အသက်ရှည်ရှည် ခင်ခင်မင်မင်

မနေ့ညက ၁၀ နာရီ ထိုးလုနီးမှ စာအုပ်မျက်နှာစာမှာ တက်လာတဲ့ ဓာတ်ပုံလေးတွေ မြင်မိတော့ ကိုယ်တိုင် သွားကြည့်ချင်စိတ်က ပေါက်လာတယ်။ ကျွန်တော်တို့ဆိုင်က ဝန်ထမ်းလေးတွေကလည်း မြစ်ဝကျွန်းပေါ်က ကရင်လေးတွေ၊ ခရစ်ယာန်ဘာသာဝင်လေးတွေ။ သူတို့လေးတွေ ရန်ကုန်ကို ရောက်ဖူးတာ မဟုတ်ဘူး။ ဒါနဲ့ ကလေးတွေလည်း လိုက်ပြရင်း၊ ကျွန်တော်လည်း တပတ် ပတ်ကြည့်မယ်ဆိုပြီး ထွက်ချလာလိုက်ပါတယ်။

ရွှေတိဂုံဘုရားလမ်းနဲ့ ဗိုလ်ချုပ်လမ်းထောင့်မှာ ကျောင်းနာမည် ကျွန်တော် သတိမထားမိတဲ့ အယ်(န်)ဂလစ်ခယ်(န်) [ခရစ်ယာန် ဂိုဏ်းခွဲတခု – အင်္ဂလန်၏ အသင်းတော်လို့လည်း ခေါ်ကြပါတယ်] ရဲ့ ဘုရားရှိခိုးကျောင်းကြီး ရှိတယ်။ စာအုပ်မျက်နှာစာမှာ မြင်ထားတဲ့ ပုံတွေအရ အဲဒီ့က စလောက်တယ်လို့ မှန်းမိပါတယ်။

No photo description available.မြို့ထဲကို အဲဒီ့ဘက်က စ ဝင်လိုက်ပါတယ်။ ထင်တဲ့အတိုင်းပဲ အဲဒီ့ ဘုရားကျောင်း ဝန်းကျင်မှာ ကြိတ်ကြိတ်တိုး စည်ကားနေတယ်။ လမ်းတခုလုံးကိုလည်း မီးရောင်စုံတွေ ထွန်းထားတယ်။ ပရိသတ်ကတော့ ခရစ်ယာန်တွေချည်း မဟုတ်ဘူး။ ခေါင်းမြီးခြုံထားတဲ့ လှတပတလေးတွေတောင် မြင်ခဲ့ရသေး။ ၂၇ လမ်းကနေ ၃၂ လမ်းအထိက မဂိုလမ်းလို့ တချိန်က ခေါ်ခဲ့တဲ့ လမ်းပါ ပါရှိရာ ရပ်ကွက်ကြီးဖြစ်လေတဲ့အတိုင်း ဘာဘူတွေ၊ မာမူတွေ၊ ခါလာတွေ၊ ဘေတားတွေ၊ ဘေတီးတွေရဲ့ ရပ်ကွက်ဆိုတော့ သူတို့လည်း ထွက်လာကြမှာပေါ့။ အားလုံး ပြုံးပြုံးရွှဂ်ရွှင် ပျော်ပျော်ပါးပါး။ ရွှေမြန်မာတွေ၊ ပေါက်ဖော်တွလည်း စုံလို့ရယ်။

ဘုရားကျောင်းရဲ့ အရှေ့ဘက်ထောင့်ယွန်းယွန်းမှာ စင်မြင့်ဖျော်ဖြေပွဲ ရှိတယ်။ မိန်းကလေး သီချင်းသည်တယောက်က ဗဒင်ရဲ့ နာမည်ကျော် သီချင်းတပုဒ်ကို ဟစ်ကြွေးနေတယ်။ သံပြိုင်အပိုဒ်မှာ သူမဆိုပေမဲ့ ပရိသတ်က အုံးအုံးကြွက်ကြွက် အော်နေကြတာ ကြားရတယ်။

ဒို့ကတော့… ဒို့ကတော့…

ဗိုလ်ချုပ်ဈေးရှေ့လောက်က စပြီး လူပါးသွားတယ်။ ဆူးလေအချက်ပြ လမ်းဆုံမှာ ကျွန်တော့်ကားက ထိပ်ဆုံးက။ မီးစိမ်းတာ စောင့်နေရင်း ဟိုဟိုသည်သည် ကြည့်မိတော့ ဆူးလေ လမ်းထောင့် တဖက်တချက်မှာ မီးထွန်းထားတဲ့ ခရစ္စမတ်သစ်ပင် နှစ်ပင် တွေ့မိတယ်။

မီးက တော်တော်နဲ့ မစိမ်းဘူး။ ဆူးလေလမ်းတခုလုံး ရှင်းလင်းနေတဲ့အထိလည်း မစိမ်းတော့ စိတ်ထဲ မသိုးမသန့်ဖြစ်လာတယ်။ ထင်တဲ့အတိုင်းပါပဲ။ လမ်းကြီးရှင်းသွားပြီဆိုတော့မှ ဆိုင်ကယ် ဥသြသံကြားရတယ်။ ပြီးတော့ ကားနက်ကြီး နှစ်စီးက ရှေ့နောက် အခြံအရံနဲ့ မြို့ထဲကို ကြွချီလာတာ။

ပြုံးမိတယ်။ အဆန်းတော့ မဟုတ်ပါဘူး။ ဘယ်နိုင်ငံမှာဖြစ်ဖြစ်၊ မဲဆွယ်တုန်း ခဏသာ စကားလုံးအလှတွေ သုံးတာ။ လက်တွေ့မှာတော့ ဒုံရင်းပဲလေ။ ခိုင်ထူးတောင် ရှေးက ဆိုဖူးသေးတယ်။ ဘာတဲ့… ဆို… ဆို… ဆို… ဆိုလား။

အဲလို သွားလာလှုပ်ရှားနေကြမှတော့ လူထုနဲ့ အတော်နီးမှာပေါ့နော်။ မနီးလည်း အရေးမကြီးပါဘူး။ ရှေ့က နေဝင်းအပါအဝင် ဘိုးဘေးတွေရဲ့ ရွှေကျင့်ဆိုးတွေကိုမှ အမှန်မှတ်ခဲ့၊ အားကျခဲ့ရတဲ့ ဘဝမှာ ကြီးပြင်းခဲ့ကြပေတာကိုး။

ခေတ်အဆက်ဆက် လမ်းပေါ်မှာ အခုလို ဗိုလ်ကျနေသူတို့ ပါးနေတဲ့ သတင်းစကားက ရှင်းတယ်။ လူထု ကြပ်ချင်ကြပ်ပလေ့စေ၊ ခရီးရောက်ချင်မှ ရောက်ပလေ့စေ၊ ငါတို့ ချောင်ရင် ပြီးတာပဲ၊ ငါတို့ ခရီးရောက်ဖို့က အရေးကြီးတယ်၊ မှတ်ထားဆိုတဲ့ သတင်းစကားခင်ဗျ။

ကျေးဇူးရှင်များ ကြွချီသွားတော့မှပဲ မီးလည်း စိမ်းတော်မူပါတော့တယ်။

Image may contain: 1 personပန်းဆိုးတန်းထိပ်လောက်က စပြီး လူစုစုတွေ၊ သိမ်းနေတဲ့ ဆိုင်တွေ စ တွေ့ရပါတယ်။ လွစ္စလမ်း (ဆောရီး… နှုတ်စွဲနေဆဲမို့ Lewis Street ပဲ ခေါ်မိသွားတယ်။ ဘာတဲ့ ဆိပ်ကမ်းသာလမ်း) လောက်မှာ ကားတွေ ပိတ်နေတာ တွေ့ရတယ်။ တည့်တည့်သွားလို့ ရမယ်အမှတ်နဲ့ ဘယ်ဘက် ယာဉ်ကြောကို ယူထားလိုက်ပါတယ်။

လမ်း ၄၀ အထက်လမ်းနဲ့ ၃၉ လမ်းအထက်လမ်းမှာ စုစုပေါင်း နှစ် ၂၀ လောက် နေခဲ့ဖူးတော့ အဲဒီ့နေရာတွေမှာ ကျွန်တော့်ခြေရာတွေ မနည်းဘူး။ မြို့လယ်ဆိုတာ ကျွန်တော် အလွတ်ရနေတဲ့ ဒေသ။

လမ်း ၄၀ ထိပ်နား ရောက်တော့ ညာဘက်မှာ ဖျော်ဖြေရေး ကားတစီး မြင်လိုက်တယ်။ ခရစ်ယာန်ဓမ္မတေးတွေ သီကြွေးနေကြတာလည်း ကြားရတယ်။

ဘီးလှိမ့်လိုက်တော့ ဆယ့်(န်)(ထ်)မယ်ရီး(ဇ်) ဘုရားရှိခိုးကျောင်းတော်ကြီးကို လှမ်းမြင်ရပါတယ်။ စိန်ပေါကျောင်းလို့ ခေါ်ကြတဲ့ ဆယ့်(န်)(ထ်)ဖော(လ်)(ဇ်) သာသနာပြုကျောင်းနဲ့ တွဲရက်ပေါက်ဖွားခဲ့တာပေါ့။ ၆ တန်းကနေ ဆယ်တန်းအောင်တဲ့အထိ နေခဲ့ရတဲ့ ချစ်လှစွာသော ၆ ဗိုလ်တထောင် ကျောင်းတော်ကြီး။

မီးတွေ ထွန်းထားတာများ ထိန်လို့။ အဲဒီ့ထိပ်က စပြီး ဗိုလ်ချုပ်လမ်းကို ပိတ်ထားလိုက်ပြီမို့ ဗိုလ်အောင်ကျော်လမ်းထဲချိုးဝင်၊ ဒါလဟိုဇီ… အဲ… မဟာဗန္ဓုလလမ်းအတိုင်း ဆင်း၊ သိမ်ဖြူအတိုင်း ပြန်တက်၊ ဗိုလ်တထောင် ၄ ရှေ့မှာ ကားရပ်ပြီး ကလေးတွေကို ပွဲတန်း လျှောက်ခွင့်ပေးလိုက်တယ်။ ကျွန်တော်ကတော့ ကားစောင့်ရင်း၊ ခေါ်လာခဲ့တဲ့ ခွေးကလေး ကျောင်းရင်း ကျန်ခဲ့တာပေါ့။

ဖြူဖြူပြာပြာ နီနီဝါဝါ ဝေဆာမြူးတာလေးတွေ မြင်တော့လည်း ကိုယ့်အသက် ကိုယ်ပြန်သတိပေးရသေးတယ်။ ဒါပေမယ့် နောက်စိတ်တစိတ်က သတိပေးနေတဲ့ စိတ်ကို ဆန့်ကျင်ပုန်ကန်တယ်။ ဖွဲတဆုပ်မက ဆန် ၈ ပြည်လောက်တော့ နိုင်သေးတယ်ဟ…. တဲ့။ 🤭

ကလေးတွေ ပျော်ပျော်ပါးပါး ပြန်လာကြတော့ သိမ်ဖြူလမ်းပေါ်က ဆိုင်တဆိုင်မှာ ဖာလူဒါ တိုက်လိုက်ရင်း မနေ့ညက ခရစ္စမတ် အစီအစဉ်ကို လက်စသတ်လိုက်ပါတယ်။

—-

ရန်ကုန်မြို့ကို ၁၉၆၈ ခုနှစ် မတ်လမှာ စရောက်ခဲ့တာမို့ ကျွန်တော် ရန်ကုန်မှာ နေခဲ့တာ နှစ် ၅၀ ပြည့်ဖို့ ၃ လသာသာပဲ လိုပါတော့တယ်။

သည်လို ခရစ္စမတ်မီးထွန်းပွဲမျိုးကို အဲဒီ့ နှစ် ၅၀ အတွင်း တခါမှ မကြုံဖူးပါဘူး။

တကယ့်ကို စည်ကားသိုက်မြိုက်တဲ့ ရန်ကုန်ရဲ့ နာတာလူး ပွဲတော်ပါပဲ။

ဘာ့ကြောင့် သည်နှစ်မှ အခုလို ထူးနေရတာလဲ။ အဖြေက ရှင်းပါတယ်။ ဗမာပြည်မှာ ဘာသာရေး ခွဲခြားမှုတွေ မရှိပါဘူး၊ လွတ်လပ်စွာသက်ဝင်ယုံကြည်ခွင့် ရှိပါတယ်ဆိုတဲ့ ဟန်ရေးလေး ပြချင်လို့ပဲဆိုတာ ထင်ရှားလှပါတယ်။

ရွှေဗမာတို့ရဲ့ ထုံးစံအတိုင်း ကျီးအာသီးပေါ့။ အပေါ်ယံ ဟန်ပြ လှဖို့ပဲ အရေးကြီးပါတယ်။ အတွင်းမှာ ဘာဖြစ်နေနေလေ။

No photo description available.ဗိုလ်နေဝင်းသက်တမ်း ကုန်ခါနီးက စပြီး ဘာသာခြားတွေကို စစ်ဘက်၊ နယ်ဘက်မှာ နေရာမပေးတော့တာ အခုအချိန်အထိ အထင်အရှားပါပဲ။ ဖအေလည်း တပ်မတော်သား ဗိုလ်မှူး၊ သားလည်း တပ်မတော်သား ဗိုလ်မှူး၊ ဒါပေမယ့် ဘာသာခြားဖြစ်နေလို့ ဗိုလ်မှူးအဆင့်က ဆက်မတက်ဘဲ နယ်ဘက် ပြောင်းတော့တောင် ဒုညွှန်ဘဝနဲ့ အရိုးထုတ်ရတဲ့ သူငယ်ချင်း အရင်းခေါက်ခေါက်လည်း ရှိပါတယ်။

ဗိုလ်မှူးချုပ်အေဘယ်(လ်)ခမျာမလည်း သူ့ထက် ဝါနုသူတွေ ဒုတိယဗိုလ်ချုပ်ကြီးတွေ ဖြစ်သွားကြလင့်ကစား သူ့ခမျာမတော့ အငြိမ်းစားယူသည်အထိ ဗိုလ်မှူးချုပ်ဘဝက တက်မသွားခဲံ့တာလည်း အထင်အရှားပါ။

ဒုသမ္မတလို နေရာမျိုးမှာတော့ ဘာသာခြား၊ ကျန်တိုင်းရင်းသားတွေကို ထားပေးလင့်ကစား အဲဒီ့အောက်အဆင့်ဆင့် ညွှန်မှူးအထိ ဘာသာခြားတွေအတွက် နေရာက ပါးရှားလှပါတယ်။ ကြာလေ ဆိုးလေ ဖြစ်နေတာ အသိသာကြီးပါ။

နယ်မြို့တမြို့က တားမြစ်စာတစောင်ကလည်း မကြာသေးခင်ကပဲ စာအုပ်မျက်နှာစာပေါ်မှာ အထင်အရှား ပလူပျံခဲ့ပါသေးတယ်။ ကိုယ့်အိမ်ထဲကိုယ် ဝတ်ပြုဆုတောင်းပွဲ ကျင်းပတာကို ခွင့်မပြုတဲ့ စာဆိုတာ မှတ်မိကြဦးမှာပါ။

တခြား နယ်တွေမှာလည်း လူမသိ သူမသိဖြစ်နေတဲ့ ဘာသာခြားတွေကို ကန့်သတ်မှု ပေါင်းစုံက ရှိနေလောက်မယ်ဆိုတာ ဦးနှောက်ရှိသူတိုင်း ခန့်မှန်းနိုင်ပါလိမ့်မယ်။

အဲဒါတွေကို မပြင်ဘဲနဲ့ ရန်ကုန်လို မြို့ကြီးမှာ ပွဲကြီးတပွဲ ခြိမ့်ခြိမ့်သဲ ဆင်နွှဲခြင်းဟာ ပြစားတာ၊ ခုခေတ်စကားနဲ့ဆို ဂျင်းထည့်တာ ဖြစ်နေပါလိမ့်မယ်။

—–

နောက်တချက် – ခရစ်ယာန်တွေကိုတော့ ရန်ကုန်မြို့ကြီးမှာ ဟန်ပြ ကောင်းဖို့အတွက်ပဲဖြစ်ဖြစ် ခွင့်ပြုခဲ့ကြပါပြီ။ တခြား ဘာသာဝင်တွေကိုရော… ခွင့်ပြုကြမှာလား။ တခြားဘာသာဝင်တွေရော သည်လိုမျိုး ခြိမ့်ခြိမ့်သဲ ဆင်နွှဲခွင့် ရကြမှာလား။

သည်နေရာမှာ အောက်ကလိ အာလိုသူတွေအတွက် မနေ့ညက မြင်ခဲ့ရတဲ့ နာတာလူးပွဲတော်ရဲ့ သင်္ကေတကို မီးမောင်းထိုးပြလိုက်ချင်ပါသေးတယ်။

ရန်ကုန်မြို့လယ်ဟာ စတုရန်းမိုင်ပေါင်း ၃၉၃၀ ရှိပါတယ်။ နာတာလူးပွဲ ဆင်နွှဲတဲ့ အဓိကနေရာကကျတော့ ဗိုလ်ချုပ်အောင်ဆန်းလမ်းမပေါ် ရွှေတိဂုံဘုရားလမ်းမှသည် သိမ်ဖြူလမ်းအထိသာမို့ ရန်ကုန်ရဲ့ တကယ့် အစိတ်အပိုင်း သေးသေးလေးမှာ ကျင်းပခဲ့တာ အထင်အရှားပါ။

ရန်ကုန်မှာ ဗုဒ္ဓဘာသာဝင်က ၉၁ % ရှိပြီး ဂိုဏ်းပေါင်းစုံ ခရစ်ယာန်ဘာသာဝင်က ၃.၂ % သာ ရှိပါတယ်။ ပွဲတော်ကို ခြိမ့်ခြိမ့်သဲ ကျင်းပသည့်တိုင် ဘာသာဝင် ဦးရေနဲ့ အချိုးညီတဲ့ နေရာကို ယူပြီး ကျင်းပခဲ့ကြတာ ဖြစ်ပါတယ်။ သည်အတွက် ဘယ်သူမှလည်း အနှောင့်အယှက်မဖြစ်ခဲ့၊ လူအများလည်း ပျော်နိုင်ခဲ့ကြပါတယ်။

—–

၁၉၆၈ (ဗိုလ်နေဝင်း အာဏာကို အဓမ္မရယူအပြီး ၆ နှစ်) မှာ ကျွန်တော် ရန်ကုန်ကို စရောက်ခဲ့ကြောင်း ပြောပြီးပါပြီ။

အဲဒီ့ခေတ်က ရန်ကုန်ကို ပြန်သတိရမိတယ်။ အဲတုန်းက ရန်ကုန်ဟာ လူမျိုးပေါင်းစုံ ဘာသာပေါင်းစုံ ငြိမ်းချမ်းစွာ အတူယှဉ်တွဲနေထိုင်ခဲ့ကြတဲ့မြို့၊ အချင်းချင်း တယောက်နဲ့တယောက် ဖေးကူထူမခဲ့တဲ့မြို့။ ဘာသာပေါင်းစုံ သူငယ်ချင်း၊ မိတ်ဆွေတွေနဲ့ ပျော်ရွှင်နိုင်တဲ့ မြို့ကြီးပါ။ အဲဒီ့ခေတ်က ဌာနဆိုင်ရာ နေရာအသီးသီးက ကြီးကြီးမာစတာတွေထဲမှာလည်း ဘာသာခြားတွေ အပြည့်နဲ့ပါ။

အဲဒီ့မတိုင်ခင် မန်းနဲ့ ကယားပြည်၊ ရှမ်းပြည်တွေမှာနေတော့လည်း ဘာသာခြား၊ လူမျိုးခြားတွေနဲ့ ဒွေးရောယှက်တင်နေခဲ့တာပါပဲ။ ကျွန်တော်တို့ငယ်ဘဝတွေမှာ ပေါင်းစုံကွဲပြားနေတာကို အလှတရားအဖြစ် ရှုမြင်နိုင်ခဲ့ကြတယ်။

အိမ်နီးချင်း ထိုင်းနဲ့ အိန္ဒိယမှာလည်း ဘာသာခြား လူမျိုးခြားတွေ ပွထနေအောင် ပေါလင့်ကစား နိုင်ငံ့စီးပွားရေး တိုးတက်နေတာ အထင်းသားမြင်နိုင်ပါတယ်။ ဘာလို့လဲ၊ ငြိမ်းချမ်းလို့၊ အချင်းချင်း ရန်ရှာမနေကြလို့ဆိုတာလည်း မြင်သာပါတယ်။

ကျွန်တော်တို့နိုင်ငံတိုးတက်ချင်ရင်တော့ အားလုံး သတိထားကြဖို့ လိုပါလိမ့်မယ်။

သင်္ကြန်မိုးဇာတ်ကားထဲမယ် ခင်ခင်ထားက ငြိမ်းမောင်ကို ပြောတယ်။

ကလေးတွေကို ပျော်ခွင့်ပေးလိုက်ပါတဲ့…

ကျွန်တော်လည်း မြန်မာပြည်တွင်းနေထိုင်တော်မူကြပါပေထသော လှည်းနေ လှေအောင်း မြင်းစောင်းသာမက နန်းတော်ကြီးများအတွင်းမှာပါ နေထိုင်ကြသူ လူအားလုံးကို ပြောလိုက်ချင်ပါတယ်။

ဘာသာခြားတွေကို ပျော်ခွင့်ပေးလိုက်ပါလို့။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၂၆၁၂၁၇)

မှတ်ချက် – မနှစ်က ရေးဖြစ်ခဲ့တာလေးကို အခုမှ ပြန်တင်လိုက်တာပါ။ သည်နှစ်လည်း သည်လို ပွဲတော့ ရှိနေပါသေးရဲ့။

လူဖြစ်ရှုံးနေသူများရဲ့ အလယ်မှာ

😩😩😩😩😩😩😩😩😩

ဦးနှောက်မုဒိန်းရဲ့ ဝေါဟာရ ရင်းမြစ်

Brainwash ကို ဘယ်လို ဘာသာပြန်မလဲလို့ စဉ်းစားလိုက်တဲ့အခါ “ဦးနှောက်မုဒိန်းကျင့်ခြင်း”လို့ ဘာသာပြန်တာ အပြောင်မြောက်ဆုံးလို့ တွေးမိနေရပါတယ်။ ဟုတ်တယ်လေ။ ကိုယ့်ဦးနှောက်ထဲက အသိတွေ၊ အမြင်တွေ၊ အတွေးတွေကို တဦးတယောက်၊ တစုတဖွဲ့က အဓမ္မရိုက်သွင်းတဲ့နည်းနဲ့ သူတို့လိုချင်သလိုသာ တွေးမိ၊ မြင်မိနေစေအောင် ပုံဖော်ယူတာကို ဦးနှောက်ဖွပ်တာလို့ တိုက်ရိုက်ဘာသာပြန်လို့ ရတဲ့ brainwash လို့ ဆိုလိုတာ မဟုတ်ပါလား။

အဲဒီ့ ဝေါဟာရရဲ့ ရင်းမြစ်ကို ရှာကြည့်တော့ အမယ်မယ်… ပေါက်ဖော်ဝေါဟာရပါတဲ့ဗျား။ ပေါက်ဖော်လို ရှီးနောဝ် (ရှယီးနောဝ်)လို့ အသံထွက်ပါတယ်။ စာလုံးပေါင်းက 洗脑 ပါ။ ဦးနှောက် ဖွပ်တာလို့ အတိအကျ အဓိပ္ပာယ်ရပါတယ်။ မော်စီတုံးလက်ထက်မှာ လူတွေရဲ့ အတွေးအမြင်တွေကို အဓမ္မပြောင်းလဲယူရာက သည်ဝေါဟာရကို သုံးစွဲလာတာပါ။ မူလဘူတက (လွန်ခဲ့တဲ့ နှစ်ပေါင်း ၂၅၀၀ ကျော်က) ပေါက်ဖော်တို့ရဲ့ တာအိုဝါဒမှာ ရှိခဲ့ပါတယ်။ စိတ်နှလုံး သန့်စင်ခြင်း၊ ဆေးကြောခြင်းဆိုတဲ့ ဝေါဟာရအဖြစ်ပါ။

၁၉၅၀ ပြည့်နှစ် စက်တင်ဘာလ ၂၄ ရက်ထုတ် “မိုင်ယာမီသတင်း” သတင်းစာထဲက သတင်းသမား အက်ဒွါ့(ဒ်) ဟန်ထာရဲ့ ဆောင်းပါးမှာ အင်္ဂလိပ်ဘာသာနဲ့ brainwash လို့ ပထမဆုံး စတင်သုံးစွဲခဲ့တာပါတဲ့။ ကိုရီးယားစစ်ပွဲ (၁၉၅၀-၁၉၅၃)မှာ အမေရိကန် စစ်သုံ့ပန်းတွေ တရုတ်ဖမ်းဆီးသူတွေနဲ့ ဘာ့ကြောင့် ပူးပေါင်းဆောင်ရွက်ခဲ့ကြတာလဲ၊ တချို့ဆို ပေါက်ဖော်တို့ဘက်ကို ဘာ့ကြောင့် ပြောင်းသွားတာလဲဆိုတာကို ရှင်းလင်းတင်ပြရာမှာ ပေါက်ဖော်ဝေါဟာရကို တိုက်ရိုက် ဘာသာပြန်ပြီး သုံးစွဲခဲ့ပါသတဲ့။

အဲဒီ့နောက်ပိုင်းမှာတော့ အမေရိကန်တွေ၊ အင်္ဂလိပ်တွေ သည်ကိစ္စကို အတော်သုတေသန လုပ်ခဲ့ကြပါတယ်။ အထူးသဖြင့် စိတ်ပညာရှင်တွေပေါ့။ ၁၉၆၀ ကျော်တော့ ဒါကို တော်တော် သဘောပေါက်လာကြပြီ။ စိတ်ဓာတ်စစ်ဆင်ရေး (ဆိုက်ဝါး) ဆရာကြီးတွေလည်း သုံးလာကြပါပြီ။

ချယ်လှယ်ဖို့ အင်မတန်လွယ်တဲ့ လူများစု

အော်လစ်ဗှာ မားခပ်(စ်) မလွိုင်းဆိုတဲ့ စာရေးဆရာကတော့ သူ့ရဲ့ “အတွင်းစွဲသမားတွေရဲ့ စိတ်နှလုံးထဲမှာ”ဆိုတဲ့ စာအုပ်ထဲမှာ အောက်ပါအတိုင်း ရေးခဲ့ပါတယ်။

“လူအများစုက ကိုယ့်ဦးနှောက်နဲ့ကိုယ် မဆင်ခြင် မစဉ်းစားတတ်ကြဘူး။ တခြားတယောက်ယောက်ရဲ့ ထင်မြင် ယူဆချက်ကိုပဲ နားမလည်ပါးမလည်၊ မစူးမစမ်းဘဲ ကျက်တူရွေးစာအံသလို ပြန်ရွတ်ရင်းက ကိုယ်တိုင် တွေးမြင် ယူဆချက်တွေလို ကရားရေလွှတ်ကြတော့တာပါပဲ”တဲ့။

သူ့စကားမှာ အရေးကြီးတဲ့ အချက် ပါပါတယ်။ “လူအများစု”ဆိုတာပါပဲ။ လူအများစုဟာ ဦးနှောက်မသုံးချင်ကြဘူး။ ပင်ပန်းတာကိုးနော်။ အဲသလို လူတွေကို ဆိုက်ဝါးဆရာတွေက လိုသလို ချယ်လှယ်ဖို့ သိပ်လွယ်နေတော့တာပေါ့။

ထူးခြားတာက အလွန်လျင်၊ အလွန် ပညာတတ်၊ အလွန်ကျန်းမာတဲ့သူတွေတောင်မှ ဦးနှောက်မုဒိန်းအကျင့်ခံရ တတ်တာပါပဲ။No photo description available.

အလုပ်ရှင်၊ ထမင်းရှင်

သစ္စာရှိရမယ်၊ သစ္စာစောင့်သိရိုသေရမယ်ဆိုတဲ့ အသိလေးတခုထဲနဲ့တင်ကို ဦးနှောက်မုဒိန်းကျင့်ဖို့က အတော်လွယ်တယ်။ ကိုယ့်အလုပ်ရှင်အပေါ် သစ္စာရှိရမယ်ဆိုတဲ့ အသိပဲ ဆိုပါစို့ရဲ့။ သည်အတွက် အလုပ်ရှင် အမှားတွေ၊ မတရားတာတွေ လုပ်နေလည်း ရေငုံနေသင့်တယ်ဆိုတဲ့ အတွေးဟာ ဦးနှောက်မုဒိန်းကျင့်ခံခြင်းရဲ့ အစတောင် ဖြစ်နိုင်ပါတယ်။ အလုပ်ရှင်ကို ထမင်းရှင်လို့ မြင်လာပြီဆိုရင် သာဆိုးပြီပေါ့။

သည်ကမှ တဆင့် အလုပ်ရှင်က ချော့တခါ ခြောက်တလှည့်နဲ့ ကိုယ့်အလုပ်သမားရဲ့ ဦးနှောက်ကို ဖြည်းဖြည်းချင်း မုဒိန်းကျင့်လို့ ရသွားစေပါတော့တယ်။ အလုပ်ရှင်ရဲ့ ရန်သူဟာ ကိုယ့်ရန်သူ ဖြစ်လာတယ်၊ ကိုယ့်ကိုယ်ကိုယ် တန်ဖိုး ထားရကောင်းမှန်းလည်း မသိတော့ဘူး၊ ကိုယ့် ကိုယ်ပိုင်အမြင်တွေကိုလည်း မယုံကြည်တော့ဘူး။ ကိုယ်ဆိုတာကို မေ့သွားတယ်။ ကိုယ်က အလုပ်ရှင်ရဲ့ စေသည့်ကျွန်၊ ထွန်တဲ့နွား။ အလုပ်ရှင်သည်သာ အခရာ။ အလုပ်ရှင်က ပေးထားတဲ့ အခွင့်အရေးတွေ၊ အဆောင်အယောင်တွေ၊ ရာထူးဂုဏ်သိရ်တွေက ကိုယ့်ကို လူဆက်လုပ်နိုင်စေတဲ့ ပံ့ပိုးမှုတွေ ဖြစ်နေတယ်။ အဲတော့ အလုပ်ရှင် ပြောသမျှ အဟောဝတ ကောင်းလေစွပေါ့။

အသေးစိတ်တွေ မသွားတော့ပါဘူး။ ပျင်းရိစရာ ပညာရပ်ဆိုင်ရာ စာတမ်းမှ မဟုတ်တာလေ။

ဗုဒ္ဓဘုရားရှင်က ကာလာမသုတ္တံကို ဟောကြားခဲ့လင့်ကစား ဟိုဆရာရေးခဲ့တဲ့အတိုင်း “လူအများစု”မှာက ဦးနှောက်သုံးရမှာ ခပ်ပျင်းပျင်းဆိုတော့လည်း ဦးနှောက်မုဒိန်းအကျင့်ခံပြီးကို လူစင်စစ်က ကြက်တူရွေးတွေ ဖြစ်ကုန်တာလည်း မဆန်းပါဘူး။

လူဖြစ်ရှုံးသူများရဲ့ အလယ်မှာ

သေချာ စဉ်းစားကြည့်ရင်တော့… အဲဒါ လူဖြစ်ရှုံးတာခင်ဗျ။

ဟုတ်တယ်လေ။ ပုခုံးနှစ်ဖက်ကြား ခေါင်းပေါက်နေသူ လူသားတိုင်းဟာ မနက်အိပ်ရာထမှသည် ညအိပ်ရာဝင်အထိ ကိုယ်စွမ်းကိုယ်စကို ထုတ်သုံးနေကြရသူချည်းပဲ မဟုတ်ပါလား။ (ဂီလာနမှတပါး) အိပ်ရာကနေ သူများထူပေးမှ ထနိုင်ကြသူတွေ မဟုတ်သလို ကိုယ့်မျက်နှာ ကိုယ့်လက်နဲ့သစ်၊ ကိုယ့်သွား ကိုယ့်လက်နဲ့တိုက်၊ ကိုယ့်ခန္ဓာကို ကိုယ့်လက်နဲ့ ဆေးကြောသန့်စင်ရာမှသည် ကိုယ့်ပါးစပ်ထဲ ထည့်မယ့်အစာလည်း ကိုယ့်လက်နဲ့သာ ခပ်စားနေကြတာပါ။

ဦးနှောက်ကျတော့မှ ကိုယ့်ဦးနှောက် ကိုယ်မပိုင်ဘဲ တဦးတယောက် တစုတဖွဲ့က တွေးစေချင်သလို မြင်စေချင်သလို စဉ်းစားချင်သလို တွေးနေ၊ မြင်နေ၊ စဉ်းစားဖြစ်နေခြင်းဟာ ဘယ်လောက်တောင် လူဖြစ်ရှုံးလိုက်ပါသလဲ။

ခက်တာက ကျနော်တို့ ပတ်ဝန်းကျင်မှာ အဲသလို လူဖြစ်ရှုံးနေသူ ရောင်စုံက အင်အားကြီးမားနေတာပါပဲ။

အဲလို အစုလိုက် အပြုံလိုက် ဦးနှောက်မုဒိန်းအကျင့်ခံထားရသူတွေ ပေါကြွယ်များပြားနေတဲ့ လူ့ဘောင်ကြီးထဲမှာ နေနေရတာဟာ ဝဋ်ဆင်းရဲတခုလို့တောင် တွေးမိနေရတဲ့ အထိပါပဲ။

အတွေးသတ်မှု

ဒါနဲ့ ဦးနှောက်မုဒိန်းအကြောင်း စာတွေ လျှောက်ဖတ်မိတဲ့အခါ နောက်ထပ် ဝေါဟာရသစ်တခုလည်း တွေ့လာရတယ်။ Perspecticide တဲ့ဗျ။ Suicide ဆို ကိုယ့်ကိုယ်ကိုယ် သတ်သေတာ၊ pesticide ဆို ပိုးမွှားသတ်တာ၊ genocide ဆို မျိုးတုန်းအောင် သတ်တာ၊ အဲတော့ persepcticide ဆိုတာလည်း perspective ဆိုတဲ့ အမြင်ကို သတ်တာပေါ့။ တနည်းပြောရင် အတွေးသတ်တာပေါ့။

ဟား… ဦးနှောက်မုဒိန်းကျင့်တာဟာ အတွေးကို သတ်လိုက်ရာလည်း ရောက်တယ်လို့ မြင်လာတဲ့အခါမှာတော့…

ဆရာ ဗန်းမော်တင်အောင်ရေ… ကျနော်ကရော ဘာများ တတ်နိုင်ပါဦးမည်နည်းပေါ့ခင်ဗျာ…

အားလုံး တွေးဆ ဆင်ခြင်ကြည့်နိုင်ကြပါစေ…
အတ္တကျော်
(၁၉၀၉၁၉)

စာကြွင်း – ပုံကို https://evilletimes.blogspot.com က ယူထားတာပါ။

ပုံပါစာတွေကို ဘာသာပြန်ရရင်တော့…

ထရမ့်(ပ်)ကိုးကွယ်မှု
=============

🔹 ခေါင်းဆောင်ကြီးသာ အခါခပ်သိမ်း မှန်ပေ၏။

🔹 ခေါင်းဆောင်ကြီးအား ဝေဖန်ခြင်းသည် နှိပ်ကွပ်ခြင်း၊ သစ္စာမဲ့ခြင်း မည်၏။

🔹 ခေါင်းဆောင်ကြီးလုပ်သမျှ လျော်ကန်မျှတ တရားလှပါပေ၏။

🔹 အရူးအမူး စွဲခြင်း၊ အကဲပိုလွန်းခြင်းများကား မူမှန်ခြင်းသာ ဖြစ်ပေ၏။

🔹 ခေါင်းဆောင်ကြီးသာလျှင် အမှန်တရားကို ပိုင်ဆိုင်တော်မူပါပေထ၏။

ဟူသတည်း။

 

