အသက်ရှည်ရှည် ခင်ခင်မင်မင်

မနေ့ညက ၁၀ နာရီ ထိုးလုနီးမှ စာအုပ်မျက်နှာစာမှာ တက်လာတဲ့ ဓာတ်ပုံလေးတွေ မြင်မိတော့ ကိုယ်တိုင် သွားကြည့်ချင်စိတ်က ပေါက်လာတယ်။ ကျွန်တော်တို့ဆိုင်က ဝန်ထမ်းလေးတွေကလည်း မြစ်ဝကျွန်းပေါ်က ကရင်လေးတွေ၊ ခရစ်ယာန်ဘာသာဝင်လေးတွေ။ သူတို့လေးတွေ ရန်ကုန်ကို ရောက်ဖူးတာ မဟုတ်ဘူး။ ဒါနဲ့ ကလေးတွေလည်း လိုက်ပြရင်း၊ ကျွန်တော်လည်း တပတ် ပတ်ကြည့်မယ်ဆိုပြီး ထွက်ချလာလိုက်ပါတယ်။

ရွှေတိဂုံဘုရားလမ်းနဲ့ ဗိုလ်ချုပ်လမ်းထောင့်မှာ ကျောင်းနာမည် ကျွန်တော် သတိမထားမိတဲ့ အယ်(န်)ဂလစ်ခယ်(န်) [ခရစ်ယာန် ဂိုဏ်းခွဲတခု – အင်္ဂလန်၏ အသင်းတော်လို့လည်း ခေါ်ကြပါတယ်] ရဲ့ ဘုရားရှိခိုးကျောင်းကြီး ရှိတယ်။ စာအုပ်မျက်နှာစာမှာ မြင်ထားတဲ့ ပုံတွေအရ အဲဒီ့က စလောက်တယ်လို့ မှန်းမိပါတယ်။

No photo description available.မြို့ထဲကို အဲဒီ့ဘက်က စ ဝင်လိုက်ပါတယ်။ ထင်တဲ့အတိုင်းပဲ အဲဒီ့ ဘုရားကျောင်း ဝန်းကျင်မှာ ကြိတ်ကြိတ်တိုး စည်ကားနေတယ်။ လမ်းတခုလုံးကိုလည်း မီးရောင်စုံတွေ ထွန်းထားတယ်။ ပရိသတ်ကတော့ ခရစ်ယာန်တွေချည်း မဟုတ်ဘူး။ ခေါင်းမြီးခြုံထားတဲ့ လှတပတလေးတွေတောင် မြင်ခဲ့ရသေး။ ၂၇ လမ်းကနေ ၃၂ လမ်းအထိက မဂိုလမ်းလို့ တချိန်က ခေါ်ခဲ့တဲ့ လမ်းပါ ပါရှိရာ ရပ်ကွက်ကြီးဖြစ်လေတဲ့အတိုင်း ဘာဘူတွေ၊ မာမူတွေ၊ ခါလာတွေ၊ ဘေတားတွေ၊ ဘေတီးတွေရဲ့ ရပ်ကွက်ဆိုတော့ သူတို့လည်း ထွက်လာကြမှာပေါ့။ အားလုံး ပြုံးပြုံးရွှဂ်ရွှင် ပျော်ပျော်ပါးပါး။ ရွှေမြန်မာတွေ၊ ပေါက်ဖော်တွလည်း စုံလို့ရယ်။

ဘုရားကျောင်းရဲ့ အရှေ့ဘက်ထောင့်ယွန်းယွန်းမှာ စင်မြင့်ဖျော်ဖြေပွဲ ရှိတယ်။ မိန်းကလေး သီချင်းသည်တယောက်က ဗဒင်ရဲ့ နာမည်ကျော် သီချင်းတပုဒ်ကို ဟစ်ကြွေးနေတယ်။ သံပြိုင်အပိုဒ်မှာ သူမဆိုပေမဲ့ ပရိသတ်က အုံးအုံးကြွက်ကြွက် အော်နေကြတာ ကြားရတယ်။

ဒို့ကတော့… ဒို့ကတော့…

ဗိုလ်ချုပ်ဈေးရှေ့လောက်က စပြီး လူပါးသွားတယ်။ ဆူးလေအချက်ပြ လမ်းဆုံမှာ ကျွန်တော့်ကားက ထိပ်ဆုံးက။ မီးစိမ်းတာ စောင့်နေရင်း ဟိုဟိုသည်သည် ကြည့်မိတော့ ဆူးလေ လမ်းထောင့် တဖက်တချက်မှာ မီးထွန်းထားတဲ့ ခရစ္စမတ်သစ်ပင် နှစ်ပင် တွေ့မိတယ်။

မီးက တော်တော်နဲ့ မစိမ်းဘူး။ ဆူးလေလမ်းတခုလုံး ရှင်းလင်းနေတဲ့အထိလည်း မစိမ်းတော့ စိတ်ထဲ မသိုးမသန့်ဖြစ်လာတယ်။ ထင်တဲ့အတိုင်းပါပဲ။ လမ်းကြီးရှင်းသွားပြီဆိုတော့မှ ဆိုင်ကယ် ဥသြသံကြားရတယ်။ ပြီးတော့ ကားနက်ကြီး နှစ်စီးက ရှေ့နောက် အခြံအရံနဲ့ မြို့ထဲကို ကြွချီလာတာ။

ပြုံးမိတယ်။ အဆန်းတော့ မဟုတ်ပါဘူး။ ဘယ်နိုင်ငံမှာဖြစ်ဖြစ်၊ မဲဆွယ်တုန်း ခဏသာ စကားလုံးအလှတွေ သုံးတာ။ လက်တွေ့မှာတော့ ဒုံရင်းပဲလေ။ ခိုင်ထူးတောင် ရှေးက ဆိုဖူးသေးတယ်။ ဘာတဲ့… ဆို… ဆို… ဆို… ဆိုလား။

အဲလို သွားလာလှုပ်ရှားနေကြမှတော့ လူထုနဲ့ အတော်နီးမှာပေါ့နော်။ မနီးလည်း အရေးမကြီးပါဘူး။ ရှေ့က နေဝင်းအပါအဝင် ဘိုးဘေးတွေရဲ့ ရွှေကျင့်ဆိုးတွေကိုမှ အမှန်မှတ်ခဲ့၊ အားကျခဲ့ရတဲ့ ဘဝမှာ ကြီးပြင်းခဲ့ကြပေတာကိုး။

ခေတ်အဆက်ဆက် လမ်းပေါ်မှာ အခုလို ဗိုလ်ကျနေသူတို့ ပါးနေတဲ့ သတင်းစကားက ရှင်းတယ်။ လူထု ကြပ်ချင်ကြပ်ပလေ့စေ၊ ခရီးရောက်ချင်မှ ရောက်ပလေ့စေ၊ ငါတို့ ချောင်ရင် ပြီးတာပဲ၊ ငါတို့ ခရီးရောက်ဖို့က အရေးကြီးတယ်၊ မှတ်ထားဆိုတဲ့ သတင်းစကားခင်ဗျ။

ကျေးဇူးရှင်များ ကြွချီသွားတော့မှပဲ မီးလည်း စိမ်းတော်မူပါတော့တယ်။

Image may contain: 1 personပန်းဆိုးတန်းထိပ်လောက်က စပြီး လူစုစုတွေ၊ သိမ်းနေတဲ့ ဆိုင်တွေ စ တွေ့ရပါတယ်။ လွစ္စလမ်း (ဆောရီး… နှုတ်စွဲနေဆဲမို့ Lewis Street ပဲ ခေါ်မိသွားတယ်။ ဘာတဲ့ ဆိပ်ကမ်းသာလမ်း) လောက်မှာ ကားတွေ ပိတ်နေတာ တွေ့ရတယ်။ တည့်တည့်သွားလို့ ရမယ်အမှတ်နဲ့ ဘယ်ဘက် ယာဉ်ကြောကို ယူထားလိုက်ပါတယ်။

လမ်း ၄၀ အထက်လမ်းနဲ့ ၃၉ လမ်းအထက်လမ်းမှာ စုစုပေါင်း နှစ် ၂၀ လောက် နေခဲ့ဖူးတော့ အဲဒီ့နေရာတွေမှာ ကျွန်တော့်ခြေရာတွေ မနည်းဘူး။ မြို့လယ်ဆိုတာ ကျွန်တော် အလွတ်ရနေတဲ့ ဒေသ။

လမ်း ၄၀ ထိပ်နား ရောက်တော့ ညာဘက်မှာ ဖျော်ဖြေရေး ကားတစီး မြင်လိုက်တယ်။ ခရစ်ယာန်ဓမ္မတေးတွေ သီကြွေးနေကြတာလည်း ကြားရတယ်။

ဘီးလှိမ့်လိုက်တော့ ဆယ့်(န်)(ထ်)မယ်ရီး(ဇ်) ဘုရားရှိခိုးကျောင်းတော်ကြီးကို လှမ်းမြင်ရပါတယ်။ စိန်ပေါကျောင်းလို့ ခေါ်ကြတဲ့ ဆယ့်(န်)(ထ်)ဖော(လ်)(ဇ်) သာသနာပြုကျောင်းနဲ့ တွဲရက်ပေါက်ဖွားခဲ့တာပေါ့။ ၆ တန်းကနေ ဆယ်တန်းအောင်တဲ့အထိ နေခဲ့ရတဲ့ ချစ်လှစွာသော ၆ ဗိုလ်တထောင် ကျောင်းတော်ကြီး။

မီးတွေ ထွန်းထားတာများ ထိန်လို့။ အဲဒီ့ထိပ်က စပြီး ဗိုလ်ချုပ်လမ်းကို ပိတ်ထားလိုက်ပြီမို့ ဗိုလ်အောင်ကျော်လမ်းထဲချိုးဝင်၊ ဒါလဟိုဇီ… အဲ… မဟာဗန္ဓုလလမ်းအတိုင်း ဆင်း၊ သိမ်ဖြူအတိုင်း ပြန်တက်၊ ဗိုလ်တထောင် ၄ ရှေ့မှာ ကားရပ်ပြီး ကလေးတွေကို ပွဲတန်း လျှောက်ခွင့်ပေးလိုက်တယ်။ ကျွန်တော်ကတော့ ကားစောင့်ရင်း၊ ခေါ်လာခဲ့တဲ့ ခွေးကလေး ကျောင်းရင်း ကျန်ခဲ့တာပေါ့။

ဖြူဖြူပြာပြာ နီနီဝါဝါ ဝေဆာမြူးတာလေးတွေ မြင်တော့လည်း ကိုယ့်အသက် ကိုယ်ပြန်သတိပေးရသေးတယ်။ ဒါပေမယ့် နောက်စိတ်တစိတ်က သတိပေးနေတဲ့ စိတ်ကို ဆန့်ကျင်ပုန်ကန်တယ်။ ဖွဲတဆုပ်မက ဆန် ၈ ပြည်လောက်တော့ နိုင်သေးတယ်ဟ…. တဲ့။ 🤭

ကလေးတွေ ပျော်ပျော်ပါးပါး ပြန်လာကြတော့ သိမ်ဖြူလမ်းပေါ်က ဆိုင်တဆိုင်မှာ ဖာလူဒါ တိုက်လိုက်ရင်း မနေ့ညက ခရစ္စမတ် အစီအစဉ်ကို လက်စသတ်လိုက်ပါတယ်။

—-

ရန်ကုန်မြို့ကို ၁၉၆၈ ခုနှစ် မတ်လမှာ စရောက်ခဲ့တာမို့ ကျွန်တော် ရန်ကုန်မှာ နေခဲ့တာ နှစ် ၅၀ ပြည့်ဖို့ ၃ လသာသာပဲ လိုပါတော့တယ်။

သည်လို ခရစ္စမတ်မီးထွန်းပွဲမျိုးကို အဲဒီ့ နှစ် ၅၀ အတွင်း တခါမှ မကြုံဖူးပါဘူး။

တကယ့်ကို စည်ကားသိုက်မြိုက်တဲ့ ရန်ကုန်ရဲ့ နာတာလူး ပွဲတော်ပါပဲ။

ဘာ့ကြောင့် သည်နှစ်မှ အခုလို ထူးနေရတာလဲ။ အဖြေက ရှင်းပါတယ်။ ဗမာပြည်မှာ ဘာသာရေး ခွဲခြားမှုတွေ မရှိပါဘူး၊ လွတ်လပ်စွာသက်ဝင်ယုံကြည်ခွင့် ရှိပါတယ်ဆိုတဲ့ ဟန်ရေးလေး ပြချင်လို့ပဲဆိုတာ ထင်ရှားလှပါတယ်။

ရွှေဗမာတို့ရဲ့ ထုံးစံအတိုင်း ကျီးအာသီးပေါ့။ အပေါ်ယံ ဟန်ပြ လှဖို့ပဲ အရေးကြီးပါတယ်။ အတွင်းမှာ ဘာဖြစ်နေနေလေ။

No photo description available.ဗိုလ်နေဝင်းသက်တမ်း ကုန်ခါနီးက စပြီး ဘာသာခြားတွေကို စစ်ဘက်၊ နယ်ဘက်မှာ နေရာမပေးတော့တာ အခုအချိန်အထိ အထင်အရှားပါပဲ။ ဖအေလည်း တပ်မတော်သား ဗိုလ်မှူး၊ သားလည်း တပ်မတော်သား ဗိုလ်မှူး၊ ဒါပေမယ့် ဘာသာခြားဖြစ်နေလို့ ဗိုလ်မှူးအဆင့်က ဆက်မတက်ဘဲ နယ်ဘက် ပြောင်းတော့တောင် ဒုညွှန်ဘဝနဲ့ အရိုးထုတ်ရတဲ့ သူငယ်ချင်း အရင်းခေါက်ခေါက်လည်း ရှိပါတယ်။

ဗိုလ်မှူးချုပ်အေဘယ်(လ်)ခမျာမလည်း သူ့ထက် ဝါနုသူတွေ ဒုတိယဗိုလ်ချုပ်ကြီးတွေ ဖြစ်သွားကြလင့်ကစား သူ့ခမျာမတော့ အငြိမ်းစားယူသည်အထိ ဗိုလ်မှူးချုပ်ဘဝက တက်မသွားခဲံ့တာလည်း အထင်အရှားပါ။

ဒုသမ္မတလို နေရာမျိုးမှာတော့ ဘာသာခြား၊ ကျန်တိုင်းရင်းသားတွေကို ထားပေးလင့်ကစား အဲဒီ့အောက်အဆင့်ဆင့် ညွှန်မှူးအထိ ဘာသာခြားတွေအတွက် နေရာက ပါးရှားလှပါတယ်။ ကြာလေ ဆိုးလေ ဖြစ်နေတာ အသိသာကြီးပါ။

နယ်မြို့တမြို့က တားမြစ်စာတစောင်ကလည်း မကြာသေးခင်ကပဲ စာအုပ်မျက်နှာစာပေါ်မှာ အထင်အရှား ပလူပျံခဲ့ပါသေးတယ်။ ကိုယ့်အိမ်ထဲကိုယ် ဝတ်ပြုဆုတောင်းပွဲ ကျင်းပတာကို ခွင့်မပြုတဲ့ စာဆိုတာ မှတ်မိကြဦးမှာပါ။

တခြား နယ်တွေမှာလည်း လူမသိ သူမသိဖြစ်နေတဲ့ ဘာသာခြားတွေကို ကန့်သတ်မှု ပေါင်းစုံက ရှိနေလောက်မယ်ဆိုတာ ဦးနှောက်ရှိသူတိုင်း ခန့်မှန်းနိုင်ပါလိမ့်မယ်။

အဲဒါတွေကို မပြင်ဘဲနဲ့ ရန်ကုန်လို မြို့ကြီးမှာ ပွဲကြီးတပွဲ ခြိမ့်ခြိမ့်သဲ ဆင်နွှဲခြင်းဟာ ပြစားတာ၊ ခုခေတ်စကားနဲ့ဆို ဂျင်းထည့်တာ ဖြစ်နေပါလိမ့်မယ်။

