဟုတ်ဘူး။ ငိုစရာ၊ ဘုန်းကြီးတောင် ရင်ထဲဆို့လာတယ် မင်းတို့ကွာ… အင်း… ငါကလည်း ငါပါပဲကွာ။ ကိုင်း.. ကိုင်း.. ဆက်ပြော စာရေးဆရာဒကာရေ ကောင်းတယ်ကွ။ ငါလည်း အောက်ဆင်းမှ ဖြစ်တော့မှာပဲ။ ကဲ… ပရိသတ်တို့ မင်းတို့လည်း ရယ်စရာရှိ ရယ်ကြ၊ ငိုစရာရှိ ငိုကြပေရော့ဟေ့…” အဲဒါ လော်စပီကာက ထွက်သွားတဲ့ အသံကြီးပါပဲ ခင်ဗျား။

A New Book Published Today!

Bala_Finalမှတ်မိနေသေးတာ တစ်ခုရှိပါသေးတယ်။ ဝတ်မှုန်မဂ္ဂဇင်းဆိုပြီး ကျွန်တော် အယ်ဒီတာလုပ် ထုတ်ဝေခဲ့တုန်းကပါ။ (၁၉၇၀ ဝန်းကျင်)… ။ ကျွန်တော့် မဂ္ဂဇင်းက ဇိုလူးဖတ်လူး (စိုလူးဖတ်လူး) ဆိုတာလို ယိုင်နဲ့နဲ့မို့ အရောင်း မတွင်ကျယ်ပါဘူး။ သည်တော့ ရတတ်သမျှ ကြော်ငြာလေးတွေ လိုက်ရပါတယ်။ ခုနှယ်ခါလို ကြော်ငြာအင်အားကြီးတွေ မရလေတော့ ကိုယ့်လူချင်း အတင်းညှင်းဆဲပြီး ကြော်ငြာတောင်းရာမှာ ဆရာအီကြာကွေးလည်း အဲဒီ ဒဏ်ခံရပါတယ်။

ဘယ်လိုလဲဆိုတော့ “အီကြာကွေး၏ အုတ်ကျင်းကိုသာ လိမ်လို့ရမည်” ဆိုတဲ့ စာမူယူသုံးပြီး စာမူခကို မပေးတော့ဘဲ ဆရာရဲ့ ကလောင်ခွဲဖြစ်တဲ့ “ဓနုဖြူ ကျော်ထွန်း”ရဲ့ ကဗျာစာအုပ် ကြော်ငြာခနဲ့ နှိမ်လိုက်တာပါပဲ။ ပြဿနာက ခဲစာလုံး စာစီရာမှာ ဓနုဖြူကျော်ထွန်းဟာ “ဓနုဖြူ ကျော်ထိန်း” ဖြစ်လိုက် “ဓနုဖြူ ကျော်ထန်း”ဖြစ်လိုက်။ နောက်ဆုံး စာအုပ်ထွက်လာတော့ နာမည်သာ မှန်သွားပြီး ရှေ့က ဂုဏ်ပြုထားတဲ့ မြို့နာမည် မှားသွားတော့ တာပါပဲ။ “ဓဖြူနု” ကျော်ထွန်း ဖြစ်သွားခဲ့ရာမှာ ဆရာအီကြာကွေး မချိသွားဖြဲ ဆဲလိုက် ဆိုလိုက်တာ အလွန်ပျော်စရာ ကောင်းခဲ့ပါရောဗျာ။
စကားအစ ပြန်ကောက်ရရင် မြိတ်တစ်ကြော စာဆိုပွဲကအပြန်မှာလည်း အသွားခရီးတုန်းက ဂျက်လေယာဉ်နဲ့ လေယာဉ်မှူးကြီးပဲ ပြန်တွေ့ဆုံရလို့ ကျွန်တော်တို့ ဝမ်းသာကြရပါတယ်။ မြိတ်အသွားမှာကတည်းက ခင်မင်ပြီးသားမို့ အပြန်ခရီး လေယာဉ်ပေါ်တက်တက်ချင်းပဲ ကျွန်တော်ဟာ လေယာဉ်မောင်းခန်း သွားပြီး ထိုင်လိုက်ပါတော့တယ်။ ကျွန်တော်တို့ ထိုင်ရမယ့် ခုံတန်းကလည်း လေယာဉ်မှူးအခန်းနဲ့ကပ်လျက် ရှေ့ဆုံးတန်းပါ။
လေယာဉ် စတင်ပျံတက်လို့ နည်းနည်းလည်း ငြိမ်သွားရော လေယာဉ်မှူးကြီးက ကျွန်တော့်ကို ကော်ဖီနဲ့ ဧည့်ခံစေပါတယ်။ လေယာဉ်မယ် ချောချောလေးက တာဝန်ယူပါတယ်။

“ဦးသုမောင် ဘာများလိုအပ်ပါသေးသလဲ”ဆိုပြီး ကလေးမက လောကဝတ် ပျူငှာလုပ်လို့ သူ့ကို လှည့်ကြည့်လိုက်တော့ နောက်ကျော ဝင်ပေါက် လိုက်ကာ ဟနေတဲ့ကြားက ရှေ့ဆုံးခုံမှာ ဦးထုပ်စိုက်စိုက် ဆောင်းပြီး ငုတ်တုတ် အိပ်ငိုက်ကောင်းနေတဲ့ ဆရာကွေးကို လှမ်းမြင်ရပါတယ်။ ဒါနဲ့ ကျွန်တော်လည်း ကျီစားချင်စိတ် ပေါက်လာပါတယ်။

