ကလေးတွေမှာ ငြင်းပိုင်ခွင့် ရှိတယ်

စာတပုဒ် ဖတ်လိုက်ရပါတယ်။ အဘိုး၊ အဘွားတွေအနေနဲ့ မြေးလေးတွေကို မဖက်ခင် မနမ်းခင် ကလေးဆီက ခွင့်ပြုချက် အရင်တောင်းသင့်တယ်လို့ သားသမီးထိန်းကျောင်းမှု ကျွမ်းကျင်သူတွေက ဆိုလိုက်တဲ့အကြောင်းပါ။

အလွန်အနမ်းသန်ကြတဲ့ အနောက်တိုင်း လူမှုမီဒီယာမှာတော့ အုတ်အော်သောင်းသဲ ဖြစ်သွားတယ်။ အဓိပ္ပာယ်မရှိတာ၊ ရူးကြောင်ကြောင်အတွေးအခေါ်ပဲ စသဖြင့်ပေါ့။

သူတို့ပြောတာ ကျနော်တော့ လက်ခံမိတယ်။Image result for fly kiss

အဘိုးအဘွားတွေလည်း မြေးလေးတွေကို ချစ်ပါတယ်။ သားအချစ် မြေးအနှစ်လို့ ဆိုကြတယ် မဟုတ်လားနော်။

ချစ်ရင် ကလေးကို ပျိုးထောင်တဲ့နေရာမှာ ဝိုင်းဝန်းကူညီသင့်ပါတယ်။

နှစ်များစွာက ကျနော် ရေးဖူးပါတယ်။

ကလေးကို မလိမ်ရဘူးလို့ မိဘက သွန်သင်တယ်။

ဒါပေမယ့် ကလေးရှေ့မှာ မိဘ ကိုယ်တိုင်က ဧည့်သည်လာတဲ့အခါ အိမ်ထဲ ဝင်ပုန်းနေပြီး ဖေဖေတို့ မရှိဘူးလို့ ပြောလိုက်လို့ ခိုင်းတာမျိုးဟာ ကလေးကို မလိမ်နဲ့ ပြောပြီး အလိမ်သင်တာသာ ဖြစ်နေတဲ့အကြောင်း။

အခုကိစ္စမှာလည်း အတူတူပါပဲ။

ကလေးကို လူကြီးတွေက ဖက်တာ၊ နမ်းတာ မခံရဘူးလို့ သွန်သင်တယ်။ ကိုယ့်ကိုယ်ခန္ဓာကို ကိုယ်သဘောမတူဘဲ အထိအကိုင် မခံရဘူးလို့ သွန်သင်တယ်။

ဒါပေမယ့် ဦးလေးတွေ၊ အဒေါ်တွေ၊ အဘိုးတွေ၊ အဘွားတွေက ထင်တိုင်း နမ်းနေတာကျတော့ ခံနေရတယ်ဆိုရင် ကလေးက သွန်သင်မှုကို ဘယ်လို နားလည်ခံယူသွားမလဲ။

တော်တော် စဉ်းစားစရာ ကောင်းလှပါတယ်။

နောက်တချက်က သူ့ရဲ့ သဘောဆန္ဒကို လေးစားရမှာက မိဘအပါအဝင် သူ့ကို ပျိုးထောင်နေသူတိုင်းရဲ့ တာဝန်လို့ နားလည်ပါတယ်။

ကလေး စိတ်ကြည်နေတဲ့အခါ ရှိမယ်၊ စိတ်ရှုပ်နေတဲ့အခါ ရှိမယ်၊ သူချစ်တဲ့သူ၊ သူလိုလားတဲ့သူ ရှိမယ်၊ သူမလိုလားတဲ့သူ သူမချစ်တဲ့သူလည်း ရှိမယ်၊ သူလည်း လူသားလေးပဲလေ။

အဖေမို့ ချစ်ကိုချစ်ရမယ်၊ အမေမို့ ချစ်ကို ချစ်ရမယ်လို့ လှေနံဓားထစ်လို့ မရပါဘူး။

သည်အခါမှာ မိဘကိုယ်တိုင်က သူ့သဘောဆန္ဒကို ထည့်သွင်းစဉ်းစားဖို့ မလိုဘူးလား။

သမီးကို မေမေ နမ်းမယ်နော်… သမီး ခွင့်ပေးမလား…

သားကို ဖေဖေ ဖက်ချင်တယ်… ဖက်ခွင့်ပေးမလား…

ရုတ်တရက်တော့ အတော်အူကြောင်ကြောင်နိုင်တဲ့ စကားတွေ ဖြစ်ကောင်း ဖြစ်နေပါလိမ့်မယ်။

ဒါပေသည့် ကလေးရဲ့ လွတ်လပ်သော သဘောဆန္ဒမပါဘဲ ဘယ်လူကြီးကမှ သူ့ကို ထင်ရာ မလုပ်နိုင်စေတဲ့ အသိနဲ့ အကျင့်ကို သူ့ရင်ဘတ်ထဲ သံမှိုနှက်လိုက်သလို စွဲမြဲသွားစေမယ့် အလေ့အထကောင်းလို့ ကျနော်ဖြင့် မြင်မိရပါတယ်။

ကလေးငယ်လေးတွေကို မဖွယ်မရာပြုမှုတွေ လျော့နည်း ပပျောက်သွားအောင် ဆောင်ရွက်ကြရာမှာ ဒါသည်လည်း အလွန်ထိရောက်တဲ့ နည်းတနည်းပဲလို့ တွေးနေမိရပါတယ်။

စာဖတ်သူ လူကြီးမင်းရော… ဘယ်လို မြင်ပါသလဲခင်ဗျာ…

( မူရင်း သတင်းဆောင်းပါး – https://bit.ly/2kelH3F )

Different Kinds of Fatherly Love

ချစ်ကြသူချည်းသာ

ဖအေ (၁)

အသေးစား ယာဉ်တိုက်မှုတစ်ခုနဲ့ ကြုံလိုက်ရပါတယ်။ ပျက်နေတာ နှစ်ပရိစ္ဆေဒ ကြာမြင့်လှပြီဖြစ်ပေမယ့် ယနေ့ထက်တိုင် ပြင်ဆင်ခြင်း မရှိတဲ့ ရန်ကုန်မြို့လယ်နဲ့ မလှမ်းမကမ်းက လမ်းဆုံအချက်ပြမီးတိုင် နယ်ပယ်အတွင်းမှာပါ။

အချိန်က ညနေ ငါးနာရီဝန်းကျင်မို့ ယာဉ်သွားယာဉ်လာ ရှုပ်ထွေးကြပ်သိပ် လွန်းနေပါတယ်။ အဲလိုအချိန်မှာ အချက်ပြမီးတိုင်ကလည်း ဆိုခဲ့တဲ့အတိုင်း ပျက်နေ၊ ထိန်းသိမ်းကွပ်ကဲပေးမယ့် တာဝန်ရှိသူ တစ်ဦးတစ်ယောက်မှလည်း ရှိမနေဘဲ ယာဉ်မောင်းချင်းသာ နားလည်မှုနဲ့ အဆင်ပြေသလို ကြည့်မောင်းနေရတာမို့ သည်လိုအနေအထားမှာ ယာဉ်တိုက်မှု ဖြစ်ဖို့က သိပ်ကို လွယ်ကူနေပါ တယ်။ ကျွန်တော်မကြုံလည်း အဲဒီ့နေရာမှာ တခြားသူတွေလည်း ကြုံရနိုင်ချေက ၅၀ % အထက်မှာ ရှိနေတဲ့အနေအထားလို့ပဲ လွယ်လွယ်ဆိုကြပါစို့ရဲ့။

သေချာတာတစ်ခုကတော့ ကျွန်တော့် ကားဦးက တခြားကားတစ်စီးရဲ့ ဘယ်အစိတ်အပိုင်းကိုမှ တိုက်မိခိုက်မိခဲ့တာ မဟုတ်ဘဲ တခြားကားတစ်စီးရဲ့ ကားဦးကသာ ကျွန်တော့်ကားရဲ့ ဝဲဘက်ခြမ်းကို ဝင်တိုက်တာပါ။ ပြီးတော့ ကျွန်တော့်ကားက ရွေ့လျားနေတာလဲ မဟုတ်ပါဘူး။ သူ ဝင်တိုက်ချိန်မှာ ကျွန်တော့်ကားက လမ်းလေးခွဆုံရဲ့ အလယ်တည့်တည့်လောက်မှာ ဆက်သွားလို့ မရသေးလို့ တန့်နေချိန်၊ တစ်နည်းပြောရရင် ရပ်ထားချိန်မှာ သူက ဝင်တိုက်လိုက်တာဖြစ်ပါတယ်။

တိုက်လိုက်သူက လူငယ်ယာဉ်မောင်းလေးပါ။ ကျွန်တော့်သားအရွယ်လောက်သာ ရှိပါသေးတယ်။ သူ့ကားပေါ်မှာ တခြားလူငယ်လေးတွေလည်း ပါလာကြတယ်။ သူတို့က ကျွန်တော့်ဆီက အလျော်လိုချင်ကြပါတယ်။ သို့ပေမယ့် အဲသလို ပြောတော့လည်း မခံချင်ကြရှာဘူးခင်ဗျ။ အလျော်မလိုချင်ရင်လည်း ကိစ္စပြီးလိုက်လေဆိုတော့လည်း မဟုတ်ဘူး။ အမှားအမှန်ကို ငြင်းချင်နေကြပါတယ်။ ယာဉ်ထိန်းရုံးကိုလည်း သွားမယ်လို့ ပြောလားလည်း ပြောနေရဲ့။ ပြောသာ ပြောနေတာ။ သူတို့ ဖုန်းဆက်ခေါ်နေတာက ယာဉ်ထိန်းရုံးလည်း မဟုတ်ဘူးခင်ဗျ။ သူတို့ဖအေကို လှမ်းခေါ်တာ။

ယာဉ်ကိုလည်း သူတို့ကပဲ နေရာ ရွှေ့ပါတယ်။ ကျွန်တော် တားမနေပါဘူး။ လူငယ်လေးတွေ၊ အုပ်စုလေးကလည်း တောင့်နေတော့ ရမ်းကားချင်တဲ့ သဘောကို တွေ့နေရတာမို့ အကျယ်အကျယ် မဖြစ်ချင်တာနဲ့ သည်တိုင်းပဲ ကြည့်နေလိုက်ပါတယ်။

တကယ်တမ်းမှာ သူ့ကားလည်း ကြီးကြီးမားမား ပျက်စီးမသွားသလို ကျွန်တော့်ကားဆိုလည်း အရာတောင် မထင်ပါဘူး။ မောင်းသူဘက်ကသာ သတိလေးနဲ့ မိမိရရ အရှိန်သတ်နိုင်ခဲ့ရင် တိုက်မိစရာတောင် အကြောင်းမရှိတဲ့ အခြေအနေမျိုးပါ။ အဲတော့ အမှန်က တစ်ယောက်နဲ့ တစ်ယောက် အေးအေးဆေးဆေး ကျေကျေနပ်နပ်နဲ့ ပြီးသွားနိုင်တာမျိုးပါ။ သို့ပေမယ့် ကျွန်တော့်ကား ဘာမှ မဖြစ်သည့်တိုင် သူ့ကားလည်း ဒဏ်ရာ မပြင်းသည့်တိုင် သူ့ကားကိုတော့ နည်းနည်းပါးပါး အသေးစား ပြုပြင်ဖို့တော့ လိုပါတယ်။ ယာဉ်ကိုယ်ထည်ပိုင်း ပြုပြင်သူ မိတ်ဆွေရင်းချာသာ ရှိရင်တော့ အခမဲ့လောက်နီးနီး၊ ဒါမှမဟုတ်လည်း ငါးထောင် တစ်သောင်း အကုန်ခံလိုက်ရုံနဲ့ ပြီးလောက်တဲ့ အသေးစားပြုပြင်မှုမျိုးပါ။ ဒါ့ကြောင့် နှစ်ဦးနှစ်ဖက် ကျေအေးပြီး ကိုယ့်လမ်းကိုယ် ဆက်သွားလိုက် ရင်လည်း ပြီးနိုင်တာမျိုးပါ။

ဒါပေမယ့် ကိုယ်တော်လေးတွေက ပူလောင်နေကြရှာတယ်။ သည်မှာ သတိထားလိုက်မိတာက ကိုယ်တော်လေးတွေက ယာဉ်တိုက်မှုထက် ယာဉ်တိုက်မှုကြောင့် သူတို့ ဖခင်က သူတို့ကို ညိုညင်မှာ စိုးရိမ်နေတဲ့ သဘောလေးကို မြင်လိုက်ရတယ်။ အဲတော့ ကျွန်တော်လည်း စိတ်ရှည်လက်ရှည်နဲ့ သူတို့ဖအေ ရောက်အလာကို စောင့်ပေးနေလိုက်ပါတယ်။

ထူးဆန်းတာတစ်ခုက အဲဒီ့ ယာဉ်တိုက်မှုဖြစ်လို့ ယာဉ်ကြောသာ ရှုပ်ထွေး ပိတ်ဆို့ကုန်တာခင်ဗျ၊ အဲဒီ့နေရာကို တာဝန်ရှိသူ တစ်ယောက်မှ ရောက်မလာတာပါပဲ။

အဲလိုနဲ့ နာရီဝက်ကျော် ၄၅ မိနစ်နီးပါး ကြာချိန်မှာ သူတို့ရဲ့ ဖခင်ဆိုသူ ရောက်လာပါတယ်။ ရောက်လာတာနဲ့ သူက သူ့သားတွေဘက်ကနေ မာမာ ထန်ထန် စကားတွေ ဆိုနေပါတယ်။ ကလေးတွေက ကျွန်တော်က ဝင်တိုက်တာလို့ ပြောတယ်ပေါ့၊ ကျွန်တော်က သူ့ကလေးတွေက ဝင်တိုက်တာပါလို့ ပြောတယ်ပေါ့။ ဒါဆို ရုံးကျမှ ရှင်းမယ်ပေါ့။ တကယ်တော့လည်း သူ ရုံးမသွားပါဘူး။ ကျွန်တော်က ဘာမှ မှားတဲ့သူ မဟုတ်တာကို သူ မရိပ်မိဘူး။ သူ့ကလေးတွေ စကားပဲ နားယောင်ပြနေတယ်။

ပိုဆိုးတာက သူ့ကလေးတွေက ယာဉ်တိုက်ထားပုံကို ပါလာတဲ့ ပါလေရာ ဖုန်းတွေနဲ့ ဓာတ်ပုံရိုက်ထားကြသေးတယ်။ ကျွန်တော့်ကားပေါ်မှာ ပါလာတဲ့ မိတ်ဆွေတစ်ဦးဆီမှာလည်း ပညာရှင်သုံး ကင်မရာ အကြီးစားကြီး ပါနေတာမို့ ကျွန်တော်တို့လည်း အားကျမခံ ရိုက်ထားတာတွေ ရှိပါတယ်။ ဓာတ်ပုံတွေကို ကြည့်ပါဆိုတော့လည်း အဲဒီ့လူက မကြည့်ဘူးခင်ဗျ။ သူက တစ်ဖက်နားနဲ့သာ ရှိတဲ့ ဖခင်တစ်ယောက်မှန်း သိလိုက်တယ်။

သူ့သားတွေကို သူချစ်ပုံက လာမထိနဲ့၊ မှားမှားမှန်မှန် ကျုပ်သားတွေ ဘက်က ကျုပ်ကာကွယ်မယ်ဆိုတဲ့ ဖခင်မျိုးပေါ့ခင်ဗျာ။

ဖအေ (၂)

နောက်တစ်မှုကတော့ ကြာပါပြီ။ ကြာဆို ဆယ်နှစ်တောင် မကတော့ပါဘူး။

ဒါပေမယ့် အလားတူပါတယ်။ ဖြစ်တာက မန္တလေးမှာပါ။ ကျွန်တော့် ကားကို ဆိုင်ကယ်တစ်စီးက ခါးလယ်ကနေ ဖြတ်တိုက်ပါတယ်။ ကျွန်တော့်ကား ပိန်ချိုင့်သွားပါတယ်။ တိုက်သူ လူငယ် လဲကျသွားပါတယ်။ သူ့ဆိုင်ကယ်လည်း လဲသွားတာပေါ့ခင်ဗျာ။

ကျွန်တော် ဆင်းကြည့်ပါတယ်။ ကျွန်တော့်ကား တော်တော်လေး ပျက်စီးသွားပါတယ်။ အခုကာလ ပေါက်ဈေးနဲ့ဆိုရင် ဆေးသုတ်တာ ဘာညာနဲ့ဆို စုစုပေါင်း တစ်သိန်းလောက် ကုန်မယ့် အခြေအနေပါ။ လူငယ်ရဲ့ လဲနေတဲ့ ဆိုင်ကယ်ကို ပြန်ထူပေးလိုက်ပါတယ်။ ဆိုင်ကယ်လည်း ရှေ့ဘီးခွေ လိမ်သွားပါပြီ။ လူငယ်ကို ကြည့်လိုက်တော့ ဒဏ်ရာ ပြင်းပြင်းထန်ထန် မရပါဘူး။ တံတောင်ဆစ် ပွန်းသွားတယ်။ ဒူးပြဲသွားတယ်။

လူငယ်က သူ့ဖခင်ကို ဖုန်းဆက်ခေါ်မယ် ပြောပါတယ်။ ကျွန်တော်လည်း စောင့်ပေးပါတယ်။ အလျော်ရမှ ဖြစ်မှာကိုး။

သူ့ဖခင်က သိပ်မကြာခင် ရောက်လာပါတယ်။ လူငယ်က ကျွန်တော်က ဇွတ်ဝင်တဲ့အတွက် သူ အရှိန်မထိန်းနိုင်ဘဲ တိုက်မိတဲ့အကြောင်း ပြောပါတယ်။  ကျွန်တော် ဘာမှ ဝင်မပြောသေးပါဘူး။ သူတို့ချင်း ပြောနေတာကိုပဲ အသာ နားထောင်နေလိုက်ပါတယ်။

ဖအေ လုပ်တဲ့သူက သူ့သားကို သေချာပြန်မေးပါတယ်။ ကျွန်တော် လာတဲ့ လမ်းကြောင်း၊ သူ့သား လာတဲ့ လမ်းကြောင်းကို သူ နားလည်တဲ့အထိ မေးယူပါတယ်။

ကျွန်တော်က ၂၉ လမ်းအတိုင်း အနောက်ကနေ အရှေ့ကို တက်လာတာပါ။ လူငယ်က ၈၂ လမ်းအတိုင်း တောင်ကနေ မြောက်ဘက်ကို သွားတာပါ။ ဇာတ်ရည်လည်း လည်သွားရော ဖအေလုပ်တဲ့သူက သားကို ဆွဲထိုးတော့တာမို့ ကျွန်တော်ကတောင် ဖအေကို ဆွဲထားရပါတယ်။ သားလုပ်တဲ့သူက  ခပ်လှမ်းလှမ်းကို ထွက်သွားပြီး မျက်နှာကြီး စူပုပ်နေပါတယ်။

ဖအေလုပ်တဲ့သူက ကျွန်တော့်ကို တောင်းပန်ပါတယ်။ သူ့သားမှားတာ အတွက် သူတာဝန်ယူပါကြောင်း၊ ကျွန်တော် ကြိုက်တဲ့ဆိုင်မှာ ကျွန်တော့်ကား ကို ပြင်ပါ၊ ကျသလောက် သူရှင်းပေးပါ့မယ်လို့လည်း ပြောပါတယ်။ ပြီးတော့ သူ ဘယ်သူဘယ်ဝါပါ၊ ဘာအလုပ်လုပ်ပါတယ်၊ သူ့လိပ်စာက ဘယ်မှာပါဆိုတာတွေ အတိအကျ ပြောပါတယ်။ ကျွန်တော့်ဘက်က ဘာတစ်ခွန်းမှတောင် ရှည်ရှည်ဝေးဝေး ပြောစရာ မလိုတဲ့အပြင် သူ့ကိုရော၊ ကျွန်တော့်ကားကိုပါ ဝင်တိုက်သူ သူ့သားကိုပါ အားနာစေတဲ့အထိ သူ့ဘက်က ရည်မွန်နေပါတယ်။

နောက်ဆုံးမှာ သူ့ကိုပဲ ကျွန်တော့်ကား ပြင်ရင် ဘယ်လောက်ကုန်မလဲဆိုတာ ခန့်မှန်းကြည့်ခိုင်းလိုက်တယ်။ သူကလည်း တစ်သိန်းလောက် ကုန်မယ်လို့ မှန်းပါတယ်တဲ့။ ကျွန်တော်လည်း အလားတူပဲ မှန်းတဲ့အကြောင်း၊ သည်အတွက် တစ်ယောက်တစ်ဝက်ဆိုရင် ကျေနပ်နိုင်မလားလို့ သူ့ကို မေးတဲ့အခါ သူက ကျွန်တော့်ကို ကျေးဇူးထပ်တင်နေပါတယ်။ ငွေငါးသောင်းကိုလည်း ချက်ချင်း ထုတ်ပေးပါတော့တယ်။ သည်နည်းနဲ့ ကိစ္စပြီးသွားခဲ့ဖူးတယ်။

သည်အဖေလည်း သူ့သားကိုတော့ မချစ်ဘဲနေမှာ မဟုတ်တာ သေချာ ပါတယ်။ ဒါပေမယ့် သူချစ်ပုံက ငါ့သားဖြစ်တိုင်း မင်းမမှန်ဘူးကွ။ အမှန်၊ အမှားဆိုတဲ့ အခြေအနေတစ်ရပ်ကို ငါ့သားဖြစ်ရုံနဲ့ လှည့်စားလို့ မရဘူး။ မှန်တဲ့ဘက်က ငါရပ်မယ်ဆိုတဲ့ အဖေမျိုးလို့ ကျွန်တော် မြင်လိုက်မိပါတယ်။

ဖအေ (၃)

ကျွန်တော့်မှာလည်း ၂၀ ကျော် သားတစ်ယောက်ရှိပါတယ်။ သူလည်း ကားမောင်းနေတာပါပဲ။ ယာဉ်ကြော အင်မတန် ရှုပ်ထွေးလှတဲ့ ရန်ကုန်မြို့ကြီးမှာဆိုတော့ သူလည်း မတော်တဆမဟုတ် တစ်ကွေ့မဟုတ်၊ တစ်ကွေ့ကြုံတာပါပဲ။