—–

နောက်တချက် – ခရစ်ယာန်တွေကိုတော့ ရန်ကုန်မြို့ကြီးမှာ ဟန်ပြ ကောင်းဖို့အတွက်ပဲဖြစ်ဖြစ် ခွင့်ပြုခဲ့ကြပါပြီ။ တခြား ဘာသာဝင်တွေကိုရော… ခွင့်ပြုကြမှာလား။ တခြားဘာသာဝင်တွေရော သည်လိုမျိုး ခြိမ့်ခြိမ့်သဲ ဆင်နွှဲခွင့် ရကြမှာလား။

သည်နေရာမှာ အောက်ကလိ အာလိုသူတွေအတွက် မနေ့ညက မြင်ခဲ့ရတဲ့ နာတာလူးပွဲတော်ရဲ့ သင်္ကေတကို မီးမောင်းထိုးပြလိုက်ချင်ပါသေးတယ်။

ရန်ကုန်မြို့လယ်ဟာ စတုရန်းမိုင်ပေါင်း ၃၉၃၀ ရှိပါတယ်။ နာတာလူးပွဲ ဆင်နွှဲတဲ့ အဓိကနေရာကကျတော့ ဗိုလ်ချုပ်အောင်ဆန်းလမ်းမပေါ် ရွှေတိဂုံဘုရားလမ်းမှသည် သိမ်ဖြူလမ်းအထိသာမို့ ရန်ကုန်ရဲ့ တကယ့် အစိတ်အပိုင်း သေးသေးလေးမှာ ကျင်းပခဲ့တာ အထင်အရှားပါ။

ရန်ကုန်မှာ ဗုဒ္ဓဘာသာဝင်က ၉၁ % ရှိပြီး ဂိုဏ်းပေါင်းစုံ ခရစ်ယာန်ဘာသာဝင်က ၃.၂ % သာ ရှိပါတယ်။ ပွဲတော်ကို ခြိမ့်ခြိမ့်သဲ ကျင်းပသည့်တိုင် ဘာသာဝင် ဦးရေနဲ့ အချိုးညီတဲ့ နေရာကို ယူပြီး ကျင်းပခဲ့ကြတာ ဖြစ်ပါတယ်။ သည်အတွက် ဘယ်သူမှလည်း အနှောင့်အယှက်မဖြစ်ခဲ့၊ လူအများလည်း ပျော်နိုင်ခဲ့ကြပါတယ်။

—–

၁၉၆၈ (ဗိုလ်နေဝင်း အာဏာကို အဓမ္မရယူအပြီး ၆ နှစ်) မှာ ကျွန်တော် ရန်ကုန်ကို စရောက်ခဲ့ကြောင်း ပြောပြီးပါပြီ။

အဲဒီ့ခေတ်က ရန်ကုန်ကို ပြန်သတိရမိတယ်။ အဲတုန်းက ရန်ကုန်ဟာ လူမျိုးပေါင်းစုံ ဘာသာပေါင်းစုံ ငြိမ်းချမ်းစွာ အတူယှဉ်တွဲနေထိုင်ခဲ့ကြတဲ့မြို့၊ အချင်းချင်း တယောက်နဲ့တယောက် ဖေးကူထူမခဲ့တဲ့မြို့။ ဘာသာပေါင်းစုံ သူငယ်ချင်း၊ မိတ်ဆွေတွေနဲ့ ပျော်ရွှင်နိုင်တဲ့ မြို့ကြီးပါ။ အဲဒီ့ခေတ်က ဌာနဆိုင်ရာ နေရာအသီးသီးက ကြီးကြီးမာစတာတွေထဲမှာလည်း ဘာသာခြားတွေ အပြည့်နဲ့ပါ။

အဲဒီ့မတိုင်ခင် မန်းနဲ့ ကယားပြည်၊ ရှမ်းပြည်တွေမှာနေတော့လည်း ဘာသာခြား၊ လူမျိုးခြားတွေနဲ့ ဒွေးရောယှက်တင်နေခဲ့တာပါပဲ။ ကျွန်တော်တို့ငယ်ဘဝတွေမှာ ပေါင်းစုံကွဲပြားနေတာကို အလှတရားအဖြစ် ရှုမြင်နိုင်ခဲ့ကြတယ်။

အိမ်နီးချင်း ထိုင်းနဲ့ အိန္ဒိယမှာလည်း ဘာသာခြား လူမျိုးခြားတွေ ပွထနေအောင် ပေါလင့်ကစား နိုင်ငံ့စီးပွားရေး တိုးတက်နေတာ အထင်းသားမြင်နိုင်ပါတယ်။ ဘာလို့လဲ၊ ငြိမ်းချမ်းလို့၊ အချင်းချင်း ရန်ရှာမနေကြလို့ဆိုတာလည်း မြင်သာပါတယ်။

ကျွန်တော်တို့နိုင်ငံတိုးတက်ချင်ရင်တော့ အားလုံး သတိထားကြဖို့ လိုပါလိမ့်မယ်။

သင်္ကြန်မိုးဇာတ်ကားထဲမယ် ခင်ခင်ထားက ငြိမ်းမောင်ကို ပြောတယ်။

ကလေးတွေကို ပျော်ခွင့်ပေးလိုက်ပါတဲ့…

ကျွန်တော်လည်း မြန်မာပြည်တွင်းနေထိုင်တော်မူကြပါပေထသော လှည်းနေ လှေအောင်း မြင်းစောင်းသာမက နန်းတော်ကြီးများအတွင်းမှာပါ နေထိုင်ကြသူ လူအားလုံးကို ပြောလိုက်ချင်ပါတယ်။

ဘာသာခြားတွေကို ပျော်ခွင့်ပေးလိုက်ပါလို့။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၂၆၁၂၁၇)

မှတ်ချက် – မနှစ်က ရေးဖြစ်ခဲ့တာလေးကို အခုမှ ပြန်တင်လိုက်တာပါ။ သည်နှစ်လည်း သည်လို ပွဲတော့ ရှိနေပါသေးရဲ့။

တန်လား

Image may contain: 5 people🤔🤔🤔🤔🤔

စာအုပ်မိတ်ဆက်ပွဲ

ကနေ့ သည်စာအုပ်ထဲက ဓာတ်ပုံတွေကို ရိုက်ခဲ့တဲ့ ဓာတ်ပုံဆရာထိန်ဝင်းရဲ့ မွေးနေ့ပါ။ သည်စာအုပ် မိတ်ဆက်ပွဲလည်း ဖြစ်ပါတယ်။

ဆရာထိန်ဝင်းနဲ့ သိကျွမ်းခင်မင်ခဲ့တာ ၂၈ နှစ်လောက် ရှိပါပြီ။ သူကလည်း ခွတီးခွကျ၊ ကျနော်ကလည်း ခွတီးခွတဆိုတော့ ပိုတည့်သလား မသိဘူးပေါ့လေ။

ထားပါတော့…

နားကြပ်ကို ပယ်၊ ကင်မရာကို လွယ်ခဲ့သူ

ပထမဆုံးက သူ့သတ္တိကို လေးစားတာပါ။ သူဟာ နှယ်နှယ်တော့ မဟုတ်ပါဘူး။ အိန္ဒိယနိုင်ငံ ဒါဂျီလင် (Darjeeling) မှာ ကျောင်းနေခဲ့ဖူးသူပါ။ (မင်းသား ညွန့်ဝင်းနဲ့ ဝင်းဗိုလ်တို့ညီအကိုလည်း အဲဒီ့မှာ ကျောင်းတက်ခဲ့ကြ ဖူးသူများပါပဲ။)

ဒါတင် ဘယ်ဟုတ်ပါဦးမလဲ၊ ဆေးကျောင်းလည်း တက်ခဲ့ဖူးပါတယ်။ ကနေ့ ဝန်ကြီး ဒေါက်တာဖေမြင့်၊ အခုစာအုပ်မိတ်ဆက်ပွဲမှာ အမှတ်တရစကား ပြောပေးသူ ဒေါက်တာ ငွေစိုး၊ နာမည်ကျော် ဆရာဝန်ကြီး ဒေါက်တာ ရဲမြတို့နဲ့ ခေတ်ပြိုင်လို့ ဆရာမောင်သွေးသစ်က ပြောသွားပါတယ်။

အဟဲ… ဒါပေမယ့် သူတို့ ခေတ်က ဆေးကျောင်းက မလွယ်ဘူးဗျ။ ကင်မရာဘက်ကို စိတ်သန်သွားတဲ့အတွက် ဆေးကျောင်းမှာ ၈ နှစ်နေခဲ့ပြီး ဆရာဝန်ဘွဲ့ကို မရယူနိုင်ခဲ့တဲ့ ဓာတ်ပုံဆရာကျော်ပါပဲ။

ကင်မရာမရှိပေမယ့် ထက်သန်တဲ့စိတ်ရှိလို့ ရလိုက်တဲ့ မှတ်တမ်း

ကနေ့မှ သိရတယ်။ သည် ၁၉၈၈ ခုနှစ်မယ် သူ့လက်ထဲ ကင်မရာ အပိုင် မရှိဘူး။ သူ့သူငယ်ချင်း စာပေဂျာနယ်အယ်ဒီတာ (ဆရာ) မောင်သွေးသစ်ရဲ့ ဂျာနယ်တိုက်က ယာရှီကာ ကင်မရာလေးကို ငှားရမ်းပြီး ၈၈ ကို မှတ်တမ်းတင်ခဲ့တာပါ။

အဲဒီ့ခေတ်က ကင်မရာကိုင်နိုင်ဖို့က ချမ်းသာဖို့လိုပါတယ်။ ဒစ်ဂျစ်တယ်ဆိုတာ အိပ်မက်ထဲတောင် မမက်ဖူးသေးတဲ့ ကာလပါ။ ဖလင်ကော်ပြားနဲ့ ရိုက်ခဲ့ရတဲ့ ကာလ။ ခုခေတ်လို ရိုက်ပြီး ချက်ချင်းလည်း ပြန်ကြည့်လို့ မရဘူး။ ကူးဆေးပြီးမှ ကိုယ့်ပုံထွက် ကိုယ်ပြန်ကြည့်နိုင်တဲ့ ဘဝ။

ဖလင်ဆိုတာက ဈေးကလည်း အကြီးသား။ တလိပ်ကို ၁၀၊ ၁၂ ကျပ်ပေးရတာ။ လဖက်ရည်တခွက် တကျပ်မပြည့်ချင်သေးတဲ့ ခေတ်မှာ ငွေ ၁၀ တန်ဖိုးကို တွက်သာ ကြည့်ပါတော့။

အဲဒါကို အိတ်စိုက်ပြီး သည်ပုံတွေ သူရိုက်ခဲ့ပါတယ်။ ကျနော်တို့မှာ ဖလင်တွေကို မပျက်စီးအောင် ထိန်းသိမ်းနိုင်တဲ့ နေရာ၊ လျှပ်စစ်မီး၊ ဘာညာ အခက်အခဲတွေက အများကြီးနဲ့ဆိုတော့ သူမူလရိုက်စဉ်က ရောင်စုံပုံ တချို့ဟာ အခုကျတော့ အဖြူအမည်းတွေနဲ့ ဖြစ်သွားပါတယ်။

ကံအားလျော်စွာ နိုင်ငံခြားသား သူ့မိတ်ဆွေတဦးက နောက်ပိုင်းမှာ သူ့ဖလင်တွေကို အနောက်နိုင်ငံ အယ်(မ်)စထာဒမ်က ပြတိုက်တခုမှာ သိမ်းဆည်း ပေးထားနိုင်ခဲ့ပါသတဲ့။

ဒါကြောင့် လွန်ခဲ့တဲ့ ၃၁ နှစ်က ဓာတ်ပုံမှတ်တမ်းဟာ စာအုပ်အဖြစ် ထွက်လာခဲ့ပါပြီ။

ဆရာမောင်သွေးသစ်ကတော့ သည်ပုံတွေ ဖြစ်မြောက်ရေးမှာ အဓိက အခန်းကဏ္ဍက ပါဝင်ခဲ့တာမို့ သူမိတ်ဆက်စကားပြောတာ စီကာပတ်ကုံးပါပဲ။ စိတ်ဝင်စားစရာကောင်းသလို ကျနော်တို့ မသိသေးတဲ့အချက်တွေလည်း ပါပါတယ်။

Image may contain: 7 people, including Aung Kyaw, Thiha Saw and Kyin Thein, people smiling, people standing and indoor
မတ်တတ်ရပ်နေသူများ ဝဲမှယာ (ထိုင်နေသူက ကျနော်)
ကျနော် မသိသူ၊ ဆရာသီဟစောလို့ ထင်ပါတယ်၊ ဆရာမျှားနီ၊ ဓာတ်ပုံဆရာထိန်ဝင်း၊ ပန်းပုဆရာ ဆန်နီငြိမ်း

ဆွမ်းခံရင်း ငှက်သင့်

ကျနော်က ဆရာထိန်ဝင်းကို လေးစားချစ်ခင်တယ်။ အထူးသဖြင့် ထင်ရာလုပ်ရဲတဲ့ သူ့သတ္တိကိုပေါ့။ နောက်တချက်က သူ့ရပ်တည်မှု။ သူ့အလုပ် သူ လုပ်တယ်။ ဘယ်ဘက်မှ မပင်းတတ်တဲ့သူလို့ မြင်မိရပါတယ်။ ခြေမ မကောင်း ခြေမ၊ လက်မ မကောင်း လက်မ စိတ်ထားတတ်သူလို့ မြင်တာမို့ သူ့ကို လေးစားတယ်။

ဒါ့ကြောင့် အိမ်တွင်းပုန်း ကျနော်ဟာ သိမ်ဖြူ စာအုပ်လမ်းမှာ ကျင်းပတဲ့ ကနေ့ပွဲကို မရောက်အရောက် သွားခဲ့ပါတယ်။

အဲဒီ့မှာ သွားတာပါပဲ။

ကျနော့်ကိုလည်း စကားပြောခိုင်းပါရောလား…

ဟား…

ဆရာကြီး သမ္ဘာကြီးတွေ အလယ်မှာ ကျနော် ကချိကချောက်က ဘာပြောရမှာတဲ့တုန်း။

ဒါပေမယ့် အလှည့်ကျ မနွဲ့စတမ်းပေါ့ဗျာ… ခိုင်းတော့လည်း လုပ်ရတာပ။

ဆို့နေတဲ့ အကြောင်း

ပြောလိုက်ပါတယ်။ သည်စာအုပ်ကလေး ထွက်လာတော့ ဝမ်းသာရင်းနဲ့ ရင်ထဲမှာ ဆို့နေတဲ့အကြောင်း။

ဆရာမောင်သွေးသစ် ပြောတဲ့အထဲမှာ ပါသွားတယ်။ ၈၈ အရေးတော်ပုံဟာ ၁၃၀၀ ပြည့် အရေးတော်ပုံထက် အဆများစွာ ကြီးတယ်လို့ ဦးနုက ပြောခဲ့ဖူးတဲ့အကြောင်းက တချက်ရယ်၊ နောက်တချက်က တကယ်တမ်း ဆရာထိန်ဝင်းရဲ့ ပုံတွေက ထောင်ကျော်ရှိပေမယ့် အနိဋ္ဌာရုံ ပုံတွေကို ချန်လှပ်ထားခဲ့တဲ့အကြောင်းရယ်ပါ။

မှန်ပါတယ်။ တပြည်လုံး မကြုံစဖူး ထူးထူးကဲကဲ စုစည်းခဲ့တဲ့ အရေးတော်ပုံကြီးဖြစ်ခဲ့တာ ၃၁ နှစ်ကျော်လာခဲ့ပါပြီ။

အနိဋ္ဌာရုံပုံတွေကို ချန်လှပ်ခဲ့လင့်ကစား ကျနော်တို့ အာရုံထဲမှာတော့ အဲဒီ့ အနိဋ္ဌာရုံတွေက ပြက်ပြက်ထင်ထင် ကျန်နေဆဲပါ။

၃၁ နှစ်…

သည်ကာလအတွင်း စတေးခဲ့ရတဲ့ အသက်တွေ၊ ထွက်ခဲ့ရတဲ့ သွေးတွေ၊ ပေးဆပ်ခဲ့ရတဲ့ လွတ်လပ်မှုတွေ၊ အချုပ်အနှောင်တွေ…

