ပေတံရဲ့ အလေးချိန်၊ ပေတံရဲ့ ဖိစီးမှု

နိဒါန်း

aid100079-v4-728px-Use-a-Ruler-Step-14မိခင်က လင်သားအပေါ် မကျေချမ်းနိုင်တဲ့စိတ်နဲ့ သားသမီးလေးတွေ ဖခင်အပေါ် မကောင်းမြင်အောင် နိစ္စဓူဝ စည်းရုံး ဆော်သြမှုများကြောင့် ဖခင်အပေါ် လိုသည်ထက်ပိုပြီး အမြင်လွဲတတ်တဲ့အကြောင်းကို လွန်ခဲ့တဲ့ ၁၀ နှစ်ကျော်က ကျွန်တော် ရေးခဲ့ဖူးပါတယ်။ “ပုံရိပ်ပျက်”ဆိုတဲ့ခေါင်းစဉ်နဲ့ပါ။ အဲဒါလေးကို စာအုပ်မျက်နှာစာ လူမှုကွန်ရက်မှာ ပြန်တင်လိုက်တဲ့အခါ သမီးတယောက်က မေးခွန်းထုတ်လာပါတယ်။

“မယားငယ်ယူတဲ့ အဖေဆိုရင်ရော ဘယ်လို လုပ်မလဲ။ အဖေ့အပေါ် ခါးခါးသီးသီးဖြစ်နေတဲ့ ရင်ထဲက အစိုင်အခဲကို ချေဖျက်ဖို့ အားထုတ်သင့်ပါသလား”တဲ့။

သူ့မေးခွန်းက လွယ်လွယ်လေးပေမယ့် အင်း၊ ဟင့်အင်းလို့ တန်းဖြေလို့ ရတဲ့ မေးခွန်းမျိုး မဟုတ်ပါဘူး။ ထည့်စဉ်းစားစရာ အချက်အလက်တွေ ရှိနေပါတယ်။

ပထမအချက် – ဖအေဆိုတာကို ဘယ်လို အနက်ဖွင့်ဆိုပါသလဲ

ဖခင်၊ ဖအေ၊ အဖေစသဖြင့် ပြောနေကြတဲ့ ဖအေဆိုတာ ဘာကို ခေါ်တာပါလဲလို့ အရင်ဆင်ခြင်ဖို့ လိုမယ်ထင်ပါတယ်။ သိပ်ကို တိကျ ရှင်းလင်းတဲ့ အဖြေကတော့ “မိမိမည်သော သန္ဓေသားအား မိမိ မိခင်၏ ဝမ်းကြာတိုက်ထဲတွင် တည်လာစေသည့် ဖိုမျိုးစေ့ကို ချပေး (သည်ဟုယူဆရ) သူ”ဟာ ဖအေပါပဲ။

သည်နေရာမှာ “(သည်ဟုယူဆရ)”ဆိုတာကို လက်သည်းကွင်းနဲ့ ထည့်ထားပါတယ်။ မအေ့ဆီမှာ ဖိုမျိုးစေ့ကို အမှန်တကယ် ချပေးခဲ့သူလည်း ဖြစ်နိုင်သလို သူ့မျိုးစေ့ပါလို့ အမေက သိစိတ်နဲ့ဖြစ်စေ၊ မသိစိတ်နဲ့ဖြစ်စေ “အတတ်စွဲသူ”လည်း ဖြစ်နိုင်လို့ အစွန်းမရောက်အောင် သည်စာသားကို ထည့်ထားလိုက်တာ ဖြစ်ပါတယ်။

အဲတော့ကာ ဖအေဆိုတဲ့အထဲမှာ မိခင်ရဲ့ အလိုမတူဘဲ မိခင်ရဲ့ကာမကို အဓမ္မရယူခဲ့သူ မည်သူမဆိုလည်း ပါဝင်နေနိုင်တာ အမှန်ပါပဲ။ ဘယ်လိုပဲဖြစ်ဖြစ်၊ အဲဒီ့လူဟာ “ဖခင်”ပါပဲ။

သည်ကနေ ဆက်စဉ်းစားလိုက်မယ်ဆိုရင် “ဖခင်”ဆိုတာဟာ မွေးဖွားလာသူ ရင်သွေးရဲ့ ရွေးချယ်မှုမဟုတ်ဘဲ သဘာဝက ပေးအပ်လိုက်တဲ့ မလွှဲမရှောင်သာ တော်စပ်သူဆိုတဲ့ အချက်က ထင်ရှားနေပါလိမ့်မယ်။ တနည်းပြောရင် ဖခင်ကောင်း ဖြစ်ချင်လည်း ဖြစ်မယ်၊ မဖြစ်ချင်လည်း မဖြစ်ဘူး၊ ဖခင်တာဝန်ကျေချင်လည်း ကျေမယ်၊ မကျေချင်လည်း မကျေဘူး၊ တော်ချင်လည်း တော်မယ်၊ ညံ့ချင်လည်း ညံ့မယ်၊ အတူနေချင်လည်း နေမယ်၊ မနေချင်လည်း မနေဘူး၊ ကိုယ့်အမေနဲ့ တည့်ချင်လည်း တည့်မယ်၊ မတည့်ချင်လည်း မတည့်ဘူး။ ဘယ်လိုပဲဖြစ်နေနေ သူဟာ ကိုယ့်အဖေဆိုတာတော့ ပြဋ္ဌာန်းပြီးသားပါ။

ဒုတိယအချက် – ဖအေဆိုတာ ဘာ သက်ရှိသတ္တဝါအမျိုးအစားလဲ

သေချာတာကတော့ ဖအေဟာ ခွေး၊ ဝက်၊ နွား မဟုတ်ပါဘူး။ “လူ”စင်စစ်သာ ဖြစ်ပါတယ်။ ဒါကို ဘာ့ကြောင့် ဒုတိယအချက်မှာ ထားရတာလဲဆိုတော့ ဘယ်ဖအေမှ “ဘုရား၊ ရဟန္တာ၊ သူတော်စင်” မဟုတ်ဘဲ သာမန် “ပုထုဇဉ် လူသားစစ်စစ်”သာ ဖြစ်ကြောင်း ပြန်နှိုးဆော်ချင်လို့ပါပဲ။

တနည်းပြောရင်တော့ ဘယ်ဖအေမှ စင်းလုံးမချောနိုင်ပါဘူး။ ရုပ်ချောချင်မှ ချောမယ်၊ ဗလတောင့်ချင်မှ တောင့်မယ်၊ အရပ်မြင့်ချင်မှ မြင့်မယ်၊ အသားလတ်ချင်မှ လတ်မယ်၊ စိတ်ထား ဖြူချင်မှ ဖြူမယ်၊ သိမ်မွေ့ချင်မှ သိမ်မွေ့မယ်၊ နှုတ်ချိုချင်မှ ချိုမယ်။ ဒါ အားလုံး သိပြီးသားပေမယ့် သတိလစ်လစ်နေတတ်တာမျိုးတွေမို့ ပြန်အစထုတ်ရတာပါ။

မအေ့မှာ အနာအဆာတွေ ရှိသလို ဖအေ့မှာလည်း ချို့ယွင်းချက်တွေ အားနည်းချက်တွေ ရှိနေမှာ ဘယ်လိုမှ မလွဲပါဘူး။ အဲဒါကို လူတိုင်း သားသမီးတိုင်း လက်ခံနိုင်ကြမယ် ထင်ပါတယ်။

တတိယအချက် – ကိုယ့်ပေတံ ဘယ်က ရလာတာလ

လူတိုင်းဟာ မွေးလာတုန်းက အဖြူထည်လေးတွေပါ။ လက်ဦးဆရာဖြစ်တဲ့ မိခင်နဲ့ ဖခင်အပါအဝင် ပတ်ဝန်းကျင်ရဲ့ ဖြည်းဖြည်းချင်း လေ့ကျင့်ပျိုးယူမှုကြောင့် ဘာသာစကားတွေ တတ်မြောက်လာတယ်၊ အမှား အမှန်ဆိုတဲ့ “သတ်မှတ်ချက်”တစုံတရာကို ခွဲခြားတတ်လာပါတယ်။ အစဉ်အလာတွေ၊ ရိုးရာဓလေ့ထုံးတမ်းတွေ၊ ယုံကြည်ကိုးကွယ်မှုတွေက ကိုယ့်ကို ပုံဖော်ယူတဲ့ ပတ်ဝန်းကျင်အပေါ်မှာ အများကြီး လွှမ်းမိုးထားပါတယ်။

အလွယ်ဆုံး ဥပမာ ပေးမယ်ဆိုရင်တော့ ဖအေ၊ မအေကိုဖြစ်စေ၊ ကိုယ့်ထက်အကြီးကိုဖြစ်စေ “နင်”နဲ့ “ငါ”နဲ့ ပြောခြင်းဟာ ဗမာလူမျိုး အတွက် မှားပါတယ်။ မပြောအပ်တဲ့ အသုံးအနှုန်းဖြစ်ပါတယ်။ ဒါပေမယ့် ပေါက်ဖော်တွေ၊ အနောက်တိုင်းသားတွေအတွက်ကျတော့ ဘာမှကို ပြဿနာ မရှိပါဘူး။ အကြီးကိုလည်း ယူ၊ အငယ်ကိုလည်း ယူ၊ ကိုယ့်ကိုယ်ကိုယ်လည်း အိုင်နေတာပဲ။ အဲဒီ့အတွက် ဘယ်သူမှားတယ်လို့ ပြောလို့ မရပါဘူး။ ဒါ့ကြောင့် အမှား အမှန်ဆိုတဲ့ “သတ်မှတ်ချက်”တစုံတရာလို့ ရေးလိုက်တာ ဖြစ်ပါတယ်။ တကယ့် အမှား၊ အမှန်၊ ပရမတ်သဘောမဟုတ်ဘဲ ကိုယ့်အယူနဲ့ကိုယ် အမှန်မှတ်နေကြတဲ့ ပညတ်သဘောကို မြင်စေချင်လို့ပါ။

အလားတူပဲ၊ တလင်တမယား စနစ်ကို အားပေးတဲ့ ဘာသာတရားနဲ့ လူ့ဘောင်ရှိသလို အိမ်ထောင်ရေးမှာ ဘာအကန့်အသတ်မှ မရှိတဲ့ ဘာသာတရားနဲ့ လူ့ဘောင်လည်း ရှိပါတယ်။ ဗုဒ္ဓဘာသာမှာ တလင်တမယားစနစ်ကို အားပေးတယ်ဆိုတဲ့ ပြဋ္ဌာန်းချက် မတွေ့ဖူးသလို ဗမာ့ဓမ္မသတ်မှာ “မယားခိုးမှု”နဲ့ ပတ်သက်ပြီး ရေးထားတာဆို ရှင်းပါတယ်။ “သူ့လင်နှင့်ကြုံ၊ တံခါးခုံ၊ လွတ်ရုံ ကျော်၍ ပြေး”လို့ သတ်မှတ်ထားတာပါ။ ဆိုလိုတာက သူတပါး မယားနဲ့ ကျူးလွန်လို့ လင်ရောက်လာတဲ့အခါ အိမ်ရှေ့ တံခါး ခါးပန်းကို ကျော်အောင် ပြေးနိုင်တာနဲ့ အရေးယူလို့ မရတော့ပါဘူးတဲ့ဗျား။ အဲဒါ ဓမ္မသတ်ထဲမှာ ပါတာပါ။

အခု ဗမာပြည်မှာ သုံးနေတဲ့ “မယားခိုးမှု”ပါဝင်သော ပြစ်မှုဆိုင်ရာဥပဒေ (ရာဇသတ်ကြီး)ဟာ တလင်တမယားစနစ်ကို ဘာသာရေး အရ အထူးအားပေးတဲ့ ခရစ်ယာန်ဘာသာဝင် နယ်ချဲ့ ဗြိတိသျှတွေ ရေးဆွဲခဲ့တာကို နှစ်ပေါင်း တရာကျော်လာတဲ့တိုင် မပြင်နိုင်ကြသေးလို့ အတည်ဖြစ်နေတာပါ။ တကယ်က ဗမာ့ဓမ္မသတ်နဲ့ ဖြောင့်ဖြောင့်ကြီး ဆန့်ကျင်နေပါတယ်။