ငရဲမှာ သစ်ငုတ်ဖြစ်နေရှာလေမည့်…

ဆိုရှယ်လစ်ခေတ်က တစ်ပြည်လုံးကို ကောင်းစွာ ဖျက်ဆီးခဲ့တယ်။ အဲဒီ့အပျက်ကို ပြင်ဖို့လည်း ဘယ်သူကမှ အားထုတ်ရကောင်းမှန်း မသိဘူး။

ဆိုရှယ်လစ်ခေတ်မှာ အစစ အရာရာ ရှားပါးခဲ့ပါတယ်။ ဆန်၊ ဆီ၊ ဆပ်ပြာ၊ အဝတ်အထည် စတဲ့ လူသုံးကုန် ပစ္စည်းတွေကို ရှားပါးခဲ့တာ။ အားလုံးဟာ ခွဲတမ်းစနစ်နဲ့။ အဲတော့ “မှောင်ခို”ခေတ်၊ “တန်းစီတိုးစားခေတ်” ဖြစ်ခဲ့တယ်။

ထုတ်ဈေးနဲ့ ပြင်ပပေါက်ဈေးဟာ အမြဲတစေ ကွာဟနေခဲ့တယ်။ ထုတ်ခွင့်ရသူတွေက အခွင့်ထူးခံတွေလို ဖြစ်လာတယ်။ ဆန်၊ ဆီမှသည်၊ ရုပ်ရှင်လက်မှတ် အလယ်၊ အိမ်မှာ တပ်ဆင်တဲ့ ကြိုးဖုန်းတွေ၊ မော်တော်ကားတွေ အဆုံးပါပဲ။

၁၉၇၃ မှာ အမေ့နာမည်နဲ့ မာဇဒါ လေးဘီး လိုက်(ထ်)ဗှယ်(န်)တစ်စီး ဝယ်ယူခွင့် မဲပေါက်တယ်။ ထုတ်ဈေးက ကျပ် နှစ်သောင်း။ ပေါက်ပြီဆိုကတည်းက ငါးထောင် အမြတ်ပေးမယ့်သူ အဆင်သင့်ပါ။ ကားက ဘယ်ဆီနေမှန်း မသိဘူး။

တစ်နှစ်ကျော်ကြာမှ ကားထုတ်ရတယ်။ အဲတော့ တစ်သိန်းပေးမယ့်သူက အဆင်သင့်ရှိနေခဲ့တယ်။ အဲလိုမျိုး။

ျွန်တော့် သူငယ်ချင်း ဗိုလ်ကြီးဟောင်းတစ်ယောက်။ ခမျာ ဘိုင်ကျတော့ ရန်ကုန်မြို့လယ်က ယနေ့ထက်တိုင်ရှိနေဆဲ ဆေးခန်းကြီးတစ်ခန်းကို သူ့ကြိုးဖုန်း ရောင်းတယ်။ သူ့ထုတ်ဈေးက ကျပ် ၅၀၀။ ပြန်ရောင်းတော့ သိန်းချီရတယ်။ ကြိုးဖုန်းတောင် အဲတုန်းက ရှားပါးပစ္စည်းကို။ ၁၉၈၀ ဝန်းကျင်မှာပါ။

ကြိုးဖုန်းရောင်းနည်းကကျတစ်မျိုး။ ဇယားရှုပ်တယ်။ သူငယ်ချင်းခမျာ သူ့မိသားစု အိမ်ကနေ ပုံစံ (၁၀)နဲ့ ထွက်ရတယ်၊ ပြီးတော့ ဟိုဆေးခန်းလိပ်စာမှာ အိမ်ထောင်စု စာရင်း ပြန်ဝင်ရတယ်။ ပြီးမှ ဖုန်းပြောင်း လျှောက်ရတယ်။ လနဲ့ချီ ကြာခဲ့တာ။

သာမန်လူတန်းစားကတော့ ပပကဆိုတဲ့ ပြည်သူ့ပစ္စည်းကော်ပိုရေးရှင်း၊ ပြည်သူ့ဆိုင်၊ နောက်တော့ သမဆိုင် စတာတွေက ရောင်းတဲ့ ပိတ်စ၊ ဆပ်ပြာ၊ သွားတိုက်ဆေး၊ ထီး အစရှိတာတွေ တိုးဝယ်၊ မှောင်ခို ပြန်သွင်း။

အရက် ဘီယာတောင် အစိုးရဆိုင်က ရောင်းတာ။ ဘာတဲ့ “ပြည်တွင်းဖြစ် နိုင်ငံခြား အရက်ဆိုင်”ဆိုတဲ့ အူကြောင်ကျားနာမည်နဲ့။ (အဲဒါ ကျွန်တော့် ဒဂုံဂျစ်အကြောင်း ရေးတော့ ပြည်တွင်းဖြစ် နိုင်ငံခြားကားဆိုပြီး ထည့်ရေးတာ စာပေစိစစ်ရေးက ဖြုတ်ခိုင်းလို့ ဖြုတ်ပေးခဲ့ရဖူးသေးတယ်။) အဲ… အဲဒီ့ အစိုးရ အရက်ဆိုင်မှာ ပြည်တွင်းထုတ် ရမ်၊ အိုးဘရန်ဒီ၊ မော့(လ်)(ထ်) ဝစ္စကီဆိုတာတွေကို ရောင်းတယ်။ ခွဲတမ်းနဲ့ပဲ။ ဘယ်ခွဲတမ်းနဲ့ ဘယ်လို ရောင်းမှန်းတော့ မသိဘူး။ တကယ် သောက်သုံးလိုသူက ဝယ်လို့ရဖို့ ခက်တယ်။ မှောင်ခိုဆီမှာတော့ အောတိုက်လို့။ ရမ်တစ်ပုလင်း ၃၀၊ အပြင်မှာဝယ် ၃၅ ကျပ်။ အေးဆေးပဲ။ ဘီယာဆိုတာ တော်တော် ရှားတာ။ ဒါ့ကြောင့်လဲ အဲဒီ့ခေတ်က အောက်ကလိအာကြတာပ… ဘီယာကို ထန်းရည်နဲ့ လဲနိုင်ပေါင်ဆိုတာမျိုး။

ဆေးနဲ့ ဆေးပစ္စည်းလည်း အတူတူ။ အိမ်ဆောက်ပစ္စည်းလည်း အတူတူ။ ပုံနှိပ်မင်တွေ၊ စက္ကူတွေ၊ စောရေးကိရိယာတွေလည်း အတူတူ။

အဲဒီ့တစ်ခေတ်လုံးဟာ တန်းစီတိုးစားနဲ့ မှောင်ခိုတွေရဲ့ ကာလ။ ဘာမဆို အစိုးရက ချုပ်ကိုင်ထားတော့ တကယ်လိုသူတွေ မရ၊ မလိုသူတွေက ရပြီး ဈေးတင်ရောင်း၊ အဲဒီ့အမြတ်နဲ့ ရပ်တည်နေထိုင်ခဲ့ကြတဲ့ ဘ၀တွေပေါ့။

ဘယ်သူမှ သိပ်မသိတဲ့ အမြတ်ရနည်း တစ်ခုတောင် ကျွန်တော် လုပ်ဖူးသေးတယ်။ ဗမာနိုင်ငံသုံး ခြင်္သေ့ရုပ်နဲ့ ဆယ်ပြားစေ့ အလေးစေ့၊ အရင် ပါလီမန်ခေတ်က ထုတ်ခဲ့တဲ့ ဆယ်ပြားစေ့၊ အဲဒီ့ဆယ်ပြားစေ့ ကိုးစေ့ (ပြား ၉၀)ကို တကျပ်နဲ့ ရောင်းတာ၊ နောက်ပိုင်း ရှစ်စေ့။ ခုနစ်စေ့၊ ခြောက်စေ့စသဖြင့် ရှားသလောက် ပိုရခဲ့ဖူးတယ်။ ဝယ်တာက ထိုင်းက ဝယ်တာ။ ကျိုင်းတုံက မမတွေက ကောက်တယ်။ အဲဒါလည်း ရောင်းစားဖူးတယ်။ အခု ထိုင်းက အကြွေစေ့တွေဟာ အဲဒီ့ ဆယ်ပြားစေ့တွေ ပုံပြောင်းကုန်တာလားတော့ မသိဘူး။

လောင်စာဆီ မှောင်ခိုဖြစ်လာတာ အဲဒီ့ ၁၉၈၀ ဝန်းကျင်ပါပဲ။ ကျွန်တော်တောင် အဲဒါနဲ့ လုပ်ကိုင် စားသောက်ခဲ့ဖူးပါသေးသဗျား။ တစ်နေ့ကို ကျပ် ၆၀ လောက် မြတ်ရင် သားအမိနှစ်ယောက် အူစိုတာပေါ့။ ဘာမှလည်း မပင်ပန်းဘူး။ ဓာတ်ဆီဆိုင်မှာ ကားလေးသွားထိုး၊ ဆီဖြည့်။ ပြီးရင် ပုံးလေးနဲ့ ခံ၊ ကီလီလမ်း (အခု ဝါးတမ်းလမ်း) ကမ်းနားက မိန်းမကြီးဆီ သွားရောင်း။ တိန်တိန့်ကို မြည်လို့။

အဲဒါကြီးက ဘယ်အထိ ပါလာသလဲဆိုရင် မကြာသေးခင် နှစ်များအထိပဲ။ ကျွန်တော် ထင်တယ်။ ကျွန်တော့် ဒဂုံဂျစ်နဲ့ ဒီဇယ် ထုတ်စားခဲ့တာများ ကားဖိုး တစ်ဝက်မဟုတ်တောင် သုံးပုံတစ်ပုံလောက် ကျေခဲ့မှာခင်ဗျ။

သံရုံးမှာ အလုပ်လုပ်နေတုန်းက ဒေါ်လာစားမို့ ဆီထုတ်ရောင်းတဲ့ အလုပ်ကို မလုပ်ခဲ့ဘူး။ မလုပ်တော့ ကျွန်တော့်ကို လူမိုက်လို့ ဝိုင်းပြောကြသူတွေက တစ်ရာမှာ ၉၉ ယောက်။ ကျွန်တော်က ခပ်တည်တည်ပဲ၊ မလုပ်ဘူး။ ဦးမှန်ကြီးပေါ့။

အဟဲ… အလုပ်လည်း ပြုတ်လာ၊ ဝင်ငွေလေးလည်း ကျပ်တည်းလာတော့ ဦးမှန်ကြီးလည်း ဘာခံနိုင်မလဲဗျာ။ လုပ်တော့တာပေါ့။ လုပ်တော့လည်း ငါ့နှယ် နောက်ကျလေခြင်းပေါ့။ ဘယ့်နှယ့်ဗျာ၊ တစ်ပတ် တစ်ပတ်ကို လေး၊ ငါးသောင်း မြတ်နေတာကိုး။

ပျက်စီးခြင်းက ငါးပါးမက သံဃာစင်ပါ မှောက်တော့တာပါ။

ဗမာပြည်မှာ GSM ပထမဆုံး အလုံးတစ်ထောင် မပြည့်ခင် အသုတ်မှာ ကျွန်တော် ကံထူးစွာ တစ်လုံးရတယ်။ ကျွန်တော့်နံပါတ်ဆို အလုံး ၇၀၀ တောင် မပြည့်သေးဘူး။ ငါးသိန်းသွင်းရတယ်။ အဲဒါကို နောက် နှစ်နှစ်လောက်အကြာမှာ ဘိုင်ကျလို့ ထုတ်ရောင်းလိုက်တော့ ၄၄ သိန်း ရဖူးတယ်။

အဲဒီ့နောက် ၁၅ သိန်း ဖုန်းတစ်လုံး ကျွန်တော့် အိမ်သူနာမည်နဲ့ ကျလာပြန်တယ်။ အဲတုန်းက ကျွန်တော်တို့မှာ ၁၅ သိန်း ဝေးစွ၊ တစ်သိန်းခွဲတောင် အနိုင်နိုင်ရယ်။ ဒါနဲ့ ဖုန်းလိုချင်တဲ့ သူငယ်ချင်းတစ်ယောက်က ဆယ်သိန်း အမြတ်ပေးပြီး ယူသွားလေရဲ့။

အကျင့်တွေ တန်ကုန်ကြပုံကို စီကာပတ်ကုံး ရေးပြတာပါ။

ကနေ့ခေတ် ၂၀ တန်းတွေရဲ့ မိခင် ဖခင်တွေဟာ အဲဒီ့ ဆိုရှယ်လစ် လူသားတွေပါ။

အဲတော့ နိုင်ငံခြား ဖုန်းကုမ္ပဏီက သန်းနဲ့ ချီပြီး ချရောင်းပေးနေတဲ့ ဖုန်းကတ်တွေကို ကျိတ်ကျိတ်တိုး ဝယ်၊ ငါးထောင် တစ်သောင်း ဈေးခေါ်ပြီး ပြန်ရောင်းနေကြတာ မြင်သိနေရတဲ့အခါ အဲဒီ့လူတွေကို အပြစ်မတင်ရက်ဘူး။ စကားတင်းလည်း မဆိုရက်ဘူး။

အကျင့်တန်တဲ့ မိဘ ပတ်ဝန်းကျင်မှာ လူလားမြောက်ခဲ့ရ၊ ကြီးပြင်းခဲ့ရသူတွေချည်းကိုး။

တော်တော်တော့ ခက်တယ်ဗျ။

ကျွန်တော်တို့မှာ ကလေးတွေကို သွန်သင်ဖို့ သိပ်ခက်နေတယ်။ အဖေ့ကို နမူနာယူလို့ ပြောရင် အဖေက အေးဓားပြ ဖြစ်နေတယ်။ အမေ့ကို နမူနာယူလို့ ပြောရင်လည်း အမေက သူခိုး။ ဒါဖြင့် ဦးလေးကို ကြည့်ကွာ ဆိုရအောင်လည်း ဦးလေးက အလစ်သုတ်တဲ့သူ ဖြစ်နေပြန်တယ်။ အဒေါ်ကလည်း ကလိန်ကကျစ်။

အဲသလို ပတ်ဝန်းကျင်မျိုးက ကျွန်တော်တို့ ပတ်လည်မှာ ဝန်းရံထားတယ်။

လေဆိုတာတော့ ပစ်လို့ သိပ်လွယ်ပါသဗျာ။ အကျင့်ပျက်မှုတို့၊ စာရိတ္တတို့ဆိုတာ သိပ်ပြောလို့ ကောင်းတဲ့ ဝေါဟာရတွေ။

ငါးပါးသီလဆိုတာလည်း တယ်ပြောလို့ ကောင်းတာပဲ။ ဒါပေမယ့် “လွယ်ရင် သူကြွယ်တောင် မနေဘူး”ဆိုတဲ့ စကားကလည်း အထင်အရှားဆိုတော့ကာ စာရိတ္တဆိုတာ ပတ်ဝန်းကျင်ကလည်း ဖေးမနေမှ ဖြစ်တဲ့ အရာလေ။

တော်ပါတယ်ဗျာ… သွားလေသူကြီး တော်လွန်းပါတယ်။

တစ်ပြည်လုံးကို အမြစ်ကလှန်ပြီး ဖျက်ဆီးသွားတဲ့နေရာမှာ သူက ဧတဒဂ်ပဲ။

သို့ပေတည့် သူ့တပည့်သားမြေးများကတော့ သူ့အကြောင်းဆို တစ်လုံးမှ လေသံ မသလပ်ဘူးခင်ဗျ။ သူတို့အတွက်ကျတော့လည်း ဧရာမကျေးဇူးရှင်ကြီးပေကိုး။

အားလုံး တရားပါတယ်လေ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(၀၁၀၈၁၄)

မျိုးချစ်စိတ်၊ နိုင်ငံချစ်စိတ်

🔹 မျိုးချစ်ဝါဒ (patriotism) ရယ်၊ ရွှေတွေက အမျိုးသားရေးဝါဒလို့ တလျှောက်လုံး သုံးလာတဲ့ nationalism (နိုင်ငံချစ်ဝါဒ)တို့ရယ်ဟာ တူသလိုလိုနဲ့ ကွဲပါတယ်။

🔹 မျိုးချစ်တယောက်ဟာ ကိုယ့်နိုင်ငံရဲ့ ဆောင်ရွက်ချက်တွေအတွက် ဂုဏ်ယူတတ်တဲ့သူပါ။ အခု အမေရိကန် နိုင်ငံသား ဖြစ်နေတဲ့ အောင်လဟာ ဗမာပြည်ပေါက်ပါဆိုပြီး ဂုဏ်ယူတာမျိုးဟာ မျိုးချစ်တာပါပဲ။

🔹 နိုင်ငံချစ်သူကတော့ ကိုယ့်နိုင်ငံက ဘာကြီးလုပ်နေနေ အဲဒီ့အတွက် ဂုဏ်ယူတတ်တဲ့သူပါ။ ကိုယ့်နိုင်ငံက သူများနိုင်ငံကို မတော်မတရား သွားကျူးကျော်နေရင်ပဲဖြစ်ဖြစ်၊ ကိုယ့်နိုင်ငံက မသမာတဲ့ နည်းလမ်းတွေ၊ လူတွေကို အညွန့်တုံးစေမယ့် နည်းလမ်းတွေနဲ့ စီးပွားဖြစ်နေရင်ပဲဖြစ်ဖြစ် တရားသည်ဖြစ်စေ မတရားသည်ဖြစ်စေ ဂုဏ်ယူတဲ့ စိတ်က နိုင်ငံချစ်စိတ်၊ နိုင်ငံချစ်ဝါဒပါပဲ။

🔹 မျိုးချစ်ဝါဒက တာဝန်ယူစိတ်လေး ရှိတယ်။

🔹 နိုင်ငံချစ်ဝါဒ (အမျိုးသားရေးဝါဒ)က အသားလွတ် စိတ်ကြီးဝင်တာဖြစ်ပြီး စစ်ပွဲတွေဆီကို ဦးတည်သွားတတ်ပါတယ်။

🔹 ပူးတွဲဖော်ပြထားတဲ့ ပုံလေးက အဲဒီ့နှစ်ခုကို အခုလို ခွဲခြားပြပါတယ်။

Image may contain: text

🔹 မျိုးချစ်ဝါဒက အတိတ်သမိုင်းက သင်ခန်းစာယူပါတယ်။ ငါတို့ဘက်က ဘာတွေမှားခဲ့လို့ ပြည်တွင်းစစ် ဖြစ်ရတာလဲ။ နောက်မဖြစ်အောင် အတိတ်က လုပ်ခဲ့မိတဲ့အထဲက ဘာတွေ ရှောင်မလဲလို့ ဆင်ခြင်တတ်တာ မျိုးချစ်ဝါဒပါ။

🔹 နိုင်ငံချစ်ဝါဒကတော့ သမိုင်းကို အသစ်ပြန်တီထွင်တာပါပဲ။ ပုံထဲမှာတော့ လူတွေဟာ ကျွန်ဖြစ်ရတာကို ကြိုက်တယ်ဆိုပြီး ခုခေတ်ကြီးမယ် ထ တွေးတာမျိုးဟာ သမိုင်းကို အသစ်ပြန်တီထွင်တာပါ။

🔹 🔹 🔹 အာဏာရှင်ဆန်တဲ့ အုပ်ချုပ်မှုသြဇာအာဏာနဲ့ တသွေးတသံတမိန့် အစွန်းရောက် အလွန်အကျွံ နိုင်ငံချစ်ဝါဒ ဖြစ်သွားသလို အတိုက်အခံကို အင်အားသုံး ဖိနှိပ်မယ်၊ လူ့ဘောင်ကိုရော၊ စီးပွားရေးကိုရော လိုသလို ပုံစံသွင်းလာမယ်ဆိုရင်တော့ အဲဒါ ဖက်ဆစ်ဝါဒဖြစ်သွားပါပြီ။ 🔹 🔹 🔹

🔹 အလွန်အကျွံ နိုင်ငံချစ်ဝါဒ (ultranationalism) ဆိုတာဟာ တခြားနိုင်ငံ တခြားလူမျိုးတွေ ဘာဖြစ်ဖြစ်၊ ကိုယ့်နိုင်ငံမှ ကိုယ့်နိုင်ငံ၊ ကိုယ့်လူမျိုးမှ ကိုယ့်လူမျိုးရဲ့ အကျိုးတခုတည်းကိုသာ ကြည့်တတ်တဲ့ အမြင်ပါ။

💙 မျိုးချစ်စိတ်ဟူသည်ကား ကလိမ်ကကျစ်တို့၏ နောက်ဆုံး (ကြံရာမရတဲ့အဆုံး) ခိုကိုးရာ ဖြစ်သတည်း။ 💙 

ဆိုတဲ့ စကားကို ဆယ်မြူယယ်(လ်) ဂျော်(န်)ဆင်(န်)က ၁၇၇၅ ခုနှစ် ဧပြီလ ၇ ရက် ညနေခင်းမှာ ပြောခဲ့တာ ဖြစ်ပါတယ်။ သည်မတိုင်ခင် တနှစ် ၁၇၇၄ ခုနှစ်မှာ ထိုမျိုးချစ်ဆိုတဲ့ အမည်နဲ့ သူ့စာအုပ် ထွက်ခဲ့ပါတယ်။

🔹 သူ့စကားမှာ မျိုးချစ်စိတ်လို့ သုံးနှုန်းထားပေမယ့် တကယ်တမ်းမှာ ယေဘုယျ မျိုးချစ်စိတ်၊ အခုစာရဲ့ ဒုတိယပိုဒ်ပါ မျိုးချစ်စိတ်မျိုးကို ဆိုလိုတာ မဟုတ်ကြောင်း အဲဒီ့ကတည်းက ယနေ့အထိ ကျယ်ကျယ်ပြန့်ပြန့် နားလည်ထားကြပါတယ်။ သူပြောတဲ့ မျိုးချစ်စိတ်ဆိုတာက မျိုးချစ်စိတ်အတု၊ မျိုးချစ်စိတ် အလွဲကိုသာ ဆိုလိုရင်း ဖြစ်ပါတယ်။

🔹 သူ့ခေတ် ဗြိတိန်နိုင်ငံရဲ့ နိုင်ငံရေးသမား Pitt of Chatham ဆိုသူက ထစ်ခနဲရှိ မျိုးချစ်စိတ်၊ မျိုးချစ်စိတ်ဆိုတဲ့ ဆင်ခြေနဲ့ ထင်ရာထထလုပ်တတ်ခဲ့ပါတယ်။ တနည်းပြောရင် ထင်ရာစိုင်းဖို့အတွက် အကာအကွယ်ယူတဲ့ မျိုးချစ်စိတ် အတုအယောင်ကို သူက ရည်ရွယ်ခဲ့ပါတယ်။

🔹 သေချာတာကတော့ ကိုယ့်ကိုယ်ကိုယ် မျိုးချစ်ပါလို့ ကြွေးကြော်သေူတွေဟာ အတုတွေပါပဲ။

🔹 တကယ်တရားရနေသူ၊ တရားဓမ္မမှာ မွေ့လျော်နေသူတွေက သူတို့ကိုယ်သူတို့ တရားသမားပါလို့ မပြောတတ်ကြသလိုပဲ မျိုးချစ်စိတ်တကယ်ရှိသူတွေကလည်း ကျုပ်ကဖြင့် မျိုးချစ်လှပါချေရဲ့လို့ အော်မနေတတ်တာလောက်တော့ သတိချပ်သင့်ကြမယ်လို့ မြင်မိပါကြောင်း။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(၀၈၀၃၁၉)

ဆန္ဒပြသူ ဒို့ရန်သူလား

ကျောင်းသားအပါအ၀င် ဆန္ဒပြသူများအပေါ် အစိုးရရဲ့ သဘောထား ပြောင်းဖို့ အပူတပြင်း လိုအပ်နေပါတယ်။ အကျင့်ဆိုးဆိုတာ ပြင်ရ အင်မတန် ခက်တော့ ပြောမယ့်သာ ပြောရတယ်၊ အားက သိပ်မရှိဘူး။

လက်ပံတန်းနဲ့ ရန်ကုန်မှာ တစ်နေ့တည်း ဖြစ်ခဲ့တဲ့ အစိုးရရဲ့ အကြမ်းဖက်မှုတွေကို ကြည့်ရင် ဆန္ဒပြသူဟာ ရန်သူဆိုတဲ့ အစွဲ၊ နှိပ်ကွပ်ရမယ်ဆိုတဲ့ အစွဲ၊ ဆန္ဒပြတယ်ဆိုတာ လက်မခံထိုက်ဘူးဆိုတဲ့ အစွဲတွေက ထင်းထင်းကြီး ပေါ်လွင်နေပါတယ်။

Image result for letpadan 2015
Photo Credit: Associated Press

လွှတ်တော်လမ်းကြောင်းတွေ၊ ဘာလမ်းကြောင်းတွေ၊ ညာလမ်းကြောင်းတွေ ရှိလျက်နဲ့ ဆန္ဒပြရသလားဆိုတဲ့ စကားကို ထပြောထားတာတွေ တွေ့လိုက်ရသေးတယ်။ သူတို့အလုပ်သူတို့ လုပ်တာမို့ မဥပါဒ်မိပေမယ့် အငြင်းပွားစရာတွေ အများကြီးပါ။ မြန်မာပြည်က လွှတ်တော်၊ အစိုးရနဲ့ တရားစီရင်ရေးတို့ရဲ့ သက်တမ်းက ငါးနှစ်တောင် ကောင်းကောင်း မပြည့်အောင် နုသေးတဲ့အချိန်မှာ သည်စကားတွေပြောတာ ပေါချာချာနိုင်လှတယ်ဆိုတာလောက်တော့ သဘောပေါက်ဖို့ ကောင်းတယ်ဆိုတာလောက်ပဲ ပြန်ပြောချင်ပါတယ်။

အခုဖြစ်ရပ်တွေကြောင့် နဂိုကမှ သံသယနဲ့ ကြည့်နေရတဲ့ အစိုးရအပေါ် လူထုအများစုကရော နိုင်ငံတကာအသိုင်းအ၀ိုင်းကပါ ယုံကြည်မှု ကင်းမဲ့သွားပြီဆိုတာ ထင်ရှားပါတယ်။ (အမှန်တော့ သူတို့ပြောတဲ့အတိုင်း လွှတ်တော်ကသာ တကယ် အလုပ်ဖြစ်နေတဲ့ လွှတ်တော်ဆိုရင် သည်လိုဖြစ်ရပ်မျိုး ဖြစ်ပွားသွားတဲ့အခါ အစိုးရကို အယုံအကြည်မရှိ အဆို တင်သွင်းမှာပါ၊ အနည်းဆုံးတော့ ပြည်ထဲရေး ၀န်ကြီးကို လွှတ်တော်က ခေါ်ယူ မေးမြန်းမှာပါ။ အခု ဒါတွေ မကြားရပါဘူး။ လွှတ်တော်ကြီးက လတ်တလော ကျင်းပနေဆဲပါနော်။)

ထားပါတော့။

ရှေ့ဆက်ဖို့ လုပ်ငန်းစဉ်ကို ကျွန်တော် ဆွေးနွေးကြည့်ချင်ပါတယ်။

တစ်ခုတော့ ရှိပါတယ်။ တကယ်နိုင်ငံအပေါ် စေတနာ ထားတယ်ဆိုရင်ပေါ့။ နောက် နှစ် ၃-၄၀ အကြာမှာ ငါတို့ ရှိတော့မှာ မဟုတ်ဘူး၊ ဒါပေမယ့် သည်နိုင်ငံကြီးကတော့ ရှိနေဦးမှာ။ ဒါ့ကြောင့် ငါတို့ ကောင်းမြတ်တဲ့ စံများကို တတ်နိုင်သမျှ ချထားပေးခဲ့မယ်ဆိုတဲ့ စိတ်နှလုံးကောင်းလေးလောက် မွေးနိုင်မယ်ဆိုရင်ပေါ့။

မမွေးနိုင်ဘူး။ လတ်တလော ငါတို့ အကျိုးစီးပွား အထိခိုက်မခံရေးသာ အဓိကဆိုရင်လည်း ကိုယ်တော်တို့ရဲ့ သဘောထားကို လေးစားပါတယ်။ ကျွန်တော့်စာကို ဆက်ဖတ်စရာ မလိုပါဘူး။

လုပ်ငန်းစဉ်

(၁) ဆန္ဒပြဖို့ ခွင့်ပြုချက်တောင်းတိုင်း ပေးဖို့ လိုပါတယ်။ ဘာအကြောင်းပြချက်နဲ့မှ မငြင်းပယ်သင့်ပါဘူး။ ဒါမှ ခွင့်ပြုချက်ပေးတဲ့ အဖွဲ့အစည်းတွေအပေါ် ယုံကြည်မှု ရှိလာမှာ ဖြစ်ပြီး ဘယ်တော့ပဲဖြစ်ဖြစ် အသိပေးလာ၊ ခွင့်ပြုချက် တောင်းလာကြမှာ ဖြစ်ပါတယ်။

တစ်နည်းပြောရရင် အာဏာပိုင် အဖွဲ့အစည်းတွေကိုယ်တိုင်က ဆန္ဒပြသူတွေ အဆင်ပြေအောင် ကူညီပေးမယ်ဆိုတဲ့ ဆန္ဒ ပြင်းပြင်းပြပြရှိနေဖို့ လိုပါတယ်။

(၂) ပြီးရင် ဆန္ဒပြပွဲကို ဦးဆောင်မယ့် ခေါင်းဆောင်တွေနဲ့ ရဲနဲ့ ညှိနှိုင်းရပါမယ်။ ဆန္ဒပြမယ့် အချိန်၊ နေရာ၊ ဦးတည်ချက်၊ လူအင်အား၊ ဘယ်လောက်ကြာကြာ ဆန္ဒပြမယ်၊ ဘယ်လမ်း ဘယ်လမ်းက သွားမယ်ဆိုတာတွေကို ညှိကြရပါမယ်။

ဥပမာ ရန်ကုန်မြို့လယ်မှာ ဆန္ဒပြမယ်။ အချိန်က ရုံးဆင်းချိန် ဖြစ်နေမယ်ဆိုရင် ဆန္ဒပြသူတွေကြောင့် တခြားသူတွေ၊ ယာဉ်တွေ အနှောင့်အယှက် မဖြစ်အောင် အာဏာပိုင်တွေဘက်က ဘယ်လို ကူညီပေးမယ်၊ ဆန္ဒပြသူတွေဘက်က ဘယ်လို ထိန်းထိန်းသိမ်းသိမ်း လုပ်သွားမယ်ဆိုတာကို နှစ်ဦးနှစ်ဖက် လက်ခံနိုင်အောင် ညှိကြဖို့ လိုပါတယ်။

တစ်ဆက်တည်းမှာပဲ ဆန္ဒပြပွဲကနေ မလိုလားအပ်တဲ့ အနှောင့်အယှက်တွေ၊ အကြမ်းဖက်တာတွေ၊ ဖျက်ဆီးတာတွေ မပေါ်ပေါက်လာအောင် နှစ်ဦးနှစ်ဖက် ဘယ်လို စီမံကြမယ်ဆိုတာကိုလည်း စီးဝါး ရိုက်ထားကြရပါမယ်။

ဒါက ဆန္ဒပြပွဲ မတိုင်ခင် ကြိုတင် ပြင်ဆင်မှု အပိုင်းပါ။

(၃) ဆန္ဒတကယ်ပြပြီဆိုတဲ့အခါ အာဏာပိုင်တွေဘက်က သည်ဆန္ဒပြပွဲ အေးအေးချမ်းချမ်း ပြီးဆုံးသွားဖို့ ကူညီရေးကို ဇောင်းပေးစဉ်းစားရပါမယ်။ ဆန္ဒပြသူတွေဟာ သူတို့နည်းတူ ပြည်သူတွေပါ။ ရန်သူတွေ မဟုတ်ပါဘူး။ အဲတော့ သည်ဆန္ဒပြသူတွေရဲ့ လုံခြုံဘေးကင်းရေးကို ဦးစားပေး ဆောင်ရွက်ကြရမှာပဲ ဖြစ်ပါတယ်။

ဆန္ဒပြသူတွေဘက်ကလည်း သတိကြီးကြီးနဲ့ ကိုယ့်အဖွဲ့ကိုယ် စည်းကမ်းရှိနေ၊ စနစ်တကျ ရှိနေအောင် ထိန်းချုပ် ကွပ်ကဲနိုင်ရပါမယ်။

တကယ်လို့ ကိုယ့်ထဲကပဲဖြစ်ဖြစ်၊ တခြားကဖြစ်ဖြစ် ဆန္ဒပြပွဲကနေ အကြမ်းဖက်ပွဲ၊ ဖျက်ဆီးပွဲအဖြစ် အသွင်ပြောင်းဖို့ ကြိုးစားသူကို တွေ့လာတာနဲ့ တစ်ပြိုင်နက် အနီးအနားမှာ အသင့်ရှိနေတဲ့ အာဏာပိုင်ကို အကြောင်းကြားပြီး အဲဒီ့လူ(တွေ)၊ ငါးခုံးမတွေကို ဖယ်ရှားကြရမှာပဲ ဖြစ်ပါတယ်။

(၄) အရေးကြီးဆုံးအချက်

တကယ်လို့ ဆန္ဒပြသူတွေထဲမှာ အဲလို အကြမ်းဖက်သူ၊ ဖျက်လိုဖျက်ဆီးလုပ်သူ တစ်ဦးတစ်ယောက်ကို ဖြစ်စေ၊ တစ်စုတစ်ဖွဲ့ကို ဖြစ်စေ တွေ့ပြီဆိုတာနဲ့ အာဏာပိုင်တွေက အရေးယူရပါမယ်။ လိုအပ်ရင် ဆီ လျော် မျှ တ တဲ့ အင် အား သုံး ပြီး ထိန်းချုပ်နိုင်အောင် ကြိုးစားကြရပါမယ်။

အဲဒါဟာ အဲဒီ့ တစ်ဦးတစ်ယောက်၊ တစ်စုတစ်ဖွဲ့ကိုသာ ရည်ရွယ်ရမှာ ဖြစ်ပြီး ဆန္ဒပြသူ အကုန်လုံးကို သိမ်းကြုံး ဆော်ပလော်တီးရမှာ မဟုတ်ပါဘူး။

(၅) ဆန္ဒပြပွဲပြီးဆုံးသွားတဲ့အခါ ဆန္ဒပြသူ ခေါင်းဆောင်တွေနဲ့ အာဏာပိုင်တွေနဲ့ စားပွဲမှာ ထိုင်ပြီး ဆွေးနွေးသင့်ပါတယ်။ သည်ပွဲမှာဖြင့် ဘာတွေ အဆင်ပြေသွားခဲ့တယ်၊ ဘာ့ကြောင့် အဲလို အဆင်ပြေခဲ့တာ၊ နောက်တစ်ပွဲသာဆိုရင် ဘယ်လို ပိုကောင်းအောင် လုပ်နိုင်မယ်၊ သည်တစ်ပွဲမှာ ဘာတွေ ချော်သွားခဲ့တယ်၊ ဘယ်လို အခက်အခဲတွေ ရှိခဲ့တယ်၊ နောက်တစ်ပွဲကျရင် ဘယ်လို ပြုပြင်ကျော်လွှားမယ် စတာများကို ဆွေးနွေးဖော်ထုတ်ကြရပါမယ်။