အဲဒီ့ နည်းပေါင်းစုံနဲ့ စတေးခဲ့ စွန့်စားခဲ့ တိုက်ပွဲဝင်ခဲ့သူတွေရဲ့ နောက်ကွယ်က မိသားစုတွေရဲ့ မျက်ရည်တွေ…

အဲဒီ့စတေးမှုတွေနဲ့ ထိုက်တန်တဲ့ အပြောင်းအလဲတခုကို ၃၁ နှစ်အကြာမှာ ကျနော်တို့ ရလာခဲ့ကြပြီလား…

အဲဒါကို တွေးမိရတဲ့အတွက် ရင်ထဲမှာ ဆို့နင့်နေတဲ့အကြောင်း ကျနော် ပြောဖြစ်ခဲ့ပါသဗျာ…

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၂၃၁၁၁၉)

အန္တရာယ်များတဲ့ လူ့ဘောင်

💣💣💣💣💣💣💣💣💣

သည်စာ ရေးဖြစ်စေဖို့ စေ့ဆော်တဲ့ အကြောင်း

မိတ်ဆွေ နှစ်ယောက် သုံးယောက်လောက်က လက်ဆင့်ကမ်းထားတဲ့ သတင်းတပုဒ်တွေ့လို့ သွားဖတ်ကြည့်မိခဲ့ပါတယ်။

လက်ဆင့်ကမ်းသူတွေက ခေါင်းစဉ်ကြောင့် လက်ဆင့်ကမ်းကြတယ်လို့ ထင်ပါတယ်။ ဟီးနေတဲ့ ခေါင်းစဉ်ကြီးက သည်လိုပါ။

“ပညာရှင်တွေ၊ တွေးခေါ်သူ ဉာဏ်ကြီးရှင်တွေ မရှိတဲ့ လူ့ဘောင် (နိုင်ငံ)ဟာ သိပ်ကို အန္တရာယ်များလှပါတယ်လို့ လူမှုဗေဒ ပညာရှင်က ဆို”တဲ့။

သတင်းဆောင်းပါးက မနှစ်က သတင်းဆောင်းပါးပါ။ The New Straits Times သတင်းစာမှာ ၂၀၁၈ ခုနှစ်၊ နိုဝင်ဘာလ ၄ ရက်နေ့က ဖော်ပြထားပါတယ်။ (https://bit.ly/2K8NZpX)

ပြောသူက စင်္ကာပူနိုင်ငံတော်တက္ကသိုလ်က လူမှုဗေဒ ပါမောက္ခ Dr Syed Farid Alatas ဖြစ်ပါတယ်။ ထင်ရှားသူ တယောက်က မလေးတွေဟာ စာပေဘာသာရပ်ကို အောင်လွယ်တာမို့ စိတ်ဝင်စားကြတယ်၊ တကယ်တမ်းမှာ အဲဒီ့ ကျောင်းသားတွေဟာ သိပ္ပံတို့ အင်ဂျင်နီယာဘာသာရပ်တို့ကို သင်သင့်တယ်လို့ ပြောလိုက်တဲ့အတွက် မလေးနိုင်ငံသား ပါမောက္ခလည်းဖြစ်၊ စာရေးဆရာလည်းဖြစ်တဲ့ ဒေါက်တာ အာလာတာ့(စ်)က သည်စကားကို ပြောခဲ့တာ ဖြစ်ပါတယ်။

သိပ္ပံပညာဆိုတာက တကယ့်အမှန်တရား ရှုထောင့်တချို့ကို သိပ္ပံနည်းကျကျ၊ စနစ်တကျ လေ့လာနိုင်စွမ်းတာမို့ သိပ္ပံသမားတွေ၊ အင်ဂျင်နီယာတွေ ကြီးစိုးတဲ့ လူ့ဘောင်မှာ အကျင့်သိက္ခာလမ်းညွှန်မရှိဘူး။ အမှားအမှန်၊ လူ့ကျင့်ဝတ်ညီ မညီ၊ အယုတ် အမြတ်ကို ဝေဖန်ပိုင်းခြားနိုင်အောင် သိပ္ပံက သင်မပေးနိုင်ဘူးလို့ သူက အတိအလင်းဆိုပါတယ်။

ဒဿနဆရာ၊ လူ့ကျင့်ဝတ်စနစ်၊ ဘာသာတရား၊ စာပေတို့ကသာ လူ့ကျင့်ဝတ်နဲ့ အညီ၊ အကျင့်သိက္ခာရှိရှိ နေတတ်ထိုင်တတ်အောင် သင်ကြားပေးနိုင်တယ်လို့ သူက ဆိုခဲ့ပါတယ်။

ထားပါတော့…

သူ့အဆို မှန်ကြောင်း အထင်ရှားဆုံး သက်သေ

“ပညာရှင်တွေ၊ တွေးခေါ်သူ ဉာဏ်ကြီးရှင်တွေ မရှိတဲ့ လူ့ဘောင် (နိုင်ငံ)ဟာ သိပ်ကို အန္တရာယ် များလှပါတယ်”ဆိုတဲ့ သူ့စကား မှန်မမှန်ကို အခု ကျနော်တို့ လက်တွေ့ မြင်နေကြရပါပြီ။

Image may contain: 2 people, people sittingအထင်ရှားဆုံး နမူနာက တရုတ်ပြည်မကြီးပါပဲ။ ကနေ့ မြန်မာနိုင်ငံအပါအဝင် ကမ္ဘာ့နိုင်ငံအသီးသီးကို အုံနဲ့ ကျင်းနဲ့ ဝင်လာကြတဲ့ တရုတ်ခရီးသွားတွေရဲ့ အမူအကျင့်တွေဟာ စိတ်ပျက်စရာ ကောင်းလောက်အောင် ဆိုးရွားလှတာကို ကြုံဖူးသူတွေ သိကြပါလိမ့်မယ်။ တကမ္ဘာလုံးလည်း အဲဒီ့ တရုတ်ခရီးသွားတွေရဲ့ ဒဏ်ကို အလူးအလဲ ခံနေကြရပါတယ်။

သူတို့မှာ အကျင့်သိက္ခာမရှိတာ၊ လူ့ကျင့်ဝတ်ကို နားမလည်တာ အသေအချာပါပဲ။ တန်းစီထားတဲ့ ကြားကို ပြောင်ပြောင်တင်းတင်း ဖြတ်ဝင်တာ၊ သူတပါး နေရာကို အတင်းဝင်လုတာ၊ တယောက်နဲ့ တယောက် ရန်ဖြစ်နေသလို အော်ကျယ်ဟစ်ကျယ် ပြောတာ၊ ကားတွေ ဥဒဟိုသွားနေတဲ့ လမ်းပေါ်မယ် ထင်သလို လျှောက်နေတာ၊ ဟိုတယ်တွေထဲမှာ ထင်သလို ချက်ပြုတ်စားသောက်ပြီး ထားချင်သလို ထားခဲ့တာမို့ ဟိုတယ်ခန်းတွေ ပြန်ပြင်ယူနေကြရတာ မကြားချင် မမြင်ချင့်အဆုံးပါပဲ။

ပြည်မကြီးက ပေါက်ဖော်တွေ

ကျနော် ပြောနေတာ တရုတ်လူမျိုးတမျိုးလုံးကို သိမ်းကြုံး ပြောနေတာ မဟုတ်ပါဘူး။ ပင်လယ်ရပ်ခြား ပေါက်ဖော်များက ယဉ်ကျေးကြပါတယ်။ လူလို နားလည်ကြပါတယ်။ စင်္ကာပူက ပေါက်ဖော်၊ အမေရိကန်နိုင်ငံက ပေါက်ဖော်၊ မလေးက ပေါက်ဖော်စတဲ့ ပြည်မကြီးက မဟုတ်သူ အများအပြားနဲ့ ကျနော် ကိုယ်တိုင် ဆက်ဆံဖူးပါတယ်။ အားလုံး တကယ့်ကို ဖွယ်ရာ ချေငံကြ၊ ယဉ်ကျေး ပျူငှာကြပါတယ်။

ပြည်မကြီးက ပေါက်ဖော်တွေသာ လူလို မသိတတ်ရှာကြတာပါ။

ဘာလို့လဲ

မော်စီတုံးရဲ့ ယဉ်ကျေးမှု တော်လှန်ရေး (၁၉၆၆-၁၉၇၆) က တရုတ်ယဉ်ကျေးမှု၊ အနုသုခုမ၊ စာပေကဗျာ အားလုံးကို ဖုတ်ကျည်းသင်္ဂြိုဟ်ပစ်ခဲ့ပါတယ်။

တကယ်တမ်းမှာ တရုတ်ယဉ်ကျေးမှုက အလွန်မြင့်၊ အလွန်စောပါတယ်။ သို့သော် အဲဒါတွေအားလုံးကို အမြစ်က လှန်ပြီး ဖြိုလှဲလိုက်တဲ့အခါ ပြည်မကြီးမှာ ယဉ်ကျေးမှုအမွေအနှစ်အနေနဲ့ နန်းတော်လောက်သာ ကျန်ပါတော့တယ်။ အတွေးအခေါ်၊ ဒဏ္ဍာရီ၊ ရာဇဝင်၊ ပုံပြင်၊ ရိုးရာ၊ စာပေ အားလုံးကို အစအနမကျန်အောင် ယဉ်ကျေးမှုတော်လှန်ရေးက ဖျက်ဆီးပစ်လိုက်ပါတယ်။

ပီကင်းကို ကိုယ်တိုင်ရောက်ခဲ့စဉ်က နိုင်ငံတော်ယဉ်ကျေးမှု ဌာနက ဧည့်ခံတဲ့ ပွဲကို အထူးတန်း ထိပ်ဆုံးနေရာက ကြည့်ခွင့်ရခဲ့ဖူးပါတယ်။ အမေရိကန် ကဇာတ်တခုကို တရုတ်ဘာသာနဲ့ ကြည့်နေရသလိုသာ ခံစားရပါတယ်။ ဘာ တရုတ်အငွေ့အသက်မှ မရှိတော့ပါဘူး။

ယဉ်ကျေးမှုတော်လှန်ရေးရဲ့ ကောင်းကျိုး ဆိုးကျိုး

ယဉ်ကျေးမှုတော်လှန်ရေးရဲ့ အကျိုးဆက်ကြောင့် တချိန်က ဆင်းရဲချမ်းသာ ကွာဟမှု တအားကြီးမားခဲ့တဲ့ တပြည်လုံး အနေနဲ့ကတော့ တအား ပြောင်းလဲသွားခဲ့တယ်။ အလုပ်လုပ်သူတိုင်း အကျိုးခံစားခွင့်ရရှိလာခဲ့ကြပြီး ကွာဟမှုက တအားကို ကျဉ်းမြောင်းသွားခဲ့တယ်။ ပြည်ကြီးတရုတ်တိုင်း လူလူသူသူ သုံးနိုင် စွဲနိုင် စားနိုင် သောက်နိုင်လာခဲ့တာမို့ တရုတ်တို့ရဲ့ ကွန်မြူနစ်စနစ်ဟာ အတိုင်းအတာတခုအထိ ခရီးပေါက်ခဲ့တယ်လို့ ဆိုနိုင်ပါလိမ့်မယ်။

ဒါပေမယ့် အဲဒီ့အတွက် စတေးလိုက်ရတာကတော့ လူစိတ်ပျောက်သွားတာပါပဲ။ ကွန်မြူနစ်ဝါဒဆိုတာ ရုပ်ဝါဒ။ တနည်းပြောရရင် ရုပ်ဝတ္ထုမှတပါး အခြားမရှိဆိုတဲ့ ရုပ်ဝတ္ထုကိုသာ ဘုရားမှတ်တဲ့ ဝါဒပါ။ အဲတော့ကာ ပြည်ကြီးနေ ပေါက်ဖော်တွေဟာ ငွေမှတပါး အခြား ဘာကိုမှ မမြင်တော့ပါဘူး။ ဆွေမျိုးလည်း အရေးမကြီး၊ မောင်နှမရင်းပင် ဖြစ်လင့်ကစား ကိုယ်လုပ်မှ ကိုယ်မော်နိုင်မှာဆိုတဲ့ စိတ်နဲ့ ရှေ့နောက် မကြည့်တော့ပါဘူး။

တရုတ်ပြည် ကိန်းဂဏန်း

လူဦးရေက သန်းပေါင်း တထောင့်လေးရာလောက် ရှိတဲ့ နိုင်ငံပါ။ တရုတ်နိုင်ငံသားတိုင်းဟာ ကျောင်းမှာ ကိုးနှစ် မတက်မနေရ တက်ကြရတယ်။ အခြေခံပညာပေါ့။ ၁၉၈၀ ပြည့်လွန်နှစ်တွေအထိ အထက်တန်းအောင်တဲ့ ကျောင်းသား ၂၀ % သာ တက္ကသိုလ် တက်ခဲ့ကြ၊ အဆင့်မြင့်ပညာ သင်ယူခဲ့ကြတယ်။ အများစုက သင်္ချာကိုသာ ဦးစားပေး သင်ယူခဲ့ကြတယ်။

၂၀၁၈ ခု ကိန်းဂဏန်းတွေအရ အသက် ၁၆ နှစ်အထက် လုပ်သားအင်အားစုက တရုတ်ပြည်မှာ ၈၀၆ သန်း၊ တနည်းဆိုရင် တပြည်လုံးလူဦးရေရဲ့ ထက်ဝက်ကျော် ဖြစ်ပါတယ်။

ကမ္ဘာအရပ်ရပ်က ခရီးသွားတွေကို ကြည့်လိုက်ရင် စာအုပ်နဲ့ မျက်နှာ မခွာတာကို တွေ့ရပါလိမ့်မယ်။ ပြည်မကြီးက ခရီးသွားတွေ စာအုပ်ဖတ်နေတာ ကျနော်ဖြင့် တခါဆို တခါဖူးမှ မတွေ့ဖူးပါဘူး။ စားမယ်၊ သောက်မယ်၊ အချင်းချင်း အော်ကြီးဟစ်ကျယ် ပြောဆိုနေကြမယ်၊ ဓာတ်ပုံတွေ ရိုက်မယ်ဆိုတာပဲ မြင်ရပါတယ်။

တရုတ်ပြည်မှာ တွေးခေါ်ပညာရှင်တွေ ရှိသလားဆိုရင် ရှိကောင်း ရှိနိုင်ပါတယ်။ ဒါပေမယ့် တပါတီအာဏာရှင် စနစ်အောက်မယ် တွေးခေါ်ရမှာမို့ သူတို့ရဲ့ အတွေးအမြင်တွေဟာ အကန့်အသတ်နဲ့သာ ဖြစ်နေနိုင်ပါတယ်။ လူထု တွေးတတ်မှာကိုလည်း ဘယ်အာဏာရှင်စနစ်မဆို မလိုလားတာလည်း အထင်အရှားပါ။

အခု ကမ္ဘာတဝှန်း တလွှားလွှား လာသွားနေကြသူ ပြည်မကြီးက ပေါက်ဖော်တွေဟာ ယဉ်ကျေးမှု တော်လှန်ရေးကာလနဲ့ အဲဒီ့နောက်ပိုင်း မွေးဖွားလာခဲ့ကြတဲ့သူတွေပါ။ သူတို့ကို ကြည့်လိုက်ရင်ပဲ စာအစမှာ ဆိုခဲ့တဲ့ အန္တရာယ်များတဲ့ နိုင်ငံသားတွေ ဖြစ်နေတာ ထင်ရှားလှပါတယ်။

တွေးမိတိုင်း မျက်ရည်လည်

ကျနော်တို့ လူ့ဘောင်ကရော သူတို့နဲ့ ဘယ်လောက် ကွာသလဲလို့ ဆင်ခြင်ဖို့ ကောင်းလာပါပြီ။ သေချာတာကတော့ ငါနဲ့မတူ ရန်သူထင်စွဲပြီး ဆဲချင်တိုင်း ဆဲလို့ ကောင်းနေသူတွေ၊ ရမ်းချင်တိုင်း ရမ်းနေသူတွေ အမြင်ရများလာတာပါပဲ။

