လုပ်သူ တရား၊ ခံသူ မှားဆိုတဲ့ ရွှေတလွဲ အတွေးအခေါ်

🤔🤔🤔🤔🤔🤔🤔🤔🤔🤔🤔🤔🤔🤔🤔

မိန်းမတွေ မပေါ့်တပေါ်ဝတ်လို့၊ ဟိုဖော်သည်ဖော်ဝတ်လို့ မုဒိန်းမှု ဖြစ်ရတာဆိုတဲ့ အူကြောင်ကျား အတွေးအမြင်ဟာ မြန်မာပြည်မှာသာမက တကမ္ဘာလုံးမှာ အပမှီ စွဲကပ်နေတဲ့ “ခံရသူသာ အပြစ်ရှိကြောင်း” တနည်းပြောရင် “ကျူးလွန်သူတွေ မလွန်ကြောင်း” ဆင်ခြေသက်သက်မျှသာ ဖြစ်ပါတယ်။ အဲဒီ့အမြင်က မိန်းမတွေမှာလည်း ရှိတယ်။ ယောက်ျားတွေမှာတော့ အဲသလို အဝတ်အစား လော်လီတဲ့ မိန်းမတွေကိုသာ အပြစ်ဖို့ချင်စိတ်က ပိုတောင်များလေသပေါ့။

မေးခွန်းတွေ

အဝတ်အစားလော်လီတဲ့ မိန်းမတွေကြောင့် ဖြစ်ရတာလို့ ပြောချင်သူတိုင်း အောက်ပါ မေးခွန်းတွေကို ဖြေကြည့်စေချင်ပါတယ်။

(၁) မုဒိန်းမှု ကျူးလွန်သူ ဘယ်နှဦးနဲ့ တွေ့ဆုံ မေးမြန်း ပြောဆိုဖူးပါသလဲ။Image result for sexual abuse

(၂) မုဒိန်းမှု စုစုပေါင်း ဘယ်နှမှုမှာ အဝတ်အစားလော်လီတဲ့ မိန်းမကြောင့် ဖြစ်ရတဲ့ အမှုက ဘယ်နှမှု ရှိပါတယ်လို့ ခိုင်လုံတဲ့ အချက်အလက် အထောက်အထား ထင်ထင်ရှားရှား ရှိပါသလား။

(၃) တကိုယ်လုံး လုံနေအောင် အမည်းရောင်နဲ့ အထပ်ထပ် ဝတ်ထားတဲ့အပြင် မျက်စိနှစ်လုံးသာ ဖော်ပြီး ခေါင်းမြီးခြုံထားတဲ့ အစ္စလာမ်ဘာသာဝင် အမျိုးသမီးတွေ မုဒိန်းလုံးဝ အကျင့်မခံရတာမျိုး ဘယ်နားမှာ ဖတ်ဖူးပါသလဲ။ ဘာအထောက်အထား ရှိပါသလဲ။

(၄) မွေးကင်းစ ကလေးတွေ၊ ငါးနှစ်မပြည့်သေးတဲ့ ကလေးတွေ၊ အရွယ်မရောက်သေးသူတွေ၊ အမယ်ကြီးတွေရော မုဒိန်း အကျင့်မခံကြရဘူးလား။ အဲဒီ့ ကလေးတွေ၊ အမယ်ကြီးတွေ ဝတ်ပုံစားပုံက ဘယ်နေရာမှာများ လော်လီနေလို့ပါလဲ။ ဘာတွေ ပေါ်ပြီး ဘယ်အစိတ်အပိုင်းတွေက ရာဂကို နိုးကြွစေလို့ပါလဲ။

(၅) စိတ်ကယောက်ကယက်ဖြစ်နေသူ၊ စိတ်မနှံ့သူ မိန်းမတွေလည်း အကျူးလွန်ခံရတာ ကြားဖူးကြမှာပါ။ အဲသလို အမျိုးသမီးတွေကရော ဘယ်လို ဝတ်စားနေထိုင်တာ တွေ့ဖူးပါသလဲ။

ထူးခြားချက်

အင်မတိ အင်မတန် ထူးခြားတဲ့ အချက်တချက်ကို ထောက်ပြပါမယ်။

အမေရိကန်ပြည်ထောင်စု၊ ကာကွယ်ရေးဝန်ကြီးဌာန၊ ပင်တဂွန်စစ်ဌာနချုပ်ရဲ့ စစ်တမ်းအရ အမေရိကန် စစ်တပ်မှာ (စက်တင်ဘာလမှာ ကုန်ဆုံးတဲ့) ၂၀၁၂ ဘဏ္ဍာရေး နှစ်တနှစ်တာအတွင်းမှာ တပ်ဖွဲ့ဝင် ၂ သောင်း ၆ ထောင်တိတိဟာ လိင်ပိုင်းဆိုင်ရာ မဖွယ်မရာပြုခံရတဲ့ သားကောင်ဖြစ်ခဲ့ရပါတယ်။

No photo description available.ဟုတ်ကဲ့… အမေရိကန် စစ်တပ်မှာ စစ်သားတွေသာမက စစ်သမီးတွေလည်း ရှိပါတယ်။ အများစု အလွယ် ကောက်ချက်ချမှာကတော့ သည်အရေအတွက်မှာ ခံရသူ စစ်သမီးက ပိုများမယ်လို့ပါပဲ။

တကယ်တမ်းမှာ ခံရသူ တသောင်း လေးထောင်လောက်ဟာ စစ်သား ယောက်ျားကြီးတွေ ဖြစ်နေကြပြီး ကျန်တဲ့ တသောင်း နှစ်ထောင်လောက်ကသာ စစ်သမီး အမျိုးသမီးတွေ ဖြစ်နေပါတယ်။

ကဲ… အဖော်အချွတ်ရယ်၊ စစ်ဝတ်စုံရယ်၊ မုဒိန်းမှု၊ ဒါမှမဟုတ် လိင်ပိုင်းဆိုင်ရာ မဖွယ်မရာပြုမှုရယ်က သည်ကိစ္စမှာ ဘယ်လို ဆက်စပ်နေမလဲဆိုတာ ဉာဏ်လေး အနည်းအပါး ရှိရင်ကို တန်းခနဲ မြင်နိုင်လိမ့်မယ် ထင်ပါတယ်။

သည်အစီရင်ခံစာမှာ စိတ်ဝင်စားစရာကောင်းတဲ့ နောက်တချက်က ယောက်ျားချင်း ကျူးလွန်သူ မဆိုစလောက် အနည်းငယ်မျှသာ လိင်တူချင်းတပ်မက်သူ ဖြစ်နေပြီး အများစုကတော့ “ထောင်ထဲမှာ ယောက်ျားချင်း မုဒိန်းကျင့်တာနဲ့ ခပ်ဆင်ဆင်တွေချည်းသာ”ဆိုတဲ့ အချက်ပါပဲ။ (ရည်ညွှန်း https://bit.ly/2KGN6nV)

ဒါက အမေရိကန်ပြည်ထောင်စုမို့လို့ သူတို့ စစ်တပ်ထဲက ကိစ္စကို တရားဝင်ဖော်ချ ဖွင့်ထုတ်ထားတာပါ။

ဗြိတိန်စစ်ထပ်ထဲမှာ

ဗြိတိန်စစ်တပ်မှာလည်း အလားတူ ဖွင့်ထုတ်ထားတာ ရှိပါတယ်။ ၂၀၁၈ ခုနှစ်မှာ လိင်ပိုင်း မဖွယ်မရာ ပြုမှုပေါင်း ၁၅၃ မှု စစ်ဆေးခဲ့ပါတယ်။ ၂၀၁၆ ခုနှစ်နဲ့စာရင် အမှု ၃၅ % တိုးလာတယ်လို့ ထုတ်ပြန်ထားပါတယ်။

အဲဒီ့ စစ်ဆေးမှု ၁၅၃ မှုမှာ မသင်္ကာသူ (စွပ်စွဲခံရသူ) ၁၆၀ ပါပါတယ်။ စွပ်စွဲခံရသူ ၁၅၀ က ယောက်ျား၊ မိန်းမက ၂ ယောက်၊ မည်သူမည်ဝါဆိုတာ မဖော်ထုတ်ထားသူက ၈ ဦး ပါဝင်ပါတယ်။ ခံရသူက ၁၄၀၊ အဲဒီ့ထဲမှာ မိန်းမက ၁၀၈ ယောက်၊ ယောက်ျားက ၂၅ ယောက်၊ ကျန် ၇ ယောက်က မသိသူ၊ ဒါမှမဟုတ် ကျား-မ ခွဲခြားသတ်မှတ်ဖော်ပြထားခြင်း မရှိသူပါတဲ့။

အဲဒီ့အမှုတွေထဲက ၇၁ မှုဟာ သွင်းဝင်မှု မပါဝင်တဲ့ လိင်ပိုင်းဆိုင်ရာ မဖွယ်ရာမှုဖြစ်ပြီး မုဒိန်းမှုကတော့ အမှု ၃၀ ရှိပါသတဲ့။

(ရည်ညွှန်း https://bit.ly/2ZW0bAj)

သည်နှစ် ၂၀၁၉ မတ်လ ၂၈ ရက်နေ့မှာ ဗြိတိန် ကာကွယ်ရေးဝန်ကြီးဌာနက တရားဝင်ထုတ်ပြန်ထားတဲ့ တပ်တွင်း လိင်ပိုင်းဆိုင်ရာ ကျူးလွန်မှုများ အစီရင်ခံစာကို https://bit.ly/2GZLRiC ကနေ ရယူကြည့်ရှုနိုင်ပါတယ်။

ကိုင်း… ဒါလည်း စစ်တပ်မှာ ဖြစ်တာပဲ။ ဘယ်နေရာမှာ သွားပြီး မပေါ့်တပေါ်တွေ မလုံ့တလုံတွေ ဝတ်နိုင်ကြမှာတဲ့လဲ။

ယောက်ျားခံရရင် မုဒိန်းမှု မမြောက်တာကလည်း တပြဿနာ

ထောင်တွေထဲမှာ၊ ယောက်ျားများ ကြီးစိုးရာ တပ်၊ ဘုန်းကြီးကျောင်း၊ ယောက်ျားလေးဆောင်တွေမှာ လိင်ပိုင်းမဖွယ်မရာမှုတွေ၊ မုဒိန်းမှုတွေ ဘယ်လောက် ဖြစ်နေသလဲဆိုတာ ကျနော်တို့ မသိပါဘူး။ သတင်းပို့တာ၊ တိုင်တန်းတာ မရှိလို့ အဲဒါမျိုးတွေ ကျုပ်တုိ့ဆီမယ် လုံးလုံး မရှိဘူးလို့ ဘယ်သူမှ မပြောနိုင်တာလဲ အသေအချာပါပဲ။

ထားပါတော့လေ…

မိန်းမတွေကိုက လွန်လို့ပါလို့ ပြောရတာ တယ်လွယ်သကိုး

မုဒိန်းမှု ကျူးလွန်နေသူတွေထဲမှာ ဘာသာရေးခေါင်းဆောင်တွေ၊ ကျောင်းဆရာတွေ၊ အုပ်ထိန်းသူတွေ၊ ဖခင်တွေ၊ အကိုတွေ၊ ဆွေမျိုးဉာတိတွေ၊ အိမ်နီးချင်းတွေ၊ မိတ်ဆွေအပေါင်းအသင်းတွေ၊ အသိအကျွမ်းတွေ ပါပါတယ်။ အနည်းစုကသာ သူစိမ်းပြင်ပြင်တွေ ဖြစ်နေတတ်ပါတယ်။

ယောက်ျားတွေပဲ အစဉ်အဆက် ထိပ်ကနေခဲ့တဲ့ လောက၊ ကျား-မခွဲခြားမှု တွင်ကျယ်လွန်းတဲ့လောကမှာတော့ ကျူးလွန်သူကိုထက် ခံရသူကို ပိုအပုပ်ချကြတဲ့ ရာဇဝတ်မှုဟာ မုဒိန်းမှုလို့ ဆိုရပါလိမ့်မယ်။ မုဒိန်းအကျင့်ခံလိုက်ရဦးတောင် အကျင့်ခံရသူ မိန်းမက ရေငုံနေမယ်ဆို သူ့ဂုဏ်သိက္ခာ သူထိန်းထားနိုင်မယ်ဆိုတဲ့ အစွဲကြီးကလည်း မြဲနေပေတာကိုး။

ယောက်ျားတွေရဲ့ သရဲမရဲစီးနေတဲ့ တဏှာရမ္မက်စိတ်၊ ဘီလူးသဘက်စိတ်ကို ဖော်ထုတ်လိုက်တဲ့ မိန်းမကို အပြစ်တင်တာက သိပ်လွယ်တယ်လေ။

ဒါနဲ့ပဲ သူ့ရာဂကို နှိုးဆွနေတဲ့ မိန်းမကိုသာ အပြစ်ပေးသင့်တယ်ဆိုတဲ့ ဆင်ခြေကြီးက ခေတ်စားနေပြီး မိန်းမတွေ မပေါ့်တပေါ် ဝတ်လို့သာ ဖြစ်ရတာဆိုတဲ့ ရွှေတလွဲ အမြင်ကြီးကို ကိုင်စွဲသူတွေ ကိုင်စွဲလို့ ကောင်းနေကြတော့တာပါပဲ။

အားလုံး တွေးဆ ဆင်ခြင်ကြည့်နိုင်ကြပါစေ

အတ္တကျော်

(၁၂၀၈၁၉)

Advertisements

အားလုံး ချမ်းသာကြပါစေ

၁၃ ချက်

တချက်စီ ဖတ်ကြည့်၊ ဆင်ခြင်ကြည့်ပြီး စဉ်းစားကြရအောင်လားဗျာ။

1. မှားတာ မှန်တာကို ဂရုမထားတော့တာ။

2. တခြားသူတွေအပေါ်မှာ အမြတ်ထုတ်ဖို့ တချိန်လုံး လိမ်လည် လှည့်ဖျားနေတာ

3. တဖက်သားအပေါ်မှာ စာနာစိတ်ကင်းမဲ့တာ၊ အပြစ်မြင်တာ၊ မလေးစားတာ

4. ကိုယ်လိုချင်တာ ရဖို့၊ ကိုယ်စိတ်ချမ်းသာဖို့ တဖက်သားကို ချယ်လှယ်နိုင်အောင် ချစ်စရာကောင်းတဲ့ သူ့အရည်အသွေးကိုဖြစ်စေ၊ ဇဝနဉာဏ်ကိုဖြစ်စေ သုံးတတ်တာ

5. လူတတ်လုပ်တာ၊ တခြားသူတွေထက် သာတယ်လို့ ယူဆနေတာ၊ ကိုယ့်အယူအဆမှ အမှန်ဆိုပြီး အသေကိုင်စွဲထားတတ်တာ

6. ခြိမ်းခြောက် အကြပ်ကိုင်တဲ့နည်း၊ ကလိန်ကျတဲ့နည်းနဲ့ တခြားသူတွေရဲ့ အခွင့်အရေးတွေကို ချိုးဖောက်တာ