အဲဒီ့ ဆွေးနွေးချက်တွေကို စာနဲ့ ပေနဲ့ မှတ်တမ်းတင်ထားပြီး တခြားဒေသက၊ တခြားနယ်မြေက အာဏာပိုင်တွေ၊ ဆန္ဒပြလိုသူတွေအတွက် သင်ခန်းစာယူစရာ လမ်းညွှန်အတွေ့အကြုံများအဖြစ် ဝေမျှ သွားနိုင်ပါသေးတယ်။

ဒီမိုကရေစီဆိုတာ အင်အားသုံးပြီး ဖြေရှင်းရတဲ့ အရာမဟုတ်ပါဘူး။ လေ့ကျင့်ပျိုးထောင်ယူရတဲ့ အမူအကျင့်ပါ။

ကျွန်တော်ပြောတဲ့အထဲမှာ အကြောင်းအရာပိုင်း လုံးဝ မပါပါဘူး။ အကြောင်းအရာက မှန်ချင် မှန်မယ်၊ မှားချင် မှားမယ်၊ ဒါပေမယ့် လုပ်ထုံးလုပ်နည်းသာ မှန်မယ်ဆိုရင် မြန်မာပြည်ကြီးလည်း ကျက်သရေရှိ၊ လူသာဓုခေါ်၊ နတ်သာဓုခေါ်နိုင်တဲ့ အေးချမ်းတဲ့ လူ့ဘောင်တစ်ခုကို တည်ဆောက်နိုင်မယ်ဆိုတာကို ဆွေးနွေးလိုက်တာပါ။

လက်ခံချင်ရင် လက်ခံပါ။ လက်မခံချင်လည်း ရပါတယ်။

ကျွန်တော် ဆင်ခြင်မိသလောက် လက်ဆင့်ကမ်းပေးလိုက်တာ ဖြစ်ပါတယ်။

အဓိကကတော့ စေတနာမှန်ရင် လုပ်ရပ်လည်း မှန်လာပါလိမ့်မယ်။

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၂၀၃၁၅)

 

Facebook မှာ ကျနော် ရေးဖြစ်ခဲ့တာလေးတွေကို တစုတစည်းတည်းရှိနေအောင် ပြန်ရှာပြီး တင်ထားတာ ဖြစ်ပါတယ်။

လူထုရဲ့ သိပိုင်ခွင့်ကို ဖြည့်ဆည်းခြင်း

ℹ️ℹ️ℹ️ℹ️ℹ️ℹ️ℹ️ℹ️ℹ️ℹ️ℹ️ℹ️

အခုလတ်တလော လူပြောသူပြောများနေတဲ့ အများပြည်သူအခွင့်အရေး၊ နိုင်ငံရေးအခွင့်အရေးများနဲ့ စပ်လျဉ်းတဲ့ အပြည်ပြည်ဆိုင်ရာ သဘောတူစာချုပ် (ICCPR)ကိစ္စထဲမှာ မနေနိုင် မထိုင်နိုင် ဝင်ပါချင်လာမိလို့ နည်းနည်း ပါပါရစေ။ ဝင်ပါချင်သွားရခြင်း အကြောင်းရင်းက အချက်အလက်တချို့ကို ထိန်ချန်ပြီး တချို့တွေ ပြောပြောနေတာလေးတွေ တွေ့မိနေရလို့ပါ။

အဲဒီ့စာချုပ်ထဲမှာ ပါတဲ့ အဓိက အခွင့်အရေး အကျဉ်းချုပ်

  • ပထမဆုံးက ကိုယ်ကာယသိက္ခာအခွင့်အရေးပါ။ အသက်ရှင်ခွင့်၊ နှိပ်စက်မှု၊ ကျွန်ပြုမှုမှ ကင်းလွတ်ခွင့် (အပိုဒ် ၆၊ ၇၊ ၈)။

  • လူတယောက်ရဲ့ လွတ်လပ်မှုနဲ့ လုံခြုံမှု။ ဖမ်းချင်တိုင်း ဖမ်း၊ ချုပ်ချင်တိုင်း ချုပ်ခွင့် မပေးတော့ပါဘူး။ ဒါ့အပြင် လက်တင်ဘာသာနဲ့ ဟေးဘီးယပ်(စ်) ကောပပ်(စ်)လို့ ခေါ်တဲ့ အချုပ်ခံရသူကို တရားသူကြီး၊ ဒါမှမဟုတ် တရားရုံးတော်ရဲ့ ရှေ့မှောက်ကို ခေါ်လာပြီး သူ့ကို ဘာကြောင့် ချုပ်နှောင်ထားသင့်ကြောင်း ဥပဒေနဲ့ညီညွတ်တဲ့ အကြောင်းခြင်းရာများကို ခိုင်လုံထင်ရှား မပြသနိုင်ရင် ပြန်လွှတ်ပေးရမယ်ဆိုတဲ့ အခွင့်အရေးကို တောင်းဆိုပိုင်ခွင့်လည်း ပါပါတယ်။ (အပိုဒ် ၉ မှ ၁၁)

  • ဥပဒေအရ လုပ်ထုံးလုပ်နည်းပိုင်းမှာ မျှတမှု။ ထိုက်သင့်တဲ့ လုပ်ငန်းစဉ်အတိုင်း စစ်ဆေးစီရင်ခံပိုင်ခွင့်၊ မျှတပြီး ဘက်မလိုက်တဲ့ တရားခွင်၊ (ပြစ်မှုထင်ရှားကြောင်း မစီရင်သေးသမျှ) အပြစ်မရှိဘူးလို့ ယူဆချက်၊ ဥပဒေရှေ့မှောက်မှာ လူသားတဦးအဖြစ်သာ အသိအမှတ်ပြုတာတို့ ပါဝင်ပါတယ်။ (အပိုဒ် ၁၄ မှ ၁၆)

  • လူတဦးချင်းစီရဲ့ လွတ်လပ်ခွင့်၊ လွတ်လပ်စွာ သွားလာခွင့်၊ တွေးမြင်ခွင့်၊ ယုံကြည်ခွင့်၊ ကိုးကွယ်ခွင့်၊ ပြောခွင့်၊ သင်းဖွဲ့ခွင့်၊ စုဝေးခွင့်၊ မိသားစုအခွင့်အရေး၊ နိုင်ငံသားဖြစ်ခွင့်၊ ကိုယ်ရေးကိုယ်တာပိုင်း သိုသိပ်ခွင့် (အပိုဒ် ၁၂၊ ၁၃၊ ၁၇ မှ ၂၄)

  • စစ်မက်အတွက် ဝါဒဖြန့်တာကို တားဆီးပိတ်ပင်တာ၊ ခွဲခြားဆက်ဆံမှု (နှိမ်တာပေါ့ဗျာ)၊ ရန်လိုတဲ့ ဥပဒေ၊ အကြမ်းဖက်တဲ့ ဥပဒေတွေကို ပြဋ္ဌာန်းကျင့်သုံးတာများကို နှိုးဆော်တဲ့ အမျိုးသားရေးအမုန်းတရား၊ ဘာသာရေး အမုန်းတရားများဘက်က ရှေ့နေလိုက် ပြောဆိုဆော်သြတာကို တားဆီးပိတ်ပင်တာလည်း ပါပါတယ်။ (အပိုဒ် ၂၀)

  • မဲပေးခွင့်အပါအဝင် နိုင်ငံရေးမှာ ပါဝင်ဆောင်ရွက်ခွင့် (အပိုဒ် ၂၅)

  • ခွဲခြားဆက်ဆံမှု မရှိခြင်း၊ လူနည်းစု အခွင့်အရေး၊ တရားဥပဒေရှေ့မှောက်မှာ အားလုံး သာတူညီမျှမှု (အပိုဒ် ၂၆၊ ၂၇)

ဘယ်နိုင်ငံမှာ မှီတင်းနေထိုင်သူပဲဖြစ်ဖြစ်၊ လူအများအနေနဲ့ အထက်ပါ အခွင့်အရေးတွေ ရသင့် မရသင့် မိမိတို့ရဲ့ ကိုယ်ပိုင်ဉာဏ်များနဲ့သာ ဆုံးဖြတ်တော်မူကြပါ။

ကနေ့အထိ သည်စာချုပ်ကို ဘယ်သူတွေ ဘာလုပ်ထားကြသလဲ

  • ကနေ့ကမ္ဘာမှာ နိုင်ငံပေါင်း ၁၉၅ နိုင်ငံ ရှိပါတယ်။

  • ကုလသမဂ္ဂအဖွဲ့ဝင်နိုင်ငံက ၁၉၃ နိုင်ငံပါ။

  • အဲဒီ့ ၁၉၃ နိုင်ငံမှာ ၁၇၃ နိုင်ငံက သည်စာချုပ်ကို တရားဝင်လက်ခံသဘောတူကြောင်း အတည်ပြု လက်မှတ်ရေးထိုးထားပါတယ်။ (၈၉.၆၄ %) [ကုလသမဂ္ဂရဲ့ နိုင်ငံတကာ သဘောတူစာချုပ်တွေအနက်မှာ သည်စာချုပ်က အများသဘောတူမှု အများဆုံးလို့ အဆိုရှိပါတယ်။ ၉၀ ရာနှုန်းနီးပါးမို့ အပြတ်အသတ် သဘောတူကြတဲ့ စာချုပ်လို့ ဆိုနိုင်ပါတယ်။]

  • ၆ နိုင်ငံက လက်မှတ်ပဲ ထိုးရုံထိုးထားပါတယ်။ (၃.၁၁ %) အဲဒီ့ထဲမှာ တရုတ်နဲ့ ကျူးဘား ပါပါတယ်။

  • မီးသီးခြင်ထောင်ထောင်နေဆဲနိုင်ငံက ၁၈ နိုင်ငံပါ။ (၉.၃၃ %) အဲဒီ့ထဲမှာ မြန်မာပါတယ်။ ဘရူနိုင်း၊ မလေးရှား၊ စင်္ကာပူ၊ အာရပ် စော်ဘွားများနိုင်ငံ၊ တောင်ဆူဒန်တို့ ပါဝင်ပါတယ်။

(မြေပုံကို ရှု။ မြေပုံမှာ အပြာရင့်ရောင်က သဘောတူလက်မှတ် ရေးထိုးပြီး နိုင်ငံတွေပါ။ အပြာနုက လက်မှတ်သာ ထိုးရုံထိုးထားတဲ့ နိုင်ငံတွေ ဖြစ်ပြီး လိမ္မော်ရောင်က ဘာမှ မလုပ်တဲ့ နိုင်ငံတွေ ဖြစ်ပါတယ်။ မြေပုံနဲ့တင် သည်စာချုပ်ဟာ ကမ္ဘာ့နိုင်ငံအများဆုံးက လက်ခံသဘောတူထားတဲ့ စာချုပ်ဖြစ်ကြောင်း ထင်ရှားနေပါလိမ့်မယ်။)

No photo description available.

လက်မှတ်ထိုးတာ၊ သဘောတူ လက်မှတ်ထိုးတာ

အဲသလို နိုင်ငံတကာ သဘောတူစာချုပ်တွေမှာ လက်မှတ်ထိုးတာ (sign) နဲ့ သဘောတူ လက်မှတ်ထိုးတာ (ratify) အတော် ကွာခြားပါတယ်။

လက်မှတ်ထိုးတာ

ပါဝင်နေတဲ့ နိုင်ငံတွေကို ကိုယ်စားပြုတဲ့ ကိုယ်စားလှယ်အဖွဲ့တွေဟာ ညီလာခံမှာဖြစ်ဖြစ်၊ အစည်းအဝေးမှာဖြစ်ဖြစ် စာချုပ်မတိုင်ခင် တွေ့ကြ ညှိနှိုင်းကြတယ်။ လက်မှတ်ထိုးတဲ့ နိုင်ငံ (signatory) တွေ လိုက်နာရမယ့် သတ်မှတ်ချက်တွေကို သဘောတူကြတယ်။ အဲသလို သဘောတူပြီဆိုရင် စာချုပ်ကို လက်မှတ်ရေးထိုးပါတယ်။ အများအားဖြင့် သက်ဆိုင်ရာ ဝန်ကြီးတွေကပဲ လက်မှတ်ထိုးကြတာပါ။

အဲလို လက်မှတ်ထိုးခြင်းဟာ သည်စာချုပ်ကိုဖြင့်ရင် နိုင်ငံတော်က လိုက်နာလိုတဲ့ ဆန္ဒရှိကြောင်း ဖော်ပြလိုက်တာသာ ဖြစ်ပါတယ်။

အရေးကြီးလှတာက ဆန္ဒရှိတယ်လို့သာ ပြောတာ၊ တကယ်လိုက်နာမယ် မလိုက်နာဘူးလို့ ကတိကဝတ်ပြုတာ မဟုတ်ပါဘူး။ စာချုပ်ရဲ့ စည်းနှောင်အားလည်း မရှိပါဘူး။ ဆိုလိုတာက စာချုပ်အတိုင်း မဖြစ်မနေ လိုက်နာစရာ တစက်ကမှ မလိုပါဘူး။ လိုက်နာချင်စိတ်တော့ ရှိပါတယ်၊ ဒါပေမယ့်… ဆိုတဲ့ အနေအထားပေါ့။

သဘောတူ လက်မှတ်ထိုးတာ

စာချုပ်ကို လက်မှတ်ထိုးပြီးသွားတဲ့အခါ လက်မှတ်ထိုးတဲ့နိုင်ငံအနေနဲ့ ကိုယ့်နိုင်ငံရဲ့ လုပ်ထုံးလုပ်နည်းတွေနဲ့အညီ ကိုင်တွယ်ပါလိမ့်မယ်။ စာချုပ်ပါ အချက်အလက်များအရ လိုအပ်တဲ့၊ ကိုက်ညီတဲ့ ပြည်တွင်း ဥပဒေတွေကို ပြဋ္ဌာန်း ဖြည့်ဆည်းရပါတော့မယ်။ အဲဒီ့နောက် တခြား သဘောတူလက်မှတ်ရေးထိုးထားတဲ့ နိုင်ငံတွေ (state parties) တွေကို စာချုပ်အတိုင်း မလွဲမသွေ လိုက်နာတော့မယ်ဆိုတဲ့ သဘောထားကို ထုတ်ပြန် အသိပေးရပါတယ်။ ဒါကို သဘောတူ လက်မှတ်ထိုးတာ (ratification) လို့ ခေါ်ပါတယ်။ အဲလိုဆိုရင်တော့ စာချုပ်ဟာ နိုင်ငံအပေါ်မှာ တရားဝင် စည်းနှောင် ခိုင်မာ သွားပါပြီ။ စာချုပ်အတိုင်း မဖြစ်မနေ လိုက်နာပါတော့မယ်။ ဘာ ဒါပေမှ မမယ့်တော့ပါဘူးဆိုတဲ့ သဘောပါ။

(သို့တိုင်အောင် RUD နဲ့သာ သဘောတူလက်မှတ်ထိုးနိုင်ကြောင်းကို အောက်ဆုံးက စာကြွင်းမှာ ထပ်မံဖြည့်စွက်ထားပါတယ်။)

သဘောပါတယ်နော် ပရိသတ်

သာမန်လက်မှတ်ထိုးတာနဲ့ သဘောတူ လက်မှတ်ထိုးတာကြားက ကွာခြားချက်ကို သဘောပေါက်ပြီဆိုရင် လက်မှတ်ပဲ ထိုးရုံ ထိုးထားတဲ့ ၆ နိုင်ငံက ဘာသဘောလဲဆိုတာကိုပါ သဘောပေါက်ကြလိမ့်မယ်လို့ မျှော်လင့်ပါတယ်။ ပေါက်ဖော်ကြီးတွေဆိုရင် သည်စာချုပ်ကို လက်မှတ်ထိုးရုံသာ ထိုးထားတာ လာမယ့် အောက်တိုဘာ ၅ ရက်နေ့မှာ ၂၁ နှစ် တင်းတင်း ပြည့်ပါလိမ့်မယ်။

နှုတ်ခမ်းနာနဲ့မှ တည့်ပါ့မလား

အဲ… သည်လိုအချိန်မှာ တောင်တောင်အီအီတွေ လျှောက်ပြောနေတာဟာ နှုတ်ခမ်းနာနဲ့မှ တည့်ပါ့မလားလို့ မေးရမလိုတောင် ဖြစ်နေပါတယ်။ လက်မှတ်ထိုးတာဟာ မုန့်ဆီကြော် စားချင်တယ်လို့သာ ပြောတာပါ။ ပေါက်ဖော်ကြီးတွေဆို ဝလည်း စားချင်လယ်၊ အားကီး အားကီး စားချင်လယ်လို့ပဲ ပြောနေတာ နှစ်ပေါင်း ၂၀ ကျော်ပြီလေနော်။ သူ့နိုင်ငံသားတွေ အဲဒီ့စာချုပ်ထဲက အခွင့်အရေးတွေကို တကယ် ခံစားနေရခြင်း ရှိမရှိက အားလုံး အသိပါပဲ။

လူ့အခွင့်အရေးနဲ့ ပတ်သက်တဲ့

ကုလသမဂ္ဂ နိုင်ငံတကာ သဘောတူစာချုပ် ၁၈ စောင်နဲ့ နိုင်ငံတချို့

အသေးစိတ် သိချင်ရင် ရှာဖတ်ကြည့်ကြပါနော်။ လူ့အခွင့်အရေးနဲ့ ပတ်သက်တဲ့ နိုင်ငံတကာ သဘောတူစာချုပ် စုစုပေါင်း ၁၈ စောင် ရှိပါတယ်။

ကျနော်တို့ နိုင်ငံက သဘောတူ အတည်ပြုထားတာ ၅ စောင်ပဲ ရှိပါတယ်။ လက်မှတ်ထိုးရုံသာ ထိုးထားတာက တစောင်သာ ရှိပါတယ်။ ICCPR အပါအဝင် ဘာမှ မလုပ်ဘဲ ထားထားသေးတဲ့ လူ့အခွင့်အရေးဆိုင်ရာ နိုင်ငံတကာ သဘောတူစာချုပ်က ၁၂ စောင် ကျန်ပါတယ်။

စင်္ကာပူနဲ့ မလေးရှားက သဘောတူအတည်ပြုထားတာ ၅ စောင်ပဲ ရှိပါတယ်။ မီးသီးခြင်ထောင်ထောင်တာ ၁၃ စောင်ပါ။ ကျနော်တို့က စင်္ကာပူ၊ မလေးထက် သာပါတယ်။ ဒါပေသည့် စင်္ကာပူနဲ့ မလေး သဘောတူအတည်ပြုထားတဲ့ တစောင်ကို ကျနော်တို့က လက်မှတ် ထိုးရုံပဲ ထိုးထားရပါသေးတယ်။

အိမ်နီးချင်း ထိုင်းနိုင်ငံက သဘောတူအတည်ပြုထားတာ ICCPR အပါအဝင် ၁၂ စောင် ရှိပါတယ်။ လက်မှတ် ထိုးရုံထိုးထားတာ တစောင် ရှိပါတယ်။ မီးသီးခြင်ထောင်ထောင်တာ ၅ စောင်ပဲ ရှိတော့တာပေါ့။

ဗီယက်နမ်က ICCPR အပါအဝင် ၉ စောင်ကို သဘောတူ အတည်ပြုထားပါတယ်။ မီးသီးခြင်ထောင်ထောင်ထားတာ ၉ စောင် ရှိပါတယ်။

အင်ဒိုနီးရှားက ICCPR အပါအဝင် ၁၀ စောင်ကို သဘောတူ အတည်ပြုထားပါတယ်။ လက်မှတ် ထိုးရုံထိုးထားတာ ၂ စောင်မို့ ကျန်နေတာ ၆ စောင်ပါ။

နောက်ထပ်အိမ်နီးချင်းနိုင်ငံဖြစ်တဲ့ ဘင်္ဂလားဒေ့(ရှ်)ကလည်း ICCPR အပါအဝင် ၁၂ စောင်ကို သဘောတူ အတည်ပြုထားပါတယ်။ အိမ်နီးချင်းတွေထဲမှာ သူနဲ့ ထိုင်းက စံချိန်တင်ပါတယ်။ (အိန္ဒိယတောင်မှ ICCPR အပါအဝင် သဘောတူ အတည်ပြုထားတာ ၈ စောင်ပဲ ရှိပါတယ်။ လက်မှတ်ထိုးရုံ ထိုးထားတာ ၂ စောင်ပါ။)

ပေါက်ဖော်ကြီးတွေက ၈ စောင်ကို သဘောတူ အတည်ပြုထားပါတယ်။ ICCPR ကို လက်မှတ်ပဲ ထိုးထားတာ အထက်မှာ ပြောခဲ့ပြီးပါပြီ။ သည်တော့ သူတို့ မီးသီးခြင်ထောင်ထောင်နေတာ ၉ စောင်ကျန်နေသေးတယ်လို့ ပြောလို့ရပါလိမ့်မယ်။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၄၀၉၁၉)

(အချက်အလက်တွေကို သည်က ယူပါတယ်။ http://indicators.ohchr.org/ )

စာကြွင်း – ICCPR နဲ့ အမေရိကန်အကြောင်းတော့ ထည့်မရေးဖြစ်ခဲ့ပါဘူး။ မလိုလို့ပါ။ သို့သော် တချို့က ထင်ရာ လျှောက်ပြောနေလို့ ထပ်ဖြည့်လိုက်ပါရစေ။

၁၉၉၂ ကတည်းက လက်မှတ်ရေးထိုးအတည်ပြုခဲ့တဲ့ အမေရိကန်ပြည်ထောင်စုမယ် ICCPR က အမေရိကန် ဖွဲ့စည်းအုပ်ချုပ်ပုံ အခြေခံဥပဒေပါ ပြဋ္ဌာန်းချက်အရ နိုင်ငံရဲ့ အခေါင်အချုပ် ဥပဒေ (Supreme Law of the Land) ဖြစ်လာခဲ့ပါတယ်။

သို့ပေတည့် ခြွင်းချက်တွေ၊ နားလည်မှုတွေ၊ ကြေညာချက်တွေ တသီကြီးနဲ့ သဘောတူ အတည်ပြုခဲ့တာဖြစ်ပါတယ်။ အလွယ်ပြောရင် ICCPR ကို မူအရ လက်ခံတယ်၊ သဘောတူတယ်၊ ဒါပေမယ့် ဘာတွေကိုတော့ မလိုက်နာဘူး၊ ဘာတွေကိုတော့ အရေးပေါ်အခြေအနေမှာဆို ကျင့်သုံးမယ်ဆိုတာမျိုးပေါ့။ (အကိုးအကား – 1. https://bit.ly/2kJnQV9 , 2. https://bit.ly/2GQRBxh )

အတည်ပြုလက်မှတ်ရေးထိုးတဲ့ နိုင်ငံတိုင်းက RUD (Reservations, Understandings and Declarations) လို့ ခေါ်တဲ့ ခြွင်းချက်တွေ၊ နားလည်မှုတွေ၊ ကြေညာချက်တွေနဲ့ ကန့်သတ် လိုက်နာလို့ ရပါတယ်။ စာချုပ်ထဲမှာ ပါတဲ့အတိုင်း ၏သည်မလွဲ၊ တသေဝမတိမ်း လိုက်နာဖို့ မလိုပါဘူး။ ဒါလည်း သဘောတူအတည်ပြုလက်မှတ်ထိုးပြီးမှပါနော်။

ဖြည့်စွက်ချက် -အထက်က စာကို ရေးတုန်းက လူ့အခွင့်အရေးနဲ့ ပတ်သက်တဲ့ နိုင်ငံတကာ သဘောတူစာချုပ် ၁၈ စောင်မှာ ကျနော်တို့ နိုင်ငံက ၅ စောင်ကို သဘောတူလက်မှတ်ရေးထိုး (ratify) ထားပြီး တစောင်ကိုတော့ လက်မှတ် ထိုးရုံပဲ ထိုး (sign) ထားကြောင်း ရေးခဲ့ပါတယ်။

၁၆ ရက်အကြာ စက်တင်ဘာ ၂၉ ရက်နေ့မှာတော့ ကုလသမဂ္ဂအထွေထွေညီလာခံမှာ အဲဒီ့ လက်မှတ်ထိုးရုံ ထိုးထားတဲ့ တစောင်ကို မြန်မာနိုင်ငံက သဘောတူ လက်မှတ်ရေးထိုးလိုက်ကြောင်း ကြားသိရပါတယ်။

Optional Protocol to the Convention on the Rights of the Child on the involvement of children in armed conflict :2002 ဆိုတဲ့ ၂၀၀၂ ခုနှစ် လက်နက်ကိုင် ပဋိပက္ခတွင် ကလေးသူငယ်များ ပါဝင်ပတ်သက်မှုနှင့် စပ်လျဉ်းသည့် ကလေးသူငယ် အခွင့်အရေးဆိုင်ရာ နိုင်ငံတကာ သဘောတူစာချုပ်အတွက် သဘောဆန္ဒအလျောက် လိုက်နာစောင့်ထိန်းအိပ်သည့် ကျင့်ဝတ်လို့ ဘာသာပြန်ရင် သင့်မယ်လို့ ယူဆရတဲ့ စာချုပ်ကို သဘောတူ လက်မှတ်ရေးထိုးလိုက်တာပဲ ဖြစ်ပါတယ်။

ကြိုဆိုအပ်တဲ့ ဆောင်ရွက်ချက်ပါပဲ။

အလုပ်နဲ့ သက်သေပြချက်တရပ်

ဒီမိုကရေစီနဲ့ ရွေးကော်

“သွယ်ဝိုက်ဒီမိုကရေစီ”လို့ ဆိုတဲ့ လူထုက ရွေးကောက်တင်မြှောက်တဲ့ ကိုယ်စားလှယ်တွေနဲ့ လွှတ်တော်ကို ဖွဲ့စည်း၊ အုပ်ချုပ်ရေး၊ တရားစီရင်ရေး၊ တရားဥပဒေပြုရေးအတွက် အာဏာအပ်နှင်းကြတဲ့ စနစ်မှာ ရှေးဦးအကျဆုံးနဲ့ အခရာ အကျဆုံးက “ရွေးကောက်ပွဲ”တွေပါပဲ။ ရွေးကောက်ပွဲတွေ လွတ်လပ်မယ်၊ မျှတမယ်ဆိုရင် လူထုလိုချင်တဲ့သူ အစစ်အမှန်တွေကို ရွေးဖြစ်မှာပေါ့။ မလွတ်လပ်၊ မမျှတရင် လူထု မလိုချင်တဲ့သူတွေ စင်ပေါ် ရောက်လာမှာပေါ့။ ဒါ အရှင်းကြီးပါပဲ။

သည်အခါမှာ “ရွေးကောက်ပွဲ ကော်မရှင်” (“ရွေးကော်”လို့ ဆက်သုံးသွားပါမယ်။)ရဲ့ အခန်းကဏ္ဍက အရမ်း စကားပြော လာပါပြီ။ ရွေးကော်တွေကိုယ်တိုင်က မှီခိုမှု၊ ကြောက်ရမှု၊ ဘက်လိုက်မှု ကင်းရှင်း လွတ်လပ်ပါမှ၊ တနည်းပြောရင် ရွေးကော်တွေ ကိုယ်တိုင်က သမာသမတ် ရှိပါမှ လွတ်လပ်၊ မျှတတဲ့ ရွေးကောက်ပွဲတွေ ပေါ်ထွန်းလာမှာ မြေကြီးလက်ခတ် မလွဲပါဘူး။

Image may contain: 5 people, people smiling, eyeglasses, selfie and closeup

မနှစ်က ရွေးကောက်ပွဲနဲ့ စွဲချက်တွေ

၂၀၁၈ ခုနှစ် မေလ ၉ ရက်နေ့မှာ ကျင်းပခဲ့တဲ့ မလေးရှားနိုင်ငံရဲ့ အထွေထွေ ရွေးကောက်ပွဲမှာတော့ မလေးရှားနိုင်ငံရဲ့ ရွေးကော်ဟာ မဲလိမ်ခဲ့တယ်ဆိုတဲ့ စွဲချက်တွေ အုတ်အော်သောင်းသဲ ပေါ်ထွက်လာခဲ့ပါတယ်။

မလေးမှာက ၂၀၀၆ ခုနှစ် နိုဝင်ဘာ ၂၃ ရက်ကတည်းက တရားဝင် ဖွဲ့စည်းထားတဲ့ ဘာဆီ (Bersih) ဆိုတဲ့ မဟာမိတ်အဖွဲ့က အခိုင်အမာရှိနေတယ်။ အဲဒီ့မဟာမိတ်အဖွဲ့ရဲ့ နာမည်အပြည့်အစုံက သန့်ရှင်း မျှတတဲ့ ရွေးကောက်ပွဲများအတွက် မဟာမိတ်အဖွဲ့ (Coalition for Clean and Fair Elections) [မလေးလို Gabungan Pilihanraya Bersih dan Adil] ပေါ့။

ရွေးကောက်ပွဲ မကျင်းပခင် ၃ ရက်အလိုဖြစ်တဲ့ ၂၀၁၈ မေ ၆ ရက်မှာကတည်းက ဘာဆီက ရွေးကော်ဟာ မသမာမှုတွေ ကျူးလွန်နေတယ်ဆိုပြီး စွဲချက် ၁၀ ချက်နဲ့ သတင်းစာရှင်းလင်းပွဲ လုပ်ခဲ့ပါတယ်။

ရွေးကောက်ပွဲအပြီး ၂၀၁၈ သြဂုတ်မှာ ဘာဆီက ဝန်ကြီးချုပ် မဟာသီယာဆီကို တိုင်စာပို့ပါတော့တယ်။ မဲဆန္ဒနယ် နယ်နိမိတ်သတ်မှတ်ရာမှာ ပညာပြခဲ့တဲ့နည်းနဲ့ တပါတီက မဲပိုရသယောင် ဖန်တီးခဲ့တာ၊ မဲရေတွက်တာ ကြာလွန်းမက ကြာတာ၊ မဲပေးရမယ့်နေ့ကို ကြားရက်ကို ရွေးလိုက်ခြင်းအားဖြင့် မဲပေးသူ နည်းအောင် လုပ်ခဲ့တာ၊ နိုင်ငံပြင်ပရောက်နေသူတွေ စာတိုက်ကနေ မဲပေးရ ခက်အောင် မဲပြားတွေကို နောက်ကျမှ နိုင်ငံခြားတိုင်းပြည်တွေကို ပို့ခဲ့တာဆိုတဲ့ စွဲချက်များနဲ့ ရွေးကော်ဟာ မသမာမှုများ ကျူးလွန်ခဲ့ကြောင်း စွပ်စွဲလိုက်တာ ဖြစ်ပါတယ်။

ခုံရုံးဖွဲ့၊ ရှောင်ထွက်

၂၀၁၈ ခုနှစ် အောက်တိုဘာလ ၁၈ ရက်နေ့မှာတော့ သည်အမှုကို စုံစမ်းစစ်ဆေးဖို့ ပြည်ထောင်စုတရားသူကြီးဟောင်း ၅ ဦးပါတဲ့ ခုံရုံးကို ဖွဲ့စည်းမယ်လို့ အစိုးရက စီစဉ်ပါတော့တယ်။

အဟဲ… ရွေးကော်ကလည်း ဘယ်ရမလဲနော်။ နောက်တရက်မှာပဲ ရွေးကော်အဖွဲ့ဝင် ၅ ယောက်က ရွေးကော်ကနေ နုတ်ထွက်သွားပါတော့တယ်။ ကျန်တဲ့တယောက်ကလည်း နိုဝင်ဘာ ၂၇ ရက်မှာ နုတ်ထွက်ပါတယ်။ ရွေးကော်အဖွဲ့ဝင် ၆ ယောက်စလုံး တာ့တာပြသွားတော့ ခုံရုံးက တိုးလို့တန်းလန်း။ ဆက်စစ်ရမှာလား၊ မစစ်ရဘူးလား။

သို့ပေတည့် လုပ်ထုံးလုပ်နည်းအရ နုတ်ထွက်တာ တရားဝင်မှာက ၂၀၁၉ ဇန္နဝါရီ ၁ ရက်နေ့မှ တရားဝင်မှာ။ ဒါနဲ့ ၂၀၁၈ ခုနှစ် ဒီဇင်ဘာ ၅ ရက်နေ့မှာ ခုံရုံးကို ဖွဲ့လိုက်တယ်။

ခုံရုံးရဲ့ ဆုံးဖြတ်ချက်

ပြဿနာက နုတ်ထွက်တာဖြစ်တဲ့အတွက် အဲဒီ့ ရွေးကော်ဆရာကြီးတွေဟာ အငြိမ်းစားလစာ ခံစားခွင့် ရှိနေတယ်။ အထုတ်ခံရတယ်ဆိုရင် ခံစားခွင့်မရှိဘူး။ ဘာဆီက ခုံရုံးက စစ်ဆေး၊ အပြစ်မရှိရင် အငြိမ်းစား လစာ ခံစားစေ၊ ရှိရင် မခံစားစေနဲ့၊ အဲလို ပြတ်ပြတ်သားသား ဖြစ်စေချင်တယ်။ ရှေ့နေချုပ်ကလည်း ဘဝင်မကျဘူး။ သည်လို ထွက်တာဟာ သူတို့ရဲ့ မသမာမှုကို စုံစမ်းစစ်ဆေးမယ့် ခုံရုံးကို သက်သက်မဲ့ မှောင့်လိုက်တာပဲလို့ ပြောတယ်။

ခုံရုံးက စွဲချက်တင်သင့် မတင်သင့် မဲခွဲတော့ ၃ မဲ ၂ မဲနဲ့ စွဲချက်မတင်သင့်ဘူးဖြစ်သွားတယ်။ စုံစမ်းစစ်ဆေးမှု မလုပ်တော့ဘူးပေါ့။

ဘာဆီလည်း မကျေနပ်ဘူး။ တာဝန်ရှိသူတွေဟာ နုတ်ထွက်လိုက်ရင် ဘာပဲ ကျူးလွန်ခဲ့ ကျူးလွန်ခဲ့ ရှောင်ထွက်လို့ ရတယ်ဆိုတဲ့ သတင်းစကားကို ခုံရုံးက ပါးလိုက်တာပဲလို့ ဆိုတယ်။

ရှေ့နေချုပ်ကတော့ ပြောတယ်။ ခုံရုံးက အကြံပြုချက်ကိုသာ ပေးတာ၊ ဥပဒေကြောင်းအရ စည်းနှောင်မှု မရှိဘူး။ ဒါ့ကြောင့် သည်အမှုအတွက် တခြားလမ်းတွေ ရှိသေးတယ်လို့ ဆိုပါတယ်။ အကြံပြုချက် ၅ ရပ်ကို ဘုရင့်ဆီ သူတင်မယ်လို့ ဆိုတယ်။