ဟုတ်ကဲ့… ပညာရှင်တွေ၊ တွေးခေါ်သူ ဉာဏ်ကြီးရှင်တွေ မရှိတဲ့ လူ့ဘောင်(နိုင်ငံ)ဟာ သိပ်ကို အန္တရာယ်များတာတော့ အမှန်ပါပဲ။

သူများတိုင်းပြည်ကိုသာ ပြောနေမိတယ်… ကျနော်တို့ကရော အဖတ်ဆယ်နိုင်မယ့် အခြေအနေမှာ ရှိပါသေးရဲ့လား…

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၁၁၁၁၉)

ဓာတ်ပုံ အင်ထနက်

Photo credits: https://cnn.it/36RGpd5

အချစ်ကို ဦးစားပေးခဲ့လေသူတဦး

💔💔💔💔💔💔💔💔💔

နိဒါန်း

မိတ်ဆွေတယောက်ရဲ့ ကျေးဇူးကြောင့် ကျနော် သတိမထားမိလိုက်တဲ့ သတင်းရှည်ကြီးတပုဒ်ကို ဖတ်လိုက်ရပါတယ်။

မနှစ်က အောက်တိုဘာလ ၂ ရက်နေ့မယ် အသတ်ခံလိုက်ရ၊ အလောင်းဖျောက်ခံလိုက်ရတဲ့ ဆော်ဒီအာရေဗျနိုင်ငံသား အသက် ၆၀ အရွယ် သတင်းထောက်တယောက်ရဲ့ ဖြစ်စဉ်ပါ။ သူ့နာမည်က ဂျမား(လ်) ခါရှော်ဂီတဲ့။ ဂျမား(လ်)လို့ပဲ ဆက်ရေးသွားပါမယ်။

သတင်းဆောင်းပါးကြီးကတော့ အသေးစိတ်တွေနဲ့ သိပ်ကို ဝေဆာလွန်းလှပါတယ်။ ကမ္ဘာ့သတင်းဌာန အသီးသီး၊ သတင်းစာ အသီးသီးကလည်း သူအသတ်ခံရတာ တနှစ်ပြည့်ချိန်မယ် သည်သတင်းကို ဖော်ပြကြတယ်။ ဖော်ပြဆို သူ့ကို သတ်ဖြတ်မှုနဲ့ ပတ်သက်တဲ့ ကုလသမဂ္ဂအထူးစုံစမ်းစစ်ဆေးရေး ကော်မရှင်ရဲ့ အစီရင်ခံစာကလည်း ထွက်လာခဲ့ပြီကိုး။

ပြည်ပြေး

ဂျမား(လ်)ဟာ ဆော်ဒီ နန်းတွင်းမှာ ရာထူးကြီးကြီးနဲ့ တာဝန်ယူခဲ့ရဖူးတယ်။ အတွင်းသိပေါ့။ ဒါပေသည့် သူက မင်းလိုလိုက် မင်းကြိုက်ဆောင်မယ့်အစား သူ့နိုင်ငံတွင်းက မသမာမှုတွေကို ဖော်ထုတ်ရေးသားတတ်တဲ့ စာနယ်ဇင်းဆရာ၊ စာတည်း ဖြစ်တာမို့ သူ့ကို စာတည်းရာထူးက နှစ်ကြိမ်တိုင်တိုင် ထုတ်ပယ်ခဲ့ဖူးပါတယ်။

အခြေအနေ မလှမှန်း သိတဲ့ ဂျမား(လ်)က မိသားစုကို ထား၊ သူ့ဇနီးနဲ့ ကွာရှင်းကာ မိခင်နိုင်ငံကနေ ထွက်လာပြီး အမေရိကန်မှာ ပြောင်းရွှေ့နေထိုင်ခဲ့တယ်။ အဖမ်း ခံရတော့မယ်ဆိုတာကို သိနေလို့ပါ။ ဇနီးကို ကွာရှင်းလိုက်ရတာကလည်း အစိုးရက သူ့ဇနီးကို အတင်း ဖိအားပေးနေခဲ့လို့ပါပဲ။

Image may contain: 2 people, people smiling, eyeglasses, tree, hat, beard, outdoor and closeup

အပြင်ကနေလည်း သူ့တိုင်းပြည်သတင်းတွေ ရေးခဲ့တယ်။ အမေရိကန်နိုင်ငံ ဝါရှင်ထန်ပို့(စ်)သတင်းစာမှာ အလုပ်လုပ်နေခဲ့တဲ့အပြင် ကနေဒါနိုင်ငံမှာ ရှိနေတဲ့ သူ့နိုင်ငံသား လူငယ်တဦးနဲ့ ပူးပေါင်းပြီး အစိုးရဆန့်ကျင်ရေး ကိစ္စတွေမှာ ပါဝင်ပတ်သက်နေခဲ့ပါတယ်။

တိုးတက်နည်းပညာ လန့်စရာ

ခက်တာက ဆော်ဒီအိမ်ရှေ့မင်းသားက ခြေတံလက်တံရှည်တယ်။ ပိုက်ဆံလည်း ပေါတော့ သူတို့ချင်း ချိတ်ဆက် ပြောဆိုနေသမျှ ဖုန်းပြောတာတွေ၊ စာတိုပို့တာတွေကို ဖြတ်ခိုးနိုင်တဲ့ နည်းပညာအကူအညီကို ရယူနိုင်ခဲ့လေတယ်။ ဂျမား(လ်)ကို ဆော်ဒီပြန်လာဖို့ နည်းမျိုးစုံနဲ့ ဖျားယောင်းခဲ့သေးပေမယ့် သူ့ပြည်အကြောင်း သူသိတော့ ငြင်းတယ်။ ပြန်တာနဲ့ သူ့ကို ထောင်ထဲ ထည့်မှာပဲလို့ ကြိုတွက်နိုင်နေတာကိုး။

ဂျမား(လ်)ရဲ့ မဟာအမှားကတော့ တူရကီနိုင်ငံမှာ နေထိုင်တဲ့ အသက် ၃၅ နှစ်အရွယ် အမျိုးသမီးတယောက်ကို ကြွေသွားတာပါပဲ။ အဲဒီ့မိန်းမနဲ့ ယူမယ်လုပ်တော့ တူရကီဥပဒေအရ ဂျမား(လ်)ဟာ သူ့ဇနီးနဲ့ တရားဝင် ကွာရှင်းပြီး ဖြစ်ကြောင်း တရားဝင် အထောက်အထားလိုလာတယ်။ အဲဒီ့မှာတင် ဂျမား(လ်)က တူရကီက ဆော်ဒီ ကောင်စစ်ဝန်ရုံးကို သွားပြီး တရားဝင် စာရွက်စာတမ်းတောင်းတာပေါ့။

သတ်သတ် ထစ်ထစ်

ပေးမယ်ဆိုပြီး ကောင်စစ်ဝန်ရုံးက ချိန်းလိုက်တယ်။ ချိန်းတဲ့နေ့ အောက်တိုဘာ ၂ ရက်မှာတော့ ဂျမား(လ်)ကို သတ်မယ့် လက်မရွံ့အဖွဲ့က ဆော်ဒီကနေ ရောက်လာပြီး အသင့်စောင့်နေတယ်။ အတိုချုံ့လိုက်ရင်တော့ ဂျမား(လ်)ကို အဲဒီ့နေ့ နေ့ခင်း တနာရီသာသာမှာ ခေါင်းကို ပလတ်စတစ်အိတ်စွပ်ပြီး သတ်ဖြတ်လိုက်ကြတယ်။ သူ့ကိုယ်ခန္ဓာကို တစစီ ခုတ်ထစ်ပြီး ပလတ်စတစ်အိတ်နဲ့ ထုတ်၊ ကောင်စစ်ဝန်ရဲ့ အိမ်ကို ခေါ်သွား။ အဲဒီ့ကိုယ်အင်္ဂါအစိတ်အပိုင်းတွေကို ရေတိုင်ကီထဲထည့် မီးရှို့အလောင်းဖျောက်လိုက်ပါတော့တယ်။

ကောင်စစ်ဝန်ရုံးအပြင်မှာတော့ ဂျမား(လ်)နဲ့ လက်ဆက်မယ့် အမျိုးသမီးက စောင့်နေတယ်။ အချိန်တန်သည်အထိ ထွက်မလာလို့ ဟိုဟိုသည်သည် ဆက်သွယ်တော့မှ သည်အမှုက လူသိရှင်ကြားဖြစ်လာတယ်။

ငြင်းကြည့်ဦးမယ်လေ

ပထမတော့ ဆော်ဒီအစိုးရက ငြင်းပါတယ်။ ဂျမား(လ်) ကောင်စစ်ဝန်ရုံးက ပြန်သွားပါတယ်ပေါ့။ ခက်တာက စီစီတီဗှီ ခေတ်ကြီးဖြစ်နေတော့ တူရကီအစိုးရရဲ့ စီစီတီဗှီမှတ်တမ်းမှာ ဂျမား(လ်) ကောင်စစ်ဝန်ရုံးထဲ အဝင်ကိုသာ တွေ့ရပြီး ပြန်ထွက်လာတာကို လုံးဝ မတွေ့ရတာပါပဲ။

တဖက်ကလည်း တူရကီ ထောက်လှမ်းရေးက ကောင်စစ်ဝန်ရုံးထဲက စကားသံတွေကို အသံဖမ်းထားနိုင်ခဲ့တယ်။ ဂျမား(လ်)ကို သတ်ဖြတ်သံ၊ ဂျမား(လ်)ရဲ့ နောက်ဆုံးအသံတွေအထိ အကုန်ဖမ်းထားနိုင်ခဲ့ပါတယ်။ အဲဒါတွေကို ကုလ စုံစမ်းစစ်ဆေးရေးအဖွဲ့နဲ့ကျမှ ပြန်ဖွင့်ပြခဲ့ပါတယ်။ စုစုပေါင်း ၄၅ မိနစ်စာတောင် ရှိတယ်ဆိုပဲ။

အထောက်အထားတွေအရ ဆော်ဒီအိမ်ရှေ့မင်းသားရဲ့ အမိန့်အရ လုပ်တယ်လို့ ယူဆစရာတွေ ရှိနေပေမယ့် မင်းသားက ပထမ ငြင်းတယ်။ နောက်ကျတော့ သတ်ဖြတ်ခဲ့တယ်လို့ ဝန်ခံပြန်တယ်။ ဒါပေသည့် သူအမိန့်ပေးတာ မဟုတ်ဘူး။ တူရကီထဲ အဲဒီ့အချိန်မှာ ရောက်နေခဲ့တဲ့ လက်မရွံ့အဖွဲ့က လုပ်တာမို့ အဲဒီ့လူတွေကို အရေးယူမယ်၊ ဘာမယ်ပေါ့။ နောက်ပိုင်းမှာ သူကတော့ နိုင်ငံ့ဥသျှောင်မို့ သည်အမှုအတွက် တာဝန်ရှိပါတယ်၊ သို့သော် သူ အမိန့်ပေးတာမဟုတ်ဘူးလို့ပဲ တွင်တွင် ဘူးခံနေခဲ့တာ ကနေ့အထိပါပဲ။ လက်တွေ့မှာ ဘယ်သူ့ကိုမှလည်း အရေးမယူခဲ့ပါဘူး။

ရှုပ်နေတာပဲ

ထူးခြားတာက တကမ္ဘာလုံးက သည်အမှုကို ရှုံ့ချပြောဆိုနေချိန်မှာ အမေရိကန် သမ္မတကျော် ထရမ့်(ပ်)က ရေငုံနေပါတယ်။ ရေငုံဆို ထရမ့်(ပ်)သားမက်က ဆော်ဒီမင်းသားနဲ့ အဖွဲ့ကျတာကိုး။ သူ့ပုဂ္ဂလိက အကျိုးစီးပွားတွေလည်း ရှိနေတာကိုး။

ပြောမယ်ဆိုရင် အများကြီး ကျန်ပါသေးတယ်။ ဆစ်လစ်ခန်တောင်ကြားက ဆော်ဒီရဲ့ ရင်းနှီးမြှုပ်နှံမှုတွေလည်း ပါတယ်။

ခံနေရတဲ့ သတင်းသမားတွေ

သေချာတာကတော့ သတင်းသမား လုပ်ရတဲ့ ဘဝဟာ မလွယ်ပါဘူး။ နယ်စည်းမခြား သတင်းသမားအဖွဲ့ရဲ့ အဆိုအရ ၂၀၁၈ ခုနှစ်အတွင်း တကမ္ဘာလုံးမှာ သတင်းသမား ၈၀ အသတ်ခံခဲ့ရတယ်၊ ၃၄၈ ယောက်က ထောင်ထဲရောက်နေကြတယ်၊ ၆၀ ကတော့ ဓားစာခံအဖြစ် ထိန်းသိမ်းထားတာ ခံနေကြရပါတယ်။ အဓိကကတော့ အရှေ့ အလယ်ပိုင်းဒေသက နိုင်ငံတွေမှာ အဖြစ်များတာပေါ့။ လွတ်လပ်စွာ ပြောဆိုခွင်ရှိလေတဲ့ နိုင်ငံတွေမှ မဟုတ်တာလေ။

စက်ဆုပ်စရာ ထိုအာဏာ

အာဏာဟာ လူကို ပျက်စီးစေတတ်တယ်၊ အကြွင်းမဲ့ အာဏာဟာ အကြွင်းမဲ့ ပျက်စီးစေတတ်တယ်လို့ ၁၉၈၈ ကာလတို သမ္မတ ဒေါက်တာမောင်မောင်က တိုင်းပြည်ကို မိန့်ခွန်း ပြောရာမှာ ထည့်ပြောသွားခဲ့ပါတယ်။ (အမှန်တော့ သူ့ကိုယ်ပိုင် သြဝါဒတော့ မဟုတ်ပါဘူး။ John Dalberg-Acton ဆိုတဲ့ ဗြိတိသျှ သမိုင်းဆရာ၊ စာရေးဆရာ၊ နိုင်ငံရေးသမားရဲ့ ကမ္ဘာကျော် အဆိုအမိန့်ကို လှလှပပလေး ဘာသာပြန်ထားတာပါ။)

လူ့သမိုင်းစဉ်တလျှောက်လုံးမှာ အာဏာကြောင့် လူတွေဟာ မလုပ်သင့်တာတွေ လုပ်ကြသလို လူမဆန်တဲ့ လုပ်ရပ်တွေကိုလည်း ကျူးလွန်ပြခဲ့တာတွေနဲ့ ပြည့်နှက်နေပါတယ်။ တကမ္ဘာလုံးမှာပါပဲ။

အခု ဂျမား(လ်)ရဲ့ ဇာတ်သိမ်းအပါအဝင် သတင်းသမားတွေ ဒုက္ခခံရမှု အစုစုကိုလည်း သတ္တုချလိုက်မယ်ဆိုရင် အာဏာနဲ့ တိုက်ရိုက်ပတ်သက်နေပြန်တယ်။ တော်တော်တော့ သံဝေဂ ယူစရာ ကောင်းတဲ့ ဖြစ်ရပ်တွေပါပဲ။

ဂျမား(လ်)ရဲ့ ဖြစ်ရပ်မှာဆိုရင်လည်းပဲ အစိုးရတချို့ကလွဲရင် အများစုက ကိုယ်နဲ့ မဆိုင်သလို နေနေကြပါတယ်။ ကျနော်ဆိုလည်း မိတ်ဆွေကသာ လက်ဆင့်မကမ်းရင် သည်အဖြစ်ကို သိမှာ မဟုတ်သလို ဂျမား(လ်)ဆိုတာကို ကြားတောင် ကြားဖူးမှာ မဟုတ်ပါဘူး။

မိတ်ဆွေရဲ့ ကျေးဇူးကြောင့် ဖတ်မိတဲ့အခါ ရင်ထဲမှာ မကောင်းဖြစ်ရတယ်။ သံဝေဂလည်း ယူမိတယ်။ တဆက်တည်းမှာပဲ အာဏာဆိုတာကြီးကိုလည်း မစင်ဘင်ပုပ်လို စက်ဆုပ်ခြင်း ကြီးစွာ ဖြစ်ရပါတယ်။