အဲဒါတွေက သမိုင်းနဲ့ ချီနေလို့ ဝေးတယ်ဆိုရင်တောင် တချို့နိုင်ငံတွေမှာဆိုရင် အရွယ်ရောက်သူအချင်းချင်းကြား အိမ်ထောင်ရေး ဖောက်ပြန်မှုနဲ့ တခြားလိင်ပိုင်ဆိုင်ရာ ပြုကျင့်မှုများကို ရာဇဝတ်ကြောင်းအရ အရေးယူတာတွေကို ပယ်ဖျက်နေကြပါပြီ။ ကိုယ်ရေး ကိုယ်တာ ကိစ္စတွေကို ပြစ်မှုအဖြစ် သတ်မှတ်စရာ မလိုဘူးလို့ သဘောပေါက်လာကြလို့ပါပဲ။ အရက်၊ ဆေးလိပ်၊ မူးယစ်ဆေး စတာတွေဟာ ကျန်းမာရေးအတွက် မကောင်းဘူး၊ ဒါပေမယ့် အရွယ်ရောက်သူ တဦးအနေနဲ့ သူ့သဘောနဲ့သူ သောက်သုံးတာဟာ ပြစ်မှုအဖြစ် မသတ်မှတ်သင့်ဘူးဆိုတဲ့ အယူအဆပါ။

အဲတော့ ဆင်ခြင်တုံတရားရှိတဲ့ လူတိုင်းအနေနဲ့ ကိုယ့်လက်ထဲမှာ အသေဆုပ်ကိုင်ထားတဲ့ ပေတံကို ပြန်ဆန်းစစ်ဖို့ လိုမယ် ထင်ပါတယ်။ ကိုယ့်ပေတံက မှန်ရဲ့လား။ ကိုယ့်စံနဲ့ ကိုယ် ဟုတ်သလို ရှိပေမယ့်၊ ဟုတ်ချင်မှလည်း ဟုတ်နိုင်တယ်လို့ မြင်လာမယ်ဆိုရင် အမြင်တွေ ပိုပွင့်လာနိုင်ပါတယ်။

မူလ မေးခွန်းနဲ့ ပြန်ဆက်စပ်လိုက်မယ်ဆိုရင်တော့ ဖအေ မယားငယ်ယူတာ မှားတယ်၊ မှန်တယ်လို့ သတ်မှတ်တဲ့ ကိုယ့်ပေတံကရော ဘယ်လောက်အတိုင်းအတာအထိ မှန်တယ်လို့ အာမခံနိုင်တဲ့ ပေတံအမျိုးအစားလဲ။ ဆင်ခြင်ကြည့်သင့်ကြမယ် ထင်ပါတယ်။

တခြား ဆင်ခြင်စရာတွေ

ဖအေက မယားငယ် ယူတာတော့ မှန်တယ်။ ဒါပေမယ့် ကိုယ်အပါအဝင် တခြားသားသမီးတွေအပေါ်နဲ့ အမေ့အပေါ်မှာ အဖေ့ရဲ့ သဘောထားက ဘယ်လို ရှိသလဲ။ အမေနဲ့ အဆင်မပြေပေမယ့် အဖေက ကိုယ်တို့တွေအပေါ် ဘယ်လို သဘောထားသလဲ။ ဖခင်တယောက်အနေနဲ့ ချစ်ခင်ယုယမှု၊ ကျွေးမွေးပြုစုမှု၊ လိုအပ်ချက်တွေကို သူစွမ်းနိုင်သလောက် ဖြည့်ဆည်းမှုတွေကရော ဘယ်လို ရှိသလဲ။

မအေနဲ့က အဆင်မပြေဘူး၊ မယားငယ်နဲ့က အဆင်ပြေနေတယ်။ မအေနဲ့ မယားငယ်ကိစ္စ စကားများတိုင်း ကိုယ်တွေကိုပဲ မဲရန်ရှာတတ်၊ မောင်းမဲတတ်၊ နှိပ်စက်တတ်တဲ့ အဖေမျိုးဆိုရင် မုန်းပလိုက်စမ်းပါ။ နာကျည်းလိုက်စမ်းပါလို့ အားပေးရင် မှန်နိုင်ပါတယ်။

ဒါမှမဟုတ်လည်း မယားငယ်နောက် ကောက်ကောက်ပါအောင် လိုက်သွားပြီး မယားငယ်နဲ့ ပေါက်ဖွားတဲ့ သားသမီးတွေကိုသာ အသိအမှတ်ပြုတဲ့ ဖအေမျိုးဆိုရင်လည်း မုန်းလို့၊ နာကျည်းလို့ မမှားနိုင်ဘူး ထင်ပါတယ်။ ကိုယ့်အမေကို အလိုမတူဘဲ အဓမ္မပြုကျင့်ခဲ့ရာက ကိုယ့်ကို သန္ဓေတည်စေခဲ့တဲ့ မုဒိမ်းကောင် လူရမ်းကားက ဇီဝဗေဒသဘောအရသာ ကိုယ့်ဖအေ လာဖြစ်နေတာမျိုးနဲ့ မနီးရိုးစွဲမို့ နာကျည်းခွင့် ရှိတယ်လို့ မြင်မိပါတယ်။

အရပ်ပျက်ဖြစ်နေနေ မအေဟာ မအေပဲ

မအေလုပ်သူဟာ အကျင့်စာရိတ္တပျက်ပြားနေပါစေ၊ ကိုယ့်ဆီမှာ အမေ့ကျေးဇူးတွေ ရှိနေတာမို့ မအေဟာ မအေပါပဲဆိုတဲ့ အယူအဆ တခု ရှိပါတယ်။

 

အဲဒါနဲ့ ဖအေနဲ့ကိုတော့ မချိန်ထိုးသင့်ဘူးလို့ ယူဆမိတယ်ခင်ဗျ။ ဆိုလိုတာက ဘာကြီးပဲ ဖြစ်နေနေ၊ ဖအေဟာ ဖအေပဲလို့တော့ ညီမျှခြင်း ချလို့ သင့်မယ် မထင်ပါဘူး။

အဲဒါက ဇီဝဗေဒသဘောအရပါပဲ။ လူသားတယောက်ဖြစ်လာရေးမှာ ဖိုမျိုးစေ့ချသူ ကျွန်တော်တို့ ယောက်ျားတွေဟာ ကိုယ့်ရဲ့ သွေးသားဆန္ဒကို မထိန်းနိုင်လို့ ကျူးလွန်ကြတာပါ။ အဲဒီ့ကမှ သန္ဓေသားရယ်လို့ ဖြစ်လာတဲ့အခါ အဲဒီ့ယောက်ျားဟာ ခန္ဓာကိုယ်ထဲက ဘာကိုမှ စိုက်ထုတ်ရင်းနှီးရတာ မဟုတ်ပါဘူး။ မအေမှာသာ သူ့ရဲ့ ဝမ်းကြာတိုက်ကို ၉ လတာပေးအပ်ထာရသလို မအီမသာ ဝေဒနာပေါင်းစုံကို ကိုးလလုံး ခံစားရသလို မွေးဖွားချိန်မှာ မချိမဆံ့နာကျင်ခြင်းများအထိ စိုက်ထုတ် ရင်းနှီးထားခဲ့လို့သာ ကိုယ်ဆိုတဲ့ လူသားလေး ဖြစ်လာရခြင်းပါပဲ။ အဲဒီ့ ဒုက္ခကို ဖအေတွေဟာ သညာသိနဲ့သာ နားလည်နိုင်ပြီး တကယ့်တကယ် ကိုယ်ချင်းစာပေးနိုင်ဖို့ အလွန်ခက်ခဲလှပါတယ်။ သည်အတွက် ကိုယ်လူဖြစ်လာရေးမှာ မအေ့ကျေးဇူးက မြင့်မိုရ်တောင်ဆိုရင် ဖအေ့ ကျေးဇူးက ဆီးစေ့လောက်သာ ရှိပါတယ်။

ကိုယ်မွေးဖွားပြီး နောက်ပိုင်း ကိုယ့်ကို လူတန်းစေ့ နေနိုင်စားနိုင်၊ လူလားမြောက်နိုင်ရေးအတွက် ဖအေ့ရဲ့ ပံ့ပိုးမှုတွေ ရှိခဲ့ရင်တော့ အဲဒီ့ ကျေးဇူးကို သတိထားရမှာပဲဖြစ်ပါတယ်။

နိဂုံး

ကျွန်တော်အပါအဝင် လူသားအားလုံးလို့ မဆိုနိုင်သည့်တိုင် အများစုဟာ ငယ်ဘဝရဲ့ ရိုက်ခတ်မှုတွေ၊ ခံစားချက်ဝေဒနာတွေ တနင့်တပိုးကို ရင်ဘတ်ကြီးတလုံးနဲ့ ထမ်းပိုးရင်း ဘဝခရီးကို လျှောက်လှမ်းနေကြသူများဖြစ်ပါတယ်။ ကျွန်တော့်ကို မေးလှာတဲ့ ကလေးမလေးနဲ့ တထပ်တည်း တူချင်မှ တူမှာဖြစ်ပေမယ့် ကျွန်တော်တို့ အားလုံးမှာလည်း မုန်းတီးမှု၊ စက်ဆုပ်မှု၊ နာကျည်းမှု ခံစားချက် အသကနဲ့ ရှိနေကြပါတယ်။

ကျွန်တော်ကတော့ သားတယောက်အဖြစ်လည်း ခံစားခဲ့ရဖူးသလို ဖအေတယောက်နေရာမှာလည်း နေနေခဲ့တာ နှစ်ပေါင်း ၃၀ နား တိုင်လာခဲ့ပါပြီ။ သည်အတွက် ဝေဒနာစုံနဲ့လည်း ရင်ဆိုင်ခဲ့ဖူးပြီး ဖြစ်ပါတယ်။ သည်အခါမှာ သေချာတာ တခုကတော့ အဲဒီ့ ဝေဒနာတွေကို လွှတ်ချနိုင်တာနဲ့အမျှ နေရတာ ပိုလို့ ပေါ့ပါးလာတာပါပဲ။ မလွှတ်ချနိုင်သေးသမျှ၊ ကိုယ်က ထမ်းပိုးထားသမျှ လေးလံ ဖိစီးနေမှာလည်း မလွဲပါဘူး။

အဲသလို လွှတ်ချနိုင်၊ လွှတ်ချတတ်ဖို့အတွက် ပထမဆုံး လွှတ်ချသင့်တဲ့အရာကတော့ ကိုယ့်လက်ထဲမှာ ဆုပ်ထားမိတဲ့ ပေတံများ ဖြစ်လေမလားဆိုတာကို လေးလေးနက်နက် တွေးနေမိရပါတယ်။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ၂၁၁၁၁၇)  

 

 

 

 

 

 

 

 

Advertisements

From the Chic, 2011 June issue

သြော်… အချစ်တဲ့လား

မင်္ဂလာပါလို့ စာရေးတဲ့ ကျွန်တော် အတ္တကျော်က ဦးစွာပထမ ဂါရဝနဲ့ နှုတ်ခွန်းဆက်ပါရစေလား ခင်ဗျာ။

သည်တစ်ပတ်တော့ ကျွန်တော့်ဆီ ရောက်လာတဲ့ စာလေးတစ်စောင်နဲ့ စလိုက်ချင်ပါတယ်။ ပြည်နယ်တစ်ခုက အမျိုးသမီး တစ်ယောက် ရေးလိုက်တဲ့ စာပါ။ သူ့စာက သည်လိုပါ။

ကျွန်မဘဝမှာ အချစ်ကို မတွေ့နိုင်သေးခင် “အတွေ့”ကို မရှောင်နိုင်လို့ အဲဒီ့ “အတွေ့”ကို အချစ်လို့မြင်ပြီး အိမ်ထောင်ကျခဲ့ပါတယ်။ အိမ်ထောင်သက် သုံးနှစ်အကြာမှာ သားသမီး မထွန်းကားနိုင်လို့ လမ်းခွဲခဲ့ကြပါတယ်။ ကျွန်မ ပြောချင်တာက လူငယ်သဘာဝ ဘာမှ နားမလည်တတ်သေးတဲ့အရွယ်မှာ လမ်းမှားခဲ့မိတဲ့အကြောင်းကိုပါ။
ယောကျာ်းတွေရဲ့ မရခင် တစ်မျိုး၊ ရပြီး တစ်မျိုး အများကြီး ပြောင်းလဲတတ်တဲ့ စိတ်ဓာတ်ကို လိုက်လို့ မမီခဲ့ပါဘူး။ အမှန်တော့ မယူခင်ကတည်းက သူ့ဆီမှာ စိတ်ပျက်စရာ တွေ့ခဲ့ပါတယ်။ ဒါပေမယ့် မှားခဲ့တဲ့အမှားကြောင့် သူများ အပြောအဆို ခံရမှာ စိုးလို့ လက်ထပ်ခဲ့ပါတယ်။ ယူပြီးကတည်းကလည်း တန်းတူ ရုန်းကန်ခဲ့ရပါတယ်။