7. စိတ်လိုက်မာန်ပါ လုပ်တတ်တာ၊ ဒါမှမဟုတ် ရှေ့အတွက် ကြိုမစဉ်းစားတာ

8. ရန်လိုတာ၊ သိသိသာသာ အကဲဆတ်လွယ်တာ၊ စိတ်အနှောင့်အယှက်ဖြစ်လွယ်တာ၊ ခိုက်ရန်ဒေါသစိတ်ကြီးတာ၊ အကြမ်းဖက်တာ

9. တဖက်သားနေရာက နေမပေးတတ်တဲ့အပြင် တခြားသူတွေကို ဒုက္ခပေးမိလို့လည်း နောင်တမရတတ်တာ

10. ကိုယ့်အတွက်ပဲဖြစ်ဖြစ်၊ တခြားသူတွေအတွက်ပဲဖြစ်ဖြစ် ဘေးကင်းကင်း မကင်းကင်း မလိုအပ်ဘဲ စွန့်စားလို၊ ရမ်းကားလိုတဲ့ အမူအကျင့်

11. အိမ်ထောင်ရေး၊ အချစ်ရေးမှာလည်း အဆင်မပြေတာ၊ ဒါမှမဟုတ် နိုင်လိုမင်းထက်လုပ်တတ်တာ

12. ကိုယ့်အမူအကျင့်ရဲ့ အကျိုးဆိုးတွေကို ထည့်စဉ်းစားဖို့ဖြစ်ဖြစ်၊ အဲဒီ့အကျိုးဆိုးတွေကို သင်ခန်းစာယူဖို့ဖြစ်ဖြစ် စိတ်ကို မဝင်စားတာ

13. တချိန်လုံး တာဝန်မဲ့တာ (ဖြစ်လာသမျှ ငါလုပ်လို့ဆိုပြီး တာဝန်ယူချင်စိတ်မရှိတာ)အပြင် အလုပ်တာဝန်၊ (ပေးဆပ်ရမယ့် တာဝန်လိုမျိုး) ငွေကြေးတာဝန်တွေကို တချိန်လုံး ပျက်ကွက်နေတာ

ကျနော်တို့ ပတ်ဝန်းကျင်မှာ အဲသလို လူတွေ တွေ့ဖူးပါသလားလို့ မေးရင် လူကြီးမင်း ဘယ်လို ဖြေမလဲလို့ သိချင်လိုက်တာ။

နေ့စဉ် တွေ့မြင်

ပထမ ခုနစ်ချက် (၁ ကနေ ၇) အထိတော့ ကျနော့်ပတ်ဝန်းကျင်မှာ နေ့စဉ်တွေ့မြင်နေရသလိုပါပဲ။ မယုံဘူးလားခင်ဗျာ။ လမ်းပေါ်ကို ထွက်ပြီး ကားစီးကြည့်လိုက်ပါ။ ၁ ဖြစ်တဲ့ အမှား အမှန်ကို ဂရုမစိုက်တာလည်း တွေ့ပါလိမ့်မယ်၊ ၂ ကိုတော့ ယာဉ်မောင်းတွေဆီမှာ မတွေ့ရဘူးပဲ ထားပါ၊ ၃ ဆိုတဲ့ တဖက်သားကို မစာနာတဲ့ စိတ်တွေလည်း ထင်းထင်းကြီးတွေ့ရ ပါလိမ့်မယ်၊ ၅ ဖြစ်တဲ့ သူက ပိုမောင်းတတ်သလို အမူအကျင့်ကိုလည်း တွေ့ရဦးမှာပါ၊ ၆ – ခြိမ်းခြောက် အကြပ်ကိုင်တဲ့နည်း၊ ကလိန်ကျတဲ့နည်းနဲ့ တခြားသူတွေရဲ့ အခွင့်အရေးတွေကို ချိုးဖောက်နေတာရယ်၊ ၇ – စိတ်လိုက်မာန်ပါ လုပ်တာရယ်လည်း ခရီးသည်တင် ယာဉ်မောင်းတဲ့သူများမှသည် ကားအကောင်းစားကြီး မောင်းနေတဲ့သူတွေဆီမှာပါ တွေ့ရတဲ့ အမူအကျင့်ပါ။ ဟုတ်ကဲ့လား မသိဘူး။

ကားနဲ့ ဝေးပါတယ်ဆိုရင် တန်းစီရတဲ့ နေရာတွေမှာလည်း အဲလို လူမျိုးတွေ တွေ့ရနိုင်ပါတယ်။

ဗိုလ်နေဝင်းကို မုန်းလှတယ်ဆိုပေမယ့်

မြန်မာ့စောက်ရှက်လက်(စ်) လမ်းစဉ်ဖာထီက ပေးခဲ့တဲ့ အမွေဆိုးကတော့ “ငတေစိတ်”ပါပဲ။ ဘယ်သူသေသေ ငတေမာရင်ပြီးရောဆိုတဲ့ စိတ်ဓာတ်မို့ “ငတေစိတ်”လို့ အနွတ္ထသညာ ပြုလိုက်ရတာပါပဲ။ ကိုယ်အနေချောင်ဖို့၊ ကိုယ် ကောင်းစားဖို့သာ အဓိက၊ ကျန်တဲ့သူ ဘာဖြစ်ဖြစ်ဆိုတဲ့ စိတ်ဓာတ်အမွေဆိုးကို ဗိုလ်နေဝင်းရဲ့မဟာလမ်းစဉ်က ပေးအပ်ခဲ့ပါတယ်။

ဗိုလ်နေဝင်းကို မုန်းတယ်လို့ ပြောကြသူတွေ ကိုယ်နှိုက်က ဗိုလ်နေဝင်းထားခဲ့တဲ့ စိတ်ဓာတ်အမွေကို ပျော်ပျော်ကြီး ဆက်ခံ ကျင့်သုံးနေကြတာ ရယ်စရာ အလွန်ကောင်းလှပါတယ်နော်။ သူ့ကို ဘုရားလို ကိုးကွယ်ခဲ့သူတွေမှာဆို သည့်ထက် ပိုဆိုးမှာဆိုတာလည်း တွေးမိရပါတယ်။

အမယ်… ဘာတဲ့။ “မကောင်းနိုင်ရင် ကင်းအောင်နေ၊ မကင်းနိုင်ရင် ကောင်းအောင်နေ”ဆိုတဲ့ သြဝါဒ ရွှေတလွဲကိုတောင် ချတဲ့သူက ချနေကြသေး။ “မကင်းနိုင်ရင် ကောင်းအောင်နေ”ဆိုတာက တကယ်တော့ သည်မောင်တွေနဲ့ မကင်းနိုင်ဘူးလား၊ မကင်းနိုင်လို့ရှိရင် သည်မောင်တွေ အလိုကျသာ မှားမှား မှန်မှန်၊ ဆိုးဆိုး ကောင်းကောင်း အလိုက်အထိုက်နေဖို့ သင်ပေးတဲ့ သြဝါဒ ရွှေတလွဲပါ။ သူခိုးဓားပြနဲ့ မကင်းနိုင်ရင် သူတို့လိုပဲ လိုက်ခိုး၊ လိုက်လု၊ လိုက်ဓားပြတိုက်ဖို့ သွန်သင်တဲ့ အဆိုအမိန့်။ အဲဒါကို “ကောင်းအောင်နေ”ဆိုတဲ့ သကာနဲ့ ဖုံးလိုက်တာ။

အဲဒါလည်း ဗိုလ်နေဝင်းလက်အောက်မှာ အနေချောင်သူတွေရဲ့ ပါးစပ်က ထွက်လာတဲ့ အဆိုအမိန့်ပါပဲ။ တနည်းအားဖြင့် “ငတေစိတ်”ကို အားပေးအားမြှောက် ပြုနေတဲ့ ပတ်ဝန်းကျင်ဆိုတာ ထင်ရှားစေတဲ့ အဆိုအမိန့်ပေါ့။

“လူမှုရေးခေါင်းပါးတဲ့ ကိုယ်ရည်ကိုယ်သွေး စံလွဲမှု”

ဗိုလ်နေဝင်းနဲ့ သူ့မြန်မာ့စောက်ရှက်လက်(စ်) လမ်းစဉ်ဖာထီ တရားဝင် ကျဆုံးသွားခဲ့တာ ၁၉၈၈ ခုနှစ်က ဆိုတော့ အခုဆို ၃၁ နှစ်၊ မျိုးဆက်တဆက်စာတောင် ရှိခဲ့ပြီ။ ဒါပေမယ့် အဲဒီ့မျိုးဆက်က လက်ဆင့်ကမ်းခဲ့တဲ့ “ငတေစိတ်” အမွေအနှစ်ကတော့ ကျနော်တို့ လူ့ဘောင်မှာ တွင်ကျယ်နေဆဲပါပဲ။ ဟုတ်ကဲ့လား မသိဘူး။

Image may contain: one or more peopleအထက်က ဖော်ပြခဲ့တဲ့ အချက် ၁၃ ချက်ဟာ တကယ်တော့ “လူမှုရေးခေါင်းပါးတဲ့ ကိုယ်ရည်ကိုယ်သွေး စံလွဲမှု” (Antisocial Personality Disorder) စိတ်ဝေဒနာရဲ့ ရောဂါလက္ခဏာတွေပါ။

ခက်တာက အဲဒီ့ရောဂါလက္ခဏာတွေဟာ ကြီးကြီးမာစတာများမှသည် အောက်ခြေဝန်ထမ်းများအထိ၊ အစိုးရ လုပ်ငန်းများမှသည် ပုဂ္ဂလိက လုပ်ငန်းများအထိ၊ ပညာတတ်ကြီးများမှသည် ပညာမဲ့များအထိ ရှိရှိလေသမျှ လူထု လူတန်းစား အလွှာအသီးသီးမှာ လှိုက်စားနေတယ်လို့ မြင်မိရပါတယ်။

အဲဒီ့ “ငတေစိတ်”တွေ၊ အဲဒီ့ စံလွဲ စိတ်ဝေဒနာတွေ အရင့်အမာ အမြစ်တွယ် ချိုးကပ်နေတဲ့ လူ့ဘောင်ကို ကုနိုင်ပါဦးမလား။ ကျနော်ကတော့ တယ်မထင်မိတော့ဘူး။

လက်ဆင့်ကမ်းပေးကြပုံ အဖုံဖုံ

ကိုယ့်ရင်သွေးလေးတွေ ရှေ့မှာ ကိုယ်နိုင်လို့ ရတဲ့သူကို မစာမနာ မထောက်မထားဘဲ တအားအနိုင်ကျင့်ပြလိုက်တာ၊ ခံလာလို့ကတော့ ဆော်ပြီသာမှတ်၊ ချစရာရှိရင် ကိုယ်က ဦးအောင် တီးလာခဲ့လို့ ကလေးတွေကို သွန်သင်နေကြတာ၊ သူတပါးကို လိမ်လည်လှည့်ဖျားပြီး ကိုယ်ကျိုးရှာပြနေကြတာများဟာ မျိုးဆက်တဆက်က နောက်တဆက်ဆီ အကျအန လက်ဆင့်ကမ်းပေးနေတဲ့ “ငတေစိတ်”အမွေတွေလေ။

ရွာပြင်သာ အကောင်းဆုံး

အဲတော့လည်း အဲသလို လူ့ဘောင်ကို အဖတ်ဆယ်ဖို့ ကြိုးစားသူဟာ ရူးနေသူပဲပေါ့။ စံလွဲစိတ်ဝေဒနာရှင် ၁၀၀ ကြားမှာ လူမှန်တယောက်အတွက် နေရာမှ မရှိတာပဲလေ။

သည်လိုနဲ့ ကျနော်သည်လည်း ရွာပြင်မှာပဲ ထွက်ထိုင်နေမိရပါတော့တယ်။

အားလုံး ချမ်းသာကြပါစေ
အတ္တကျော်
၃၀၀၇၁၉

ကလေးကိုမှ ရာဂကြွတတ်တဲ့ စိတ်ဝေဒနာရှင်တွေကချည်း ကျူးလွန်တာလား

Facebook ရဲ့ ထုံးစံအတိုင်း အမှုတခု ပေါ်လာတဲ့အခါ မိမိထင်မြင်ယူဆတဲ့အပိုင်းကနေ တံဆိပ်ကပ်လာကြတာတွေ တွေ့လာရပါတယ်။ အခု သက်ငယ်မုဒိန်းကိစ္စမှာလည်း Pedophile (ကလေးကိုမှ ရာဂကြွတဲ့ စိတ်စံလွဲသူ)ရယ်လို့ တချို့က တံဆိပ်ကပ်ပေးနေတာ တွေ့ရတာမို့ အားလုံးကို ဝါးလုံးရှည်နဲ့ သိမ်းမရမ်းဖြစ်ကြလေအောင် အမြွက်မျှ ဆွေးနွေးတင်ပြပါရစေ။

👼👼👼👼👼👼👼👼👼👼👼👼Image result for pedophilia

ကလေးကို ရုတ်တရက် ဗလက္ကာရလုပ်ဖြစ်စေတဲ့ အကြောင်းက ဘာလဲ။ ဒါကို စဉ်းစားဖို့ လိုပါတယ်။

ယေဘုယျအားဖြင့် အဲလို လုပ်ဖြစ်စေတဲ့ အကြောင်း လေးရပ်ထဲက တခုမဟုတ် တခုကြောင့်ပါပဲ။

(၁) ကျူးလွန်သူကိုယ်တိုင်ဟာ လိင်မှုကိစ္စကို စူးစမ်းလို၊ စမ်းသပ်လိုတဲ့ ကလေးငယ်တွေ၊ ဆယ်ကျော်သက်တွေ ဖြစ်နေလို့ပါ။

(၂) ကုသဖို့လိုအပ်နေတဲ့ အသိဉာဏ်ချို့ယွင်းမှုရောဂါ၊ စိတ်ရောဂါ ရှိနေလို့ပါ။

(၃) တခြားသူတွေကို ထောက်ထားငဲ့ညှာတတ်တဲ့စိတ်ကင်းမဲ့တဲ့၊ လူမှုရေးခေါင်းပါးတဲ့ ကိုယ်ရည်ကိုယ်သွေး စံလွဲမှု (antisocial personality disorder) ဖြစ်နေတဲ့ အခွင့်အရေးသမားတွေ ဖြစ်နေလို့ပါ။

(၄) ကလေးတွေကိုပဲ လိင်ဆက်ဆံလိုစိတ် မပြတ်မလပ် ရှိနေလို့ပါ။

တခုချင်း ပြန်ကြည့်ရအောင်ပါ။

(၁) ကလေးငယ်တွေ၊ ဆယ်ကျော်သက်တွေဟာ လိင်မှုကိစ္စကို စူးစမ်းလိုကြပါတယ်။ စူးစမ်း (စပ်စု)လိုစိတ်ဟာ လူ့စိတ်ပါပဲ။ သူတို့ထက်အများကြီး ငယ်တဲ့ ကလေးတွေကို အဝတ်ချွတ်ပြအောင် ဖျားယောင်းလို့ လွယ်တာမို့ တချို့ ဆယ်ကျော်သက်တွေဟာ လိင်ကိစ္စအကြောင်း သိရဖို့အတွက် သိပ်ငယ်တဲ့ ကလေးတွေကို အသုံးချတတ်ကြပါတယ်။ အဲသလို ဆယ်ကျော်သက်အများစုဟာ အသက်ရလာတဲ့အခါ ကလေးတွေနဲ့ လိင်ပိုင်းအရ တုံ့လှယ်ဆက်ဆံမှုမှန်သမျှကို ရပ်တံ့လိုက်ကြစမြဲပါပဲ။