ကျနော်တို့ ယောက်ျားတွေများ

နောက်ထပ် သံဝေဂတခုတော့ ဂျမား(လ်)ရဲ့ မွှန်စိတ်ကိုပါပဲ။ သူ့ခမျာ မဘက်လိုက်တော့ မိုက်ဘက်ပါသလို ဖြစ်သွားခဲ့ရတယ်လို့လည်း တွေးနေမိရပါတယ်။ ဘာဖြစ်တုန်းဗျာ၊ အဲဒီ့ အမျိုးသမီးကို အမေရိကန် ခေါ်သွား၊ ဟိုမှာပဲ သည်တိုင်း အတူနေလိုက်ပေါ့။ ဘာခက်လို့တုံး။

ဒါပေမယ့် သူသည် ဆော်ဒီနိုင်ငံသား၊ အစ္စလာ(မ်)အယူနဲ့။ ဟိုအမျိုးသမီးကလည်း သူနဲ့ ဘာသာတူ။ အဲတော့ သူတို့က တရားဝင်ပေါင်းသင်းရေးကို ဦးစားပေးတယ်။ သည်မှာတင် ဂျမား(လ်)လည်း အသက်ပေးလိုက်ရတော့တာပါပဲလို့သာ သုံးသပ်မိသွားရပြန်ပါတယ်။

ကျနော်တို့ ယောက်ျားတွေ သတိထားသင့်တဲ့ အချက်တချက်ပေါ့လေ။ ကျနော်တို့ရဲ့ ချစ်စိတ်၊ မွှန်စိတ်တွေက ကျနော်တို့ အသက်ဇီဝိန်ကိုပါ ခြွေပစ်နိုင်ကြောင်း ဂျမား(လ်)က သတိပေးသွားတာလေးပါ မြင်လိုက်မိရပါတယ်။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၀၇၁၀၁၉)

အကိုးအကားတွေကတော့ တပုံတပင်ပါ။ အဲဒီ့ထဲက နောက်ဆုံး အကိုးအကား အနည်းအပါးကိုပဲ စာရင်းပြပေးလိုက်ပါတယ်။ ဝါသနာပါလို့ ရှာဖွေ ဖတ်ရှုချင်ရင်တော့ Jamal Khashoggi ဆိုပြီး ဂူဂယ်(လ်)မှာ ရိုက်ထည့် ရှာဖွေလိုက်မယ်ဆို အတောမသတ်အောင် ဖတ်စရာတွေ တပုံတပင် ရှိပါတယ်။
https://bit.ly/2VrzfHe (ဖော်ပြပါပုံကို သည်က ယူထားပါတယ်။)
https://lat.ms/2ARg4wN
https://bit.ly/2Oq9aGU

ပယ်သင့်တဲ့ ရှေးထုံးတွေ

No photo description available.ကြည်ညိုလိုက်တာဗျာ… လောကနီတိဆိုတာကြီးကို ရေးခဲ့တဲ့ ပုတ်ကိုယ်ဂျီးဒေဂို။

ကြည့်ရတာ အဲဒါရေးတဲ့သူတွေဟာ သူတို့မအေတွေကို မစာနာ မထောက်ထားတတ်ရှာကြသူတွေ၊ ဒါမှမဟုတ်လည်း သူတို့မအေတွေက လော်လီဖောက်ပြား တွေ့ကရာလူနဲ့ မှောက်မှားဖူးတာမို့ မအေကို စိတ်နာနေသူတွေများ ဖြစ်လေမလားလို့တောင် တွေးမိလာရသဗျ။ အဟုတ်…

ဘယ့်နှယ်…အခန်း ၅ – ဣတ္ထိကဏ္ဍ တခုလုံးမှာ ယောက်ျားဘက်က အသာတွေချည်း လှိမ့်ရေးထားတာများ။ တခုချင်းသာ ဖတ်ကြည့်ကြပါတော့ဗျာ။

သဘောအကျဆုံးကတော့ အကြင်မိန်းမသည်… လင်ကို လုပ်ကျွေးပြုစုရာ၌ ကျွန်မကဲ့သို့ ရိုသေစွာပြုတတ်လျှင်… `ရုပ်ဆင်းအင်္ဂါ တင့်တယ်စွာ ပြုပြင်တတ်လျှင်၊ အမျက်ထွက်သောအခါ၌ သည်းခံတတ်လျှင် မိန်းမမြတ်ဟု ဆိုအပ်၏ ဆိုပဲ။

အမယ်မင်း… ယောက်ျားရဲ့ ကျွန်လိုနေပေးမှ မိန်းမမြတ်လို့ ဆိုရမယ်တဲ့။ အတွေးအခေါ် မျှတကြပုံပြောပါတယ်။ အဲလို မျှတတဲ့ စိတ်ထားနဲ့ သူတို့က လောကကြီးကို လမ်းညွှန်နေမှတော့ သိပ်ကို အားကိုးထိုက်ပေတာပေါ့နော်။

ကျက်သရေတုံးချက်တွေကို တချက်ချင်း ဖတ်ကြည့်ကြပါဦး။

၈၂။ ဥဩငှက်တို့၏အလှကား အသံ၊ မိန်းမတို့၏အလှကား လင်ယောက်ျားကို မြတ်နိုးခြင်း၊

၈၃။ မိန်းမတို့၏ဥစ္စာကား အဆင်းတည်း၊ ယောက်ျားတို့၏ဥစ္စာကား အတတ်ပညာတည်း၊

၈၄။ ယောက်ျားတို့သည် အတတ်ပညာရှိမှသာ တင့်တယ်၏။ မိန်းမတို့သည် လင်ယောက်ျားရှိမှသာ တင့်တယ်၏။

၈၅။ တတ်လှစွာသော စောင်းသမားသည် စောင်းနှင့်ငါးရက် ကင်းကွာမူ စောင်းတီးကွက် ပျက်တတ်၏။ အိမ်သူမယားကောင်းသည် လင်နှင့်တစ်လကင်းကွာမူ အမူအကျင့်ေ ဖာက်ပြားတတ်၏။

၈၆။ ကျွဲသည် ညွှန်၌သာ မွေ့လျော်၏။ မိန်းမသည် ယောက်ျား၌သာ မွေ့လျော်၏။

၈၇။ ထမင်းကို အစာကြေမှ ချီးမွမ်းရာ၏။ မယားကို အရွယ်လွန်မှ ချီးမွမ်းရာ၏

၈၈။ နှစ်လင် သုံးလင်ပြောင်းသော မိန်းမ၊ နှစ်ကျောင်း – သုံးကျောင်း ပြောင်းသောရဟန်း၊ နှစ်ကြိမ် သုံးကြိမ် ကျော့ကွင်းမှ လွတ်ဖူးသောငှက်၊ ဤသူတို့ကား မာယာများတတ်၏။

၈၉။ ဆိုးသွမ်းယုတ်မာသူကို ရိုက်ပုတ်ဒဏ်ခတ်ခြင်းဖြင့် ယဉ်ပါးစေနိုင်၏။ မကောင်းသော အဆွေခင်ပွန်းကို အဆက်အဆံမပြုလုပ်ဘဲ နေခြင်းဖြင့် ယဉ်ပါးစေနိုင်၏။ မကောင်းသောမယားကို ငွေကြေးဥစ္စာမအပ်နှင်းခြင်းဖြင့် ယဉ်ပါးစေနိုင်၏။

၉၀။ လရောင်မှ ကင်းသောညသည် မတင့်တယ်။ လှိုင်းတံပိုးမှကင်းသော သမုဒ္ဒရာသည် မတင့်တယ်။ ဟင်္သာမှ ကင်းသော ရေကန်သည် မတင့်တယ်။ လင်မှကင်းသော သတို့သမီးသည် မတင့်တယ်။

၉၁။ လင်ယောက်ျားသည် စည်းစိမ်ဥစ္စာကို ရှာဖွေတိုးပွားစေရာ၏။ မယားမူကား ရှာဖွေ ရရှိပြီးသော စည်းစိမ် ဥစ္စာကို ကောင်းစွာ စုဆောင်းသိုမှီးသုံးစွဲရာ၏။ အပ်သွားရာ အပ်ချည်ပါရသကဲ့သို့တည်း။

၉၂။ ခပ်သိမ်းသော မြစ်တို့သည် ကောက်ကွေ့မြဲဖြစ်၏။ ခပ်သိမ်းသော တောတို့သည် သစ်ချည်းသာ ဖြစ်ကုန်၏။ မ်ိန်းမတို့သည်လည်း ဆိတ်ကွယ်ရာ အရပ်၌ မကောင်းမှုကို ပြုမြဲတည်း။

၉၃။ ငြင်းခုံတတ်သည့်အလေ့ရှိသော၊ြ ငူစူစောင်းမြောင်းပြောဆိုလေ့ရှိသော၊ မြင်မြင်သမျှကို လိုချင်တပ်မက် လေ့ရှိသော၊ များစွာ ချက်ပြုတ်၍စားတတ်သော၊ လင်ယောကျာ်းမစားမီ အဦးအဖျား စားတတ်သော၊ သူတစ်ပါး၏အိမ်သို့ သွားတတ်နေတတ်သည့်အလေ့ရှိသော မိန်းမမျိုးကို သားတစ်ရာပင် ရငြားသော်လည်း လင်ယောကျာ်းသည် စွန့်ပစ်ရာ၏။

၉၄။ အကြင်မိန်းမသည် စားမှု ဝတ်မှုတို့၌ မိခင်ကဲ့သို့ နှစ်သက်ဖွယ် ပြုတတ်လျှင်၊ မမြင်အပ်ရာ၊ ရှက်ဖွယ်ရာ အမှုကိစ္စတို့၌ နှမကဲ့သို့ လွန်စွာရှက်တတ်လျှင်၊ လင်ကို လုပ်ကျွေးပြုစုရာ၌ ကျွန်မကဲ့သို့ ရိုသေစွာပြုတတ်လျှင်၊ ဘေးရောက်သောအခါ တိုင်ပင်ဖော်တိုင်ပင်ဖက် ရလျှင်၊ အိပ်သောအခါ မွေ့လျော်စေတတ်လျှင်၊ ရုပ်ဆင်းအင်္ဂါ တင့်တယ်စွာ ပြုပြင်တတ်လျှင်၊ အမျက်ထွက်သောအခါ၌ သည်းခံတတ်လျှင် မိန်းမမြတ်ဟု ဆိုအပ်၏။

၉၅။ ယောကျာ်းဘဝကို ရလိုသော မိန်းမသည် မိမိ၏လင်ယောကျာ်းကို ကောင်းမွန်ရိုသေစွာ လုပ်ကျွေးပြုစုရာ၏။

မနေ့က ပြောခဲ့တဲ့ ပညာတတ်နဲ့ သင်တာတတ်ကြားမှာ ခွဲခြားရာမှာလည်း ဒါမျိုးတွေကို လက်ခံခြင်း မခံခြင်းနဲ့ ပိုင်းဖြတ်နိုင်မယ် ထင်ပါတယ်။

အားလုံးတွေးဆဆင်ခြင်ကြည့်နိုင်ကြပါစေ

အတ္တကျော်

(၀၄၁၀၁၉)

ပညာတတ်နဲ့ သင်တာတတ်

👩‍🏫👨‍🏫👩‍🏫👨‍🏫👩‍🏫👨‍🏫👩‍🏫👨‍🏫

ကနေ့ ဝက်သားလည်း စား၊ ဟာလာ မဟုတ်တာလည်း စားပါတယ်၊ ကျန်းမာရေးအတွက် နီရဲရဲအသားတွေတော့ မစားပါဘူးဆိုတဲ့ အသက် ၄၀ အရွယ် အစ္စလာ(မ်)ဘာသာဝင် အမျိုးသမီးတယောက်နဲ့ တအံ့တသြ ဆုံခွင့်ကြုံလိုက်ပါတယ်။

ပြည်တွင်းဗျစ် အစ္စလာ(မ်)ဘာသာဝင် မဟုတ်ပါဘူး။ အစ္စလာ(မ်)ဘာသာဝင် ၉၀ % ကျော် ရှိတဲ့ နိုင်ငံရဲ့ နိုင်ငံသူပါ။

အင်္ဂလိပ်လိုလည်း မွှတ်နေအောင် ပြောနိုင်ပါတယ်။ မေးကြည့်တော့ သူက အသုံးချ ရူပဗေဒနဲ့ ဘွဲ့ရထားသူ။

ဟား…

အရမ်းလေးဇားတွားဒယ်… အင်ထာနက်ရှင်နယ်(လ်) ဂလိုဘယ်(လ်) ပရိုဂရက်ဆစ်(ဖှ်) အစ္စလားမစ်(ခ်)လေဒီပဲ။

တကယ်တော့ ပညာတွေ သင်တယ်ဆိုတာ ဘွဲ့စက္ကူကောက်ဖို့ မဟုတ်ပါဘူး။ ကိုယ်ပိုင်ဉာဏ်ကို ထုတ်တတ်လာဖို့ပဲလို့ နားလည်ပါတယ်။ မေးခွန်းထုတ်တတ်လာဖို့လို့လည်း နားလည်မိပါတယ်။

ရိုးရာတွေ၊ အစဉ်အလာတွေ၊ မိရိုးဖလာတွေကို မေးခွန်းထုတ်၊ ကိုယ်ပိုင်ဉာဏ်နဲ့ ဆင်ခြင်၊ ပယ်သင့်တာ ပယ်၊ ယူသင့်တာယူမှ ဉာဏ်ပညာရှိတဲ့ ပညာတတ်ဖြစ်မှာပါ။

မဟုတ်လို့ကတော့ ပညာတတ်မဟုတ်ပဲ သင်တာသာသိတဲ့ သင်တာတတ် ကြက်တူရွေးတွေသာ ဖြစ်နေကြပါလိမ့်မယ်။

သူ့အကြောင်း ခုလို ရေးမယ်လုပ်တော့ အင်ထနက်ထဲမယ် ပုံရှာလိုက်တဲ့အခါ ပူးတွဲပါ ပုံလေးကို ရလိုက်ပါတယ်။ သဘောကျလိုက်တာ။

No photo description available.