သားသမီး မရနိုင်လို့ဆိုပြီး စွပ်စွဲ ညှဉ်းပမ်းခဲ့တာ ရင်အနာဆုံးပါပဲ။ တတ်ကျွမ်းနားလည်တဲ့ ဆရာဝန်ဆီ သွားစစ်ကြည့်ကြမယ်ဆိုတော့လည်း သူက သတ္တိ မရှိဘူး။ နောက်ဆုံးမှာ လမ်းခွဲခဲ့မိပါတယ်။

လမ်းခွဲပြီးနောက်ပိုင်းမှာ သူ မိန်းမ ထပ်ယူတယ်။ အခု ကလေးတစ်ယောက် ရနေပြီ။ သူနဲ့ လမ်းခွဲခဲ့တာ အခုဆို ငါးနှစ်ရှိပါပြီ။ သည်ကြားထဲမှာ အချစ်နဲ့ တူတဲ့ ရင်ခုန်သံကို ကျွန်မ တွေ့လာရပါတယ်။ သူက လူပျိုပါ။ ကျွန်မက တစ်ခုလပ်ဆိုတော့ လက်တွဲလို့ မဖြစ်နိုင်ပါဘူး။ နောက်ဆုံးမှာတော့ သူကလည်း မိဘသဘော တူတဲ့သူကို လက်ခံလိုက်ရပါတယ်။ ကျွန်မလည်း သူ့မိဘသဘောတူသူနဲ့ ယူဖြစ်အောင် တိုက်တွန်းခဲ့ပါတယ်။ ကျွန်မတောင် အတွေ့ကို မရှောင်နိုင်လို့ မှားခဲ့ဖူးတာ၊ လူပျိုလေးကို ကျွန်မ ယူလိုက်ရင် ကျွန်မက ဖျားယောင်းတယ်လို့ စွပ်စွဲကြမှာလေ။ ကျွန်မ ကိုယ်ချင်းစာပါတယ်။ ကျွန်မ တကယ်လိုချင်ခဲ့တာက အချစ်စစ်ကိုပါရှင်။ တွေ့နိုင်ပါဦးမလား ဆရာ။ နောက်ပြီး လောကကြီးမှ အချစ်စစ်ဆိုတာရော ရှိလို့လားရှင်။
ငါးနှစ်အတွင်းမှာ ကျွန်မရဲ့ ခင်ပွန်းဟောင်းက ကျွန်မနဲ့ ပြန်ပေါင်းချင်တယ်ဆိုပြီး ကမ်းလှမ်း လာပါသေးတယ်။ သူ အခု ယူထားတဲ့ မိန်းမက စိတ်ရင်း မကောင်းလို့၊ အခုမှ ဘယ်သူက စိတ်ရင်းကောင်းမှန်း သိလာရလို့ပါတဲ့။ အိမ်ထောင်ရေးမှာ ဘယ်သူကောင်းကောင်း မကောင်းကောင်း ကိုယ်ကောင်းဖို့ အရေးကြီးတာ မဟုတ်လား ဆရာ။ အခုတော့ ယောက်ျားတွေက မိန်းမတွေကို သူတို့ ဆော့စရာ၊ ကစား စရာ အရုပ်တွေလို သဘောထားနေကြတယ်လို့ပဲ ကျွန်မ ခံစားရတယ်။

ကျွန်မတော့ နောက်ထပ် အိမ်ထောင်ပြု ဖြစ်ဖို့ မလွယ်တော့ဘူး ထင်ပါတယ်။ ယောက်ျား ကောင်းဆိုတာ ပွဲဈေးတန်းမှာ မဲလိပ် နှိုက်သလိုမျိုး ဗလာမဲက ခပ်များများပါ။ ကျွန်မ အိမ်ထောင် ထပ်ပြုရင်လည်း ဗလာမဲပဲ ကျမယ်ထင်တယ်။ ယောက်ျား အယောက် တစ်ရာမှာ ကောင်းတာ ဆယ်ယောက်မှ ရှိရဲ့လား မသိဘူး။

ဆရာ့ဆီ စာရေးတာက တခြား ငယ်ရွယ်တဲ့ မိန်းကလေးတွေ ကျွန်မလို အဖြစ်ဆိုးမျိုးနဲ့ မကြုံစေချင်လို့ပါဆရာ။

သူ့စာ ဖတ်ရတော့ ကျွန်တော် အတော် မောသွားပါတယ်။ သူ့စေတနာကိုလည်း အသိအမှတ်မပြုဘဲ မနေနိုင်ပါဘူး။ တခြား ငယ်ရွယ် နုနယ်သူ မိန်းကလေးတွေ သူ့လို အဖြစ်ဆိုးမျိုးနဲ့ မကြုံစေချင်လို့ ကျွန်တော့်ဆီ စာရေးတာတဲ့။

မှန်ပါတယ်။ ငယ်ရွယ်နုနယ်တဲ့ အချိန်မှာ အချစ်ဆိုတာကို ယောက်ျာလေးပဲဖြစ်ဖြစ်၊ မိန်းကလေးပဲဖြစ်ဖြစ် သိပ်ကို အကြီးကြီးပဲလို့ ထင်မြင်ယူဆမိတတ်ကြပါတယ်။ အဲသလို ထင်မြင်ယူဆအောင်လည်း လှိုင်ထိပ်ခေါင်တင် တို့၊ နတ်သျှင်နောင်တို့ ခေတ်မှသည် ကနေ့ နာမည်ကျော် ဂီတဆရာတွေ၊ ရုပ်ရှင်ဆရာတွေ၊ ဝတ္ထုဆရာတွေက ပျော်ပျော်ပါးပါးကြီး ပါးနေတဲ့ သတင်းစကားများမှာက အချစ်မှ မပါရင် လူပဲ လုပ်လို့ မရတော့မယောင် ဖြစ်နေပါတယ်။ ရှိသေးတယ်၊ ကျွန်တော်တို့ ငယ်ငယ်က ကြားခဲ့ ဖူးတဲ့စကား၊ “သစ်ပင်မှန်ရင် အမြစ်ရှိသလို လူမှန်ရင်လည်း အချစ်ရှိရမယ်”ဆိုပဲ။

တကယ်တော့ဗျာ၊ အဲဒီ့အချစ်ဆိုတာ ဘာလဲလို့ သေသေချာချာ ဆန်းစစ်ကြည့်ဖူးတဲ့ သူတော့ အတော် ရှားမယ် ထင်ပါတယ်။ အချစ်ဆိုတာ စွန့်လွှတ် အနစ်နာခံခြင်းတို့၊ ပေးဆပ်ခြင်းတို့ စသဖြင့် ကိုယ့်ရင်ထဲမှာ နင့်နေအောင် ခံစားရသမျှတွေနဲ့ ဝေတေဝါတား လျှောက်ပြောကြတာသာ ရှိပါတယ်။ အချစ်နဲ့ ပတ်သက်လို့ ကျွန်တော့် ဘဝသက်တမ်း ၅၂  နှစ်အတွင်း ဖတ်ဖူးသမျှထဲမှာ သဘောအတူနိုင်ဆုံး အချစ်နဲ့ ပတ်သက်တဲ့ဖွင့်ဆိုချက်ကတော့ “အချစ်ဆိုတာ တစ္ဆေသရဲလိုပဲ၊ တကယ်လည်း မမြင်ဖူးပဲနဲ့ လျှောက်ပြောနေကြတဲ့အရာဟာ အချစ်ပါ”တဲ့။

ဒါဖြင့် ကျွန်တော်ကရော မချစ်ဖူးလို့လား။ ဟုတ်ကဲ့ – ချစ်ဖူးသမှ ဖျစ်ဖျစ်မြည်အောင်ကို ချစ်ဖူးပါတယ်။ အသက် ၁၃ နှစ်အရွယ် လူပျိုဖော် ဝင်ကတည်းက အသက် ၄၀ ကျော်တဲ့အထိ ချစ်ခဲ့လိုက်ရတာများဗျာ၊ ကွဲလိုက်တဲ့ အသည်းဆိုလည်း မနည်း လှပါဘူး။ အဲဒီ့ ကျွန်တော့်အတွေ့အကြုံအရ ပြောမယ်ဆိုရင်တော့ ဖိုနဲ့ မကြားက တပ်မက်စွဲလန်းမှုကို အခြေခံပြီး ဖြစ်ပေါ်လာတဲ့ ကိလေသာစိတ်ကို အချစ်လို့ ခေါ်နေကြတာပါ။ အဲဒါကိုပဲ ချစ်ခြင်း မေတ္တာဆိုပြီး ရောနှော သုံးစွဲကြတဲ့အခါကျတော့ ရှုပ်ကုန်ပါတယ်။ ရှင်တော်မြတ်ဘုရား ဟောကြားခဲ့တဲ့ မေတ္တာဆိုတာက အင်မတန်မှ ပူလောင်ခြင်း ကင်းပြီး အေးချမ်းလှတဲ့စိတ်၊ တစ်ဖက်သားရဲ့ အကျိုးကို လိုလားတဲ့စိတ်ပါ။ အဲဒီ့စင်ကြယ် မွန်မြတ်တဲ့ မေတ္တာနဲ့ ကိလေသာ ပါဝင်နေတဲ့ အချစ်နဲ့က ဘယ်လိုမှ မနှိုင်းအပ် မယှဉ်သာပါဘူး။

မေတ္တာရဲ့ သဘောကို အကျယ်သိချင်ကြ တယ်ဆိုရင်တော့ အိမ်ကို ဆွမ်းခံကြွတဲ့ ဘုန်းကြီးကိုသာ မေးလျှောက်တော်မူကြပါ ခင်ဗျာ။ ဘုန်းဘုန်းတွေက ကျွန်တော့်ထက် မေတ္တာသဘောကို စောကြော ပြောပြနိုင်ကြပါလိမ့်မယ်။ ကျွန်တော်ကတော့ အဖိုနဲ့ အမ ကြားက အချစ်ဆိုတာရဲ့ အတိမ်အနက်ကို ချိန်စက်ပြချင်ပါတယ်။

တကယ်တော့ လူရယ်လို့ ဖြစ်လာပြီး အချိန်တန် အရွယ်ရောက်လာတဲ့အခါ သဘာဝတရားရဲ့ စေ့ဆော်မှုကြောင့် ဆန့်ကျင်ဘက် လိင်အပေါ်မှာ တပ်မက် စွဲလန်းစိတ်က ပေါ်ပေါက်လာတာ ဓမ္မတာပါပဲ။ အဲဒီ့ တပ်မက်စွဲလန်းစိတ်ကိုပဲ အချစ်ရယ်လို့ အနွတ္ထသညာ ပြုထားကြတာပါ။
အခုခေတ်မှာ လောကဓာတ်ပညာက တအား ထွန်းကားလာလေတော့ကာ အဲဒီ့လို ဆန့်ကျင်ဘက်လိင်အပေါ် တပ်မက်စွဲလန်းစိတ် ဖြစ်ပေါ်နေချိန်မှာ လူ့ရဲ့ဦးနှောက်တွေ၊ အာရုံကြောတွေ ဘယ်နည်းဘယ်ပုံ အလုပ်လုပ်တယ်၊ အဘယ်ဟော်မုန်းတွေကဖြင့် ကိုယ်ခန္ဓာထဲမှာ ပေါ်ပေါက်လာတယ်၊ အကျိုးဆက်အဖြစ် နှလုံးခုန်တာ၊ ရင်တုန်တာ၊ လက်ဖျား ခြေဖျား အေးလာတာတွေ ဖြစ်လာတယ် စသဖြင့် သုတေသန အထွေထွေ ပေါ်ပေါက်လို့နေပါပြီ။ တစ်နည်းပြောရရင် သည်တပ်မက်စွဲလန်းမှုရဲ့ သဘောကို သိပ္ပံနည်းနဲ့ တိုင်းတာ ချင့်တွက်နေကြပါပြီ။

ဘယ်လိုပဲဖြစ်ဖြစ်၊ မြေကြီးလက်ခတ်မလွဲ သေချာတဲ့ အချက်တစ်ချက်ကတော့ အဲဒီ့ တပ်မက်စွဲလန်းစိတ်ဟာ ဘယ်သူ့ဆီမှာမှ ကြာတောင့်ကြာရှည် မတည်မြဲဘူး ဆိုတာပါပဲ။ သည်စိတ် ဝင်ခါစမှာတော့ သူ့ကိုမှ မရရင် သေလိုက်ချင်စိတ်တွေ၊ တဲအိုပျက်မှာ နေရနေရ၊ ထမင်းရည် အတူ လျက်ရ လျက်ရ၊ ပေါင်းကို ပေါင်းလိုက်ရမှ သည်ဘဝ နေပျော်တော့မယ်လို့ ယူဆမိတတ်ကြပါတယ်။ သို့ပေမယ့် အဲဒါက အချိန်တစ်ချိန်အထိသာ တည်တံ့ပါတယ်။