ရွေးကော် ဥက္ကဌသစ်

ရွေးကော်အတွက် အလွတ်တန်း ရှေ့နေ အာ့(ထ်) ဟာရွန်ကို ဥက္ကဌသစ်အဖြစ် ၂၀၁၈ စက်တင်ဘာ ၂၁ ရက်မှာ ဘုရင်က ဖွဲ့အုပ်ဥနဲ့အညီ ခန့်အပ်လိုက်ပါတယ်။ အသက် ၅၆ နှစ်အရွယ်သာ ရှိသေးတဲ့ ဟာရွန်က မလေးတက္ကသိုလ်နဲ့ လန်ဒန်က ဘုရင့်ကောလိပ်တို့က ဥပဒေ ဘွဲ့များ ရယူခဲ့သူ ဖြစ်ပြီး ၁၉၈၇ ခုနှစ်ကစပြီး ရှေ့နေအဖြစ် ဆောင်ရွက်ခဲ့တဲ့သူပါ။ ရွေးကောက်ပွဲ ဥပဒေတွေကို ကျွမ်းကျင်ပိုင်နိုင်သူလို့ ဆိုပါတယ်။

ရွေးကော်ကို ခန့်ထားသူ ဦးလူလည်

သည်နှစ် ဖေဖော်ဝါရီ ၁၅ ရက်မှာတော့ နောက်ထပ် ရွေးကော်အဖွဲ့ဝင် ၅ ယောက်ကို ဖွဲ့အုပ်ဥနဲ့အညီ ဘုရင်က ခန့်လိုက်ပြန်ပါတယ်။ သည်နေရာမှာ ဖွဲ့အုပ်ဥ (ဖွဲ့စည်းအုပ်ချုပ်ပုံအခြေခံဥပဒေ) ကို ထည့်သာ ပြောရတယ်။ မလေး ဖွဲ့အုပ်ဥမှာ ရွေးကော်ကို ဘုရင်က ခန့်ရမယ်လို့ ပြဋ္ဌာန်းထားပေမယ့် အဲလို ခန့်တဲ့အခါ ဝန်ကြီးချုပ်က အမည်စာရင်း တင်သွင်းသူကို ခံရမယ်လို့ ဖွဲ့အုပ်ဥပမှာပဲ ဆိုထားပြန်တာမို့ လက်တွေ့မှာ ဝန်ကြီးချုပ်သဘောကျသူတွေကို ခန့်ရတာပေါ့။

သို့သော် သည်တခါ ခန့်ပုံက သင်းတယ်။ ဒါမှ မဟုတ် စိတ်ဝင်စားစရာ ကောင်းလွန်းလှပါတယ်။ တနည်းပြောရင် ဝန်ကြီးချုပ် “လျင်တာ”၊ လူရည်လည်တာ၊ လူဝါးဝတာကို ပြလိုက်တယ်လို့တောင် ကျနော်ဖြင့် ထင်မိပါတယ်။

လန်ထွက်နေတဲ့ ဒုဥက္ကဌ

ပထမဆုံးက ဒုဥက္ကဌအဖြစ် ခန့်ထားခံရတဲ့ အာဇမီ ရှရွမ်ပါ။ မလေးတက္ကသိုလ်၊ ဥပဒေဌာနက တွဲဖက်ပါမောက္ခ။ အင်ထနက်မှာ နောက်လိုက်နောက်ပါ အလွန်များသူ၊ ရော့(ခ်)ကြယ်ပွင့်လို့တောင် တင်စားခံရတဲ့ ဂျင်းဘောင်းဘီနဲ့ တီရှပ်သာ တစိုက်မတ်မတ် ဝတ်ဆင်သူ၊ ဆံပင်ရှည်ကို နောက်မှာ စုပြီး စည်းထားသူ “လန်ထွက်နေတဲ့” ပါမောက္ခပါ။ ဗြိတိန်နိုင်ငံက ဥပဒေ ဘွဲ့ရခဲ့တဲ့သူ ဖြစ်ပြီး မလေးတက္ကသိုလ်မှာ ၂၉ နှစ်တာ စာသင်ပေးခဲ့သူ ဖြစ်ပါတယ်။

၂၀၁၄ ခုနှစ် စက်တင်ဘာလမှာ သူ့ကို ကုလားဖြူအင်္ဂလိပ်တို့ ချန်ရစ်ခဲ့တဲ့ ဥပဒေ ဖြစ်တဲ့ “နိုင်ငံတော် အကြည်ညို ပျက်စေမှု” ပုဒ်မတပ်ပြီး ဖမ်းဆီးခဲ့ပေမယ့် စွဲချက်ကို နောက်ပိုင်းမှာ ပယ်ဖျက်ခဲ့ဖူးပါတယ်။ အကြည်ညိုပျက်တယ်လို့သာ စွပ်စွဲတယ်၊ တကယ်တမ်းမှာသူက ဖွဲ့အုပ်ဥနဲ့ မညီတာကို ထောက်ပြခဲ့တာသာ ဖြစ်ပါတယ်။ (မလေး နိုင်ငံရေးက ရှုပ်ထွေးလွန်းပါတယ်။ အဲဒါကို အသေးစိတ်ရှင်းရင် ကျနော်လည်း အီ၊ ပရိသတ်လည်း စိမ့်သွားပါလိမ့်မယ်။ ဝါသနာပါရင် ကိုယ့်ဘာသာသာ ရှာရှက်ဖတ်ကြပါတော့ဗျာ။)

အဲလိုလူက ဒု ဥက္ကဌဖြစ်လာတာပါ။ သူ့အသက်ကို ရှာမတွေ့ပေမယ့် ၅၀ ဝန်းကျင်ပဲ ဖြစ်လောက်ပါတယ်။ ၅၅ တောင် ကျော်သေးပုံ မရပါဘူး။

တက်ကြွလှုပ်ရှားသူ မတ်မတ်လေးလည်း ပါသဗျ

နောက်တယောက်က ဘာဆီလှုပ်ရှားမှုမှာ ပါဝင်ခဲ့သူ ဖြစ်ပြီး ခန့်အပ်ခံရချိန်မှာ ဘာဆီရဲ့ ရင်းမြစ်အရာရှိအဖြစ် တာဝန်ယူထားတဲ့ အမျိုးသမီး ဇိုး ရန်ဒါဝါပါ။ အသက်က ၃၀ ကျော်လေးပဲ ရှိပါသေးတယ်။

သူကလည်း လန်ထွက်နေတဲ့ ပါမောက္ခလို ခေသူမဟုတ်ပါပဲ။ ၂၀၁၇ ခုနှစ် မေလမှာ သူနဲ့ ဘာဆီက တခြားတက်ကြွ လှုပ်ရှားသူတွေကို ပုလိပ်က ခေါ်စစ်တာ ခံခဲ့ဖူးသူပါ။ အမှုကတော့ စုဝေးခွင့်အက်ဥပဒေကို ဖောက်ဖျက်လို့ ဆိုပဲ။

လန်ဒန် စီးပွားရေး ကျောင်း (LSE) က ပါရဂူဘွဲ့ရ၊ ပထမတန်း ဂုဏ်ထူးနဲ့ အောင်မြင်ခဲ့သူ ဖြစ်ပါတယ်။ ပါရဂူဘွဲ့မှ တဘွဲ့မဟုတ် နှစ်ဘွဲ့ရသူပါ။ ကျနော်ထင်တယ်၊ တကမ္ဘာလုံးမှာ မဟုတ်ဘူးဆိုရင်တောင် အာရှက ရွေးကော်တွေထဲမှာ သူဟာ အသက်အငယ်ဆုံး ရွေးကော်အဖွဲ့ဝင် ဖြစ်ပါတယ်။ (သူ့ပုံ သီးခြားထည့်ထားပါတယ်။)

ကျန် ၃ ယောက်

ကျန်တဲ့ ၃ ယောက်မှာ တယောက်က နိုင်ငံခြားရေး ဝန်ကြီးဌာန အတွင်းဝန်ချုပ်ဟောင်းရယ်၊ လူသားရင်းမြစ် ဝန်ကြီးဌာန ညွန်ချုပ်ဟောင်း အမျိုးသမီးရယ်၊ မလေးရှား ကီဘန်ဆာ(န်) တက္ကသိုလ်က အကြီးတန်းသုတေသီရယ်တို့ပဲ ဖြစ်ပါတယ်။

မလေးရှားနိုင်ငံရဲ့ သမိုင်းမှာ သည်ရွေးကော်ဟာ အသက်အငယ်ဆုံး အဖွဲ့ဝင်တွေနဲ့ ဖွဲ့စည်းထားတာပါပဲ။

မုဒိတာ ပွားချင်စရာ

သည်ရွေးကော်ကို ဖေဖော်ဝါရီလကမှ ဖွဲ့စည်းလိုက်တာမို့ သူ့သက်တမ်းက အခုမှ ၆ လသာသာပဲ ရှိပါသေးတယ်။ သူတို့ ဘယ်လောက်စွမ်းပြီလဲဆိုတာကို မပြနိုင်သေးဘူးပေါ့။

သို့သော် လူငယ်တွေနဲ့ သွေးသစ်လောင်းလိုက်တာ၊ အမျိုးသမီးနှစ်ဦး ပါဝင်တာ၊ နိုင်ငံတော် အကြည်ညိုပျက်စေမှုနဲ့ စွပ်စွဲခံရဖူးသူ၊ တက်ကြွလှုပ်ရှားသူတွေ ထည့်ထားတာများဟာဖြင့်ရင် အလွန်အင်မတန် မုဒိတာပွားချင်စရာပါပဲ။ ပိုမုဒိတာ ပွားထိုက်တာက တကယ့်ပညာတတ်တွေ ဦးဆောင်နေတဲ့ အဖွဲ့အစည်းဖြစ်နေတာပါ။

အလုပ်နဲ့ ပြတဲ့ သက်သေ

အသက် ၉၃ နှစ်အရွယ် လက်ရှိ မလေးဝန်ကြီးချုပ် (ဆရာဝန်ဘွဲ့ရ) ဒေါက်တာ မဟာသီယာ မိုဟာမက်ရဲ့ အမြော်အမြင်က မအိုသေးဘူးဆိုတာ လက်တွေ့ ပြလိုက်တာလို့ မြင်မိပါတယ်။ ဒါမှမဟုတ် အထက်မှာ ကျနော်ရေးခဲ့သလို သူ လူရည်လည်လွန်းတာပါ။

ပြုပြင်ပြောင်းလဲရေးဆိုတာ ပါးစပ်က အမြှုပ်ထွက်အောင် ဘယ်လောက်ပြောပြော၊ လက်တွေ့ ဘာမှ ဖြစ်မလာရင် အလကားပါပဲ။ မဟာသီယာကြီးကတော့ ရွေးကော်ကို အထက်ပါအတိုင်း ပြုပြင်ဖွဲ့စည်းလိုက်ခြင်းအားဖြင့် အလုပ်နဲ့ သက်သေပြလိုက်တယ်လို့ ကျနော်ဖြင့် ရှုမြင်သုံးသပ်နေမိရပါတော့တယ်။

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(၃၀၀၈၁၉)

ကျမ်းကိုး စာရင်း
https://bit.ly/2zwMBYp
https://bit.ly/2ZINSuo
https://bit.ly/2ZEXw0K
https://bit.ly/2UewY1r
https://bit.ly/34eTIDc
https://bit.ly/2Zyvu3b
https://bit.ly/2HwmRQb
https://bit.ly/2Lad6K1

ချစ်နည်းလေးတွေ မှန်စေ့ချင်မိ…

💊💊💊💊💊💊💊💊💊

မနေ့က စကားစုသစ်တစု မျက်လုံးထဲကို တိုးဝင်လာတယ်။ Patriotic Journalism တဲ့။ မျိုးချစ် စာနယ်ဇင်း (ပညာ) လို့ ဘာသာပြန်ရမလား မသိ။

မြတ်စွာဘုရား…

ဘာကြီးတုံး…

ဒါနဲ့ အိမ်စာ နည်းနည်း လုပ်ကြည့်မိရပါတယ်။

တောင်အာဖရိကနိုင်ငံရဲ့ စတုတ္ထမြောက် သမ္မတ ဂျေးခါ့(ဘ်) ဇူးမား စတဲ့ ဇာတ်လမ်းလို့ တနေရာမှာ တွေ့တာနဲ့ ဖတ်ကြည့်ပြီး သဘောကျလို့ အဲဒီ့ဆောင်းပါးလေးထဲက နည်းနည်း ဘာသာပြန်ပေးပါရစေ။ ခေါင်းစဉ်ခွဲတွေက မူရင်းမှာ မပါပါဘူး။ စာဖတ်ရတာ သွက်အောင် ကျနော်ထည့်ထားတဲ့ ခေါင်းစဉ်လေးတွေပါ။

တချို့အကြောင်းအရာ၊ ဥပမာ၊ ဒေါက်တာ ဂျော်(န်)ဆင်(န်) ဖွင့်ဆိုချက် ပြောခဲ့တဲ့ ရက်စွဲ၊ လန်ဒန်ဖျော်ဖြေပွဲမှာ အဆိုတော် ပြောခဲ့တဲ့စကားစတာတို့ဟာ မူရင်းမှာ မပါပါဘူး။ ကျနော့်ဘာသာ အိမ်စာလုပ်ရင်း တွေ့တာလေးတွေကို ဖြည့်ထည့်ထားတာလည်းပဲ ဖြစ်ပါတယ်။

(ဘာသာပြန်အစ)

တောင်အာဖရိကနိုင်ငံရဲ့ စတုတ္ထမြောက် သမ္မတ အယူတိမ်းသွားပုံ

သူက မက္ကဆီကို စာနယ်ဇင်းဟာ မျိုးချစ်စိတ်ရှိတယ်။ မက္ကဆီကိုမှာ ရာဇဝတ်မှု ထူပြောပေမယ့် သူရောက်ခဲ့တုန်းကဆို မက္ကဆီကို စာနယ်ဇင်းက ဒါတွေကို မဖော်ပြဘူး။ ကိုယ့်တိုင်းပြည်အကြောင်း မကောင်းတဲ့ သတင်းတွေ ပေးမိရင် ရင်းနှီးမြှုပ်နှံသူတွေ၊ ခရီးသွားဧည့်သည်တွေကို မလာအောင် တားသလို ဖြစ်မှာစိုးလို့ မထည့်ကြတာပဲလို့ သူက သုံးသပ်ခဲ့ပါတယ်။

ဒါ့ကြောင့် တောင်အာဖရိက စာနယ်ဇင်းဆရာများသည်လည်း မျိုးချစ်စိတ် ရှိသင့်တယ်။ ရာဇဝတ်မှုခင်းသတင်းကိုသာ အသားပေး မဖော်ပြထိုက်ဘူး ဘာညာ၊ သူက လုပ်ခဲ့ပါတယ်။

ဇူးမားက စာတအုပ်တည်းသမား၊ ဒါမှမဟုတ် သူဖတ်ချင်တဲ့ သတင်းစာ တစောင်တည်းသာ ကွက်ဖတ်ပြီး ကောက်ချက်ချတာပါ။

သူမသိတာက မက္ကဆီကို ပရင်းဆား ရိုခဟား (prensa roja) လို့ ခေါ်တဲ့ အနီရောင်စာနယ်ဇင်း (ဝါ) အန္တရာယ် များတဲ့ စာနယ်ဇင်းအတွက် ရာဇဝတ်မှု သတင်းတွေကသာ အသက်သွေးကြောပမာ ဖြစ်နေတာ၊ ထောင်ထဲ ရောက်နေတဲ့ မူးယစ်ရာဇာတွေပင်လျှင် သြဇာအရှိန်အဝါကြီးနေတဲ့ မူးယစ်ဆေး စစ်ပွဲတွေအကြောင်းကို လူပြိန်းကြိုက် သတင်းစာတချို့ကတောင် အားပါးတရ ဖော်ပြနေတာကိုပါပဲ။

မျိုးချစ်စိတ်ရဲ့ အကောင်းဆုံး အနက်အဓိပ္ပာယ် ဖွင့်ဆိုချက်

သည်နေရာမှာ မျိုးချစ်စိတ်ဆိုတာကို ဘယ်လို အနက်ဖွင့်မလဲ။

သဘောကျမိတဲ့ ဖွင့်ဆိုချက်ကတော့ ၁၈ ရာစု အင်္ဂလိပ် စာရေးဆရာ ဒေါက်တာ ဆယ်မြူယယ်(လ်) ဂျော်(န်)ဆင်(န်)ရဲ့ ဖွင့်ဆိုချက်ပါပဲ။

Patriotism is the last refuge of a scoundrel. တဲ့။Image result for last refuge of a scoundrel

မျိုးချစ်စိတ် (မျိုးချစ်ဝါဒ)ဟူသည်ကား ကလိမ်ကကျစ်တို့၏ ကြံရာမရသည့်အဆုံး ခိုလှုံရာထွက်ပေါက်သာ ဖြစ်တော့သတည်းလို့ ဘာသာပြန်ရမယ် ထင်ပါတယ်။

သည်စကားကို ဂျော်(န်)ဆင်(န်) (၁၇၀၉-၁၇၈၄) က ၁၇၇၅ ခုနှစ် ဧပြီလ ၇ ရက်နေ့ ညနေခင်းမှာ ပြောခဲ့တာပါတဲ့။

ဟုတ်ကဲ့… သူ သည်စကားပြောခဲ့တာ ၂၄၄ နှစ်တောင် ကျော်ခဲ့ပါပြီ။ ဆင်ခြင်ဉာဏ်သာ အမှန်ရှိမယ်ဆိုရင် အဲဒီ့စကားဟာ သည်လောက်ကြာတဲ့တိုင် မှန်နေဆဲဆိုတာတော့ မြင်နိုင်ကြမယ် ထင်ပါတယ်။

အကောင်းအဆိုး နမူနာ

ကျင့်ဝတ်ပိုင်းဆိုင်ရာ အကန့်အသတ်တွေနဲ့သာဆိုရင်တော့ မျိုးချစ်စိတ်ဆိုဟာ လူထုအတွက် တကိုယ်ရေ သရုပ်လက္ခဏာ၊ နေရာတနေရာကို ရလာစေနိုင်ပြီး ဘုံကောင်းကျိုးကို ဖြစ်ထွန်းလာစေနိုင်ပါတယ်။

ဒါပေသည့် ကျင့်ဝတ်မထိန်းဘူးဆိုရင်တော့ နိုင်ငံထဲက လူတချို့ကို ဖိနှိပ်ဖို့၊ ပထုတ်ဖို့အတွက်ရော၊ ဝေဖန်တာတွေကို ပါးစပ်ပိတ်သွားစေဖို့အတွက်ပါ အုပ်ချုပ်သူ အခွင့်ထူးခံတွေက အဲဒီ့မျိုးချစ်စိတ်ဆိုတာကြီးကို အလွဲသုံးစား လုပ်နိုင်ပါတယ်။

မျိုးချစ်စိတ် ပြင်းထန်သူများရဲ့နိုင်ငံအဖြစ် အလွန်ထင်ရှားတဲ့ အမေရိကန်နိုင်ငံမှာ ဖြစ်ခဲ့တဲ့ မိန်းကလေး တီးဝိုင်းအဖွဲ့ Dixie Chicks ရဲ့ ဖြစ်ရပ်က မျိုးချစ်စိတ်ရဲ့ အဆိပ်ပြင်းပုံအတွက် နမူနာကောင်းတခုပါပဲ။Image result for dixie chicks

အဲဒီ့ ကျေးလက်ဂီတ တီးဝိုင်းအဖွဲ့ထဲက မိန်းကလေးတွေဟာ အမေရိကန်ပြည်ထောင်စု ထက္ခဆက်(စ်) ပြည်နယ်သူတွေပါ။

၂၀၀၃ ခုနှစ် မတ်လ ၁၀ ရက်နေ့ ညခင်းမယ် အဖွဲ့က လန်ဒန်က ဇာတ်ရုံ တရုံမှာ သီဆို ဖျော်ဖြေပါတယ်။ အဲဒီ့အချိန်မှာ အမေရိကန်နိုင်ငံဟာ အီရတ်နိုင်ငံကို ကျူးကျော် ဝင်ရောက်ဖို့ ပြင်နေတဲ့အချိန်ဖြစ်ပါတယ်။ ၁၉ ရက်နေ့မှာ တကယ် ကျူးကျော်ဝင်ရောက်ခဲ့ပါတယ်။ သမ္မတ ဂျော့(ခ်ျ)ဘွတ်(ရှ်)ရဲ့ ဆုံးဖြတ်ချက်ပါ။

သူတို့ရဲ့ သီချင်းသစ်ဖြစ်တဲ့ ‘ခရီးသွားနေတဲ့ စစ်သား’ဆိုတဲ့ သီချင်းကို မသီဆိုခင်မှာ အဆိုတော်ထဲက Natalie Maines က သီချင်းကို မိတ်ဆက်ရင်း ပြောလိုက်တဲ့ စကားကတော့ “အားလုံး သိတော်မူတဲ့အတိုင်းပါပဲ။ ကျမတို့သည် သည်က ပရိသတ်ကြီးအားလုံးနဲ့အတူ ကောင်းတဲ့ဘက်မှာပဲ ရပ်နေပါတယ်။ သည်စစ်ပွဲ၊ သည် အကြမ်းဖက်မှုကို ကျမတို့ မလိုလားပါဘူး။ အမေရိကန်ပြည်ထောင်စုရဲ့ သမ္မတဟာ တက္ခဆက်(စ်) ပြည်နယ်က ဖြစ်နေတဲ့ အတွက် ကျမတို့ ရှက်မိပါတယ်”တဲ့။

သူတို့စိတ်ထဲရှိတဲ့အတိုင်း အဲသလို ပြောချလိုက်တာက ပြဿနာ မဟုတ်ပါဘူး။ ပြဿနာက တခြားနိုင်ငံကို ရောက်နေချိန်မှာ ပြောချလိုက်တာမို့ပါပဲ။

နိုင်ငံရေးသမားက နိုင်ငံရေးသမား၊ နိုင်ငံတော်က နိုင်ငံတော်

သူတို့ ဝေဖန်လိုက်တာက နိုင်ငံ(တော်)ကို မဟုတ်ဘူး။ နိုင်ငံ(တော်)ရဲ့ အကျိုးစီးပွားကို ဆန့်ကျင်ပြီး မလိုအပ်တဲ့ စစ်ပွဲကို ဖန်တီးလိုက်ခြင်းအားဖြင့် နိုင်ငံတော်ကို သစ္စာဖောက်ရာရောက်တယ်လို့ သူတို့ ခံစားရတဲ့ နိုင်ငံရေးသမား တယောက်ကို ဝေဖန်တာသာ ဖြစ်ပါတယ်။ သို့ပေမယ့် ပြည်ပမှာ သည်စကား ပြောတာမို့ သည်အဆိုတော်တွေဟာ ဖြင့်ရင် မျိုးချစ်စိတ်ကင်းမဲ့တယ်လို့ ယူဆကြပါတော့တယ်။

ဘူ(လ်)ဒိုဇာနဲ့တောင် ထိုးတာနော်… ဒါပေမယ့်…

သည်မှာတင် သူတို့ကို အရေးယူကြပါတော့တယ်။ အစိုးရကတော့ မဟုတ်ပါဘူး။ သူတို့နဲ့ တပြည်နယ်တည်းသားတွေက အရေးယူတာပါ။ “သစ္စာဖောက်”တွေကို သပိတ်မှောက်ကြတော့တာပေါ့။

သူတို့ ပရိသတ်တွေက သူတို့ သီချင်းတွေကို မဝယ်တော့ဘူး။ အသံလွှင့်ရုံတွေကလည်း သူတို့သီချင်းတွေကို မလွှင့်တော့ဘူး။ ဒါတင် ဘယ်ကဦးမလဲ။ လူထု ပန်းခြံထဲမယ် အဲဒီ့ တီးဝိုင်းရဲ့ သီချင်း ဓာတ်ပြား (စီဒီ) တွေကို ဘူ(လ်)ဒိုဇာနဲ့ ထိုးပြီး ဖျက်ဆီးတာတွေအထိ လုပ်ခဲ့ကြပါတော့တယ်။

မျိုးချစ်စိတ်နဲ့ ဆွလိုက်ရင် ဘယ်လောက်အထိ ပါသွားနိုင်လဲဆိုတာကို သည်ဖြစ်ရပ်က သက်သေထူနေပါတယ်။

ကနေ့အခါမှာတော့ အီရတ်စစ်ပွဲဟာ မလိုအပ်သလို အမှားကြီး မှားသွားခဲ့ပြီဆိုတာ အမေရိကန်အများစုက လက်ခံနိုင်နေကြပါပြီ။ ဒါပေမယ့် ဟို တီးဝိုင်းအဖွဲ့ကတော့ အီနေအောင် ခံခဲ့ရဖူးတာလည်း အမှန်ပါပဲ။

ကိုယ့်ကိုယ်ကိုယ်ဖော်၊ တခြားသူတွေကို ဆော်တဲ့ ဂျင်ဂိုအစ်ဇင်(မ်)

နိုင်ငံတော် သစ္စာ စောင့်သိရိုသေခြင်းကနေ တခြားနိုင်ငံက လူတွေအပေါ် ရန်လိုတာ၊ အပြင်းအထန် ဆန့်ကျင်တာတွေလည်း ဖြစ်လာနိုင်ပါတယ်။ မျိုးချစ်တယောက်အနေနဲ့ ကိုယ့်နိုင်ငံကို မြှင့်တင်ရင်း တခြားနိုင်ငံတွေကို နှိမ်ဖြစ်နေပါတော့မယ်။ ကိုယ့်နိုင်ငံရဲ့ သုခချမ်းသာကို လူသားတွေရဲ့ သုခချမ်းသာထက် ပိုပြီး ဦးစားပေးဖြစ်ပါတော့မယ်။

ဒါဟာ ကျင့်ဝတ်ပိုင်း အကန့်အသတ်ကင်းမဲ့တဲ့ မျိုးချစ်စိတ်ရဲ့ သဘာဝပါပဲ။ အဲဒီ့မှာတင် မျိုးချစ်စိတ် patriotism နံရံပါးပါးလေးတချပ်သာ ခြားတဲ့ jingoism ဖြစ်လာတော့တာပဲ။ မြန်မာစာအဖွဲ့ထုတ် မြန်မာအဘိဓာန်မှာတော့ jingoism ကို တက်ကြွရိုင်းစိုင်းသော မျိုးချစ်စိတ်၊ စစ်သွေးကြွ ဇာတိမာန်လို့ ဖွင့်ဆိုပေးထားပါတယ်။

အဲဒီ့ စစ်သွေးကြွဇာတိမာန်ဟာ ဖျက်လိုဖျက်ဆီးနိုင်လှတဲ့ မျိုးချစ်စိတ်ပါပဲ။ ကျဉ်းမြောင်းတဲ့ အမျိုးသားရေးဝါဒ၊ လူမျိုးကြီးဝါဒတို့ရဲ့ မူလဘူတလို့လည်း ဆိုနိုင်ပါတယ်။

သူစိမ်းကြောက်ရောဂါ၊ တခြားနိုင်ငံသားတွေကို ကြောက်တဲ့ ရောဂါကို အရှိန်ပိုတက်စေတတ်သလို စစ်မီးလျှံတွေကို ယပ်ခတ်ပေးတာလည်း အဲဒီ့ ဂျင်ဂိုအစ်ဇင်(မ်)ဆိုတဲ့ စစ်သွေးကြွဇာတိမာန်ပါပဲ။

အမေရိကန်မျိုးချစ်စိတ်၊ အမေရိကန် စစ်သွေးကြွ

မျိုးချစ်စိတ်က စစ်နဲ့ အနီးကပ် ဆက်စပ်နေပါတယ်။ ဂျင်ဂိုအစ်ဇင်(မ်)ကတော့ ပိုတောင်ဆိုးပါတယ်။ စစ်သွေးကြွ ဇာတိမာန် တက်ကြွနေသူရဲ့ အမြင်မှာ ကိုယ့်အလိုလည်းမပါဘဲ မတော်တဆ မွေးလာတဲ့ နယ်မြေချင်းမတူ ဖြစ်နေတဲ့ တခြားသူတွေကို ရန်သူ၊ ကိုယ်နဲ့ ဘဝတူ လူသားမဟုတ်ဘူးအထိ မြင်နေကြစမြဲပါ။ ဂျင်ဂိုအစ်ဇင်(မ်)ဟာ တဖက်သားကို နှိမ်လိုတဲ့၊ တဖက်သားရဲ့ လူ့သိက္ခာကို ချိုးဖဲ့လိုတဲ့ စိတ်ဓာတ်ပါပဲ။ မှားမှား မှန်မှန်၊ ဒါ ငါ့နိုင်ငံဆိုတဲ့ အမြင်နဲ့ အဲဒီ့ ဝါဒကို ထောက်မထားပါတယ်။

အဆိုးဆုံးကတော့ ဘုရားသခင်က ရွေးချယ်ထားတဲ့ လူထုဆိုတဲ့ ယုံတမ်းကို ဂျင်ဂိုအစ်ဇင်(မ်)က အားဖြည့်ပေးပါတယ်။ ဘုရားသခင်က ရွေးထားတဲ့လူထုဆိုတာက ကိုယ်မွေးလာတဲ့ အခြမ်းဘက်မှာသာ ဘုရား ရှိတယ်ဆိုတဲ့ အမြင်ပါပဲ။ ဒါ့ကြောင့် ကိုယ့်နိုင်ငံက တခြားနိုင်ငံက မိန်းမတွေ၊ ကလေးတွေ၊ မိသားစုတွေ၊ မင်္ဂလာဆောင်တွေ စိစိညက်ညက်ကြေအောင် လူမပါတဲ့ ဒရုန်းတွေနဲ့ သွားဗုံးကျဲဦးတောင်မှ ကိုယ့်နိုင်ငံကသာ တရားနည်းလမ်းကျတယ်လို့ မြင်နေတာပါ။ (အမေရိကန်တွေမှာ အဲဒီ့ စိတ်အလွန်ပြင်းတာ သမိုင်းက သက်သေခံခဲ့ပြီးပါပြီ။ ဒါ ဘာသာပြန်သူ့ စကားချပ်ပါ။)

နိုင်ငံရေးသမားတွေရဲ့ ပါးစပ်ထဲက မျိုးချစ်စိတ်

နိုင်ငံရေးသမားတွေ ပြောတဲ့ မျိုးချစ်စိတ်ဆိုတာ အဆိပ်ပြင်း၊ အန္တရာယ်များတဲ့ မူကို ဆိုလိုပါတယ်။ တနည်းပြောရင် သူတို့အနေနဲ့ နိုင်ငံသားတွေကို ယဉ်ပါးအောင် ကျုံးသွင်းဖို့အတွက် လိုသလို ချယ်လှယ်နိုင်တဲ့ စိတ်ဓာတ်သာ ဖြစ်ပါတယ်။ လူထုအကျိုးစီးပွားထက် အုပ်ချုပ်သူအခွင့်ထူးခံတွေရဲ့ အကျိုးစီးပွားကို ပိုဇောင်းပေးတဲ့ ဥပဒေတွေ၊ ဓလေ့ထုံးတမ်းတွေ၊ အမူအကျင့်တွေကို လိုက်နာအောင် မျိုးချစ်စိတ်ကို နိုင်ငံရေးသမားတွေက ခုတုံးလုပ်တတ်ကြပါတယ်။

ကိုယ့်နိုင်ငံက မှားနေနေ၊ မှန်နေနေ၊ နိုင်ငံတော်က ကမကထပြုတဲ့ မျိုးချစ်စိတ်ရဲ့ သီးခြား ဓလေ့စရိုက်၊ သွင်ပြင် လက္ခဏာကတော့ အာဏာရနေတဲ့ နိုင်ငံခေါင်းဆောင်တွေ စိတ်တိုင်းကျ ဖွင့်ဆိုထားတဲ့ နိုင်ငံတော်၊ အစိုးရ၊ ယဉ်ကျေးမှု၊ တန်ဖိုးထားမှုတွေကို ချစ်မြတ်နိုးရမယ်ဆိုတာပါပဲ။

အဲဒီ့ မျိုးချစ်စိတ်ကနေ စည်းလုံးညီညွတ်ရေးတို့၊ နိုင်ငံတော် တည်ဆောက်ရေးတို့နဲ့ ပတ်သက်တဲ့ ကြွေးကြော်သံတွေ ပေါက်ဖွားလာခဲ့တာပါ။ အဲဒီ့ကြွေးကြော်သံမျိုးတွေကို တောင်အာဖရိကနိုင်ငံမှာ ရှင်းရှင်းလင်းလင်း ကြားခဲ့ကြသလို လွတ်လပ်စွာ ထုတ်ဖော်လှစ်ဟခွင့်ကိုလည်း ပျက်စီးသွားစေခဲ့ပါတယ်။

စည်းလုံးညီညွတ်ရေး၊ နိုင်ငံတည်ဆောက်ရေးဟာ ဘယ်ကဲ့သို့ ဘယ်ချမ်းသာဆိုပြီး စီရင်ဆုံးဖြတ်ပေးသူတွေဟာ နိုင်ငံရေးသမားတွေ၊ နိုင်ငံတော် ဝန်ထမ်းတွေ ဖြစ်လာပြီဆိုရင်ဖြင့် ပင်ကိုအားဖြင့် အကောင်းဘက်ဆောင်တဲ့ သည်ရိုးရိုးသားသား သဘောတရားတွေဟာ အန္တရာယ်ကြီးလာပါတော့မယ်။ သည်လိုနဲ့ အမျိုးသမီးချင်း ပွေ့ဖက်ထားတဲ့ ပုံ၊ တမူထူးခြားတဲ့ မျက်နှာ၊ ကိုယ်ခန္ဓာတွေကို မြင်သာအောင် ပြတဲ့ တခြားပုံတွေကို ရိုက်ကူး ခင်းကျင်းပြသတဲ့ နိုင်ငံတကာ အသိအမှတ်ပြု ဓာတ်ပုံဆရာရဲ့ ပုံတွေကို နိုင်ငံရေးသမားတို့၊ အနုပညာနဲ့ ယဉ်ကျေးမှု ဝန်ကြီးတို့က ရှုံ့ချပြတာတွေ မြင်လာရတော့တာပါပဲ။

အနုပညာမှာလည်း ဝင်ရှုပ်တာ နိုင်ငံရေးသမားပါ

လိင်တူချင်းတပ်မက်သူ အခွင့်အရေး တက်ကြွလှုပ်ရှားသူလည်း ဖြစ်လေတဲ့ ဓာတ်ပုံဆရာ ဇန္နဲ(လ်) မူဟိုလီရဲ့ ဓာတ်ပုံတွေကို ကမ္ဘာ့ မြို့ကြီး အများအပြားမှာ ပြသခဲ့ပြီး ချီးကျူးကြတဲ့သူတွေကလည်း အုတ်အော်သောင်းသဲပါ။ Image result for muholi zaneleအနုပညာ နက်ရှိုင်းမှုနဲ့ အလှကြောင့် ပညာရှင်တွေတောင် ရင်သပ်ရှုမောခဲ့ရတဲ့ လက်ရာတွေပါပဲ။

ဒါပေမယ့် လွတ်လပ်သွားပြီလို့ဆိုတဲ့ တောင်အာဖရိကနိုင်မှာတော့ မျက်နှာပြောင်တိုက်သူ (နိုင်ငံရေးသမား အမျိုးသမီး) နိုင်ငံရေးသမ လူလူး ဇင်ဂွာဟာကတော့ အဲဒီ့အချိန်က အနုပညာနဲ့ ယဉ်ကျေးမှု ဝန်ကြီးဖြစ်နေခဲ့ပြီး ဇန္နဲ(လ်)ရဲ့ ဓာတ်ပုံတွေဟာ စည်းလုံးညီညွတ်ရေး၊ နိုင်ငံတည်ဆောက်ရေး တန်ဖိုးထားမှုတွေနဲ့ ဆန့်ကျင်နေပါတယ်လို့ အမိန့်တော်မြတ် ချမှတ်ခဲ့ပါတယ်။