(၂) လိင်ပိုင်း မဖွယ်မရာ လုပ်သူ အနည်းအပါး၊ အနည်းအပါးမှ မဆိုစလောက် အနည်းအပါးဟာ အသိဉာဏ်ပိုင်းအရ အကြီးအကျယ်ကို ချို့ယွင်းနေလို့၊ ဦးနှောက်မူမမှန်လို့၊ စိတ်ဝေဒနာ အပြင်းအထန် ခံစားနေရလို့ ကလေးငယ်တွေကို လိင်ပိုင်းအရ ထိတာ ကိုင်တာတွေ လုပ်တတ်ကြပါတယ်။ ဒါကိုတော့ အနီးကပ်ကြီးကြပ်မှု၊ လိုအပ်လာရင် စိတ်စံလွဲမှုကို ကုသတဲ့ ဆေးဝါးတွေနဲ့ ထိန်းချုပ်မှုများနဲ့ ကလေးတွေအပေါ် ဗလက္ကာရလုပ်တတ်သူများအဖြစ်က ရပ်တံ့သွားအောင် လုပ်ဆောင်နိုင်ပါတယ်။

(၃) တချို့တွေကကျတော့ “လူမှုရေးခေါင်းပါးတဲ့ ကိုယ်ရည်ကိုယ်သွေး စံလွဲမှု” (APD) ဖြစ်နေလို့ ကလေးတွေကို လိင်ပိုင်းအရ ထိတတ်ကိုင်တတ်ကြတယ်။ လူမှုရေးခေါင်းပါးတယ်ဆိုတာ လူတော မတိုးတာ မဟုတ်ပါဘူး။ လူတွေကြားမှာ အရောတဝင်နေတတ်တဲ့အပြင် တချို့ဆို ရွှန်းရွှန်းတွေတောင် ဝေနေတတ်ပါသေးတယ်။

လူမှုရေးခေါင်းပါးတယ် (antisocial) ဆိုတာက လူ့ဘောင်စည်းကမ်းတွေနဲ့ သူတို့နဲ့ မဆိုင်ဘူးလို့ ယုံကြည်ထားတာပါ။ သူတို့က လူ့ဘောင် စည်းကမ်းတွေကို ဖောက်တတ်ကြတယ်။ အတိအကျပြောရင် လူမှုရေးခေါင်းပါးသူတွေဟာ တဖက်သားရဲ့ ခံစားချက်ကို ထည့်ကို စဉ်းစားလေးမရှိဘူး။

သူတို့စိတ်ထဲမှာ ကလေးတွေအပါအဝင် လူအားလုံးသည် အသုံးချခံဖို့သက်သက်သာ ဖြစ်တည်နေကြတယ်လို့ မြင်ကြပါတယ်။ သည်အမျိုးအစားထဲမှာ ပါဝင်တဲ့ ကလေးတွေအပေါ် ဗလက္ကာရ လုပ်ကြသူများဟာ သတင်းတွေထဲမှာ တွေ့နေရတဲ့ စက်ဆုပ်စရာ အမှုတွေကို ကျူးလွန်တတ်ကြသူတွေပါပဲ။

(၄) ကလေးတွေကိုပဲ လိင်ဆက်ဆံလိုစိတ် မပြတ်မလပ် ရှိနေလို့ ဗလက္ကာရပြုတတ်တဲ့ အသက် ၁၆ နှစ်နဲ့ အထက်ကိုတော့ Pædophilia (Pedophilia) လို့ခေါ်တဲ့ ကလေးကိုမှ ရာဂကြွတတ်တဲ့ စိတ်စံလွဲရောဂါရှိနေသူလို့ ယူဆကြပါတယ်။

သည်နေရာမှာ အသက် ၁၆ နှစ်နဲ့ အထက်ဆိုတာကို သတိထားဖို့ လိုပါတယ်။ မဖွယ်မရာလုပ်တဲ့ ၁၆ နှစ်အောက် ဆယ်ကျော်သက်တွေဟာ ကလေးကိုမှ ရာဂကြွတတ်တဲ့ စိတ်ဝေဒနာရှင်တွေ မဟုတ်ပါဘူး။

ကလေးတွေကိုပဲ လိင်ဆက်ဆံလိုစိတ် မပြတ်မလပ် ရှိနေမနေကိုလည်း သာမန်လူက ဆုံးဖြတ်လို့ မရပါဘူး။ လိင်မှုကိစ္စ အထူးပြု ဆရာဝန်ကဖြစ်ဖြစ်၊ ကုခန်းစိတ်ပညာရှင်ကဖြစ်ဖြစ် စူးစမ်းဖော်ထုတ်ပြီး လိင်ပိုင်းဆိုင်ရာ အထူးပြု ကုထုံးတွေ၊ လိုအပ်ရင် ဆေးဝါးတွေနဲ့ အောင်အောင်မြင်မြင် ထိန်းချုပ်ကုသပေးနိုင်ပါတယ်။ အဲသလို ကုသပေးတာ ၈၇ % အထိ အောင်မြင်မှု ရှိတယ်လို့ သုတေသနတွေက ဆိုပါတယ်။

လေ့လာချက်တွေအရ ပထမ သုံးမျိုးကြောင့် ကလေးတွေကို ဗလက္ကာရ လုပ်တဲ့ နှုန်းထားက ငါးရာခိုင်နှုန်းမျှသာ ရှိပြီး ကလေးကိုမှ ရာဂကြွတတ်သူတွေကြောင့် ဖြစ်ပွားတာကတော့ ၉၅ % ရှိပါသတဲ့။

ကလေးသူငယ် မုဒိန်းမှုဆိုတာ ဘာကြောင့်ကျူးလွန်တာပဲဖြစ်ဖြစ် မလိုလားအပ်တဲ့ ကိစ္စဆိုတာ သာမန်လူပြိန်းတယောက် အနေနဲ့တောင် အလွယ်တကူ လက်ခံနိုင်ပါတယ်။

ဒါပေမယ့် ဘာကြောင့် ကျူးလွန်ကြတာလဲဆိုတဲ့ အဓိက အကြောင်းရင်းခံတွေကို သိထားမယ်ဆိုရင်တော့ ကြိုတင် ကာကွယ်ရေးမှာ တဖက်တလမ်းက အကျိုးထူးနိုင်မလားဆိုတဲ့ အတွေးနဲ့ တတ်နိုင်သလောက် ဆွေးနွေးကြည့်လိုက်တာ ဖြစ်ပါတယ်။

ကျနော်တို့ဆီမှာ အထူးတလည် လိုအပ်နေတာက လိင်မှုကိစ္စ အထူးပြု ဆရာဝန်တွေ၊ ကုခန်းစိတ်ပညာရှင်တွေလို့ မြင်မိရပါတယ်။

အားလုံး တွေးဆ ဆင်ခြင်ကြည့်နိုင်ကြပါစေ

အတ္တကျော်

၀၅၀၇၁၉

နှုတ်ခမ်းလေးနဲ့ လူသတ်နေ

စကားလုံးတွေက အမာရွတ်ထင်စေတယ်
ကောလာဟလတွေက ပျက်စီးစေတယ်
အမနာပဝိုင်းပြော အနိုင်ကျင့်တာတွေက သေစေပါတယ်

🧱🧱🧱🧱🧱🧱🧱🧱🧱🧱🧱🧱

သူများပါးစပ်ထဲမှာ အသက်ပေးခဲ့ဖူးသူတဦးရဲ့ ဇာတ်လမ်း

၂၀၁၂ ခုနှစ် အောက်တိုဘာလ ၁၀ ရက်နေ့မှာ အခုပုံမှာ ပါတဲ့ ၁၅ နှစ်အရွယ် မိန်းကလေးဟာ Cyberbullying လို့ခေါ်တဲ့ အင်ထနက် လူမှုမီဒီယာက တဆင့် မတရားသဖြင့် အနိုင်ကျင့်တဲ့ ဒဏ်ကို မခံနိုင်တော့တဲ့ အဆုံးမှာ သူ့ကိုယ်သူ အဆုံးစီရင်သွားခဲ့ဖူးပါတယ်။Image may contain: text

နိုင်ငံတကာ မီဒီယာတွေမှာ အုတ်အော်သောင်းသဲဖြစ်ခဲ့ပြီး ကနေဒေါ အစိုးရကလည်း စုံစမ်းစစ်ဆေးမှုတွေ ပြုလုပ်ခဲ့ပါတယ်။ ကလေးမလေးက မလိမ်မိုး မလိမ္မာနဲ့ သူငယ်ချင်းချင်းကြားမှာ သူ့ရင်သားကို လှစ်ပြခဲ့မိဖူးတယ်။ အဲဒီ့ဓာတ်ပုံ ရှိပါတယ်။

ကလေးမလေးကို တကိုယ်လုံး ချွတ်ပြခိုင်းသူတယောက် ပေါ်လာတယ်။ မပြရင် သူ့ရင်သားပုံကို လူမှုမီဒီယာမှာ ဖြန့်မယ်လို့ ခြိမ်းခြောက်ခဲ့တယ်။ မပြတော့ တကယ် ဖြန့်ထည့်လိုက်တယ်။ ကလေးမလေးရဲ့ သူငယ်ချင်းတွေ၊ အတန်းဖော်တွေကို tag လုပ်တယ်။

ထုံးစံအတိုင်း ကလေးမလေးကို ဝိုင်းတွယ်ကြပြီပေါ့။ ကြဉ်လည်း ကြဉ်ကြတယ်။ ကလေးမလေး တကျောင်းပြီး တကျောင်း ပြောင်းတယ်။ ခဏပဲ။ နောက်ကျောင်းတွေမှာလည်း ဆက်ခံရတယ်။

ဘူးလေးရာ ဖရုံဆင့်

သည်ကြားထဲ ကလေးမလေးကို ချစ်ချင်ယောင်ဆောင်တဲ့ ကောင်လေးတကောင် ပေါ်လာတယ်။ ကလေးမလေးက ယုံလိုက်မိတယ်။ ဟိုကောင်က ကျောရရုံ ကြံတာ။ ဟိုကောင်လေးရဲ့ ကောင်မလေးက ကလေးမလေးကို ကလေးမလေးရဲ့ ကျောင်း လူပုံအလယ်မှာ လာပြဿနာရှာတယ်။ ဟိုကောင်လေးကလည်း သူလိုချင်တာ ရပြီးပြီဆိုတော့ သူ့ကောင်မလေးကို ပါးသာပိတ်ချလိုက်စမ်းပါလို့ ပြောလိုက်တယ်။ ဟိုကလည်း ချတယ်။ ကလေးမလေး လဲကျန်ရစ်တယ်။

အဖြစ်အပျက်က ဓာတ်ပုံ ဗှီဒီယိုမှတ်တမ်းနဲ့ ဆိုရှယ်မီဒီယာမှာ ပြန့်ပြန်တယ်။ ကလေးမလေး စိတ်ဓာတ်ပျက်ယွင်းလာတယ်။

ကျောင်းပြောင်း၊ မြို့ပြောင်း… စိတ်ပညာရှင်နဲ့ တိုင်ပင်ဆွေးနွေးတာတွေ လုပ်နေရင်းတန်းလန်းကနေ အစွန်းချွတ်ဆေးတွေသောက်ပြီး သူ့ကိုယ်သူ သေကြောင်းကြံတယ်။ ဆေးရုံရောက်သွားတယ်။ မအောင်မြင်ဘူး။

လူတွေမှ ဟုတ်ပါလေစလို့ တွေးချင်စရာ လူအစစ်တွေ

သည်မှာတင် အနိုင်ကျင့်ချင်သူတွေအတွက် အကွက်ပေါ်တယ်။ နင် သေသွားသင့်တာ၊ နင်သောက်တဲ့ အစွန်းချွတ်ဆေးက ပျော့တယ်။ ဒါသောက် ဆိုတာတွေတောင် သူ့ဆီမှာ လာရေးကြတယ်။

အဖြစ်အပျက်တွေကို ကလေးမလေးက စာတရွက်စီနဲ့ ရေးပြီး YouTube မှာ တင်ခဲ့ပါတယ်။

အဲဒီ့ ဗှီဒီယိုတင်ပြီး တလအကြာမှာ ကလေးမလေး ကိုယ့်ကိုယ်ကိုယ် အဆုံးစီရင်သွားခဲ့ပါတော့တယ်။

အရေးယူတဲ့အပိုင်း

ကနေဒါအစိုးရနဲ့အတူ ဒတ်(ခ်ျ) အစိုးရကလည်း စုံစမ်းစစ်ဆေးတဲ့အခါ နယ်သာလန်နိုင်ငံက အသက် ၃၅ နှစ်အရွယ် ဒတ်(ခ်ျ)နိုင်ငံသားနဲ့ တူရကီ နိုင်ငံသား၊ နိုင်ငံသားလက်မှတ် ၂ မျိုးကိုင်ဆောင်သူကို ဖော်ထုတ်နိုင်ခဲ့ပါတယ်။ သူက ကလေးမလေးအပါအဝင် ကမ္ဘာအရပ်ရပ်က ကလေးမလေးတွေရဲ့ ကွန်ပျူတာတွေထဲကို ဖောက်ဝင်ပြီး ဒုက္ခလည်ပေးနေတဲ့သူပါ။ ဒတ်(ခ်ျ)တရားရုံးက ကလေးမလေးအပေါ် ကျူးလွန်ခဲ့တဲ့ ပြစ်မှုအတွက် ထောင်ဒဏ် ၁၀ နှစ်နဲ့ ၈ လ ချမှတ်ခဲ့ပါတယ်။

ကလေးမလေး သူ့ကိုယ်သူ အဆုံး မစီရင်မီ သူ့ဇာတ်လမ်းကို စာတွေနဲ့ ရေးပြီး ပြသွားတဲ့ ဗှီဒီယိုကို သည်မှာ ကြည့်နိုင်ကြပါလိမ့်မယ်။

https://www.youtube.com/watch?v=FS95zvN5MiI

(Google မှာ Amanda Todd ဆိုတဲ့ ကလေးမလေး နာမည်ရိုက်ထည့်ပြီး ရှာလိုက်ရင် ကျနော်ပြောတာထက် အများကြီး ပိုပြည့်ပြည့်စုံစုံ သိရနိုင်ပါသေးတယ်။)

လူတွေ ဘာလို့ အဲသလို လုပ်

အင်ထနက် ဆိုရှယ် မီဒီယာမှာ လူတချို့ဟာ အဲလို ဘာကြောင့် လုပ်နေတာလဲ။

(၁) သာယာနေကြတာပါ။ သူတို့ တခုခု ကြမ်းကြမ်းတမ်းတမ်း ရေးလိုက်လို့၊ တင်လိုက်လို့ လူတွေက သူတို့ကို တုံ့ပြန်ကြတာကို သာယာနေကြတာပဲ ဖြစ်ပါတယ်။ like တွေ အများကြီးရတာလည်း သာယာသလို အဆဲလှိမ့် ခံရတာကိုလည်း သာယာနေတတ်ကြပါတယ်။ လူအများ အာရုံစိုက်ခံချင်တဲ့ ရောဂါဆန်းတမျိုးပေါ့။