“ကိုယ့်စိတ်ကို ကျွန်အဖြစ် မခံပါနဲ့…”လို့ ဘာသာပြန်ရင် သင့်လေမလားပဲနော်…

ဟုတ်တာပေါ့။ ပညာသင်တယ်၊ ပညာဆည်းပူးတယ်ဆိုတာ ကိုယ့်စိတ်ကို အစဉ်အလာ၊ ရိုးရာ၊ မိရိုးဖလာအပါအဝင် တခုခု၊ တစုံတယောက်ရဲ့ လက်အောက်ခံဘဝက လွတ်မြောက်အောင်ဆိုတဲ့ ရည်ရွယ်ချက်ကလေး ပါမှ သင့်လျော်မှန်ကန်မှာပါ။

အင်း… ကျနော်ရူးလို့ပြောမိသွားတာပါ။

ကျနော်တို့ ရွှေပြည်ကြီးမှာတော့ သင်တာတောင် ဟုတ္တိပတ္တိ မတတ်ရှာတဲ့ ကြက်တူရွေးတွေက အများစု ဖြစ်နေလေတော့ကာ ကိုယ့်စိတ်နှလုံးဟာ တခုခု တစုံတရာရဲ့ လက်အောက်ခံဖြစ်နေမှန်းကို မသိရှာကြတာလည်း ဟုတ်ကဲ့… ရှောင်လွှဲမရ ဒုလ္လဘပေါ့လေ…

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(၀၃၁၀၁၉)

၂၀၁၉ အောက်တိုဘာ ၁ ရက် အမှတ်တရ

💻💻💻💻💻💻💻💻💻💻💻💻

ကုတ်၊ ကုတ်၊ ကုတ်

၁၉၈၈ နှစ်ကုန်ပိုင်းက စပြီး ကွန်ပျူတာကို ပိုင်ပိုင်နိုင်နိုင် စတင် ကိုင်တွယ် သုံးစွဲခဲ့ပါတယ်။ ကွာလာလမ်ပူ၊ ဟောင်ကောင်တို့မှာလည်း ကွန်ပျူတာ ကွန်ရက်ဆက်သွယ်ရေး သင်တန်းတွေ တက်ခဲ့ဖူးပါတယ်။

၁၉၈၈ မှာ မြန်မာစာလုံးဆိုတာ အိပ်မက်တောင် မမက်ကြသေးတဲ့အချိန်ပါ။ ကွန်ပျူတာကို ကျယ်ကျယ်ပြန့်ပြန့် မသုံးနိုင်ကြသေးတဲ့ကာလ။

ကျနော် သိသလောက် စာလုံးပုံစံတွေက အင်္ဂလိပ်စာမှာကို အများကြီးပါ။ မူလက အဲဒီ့စာလုံးတွေကို အက်(စ်)ခီးကုတ်လို့ အဲဒီ့အချိန်က လူသိများတဲ့ ASCII Code ကို အခြေခံပြီး ဖန်တီးခဲ့ကြတာပါ။

အများနားလည်အောင် ပြောရရင် ကွန်ပျူတာမှာ စာတွေ၊ ရုပ်သေရုပ်ရှင်တွေ၊ အတွက်အချက်တွေသာ လုပ်နေကြတယ်။ တကယ်တမ်းမှာ ကွန်ပျူတာက ဂဏန်းတွေကိုသာ သိပါတယ်။ ကျန်တာတွေကို မသိပါဘူး။

အဲတော့ စာလုံးတွေကို ဂဏန်းအမှတ်အသားတွေနဲ့ ကုတ် (code) ဆိုတဲ့ ဝှက်စာနဲ့ ကွန်ပျူတာအစီအစဉ်မှာ မှတ်သားခိုင်းထားတယ်။ အဲဒီ့ဂဏန်းတွေကို ပုံဖော်ယူလိုက်တဲ့အခါ စာလုံးတွေဖြစ်လာတယ်။ ပုံတွေလည်း အတူတူပါပဲ။

Image may contain: text

ဥနီမကုတ်ကြခင်

မူလက အက်(စ်)ခီးကိုပဲ သုံးခဲ့ကြတယ်။ အက်(စ်)ခီးက 8 bit ပဲ သုံးနိုင်တယ်။ ဂဏန်းနဲ့ ပြောရင် သုညက ၂၅၅ အထိပဲ သိုလှောင်မှတ်သားထားနိုင်တယ်။ အဲတော့ အကန့်အသတ်နဲ့ ဖြစ်နေတယ်။

သည်မှာတင် ကြံဆကြတဲ့အခါ universal character-encoding standard ဆိုတာကို ရလာပါတယ်။ အတိုကောက်က ဥနီကုတ်ပေါ့။ သူကတော့ 32 bit အထိ သုံးနိုင်လာတယ်။ ထောင်ချီ သိုလှောင်မှတ်သားထားနိုင်လာတဲ့အပြင် 8, 16, 32 bit တွေကြားမှာ လှည့်သုံးလို့ရသွားတဲ့ စနစ်ဖြစ်တာကြောင့် bit points သန်းချီပြီးတောင် ရလာပါတယ်။ အရပ်စကားနဲ့ ပြောရင် သိုလှောင်သိမ်းဆည်းနိုင်တဲ့ ကိန်းဂဏန်းပမာဏက အဆမတန် များသွားပါပြီ။

ဥနီကုတ်ရဲ့ ပထမဆုံးမူဖြစ်တဲ့ ဥနီကုတ် ၁.၀.၀ ဟာ ၁၉၉၁ ခုနှစ် အောက်တိုဘာမှာ စတင်ပေါ်ပေါက်လာပါတော့တယ်။ ၁၇ နှစ်ကျော်အကြာ သည်နှစ် မေလမှာ နောက်ဆုံး ဥနီကုတ်မူ ၁၂.၁ အထိ ရောက်လာခဲ့ပါပြီ။

🔴 သည်နေရာမှာ မူလက အက်(စ်)ခီးနဲ့ ရေးထားသမျှ အလဟဿ မဖြစ်ရလေအောင် ဥနီကုတ်စနစ်က အက်(စ်)ခီးကို လက်တွဲခေါ်ခဲ့တာလည်း အထင်အရှားပါပဲ။ 🔴

ဗမာစာလုံးပုံစံပေါင်းစုံ

မူ ၃.၀ နဲ့အတူ ၁၉၉၉ ခုနှစ် စက်တင်ဘာလမယ် မြန်မာစာလုံးတွေ စတင်ပေါ်ပေါက်လာခဲ့ပါတယ်။ ဘယ်ဟာက အရင်လဲတော့ ကျနော် သေချာ မသိဘူး။ CE နဲ့ Win ဆိုတဲ့ မြန်မာစာလုံးတွေ မရှေးမနှောင်း ပေါ်ပေါက်လာခဲ့ပါတယ်။ GeoComp တို့၊ Metrix တို့လို အမည်တွေနဲ့ မြန်မာစာလုံးတွေလည်း ထပ်ပေါ်လာပြန်တယ်။

တခုနဲ့တခုက လက်ကွက် နေရာချထားပုံ မတူဘူး။ တနည်းပြောရင် စံ မရှိဘူးပေါ့။ ရွှေဗမာတို့ရဲ့ ဝသီအတိုင်း သူတလူ ငါတမင်း လုပ်ခဲ့ကြပါတယ်။

ရှည်ပါတယ်ဗျာ။

ဇော်ဂျီကို သွားရအောင်…

ဇော်ဂျီဇာတ်လမ်း

ဇော်ဂျီကို ၂၀၀၇ ခုနှစ် ဒီဇင်ဘာ ၄ ရက်နေ့မှာ စတင်ခဲ့ပါတယ်။

ဇော်ဂျီလည်း ဥနီကုတ်ကို အခြေခံပြီး ဖန်တီးထားတာပါ။ ဒါပေသည့် ဇော်ဂျီက မှန်ကန်တဲ့ ဥနီကုတ် ဝှက်စာလုပ်ပုံနဲ့ ချိတ်ဆက်မှု တယ်မရှိခဲ့ဘူး။ အဲတော့ ဇော်ဂျီ မြန်မာစာလုံးဟာ နိုင်ငံတကာစံနဲ့ လိုက်လျောညီထွေ ဖြစ်မနေတော့ဘူး။ အဲဒါဟာ ဇော်ဂျီရဲ့ ဧရာမ ပြဿနာပဲ။

သူတို့အတွင်းရေးတွေ ကျနော် သိတန်သလောက် သိထားပေမယ့် ပုဂ္ဂိုလ်ရေးတွေ ပါနေတဲ့အတွက် အဲဒါတွေ ထည့်မပြောတော့ပါဘူး။ အလွယ်ဆုံး ပြောရင် ရွှေဗမာများ ပီသစွာ ဇာတ်ခေါင်းကွဲကြလေသတည်းပေါ့။

အဲလို ဇာတ်ခေါင်းကွဲတဲ့အခါ မူလပထမ ဇော်ဂျီကို ၀ှက်စာရေးသူတွေက တစင်ထထောင်တော့ အကြံတူရင် နောက်လူသာစမြဲ ဆိုစကားအတိုင်း ဇော်ဂျီ့ ဧရာမ ပြဿနာကို ကျော်လွှားဖို့ အားထုတ်ကြပါတယ်။

ပုတ်ကိုယ်ရေးတွေ ပါလာတော့ သွားတာပဲ

၂၀၁၀-၁၁ လောက်မှာ ဥနီကုတ်လို့ အခု ပြောနေတဲ့ စံချိန်မီ မြန်မာစာလုံးကို သူတို့ ကျယ်ကျယ်လောင်လောင် ပြောလာပါတော့တယ်။

ခက်တာက ပုဂ္ဂိုလ်ရေး အခဲမကျေမှုကို စာလုံးကိစ္စအထိပါ ယူလာကြတာပါပဲ။ အဲတော့ သူတို့ရဲ့ စာလုံး သံးစွဲရေးအတွက် လှုံ့ဆော် စည်းရုံးတဲ့အခါ အပိုစကားတွေက မတန်တဆ များကုန်ပါတော့တယ်။ အလွယ်ဆုံး ပြောရင်တော့ ဇော်ဂျီ သုံးတဲ့သူတွေက အောက်တန်းစားတွေလေို့ မပြောရုံတမည်ပါပဲ။ သိပ် နင်ပဲငဆ ဆန်ခဲ့ကြပါတယ်။

အဲတော့ ကွန်ပျူတာ သုံးနေတဲ့ ရွှေဗမာတွေလည်း သူတို့ ကျေးဇူးကြောင့် အလိုလို နှစ်ခြမ်းကွဲကုန်ပါရောလား။ ရွှေဗမာဆိုတာကလည်း သိပ်သွေးခွဲလို့ လွယ်တဲ့ လူမျိုးလေနော်…

ကမ္ဘာပေါ်မှာ ခန့်မှန်းချေ စာလုံးမိသားစု (Font Family) ပေါင်း ၆ သောင်းလောက် ရှိပါတယ်။ စာလုံး မိသားစုဆိုတာက ဥပမာ Arial Font ဆိုပါစို့။ Arial မှာပဲ မူလ လက်ဟောင်း Arial အပြင် Arial Black, Arial Rounded MT Bold, Arial Narrow စသဖြင့် ပေါင်းစုံ ရှိနေပါတယ်။ အဲဒါ Arial မိသားစုပေါ့။

ဗမာစာလုံး ပေါင်းစုံ

ဗမာစာလုံးတွေမှာတော့ ဝင်းမိသားစု၊ စီအီးမိသားစု၊ မက်ထရစ်(ခ်)(စ်) မိသားစု၊ စိန်အာကာ မိသားစုတွေ ရှိပါတယ်။

ကျနော်က စာအုပ်ထုတ်ဝေရေး လုပ်ငန်းလည်း လုပ်ခဲ့ဖူးတာမို့ အဲဒီ့ မိသားစုတွေ အားလုံး ယနေ့ထက်တိုင် ကျနော်တို့ရဲ့ စားပွဲတင် ကွန်ပျူတာတွေထဲမှာ ရှိနေပါသေးတယ်။ ဘယ်ဟာကိုမှ ဖျက်မပစ်ပါဘူး။ သူတို့သည် စံမညီသည့်တိုင် သူ့နေရာနဲ့သူ အသုံးတည့်နေသေးတာကိုး။ စာလုံး အလှလေးတွေ သုံးချင်တဲ့အခါ အဆင်ပြေနေတာကိုး။

အင်္ဂလိပ်စာလုံးအသစ်ပဲဖြစ်ဖြစ်၊ အဲဒီ့ ဗမာစာလုံး မိသားစုသစ်ပဲ ဖြစ်ဖြစ် ပေါ်လာတဲ့အခါ စာလုံးကို ကွန်ပျူတာထဲ ထည့်သုံးရုံးပဲ။ လက်ကွက် အခင်းအကျင်း မတူပေမယ့်လည်း သူ့ဟာနဲ့သူ သုံးလို့ ရတယ်။ အင်္ဂလိပ်စာလုံးကတော့ ဗမာလို သရတွေ မများတဲ့အတွက် လက်ကွက်အခင်းအကျင်းက ဘောင်ကျဉ်းတယ်။ ဗမာစာမှာကတော့ သရတွေ များတာမို့ လက်ကွက်အခင်းအကျင်းက ကိုးလို့ကန့်လန့်နိုင်တဲ့အခါ နိုင်တယ်။ နငယ်မှာကို အတို၊ အရှည်၊ ပါဋ္ဌ်ဆင့် ရှိနေသလို ရရစ်ကလည်း မျိုးစုံ၊ အောက်ကမြစ်ကလည်း သုံးခု။

🔴 သေချာတာကတော့ ဘာစာလုံးသစ် ပေါ်လာလာ ကွန်ပျူတာထဲ အသာ ထည့်လိုက်ရုံနဲ့ ကိစ္စပြတ်တယ်။ 🔴

အကြော်ကျွေးမယ်၊ အပြုတ်တိုက်မယ်

အခု ဥနီကုတ်ကျမှ ဇော်ဂျီကို “အပြုတ်တိုက်ရေး၊” “အမြစ်ပြတ်ချေမှုန်းသုတ်သင်ရေး၊” “အပြတ်ရှင်းရေး”ဆိုတဲ့ ရည်ရွယ်ချက်တွေနဲ့ လုပ်ထားတာ တွေ့ရပါတယ်။

အခု ကျနော်သုံးနေတဲ့ စက်ထဲမှာ ဥနီကုတ်မြန်မာစာ စာလုံးရှိတယ်။ ဒါပေမယ့် စာရိုက်လို့ အဆင်မပြေလှဘူး။ ဘာလို့လဲ၊ ဇော်ဂျီကို ဖြုတ်မထားလို့။ ဥနီကုတ် သုံးချင်ရင် ဇော်ဂျီကို ကျနော့်စက်ထဲက ရှင်းထုတ်ပစ်မှ ရမယ်။

အဲဒါကြီးက ဘယ်လိုမှ မနိပ်ဘူး။ မနိပ်ဘူးဆိုတာ စေတနာပိုင်းမှာ မနိပ်တာ။

“အပြုတ်တိုက်ရေး၊” “အမြစ်ပြတ်ချေမှုန်းသုတ်သင်ရေး၊” “အပြတ်ရှင်းရေး”ဆိုတာ ဘယ်စနစ်က တွင်တွင်သုံးတဲ့ အလုံးတွေလဲဆိုတာ သဘောပါတယ်နော် ပရိသတ်။

အဲဒီ့စနစ်ကို မလိုလားဘူးလို့ ပါးစပ်ကြီးနဲ့ ကြွေးကြော်ပြီးတော့ လက်တွေ့မှာတော့ ဥနီကို အားရပါးရ ကုတ်နေကြသူတွေ မြင်ရတဲ့အခါ ပြုံးနေမိရပါတယ်။

အဲဒါလည်း ရွှေတို့ရဲ့ အကျင့်ပဲလေ။

ဘာတဲ့…

ပါးစပ်က ဘုရား ဘုရား၊ လက်က ကားယားကားယားဆိုလား…

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(၀၁၁၀၁၉)

နှလုံးသားတွေ မှန်ကန် မျှတပါစေကြောင်း

❤️💔💝❤️💔💝❤️💔💝❤️💔💝❤️💔💝

အမှတ်တရမှာ အောက်ပါ စာသားလေး ပြန်ပေါ်လာပါတယ်။ လွန်ခဲ့တဲ့ ၁၀ နှစ်တိတိက Facebook မှာ ကျနော် တင်ခဲ့တာပါ။

To put the world in order, we must first put the nation in order; to put the nation in order, we must put the family in order; to put the family in order, we must cultivate our personal life; and to cultivate our personal life, we must first set our hearts right.