“ဦးသုကတော့ ပြည့်စုံပါပြီ သမီးရယ်… အဲ… ဟောဟို ရှေ့ဆုံးခုံမှာ တွေ့လား… ဦးထုပ်နဲ့ ဘဘကြီး၊ အဲဒါ ဦးသုရဲ့ ဦးလေးပဲ၊ သူက မနက် စောစောမှာ လက်ဖက်ရည်နဲ့ “အီကြာကွေး” စားရမှ ကျေနပ်တယ်။ မစားရရင် သိပ်စိတ်ဆိုးတာ။ အဲဒါ သမီးက သွားတောင်းပန်လိုက်ပါကွယ်…” ဆိုပြီး ခပ်တည်တည်နဲ့ ချွန်တွန်းလုပ်လိုက်ရာမှာ လေယာဉ်မယ်ကလေးကလည်း…

“ဘဘကြီး လေယာဉ်ပေါ်မှာ အီကြာကွေး မပါပါဘူး”လို့ သွားပြောပါတော့သတဲ့။ သည်မှာတင် လေယာဉ်ပေါ်မှာ “အီကြာကွေးပါတယ်” “မပါဘူး”ဆိုပြီး အချီအချ ဖြစ်ပါလေရော။ တကယ်က ကလေးမခမျာ စာရေးဆရာကြီး အီကြာကွေးမှန်း သိမှ မသိဘဲကိုး။ နောက်ဆုံးတော့ ထုံးစံ အတိုင်း အားရပါးရ ရယ်မောရင်း ကျွန်တော့်ကို အသံတိတ် ပါးစပ်လှုပ် တစ်တစ်ခွခွ ဆဲပြပါတော့တယ်ခင်ဗျာ။ လေယာဉ်မှူးအခန်း အဝင်က လိုက်ကာ ဟစိစိကြားက မြင်ရတဲ့ ဆရာကြီး အီကြာကွေးရဲ့ မျက်နှာကို ခုထိ မြင်နေတုန်းပါပဲ။

————————————————————

[ကနေ့ သြဂုတ်လ ၁၀ရက်နေ့မှာ စတင်ဖြန့်ချိလိုက်တဲ့ “သုမောင်”ရဲ့ “ဟိုတစ်စ သည်တစ်စ မောင်ဗလ” စာအုပ်ထဲက ကောက်နုတ်ချက်လေးပဲ ဖြစ်ပါတယ်။ ရောင်းဈေးက ကျပ် ၁၅၀၀ပါ။ (ရောင်းဈေးက သနားစရာလေးနော်။  ဒေါ်လာနဲ့ဆိုရင် တစ်ကျပ်ခွဲတောင် မရှိရှာဘူး။)]

ဖက်ခွလုံး

handout

ကျွန်တော့်အား “ဖက်ခွလုံးရှည်”ကလေးနှင့် စတင် မိတ်ဖွဲ့ပေးသူမှာ ကျွန်တော်၏ ချစ်ဇနီး “မိ”သာ ဖြစ်လေသည်။
တချို့က သူ့ကို “ဖက်ခေါင်းအုံး”တဲ့။ တချို့က “ခွခေါင်းအုံး”တဲ့။ တချို့တွေက ကျပြန်တော့ “ခြေတင်ခေါင်းအုံး”ဆိုပဲ။
မည်သို့ပင် ခေါ်ခေါ်၊ ထိုအခေါ်အဝေါ်များ တစ်ခုမှ မမှန်ပေ။

“ခေါင်း”ဆိုသော ဦးခေါင်းနှင့် မည်သို့မျှ မပတ်သက်ဘိသကဲ့သို့ “အုံး”ခြင်း၊ သို့တည်းမဟုတ် မှီခြင်းကိုလည်း မခံရသောကြောင့် “ခေါင်းအုံး” ဟူသော ဝေါဟာရနှင့် တွဲပေးလိုက်သမျှ ဘယ်လိုမှကို မမှန်နိုင်တော့ပေ။

“မိ”ကမူ သူ့ကို “ဖက်လုံး”ဟု ခေါ်သည်။ ဒါကလည်း တစ်ဝက်သာ မှန်သည်။ တကယ်က သူ့ကို ဖက်ရုံတင်မကဘဲ ခွချင်လျှင်လည်း ခွတတ် ကြမြဲဖြစ်သောကြောင့် သူ့အသုံးတည့်ပုံအတိုင်း “ဖက်ခွလုံး” ဟုခေါ်မှသာလျှင် လုံးဝ မှန်ပေလိမ့်မည်။

ထို့ကြောင့် ကျွန်တော်ကတော့ သူ့ကို “ဖက်ခွလုံး”ဟုသာ ခေါ်ပါသည်။

ထိုဖက်ခွလုံးသည် ကျွန်တော့် ဖွားဘက်တော် မဟုတ်ခဲ့သည်ကတော့ အမှန်ပင်ဖြစ်ပါသည်။ သူ ရှိမှန်းသိသည့်တိုင် သူနှင့် ကျွန်တော် အကြောင်း မသင့်သဖြင့် ပတ်သက် ရင်းနှီးခွင့် မကြုံခဲ့သည်မှာ အနှစ်၃၀ကျော် ကြာပါသည်။

ကျွန်တော့်အဖေနှင့် အမေတွင် ဖက်ခွလုံး အသုံးပြုသော ဓလေ့ မရှိကြသည်က စရပါမည်။ သူတို့ သုံးကျင့် မရှိတော့ သူတို့သားဖြစ်သည့် ကျွန်တော်လည်း သုံးခွင့် မကြုံတတ်နိုင်ခဲ့ပါ။