သိုးဆောင်း ဘာသာစကားနဲ့က အဲဒါကို infatuation လို့ ခေါ်ပါတယ်။ မြန်မာစာအဖွဲ့က ထုတ်ဝေတဲ့ အင်္ဂလိပ်-မြန်မာ အဘိဓာန်မှာတော့ အဲဒါကို အရူးအမူးစွဲလန်းစိတ်လို့ ဖွင့်ဆိုထားပါတယ်။ အင်္ဂလိပ်လို အနက်ဖွင့်ပေးတဲ့ အဘိဓာန်မှာက ပိုရှင်းတယ်။ strong but not usually lasting feelings of love or attraction တဲ့။ ဆိုလိုတာက ချစ်တဲ့စိတ်၊ ဒါမှမဟုတ် စွဲလန်းတပ်မက်မှုကြောင့် ပြင်းပြသော်လည်း တာရှည် သိပ်မခံတတ်တဲ့ ခံစားမှုကို infatuation လို့ ခေါ်တာပါ။

ကျွန်တော်ပြောနေတဲ့ စွဲလန်း တပ်မက်စိတ်ပေါ့ခင်ဗျာ။ သို့သော် အဲဒီ့ အင်္ဂလိပ်လို ဖွင့်ဆိုချက်မှာ သိပ်အရေးကြီးတဲ့အချက်တစ်ချက် ပါဝင်ပါတယ်။ အဲဒါက တာရှည် သိပ်မခံတတ်တာပါ။ ထပ်ပြောပါရစေ ခင်ဗျာ၊ အဲဒီ့စိတ်ဟာ သိပ်အကြာကြီး မခံပါဘူး။

အဲဒီ့စိတ်ဟာ အရွယ်သုံးပါးမရွေး၊ ဆူကြုံ နိမ့်မြင့်မရွေး၊ အသိဉာဏ် ဘယ်လောက်ရှိရှိ၊ ပညာတွေ ဘယ်လောက် တတ်တတ်၊ ပုထုဇဉ် လူမှန်သမျှ အချိန်မရွေး တွေ့ကြုံခံစားရတတ်နိုင တဲ့ ခံစားမှုပါ။ အဲဒါကို သတိကြီးကြီးနဲ့ သိထားဖို့လိုပါတယ်။ စားလည်း သည်စိတ်၊ သွားလည်း သည်စိတ်နဲ့ ထိုင်လို့လည်း မရ၊ ထလို့လည်း အခက်၊ စက်လို့လည်း မပျော်ဖြစ်နေပြီဆိုရင် အဲဒါ “အချစ်”လို့ မထင်ပါနဲ့။ အဲဒါ အရူးအမူး စွဲလန်းတပ်မက်နေတဲ့ပါ။ ဒါမှမဟုတ်လည်း အဲဒါ လူပြောသူပြောများလှတဲ့ အချစ်လို့ နားလည်လိုက်ပါ။

အဲဒီ့အချိန်မှာ လူ့ရဲ့ ဆင်ခြင်တုံတရားက လုံးဝ ကွယ်ပျောက်သွားပါတယ်။ ရှက်စိတ် သိပ်မွှန်နေချိန်မှာ လူတစ်ယောက်ဟာ လုပ်သင့်၊ မလုပ်သင့် မချင့်ချိန်နိုင်တော့ဘဲ ကိုယ့်အသက် ကိုယ်ရန်ရှာမိတဲ့အထိ မှားနိုင်တာမျိုး ရှိသလို ဒေါသစိတ် သိပ်မွှန်နေချိန်မှာလည်းပဲ တစ်ဖက်သားကို အသက်အန္တရာယ်မဟုတ်တောင် အနာတရဖြစ်စေတဲ့အထိ မှားတတ်တာမျိုး၊ ပြီးမှ နောင်တတွေ တစ်သီတစ်တန်းကြီးရတဲ့ အမှားမျိုးကို ကျူးလွန်မိတတ်ကြပါတယ်။ အဲဒါဟာ မွှန်ထူနေချိန်မှာ ဆင်ခြင်တုံတရား ကင်းမဲ့သွားတာများရဲ့ ထင်ရှားတဲ့ ဥပမာပါ။ အဲသလိုပဲ ကျွန်တော်ပြောနေတဲ့ အရူးအမူး စွဲလန်းတပ်မက် စိတ်၊ ဒါမှမဟုတ် ချစ်စိတ် သိပ်မွှန်နေချိန်မှာလည်း လူ့ရဲ့ ဆင်ခြင်တုံတရားက ကင်းမဲ့နေတတ်ပါတယ်။

ဒါ့ကြောင့်လည်း ကျွန်တော့်ဆီ ရေးခဲ့တဲ့ စာထဲက မိန်းကလေးလို အရွယ်မတိုင်ခင် အိမ်ထောင်ရက်သားကျတာတွေ ဖြစ်ကုန်ရတော့တာမျိုး ရှိသလို တချို့ဆို အသက်လည်း အတော်ရ၊ သားတွေ သမီးတွေတောင် အရွယ်ရောက်ကာမှ နောက်တစ်အိုးတစ်အိမ် ထူထောင်တာတွေ၊ အရှက်တကွဲ အကျိုးနည်းရတာတွေ ဖြစ်ကုန်တာပါ။

သည်မှာလည်း ထပ်ပြောပါရစေခင်ဗျာ။ ပညာ ဘယ်လောက်တတ်တတ်၊ အသိဉာဏ် ဘယ်လောက်ရှိရှိ၊ အသက်အရွယ် ဘယ်လောက် ရနေနေ သည်စိတ်သာ ဝင်လာပြီဆိုတာနဲ့ တစ်ပြိုင်နက် သိပ်ဒေါသဖြစ်သွားတဲ့ သူလို၊ သိပ်ရှက်သွားတဲ့သူလို ဆင်ခြင်တုံတရား ကင်းမဲ့သွားစေနိုင်ပါတယ်။ အဲ… ဒေါသစိတ်၊ ရှက်စိတ်တို့ထက် ပိုသာတာက အဲဒီ့စိတ်ဟာ ကိလေသာ စိတ်ပီပီ ဒေါသစိတ်တို့၊ ရှက်စိတ် တို့ထက်တော့ နည်းနည်း ပိုကြာနေတာမို့ ဆင်ခြင်တုံတရား ကင်းမဲ့နေတဲ့ အခိုက်အတန့်ကလည်း တော်တော့်ကို ကြာတတ်ပါတယ်။

ဒါဖြင့် ဘယ်လောက်အထိ ကြာတတ်သလဲလို့ မေးစရာ ရှိပါတယ်။ ဒါကျတော့ တစ်ယောက်နဲ့တစ်ယောက် မတူတတ်ကြပါဘူး။ တချို့ကျတော့ တစ်လ၊ နှစ်လလောက်နဲ့ ပြီးသွားတတ်တယ်။ တချို့ကျ လေး-ငါး-ခြောက်လအထိ သည်စိတ်ရဲ့ဖမ်းစားမှုကို ခံကြရတတ်သလို တချို့တွေကျပြန်တော့လည်း အဲဒီ့ထက် ပိုချင် ပိုကြာပြီး နှစ်ပေါက်တဲ့အထိ ခံစားကြရတတ်ပါတယ်။

အဲတော့ လူတစ်ယောက်အနေနဲ့ အဲသလို ဆန့်ကျင်ဘက်လိင်အပေါ် တပ်မက်စွဲလန်းနေတဲ့ မွှန်စိတ်ဟာ ၁၈ လ၊ တစ်နည်းပြောရရင် တစ်နှစ်ခွဲဟာ အာဏာကုန်ပါပဲ။ သည်တော့ ကိုယ့်ကိုယ်ကိုယ် ပြန်စစ်ချင်တဲ့အခါမှာဖြစ်ဖြစ်၊ တစ်ဖက်သားက ကိုယ့်ကို မွှန်စိတ်နဲ့ တပ်မက် စွဲလန်းနေတာလား၊ မွှန်စိတ်ကင်းမဲ့တဲ့ ချစ်ခင် မြတ်နိုးမှုလားဆိုတာကို ခွဲခြားသိချင်ရင် ၁၈ လ ကျော်တဲ့ အထိ စောင့်ကြည့်တဲ့ နည်းက အသင့်ဆုံးပဲလို့ အကြုံပလိုက်ချင်ပါတယ်။ အမှန်တော့ ရှေးလူကြီးများ ကျင့်သုံးခဲ့ကြတဲ့ သုံးနှစ်သုံးမိုး စောင့်ကြည့် အကဲခတ်တယ် ဆိုတာကတော့ ပိုလို့တောင် သေချာနိုင်ပါ သေးတယ်။ သို့သော် ရှေးထုံးပယ်ချင်ကြသူတွေ လည်း ရှိကောင်း ရှိနေနိုင်တဲ့အတွက် လျှော့လျှော့ပေါ့ပေါ့ အဲဒီ့ သုံးနှစ်ကို ခေါက်ချိုး ချိုးပြီး တစ်နှစ်ခွဲ၊ ဒါမှမဟုတ် တစ်ဆယ်နဲ့မှ ရှစ်လတော့ အနည်းဆုံး စောင့်ကြည့်သင့်တဲ့ အကြောင်း အလေးအနက်ထားပြီး အကြံပြုနေရတာပါပဲ ခင်ဗျား။

ဒါဖြင့် မေးစရာရှိပါတယ်။ အဲလိုသာ ပြောနေတယ်၊ ခင်ဗျားကျတော့ရော အိမ်ထောင်ပြုမယ်လုပ်တော့ ဘယ်လောက် အချိန်ယူ စောင့်ကြည့်ခဲ့လို့တုံးလို့။ ဟုတ်ကဲ့ခင်ဗျာ… ကျွန်တော်နဲ့ ကျွန်တော့်အိမ်သူတို့ဟာ တစ်ယောက်နဲ့ တစ်ယောက် လူချင်းသိကျွမ်းတာ သုံးနှစ်ကျော်၊ သမီးရည်းစားသက် နှစ်နှစ်ကျော်တော့မှ စုလျား ရစ်ပတ် လက်ထပ်ခဲ့ကြတာပါ။ ကနေ့ဆိုရင် ကျွန်တော်တို့ အိမ်ထောင်သက်ဟာ ၂၁ နှစ်ကို ကောင်းကောင်းကျော်လို့ ၂၂ နှစ်ထဲကို ရောက်ရှိနေပါပြီ။ တစ်ယောက်နဲ့ တစ်ယောက်လည်း အတော် နားလည်မှုရှိစွာ၊ အေးချမ်းသာယာတဲ့ အိမ်ထောင်လေးတစ်ခုလည်း ရနေပါပြီ။ တစ်ချက်တစ်ချက် တစ်ယောက်နဲ့ တစ်ယောက် အပြန်အလှန် အော်လိုက်ကြ၊ ကောက်လိုက်ကြ လုပ်တာလေးတွေက လွဲရင်ပေါ့ဗျာ။ အမယ်… ဒါလည်း တစ်ဖက်က လှည့်တွက်ရင်တော့ အချစ်စမ်းနေကြတာလို့ ပြောရမလိုပါပဲလေ။

ပြောလက်စကို ပြန်ကောက်ရရင်တော့ အဲဒီ့ ဖိုနဲ့ မတို့ကြားက ကိလေသာနဲ့ တွယ်ငြိ တပ်မက် နှစ်သက် စွဲလန်းစိတ်ဟာ သိပ်ကို ကြောက်စရာ ကောင်းလှပါတယ်။ အဲဒီ့စိတ် ဝင်နေခိုက်မှာ ချမိလေသမျှ ဆုံးဖြတ်ချက်တိုင်း ဟာလည်းပဲ ရှေ့မှာ ကျွန်တော် အစီရင်ခံခဲ့တဲ့ အတိုင်း လွဲနေတာချည်းဖြစ်နေဖို့ များပါတယ်။ ဆင်ခြင်တုံတရားမှ မပါပေတာကိုး။