သည်ဝန်ကြီးက စီရင်ဆုံးဖြတ်ပိုင်ခွင့်ရှိသူရဲ့ အခန်းကဏ္ဍကို ယူခဲ့သလို သူ့တကိုယ်ရေ တန်ဖိုးထားမှုတွေကို ထင်ဟပ်နေတဲ့ ထုတ်ပြန်ကြေညာချက်တွေကို ချမှတ်ခဲ့ပါတယ်။ လိင်တူချင်း ချစ်တာကို ခွင့်ပြုထားတဲ့ ဖွဲ့စည်းအုပ်ချုပ်ပုံအခြေခံဥပဒေ (ဖွဲ့အုပ်ဥ)ထဲမှာ အမြတ်တနိုး ထည့်သွင်းထားတဲ့ လွတ်လပ်စွာ ထုတ်ဖော်ပြောဆိုခွင့် တန်ဖိုးထားမှုတွေနဲ့ ဆန့်ကျင်နေလင့်ကစား သည်ဝန်ကြီးမ ပါးစပ်ကထွက်တဲ့ သူ့တကိုယ်ရေ တန်ဖိုးထားမှုတွေက အလိုလိုနေရင်း နိုင်ငံလုံးဆိုင်ရာ တန်ဖိုးထားမှုတွေ ဖြစ်ကုန်တယ်။

Image result for muholi zaneleမျိုးချစ်စိတ်ဆိုတဲ့ အကြောင်းပြချက်အောက်မှာ သက်ဆိုင်ရာ အနုပညာအသီးသီးသည်လည်း နိုင်ငံလုံးဆိုင်ရာ စည်းလုံးညီညွတ်ရေး၊ နိုင်ငံတည်ဆောက်ရေးကို ပံ့ပိုးပေးရမယ်လို့ နိုင်ငံတော်ကလည်း အမိန့်တော် မှတ်ချ လိုက်ပါတော့တယ်။ သည်စိတ်ဓာတ်အတိုင်း မရှိတဲ့ အနုပညာသည်တွေ၊ ဒါမှမဟုတ်လည်း စည်းလုံးညီညွတ်ရေး၊ နိုင်ငံတည်ဆောက်ရေးရဲ့ အနက်အဓိပ္ပာယ်၊ လက်တွေ့အသုံးချပုံတို့ကို တခြားနည်းနဲ့ နားလည်ထားတဲ့ အနုပညာသည်တွေကိုဆိုရင်တော့ မျိုးချစ်စိတ်မရှိဘူးလို့ ယူဆကြပါတော့တယ်။

ဒါဟာဖြင့် အဂတိလိုက်စားသူ (အဂတိလေးပါးစလုံးထဲက တပါးပါးကို ဆိုလိုပါတယ်။ လာဘ်စားတာ တခုတည်း မဟုတ်ပါ။) နိုင်ငံရေးသမားများအတွက် အားကိုးရာ ဖြစ်လာတဲ့ မျိုးချစ်စိတ်အမျိုးအစားပါပဲ။

အဲဒါတွေထက် သာလွန် မြင့်မြတ်တဲ့ မျိုးချစ်စိတ်

ဒါပေမယ့်လည်း တဖက်မှာ ကိုယ့်နိုင်ငံကို နှိုင်းနှိုင်းချင့်ချင့် ချစ်တဲ့စိတ်ကို မွေးမြူသလို ဘာကြီးပဲဖြစ်ဖြစ် သစ္စာရှိမImage result for james william fulbrightယ် ဆိုတဲ့ သဘောထားကိုလည်း ဆန့်ကျင်တဲ့ မျိုးချစ်စိတ်သဘောတရား နောက်တခုလည်း ရှိပြန်ပါသေးတယ်။ အဲဒါကိုတော့ အမေရိကန် အထက်လွှတ်တော်အမတ် ဂျိမ်း(မ်)(ဇ်) ဝစ်လျံ(မ်) ဖှူး(လ်)ဘရိုက်(ထ်) (၁၉၀၅-၁၉၉၅) က ရေးပြခဲ့ပါတယ်။

“မိမိနိုင်ငံအား ဝေဖန်ခြင်းသည် နိုင်ငံကို အလုပ်အကျွေးပြုခြင်းဖြစ်သလို နိုင်ငံကို ချီးကျူးဂုဏ်ပြုခြင်းလည်း မည်ပါသည်။ နိုင်ငံအား လက်ရှိလုပ်ဆောင်နေသည်ထက် ပိုကောင်းအောင် လုပ်ဆောင်ရန် နှိုးဆော်ရာ ရောက်သဖြင့် အလုပ်အကျွေးပြုခြင်းဟု ဆိုရခြင်းဖြစ်ပေသည်။ … တိုတို ပြောရလျှင် ဝေဖန်ခြင်းသည် အခွင့်အရေး တရပ်သာမကဘဲ မျိုးချစ်စိတ်၏ အပြုအမူသာ ဖြစ်ပေသည်။ ဤနေရာတွင် မျိုးချစ်စိတ်ဟူသည်မှာ ရင်းနှီးပြီးသား ဓလေ့ထုံးစံများ၊ ကိုယ့်နိုင်ငံကိုယ် လွန်လွန်ကဲကဲ မြှောက်စားခြင်းများထက် သာလွန်မြင့်မြတ်သော မျိုးချစ်စိတ်ပုံစံဟု ကျနော် ယူဆပါသည်”ဟူလို။

(ဘာသာပြန်အဆုံး)

ရည်ညွန်း စာနှစ်ပုဒ်

မူရင်း ဆောင်းပါးက အရှည်ကြီးပါ။ မဆုံးသေးပါဘူး။ ဒါက ပထမပိုင်းထဲက ကျနော် တတ်နိုင်သလောက် ကောက်နုတ် ပြန်ဆိုထားတာသာ ဖြစ်ပါတယ်။ ဒုတိယပိုင်း ကျန်ပါသေးတယ်။

မူရင်းကို သည်မှာ ဖတ်နိုင်ပါတယ်။ https://city-press.news24.com/…/Do-we-need-patriotic-journa…

အာဖရိကနိုင်ငံတနိုင်ငံဖြစ်တဲ့ ဇင်ဘာဘွေမှာလည်းပဲ မျိုးချစ် စာနယ်ဇင်းဆိုတာ ပေါ်ပေါက်လာခဲ့ပါတယ်။ အဲဒါနဲ့ ပတ်သက်လို့လည်း အော့(ခ်)(စ်)ဖှာ့(ဒ်) တက္ကသိုလ် ပါမောက္ခတယောက်ရဲ့ ပညာရပ်ဆိုင်ရာ စာတမ်းတစောင် တွေ့မိပါတယ်။ “ဇင်ဘာဘွေနိုင်ငံတွင် မျိုးချစ်စာနယ်ဇင်းပေါ်ပေါက်လာခြင်းနှင့်တကွ ယင်း၏ အကျိုးဆက် အလားအလာများ”တဲ့။ ဝါသနာပါပြီး အင်္ဂလိပ်လို ဖတ်နိုင်ရင် https://bit.ly/2YFsscE ကနေ ရယူဖတ်ရှုနိုင်ကြပါလိမ့်မယ်။

သုံးသပ်မိတာလေး

အာဖရိကတိုက်မှာက နိုင်ငံအတော်များများက အာဏာရှင်နိုင်ငံတွေ ဖြစ်ကြတာ အားလုံး အသိလို့ ထင်ပါတယ်။ နောက်တခုက သူတို့ရဲ့ လူမျိုးစရိုက်။ လက်နက်အားကိုးနဲ့ ဗိုလ်ကျချယ်လှယ်တတ်ကြတဲ့ (လူရိုင်း) စရိုက်က သူတို့ သွေးသားထဲမှာ စွဲနေပါတယ်။ အဲတော့ နိုင်ငံရေးသမားတွေ ဖြစ်လာတဲ့အခါမှာလည်း ထုံးစံအတိုင်း အာဏာကို မက်လာတယ်။

အာဏာကို ဖက်တွယ်ထားနိုင်ရေးမှာ စကားလုံးလှလှတွေ ရှာလိုက်တဲ့အခါ နောက်ဆုံး အားကိုးရာအဖြစ် မျိုးချစ်စိတ်ဆိုတာကြီးကို သွားတွေ့ကြတယ်။ သည်မှာတင် “မျိုးချစ်စာနယ်ဇင်း”ဆိုတာကိုပါ သူတို့အကျိုးစီးပွားအတွက် ချသုံးလာကြတယ်။ အဲလိုပဲ သုံးသပ်မိပါတယ်။

ဘာကို ရွေးကြပါမလဲ

အဆုံးပိုင်းက အမေရိကန် အထက်လွှတ်တော်အမတ် ပြောသွားတဲ့ သာလွန်မြင့်မြတ်တဲ့ မျိုးချစ်စိတ်ကို ကျနော်ဖြင့် နှစ်သက် မဆုံးဘူး။

အမေရိကန်တွေ မျိုးချစ်စိတ်လွန်ကဲနေတာ အထက်မှာ ဖြစ်ရပ်ဥပမာနဲ့ အထင်အရှား ပြခဲ့ပြီးပါပြီ။ သို့ပေတည့် လွှတ်တော်အမတ်ရဲ့ အတွေးအမြင်မျိုးကတော့ တွေ့ရခဲလှလို့ ထင်မိပါတယ်။

ကျနော်လည်း မျိုးချစ်ပါတယ်။ နိုင်ငံချစ်ပါတယ်။ ဒါပေမယ့် ကျနော်ချစ်တာက သူပြောသလိုပါ။ နိုင်ငံကို အလုပ်အကျွေးပြုလိုတဲ့ စေတနာနဲ့ ချစ်တာပါ။ တခြားသူတွေ၊ ကိုယ်နဲ့မတူသူတွေကို မုန်းတီး ရန်လိုတဲ့ စိတ်မျိုးနဲ့ ချစ်မိတာ မဟုတ်ပါဘူး။

စာဖတ်သူ လူကြီးမင်းကရော… ဘယ်လို စိတ်မျိုးနဲ့ ချစ်ချင်တာပါလဲ။

စာဖတ်သူ လူကြီးမင်းရဲ့ သားသမီး မြေးမြစ်တွေကိုရော ဘယ်လို စိတ်မျိုးနဲ့ မျိုးချစ်တတ်အောင် သွန်သင်ခဲ့ချင်ပါသလဲ။

ဘာကိုပဲ ဆုံးဖြတ်ဆုံးဖြတ် စာဖတ်သူ လူကြီးမင်းကို လေးစားပါတယ်။

တခုပါပဲ။ ကျနော့်စာလေးကို ဖတ်ပြီး အလေးအနက် တချက်လောက် စဉ်းစားကြည့်ပေးရင်ပဲ ဒါတွေကို ကျနော် ရေးရကျိုးနပ်ပြီလို့ အောက်မေ့လိုက်ပါရစေတော့ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ…

အတ္တကျော်

(၀၃၀၈၁၉)

ရည်ရွယ်ချက်နဲ့ စေတနာသည်သာ…

မပြောတော့ဘူးလို့ နေနေတာပါပဲ။ ဒါပေမယ့် မျက်စိထဲ ဒါတွေပဲ နင်းကန်တိုးဝင်နေတော့လည်း မနေနိုင်တော့ပြန်ဘူး။ ပြောမိရပေဦးတော့မယ်။

အခြေခံအချက်လက်တွေImage may contain: text

(၁) ဖွဲ့စည်းအုပ်ချုပ်ပုံ အခြေခံဥပဒေ (ဖွဲ့အုပ်ဥ) ဆိုတာ ကမ္ဘာဦးကျမ်းလည်း မဟုတ်၊ ဘုရားဟောလည်း မဟုတ်ပါဘူး။ ပြင်ချင် ပြင်လို့ရတာချည်းပါပဲ။

(၂) ကမ္ဘာပေါ်မယ် သက်တမ်းအရင့်ဆုံး ဖွဲ့အုပ်ဥနဲ့ နိုင်ငံတွေ ရှိတယ်။ စရေးကတည်းက အမြော်အမြင်နဲ့ ရေးခဲ့တာမို့ အသစ်ရေးစရာ မလိုတော့တဲ့ နိုင်ငံတွေလည်း အများကြီးပါပဲ။ ဖွဲ့အုပ်ဥတကာရဲ့ ဘိုးအေ အမေရိကန်နိုင်ငံရဲ့ ဖွဲ့အုပ်ဥ သက်တမ်းဆို ၂၃၁ နှစ်တောင် ကျော်ခဲ့ပါပြီ။

(၃) အမေရိကန်လောက် သက်တမ်းမရင့်တဲ့အပြင် သက်တမ်းနုတယ်လို့ ပြောမယ်ဆို ပြောနိုင်တဲ့ အိန္ဒိယနိုင်ငံရဲ့ ဖွဲ့အုပ်ဥက ကမ္ဘာ့ အရှည်လျားဆုံး ဖွဲ့အုပ်ဥလို့ အဆိုရှိပါတယ်။ ဒါပေမယ့် ပြောင်းလွယ်ပြင်လွယ်နိုင်မှုမှာ အိန္ဒိယ ဖွဲ့အုပ်ဥက သိပ်ကို အမြော်အမြင်ကြီးခဲ့တယ်လို့ မြင်မိရပါတယ်။

• အိန္ဒိယရဲ့ အငြိမ်းစားတရားသူကြီးချုပ် ဟန့်(ဇ်) ရာ့(ဂ်ျ) ခန္နာက သူ့ရဲ့ “အိန္ဒိယ ဖွဲ့အုပ်ဥ ရေးဆွဲခြင်း”ဆိုတဲ့ စာအုပ်ရဲ့ အဆုံးမှာ အခုလို ရေးခဲ့ပါတယ်။

“အိန္ဒိယနိုင်ငံ၏ ဖွဲ့စည်းပုံအခြေခံဥပဒေမှာ ကျွန်ုပ်တို့နိုင်ငံအား ထူထောင်ခဲ့သည့် ဖခင်ကြီးများက ကျွန်ုပ်တို့ နောင်လာနောက်သားများအတွက် ထားရစ်ခဲ့သည့် အမွေဖြစ်သည်ဆိုပါလျှင် ကျွန်ုပ်တို့ အိန္ဒိယလူထုသည် အဆိုပါ ဖွဲ့အုပ်ဥပါ ပြဌာန်းချက်များအတွင်း သက်ဝင်လှုပ်ရှားလျက်ရှိသည့် တန်ဖိုးထားမှုများကို ယုံမှတ်အပ်နှံခံရသူများ၊ ထိန်းသိမ်းစောင့်ရှောက်သူများသာ ဖြစ်ကြပါသည်။ ဖွဲ့အုပ်ဥဆိုသည်မှာ ကမ္ပည်းတင်ထားသော စက္ကူပုရပိုက်မည်ကာမတ္တ မဟုတ်ပါ။ ဘဝနေနေနည်း ဖြစ်သလို ကျင့်သုံးနေထိုင်သွားရမည့် လမ်းကြောင်းသာဖြစ်ပါသည်။ အဆုံးအစ မရှိ နိုးကြား သတိရှိခြင်းသည် လွတ်လပ်ရေး၏ တန်ဖိုးဖြစ်သလို ထိုသို့နိုးကြားနေအောင် ထိန်းသိမ်းရမည့်သူများမှာလည်း လူထုသာ ဖြစ်ပါသည်။”

• အိန္ဒိယ ဖွဲ့အုပ်ဥရဲ့ သက်တမ်းဟာ အခုနှစ် နိုဝင်ဘာမှာ နှစ်ပေါင်း ၇၀ တင်းတင်းပြည့်ပါမယ်။

• အခုနှစ် နှစ်ဦး ဇန္နဝါရီ ၁၂ ရက်နေ့မှာ ၁၀၃ ကြိမ်မြောက် ပြင်ဆင်ခဲ့ပါသေးတယ်။ ဆိုတော့ကာ သက်တမ်း ၇၀ အတွင်းမှာ အိန္ဒိယ ဖွဲ့အုပ်ဥကို အကြိမ် တရာကျော် ပြင်ခဲ့ပြီးပြီဆိုတာ ထင်ရှားပါတယ်။

(၄) တရုတ်နိုင်ငံရဲ့ ဖွဲ့အုပ်ဥကို ၁၉၈၂ ခုနှစ်မှာ ပြဋ္ဌာန်းခဲ့ကာ ၅ ကြိမ် ပြင်ဆင်ပြီးပါပြီ။

(၅) ဘင်္ဂလားဒေ့(ရှ်) နိုင်ငံရဲ့ ဖွဲ့အုပ်ဥကို ၁၉၇၂ ခုနှစ်မှာ ပြဋ္ဌာန်းခဲ့ပြီး ၁၇ ကြိမ် ပြင်ပြီးပါပြီ။

(၆) စင်္ကာပူနိုင်ငံရဲ့ ဖွဲ့အုပ်ဥကို ၁၉၆၅ ခုနှစ်မှာ ပြဋ္ဌာန်းခဲ့ပြီး ၄၆ ကြိမ် ပြင်ပြီးပါပြီ။

(၇) ထူးခြားတာကတော့ ထိုင်းပါပဲ။ ၁၉၃၂ ခုနှစ်မှသည် ယနေ့ထက်တိုင် ၈၇ နှစ်တာအတွင်းမှာ ဖွဲ့အုပ်ဥ စုစုပေါင်း ၂၀ ရှိခဲ့ပါတယ်။ သူကတော့ အပင်ပန်းခံပြီး ပြင်ကို မနေဘူး။ အသစ်ချည်း လှိမ့်ရေးတာ အကြိမ်ပေါင်း ၂၀။ နည်းမှတ်လို့။

စဉ်းစားစရာ

ပြောခဲ့တဲ့ နမူနာတွေမှာ အမေရိက၊ အိန္ဒိယ၊ တရုတ်တို့လို လူမျိုးပေါင်းစုံ မှီတင်းနေထိုင်ကြတဲ့ ဧရာမနိုင်ငံကြီးတွေ ပါပါတယ်။ ဘင်္ဂလားဒေ့(ရှ်)လို လူမျိုးတမျိုးတည်း အဓိက နေထိုင်တဲ့ နိုင်ငံလည်း ပါတယ်။ စင်္ကာပူလို မြို့နိုင်ငံ ပိစိညှောက်တောက်လေးလည်း ပါတယ်။ ထိုင်းလို ကိုယ်တွေနဲ့ ရေမြေချင်းမကွာ၊ လူပေါင်းစုံ ဖွဲ့စည်းနေထိုင်တာချင်းလည်း မကွာလှတဲ့ နိုင်ငံလည်း ပါပါတယ်။

ဘယ်နိုင်ငံတွေ တိုးတက်နေလဲ။ ဘယ်နိုင်ငံတွေ ခရီးပေါက်နေသလဲ။ ဖွဲ့အုပ်ဥနဲ့ နိုင်ငံဖွံ့ဖြိုးမှု အဆက်အစပ်ကို စဉ်းစားရင် ထိုင်းတွေက ဟားတိုက် ရယ်နေလေမလား။ စဉ်းစားစရာတွေ အများကြီးပါ။

အဲဒါ ဒို့ဗမာ

လွတ်လပ်ရေးရပြီး အချုပ်အချာအာဏာပိုင် မြန်မာနိုင်ငံမှာ ဖွဲ့အုပ်ဥ သုံးခု ရှိခဲ့ပြီ။ ၁၉၄၇၊ ၁၉၇၄၊ ၂၀၀၈။

တခုချင်း ပြန်ကြည့်ရင်… ၁၉၄၇ ခုနှစ် ဖွဲ့အုပ်ဥသည် ဖုတ်ပူမီးတိုက် ဖွဲ့အုပ်ဥလို့ မြင်မိပါတယ်။ အမြန်ဆုံး လွတ်လပ်ရေး ရဖို့ဆိုတာကို ပန်းတိုင်ထားပြီး အသည်းအသန် အလျင်အမြန် ရေးခဲ့တာပါ။ ဒါ့ကြောင့် လစ်ဟာမှုတွေ ရှိခဲ့တယ်။ လွတ်လပ်ရေးနဲ့အတူ ပေါက်ဖွားလာတဲ့ ပြည်တွင်းစစ်မီးကို အဲဒီ့ ဖွဲ့အုပ်ဥက မကာကွယ်နိုင်ခဲ့ဘူး။ ဖွဲ့စည်းပုံ မမှန်တော့ ရန်များတဲ့ သဘော…

ဗိုလ်နေဝင်းရဲ့ ၁၉၇၄ ဖွဲ့အုပ်ဥနဲ့ ၂၀၀၈ ဖွဲ့အုပ်ဥကတော့ ရှင်းပါတယ်။ တိုင်းပြည်အတွက်၊ လူထုအတွက် ရည်ရွယ် ရေးဆွဲထားတဲ့ ဖွဲ့အုပ်ဥ မဟုတ်ပါဘူး။ အာဏာအတွက် အဓိကထားပြီး ရေးဆွဲထားတဲ့ ဖွဲ့အုပ်ဥတွေပါ။ ထိုင်းနိုင်ငံရဲ့ ဖွဲ့အုပ်ဥ ၂၀ နဲ့ သိပ်မကွာလှဘူးလို့တောင် ပြောလို့ ရမယ် ထင်ပါတယ်။ အာဏာလက်ရှိတွေ အာဏာ မစွန့်လွှတ်ရရေး အတွက် ကျားကုပ်ကျားခဲ ရေးဆွဲထားတဲ့ ဖွဲ့အုပ်ဥတွေပဲဖြစ်နေပါတယ်။

ကျနော့်အမြင်ကတော့ အကြိမ်တသောင်း ပြင်ဦးတောင် ရှိရင်းစွဲ ဖွဲ့အုပ်ဥရဲ့ မူလ ရည်ရွယ်ချက်ကိုက “အာဏာ”ကိုသာ ဦးတည်နေတဲ့အတွက် နိုင်ငံတည်ငြိမ်ရေး၊ ဖွံ့ဖြိုးရေး၊ နိုင်ငံသားတွေရဲ့ တာဝန်နဲ့ အခွင့်အရေးတွေကို အာမခံချက် ပေးနိုင်စွမ်း ရှိလာမယ်လို့ မယုံကြည်မိပါဘူး။

ဖွဲ့အုပ်ဥ အသားပေးသင့်တာ ဘာလဲ

ကျနော်တို့ လုပ်ရမှာက ဖွဲ့အုပ်ဥ ပြင်ဖို့ မဟုတ်ပါဘူး။ တိုင်းပြည်ရယ်၊ နိုင်ငံသားတွေရယ်အတွက် တကယ်စေတနာပါတဲ့ ဖွဲ့အုပ်ဥတရပ်ကို ရေးဆွဲရေးသာ ဖြစ်ပါတယ်။ အဲဒါကို ရေးဆွဲတဲ့အခါ လွှတ်တော်ကို တာဝန်မပေးသင့်ဘူးလို့လည်း မြင်ပါတယ်။ လွှတ်တော်ဆိုတာနဲ့ နိုင်ငံရေးသမားတွေ ပါလာပါတော့မယ်။ နိုင်ငံရေးသမားတွေ ပါလာတာနဲ့ “အာဏာ” ဆိုတာကြီးကလည်း အပမှီသလို ကပ်ပါလာပါတော့မယ်။ “အာဏာ”ကို ဖက်တွယ်လိုတဲ့ ဘယ်အဖွဲ့အစည်းမှ ဖွဲ့အုပ်ဥကို ရေးရာမှာ ဝင်မပါဘဲ ဘေးထွက်ပေးမှသာ တိုင်းပြည်ရဲ့အနာဂတ်ဟာ လှပနိုင်မှာပါ။

အိန္ဒိယနိုင်ငံရဲ့ ဖွဲ့အုပ်ဥကို ရေးခဲ့တဲ့၊ (“တိုင်းပြုပြည်ပြု လွှတ်တော်”လို့ ဘာသာပြန်ထားနှင့်ပြီး ရှိနေတဲ့) Constituent Assembly မှာ ပါဝင်ခဲ့သူတဦးဖြစ်သူ ဂျဝါဟာလာ နေရူးရဲ့ စကားက သိပ်မှတ်သားစရာ ကောင်းလှပါတယ်။ (အဲဒီ့ တိုင်းပြု ပြည်ပြု လွှတ်တော်ဆိုတာဟာ ပါလီမန်လို့ ခေါ်ကြတဲ့ လွှတ်တော်ရဲ့ အထက်က အခေါင်အချုပ်ဖြစ်ပါတယ်။ ဖွဲ့အုပ်ဥ ရေးဖို့အတွက် လူထုလူတန်းစားအသီးသီးက ကိုယ်စားလှယ်တွေ ပါဝင်တဲ့ လွှတ်တော်ဖြစ်ပါတယ်။ “အာဏာ”နဲ့ မပတ်သက်ပါဘူး။)

“သည်တိုင်းပြုပြပြည်ပြု လွှတ်တော်ရဲ့ ပထမဆုံး လုပ်ငန်းကတော့ ဖွဲ့အုပ်ဥအသစ်ကတဆင့် အိန္ဒိယနိုင်ငံကို လွတ်လပ်သွားအောင် လုပ်ဖို့၊ ငတ်နေတဲ့ လူထုကို ကျွေးမွေးနိုင်ဖို့၊ အဝတ်မဲ့နေတဲ့ လူထုအများအပြားကို အဝတ် ဆင်ပေးနိုင်ဖို့၊ ကိုယ့်အစွမ်းရှိသလောက် ကိုယ့်ကိုယ်ကိုယ်တိုးတက်လာအောင် လုပ်နိုင်တဲ့ အပြည့်ဝဆုံး အခွင့်အလမ်းကို အိန္ဒိယနိုင်ငံသားတိုင်း ရရှိလာစေဖို့ပဲ ဖြစ်ပါတယ်။ ဒါဟာ တကယ့်ကို ကြီးမြတ်လှတဲ့ လုပ်ငန်းပါ။

“ကနေ့ အိန္ဒိယကို ကြည့်လိုက်ပါ။ ကျနော်တို့က သည်မှာ ထိုင်နေကြတယ်။ နေရာအများအပြားမှာတော့ အတိဒုက္ခတွေနဲ့။ မြို့တွေ အများအပြားမှာလည်း မငြိမ်သက်မှုတွေနဲ့။ ဒါ့အပြင် ဘာသာရေး ပဋိပက္ခတွေလို့ ခေါ်တဲ့ အငြင်းပွားမှုတွေ၊ ရန်စတွေက အခြေအနေကို ပိုဆိုးအောင် ပံ့ပိုးနေတယ်။ တခါတလေကျတော့လည်း ဒါတွေကို ရှောင်လွှဲလို့ မရတာလည်း အမှန်ပါပဲ။

“ဒါပေသည့် လတ်တလောမှာ အိန္ဒိယနိုင်ငံရဲ့ အကြီးဆုံး၊ အရေးအပါဆုံး မေးခွန်းကတော့ ဆင်းရဲတဲ့သူတွေ၊ ငတ်နေတဲ့သူတွေရဲ့ ပြဿနာကို ဘယ်လိုဖြေရှင်းမလဲဆိုတာပါပဲ။ ကျနော်တို့ ဘယ်ဘက်ကိုပဲ လှည့်လိုက် လှည့်လိုက်၊ သည်ပြဿနာကိုပဲ ရင်ဆိုင်နေရတာပါပဲ။ သည်ပြဿနာကို အချိန်မီ မဖြေရှင်းနိုင်ရင် ကျနော်တို့ရဲ့ စာရွက်ပေါ်က ဖွဲ့အုပ်ဥတွေအားလုံးဟာ ဘာမှ အသုံးကျမှာ မဟုတ်သလို ရည်ရွယ်ချက်လည်း ကင်းမဲ့နေပါလိမ့်မယ်”တဲ့။

အမြော်အမြင်

ကျနော်တို့ရဲ့ အရှေ့ဘက်နဲ့ အနောက်ဘက်မှာ ကပ်လျက်တည်ရှိနေတဲ့ အိမ်နီးချင်း နှစ်နိုင်ငံ၊ ထိုင်းနဲ့ အိန္ဒိယ။ ဘယ်နိုင်ငံရဲ့ ဖွဲ့အုပ်ဥက ခိုင်သလဲ။ ဘယ်နိုင်ငံမှာတော့ သည်ဖွဲ့အုပ်ဥနဲ့တင် ဗျာများလို့ ကောင်းနေဆဲ ဖြစ်သလဲ။

ဘာကြောင့် အဲလိုတွေ ဖြစ်နေတာလဲ။ လေ့လာသင့်ပါတယ်။ စူးစမ်းသင့်ပါတယ်။ အားလုံး ဝိုင်းဝန်းဆင်ခြင်ပြီး အနာဂတ်အတွက် အဖြေထုတ်သင့်ပါတယ်။

နောက် နှစ် ၃၀ ကြာတဲ့အခါ အခု အနီတွေ၊ အစိမ်းတွေ၊ အပြာတွေ၊ အဝါတွေလည်း ရှိတော့မှာ မဟုတ်ပါဘူး။ ကျနော်လည်း ရှိတော့မှာ မဟုတ်ပါဘူး။ အဲဒီ့အခါကျရင် သည်ရွှေနိုင်ငံကြီးကို ဘယ်လိုထားခဲ့ချင်ကြပါသလဲ။ ဖရိုဖရဲ ပရမ်းပတာနဲ့ မဆုံးနိုင်တဲ့ အာဏာလုပွဲတွေ ကြားမှာ ဖွတ်ကျောပြာစု ခရုဆံကျွတ် ထားခဲ့ချင်လည်း ကိုယ်တော်မြတ်များအားလုံးရဲ့ သဘောပါပဲ။

အမြော်အမြင်ဆိုတာ ကျနော်တို့ ရွှေမြန်မာတွေရဲ့ အဘိဓာန်ထဲက ပျောက်ဆုံးသွားခဲ့တာ နှစ်ပေါင်း ၅၀ မကပြီ ဆိုတော့လည်း ကျနော်ကတော့ ဘာကိုမှ သိပ်မမျှော်လင့်ချင်တော့ပါဘူးလေ။

အားလုံးတွေးဆ ဆင်ခြင်ကြည့်နိုင်ကြပါစေ
atk
(၂၂၀၇၁၉)

အစုတ်ထုတ်ရဲ့ ကြားဖြတ်အစီရင်ခံစာ (နိဂုံးပိုင်း)

အန်ကယ်ဦးကြည်မောင် အမှတ်တရ

၂၀၁၈ ခုနှစ် ဒီဇင်ဘာ ၂၂ ရက်နေ့က တော်ဝင်နှင်းဆီ စားသောက်ဆိုင်မှာ ကျင်းပခဲ့တဲ့ ဦးကြည်မောင် ရာပြည့်ပွဲ အထိမ်းအမှတ်ကို မမျှော်လင့်ဘဲ တက်ရောက်ခွင့်ရခဲ့ရာက အဟောင်းတွေ အစုတ်ဖြစ်လာတဲ့အခါ စိတ်ဆာလွန်းလို့ သည်စာစုကို ရေးဖြစ်ခဲ့တာမှန်ပေမယ့် အခုအချိန်အထိ အန်ကယ်ဦးကြည်မောင်နဲ့ ပတ်သက်လို့ သည်စာထဲမှာ တိတိပပ ဘာမှ မရေးရသေးပါဘူး။

တကယ်တော့ အန်ကယ်ဦးကြည်မောင်နဲ့ ကျနော်နဲ့ ခင်မင်ရင်းနှီးလာတာက အန်ကယ်ဦးကြည်မောင် ဒီချုပ်က ထွက်လာတဲ့ ၁၉၉၇ ခုနှစ် နောက်ပိုင်းမှာပဲ ဖြစ်ပါတယ်။ အဲဒီ့ရှေ့ပိုင်းတုန်းက အန်ကယ်နဲ့ ကျနော်က တယောက်ကို တယောက် မြင်ဖူးသိကျွမ်းနေရုံသာပါ။ အန်ကယ် ထွက်လာတဲ့နောက်ပိုင်းမှာတော့ အန်ကယ့် အိမ်ကို ကျနော် မကြာခဏ ရောက်ဖြစ်ရာက ခင်မင်လာခဲ့ရတာပါပဲ။

ap9606160498သည်နေရာမှာ အန်ကယ် ဘာ့ကြောင့်ထွက်ဆိုတာနဲ့ ပတ်သက်တဲ့ ပဟေဠိကို အနီးကပ်နေကြသူတွေ အားလုံးက အပြည့်အဝ မသိတောင် တဆင့်ကြားနဲ့ ရိပ်မိနေကြပေမယ့် အကြောင်းကြောင်းကို ထောက်ထားပြီး ဘယ်သူကမှ ယနေ့ထက်တိုင် တခွန်းမဟပါဘူး။ ဦးကြည်မောင်၊ သို့မဟုတ် အရိုးပုံပေါ်မှာ ဗိမာန် မဆောက်လိုသူ စာအုပ်ထဲမှာလည်း အဲဒါကို ဘယ်သူကမှ ဖွင့်ဟမထားကြဘူး။ ကျနော်လည်း အားလုံး နည်းတူ ရေငုံနေလိုက်ချင်ပေမယ့် ပြောလို့ရတဲ့ အတိုင်းအတာတခုအထိတော့ ပြောကြည့်လိုက်ပါ့မယ်။

အတွင်းသတင်းအရ အန်ကယ်က ပြောသင့်လွန်းလာချိန်မို့ ပြောသင့်တဲ့ စကားတခွန်းကို ပြောခဲ့ပါတယ်။ အဲဒါကို ပြင်းပြင်းထန်ထန် တုံ့ပြန်ခံလိုက်ရတဲ့အခါမှာတော့ အန်ကယ့်မှာ စေတနာက ဝေဒနာ ဖြစ်သွားခဲ့ရပုံပါပဲ။

တကယ်တော့ အန်ကယ်ဟာ အာဏာရနေရုံမက အာဏာစက်ပါ ပြင်းလွန်းလှတဲ့ ဗိုလ်နေဝင်းကိုတောင် ဂရုမစိုက်ခဲ့၊ ဗိုလ်နေဝင်းက သံအမတ်ရာထူးပေးပြီး ပြည်နှင်တာတောင် သူ့ကိုယ်ကျိုးစီးပွားဖြစ်နေပါလျက်ကနဲ့ လက်မခံခဲ့တဲ့အပြင် အဲဒီ့အချိန်က ရာထူးမှ အနားယူသည့်တိုင် တပ်ကား ၃ လ ဆက်သုံးခွင့်ကိုတောင် လုံးဝ မယူခဲ့တဲ့သူမျိုးပါ။

ဗိုလ်အောင်ကြီး ဒီချုပ်ကို ခွာသွားတုန်းကလည်း သူယုံကြည်တဲ့ ဘက်မှာ ခိုင်ခိုင်မာမာ ရပ်ခဲ့သူလည်း ဖြစ်ပါတယ်။ အဲတော့ကာ သူ့စေတနာ အရာမထင်တော့ချိန်မှာ နောက်ကြောင်းကို လှည့်မကြည့်တော့တာ မဆန်းဘူးလို့ ဆိုနိုင်ပါလိမ့်မယ်။

သည့်ထက် ဖရုံဆင့်တာက အန်ကယ် ထွက်ချလာပြီးတဲ့ နောက်ပိုင်း ၂ နှစ်နီးပါးအကြာမယ် နာရေးကိစ္စကြောင့် လူမှုဝတ္တရားအရ သွားတဲ့အခါမှာတောင် တနာရီ နီးပါး အသားလွတ် စောင့်ခိုင်းထားပြီး လူချင်းတွေ့ရချိန် မှာလည်း ဖုတ်လေသည့် ငါးပိ၊ ရှိတယ်လို့ မအောက်မေ့တော့ဘဲ လှည့်တောင် မကြည့်ခဲ့ဘူးလို့ နီးစပ်သူတွေက ပြောပါတယ်။ အဲဒီ့မှာ အန်ကယ် တော်တော် အသည်းပေါက်သွားခဲ့လောက် မယ်ဆိုတာ ခန့်မှန်းနိုင်ပါတယ်။