တစ်ရက်မှာ သူ ကျွန်တော့်ကို လာကြိုဖို့ ချိန်းထားပါလျက်နဲ့ ရောက်မလာဘူး။ ဒါနဲ့ ကျွန်တော့် ဖုန်းကို ထုတ်လိုက်တော့ ကျွန်တော့်ဖုန်းမှာ သူ့ဆီက ဖုန်းခေါ်ထားတာတွေ တွေ့ရတယ်။ ကျွန်တော်က အလုပ်လုပ်နေချိန်မှာ ဖုန်းကို အသံမမြည်အောင် ပိတ်ထားစမြဲမို့ သူ့ဖုန်းတွေကို ကျွန်တော် မသိခဲ့ပါဘူး။ သူက ဖုန်းခေါ်လို့ မရတော့ ကျွန်တော့်ဆီကို ဖုန်းနဲ့ စာတို ပို့ထားပါတယ်။ “အဖေ… သားဆီ ချက်ချင်း ဖုန်းပြန်ဆက်ပေးပါ”ပေါ့။

ကျွန်တော့်စိတ်က အလိုလို သိလိုက်တယ်။ သည်ကောင်တော့ ပြဿနာ ရှိနေပြီပေါ့။ ယာဉ်မတော်တဆမှုဆိုတာလည်း အပိုင်တွက်လိုက်ပါတယ်။ သူ့ဆီ ကျွန်တော် ဖုန်းပြန်ဆက်လိုက်ပါတယ်။

“သား မတော်တဆ တိုက်မိလို့ အဖေ…”

“အေး… ပထမဆုံးက မင်း ဘာဖြစ်သွားလဲ…”

“ဘာမှမဖြစ်ဘူး အဖေ…”

“ဟုတ်ပြီ။ မင့်ဟာမင်း ရှင်းနိုင်လား။ အဖေ လာပေးဖို့ လိုလား”

“ကျွန်တော့်ဘာသာ ရှင်းနိုင်ပါတယ်။ အဖေ မလာပါနဲ့။ အဖေ့ကို လာမကြို ပေးနိုင်တာကိုပဲ အကြောင်းကြားတာပါ”

“အေး… အေး… ပြီးရော။ လိုအပ်ရင်တော့ ဖုန်းဆက်လိုက်ပေါ့ကွာ”

“ဟုတ်ကဲ့ခင်ဗျ…”

ကျွန်တော် ကျွန်တော့်သားကို ချစ်ပါတယ်။ ပြေးကြည့်မှ ကျွန်တော့်မှာ သားလေးတစ်ယောက်၊ သမီးလေးတစ်ယောက်ပဲ ရှိတာလေ။ ချစ်တာပေါ့ဗျာ။ ဒါပေမယ့် ကျွန်တော်က သူတို့အရင် သေမှာ။ သူတို့က လူ့လောက အလယ်မှာ ကျန်ရစ်ခဲ့မှာ။ နေရာတကာမှာ သူတို့ ပြဿနာကို ကိုယ်ကချည်း လိုက်ရှင်းပေးသွားနိုင်မှာမှ မဟုတ်တာ ကိုယ့်ပြဿနာ ကိုယ်ရှင်းပေါ့။ အရေးကြီးတာက ကျွန်တော် ချစ်တဲ့ ကျွန်တော့်သားသမီး ထိခိုက်ဒဏ်ရာ မရဘူးဆို ပြီးတာပဲ။  ကျန်တာတော့ သူတို့ကိစ္စ သူတို့ရှင်းစေလို့ သဘောထားလိုက်တယ်။

ကျွန်တော့် အသက် ၁၉ နှစ်မပြည့်ခင်မှာ လမ်းပေါ်ရောက်ပြီး အငှားယာဉ် မောင်းခဲ့ရပါတယ်။ မောင်းခါစမှာ အမှုတွေ ပွေပါတယ်။ အဲဒီ့အချိန်မှာ အဖေ မရှိတော့ပါဘူး။ သည်တော့ ကျွန်တော့် ပြဿနာ ကျွန်တော် ရှင်းခဲ့ရတာချည်းပါပဲ။ ခေါ်စရာ အဖေမှ မရှိတော့တာကိုး။ အဲတော့လည်း ကိုယ်ဖြစ်သမျှ ကိုယ် ခံ၊ ကိုယ့်ကြမ္မာ ကိုယ်ဖန်တီးပေါ့။

ကျွန်တော့် သားသမီးတွေကိုလည်း အဲသလိုပဲ လွှတ်ပေးထားလိုက်တယ်။ နေရာတကာ ကျွန်တော် ပါမနေမိတော့ဘူး။ မချစ်လို့တော့ မဟုတ်တာ သေချာပါတယ်။

နိဂုံး

စာဖတ်သူလူကြီးမင်းများ ရှေ့တော်မှောက်ကို ဖခင်သုံးယောက်အကြောင်း အမြွက်မျှ တင်ပြလိုက်ပါတယ်။

ဘယ်ဖခင်က တော်ပါတယ်၊ ဘယ်ဖခင်က ညံ့ပါတယ်လို့ ကျွန်တော် မပြောအပ်ပါဘူး။ စာဖတ်သူများကိုယ်တိုင် ဆင်ခြင်ကြည့်ကြဖို့ပါ။

သေချာတာ တစ်ခုကတော့ သည်ဖခင် သုံးဦးစလုံးဟာ သူတို့သားသမီးတွေကို ချစ်ကြသူချည်းပါပဲ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ၁၀ဝ၃၁၂)

၂၀၁၂ ခုနှစ် ဧပြီလထုတ် သရဖူမဂ္ဂဇင်းမှာ ဖော်ပြထားတာလေးကို ပြန်လည်တင်ဆက်လိုက်တာပါ။

သရုပ်ဖော်ပုံများမှာ သရဖူမှာ ဖော်ပြပါရှိတဲ့ ဆရာ “ဇော်မောင်”ရဲ့ လက်ရာများဖြစ်ပါတယ်။

Radio Australia’s Interview on Transparency in Families

မိဘနဲ့ သားသမီးကြားက ပွင့်လင်းမှု အတိုင်းအဆ

Radio Australia က Melbourne ကနေ ကျွန်တော့်ကို တယ်လီဖုန်းနဲ့ လှမ်းပြီး တွေ့ဆုံ မေးမြန်းပါတယ်။ အဲဒီ့ရေဒီယိုရဲ့ မြန်မာပိုင်းအစီအစဉ် တာဝန်ခံက ၁၉၉၉ ခုနှစ်တုန်းက ဆစ်ဒနီက SBS အသံလွှင့်ဌာနရဲ့ မြန်မာပိုင်းအစီအစဉ်မှာ အလုပ်လုပ်နေပြီး အဲတုန်းက အော်စီကို ရောက်သွားတဲ့ ကျွန်တော့်ကို တွေ့ဆုံမေးမြန်းဖို့ အားထုတ်ခဲ့ဖူးပါတယ်။ ကျွန်တော်က တွေ့ဆုံမေးမြန်းခြင်းကို လက်မခံဘဲ ကျွန်တော့် စိတ်ကြိုက် ပြောချင်ရာ ပြောတဲ့ ၁၅ မိနစ်စာလေးတစ်ခု အသံသွင်းပေးခဲ့ပါတယ်။ အဲဒီ့ ခေတ်တုန်းက အခုလို အိတ်ဆောင် အသံဖမ်းစက်တွေလည်း သိပ်မတွင်ကျယ်သေး၊ ကွန်ပျူတာနဲ့ အသံတွေ ပေးပို့တာလည်း ခေတ်မစားသေးတာမို့ အဲတုန်းက အသံလွှင့်ချက်ကလေးကို မိတ္တူ ယူမထားနိုင်ခဲ့ပါဘူး။

အခုတစ်ခါလည်း Raido Australia က တယ်လီဖုန်းနဲ့ တွေ့ဆုံမေးမြန်းခန်းမှာတော့ မိဘနဲ့ သားသမီးဆက်ဆံရေးကိစ္စဖြစ်တာကြောင့် စိတ်ရှင်းရှင်းနဲ့ လက်ခံ ဖြေကြားပေးခဲ့ပါတယ်။ မေးမြန်းသူက “ကိုဇာနည်လွင်ဦး”ဆိုတဲ့ တောင်ကြီးသားလေးပါ။

သည်တွေ့ဆုံ မေးမြန်းခန်းကို ၂၀၁၁ ခုနှစ် စက်တင်ဘာလ ၂၀ ရက် အင်္ဂါနေ့မှာ ဒေသစံတော်ချိန် မနက် ၅ နာရီခွဲက ၆ နာရီ တစ်ကြိမ်၊ ညဦး ၇ နာရီခွဲက ၈ နာရီ တစ်ကြိမ်၊ တစ်နေ့ကို နာရီဝက်စာ နှစ်ကြိမ် ထုတ်လွှင့်နေတဲ့ သူတို့ရဲ့ မြန်မာပိုင်း အစီအစဉ်ကနေ ထုတ်လွှင့်တယ်လို့ သိရပါတယ်။ (အဲဒီ့ ရေဒီယိုနဲ့ အစီအစဉ် အသေးစိတ် သိလိုပါရင် အခု စာမျက်နှာမှာ တင်ထားတဲ့ သူတို့ရေဒီယို အမှတ်တံဆပ်ကို ဖြစ်စေ၊ အရောင်ပြောင်းထားတဲ့ Radio Australia စာတန်းများကို ဖြစ်စေ ကြွက်နှုတ်သီးလေးနဲ့ ထိုးပြီး ကြွက်ရဲ့ ဘယ်ဘက် နှုတ်ခမ်းကို ဖိလိုက်ရင် သူတို့ စာမျက်နှာများဆီ ရောက်သွားပါလိမ့်မယ်။)

ကျွန်တော့်ဆီကို မေး(လ်)က တစ်ဆင့် လှမ်းပို့ပေးလိုက်တဲ့ တွေ့ဆုံမေးမြန်းချက် အသံဖိုင်လေးကို ဝေမျှပေးလိုက်ပါတယ်။

Padamya FM: Father’s Day

အဖေများနေ့ အထိမ်းအမှတ်အတွက် ပတ္တမြား FM မှာ ပြောခဲ့တာ

ရန်ကုန် City FM က ရန်ကုန်မြို့နဲ့ အနီးတ၀ိုက်၊ မန္တလေး FM က ရန်ကုန်နဲ့ မန္တလေးတစ်ကြော၊ ပဉ္စ၀တီ FM က မြစ်ဝကျွန်းပေါ်နဲ့ ကမ်းရိုးတန်း ဒေသစသဖြင့် FM ရေဒီယိုများ အလျှိုလျှို ပေါ်ထွက်လာပြီးတဲ့နောက် ပတ္တမြား FM ကလည်း ချင်းပြည်နယ်နဲ့ စစ်ကိုင်းတိုင်းကို လွှင့်ထုတ်နေတယ်လို့ သိရပါတယ်။ အဲဒီ့ ရေဒီယိုအစီအစဉ်က အခုနှစ် စက်တင်ဘာ ၅ ရက်နေ့ “အဖေများနေ့”အထိမ်းအမှတ်အဖြစ် ထုတ်လွှင့်မယ့် အစီအစဉ်လေးမှာ ကျွန်တော့်ကို လာရောက်တွေ့ဆုံ မေးမြန်းသွားခဲ့ပါတယ်။ အဲဒီ့ အသံဖိုင်လေးကို ကနေ့ အဲဒီ့ ရေဒီယိုရဲ့ အသံသွင်း စတူဒီယိုမှာ နောက်ထပ် အစီအစဉ်တစ်ခုအတွက် အသံသွားသွင်းရင်းက ရရှိလာပါတယ်။

နားဆင်တော်မူကြည့်ကြပါဦးခင်ဗျာ။ သိပ်မရှည်လှပါဘူး။ ၅ မိနစ်စာလေးပါ။

ဆယ်ကျော်သက်နဲ့ ပြစ်ဒဏ်

မင်္ဂလာပါလို့ စာရေးတဲ့ ကျွန်တော် အတ္တကျော်က ဦးစွာပထမ ဂါရဝနဲ့ နှုတ်ခွန်းဆက်ပါရစေလား ခင်ဗျာ။

သည်တစ်ပတ် ကျွန်တော့်ရဲ့ “ဘဝအမောပြေဖို့ အဖြေရှာစို့” အစီအစဉ်ကတော့ ဖတ်လိုက်ရတဲ့ ကြေကွဲစရာ ဂျာနယ်သတင်းတစ်ခုကို အကြောင်းပြုထားပါတယ်။ နားဆင်တော်မူနေကြတဲ့ ချစ်သော ပရိသတ် လူကြီးမင်းများထဲက တချို့တွေလည်း ဖတ်မိကောင်း ဖတ်မိလိုက်ပါလိမ့်မယ်။ မဖတ်မိလိုက်သူများအတွက် အဲဒီ့သတင်းလေးကို အတိုချုံးပြီး ပြန်အစီရင်ခံပြပါရစေ။

၂၀ဝ၉ ခုနှစ် နိုဝင်ဘာလ နောက်ဆုံးပတ်မှာ ထွက်လာတဲ့ ဂျာနယ်တစ်စောင်မှာ ဖော်ပြထားတာကတော့ အလယ်တန်း ကျောင်းသူလေးတစ်ဦးဟာ ချစ်သူ ခင်သူတွေနဲ့ စာတွေ အပြန်အလှန် ရေးတဲ့ “ရေးပေးပါ”လို စာအုပ်မျိုး လေးကို ထားရှိပါသတဲ့။ အဲဒီ့ စာအုပ်လေးထဲမှာ သူ့ခံစားချက်လေးတွေ၊ သူ့ကို ချစ်ကြ ခင်ကြတဲ့ သူငယ်ချင်းတွေရဲ့ ခံစားချက်လေးတွေကိုလည်း စုပေါင်း ရေးဖွဲ့ထားပါတယ်။ ဖြစ်ချင်တော့ အဲဒီ့စာအုပ်လေးကို သူ့သူငယ်ချင်းလေးတစ်ယောက်က ဖတ်နေခိုက်မှာ သူတို့ရဲ့ အတန်းဆရာမက မြင်သွားပြီး အဲဒီ့စာသားတွေကို အတန်းထဲမှာ အော်ဖတ်ခိုင်းရုံသာ မက အဲဒီ့ကလေးမလေးရဲ့ စာအုပ်ထဲမှာ ပါနေလေတဲ့ ကောင်လေး တစ်ယောက်ရဲ့ တန်းခွဲကိုပါ သွားအော်ဖတ်ခိုင်းခဲ့တယ်။ ဒါ့အပြင် ကလေးမလေးကိုလည်း နောက်တစ်ရက် ကျောင်းလာတဲ့အခါ မိဘတွေ ခေါ်လာရမယ်၊ ခေါ်မလာရင် ကျောင်းလာမတက်နဲ့လို့လည်း ရာဇသံပေးလိုက်ပါတယ်။ ဒါတင် မကသေးဘူး “စာသင်ဖို့ ကျောင်း လာတက်တာလား၊ လင်လာရှာ တာလား”လို့လည်း ရင့်ရင့်သီးသီး ဆိုလိုက်ပါသေးသတဲ့။

တိုတိုပြောရရင်တော့ဗျာ၊ ကာယကံရှင် ကလေးမလေးဟာ ရှက်စိတ်တွေ သည်းလွန်းမက သည်းသွားရာကနေ သူ့ကိုယ်သူ အဆုံးစီရင်သွားတဲ့ သတင်းလေးပါပဲ။ သည်သတင်းလေးကို ဖတ်လိုက်ရတဲ့အခါ ကျွန်တော့် ရင်ထဲ မှာ ဆို့သွားရပါတယ်။ တစ်ဆက်တည်းမှာပဲ ဒါလေးကို အကြောင်းပြုပြီး ဆယ်ကျော်သက်တွေကို ကိုင်တွယ် အုပ်ထိန်းနေတဲ့ မိဘတွေ၊ ဆရာတွေကို ဆွေးနွေး တင်ပြချင်တာလေးတွေ ရှိလာရပါတော့တယ်။ ဒါ့ကြောင့် သည်တစ်ပတ်မှာတော့ ဆယ်ကျော်သက်အရွယ် လူငယ်လေးတွေရဲ့ သဘာဝကို ဆွေးနွေးတင်ပြသွားပါရစေခင်ဗျား။

စိတ်ပညာနယ်ပယ်မှာတော့ ကြီးကောင်ဝင်စ ဆယ်ကျော်သက်အရွယ်ကို “မုန်တိုင်းထန်ထန် စိတ် ဒဏ်ပိပိအရွယ်”လို့ ခေါ်ဆိုကြပါတယ်။ အင်္ဂလိပ်ဘာသာနဲ့တော့ Storm & Stress ပေါ့။ ဘယ်လို မုန်တိုင်းထန်ပြီး ဘယ်လို စိတ်ဒဏ် ပိနေတာလဲလို့ မေးစရာ ရှိပါတယ်။

ဟုတ်ကဲ့ခင်ဗျာ၊ တကယ်တော့ သည်အရွယ်ဟာ စကောစက အရွယ်ပါ။ လူကြီးဖြစ်ပြီလား ဆိုရင်လည်း လောက်လောက်လားလား ဖြစ်မလာသေးဘူး။ ဒါဖြင့် ကလေးလားဆိုရင်လည်း ကလေးက မဟုတ်တော့ဘူး။ ယောက်ျားလေးဆိုလည်း ပုဆိုး ကွင်းသိုင်း ထင်ရာစိုင်းလို့ မရတော့သလို မိန်းကလေးဆိုလည်း ကလေးဘဝတုန်းကလို ယောက်ျားလေးများနဲ့ လုံးလုံးလားလား ကစားချင်တိုင်း ကစားလို့ မရတော့တဲ့ အရွယ်ပေါ့။ ကိုယ့်ကိုယ်ခန္ဓာ ကိုယ်ပြန်ကြည့်ပြန်တော့လည်း အပြောင်းအလဲတွေက အများသား။ သည်ကြားထဲမှာ ကိုယ်က ရွယ်တူ သူငယ်ချင်းတွေထက် ပိုပြီး အထွားမြန်နေရင် ဖြစ်ဖြစ်၊ သူတို့မှာ ကိုယ်ခန္ဓာတွေ ဖွံ့ဖြိုး၊ အရပ်တွေ ထွက်လာသလောက် ကိုယ်က မဖွံ့ဖြိုးသေး ရင်ဖြစ်ဖြစ် ပိုလို့ ညစ်စရာ ကောင်းနေရပါသေးတယ်။ ငါများ လူစဉ်မမီ ဖြစ်နေသလား၊ ငါများ သာမန်ထက် ပိုပြီး ထူးကဲတဲ့ ကျွဲပေါက်စများ ဖြစ်နေပြီလားစသဖြင့် အတွေး ပေါင်းများစွာနဲ့ ဗျာများရတာလည်း သည်အရွယ်ပါပဲ။

အဲတော့ ကလေးမက လူကြီးမကျ စကောစကအရွယ်၊ သည်လို ဆယ်ကျော်သက်စ ပျိုမြစ်နုနယ်သူလေးများခမျာမှာ အလိုလိုနေရင်းကို စိတ်ရှုပ်နေရပါတယ်၊ စိတ်ညစ်နေရပါတယ်။ လေတိုက်လို့ သစ်ရွက်ကလေး လှုပ်တာကို ကြည့်ရင်းနဲ့တောင် ကိုယ်က ကြားထဲက အခြောက်တိုက် ငိုချင်သလိုလို၊ ရယ်ချင်သလိုလိုဖြစ်ရတာကလည်း တကယ်တော့ သည်အရွယ်ပါ။

အခု ကျွန်တော့်အစီအစဉ်ကို နားဆင်တော်မူနေကြတဲ့ ချစ်သော ပရိသတ်များထဲက အရွယ်ကောင်းစွာ ရောက်နေကြသူ လူကြီးမင်းများလည်း အဲဒီ့အရွယ်တုန်းက ကိုယ့်အခြေအနေ၊ ကိုယ့်စိတ် ခံစားချက်တွေကို ပြန်ဆင်ခြင်ကြည့်မယ်ဆိုရင် သည်အတိုင်းပဲ ပြန်မြင်ရမှာပါနော်၊ ဟုတ်ကဲ့လား မသိဘူး။

ကိုယ့်စိတ်နဲ့ကိုယ် ဇယားရှုပ်၊ ကိုယ့်စိတ်နဲ့ကိုယ် နပန်းလုံး၊ ကိုယ့်စိတ်နဲ့ကိုယ် မကျေမလည် ဖြစ်နေရတဲ့ ကြားထဲ ကိုယ့်ပတ်ဝန်းကျင်က လူကြီးသူမတွေ၊ ရွယ်တူတွေကလည်း တစ်မှောင့်၊ နှစ်မှောင့်၊ သုံး မှောင့်မက အမှောင့်ပေါင်းများစွာနဲ့ နှောင့်နေတာတွေကလည်း တစ်သီ တစ်တန်းကြီး ရှိပါသေးတယ်။ 

လူကြီးတွေကလဲ “ဟဲ့… ကလေးမဟုတ်တော့ဘူးနော်”ဆိုတဲ့ စကားနဲ့ ဟန့်တာလေးတွေ ရှိလာပြီ။ သို့သော် ကလေးဆန်တာကို ဟန့်ချင်တဲ့အခါမှာသာ ကလေး မဟုတ်တော့ဘူးလို့ ပြောကြတာ၊ သိပ်လူကြီးဆန်လာပြန်ရင်လည်း “အရွယ်လေးကဖြင့် လက်တောက်လောက် ရှိသေးတယ်”တို့၊ ”အခုမှ လူဖြစ်မယ် ကြံရုံရှိသေး”တို့၊ “ကလေးက ကလေးလို မနေဘဲ လူပျိုဂိုက်၊ အပျိုဂိုက်ဖမ်းနေတယ်” ဆိုတာမျိုးတွေကိုလည်း လူကြီး မိဘတွေက အခါအားလျော်စွာ ပြောဖြစ်နေတတ်ကြပြန်ပါတယ်။