ဒါ့ကြောင့် လူမှန်ရင် အဲဒီ့စိတ်ကို ရှောင်လွှဲလို့ မရတာကို နားလည်ထားသင့်သလို တစ်ဖက်ကလည်း အဲဒီ့စိတ် ပြင်းထန်နေခိုက်မှာ ဘဝနဲ့ပတ်သက်တဲ့ ဆုံးဖြတ်ချက်မှန်သမျှကို မချမှတ်ဖြစ်မိအောင် ကိုယ့်ကိုယ်ကိုယ် သတိထားနိုင်ကြဖို့ အထူးလိုပါတယ်။

နောင်တဆိုတာ နောက်မှ ရကြရတာမျိုးပါ။ ကျွန်တော့်ဆီ စာရေးလိုက်တဲ့ အမျိုးကောင်းသမီးလေးခမျာမှာလည်း အခုတော့ နောင်တတွေရလို့ တခြား ငယ်နုသူ မိန်းကလေးတွေ သူမှားခဲ့တဲ့ အမှားမျိုး မကျူးလွန်ဖြစ်ကြရလေအောင် ကျွန်တော့်ဆီ စာရေးပြီး အကူအညီ လှမ်းတောင်းထားရှာပါတယ်။

သူ့လို ကျွန်တော့်ဆီ စာလှမ်း မရေးဘဲ ပူဝန်နောင်တကို တရရ ခံစားနေကြရလေတဲ့ ယောကျာ်းတွေ၊ မိန်းမတွေ သည်လောကကြီးမှာ ဘယ်လောက်အထိ များနေမလဲဆိုတာ မှန်းတောင် မမှန်းဆရဲပါဘူး။ ဪ… အချစ်… အချစ်လို့တောင် သက်ပြင်းသံ ဖွဖွနဲ့ ညည်းရတော့မလိုပါပဲ။

ပြောရင်းနဲ့ သွားလေသူ မိတ်ဆွေကြီး တစ်ယောက်ကိုတောင် ပြေးသတိရမိပါသေးတယ်။ သူ့ခမျာ အဲဒီ့နောင်တနဲ့ အသက် ဆုံးပါးသွားခဲ့တာများ ခြောက်နှစ်တောင် ကျော်ပါပြီ။

သူက လူကြီးလူကောင်း၊ ပညာတတ်၊ အရာရှိ ကြီးကြီး မာစတာပါ။ သူ့အိမ်ထောင်နဲ့သူ အေးအေးချမ်းချမ်း သာသာယာယာ နေနိုင်ခဲ့ရာ က သူ့သားသမီးတွေ လူပျိုပေါက်၊ အပျိုပေါက်ကလေးတွေ ဖြစ်လာချိန်ကျတော့မှ ဒိန်းဒလိန်း နတ်ရဲ့ ဖမ်းစားခြင်းကို အလူးအလိမ့် ခံရပါတော့တယ်။ နောက်ဆုံးမှာတော့ လူတကာက သူ့ကို အပြင်းအထန် ကန့်ကွက် သတိပေးနေကြတဲ့ ကြားကပဲ နောက်တစ်အိုးတစ်အိမ်ကို တရားဝင် ပေါ်ပေါ်တင်တင် ထူထောင်တဲ့အထိ ဖြစ်သွားခဲ့ပါတယ်။

သည်လိုနဲ့ သူ ဆုံးခါနီး ရက်ပိုင်းအလိုမှာ ကျွန်တော်သည်လည်းပဲ သူ့လမ်းစဉ်နောက်ကို လိုက်လုဆဲဆဲ အခြေအနေတစ်ရပ်နဲ့ ရင်ဆိုင်နေရချိန်နဲ့ တိုက်ဆိုင်နေပါတယ်။ သည်အချိန်မှာ သူ ကျွန်တော့်ကို ပြောသွားတဲ့ စကားက ယနေ့ ထက်တိုင် ကျွန်တော့် နားထဲက မထွက်ပါဘူး။

သူပြောတာက “သည်လမ်းကို ကိုယ် လျှောက်ခဲ့ပြီးသားပါ ကိုယ့်လူရာ။ စိတ်ချမ်းသာမယ် ထင်ပြီး လုပ်ခဲ့တာပေမယ့် တကယ့်တကယ်ကျတော့ တစ်စက်မှ စိတ်ချမ်းသာစရာ ကောင်းတဲ့ လမ်း မဟုတ်ဘူး ကိုယ့်လူ။ ကိုယ့်အဖြစ်ကတော့ သိပ်ကို နောက်ကျသွားပြီ။ ဘာမှ ပြန် အဖတ်ဆယ်လို့ မရတော့ဘူး။ ကိုယ့်လူက အချိန်မှီသေးတယ်။ မလုပ်မိပါစေနဲ့ ကိုယ့်လူရယ်”တဲ့။

အဲဒီ့စကားကို သူ ပြောပြီးတဲ့နောက် တစ်လတောင် မပြည့်ခင်မှပဲ သူဟာ အသည်းရောဂါနဲ့ ကွယ်လွန်တိမ်းပါးသွားခဲ့ပါတယ်။ ကျွန်တော် သိနေတယ်။ သူ့ အသည်း မကောင်းတာကို သူ သိနေတာ နှစ်နှစ်မကတော့ဘူး။ သည်ကြားက စိတ်ညစ်ညစ်နဲ့ အရက်တွေချည်း ဖိသောက်နေခဲ့တာလည်း အနီးကပ် နေနေတဲ့ ကျွန်တော်က အသိဆုံးပါ။ သူက သူ့နှောင်း နောင်တကို တနုံ့နုံ့ ခံစားရင်း ဘဝကို ရေစုန်မျှောသွားခဲ့သူတစ်ဦးပါ။ သိပ်ကို နှမျောစရာ၊ ရင်နာစရာ ကောင်းလှပါတယ်ခင်ဗျာ။

သည်လောက်ဆိုရင် ကျွန်တော့် အစီအစဉ်ကို နားဆင်နေကြသူ လူကြီးမင်းများ အနေနဲ့ လူတကာက “အချစ်”လို့ အလွယ် ပြောနေကြတဲ့ အရူးအမူး စွဲလန်းတပ်မက်စိတ်ရဲ့ သဘောသဘာဝကို ဆင်ခြင်ပြီး ကိုယ်တိုင် ရင်ဆိုင်ရချိန်မှာ ဘယ်လို ကိုင်တွယ်ဖြေရှင်းသွား သင့်သလဲဆိုတာကိုပါ စိတ်ကူးရသွားတန်ကောင်းရဲ့လို့ ယုံကြည်မျှော်လင့်နေမိရပါတယ်။

မင်္ဂလာအပေါင်းနဲ့ ခညောင်းပြည့်စုံကြတဲ့ အပြင် အားလုံး တွေးဆ ဆင်ခြင်ကြည့်နိုင်ကြပါစေလို့ စာရေးတဲ့ ကျွန်တော် အတ္တကျာ်က ဂါရဝနဲ့ ဆုတောင်းမေတ္တာ ပို့သလိုက်ပါတယ် ခင်ဗျား။

အားလုံးတွေးဆဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၁၃၀၄၁၁)

ဝန်ခံချက် – ၂၀ဝ၉ ခုနှစ် နိုဝင်ဘာလအတွင်း က မန္တလး အက်(ဖှ်)အယ်(မ်)ရေဒီယိုအစီအစဉ် မှာ ထုတ်လွှင့်ခဲ့တဲ့ အသံလွှင့်ချက်ကို စာအဖြစ် ပြန်လည် တင်ဆက်လိုက်တာ ဖြစ်ကြောင်းပါ။

၂၀၁၁ ခုနှစ် ဇွန်လထုတ် Chic မဂ္ဂဇင်းမှာ ပုံနှိပ်မူအဖြစ် ဖော်ပြထားပါတယ်။

From the Chic, 2011 May Issue

အိမ်ထောင်ရေးဘ၀ ချမ်းမြေ့ရလေအောင်…

မင်္ဂလာပါလို့ စာရေးတဲ့ ကျွန်တော် အတ္တကျော်က ဦးစွာပထမ ဂါရဝနဲ့ နှုတ်ခွန်းဆက်ပါရစေလား ခင်ဗျာ။

သည်တစ်ပတ် ကျွန်တော့်ရဲ့ “ဘဝ အမောပြေဖို့ အဖြေရှာစို့”အစီအစဉ်မှာတော့ ကျွန်တော့်ဆီ ရောက်လာတဲ့ မီးခိုးကြွက်လျှောက် ဓာတ်ချောစာလေးတစ်စောင်ကို အခြေခံချင်ပါတယ်။ မီးခိုးကြွက်လျှောက် ဓာတ်ချောစာဆိုတာက မှတ်သားစရာလေးကိုပဲဖြစ်ဖြစ်၊ တွေးစရာလေး တစ်ခုခုကိုပဲဖြစ်ဖြစ်၊ ရယ်ရွှင်ဖွယ်ရာ ဟာသ အတိုအထွာလေးတွေကိုပဲဖြစ်ဖြစ် တစ်ယောက်နဲ့ တစ်ယောက် လက်ဆင့်ကမ်း ပေးပို့ ဖြန့်ဝေကြတဲ့ ဓာတ်ချောစာလေးတွေပါ။

သည်တစ်ခါ ကျွန်တော့်ဆီကို ရောက်လာတာလေးကို ကျွန်တော်ကပဲ ဖတ်ပြပါရစေ။ နားဆင်တော်မူကြည့်ကြပါခင်ဗျား။

အပျိုကြီးတို့ကို “ဖက်လုံး အဖော်ပြုသူ” “တိရစ္ဆာန်ထိန်း ကျောင်းသူ” “အထီးကျန်သူ”စသဖြင့် တချို့က ထိခိုက်ပြောဆိုတတ်ကြသော်လည်း အိမ်ထောင် မပြုကြသဖြင့် သူတို့တွင် အားသာချက်များ ရှိနေကြပါသည်။ အဆိုပါ အားသာချက်များကား –

(၁) ရုပ်မြင်သံကြားကြည့်ပါက အဝေးထိန်းခလုတ် လုစရာ မလိုခြင်း။
(၂) နံစော်သော အဝတ်အစားများကို လျှော်စရာ မလိုခြင်း။
(၃) ချွတ်ချင်ရာ ချွတ်ထားသော ဖိနပ်များကို လိုက်သိမ်းစရာ မလိုခြင်း။
(၄) ရေချိုးခန်းကို စိတ်ကြိုက် သုံးခွင့်ရခြင်း။
(၅) တစ်ကိုယ်ရေ သန့်ရှင်းမှုကို အထူးလုပ်နေစရာ မလိုခြင်း။
(၆) “ဘာဝတ်မှာလဲ” “ဒါလေး ဝတ်ပါလား”ဟု နေ့စဉ် ပြောစရာ မလိုခြင်း။
(၇) အထူးချက်ပြုတ်၊ ကြော်လှော်၊ ဆေးကြောစရာ မလိုခြင်း။
(၈) မိမိမှာ တစ်ယောက်သောသူအတွက် ဖြစ်နေသည်ဟု စဉ်းစားစရာမလိုခြင်း။
(၉) စိတ်ထဲရှိသလို နေထိုင် လုပ်ကိုင် လွတ်လပ်မှုရှိခြင်း။
(၁၀) အရက်သောက်သူ၊ ဆေးလိပ်သောက်သူ၊ လောင်းကစားလုပ်သူ တစ်ဦးဦးကို စောင့်ကြည့်၊ ဆူပူ၊ ထိန်းချုပ် နေစရာ မလိုခြင်း။
(၁၁) ခုတင်ပေါ်တွင် လွတ်လွတ်လပ်လပ် တစ်ကိုယ်တည်း စိတ်ကြိုက် အိပ်စက်ရခြင်း။
(၁၂) မည်သူနှင့်မျှ စကားမပြောလိုဘဲ တစ်ကိုယ်တည်း တိတ်ဆိတ်စွာ နေလိုပါက နေခွင့်ရခြင်း။
(၁၃) လွတ်လပ်စွာ ရွေးချယ်ခွင့် ရခြင်း။
(၁၄) သွားရည်များ ပေမနေသော ခေါင်းအုံးနှင့် အိပ်ခွင့်ရခြင်း။
(၁၅) ဟောက်သံကင်းကင်းဖြင့် အိပ်ခွင့်ရခြင်း။
(၁၆) သွားချင်ရာသို့ သွားချင်သည့် အချိန်တွင် သွားလာခွင့်ရခြင်း။
(၁၇) ဝယ်ချင်ရာကိုဝယ်နိုင်ခြင်း၊ အဝတ်ဗီရိုထဲ ထည့်ဝှက်ထားစရာ မလိုခြင်း၊ ဝယ်ထားတာ ကြာပါပြီဟု လိမ်ပြောစရာလည်း မလိုခြင်း။
(၁၈) စည်းကမ်းများ၊ တင်းကြပ်မှုများ၊ ဘောင်များကြားတွင် နေစရာ မလိုခြင်း။
(၁၉) မိမိယုံကြည်ရာ၊ ပြောလိုရာကို ပြောလိုသူနှင့် ပြောဆို ဆွေးနွေးနိုင်ခြင်း။
(၂၀) စားချင်ရာ စားသောက်နိုင်ခြင်း။
(၂၁) လုပ်ချင်သည့် အလုပ်အကိုင် လုပ်ကိုင်နိုင်ခြင်း။
(၂၂) ညဘက် အလုပ်လုပ်နိုင်ခြင်း၊ စာဖတ်နိုင်ခြင်း၊ ရုပ်မြင်သံကြား ကြည့်ရှုနိုင်ခြင်း၊ အိပ်ချင်သည့်အချိန်မှ အိပ်ရာ ဝင်နိုင်ခြင်း။
(၂၃) အဝတ်ဗီရိုကို စိတ်ကြိုက် အသုံးပြုနိုင်ခြင်း။
(၂၄) မိမိ စိတ်မဝင်စားသည့် အကြောင်းအရာ ပစ္စည်းပစ္စယတို့ကို လိုက်ပါ စိတ်ဝင်စားနေစရာ မလိုခြင်း။
(၂၅) မိမိ မကြိုက်သော အပြုအမူ၊ အနေအထိုင်၊ အသံဗလံများကို အထူး သည်းခံ ခွင့်လွှတ်စရာ မလိုခြင်း။
(၂၆) လွတ်လွတ်လပ်လပ် လေပုပ် ထုတ်နိုင်ခြင်း။
(၂၇) အမျိုးသမီး လစဉ်သုံး ပစ္စည်းကို လွတ်လွတ်လပ်လပ် ထားနိုင်ခြင်း။
(၂၈) မိမိ မသုံးဘဲ ရေအိမ်ကို ရေဆွဲချစရာ၊ တိုက်ချွတ်သန့်ရှင်းစရာ မလိုခြင်း။
(၂၉) စိတ်မပါသော်လည်း သည်းခံ စိတ်လျှော့ကာ ပြုစုနေစရာ မလိုခြင်း။
(၃၀) မိမိကို ထားရစ်ခဲ့မှာကို စိတ်ပူစရာ မလိုခြင်း။
(၃၁) တစ်စုံတစ်ဦးကို မှီခိုအားကိုး နေစရာမလိုခြင်း စသည်တို့ ဖြစ်သည်။