ပိုဆိုးသည်က ကျွန်တော့် မွေးသဖခင် ကျေးဇူးရှင် “ကိုတယူသန်” (ခေါ်) “ဦးတလွဲတွေး”ပင် ဖြစ်ပါသည်။

ဖက်ခွလုံးဝေးစွ၊ မွေ့ရာနှင့် အိပ်ခွင့်ပင် အဖေက ကျွန်တော့်ကို မပေးခဲ့ပါ။ နူးညံ့ အိစက်သော မွေ့ရာသည် အကြင် လူပျိုပေါက်၏ သွေးသားကို ဆူပွက် ဆာလောင်စေသည်ဟူသော အယူအဆကို လက်ကိုင်ထားသော အဖေ့ကြောင့် ကျွန်တော်သည် လူပျိုဖော် မဝင့်တဝင် အရွယ်ကတည်းက မွေ့ရာနှင့် အိပ်စက်ခွင့်ကို (အသားလွတ်ကြီးပင်) ဆုံးရှုံးခဲ့ရပါသည်။

အဖေ မရှိတော့မှ ကျွန်တော့်ခမျာ မွေ့ရာနှင့်၊ ဘာနှင့် ပြန်အိပ်ရပါ သည်။ သို့တိုင်အောင် ဖက်ခွလုံးတော့ မပါပါ။

အမေကတော့ အဖေ မရှိတော့သည့် နောက်ပိုင်းတွင် (အဖေ့ကိုယ်စား လားတော့မသိ) ဖက်ခွလုံး တစ်လုံးကို သူ့အိပ်ရာထဲသို့ ခေါ်လာခဲ့သည်ကို တွေ့ရပါ၏။ သို့တိုင်အောင် ကျွန်တော်ကတော့ ဖက်ခွလုံးကို တတောင့်တတ မရှိခဲ့ဖူးပါ။

မိနှင့် ကျွန်တော် လက်ထပ်ရန် ပြင်ဆင်ကြသောအခါ မိက “ဖက်ခွလုံး”ကို ထည့်လှာပါသည်။ ဖက်ခွလုံးမပါလျှင် လုံးဝ မအိပ်တတ်ပါဟု ဆိုသော မိကို ကျွန်တော် ကောင်းကောင်း ဟားလိုက်ပါသည်။၊ (ဒါလည်း သူ့မိဘနှင့် ဆိုင်သည်။ သူ့ဖအေကို မဆုံဖူးလိုက်သော်လည်း သူ့မအေကြီးကမူ ဖက်ခွလုံး ကို မက်မက်ခြိုက်ခြိုက် ရှိလှသည်မှာ ကျွန်တော့်အမြင်လေ။)

ထို့ကြောင့် မင်္ဂလာဦး အိပ်ရာခမ်းနားဝယ်စဉ်က…

“ဖက်ခွလုံးကို မိလိုချင်ရင်တော့ ထည့်ဝယ်လေ။ ကိုယ့်အတွက်တော့ ထည့်မဝယ်နဲ့၊ ကိုယ် ဝါသနာမပါဘူး…”ဟု မိကို ပြောခဲ့ပါသည်။

ထို့ကြောင့် ကျွန်တော်တို့ မွေ့ရာခမ်းနားတွင် မွေ့ရာတစ်ချပ်၊ ခေါင်းအုံး နှစ်လုံး၊ ခြင်ထောင်တစ်လုံးနှင့် ဖက်ခွလုံးတစ်လုံးသာ ပါခဲ့ပါသည်။

မည်သို့ပင်ဖြစ်စေ၊ မိနှင့် လက်ထပ်လိုက်သည့်အတွက် ဖက်ခွလုံး တစ်လုံးကတော့ ကျွန်တော်(တို့) အိပ်ရာထဲသို့ အလွယ်တကူ ချဉ်းနင်းလာခဲ့ သည်လည်း အမှန်ပင် ဖြစ်ပါသည်။

ညားခါစအိပ်ရာဝင်မှာ အနှီဖက်ခွလုံးသည် ကျွန်တော်တို့ လင်မယား ကြားတွင် အတော် ခလောက်ဆန်နိုင်ခဲ့သည်။ မိက အိပ်ရာထဲရောက်သည်နှင့် တစ်ပြိုင်နက် ဖက်ခွလုံးကိုသာ ဆွဲယူ ပွေ့ဖက်၊ ခွတက်တတ်မြဲဖြစ်သည်။

ဖက်ခွလုံးနှင့် ယှဉ်လာလျှင် ကျွန်တော်သည် မိ၏ လင်ငယ် ဖြစ်ဖြစ်နေတတ်ပါသည်။ ဖက်ခွလုံးကသာ မိ၏ လင်ကြီးဖြစ်သည်ဟု မိကိုလည်း ကျွန်တော် မကြာခဏ စကားနာ ထိုးဖူးသည်။ ကြာတော့ ထိုဖက်ခွလုံးကို ကျွန်တော် မုန်းထား မနာလိုတော့ပါ။

သည်ကြားထဲက ဘယ်လိုက ဘယ်လိုဖြစ်သွားသည်မသိ။

အိမ်ထောင်သက်တစ်နှစ်ကျော်၊ နှစ်နှစ်နီးပါးကြာသောအခါ ကျွန်တော်သည် ညတိုင်ကျလျှင် မိနှင့်ဖက်ခွလုံးလုရသည့် အလုပ်တစ်လုပ်ကို ရလာပါ သည်။

“အစကတော့ ရှင်ပဲ ဖက်လုံးနဲ့ အိပ်တာ ဝါသနာမပါဘူးဆို…”