ကြားနာရသူ ကြီးကောင်ဝင်စ ဆယ်ကျော်သက် အထီး အမလေးများရဲ့ နေရာမှာ တစ်ဆိတ် ဝင်နေ ကြည့်တော်မူကြစမ်းပါဗျာ။ အဲလို “ကလေး မဟုတ်တော့ဘူး”လို့ အခုပဲ ပြောလိုက်၊ တော်နေကြာတော့ “အရွယ်ကလေးကဖြင့် လက်တောက်လောက် ရှိသေးတယ်”လို့ ပြောလိုက်နဲ့ ကိုယ် တစ်ယောက်တည်းကိုပဲ ဆန့်ကျင်ဘက် နှစ်မျိုး အပြောခံနေရတဲ့အခါ ဘယ်လိုများ ခံစားကြရပါမလဲဗျာ။

ကလေးမဟုတ်တော့ဘူးလို့ ပြောတဲ့အတွက် ဘဝင်လေး မြင့်မယ်ကြံခါ ရှိသေးတယ်၊ လက်တောက်လောက်ရှိသေးတယ်နဲ့လည်း တွေ့ရော စောစောက တက်မယ် ပြင်ထားတဲ့ ဘဝင်လေးက ဖုတ်ဆို ထွက်ပြေးသွားလိုက်တော့တာများ၊ ကုလားထိုင်ကျို ကုလားထိုင်ကြား၊ ဖျာကျို ဖျာကြား လိုက်ရှာတောင် မတွေနိုင်တော့မယ့် အဖြစ်။

အဲတော့ နဂိုကမှ ကိုယ့်စိတ်နဲ့ ကိုယ်နပန်းလုံးပြီး ညစ်နေရတဲ့ စိတ်က ပတ်ဝန်းကျင်မှာ ရှိနေတဲ့ လူကြီးသူမတွေရဲ့စကားအထွေထွေကြောင့် ပိုနွမ်းလာရတယ်။ ပို ဇဝေဇဝါ ဖြစ်လာရတယ်။ ပို ကယောင်ခြောက်ခြား ဖြစ်လာရပါတယ်။

ရွယ်တူတွေကကျပြန်တော့လည်း တစ်မျိုး၊ တို့ကတော့ ဘယ်ကဲ့သို့၊ ဘယ်ချမ်းသာဟေ့၊ တို့ကတော့ ဘယ်လို စွံတာ၊ တို့ကိုတော့ ဘယ်သူက ဘယ်လို စွဲလန်းနေတယ် ဆိုတာမျိုးတွေ၊ တို့ကိုယ်ခန္ဓာမှာ ဘယ်လိုတွေ ဖြစ်လာနေတယ် ဆိုတာမျိုးတွေက သည်အရွယ်တွေကြားမှာ ပွထနေပါတယ်။ ဟုတ်တာတွေလည်းပါရဲ့၊ မဟုတ်တာတွေလည်း ပါရဲ့။ အမှန်က ရွယ်တူတွေမှာကလည်း သူတို့စိတ်နဲ့ သူတို့ ဗရုတ်ဗရက် ဖြစ်ချင်တိုင်း ဖြစ်နေကြလေတော့ကာ သည်လို တောရမ်းမယ်ဘွဲ့တွေ လျှောက်ပြောရင်းက စိတ်ထွက်ပေါက် ရှာတတ်ကြတာမျိုးကလား။ ဘာပဲ ဖြစ်ဖြစ်၊ အဲသလို ရွယ်တူတွေကြားမှာ နေရတဲ့ ကြီးကောင်ဝင်စ ဆယ်ကျော်သက် တစ်ယောက်အတွက်ကျတော့ နောက်ကျိနေတဲ့ စိတ်အလျဉ်ကို ကြည်လင်မလာစေနိုင်တဲ့အပြင် ပိုလို့သာ ညစ်နွမ်းစရာ ဖြစ်လာရပါတော့တယ်။

ဒါတွေ အားလုံးကို စုပေါင်း လိုက်တဲ့အခါမှာတော့ သည်လို ကြီးကောင်ဝင်စ ဆယ်ကျော်သက်အရွယ်ကို မုန်တိုင်းထန်ထန်၊ စိတ်ဒဏ်ပိပိနေတဲ့အရွယ်လို့ ပညာရှင် တွေက သတ်မှတ်လိုက်ကြတော့တာပါပဲ။

သည်အရွယ်ဟာ လူကြီးသူမတွေရဲ့ မျက်စိထဲမှာ ဘယ်လိုမှကို အချိုးမပြေနိုင်တဲ့အရွယ်ပါ။ ဘယ် အချိုးပြေနိုင်ပါ့မလဲဗျာ၊ ဟိုအဆိုတော့်ဆံပင်ပုံက ကောင်းနိုးနိုး၊ ဟိုမင်းသမီးရဲ့ အမူအရာက ကောင်းနိုးနိုးနဲ့ ကိုယ့်မျက်စိအောက် ရောက်လာသမျှထဲက သင့်နိုးရာရာကို လိုက်အတုခိုးရ၊ ဆံပင် သရ၊ မှန် ကြည့်ရ၊ မိန်းကလေး ဆိုလည်း မရှိ ရှိတဲ့ ကိုယ်ခန္ဓာအချိုးအစား မပေါ် ပေါ်အောင် ထဘီကို မတရားသဖြင့် တင်းတင်းစီးလို စီးရ၊ လမ်းလျှောက်တဲ့အခါကျပြန်တော့လည်း အမြင် တင့်တယ်အောင် မော်ဒယ်လို လျှောက်ရနဲ့ဆိုတော့ မြင်ရသူ လူအပေါင်းရဲ့ မျက်စိထဲမှာ ဘယ်လိုမှကို အချိုးကျမှာလည်း မဟုတ်ပါဘူး။

သည်အထဲမှာ ကိုယ်လည်း သည်အရွယ်တုန်းက သည်လို ဖြစ်ခဲ့တာပဲဆိုတာ အင်မတန် မေ့လွယ် ပျောက်လွယ်တဲ့ လူကြီးသူမတွေက ကျွန်တော်တို့ ပတ်ဝန်းကျင်မှာ အပြည့်အသိပ်နဲ့ ဖြစ်နေလေတော့ ကြီးကောင်ဝင်စ ဆယ်ကျော်သက်လေးများခမျာမှာ နေစရာကို မရှိရှာကြတော့ပါဘူး။ တချို့ကျတော့လည်း သူတို့ကို အပြစ်တင် ဝေဖန်တဲ့ လူကြီးသူမတွေကို ကလန်ကဆန် လုပ်ချင်တဲ့ စိတ်ကလေးတွေနဲ့ ကျွပ်ဆတ်ဆတ်၊ ဂျစ်ကန်ကန်လေးတွေ ဖြစ်လာကြတယ်။ အဲ… တချို့ကျပြန်တော့လည်း အဲသလို ပြစ်တင် ဝေဖန်လွယ်တဲ့ လူကြီးသူမတွေကြောင့် မအုံမနွေးနဲ့ မထုံတက်သေးလေးတွေ၊ မြုံစိစိလေးတွေ၊ မလှုပ်တလှုပ်လေးတွေ ဖြစ်ကုန်ရပြန်တယ်။

တကယ်တော့ ဂျစ်ကန်ကန်ရော၊ မြုံစိစိရော ဘယ်ဟာကမှ မကောင်းဘူးဆိုတာ နားသောတ ဆင်တော်မူနေကြတဲ့ ပရိသတ် လူကြီးမင်းများလည်း လက်ခံနိုင်ကြမှာပါနော်။ သို့သော် ကျွန်တော်တို့က ဆယ်ကျော်သက်အရွယ်ကို ကောင်းကောင်း လွန်မြောက်ပြီး အရွယ်ရောက်သူဘဝ ရောက်လာတဲ့အခါ ကိုယ့်တုန်းက ခံစားခဲ့ရတာတွေ၊ တွေ့ကြုံခဲ့ရတာတွေကို အမေ့ကြီး မေ့လို့ ကောင်းနေတတ်ကြပါတယ်။ မေ့ရုံတင်မကဘူး၊ သူတို့လေးတွေကို လူကြီးမျက်စိနဲ့ ကြည့်မိတဲ့အခါကျတော့ ဘယ်နေရာမှ ကြည့်လို့ မရချင်သလိုဖြစ် နေတတ်ကြတာလည်း ကျွန်တော်တို့လို အရွယ်ရောက်နေသူ လူကြီးသူမ အတော်များများပါပဲ။

အဲတော့ ကြီးကောင်ဝင်စ ဆယ်ကျော်သက်တွေနဲ့ အနီးကပ် ဆက်စပ်ပတ်သက်နေရသူ လူကြီးသူမတိုင်း၊ မိဘဆရာသမားတိုင်း  စဉ်းစားသင့်တာက တို့များရော အဲဒီ့အရွယ်တုန်းက ဘယ်လိုစိတ်မျိုး၊ ဘယ်လိုခံစားမှုမျိုးတွေ ရှိခဲ့ပါလိမ့်၊ အဲဒီ့စိတ်တွေ၊ အဲဒီ့ ခံစားမှုတွေကရော ဘယ့်ကလောက်အထိများ အရှည်တည်နေ၊ စွဲမြဲနေလို့ပါလိမ့်၊ အဲတုန်းက ထားခဲ့တဲ့ ဆံပင်ပုံ၊ အဲတုန်းက ကြိုက်ခဲ့တဲ့ အဝတ်အစား၊ အဲတုန်းက ကျင့်ကြံခဲ့တဲ့ နေပုံထိုင်ပုံတွေ အားလုံးဟာလည်း ဘယ်လောက်အထိများ တာသွားခဲ့လို့ပါလိမ့်ဆိုတဲ့ အချက်များပါပဲ။ ဒါတွေကို ဆင်ခြင်မိမယ် ဆိုရင်တော့ ဘာမဟုတ်တဲ့ ကိစ္စ အသေးအမွှားလေးများကြောင့် ကိုယ်နဲ့ ထိစပ်ပတ်သက်နေရသူ ကြီးကောင်ဝင်စ ဆယ်ကျော်သက်များနဲ့ သိပ်အဟပ်ကွာနေတော့မှာ မဟုတ်တဲ့အပြင် ဂျစ်ကန်ကန်လေးတွေ၊ မထုံတက်သေးလေးတွေလည်း တဖြည်းဖြည်း ရည်မွန်လာနိုင်ကြပါလိမ့်မယ်။

အဲ… သည်လိုမှ မဟုတ်ဘဲ ကိုယ့်မျက်စိထဲ အချိုးမပြေလေတိုင်း သည်ကြီးကောင်ဝင်စ ဆယ်ကျော်သက်လေးများကို နှိပ်ကွပ်ရာ၊ ချိုးဖဲ့ရာရောက်တဲ့အပြောအဆို အပြုအမူတစ်ခုခု လုပ်မိနေမယ်ဆိုရင်တော့ သည်အရွယ်လေးတွေကို လမ်းမှားဆီ တွန်းပို့သလို ဖြစ်နေနိုင်တတ်တဲ့အပြင် အခု ကျွန်တော့် ဆွေးနွေးချက်လေး ဖြစ်လာအောင် အကြောင်းဖန်သွားတဲ့ ဖြစ်ရပ်ထဲကလို ရင်နာ ရင်ကျိုးစရာ အဖြစ်ဆိုးများအထိ ကြုံရတတ်နိုင်တာကို ကြီးကောင်ဝင်စလေးတွေနဲ့ ထိစပ် ပတ်သက်နေသူ လူကြီးမိဘတိုင်း၊ ဆရာ သမားတိုင်း သတိထားအပ်ကြပါ တယ်ခင်ဗျား။

ဆွေးနွေးစရာ နောက်တစ်ချက် ကျန်ပါသေးတယ်။ အဲဒါကတော့ အပြစ်ပေး ဒဏ်ခတ်တဲ့ ကိစ္စပါ။ ကျွန်တော်တို့ မှီတင်း နေထိုင်ရာ လူ့ဘောင်ကြီးတစ်ခုလုံးမှာက အပြစ်ပေးလိုက်၊ ဒဏ်ခတ်လိုက်ရင် လူတစ်ယောက် နောင်ကြဉ်သွားမယ်ဆိုတဲ့ အစွဲက ဘယ်ကတည်းက စခဲ့မှန်းတော့ မသိဘူး၊ လူအများစုရဲ့ ရင်ထဲမှာ အဲဒီ့ အတွေးအမြင်ကြီးက ခိုင်မာနေပါတယ်။ ကျွန်တော်ဆို အမြဲတမ်း ဆင်ခြင်မိတယ်။ သူခိုးတစ်ယောက်ကို ပြစ်ဒဏ်ပေးလိုက်ရုံနဲ့ အဲဒီ့သူခိုး နောက်မခိုးတော့ပါဘူးလို့ ဘယ်သူ တာဝန်ယူနိုင်မှာလဲ။ အလားတူပဲ၊ တခြား စာရိတ္တပိုင်းဆိုင်ရာ ပြစ်မှု ကျူးလွန်သူတွေကိုလည်း တစ်ခေတ်ကဆို ကြိမ်ဒဏ်၊ နောက်ပိုင်းကျတော့ ထောင်ဒဏ် အမျိုးမျိုး စတာတွေနဲ့ အပြစ်ပေးလိုက်ရုံနဲ့ သည်လူတွေရဲ့ စာရိတ္တကို ပြုပြင်နိုင်ပါမတဲ့လား။

တခြားမကြည့်ပါနဲ့၊ ကျွန်တော့်ရဲ့ ဆေးလိပ်၊ အရက် ကြိုက်တဲ့ အမူအကျင့်ကို ကျွန်တော့်ရဲ့ ပီတာဖခင်ကြီးက ကြိမ်လုံးနဲ့ နာနာ နှက်ရင်း ဖြိုဖျက်ဖို့ ကြိမ်ဖန်များစွာ အားထုတ်ခဲ့ဖူးပါတယ်။ ဟုတ်ကဲ့ ခင်ဗျာ၊ အခုဆို ကျွန်တော့်ကို ကြိမ်နှက်ပြီး အကျင့်ဖျက်မယ့် အဖေမရှိတာ ၃၃ နှစ် ကျော်ပါပြီ။ ကျွန်တော် လူပျိုပေါက်အရွယ် ၁၃-၄ နှစ်သားမှသည် သူ ကျွန်တော့်ဘဝထဲက ပျောက်သွားချိန် ၁၉ နှစ်သား အရွယ်အထိ ငါးနှစ်၊ ခြောက်နှစ်လောက် မပြတ်တမ်း ထစ်ခနဲရှိ ကြိမ်နဲ့ဆော်ပြီး ပြုပြင်ဖို့ အားထုတ်ခဲ့တဲ့ အဖေ့ ပြစ်ဒဏ်များရဲ့ အကျိုးဆက်ကတော့ ကျွန်တော်ဟာ ယနေ့ထက်တိုင် ဆေးလိပ်ရော၊ အရက်ပါ ပျော်ပျော်ကြီး သောက်သုံးနေဆဲ လူသားတစ်ယောက် ဖြစ်နေပါတယ်။ အရက်အိုး ချိုးကပ်နေတဲ့ အရက်သမားဘဝကို ဘယ်တုန်းကမှ မရောက်ခဲ့တာ မှန်သော်လည်း အရက်ကို အခါအားလျော်စွာ ခုံခုံမင်မင် သောက်သုံးတတ်သူထဲမှာ ကျွန်တော် ထိပ်ဆုံးက ပါပါတယ်။ ဆေးလိပ်ကတော့ လက်ကြားကကို မချဖြစ်ဘူးခင်ဗျ။ အဖေ့ ကြိမ်လုံးရဲ့ စွမ်းချက်ကတော့ အဲဒီ့အတိုင်းပါပဲ။

အကြမ်းဖက်တဲ့နည်းနဲ့ မဟုတ်ဘဲ အရှက်ခွဲ တဲ့နည်းနဲ့ အပြစ်ပေးတာမျိုးလည်း ရှိပါသေးတယ်။ အဲဒါလည်း ကျွန်တော့် ပီတာဖခင်က လုပ်တတ်ခဲ့ပြန်ပါသေးတယ်။ တမင် ရည်ရွယ်ပြီး လုပ်တာတော့ ဟုတ်ချင်မှ ဟုတ်ပါလိမ့်မယ်။ သို့သော် သူ့စိတ်ကို လူရှေ့မရှောင်၊ သူရှေ့ မရှောင် မထိန်းနိုင်ဘဲ ကျွန်တော့်ကို ရိုက်မောင်း ပုတ်မောင်း လုပ်တာများက ကျွန်တော့်ရင်ထဲမှာ အစိုင်အခဲ တစ်ခုလို ဖြစ်နေတတ်ခဲ့ပါတယ်။   နိုင်ငံအသီးသီးရဲ့ ဖွဲ့စည်းပုံအခြေခံ ဥပဒေ တိုင်းလိုလိုမှာ “လူ့သိက္ခာ ညှိုးနွမ်း သေးသိမ်စေသော အပြစ်ဒဏ်မျိုးမပေးရ”ဆိုတာကို အတိအလင်း ထည့်သွင်း ပြဋ္ဌာန်းလေ့ရှိကြတယ်။ တစ်နည်းအားဖြင့် လူတစ်ယောက်ရဲ့ အရှက်အိုးကို ခွဲရာရောက်တဲ့ အပြစ်ဒဏ်မျိုး မပေးရလို့ ဆိုလိုတာဖြစ်ပါတယ်။

သို့သော် ဥပဒေက မည်သို့ပင် ဆိုစေကာမူ လူကြီးမိဘ ဆရာသမားတချို့မှာတော့ သည်အချက်ကို သတိမမူမိဘဲ အရှက်ခွဲတဲ့နည်းနဲ့ အပြစ်ပေးလိုက်ရင် နောင်ကြဉ်သွားမယ်ဆိုတဲ့ အစွဲကြီးကလည်း မြဲမြဲမတ်မတ် ရှိနေတတ်ပါတယ်။ တကယ်တော့ ကြီးကောင်ဝင်စ လူပျိုပေါက် အပျိုပေါက်ကလေးပဲဖြစ်ဖြစ်၊ လူကြီးတစ်ယောက်ပဲဖြစ်ဖြစ် အသက်ထက် အရှက်ကို ပိုတန်ဖိုးထားကြသူချည်းပါပဲ။ မိမိတို့ရဲ့ အရှက်အိုးကို အခွဲခံရတဲ့အခါ အကျိုးဆက်က နှစ်မျိုးသာ ဖြစ်နိုင်ပါတယ်။ တစ်မျိုးက အရှက်ကြီး ရှက်ပြီး လူတောမတိုးတော့တဲ့ လူသားလေးတွေ ဖြစ်သွားနိုင်ပါတယ်။ ဒါမှမဟုတ် အရွဲ့တိုက်ပြီး မကောင်းမှု ပြုရမှာကို လုံးဝ ရှက်ရကောင်းမှန်း မသိတော့ဘဲ ထင်ရာကျဲတဲ့ လူသားအဖြစ် ရပ်တည်သွားနိုင်တာပါ။ သေချာတာကတော့ အဲဒီ့နှစ်မျိုးစလုံးကြောင့် စိတ်မှာ အနာတရ ဖြစ်ကြရတာပါပဲ။

ပိုဆိုးတာက ရှက်စိတ်၊ ဒေါသစိတ်၊ ချစ်စိတ်ဆိုတဲ့ ခံစားမှုအပြင်းစားတွေ သိပ်ကိုတရားလွန် မွှန်ထူသွားပြီဆိုရင်တော့ ဆင်ခြင်တုံတရားတွေ လုံးဝ ပျောက်ဆုံးသွားပြီး ဒရောသောပါးနဲ့ လုပ်မိ လုပ်ရာ လုပ်တတ်ကြတဲ့ လူ့သဘာဝပါပဲ။

ကြီးကောင်ဝင်စ လူငယ်လေးတွေမှာကျတော့ ပိုဆိုးပါတယ်။ ရှေ့မှာ တင်ပြ ဆွေးနွေးခဲ့တဲ့အတိုင်း သူတို့လေးတွေမှာက သူတို့စိတ်နဲ့သူတို့ နပန်းလုံးရင်း စိတ်ကယောက်ကယက် ဖြစ်နေတာပါ။ အသက်အရွယ် ငယ်နုလေသေးတဲ့အလျောက် အတွေ့အကြုံကလည်း နည်းကြရှာပါသေးတယ်။ သည်အချိန်မှာ သူတို့ရဲ့ အရှက်အိုးကို အခွဲခံရပြီဆိုရင် သည်အရွယ်လေးများခမျာ ရှက်စိတ်တွှေ တအားမွှန်ကာ ထူပူကုန်တတ်ကြပြီး နဂိုကမှ သိပ်မပြည့်ဝသေးတဲ့ ဆင်ခြင်တုံတရားက လုံးလုံးလျားလျား ပျောက်ကွယ်သွားတတ်ပါတယ်။ အဲဒီ့မှာတင် မဆင်မခြင်နဲ့ ထင်ရာလုပ်လိုက်ကြပြီဆိုရင် ကိုယ်ကျိုးနည်းရတဲ့ ဖြစ်ရပ်တွေ ပေါ်ပေါက်လာတတ်တာကို သည်အရွယ်လေးတွေကို ကိုင်တွယ်နေရသူ လူကြီးမိဘတိုင်း ဆရာသမားတိုင်း ဆင်ခြင်သင့်တယ်လို့ ယူဆမိရပါတယ်။

ကလေးသူငယ်များနဲ့ ပတ်သက်လာရင် “ပြစ်ဒဏ်ပေးခြင်းသည် မှား၏”လို့ စိတ်ပညာရှင် အများစုက တညီတညွတ်တည်း ခံယူထားကြပါတယ်။ အထူးသဖြင့် ဒေါသစိတ်ကလေး ဖက်ပြီး အပြစ်ဒဏ်ပေးမိရင် လွဲကုန်တတ်ပါတယ်။

ကိုယ်ပြုစုပျိုးထောင်နေတဲ့ ကလေးတွေ၊ လူငယ်လေးတွေကို အပြစ်ပေးမယ်ကြံတဲ့အခါတိုင်း လူကြီးမိဘ ဆရာသမားများအနေနဲ့ မလွဲမသွေ စဉ်းစားအပ်တာက ဒေါသကင်းရဲ့လားဆိုတဲ့ အချက်ပဲ ဖြစ်ပါတယ်။

ကျွန်တော့်အစီအစဉ်ကို နားဆင်တော်မူနေကြသူ ချစ်စွာသော လူကြီးမင်းများခင်ဗျား။ အခုတစ်ပတ် ကျွန်တော့်ရဲ့ ဆွေးနွေးတင်ပြချက်ကတော့ ကြီးကောင်ဝင်စ အရွယ် ဆယ်ကျော်သက် လူငယ်လေးများရဲ့ မုန်တိုင်းထန်ထန် စိတ်ဒဏ်ပိပိ နေရတတ်မြဲ သဘာဝရယ်၊ အဲဒီ့ အပျိုပေါက် လူပျိုပေါက်လေးတွေကို ပြုစု ပျိုးထောင်နေကြတဲ့ လူကြီးမိဘတွေ၊ ဆရာသမားတွေရဲ့ အရိုးစွဲနေတဲ့ အပြစ်ပေး ဒဏ်ခတ်နည်း အထွေထွေရဲ့ ဘေးထွက် ဆိုးကျိုးတွေရယ်ကို ဇောင်းပေးထားခဲ့တာပါ။

ကျွန်တော် တင်ပြခဲ့တာလေးကို နားဆင်နေကြတဲ့ ချစ်စွာသော ပရိသတ်အပေါင်းအနေနဲ့လည်း ကိုယ့်ကို အားကိုးနေ၊ ကိုယ့်ကို အရိပ်ကြည့်ပြီး ရင့်ကျက်ဖို့ တာစူနေကြတဲ့ ပန်းဖူး ပန်းငုံလေးများ လူ့လောကအလယ်မှာ ဝင့်ဝင့်ထည်ထည်နဲ့ စွင့်လန်းလာနိုင်ကြစေဖို့အတွက် ကိုယ့်ဘက်က ကိုယ်ချင်းစာတရား၊ ကရုဏာ တရား၊ မေတ္တာတရားများ ရှေ့ထားကာ ပြုစု ပျိုးထောင်နိုင်ရေးကို တွေးဆပြီး ဆင်ဆင်ခြင်ခြင်လေး လုပ်ကိုင် ဆောင်ရွက်သွားနိုင်ကြမယ်လို့ ယုံကြည် မျှော်လင့်နေမိပါတယ် ခင်ဗျာ။

မင်္ဂလာအပေါင်းနဲ့ ခညောင်း ပြည့်စုံကြတဲ့အပြင် အားလုံး တွေးဆ ဆင်ခြင်ကြည့်နိုင်ကြပါစေလို့ စာရေးတဲ့ ကျွန်တော် အတ္တကျော်က ဂါရဝနဲ့ ဆုတောင်း မေတ္တာ ပိုသလိုက်ပါတယ် ခင်ဗျား။

[ဝန်ခံချက် – ၂၀ဝ၉ ခုနှစ် နိုဝင်ဘာလအတွင်း က မန္တလေး အက်(ဖှ်)အယ်(မ်)ရေဒီယိုအစီအစဉ် မှာ ထုတ်လွှင့်ခဲ့တဲ့ အသံလွှင့်ချက်ကို စာအဖြစ် ပြန်လည် တင်ဆက်လိုက်တာ ဖြစ်ကြောင်းပါ။]

(၂၀၁၁ ခုနှစ် ဧပြီလထုတ် The Chic မဂ္ဂဇင်း အမှတ် ၆ မှာလည်း သည်အတိုင်း ဖော်ပြထားပါတယ်။)

Would you really want to mend your ways?