သို့သော် အဲဒီ့ပွဲမှာ ကျနော်ပြောခဲ့တဲ့အတိုင်း အန်ကယ်ဟာ ဆရာကြီး ရွှေဥဒေါင်းစကားနဲ့ဆိုရင် gentleman ပါ။ လူကြီးလူကောင်းပေါ့။ ကျနော့်စကားနဲ့ဆိုရင် မိကောင်းဖခင် သားသမီးပေါ့ဗျာ။ အဲဒါကြောင့် သည်ကိစ္စတွေနဲ့ ပတ်သက်လို့ သေလွန်သည်အထိ အန်ကယ့်နှုတ်က တလုံးတပါဒမျှ ထုတ်ဟ ဖွင့်ပြောသွားခြင်း မရှိပါဘူး။

အဲ… သို့သော် ကျနော်နဲ့ ရင်းနှီးလာတဲ့ နောက်ပိုင်း တချီသားမှာတော့ အန်ကယ်က ကျနော့်ကို မေးဖူးပါတယ်။ “ခင်ဗျား ဘယ်တုန်းက စိတ်ကုန်သွားတာလဲဗျ”တဲ့။ ကျနော်က ၁၉၈၈ ခုနှစ် နှစ်ကုန်ပိုင်းမှာ ကျနော်နဲ့ တည့်တည့် ရင်ဆိုင်ခဲ့ရချိန်က ကျနော်ခံစားခဲ့ရပုံကို ကျကျနန ပြန်ပြောလိုက်တော့ အန်ကယ် ရယ်လိုက်တာများ တဟားဟားနဲ့။ ပြီးတော့ ပြောပါတယ်။ “ခင်ဗျား အတော် လျင်တဲ့ လူပဲဗျာ”တဲ့။

ဆက်လက် ဖော်ပြထားတာကတော့ အန်ကယ့် ရာပြည့်ပွဲတုန်းက ပြောမယ်လို့ ကြံရွယ်ထားခဲ့ပေမယ့် အချိန်ကို ငဲ့ပြီး မပြောဖြစ်ခဲ့တဲ့ ကျနော့်ရင်ထဲက စကားတွေကို အခုမှ အားတက်သရော ပြည့်ပြည့်ဝဝ ပြောလိုက်တာ ဖြစ်ပါတယ်ခင်ဗျား။ 

မိကောင်းဖခင်သားသမီး အန်ကယ်

အစပိုင်းမှာ အန်ကယ်က ကျနော့်ကို သတိလေးနဲ့ ဆက်ဆံခဲ့ပါတယ်။ တနည်းအားဖြင့် သူ ကောင်းကောင်း မသိတဲ့ ကျနော့်ကို အကဲခတ်နေခဲ့ပုံပါပဲ။ နောက်ပိုင်းမှာ ကျနော်သည်လည်း အလွန်စာဖတ်တဲ့သူ၊ ပြီးတော့ အစွဲအလန်းကြီးကြီးနဲ့ ကိုယ်ချစ်တဲ့သူမို့ သာစေ၊ ကိုယ်မုန်းတဲ့သူမို့ နာစေ စိတ်သဘောထားရှိသူမျိုး မဟုတ်မှန်း ရိပ်စားမိလာချိန်မှာတော့ အန်ကယ်က ကျနော့်အပေါ် ပွင့်ပွင့်လင်းလင်း ရင်းရင်းနှီးနှီး ရှိလာတယ်လို့ ထင်ပါတယ်။

ကျနော်က ဘာသာစကားကို အလွန်စိတ်ဝင်စားတဲ့သူ။ အထူးသဖြင့် အင်္ဂလိပ်စာပေါ့။ အဲတော့ ကျနော့်ဆီမှာ အင်္ဂလိပ်ဘာသာစကားနဲ့ သက်ဆိုင်တဲ့ စာအုပ်တွေ အတော်များများ ရှိပါတယ်။ အဲဒီ့အချိန်က အန်ကယ်သည်လည်း လူငယ်တွေကို အင်္ဂလိပ်စာ သင်ပေးနေတဲ့ အချိန်မို့ ကျနော့်ဆီက စာအုပ်တွေကို အန်ကယ်က ငှားတတ်ပါတယ်။

အိမ်ချင်းကလည်း သိပ်မဝေးတာမို့ အန်ကယ်က မနက်လမ်းလျှောက်ထွက်ရင်း ကျနော့် အိမ်ကို ဝင်ဝင်လာတတ်ပါတယ်။ သို့ပေတည့် ကျနော်က မနက်ကို ဖိအိပ်တဲ့ ညသမားဆိုတော့ အန်ကယ် လာတိုင်း ကျနော့် နှိုးနှိုးပေးကြရတာကို သူတပါးအတွက် အလွန်ထည့်တွက်ပေးတတ်တဲ့ အန်ကယ့်ခမျာ အားနာရှာပါတယ်။ ဖွင့်လည်း တောင်းပန်ပါတယ်။ ကျနော်က ရပါတယ် အန်ကယ်ရဲ့လို့ အကြိမ်ကြိမ် ပြောသေးပေမယ့် နောက်ပိုင်း သိပ်မလာတော့ဘူး။

အန်ကယ်နဲ့ တရင်းတနှီးနေခွင့်ရခဲ့တဲ့ ကာလတိုလေးမှာ သတိမထားဘဲ မနေနိုင်တာကတော့ စောစောက ပြောခဲ့တဲ့အတိုင်း အန်ကယ်က သိပ်ကို လူကြီးလူကောင်းဆန်လှတာကိုပါပဲ။ လူတိုင်းအပေါ် ကြီးကြီးငယ်ငယ် ထောက်ထား စာနာတတ်တာကို မမြင်ချင်လည်း မြင်နေရပါတယ်။

စကားပြောရင်လည်း သိမ်သိမ်မွေ့မွေ့ ချေချေငံငံချည်းပဲ။ အန်ကယ့်နှုတ်က ကြမ်းတမ်းတဲ့ စကား၊ သိမ်ဖျင်းတဲ့ စကား၊ သဟောက်သဟစကားတွေ တခါမှ မကြားခဲ့ဖူးပါဘူး။

အစ်မနဲ့အတူ ခြံရှေ့မှာ ဟောခဲ့ကြတုန်းကရော၊ ၁၉၉၀ ပြည့် ဂန္ဓီညီလာခံမှာ ပရိသတ်ကို ပြောချိန်၊ တခြား လူငယ်တွေနဲ့ ပြောဆိုနေချိန်တွေမှာပါ အန်ကယ့်စကားတွေကို ပရိသတ်တယောက်အနေနဲ့ ကြိမ်ဖန်များစွာ နားထောင်ခဲ့ရဖူးပါတယ်။ ကျနော်နဲ့လည်း အချိန်တော်တော် ကြာကြာ စကားတွေ ပြောခဲ့ဖူးပါတယ်။ ဘယ်တုန်းကမှ ဆိုးဆိုးရွားရွား၊ နင့်နင့်သီးသီး ပြောတာ မကြားခဲ့ဖူးပါဘူး။ လေပြည်လေအေးနဲ့ ရှင်းပြ ပြောပြတာချည်းပါပဲ။ သူနဲ့ သဘောထားချင်း မတူတာကို ပြန်ပြောရင်တောင်မှ လေအေးနဲ့သာ ပြောတတ်ခဲ့ပါတယ်။

လူကြီးလူကောင်းဆန်တယ်ဆိုတဲ့နေရာမှာ လူတွေကို နေရာပေးတာလည်း ပါပါတယ်။ အဲဒါလည်း အန်ကယ့်မှာ တွေ့ရပါတယ်။ ငါက လူကြီးပဲ၊ ငါက သူတို့ထက် စာဖတ်နာတာပဲ၊ ငါပိုသိ၊ ငါပိုတတ်ပဲဆိုပြီး အန်ကယ်က ဘယ်သူ့ရှေ့ကမှ မနေပါဘူး။ အားလုံးကို လေးလေးစားစားနဲ့ နေရာပေးတတ်တဲ့ အန်ကယ့်ရဲ့ ကြည်ညိုစရာ အကျင့်စရိုက်ကို အမှတ်ထင်ထင် ရှိခဲ့ရပါတယ်။

စာဖတ်သူ အန်ကယ်

အဲဒါနဲ့ တဆက်တစပ်တည်းကတော့ အန်ကယ့်ရဲ့ စာဖတ်ခြင်းကို ခုံမင်မှုပါ။ အန်ကယ်က အချိန်အားရှိတာနဲ့ စာအုပ်နဲ့ မျက်နှာ မခွာတမ်းဖတ်တဲ့သူမှန်းလည်း ရိပ်စားမိခဲ့ပါတယ်။ အမှန်တော့ အန်ကယ့်လို အင်္ဂလိပ် လက်ထက်မှာ တက္ကသိုလ်နောက်ဆုံးနှစ်အထိ တက်ခဲ့ဖူးသူအနေနဲ့ အင်္ဂလိပ်စာအား ဘယ်လောက် ကောင်းမယ်ဆိုတာ ခန့်မှန်းနိုင်ကြပါလိမ့်မယ်။ ကျနော်တို့ရဲ့ အင်္ဂလိပ်စာ တတ်မြောက်မှု ပါချီပါချက်နဲ့ဆို ဘယ်လိုမှ မယှဉ်သာပါဘူး။

ဒါတောင်မှ ကျနော့်ဆီက အင်္ဂလိပ်စာနဲ့ ပတ်သက်တဲ့ နောက်ဆုံးပေါ် စာအုပ်တွေ ငှားရမ်းဖတ်ရှုခဲ့တဲ့အချက် တချက်တည်းနဲ့တင် အန်ကယ်ဟာ တသက်လုံးသင်ယူလိုစိတ်အပြည့်နဲ့ဆိုတာ ထင်ရှားလွန်လှပါတယ်။

အကြိမ်ကြိမ်ရေးဖူးခဲ့တယ် ထင်ပါတယ်၊ ဘုရားရဟန္တာ မဖြစ်သေးသမျှ ကာလပတ်လုံး လူသားတယောက်အနေနဲ့ အကုန်သိ၊ အကုန်တတ်ဖို့ ဘယ်လိုမှ မဖြစ်နိုင်ပါဘူး။ ဘာသာရပ်တခုထဲမှာတောင် သင်လို့ မဆုံးအောင်၊ လေ့လာလို့ မဆုံးအောင် ရှိပါတယ်။ အန်ကယ်က ဒါကို နားလည်သဘောပေါက်တယ်။ ဒါ့ကြောင့် သူက သေသည်အထိ မပြတ် ဖတ်မှတ်လေ့လာသွားခဲ့ပါတယ်။ ဒါလည်း အင်မတန် ကြည်ညိုစရာ ကောင်းလှတဲ့ အန်ကယ့် ဂုဏ်ရည်တခုပါပဲ။

နားထောင်တတ်သူ အန်ကယ်

အဲလို တသက်လုံး လေ့လာသင်ယူလိုသူတယောက်ဖြစ်တာမို့ အန်ကယ်ဟာ ကြီးငယ်မဟူ၊ သူ့နားက လူမှန်သမျှရဲ့ စကားကို တလေးတစား နားထောင်တတ်ပါတယ်။

လူတွေမှာ ရှုထောင့်အထွေထွေ ရှိပါတယ်။ ဖန်တရာ တေနေတဲ့ စကားကို သုံးရရင် မျက်မမြင်ပုဏ္ဏားတွေလိုပေါ့ဗျာ။ စမ်းမိတဲ့ ကိုယ့်အကွက်တခုတည်းကနေ အမှန်ထင်ပြီး နံရံလို့ ပြောလည်း မမှားဘူး၊ ကြိုးလို့ ပြောလည်း မလွဲဘူး ဖြစ်နေနိုင်ပေမယ့် ဘက်စုံ ထောင့်စုံက ချဉ်းကပ်ပြီး သုံးသပ်နိုင်ဖို့ကျတော့ တခြားသူတွေရဲ့ စကားကို လေးလေးစားစား နားစိုက်ဖို့ လိုအပ်ပါတယ်။

ကိုယ်သဘောတူတာ၊ မတူတာ၊ ကိုယ်နဲ့ အမြင်တူတာ မတူတာ အပထား၊ သူ့သဘောထား ဘယ်လို ရှိတယ်၊ သူဘယ်လို မြင်တယ်ဆိုတာကို နားလည်သဘောပေါက်ခြင်းဟာ ကိုယ့်အတွက် ဘယ်လိုမှ အကျိုး မယုတ်နိုင်တဲ့အပြင် အမြတ်တောင်ထွက်နိုင်တာမျိုးပါ။ အဲဒါကို ပြည့်ဝသူ၊ ဉာဏ်ကြီးသူမှ နားလည်နိုင်ပါတယ်။ တဖက်သားကို အထင်အမြင်သေးတတ်၊ တဖက်သားရဲ့ စကားကို ကန်တော့ပါရဲ့ဗျာ… ဟိုသင်းကြားတောင် မညှပ်တတ်သူဟာ တကယ်တော့ ဘဝင်လေဟပ်နေတဲ့ မပြည့်ဝသူ၊ ဉာဏ်နည်းသူ လူ့ဗာလသာ ဖြစ်ပါတယ်။ အန်ကယ်နဲ့ ထိစပ် ပတ်သက် ရင်းနှီးခင်မင်ခဲ့ရတဲ့ ကာလတာတိုလေးအတွင်းမှာ အမှတ်ထင်ထင် ရှိခဲ့ရတာက အဲဒီ့ တဖက်သား စကားကို တလေးတစား နားစိုက်ထောင်ပေးနိုင်စွမ်းပါပဲ။

မျိုးဆက်သစ်တွေကို ချစ်ရကောင်းမှန်း အလွန်သိတဲ့ အန်ကယ်

နောက်တချက်က မျိုးဆက်သစ်တွေကို တန်ဖိုးထားတာပါ။ ဒီချုပ်က ထွက်လာပြီးတဲ့ နောက်ပိုင်းကနေ အန်ကယ် တိမ်းပါးချိန်အထိ လူငယ်တွေကို အန်ကယ်က အင်္ဂလိပ်စာ သင်ပေးသွားပါတယ်။ အခမဲ့ ဖြစ်တဲ့ အပြင် မုန့်ကျွေး၊ ကာဖီတိုက်ပြီးတောင် သင်ပေးသွားခဲ့တာပါ။

ဦးကြည်မောင်၊ သို့မဟုတ် အရိုးပုံပေါ်မှာ ဗိမာန် မဆောက်လိုသူ စာအုပ်ထဲမှာ အန်ကယ့်တပည့်တွေရေးထားတဲ့ စာတွေလည်း ပါပါတယ်။ အဲဒီ့ စာအရ အန်ကယ်က အင်္ဂလိပ်စာကိုသာ သင်ပေးရုံမက ကိုယ်ကျင့်တည်ကြည်မှု၊ လူ့သိက္ခာ၊ အကျင့်စရိုက်၊ အနေအထိုင်တွေကိုပါ သူကိုယ်တိုင် ရှေ့က စံပြနေထိုင်ပြောဆို ပြုမူပြရင်း မသိမသာ သင်ကြားပေးသွားခဲ့တာ အလွန်ထင်ရှားလို့ နေပါတယ်။

မှန်ပါတယ်။ ကျနော်တို့အားလုံးဟာ အို၊ နာ၊ သေကို ရှောင်လွှဲလို့ မရပါဘူး။ အနာဂတ်ကို နောက်မျိုးဆက် အဆက်ဆက် လက်ထဲမှာ ထားခဲ့ရမှာပါ။ အဲတော့ နောက်မျိုးဆက်ကို ဘက်စုံက နိုင်သမျှ ပျိုးထောင်ပေးဖို့က အိုလာသူတိုင်းရဲ့ တာဝန်သာ ဖြစ်ပါတယ်။ စကားလုံးကို သတိထားတော်မူပေးကြစေလိုပါတယ်။ “ပျိုးထောင်” လို့သာ သုံးလိုက်ပါတယ်။ “သွန်သင်”တို့၊ “ဆုံးမ”တို့ကို ကျနော် မသုံးပါဘူး။

ကျနော်တို့မှာ ခေါက်ရိုးကျိုးနေတာက မိဘ၊ ဆရာ၊ လူကြီးသူမ ဖြစ်သွားပြီဆိုတာနဲ့ လူငယ်တွေကို “သွန်သင် ဆုံးမရမယ်”လို့သာ အရိုးစွဲနေပါတယ်။ “ပျိုးထောင်”ဖို့ကို စိတ်ကို မကူးမိကြပါဘူး။ “ပျိုးထောင်”ဆိုတာမှာ လေနဲ့ သွန်သင်တာတွေ၊ လေနဲ့ ဆုံးမတာတွေ မပါဝင်ပါဘူး။ ဘေးကနေ အသာလေး သိုင်းဝိုင်းပေးတဲ့ သဘောပါ။

သစ်ပင်မှာ ပျိုးတယ်ဆိုတာ ရေလောင်းပေးတယ်၊ ပေါင်းသင်ပေးတယ်၊ နေရောင်အောက်ကို ထုတ်ပေးပါတယ်။ လူကို ပျိုးထောင်တဲ့အခါမှာလည်း လေနဲ့ သွန်သင်ဆုံးမတာက လွယ်ပါတယ်။ ဘာမှလည်း အရာ မရောက်လှပါဘူး။

ပျိုးထောင်တယ်ဆိုတဲ့အခါကျတော့ ဝါယမစိုက်ရပါပြီ၊ အချိန်ပေးရပါပြီ။ လူငယ်တွေရဲ့အမြင်၊ လူငယ်တွေရဲ့ သဘောထားတွေကို နားထောင်ပေးတာလည်း ပါတယ်၊ ဘယ်ဟာက အမှန်၊ ဘယ်ဟာက အမှားဆိုတာကို လေနဲ့ ပြောပြတာ မဟုတ်ဘဲ လူငယ်တွေဘာသာ သိမြင်လာအောင် ကိုယ်တိုင် ရှေ့က စံပြ လုပ်ပြတာ၊ ဒါမှမဟုတ် စံနမူနာ ယူထိုက်သူတယောက်ယောက်ရဲ့ အကြောင်းကို သရုပ်ဖော်ထားတဲ့ စာကို ဖြစ်ဖြစ် အတူဖတ်တာမျိုးပါ။

လေနဲ့က လွယ်၊ လုပ်ဖို့ ခက်

ရေးရင်းနဲ့ ပျဉ်းမနားမဟာမြိုင်တောရဆရာတော် ဦးဇောတိက အမှတ်မထင် မိန့်ဖူးတဲ့ စကားလေး သွားသတိရမိပါတယ်။ အများသိတော်မူတဲ့အတိုင်း ဆရာတော် ငယ်ဘဝက ဘာသာခြားပါ။ ဆရာတော်ဟာလည်း စူးစမ်းသင်ယူလိုစိတ်အပြည့်နဲ့ ပုဂ္ဂိုလ်ဖြစ်ပါတယ်။ ဂီတလေးကလည်း ဝါသနာပါတယ်။ သည်အခါ အရပ်ထဲက ဆံသဆရာ ဂီတသမားဆီ အမြဲ ရောက်ရောက်နေတယ်။ အဲဒီ့ ဆံသဆရာက တရားလည်း ထိုင်တယ်။ သို့ပေတည့် ဆရာတော် လောင်းလျာကို “တရားထိုင်ပါ”လို့ မခိုင်းပါဘူးတဲ့။ “လာ… တရားလေး ထိုင်လိုက်ကြဦးစို့ကွာ…”လို့သာ ဆိုပါသတဲ့။

သိပ်တန်ဖိုးရှိတဲ့ စကားပါပဲ။ ကျနော်တို့က သူများကို ဘာလုပ်၊ ညာလုပ်လို့ “သွန်သင်ဖို့” အထုံပါနေကြတယ်။ ကိုယ်ကိုယ်တိုင်ကရော လုပ်ဖြစ်ရဲ့လားဆိုတာ အင်မတန် ကြီးတဲ့ မေးခွန်းပါ။ သူများကို ဘာလုပ်၊ ညာလုပ် ပြောမယ့်အစား “လာ… တူတူ လုပ်လိုက်ရအောင်”ဆိုတာက ဘယ့်ကလောက်အထိ ပိုတာသွားမယ်ဆိုတာ စဉ်းစားဆင်ခြင်ကြည့်သင့်ကြလိမ့်မယ် ထင်ပါတယ်။ အန်ကယ်ဦးကြည်မောင်ဟာလည်း အဲလို လူစားလို့ ကျနော် မြင်မိရပါတယ်။

ကိုယ်ကျင့်တည်ကြည်သူ အန်ကယ်

နောက်တချက်ကတော့ အန်ကယ်က အဲဒီ့နေ့မှာ ကျနော့်ရှေ့က ပြောသွားတဲ့ ဆရာမုံရွာအောင်ရှင့် စကားနဲ့ ပြောရရင် “အမှန်တရားနဲ့ နေထိုင်သွားသူ” ပေါ့။ ကျနော်ကတော့ “ကိုယ်ကျင့်တည်ကြည်သူ” (man of principle) လို့ မြင်မိပါတယ်။ အဲဒါကလည်း အန်ကယ့်ရဲ့ စာဖတ်အား၊ အသိပညာ၊ ဆင်ခြင်တုံတရားတွေရဲ့ အကျိုးဆက်လို့ ဆိုနိုင်ပါလိမ့်မယ်။

ထင်ရှားတဲ့ ကိုယ်ကျင့်တည်ကြည်မှုကတော့ အာဏာရ ဗိုလ်နေဝင်းကို ပြောင်ပြောင်တင်းတင်း ဆန့်ကျင်ခဲ့တာ၊ ဗိုလ်အောင်ကြီး မှားတယ်လို့ ယုံကြည်တဲ့အတွက် နှစ်ပေါင်း ၄၀ လောက် ခင်မင်ခဲ့တဲ့ မျက်နှာကို မထောက်ဘဲ အောင်-စု-တင် အကွဲအပြဲမှာ ဒီချုပ်နဲ့ ကျန်နေရစ်ခဲ့တာ၊ ၁၉၉၇ ခုနှစ်မှာ ဒီချုပ်က ထွက်လာခဲ့တာတွေပါပဲ။

“ကိုယ်ကျင့်တည်ကြည်သူ”ဆိုတာ လူတိုင်း လုပ်နိုင်ဖို့ ခက်တဲ့ ကိစ္စပါ။ အဲသလို နေနိုင်ဖို့အတွက် စတေးရတာတွေကတော့ အနမတဂ္ဂပါပဲ။ ပထမဆုံး စတေးရတာကတော့ ကိုယ်ကျိုးကိုယ့်စီးပွားကို စတေးရတာ သေချာလှပါတယ်။

ဆိုကြပါစို့၊ ဗိုလ်နေဝင်းကို ဘောင်းတော်ညိတ် စိတ်တော်သိခဲ့မယ်ဆို အန်ကယ်တယောက် လျှမ်းလျှမ်းတောက်ခဲ့မှာ မလွဲဘူးလေ။ ဒါမှမဟုတ်လည်း တော်လှန်ရေးကောင်စီက ထွက်လာခဲ့ပြီးတဲ့အချိန်မယ် တပ်ထဲမှာ သူ့မိတ်ဆွေရင်းတွေရော၊ ရဲဘော်ရဲဘက်တွေရော၊ လက်အောက်ငယ်သားတွေပါ ရှိပါတယ်။ အန်ကယ့်ကို ကူညီချင်တဲ့သူတွေ မနည်းပါဘူး။ ဆိုရှယ်လစ်ခေတ် အားလုံး ပါးရှားနေချိန်မှာ အန်ကယ်ဟာ အရင်အရှိန်နဲ့ အခွင့်ထူးခံမယ်ဆို ခံနိုင်ခဲ့ပါတယ်။ စီးပွားကောင်းကောင်းဖြစ်နိုင်ပါတယ်။ ဒါလည်း မလုပ်ခဲ့ပါဘူး။

အန်ကယ် ဒုတိယ စတေးရတာကတော့ လွတ်လပ်မှုပါပဲ။ သူ့ရဲ့ ကိုယ်ကျင့်တည်ကြည်မှုက ဗိုလ်နေဝင်းရဲ့ ပရမ်းပတာ စရိုက်နဲ့ ထိပ်တိုက်တွေ့တဲ့အခါ ထစ်ခနဲရှိ အဖမ်းခံရ၊ အကျဉ်းချခံခဲ့ရတော့တာပါပဲ။

၁၉၄၈ ခုနှစ် မြန်မာပြည် လွတ်လပ်ရေးရကတည်းက ယနေ့ထက်တိုင် နိုင်ငံ့ထိပ်မှာ တက်နေကြသူအားလုံးဟာ သက်ဦးဆံပိုင် ဘုရင်စိတ် အတော်ပေါက်နေကြသူချည်းပဲ ထင်ပါတယ်။ သူတို့နဲ့ သဘောကွဲတာနဲ့ အဲဒီ့လူတွေကို ဖမ်းဆီးဖို့၊ နှိပ်စက်ဖို့၊ ထောင်ထဲထည့်ဖို့ လက်မရွံ့ကြပါဘူး။ ကိုယ့်နိုင်ငံသားတွေကို ရင်ဝယ်သားလို သဘောထားပြီး ငဲ့ညှာထောက်ထားတာမျိုး လွတ်လပ်တဲ့ မြန်မာနိုင်ငံရဲ့ ၇၁ နှစ်သမိုင်းမှာ တွေ့နိုင်ခက်ခဲလွန်းလှပါ တယ်။

အဲတော့ ကိုယ်ကျင့်တည်ကြည်သူအတွက် သည်တိုင်းပြည်မယ် နေစရာ ပါးရှားတယ်လို့ ဆိုရပါလိမ့်မယ်။ အန်ကယ်က အဲဒီ့ ပါးရှားသူထဲမှာ ပါနေလေတော့ကာ သူ့လွတ်လပ်ခွင့်ကို မကြာခဏ စတေးခဲ့ရပြန်တာပေါ့ဗျာ။

နောက်တခုက ဗိုလ်အောင်ကြီး၊ ဒီချုပ်တို့နဲ့ ကွဲခဲ့ပေမယ့် ဗိုလ်အောင်ကြီးအကြောင်း၊ ဒီချုပ်အကြောင်း၊ ဒီချုပ် အဖွဲ့ဝင်တွေအကြောင်း ဘာတခုမှ မပြောဘဲ ရေငုံနေနိုင်ခဲ့တာဟာလည်း အန်ကယ့် ကိုယ်ကျင့်တည်ကြည်မှုကို တိတိပပ ပြဆိုနေတယ်လို့ ခံစားရပါတယ်။

လင်မယား ကွဲရင်တောင် အတော်များများက ကိုယ်နဲ့ ပေါင်းခဲ့သူ မကောင်းတာတွေကိုပဲ ပါးစပ်နဲ့ တလုံး ပြောတတ်ပါတယ်။ ကျနော်တောင် အဲဒါမျိုး ရှောင်နိုင်မယ် မထင်ပါဘူး။ သည်လို တိုင်းသိပြည်သိတွေနဲ့ ကွဲတဲ့အခါမှာတော့ ပိုတောင် ပြောဖြစ်စရာ အကြောင်းများပါတယ်။ ဒါပေမယ့် အဲဒါကို အန်ကယ်က သေသည်အထိ လုပ်မသွားခဲ့ပါဘူး။ ဒါ့ကြောင့် အန်ကယ့်ရဲ့ ကိုယ်ကျင့်တည်ကြည်စွာ နေထိုင်သွားမှုကို မရိုသေဘဲ မနေနိုင်တော့ပါဘူးခင်ဗျာ။

EQ သိပ်မြင့်တဲ့ အန်ကယ်

အခုခေတ်မယ် သိပ်ခေတ်စားလာတာက အဲဒီ့ EQ ဆိုတဲ့ Emotional Quotient ပါ။ “မျိုသိပ်နိုင်စွမ်း အတိုင်းအဆ (မျိုဆ)”လို့ ဘာသာပြန်ရင် သင့်မလား မသိဘူး။ ဉာဏ်ရည် ဘယ်လောက်မြင့်မြင့် အဲဒီ့ “မျိုဆ” အားနည်းရင် အောင်မြင်မှုနဲ့ အလှမ်းဝေးနေတတ်တယ်လို့တောင် ပညာရှင်တွေက ဆိုနေကြပါပြီ။

စကားစပ်လို့ ကိုယ့်အကြောင်း ကိုယ်ပြောရရင် ကျနော်ဟာ အဲဒီ့ “မျိုဆ”အရာမှာ အတော့်ကို အားနည်းသူပါ။ အဲဒါကို ၅ မှတ်ပေးမယ်ဆိုရင် အလွန်ဆုံးမှ ၁ မှတ်လောက်ပဲ ရလေမလား၊ ဒါမှမဟုတ် သုညအောက် အနုတ်ပဲ ပြလေမလားတောင် မသိပါဘူး။ ကျနော်က စိတ်မြန်လက်မြန်၊ ခံစားပေါက်ကွဲလွယ်တဲ့ သဘာဝနဲ့ပေကိုး။ ကိုယ့်ကိုယ်ကိုယ် မကောင်းမှန်းလည်း သိပါတယ်။ ပြင်ဖို့လည်း ကြိုးစားပါတယ်။ ဒါပေသည့် အရေးဆို အကျင့်ဆိုးက ထိုးထိုးထောင်ထောင်ရယ်။

ဘုရားဟော မဟုတ်ဘဲ အဋ္ဌကထာဆရာတွေက ဘုရားရဲ့ အာဝေဏိက ဂုဏ်တော် ၁၈ ပါးကို ဂုဏ်ပြု ပူဇော်ထားတဲ့ “ဒါရန” ပရိတ် (အမှန်တော့ ပရိတ်ကို မဟုတ်)မှာ ပါတဲ့ ကြည်ညိုဖွယ် ဘုရား ဂုဏ်တော် တပါး (ဒါမှမဟုတ် ၃ ပါး)ကတော့ ဘုရားရှင်တို့ရဲ့ ကာယကံ၊ ဝစီကံ၊ မနောကံ ကံသုံးပါးစလုံးရဲ့ ရှေ့မှာ ဉာဏ်တော်ကသာ အစဉ်အမြဲ ရှေ့က သွားတယ်ဆိုတဲ့ ဂုဏ်ပါပဲ။

ဆိုလိုတာက ခန္ဓာကိုယ် တနေရာရာမှာ ယားယံတယ်၊ သာမန်လူအနေနဲ့ ယားတယ်၊ ကုတ်တယ်ပေါ့။ ဘုရားရှင်တွေအနေနဲ့ကျရင်တော့ ယားတာကို သိတယ်၊ ပြီးတော့ ကုတ်သင့်မကုတ်သင့် ဆင်ခြင်မယ်။ အနာမှာ အသားနုတက်နေလို့ ယားနေတာကို ဆင်ခြင်မိတဲ့အခါ မကုတ်သင့်ဘူးလို့ ဉာဏ်က ပြနေတယ်။ သည်အခါမှာ မကုတ်ဖြစ်တော့ဘူး။ ဒါ ကာယကံရဲ့ ရှေ့မှာ ဉာဏ်နဲ့ ဆင်ခြင်နိုင်စွမ်းပါ။

ကျနော်လူ့အန္ဓ၊ လူ့ဗာလ သိပ်လုပ်တတ်တာတခုက စိတ်တိုင်းမကျရင် တစ်တစ်ခွခွ ဆဲမိတတ်တာပါပဲ။ လူကိုတောင် မဟုတ်ဘူးနော်။ တယ်လီဖုန်း၊ ကွန်ပျူတာ၊ အင်တာနက်တောင် ကျနော်လိုသလို ချက်ချင်း မဖြစ်ရင် အဲဒါကို ဆဲမိပြီ။ ဘယ်လောက် လွဲသလဲ။ ဝစီစရိုက် မကောင်းပုံပြောပါတယ်။ ဘုရားရှင်တွေဆိုရင် တော့ နှုတ်က တခုခု မထွက်ခင် ဉာဏ်နဲ့ အရင်ဆင်ခြင်ပါတယ်။ ပြောသင့် မပြောသင့်၊ ပြောရင် အကျိုး ရှိမရှိ စသဖြင့်ပေါ့။

သည့်ထက် ခက်တာကတော့ မနောကံပါပဲ။ စိတ်တခုယုတ် ၉၀ လို့ဆိုတဲ့အတိုင်း စိတ်ဆိုတာက လက်ဖျစ်တတီး အတွင်းမှာ အမျိုးမျိုးဖြစ်နေတာ။ အန်ကယ် ဦးကြည်မောင်အကြောင်း ပြောနေရင်း စိတ်က တည်ထားတဲ့ ထမင်းအိုးဆီလည်း လှစ်ခနဲ ရောက်ချင် ရောက်သွားမယ်၊ မန္တလေးက သေသွားတဲ့ ကြီးတော်ကြီးဆီလည်း လှစ်ခနဲ ရောက်ချင် ရောက်သွားမယ်။ သိပ်မြန်တာ။

စိတ်ဝင်စားရင် လုပ်ကြည့်ကြစေချင်ပါတယ်။ တွေးချင်ရာ တွေးနေရင်းက ရောက်နေတဲ့ အတွေးကို ခဏရပ်ပြီး အဲဒီ့အတွေး ဘယ်က စပါလိမ့်လို့ ခြေရာခံကြည့်ရင် အတော့်ကို စိတ်ဝင်စားစရာ ကောင်းပါတယ်။ ဘာမှ မဆိုင်တာက စမိသွားတာက အတော်များတာကိုလည်း တွေ့ရပါလိမ့်မယ်။

အတွေးတခုကို မတွေးခင်ကတည်းက တွေးသင့်မတွေးသင့် ဉာဏ်နဲ့ ဆင်ခြင်ပြီးမှ တွေးဖို့ဆိုတာကျတော့ အင်မတန် ခက်သွားပါပြီ။ ဘုရားရှင်တွေမှသာ အဲလို လုပ်နိုင်လိမ့်မယ်လို့ ထင်ပါတယ်။

အန်ကယ့်ကို ဘုရားနဲ့ နှိုင်းတာတော့ မဟုတ်ပါဘူး။ အန်ကယ့် ဝစီကံနဲ့ ကာယကံမှာတော့ ဉာဏ်နဲ့ အရင် ဆင်ခြင်ထိန်းချုပ်ထားတာ ထင်ရှားလှပါတယ်။ ပြောချင်တိုင်း မပြောဘူး၊ လုပ်ချင်တိုင်း မလုပ်ဘူး။ အန်ကယ့်မှာ “စိတ်လိုက်မာန်ပါ”ဆိုတာ မရှိဘူးလို့ ထင်ပါတယ်။ အဲဒါဟာ ကျနော်ပြောနေတဲ့ “မျိုဆ”စွမ်းအားမြင့်မားတာပါပဲ။

အန်ကယ့်စိတ်ထဲ ဘယ်သူမှ ဝင်ကြည့်လို့ မရတာမို့ တွေးရာမှာတော့ အဲလို ဉာဏ်နဲ့ ဆင်ခြင်ပြီးမှ တွေးဖြစ် မတွေးဖြစ် အန်ကယ်မှတပါး ဘယ်သူမှ မသိနိုင်တာ အမှန်ပါ။ သို့ပေတည့် အန်ကယ်ဟာ တချိန်လုံး သတိနဲ့ နေသူအဖြစ် သူ့အကြောင်း ရေးထားတဲ့ စာအုပ်တွေမှာ အထင်အရှား တွေ့ရပါတယ်။