မိက ထိုသို့ပြောကာ ကျွန်တော့်ရင်ခွင်ထဲ ရောက် ရောက်နေတတ်သော ဖက်ခွလုံးကို အတင်းပြန်လုတတ်ပါသည်။

သူနှင့် ကျွန်တော် လင်မယား အရင်းကြီးပင်ဖြစ်လင့်ကစား ဖက်ခွလုံးကိုတော့ သမဝါယမစနစ်နှင့် မျှဝေခံစားခြင်း မပြုနိုင်သည်လည်း အမှန်ပင် ဖြစ်ပါသည်။

သည်လိုနှင့် နောက်ဆုံးတွင် မိက ကျွန်တော့်အတွက် ဖက်ခွလုံး နောက်တစ်လုံးကို အိပ်ရာထဲသို့ ခေါ်သွင်းလာခဲ့ရပါတော့သည်။

မိ၏ဖက်ခွလုံးရောဂါသည် ကျွန်တော့်ကို ကူးစက်လာခဲ့သလို ကျွန်တော်တို့မှ ဖြစ်လာသော သမီးနှင့်သားတို့မှာလည်း မွေးရာပါရောဂါဟုပင် ထင်ရ လောက်အောင် စွဲကပ်လာသည်ကို တွေ့ရသည်။

မစွဲကပ်ပဲ ခံနိုင်ရိုးလား…

ကလေးများ မွေးဖွားပြီး အိမ်ပြန်ရောက်သည်နှင့် သူတို့ အရပ်ကလေးတွေနှင့် လိုက်ဖက်သော ဖက်ခွလုံးလေးများကို သူတို့၏ အမေနှင့် အဖွားက ဖန်တီးပေးကြပေသကိုး။

ခုတော့လည်း လက်တောက်လောက်သာ ရှိသေးသော သားတော်မောင်ကလည်း သူ့အရွယ် ဖက်ခွလုံး နှစ်လုံး ဘယ်ညာ ခြံရံကာ အိပ်တတ်သည်။ လေးနှစ်သာသာသာ ရှိသေးသော သမီးငယ် “ဘုတ်ဆုံမ”ကလည်း မိ၏ ဖက်ခွလုံးကို လုတတ်လာသည်။

သူ့အရပ်နှင့် လိုက်ဖက်သော ဖက်ခွလုံးကို မိက သီးသန့်ပေးထားသည့်တိုင် သမီးသည် သူ့မအေ၏ ဖက်ခွလုံးကိုသာ တမက်တမော ရှိလှသည်။
ထို့ကြောင့် မိသည် သူ့သမီးအတွက် နောက်ထပ် ဖက်ခွလုံး(လူကြီးဆိုက်) တစ်လုံးကို ထပ်မံ ဝယ်ယူရပြန်တော့သည်။

ပြဿနာက မိအမေ အိမ်လာအိပ်သည့် တစ်ညတွင် စပါသည်။

အဖွားကြီးသည်အိပ်ရာထဲရောက်သည်နှင့် ဖက်ခွလုံးကို တောင့်တ တောင်းဆိုပါတော့သည်။

မိက အိပ်ပျော်နေသော သမီးငယ်၏ ရင်ခွင်ထဲမှ ဖက်ခွလုံးကို ယူပေးလိုက်ရန် ချက်ချင်းကြံပါသည်။ (တော်တော်လည်း ဟုတ်တဲ့ မိန်းမ။ ပေးခြင်း ပေး၊ သူ့ဟာ ပေးလိုက်ပေါ့။)

“မိကလည်းကွာ၊ သမီး နှစ်နှစ်ခြိုက်ခြိုက် အိပ်ပျော်နေတာကို။ မိရဲ့ ဖက်ခွလုံးပဲ အမေ့ကိုပေးလိုက်ပေါ့…”

“ပေးနိုင်ပေါင်တော်… မိမှ ဖက်လုံး မရှိရင် မအိပ်တတ်တဲ့ဟာကို…”

“ပေးလိုက်ပါမိရယ်၊ ကိုယ့်ဖက်ခွလုံးကို သည်တစ်ည မိယူအိပ်ပေါ့၊ ကိုယ်က ဖက်ခွလုံး မရှိလည်း အိပ်တတ်ပါတယ်၊ သွား… မိဟာသာ ပေးလိုက်…”

သူ့အတွက် အစားရဖို့ သေချာသွားတော့မှ မိလည်း သူ့အမေကို ကြည်ဖြူသွားပါသည်။ သူ့ဖက်ခွလုံးကို သူ့အမေအား တစ်ညတာ ကျေကျေနပ်နပ် ငှားလိုက်ပြီး သူကိုယ်တိုင်ကမူ ကျွန်တော့် ဖက်ခွလုံးကို မိမိရရ၊ တစ်တစ်ခွကာ စက်တော်ခေါ်ပါလေတော့သည်။

ဇာတ်ပေါင်းသော် ထိုညက ကျွန်တော် လုံးဝ အိပ်မပျော်နိုင်တော့ချေ။

ကျွန်တော့် ရင်ခွင်ထဲမှာ၊ ကျွန်တော့်ပေါင်အောက်မှာ တစ်ခုခုလစ်ဟာ နေသလို၊ တစ်စုံတစ်ရာ လိုအပ်နေသလို။ ဟိုဘက် စောင်းလိုက်၊ သည်ဘက် လှိမ့်လိုက်၊ မှောက်လိုက်၊ လှန်လိုက်…။