(ဘာသာပြန်) လောကကြီးကို နေသားတကျ ဖြစ်နေစေချင်ရင် နိုင်ငံကို နေသားတကျဖြစ်အောင် အရင်ဆုံး လုပ်ရလိမ့်မယ်။ နိုင်ငံကို နေသားတကျ ဖြစ်နေစေချင်ရင် မိသားစုကို နေသားတကျဖြစ်နေအောင် အရင်ဆုံး လုပ်ရလိမ့်မယ်။ မိသားစုကို နေသားတကျ ဖြစ်နေစေချင်ရင် ကျနော်တို့ရဲ့ပုဂ္ဂလိက ဘဝတွေကို နေသားတကျ ဖြစ်အောင် အရင်ဆုံး ပျိုးထောင်ကြရလိမ့်မယ်။ ကျနော်တို့ရဲ့ နှလုံးသားတွေကို မှန်ကန်မျှတအောင် အရင်ဆုံး လုပ်ရမယ်။ (ဘာသာပြန်အဆုံး)

မဟတ္တမ ဂန္ဓီဆိုတာကို တကမ္ဘာလုံးက တကယ့်ကို မြင့်မြတ်တဲ့ အကြမ်းမဖက်ရေး ဝါဒကို ကိုင်စွဲသူအဖြစ် ရှုမြင်ကြတယ်။ “မဟတ္တမ”ဆိုတာ “အကြီးကျယ် အမြင့်မြတ်ဆုံး”ဆိုတဲ့ ဘွဲ့ထူးလေ။

ဒါပေမယ့် ၂၀၀၇ ခုနှစ်မယ် ဘောလိဝု(ဒ်)က ရိုက်ကူးထုတ်လုပ်ခဲ့တဲ့ “ကျနော့်အဖေ ဂန္ဓီ”ဆိုတဲ့ ဓာတ်ရှင်ကို ကြည့်အပြီးမယ် ဂန္ဓီလည်း လူပါပဲဆိုတဲ့ အမြင်အပြင် တကယ်ကော သူဟာ “မဟတ္တမ”ရဲ့လားဆိုတဲ့ မေးခွန်းက ကျနော့်ဆီမှာ ပေါ်လာခဲ့ပါတယ်။

Image may contain: 1 person, text

ဂန္ဓီ့သားအကြီးဆုံး “ဟာရီလား(လ်) ဂန္ဓီ”ဟာ အစ္စလာမ်ဘာသာကို ပြောင်းခဲ့တယ်။ ပြီးတော့မှ တခါ သူ့ မိဘတွေနဲ့ ဂိုဏ်းမတူတဲ့ ဟိန္ဒူဘာသာကို ပြန်ပြောင်းခဲ့ပါတယ်။ ပြီးတော့ အရက်သမားကြီး လုံးလုံး ဖြစ်သွား၊ လမ်းဘေးမှာ ခွေးသေဝက်သေ သေသွားခဲ့ရတဲ့ အဖြစ်ကို ဘောလိဝု(ဒ်)က ရိုက်ပြတော့မှ သိရတာ။

ကွန်ဖြူးရှပ်ရဲ့စကားနဲ့ဆိုရင်တော့ ဂန္ဓီဟာ လောကကြီးအတွက်၊ သူ့နိုင်ငံအတွက် နေသသားတကျ ဖြစ်အောင် အားထုတ်ခဲ့တာ မှန်သည့်တိုင် သူ့မိသားစုဘဝ၊ သူ့ပုဂ္ဂလိက ဘဝကို နေသားတကျ ဖြစ်အောင် မစီစဉ်နိုင်ခဲ့တာတော့ အသအချာပါပဲ။ သူ့နှလုံးသား မမှန်ကန် မမျှတတာကလည်း သူ့သားကြီးနဲ့ သူနဲ့ကြားက ကွဲလွဲမှုမှာ အတိအကျ ပြဆိုနေပါတယ်။

သူ့သားကြီးက သူ့ဖခင်လို နိုင်ငံခြားမှာ ဥပဒေပညာသင်ပြီး ဝတ်လုံတော်ရ ဖြစ်ချင်ခဲ့တာ။ ဂန္ဓီက သူ့သားကို သူ့လိုပဲ အိန္ဒိယနိုင်ငံအရေးအတွက် တိုက်ပွဲဝင်စေချင်ခဲ့တာ။ သူ့စံတွေအတိုင်း လိုက်နာစေချင်ခဲ့တာ။ သားကြီးရဲ့ ဆန္ဒကို လစ်လျူရှုခဲ့တယ်။ ခွင့်မပြုခဲ့ဘူး။

လူငယ်တယောက်ကို ဇွတ်အတင်း ပုံသွင်းချင်တဲ့ ဂန္ဓီ့ရဲ့ နှလုံးသား မမှန်ကန် မမျှတလှတာ သည်တချက်နဲ့တင် ရှင်းနေတယ်လို့ မြင်မိရပါတယ်။

ဒါ့အပြင် သူ့ရဲ့ ဝါရိတ္တ (ရှောင်ကြဉ်ခြင်းသီလ) ကျင့်စဉ်အတွက် သူ့ဘဝ နေဝင်ခါနီး ကာလတွေမယ် ဆယ်ကျော်သက် မိန်းကလေးတွေနဲ့ သူနဲ့အတူတူ ညတိုင်း (ကလေးမလေးတွေရော သူပါ) ကိုယ်လုံးတီး အိပ်ခဲ့တယ်ဆိုတဲ့ အချက်ကြီးကလည်း ကျနော့်ကို မှောင့်တယ်။ ဒါဟာ အရွယ်မရောက်သေးတဲ့ ကလေးမလေးတွေအပေါ် သားသမီးချင်း မစာနာတဲ့ အပြုအမူပဲလို့ မြင်မိတာကိုးဗျာ။

ကျနော်တို့ အားလုံးရဲ့ နှလုံးသားတွေသာ မှန်ကန်မျှတမယ်ဆိုရင် လောကကြီးက နေချင့်စဖွယ် ဖြစ်နေပါလိမ့်မယ်။

ဒါက စင်းလုံးချောတဲ့၊ စံပြုထိုက်တဲ့ လောကကြီးကို ပြောတာပါ။

ခက်တာက ကျနော်တို့ဟာ စင်းလုံးလည်း မချော၊ စံရယ်လို့လည်း မရှိတဲ့ လောကကြီးထဲမှာ နေနေကြရတာပါပဲ။ အဲတော့လည်း…

အားလုံး တွေးဆ ဆင်ခြင်ကြည့်နိုင်ကြပါစေ…
အတ္တကျော်
(၃၀၀၉၁၉)

အပြစ်တင်ခြင်းသည် ဆင်းရဲခြင်းတဲ့…

👉👈👉👈👉👈👉👈👉👈👉👈

No photo description available.တာဝန်ခံခိုင်းတာနဲ့ အပြစ်တင်တာ မတူဘူးနော်။

တာဝန်ခံခိုင်းတယ်၊ တာဝန်ယူတယ်ဆိုတာ အပြစ်တင်တာ၊ အပြစ်ပေးတာနဲ့ မတူပါဘူး။

တာဝန်ခံတယ်ဆိုတာ ကောင်းသည်ဖြစ်စေ၊ ဆိုးသည်ဖြစ်စေ ပေါ်ထွက်လာတဲ့ ရလဒ်အတွက် တာဝန်ယူတာ ဖြစ်ပါတယ်။ နောက်တခါ ရရှိလာမယ့် ရလဒ်တွေကို တိုးတက်ကောင်းမွန်အောင် အခုဖြစ်နေတဲ့ ပြဿနာတွေကို အဖြေရှာတာ၊ ရလာတဲ့ သင်ခန်းစာတွေကို ပြန်လည်အသုံးချတာဟာ တာဝန်ခံတာပါ။ အဲတော့ တာဝန်ခံတာဟာ အနာဂတ်ပေါ် အာရုံစိုက်တာမို့ အပြုသဘော ဖြစ်ပါတယ်။

အပြစ်တင်တာကျတော့ အပြစ်တင်ထိုက်တဲ့ လုပ်ရပ်အတွက် တာဝန်ခံခိုင်းတာ ဖြစ်သွားတယ်။ အချက်အလက် အားလုံးကို မသိခင်မှာ လူတွေကိုက ပြဿနာပဲလို့ ယူဆတာပါ။ အဲဒီ့လူတွေ ကျင်လည်နေရတဲ့ ဝန်းကျင်၊ စနစ်တို့က စင်းလုံးချောနေတယ်လို့ ယူဆပြီးတော့ပေါ့။

အပြစ်တင်တာက အတိတ်ကို အလေးထားတယ်။ ကျူးလွန်သူကို အပြစ်ပေးဖို့ စိတ်သန်တယ်။ ကျူးလွန်သူကို ဖော်ထုတ် အပြစ်ပေးလိုက်မယ်ဆိုရင် မကောင်းတဲ့ အမူအကျင့်ကို ပျောက်ပျက်သွားစေလိမ့်မယ်လို့ တွေးတတ်ကြပါတယ်။

လက်တွေ့ဘဝမှာတော့ အပြစ်တင်ခြင်းကြောင့် လူတွေ တတ်လာတာက သူတို့အပြစ်တွေကို ဖုံးဖို့သာ ဖြစ်သွားတာကို အတော်များများက သတိမထားမိကြပါဘူး။

လူအတော်များများမှာက အပြစ်တင်တာကို ကိုယ်တိုင်လည်း ခံဖူးတယ်၊ သူများကိုလည်း အပြစ်တင်ဖူးကြသူချည်းပဲလို့ ထင်ပါတယ်။

အပြစ်တင် ခံရတာ များလာရင် ခံရသူဟာ အပြစ်ကို မဖုံးချင်တောင် တုံးသွားပါတယ်။ ဘာလုပ်လုပ် အပြစ်တင်ခံရမှာပဲ ဆိုတဲ့အတွေးနဲ့ မလုပ်ရဲ မကိုင်ရဲတော့ဘူး။

စီမံခန့်ခွဲရေးမှာ ကျနော် သဘောကျမိတဲ့ ချဉ်းကပ်ပုံ တခုရှိပါတယ်။ အဲဒါကတော့ တခုခု လုပ်ပြီးသွားတဲ့အခါမှာ အမှားကို ရှာတာ မလုပ်ဘဲ…

(၁) အခုလုပ်ထားတာမှာ ဘာတွေ ကောင်းကောင်း လုပ်နိုင်ခဲ့သလဲ

(၂) နောက်တခါ အလားတူ လုပ်မယ်ဆိုရင် ဘာတွေကို ပိုကောင်းအောင် လုပ်နိုင်မလဲ။ ဘာတွေကို ပြောင်းပြီး လုပ်နိုင်မလဲ

ဆိုပြီး စဉ်းစားတဲ့ အလေ့အထပါ။

အဲဒါဟာ အပြစ်တင်တာ မပါတော့ဘူး။ တာဝန်ယူချင်စိတ်ကိုလည်း ပိုနှိုးဆွပေးနိုင်ပါတယ်။

သဘောတရားတွေကို ပြောနေမိပါပြီ။ သို့ပေတည့် အကျင့်ဆိုတာ ပြင်လို့ ရပါတယ်။ အပြစ်တင်တဲ့ လူ့ဘောင်ကြီးထဲမှာ ကျနော်တို့ နေနေကြရတယ်။ အိမ်တွင်းရေး၊ ကျောင်းနေဝန်းကျင်၊ လုပ်ငန်းခွင်၊ လူမှုရေး၊ စီးပွားရေး၊ နိုင်ငံရေး နယ်ပယ်အားလုံးမှာ အပြစ်ချည်း လှိမ့်တင်နေကြတာပဲ။ အပြစ်မတင်း ပုံမချဘဲ ကောင်းအောင် ကိုယ့်ဘက်က ဘာလုပ်နိုင်မလဲလို့ စဉ်းစားဖို့ ကျနော်တို့ အားလုံး မေ့နေကြပါတယ်။

ဟိုး… လွန်ခဲ့တဲ့ နှစ်ပေါင်း ၅၀ ကျော်၊ မင်းသား ညွန့်ဝင်း နာမည်ရခါစ အချိန်မှာ သီဆို အသံသွင်းခဲ့တဲ့ ဓာတ်ပြားသီချင်းတပုဒ် ဖြစ်တဲ့ “အချော့တော်” သီချင်းထဲက စာသားလေးတစကိုပဲ ခေါင်းစဉ် တပ်လိုက်ပါရစေ…

အ ပြစ် တင် ခြင်း သည် ဆင်း ရဲ ခြင်း… တဲ့။

ကျနော်တို့တွေ ဆင်းရဲခြင်းက လွတ်ကင်းအောင် “နဂါးနီ”သီချင်းကို ကုန်းအော်နေလို့ မရပါဘူး။ အပြစ်တင်တဲ့ အစဉ်အလာကို အပြတ်အသား တွန်းလှန်ပစ်ကြရမှာပါဗျာ။

အားလုံး တွေးဆ ဆင်ခြင်ကြည့်နိုင်ကြပါစေ…
အတ္တကျော်
(၂၅၀၉၁၉)

ဝန်ခံချက်

ဖော်ပြပါ ဇယားက https://availleadership.com/culture-of-accountability/ မှာပါတဲ့ ဇယားလေးကို ဆီလျော်အောင် ဘာသာပြန်ထားတဲ့ ပုံဖြစ်ပါတယ်။ လုံးကောက် အတိအကျ ပြန်ဆိုထားတာ မဟုတ်ပါဘူး။

သည်စာရဲ့ အစပိုင်း ၆ ပိုဒ်ကလည်း အဲဒီ့ဆောင်းပါးမှာ ပါတဲ့ စာတွေကို ဆီလျော်အောင် ပြန်ဆိုထားတာ ဖြစ်ပါတယ်။

ခေါင်းဆောင်တယ်ဆိုတာ လွယ်မှတ်လို့

“ခေါင်းဆောင်”လို့ ဆိုရာမှာ “အလုပ်သမားခေါင်း”မှသည် “နိုင်ငံ့ခေါင်းဆောင်”အထိ ပါပါတယ်။ တခုတည်းကို ကွက်မမြင်ကြစေချင်ပါဘူး။ နယ်ပယ်အသီးသီး၊ အလွှာအသီးသီးမှာ ခေါင်းဆောင်တွေ ရှိကြတယ်။ အရည်အချင်းကြောင့် ခေါင်းဆောင်နေရာကို အလိုလို ရလာသူတွေ ရှိကြသလို ရာထူးအနေအထားကြောင့် ခေါင်းဆောင် မဖြစ်ချင်၊ မဖြစ်သင့်ဘဲ ဖြစ်လာရသူတွေလည်း ရှိပါတယ်။
သေချာတာတချက်ကတော့ အရည်အချင်းကြောင့် ဖြစ်တဲ့ ခေါင်းဆောင်ပဲဖြစ်ဖြစ်၊ ရာထူးကြောင့် ဖြစ်လာတဲ့ ခေါင်းဆောင်ပဲဖြစ်ဖြစ် “နောက်လိုက်”မရှိဘဲ ခေါင်းဆောင် မဖြစ်နိုင်ပါဘူး။ နှစ်ယောက်တည်း ရှိနေတာတောင်မှ တယောက်က နောက်လိုက်လုပ်မှ တယောက်က ခေါင်းဆောင်ဖြစ်နိုင်တာမျိုးပါ။ (အိမ်ထောင်ရေးတွေမှာ မြင်သာပါတယ်။)

ခေါင်းဆောင်မှုပညာကို ၂၀ ရာစု အနှောင်းပိုင်းက စပြီး လေ့လာစူးစမ်းခဲ့ကြတယ်။ သုတေသနတွေ လုပ်ခဲ့ကြတယ်။ ခွဲခြမ်းစိတ်ဖြာခဲ့ကြပါတယ်။ အဲဒီ့နောက် ခေါင်းဆောင်မှုပညာကို လေ့ကျင့် သင်ကြားပေးတာတွေလည်း ကမ္ဘာအရပ်ရပ်မှာ လုပ်လာခဲ့ကြတယ်။ လိုလို့ လုပ်နေကြတာပေါ့။ မလိုအပ်ဘဲနဲ့တော့ ပညာရှင်တွေပဲဟာ အားအားယားယား အဲဒီ့ကိစ္စကို အခြောက်တိုက် အချိန်ကုန်ခံ၊ ငွေကုန်ခံ၊ အားကုန်ခံ ဆည်းပူးနေကြပါ့မလား။ သုတေသနတွေ လုပ်နေကြပါ့မလားနော်။