(အဲဒီ့ ရောဂါကို မြင်လာတဲ့အတွက် ကျနော် Facebook သိပ်မသုံးတော့တာပါ။ ကျနော့်မှာလည်း အဲဒီ့ ရောဂါ ရှိနေသလားလို့ သံသယ ဝင်လာလို့ပါပဲ။ ဘာလုပ်မလဲဗျာ။ အိုကြီးအိုမကျတော့မှ အကျိုး မရှိတာတွေနဲ့ အချိန်ကုန် မခံချင်တော့ပါဘူးပေါ့။ ဒါတောင် ခုတလော ပြန်ရေးဖြစ်နေသေးတယ်။ အများအတွက် အကျိုးရှိမယ်ဆိုတဲ့ “ဆင်ခြေ ဆင်လက် ဆင့်နားရွက်ကြီး ဧရာမ”နဲ့ပေါ့ဗျာ။ တကယ်က ကျနော့်အတ္တကို ကျနော် ပြောင်လက်အောင် ပွတ်တိုက်နေတာသက်သက်ပါပဲ။ ကျနော် သေအောင် ရေးနေလည်း မြစ်ရေစီးကို ကျနော့်လက်ဝါးနဲ့ကာလို့ ရမှာမှ မဟုတ်တာလေ။ နော်…)

(၂) အင်ထနက်ပေါ်မှာ ပြောလိုက်ဆိုလိုက်တဲ့အတွက် ဘာမှ ခံရမှာ မဟုတ်ဘူးလို့ လူတွေက သိထားကြပါတယ်။ အဲလို ရေးလိုက်သားလိုက်လို့ သူတို့အတွက် ဘာဆိုးကျိုးမှ မဖြစ်နိုင်ဘူးပေါ့။ အကောင့်ပုန်း၊ အကောင့်တုတွေနဲ့ဆို သာတောင် မဖြစ်နိုင်သေးပေါ့။

အလုပ်ရှင်ရဲ့ အရေးယူမှု

ဟိုကလေးမလေး သေသွားပြီးတဲ့နောက်တောင် သူ့ကို နှိပ်ကွပ်တဲ့ အရေးအသားတွေက ပေါ်ထွက်နေခဲ့ပါသေးတယ်။

ကနေဒါနိုင်ငံကလူတယောက်ကတော့ “ခွေးမ… နင် သေသင့်တာ ကြာပြီ”လို့ ရေးတာကို သူ့အလုပ်ရှင်က သိသွားတဲ့အတွက် အလုပ်ထုတ်ခဲ့ပါတယ်။

ဆိုရှယ်မီဒီယာရဲ့ အားထုတ်မှု

အင်ထနက်ဆိုရှယ်မီဒီယာက ဝိုင်းအနိုင်ကျင့်တာဟာ နိုင်ငံတိုင်းမှာ ဖြစ်နေတာပါ။ အထက်က ကလေးမလေးရဲ့ ဖြစ်ရပ်ကြောင့် အခုတော့ နိုင်ငံ အတော်များများမှာ အဲဒါကို ကိုင်တွယ်နိုင်တဲ့ ဥပဒေတွေ ပြဋ္ဌာန်းလာခဲ့ကြပြီ ဖြစ်သလို Instagram တို့၊ Twitter တို့မှာလည်း Comment ကို ကိုယ်သဘောတူမှ အတည်ပြုနိုင်အောင် ဖန်တီးလာကြပါပြီ။ FB ကတော့ ခုထိ မလုပ်သေးပါဘူး။ ဘာလို့လဲတော့ မသိဘူး။

ဘာလုပ်ကြမလဲ

🔹 “ကလေးတွေ ဆယ်ကျော်သက်တွေအနေနဲ့ သူတို့ကို အဲလို အနိုင်ကျင့်တာခံနေရပြီဆိုတာနဲ့ လူကြီးမိဘတွေကို ပြောပြသင့်ပါတယ်။ ဒါမှသူတို့က တခုခု လုပ်ပေးနိုင်မှာပါ”

🔹 “ပြောလာရင်လည်း ကလေးတွေကို လူကြီးမိဘတွေက မဆူပါနဲ့။ အပြစ်မတင်ကြပါနဲ့။ နားထောင်ပေးပါ။ ကလေးတွေ ငယ်ကတည်းက ဘာမဆို မိဘကို ပွင့်ပွင့်လင်းလင်း ပြောတတ်အောင် လေ့ကျင့်ပေးစေချင်ပါတယ်။ ဒါမှလည်း ကလေးတွေ ဘာဖြစ်နေမှန်း မပြတ်သိနေနိုင်မှာပါ”

🔹 “ပြောစရာ လူကြီးမိဘ မရှိရင် ကျနော့်ကို ပြောနိုင်ကြပါလိမ့်မယ်။ ကျနော့် သည် account ကို message လှမ်းပို့နိုင်ကြပါတယ်။ ကျနော် တတ်အားသရွေ့ ကူညီပေးပါ့မယ်”

ခံနေရသူတွေကို ပြောပြဖို့

🔹 “အရင်းစစ်လိုက်ရင်တော့ ကိုယ်ဘယ်သူလဲ၊ ကိုယ်ဘာလုပ်လဲဆိုတာက ကိုယ့်အပေါ်မှာသာ တည်ပါတယ်။ တခြားလူတွေအပေါ်မှာ မတည်ပါဘူး။”

🔹 “လူတိုင်း အမနာပ အပြောခံရပါတယ်။ ဘုရားတွေတောင် ဘယ်ဘုရားမှ အကဲ့ရဲ့ မလွတ်ခဲ့ပါဘူး။ အဲတော့ ကိုယ်တယောက်တည်း ခံနေရတယ်လို့ ထင်ရင် အမှားကြီး မှားသွားပါမယ်။”

🔹 “ဒါက ကိုယ့်ဘဝရဲ့ မဆိုစလောက် ကာလလေးပါ။ ပြောတဲ့သူတွေ မောရင် ရပ်သွားမှာပါ။ ကိုယ့်မှာ အသက်ရှင်ရပ်တည်ပြီး လုပ်စရာတွေ တပုံကြီး ရှိပါတယ်”

🔹 “ကိုယ့်ကိုယ်ကိုယ် သတ်သေတာ အဖြေမဟုတ်ပါဘူး။ ဆက်နေလည်း မထူးဘူးလို့ ခံစားနေရမှာကို စာနာပါတယ်။ ဒါပေမယ့် တကယ်တမ်းမှာ ဆက်နေနေရင် တခုခု ထူးလာမှာကတော့ သေချာပါတယ်”

🔹 “သူများ ပါးစပ်လှုပ်တိုင်းသာ ကိုယ်က လိုက်လှုပ်နေမယ်ဆိုရင် ကိုယ့်ဘဝဟာ သူများပါးစပ်ထဲမှာ နစ်မွမ်းသွားလိမ့်မယ်။ (ပျဉ်းမနား မဟာမြိုင်တောရ ဆရာတော် ဦးဇောတိက)”

ကိုယ်တွေ့ – ကျနော့်ကို အပြာစာအုပ်တွေ ရေးတဲ့သူလို့ ကျနော့်အဲဒီ့စာအုပ်တွေ ရောင်းပြီး အမြတ်ယူခဲ့ဖူးတဲ့ ဆိုင်ရှင် တယောက်အပါအဝင် လူတချို့က အမနာပ ပြောတတ်ကြပါတယ်။ ကျနော် ရယ်ပဲ နေပါတယ်။ ကျနော် ဘာရေးတယ်၊ မရေးဘူးဆိုတာ ကျနော့်ကိုယ် ကျနော် အသိဆုံးကိုး။

သူတို့ ဉာဏ်မရှိတာကို သူတို့ဘာသာ ပြနေတာ ခမျာများ မသိရှာကြဘူး။ သူတို့ပြောတဲ့ ကျနော့်စာအုပ်တွေက စစ်အစိုးရ လက်ထက် စာပေစိစစ်ရေးရဲ့ ခွင့်ပြုချက်နဲ့ ထုတ်ခဲ့တဲ့ စာအုပ်တွေ။ အပြာစာအုပ် ထုတ်ခွင့်ရဖို့ ဝေးစွ၊ အဆဲစကားလုံး တလုံးပါရင်တောင် ဖြုတ်ပေးခဲ့ရတဲ့ အခြေအနေဆိုတာ သူတို့ မေ့နေရှာကြတယ်။ ရယ်တာပေါ့ဗျာ။ ကျနော့်ကို ဖာခေါင်း ပြောပြော၊ တဏှာရူးပြောပြော၊ ဂျီပုန်း ပြောပြော၊ ပြောချင်တာပြော၊ ကျနော်ဘာကောင်ဆိုတာ ကျနော့်အပေါ်မှာသာ တည်ပါတယ်။ (အမှန်က ကျနော် တဏှာရူးပါဗျာ။ ဆေးလိပ်၊ အရက်၊ မိန်းမ၊ ဘိန်း၊ ဆေးခြောက် ကြိုက်တာကိုးခင်ဗျ။ စိတ်ကြွဆေး၊ ဆေးပြားမူ လုံးဝ မကြိုက်ချေ။ ဤကား စကားညှပ်။ 😂😂😂)

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

၂၅၀၆၁၉

ကိုယ့်ကိုယ်ကိုယ် သေကြောင်း မကြံဖြစ်ကြရလေအောင်

ကျန်းမာရေး ပြဿနာ

မိမိကိုယ်ကို သေကြောင်းကြံခြင်း၊ မိမိကိုယ်ကို သေကြောင်းကြံတတ်တဲ့ အမူအကျင့်တို့ဟာ အဓိက ကျလှတဲ့ ကျန်းမာရေးပြဿနာတွေ ဖြစ်ပါတယ်။ တကမ္ဘာလုံးအတိုင်းအတာနဲ့ ပြောရင် နှစ်စဉ် လူပေါင်း တသန်းလောက်ဟာ မိမိကိုယ်ကို သေကြောင်းကြံရာက သေဆုံးနေပါတယ်။Image result for suicidal behavior

လူငယ်တွေနဲ့ ဆိုင်သလား

လူငယ်လူရွယ်လေးတွေမို့ မကြံစည်လောက်ဘူးလို့ မတွေးစေချင်ပါဘူး။ သုတေသနကောင်းတဲ့ အမေရိကန် နိုင်ငံအနေနဲ့ ပြောရင် အသက် ၁၀ နှစ်က ၂၄ နှစ်အတွင်း လူငယ်လူရွယ်လေးတွေ သေဆုံးမှုရဲ့ ၂၀ % ဟာ မိမိကိုယ်ကို သေကြောင်းကြံရာက ပေါ်ပေါက်လာတာပါ။
သူတို့နိုင်ငံရဲ့ ကိန်းဂဏန်းတွေအရ အထက်တန်းကျောင်းသား
  • ၁၅.၈ % ဟာ မိမိကိုယ်ကို သေကြောင်းကြံဖို့ အသည်းအသန် စဉ်းစားဖူးပါတယ်။
  • ၁၂.၈ % က မိမိကိုယ်ကို ဘယ်နည်းဘယ်ပုံနဲ့ သေကြောင်းကြံမယ်ဆိုတာကို အစီအစဉ်ချဖူးပါတယ်။
  • ၇.၈ % ကတော့ တကြိမ်ဖြစ်စေ၊ တကြိမ်ကဖြစ်စေ အမှန်တကယ် မိမိကိုယ်ကို သေကြောင်းကြံဖူးပါတယ်။
  • ၂.၄ % ကတော့ အဲလို မိမိကိုယ်ကို သေကြောင်းကြံရာကနေ အနာတရဖြစ်တာ၊ ဆေးလွန်တာတွေကြောင်း ဆေးရုံရောက်ဖူးပါတယ်။
ကျနော်တို့ဆီမှာ ဒါနဲ့ ပတ်သက်လို့ တနိုင်ငံလုံးအတိုင်းအတာ ဝေးစွ၊ ရန်ကုန်၊ မန္တလေးလောက်အတွက်တောင် စစ်တမ်းတွေ၊ သုတေသနတွေ မရှိတာ အလွန် ဝမ်းနည်းစရာကောင်းလှပါတယ်။ (သုတေသနတွေ တိမ်ကောသွားခဲ့တာ မြန်မာ့စောက်ရှက်လက်(စ်) လမ်းစဉ် ပညာရေးမဟာကြီးရဲ့ ကျေးဇူးတော်ပါပဲလေ။)
သို့သော်… ကျနော်ကိုယ်တိုင် ကြားဖူးတာကိုက နှစ်ပေါင်း ၄၀ ကျော် အတောအတွင်းမှာ ဆယ်ဂဏန်းနဲ့ ရှိပါတယ်။ အကုန်လုံး လူငယ်လေးတွေချည်းပါ။

ပထမဆုံးအကြိမ် စိတ်ထဲမှာ စွဲသွားခဲ့တာ

ပထမဆုံးအကြိမ်ကို မှတ်မိနေပါသေးတယ်။ လွန်ခဲ့တဲ့ နှစ်ပေါင်း ၄၀ ကို ကောင်းကောင်း ကျော်ခဲ့တဲ့အချိန်ကပါ။ အမှတ်မမှားရင် ၁၉၇၄ လောက်မှာ ဖြစ်မယ်ထင်ပါတယ်။ ကျနော်တောင်မှ ဆယ်ကျော်သက်အရွယ်ကို ဖြတ်သန်းဆဲပါ။ ကျနော့်ထက် ၂ နှစ်လောက် ငယ်ရွယ်တဲ့ လူငယ်လေး တိမ်းပါးသွားတဲ့ သတင်းပါပဲ။ ဆယ်ကျော်သက်အရွယ် ရောက်ခါစ၊ လူပျိုဖော်ဝင်ခါစ အရွယ်လေးပေါ့။Image result for suicidal behavior
အဲဒီ့လူငယ်လေးကို ကျနော် ကောင်းကောင်း သိတယ်။ ၂ ကြိမ်၊ ၃ ကြိမ် ဆုံဖူး၊ စကားပြောဖူးခဲ့ပါတယ်။ ချစ်စရာ လူရည်သန့်လေးပါ။ မိကောင်းဖခင်က ပေါက်ဖွားတာလည်း ဖြစ်ပါတယ်။ နေတာကလည်း ရန်ကုန်မြို့ရဲ့ လူကုန်ထံရပ်ကွက်မှာပါ။ အဲဒီ့ခေတ်ကတည်းကိုက သူတို့နေတဲ့ တိုက်ကြီးက ဟီးလို့ပါ။ သူတို့ စီးနေတဲ့ကားတွေကလည်း အပျံစားပါ။ ခမျာမယ် ဘာများ စိတ်ညစ်စရာများ ရှိရှာပါလိမ့်မယ်လို့ တွေးလို့ ကောင်းနေခိုက်မယ် ထပ်သိလိုက်ရပါတယ်။ ၄ ကြိမ်မြောက် ကြံစည်တဲ့အခါမှာမှ သူ တိမ်းပါးသွားခဲ့တာတဲ့။
အဲဒီ့အချိန်မှာ ကျနော်က ဆရာတက္ကသိုလ်ဘုန်းနိုင်ရဲ့စာအုပ်အတော်များများကို ဖတ်ထားနှင့်ပြီး ဖြစ်တာမို့ ဒါဟာ စိတ်ရောဂါပဲလို့ အတတ်စွဲမိနေခဲ့ပါတယ်။
တကယ့်တကယ်မှာတော့ ပညာရှင်တွေကိုယ်တိုင် မိမိကိုယ်ကို သေကြောင်းကြံစည်တတ်တဲ့အမူအကျင့်ရဲ့ အဓိက ရင်းမြစ်အကြောင်းခံတွေကို ကောင်းကောင်း နားမလည်နိုင်သေးဘူးလို့ ဆိုရင်မှားမယ် မထင်ပါဘူး။ အခု ကျနော်ဆက်လက်တင်ပြသွားမှာက ပညာရပ်ပိုင်းဆိုင်ရာ မဟုတ်ဘဲ အများနားလည်နိုင်ဖို့ကို ပိုရည်ရွယ်ပါတယ်။