တကယ် ပြင်ချင်စိတ် ရှိပါရဲ့လား

မနေ့က တင်လိုက်တဲ့ “တစ်နှစ်ခွဲသားကို ရိုက်နှက် ဆုံးမသူရဲ့ စိတ်အခံ”ဆိုတဲ့ ပို့(စ်)မှာ ကာယကံရှင်က comment ထပ်တင်လာပါတယ်။ သူ့ comment ကို ဖတ်ပြီးတဲ့အခါမှာ ကျွန်တော့်ကိုယ် ကျွန်တော် တော်တော် ရူးမှန်း သိသွားပါတယ်။ လူတွေရဲ့ အသိဉာဏ်အဆင့်ကို မြှင့်တင်နိုင်အောင် ကျွန်တော့်ကိုယ်စွမ်း၊ ဉာဏ်စွမ်းရှိသမျှ ဘက်ပေါင်းစုံ၊ မီဒီယာပေါင်းစုံကနေ အားထုတ်ကြိုးပမ်းနေသမျှဟာ ဘာဆိုဘာမှ အရာမရောက်ပါလားလို့ တွေးဖြစ်စေတဲ့ comment လေးပဲ ဖြစ်ပါတယ်။ ကျွန်တော် ဘာကောင်မှ မဟုတ်ပါဘူး၊ အလကားကောင်ပါ၊ အရူး ထပြီး တောင်ရေးမြောက်ရေးတွေ လျှောက်ရေးမနေနဲ့၊ တောင်ပြော မြောက်ပြောတွေလည်း ပြောမနေနဲ့တော့လို့ သူ့ comment က ထုတ်မပြောသည့်တိုင် ပြောလိုက်ဘိသကဲ့သို့ ကျွန်တော့်မှာ ခံစားရပါတယ်။ ကျွန်တော့်ရဲ့ မဖြစ်စလောက် အားလေး တစ်ခုတည်းနဲ့တော့ ထစ်ခနဲရှိ လက်ပါချင်တဲ့ အစဉ်အလာတစ်ခုကို ရိုက်ချိုးဖျက်ဆီးလို့ မရဘူးဆိုတာကိုလည်း သဘောပေါက်လာရတယ်။

ကျွန်တော် အဲလို ခံစားသွားရစေတဲ့ သူ့ comment ကို အရင်ဖတ်ကြည့်တော်မူကြည့်ကြပါဦး။ အဲဒါ အဆုံးမှာမှ ကျွန်တော် ဆက်ဆွေးနွေးပါ့မယ်။

ကျနော့် comment ကြောင့် ဆရာစိတ်အနှောင့်အယှက်ဖြစ်မယ်ဆိုတာ ကျနော် ကောင်းကောင်း သိပါတယ်။ ကျနော့် comment အပေါ် ဝေဖန်မှုတွေ ရှိနေမယ်ဆိုတာလည်း ကျနော် သိပါတယ်။ သိရဲ့သားနဲ့ မင်းဘာလို့ရေးရတာလဲကွလို့ မေးလာရင်… ဟုတ်ကဲ့… ကျနော့်ရဲ့ အဖြစ်အပျက်ကို ပြောပြစေချင်တာပါ ဆရာ၊

ကျနော့်ရဲ့မိုက်မဲမှုတွေနဲ့ ထပ်တူမဟုတ်တောင် ဆင်တူလေးတွေ ကျနော့်ဝန်းကျင်မှာ ရှိနေတာလေးတွေကို ပြောပြချင်မိတာပါဆရာ။ မမိုက်ချင်ဘဲ မိုက်မဲဖြစ်နေတဲ့ အဖြစ်အပျက်များပေါ့ဆရာ။ နောက်ပြီး ဆရာ့ရဲ့ post ကိုဖတ်ပြီး မပြင်နိုင်တဲ့ ကျနော့်အကျင့်ကိုလည်း ၀န်ခံချင်လို့ပါဆရာ။

လူ့အန္ဓပြောလည်း ခံရတော့မှာပဲ ဆရာရေ… ကျနော့်ယောက္ခထီးကို သွားရိုက်လို့ မဖြစ်ဘူးဆရာရဲ့။ ဗလခြင်းမတူသလို၊ ဇခြင်းလည်း မတူဘူးဗျ၊ သူ့အကြောင်း ပြောပြရမယ်ဆိုရင် ရဲထွက်တစ်ယောက်ဖြစ်တယ်၊ လိမ်ညာမှုတွေကို လုပ်ဖူးတဲ့သူတစ်ယောက် ဖြစ်တယ်၊ ထောင်ကျဖူးတယ်၊ အရက်သမားတစ်ယောက် ဖြစ်တယ်၊ သာမန်လူကောင်းတစ်ယောက်မဟုတ်ဘူးလို့ သတ်မှတ်လို့ရပါတယ်ခင်ဗျာ။

ကျနော့်မိန်းမကိုတော့ ကျနော်ရိုက်ပါတယ်၊ ဆုံးမပါတယ်၊ ဒါပေမယ့် ဆရာ့စကားနဲ့ ပြောရင် သူက ကျနော့်ထက်ဆိုးတဲ့ လူ့အန္ဓလို့ ပြောရမလား မသိဘူးဗျ။ ကျနော် ဘယ်လောက် ပြောပြော ဘယ်လောက်ဆိုဆို ပြင်နိုင်စွမ်းမရှိတဲ့သူပါ။ သူနဲ့ ကျနော်က ၁၁ နှစ် ကွာပါတယ်။ ဆယ်တန်းအထိပဲ ကျောင်းပညာသင်ဖူးတဲ့သူပါ။ စာဖတ်ဖို့ကို စိတ်မ၀င်စားတဲ့သူ ဖြစ်ပါတယ်။ အခု သူ့အသက်က ၂၁ ပဲ ရှိပါသေးတယ်။ သူ့မိသားစုရဲ့ စရိုက်လက္ခဏာတွေကို သိပြီးတဲ့နောက်ပိုင်းမှာ ကျနော် သူ့ကို ဖျောင့်ဖျ စည်းရုံးခဲ့ပါတယ်။ ကျနော့်ရဲ့ စည်းရုံးမှု မအောင်မြင်ပါဘူး။

ကျနော် သူနဲ့ အိမ်ထောင်ကျကတည်းက တစ်အိုးတစ်အိမ် သပ်သပ်နေပါတယ်ခင်ဗျာ။ ဒါပေမယ့် သူ့အသက်ကငယ်တော့ သူ့အတွက် ကြည့်ပြီး သူ့မိဘတွေနဲ့ နီးတဲ့ နေရာမှာ အိမ်ငှားပြီး နေခဲ့ပါတယ်။ ညားကာစကတည်းက သူ့ကို ကလေးမယူဖို၊ အလုပ်တစ်ခု ရအောင်လုပ်ဖို့၊ ကိုင်ပိုင်အိမ်လေး ဖြစ်တဲ့အခါမှ ကလေးယူဖို့ ကျနော့်ရဲ့ plan တွေကို သူ့ကို ပြောဆို တိုင်ပင်ခဲ့ပါတယ်။

ဒါပေမယ့် ကျနော့်ရဲ့ စကားတွေက အရာမရောက်ခဲ့ပါဘူး။ အဲ့ဒီကတည်းက ဟာ… သွားပြီ ငါယူတဲ့မိန်းမက တော်တော်ခေါင်းကြောမာတဲ့မိန်းမပါလား? သူ လုပ်ချင်တာ၊ သူဖြစ်ချင်တာကို လုပ်တတ်တဲ့ မိန်းမပါလားဆိုပြီး နောင်တလည်းရ၊ စိတ်လည်းပျက်မိပါတယ်။ စိတ်ပျက်ပျက်နဲ့ပဲ ခရီးဆက်ခဲ့ရပါတယ်ဆရာ။

ဆရာ့စာထဲက အကြောင်းအရာတွေကို ဆရာသိအောင် ဆက်ပြောရမယ်ဆိုရင် ကျနော်အခု သူ့မိဘတွေနဲ့ ဝေးတဲ့နေရာကို ပြောင်းရွေ့ခဲ့ပါပြီ။ နှစ်လပဲ ရှိပါသေးတယ်ခင်ဗျာ။ အဲဒီ နှစ်လအတွင်းမှာပဲ ကျနော့်သားက တော်တော် လူရည်လည်လာပါတယ်။ ဟိုနေရာစပ်စပ် ဒီနေရာစပ်စပ် လုပ်ချင်ကိုင်ချင်လာပါတယ်။ ခက်တာက သူလုပ်ချင်တာတွေ မလုပ်ဖြစ်အောင် မပြင်ဆင်ထားနိုင်တာကတော့ ကျနော့်ရဲ့အားနည်းချက်ပါပဲဆရာ။

ဆရာသုံးသပ်သလိုပဲ ကျနော်ဟာ မာနကြီးတဲ့သူတစ်ယောက်ပါ။ ဆရာပြောသလို တစ်ဖက်သားကို ကိုယ့်ဘက်ပါလာအောင် လုပ်နိုင်တဲ့အစွမ်းသတ္တိမရှိပါဘူး။ ကျနော့်ရဲ့ ဗျူဟာက ဒီလူနဲ့ အဆင်မပြေရင် ခပ်ကင်းကင်းနေမယ်၊ ရှောင်ခွာမယ်ဆိုတဲ့ ဗျူဟာပါ။ ကျနော်ဖြတ်သန်းခဲ့တဲ့ ဘ၀တစ်လျှောက်လုံး အဲ့ဒီလိုပဲ ကျင့်သုံးခဲ့ပါတယ်။ ကျနော့်ဗျူဟာ မမှန်ဘူးလို့ သိလာတဲ့အချိန်မှာ အဲ့ဒီနည်းနဲ့ ကျနော် အသားကျနေပါပြီ။ အခုလောလောဆယ်အထိ အဲ့ဒီနည်းအတိုင်းပဲ နေထိုင်နေပါတယ်ခင်ဗျာ။

ရှောင်ရင်း ရှောင်ရင်းနဲ့ ဘယ်လောက်အထိရှောင်ဖို့စဉ်းစားမိလာသလဲဆိုတော့ လူ့အသိုင်းအ၀ိုင်းရဲ့ အပြင်ဘက်ကို ထွက်ဖို့ပါ စဉ်းစားထားတဲ့သူ ဖြစ်နေပါပြီ။ သည်လူမကောင်းဘူး၊ ဟိုလူမကောင်းဘူး၊ ဟာ… သည်လူလည်း မကောင်းဘူးပဲ၊ ငါရောကောင်းရဲ့လား၊ ဟာ… တစ်ချက်တစ်ချက် ငါလည်းမကောင်းပါလား? တော်ပြီ… လူတွေနဲ့ ဝေးတဲ့နေရာကို သွားတာပဲ ကောင်းတယ်။ အဲ့ဒီတော့ ဆရာ ပြောသလို သူ့ကို ရအောင် သိမ်းသွင်းမယ်ဆိုတဲ့ ဉာဉ်မျိုး ကျနော့်မှာ မရှိဘူးဗျ။

ဒါပေမယ့် လောလောဆယ်မှာ ကျနော့်မိန်းမကိုတော့ ရများရမလားလို့ သိမ်းသွင်းရင်း (အင်တိုက်အားတိုက်တော့ မဟုတ်ပါဘူး) တစ်ဖက်ကလည်း ငါ ဝေးရာ ပြေးရမယ်ဆိုတာလည်း တွေးလျက်ပါပဲခင်ဗျာ။


ကလေးအကြောင်းဆက်ပြောရမယ်ဆိုရင် ကျနော့်သားက အနည်းငယ်တော့ သိနေပါပြ။ ဥပမာ ထမင်းစားမယ်လို့ မိဘတွေက ပြင်ဆင်နေပြီဆိုရင် စားပွဲခုံကို မလာတာမျိုး (စားပွဲခုံက သေးသေးလေးမို့လို့ပါ)၊ မနက် ကျနော့်အတွက် ထမင်းဗူး ထည့်နေပြီဆို သူ့ပန်းကန်ကို ယူလာပြီး သူ့အတွက်ထည့်ခိုင်းတာမျိုး၊ ရေဆာရင်လည်း သောက်ရေဗူးကို လက်ညှိုးထိုးတတ်တာမျိုး၊ သား ဘောလုံးရောဆိုရင် ဘောလုံးရှာတတ်တာမျိုး။ အဲ့ဒီလိုမျိုး အနည်းအကျဉ်း သိနေတော့ သည်အချိန်ကတည်းက မဆုံးမထားရင် သည့်ထက်ကြီးလာရင် ဆုံးမလို့ရနိုင်ပါ့မလားလို့ ကျနော်တွေးမိပါတယ်။ သူ့အမေနဲ့ ကျနော်နဲ့ ယှဉ်ရင် သူ့အမေအပေါ် တော်တော်အနိုင်ကျင့်ပါတယ်။ ဆံပင်တွေဆွဲစောင့်တယ်၊ မျက်နှာကို ရိုက်တယ်၊ ထိုင်နေတဲ့အချိန် နောက်ဘက်ကနေ ဖက်ပြီး ကိုက်တယ်။ ပြီးတော့မှ ဥုံဖွ ဆိုပြီးလုပ်တယ်။ သူ့အမေအိပ်နေရင် သူ့အမေဗိုက်ပေါ် တက်ခုန်တယ်။ကျနော့်အပေါ်တော့ အဲ့ဒါတွေ တစ်ခုမှ မလုပ်ပါဘူး။ မလုပ်ဖြစ်အောင် ခပ်တန်းတန်း နေပါတယ်။ ချော့မြူတယ်၊ ပွေ့ဖက်တယ်။ ပါးကိုနမ်းပေးတယ်။ ဒါပေမယ့် အရမ်းကြီးအရောမ၀င်ပါဘူး။

ကျနော် ကြောက်နေမိတာက ကျနော့်သားက ၄ ဂဏန်းသမား။ စနေသားပါ။ သည်အရွယ်ကတည်းက အညွှန့် ချိုးမထားရင် အညွှန့်ကျိုးပါ့မလားလို့ စိတ်ထဲတွေးမိပါတယ်။ (အသက်ကြီးတဲ့အထိ ဝေးရာ မပြေးနိုင်ခဲ့ရင်ဆိုပြီး တွေးကြည့်တာပါ။)

ကလေး အငိုမတိတ်တာ တိတ်အောင်ရိုက်ပြီး တိတ်ခိုင်းတာကလည်း အကျင့်လုပ်ပေးတာလို့ပဲ ပြောပါရစေဆရာ။ အခုပဲရိုက် အခုပဲပြန်ချော့တာမျိုး လုပ်ရင် ငိုကြောလည်းရှည်နေမှာစိုးလို့ပါ။ ကျနော်ကိုယ်တိုင်လည်း ငယ်ငယ်က ကျနော့်အဖေရဲ့အရိုက်ကိုခံရပြီးတဲ့အခါမှာ မငိုဖို့အတွက် ဖိအားပေးခြင်းခံရပါတယ်။ ကျနော်ကိုယ်တိုင်လည်း စက်ဆုပ်ပါတယ်။ ဒါပေမယ့် အဲ့ဒီလိုမလုပ်ရင် တောက်လျှောက်ငိုနေရောပဲဆရာရေ၊ ဘယ်လိုမှ ချော့လို့မရဘူး၊ ချော့ရင် သူကတောင် စိတ်ကောက်သေးရဲ့။

ယောက္ခထီးကြောင့် ကလေးကို ဖိမရိုက်တာတော့ သေချာပါတယ်။ သူ့ရှေ့မှာ ရိုက်တာလည်း မဟုတ်ပါဘူး ခင်ဗျာ။ ကျနော်လိုချင်တဲ့ပုံစံကို သွတ်သွင်းဖို့အတွက် ရိုက်နှက်ရခြင်းပါပဲ။ ကျနော် လိုချင်တာက ကျနော့်ကို အရိုအသေမတန်တဲ့ အပြုအမူတွေ မလုပ်ဖို့၊ အိမ်ကပစ္စည်းတွေ မဆုံးရှုံးဖို့ မလိုအပ်ဘဲ စိတ်အနှောင့်အယှက်မဖြစ်စေဖို့ပါပဲခင်ဗျာ။

ကျနော့်ရဲ့ရှုပ်ထွေးလှတဲ့ ဇာတ်လမ်းတွေကြောင့် ဆရာ စိတ်အနှောင့်အယှက်ဖြစ်သွားရင် တောင်းပန်ပါတယ်ခင်ဗျာ။

ကိုယ့်ဆရာက သည် comment မှာ တစ်နှစ်ခွဲ သားလေးကိုသာမက သူ့ထက် ၁၁ နှစ်ငယ်တဲ့ အသက် ၂၁ နှစ်အရွယ် သူ့ဇနီးကိုပါ ရိုက်နှက် ဆုံးမ တယ်ဆိုတာကြီးကို ထည့်ရေးထားပါတယ်။ သည်ပုဂ္ဂိုလ်ရဲ့ “စိတ်ထဲမှာ ဆုံးမလိုက်ရင် လူတွေ ပြုပြင်လာလိမ့်မယ်”ဆိုတဲ့ အစွဲအလွဲကြီးတစ်ခု စွဲနေပါတယ်။ ခါးပိုက်နှိုက်တွေ၊ သူခိုးတွေ၊ ဓားပြတွေ၊ မူးယစ်ဆေးသမားတွေကို ဥပဒေက ဆုံးမတဲ့အနေနဲ့ ထောင်သွင်းအကျဉ်းချခဲ့တာ ခေတ်အဆက်ဆက်၊ နိုင်ငံတိုင်းလိုလိုမှာပါ။ ဒါပေမယ့် အဲဒီ့သူတွေရဲ့ အကျင့်က ထောင်က ထွက်လာတဲ့အခါ ပြင်ရိုးထိုးစံ ရှိပါသလား။ မခိုး၊ မဆိုး၊ မတိုက်၊ မလုတော့ဘူး၊ မူးယစ်ဆေး မသုံးတော့ဘူးလို့ရော ဘယ်နိုင်ငံ၊ ဘယ်အကျဉ်းထောင်က အာမခံနိုင်ပါသလဲ။

ကျွန်တော်က ဆုံးမတာကို လုံးဝ မယုံကြည်ပါဘူး။ ကလေးလည်း ကလေးအလျောက်၊ ခွေးလည်း ခွေးအလျောက် သူ့အသိဉာဏ်နဲ့ သူ ရှိကြတာချည်းပါပဲ။ အလားတူပဲ အလေးစားခံထိုက်တဲ့ သက်ရှိတွေလို့ ကျွန်တော် ခံယူပါတယ်။