Photo Credit: https://knowledge.wharton.upenn.edu
ထားပါတော့… ပြောချင်တာက အဲဒါ မဟုတ်ပါဘူး။ အဲလို ခေါင်းဆောင်မှုပညာနဲ့ ပတ်သက်လို့ ဆည်းပူးကြရာမှာ မေ့လျော့ ကျန်နေတတ်တာက “နောက်လိုက်မှု”ဆိုတဲ့ သဘောသဘောဝတွေကို သတိထားမိဖို့ပါပဲ။ ခေါင်းဆောင်မှု ပညာကို လေ့လာဆည်းပူးဖို့ လိုအပ်ရခြင်း အကြောင်းရင်း ငါးရပ်ကို ချရေးမိတဲ့အခါ တယောက်ကလာမေးတယ်။ “နောက်လိုက်ပညာရော မရှိဘူးလား”တဲ့။ ကောင်းလိုက်တဲ့ မေးခွန်း။
ကျနော်က ခေါင်းဆောင်မှုနဲ့ ပတ်သက်လို့ တော်တော် ဖတ်ဖူး၊ အခါအားလျော်စွာ သင်ပေးဖူးတော့ အဲဒါ ရှိမှန်း သိနေတယ်။ ဒါပေမယ့် သေချာအောင် လျှောက်ဖတ်လိုက်တဲ့အခါ တယောက်က နောက်လိုက်ကို ၇ မျိုးအထိ ခွဲထားတာ တွေ့ရပါတယ်။ ကျနော် သိသလောက်က ၄ မျိုးထဲပါ။ ၅ မျိုးအထိ ခွဲထားတာတော့ မြင်ဖူးတယ်။ အခုကျ ၇ မျိုးအထိ ခွဲထားတာ တွေ့ရတယ်။ ဒါနဲ့ ကျနော် ဖတ်မိတာလေးကို ပြန်လက်ဆင့်ကမ်းပေးချင်လာရပါတယ်။

နောက်လိုက် ၇ မျိုး

 

၁။ ကပ်ဖားရပ်ဖားတွေ
“တင်ပါ့ဘုရာ့”လူတန်းစားတွေ၊ ခေါင်းဆောင်ကို နင်းကန် ချီးမြှောက်တတ်ကြသူတွေပါ။ ကိုယ်ဦးဆောင်နေတဲ့ အဖွဲ့ရဲ့ ရည်ရွယ်ချက်တွေ၊ တန်ဖိုးထားမှုတွေနဲ့ ဖီလာ ဆန့်ကျင်နေတဲ့ လမ်းကြောင်းကို ခေါင်းဆောင်က ဦးတည်မိသွားတဲ့ အခါမျိုးမှာ အင်မတန် အရေးကြီးလှတဲ့ ထောက်ပြမှုမျိုးကို ဘယ်တော့မှ မပေးတတ်တဲ့၊ အားမကိုးရတဲ့ နောက်လိုက် တွေပါပဲ။ ပြဿနာတွေ၊ အခက်အခဲတွေကိုလည်း ခေါင်းဆောင်သိအောင် ဘယ်တော့မှ မပြောဘူး၊ ဖုံးထားတယ်။ ကန့်ကွက်ဖို့ဆိုတာတော့ ဝေလာ ဝေးပေါ့။ ခေါင်းဆောင်နဲ့ ထိပ်တိုက်မတွေ့အောင် ရှောင်တတ်ကြသလို ခေါင်းဆောင်ကိုပဲ အစစ အရာရာ ဆရာတင်ထားတတ်သူတွေပါ။ အထက်ဖား အောက်ဖိတွေလည်း သည်ထဲမှာ မလွဲမသွေ ပါနေတာပေါ့နော်။
၂။ ဝေဖန်ရေးသမားတွေ
“အတိုက်အခံတွေ”ပေါ့။ တနည်းပြောရရင် “အမနာပပြောတတ်သူတွေ”ပါ။ သူ့ရည်ရွယ်ချက်က ခေါင်းဆောင်ရဲ့ အပြုအမူတိုင်း၊ မူဝါဒတိုင်းကို ထောက်ဖို့၊ မေးခွန်းထုတ်ဖို့ပဲ ဖြစ်ပါတယ်။ မြန်မာစကားမှာတော့ (ကန်တော့ပါရဲ့) “ချေးက သေးကအစ လိုက်ပြောတတ်သူ”မျိုးပေါ့။ သူတို့ကို အသိအမှတ်မပြုလို့၊ သူတို့ ရသင့်တယ်လို့ ယူဆထားတဲ့ ချီးမြှောက်မှုတွေ မရလို့ စိတ်ချဉ်ပေါက်နေသူတွေ၊ မကျေမချမ်းဖြစ်နေသူတွေလို့လည်း ဆိုနိုင်ပါတယ်။ ဝန်ထမ်းအဖွဲ့ အစည်းတွေမှာ ဆိုရင်တော့ လူသစ်တယောက် ဝင်လာတာနဲ့ အဲလို လူစားတွေက အရင်ဆုံး ခရီးဦးကြိုပြုပြီး သည်မှာတော့ သည်လို လုပ်ကြစမြဲပဲလို့ သြဝါဒ ချွေတတ်သူတွေ ဖြစ်နေတတ်ပါတယ်။
၃။ လက်တွေ့ကျသူတွေ
အပြုသဘောဆောင်တဲ့ နှိုင်းချိန်စဉ်းစားမှုတွေနဲ့ ဖြစ်ပြီး အဖွဲ့နဲ့ရော ခေါင်းဆောင်နဲ့ပါ အပြန်အလှန် ပြောဆို ဆက်ဆံတတ်သူတွေ ဖြစ်ပါတယ်။ လုပ်ကိုင်ဆောင်ရွက်ပုံကို သူတို့ သဘောတူနေသမျှ ခေါင်းဆောင်ကို ရာနှုန်းပြည့် ထောက်ခံမှာဖြစ်ပေမယ့် သူတို့ သဘောမတူတဲ့အခါ ခေါင်းဆောင်ကို ထောက်မယ်၊ တပြိုင်တည်းမှာပဲ ခေါင်းဆောင်ရော၊ ကိုယ့်အဖွဲ့အစည်းအတွက်ပါ ရည်မှန်းချက်အတိုင်း ဖော်ဆောင်နိုင်မယ့် တခြားနည်းတွေကို ဆွေးနွေးထုတ်ဖော်ရင်း ကူညီပံ့ပိုးပေးတတ်သူများ ဖြစ်ပါတယ်။
၎။ သစ္စာတော်ခံတွေ
“ထောက်ခံသူစစ်စစ်တွေ”ပါပဲ။ ခေါင်းဆောင်ကို ပံ့ပိုးပေးဖို့ ထက်ထက်သန်သန်နဲ့ ကြိုးကြိုးစားစား လုပ်တတ်၊ ကိုင်တတ်ကြတယ်။ သူတို့ကို အားကိုးလို့ရတယ်။ သူတို့တွေက ခေါင်းဆောင်အပေါ် အကျေနပ်ကြီး ကျေနပ်ကြတာမို့ လုပ်ရည်ကိုင်ရည်လည်း ကောင်းကြပါတယ်။ ကျရာနေရာမှာ တာဝန်ယူပြီး ထက်ထက်သန်သန်ကို လုပ်တတ်ကြသူများပါပဲ။ အကြံတွေလည်း မပြတ်ပေးရင်းက အောင်မြင်သထက်အောင်မြင်အောင် ပံ့ပိုးတတ်ကြသူများပါ။
၅။ သစ္စာဖောက်တွေ
“တိတ်တိတ်ကလေး မလိုမုန်းထားဖြစ်နေသူတွေ”၊ “ဆင်ကြံ ကြံနေသူတွေ”ဖြစ်ပါတယ်။ သည်လူတွေက ဟန်ဆောင်တော့ အင်မတန် ကောင်းကြတယ်။ ခေါင်းဆောင်ရဲ့ ယုံကြည်မှုကို ရထားတော့ သစ္စာဖောက်တွေကို ဖမ်းမိဖို့ ခက်လှပါတယ်။ ကျောချမှ ဓားပြမှန်း သိရမယ့်သူတွေပေါ့။ သူတို့က ခေါင်းဆောင်အပေါ် ကြိတ်ပြီး မကျေမနပ်ဖြစ်နေ၊ မုန်းတီးနေသူတွေပီပီ ခေါင်းဆောင်ကို တီးဖို့ အကွက်ချောင်းနေသူတွေဆိုလည်း မမှားပါဘူး။
၆။ ပွဲကြည့်ပရိသတ်
“တစေ့တစောင်း ကြည့်နေတတ်သူတွေ”ဖြစ်ပါတယ်။ သူတို့က ဘေးမှာ အသာလေး နေနေကြတယ်။ ဗမာလို ဆိုရင်တော့ “မလုပ်၊ မရှုပ်၊ မပြုတ်”တွေပါပဲ။ အဖွဲ့အစည်းအပေါ်ရော အလုပ်အပေါ်မှာပါ ဘာသံယောဇဉ်မှ မရှိကြဘူး။ ခေါင်းဆောင်အပေါ်လည်း ဘာစိတ်မှ မရှိဘူး။ မုန်းတာတွေ၊ ချစ်တာတွေ မရှိဘူး။ သြော်… သူက ခေါင်းဆောင်ပဲလေ၊ သည်လောက်တော့ ရှိမှာပေါ့ဆိုတာမျိုးလောက်ပဲ။
၇။ အခွင့်အရေးသမားတွေ
အလစ်သမားတွေ၊ ဓားပြတွေပါပဲ။ သူတို့ကို ဝယ်လို့ ရတယ်။ သြဇာရှိတဲ့သူတွေအနားမှာ အမြဲတမ်း ကပ်နေချင်တယ်။ သူတို့ သစ္စာခံတာက လောလောဆယ် ထိပ်ရောက်နေသူတွေကိုပဲ။ “သာကူးတွေ”ဆိုလည်း မမှားပါဘူး။ မဲဆွယ်ပွဲတွေလို နေရာမျိုးမှာ အဲလိုလူတွေကို ကောင်းကောင်းတွေ့ရနိုင်တယ်။ ကြိုဆိုရေးအဖွဲ့ကနေ သွေးဆာနေသော လူအုပ်ကြီးအဖြစ် ရုတ်ချည်း ပြောင်းနိုင်သူများပါပဲ။
x x x
ပွဲကြည့်ပရိသတ်က အလုပ်ကို တာဝန်ကျေအောင်ပဲ လုပ်တတ်တယ်။ ပိုမလုပ်ဘူး။ အခွင့်အရေးသမားတွေကတော့ သူတို့ကို အသိအမှတ်ပြုလာအောင်၊ ချီးမြှောက်ခံရအောင် လူရှေ့၊ ခေါင်းဆောင်ရှေ့မှာ ဘာမဆို လုပ်ဖို့ ဝန်မလေးဘူး။ သူတို့အတွက် ခေါင်းဆောင်ဆိုတာ သူတို့အဆင့် တိုးတက်လာရေးအတွက် လှေကားထစ်ပဲ။ သစ္စာဖောက်တွေကတော့ အချိန်မရွေး ဒုက္ခပေးနိုင်သူတွေပါ။ တခုခု လွဲပြီဆိုတာနဲ့ ခေါင်းဆောင်ကို အပုပ်ချဖို့ စောင့်စားနေသူများပဲ ဖြစ်ပါတယ်။ လက်တွေ့သမားတွေကိုတော့ ကိုယ့်အလုပ်အပေါ် မူတည်ပြီး အနားမှာ ထားသင့်ပါတယ်။ သို့ပေမယ့် သူတို့တွေကြောင့်လည်း စိတ်ကူးစိတ်သန်းသစ်တွေ ပေါ်မလာအောင် အဟန့်အတားဖြစ်စေနိုင်တာကိုတော့ သတိထားသင့်ကြပါတယ်။ ဝေဖန်ရေးသမားတွေကတော့ သူတို့ဟာ ဘယ်လို လူစားဆိုတာ တန်းသိနိုင်တဲ့အတွက် သူတို့ဆီက ဝေဖန်သံပဲ ကြားနေရမယ်ဆိုတာ မှန်းဆနိုင်ပါတယ်။
ကပ်ဖားရပ်ဖားတွေကိုတော့ ကောင်းကောင်းကြီးကို သတိထားအပ်ပါတယ်။ မီးသွေးကိုပေမယ့် ခေါင်းဆောင်က ဖြူတယ်လို့ ပြောလိုက်တာနဲ့ လိုက်ဖြူမယ့် မမှန်မကန် လူစားတွေမို့ ခေါင်းဆောင်ကို ခွေးကျ ဝက်ကျ ကျအောင် ပံ့ပိုးပေးနိုင်ကြသူများပါပဲ။ သစ္စာတော်ခံတွေကို အားကိုးလို့ ရပေမယ့် ခေါင်းဆောင်အပေါ်မှာ တဖက်သတ်ကြီး ကြည်ညိုမဆုံးဖြစ်နေတဲ့အတွက်ကြောင့် ခေါင်းဆောင်ရဲ့ ပါရမီတွေ၊ အရည်အချင်းတွေနဲ့ ပတ်သက်ပြီး အကဲဖြတ်ရာမှာ မှန်မှန်ကန်ကန် မရှိတော့ဘူး။ ခေါင်းဆောင် ဘာလုပ်လုပ် အကောင်းမြင်နေတဲ့ စိတ်နဲ့ ထောမနာတွေပဲ နင်းကန်ပြုတာကြောင့် ခေါင်းဆောင်လည်း အဟုတ်ထင်ပြီး စွတ်လုပ်ရာက နှာခေါင်း ကျည်ပွေ့ တွေ့ရအောင် ဆောင်ကျဉ်းပေးနိုင်သူများပါပဲ။
နောက်လိုက်တွေရဲ့ သည်သဘောသဘာဝတွေဟာ “ပုံသေကားချ” မဟုတ်ပါဘူး။ ဘေးပယောဂကြောင့်ဖြစ်စေ၊ ခေါင်းဆောင်ရဲ့ လုပ်ဆောင်ချက်အပေါ် အမြင်တွေ ပြောင်းသွားလို့ ဖြစ်စေ လူတယောက်ဟာ အခွင့်အရေးသမား နောက်လိုက်ဘဝကနေ ဝေဖန်ရေးသမား ဖြစ်လာနိုင်ပါတယ်။
ခေါင်းဆောင်လုပ်တဲ့သူက ဒါတွေကို သိထားမယ်ဆိုရင် ဘယ်လိုနောက်လိုက်မျိုးက ကိုယ့်အတွက် အဖိုးတန်သလဲ၊ ဘယ်လိုနောက်လိုက်မျိုးကို ဆိုရင်ဖြင့် သတိထားသင့်သလဲဆိုတာကို မြင်လာမှာ ဖြစ်သလို ကိုယ့်နောက်လိုက်တွေကို လည်း ကိုယ့်ဘက်ပါအောင် စည်းရုံးယူနိုင်တဲ့ မဟာဗျူဟာ၊ နည်းဗျူဟာတွေကို မြင်လာနိုင်ပါတယ်။
အခုလို တစုတစည်းတည်း ချပြလိုက်တော့ အားလုံးမြင်လာမှာပါ။ ဒါတွေက လူတွေထဲမှာ နဂိုတည်းက ရှိပြီးသား လူအများရဲ့ အမူအကျင့်တွေ၊ စိတ်ဓာတ်တွေပါ။ ပညာရပ်အနေနဲ့ ဆည်းပူးသူက ဆည်းပူး၊ သုတေသန လုပ်သူက လုပ်၊ ပြုစုသူက ပြုစုတော့မှ အခုလို တစုတစည်းတည်း ဖြစ်လာရတော့တာပါပဲ။
ဒါ့ကြောင့် ဘာသာရပ်၊ ပညာရပ်တွေ၊ သင်တန်းတွေ အားလုံးကို ကျနော်ကဖြင့် အထင်လည်း ကြီးပါတယ်၊ အခွင့်ကြုံတိုင်းလည်း ဆည်းပူးသွားဖို့ ဝန်မလေးမိပါဘူး။ တဆက်တည်းမှာပဲ စာဖတ်သူကိုလည်း မေးချင်ပါတယ်။ စာဖတ်သူဟာ ခေါင်းဆောင်တယောက်ဆိုရင် ဘယ်လို နောက်လိုက်မျိုးကို လိုချင်ပါသလဲ။ နောက်လိုက်တယောက်ဆိုရင်လည်း ကိုယ်ဟာ ဘယ်လို နောက်လိုက်မျိုး ဖြစ်နေပါသလဲ။ ကျနော့်ကို ဖြေပေးဖို့ မလိုပါဘူး။ တွေးကြည့်ဖို့ပါပဲ။
အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၃၀၈၁၈)
ရည်ညွှန်း – https://goo.gl/jzW8t2