နှစ်နှစ်ခြိုက်ခြိုက် အိပ်မောကျနေကြသော သမီးငယ်နှင့် ဇနီးသည်တို့၏ ရင်ခွင်များထဲမှ ဖက်ခွလုံး တစ်လုံးလုံးကို ဆွဲယူလိုက်ချင်စိတ်တွေကို ကြိတ် မှိတ်မျိုသိပ်။ မျက်လုံးတွေကို ဇွတ်မှိတ်။ အိပ်လို့ကတော့ ဘယ်လိုမှ မရ။

ကျွန်တော့်ကိုယ် ကျွန်တော် မကျေနပ်။

“ဘယ့်နှယ့်ကွာ… အနှစ်၃၀လုံးလုံး ဖက်ခွလုံးမဲ့ ဘဝမှာ ကျင့်သားရခဲ့ဖူးပါလျက်ကနဲ့ ခုတော့မှ ပဇာကြောင့် ကျွန်တော် မနေတတ်၊ မအိပ်နိုင်ဖြစ် နေရပါသလဲ…”

“ကြည့်စမ်း၊ နှစ်အနည်းငယ်လောက်သာ ဖက်ဖူး၊ ခွဖူးလိုက်ရုံနှင့် ကျွန်တော် ကောင်းကောင်းကြီး အရသာ သိသွားပါပကောလား၊ ဘုရား… ဘုရား… ”

“ဟင်… ဒါဆို မိလို နှစ်ပေါင်း များစွာ ဖက်ခဲ့၊ ခွခဲ့သူ တစ်ယောက် အဖို့ ဖက်ခွလုံးကို အာသာ ငမ်းငမ်း၊ တတမ်းတတနှင့် အလွတ်မပေးချင် တော့တာဟာ သဘာဝပါကလား၊ မြတ်စွာဘုရား…”

ကျွန်တော်သည် မိ၏ ဖက်ခွလုံးအာသာကို ပထမဆုံး အကြိမ်အဖြစ် ကိုယ်ချင်းစာကာ ထောက်ညှာမိသွားရလေပြီ။  သို့သော်လည်း အိပ်ပျော်ခြင်း သည်ကား ကျွန်တော့်ထံ လုံးဝကို ရောက်မလာနိုင်တတ်သေးပေ။

လင်းလုလုအခိုက်တစ်တံ့တွင် မိသည် ဖက်ခွလုံးမှ ခွာကာ တစ်ဖက်သို့ လှည့်စောင်းသွားသည်ကို တွေ့လိုက်၏။ မိမှ ဟိုတစ်ဘက်သို့ ပြည့်ပြည့် မလှည့်မိသေးခင်တွင်ပင် ကျွန်တော်သည် မိ ယာယီစွန့်ခွာသွားသော ဖက်ခွလုံးကို တမ်းငင် တွယ်မက်စွာဖြင့် ဆွဲယူ ဖက်ခွလိုက်မိရပါတော့သည်။

ယင်းသည်၏ နောက်တွင်ကား နာရီပေါင်းများစွာကတည်းက ကျွန်တော့်အပါးတွင် ရစ်ဝဲနေသော အိပ်ပျော်ခြင်းဟူသည့်အရာသည် ကျွန်တော့် ထံ မြန်မြန်သာသာ ရောက်လို့လာပါတော့သည်။

အကယ်တန္တု…

ကျွန်တော့်အား ဖက်ခွလုံးရှည်ကလေးနှင့် စတင်မိတ်ဖွဲ့ပေးသူမှာ ကျွန်တော်၏ ချစ်ဇနီး “မိ”သာ ဖြစ်လေသည်။

——————————————–

(၁၉၉၆ခုနှစ် ဒီဇင်ဘာလထုတ် သရဖူမဂ္ဂဇင်းမှာ ဖော်ပြခဲ့ပြီး စာမူခွင့်ပြုချက်အမှတ် ၁၆၁၁/၂၀၀၃(၁၁)ဖြင့်၂၀၀၄ခုနှစ် ဇွန်လမှာ ထုတ်ဝေထားတဲ့ အတ္တကျော်ရဲ့ “ခြေရာပြိုးပြောက် လွမ်းပွင့်ကောက်သီ” ခေါင်းစဉ်ပါ ကိုယ်တိုင်ကြုံ ၀တ္ထုတိုများစာအုပ်ထဲမှာ ထည့်သွင်းဖော်ပြထားတဲ့ ၀တ္ထုတိုလေးတစ်ပုဒ်ကို ပြန်လည်ဖော်ပြထားတာဖြစ်ပါတယ်။)

Excerpts from a new book of Atta Kyaw

handoutတချို့နိုင်ငံတွေက ချမ်းသာပြီး တချို့နိုင်ငံတွေက ဆင်းရဲကြတယ်။ အဲသလို ဖြစ်ရခြင်းအကြောင်းရင်းဟာ အဲဒီ့ နိုင်ငံတွေရဲ့ သက်တမ်းနဲ့ ဘယ်လိုမှ မသက်ဆိုင်ပါဘူး။

သည်အချက်ကို အိန္ဒိယနဲ့ အီဂျစ်ဆိုတဲ့ နှစ်ပေါင်း နှစ်ထောင်ကျော် သက်တမ်း ရှိခဲ့တဲ့ နိုင်ငံတွေက သက်သေထူနေပါတယ်။ နိုင်ငံရဲ့ သမိုင်းကြောင်းတွေက နှစ်ပေါင်း ထောင်ချီနေပြီ ဖြစ်ပေမယ့်  ချမ်းသာတဲ့ အထဲမှာ အဲဒီ့နှစ်နိုင်ငံမှ မပါသေးဘဲကိုး။