ကျွန်တော့်မှာ အသက် ၂၀ ထဲကို ချင်းနင်း ၀င်ရောက်စ ပြုနေတဲ့ သားတစ်ယောက် ရှိပါတယ်။ ကျွန်တော့်အဖေက သိပ်ကို ရိုက်တတ်လို့ ကျွန်တော်လည်း အတုမြင် အတတ်သင်ပြီး သူ့ တစ်သက်မှာ သူ့ကို နှစ်ခါ သုံးခါ ရိုက်ခဲ့ဖူးပါတယ်။ ဒေါသနဲ့ ရိုက်တာပါ။ ဒါပေမယ့် ဒေါသပြေတဲ့အခါ ကျွန်တော်မှားသွားမှန်း သိလို့ သားကို တောင်းပန်ခဲ့ပါတယ်။ နောင်ကို ဆင်ခြင်မယ်လို့လည်း ကတိပေးခဲ့ပါတယ်။ အဲလိုနဲ့ ကျွန်တော့်သားကို ကျွန်တော် ချစ်ခင်စွာပဲ နေပါတယ်။ အတူနေကြတဲ့အခါ ပြဿနာတွေတော့ ရှိတာပေါ့။ တစ်နေ့ကပဲ သူ လူမှန်း သူမှန်း မသိအောင် အရက်မူးလာတယ်။ သူ့ကို တိုက်တာက ကျွန်တော်ဖြစ်နေတယ်။ မူးပြီးတော့ ဂျီကျနေတဲ့အခါ ကျွန်တော်က ပြေပြေပြစ်ပြစ် ချော့မော့နေတဲ့ကြားက ရမ်းတဲ့အဆင့်ရောက်လာတော့ ကျွန်တော့်ဒေါသက ငယ်ထိပ်ရောက်သွားတယ်။ ကျွန်တော် သူ့ကို ထဆဲတယ်။ အမှန်ကို ၀န်ခံရရင် လက်သီးနဲ့လည်း ဆွဲထိုးချင်သွားပါတယ်။ ဒါပေမယ့် သူ့အမေနဲ့ သူ့အစ်မနဲ့က ကျွန်တော့်ကို တားလိုက်ချိန်မှာ ကျွန်တော် သတိဝင်သွားတယ်။ ဒေါသကတော့ ဖြစ်နေဆဲပါပဲ။ ဒါပေမယ့် ကျွန်တော် ရှောင်နေလိုက်ပါတယ်။ တစ်ညလုံး ဒေါသဖြစ်နေတာပါ။ တော်တော်နဲ့ မပြေပါဘူး။ ဒါပေမယ့် ကျွန်တော် မမြင်ကွယ်ရာမှာ လုံးလုံးနေနေပြီး အိပ်ချလိုက်ပါတယ်။

နောက်တစ်ရက်မနက်မှာတော့ ကျွန်တော် စိတ်ပြေသွားပါပြီ။ အမှန်ကိုလည်း မြင်နိုင်စွမ်း ရှိသွားပါပြီ။ သား နိုးလာတော့ ကျွန်တော့်ကို လာကန်တော့ပါတယ်။ မနေ့ညက သူမှားခဲ့တာများအတွက် တောင်းပန်ပါတယ်လို့လည်း ပြောပါတယ်။ ကျွန်တော် ပြန်ပြောပါတယ်။ “သား ဘာမှ မမှားပါဘူးကွာ။ တောင်းပန်စရာလည်း မလိုပါဘူး”လို့ပါပဲ။ ဟုတ်တယ်လေ။ သူ သတိလက်လွတ်ဖြစ်နေချိန်မှာ ဖြစ်သွားတာအတွက် ကျွန်တော်က ဗွေယူစရာလား။

ပြောချင်တာက ကျွန်တော့်သားနဲ့ ကျွန်တော့်ကြားမှာ ချစ်ခင်မှုနဲ့ အပြန်အလှန် လေးစားမှုသာ ရှိခဲ့ပါတယ်။ သား ငယ်ငယ်လေးကတည်းက သူ့ကို ကျွန်တော် “လူကလေးလို”ပဲ လေးလေးစားစား ဆက်ဆံခဲ့ပါတယ်။ နေရာပေးခဲ့တယ်၊ လုပ်ပိုင်ခွင့်တွေ အများအပြား ပေးခဲ့ပါတယ်။ ကလေးမို့ ကလေးလို မှားနေတဲ့ အမှားတွေ အတွက် ကျွန်တော် သူ့ကို ခွင့်လွှတ်ခဲ့တယ်။ ကျွန်တော်လိုချင်တဲ့ ပုံစံဖြစ်လာအောင် အချိန်ယူ ပုံသွင်းခဲ့ရပါတယ်။

ဖျောင့်ဖျစည်းရုံးတယ်ဆိုလို့ ပြောချင်ပါသေးတယ်။ ကျွန်တော့်ဇနီးက ကျွန်တော့်ထက် ခုနစ်နှစ် ငယ်ပါတယ်။ သူ စာဖတ်တယ်ဆိုပေမယ့် ကျွန်တော်နဲ့ အိမ်ထောင်ကျချိန် သူ့အသက် ၂၄ နှစ်အထိ လေးနက်တဲ့စာတွေ မဖတ်ခဲ့ပါဘူး။ အပျော်ဖတ်တွေသာ ဖတ်ခဲ့ဖူးတာပါ။ ရုပ်ရှင်ဆိုလည်း မြန်မာကားနဲ့ ကုလားကားလောက်သာ ကြည့်တတ်တာပါ။ အခုအခါမှာတော့ စာကောင်းတွေကို မက်မက်မောမောဖတ်နေပြီ ဖြစ်သလို The Pianist, The Queen, The Kite Runner တို့လို နိုင်ငံခြားရုပ်ရှင်ကားကောင်းတွေကိုလည်း အရသာခံ ကြည့်တတ်သွားပါပြီ။ အဲဒါကို တစ်ရက် တစ်မနက်နဲ့ စည်းရုံးရတာ မဟုတ်ပါဘူး။ နှစ်နဲ့ချီပြီး လုပ်ယူခဲ့ရတာပါ။ ပထမပိုင်းမှာ ၀တ္ထုတို ကောင်းလေးတွေကို ဖတ်ခိုင်းပါတယ်။ သူဖတ်ပြီးတဲ့အခါ နှစ်ယောက် ဆွေးနွေးယူပါတယ်။ ဘယ်ဇာတ်ကောင်က ဘယ်လို၊ ဘယ်ဇာတ်ကွက်က ဘယ်လို၊ သူ့အမြင် ကိုယ့်အမြင် ဖလှယ်ရင်း သူမမြင်တာလေးတွေကို ဆွေးနွေးပြသွားပါတယ်။ တစ်ခါတလေ သူ ဖတ်ရမှာ စိတ်မပါရင် ကိုယ်က သူ့ကို ဇာတ်လမ်း အစအဆုံး ပြောပြတာမျိုးလည်း ရှိပါတယ်။ ပြီးတော့မှ ဆွေးနွေးပါတယ်။ နိုင်ငံခြားကားတွေလည်း ဘေးက ထိုင် ဘာသာပြန်ပေးရင်း ဘာလေးက ဘယ်လို အစရှိသဖြင့် ဖြည့်ဖြည့်ပြောပေးသွားတယ်။

အကြမ်းဖျင်းပြောရင် အခုအခြေအနေကို ရောက်ဖို့အတွှက် ငါးနှစ်ကနေ ခုနစ်နှစ်အထိ အချိန်ယူခဲ့ရပါတယ်။ အချိန်ပေးခဲ့ရပါတယ်။ ပျဉ်းမနား မဟာမြိုင်ဆရာတော် ဦးဇောတိက မိန့်ကြားဖူးတယ်။ သူ့ကို လူကြီးတစ်ယောက်က တရားထိုင်ဖို့ စည်းရုံးခဲ့ပုံလေးပါ။ “တရားထိုင်ကွာ”လို့ သူ့ကို အဲဒီ့လူက ဘယ်တုန်းကမှ မပြောခဲ့ဖူးဘူးတဲ့။ “လာ… တို့နှစ်ယောက် တရားထိုင်လိုက်ကြရအောင်”လို့သာ ပြောခဲ့ဖူးတာချည်းပါပဲတဲ့။ ဆိုလိုတာက ကိုယ်ကိုယ်တိုင် ပူးပေါင်းပါဝင်မှု၊ ကိုယ်ကိုယ်တိုင် စံပြလုပ်ဆောင်မှုများနဲ့သာ တစ်ဖက်သား ကိုယ့်ဖက်ပါလာအောင် ဆွဲယူနိုင်တယ်ဆိုတာကို ဆရာတော်က မီးမောင်းထိုးပြခဲ့တာပါ။ သွန်သင်တာ၊ ညွှန်ကြားတာ၊ ဆုံးမတာများဟာ အပေါ်စီးကမို့ ဘယ်လူသားကမှ ခံချင်မှာ မဟုတ်ပါဘူး။ ပဲ့ပြင်တယ်ဆိုကတည်းက ကိုယ်ကိုယ်တိုင် ပါဝင်နေပါပြီ။ ထိန်းကျောင်းတယ်ဆိုတာလည်း ကိုယ်ကိုယ်တိုင် လယ်ကွင်းထဲ ဆင်းပြီး ကိုယ်ကိုယ်တိုင် အဲဒီ့သတ္တ၀ါတွေနဲ့ အတူလျှောက်ရပါတယ်။ လူတစ်ယောက်ကို ကိုယ်လိုချင်တဲ့ ပုံစံဝင်လာအောင် လုပ်ယူရာမှာ အချိန်ပေးရပါတယ်။ ကိုယ်ကိုယ်တိုင်လည်း ပါဝင်ဆောင်ရွက်ရပါတယ်။ ပါးစပ်ကလေးနဲ့၊ တုတ်ကလေးနဲ့ မရဘူးလား ဆိုရင်တော့ ရတဲ့အခါ ရပါလိမ့်မယ်။ ဒါပေမယ့် ပါးစပ်မလှုပ်နိုင်၊ တုတ်မကိုင်နိုင်တဲ့အခါ ခေါက်ရိုးက ပြန်ကျိုးသွားမှာပါ။ အချိန်ယူပြီး ကိုယ်တိုင်ပါဝင်ကာ ချစ်ခင်စိတ်နဲ့၊ မေတ္တာနဲ့ ပြောင်းယူရင်တော့ ရေရှည်ခိုင်မြဲတဲ့ အမူအကျင့်တစ်ခုကို ရလာပါလိမ့်မယ်။

စောစောက ကျွန်တော့်သား အသက် ၂၀ ဟာ သိပ်ကို အိမ်မြဲပါတယ်။ ဘယ်အချိန်ကြည့်ကြည့်၊ သူ့ကို အိမ်ထဲမှာသာ တွေ့ရပါတယ်။ ကျောင်းသွားချိန်၊ အားကစားရုံ သွားချိန်၊ ရည်းစားနဲ့ ချိန်းတွေ့ချိန်တွေတော့ ခြွင်းချက်ပေါ့ဗျာ။ ညဉ့်နက်သန်းခေါင် ထွက်လည်တယ်ဆိုတာ အင်မတန်နည်းလှသလို အပေါင်းအသင်းနဲ့ လက်ဖက်ရည်ဆိုင် ထိုင်တာလည်း မရှိသလောက်ပါ။ ရံဖန်ရံခါ နှစ်လ တစ်ခါ၊ သုံးလတစ်ခါလောက် သူ့အပေါင်းအသင်းတွေနဲ့ ဘီယာဆိုင် ထိုင်တာမျိုးတော့ ရှိတယ်။ ကျွန်တော်ကလည်း မတားတတ်ပါဘူး။ ကျွန်တော့်အိမ်မှာက စည်းကမ်းတစ်ခုပဲ ရှိပါတယ်။ “ကြိုက်တာလုပ်၊ မလိမ်နဲ့”ဆိုတဲ့ စည်းကမ်းပါ။ လိမ်တာတစ်ခုကိုပဲ ပြင်းပြင်းထန်ထန်တားပါတယ်။ (ဒါ ရှေ့က ကျွန်တော့်ပို့(စ်)တွေထဲမှာ အကျယ်ရေးပြီးသားပါ။)

ပြောချင်တာက ဆယ်ကျော်သက်အရွယ်ကို ဖြတ်သန်းနေစဉ်တစ်လျှောက်လုံး ကျွန်တော့်သားမှာ ဘာပြဿနာမှ ကြီးကြီးမားမား မရှိခဲ့ဘူး။ နားပေါက် ဖောက်ချင်တယ်၊ ဖောက်။ ဆံပင် ဆိုးချင်တယ်၊ ဆိုး။ ကျွန်တော် မနှစ်သက်တာတွေဖြစ်ပေမယ့် ဘာမှ အရေးမကြီးတာတွေအတွက် ပြဿနာအဖြစ်မခံဘူး။ ဒါတွေက အချိန်တန်ရင် သူ့ဟာနဲ့သူ ပြီးသွားမှာတွေ။ ကျွန်တော်လိုချင်တာက စာနာနာဖတ်တဲ့ လူသား။ အဲဒါဖြစ်အောင် ကျွန်တော် သူတို့တွေ စာမဖတ်တတ်ခင်ကတည်းက ပျိုးထောင်ခဲ့တယ်။ အခု ကျွန်တော့်သားရော၊ သမီးရော စာဖတ်တဲ့ဝါသနာ အပြည့်ရှိနေကြတယ်။ တော်ပြီ၊ သည်လောက်ဆိုရင်။ ကျန်တာက လူငယ်တို့ဘာဝ လုပ်ချင်တာ အကုန်လုပ်။ လုပ်သမျှ မိဘ သိရပါစေ။ ဒါမှ အချိန်မီ ကုလို့ ရမှာ။ ဒါပဲ။

အခု အဲဒီ့အကျင့်ကြောင့် ဘယ်လောက်အထိ ဆိုးလာလဲဆိုတော့ ကျောင်းလခတောင်းရမှာတောင် သားက အဖေနဲ့ အမေကို အားနာတယ်၊ သနားတယ်ဆိုတဲ့ အဆင့်ကို အလိုလို ရောက်လာတယ်။ မုန့်ဖိုးတောင်းဖို့များတော့ တော်တော်ခက်နေရှာတယ်။ ဖအေက နားလည်စွာနဲ့ မပေးမိရင်၊ မေ့နေရင် အိပ်ထဲ တစ်ပြားမှ မရှိဘဲ နေချင်နေတတ်နေတယ်။

ကျွန်တော့်သား တော်ကြောင်း ကြွားနေတာ မဟုတ်ပါဘူး။ တော်လည်း မတော်သေးပါဘူး။ သို့သော် ချစ်ခြင်းမေတ္တာနဲ့ တည်ဆောက်ထားတဲ့ ဆက်ဆံရေးကို ရုပ်လုံး ပေါ်အောင် ဖော်ပြလိုက်တာပါ။ ချစ်ခြင်းမေတ္တာနဲ့ သူ့ကို တလေးတစား ပဲ့ပြင်ထိန်းကျောင်းခဲ့တာမို့ သည်အခြေအနေကို ရောက်လာတာပါ။

တစ်ဆက်တည်း ပြောရရင် ကျွန်တော့်သမီးက မိဘအပေါ်မှာ တအားဆိုးပါတယ်။ အထူးသဖြင့် သူ မကျေနပ်တာက ကျွန်တော့်ကိုပါ။ ကျွန်တော်က သူကလေးဘ၀က သူ့မျက်စိအောက်မှာတင် အိမ်ထောင်ရေးဖောက်ပြန်မှု နှစ်မှုတိတိ ကျူးလွန်ခဲ့တာကိုး။ အဲတော့ သူက ကျွန်တော့်ကို ဆယ်ကျော်သက်အရွယ်မှာ အရမ်းကို ကန့်လန့်တိုက်ခဲ့ဖူးပါတယ်။ ကျွန်တော် သိပ်ရိုက်ချင်ခဲ့မိတယ်၊ နုတ်နုတ်စင်းပစ်ချင်လောက်အောင်ကို သူ ကျွန်တော့်ကို ကန့်လန့်တိုက်ခဲ့တာပါ။ ဒါပေမယ့် အဲဒါ သူ့အမှား မဟုတ်ဘူး၊ ကျွန်တော့်အမှားကို သူအခဲမကျေမှန်း ရိပ်မိသိရှိသွားတဲ့အတွက် သူ့ကို ကျွန်တော် သိပ်ရိုက်ချင်နေချိန်မှာ စိတ်ကိုထိန်းပြီး သူ့ကို ခါတိုင်းထက် ပိုချစ်ပြခဲ့ပါတယ်။

ကလေးတွေကို ရိုက်ချင်စရာ အကောင်းဆုံးအချိန်မှာ သူတို့လေးတွေ အချစ်ခံချင်ဆုံး အချိန်ဖြစ်နေတယ် ဆိုတဲ့ ကလေးသူငယ် စိတ်ပညာ အဆိုအမိန့် တစ်ခုကို ကျွန်တော့်ခေါင်းထဲကို အမြဲဆွဲထည့်ခဲ့၊ နှလုံးသွင်းခဲ့ပြီး သူ့ကို ကျွန်တော် ခါတိုင်းထက် ပိုချစ်ပြခဲ့ပါတယ်။ ပိုယုယခဲ့ပါတယ်။ ပိုအလေးပေးခဲ့ပါတယ်။ အဲဒါလည်း အချိန် အကြာကြီး ယူရပါတယ်။ ကျွန်တော့် ပြစ်မှုကြောင့် ကျွန်တော်တည်ဆောက်ထားတဲ့ ကမ္ဘာ့ကုန်သွယ်ရေးဗဟိုအဆောက်အအုံကြီးဟာ မိနစ်ပိုင်းအတွင်းမှာ ပြိုကျပျက်စီးသွားပါတယ်။ အဲဒီ့အဆောက်အအုံကြီးကို ပြန်ဆောက်ဖို့ကျတော့ မိနစ်ပိုင်းနဲ့ ပြန်တည်လို့ မရပါဘူး။ ဒါကို နားလည်တဲ့အတွက် ကျွန်တော် အရမ်းအချိန်ပေး အရမ်း ၀ါယမစိုက်ခဲ့ရပါတယ်။

အခု ငါးနှစ်လောက် အကြာမှာ ကျွန်တော့်သမီးလည်း အံ့သြစရာ ကောင်းအောင် ပြောင်းလဲသွားပါပြီ။ တစ်ချိန်က ကျွန်တော့်ကို ကန့်လန့်တိုက်ခဲ့တဲ့ သမီးမှ ဟုတ်ပါလေစလို့ သံသယဖြစ်လောက်အောင် သူ့ဘက်က လိမ်မာနေပါပြီ။ အပိုးကျိုးနေပါပြီ။ ကျွန်တော် တုတ်တစ်ချက် မကိုင်ခဲ့ပါဘူးခင်ဗျား။

ကျွန်တော့်အဘိဓာန်မှာ ဆုံးမ၊ သွန်သင်၊ ညွှန်ကြားဆိုတာတွေ မရှိသလို ရိုသေဆိုတဲ့ ဝေါဟာရလည်း မရှိပါဘူး။ ကျွန်တော် သိပ်တန်ဖိုးထားတာက လေးစားမှုပါ။ ရိုသေက တစ်လမ်းသွား၊ တစ်ဖက်သတ်ပါ။ လေးစားမှုက အပြန်အလှန် သဘောပါ။ ကျွန်တော်တို့ အာရှသားတွေ ခေတ်နောက်ကျ ကျန်ခဲ့ရတဲ့ အဖြစ်တွေရဲ့ အရင်းခံက ရိုသေမှုကို ရှေ့တန်းတင်ပြီး လေးစားမှုကို မျက်ကွယ်ပြုလိုက်ကြလို့သာ ဖြစ်ပါတယ်။ ဒါကို မြင်တဲ့ အာရှသားတွေ ပြင်နိုင်ခဲ့ကြလို့လည်း အခုအခါမှာ အာရှကျားတွေ ဖြစ်လာနေကြပါတယ်။

ကျနော့်ဗျူဟာ မမှန်ဘူးလို့ သိလာတဲ့အချိန်မှာ အဲ့ဒီနည်းနဲ့ ကျနော် အသားကျနေပါပြီ ဆိုတဲ့ စကားကို ကျွန်တော် လက်ခံပါတယ်။ ပြင်ချင်စိတ်ရှိရင် ဘယ်လောက် အသားကျကျ ပြင်လို့ရတယ်ဆိုတာလည်း ဖြည့်စွက်ပြောလိုက်ချင်ပါတယ်။ ကျွန်တော့်စာတွေထဲမှာ ပါပြီးသားပါ။ ကျွန်တော်က မျိုးနဲ့ ရိုးနဲ့ ချီပြီး ရိုက်တတ်သူမို့ဆိုတဲ့ ဆင်ခြေကို ကောင်းကောင်း ပေးလို့ရနိုင်သူမို့ မိန်းမနဲ့ ကလေးရိုက်တာကို အသားကျနေတဲ့သူပါ။ ကနေ့အခါမှာ ကျွန်တော့်ဇနီးကို လက်ဖျားနဲ့တောင် မတို့တော့တာ ၁၆ နှစ်ကျော်ပြီဖြစ်သလို ကျွန်တော့်သားသမီးတွေကိုလည်း ကိုယ်ထိလက်ရောက် ရိုက်နှက်ခြင်း မရှိတာလည်း ၁၀ နှစ်ကျော်ပြီလို့ ခပ်တင်းတင်း ပြောနိုင်နေပါပြီ။ အဲဒါဘာလဲ၊ ကျွန်တော်ကိုယ်တိုင်က ကိုယ့်လုပ်ရပ် မမှန်မှန်း ရင်ထဲ အသည်းထဲက တကယ် သိလို့တကယ်ပြင်ချင်စိတ် အပြည့်နဲ့ ပြင်ခဲ့လို့ပါပဲ။

ဘုရားဟောနဲ့ပဲ နိဂုံးချုပ်ပါရစေ။ ၀ီရိယရှိသူအတွက် ဘယ်အရာမဆို ဖြစ်နိုင်တယ်၊ ဆန္ဒတကယ်ရှိသူအတွက် ဘယ်အရာမဆို ဖြစ်နိုင်တယ်လို့ ဘုရားရှင်က ဟောခဲ့ပါတယ်။ ပါဠိလို ရေးပြတတ်ပေမယ့် အလကား ဇယားရှုပ်မှာမို့ ရေးမပြတော့ပါဘူး။

အဲတော့ ကျွန်တော့်ဆီ စာရေးလာတဲ့ ဆရာနေအေးလှိုင်အပါအ၀င် လူသားအားလုံးအနေနဲ့လည်း တကယ်ဖြစ်ချင်ရင် တကယ်လုပ်လို့ရတယ်ဆိုတာကို ဘုရားက ဟောပြီးသားမို့ ကိုယ် တကယ်ဖြစ်ချင် မဖြစ်ချင်သာ သေချာအောင် လုပ်ကြပါလားဗျာလို့ လေပျော့လေးနဲ့ တိုက်တွန်းလိုက်ချင်ပါသဗျား။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် ၀၃၀၈၁၀)

You don’t need to beat him!