ယေဘုယျအကြောင်းခံများ

ကိုယ့်စိတ်နဲ့ကိုယ် နပန်းလုံးနေရတဲ့ အကြောင်းခံတွေ

  • မကြာသေးခင်ကဖြစ်စေ၊ အသည်းအသန်ဖြစ်စေ ဆုံးရှုံးမှုတစုံတရာ
  • စိတ်ကျန်းမာရေး ယိုယွင်းမှု (အထူးသဖြင့် စိတ်ကြွ၊ စိတ်ကျ အပြောင်းအလဲမြန်နေသလို စိတ်ပိုင်း ယိုယွင်းမှုတစုံတရာ)
  • မျှော်လင့်ချက်ကင်းမဲ့နေတာ၊ ကူရာကယ်ရာမဲ့နေတာ၊ အပြစ်မကင်းသလို ခံစားရတာ၊ လောကမှာ ကိုယ်ဟာ ဘာမှ အသုံးမဝင်ပါဘူးလို့ ခံစားရတာ
  • အရင်က မိမိကိုယ်ကို သေကြောင်းကြံဖူးတာ
  • အရက်သေစာနဲ့ တခြား မူးယစ်ထုံထိုင်းဘေးဖြစ်စေတတ်တဲ့ ဆေးဝါးတွေ သုံးစွဲလို့ ပေါ်လာတဲ့ စိတ်ကျန်းမာရေး ယိုယွင်းမှုတစုံတရာ
  • စည်းကမ်းထိန်းသိမ်းရေး ပြဿနာတွေ
  • ကိုယ့်ကိုယ်ကိုယ် ဘာလိင်စိတ်ရှိလို့ ရှိနေမှန်း မသိတော့ဘဲ စိတ်ရှုပ်နေတာ။ ဆိုလိုတာက ကိုယ်ဟာ လိင်တူချင်း တပ်မက်သူလိုလို၊ လိင်ကွဲကိုမှ တပ်မက်သူလိုလို၊ ဘာလိုလို ညာလိုလို ဝေဝါးနေတာ

လူမှုရေးအကြောင်းခံတွေ

  • ချစ်ခင်သူတဦးဦး ကွယ်လွန်သွားတာ၊ မိဘနှစ်ပါး ကွာရှင်းလိုက်တာ၊ မိဘနှစ်ပါး အတူမနေတော့တာ၊ ရည်းစားနဲ့ ကွဲတာ၊ မိမိကိုယ်ကို တန်ဖိုးမထားတော့တာ၊ သူငယ်ချင်းအပေါင်းအသင်းတွေ၊ ဝါသနာတွေ၊ အရင်က သဘောကျခဲ့တဲ့ အားကစား၊ အနုပညာစတာတွေမှာ စိတ်မဝင်စားတော့တာမျိုးတွေလို မကြာသေးခင်ကဖြစ်စေ၊ အသည်းအသန်ဖြစ်စေ ဆုံးရှုံးမှု တစုံတရာ။
  • မိသားစုထဲမယ် မိမိကိုယ်ကို သေကြောင်းကြံဖူးတဲ့ ရာဇဝင် ရှိနေတာ
  • မိသားစုတွင်း အကြမ်းဖက်မှုကို မျက်ဝါးထင်ထင် ကြုံတွေ့ဖူးရတာတွေ
  • ကလေးသူငယ်ဘဝမှာ မတော်တရော်အလုပ်ခံရဖူးတာ၊ အနှိပ်စက်ခံရဖူးတာ၊ ပေယျာလကံအထားခံရဖူးတာ တခုခု
  • လူမှုရေးအရ ဖေးဖေးမမ မရှိတဲ့ ပတ်ဝန်းကျင်ထဲမှာ ရောက်နေတာ
  • အထီးကျန်သလို ခံစားနေရတာ
  • ဗိုလ်ကျအနိုင်ကျင့်ခံရသူ ဖြစ်နေတာ၊ ဒါမှမဟုတ်လည်း ကိုယ်တိုင်က ဗိုလ်ကျအနိုင်ကျင့်တတ်သူ ဖြစ်နေတာ

ယဉ်ကျေးမှု / ပတ်ဝန်းကျင် အကြောင်းခံတွေ

  • ဓား၊ မုတ်ဆိတ်ရိတ်ဓား၊ ပိုးသတ်ဆေး၊ အိပ်ဆေးစတဲ့ သေစေတတ်တဲ့အရာတွေ အနားမှာ လွယ်လွယ် ရနိုင်နေတာ
  • အကူအညီ မရနိုင်တာ (ဒါကတော့ ကျနော်တို့ တိုင်းပြည်မှာ လုံးလုံးကို မရှိသလောက်ပဲလို့ ဆိုနိုင်ပါတယ်။ ကုခန်း စိတ်ပညာရှင်နဲ့ အချိန်ယူ ပြောဆို အဖြေရှာတဲ့ အကူအညီကို ဆိုလိုပါတယ်။)
  • ယဉ်ကျေးမှု၊ ဘာသာရေး ယုံကြည်ချက်တွေ၊ ဆိုလိုတာက ကျဉ်းထဲကျပ်ထဲရောက်သွားတဲ့အခါ မိမိကိုယ်ကို သေကြောင်းကြံလိုက်ခြင်းနည်းနဲ့ ကိုယ်လွတ်ရုန်းတာ ကောင်းတယ်ဆိုတဲ့ ယုံကြည်ချက်တွေ ပေါ်ပေါက်လာစေတဲ့ အခြေအနေပါ။ ခုခေတ်မှာ ပိုဆိုးပါတယ်။ အင်ထနက်ထဲမှာတောင် မိမိကိုယ်ကို သေကြောင်းကြံတာကို အားပေးတဲ့ စာမျက်နှာတွေ ရှိနေပါတယ်။

ကာကွယ်စောင့်ရှောက်နည်းတွေ

  • ပြဿနာဖြေရှင်းတတ်၊ ပဋိပက္ခဖြေရှင်းတတ်တဲ့ စွမ်းရည်တွေ၊ အကြမ်းပတမ်းမဟုတ်တဲ့နည်းနဲ့ ပြဿနာတွေကို ကိုင်တွယ်နိုင်စွမ်းတွေ ရှိလာအောင် ကူညီပေးတာ
  • မိသားစု၊ မိတ်ဆွေသူငယ်ချင်းတွေ၊ အရပ်ထဲက နီးစပ်ရာတွေနဲ့ ထဲထဲဝင်ဝင် ရင်းရင်းနှီးနှီး ပေါင်းသင်းဆက်ဆံမှု (ခုကာလမှ အဲဒါ ပိုအရေးကြီးလာပါတယ်။ အတုအယောင် ဆက်ဆံရေးဖြစ်တဲ့ အင်ထနက်က တဆင့် ဆက်ဆံရေးတွေက လူနဲ့လူချင်း ရင်းနှီးမှုအတွက် အထောက်အကူ မဖြစ်လှတာကို အားလုံး သတိချပ်သင့်မယ် ထင်ပါတယ်။)
  • သေစေနိုင်တဲ့ အရာတွေကို လက်လှမ်းမမီနိုင်အောင် ဆောင်ရွက်ထားတာ
  • အဖန်ငါးရာ ငါးကမ္ဘာ ခံရမယ်ဆိုတာမျိုးလို မိမိကိုယ်ကို သေကြောင်းကြံတာ မလုပ်ဖြစ်စေဘဲ ကိုယ့်အသက်ကို တန်ဖိုးထားမယ့် ယဉ်ကျေးမှု၊ ဘာသာရေး အတွေးအခေါ်တွေ ရလာစေတာ
  • မြန်မာပြည်မှာ ရနိုင်ခက်ခဲတဲ့ ကုခန်းစိတ်ပညာရှင်များရဲ့ အကူအညီ ရယူတာ

စိတ်ပူစရာကောင်းတဲ့ လက္ခဏာတွေ

အဲဒီ့လက္ခဏာတွေ တွေ့တာနဲ့တော့ အဲဒီ့ ကလေး/လူကြီးဟာ မိမိကိုယ်ကို သေကြောင်းကြံတော့မယ်လို့ အလိုလို သတ်မှတ်လို့ မရတာလည်း အသေအချာပါ။ သို့သော် အဲဒီ့လက္ခဏာတွေ မြင်လာရင် အသည်းအသန် လေးလေးနက်နက် ဆင်ခြင်ပြီး ကိုင်တွယ် ဆောင်ရွက်သင့်ပါတယ်။
အရေးကြီးတာက ကာယကံရှင်ဟာ သူ့ကို အလေးထားလာ၊ ဂရုစိုက်လာအောင် တမင်လုပ်နေတာကြီးပဲဆိုတဲ့ အတွေးနဲ့ လက္ခဏာတွေ ပြလာတာကို မသိကျိုးကျွံ မလုပ်ဖို့ပါပဲ။

အရေးကြီးတဲ့ လက္ခဏာတွေ

  • သေစကား ပြောတာ – သေဖို့ပဲဖြစ်ဖြစ်၊ မနေချင်တော့ဘူးလို့ပဲဖြစ်ဖြစ်၊ လောကကြီးက ထွက်သွားချင်တယ်လို့ဖြစ်ဖြစ်၊ တိုက်ပေါ်က ခုန်ချမယ်၊ ကြိုးဆွဲချမယ်စသဖြင့် ကိုယ့်ကိုယ်ကိုယ် အနာတရဖြစ်အောင် လုပ်မယ့် စကားမျိုးတွေ ပြောလာတာ
  • ကိုယ်ရည်ကိုယ်သွေး ပြောင်းလာတာ – ဝမ်းနည်းတာ၊ ရှောင်ဖယ်ရှောင်ဖယ်လုပ်တာ၊ ဆတ်ဆတ်ထိ မခံနိုင် ဖြစ်နေတတ်တာ၊ စိတ်စောနေတာ၊ နွမ်းနယ်နေတာ၊ မပြတ်သားတာ၊ ဘာကိုမှ စိတ်မပါလက်မပါ ဖြစ်နေတာ တခုခု
  • အမူအကျင့် ပြောင်းလာတာ – ကျောင်းစာ၊ အလုပ်၊ ပုံမှန်လုပ်နေကျတွေကို အာရုံစိုက်ဖို့ ခက်နေတာ
  • အိပ်ပုံ ပြောင်းလာတာ – အိပ်မပျော်တာ၊ အစောကြီးနိုးနေတာ၊ တရားလွန်အိပ်တာ၊ အိပ်မက်ဆိုးတွေ မက်တာ
  • စားပုံပြောင်းလာတာ – အစားအသောက်ပျက်ပြီး ပိန်လာတာ၊ ဒါမှမဟုတ် တရားလွန်စားလာတာ
  • မထိန်းနိုင်မှာ ကြောက်တာ – အလွဲတွေ လုပ်နေတာ၊ ကိုယ့်ကိုယ်ကိုယ်ဖြစ်စေ၊ တခြားသူတွေကိုဖြစ်စေ အနာတရဖြစ်အောင် လုပ်လာတာ

ကိုယ့်ကလေးမှာ အဲဒီ့လက္ခဏာတွေ ပြလာရင်

  • တည်တည်ငြိမ်ငြိမ် အေးအေးဆေးဆေးလည်း ရှိ၊ အပြစ်တင်တဲ့ လေသံ၊ စွပ်စွဲတဲ့ လေသံတွေလည်း မပါစေဘဲ ပြောနိုင်ဆိုနိုင်ရပါမယ်။
  • ကိုယ်သူ့ကို ချစ်ကြောင်း၊ ဂရုစိုက်ကြောင်း သိလာအောင် လုပ်ပေးရပါမယ်။
  • ကိုယ့်အတွက် သူက ဘယ်လောက် အရေးပါကြောင်း၊ တန်ဖိုးရှိကြောင်း သိလာအောင် လုပ်ပေးရပါမယ်။
  • သူ့ဘဝ သာယာဖြောင့်ဖြူးရေးအတွက် ကြောင့်ကြစိုက်တဲ့အပေါ်မှာ အလေးထားသင့်ပါတယ်။
  • သူ့မှာ ခံစားနေရတဲ့ စိတ်ဖိစီးမှုတွေကို ကိုယ်နားလည်တဲ့အကြောင်း ပြောပေးရပါမယ်။
  • (မြန်မာပြည်မှာ ခက်ပြန်ပါတယ်။) ကျွမ်းကျင်တဲ့ ကုခန်းစိတ်ပညာရှင် (စိတ်ကျန်းမာရေး ဆရာဝန်လို့ တလျှောက်လုံး မသုံးခဲ့တာကို သတိချပ်စေချင်လှပါတယ်။)ရဲ့ အကူအညီကို ရယူခိုင်းသင့်ပါတယ်။ (ရန်ကုန်မြို့မှာတော့ အနောက်တိုင်းက ကုခန်းစိတ်ပညာရှင်တွေရဲ့ ကုခန်းတခန်း ရှိပေမယ့် ဈေးက အတော်ကြီးလှပါတယ်။ တကြိမ်တည်းနဲ့လည်း ပြီးမှာ မဟုတ်သလို တခါတရံ နှစ်ပေါက်အောင် အပတ်စဉ် တွေ့ဆုံ စကားပြောရတာမျိုးမို့ ဈေးကြီးတဲ့အခါ ပြဿနာ ရှိနေနိုင်ပါတယ်။)
  • အဲလို အကူအညီရမယ်ဆိုရင်တော့ အဲဒီ့ခံစားချက်တွေ တချိန်မှာ ပျောက်သွားမှာ ဖြစ်ကြောင်း ကလေးကို အားပေးနိုင်ပါတယ်။ (ကလေးဆိုရာမှာ အထက်ကဆိုတဲ့အတိုင်း ၁၀ နှစ်မှ ၂၄ နှစ်ပါနော်။)