ကနေဒါ သြစတြေးလျနဲ့ နယူးဇီလန်နိုင်ငံတွေဆို လွန်ခဲ့တဲ့ နှစ်ပေါင်း ၁၅၀ လောက်က ဘာမှ စာမဖွဲ့လောက်တဲ့ တိုင်းပြည်တွေပါ။ အခုကျတော့ ဖွံ့ဖြိုးတဲ့ နိုင်ငံတွေ၊ ချမ်းသာတဲ့ နိုင်ငံတွေ ဖြစ်နေကြပါပြီ။

တစ်ခါ၊ နိုင်ငံတွေရဲ့ ချမ်းသာကြွယ်ဝမှုဟာ အဲဒီ့နိုင်ငံတွေမှာ ရှိတဲ့ သယံဇာတ သဘာဝ အရင်းအမြစ်တွေနဲ့လည်း ဘယ်လိုမှ မပတ်သက်ဘူး။

ဂျပန်နိုင်ငံဆိုရင် သုံးနိုင်တဲ့ မြေက ခပ်ရှားရှား။ ဂျပန်မြေရဲ့ ၈၀% က တောင်ကုန်း ထူထပ်တယ်။ စိုက်ပျိုးဖို့လည်း မသင့်တော်၊ မွေးမြူရေးလည်း လုပ်လို့မရ။ ဒါပေမယ့် အဲဒီ့ ဂျပန်ဟာ ကမ္ဘာ့စီးပွားရေးရဲ့ ဒုတိယ နေရာမှာ ရယူ ပိုင်စိုးထားပါတယ်။ ဂျပန်နိုင်ငံက ရေပေါ် စက်ရုံကြီး တစ်ရုံနဲ့ အလွန် တူတယ်။ တစ်ကမ္ဘာလုံးက ကုန်ကြမ်းတွေကို တင်သွင်းလာပြီး သူတို့ စီမံ ထုတ်လုပ်လိုက်တဲ့ ပစ္စည်းတွေကို ကမ္ဘာအနှံ့ ပြန်တင်ပို့နေတဲ့ စက်ရုံကြီးပဲပေါ့။

နောက် ဥပမာတစ်ခုက ဆွစ်ဇာလန်ပဲ။ အဲဒီ့ တိုင်းပြည်မှာ ကိုကိုးပင်တွေ မစိုက်ပါဘူး။ ဒါပေမယ့် ကမ္ဘာ့ အကောင်းဆုံး ချောကလက်ကကျတော့ ဆွစ်ဇာလန်က ထွက်တာခင်ဗျ။ နိုင်ငံလေးက သေးရတဲ့ အထဲမှာ စိုက်ပျိုး မွေးမြူရေးကို တစ်နှစ်မှ လေးလပဲ လုပ်နိုင်တဲ့ နိုင်ငံ။ သို့ပေမယ့် နို့နဲ့ နို့ထွက်ပစ္စည်းတွေကို အဲဒီ့နိုင်ငံက ထုတ်တဲ့အပြင် အရည်အသွေးကျတော့လည်း ပထမတန်း။ လုံခြံတယ်၊ စနစ်ကျတယ်၊ အလုပ် လုပ်ကြတယ်ဆိုတဲ့ နိုင်ငံရဲ့ ပုံရိပ်ကို ဆွစ်ဇာလန်က ဖော်ကျူးထားပါတယ်။

ဆင်းရဲတဲ့ နိုင်ငံက ထိတ်ထိတ်ကျဲတွေနဲ့ ထိတွေ့ ဆက်ဆံဖူးကြတဲ့ ချမ်းသာတဲ့နိုင်ငံသား ထိတ်ထိတ်ကျဲတွေက ပြောကြတယ်။ ဉာဏ်ရည်ချင်းလည်း ချမ်းသာတဲ့ နိုင်ငံသားနဲ့ ဆင်းရဲတဲ့ နိုင်ငံသား ဘာမှ သိသိသာသာ ကွာခြား မနေပါဘူးတဲ့။

လူမျိုးတွေ၊ အသားအရောင်တွေကလည်း တကယ့် တကယ်ကျတော့ သည်ကိစ္စမှာ သိပ် အရေး မကြီးပါဘူး။ သူတို့ မိခင်နိုင်ငံတွေမှာ လူပျင်းတွေလို့ အသတ်မှတ်ခံထားရတဲ့သူတွေဟာ ချမ်းသာ ကြွယ်ဝတဲ့ ဥရောပနိုင်ငံတွေကို သွားအလုပ်လုပ်ကြတဲ့အခါမှာကျတော့ တကယ့်ကို လုပ်ရည်ကိုင်ရည် ကောင်းတဲ့ လုပ်သား စွမ်းအားစုတွေ ဖြစ်နေကြတယ်။

ဒါဖြင့် ဘာတွေ ကွာခြား နေတာတုံး။

ကွာခြားနေတာက လူတွေရဲ့ ”သဘောထား” ပါပဲ။ လူတွေရဲ့ သဘောထား ဆိုတာကလည်း ပညာရေး၊ ယဉ်ကျေးမှုအရ နှစ်ပေါင်းများစွာ အညှိတွယ်၊ ချိုးတက်နေတဲ့ အကျင့်စရိုက်ကို အခြေခံတာပါ။

ချမ်းသာပြီး ဖွံ့ဖြိုး တိုးတက်နေတဲ့ နိုင်ငံက လူတွေရဲ့ အကျင့်စရိုက်ကို ခွဲခြမ်း စိတ်ဖြာ လေ့လာကြည့်လိုက်တဲ့အခါ လူအများစုဟာ သူတို့ရဲ့ နေ့စဉ်ဘ၀မှာ အောက်ဖော်ပြပါ  မူတွေကို စွဲစွဲမြဲမြဲ လိုက်နာ ကျင့်သုံးကြတာ တွေ့ရပါတယ်။