“သတိ”တဲ့။ အပြောလွယ်သလောက် အင်မတန် အလုပ်ခက်လှပါတယ်။ ဆရာတော်ဦးဇောတိကကလည်း “သတိဆိုတဲ့ နေအိမ်”ဆိုတဲ့ တရားနဲ့ ကျနော်တို့ကို သတိပေးခဲ့ဖူးပါတယ်။ သတိမရှိတဲ့ စိတ်ဟာ ကလေကချေ စိတ်၊ ခြေသလုံးအိမ်တိုင် စိတ်ပါ။ “သတိ”ဆိုတဲ့ အိမ်ကလေးရှိနေပါမှ စိတ်က အတည်တကျ ဖြစ်တော့မှာပါ။ ဆရာတော့် တရားကို နာခဲ့တာများ နှစ်ပေါင်း ၂၀ ကျော်ခဲ့ပါပြီ။ ကျနော့်မှာတော့ အခုချိန်ထိ ကလေကဝစိတ်နဲ့ သာ လူလုပ်နေရင်း သင်္ချိုင်းကုန်းဆီ ချီတက်နေပါပြီ။

အန်ကယ်ကတော့ သတိကြီးတဲ့သူမို့ ကောင်းရာသုဂတိမှာ ရှိနေမှာလည်း မလွဲပါဘူးဗျာ။

ခိုးခိုးခစ်ခစ်ရယ်တတ်သူ အန်ကယ်

အန်ကယ်နဲ့ ရင်းနှီးခွင့်ရခဲ့တဲ့ သက်တမ်းတလျှောက်မှာ အမှတ်ရစရာတွေထဲက နောက်ဆုံးတခုကတော့ အန်ကယ့် ရယ်သံပါပဲ။ အန်ကယ်က ဇဝနဉာဏ်အလွန်ကောင်းသူပါ။ ပြီးတော့ နာကျင်စရာတွေ၊ ရင်နင့်စရာတွေကို သောပစ်လိုက်ရင်း ရယ်ပွဲဖွဲ့တတ်သူလည်းပဲ ဖြစ်ပါတယ်။

နမူနာအနေနဲ့ နာမည်တော့ ထုတ်မပြောချင်တော့ပါဘူး။ အန်ကယ်နဲ့ ရင်းလွန်းမက ရင်းနှီးပြီး အတွင်းသိ အစင်းသိဖြစ်နေတဲ့ အန်ကယ့် ရဲဘော်ရဲဘက်တယောက် ဟိတ်တလုံး ဟန်တလုံးနဲ့ ဟန်ရေးပြနေတဲ့အကြောင်း ကျနော်က ပြောတော့ အန်ကယ်က “ဟိတ်ထုတ်မှာပေါ့ဗျာ၊ သူ့တသက်လုံး ဘယ်စာတအုပ်ကိုမှ အစမှ အဆုံးတိုင် ပြည့်ပြည့်ဝဝမှ မဖတ်ဖူးရှာတာကိုး…”လို့ ပြောပြီး တခစ်ခစ် ရယ်နေခဲ့ပါတယ်။

အဲဒီ့ရယ်သံလေးတွေနဲ့ ပြောတဲ့စကားမှာ တဖက်သားကို နားလည်ပေးတဲ့ သဘောလည်း ပါနေတယ်၊ တဖက်သားရဲ့ နောက်ခံကို သူသိထားသလို ပွင့်ပွင့်လင်း ပြောလိုက်တာလည်း ပါနေတယ်။ ရယ်သံမှာကတော့ သူလည်း အဲဒီ့လူကို သဘောမတွေ့လှဘူး၊ သို့သော် ရယ်ပစ်လိုက်ခြင်းနဲ့ မကျတဲ့ဘဝင်ကို ရွှင်လာအောင် ဖန်တီးလိုက်တာလို့ ကျနော် ခံစားမိပါတယ်။

အဲလို ရယ်သံလေးတွေကို အမြဲမဟုတ်တောင် မကြာခဏ အန်ကယ့်ဆီက ကြားခဲ့ရဖူးတယ်။ သြော်… အန်ကယ့်နှယ်၊ ထားတတ်လိုက်တဲ့ စိတ်၊ ချမ်းသာလိုက်မယ့် စိတ်ဆိုတာ အဲဒီ့ ရယ်သံတွေ ကြားတိုင်း တွေးဖြစ်ခဲ့သလို အန်ကယ့်စိတ်မျိုး ထားနိုင်အောင် ကျနော့်ကိုယ်ကျနော်လည်း ဆုံးမခဲ့ရပါတယ်။

ဓာတ်မသိသူက စိန်ခေါ်တာခံရတဲ့ အန်ကယ်

ရယ်စရာကောင်းတာက အာရှအပတ်စဉ်စာစောင်ထဲက ဦးကြည်မောင်ရဲ့ စကားကို အယူအကောက် လွဲပြီး ထောက်လှမ်းရေးဂိုဏ်းချုပ်ကြီးက လူမှား စိန်ခေါ်ခဲ့တဲ့အမှုပါပဲ။ မသိမမီလိုက်သူတွေအတွက်၊ နျူရင်ဘာ့(ဂ်) ခုံရုံးကို ဦးကြည်မောင် ညွှန်းခဲ့လို့ ၁၉၉၀ ရွေးကောက်ပွဲအပြီးမှာ အာဏာမလွှဲခဲ့တာဆိုတဲ့ စာမဖတ်ဘဲ လေသံကြားနဲ့ ဖမ်းတရားနာကာ ပြောနေကြတာကို အဟုတ်မှတ်နေသူတွေအတွက် အဲဒီ့သတင်းစာဆရာ (Dominic Faulder) ရဲ့ အမေးနဲ့ ဦးကြည်မောင်ရဲ့ အဖြေတို့ကို (အဲဒီ့အပိုင်းလေးပဲ) ဘာသာပြန်ပေး လိုက်ပါတယ်။ အဲဒီ့ အမေးအဖြေပါတဲ့ အာရှအပတ်စဉ် စာစောင်ရဲ့ မူရင်းစာမျက်နှာကိုပါ တလက်စတည်း တင်လိုက်ပါတယ်။

မေး – စစ်အစိုးရဟာ လူထုက လက်စားချေမှာကို စိုးရိမ်ပူပန်နေပါသလား။

ဖြေ – ကျနော်တို့ မဖြစ်မနေ ကိုင်တွယ်ရမယ့် ပြဿနာတွေက တအားကို များလွန်းလှပါတယ်။ ပြောကြစတမ်းဆို နျူရင်ဘာ့(ဂ်)မှာ တရားစွဲဆိုခံရတဲ့ ဂျာမန်ဆိုလို့ ဘယ်လောက်များ ရှိလို့တုန်းဗျာ။

မေး – ရန်ကုန်မှာ နျူရင်ဘာ့(ဂ်)ရှိလာမယ်လို့ ခင်ဗျား ပြောလိုက်တာလား။

ဖြေ – မပြောဘူး။ လုံးဝ မပြောဘူး။ တော်ရုံ မြန်မာလူမျိုးတွေဟာ စစ်သားတွေကို တိုက်ခိုက်လိမ့်မယ်လို့ ကျနော် မထင်ပါဘူး။ ဒါဟာ အကြီးအကျယ် ချဲ့ကားထားတဲ့ ပြဿနာပါ။ ဘာမှ မဟုတ်ပါဘူး။ ခင်ညွန့်လို လူမျိုးတွေအနေနဲ့ကတော့ သူတို့ကိုယ်သူတို့ တယ်မလုံခြုံလှဘူးလို့ သူတို့အကြောင်းနဲ့သူတို့ ခံစားရကောင်း ခံစားနေရနိုင်တာတော့ အမှန်ပါပဲ။

asiaweek 1990ကဲ… အဲဒီ့စာ မူရင်းအတိုင်း လုံးစေ့ပတ်စေ့ ဘာသာပြန်ပေးလိုက်တာပါ။ အဲဒီ့ အမေးအဖြေထဲမှာ နျူရင်ဘာ့(ဂ်)ဆိုတာ ပါတယ်၊ ခင်ညွန့်ဆိုတာ ပါတယ်။ ဒါနဲ့ပဲ ခင်ညွန့်ကို စစ်ခုံရုံးတင်မယ် ဖြစ်ရောတဲ့လား။

ဗမာစကားကို မနေနိုင် မထိုင်နိုင် အနက်ဖွင့်လိုက်ဦးမဗျာ။ အန်ကယ် ပြောတဲ့ စကားက ရှင်းတယ်။ လက်စားချေဖို့ထက် တိုင်းပြည်မှာ ဖြေရှင်းရမယ့် ပြဿနာတွေက မတန်တဆ များနေတယ်။ တကယ့် တကယ်မှာ နျူရင်ဘာ့(ဂ်)ကို ရောက်တဲ့ ဂျာမန်ဘယ်နှယောက် ရှိခဲ့လို့လဲ။ (အမှန်တကယ် ကျူးလွန်ခဲ့သူထဲက အနည်းငယ်မျှသာ ရောက်တယ်လို့ ဆိုလိုတာပါ။)

အဲဒါကို သတင်းစာဆရာက ချောင်ပိတ်ကြည့်သေးတယ်။ ဒါဆို နျူရင်ဘာ့(ဂ်) ရှိလာမယ်လို့ ဆိုလိုချင်တာ လားပေါ့။ အန်ကယ် ချက်ချင်း ငြင်းတယ်။ မဆိုလိုဘူး၊ လုံးဝ မဆိုလိုဘူး။ သာမန် မြန်မာတွေက စစ်တပ်ကို တိုက်မယ်လို့ သူမထင်ဘူး။ ဒါ သက်သက်မဲ့ ချဲ့နေကြတာ။ ခင်ညွန့်လို လူမျိုးကတော့ သူ့ဟာနဲ့သူ မလုံမခြုံ ခံစားနေရချင် နေရလိမ့်မယ်။ အဲလိုပဲ ပြောလိုက်တာပါ။

ဒါကို တိုင်းသိပြည်သိ ဆွေ့ဆွေ့ခုန်ပြလိုက်တော့ အခွက်ရှဲတာများ ဗျန်းဗျန်း ဗျန်းဗျန်းနဲ့ နေပါရောလား။ ပြောလို့တော့ မရဘူးပေါ့လေ။ ဦးဝင်းတင်၊ ဦးထွန်းတင်တို့ လမ်းကြောင်းဖော်ပေးလိုက်တဲ့ “မတရားတဲ့ အမိန့် အာဏာဟူသမျှ တာဝန်အရ ဖီဆန်ကြ”ဆိုတာတောင် “အာဏာဖီဆန်ရေး လမ်းစဉ်”လို့ လိုရာဆွဲ တဖက်သတ် ကောက်ယူ ဝါဒဖြန့် တပ်လှန့်တတ်တဲ့ ဉာဏ်ကြီးရှင်တွေဆိုတော့ စာကို လိပ်ပတ်လည်အောင် မဖတ်ဘဲ အဲဒီ့ နှစ်လုံးကို ဆက်စပ်ပြီး ခင်ညွန့်ကို နျူရင်ဘာ့(ဂ်)ပို့မယ်လို့ ကောက်ယူကာ တဖက်သတ် ယုံမှတ်ပြီး ဒေါသူပုန်တွေရော၊ ဒေါသောင်းကျန်းသူတွေရော၊ ဒေါအကြမ်းဖက်သမားတွေပါ ထကုန်တော့တာပေါ့ဗျာ။

ထတာလည်း ရိုးရိုးမထဘူး၊ ဗိုလ်မှူးကြီး (ဟောင်း) ကြည်မောင်ဆိုတာနဲ့ တခြား နာမည်တူ ဗိုလ်မှူးကြီး ကြည်မောင်နဲ့မှားပြီး ကိုယ်ကျင့်တရားချင်း ယှဉ်ရဲတယ်တွေ ဘာတွေ စိန်ခေါ်လိုက်တာက သာဆိုးတယ်။ အဲဒီ့ စိန်ခေါ်သံ သတင်းစာ ရှင်းလင်းပွဲမဟာကြီးအကြောင်း ပြန်ပြောင်း ပြောမိတော့ အန်ကယ်က သူ့ထုံးစံအတိုင်း တခစ်ခစ်ပဲ ရယ်နေခဲ့တာ မှတ်မိနေသေးတော့တယ်။

ကျနော့်ရွှေခေတ်

အန်ကယ်ဦးကြည်မောင်ရဲ့ ရာပြည့်ပွဲကနေ တရေးရေး ပြန်ပေါ်လာတဲ့ အဟောင်းထဲက အစုတ်တွေကို တင်ဆက်ခဲ့တာပါ။ ကျန်နေသေးတာတွေ တပုံတမ ရှိသေးသလို ခေါင်းထဲမှာ လောလောဆယ် ပေါ်မလာသေး တာတွေ၊ အရေးမကြီးလှလို့ ချန်ရစ်ခဲ့တာတွေလည်း မနည်းပါဘူး။ ကျနော့်အာရုံမှာ ပေါ်လာသမျှထဲက အတတ်နိုင်ဆုံး ကျစ်ကျစ်လစ်လစ်ဖြစ်အောင် စစ်စစ်စိစိ ရေးလိုက်တာပါပဲ။

ပြောမယ်ဆိုရင်တော့ အဲဒီ့သံရုံးမှာ အမှုထမ်းခဲ့တဲ့ ၁၉၉၁ ကနေ ၂၀၀၃ ဆိုတဲ့ ၁၂ နှစ်နီးပါး ကာလတာဟာ ကျနော့်အစွမ်း အပြနိုင်ဆုံး ရွှေခေတ်လို့ ဆိုနိုင်ပါလိမ့်မယ်။ သည်တပိုင်းမှာတော့ ကိုယ်ရည်သွေးတယ်လို့ ထင်ချင်လည်း ထင်ကြပါတော့ဗျာ။ နိုင်ငံရေးသတင်းဆိုရင် ကျနော့်ရုံးက သတင်းကမှ ခိုင်လုံစိတ်ချရတယ် ဆိုတာကတော့ အဲဒီ့အချိန်က သံတမန်လောက၊ သတင်းလောကမှာ နာမည်တလုံး ရှိခဲ့ဖူးတာတော့ အမှန်ပါ။ စာနဲ့ ပေနဲ့ အထောက်အထားတောင် ရှိခဲ့ဖူးပါတယ်။ သိပ်ကိုယ်ရည်သွေးရာကျမှာ စိုးလို့သာ ဘယ်နိုင်ငံတကာ အဖွဲ့အစည်းက ထုတ်တဲ့ ဘယ်စာစောင်ထဲမှာ ဘယ်လိုပါခဲ့တယ်ဆိုတာကို ပြောမနေတော့တာပါ။ အဲတုန်းက ကျနော့်အကြောင်း၊ ကျနော်လုပ်ခဲ့ကိုင်ခဲ့ပုံလေးတွေကို ရေးထားပါတယ်။ ဆက်လက် ဖတ်ရှုတော်မူကြပါဦး။

၁၉၉၇ ခုနှစ် ဇူလိုင်လမှာ တာဝန်ပြီးဆုံးလို့ မြန်မာပြည်က ပြန်ရတော့မယ့် သံရုံးရဲ့ ဒုတိယ ခေါင်းဆောင်၊ ပထမအတွင်းဝန်က မပြန်ခင်မှာ ကျနော့်အတွက် ထောက်ခံစာတစောင် ရေးပေးခဲ့ပါတယ်။ (အမှန်တော့ သူအပါအဝင် ကျနော့်ကို တိုက်ရိုက်ကြီးကြပ်တဲ့ ဒုတိယခေါင်းဆောင်တိုင်းဆီက ထောက်ခံစာပေါင်းစုံကို အမြဲတစေ ရယူထားခဲ့တာချည်းပါပဲ။ နောက်အလုပ်တခု ပြောင်းလျှောက်ရင် အဲဒီ့ထောက်ခံစာတွေက ဘွဲ့လက်မှတ် အယ်စတုံတွေထက် နိုင်ငံခြား အလုပ်အကိုင် လျှောက်ထားရာမှ အဆများစွာ တာသွား ပေတာကိုး။) အဲဒီ့စာရဲ့ ထိပ်ဆုံး စာပိုဒ်မှာ အောက်ပါအတိုင်း ဖော်ပြထားပါတယ်။

“၁၉၉၇ ခုနှစ်မှာ ကျနော်တို့ မိခင်(ဝန်ကြီး)ဌာနရဲ့ သံရုံးအကဲဖြတ်အစီရင်ခံစာမှာ ရန်ကုန်က နိုင်ငံရေး သတင်းပို့ချက်တွေက “အကောင်းဆုံး”လို့ ဖော်ပြထားပြီး အားလုံးခြုံလိုက်ရင် “ထိပ်တန်း” လို့ အဆင့် သတ်မှတ်ခဲ့ပါတယ်။ အဲဒီ့ စွမ်းဆောင်ရည်အများအပြားက အောင်သိန်းကျော်ကြောင့်ပါပဲ”လို့ ပြန်ဆိုနိုင်ပါလိမ့်မယ်။

အဆုံးပိုင်းမှာ ရေးထားတဲ့ စာသားတခုကလည်း ကျနော် ဘယ်လိုလူဆိုတာကို ဖော်ပြနေတယ်လို့ ယူဆမိရလို့ ဖော်ပြပါရစေဦး။ အဲဒါကိုတော့ အင်္ဂလိပ်လို အရင်ဖော်ပြပြီးမှ ဘာသာပြန်ပေးပါ့မယ်။

… in his reporting, Aung Thein Kyaw has demonstrated strong analytical ability and a rare dispassionate perspective on political developments.

“သတင်းပို့ရာမှာ အောင်သိန်းကျော်ဟာ ထက်မြက်တဲ့ သုံးသပ်မှု စွမ်းရည်သာမက နိုင်ငံရေး ဖြစ်စဉ်တွေနဲ့ ပတ်သက်ရင် ရှားပါးလှတဲ့ ဘက်မလိုက်သော အမြင်ကို ပြသခဲ့ပါတယ်”လို့ ဆိုထားတာပါ။ Dispassionate ကို “ဘက်မလိုက်သော”လို့ ဘာသာပြန်ထားပေမယ့် passionate ဆိုတာက “အရူးအမူး (စွဲလန်းဖက်တွယ်ထား) ဖြစ်သော”လို့ အနက်ရပါတယ်။ ဆိုလိုတာက တဖက်ပိတ်သဘော၊ မျက်ကန်းသဘောကို ဆောင်ပါတယ်။ ဖြစ်ရပ်တွေကို သုံးသပ်တဲ့အခါတွေမှာ ပုဂ္ဂိုလ်ခင်လို့ တရားမင်ပြီး ကိုယ့်လူကိုယ်မို့ သာသာထိုးထိုး၊ ကိုယ် အမြင်မကြည်သူမို့ နှိပ်နှိပ်ဖိဖိ မလုပ်ဘဲ ဓမ္မဓိဋ္ဌာန်ကျကျ ပိုင်းခြားသုံးသပ်တဲ့အခါမျိုးမှာ dispassionate ကို သုံးပါတယ်။ အဲဒါကို ရှားရှားပါးပါး (rare) နဲ့ တွဲထားတယ်။

အဲဒီ့ထောက်ခံစာတခုလုံးမှာ ကျနော် သဘောအကျဆုံး၊ ဂုဏ်အယူဆုံး စကားစုက အဲဒီ့စုပါပဲ။ ရေးပေးခဲ့သူဟာ ကျနော့်ကို တိုက်ရိုက်ကွပ်ကဲရသူ ဖြစ်တာမို့ သူဟာ ကျနော့်အကြောင်းကို မသိချင့်အဆုံးပါပဲ။ ကျနော် ဘယ်လို လူစားဆိုတာ တနေ့ကို အဖျင်းဆုံး ၈ နာရီနှုန်းနဲ့ ၃ နှစ်လောက်အတွင်း နေ့စဉ်မပြတ် သူမျက်စိနဲ့ တပ်အပ်မြင်ခဲ့ရတာကိုး။

img_1769
ကျနော်နဲ့ပတ်သက်တဲ့ ထောက်ခံစာ တချို့

တခါတလေများဆို လူချင်းသာ မတွေ့တယ်၊ ဖုန်းနဲ့ အချိန်မတော် ဆက်သွယ်နေတုန်း။ ဒါမှမဟုတ်လည်း စနေ၊ တနင်္ဂနွေ ပိတ်ရက်မှာပေမယ့် သူ့အိမ်သွားပြီး ပြောဆိုဆွေးနွေး တင်ပြခဲ့တာတွေလည်း မနည်းပါဘူး။ ဒါ့အပြင် သူက လူငယ်လည်း လူငယ်၊ အဲတုန်းက ၃၀ ကျော်လေးရယ်။ အင်မတန်လည်း ထက်မြက်တယ်။ သူကိုယ်တိုင်ကလည်း ဓမ္မဓိဋ္ဌာန်ကျကျ သုံးသပ်တတ်တဲ့ အထုံကလေးနဲ့ဆိုတော့ ကျနော့်ကို အဲလို သတ်မှတ်ခဲ့ ပေတာပေါ့။

အဲဒီ့ a rare dispassionate perspective ကြောင့်ပဲ ကျနော့်ရဲ့ သဘောထားအမြင်က အများစုနဲ့ ဆန့်ကျင် ကွဲလွဲပြီး ကျနော်ဟာ လူ့ခွစာ အလိုလိုဖြစ်လာရတော့တာပါပဲ။ ပတ်ဝန်းကျင်နဲ့ လိုက်လျောညီထွေ သဟဇာတ ဖြစ်ချင်တာ သတ္တဝါတိုင်းရဲ့ အငုံ့စိတ်ပါ။ အဲလိုစိတ်နဲ့ လူတွေဟာ ပုတ်သင်ညိုတွေ ဖြစ်ကုန်ကြပါတယ်။ ပတ်ဝန်းကျင်ကိုလိုက်ပြီး အရောင်ပြောင်းကြတာပေါ့။ တဆက်တည်းမှာ ပုတ်သင်ညိုကျင့်တွေ စွဲပြီး ခေါင်းပဲ ညိတ်တတ်လာကြပါတော့တယ်။

ကျနော် ပုတ်သင်ညို မဖြစ်ချင်ပါဘူး။ ကျနော့်မူ၊ ကျနော့်ဟန်၊ ကျနော့်ကိုယ်ပိုင်ဉာဏ်နဲ့သာ လူလုပ်ချင်ခဲ့သလို အဲဒီ့အတိုင်းသာ လူလုပ်နေခဲ့ပြီး သေတဲ့အထိလည်း အဲလိုပဲ နေသွားမှာပါ။ မိုးခါးရေဆိုတာ ကျနော် ဘယ်တော့မှ သောက်မယ့် အရာမဟုတ်ဘူး။ ဒါ့ကြောင့် ကျနော် ငွေကြေး မချမ်းသာပါဘူး။ ချမ်းသာချင်ရင် ဘာလုပ်ရမယ်ဆိုတာ ကျနော် သိခဲ့ပါတယ်။ ငတုံးမှ မဟုတ်တာလေ။

သူ့ထောက်ခံစာထဲမှာ ၁၉၉၆ ခုနှစ်မှာ ဒေါ်အောင်ဆန်းစုကြည် အကျယ်ချုပ်က (ခဏ) လွတ်လာပြီးတဲ့ နောက်ပိုင်း စနေတနင်္ဂနွေ လူထုဆွေးနွေးပွဲတွေကို ၁၅ လတိုင်တိုင် ကျနော် မပျက်မကွက်သွားခဲ့တာလည်း ထည့်ရေးထားတယ်။ အလုပ်နဲ့ပတ်သက်ရင် ကျနော် ဇောကပ်တတ်ပုံကို ပြောတာပါ။

သတင်းလိုက်တဲ့အခါမှာ ရဲတင်းပေမယ့် မိုက်ရူးရဲ မလုပ်တတ်တဲ့အကြောင်း (brave but not foolhardy လို့ သုံးထားပါတယ်)လည်း ပါတယ်။ နမူနာ ပေးထားတာက ကိုယ့်ကိုယ်ကိုယ်လည်း ဘေးမဖြစ်၊ သံရုံးရဲ့ ရပ်တည်မှုကိုလည်း အထင်မှား အမြင်မှား မဖြစ်ရလေအောင် ဆန္ဒပြပွဲတွေမှာ ဘယ်အချိန် ဆုတ်ခွာရမယ်ဆိုတာ ကျနော့်ချင့်ချိန်မှုနဲ့ ကျနော် လုပ်ခဲ့ပုံတွေကို ပြထားပါတယ်။

အဲတုန်းက အတွေ့အကြုံတချို့

အဲဒါလေး ပြန်ဖတ်မိတော့ အဲတုန်းက အရိပ်တွေလည်း စိတ်မျက်စိ ပိတ်ကားပေါ် တဖန် ပြန်ပေါ်လာရပြန် ပါတယ်။ ဟုတ်ပါရဲ့။ အဲဒီ့တုန်းက ရင်ဖိုခဲ့ရတာတွေလည်း ရှိတာပေါ့။

ဒေါ်အောင်ဆန်းစုကြည် မီးရထားနဲ့ ခရီးသွားမယ် ပြင်တဲ့အခါ ရန်ကုန် ဘူတာကြီးမှာ တားဆီးခံနေရတာများ အချိန်က အကြာကြီး။ လုံထိန်းတပ်ဖွဲ့တွေတောင် ချလို့ရယ်။ ညဦးပိုင်း တပိုင်းလုံး အချိန်ကုန်ခဲ့ရတယ်။ ကျနော်ရယ်၊ ကျနော့်ဇနီးရယ်က နံပါတ်ဖြူ သံရုံးကားနဲ့။

ကိုယ်ပိုင်ကားကို သုံးရင် လုံခြုံရေးအရ အချိန်မရွေး ကျနော် ခံရနိုင်ပါတယ်။ သံရုံးကားနဲ့ဆိုတော့ ဂျနီဗှာ နိုင်ငံတကာ သဘောတူစာချုပ်အရ ကားထဲက ကျနော့်ကို ရန်ပြုလို့ မရနိုင်တော့ပါဘူး။ ဒါ့ကြောင့် ရုံးကားကို သုံးနေတာပါ။ ဖြစ်စဉ်တွေက ရုံးချိန်ပြင်ပမှာလည်း ဖြစ်နေတတ်တော့ တခါတလေ အိမ်ကို ရုံးကားယူထား ရပါတယ်။

နောက်တခုက ပါလေရာဖုန်းပါ။ အဲဒီ့အချိန်က ပါလေရာဖုန်းဟာ အများသိတော်မူတဲ့အတိုင်း အလွန်အင်မတန် ဈေးကြီးလှပါတယ်။ သံရုံးကို ရောင်းပေးတာ၊ ယုံချင်ယုံ မယုံချင်နေ၊ တလုံးကို ဒေါ်လာ ၄ ထောင်ပေးရပါတယ်။ အဲတော့ ရုံးကလည်း အာဏာကုန် ၂ လုံးသာ ဝယ်နိုင်ပါတယ်။ တလုံးကို ကျနော် ကိုင်ရပါတယ်။ ကျန်တလုံးကို ၂၄ နာရီ တာဝန်ထမ်းဆောင်ရတဲ့ ပြုပြင်ထိန်းသိမ်းရေးတာဝန်ခံကို ပေးထားပါတယ်။ သံအမတ်တောင် ပါလေရာဖုန်း မကိုင်ပါဘူး။

အဲဒီ့နေ့ည သန်းခေါင်ကျော်တဲ့အချိန်ကျမှ အစ်မတို့ အဖွဲ့လည်း ရထားနဲ့ ခရီးသွားမယ့်အစီအစဉ်ကို လက်လျှော့ပြီး ပြန်ကြပါတယ်။ ကျနော်တို့ လင်မယားလည်း သူတို့ယာဉ်တန်းနဲ့အတူ နောက်က ထက်ချပ် လိုက်ပါတယ်။ ကျနော်လည်း အဲဒီ့ဘက်မှာပဲ နေတာမို့ အဲဒီ့လမ်းအတိုင်းသာ ပြန်ရမှာက တကြောင်း၊ နောက်ထပ် ဘာဆက်ဖြစ်သေးလဲ သိချင်တာကြောင့်တကြောင်း လိုက်သွားတာပါ။ လုံထိန်းကားတွေလည်း ၃ စီးလောက် ဆက်တိုက်လိုက်လာတာပေါ့။

ဘယ်သူ့အမိန့်နဲ့လဲတော့ မသိဘူးခင်ဗျ။ ရွှေဂုံတိုင် အချက်ပြမီးတိုင်ကနေ ကုက္ကိုင်းဘက်ထောင်အတက်၊ ဓမ္မစေတီ (ဘောင်ဒရီ) လမ်း ကျော်ခါစမှာ လုံထိန်းကားတစီးက အတင်းကျော်တက်ပြီး ကျနော့်ကားခေါင်းကို ဖင်နဲ့ ရိုက်ပါသေးတယ်။ အေးဆေးပါ။ ကျနော့် ယာဉ်မောင်းသက်က အဲဒီ့အချိန်မှာကို နှစ် ၂၀ လောက်ရှိနေပြီမို့ ဘာမှ ထိမိခိုက်မိတာ မရှိပါဘူး။ ဟန်မပျက် ရှောင်လိုက်နိုင်ပါတယ်။ ကိုယ့်ဆရာတွေများ အဲသလို။ သံရုံးကားသော၊ နံပါတ်ဖြူသော၊ ဘာသော နားကို မလည်ရှာကြပုံပြောပါတယ်။

ကြို့ကုန်းစက်မှုတက္ကသိုလ်ရှေ့ဝယ်…

အဲဒါက ရင်ဖိုစရာ မဟုတ်ပါဘူး။ ရင်ဖိုရတာက ကြို့ကုန်း ရန်ကုန်စက်မှုတက္ကသိုလ်မှာ ၁၉၉၅ ခုနှစ် နှစ်ကုန်ခါနီးမှာ ဖြစ်ခဲ့တာပါ။ စက်မှုတက္ကသိုလ်ကျောင်းသားတွေ စုဝေးဆန္ဒပြကြတယ်။ ကျနော်က ရုံးကားနဲ့ပဲ ရောက်သွားပါတယ်။ ကားကို စက်မှုတက္ကသိုလ်နဲ့ မလှမ်းမကမ်းက ခရစ်ယာန်ဘုရားရှိခိုးကျောင်းငယ် ရှိရာ လမ်းသွယ်လေးထဲမှာ ရပ်ထားခဲ့ပါတယ်။ ပြီးတော့ လမ်း ဆင်းလျှောက်သွားပြီး စက်မှုတက္ကသိုလ်နဲ့ မျက်နှာချင်းဆိုင် ဘီပီအိုင် (ဆေးဝါးစက်ရုံ) လမ်းထဲကနေ အခြေအနေကို စောင့်ကြည့်နေခဲ့ကြပါတယ်။

ကျနော်နဲ့အတူ နိုင်ငံခြား သတင်းစာဆရာအသင်းက တချို့လည်း ရှိနေတယ်။ နေဝင်ရီတရောမှာတော့ လုံထိန်းတွေက ဆန္ဒပြပွဲကို အကြမ်းဖက် ဖြိုခွင်းပါတော့တယ်။ ပွဲကြည့်ပရိသတ် ရှိရာကိုပါ မရှောင်တော့တာမို့ ကျနော်တို့မှာ ပြေးလိုက်ရတာ။ ကျနော်နဲ့အတူ ပါလာတာက လူငယ်နိုင်ငံခြားသတင်းစာဆရာလေး တယောက်။ အကော်ဒီယံအုန်းကျော်သီချင်းထဲကလို တကယ့်ကို ဖဝါးနဲ့ တင်ပါး တသားတည်း ပြေးရတယ်ပေါ့ဗျာ။

ကျနော့်မှာက ပြဿနာ တက်နေတယ်။ လူက လွတ်လာပြီး ကားကြီးက ငေါငေါကြီး ကျန်ခဲ့တာလေ။ ရုံးကားမို့ သိပ်ဂရုစိုက်စရာမလိုပေမယ့် ကျနော့်စိတ်ဓာတ်က ခွင့်မပြုဘူး။ နောက်တရက်မှ ရုံးက ယာဉ်မောင်း တယောက်ကို လွှတ်ပြီး ကားပြန်ယူခိုင်းမယ်ဆိုလည်း ဖြစ်ပါတယ်။ သို့သော် ကျနော် ထုတ်လာတဲ့ကား၊ ကျနော် စီးနေတဲ့ကားဖြစ်တာမို့ ထိန်းသိမ်းရမယ့် တာဝန်က ကျနော့်ပခုံးပေါ်မှာပဲဆိုတာ ဘယ်သူကမှ မပြဋ္ဌာန်းဘဲ ကျနော့်ဘာသာ ပြဋ္ဌာန်းထားပါတယ်။

အဲဒါနဲ့ ညမှောင်တဲ့အခါကျတော့မှ ဗဟိုလမ်းအတိုင်း ပြန်လာ၊ ဦးရေခဲလမ်းက ဖြတ်ထွက်ပါတယ်။ အင်းစိန် လမ်းကြီးတခုလုံးက တစပြင်လို တိတ်ဆိတ်လို့ရယ်။ အင်းစိန်လမ်းကို အခြေအနေကြည့်ပြီး ဖြတ်ကူး၊ ကားရှိရာကိုသွား၊ ကားကို ပြန်မောင်းထုတ်လာခဲ့ပါတယ်။ ကျနော်ကသာ သဲထိတ်ရင်ဖို ဖြစ်နေတာ၊ လမ်းမကြီးတခုလုံးက တိတ်လို့ ဆိတ်လို့၊ ငြိမ်သက်လို့ရယ်။ ဘာဆိုဘာမှလဲ မရှိ။ ယာဉ်သွားယာဉ်လာလည်း မရှိ။ သည်လိုနဲ့ လူရော ကားပါ ဘေးကင်းခဲ့ပါတယ်။

ဦးထောင်ဘိုလမ်းမှာ ပိတ်ရိုက်တဲ့ ည

သိပ်မကြာပါဘူး၊ အတိအကျ ပြောရင် ၁၉၉၆ ခုနှစ် ဒီဖင်ဘာ ၂ ရက်နေ့မှာပါ။ လှည်းတန်းလမ်းဆုံမှာ ကျောင်းသားတွေ စုဝေးပြီး ညဘက်ကျတော့ မြို့ထဲကို ချီတက်ကြပါရောလား။ လှည်းတန်းလမ်းဆုံကနေ လှည်းတန်းဈေးဘက်ကို ထွက်ကြတဲ့အခါ ကျနော် အဲဒီ့ စီတန်းလှည့်လည်သူတွေနဲ့ မလိုက်တော့ဘူး။ ကျနော့်ကားနဲ့ နာနတ်တော လမ်းက ပတ်ပြီး ဆင်မလိုက်ထိပ်မှာ သွားကြို စောင့်နေခဲ့ပါတယ်။ ကျောင်းသားအုပ် ဘေးကင်း ရန်ကင်း ရောက်လာပြီး ကြည့်မြင်တိုင်ကမ်းနားလမ်းအတိုင်း ဆက်ချီတော့ ကျနော်က အောက်ကြည့်မြင်တိုင် လမ်းအတိုင်း သူတို့ ရောက်လာမယ့်နေရာတွေကို ကြိုကြိုစောင့်ရင်း အကဲခတ်တယ်။ အားလုံး ရှင်းလင်းနေတယ်။