ကလေးတွေ မိမိကိုယ် မိမိ သေကြောင်းကြံချင်စိတ်မပေါက်အောင် ကာကွယ်နည်းတွေ

  • ကိုယ့်သားသမီးတွေ၊ တပည့်တွေနဲ့ စကားပြောတဲ့အခါ ကောင်းကောင်းပြောသင့်ပါတယ်။ ဆူပူမောင်းမဲတာ၊ အပြစ်တင်တာ၊ (ခွေးဖြစ်မယ့်ကောင်၊ လူတောမတိုးတဲ့ဟာမ စတာမျိုး) တံဆိပ်ကပ်တာမျိုးတွေ မပါဘဲ အပြုသဘောဆောင်တဲ့နည်းနဲ့ အပြန်အလှန် ပြောဆိုဆွေးနွေးနိုင်ရေးကို ဦးစားပေးသင့်ပါတယ်။
  • သူတို့လေးတွေ ဘေးကင်းစေရေးကို ဦးတည်ပြီး သူတို့ ဘယ်တွေ ရောက်နေတယ်၊ (ဖုန်းက စာရိုက်ပြီးဖြစ်ဖြစ်၊ Facebook/Twitter ကဖြစ်ဖြစ်) ဘယ်သူတွေနဲ့ ဆက်သွယ် ပြောဆိုနေတယ်ဆိုတာက သင့်တင့် လျော်ကန်စွာ စောင့်ကြည့်ကြပ်မတ်သင့်ပါတယ်။
  • သူတို့လေးတွေရဲ့ အပေါင်းအသင်းတွေနဲ့ ရောနှောဆက်ဆံနေရမှာ ဖြစ်သလို သူတို့ ဘယ်သူတွေနဲ့ ပေါင်းနေတယ်ဆိုတာလည်း သိထားရပါမယ်။
  • အရပ်ထဲ၊ ကိုယ့်အသိုင်းအဝိုင်းထဲက တခြား မိဘတွေနဲ့လည်း မှန်မှန်ကြီး တွေ့ဖြစ်၊ ပြောဖြစ်နေဖို့ လိုပါတယ်။
  • ဓားတွေ၊ အရက်သေစာ၊ သောက်ဆေး၊ ပိုးသတ်ဆေး၊ တရားမဝင်မူးယစ်ဆေးတွေကို သူတို့လေးတွေ လက်လှမ်းမမီနိုင်အောင် ကန့်သတ်ရပါမယ်။
  • (မြန်မာပြည်အတွက် ခက်ပြန်ပါပြီ။) သူတို့နေတဲ့ ကျောင်း၊ ဆရာ၊ ဆရာမတွေနဲ့ တွေ့ပြီး ကျောင်းမှာ ကိုယ့်ကလေးတွေ ဘေးအကင်းဆုံးဖြစ်နေအောင် ပြောဆို ညှိနှိုင်းသင့်ကြပါတယ်။
ပြောမယ်ဆိုရင်တော့ ပြောစရာတွေ အများကြီး ကျန်ပါသေးတယ်။ ဒါပေမယ့် သည်ခေတ်က စာရှည်ရင် မဖတ်ကြတော့တာမို့ သည်လောက်နဲ့ပဲ ရပ်ထားလိုက်ပါတယ်။
အားလုံး တွေးဆ ဆင်ခြင်ကြည့်နိုင်ကြပါစေ

ဦးနှောက်ထဲက အပိုင်းနှစ်ပိုင်း

လူ့ဦးနှောက်မှာ အပိုင်းနှစ်ပိုင်းရှိတယ်။ ခံစားတဲ့ အပိုင်းနဲ့ ဆင်ခြင်တဲ့အပိုင်း။

ခံစားတဲ့အပိုင်းက ကိုယ်မှာ ဖြစ်နေတဲ့ အာရုံငါးပါးကို ထက်ခနဲ သိတယ်၊ ခံစားလိုက်တယ်။

ဆာတယ်၊ အစာစားတော့လို့ လူကို အမိန့်ပေးတာ ခံစားတဲ့ အပိုင်းပါ။ တိရစ္ဆာန်ဆိုရင်တော့ ဆာတယ်၊ အစာစားတော့လို့ ခံစားတဲ့အပိုင်းကပဲ ခိုင်းတာပဲ ဦးဆောင်တော့ နွားဆို မြက်ရှာစားမယ်၊ သူများ ပိုင်နက်တွေ ဘာတွေ မသိဘူး။ ခွေးဆို တခြားခွေးတွေနဲ့ အပြိုင် လုယက်စားမယ်။ သူတပါးကို ငဲ့ရကောင်းမှန်း မသိဘူး။ ကျားဆို သားကောင် ရှာမယ်၊ ကိုက်သတ်မယ်၊ စားမယ်၊ ပါဏာတိပါတာတွေ ဘာတွေ နားမလည်ဘူး။

လူမှာကျတော့ ဆင်ခြင်တဲ့အပိုင်းက ခံစားတဲ့အပိုင်းကို အပေါ်က အုပ်ထားတယ်။ ကွပ်ထားတယ်။ ဆာတယ်၊ ဒါပေမယ့် သူတပါး အစာကို လုမစားရဘူး၊ မောင်နှမချင်းဆို မျှတစားရမယ်၊ ဆာလို့ တွေ့ကရာ သတ်မစားဘူး။ အဲဒါ ဆင်ခြင်တဲ့အပိုင်းက ထိန်းချုပ်တာ။screenshot_011

ခံစားချက်ကို ရှေ့တန်းတင်လိုက်တဲ့အခါ သူတပါး နားဝင် မဝင် မသိဘူး။ ဒေါသတကြီးနဲ့ အယုတ္တအနတ္တတွေ ပြောဖြစ်ကုန်တတ်တယ်။ ဒါတောင် ပြောလို့ ရတဲ့သူမို့ ပြောတာ။ ကိုယ့်ထက်အကြီး၊ ဒါမှမဟုတ် လူပုံအလယ်မှာဆိုရင် ကိုယ့်ကိုယ်ကိုယ် တတ်နိုင်သမျှ ထိန်းတတ်ကြတယ်။ ဆင်ခြင်တဲ့ ဦးနှောက်က တားနေလို့။

ခံစားချက်ကြောင့် ထွက်ပြေးတဲ့သူနောက် ပြေးလိုက်တယ်။ အဲဒီ့လူကို စိတ်ဆိုးဆိုးနဲ့ ကိုယ်က ထိုးတော့မလို့ဟာ… သူက ထွက်ပြေးတယ်။ သင်းတော့ နေနှင့်ဦး… မိမှ ကောင်းကောင်း လုပ်ပလိုက်မယ်ဆိုပြီး ခံစားချက် ရှေ့တန်းပို့လိုက်တယ်။ ဆင်ခြင်တဲ့ ဦးနှောက်က အလုပ်မလုပ်တော့ ပြေးတဲ့လူနောက် လိုက်တဲ့အခါ ကားတွေ ဥဒဟို မောင်းနေတာကို သတိလစ်သွားတယ်။ ဟိုလူ့ကို ဘာမှ မလုပ်လိုက်ရဘဲ ကားတိုက်ခံရတယ်၊ ပွဲချင်း ပြီးချင် ပြီးမယ်။ ဒါမှမဟုတ် အကြီးအကျယ် ဒဏ်ရာရချင်ရမယ်။

အဲတော့… ဦးနှောက်ရဲ့ အပိုင်းနှစ်ပိုင်းမှာ ဘယ်အပိုင်းက လူကို ဦးဆောင်နေဖို့ လိုသလဲဆိုတာ လူတိုင်း ဆင်ခြင်နိုင်မယ် ထင်ပါတယ်။

သို့ပေတည့်… ဘာထရန်(ဒ်) ရပ်ဆယ်(လ်)ဆိုတဲ့ ဒဿနာဆရာ၊ ယုတ္တိဗေဒ ပညာရှင်၊ သင်္ချာပညာရှင်၊ သမိုင်းပညာရှင်၊ စာရေးဆရာ၊ လူမှုဗေဒ ဝေဖန်ရေးဆရာ နိုင်ငံရေး တက်ကြွလှုပ်ရှားသူရဲ့ အောက်ပါ စကားလေးကို ပြန်ပြောင်း သတိရမိတဲ့အခါ ရွှေပြည်ကြီးမှာသာ မဟုတ်၊ တကမ္ဘာလုံးမှာ ဆင်ခြင်ဉာဏ်ကင်းမဲ့သူတွေက အားသာ များပြားလှတာကို သံဝေဂ ယူမိလိုက်ရပြန်ပါတယ်။

“အရူးအမူး စွဲလမ်းစိတ်နဲ့ ဖက်တွယ်ဆုပ်ကိုင်ထားတဲ့ သဘောထား ခံယူချက်တွေဟာ ဘယ်တော့မဆို အခြေအမြစ် မရှိတာတွေသာဖြစ်ပါတယ်။ ဖက်တွယ်ဆုပ်ကိုင်ထားသူများဟာ ဆင်ခြင်ဉာဏ် ကင်းမဲ့တာကို အရူးအမူး စွဲလမ်းစိတ်က ပြနေတာလည်း အမှန်ပါပဲ။ နိုင်ငံရေးနဲ့ ဘာသာရေး သဘောထားခံယူချက်တွေကို အရူးအမူး စွဲလမ်းစိတ်နဲ့သာ ဖက်တွယ်ဆုပ်ကိုင်ထားကြတာ ဘယ်တော့မဆို ခပ်များများပါ”တဲ့။

(မူရင်း)
“The opinions that are held with passion are always those for which no good ground exists; indeed the passion is the measure of the holders lack of rational conviction. Opinions in politics and religion are almost always held passionately.”
― Bertrand Russel (1872-1970), British philosopher, logician, mathematician, historian, writer, social critic and political activist.

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၁၃၀၃၁၈)

(ပုံက အင်ထနက်ထဲက ရှာထားတာပါ။)

Subconscious of those raising their heads high

ခေါင်းမော့သူများရဲ့ အဇ္ဇျတ္တ


နေ့တိုင်းလည်း မြင်တွေ့နေ၊ မွေးကတည်းက ကိုယ်ကိုယ်တိုင်လည်း လုပ်နေမိခဲ့ပေမယ့် တကယ်တမ်း စ သတိထားမိသွားတာက ၁၉၉၉ ခုနှစ် နှစ်ကုန်မှာ စီမံရေးရာသင်တန်းနဲ့ ပထမဆုံးအကြိမ် ကြုံလိုက်ရတော့မှပါ။ အဲတော့မှ ဪ… ဒါတွေက တကယ်အရေးကြီးပါလားလို့ စတင် သတိထားမိခဲ့ပါတယ်။ နောက်ပိုင်းမှာလည်း စာတွေ ဖတ်ရင်းနဲ့ ဒါတွေရဲ့ အရေးပါပုံကို ပိုလို့ ပိုလို့ ဆင်ခြင်မိလာရပါတယ်။

အဲ… “ဒါတွေ”ဆိုတာက “ဝေါဟာရမဲ့ စကား”တွေပါ။ ဝေါဟာရမဲ့လို့ ဆိုတဲ့အတွက် အဲဒီ့စကားတွေဟာ ဝေါဟာရ စကားလုံးအနေနဲ့ မဟုတ်ပေမယ့် အနက် အဓိပ္ပာယ်တော့ ကောက်ယူလို့ ရ၊ တစ်ယောက်နဲ့ တစ်ယောက် ဆက်သွယ် အသိပေးလို့ ရနေတဲ့ စကားတွေ ဖြစ်ပါတယ်။ ဆိုကြပါစို့… “ဟင့်” “အင့်” “ရှူး” စတာမျိုးလို၊ တက်ခေါက်သံ၊ စုပ်သတ် သံလိုဟာမျိုးတွေဟာ ဝေါဟာရမဲ့ စကားတွေထဲမှာ ပါဝင်ပါတယ်။

ဒါတွေတင်လားဆိုတော့ မဟုတ်သေးဘူး။ အသံနေ အသံထားဟာလည်း ပြောလိုက်တဲ့ စကားရဲ့ အနက်ကို တန်ဆာဆင်ပေးပါတယ်။ “လှလိုက်တာ”ဆိုတဲ့စကားကိုပဲ တည်တည်တံ့တံ့ လေသံ၊ လှောင်သံ၊ ခနဲ့သံ၊ စိတ်မပါလက်မပါသံ အစရှိသဖြင့် လေယူလေသိမ်းအမျိုးမျိုးနဲ့ ပြောနိုင်ပြန်တယ်။

ခေါင်းညိတ်ခေါင်းခါတာ၊ မဲ့တာ၊ ရွဲ့တာ၊ ပြုံးတာ၊ လျှာထုတ်တာ၊ မေးငေါ့တာ အစရှိတဲ့ မျက်နှာအမူအရာအမျိုးမျိုးနဲ့လည်း တစ်ယောက်နဲ့ တစ်ယောက် ကိုယ်သိစေချင်တာကို ဖော်ကျူးလို့ ရပြန်ပါတယ်။ လက်ဟန် ခြေဟန်များလည်း အတူတူ ဖြစ်သလို လမ်းလျှောက်ပုံ၊ ခေါင်းထားပုံ၊ ရပ်ပုံ၊ နေပုံ အစရှိတဲ့ တစ်ကိုယ်လုံးမှာ ရှိရှိသမျှ ကိုယ်လက် ဟန်ပန် အမူအရာများ အားလုံးကလည်း ကိုယ်ပြောလိုတဲ့ စကားတွေကို ဝါကျမပါ၊ ဝေါဟာရမပါဘဲ ပြောသွားနိုင်တာ၊ ကိုယ်ပြောနေတဲ့ စကားအနက် အဓိပ္ပာယ်တွေကို ပိုမိုလေးနက်စေ၊ ပေါ့ပျက်သွားစေနိုင်တာမျိုးကို ဖြစ်စေတတ်ပါတယ်။ ယုတ်စွအဆုံး၊ လူတစ်ယောက်ရဲ့ ပုခုံး၊ လက်မောင်းကို ကိုင်ပုံ၊ ဆုပ်ပုံ၊ အနောက်တိုင်း ယဉ်ကျေးမှုအရ လက်ဆွဲနှုတ်ဆက်ရာမှာ တစ်ဖက်သားရဲ့ လက်ကို ကိုင်ပုံ၊ ဆုပ်ပုံများကလည်း စကားတွေ အများကြီးကို ပြောလိုက်နိုင်ပါတယ်။

အဲဒါတွေအားလုံးကို “ဝေါဟာရမဲ့စကား”ရယ်လို့ ခြုံငုံပြီး ပြောလိုက်တာဖြစ်ပါတယ်။ တချို့က အဲဒါကို “ကိုယ်အမူအရာ”ပဲလို့ ခြုံလိုက်တတ်ပါတယ်။ ဒါပေမယ့် ကိုယ်အမူအရာသာမကပဲ နှုတ်က ထွက်တဲ့ အင်း၊ ဟင့်အင်း၊ တောက်၊ အွန်၊ ဟာ၊ ကျွတ်ကျွတ်ကျွတ်ဆိုတဲ့ အသံတွေ၊ သံနေ သံထား၊ လေယူလေသိမ်းတွေလည်း ပါတဲ့အတွက် အားလုံးခြုံမယ်ဆိုရင် “ဝေါဟာရမဲ့စကား”သာ ဖြစ်သွားတော့တာပါ။

ထားပါတော့ ခင်ဗျာ။ သည်ဘာသာရပ်ကို ပြောမယ်ဆိုရင်တော့ အတော်အကျယ်ချဲ့ပြောမှ ပြည့်စုံမှာပါ။ အခု ကျွန်တော် အလေးအနက် တင်ပြချင်တာက အဲဒီ့ ဝေါဟာရမဲ့စကားတွေထဲ ခေါင်းအထားအသိုရယ်၊ အဲဒါတွေနဲ့ လူတစ်ယောက်ရဲ့ အတွင်းစိတ်အခြေအနေတို့ ဆက်စပ်မှုရယ် ကိုပဲဖြစ်ပါတယ်။