တစ်နှစ်ခွဲသားကို ရိုက်နှက်ဆုံးမသူရဲ့ စိတ်အခံ

ကျွန်တော့်ရဲ့ ရိုက်နှက်ဆုံးမခြင်းရဲ့ အကျိုးအပြစ် ပို့(စ်)မှာ တစ်ယောက်က  ကွန်မန့်ဝင်ရေးသွားပါတယ်။ ကျွန်တော် တော်တော် စိတ်မကောင်းဖြစ်ရတဲ့ ကွန်မန့်လေးပါ။ မိဘအများနဲ့ သက်ဆိုင်နေတာမို့ သူ့ကွန်မန့်ကို ပို့(စ်)တစ်ခုအနေနဲ့ သတ်သတ် ဆွေးနွေးတင်ပြပါရစေခင်ဗျား။

သူ့ကွန်မန့်ကို အရင်ဖတ်ရှုတော်မူပေးကြပါ။

ရိုက်နှက်ဆုံးမခြင်းရဲ့ အကျိုးအပြစ်တွေကို သိပေမယ့်လည်း တစ်နှစ်ခွဲသာ ရှိသေးတဲ့ ကျနော့်သားကို ရိုက်နှက်ပြီး ဆုံးမဖြစ်နေတယ်ဗျာ။ ရိုက်နှက်မိတိုင်း၊ ရိုက်နှက်ပြီးတိုင်း စိတ်မကောင်းပါဘူး။ ဒါပေမယ့် အခြားနည်းလမ်းနဲ့ဆုံးမဖို့ မကြံစည်တတ်ဖြစ်နေတယ်။

တစ်နှစ်ခွဲသာ ရှိသေးတဲ့ကလေးက ဘယ်လိုအပြစ်တွေများ ကျူးလွန်နေသလဲဆိုတော့ လက်ညှိုးလေးထောင်လို့ ဟင်း… ဆိုပြီး သတိထားဆိုတဲ့ပုံစံ၊ လက်ကလေး နှစ်ဖက်ကို ဆုပ်လို့ လက်သီးဆိုပြီး ပြတာက တစ်မျိုး၊ နောက်တစ်နည်းက ကော့ပြတာပါ။ အခြားအပြစ်တွေက မီးဖိုချောင်မှာထားတဲ့ ဆားဗူး၊ အချိုမှုန့်ဗူး၊ အရောင်တင်မှုန့် ဗူးတွေကို ယူငင်ပြီး ဆော့တာပါ။ အဲ့ဒီဗူးတွေ ထားတဲ့ နေရာကလည်း သူလက်လှမ်းမီတဲ့ နေရာမှာ ဖြစ်နေတာကိုး။ အခြား လက်လှမ်းမမီတဲ့ နေရာမှာထားဖို့ကလည်း လောလောဆယ် မလုပ်ဆောင်ရသေးလို့ပါ။

နောက်လုပ်တဲ့အပြစ်တွေက ဖက်ပြီးကိုက်တာပါ။ အရင်က သူ့အမေကိုပဲ ကိုက်တတ်တာပါ။ သည်နေ့မနက်မှ ကျနော့်ကို ဖက်ကိုက်ပါလေရော သူကတော့ အသဲယားပြီး ကိုက်တာ။ နောက်ချင်စိတ်နဲ့ ကိုက်တာ ဖြစ်မယ်လို့ ထင်ပါတယ်။ ဒါပေမယ့် သည်လို အပြုအမူမျိုး နောက်မလုပ်ဖို့ ကျနော်ရိုက်ပြီး ဆုံးမမိပါတယ်။

ကိုက်တဲ့အတွက် ရိုက်တာက တစ်ချက်ပါပဲ။ ဒါပေမယ့် ရိုက်လို့ ငိုတဲ့အခါမှာ အသံမထွက်နဲ့ဆိုပြီး ထပ်ရိုက်တာကတော့ သူ မတိတ်မချင်းပေါ့။ တချို့အပြစ်တွေက ပတ်ဝန်းကျင်က သင်ပေးလို့တတ်သွားတဲ့အပြစ်တွေပါ။ ဒါကို ဆက်မလုပ်ဖို့ တားမြစ်ရတာပါ။ လက်သီးဆုပ်ပြတာ၊ ကော့ပြတာတွေကို သူ့အမေဘက်က သူ့အဖိုး သင်ပေးလိုက်တာပါ။ သူ့အဖိုးနဲ့ ကျနော်နဲ့က အဆင်မပြေပါဘူး။ ခပ်တန်းတန်းနေကြပါတယ်။ သူ ဘယ်လိုရည်ရွယ်ချက်နဲ့ သည်လိုအပြုအမူမျိုးတွေကို သင်ပေးသလဲတော့ ကျနော်မသိပါဘူး။ သူ့ကိုလည်း ကျနော် ပြောလိုစိတ်မရှိပါဘူး။

ဒါပေမယ့် ကျနော့်သားကိုတော့ အဲ့ဒီလိုမလုပ်ဖို့ ပထမ တတ်ခါစတုန်းက သား အဲ့ဒီလိုမလုပ်ရဘူးနော်ဆိုပြီး စကားနဲ့ဆုံးမပါတယ်။ ကိုယ့်ကသာ ပြောပေမယ့် သူ သေသေချာချာ နားမလည်သေးပါဘူး။ စကားလည်း မပြောတတ်သေးပါဘူး။ အဲ့ဒီလို ပြောလိုမရတဲ့ နောက်ပိုင်းမှာ ၀ါးခြမ်းပြားလေးနဲ့ ကျနော် ခြိမ်းခြောက်ရပါတော့တယ်။ အခုနောက်ပိုင်း မလုပ်စေချင်တဲ့အရာတိုင်း ၀ါးခြမ်းပြားလေးကိုင် ကြမ်းပြင်ကို ရိုက်လို့ သတိပေး တားမြစ်ရပါတော့တယ်။ သောက်ရေကို မသောက်ပဲ ပလုပ်ကျင်းသလို ထွေးထုတ်တာ၊ သောက်ရေခွက်ကို ကိုယ်တိုင် ကိုင်သောက်ချင်တဲ့အခါမျိုးမှာ အဲ့ဒီလို မလုပ်ဖို့။ ဘာဖြစ်လို့ အဲ့ဒီလို မလုပ်ခိုင်းရတာလဲဆိုတော့ ကျနော် အခုငှားနေတဲ့အိမ်က နှစ်ထပ်အိမ်အပေါ်ထပ်အခန်းမှာ မို့လို့ ရေဖိတ်ကျတဲ့အခါ အောက်က လူတွေအတွက် အနှောင့်အယှက် ဖြစ်မှာ စိုးရိမ်တဲ့အတွက်ကြောင့်ပါ။ နောက်လုပ်တဲ့ အပြစ်တွေက ထမင်းစားတဲ့အခါ ဟင်းခွက်တွေကို လိုက်နှိုက်တတ်တာ၊ ဘေးနားမှာ လာပြီး အိုးနင်းခွက်နင်း ဖြစ်တာက တစ်မျိုး။ ဒါတွေအတွက် ၀ါးခြမ်းပြား အားကိုးလို့ ရိုက်နှက်နေရပါတယ်ခင်ဗျာ။

အခုလို ရိုက်နှက်ခြင်းကြောင့် ဘယ်လိုအပြစ်တွေ ဖြစ်လာမလဲဆိုတာကိုတော့ စောင့်ကြည့်ရတော့မှာပါပဲ… :(

တစ်နှစ်ခွဲကလေးကို ရိုက်နှက်တာဟာ တော်တော် သဘာဝမကျတာပါပဲ။ သည်စာမှာ အချက်တစ်ချက်ကို ဘွားဘွားကြီးမြင်နေရပါတယ်။ အဲဒါကတော့ အရှေ့တိုင်းရဲ့ ဒွေးရောယှက်တင် လူ့ဘောင် ပုံစံပါ။ အိမ်ထောင်ကျတဲ့အခါ ကိုယ့်တစ်အိုးတစ်အိမ်ခွဲနေနိုင်သည့်တိုင် နှစ်ဖက်မိဘ အသိုင်းအ၀ိုင်းက ကပ်ပါနေတယ်။ အဲဒါတွေက ကလေးတွေကို ကျွန်တ်ာတို့ လိုချင်သလို ဖြစ်မလာအောင် ဟန့်တားနေတယ်ဆိုတဲ့ အချက်ပါပဲ။

အမှန်က သည်ကလေးက ဘာအပြစ်မှ မလုပ်သေးပါဘူး။ သူ့အနေနဲ့ အကောင်းအဆိုး၊ အကျိုးအပြစ်ကို ခွဲခြားသိတတ်နိုင်သေးတဲ့ အရွယ်လည်း မဟုတ်သေးပါဘူး။ အဓိက ပြဿနာက သူ ဘယ်သူ့ကို အတည်ယူရမလဲဆိုတာ မသိတဲ့ ပြဿနာပါ။

သည်စာရေးသူအနေနဲ့ ရိုက်ခြင်းရိုက်ရင် သူ့ယောက္ခထီးကိုဖြစ်စေ၊ ကလေးအမေ သူ့မယားကိုသာဖြစ်စေ လှိမ့်ရိုက်သင့်ပါတယ်။ ကလေးကို လုံးဝ မရိုက်သင့်ပါဘူး။

ကလေးသည်လို ဖြစ်နေတာကို မနှစ်သက်ဘူးဆိုရင် ပထမဆုံးက ကိုယ့်ဇနီးကို ကိုယ် ဖျောင့်ဖျစည်းရုံးပြီး ကလေးနဲ့ သူ့အဘိုးနဲ့ အတွေ့ကျဲအောင် ဖန်တီးသင့်ပါတယ်။ သည့်ထက်ပိုလုပ်သင့်တာက ကိုယ်နဲ့ မပြေမလည်ဖြစ်နေတဲ့ ကိုယ့်ယောက္ခထီးကို ကိုယ့်ဘက်ပါလာအောင် စည်းရုံးယူဖို့ပါ။ တောရိုင်းတိရစ္ဆာန်တွေ ဖြစ်တဲ့ ကျားတွေ၊ ခြင်္သေ့တွေတောင် ဆပ်ကပ်ထဲမှာ ကိုယ်လိုသလို စေခိုင်းနိုင်နေတာဟာ လူဟာ အသိဉာဏ်မြင့်လို့ပါ။ ယောက္ခထီးက ကျား မဟုတ်၊ ဆင်မဟုတ်ပါဘူး။ လူပါ။ ဖျောင့်ဖျစည်းရုံးဖိ်ု့ ပိုလွယ်ပါတယ်။ မလွယ်အောင် တားဆီးနေတာက မာနပါ။ ကိုယ့်မာနကြောင့် ကိုယ့်မိန်းမလည်း စိတ်ဆင်းရဲ၊ ကိုယ့်သားလေးလည်း ကြားထဲက ဒဏ်ခံနေရတဲ့ အဖြစ်ကို မြင်လာမယ်ဆိုရင် ဒါကို ဆင်ခြင်နိုင်ပါလိမ့်မယ်။

တစ်ဖက်သားကို ခွေးနဲ့ နှိုင်းတာတော့ မဟုတ်ပါဘူး။ ဒါပေမယ့် ဆင်ခြင်သင့်လို့ နမူနာတစ်ခု ပြောပါ့မယ်။ ခွေးတစ်ကောင် ဆိုးနေ၊ ကိုက်နေ၊ လိုက်ဆွဲနေ၊ သောင်းကျန်းနေရင် အဲဒီ့ခွေးရဲ့ နှုတ်သီးကို ခြင်းစွပ်နိုင်အောင် လုပ်ရတော့မှာပါ။ အဲဒီ့အတွက် အဲဒီ့ခွေးကို မဆိုးနဲ့၊ မဟောင်နဲ့၊ မကိုက်နဲ့၊ မဆွဲနဲ့လို့ လူစကား သွားပြောနေလို့ မရပါဘူး။ အဲဒီ့ခွေး အမြီးနှံ့လောအောင် ထန်းလျက်၊ အမဲရိုး၊ ဘီစကစ်စသဖြင့် ခွေးကြိုက်လောက်တဲ့ အရာတစ်ခုခုကို အရင်ပြရပါမယ်။ ခွေးနဲ့ ရင်းနှီးလာအောင် လုပ်ရပါမယ်။ အဲဒီ့နောက် ဖော်ရွေလာတဲ့ ခွေးရဲ့ နှုတ်သီးကို ခြင်းစွပ်နိုင်ဖို့အတွက် ခွေးကို ပွတ်သပ်ပေးရမယ်၊ ပြီးရင် ခြင်းစွပ်ရပါမယ်။ အဲဒီ့အတွက် ခွေးအရပ်နဲ့တူအောင် ဒူးထောက်တန်ထောက်၊ ဆောင့်ကြောင့် ထိုင်တန် ထိုင်ရမှာပါ။ အဲဒါဟာ အရှုံးပေးတာ မဟုတ်မှန်း လူတိုင်း သိပါတယ်။

သို့သော် လူလူချင်းကျရင်တော့ ထန်းလျက်သုံးရကောင်းမှန်း မသိသလို ဒူးလည်း မထောက်ဖြစ်တတ်ကြဘူး။ အဲဒါဟာ မာနပါ။ ခွေးနဲ့ကျတော့ ခွေးပဲဆိုပြီး ဒူးထောက်လိုက်ရတာကို မာန ချရတယ်လို့ ဘယ်သူမှ မတွေးကြဘူး။ ဒါပေမယ့် ခွေးနဲ့ဖြစ်ဖြစ်၊ လူနဲ့ဖြစ်ဖြစ် ရည်မှန်းချက်က အတူတူပါပဲ။ ကိုယ်လိုချင်တာ ဖြစ်လာအောင်၊ ကိုယ်ဖြစ်စေချင်တာ ဖြစ်လာအောင် လုပ်ဖို့ပါပဲ။ ဒါကို နှလုံးသွင်းနိုင်မယ်ဆိုရင် လူအားလုံးနဲ့ အဆင်ပြေအောင် ဆက်ဆံတတ်လာပါလိမ့်မယ်။ ဆက်ဆံရေးတိုင်းကို အဆင်မပြေဖြစ်စေတာက ဘာမဟုတ်တဲ့ တလွဲမာနတွေပါဗျာ။

ကလေးနဲ့ ပတ်သက်လို့ ဆက်ပြောရမယ်ဆိုရင်တော့ သည်တစ်နှစ်ခွဲသားလေးဟာ ဘာဆို ဘာမှ အကောင်းအဆိုး အကျိုးအပြစ် မသိသေးတာမို့ သူ့ကို ရိုက်ရုံမက သတ်ပစ်ရင်လည်း သိမှာ မဟုတ်ဘူးဆိုတာကို သိထားဖို့ လိုပါတယ်။ သည်အရွယ်ဟာ အမေ၊ အဖေရဲ့ မျက်နှာကို ကြည့်နေရတဲ့ အရွယ်ပါ။ အမေ အဖေ မကြိုက်ဘူး ဆိုတာ တစ်ချက်တည်းနဲ့တင် လုံလောက်ပါတယ်။ တစ်ခုတော့ ရှိတယ်၊ အနားမှာ အားကိုး မရှိဖို့ လိုပါတယ်။ အမေ မကြည်ရင် အဖေ့ဆီ ပြေးနိုင်၊ အဖေရော၊ အမေပါ မကြည်ဘူးဆိုရင် အဒေါ်တွေ၊ အဘိုးအဘွားတွေဆီ ပြေးကပ်နိုင်တာမျိုး ဖြစ်နေရင်တော့ ဘာမှ မတတ်နိုင်ပါဘူး။ အဲလိုသာဆိုရင်တော့ ကလေးကို ရိုက်မယ့်အစား အိမ်ထောင်သည် ဖြစ်လာရက်နဲ့ အိမ်မခွဲနိုင်တဲ့ ကိုယ်၊ တစ်အိုးတစ်အိမ်မထူထောင်နိုင်သေးဘဲ အိမ်ထောင်ပြုမိတဲ့ ကိုယ့်ပါးကိုယ်သာ စပ်စပ်ကလေး ရိုက်သင့်ပါတယ်။

တကယ်လို့ သိပ်ရိုက်ချင်တယ်ဆိုရင်လည်း ကလေး သုံးနှစ်က ငါးနှစ်အတွင်းလောက်မှာ ဒေါသ မပါဘဲ ရိုက်နိုင်အောင် ကြိုးစားသင့်ပါတယ်။ ဒါမလုပ်နဲ့ နောက်တစ်ခါ လုပ်ရင် ရိုက်မယ်လို့ အရင်ဆုံး မှာကြားရပါမယ်။ ကလေးက လုပ်တဲ့အခါမှာလည်း ကိုယ်ပြောထားတဲ့အတိုင်း ရိုက်နိုင်ပါတယ်။ ရိုက်ပြီးတာနဲ့ သားကို မချစ်လို့ ရိုက်တာ မဟုတ်ဘူး။ သားရဲ့ အပြုအမူကို ပြင်စေချင်လို့ ရိုက်တာလို့ ပြောပြီး အသားနာလို့ ငိုနေတဲ့ ကလေးကို ချော့သင့်ပါတယ်။

ကလေး အငိုမတိတ်လို့ ရိုက်ပြီး တိတ်ခိုင်းသူလောက် လောကမှ လူမဆန်သူ၊ လူစိတ် မရှိသူ မရှိပါဘူး။ အဲဒီ့လူကို တစ်စုံတစ်ယောက်က နာကျင်အောင် လုပ်တဲ့အခါ သူရော မအော်ဘဲ၊ မညည်းဘဲ နေမလားလို့ မေးလိုက်ချင်ပါတယ်။ တခြားဟာ မပြောပါနဲ့၊ နာကျင်ကိုက်ခဲတဲ့ ရောဂါဝေဒနာတစ်ခုခု ပြင်းပြင်းပြပြ ခံစားရရင်တောင် လူဆိုတာ အော်မိ၊ ညည်းမိတတ်ကြပါတယ်။ (တစ်ယောက်နဲ့ တစ်ယောက် အနာခံနိုင်တဲ့ အတိုင်းအဆချင်း မတူလို့ တချို့အတွက် တောင့်ခံနိုင်တဲ့ အတိုင်းအဆ တစ်ခုတော့ ရှိမှာပါ။ အဲဒီ့လူတွေလည်း အဲဒီ့အတိုင်းအဆ ကျော်ရင် အော်မှာ ညည်းမှာ သေချာပါတယ်။) အဲဒါကို မအော်နဲ့ မညည်းနဲ့လို့ ပြောရင် လူဆန်ပါဦးမလား။ အင်မတန် စဉ်းစားသင့်ပါတယ်။

ကျွန်တော် ငယ်ငယ်တုန်းကလဲ ကျွန်တော့်အဖေက ရိုက်လို့ နာတဲ့အခါ ငိုမိတယ်။ အဲဒါဆိုရင် အဖေက အခု စာရေးလာသူလိုပဲ မတိတ်တိတ်အောင် တုတ်နဲ့ပဲ ဆက်ရိုက်ပြီး နှိပ်စက်ပါတယ်။ နှိပ်စက်တယ်လို့ ကျွန်တော် သုံးပါတယ်။ အဖေ ရိုက်တာ ကျွန်တော် စိတ်သိပ်မနာမိဘူးဆိုရင်တောင် အဲသလို နာလို့ ငိုတာကိုပဲ ကိုယ်ချင်းမစာစွာ ဆင့်ရိုက်ပြီး အတိတ်ခိုင်းတဲ့ အပြုအမူကိုတော့ ကျွန်တော် အင်မတန် စက်ဆုပ်ခဲ့ပါတယ်။ အခုဆို ကျွန်တော့်အဖေ မရှိတော့တာ ၃၄ နှစ် ပြည့်ပါတော့မယ်။ အဖေ့ကိုလည်း နားလည်ခွင့်လွှတ်လို့ ရသွားသလို အဖေ့ကျေးဇူးကိုလည်း အောက်မေ့ သတိရပါတယ်။ သို့ပေမယ့် အဖေ့အပြုအမူကို စက်ဆုပ်ပြီး အဖေ့ကို ချစ်လို့ မရတာကတော့ ယနေ့ထက်တိုင်ပါ။

အခု စာရေးလာသူဟာ အသိခေါက်ခက် အ၀င်နက်နေတယ်လို့ ပြောရမလား မသိပါဘူး။ ရိုက်နှက်ဆုံးမခြင်းရဲ့ အကျိုးအပြစ်တွေကို သိပေမယ့်လည်းလို့ သူက စကားခံထားတာကိုး။ အသိတစ်ခုရှိပြီး အဲဒီ့အသိကြောင့် သဘောထား မပြောင်း၊ အပြုအမူလည်း လိုက်ပြောင်းမလာဘူးဆိုရင် အဲဒီ့အသိဟာ ဘာမှ အသုံးမကျပါဘူး။ ဗဟုသုတ အထိုက်အလျောက်ရှိတဲ့ လူ့အန္ဓသာဖြစ်ပါလိမ့်မယ်။ အသိသာရှိပြီး ဉာဏ်မရှိသူသာ ဖြစ်သွားပါလိမ့်မယ်။ အိမ်သာက ဆင်းရင် လက်ဆေးတာ ကျန်းမာရေး အတွက် ကောင်းတယ်လို့ သိတယ်။ ဒါပေမယ့် တကယ် အိမ်သာက ဆင်းလာပေမယ့် လက်မဆေးဘဲနေသူနဲ့ အတူတူပါပဲ။

အားနာနာနဲ့ ပြောရရင် ယောက္ခထီးကို မကျေနပ်တိုင်း ကလေးကို ဖိရိုက်နေတာသာဖြစ်ပါတယ်။ ကာယကံရှင်က သည်အချက်ကို ၀န်ခံချင်မှ ၀န်ခံပါလိမ့်မယ်။ ၀န်မခံဆို ကိုယ်တိုင်လည်း သတိထားမိချင်မှ ထားမိမှာကိုး။ မသိစိတ်ထဲမှာ ဖြစ်နေတာမျိုးလည်း ဖြစ်နိုင်ပါတယ်။