အဲလိုနဲ့ မြို့ထဲအထိ ရောက်လာပါတော့တယ်။ မြို့ထဲရောက်တော့ ကုန်သည်လမ်းက အမေရိကန်သံရုံးရှေ့ အထိလည်း ကျနော်က ကြိုကြည့်ပဲ။ အဲဒီ့ကနေ ဆူးလေဘုရား၊ ဆူးလေဘုရားလမ်းအတိုင်း ထောင်တက်သွားကြ၊ အလံပြဘုရားလမ်းအတိုင်း ဆက်သွား။ ကျနော်က လူတန်းနဲ့ မပါဘူး။ ကားနဲ့ဆိုတော့ ကြိုကြို စောင့်ကြည့်နေတာ။ အလံပြဘုရားလမ်းကနေ တိရစ္ဆာန်ရုံဘေးကနေ မြောက်ဘက်ကို တက်ကြတဲ့ အခါကျတော့ ကျနော်က အထက်ပန်းဆိုးတန်းအတိုင်း မြောက်ဘက်ကိုတက်၊ ကန်တော်ကြီး ပတ်လမ်းကနေ ဦးထောင်ဘို အဝိုင်းကို ရောက်၊ ဦးထောင်ဘို အဝိုင်းထိပ်က နန်းတော်ပုံစံ အုတ်တံတိုင်းနဲ့ ဘုန်းကြီးကျောင်း ရှေ့နားလေးမှာ ကားထိုးပြီး စတင် မြင်နေရပြီဖြစ်တဲ့ ကျောင်းသားထု တပ်ဦးကို ကြည့်လို့ ကောင်းနေဆဲမှာ ကျနော့်ကားရှေ့ကို စစ်ကားကြီး ရောက်လာတယ်။ ကားပေါ်က စစ်သားတွေ ကသုတ်ကရက် ဆင်းလာကြတယ်။ ကျနော့်ကို ဖုတ်လေသည့် ငါးပိ ရှိတယ်လို့တောင် မမှတ်ကြပါဘူး။

ဒါပေမယ့် ကျနော် တွက်လိုက်မိတယ်။ ကျောင်းသားတွေဟာ ဦးထောင်ဘိုအတိုင်း အနောက်ဘက်ကို ပြန်ထောင်တက်ပြီး ရွှေတိဂုံဘုရားမှာ စတည်းချကြတော့မယ်ပေါ့။ သူတို့ ဦးထောင်ဘိုထဲကို စဝင်နေချိန်မှာ ကျနော်လည်း ကားကို နောက်ကြောင်းပြန်လှည့်။ ကြားတောရလမ်းထဲက ဖောက်၊ အာဇာနည်ကုန်းကနေ ရွှေတိဂုံဘုရား ခြေရင်းက ပတ်လမ်းအတိုင်း အပြင်းမောင်းသွားလိုက်တယ်။

ဟဲ… ဟဲ… ဘာရမလဲ။ ရွှေတိဂုံ အရှေ့မုခ်၊ ဗဟန်းစောင်းတန်း မရောက်ခင်မှာပဲ ကျနော့ရှေ့က သွားနေတဲ့ စစ်ကားကြီး သုံးစီးကို မားမားကြီး တွေ့လိုက်ပါပြီ။ သိလိုက်ပြီ။ ကျောင်းသားတွေကို ဦးထောင်ဘိုလမ်း အထက်အောက် ညှပ်ပြီး သမတော့မယ်ဆိုတာ။ နို့… ဆရာဗန်းမော်တင်အောင် ပြောသလို ကျနော်ကရော ဘာများတတ်နိုင်ပါဦးမည်နည်းပေါ့ခင်ဗျာ။ ကျနော်လည်း ရူးကြောင်မူးကြောင်နဲ့ပဲ ဗဟန်း ၃ လမ်းဘက် ပြန်လာ။

ရုန်းရင်းဆန်ခတ်၊ အပြေးအလွှားတွေကို ဦးထောင်ဘိုအဝိုင်းနားမှာ မြင်ရပြီ။ ရိုက်ကုန်ပြီဆိုတာလည်း သိလိုက်ရပါတယ်။ ဇာတ်ပေါင်းတော့ အဲဒီ့ညက ကျောင်းသားတွေသာ မကဘူး၊ နိုင်ငံခြားသတင်းစာဆရာ အသင်းဝင် သတင်းထောက်တယောက်တောင် ပယ်ပယ်နယ်နယ် အရိုက်ခံလိုက်ရပါသေးသကော။

လှည်းတန်းလမ်းဆုံက ဆုတ်ခွာပုံ

အဲဒါက တမှု။ နောက်ဆုံးတမှု အမှတ်ရနေတာကတော့ အထိတ်တလန့်ထက် ရယ်စရာ ပိုကောင်းပါတယ်။ အဲဒါက ၁၉၉၆ ခုနှစ် ဒီဇင်ဘာလ ၉ ရက်နေ့မှာ ဖြစ်ခဲ့တာ။ အဲဒါလည်း လှည်းတန်း လမ်းဆုံမှာ ကျောင်းသားတွေ ထိုင်သပိတ်မှောက်ကြတာ။ ညပိုင်းပဲ။

b8b49861861d73c68aee3d8f16bff652_thumbnail_1
ပုံက ၁၉၉၆ ခုနှစ် ဒီဇင်ဘာ ၉ ရက် လှည်းတန်းလမ်းဆုံက ပုံပါ။ အင်ထနက်ထဲက ရပါတယ်။ အေပီသတင်းဌာနရဲ့ ဗီဒီယိုမှတ်တမ်းထဲက ထွက်လာတဲ့ ပုံလည်းပဲ ဖြစ်ပါတယ်။ ဒါက ထိုင်သပိတ်အစအဦးပုံပါပဲ။

ကျောင်းသားတွေနဲ့ အနီးဆုံးမှာ သတင်းထောက်တွေနဲ့ သံရုံး ဝန်ထမ်းတွေ ရှိနေပါတယ်။ သံရုံးဝန်ထမ်းတွေ ထဲမှာ ဒေသခန့် ဗမာဝန်ထမ်းကတော့ ကျနော်တယောက်ပဲ ပါတယ်။ ကျန်တာက နိုင်ငံခြားသားတွေပါ။ ညဥ့်နက်သထက် နက်လာတဲ့အခါ ပွဲကြည့်ပရိသတ်က စဲလာပါတယ်။ သတင်းထောက်တွေထဲက အေပီ သတင်းဌာနက တယောက်ပဲ ကျန်တော့တယ်။ သံရုံးကလည်း အာဆီယံအဖွဲ့ဝင်နိုင်ငံတနိုင်ငံရဲ့ သံရုံးက သံမှူးပဲ ကျန်တယ်။ ကျနော်လည်း ကျန်တယ်။

အာဆီယံနိုင်ငံတနိုင်ငံရဲ့ သံမှူးဆီ “မင်းတို့ကို ဝိုင်းလိုက်ပြီနော်။ အမြန်ဆုံး ထွက်ခဲ့ကြတော့”ဆိုတဲ့ သတင်းကို ပါလေရာဖုန်းနဲ့ လှမ်းပေးသူက အပြင်စည်းကနေ အခြေအနေကြည့်နေတဲ့ တခြားအာရှနိုင်ငံတနိုင်ငံက သံမှူး။ ကျနော်တို့ သုံးယောက် ခေါင်းချင်း ရိုက်ကြတယ်။ ကျနော့်ကားနဲ့ အာဆီယံနိုင်ငံ သံမှူးကားက ဝိုင်းခံထားရတဲ့ စည်းအတွင်းမှာ ရှိနေတယ်။ အေပီသတင်းထောက်က ကားကို အင်းလျားလမ်းမှာ ထားခဲ့တာမို့ စည်းအပြင်မှာ။ သို့သော် သူလည်း စည်းထဲက ထွက်မှ ဖြစ်တော့မယ်။

အာဆီယံနိုင်ငံ သံမှူးက ကျနော့ကို ရှေ့ကမောင်းခိုင်းတယ်။ ကျနော်က နံပါတ်ဖြူနဲ့ပေမယ့် ဗမာဖြစ်နေတော့ တခုခုဆို သူစောင့်ရှောက်နိုင်၊ သတင်းပို့နိုင်အောင် သူက နောက်က လိုက်မယ်တဲ့။ အေပီသတင်းထောက်ကိုလည်း သူ့ကားနဲ့ လိုက်ပါတဲ့။ အိုခေပေါ့။

ကျနော်တို့ ကားနှစ်စီး တန်းစီပြီး ထွက်လာတယ်။ တက္ကသိုလ်ရိပ်သာလမ်းအတိုင်း။ တက္ကသိုလ် ဆရာဆောင်လောက်မှာ သံဆူးကြိုးတွေ တားထားပါပြီ။ အဲဒီ့ကို အရောက်မှာ စစ်ဗိုလ်တယောက်က ကျနော့်ကားကို တားတာနဲ့ ကျနော်လည်း ရပ်ပေးပြီး မှန်ချပေးလိုက်ပါတယ်။ ကျနော်စီးလာတာက နံပါတ်ဖြူ တိုယိုတာ သရဖူ အမှတ်တံဆိပ်နဲ့ အလွန်ငြိမ့်တဲ့ ကားကြီးပါ။

သူက ဘယ်သံရုံးကလဲလို့ ကျနော့်ကို ဘိုလို မေးပါတယ်။ ကျနော်လည်း သြစထြေးလျသံရုံးလို့ ဘိုလိုပဲ တုံးတိတိ ပြန်ဖြေလိုက်ပါတယ်။ သူက အဲဒီ့အခါကျတော့ ကျနော့်ကို နိုင်ငံကူးလက်မှတ်ပြဖို့ ဘိုလို ပြောပြန်တယ်။ ရယ်ချင်စိတ်ကို အနိုင်နိုင်ထိန်းရင်း “ကျနော် ဗမာပါ ဦးလေးရယ်။ အင့်… ဟောသမှာ ကျနော့် ယာဉ်မောင်း လိုင်စင်”လို့ ဗမာလို ပြောလိုက်တယ်။

အနှီစစ်ဗိုလ်ကြီး စတွန့်သွားတယ်။ မှောင်ကြီးမည်းကြီးထဲမှာပေမယ့် သူမျက်နှာပျက်သွားတာ သိသိသာသာကြီးဗျ။ ကျနော့် ယာဉ်မောင်းလိုင်စင်ကို ဝတ်ကျေတန်းကျေကြည့်ပြီး ကျနော့လက်ထဲ ပြန်ပေးကာ “သွားဗျာ၊ သွား… သွား…”တဲ့။ ကျနော်လည်း ရယ်ချင်ပက်ကျိ မျက်နှာပိုးကို အနိုင်နိုင်သတ်ရင်း မောင်းထွက်လာလိုက်ရပါတော့တယ်။

ဒေသခန့်ဝန်ထမ်းဖြစ်လင့်ကစား

တကယ်တော့ သံရုံးက အဲဒီ့ အလုပ်မှာ လုပ်နေစဉ်က ကျနော့်မယ် ပြောရေးဆိုခွင့် အတော် ရှိခဲ့ပါတယ်။ ကျနော့် အထက်အရာရှိတွေကလည်း ကျနော့်အမြင် ကျနော့်အယူအဆတွေကို တလေးတစား နားထောင်ပေးတယ်။ ကျနော့် အစီရင်ခံစာတွေကိုလည်း ဂရုတစိုက် ရှိခဲ့ကြပါတယ်။

၁၉၉၇ ခုနှစ်မှာ မြန်မာနိုင်ငံက အာဆီယံအဖွဲ့ဝင် ဖြစ်လာတဲ့အခါ ကျနော့်အထက်အရာရှိက ကျနော့်ကို မေးပါတယ်။ ဘယ်လို မြင်သလဲပေါ့။ ကျနော့်အဖြေက ကောင်းပါတယ်ပေါ့။ ဘာလို့ ကောင်းတာလဲလို့ မေးတဲ့အခါ ကျနော့်အမြင်ကို လိပ်ပတ်လည်အောင် ရှင်းပြခဲ့ပါတယ်။

နဝတ/နအဖက ပုဂ္ဂိုလ်တွေဟာ တဖက်သတ်သာ ပြောတတ်နေတယ်။ ကျန်တဲ့ တဖက်ရဲ့စကားကို နားထောင်ရကောင်းမှန်း တစက်မှ မသိတတ်ကြတော့ဘူး။ အခုလို အာဆီယံအဖွဲ့ကြီးထဲ ဝင်သွားပြီဆိုရင်တော့ သူတို့ချည်း ပြောနေလို့ မရတော့ဘူး၊ သူများ ပြောတာကိုလည်း နားထောင်အပ်တယ်ဆိုတဲ့ အသိနဲ့ နားထောင်တတ်တဲ့ အလေ့အကျင့်လေးတော့ အနည်းနဲ့ အများ ရလာမှာမို့ ကောင်းတယ်လို့ ပြောတာလို့ ပြန်ဖြေခဲ့ပါတယ်။

အဲဒါ ကျနော်ပါပဲ။ အဲဒီ့အချိန် နိုင်ငံရေးအခြေအနေအရ မြန်မာ အာဆီယံအဖွဲ့ဝင်ဖြစ်သွားတာကို ပြင်းပြင်း ထန်ထန် သဘောကွဲခဲ့ကြတဲ့ မြန်မာအများစုကြားမှာ ကျနော့်ရဲ့ ရွာပြင်က အမြင်က အဲသလို ရှိခဲ့ပါတယ်။

စီးပွားရေး ပိတ်ဆို့ အရေးယူမှုနဲ့ ကျနော့်သဘောထား

အနောက်နိုင်ငံတွေရဲ့ (စီးပွားရေး) အရေးယူပိတ်ဆို့မှုတွေကိုလည်း ကျနော် အပြင်းအထန် ကန့်ကွက်ခဲ့ပါတယ်။ ကျနော့်အမြင်က ရှင်းရှင်းလေး၊ အဲသလို အရေးယူပိတ်ဆို့တာတွေသာ အလုပ်ဖြစ်ရိုးမှန်ရင် ကျူးဘားက ကတ်စထြို ပြုတ်ကျသွားတာ အဲဒီ့အချိန်မယ် နှစ်ပေါင်း ၃၀ လောက် ရှိနေတော့မှာပေါ့။ မြောက်ကိုရီးယားလည်း စနစ်ကြီး ပြောင်းသွားမှာပေါ့။ အလုပ်မှ မဖြစ်တာ။

အဲဒီ့ စီးပွားရေး ပိတ်ဆို့မှုဒဏ်ကို ခံရမှာက ထိပ်ပိုင်းက ရေပေါ်ဆီတွေ မဟုတ်ဘူး၊ လူထု။ လူထုမှာမှ သာပေါင်းညာစား မလုပ်တတ်တဲ့ သာမန် လက်လုပ်လက်စားတွေက ပိုထိမှာ မလွဲဘူး။ ကျနော့်အမြင်မှာ အနောက်နိုင်ငံတွေရဲ့ ပိတ်ဆို့အရေးယူမှုဆိုတာဟာ အသံကောင်းဟစ်တာ၊ သူတော်ကောင်း လုပ်တာ သက်သက်လို့ပဲ။

ကမ္ဘာ့ပုလိပ်ကြီးနိုင်ငံက လွှတ်တော်ကိုယ်စားလှယ်တယောက်နဲ့ ၁၉၉၀ လောက်က ဧည့်ခံပွဲတခုမှာ ဆုံတော့ ကျနော် မေးခဲ့ဖူးတယ်။ “ခင်ဗျားတို့ နိုင်ငံတွေက ဘယ်လိုတုန်းဗျ။ ကျနော်တို့ဆီမှာ လက်နက်မဲ့ အရပ်သားတွေ ထောင်နဲ့ ချီပြီး တပ်က ပစ်သတ်တာ ၁၉၈၈ မယ်။ ပေါက်ဖော်ကြီးတို့ တိုင်းပြည်မယ် နောက်တနှစ်မပြည့်ခင် အဲလိုပဲ လက်နက်မဲ့ အရပ်သားတွေ ထောင်နဲ့ချီပြီး တပ်က ပစ်သတ်တာ ကျနော်တို့ဆီမယ် ဖြစ်ပြီး တနှစ်တောင် ကောင်းကောင်းမပြည့်ခင်ပဲလေ။ ကျနော်တို့ကိုကျတော့ ပိတ်ဆို့အရေးယူ၊ ဟိုဟာပြော၊ သည်ဟာပြော၊ ပေါက်ဖော်ကြီးတွေနဲ့ကျတော့ ရေငုံနေတယ်။ အဲဒါ ဘာသဘောလဲဗျာ”လို့ပေါ့။

သူက ကျနော့်ကို တိုးတိုးပြန်ဖြေပါတယ်။ “ကျနော် ပြောတယ်လို့လည်း မပြောနဲ့။ တရားဝင်ပြောတယ်လို့လည်း မမှတ်နဲ့ဗျ။ ရှင်းရှင်းလေးပါ။ စီးပွားရေးပေါ့။ သူတို့ လူဦးရေက သန်းတထောင် ရှိတယ်။ ခင်ဗျားတို့က သန်း ၅၀။ အပ်ပဲ ရောင်းရင်တောင် သူတို့ဆီမှာ အဆ ၂၀ လောက် ပိုရောင်းရမှာဆိုတော့ ရေငုံနေတာပေ့ါဗျာ။ ဒါပေမယ့် အဲလို ရေငုံနေပြန်ရင် သိက္ခာကျမှာစိုးတော့ ခင်ဗျားတို့ နိုင်ငံလို ကိုယ်ကျိုး၊ ကိုယ့်စီးပွား သိပ်မရှိတဲ့ နိုင်ငံလေးတွေအပေါ်ကျတော့ ပြောဆို အရေးယူပေးရတာပေါ့”တဲ့။

img_1770
ဒါက ၁၉၉၇ ခုနှစ်ကနေ ၂၀၁၁ ခုနှစ်အထိ တာဝန်ထမ်းဆောင်သွားခဲ့တဲ့ ဒုတိယခေါင်းဆောင်ရေးပေးခဲ့တဲ့ ထောက်ခံစာ အရှည်ကြီးရဲ့ အဆုံးပိုင်းလေးကို ဓာတ်ပုံရိုက်ပြထားတာပါ။ (ကြွားတယ်လို့ မှတ်ချင်မှတ်လက်ကြညော်… တကယ်လည်း ကြွားတာပါ။ သေခါနီးပြီမို့ ရှိတာလေးဒေ ထုတ်ပြသွားရှာဒယ်ဆိုပြီး ခွေးလွှတ်မယ်ဆိုလည်း လွှတ်ကြပေါ့ဂျာ…)

ဒါတွေကို သိမြင်ထားတဲ့အတွက် ကျနော်က ပိတ်ဆို့အရေးယူမှုကို အကြောက်အကန် ကန့်ကွက်ခဲ့ပါတယ်။ အဲဒီ့အချိန်က သြစတြေးလျ အစိုးရရဲ့ မြန်မာနိုင်ငံနဲ့ ပတ်သက်တဲ့ စီးပွားရေးမူဝါဒဟာ သြစတြေးလျနိုင်ငံက စီးပွားရေးလုပ်ငန်းတွေအနေနဲ့ မြန်မာနိုင်ငံနဲ့ စီးပွားရေးလုပ်ဖို့ “တားလည်း မတား၊ တိုက်လည်း မတိုက်တွန်း” (neither encourage nor discourage) ဆိုတဲ့ မူဝါဒကိုသာ ကျင့်သုံးခဲ့ပါတယ်။ ကျနော့် ကန့်ကွက်မှုကြောင့်လို့တော့ မပြောရဲပါဘူး။ သို့သော် ကျနော် အကြောက်အကန် ကန့်ကွက်ခဲ့တာလည်း အမှန်၊ အဲဒီ့မူဝါဒနဲ့ ရှိခဲ့တာလည်း အမှန်ပါပဲ။

အဓမ္မခိုင်းစေမှုတဲ့လား

နောက်တခုကတော့ “အဓမ္မစေခိုင်းမှု”ကိစ္စပါပဲ။ ၁၉၉၄ ခုနှစ်မှာ ရတနာ ကမ်းလွန်ရေနံတွင်းရဲ့ အလားအလာကြောင့် ထိုင်းနိုင်ငံဆီ သဘာဝဓာတ်ငွေ့ပို့တဲ့ ပိုက်လိုင်းဆောက်ဖို့ တော စ ရှင်းပါတယ်။ အဲဒီ့မှာ အဓမ္မစေခိုင်းမှု ရှိတယ်ဆိုတဲ့ သတင်းတွေ ပလူပျံအောင် တက်လာတယ်။ ဒါနဲ့ ကျနော် ထားဝယ်ကို သွားပါတယ်။ ကျနော့် အိမ်သူကိုပါ ခေါ်သွားတာပါ။ ပြီးတော့ ကားတစီးငှားပြီး ကလိန်အောင်အထိ သွားကြည့်ခဲ့ပါတယ်။

အဲတုန်းက လမ်းက မသာသေးဘူး။ ထားဝယ်မှာ ကားငှားရတာလည်း ခက်ပါတယ်။ နံပါတ်နက် တိုယိုတာ ပဗ္ဗလစ်ကာလေး တစီး ရတာနဲ့ ကားဆရာကို နောက်ခန်းမှာ ထိုင်ခိုင်း၊ ကျနော်က မောင်း၊ ကျနော့်အိမ်သူက ကျနော့်ဘေးက ထိုင်ပြီး တခါမှ မသွားဖူး၊ မမောင်းဖူးတဲ့ တောင်တက်တောင်ဆင်း လမ်းတွေကို မောင်းသွားခဲ့တာပါ။

old photos tavoy 01တွေ့တာပေါ့။ ပိုက်လိုင်းချဖို့ တောရှင်းနေတဲ့ စခန်းတွေ။ ကျနော့်ကင်မရာလေးနဲ့ ဓာတ်ပုံတွေ ရိုက်ယူခဲ့ပါတယ်။ ကျနော့ဇနီးကို ဆိုင်းဘုတ်အနီကြီး ရှေ့မှာ ထားပြီး ရိုက်ထားတဲ့ ပုံတပုံရဲ့ ဆိုင်းဘုတ်မှာ ရေးထားတာကတော့ “လုပ်အားဖြင့် ဒါနပြုနေသည်”ဆိုတဲ့ စာတန်းကြီးပါပဲ။

အဲလိုနဲ့ ကျနော် ပြန်ရောက်လာတော့ ကျနော့်အစီရင်ခံစာမှာ ပါသွားတာက အနောက်တိုင်းသားတွေ ပြောတော့မှ ကျနော်တောင် အဓမ္မစေခိုင်းခံခဲ့ရဖူးမှန်း သိလာရပါတယ်လို့ပါပဲ။ ဟုတ်တယ်လေ… ကျနော်တို့ မြို့ထဲမှာ နေတုန်းက တခါတလေ တနင်္ဂနွေနေ့ဆိုရင် လမ်းသန့်ရှင်းရေး လုပ်ရမှာမို့ တအိမ်တယောက် လာကြပါလို့ သက်ဆိုင်ရာ ရပ်ကွက် အုပ်ချုပ်ရေး (အဲတုန်းက ရပ်ကွက်ကောင်စီပေါ့) က ပြောရင် ပျော်ပျော်ပါးပါး လုပ်ခဲ့ကြတာပဲလေ။ ဘယ်သူကမှ အဲဒါကို အဓမ္မစေခိုင်းတယ်လို့ မမှတ်ကြပါဘူး။ တချို့တွေဆို ပိုက်ဆံ တပြားမှ မရ

old photos tavoy 940606_2
ကျနော့်အိမ်သူက သ့ပုံမထည့်နဲ့ဆိုဒါနက် နောက်ခံကိုပဲ ယူလိုက်ရတာလည်း ဖြစ်၊ အပေါစား ကင်မလာအစုတ်ကလေးနဲ့ ကမန်းကတန်း ရိုက်တာလည်း ဖြစ်တော့ ဝါးနေပါတယ်။
ရေးထားတဲ့ စာက… 
ဤစခန်း၏ ရည်ရွယ်ချက်(၁) လုပ်ငန်းတိုးတက်အောင်မြင်ရမည်။
(၂) ကိုယ်စိတ်ကျန်းမာပျော်ရွှင်ရမည်။
(၃) စည်းကမ်းရှိရမည်။

တဲ့ အဲဒီ့ အလုပ်အတွက်ပဲ အိမ်က ကောက်ညှင်းပေါင်းလေးတောင် ပေါင်းပြီး အချင်းချင်း ဒါနပြုကြသေး… ဟေး… ဟေး…

 

ကျနော်တို့ ယဉ်ကျေးမှု အစဉ်အဆက်မှာက အဲလို လုပ်တာ ဒါနရယ်လို့သာ နားလည်ထားကြပါတယ်။ အခု ပိုက်လိုင်းအတွက် တောရှင်းတော့လည်း လူအများစုက ဒါက ရပ်ကွက်၊ မြို့နယ် အာဏာပိုင်တွေက ခိုင်းတာပဲ၊ လုပ်ပေးရမှာပေါ့ဆိုတဲ့ အသိသာ ရှိကြပါတယ်။ ပိုက်ဆံ ရရမယ် ဘာညာဆိုတဲ့ အသိမရှိဘူး။ အဲတော့ကာ အဓမ္မစေခိုင်းတယ်၊ ဘာတယ်၊ ညာတယ်ဆိုတဲ့ တံဆိပ်တွေ မကပ်ခင်၊ လူထုအနေနဲ့ သူတို့အခွင့်အရေးက ဘယ်လိုရှိတယ်ဆိုတာကို သိအောင် လုပ်ဖို့က အရေးကြီးတယ်ဆိုတဲ့ သုံးသပ်ချက်နဲ့အတူ ကျနော့် အစီရင်ခံစာ တက်သွားပါတယ်။

အဲဒီ့နောက်ပိုင်း လူ့အခွင့်အရေး သင်တန်း ဘာညာသာရကာတွေကို ကျနော့်ကို လုပ်ခလစာပေးထားတဲ့ နိုင်ငံက စတင် လုပ်ဆောင်လာခဲ့ပါတော့တယ်။

ကံထူးသူ ကျနော်

သည်စာစုအစမှာ ရေးခဲ့သလိုပါပဲ။ အင်မတန်ကံထူးလွန်းလို့ အန်ကယ် ဦးကြည်မောင်လို ပုဂ္ဂိုလ်မျိုးနဲ့ ရင်းနှီးခင်မင်ခွင့် ရခဲ့တာပါ။ ၁၉၆၂ ခုနှစ် ဗိုလ်နေဝင်းအာဏာသိမ်းချိန်က ကျနော့်အသက်မှ ငါးနှစ် မပြည့်တတ်သေးပါဘူး။

အဲဒီ့အချိန်က ကျနော့်အဖေနဲ့ အမေဟာ သူတို့သားလေးကို မိဘတို့ရဲ့ မေတ္တာစေတနာနဲ့ ထိပ်ဆုံးကို ရောက်ခဲ့စေချင်ကြမှာ ယုံမှားသံသယဖြစ်စရာ မရှိပေမယ့် တနေ့မှာ သူတို့သားဟာ အဲဒီ့ တော်လှန်ရေး ကောင်စီဆိုတဲ့ အာဏာသိမ်းအဖွဲ့ထဲမှာ (သူမသိလိုက်ဘဲ) နာမည်စာရင်းပါခဲ့တဲ့ ဗိုလ်မှူးကြီးတယောက်နဲ့ သိကျွမ်းခင်မင်ခွင့်ရလာလိမ့်မယ်လို့တော့ တွေးမိခဲ့ကြမယ် မထင်ပါဘူး။ အဖေတို့ အခြေအနေနဲ့ ယှဉ်ရင် ဦးကြည်မောင်ဆိုတာ မိုးနဲ့ မြေကြီးလေ။

အလားတူပဲ၊ ဗိုလ်ချုပ်အောင်ဆန်းရဲ့ သမီးဖြစ်သူ ယနေ့ နိုင်ငံတော်၏ အတိုင်ပင်ခံပုဂ္ဂိုလ်နဲ့ သိကျွမ်းခွင့်၊ စကားပြောခွင့်တွေရခဲ့မယ်လို့လည်း ကျနော့်မိဘတွေ အိပ်မက်တောင် မက်ခဲ့ဖူးကြမှာ မဟုတ်သလို ကျနော် ကိုယ်တိုင်လည်း အသက် ၃၀ အရွယ်အထိ စဉ်းတောင် မစဉ်းစားမိခဲ့ပါဘူး။ ဒါပေသည့် ကံထူးတဲ့အတွက် အဲလို ပုဂ္ဂိုလ်မျိုးနဲ့လည်း ကြုံဆုံထိတွေ့ခွင့် ရခဲ့ပါတယ်။

သို့ပေတည့် သေသွားရင်တော့လည်း အဲဒါတွေ အားလုံး ထားခဲ့ရမှာပါ။ ဘယ်သူနဲ့ သိခဲ့၊ ရင်းခဲ့သည်ဖြစ်စေ သေမင်းကတော့ ရွေးနေမှာမှ မဟုတ်တာလေ။ ဒါတွေကို ချရေးဖြစ်ခဲ့တာဟာ ကျနော်မသေခင် ကျနော် သိမီသလောက် မှတ်တမ်းမှတ်ရာလေးတခု ကျန်စေချင်တာက အဓိကပါပဲ။

သို့သော် မလွဲမသွေ ပါရှိနေမှာကတော့ ကျနော့်ရဲ့ အတ္တနောမတိပါပဲ။ ပြီးတော့လည်း ဘယ်သူ့ကိုဖြင့် သာစေ၊ ဘယ်သူ့ကိုဖြင့် နာစေဆိုတဲ့ စေတနာဆိုး အလျဉ်းမရှိသည့်တိုင် ကျနော့်အမြင်၊ ကျနော့်သုံးသပ်ချက်များကြောင့် တဦးဦးမှာ စိတ်အနှောင့်အယှက်ဖြစ်ရတယ်ဆိုပါရင် ခွင့်လွှတ်တော်မူကြပါမယ့်အကြောင်းလည်း တလက်စတည်း ဝန်ချတောင်းပန်ထားချင်ပါတယ်။

ဆိုခဲ့တဲ့အတိုင်း သည်ဖြစ်စဉ်ကြီးတခုလုံးမှာ ကျနော်က ပွဲကြည့်ပရိသတ်သက်သက်ပါ။ သို့သော် သာမန်ပွဲကြည့် ပရိသတ်မဟုတ်ဘဲ အလုပ်တာဝန်ရဲ့ စေစားမှုကြောင့် အတော်ထဲထဲဝင်ဝင် မြင်ခွင့် သိခွင့် ကြားနာခွင့်တွေ အပြင် မျက်တောင်မခတ် မပြတ်ကြည့်မြင်ခွင့် ရခဲ့တာမို့ “အထူးတန်း ပွဲကြည့်စင်ပေါ်က ပရိသတ်”လို့ ကျနော့်ကိုယ်ကျနော် သညာပေးခဲ့တာလည်းပဲ ဖြစ်ပါတယ်။ ပွဲကြည့်ပရိသတ်ဖြစ်နေသလို တဖက်ကလည်း နိုင်ငံသားတယောက်၊ စာရေးလိုစိတ်က သွေးထဲသားထဲမှာ အပြည့်နဲ့ လူသားတယောက် ဖြစ်နေတာမို့ ကျနော့်မှာ ကိုယ်ပိုင်အယူအဆတွေ၊ အမြင်တွေလည်း မလွဲမသွေ ရှိနေခဲ့ပါတယ်။

အခုလို မှတ်မိသမျှ ပြန်လည် မှတ်တမ်းတင်ရာမှာလည်း အဲဒီ့ အတ္တနောမတိတွေ မလွဲမသွေ ပါရှိနေခဲ့မှာ ဖြစ်လင့်ကစား တချိန်က ကျနော့်အထက်အရာရှိ ကျနော့်ကို ပြောခဲ့သလို “ရှားပါးလှတဲ့ ဘက်မလိုက်သော အမြင်”နဲ့ တင်ပြနိုင်ခဲ့တယ်လို့ ထင်မြင်မိပါတယ်။ အဲလိုမှ မဟုတ်ဘဲ သည်စာကို ဖတ်ခဲ့ကြရာမှာ လူပုဂ္ဂိုလ် တဦးဦး၊ အဖွဲ့အစည်းတခုခုအပေါ် ဘက်လိုက်ခဲ့တယ်၊ ပင်းခဲ့တယ်၊ ချနင်းခဲ့တယ်လို့ စာဖတ်သူ လူကြီးမင်း ခံစားရတယ်ဆိုပါရင် အဲဒါဟာ ကျနော့်ရဲ့ အရေးအသား မလိမ္မာမှု၊ စကားပြော ရမ်းကားမှုကြောင့်သာ ဖြစ်နေလိမ့်မယ်လို့ မမှိတ်မသုန် ယုံကြည်ပါတယ်။

ပြောခဲ့တဲ့အတိုင်း ကျနော်က ပွဲကြည့်ပရိသတ်သာ ဖြစ်ခဲ့ပါတယ်။ ဝင်ကန်နေတဲ့ အားကစားသမား မဟုတ်ပါဘူး။ ကိုယ့်မြို့ ကိုယ့်နယ် အသင်းကိုပဲ စွတ်အားပေးမယ်ဆိုတဲ့ စိတ်နဲ့ မကြည့်ဖြစ်ခဲ့တာ ကျနော့်ကိုယ် ကျနော် အသိဆုံးပါ။

ဘယ်သူ နိုင်နိုင်၊ ရှုံးရှုံး ကျနော့် အပူမဟုတ်ပါဘူး။ ဘောလုံးဝါသနာရှင်တယောက်အနေနဲ့ ဘယ်သူကဖြင့် ခြေစွမ်းပြနိုင်တယ်၊ ဘယ်သူကဖြင့် ညစ်တယ်၊ ဘယ်သူက လူကျွံတယ်၊ ဒိုင်က ဘယ်ဘက်က ပင်းနေတယ်ဆိုတာမျိုးတွေကို အသင်းစွဲ မပါဘဲ မြင်သမျှ ချရေးလိုက်တဲ့ ပွဲကြည့်ရဲ့ မှတ်ချက် (commentary) သဘောမျိုးပါပဲ။

သည်ထဲကမှ နောက်ထပ် ကစားမယ့်အသင်းတွေအနေနဲ့ ယူစရာရှိတဲ့ ကောင်းတာလေးတွေ၊ ပယ်စရာ ရှိမယ့် ဆိုးတာလေးတွေကို မိမိတို့ ကိုယ်ပိုင်ဉာဏ်များနဲ့ ဆင်ခြင်ကောက်ယူသွားနိုင်စရာ တစုံတရာ ရလာကြမယ် ဆိုရင်ဖြင့် ကျနော် သည်စာကို ရေးရကျိုးနပ်နေမှာပါ။

ကျနော့်အတွက်ကတော့ ဆိုခဲ့တဲ့အတိုင်းပါပဲ၊ မနေနိုင် မထိုင်နိုင် ချရေးလိုက်ပါတယ်။ ကျနော် ချစ်ခင် လေးစား အားထားရတဲ့ ပရိသတ်ရှေ့မှောက်ကိုလည်း ချပြလိုက်ပါတယ်။ ပရိသတ်ကပဲ အဆုံးအဖြတ် ပေးတော်မူကြပါတော့ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၀၇၀၁၁၉၊ ၁၈၂၁)