ဘယ့်နှယ့်လဲခင်ဗျ။ သူ့ဟာလေးက စိတ်ဝင်စားစရာ အကောင်းသား။ ကြည့်ရတာ နိုင်ငံရပ်ခြား ဟာသအတိုအထွာထဲက ဘာသာပြန်ထားတာပဲလား၊ တစ်စုံတစ်ယောက်က ပင်ကို စိတ်ကူး ကောင်းကောင်းနဲ့ ရေးထားတာလေးပဲလားတော့ မသိပါဘူး။ ဘယ်လိုပဲဖြစ်ဖြစ် အပျိုကြီးများသာမက လူပျိုကြီးများလည်း သည်အချက်တွေထဲက အတော်များများကို လက်ခံနိုင်ကြမှာ ဖြစ်သလို အခု ကျွန်တော် ဖတ်ပြခဲ့တာကို နားဆင်လိုက်ရသူ အိမ်ထောင်ရှင် မမများလည်း မှန်လိုက်လေတော်၊ အပျိုလို မနေမိလို့ ကိုယ်ရိနေခဲ့ရတာပ၊ သည်လို ဓာတ်ချောစာမျိုးသာ စောစောက ရခဲ့မယ်ဆိုရင် ဘယ် အိမ်ထောင်ပြုမိမှာတုံးလို့ တွေးနေမိသူများလည်း ရှိကောင်းရှိပါလိမ့်မယ်။

တကယ်တော့ သည် ဓာတ်ချောစာလေးထဲမှာ အမှန်တရားတွေ အများအပြား ပါဝင်နေတာကိုလည်း နားဆင်နေကြသူ လူကြီးမင်းအပေါင်း သတိထားမိကြလိမ့်မယ် ထင်ပါတယ်။ ဒါကို တစ်ဖက်က ပြန်ကြည့်မယ်ဆိုရင်တော့ အိမ်ထောင်ရှင်တွေ ဖြစ်လာကြတဲ့ ဘဝမှာ တစ်ယောက်နဲ့တစ်ယောက် အဆင်ပြေ အသားကျအောင်၊ အိမ်ထောင်ရေး တည်တံ့ခိုင်မြဲအောင် ညှိယူဖို့လိုအပ်တဲ့  အချက်လေးတွေကိုလည်း မြင်လာရနိုင်ပါတယ်။ ဒါလေးကို ကျွန်တော် ဆွေးနွေးချင်တာပါ။

ပထမဆုံးပြောထားတဲ့ ရုပ်မြင်သံကြား ကြည့်ပါက အဝေးထိန်းခလုတ် လုစရာ မလိုခြင်းဆိုတာမျိုးကတော့ အိမ်ထောင်ရှင် အတော်များများ ကြုံရတဲ့ပြဿနာပါ။ သူက ဘောလုံးပွဲ ကြည့်ချင်တယ်၊ ကိုယ်က ကိုရီးယားကား ကြည့်ချင်တယ်။ တကယ့် ပြဿနာပါပဲ။ ငွေလေးကြေးလေး တတ်နိုင်လို့ တစ်ယောက်တစ်လုံး ကြည့်နိုင်ရင်တော့ သိပ်အကြောင်း မဟုတ်ဘူး။ တစ်အိမ်လုံးမှ ရုပ်သံတစ်လုံးသာ ရှိကြသူများအတွက်တော့ အဲဒီ့ဒုက္ခကလည်း သေးမယ် မထင်ပါဘူး။

ကျွန်တော့် အိမ်ထောင်ရေးမှာလည်း ဒါမျိုး အရင်က ဖြစ်ခဲ့ဖူးပါတယ်။ ကျွန်တော်ကြည့်ချင်တာက အနောက်တိုင်းဇာတ်ကားတွေ၊ ကျွန်တော့်အိမ်သူ ကြည့်ချင်တာက မြန်မာကားတွေ။ သို့သော် ကံကောင်းချင်တော့ ကျွန်တော့် အိမ်သူက သဘောကောင်းတယ်၊ ကျွန်တော့်ကို ဦးစားပေးတယ်။ ကျွန်တော်ကလည်း ကျွန်တော် ကြည့်တဲ့ အနောက်တိုင်းကားတွေကို သူ အရသာခံတတ်လာအောင် စည်းရုံးရတယ်။ ဘယ်နားလေးက ဘယ်စကားလေး ပြောလိုက်လို့ ဘယ်လို ကောင်းသွားတာ စတာမျိုး တွေပေါ့။ သည်လိုနဲ့ တဖြည်းဖြည်းနဲ့ သူပါ အနောက်တိုင်းကားတွေကို အရသာတွေ့လာတယ်။ အဟဲ၊ လောလောဆယ်တော့ သူက ကိုရီးယားကား စွဲနေသဗျ။

အဲဒါကျတော့ ကျွန်တော့်ဘက်က လည်း ရှင်းပါတယ်။ ကိုရီးယားကား လေး၊ ငါး၊ ဆယ်ကားလောက် ကြည့်လိုက်ပြီးတဲ့အခါ သူတို့ရဲ့ အထာကို သဘောပေါက်လာတယ်။ မိသားစုဘဝကို အခြေခံမယ်၊ ကြံဖန်လွဲမယ်၊ ပရိသတ်ကို မချင့်မရဲဖြစ်အောင် ထိုးဇာတ်တွေနဲ့ ဇွတ်လုပ်ဆွဲဆန့်မယ်။ ဇာတ်ဆောင်တွေသာ ပြောင်းသွားတယ်၊ ကိုရီးယား ကားတွေရဲ့ အခြေခံ ဇာတ်ဖွဲ့ပုံကတော့ အဲဒီ့ ပုံသေနည်းအတိုင်းပဲ ဆိုတာ တွေ့လာရတယ်။ သည်မှာတင် ကျွန်တော် အချိန်ကုန် မခံတော့ဘူး။ ကျွန်တော့်အိမ်သူ ကံကောင်းချင်ပြန်တော့ ကျွန်တော်က အလုပ်များတဲ့သူ၊ အချိန်မပေးနိုင်တဲ့သူဖြစ်နေတာပါပဲ။ အဲတော့ သူ့ကိုရီးယားကားအပါအဝင် ဘာ ရုပ်ရှင်မှ ကျွန်တော် မကြည့်ဖြစ်တာ နှစ်နဲ့ ချီပြီး ကြာနေပြီ။ ရုပ်သံစက်ကို ကြည့်ချင်တဲ့သူ ကြည့်၊ အဝေး ထိန်းခလုတ် လုမယ့်သူထဲမှာ ကျွန်တော် လုံးဝမပါတော့ဘူး။

သို့သော် အိမ်ထောင်ရှင်တိုင်းက ကျွန်တော်နဲ့ ကျွန်တော့် အိမ်သူမှ မဟုတ်တာ။ သည်တော့လည်း သူ့ဘက်က လျှော့တန် လျှော့၊ ကိုယ့်ဘက်က လျှော့တန် လျှော့၊ လိုတိုး ပိုလျှော့ လုပ်ရင်း ငြိမ်းချမ်းစွာ အတူ ယှဉ်တွဲ နေထိုင်ရေးကို ဦးစားပေးနေကြရမှာပဲပေါ့ဗျာ။

အပျိုကြီးတွေရဲ့ အားသာချက်ထဲမှာ ရေချိုးခန်းကို စိတ်ကြိုက်သုံးခွင့် ရခြင်းဆိုတာလည်း ပါပါတယ်။ ဟုတ်ပါတယ်။ ဒါဟာလည်း အိမ်ထောင်ရှင်တွေကြားမှာ ရုပ်မြင်သံကြားထက် ဆိုးတဲ့ ပြဿနာပါ။ မိသားစုကများ၊ ရေချိုးခန်းက တစ်ခန်းတည်း ဖြစ်နေလို့ကတော့ သာတောင် ဆိုးပါ သးတယ်။ ကျွန်တော့်အိမ်မှာဆို ရေချိုးခန်း နှစ်ခန်းရှိတယ်။ မိသားစုက ကျွန်တော်တို့ မိသားစုဝင်ချည်းက လေးယောက်၊ အတူလာနေတဲ့ ကျွန်တော့်အိမ်သူရဲ့ အသက် ၈၀ ကျော် ကြီးတော် အပျိုကြီးနဲ့ဆိုရင် ပေါင်း ငါးယောက် နဲ့ ရေချိုးခန်းနဲ့ဟာ တစ်ခါတလေကျရင် အတော် ကသိကအောင့်နိုင်တဲ့ ကိစ္စပါ။ ကျွန်တော်ရယ်၊ ကျွန်တော့်အိမ်သူရယ်၊ သားတော်မောင်ရယ်က ကျွန်တော်တို့ အိပ်ခန်းနဲ့ တွဲလျက် ရေချိုးခန်းကို သုံးကြတယ်။ လူက သုံးယောက်၊ ရေချိုးခန်းက တစ်လုံး။ သည်မှာလည်း ကျွန်တော့်အိမ်သူက သူ့ဗီဇနဲ့ မွေးဖွားကြီးပြင်းခဲ့ရပုံအရ ကျွန်တော် တို့သားအဖကို ဦးစားပေးပါတယ်။ ကျွန်တော်ကလည်း သူ ဦးစားပေးမှန်း သိတော့ သူ့ကို ပြန်ဦးစားပေးတယ်။ သားကလည်း အဖေနဲ့ အမေကို ဦးစားပေးတတ်တဲ့သားမျိုးဆိုတော့ ပြဿနာမရှိဘူးလို့ ထင်စရာပဲ။ သို့သော် ကိုယ်ခန္ဓာဆိုတာ စာချုပ်ထားလို့ရတဲ့အမျိုးမှ မဟုတ်တာ။ သူ သွားချင်တဲ့ အချိန်နဲ့ ကိုယ်သွားချင်တဲ့အချိန် တိုက်ဆိုင်နေတာတွေက ခဏခဏ မဟုတ်တောင် မကြာမကြာတော့ ဖြစ်ကြတာချည်းပါပဲ။ သို့ပေမယ့် ဆိုခဲ့သလို ငြိမ်းချမ်းစွာ အတူယှဉ် တွဲနေထိုင်ကြရေးမှာ သည်အရေးကိုလည်း မိသားစုဝင်တိုင်းဟာ ကျေကျေနပ်နပ် ကြည်ကြည်ဖြူဖြူ လက်ခံတတ်ပါမှ အဆင်ပြေနိုင်တာမျိုးပါ။