ဒါပေမယ့် သေချာ ပြန်စဉ်းစားရင် အဲဒီ့အတိုင်း ပေါ်လာမှာပါ။

ကလေးအတွက် သင့်တင့်တဲ့ အဖြေကို ထုတ်နိုင်မယ်လို့ ယုံကြည်ယူဆပြီး ဒါကို ရေးလိုက်တာဖြစ်ပါတယ်။ ကျွန်တော်သည်လို ရေးလိုက်တဲ့အတွက် ကာယကံရှင် စိတ်အနှောင့်အယှက် ဖြစ်ရတယ်ဆိုရင် တောင်းပန်လိုက်ပါတယ်ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – 020810)

Right to Expression

ပြောရေးရှိက ပြောပိုင်ကြစေ…

ခုခေတ်ကာလမှာ လူငယ်တွေဟာ မိဘကို ရိုသေသမှု နည်းလာကြတာ အထင်အရှားပါပဲ။ ထို့အတူ မိဘကို ပက်ကော်ကလန် ပြန်ပြောနေတဲ့ လူငယ်တွေလည်း အများကြီးပါ။ ကျွန်တော့်ပတ်ဝန်းကျင်မှာ အများအပြား တွေ့ခဲ့ဖူးသလို ကျွန်တော်ကိုယ်တိုင်လည်း အဲသလို ရိုင်းမိုက်တဲ့ သားတစ်ယောက် ဖြစ်ခဲ့ဖူးပါတယ်။


ဘာကြောင့် သည်လိုတွေဖြစ်နေရတာလဲ၊ ဘာကြောင့် လူငယ်တွေက အဲသလို ပြောဆိုနေကြတာလဲစသဖြင့် သည်ပြဿနာကို ချဉ်းကပ်ကြည့်ဖို့ လိုလာပါပြီ။ မိဘနဲ့ သားသမီးတို့ အကြားမှာ ရှိနေတဲ့ ပြဿနာအထွေထွေကို အတွင်းနှိုက်ပြီး ထဲထဲဝင်ဝင် စေ့ငုကြည့်ဖို့ကောင်းနေပါပြီ။ ကျွန်တော့်အနေနဲ့ကတော့ ကိုယ်တိုင်ကလည်း ယခုအချိန်ထိ သားတစ်ယောက်ဖြစ်နေသေးသကဲ့သို့ တစ်ချိန်တည်းမှာ မိဘတစ်ပါးလည်း ဖြစ်နေပြန်တဲ့အတွက် သည် ကိစ္စကို အလေးအနက်ထား စဉ်းစားကြည့်မိပါတယ်။

သေသေချာချာ ဆန်းစစ် စေ့ငုကြည့်လိုက်တဲ့အခါ ဘယ်ဟာက အကြောင်းတရား၊ ဘာက အကျိုးတရားဆိုတာတွေကို တိတိပပ မြင်လာရပါတယ်။

ဘယ်အချိန်က စပြီး မိဘကို မခန့်တော့သလဲ

ကလေးတစ်ယောက်မှာ ကိုယ်ပိုင်မာန်လေးတွေ စတင် ပေါ်ပေါက်လာကတည်းက မိဘကို ကလန်ကဆန် လုပ်လေသယောင် အမူအကျင့်တွေကို စတင် တွေ့ရနိုင်ပါပြီ။ ဒါတွေဟာ ကလေးရဲ့ အသိဉာဏ်နဲ့ ကိုယ်ရည် ကိုယ်သွေး ဖွံ့ဖြိုးမှု အတိုင်းအဆပေါ်မှာ မူတည်ပြီး စောတာနဲ့ နောက်ကျတာသာ ကွာပါလိမ့်မယ်။ တစ်ချိန်မဟုတ် တစ်ချိန်မှာတော့ သည်လို ကလန်ကဆန် လုပ်သယောင် အမူအရာတွေကို မလွဲမသွေ တွေ့ရမှာပါပဲ။

ကလေးအများစုဟာ အသက် ငါးလ၊ ခြောက်လသားလောက်မှာ သူတို့ ကြိုက်တာ၊ မကြိုက်တာတွေကို တိတိပပ စတင်ဖော်ပြလာကြပြီ။ ခြောက်လသား ကျော်လာတာနဲ့ သူတို့ကိုယ်တိုင် လုပ်ချင်ကိုင်ချင်စိတ်လေးတွေ ပေါက်လာပြီ။ အဲဒီ့အချိန်ကစပြီး မိဘက သူတို့ ကိုယ်တိုင် လုပ်ကြည့်ချင်တာလေးတွေကို တားမြစ်တဲ့အခါတိုင်း မိဘကို ဆန့်ကျင်ပြလာတတ်ကြပါတော့တယ်။ ဆယ်လသားလည်း ကျော်လာရော သူတို့ကိုလည်း လူသားတစ်ယောက်အဖြစ် အသိအမှတ်ပြုစေ့ချင်တဲ့ စိတ်ကလေးက ဖေးဖေးထ လာပါပြီ။ သတိထားကြည့်မယ်ဆိုရင် ဒါကို မြင်သာပါတယ်။

ဒါပေမယ့် အဲဒီ့အချိန်မှာ ကလန်တာက မိဘကို စော်ကားလိုတဲ့ ဆန္ဒသဘောထားကြောင့် မဟုတ်ပါဘူး။ မိဘက သူ့အပေါ် ထားရှိတဲ့ ချစ်ခြင်းမေတ္တာ အတိုင်းအဆကို စမ်းသပ်ကြည့်တာရယ်၊ သူ့အတ္တနဲ့ ကိုယ်ရည်ကိုယ်သွေးက ဖွံဖြိုးလာတာရယ်၊ အသိအမှတ်ပြုခံချင်တာရယ်ကြောင့်ပဲ ဖြစ်ပါတယ်။ တစ်နည်းအားဖြင့် မသိတတ်သေးတဲ့ အရွယ်မှာ မသိသား ဆိုးရွားစွာ ကျူးလွန်တဲ့ အမှုသာ ဖြစ်ပါတယ်။

ဒါကို မိဘတွေက ဘယ်လို တုံ့ပြန်တတ်ကြပါသလဲ။

ခြောက်လှန့်နည်းတစ်ခုခုကို သုံးလို့ သူတို့ဩဇာကို အတင်းကို တည်ခိုင်းပါတော့တယ်။ သည်လိုနဲ့ မိဘတွေဟာ သားသမီးတွေကို မိမိတို့ ပြောတဲ့အတိုင်း လိုက်နာစေတဲ့ နည်းစနစ်မျိုးစုံကို စမ်းသပ် ကျင့်သုံးကြပါတော့တယ်။ သည်အခါမှာ အထူးတလည် အောင်မြင်တာကိုလည်း တွေ့ရတယ်။

တစ်နည်းပြောရရင် သူတို့ရဲ့ ဩဇာကို မှားသည်ဖြစ်စေ၊ မှန်သည် ဖြစ်စေ နာခံခိုင်းပါတော့တယ်။ နည်းကတော့ အဓမ္မနည်းကို အများဆုံး သုံးကြတာပါ။ သားသမီး လုပ်တဲ့ ကလေးများကလည်း အမြင်အရ (အလုံးအဖန်အရ)နဲ့တင် မိဘက မိမိထက် အင်အားကြီးသူများ ဖြစ်နေတော့ အလိုလို ရှိန်နေပြီး ဩဇာခံဖို့အသင့် (မဖြစ်ချင်လည်း) ဖြစ်နေရပါတော့တယ်။

သည်ကြားထဲမှာ မမြင်ရတဲ့ အရာတွေနဲ့ လှန့်လုံးတွေ (ဥပမာ၊ သရဲ၊ တစ္ဆေ၊ ငရဲမင်း၊ ပြိတ္တာ၊) မြင်ရတဲ့ တုတ်နဲ့ ခြောက်လုံးတွေကြားမှာ သားသမီးလုပ်သူများအဖို့ နေစရာ မရှိတော့ပါဘူး။

ဘယ်အချိန်မှာ အတိအလင်း စကလန်သလဲ

မိဘကို စကလန်တဲ့အချိန်ကတော့ ၁၃-၄နှစ်အရွယ်၊ လူပျိုပေါက်စ၊ အပျိုပေါက်စမှာပဲ ဖြစ်ပါတယ်။ အကြောင်းရင်းကို စေ့ငုကြည့်ရင် အဲဒီ့ အပျိုဖော် ဝင်စ၊ လူပျိုဖော် ဝင်စ အရွယ်က စတင်လို့ လူငယ်လေးတွေဟာ သူတို့ ကိုယ်ကို မိဘနဲ့ တစ်တန်းတည်းပါလို့ စပြီး တွေးတောလာနိုင်ပါပြီ။ သူတို့ဟာလည်း မိဘတွေလိုပဲ လူသား တစ်ယောက် ဖြစ်တယ်၊ သူတို့မှာလည်း မိဘတွေလိုပဲ ကိုယ်စွမ်း ကိုယ်စတွေ ရှိတယ်ဆိုတာကို ကောင်းကောင်းကြီး ရိပ်မိသိရှိလာပါပြီ။

ယောက်ျားလေး တစ်ယောက်အနေနဲ့ တစ်ချိန်မှာ သူလည်း သူ့ဖခင်လို ယောက်ျားသားတစ်ယောက် ဖြစ်လာတော့မယ်ဆိုတာကိုသော်လည်းကောင်း၊ မိန်းကလေးကလည်း သူဟာ မိခင်နေရာကို တစ်ချိန်မှာ ရောက်လာမယ်ဆိုတာကိုသော်လည်းကောင်း ကောင်းကောင်းကြီး မှန်းဆ၊ တွေးတောနိုင်လာတဲ့ အရွယ်ပဲ ဖြစ်ပါတယ်။ အဲသလို တွေးတောမိလာတာနဲ့အတူ မိဘကို လုံးဝဥဿုံ မှီခိုနေရတဲ့ဘဝကနေ ငွေကြေးဥစ္စာမှတပါး အခြားနေရာတွေမှာ သိပ် မှီခိုစရာ မလိုတော့တာကိုပါ သတိထားမိလာကြတဲ့အရွယ်ပါ။

သည်အရွယ်မှာ “ပတ်ဝန်းကျင်”ဆိုတာကိုလည်း မြင်တတ်၊ သိတတ်နေပြီ။ ပတ်ဝန်းကျင်က လူတွေ ဘယ်လို နေထိုင်၊ ပြုမူကြတယ်ဆိုတာကိုလည်း စူးစမ်း မှတ်သားရင်း သူတို့ရဲ့စိတ်ထဲမှာ စံထားသူ တစ်ဦးဦးလည်း ပေါ်လာနိုင်ပြီ။ ဘေးအိမ်က အပျိုမလှလှကို စံထားရင် ထားမယ်၊ ဦးလေးတော် တက္ကသိုလ် ကျောင်းသားကို အတုခိုးရင် ခိုးမယ်စသည်ဖြင့် နီးစပ်ရာ ပတ်ဝန်းကျင်က လူတွေနဲ့ ကိုယ့်ကိုယ်ကိုယ် ပုံခိုင်းကြည့်လာတတ်ကြပြီ။

တစ်နည်းအားဖြင့် “ကြီးကောင်”ဝင်လာတယ်လို့ ဆိုရမှာပါ။ အရွယ်ကတော့ ၁၃-၄နှစ်၊ အမူအကျင့်က လူပျိုကြီးဖားဖား၊ အပျိုကြီးဖားဖားစတိုင်။ မိဘလုပ်တဲ့သူတွေရဲ့အမြင်မှာတော့ တစ်စက်ကလေးမှ အချိုးမကျတော့ဘူး။

ပြဿနာက မိဘဆိုတာ သားသမီး ဘယ်အရွယ် ရောက်နေနေ၊ သူတို့မျက်စိထဲမှာ ကလေးပေါက်စနလို့ပဲ တစ်ချိန်လုံး ထင်နေတဲ့ကိစ္စ။ သားသမီးရဲ့ ကြီးပြင်းလာတဲ့ အရွယ်သဘောကို သတိပြုရကောင်းမှန်း၊ အရေးစိုက်ရကောင်းမှန်း မသိတတ်ချင်ကြတာ မိဘတိုင်းရဲ့ သဘာဝ။

သည်မှာတင် လူကြီးနဲ့လူငယ် ပဋိပက္ခ စတင်တော့တာပါပဲ။ မိဘတွေက သားသမီးတွေဟာ သူတို့ကို အတိအလင်း စကလန်နေပြီလို့ ခံစားလာရတော့တယ်။
အဲလို ခံစားလာရတာနဲ့ထပ်တူ သည်လူပျိုပေါက်စ၊ အပျိုပေါက်စတွေကို ဘယ်လို နှိပ်ကွပ်ရင် ကောင်းမလဲဆိုတာကိုပါ ထပ်ဆင့်စဉ်းစားလာကြတယ်။ အမှန်ကလည်း အမှန်။ သည်အရွယ်ဆိုတာ ဘဝမှာ တကယ့်ကို အရေးတကြီးနဲ့ အူကြောင်ကြောင်နိုင်လှတဲ့ အရွယ်ပဲ။ ထိန်းနိုင်မှ တန်ကာကျမယ်လို့ မိဘတိုင်းက အစဉ်အလာအရ နားလည်ထားနှင့်ပြီးသား။

ဒါပေမယ့် ထိန်းပုံထိန်းနည်းက တော်တော် စကားပြောတယ်။ ပညာပေး စည်းရုံးတဲ့နည်းထက် ခြိမ်းခြောက်၊ အပြစ်ပေးတဲ့နည်း၊ ဒါမှမဟုတ် ဩဇာပေးတဲ့စနစ်ကို ပိုသုံးမိတတ်ကြတာ ကျွန်တော်တို့ မိဘတွေမှာ အများဆုံး တွေ့ရပါတယ်။

ဒါဟာလည်း မိဘနဲ့ သားသမီးမှာ မိဘ လုပ်သမျှ အကုန်မှန်တယ်ဆိုတဲ့ အစဉ်အလာ အရိုးစွဲ အယူအဆကြောင့်ပါပဲ။ သားသမီးတွေအပေါ် စေတနာနဲ့ ပြုသမျှ အားလုံး တရားတယ်လို့ ယုံကြည်ယူဆရင်း အားလုံးကို အာဏာစက်နဲ့ ခြယ်လှယ်ဖို့ ကြိုးစားတော့တာပဲ။

သည်အခါလည်း အထိုက်အလျောက် အောင်မြင်သယောင် ထင်ရတယ်။ သားသမီးက အားမတန်လို့ မာန်လျှော့နေပါကလားလို့ တစ်စက်ကလေး မစဉ်းစားမိကြဘဲ၊ ထင်သလို ခြယ်လှယ်နိုင်ဖို့ကိုသာ အစွမ်းကုန် ကြိုးပမ်း အားထုတ်နေကြတယ်။

အမှန်က သတိထားရင် မြင်သာတယ်။ သည်အရွယ်မှာ မိဘတွေအပေါ် သားသမီးတွေက အယုံအကြည် နည်းပါးစ ပြုနေပြီ။ အမြင်သာဆုံးက ကျောင်းစာနဲ့ ပတ်သက်နေတဲ့ ကိစ္စတွေမှာပါပဲ။ သည်အရွယ်မတိုင်ခင်က မိဘပြောတာကိုမှ အမှန်အဖြစ် အလွယ်တကူ လက်ခံလိုက်ဖူးခဲ့ကြပေမယ့်၊ သည်အရွယ်ကိုလည်း ရောက်လာရော မိဘထက် ကျောင်းကဆရာက ပိုတတ်တယ်လို့ ထင်လာကြတယ်။

ပိုလို့ ဆိုးနိုင်တာက မိဘက ပညာနည်းသူ၊ သို့တည်းမဟုတ် သာမန် ဘွဲ့ရတွေသာဖြစ်ပြီး အလေ့အလာ၊ အဖတ်အရှုနည်းကာ ဉာဏ်ရည်နိမ့်သူများ ဖြစ်နေရင်ပါပဲ။ ဒါမှ မဟုတ်ရင်လည်း ငွေကြေးနောက်ကိုပဲ စိုက်လိုက်မတ်တတ် လိုက်နေသူတွေ၊ သို့တည်းမဟုတ် ရာထူးအရှိန်အဝါနောက်ကိုပဲ လိုက်ရင်း တာဝန်တွေနဲ့ အချိန်ပြည့် ဖိစီးနေသူတွေ ဖြစ်နေရင် ပိုဆိုးသွားနိုင်ပါတယ်။

သားသမီးများအတွက် မိဘကို အထင်ကြီးစရာ နည်း နည်း သွားဖို့ အခွင့်အလမ်း ပို ပို များလာနိုင်လို့ပါပဲ။ တစ်ဖက်မှာလည်း အဖေအမေ လုပ်တဲ့သူက ဝတ်ပုံစားပုံ၊ နေပုံထိုင်ပုံမှာ သိပ်ရှေးရိုးဆန်နေပြန်ရင် အရွယ်ရောက်ဖို့ ပြင်နေတဲ့ သားသမီးအနေနဲ့ အဖေအမေက ပညာတတ်တွေ ဖြစ်နေဦးတောင်မှ မိဘကို ခေတ်မမီသူများအဖြစ် အလွယ်တကူ သတ်မှတ်လိုက်နိုင်ပါတယ်။ သည်လို တွေးလိုက်မှလည်း သူတို့နဲ့ မိဘတွေအကြားက ကွာဟမှု၊ ပဋိပက္ခ ကို သူတို့ဘက်က နားလည်ယူလို့ ရတော့မှာကိုး။

သူတို့ လုပ်တာကိုင်တာ၊ နေတာထိုင်တာ၊ ဝတ်တာစားတာ၊ ပြောတာ ဆိုတာအစရှိတဲ့ ကိုယ်၊ နှုတ်၊ အပြုအမူ အားလုံးကြောင့် မိဘနဲ့ သူတို့ကြားမှာ အမြဲတစေ ပြဿနာရှိနေတယ်။ မိဘက တားလိုက်တိုင်း၊ သူတို့လုပ်ချင်တာ မလုပ်ရတိုင်း၊ နားမလည်နိုင်စွာနဲ့ အချုပ်ချယ်ခံရတယ်လို့သာ တစ်ချိန်လုံး တွေးမိနေတယ်။ သည်အတွက်အဖြေကို သူတို့ဉာဏ်မီသလောက် စဉ်းစားကြည့်တဲ့အခါ မိဘတွေကို “ခေတ်ဆွေးတွေ”အဖြစ် သတ်မှတ်လိုက်ခြင်းကသာ သူတို့လေးတွေအတွက် ကြောင်းကျိုး အဆီလျော်ဆုံး အဖြေ ဖြစ်လာတယ်။

သည်မှာတင် သူတို့ကိုယ်သူတို့ ခေတ်အမီဆုံးလူသားတွေလို့ မြင်လာတယ်။ သည်အချိန်မှာ လူငယ်တို့ရဲ့ ပေတေတေ၊ ဂျစ်ကပ်ကပ် စရိုက်လေးတွေ ခိုင်မာလာပါတော့တယ်။

ဆယ်ကျော်သက်တို့ရဲ့ ပြဿနာမျိုးစုံ

ဆယ်ကျော်သက်တွေရဲ့အဓိက ပြဿနာက ဝတ်စားဆင်ယင်မှုပဲ ဖြစ်ပါတယ်။ သူတို့ဝတ်ချင်တဲ့ အဝတ်အစား၊ ထားချင်တဲ့ ဆံပင်ပုံစံစတာတွေကို မိဘက တစ်ကြောင်းမဟုတ် တစ်ကြောင်းကြောင့် တားဆီးပိတ်ပင်တာနဲ့ ပဋိပက္ခ စပါတယ်။

အမှန်က မိဘအနေနဲ့ ကိုယ်ချင်းစာကြည့်လိုက်ရင် ကိစ္စပြတ်တယ်။ ကိုယ့်တုန်းကရော သည်အရွယ်မှာ ဘယ်လို ဝတ်ချင်ခဲ့သလဲ၊ ဘယ်လို ဆံပင်ပုံစံမျိုး ထားချင်ခဲ့သလဲ၊ အဲဒါကို ပြန်တွေးကြည့်လိုက်ပြီး ကိုယ်ချင်းစာ ကြည့်လိုက်ရင် ပြီးတယ်။

ကိုယ့်တုန်းက ဆယ်ကျော်သက်အရွယ်မှာ ဝတ်ခဲ့တဲ့ အဝတ်အစား၊ ထားခဲ့တဲ့ ဆံပင်ပုံကို ကိုယ်ကိုယ်တိုင် ခုချိန်ထိ ဆက်ထားနေသေးလို့လား။ ဒါမျိုးဆိုတာက အချိန်တန်ရင် ဘယ်သူမှ တိုက်တွန်းစရာမလိုဘဲ သူ့အလိုလို ပျောက်သွားမယ့်ကိစ္စ၊ ရေးကြီးခွင့်ကျယ် လုပ်နေရမှာကို မဟုတ်ဘူး။ အဝတ်အစား၊ အဆင်အပြင်ကြောင့် စာရိတ္တကို ကြီးကြီးမားမား ထိခိုက်သွားစရာ အကြောင်းကလည်း မရှိလှဘူး။ အဲသလို တွေးကြည့်ပြီး အသာလေး လွှတ် ပေးထားလိုက်ရုံပဲ။

နောက်တစ်ခုက ဆယ်ကျော်သက်အရွယ်မှာ သူများ လုပ်လို့ လိုက်လုပ်ချင်တာလေးတွေလည်း ရှိနေတတ်တယ်။ ဥပမာ – ဆေးလိပ်သောက်တာ၊ ဂစ်တာတီးတာ၊ ရည်းစားထားတာ။

ဒါတွေကိုလည်း အာဏာစက်နဲ့ထက် စာနာစိတ်၊ မေတ္တာ စတာတွေနဲ့ စည်းရုံးသိမ်းသွင်းယူကာ မိဘတို့ လိုချင်တဲ့ အတိုင်းအတာနဲ့ အနီးစပ်ဆုံး ဖြစ်အောင် ကြိုးပမ်းသင့်ပါတယ်။ မကောင်းမြစ်တာ၊ ကောင်းရာညွှန်လတ် ဆိုပေမယ့် တားမြစ်ပုံ၊ ညွှန်ပြပုံနည်းစနစ်များမှာ အဓမ္မမဆန်ဖို့ အရေးကြီးပါတယ်။ အဓမ္မဆန်ခဲ့ရင် မိမိတို့ လိုချင်ကြတဲ့ ကောင်းကျိုးထက် ဆိုးကျိုးများကို ရရှိဖို့ အလားအလာ များတယ်။