ခေါင်းအထားအသိုကို ဦးဆုံး ပြောမယ်ဆိုရင် ခေါင်းအထားအသိုမှာ ယေဘုယျအားဖြင့် သုံးမျိုး ရှိပါတယ်။ ခေါင်းငုံ့တာ၊ ခေါင်းကို တည့်တည့် ထားတာနဲ့ မော့တာတို့ပါပဲ။ ခေါင်းငုံ့တာဟာ စိတ်ဓာတ်ကျနေတဲ့သဘော၊ အရှုံးပေးတဲ့သဘော၊ အညံ့ခံတဲ့သဘော၊ နာခံတဲ့သဘောကို ဆောင်တယ်ဆိုရင် စာဖတ်သူ လူကြီးမင်းများ လက်ခံနိုင်ကြလိမ့်မယ် ထင်ပါတယ်။ တစ်နည်းပြောရရင် ကိုယ့်ကိုယ်ကိုယ် ယုံကြည်မှု လျော့ကျစေ၊ လျော့ကျနေတဲ့ ကိုယ်အမူအရာပါပဲ။

သူနဲ့ ဆန့်ကျင်ဘက်က ခေါင်းမော့တာပါ။ အဲဒါကတော့ စိတ်ဓာတ် တက်နေတာ၊ မာန်ဝင့်နေတာ၊ အနိုင်ယူလိုစိတ်၊ သူများထက် ခေါင်းတစ်လုံး သာတယ်၊ အနိုင်ယူမယ်၊ ဘယ်သူ့မှ ထီမထင်ဘူးဆိုတဲ့သဘောကို  ပြဆိုနေတာ ဖြစ်ပါတယ်။ ခေါင်းငုံ့တာရဲ့ ဆန့်ကျင်ဘက် ဖြစ်တဲ့အတွက်ကြောင့် ခေါင်းမော့နေသူဟာ ကိုယ့်ကိုယ်ကိုယ် ယုံကြည်မှု ရှိနေတာလို့ ပြောလိုက် ရင်တော့ အမှားကြီး မှားသွားပါလိမ့်မယ်။

တကယ် ကိုယ့်ကိုယ်ကိုယ် ယုံကြည်မှု ရှိသူရဲ့ ခေါင်းဟာ ပုံမှန်အတိုင်းသာ ရှိပါတယ်။ ငုံ့လည်း တစ်လက္မမှ မငုံ့သလို တစ်ဆံချည်စာမျှလည်း မော့မနေပါဘူး။ ပုံမှန်အတိုင်း ခေါင်းကို တည့်တည့်ထားတတ်ကြပါတယ်။  အဲဒါကို သတိထားကြည့်ရင် မြင်လာကြပါလိမ့်မယ်။ ကြည့်တယ်ဆိုတဲ့ နေရာမှာ ကိုယ်ကိုယ်တိုင် ခေါင်းထားပုံနဲ့ ကိုယ့်စိတ်အခြေအနေကို နှိုင်းယှဉ်ကြည့်နိုင်သလို ကိုယ့်ပတ်ဝန်းကျင်က လူအများရဲ့ ခေါင်းအထားအသိုများနဲ့လည်း နှိုင်းယှဉ်နိုင်ပါတယ်။

ကျွန်တော်တို့က နည်းနည်းလေး ကံကောင်းတယ်။ ဆိုရှယ်လစ်ပညာရေး စနစ် မတိုင်မီ တကယ့်ပညာရေးစနစ်က ပေါက်ဖွား လာခဲ့တဲ့ တကယ့် အရည်အသွေးမီ ပညာတတ် ဆရာဆရာမများနဲ့ သူငယ်တန်းမှသည် တက္ကသိုလ်ဘွဲ့လွန်တန်းများအထိ ကြုံဆုံခွင့်ရလို့ ကံကောင်းတယ်လို့ ပြောလိုက်ရတာပါ။

[သည်နေရာမှာ ဆိုရှယ်လစ်ပညာရေးစနစ်က ပေါက်ဖွားခဲ့တဲ့ ပညာတတ် ဆရာဆရာမများက တကယ့်ပညာတတ်တွေ မဟုတ်ဘူးလားလို့ မေးစရာ ပေါ်လာပါတယ်။ ဟုတ်ကဲ့ခင်ဗျာ… အားနာနာနဲ့ ဖြေရရင် မဟုတ်ပါဘူးလို့ပဲ ဖြေရမှာပါ။ ကျွန်တော်လည်း ဆိုရှယ်လစ်ပညာရေးက ထုတ်လုပ်လိုက်တဲ့ ပညာတတ်မို့ အဲဒီ့အထဲမှာ ပါနေတာ အမှန်ပါ။ သည် စကားကို ရှင်းမှ သင့်မယ်ထင်တဲ့အတွက် ရှင်းပြပါရစေခင်ဗျ။

၁၉၆၄ ခုနှစ်က စတင်ခဲ့တဲ့ ဆိုရှယ်လစ်ပညာရေးမှာ (၁) သိပ္ပံကို ဦးစားပေးခဲ့ကြပါတယ်။ (၂)  တက္ကသိုလ်ရွေးချယ်ခွင့်က ဆယ်တန်း ရမှတ် အပေါ်မှာသာ တည်ပါတယ်။ အဲဒီ့ နှစ်ချက်ဟာ ဆိုရှယ်လစ်ပညာရေးရဲ့ အကြီးမားဆုံး ချို့ယွင်းချက်နှစ်ရပ်ပါပဲ။

အချုပ်အချာအာဏာပိုင် လွတ်လပ်တဲ့ နိုင်ငံတစ်နိုင်ငံရဲ့ အဓိက မဏ္ဍိုင်သုံးရပ်ဟာ အုပ်ချုပ်ရေး၊ တရားစီရင်ရေးနဲ့ တရားဥပဒေပြုရေးတို့ ဖြစ်ပါတယ်။ အဲဒီ့ သုံးခုစလုံးဟာ သိပ္ပံပညာတွေ မဟုတ်ကြပါဘူး။ ဒါ့အပြင် နိုင်ငံတစ်နိုင်ငံ ဖွံ့ဖြိုးတိုးတက်ရေးအတွက် အသက်သွေးကြောဖြစ်တဲ့ စီးပွားရေး (ဝါ) ဘောဂဗေဒပညာဟာလည်းပဲ သိပ္ပံမဟုတ်တာ အင်မတန် သေချာပါတယ်။ အိုင်းစတိုင်းတို့လို ပညာရှင် ဧတဒဂ် မဟုတ်တဲ့ သာမန် သိပ္ပံပညာတတ်ကျွမ်းသူဟာ သူများ ခိုင်းတာ လုပ်ရတဲ့သူများသာ ဖြစ်လာတတ်ပါတယ်။ သူများကို ခိုင်းနိုင်သူများ ဖြစ်လာလေ့ မရှိကြပါဘူး။ ဝိဇ္ဇာ ပညာကို တတ်ကျွမ်းထားသူများကတော့ စီမံခန့်ခွဲရေး နေရာကို ရောက်ရှိကြပြီး သူများကို ခိုင်းနိုင်သူများ ဖြစ်လာပါတယ်။

ခက်တာက ဆိုရှယ်လစ်ပညာရေးမှာကျတော့ တက္ကသိုလ်ရွေးချယ်ခွင့် ကို ဆယ်တန်း ရမှတ်နဲ့ ပိုင်းဖြတ်တဲ့ စနစ်ဖြစ်လာတဲ့အခါ တကယ့် လူတော်တွေနဲ့ သူတို့ရဲ့ မိဘတွေဟာ လူအများကြိုက်တဲ့ သိပ္ပံလိုင်းကိုသာ ရွေးချယ်ကြပါတော့တယ်။ အများကြိုက်ဆိုရာမှာလည်း အသက်မွေးမှုအတွက် ဆူလွယ်နပ်လွယ် ပညာကိုသာ စဉ်းစားကြပြီး ရေရှည်မှာ အကျိုးများမယ့် ဝိဇ္ဇာပညာကို ပစ်ပယ်လိုက်ကြတော့တာဟာ ဆိုရှယ်လစ်ပညာရေး စတင်လိုက်တဲ့ ၁၉၆၄ ခုနှစ်ကတည်းက ယနေ့ထက်တိုင် ဖြစ်သွားပါတော့တယ်။

အဲတော့ ဝိဇ္ဇာဘာသာရပ်တွေမှာက ဆယ်တန်းမှာ ရမှတ် အလွန် နည်းသူတွေ စုဝေးရာ ဖြစ်သွားပါတော့တယ်။ တစ်နည်းပြောရရင် ထူးချွန် ထက်မြက်သူတွေဟာ ဝိဇ္ဇာပညာကို လိုက်စားတဲ့ အလေ့က ဆိတ်သုဉ်းသွားပါတော့တယ်။ သည်အခါ ကျွန်တော်တို့ နိုင်ငံမှာ အုပ်ချုပ်ရေး စွမ်း ရည်၊ တရားစီရင်ရေး စွမ်းရည်၊ ဥပဒေပြုရေး စွမ်းရည်၊ စီးပွားရေး စွမ်းရည် မြင့်မားသူများ ပါးရှားလာတာရဲ့ အကျိုးဆက်ကို ကျွန်တော်တို့ အလူးအလဲ ခံစားနေကြရပါတော့တယ်။

နောက်ပြီး ဆယ်တန်းရမှတ်က သိပ်ကို ပဓာနကျလာတဲ့အတွက် စာသင်သားတွေဟာ စာတကယ်တတ်ဖို့ထက် အမှတ်များဖို့ကို ပိုပြီး ဦးစားပေးလာခဲ့ကြပါတော့တယ်။ သည်အခါမှာ ကျူရှင်တွေ စတင်ထွန်းကား လာတော့တာပါ။ ၁၉၆၄ မှာ ဆိုရှယ်လစ် ပညာရေး စတင်ပြီး မရှေး မနှောင်းမှာပဲ ကျူရှင်တွေရဲ့ အခန်းကဏ္ဍက မြန်မာ့ပညာရေးမှာ တွင်ကျယ်လာလိုက်တော့တာများ၊ အခုအခါမှာတော့ တက္ကသိုလ် စာသင်သားတွေတောင် ကျူရှင်နဲ့ မကင်းတော့တဲ့ ဘဝကို ရောက်သွားခြင်းဟာ အမှတ်ရဲ့ အရေးပါမှု အစွဲဆိုးကြီးနဲ့တကွ ဘာသာရပ်တစ်ခုခုကို တတ်ပွန် ကျွမ်းကျင်မှုထက် အမှတ်နဲ့ အောင်လက်မှတ်/ဘွဲ့လက်မှတ်အပေါ် တန်ဖိုး ထားမှု လွန်ကုန်ကြတာကို ရှင်းရှင်းကြီး ပြဆိုနေတာပဲ ဖြစ်ပါတယ်။ သည်အခါမှာ တကယ့်ပညာတတ်ကလည်း ပါးရှားလာတာ အမှန်ပါ။ မတတ်ဘူးလားဆိုတော့ တတ်တယ်။ ၁ + ၁ = ၂ ဆိုတာပဲ တတ်တဲ့ အတတ်မျိုးပါ။ ဒါပေမယ့် ၃၈၄၉ – ၃၈၄၇ = ၂ ဆိုတဲ့အထိ တွေးဖြစ်တာမျိုးက ပါးရှားလာတာကို ဆိုလိုပါတယ်။ ကြက်တူရွေးတတ် တတ်လာကြတယ်လို့ပဲ ပြောရမှာဖြစ်ပြီး ဆင်ခြင်တုံတရားပိုင်းမှာ ချို့ယွင်းလာတာကို ပြောလိုရင်း ဖြစ်ပါတယ်။]

အဲဒီ့ တကယ့်ပညာရေးစနစ်က မူလတန်းဆရာများမှသည် တက္ကသိုလ် ဆရာဆရာမကြီးများဟာ တကယ့်ပညာတတ်များပီပီ သူတို့ ကိုယ်သူတို့ ယုံကြည်မှု အပြည့်အဝ ရှိပါတယ်။ မာန်မာနလည်း အင်မတန် နည်းပါတယ်။ ဘယ်လောက်အထိများလဲဆိုရင် ကျွန်တော်တို့ အမေ အရွယ်၊ အဖေအရွယ် တက္ကသိုလ်ဆရာ၊ ဆရာမကြီးများဟာ ကျွန်တော်တို့ ကို “ရှင်၊ ကျွန်မ၊ ခင်ဗျား၊ ကျွန်တော်”ဆိုတဲ့ အသုံးအနှုန်းများနဲ့ ခေါ်ပြော ဆက်ဆံခဲ့ကြပါတယ်။ တစ်နည်းပြောရရင် တက္ကသိုလ်ရောက်စ မြောက်ကြွကြွ ကျွန်တော်တို့ လူငယ်လေးတွေကို လူလူသူသူ နေရာပေးပြီး နွေးနွေးထွေးထွေး ဆက်ဆံခဲ့ကြတာပါ။

အဲဒီ့ ဆရာဆရာမကြီးတွေရဲ့ ခေါင်းက မော့မနေပါဘူး။ ငုံ့လည်း မနေပါဘူး။ ပုံမှန်အတိုင်း ရေပြင်ညီအတိုင်း တည့်တည့်သာ ဖြစ်ပါတယ်။  (သူ့အတွေးနဲ့သူ ငိုက်စိုက် ငိုက်စိုက် လျှောက်နေတဲ့အခါမျိုးတော့ ထည့် မပြောကြေးပေါ့ဗျာ။) မူလတန်း၊ အလယ်တန်း၊ အထက်တန်း ဆရာများ ဆိုရင်လည်း ကျွန်တော်တို့ကို ရင်ဝယ်သားလို ကြင်ကြင်နာနာ ဆက်ဆံခဲ့ကြတာက များပါတယ်။ သူတို့တွေရဲ့ ခေါင်းတွေကလည်း မော့မနေပါဘူး။ ပုံမှန်ပါပဲ။

အဲ… ကျွန်တော်တို့ အထက်တန်းရောက်ချိန်မှာ ဆိုရှယ်လစ်ပညာရေးရဲ့ ဆိုးမွေဖြစ်တဲ့ ကျူရှင်ဆိုတာကြီးက မင်းမူစပြုနေပါပြီ။ သည်အခါမှာတော့ ခေါင်းတွေ စွတ်မော့ထားတဲ့ ကျူရှင်ဆရာ တချို့နဲ့ ရင်ဆိုင်ရပါတော့တယ်။ အဲတုန်းကတော့ သူတို့ ဘာလို့ ခေါင်းမော့နေတာလည်းဆိုတာ သဘောမပေါက်တတ်ခဲ့ဘူး။ ကိုယ်က အထက်တန်းကျောင်းသား ငမျောက် ငခြောက်ဆိုတော့လည်း ဘယ်သဘောပေါက်တတ်ခဲ့ပါ့မလဲလေ။

သည်လိုနဲ့ ဘဝကို ဖြတ်သန်းလာခဲ့တာများ အခုဆို “သေခါနီးကြီး”လို့ အပြောခံရမယ့် အရွယ်ကိုတောင် ရောက်လာခဲ့ပါပြီ။ သည်အခါကျတော့မှ အစမှာ ဆိုခဲ့သလို သင်တန်းအစုစု၊ ဖတ်ရှုမှုအထွေထွေကတစ်ဆင့် ခေါင်းမော့နေသူများရဲ့ စိတ်ဓာတ်အခံ အရင်းအမှန်ကို အဖန်ဖန် ဆင်ခြင်လာမိရပါတော့တယ်။