နံစော်သော အဝတ်အစားများကို လျှော်စရာ မလိုခြင်း၊ ချွတ်ချင်ရာ ချွတ်ထားသော ဖိနပ်များကို လိုက်သိမ်းစရာ မလိုခြင်း၊ သွားရည်များ ပေမနေသော ခေါင်းအုံးနှင့် အိပ်ခွင့်ရခြင်း၊ ဟောက်သံ ကင်းကင်းဖြင့် အိပ်ခွင့်ရခြင်း၊ အဝတ် ဗီရိုကို စိတ်ကြိုက် အသုံးပြုနိုင်ခြင်း၊ မိမိ မသုံးဘဲ ရေအိမ်ကို ရေဆွဲချစရာ၊ တိုက်ချွတ် သန့်ရှင်းစရာ မလိုခြင်း၊ စိတ်မပါသော်လည်း သည်းခံ စိတ်လျှော့ကာ ပြုစုနေစရာ မလိုခြင်းစတဲ့အချက်တွေကတော့ ကျွန်တော်တို့ ငါးတောင်ဝတ် ယောက်ျားသားကြီးများရဲ့ မသိသား ဆိုးရွားမှု၊ ပစ္စလက္ခ နေတတ်တဲ့ ဉာဉ်ကြောင့် ပေါ်ပေါက်လာရတတ်ပါ။

ပြောလိုက်ရင်တော့ ကျွန်တော်တို့ယောက်ျားတွေဟာ မိန်းမတွေထက် မြင့်မြတ်တယ်ဆိုပြီး အကျောကြီးက တယ်နေချင်သူများပါ။ ကျွန်တော်လည်း သည်ပုတ်ထဲက သည်ပဲပါပဲ။ သို့သော် ကျွန်တော်တို့ ယောက်ျားတွေလောက် ညှာတာစာနာစိတ် ကင်းနေတတ်တာလည်း ကျွန်တော်တို့ပါပဲ။ မောင်တစ်ထမ်း မယ်တစ်ရွက်လို့ ဆိုပင် ဆိုငြားသော်လည်း ကိုယ်က တစ်အိမ်ထောင်လုံးအတွက် ပိုက်ဆံရှာနေရတာ၊ ဦးစီးဦးဆောင်နေရတာဆိုတဲ့အချက်နဲ့ ကိုင်ပေါက်ပြီး အိမ်အလုပ်ကို ခေါင်း ရှောင်ချင်တတ်ကြတာလည်း ကျွန်တော်အပါအဝင် ယောက်ျားသား အတော်များများရဲ့ ဉာဉ်ဆိုးပါပဲ။

ကျွန်တော်ဆို တစ်သက်လုံးက ကိုယ်စားခဲ့တဲ့ ပန်းကန် ကိုယ်ဆေး၊ ကိုယ့်အဝတ် ကိုယ်လျှော်၊ ကိုယ့်ဘာသာ မီးကြွေထိုး၊ ကိုယ့်အိပ်ရာ ကိုယ်သိမ်းဘဝနဲ့ နေခဲ့တာပါ။ အဲ… အိမ်ထောင်လည်းကျရော ကျွန်တော့်အိမ်သူက အကုန် လိုက်လုပ်ပေးတာနဲ့ အခုဆို ကိုယ် စားပြီးသား ပန်းကန် ကိုယ်ဆေးရရင်တောင် ပင်ပန်းတယ်လို့ ထင်လာတယ်။ ကိုယ့်အဝတ် ကိုယ်မလျှော်၊ မီးပူ မတိုက်ရတာတော့ အိမ်ထောင်ကျကတည်းကဆိုတော့ ဘယ်လို လုပ်ရမယ်ဆိုတာ မေ့တောင်နေပြီ။ ယောက်ျားတွေရဲ့ အကျင့်ဆိုးများ ပြောပါတယ်။ သို့သော် ကျွန်တော့်အိမ်သူ ကံကောင်းချင်တော့ ကျွန်တော်တို့မှာက အိမ်အလုပ် လာလုပ်ပေးတဲ့သူ ငှားထားနိုင်တယ်။ ကျွန်တော်တို့ မလုပ်ချင်တာတွေ အားလုံးကို အဲဒီ့ ဝန်ထမ်းက လုပ်ပေးသွားတော့လည်း ကျွန်တော့်မှာ ကျွန်တော့် အိမ်သူကို အားနာနေစရာ မလိုတော့သလို သူ့မှာလည်း အဲဒီ့ဒုက္ခတွေက ကင်းဝေးနေပါတော့တယ်။ ဒါတောင် အဲဒီ့ဝန်ထမ်းပြန်ချိန်မှာ ကျွန်တော် စားရင် သောက်ရင် သူက ပြင်ပေး၊ ဆေးကြောပေးဖို့ တာဝန်ယူပေးချင်တတ်ပါသေးတယ်။ ကျွန်တော်ကလည်း သည်လောက်ကျတော့ သူ့ကို ညှာပါတယ်။ မလုပ်ပါနဲ့၊ မလိုပါဘူး။ ခိုင်းစားဖို့ ညည်းကို ကျုပ်ယူထားတာ မဟုတ်ဘူးဆိုတဲ့ လေလုံးလှလှတွေနဲ့ မိန်းမကို ချွဲပြတတ်တဲ့ ကောင်စားမျိုးဆိုတော့ အဆင့်ကို ပြေလို့ ခင်ဗျ။

ပြောချင်တာက အိမ်ထောင်ဖက်ရယ်လို့ ဖြစ်လာကြပြီဆိုရင် တစ်ဖက်နဲ့ တစ်ဖက် ငါက ယောကျာ်း၊ မင်းက မိန်းမဆိုတဲ့ အထာမျိုးတွေနဲ့ သူ့တာ ကိုယ့်တာ ခွဲမနေဘဲ အမြင် မတော်တာကို အလိုက်သိစွာ ဝင်လုပ်ပေးတတ်ကြမယ်ဆိုရင်တော့ ငြိမ်းချမ်းစွာ အတူယှဉ်တွဲနေထိုင်ရေးမှသည် ပျော်ရွှင်ချမ်းမြေ့စွာ နှစ်ယောက် တစ်ဘဝ တည်ဆောက်ရေးဆီ အထိ တက်လှမ်းနိုင်ကြမယ် ဆိုတာလေးပါပဲ။

မိမိမှာ တစ်ယောက်သောသူအတွက် ဖြစ်နေသည်ဟု စဉ်းစားစရာမလိုခြင်း၊ လွတ်လပ်စွာ ရွေးချယ်ခွင့်ရခြင်း၊ သွားချင်ရာသို့ သွားချင်သည့်အချိန်တွင် သွားလာခွင့်ရခြင်း၊ ဝယ်ချင်ရာကို ဝယ်နိုင်ခြင်း၊ အဝတ်ဗီရိုထဲ ထည့်ဝှက်ထားစရာ မလိုခြင်း၊ ဝယ်ထားတာ ကြာပါပြီဟု လိမ်ပြောစရာလည်း မလိုခြင်း၊ မိမိ စိတ်မဝင်စားသည့် အကြောင်းအရာ ပစ္စည်းပစ္စယတို့ကို လိုက်ပါ စိတ်ဝင်စားနေစရာ မလိုခြင်း၊ တစ်စုံတစ်ဦးကို မှီခို အားကိုးနေစရာ မလိုခြင်းစတာများကကျပြန်တော့ ကျွန်တော်တို့ ယောကျာ်းသားတွေရဲ့ လွှမ်းမိုး ခြယ်လှယ်လိုတဲ့ ဝသီစရိုက်များကို ဆလိုက်မီးနဲ့ ထိုးသလို ထင်းနေအောင် ပြလိုက်ကာ သာသာလေး နဲ့ နာနာလေး နှက်လိုက်တဲ့အချက်တွေပါပဲ။

မှန်ပါတယ်။ ကျွန်တော်တို့တွေဟာ အိမ်ထောင်ဦးစီးဆိုတဲ့ အခွင့်အရေးကို လိုသည်ထက် ပိုပြီး ကိုင်စွဲမိရင်းက ကိုယ်စုံမက်လို့ လက်ထပ်ထားလေတဲ့ အိမ်သူ သက်ထား ဇနီး မယားအပေါ် နိုင်လိုမင်းထက်နဲ့ သူ့ဘဝထဲ ဝင် ဝင် စွက်မိတတ်တာများလည်း ရှိချင်ရှိနေတတ်ပြန်ပါတယ်။ တကယ်တော့ လူချင်း ဘယ်လောက်ပင် တူစေကာမူ အသက်ရှူချင်း ကွဲသလိုပဲ သူနဲ့ကိုယ်နဲ့ လင်ရယ်၊ မယားရယ်ဆိုပေမယ့် သူ့မှာလည်း သူ့အကြိုက် သူ့စရိုက်နဲ့ သူ့ဆန္ဒ၊ သူ့သဘောထားတွေ၊ သူ့ကိုယ်ပိုင် စိတ်ဝင်စားမှုတွေ ရှိနေတာ အလွန်အင်မတန်မှ သဘာဝကျပါတယ်။ အဲဒါကို နားလည်ပေးဖို့က ယောက်ျားများမှာသာမက မိန်းမသားများအတွက်လည်း လိုအပ်ပါတယ်။

အလွယ်ပြောမယ်ဗျာ၊ ကျွန်တော့်အိမ်သူက ငါးပိရည်ကြိုက်တယ်၊ ကျွန်တော်က အနံ့တောင် မခံနိုင်ဘူး။ ကျွန်တော်က တညင်းသီး ကြိုက်တယ်၊ သူက အနံ့တောင် မခံနိုင်ဘူး။ ဘာဖြစ်တုံး၊ သူကြိုက်တာ သူစား၊ ကျွန်တော်ကြိုက်တာ ကျွန်တော်စားပေါ့။ မခက်ပါဘူး။ ကျွန်တော့် အကြိုက် ကျွန်တော့်စရိုက်က ဖြစ်စေ၊ သူ့ အကြိုက် သူ့စရိုက်ကဖြစ်စေ ကျွန်တော်တို့ အိမ်ထောင်ရဲ့ ကျန်းမာရေး၊ လူမှုရေး၊ စီးပွားရေးကို မထိခိုက်နိုင်သမျှ ကာလပတ်လုံး သူလည်း သူ့သဘောနဲ့သူ ကြိုက်တာလုပ်၊ သူ သွားချင်တဲ့ နေရာကို ကြိုက်သလိုသွား၊ သူ ဝယ်ချင်တာ ဝယ်ပိုင်ခွင့် ပေးထားနိုင်မယ်ဆိုရင်တော့ အိမ်ထောင်ရေးမှန်သမျှဟာ အတော်ကြီး သာယာနေမှာလည်း မြေကြီး လက်ခတ် မလွဲပါဘူး။

ပြဿနာက တချို့အိမ်ထောင်ရှင်တွေမှာက အဓိကနဲ့ သာမညကို မခွဲတတ်ကြတာပါပဲ။ တကယ့် အဓိကအချက်က အဲဒီ့အိမ်ထောင်ရေး သာယာဖို့၊ ခိုင်မြဲဖို့၊ စည်းလုံး ချစ်ခင်နေဖို့ပဲ မဟုတ်ပါလားခင်ဗျာ။ အဲဒါကို အဓိကလို့ နှလုံးသွင်းပြီး ကျန်တဲ့ အပရိကတွေကို လိုတိုး ပိုလျှော့လုပ်တတ်မယ်၊ တချို့ဟာတွေကိုလည်း မျက်နှာ လွှဲနေလိုက်ဖို့ ဝန်မလေးဘူးဆိုရင်တော့ သာယာတဲ့ အိမ်ထောင်ရေးနဲ့တကွ ပျော်ရွှင်ချမ်းမြေ့စရာ မိသားစုဘဝကိုပါ ရရှိခံစားနိုင်လာကြမှာပါ။