၁။  အခြေခံမူအဖြစ် ကျင့်သုံးကြတဲ့ ကိုယ်ကျင့်တရား

၂။  ဖြောင့်မတ် တည်ကြည်မှု

၃။  တာဝန်ယူတတ်မှု

၎။  ဥပဒေ စည်းမျဉ်းများကို လေးစားမှု

၅။  အခြားနိုင်ငံသားများရဲ့ အခွင့်အရေးကို လေးစားမှု

၆။  အလုပ်ကို ချစ်ခင်မြတ်နိုးမှု

၇။  စုဆောင်းဖို့နဲ့ ရင်းနှီးမြှုပ်နှံဖို့ ကျားကုပ်ကျားခဲ အားထုတ်မှု

၈။  မဖြစ်မနေ ဆောင်ရွက်လိုတဲ့ ဆန္ဒ

၉။  တိကျမှု

ဆင်းရဲတဲ့ နိုင်ငံတွေမှာတော့ သည်မူတွေကို နေ့စဉ်ဘ၀မှာ လိုက်နာကျင့်သုံးနေတဲ့သူက လူနည်းစုသာ ဖြစ်နေပါတယ်။

ကျွန်တော်တို့ ဆင်းရဲနေတာဟာ ကျွန်တော်တို့မှာ သယံဇာတ သဘာဝ အရင်းအမြစ်တွေ မရှိလို့ မဟုတ်သလို သဘာဝတရားကြီးက ကျွန်တော်တို့အပေါ်မှာ ရက်စက်လို့၊ မထောက်ထားလို့လည်း မဟုတ်ပါဘူး။

ကျွန်တော်တို့ ဆင်းရဲနေရတာဟာ ကျွန်တော်တို့ရဲ့ သဘောထားတွေ နုံ့နဲ့လို့သာ ဖြစ်ပါတယ်။

ကျွန်တော်တို့ ဆင်းရဲနေတာဟာ ချမ်းသာပြီး ဖွံ့ဖြိုးတိုးတက်နေတဲ့ လူ့ဘောင်တွေမှာ လက်တွေ့ အလုပ်ဖြစ်နေတဲ့ သည်အခြေခံမူတွေကို နိစဓူဝ စွဲစွဲမြဲမြဲ မလိုက်နာ မိကြလို့၊ အဲဒီ့ အခြေခံမူတွေကို လူတိုင်းရဲ့ ရင်ထဲမှာ စွဲမြဲ ကျင့်သုံးလာအောင် လမ်းမညွှန်မိကြလို့သာ ဖြစ်ပါတယ်။

သည်စာကို တခြားသူတွေဆီ လက်ဆင့်မကမ်း မဖြန့်ဝေဘူးဆိုလည်း ခင်ဗျား ဘာမှ ဖြစ်မှာ မဟုတ်ပါဘူး။ ခင်ဗျားအိမ်က ခွေးတွေ၊ ကြောင်တွေလည်း သေမှာ မဟုတ်၊ ခင်ဗျားလည်း အလုပ်ပြုတ်မှာ မဟုတ်၊ နောက် ခုနစ်နှစ်တာအတွင်း ကံဆိုး မိုးမှောင်ကျမှာလည်း မဟုတ်၊ ဖျားနာမှာလည်း မဟုတ်ပါဘူး။

ကိုယ့်နိုင်ငံ ကိုယ်ချစ်တယ်ဆိုရင်တော့ သည်စာကို လူအများ စဉ်းစားလို့ရအောင် ဖြန့်ဝေ ပေးစေချင်ပါတယ်။ ပြီးရင် ကျွန်တော်တို့ ခင်ဗျားတို့ရဲ့ အမူအကျင့်တွေ၊ သဘောထားတွေကို ပြောင်းလဲပစ်ပြီး အလုပ်တွေ လုပ်လိုက်ကြပါစို့လားဗျာ။

မိုးထိအောင် လှေကားထောင်နည်း

(၂၀၀၉ခုနှစ် သြဂုတ်လ ၅ရက်နေ့မှာ စတင်ဖြန့်ချိလိုက်တဲ့ အတ္တကျော်ရဲ့ “မိုးထိအောင် လှေကား ထောင်နည်း” စာအုပ်ထဲက ကောက်နုတ်ချက်ဖြစ်ပါတယ်။ အဲဒီ့စာအုပ်ထဲမှာ “တစ်ဒင်္ဂချင်းစီ ဦးဆောင်မှု၊” “လူရည်လည်အောင် နေထိုင်နည်း၊” “လိမ်လည်မှု၊ အလွဲသုံးစားမှုနဲ့ အကျင့်ပျက် ခြစားခြင်းဆိုသည်မှာ၊” “အဝေဖန်ခံနည်း နိသရည်း၊” “မုသားရဲ့ အခြားတစ်ဖက်”နဲ့ “သိမ်းစွန်ငှက်နဲ့ ကျောပိုးအိတ်” အစရှိတဲ့ အောင်မြင်ရေး အတွက် အခြေခံကျကျနဲ့ အရေးတကြီး လိုအပ်ချက်များကို ဆွေးနွေး တင်ပြထားပါတယ်။ တန်ဖိုးက ကျပ် ၃၀၀၀၊ ငါးအုပ်နဲ့ အထက်မှာယူမယ်ဆိုရင်တော့ ၁၅% လျှော့ပေးပါမယ်။)