ဟုတ်ကဲ့ခင်ဗျာ…ခေါင်းမော့တာဟာ “မာန်ဝင့်တာ”လို့ ရှေ့မှာ မိတ်ဆက်ပေးခဲ့ပြီးပါပြီ။ ဒါကို စာဖတ်သူ လူကြီးမင်းများလည်း အလွယ်တကူ လက်ခံနိုင်ပါလိမ့်မယ်။ ဘာပြုလို့ မာန်ဝင့်တာလဲဆိုတာကို ဆက်စဉ်းစားလိုက်တဲ့အခါ အလွန်စိတ်ဝင်စားဖို့ ကောင်းသွားပါတယ်။ တကယ် ပြည့်ဝသူများဟာ မာန်မတက်ပါဘူး၊ မာန်မဝင့်ပါဘူး၊ သူတို့ကိုယ်သူတို့ ယုံကြည်မှု အပြည့်နဲ့ပေမယ့် တစ်ဖက်သားကိုလည်း လေးစားရကောင်းမှန်း သိတဲ့အပြင် နှိမ့်ချဖို့လည်း တစ်စက်မှ ဝန်မလေးပါဘူး။ “ပြည့်တဲ့အိုးများ ဘောင်ဘင်မခတ်ဘူး”ဆိုတဲ့ မြန်မာစကားလည်း အထင်အရှားမဟုတ်လား။

စိတ်သရုပ်ခွဲပညာမှာတော့ လူတွေမှာ “ခုခံမှုယန္တယား”တွေ ရှိတယ် ဆိုတာကို လက်ခံထားကြပါတယ်။ “ခုခံမှု ယန္တယား”ဆိုတာက ပညာရပ် ဆန်တဲ့ အသုံးအနှုန်းဖြစ်ပါတယ်။ အလွယ်ပြောရရင်တော့ ကိုယ့်စိတ်ထဲမှာ ဖြစ်နေတာကို မသိစိတ်က သူ့အလိုလို တစ်နည်းနည်းနဲ့ ဖြေဖျောက်ယူတာပါပဲ။ ဆိုကြပါစို့ဗျာ၊ ကိုယ့် အထက်အရာရှိကို မကျေနပ်ဘူး။ ဒါပေမယ့် အထက်အရာရှိဖြစ်နေတဲ့အတွက် ပြန်လည်း မပြောရဲဘူး၊ ဘာမှလည်း ပြန်လုပ်လို့ မရဘူး။ သို့သော် အဲဒီ့ အထက်အရာရှိ အပေါ်မှာ ဒေါသက တအားထွက်နေတယ်။ သည်အခါမှာ အဲဒီ့ ဒေါသတွေကို မျိုသိပ်ထားတယ်။ အိမ်ပြန်ရောက်တော့မှ ကိုယ့်ကြောင် ကိုယ်ဆောင့်ကန်မိတာမျိုး ဟာလည်း လူ့မသိစိတ်ရဲ့ “ခုခံမှု ယန္တယား” ပုံစံများစွာအနက်က မြင်သာလှတဲ့ ဥပမာ တစ်ခုဖြစ်ပါတယ်။

အဲဒီ့ ခုခံမှု ယန္တယားတွေကိုပဲ ခွဲထုတ်လိုက်ရင် ကိုးမျိုးလောက် ထွက်လာပါတယ်။ အမေက ငါ့နိုင်၊ ငါက ကြက်မကြီးကို နိုင်ဆိုတဲ့ အထက်က ကိုယ့်ကို ပြန်မလုပ်နိုင်တဲ့၊ ကိုယ်မွေးထားတဲ့ ကြောင်ကို ဆောင့်ကန်မိတာ မျိုးဟာ “တခြားမှာ ရွှေ့ပြီး အထုပ်ဖြည်တဲ့နည်း”ဆိုတဲ့ ခုခံမှု ယန္တယားထဲက ပုံစံတစ်ခု ဖြစ်ပါတယ်။ အခု ခေါင်းမော့တာနဲ့ ပတ်သက်တဲ့ ခုခံမှု ယန္တယား ပုံစံကတော့ တစ်ဖက်က ခံစားမှုတွေ ပေါ်ထွက်လာမှာ စိုးတာနဲ့ပဲ မသိစိတ် က အဲဒီ့ခံစားချက်တွေကို ဖိထားရင်း အဲဒါနဲ့ ဆန့်ကျင်ဘက် အပြုအမူ တစ်ခုကို တရားလွန်ဖြစ်လာစေတဲ့ “တုံ့ပြန်ပုံ ကျင့်ယူထားနည်း” ဖြစ်ပါ တယ်။

သည်ပုံစံအတွက်အကောင်းဆုံးနမူနာကတော့ ဘဝမှာ ရင်နာစရာ၊ နာကျည်းစရာတွေကို ရင်နဲ့မဆံ့အောင် ခံစားထားရသူ တစ်ယောက်ဟာ ပျော်ပျော်ပါးပါးနဲ့ ဟေးလားဝါးလား၊ ရွှတ်ရွှတ်နောက်နောက်ဖြစ်နေ၊ ဟာသတွေ ပြောနေ၊ လုပ်နေ၊ အမြဲတမ်း ရယ်မောပျော်ရွှင်နေတာမျိုးပါပဲ။ ဒါမှမဟုတ်လည်း ကိုယ့်ဘာသာဆိုရင်တောင် သတိ မထားမိတဲ့ ရန်လိုမှုတွေ၊ ဒေါသတွေကို မသိစိတ်က အတင်းချိုးနှိမ်ထားပြီး လူတကာအပေါ် သဘောတွေ စွတ်ကောင်း၊ ဆက်ဆံရေးမှလည်း တရားလွန် သိမ်မွေ့ နူးညံ့ ချောမွေ့နေတတ်တာမျိုးပါ။

သည်လောက်ဆိုရင် သည်ခုခံမှု ယန္တယားရဲ့ သဘာဝကို စာဖတ်သူ လူကြီးမင်းများ အမြွက်သဘောလောက် မြင်နိုင်ကြမယ် ထင်ပါတယ်။ သည်အခါမှာ မိမိရဲ့ သိမ်ငယ်စိတ်တွေ၊ အားငယ်စိတ်တွေ၊ မိမိရဲ့ မပြည့်ဝမှုတွေ၊ ညံ့ဖျင်းအားနည်းချက်တွေကို ကိုယ့်ဘာသာလည်း သတိမထားမိဘဲ လူ့အတွင်းစိတ်ထဲက ခုခံမှု ယန္တယားက ပြုပြင်ပြောင်းလဲပြီး ဆန့်ကျင်ဘက်နည်းနဲ့ ထိုးတင်လိုက်တဲ့အခါ သိမ်ငယ်မှု၊ အားငယ်မှု၊ မပြည့်ဝမှု၊ ညံ့ဖျင်းအားနည်းမှုတွေရဲ့ ပြောင်းပြန်ဖြစ်တဲ့ ဝင့်ဝါမှုကြီးက လိုသည်ထက် ပိုပြီး ငေါငေါကြီး ပေါ်ထွက်လာပါတော့တယ်။

ကိုယ့်ရဲ့ သိမ်ငယ်စိတ်၊ ကိုယ့်ရဲ့ အားနည်းချက်တွေက အတော့်ကို ဆိုးရွားမှန်း ကိုယ်က မသိပေမယ့် မသိစိတ်က အရမ်းသိနေတယ်။ ဆိုကြပါစို့၊ ကိုယ့်ဖခင်က ကိုယ် လူမှန်း မသိခင်ကတည်းက ကွယ်လွန်သွားတယ်။ ကိုယ်က ဖတစ်ဆိုးအဖြစ် ကြီးပြင်းလာခဲ့ရတယ်။ မိစုံဘစုံ ရွယ်တူတွေ ကြားမှာ သူများတွေက သူတို့ဖအေအကြောင်း ပြောကြတဲ့အခါ ကိုယ့်မှာ လက်ညှိုးထိုးပြစရာ ဖအေ မရှိတော့တဲ့အတွက် ကလေးငယ်လေးဘဝမှာ သိပ်ကို သိမ်ငယ်ခဲ့ရတယ်၊ ရင်ထဲမှာ နာနာကျင်ကျင် ထိထိခိုက်ခိုက် ခံစားခဲ့ရဖူးတယ် ဆိုပါစို့။

အဲဒီ့ကလေး အရွယ်ရောက် လူလားမြောက်လာတဲ့အခါကျတော့ သူက သည်အဖြစ်ကို လက်ခံနိုင်သွားပြီ။ ငယ်ငယ်ရွယ်ရွယ်နဲ့ ဖခင် တိမ်းပါးသွားလို့ ဖတစ်ဆိုး ဖြစ်ရသူဟာ သူတစ်ယောက်တည်း မဟုတ်ဘူး၊ တခြားသူတွေလည်း ရှိသေးတယ်ဆိုတာကို သဘောပေါက်လာတဲ့အတွက် ငယ်ငယ်တုန်းကလို နာကျင်ထိခိုက်တာတွေ မရှိတော့ဘူးလို့ သူ့ကိုယ်သူ ယုံကြည်နားလည်ထားတယ်။ ဒါပေမယ့် မသိစိတ်ကကျတော့ ငယ်တုန်းက ထိခိုက်နာကျင်မှုကြီးက ဒဏ်ဖြစ်နေတယ်။ သည်အတွက် သူ့ရဲ့ ခုခံမှု ယန္တယားက ကျောင်းစာမှာ ထူးချွန်လာအောင် လုပ်ပေးလိုက်တယ်။ ကျောင်းစာ ထူးချွန်လာတဲ့အခါ သူက တအား မာန်တက်လာတယ်။ ငယ်တုန်းက သိမ်ငယ်စိတ်ကို ဖုံးဖိဖို့အတွက် ကျောင်းစာကို ရမယ်ရှာတယ်၊ ကျောင်းစာမှာ ချွန်လာတဲ့အခါ အဲဒီ့အပေါ်မှာ မာန်တက်လာတယ်၊ ဟိုသိမ်ငယ်မှုကို ဖျောက်တဲ့အနေနဲ့ သည်ထူးချွန်မှုနဲ့အတူ ဝင့်ဝါလာပါတော့တယ်။ ကျောင်းစာနဲ့ ပတ်သက်လာရင် ဘယ်သူ့ကိုမှ တူတယ်၊ တန်တယ် မထင်တော့ဘူး။ အဲဒီ့ကမှ အလုပ်ခွင်ထဲ ရောက်တဲ့အခါမှာလည်း သူသာ အတော်ဆုံး၊ အတတ်ဆုံးဆိုတဲ့ ဂိုက်နဲ့ ခေါင်းက အလိုလို မော့နေပါတော့တယ်။

ဒါဆိုရင် ခေါင်းမော့နေတဲ့သူတွေက မာန်ဝင့်နေတာဆိုတဲ့ စကားကို ပြောင်းပြန်အနက်ကောက်လိုက်မယ်ဆိုရင် “မပြည့်တဲ့အိုးပီပီ ဘောင်ဘင်ခတ်”နေတယ်ဆိုတာ ထင်ရှားလာပါတယ်။ မှန်ပါတယ်။ တကယ်လည်း တကယ်ပါ။ မာန်ဝင့်တယ်ဆိုကတည်းက တကယ် မပြည့်သေးလို့သာ ဝင့် လို့ ကောင်းနေတာပါ။ တကယ် ဉာဏ်ပညာ အမြော်အမြင်နဲ့ ပြည့်စုံသွားသူများဟာ အလကားနေရင်း မာန်မဝင့်တော့တာ တိပိဋကဆရာတော်ကြီး အရှင် ဦးဝိစိတ္တသာရာဘိဝံသလို ပုဂ္ဂိုလ်မျိုးကို စံထားလို့ ရပါတယ်။

ဘုန်းကြီးရဟန်းကို နမူနာပြမိတော့ ငါတို့က ပုထုဇဉ်ပဲ ရှိသေးတာ၊ ဝင့်ချင်လည်း ဝင့်မှာပေါ့လို့ ပြောချင်သူတွေ ရှိလာနိုင်ပါတယ်။ အဲလိုဆို လည်း ဝင့်ပါခင်ဗျာ၊ ကန့်ကွက်ရန် မရှိကြောင်းပါလို့သာ ပြန်ပြောမိမယ် ထင်ပါတယ်။ ဒါပေမယ့် ကျွန်တော့်သည်စာလေးကို ဖတ်မိလိုက်သူတွေက လည်း အဲသလို ဝင့်နေတဲ့သူတွေကိုကြည့်ပြီး သူတို့ရင်ထဲမှာ သူတို့ကိုယ်တိုင်တောင်မှ သတိမထားမိတဲ့ “သိမ်ငယ်စိတ် အရင့်စားကြီး”ကို သဘော ပေါက်နေကြတော့မှာပါ။

ကျွန်တော်လည်း နုစဉ်အခါတုန်းကတော့ မာန်အပြည့်နဲ့ပေါ့ခင်ဗျာ။ ငါ့လောက် တော်သူတတ်သူမရှိဆိုတဲ့ “ငါ့ပြင်မရှိ”ရောဂါ အရင့်စားကြီးနဲ့ လူလုပ်ခဲ့သူပါ ခင်ဗျား။ ကျွန်တော့်မှာလည်း သိမ်ငယ်စိတ် အပြင်းစားကြီး ရှိနေခဲ့တာကိုး။

အခုကျတော့ အဲဒါတွေကို ရှက်ရကောင်းမှန်း သိလာပါတယ်။ ပိုဆိုးတာက သည်“ဝေါဟာရမဲ့စကားတွေ”အကြောင်းကို တဖြည်းဖြည်း ပို နားလည်လာသလို အဲဒီ့ ကိုယ်နှုတ်အမူအရာတွေနဲ့ လူ့စရိုက်၊ လူ့စိတ်ရင်း အဇ္ဇျတ္တတို့ရဲ့ အဆက်အစပ်ကို နားလည်လာတဲ့အခါမှာတော့ ကိုယ့်ကိုယ်ကိုယ် သတိထားဆင်ခြင်မိလာပါတော့တယ်။

အဲဒါကြောင့် နုစဉ်အခါက မော့တော့မော့တော့နဲ့ ဝင့်ဝါနေတဲ့ ကျွန်တော့်ခေါင်းလည်း တဖြည်းဖြည်း အောက်ကို စိုက်လာတာ၊ အခုတော့ ရေပြင်ညီအတိုင်း ဖြစ်လာခဲ့ပြီ ထင်ပါတယ်။

ဟုတ်မဟုတ်တော့ ကျွန်တော်နဲ့ လူချင်းဆုံမိတဲ့အခါကျတော့မှ သတိလေး ထားပြီး အကဲခတ်တော်မူကြပါတော့ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ

(ရန်ကုန် - ဝ၃၀၅၁၂)


(၂၀၁၂ ခုနှစ် ဇွန်လထုတ် သရဖူမဂ္ဂဇင်းမှာ ဖော်ပြထားတဲ့ စာမူဖြစ်ပါတယ်။)