နားဆင်တော်မူနေကြသူ ချစ်စွာသော လူကြီးမင်းအပေါင်းတို့ခင်ဗျား။ သည်တစ်ပတ်မှာတော့ ကျွန်တော့်ဆီ ရောက်လာတဲ့ ရယ်ရွှင်ဖွယ်ရာ ဓာတ်ချောစာလေး တစ်စောင်ကို အကြောင်းပြုပြီး ငြိမ်းချမ်းစွာ အတူယှဉ်တွဲ နေထိုင်ရေးမှသည် သာယာချမ်းမြေ့တဲ့ မိသားစုဘဝ တည်ဆောက်ရေးအတွက် အခြေခံလိုအပ်ချက်များကို အမြွက်သဘော ဆွေးနွေးတင်ပြလိုက်နိုင်ခဲ့ပြီလို့ ယူဆမိရပါတယ်။

အေးချမ်းသာယာတဲ့ အိမ်ထောင်ရေးကမှ ချမ်းမြေ့ပျော်ရွှင်ဖွယ်ရာ မိသားစုဘဝကို ဖန်တီးနိုင်မှာပါ။ ချမ်းမြေ့ပျော်ရွှင်စရာ မိသားစု ဘဝက ပေါက်ဖွားလာတဲ့ ကလေး သူငယ်လေးများမှလည်း အမျိုးကောင်း သားသမီးလေးတွေ ဖြစ်ကြပြီး အိမ်ထောင်ရေးဘဝမှာလည်း မောစရာ မရှိ၊ သားရေးသမီးရေးအတွက်လည်း ရင်မောစရာ မလိုတော့ဘဲ ဘဝခရီးကို ပျော်ပျော်ကြီး လျှောက်လှမ်းနိုင်ကြမှာဖြစ်ပါတယ်။ ဒါလေးကို တွေးကြည့်ကြရင်း မိမိတို့ရဲ့ အိမ်ထောင်ရေးဘဝကို ဘယ်လို တည်ဆောက် မွမ်းမံ သွားကြမယ်ဆိုတာကို မြင်လာကြနိုင်လိမ့်မယ် ထင်ပါတယ်ခင်ဗျာ။

မင်္ဂလာအပေါင်းနဲ့ ခညောင်းပြည့်စုံကြတဲ့ အပြင် အားလုံး တွေးဆ ဆင်ခြင်ကြည့်နိုင်ကြပါ စေလို့ စာရေးတဲ့ ကျွန်တော် အတ္တကျော်က ဂါရဝနဲ့ ဆုတောင်းမေတ္တာ ပို့သလိုက်ပါတယ် ခင်ဗျား။

အားလုံးတွေးဆဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ဝ၅၀၃၁၁)

[၂၀ဝ၉ ခုနှစ် နိုဝင်ဘာလအတွင်း က မန္တလေး အက်(ဖှ်)အယ်(မ်)ရေဒီယိုအစီအစဉ်မှာ ထုတ်လွှင့်ခဲ့တဲ့ အသံလွှင့်ချက်ကို 
၂၀၁၁ ခုနှစ် မေလထုတ် The Chic မဂ္ဂဇင်းမှာ စာအဖြစ် ပြန်လည် တင်ဆက်ထားတာလေးကို ပြန်လည် ဖော်ပြလိုက်တာပါ။]

Silver Minus Two

A successful marriage requires falling in love many times, always with the same person.  (Mignon McLaughlin)

၂၀၁၁ ခုနှစ် မေလ ၁၇ ရက်မှာ ကျွန်တော်တို့ အိမ်ထောင်သက် ၂၃ နှစ်တင်းတင်းပြည့်ပါတယ်။ သည်မတိုင်ခင် နှစ်ဦးပိုင်းကပဲလား၊ မနှစ်က နှစ်ကုန်ပိုင်းမှာလားတော့ မမှတ်မိဘူး၊ နေပြည်တော် မြန်မာ့အသံလို့ လူသိများတဲ့ မြန်မာ့အသံရဲ့ “ချမ်းမြေ့သာယာ သီရိဂေဟာ” အစီအစဉ်က ကျွန်တော့်ကို ဆက်သွယ်လာပြီး ကျွန်တော်တို့ ဇနီးမောင်နှံကို တယ်လီဖုန်းနဲ့ အမေး-အဖြေ လုပ်ခဲ့ပါတယ်။  ဘယ်နေ့ ဘယ်ရက်တွေမှာ ထုတ်လွှင့်ခဲ့တယ်ဆိုတာကို ကျွန်တော် မသိလိုက်ပါဘူး။ မသိဆို ရေဒီယိုမှ သိပ်နားမထောင်ဖြစ်တော့တာကိုး။ ကျွန်တော်တို့ကို မေးမြန်းတဲ့ တာဝန်ခံ မမက ကျွန်တော့်ဆီကို အဲဒီ့ အသံလွှင့်ချက်လေးကို စီဒီနဲ့ ကူးပြီး ပို့ပေးလိုက်တာမို့ သင်္ကြန်မတိုင်ခင်မှာ အဲဒါလေးကို ပြန်နားထောင်ရပါတယ်။ ကျွန်တော့်ဟာ ကျွန်တော်တော့ ကြည်နူးတာပေါ့ဗျာ။ ၂၃ နှစ် ခရီးကို ဖြတ်ခဲ့တာ နည်းနည်းနောနောမှ မဟုတ်တာ။ ငွေရတုကို ရောက်ဖို့ နောက် နှစ်နှစ်လေးပဲ လိုတော့တာလေ။

ကျွန်တော်တို့ အိမ်ထောင်သက် ၂၃ နှစ်ပြည့် အမှတ်တရအဖြစ် အဲဒီ့ တွေ့ဆုံမေးမြန်းချက်လေးကို ချစ်မိတ်ဆွေများအတွက် မျှဝေ ပေးလိုက်ပါတယ်။ နားဆင် ခံစားကြည့်တော်မူကြပါခင်ဗျား။

ဂျီကျတတ်တဲ့ ချစ်သူရဲ့ အမော

သမီး သူ့ကို အရမ်းချစ်ပါတယ်။ နှစ်နှစ်ပြည့်ခါနီးမှာတော့ နေ့တိုင်းနီးပါး ရန်ဖြစ်ကြပါတယ်။ သူ့ကို စိတ်ထဲက မပါဘဲနဲ့ ပြတ်ပြီလို့လည်း သမီးက ခဏခဏ ပြောပါတယ်။ ဒါပေမယ့် သူ အဲဒါတွေ သည်းခံခဲ့ပါတယ်။ အဲဒါတွေကြောင့် သမီး သူ့ကို ပိုချစ်ခဲ့ပါတယ်။

သမီး အဲလို လုပ်တာတွေက လွဲရင် သူ့ကို ဂရုလည်း စိုက်ပါတယ်။ သစ္စာလည်း ရှိပါတယ်။ သမီး ဘဝမှာ သူတစ်ယောက်တည်းပဲ ရှိတယ်လို့ သတ်မှတ်ထားတာပါ။ ဒါပေမယ့် သူက သမီးကို နားမလည်ဘူး၊ သမီး ဆိုးတယ်လို့ပဲ ပြောနေတယ်။ နောက်ဆုံး ရန်ဖြစ်တဲ့ နေ့က သူ့ပါးကို ရိုက်လိုက်မိပါတယ်။ သူ အရမ်း နာကျည်းသွားတယ်။ နောက်နေ့ကျတော့ သူ ဖုန်းဆက်ပြီး သမီးကို ပြောတယ် သူတစ်ယောက်တည်းပဲ နေချင်ပြီတဲ့။ သူ့ကို စိတ်ဒဏ်ရာတွေ  ခဏခဏ ပေးတယ်တဲ့။ ခဏ လောက် ခွဲနေကြရအောင်တဲ့။ သူက အဲလိုပြောတော့ သမီး သိပ်ကို ချောက်ချားသွားပါတယ်။ အဲဒါနဲ့ သူ့ကို ချိန်းပြီးတော့ သူ့ကို တောင်းပန်ပါတယ်။ ဒါပေမယ့် ဘယ်လိုမှ မရတော့ပါဘူး။ နောက်နေ့လည်း ငိုပြီးတော့ သမီး အားလုံး ပြုပြင်ပါ့မယ်၊ နောက် မဆိုးတော့ပါဘူး။ မကြိုက်တာတွေလည်း မလုပ်တော့ပါဘူး၊ သူ စိတ်ချမ်းသာစေရပါမယ်လို့ ပြောပေမယ့် မရတော့ပါဘူး။

သမီး သူ့ကို နည်းမျိုးစုံနဲ့ ခခယယ တောင်းပန်ပါတယ်။ သမီး ဘဝကိုလည်း အားလုံး ပေးထားပြီးပြီ၊ သမီးကို မစွန့်လွှတ် သွားပါနဲ့လို့ ပြောတော့ သူက အရမ်းကို စိတ်ပင်ပန်းနေပြီ အားလုံးကို ဂရုမစိုက်ဘဲ ထွက်သွားချင်နေပြီလို့ ပြောပါတယ်။ သမီးကို စိတ်ပျက်စိတ်ကုန်သွားပြီတဲ့။ အရင်လို သမီးကို ချစ်နိုင်မှာ မဟုတ်တော့ဘူးတဲ့။ သူ့ကို မေ့လိုက်ပါတဲ့။ သမီးတို့ကိစ္စ ဘယ်လိုလုပ်မလဲလို့ မေးတော့ သူက သည်ကိစ္စကြောင့် သူ့ကို အခုလို ပြောနေတာပါ အဲလို မဟုတ်ရင် သူ့ကို အရေးတောင် စိုက်မှာ မဟုတ်ဘူးလို့ သူက  ပြောပါတယ်။ သူ သမီးကို နားမလည်ဘူး။

သူ့ကိုလည်း မခွဲနိုင်ဘူး သမီးဘဝပေးထားတဲ့ကိစ္စကိုလည်း စိုးရိမ်တယ်။ အခု သူ သမီးကို ထားသွားပါပြီ။

သည်စာလေးကို အကြောင်းပြုပြီး မန္တလေး FM မှာ မနှစ်က ဆွေးနွေးထားတာလေးကို ပြန်တင်ပေးထားပါတယ်။ နားဆင်တော်မူကြည့်နိုင်ကြကြောင်းပါ။

About In Laws

တည့်အောင်ပေါင်း ကျောင်းကို ထုတ် ဥပုသ်ရက်ရှည် စောင့်ခိုင်းပါ

လွန်ခဲ့တဲ့ တစ်နှစ်နီးပါးက Mandalay FM မှာ ကျွန်တော့်အစီအစဉ် စတင် ထုတ်လွှင့်ခါစက တင်ဆက်ခဲ့တဲ့ အသံ file ဖြစ်ပါတယ်။ ယောက္ခမ၊ ယောက္ခထီး၊ ယောက်ဖ၊ ယောက်မနဲ့ မကင်းနိုင်ကြတဲ့ လူသားများအားလုံးအတွက် တွေးစရာ တစ်စုံတစ်ခု ရသွားလိမ့်မယ်လို့ ထင်မိပါတယ်ဗျာ။ နားဆင်တော်မူကြည့်ကြပါဦး။

What men and women like and the first encounter

ပထမဆုံး ချစ်တင်းနှောတဲ့ အတွေ့အကြုံကို ရရှိလာအောင် လှုံ့ဆော်တဲ့ အင်အားဟာ အချစ်လည်း ဖြစ်ချင်ဖြစ်နိုင်တယ်၊ တပ်မက်မှု သက်သက်ကြောင့်လည်း ဖြစ်ချင်ဖြစ်နိုင်တယ်၊ ဒါမှမဟုတ် စူးစမ်းလိုစိတ် သက်သက်ကြောင့်လည်း ဖြစ်ချင်ဖြစ်နိုင်ပါတယ်။

ဘယ်လိုပဲဖြစ်ဖြစ်၊ အဲလို ပထမဆုံးအကြိမ်မှာတော့ ယောကျာ်းရော မိန်းမပါ အတော်များများအတွက်က စိုးရိမ်ပူပန်နေမှာ၊ တောင့်တောင့်ကြီး ဖြစ်နေမှာလည်း သဘာဝပါပဲ။ ဒါ့အပြင် ပေါ်ထွန်းလာတဲ့ ရလာဒ်နဲ့ ပတ်သက်လို့လည်းပဲ စိတ်ပျက်လက်ပျက်ကြီး ဖြစ်ရတတ်ပြန်ပါသေးတယ်။ စိတ်ပျက်ရဆို ကိုယ်မျှော်လင့်ထား၊ စိတ်ကူးယဉ်ထားခဲ့တာနဲ့ မတူဘဲ ပထမဆုံး အတွေ့အကြုံက အီလည်လည်နိုင်နေတတ်တာကိုး။

ဆက်ဖတ်လိုက သည်ကို ကြွ > > > http://nookycontent.wordpress.com/