Excerpts from Stories from Khin Hnin Yu’s Heart

handoutမင်းဘဘ ဦးကျော်သောင်း ဆုံးတော့ မင်းဟာ မင်းမေမေ မိကျော်သောင်းရဲ့ ဗိုက်ထဲမှာ ခုနစ်လပဲ ရှိသေးတယ်။ မမွေးသေးဘူး။ သူ မသေခင်ကလည်း သမီးကို ကမာရွတ်ဂတ်တဲအထိပဲ သူ့ရဲ့ စစ်သုံး ဘောက်(စ်) ၀က်ဂွန်း လိပ်ခုံး ကားကလေးကို စီးရတယ်။

တစ်ဦးတည်းသော သမီးရယ်လို့ ကားကို သုံးခွင့်မပြုဘူး။ ဘွားဘွားမှာတော့ မိခင်ဆိုတော့ စိတ်ပူတာပေါ့။ သမီးလေး ကျောင်းပြန်နောက်ကျရင် ပြည်ထာင်စုလမ်းထိပ်က ကျောက်ခုံလေးပေါ်မှာ ထိုင်ပြိး သမီး ပြန်လာချိန်အထိ မျှော်ရတယ်။ မင်းကို ဗိုက်ထဲမှာ ကိုယ်ဝန် ရှိလာလည်း မိဟာ ကမာရွတ်ကနေ ဆေးတက္ကသိုလ် ၂ မင်္ဂလာဒုံအထိ ဘတ်(စ်)ကားနဲ့ပဲ သွားရတယ်။

အမှန်တော့ တို့သားအမိနှစ်ယောက်ကို မင်းဘဘက စစ်ပုံစံသွင်းခဲ့ခြင်းပဲ။ သူ သေသွားတော့ ကားမ၀ယ်နိုင်ခင် မင်းမေမေရော ဘွားဘွားရော အစစ ဘာပဲဖြစ်ဖြစ် ရင်ဆိုင်နိုင်တယ်။

ဒုဗိုလ်မှူးကြီးရဲ့ ဇနီးဖြစ်တော့လည်း မင်းဘဘ ဦးပုံစံရဲ့ စစ်စည်းကမ်း ရိုသေမှုနဲ့ ကားမစီးရဘူး။ နောက်ပိုင်း နေမကောင်းတော့မှ သူ့ရဲဘော် ဖိုးတင်အောင်က သူ့ဗိုလ်မှူးကြီးကို တရားအဟောကောင်းလို့ ဘွားဘွား သူ့ကားကို သုံးရတယ်။ အဲဒီ့ကတည်းက ကားကို စိတ်နာလိုက်တာ လွန်ရောပဲ။

အိမ်ဆောက်လည်း အုတ်တစ်ချပ် သွပ်တစ်ပြား ပျဉ်တစ်ချပ် ရဖို့ကအစ ဘွားဘွားကိုယ်တိုင် တန်းစီခဲ့ရတယ်။ ဘွားဘွား အတိတ်ကံ ညံ့ခဲ့ပေတယ်။ သို့သော် ၀မ်းနည်းစရာ မဟုတ်ပေဘူး။ ခုတော့ အသားကျ တပ်မတော် ရဲဘော် တစ်ယောက်လို ဒုက္ခဆိုတာ ဘွားဘွားဘ၀မှာ ရိုးနေပြီ။

ဘွားဘွား မသေခင် “ကျွန်မရဲ့ ချစ်သူ”ဒုတိယတွဲကို ဆက်ပြီး ရေးနိုင်ပါစေလို့ ဆုတောင်းမိတယ် သားငယ်လေး။ ဒါမှလည်း သားငယ်တို့ ကြီးလာတော့ တို့ဘဘ ဦးကျော်သောင်းဟာ ဘယ်လို လူစားမျိုး၊ တို့ဘွားဘွားဟာ ဘယ်လို မိန်းမစားမျိုးဆိုတာကို သိပြီး မျိုးရိုးစဉ်ဆက် အစဉ်အလာကို ထိန်းသိမ်းစောင့်ရှောက်နိုင်တဲ့ စိတ်ဓာတ်ဖြစ်လာမယ်။

ခင်နှင်းယုရဲ့ ရင်မှပွင့်သော

(၂၀၀၉ခုနှစ် သြဂုတ်လ ၅ရက်နေ့မှာ စတင်ဖြန့်ချိလိုက်တဲ့ “ခင်နှင်းယုရဲ့ ရင်မှပွင့်သော” စာအုပ်ထဲက ကောက်နုတ်ချက်ဖြစ်ပါတယ်။ အဲဒီ့စာအုပ်ထဲမှာ ဆရာမကြီး ဒေါ်ခင်နှင်းယုရဲ့ “ခေတ်ပေါင်းစုံကို ကျော်လွှားနိုင်တဲ့” ၀တ္ထုတိုတွေ ပါဝင်ပါတယ်။ အင်္ဂလိပ်ဘာသာသို့ စာရေးဆရာမ မသိင်္ဂီက ပြန်ဆို ပေးထားတာမို့ “ဒါ မြန်မာ ၀တ္ထုတို”တွေပဲလို့ နိုင်ငံခြားသားတွေကိုလည်း ဂုဏ်ယူဝင့်ကြွားစွာ ပြလို့ရတဲ့ စာအုပ်ကောင်း တစ်အုပ်ပါ။ တန်ဖိုးက ကျပ် ၃၀၀၀၊ ငါးအုပ်နဲ့ အထက်မှာယူမယ်ဆိုရင်တော့ ၁၅% လျှော့ပေးပါမယ်။)