တစ်နည်းအားဖြင့် ဆယ်ကျော်သက်တို့ ဖြစ်နေကျ ပြဿနာအလုံးစုံကို ကိုင်တွယ် ဖြေရှင်းရာမှာ မိဘတွေအနေနဲ့ ပါးနပ်လိမ်မာဖို့ လိုအပ်တယ်။ တစ်ဖက်ကလည်း သူတို့လေးတွေရဲ့တစ်နေ့တခြားကြီးထွားလာတဲ့ “အရွယ်” ဆိုတာကို သတိထားပြီး ရောက်နေတဲ့အရွယ်ကို အသိအမှတ် ပြုပေးရပါမယ်။ ၁၄ နှစ်သားကို ဆယ်နှစ်သားတုန်းက ကိုင်တွယ်နည်းနဲ့ ကိုင်တွယ်လို့ မရတော့သလို ၁၆ နှစ်သမီးကိုလည်း ငါးနှစ်သမီးလေးလို မြင်မနေမိဖို့ သတိချပ်ရမယ်။

မိဘနဲ့ သားသမီး စတင် ထိပ်တိုက် ရင်ဆိုင်ချိန်

အသက် ၁၈ နှစ်ကျော်ပြီဆိုတာနဲ့ ဥပဒေကြောင်းအရ လူငယ်တစ်ယောက်မှာ လုပ်ပိုင်ခွင့်တွေ အတိအလင်း ရှိလာပြီ။ တစ်နည်းအားဖြင့် ၁၈ နှစ်ကျော်တာနဲ့ အရာရာကို ဆုံးဖြတ် ချင့်ချိန်နိုင်တဲ့ အရွယ်ရောက်ပြီလို့ ဥပဒေက အတိအလင်း သတ်မှတ်တယ်။

ဒါပေမယ့် လက်တွေ့ဘဝမှာ ၁၈ နှစ်ကျော် အရွယ်ဟာ အတွေ့အကြုံအားဖြင့် နုနယ်ဆဲသာဖြစ်တယ်။ သို့သော် ကိုယ့်ကိုယ်ကိုယ်တော့ တော်တော် ဟုတ်နေပြီလို့ ၁၈ နှစ်ပြည့်ပြီးသူတိုင်း စတင် တွေးတော ယုံကြည်နေကြပြီ။

သည်အချိန်မှာ မိဘနဲ့ ကဏ္ဍကောစ ဖြစ်ရတာတွေ ပိုများလာပြီ။ ဘာသာတရားအရ၊ အစဉ်အလာအရ၊ မိမိခြေထောက်ပေါ်မိမိ ခိုင်ခိုင်မာမာ မရပ်နိုင်သေးတဲ့ အခြေအနေအရ မိဘစကားကို နားထောင်ချင်ယောင်ဆောင်နေကြပေမယ့် အတွင်းစိတ်ကတော့ မိဘကို စတင်ဆန့်ကျင်နေပြီ။ သည်အချိန်မှာ မိဘဘက်က တင်းတင်းမာမာ တုံ့ပြန်လိုက်တာနဲ့ မိဘနဲ့ သားသမီး ဆက်ဆံရေးမှာ သားသမီးတွေဘက်က အေးစက်မာကျောလာပါတော့တယ်။ ဆယ်ကျော်သက်အရွယ် မတိုင်ခင်ကတည်းက စတင်သတ်မှတ်ခဲ့တဲ့“မိဘသည် ခေတ်ဆွေး”ဆိုတဲ့ အယူအဆဟာ ပိုမိုခိုင်မာလာတတ်ပြီး ဆယ်ကျော်သက် အရွယ်တုန်းကထက် ပိုမို တိကျတဲ့ စကားလုံးတွေနဲ့ မိဘကို နှုတ်လှန် ထိုးလာတတ်ပြီ။

နှုတ်လှန်ထိုးမှု ပြဿနာ

သည်ပြဿနာမှာ မိဘ တော်တော်များများက သားသမီးတွေ နှုတ်လှန်ထိုးတယ်လို့ချည်း မြင်နေတတ်တာဟာ အရေးအကြီးဆုံးနဲ့ အဓိကအကျဆုံး အကြောင်းအချက်ပါပဲ။ သားသမီးက အကျိုးသင့် အကြောင်းသင့် ပြောတာကိုပင်လျှင် မိဘကို ခံပြောတယ်၊ နှုတ်လှန်ထိုးတယ်ဆိုတဲ့ စွဲချက်တွေနဲ့ နှိပ်ကွပ်ဖို့၊ အခြေအနေကို တင်းမာသထက် တင်းမာလာအောင် ဖန်တီးယူဖို့ အားထုတ်ပါတော့တယ်။

ဘာကြောင့်ပါလဲ၊ မိဘဆိုတာတွေဟာလည်း လူထဲက လူတွေ ဖြစ်နေလို့ပါပဲ။ လူဆိုတာက ကိုယ့်အတွက် အမြဲတစ်ကွက် ချန်တတ်တာကိုး၊ လူဆိုတာက ကိုယ့်အမှား ကိုယ်မြင်မိဖို့ထက် သူတစ်ပါး အမှား ထောက်ပြဖို့ကို အထုံ ဝါသနာကြီးမားသူတွေကိုး။ လူမှုဆက်ဆံရေး နယ်ပယ်မှာတောင် ပြဿနာ တစ်စုံတစ်ရာ ရှိလာပြီဆိုတာနဲ့ တစ်ပြိုင်နက် “ငါ ဘာမှားသွားသလဲ”ဆိုတာ ကို စဉ်းစားကြဖို့ထက် “သင်းကိုက ဘယ်ကဲ့သို့၊ ဘယ်ချမ်းသာ”စသည်ဖြင့် တစ်ဖက်သားကိုသာ အပြစ်ဖို့ရေး ဦးစွာတွေးတတ်သူတွေကိုး။

သားသမီးနဲ့ ပတ်သက်လာတဲ့အခါမှာ ပိုလို့ ဆိုးသွားပါတယ်။ မိဘ ဖြစ်နေပြီဆိုကတည်းက သားသမီးအပေါ် မေတ္တာ၊ ကရုဏာ၊ စေတနာ ကြွယ်ပြီးသား။ တစ်နည်းအားဖြင့် ချစ်ဇောအဟုန်၊ စေတနာဇောအဟုန်က ပူးနှင့်ပြီးသား။ အဲဒီ့ဇောနဲ့ ယှဉ်လာတဲ့ အရာအားလုံးဟာ မှန်တယ်၊ တရားတယ်လို့ချည်း မိဘ တော်တော်များများက တွေးမိတတ်ကြတယ်။

တစ်နည်းအားဖြင့် မိဘဖြစ်နေတဲ့အတွက် အရာရာမှာ“ငါတို့သာ အမှန်” လို့ သာသာထိုးထိုး တွေးချလိုက်ပြီး၊ သားသမီးတွေဘက်က ဘယ်လောက်ကြီး အကျိုးအကြောင်း ဆီလျော်နေစေကာမူ လက်ခံ လိုက်လျောပေးဖို့ ဝန်လေးတတ်ကြတယ်။ တစ်ခါတလေများမှာ သားသမီးဘက်က တင်ပြချက်တွေဟာ သိပ်ခိုင်လုံနေပြီး၊ သိပ်အကျိုးသင့် အကြောင်းသင့်နေဦးတောင်မှ မိဘဘက်က အလို မလိုက်နိုင်တာ၊ မလိုက်လျောနိုင်တာလေး တစ်ခုနဲ့တင် နှုတ်လှန်ထိုးတယ်ဆိုတဲ့ စွဲချက်နဲ့ သားသမီးကို အပြီးသတ် ပါတောပိတ်ခိုင်းတတ်ကြပါတယ်။ သည်အချိန်ဟာ မိဘနဲ့ သားသမီး ထိပ်တိုက်ရင်ဆိုင်ရတဲ့အချိန် ဖြစ်သွားပါပြီ။

သားသမီးက အတိအလင်း ဆန့်ကျင်ချိန်

ဒါကတော့ ရှင်းပါတယ်။ သားသမီးမှာ ကိုယ့်ခြေထောက်ပေါ် ကိုယ်ရပ်တည်နိုင်တဲ့ အစွမ်းအစများ ရှိလာချိန်ပဲ ဖြစ်ပါတယ်။ မိမိကိုယ်ပိုင်အလုပ်၊ ကိုယ်ပိုင်ဝင်ငွေ ရှိလာတဲ့ သားသမီးတွေဟာ မိဘကို အတိအလင်း ဆန့်ကျင်ကြလေတော့မှာ အသေအချာပါပဲ။ အတိအလင်းမဟုတ်တောင် “ပြန်မပြော၊ နားမထောင်” သော်လည်းကောင်း၊ “ရှေ့တွင် ဟုတ်ကဲ့၊ ကွယ်ရာမဲ့” သော်လည်းကောင်း ဖြစ်သွားပါပြီ။

သည်လိုအချိန်မှာ မိဘတွေဘက်ကလည်း သဘောထား မမှန်နိုင်တော့ဘူး။ သားသမီးတို့ရဲ့ တက်ချိန်ဟာ၊ မိဘတွေရဲ့ ကျချိန်လည်း ဖြစ်ပါတယ်။ အရွယ် သဘော၊ အောင်မြင်မှုရဲ့သဘော၊ စီးပွားရေးအတွက် လှုပ်ရှား ရုန်းကန်နိုင်မှု သဘောစတာတို့အရ ပြောတာပါ။ သားသမီးတွေ စိတ်ဓာတ်တက်ကြွတဲ့ အချိန်ပိုင်းကို ရောက်ချိန်မှာ မိဘဘက်က စိတ်ဓာတ် ယိုယွင်းကျဆင်းချိန်နဲ့ အများဆုံး တိုက်ဆိုင်လာတယ်။ သည်အခါမှာ ဆယ်ကျော်သက်ရွယ်ကတည်းက အကျိုးသင့် အကြောင်းသင့် ပြန်ရှင်းတဲ့ ဓလေ့လေး ရှိနေတဲ့ သားသမီးများရဲ့ ကျိုးကြောင်းပြ စကားတွေကိုပင် တစ်မျိုးပြောင်း မြင်ကုန်တတ်ကြတယ်။ ခွာရာ တိုင်းတယ်၊ ကိုယ်ပိုင်ဝင်ငွေလေး ရလာလို့ လူဝါးဝတယ်စသည်ဖြင့် သတ်မှတ် စွပ်စွဲလာပြန်တော့တယ်။

သားသမီး အသက်အရွယ် ကြီးလာသလို၊ မိဘလည်း အရွယ်ရလာတာနဲ့အမျှ ပြဿနာတွေဟာ ပိုမိုကြီးထွားလာရပါတော့တယ်။

အဖြေ

ကောင်းပါပြီ။ အခုအထိ ဆွေးနွေးခဲ့တာက သားသမီးနဲ့ မိဘကြားက နှုတ်လှန်ထိုးမှု၊ ကလန်ကဆန် လုပ်မှု၊ မခန့်လေးစား လုပ်မှုစတာတွေကို ယေဘုယျ သုံးသပ်လိုက်တာသာ ဖြစ်ပါတယ်။ သည်ပြဿနာကို ဘယ်လို ကိုင်တွယ် ဖြေရှင်းမလဲဆိုတဲ့အပိုင်းကို အခု ဆက်လက်ဆွေးနွေးလိုပါတယ်။

အထက်မှာ သုံးသပ်ခဲ့တဲ့အတိုင်း ပြောရရင် သည်ပြဿနာမှာ မိဘတွေက ထိပ်ဆုံးမှာ တာဝန်ရှိပါတယ်။ အဓိကအချက်ကတော့ မိမိတို့ သားသမီးများရဲ့ ကိုယ်စွမ်းကိုယ်စနဲ့ အရွယ်ကို အသိအမှတ် ပြုပေးဖို့ပါ။ တစ်နည်းအားဖြင့် သူတို့တွေဟာလည်း မိဘတွေလိုပဲ သွေးသားနဲ့၊ အရိုးအဆစ်နဲ့၊ နှလုံးသားနဲ့ တည်ဆောက်ထားတဲ့ ခံစား ထိရှလွယ်လှသူ လူသားများအဖြစ် မျဉ်းတစ်ပြေးတည်း ရှုမြင်၊ ဆက်ဆံဖို့ပါပဲ။

သူတို့တွေဟာ မိမိတို့ဝမ်းက ပေါက်ဖွားလာတဲ့အတွက် မိမိတို့ရဲ့ရင်သွေးများ ဖြစ်နေတာ မှန်ပါတယ်။ ဒါပေမယ့် သားသမီး ဖြစ်နေတာနဲ့ သူတို့တွေဟာ “တစ်ဆင့်နိမ့် လူသားများ} (Lesser Human-beings) ဖြစ်မသွားပါဘူး။

သားသမီး ဖြစ်တဲ့အတွက် အားလုံးကို ရေငုံနှုတ်ပိတ်ပြီး ခေါင်းငုံ့ခံနေရမယ့် တိရစ္ဆာန်တွေ ဖြစ်မကုန်ကြသလို၊ မိဘတွေ ဖြစ်နေတဲ့အတွက်လည်း အလုံးစုံသော အသိဉာဏ်တွေနဲ့ ကုံလုံ ပြည့်ဝကာ အရာရာကို ခြယ်လှယ်နိုင်သော စေတစ်လုံးပိုင်ရှင် မဟာလူသား (Tyrannic Supermen) တွေ ဖြစ်မနေကြပါဘူး။

သည်အချက်ကို သတိထားလိုက်နိုင်ရင် မိဘနဲ့ သားသမီးများကြားမှာ ရှိနေတဲ့ ပြဿနာ အတော်များများဟာ ညက်ညက်ညောညော ပြေလည်သွားနိုင်ပါတယ်။

အကိုးအကား

သည်နေရာမှာ အနန္တော အနန္တ ငါးပါးထဲမှာ ပါဝင်နေတဲ့ မိဘနဲ့ဆရာကို မရိုသေဖို့၊ ကလန်ကဆန် လုပ်ဖို့ ပြောနေတာ မဟုတ်ပါဘူး။ မိဘသည် မည်သည့်ဘဝသို့ ရောက်နေစေကာမူ မိဘသာ ဖြစ်သည်ဆိုတဲ့ အဆိုဟာ ခြွင်းချက် မရှိ မှန်ကန်ပါတယ်။ မိဘဆိုတာ သားသမီးအတွက် အဖက်ဖက်က အကောင်းဆုံး ဖြစ်စေချင်သော စေတနာများနဲ့ ပြည့်စုံတဲ့ အနန္တဂိုဏ်းဝင် ကျေးဇူးရှင်များဖြစ်တာလည်း အငြင်းပွားစရာ အကြောင်းတစ်ရပ် မဟုတ်ပါဘူး။

ဒါပေမယ့် မိဘဆိုတာ အထက်က ပြောခဲ့သလို လူတွေထဲက လူသား စင်စစ်များသာ ဖြစ်နေတဲ့အတွက် အယူမှားခြင်း၊ အမြင်မှားခြင်းတွေ ရှိနိုင်ပါတယ်။ သည်အချက်အတွက် ထင်ရှားတဲ့ သာဓကကို ပြပါဆိုရင် ကျွန်တော်တို့ရဲ့ ရှင်တော် မြတ်ဘုရားနဲ့ ရှင်သာရိပုတ္တရာ ကိုယ်တော်ကြီးတို့ကို ပြရမှာပဲ ဖြစ်ပါတယ်။

ဘုရားအလောင်းတော် သိဒ္ဓတ္ထမင်းသားဟာ မိဘရဲ့အလိုဆန္ဒကို ပယ်ရှားပြီး အလောင်းတော် ယုံကြည်တဲ့ လမ်းစဉ်အတိုင်း တောထွက်တော်မူခဲ့တာ ဗုဒ္ဓဘာသာဝင် အားလုံး အသိပါ။ သို့တိုင်အောင် ဖခမည်းတော် သုဒ္ဓောဒနမင်းကြီးက ဘုရားရှင်ကို လျှောက်ထားတယ်။ သားတော်ကြီးဖြစ်တဲ့ ဘုရားရှင်တင်မက သားတော်ငယ် ရှင်အာနန္ဒ၊ မြေးတော် ရှင်ရာဟုလာတို့ပါ သာသနာ့ဘောင်ကို ဝင်ရောက်သွားကြတဲ့အတွက် ခမည်းတော်မှာ သူ့ထီးနန်း အရိုက်အရာကို ဆက်ခံမယ့်သူ မရှိဖြစ်နေကြောင်း၊ သည်အတွက် နောင်ကို သာသနာ့ဘောင် ဝင်လိုသူများအား မိဘရဲ့ခွင့်ပြုချက်ပါမှ ဝင်ခွင့်ပြုစေလိုကြောင်း လျှောက်ထားတယ်။

သည်အခါမှာ ဘုရားရှင်က ခမည်းတော် လျှောက်တာ နည်းလမ်းကျနေတဲ့အတွက် သာသနာ့ဘောင် ဝင်ရာမှာ မိဘရဲ့ခွင့်ပြုချက် လိုအပ်ကြောင်းကို သတ်မှတ် ပြဋ္ဌာန်းပေးခဲ့ပါတယ်။

ဒါကို ရှင်သာရိပုတ္တရာ ကိုယ်တော်ကြီးက တစ်မျိုး လုပ်တယ်။သူ့မိဘတွေက ဒိဋ္ဌိတွေ ဖြစ်နေတဲ့အတွက် သူ့ညီတော်များ သာသနာ့ဘောင် ဝင်မယ် ဆိုရင် သူသာလျှင် အမိ၊ သူသာလျှင် အဘနေရာမှာ ရှိတယ်။ သူ့ညီတော် ရှင်ရေဝတ ရဟန်းဘောင် ဝင်မယ်ဆိုရင် မိဘတွေဆီက ခွင့်ပြုချက် တောင်းရန်မလို၊ ကိုယ်တော်တိုင်က ခွင့်ပြုပြီး ဖြစ်တယ်လို့ မိန့်ကြားခဲ့ကြောင်း “ဓမ္မပဒ ကထာ”မှာ ပါရှိပါတယ်။

သည်နှစ်ချက်ကို ပြန်ကောက်ရင် ဘုရားရှင် ကိုယ်တော်တိုင်ရော၊ ရှင်သာရိပုတ္တရာ ကိုယ်တော်ကြီးပါ အရွယ် ကောင်းစွာ ရောက်နေတဲ့ အချိန်မှာ မိဘတို့ရဲ့ အယူအဆများဟာဖြင့် မှားယွင်းနေတယ်၊ သည်အတွက် လိုက်နာရန် မလို ဆိုပြီး ကိုယ်တော်တို့ ယုံကြည်ရာ လမ်းစဉ်ကို တိတိလင်းလင်း ရွေးချယ် ဖော်ဆောင်ခဲ့တာ ထင်ရှားပါတယ်။

သည်အတွက် ကိုယ်တော်တို့ရဲ့ခမည်းတော်၊ မယ်တော်တို့ကို မရိုသေရာ၊ စော်ကားရာ လုံးဝ မရောက်ခဲ့ဘူးဆိုတာကိုလည်း ကျွန်တော်တို့ အားလုံး သိနားလည်ကြပါတယ်။

သည်ကိစ္စနဲ့ တစ်နည်းတစ်ဖုံ ပတ်သက် ဆက်နွယ်လို့ နေတဲ့ လင်္ကာ သံပေါက်လေးတစ်ခုကို ဆက်လက် ကိုးကားလိုက်ချင်ပါသေးတယ်။ မဟာ ဂန္ဓာရုံ စာသင်တိုက်ကို တည်ထောင်သူ ကျေးဇူးတော်ရှင် အမရပူရ (တောင်မြို့) ဆရာတော် အရှင်ဇနကာဘိဝံသ ရေးသားခဲ့တဲ့ သံပေါက်ပါ။

 

မည်သူ့ကိုမျှ၊ မညှာကြနှင့်
မိဘဆရာ၊ ဆိုစေကာလည်း
သူဟာ ဗာလ၊ ပဏ္ဍိတဟု
ကျနစင်စစ်၊ တွေ့တိုင်းစစ်
စနစ်ကျစေကွဲ့… တဲ့။

မိဘ၊ ဆရာဆိုတဲ့ အနန္တော အနန္တငါးပါး ဂိုဏ်းဝင်ပင် ဖြစ်နေပါစေ၊ အသက်အားဖြင့်သော်လည်းကောင်း၊ ဂုဏ်အားဖြင့်သော်လည်းကောင်း ကြီးသူ ဖြစ်နေပါစေ၊ လူမိုက်လား၊ ပညာရှိလားဆိုတာကို ကျကျနန ဆန်းစစ် သုံးသပ်ထိုက်ကြပေတယ်လို့ ဆိုလိုတာပဲဖြစ်ပါတယ်။

ရှောင်ရှားရန် အစွန်းတရားနှစ်ဘက်

သည်နေရာမှာ အစွန်းတရားများကိုတော့ မလွဲမသွေ ရှောင်ရှားကြရမှာ ဖြစ်ပါတယ်။ အစွန်းတရားဆိုတဲ့နေရာမှာ မိဘဘက်က အစွန်းနဲ့ သားသမီး ဘက်က အစွန်းဆိုတဲ့ အစွန်းနှစ်ဘက် ရှိနေပါတယ်။ သားသမီးတို့အနေနဲ့ မိဘကို ကလန်ခြင်း၊ မခန့်လေးစား လုပ်ခြင်းမျိုးများကတော့ ကံကြီးထိုက်နိုင်တဲ့ စော်ကားခြင်း မည်ပါတယ်။

ရိုသေခြင်း၊ ဂါရဝ ထားခြင်းများကို အစဉ်တစိုက် နှလုံးသွင်းပြီး ပြောရေးရှိလို့ ပြောကြစတမ်းဆိုရင်တောင် သိမ်သိမ်မွေ့မွေ့၊ ညင်ညင်သာသာနဲ့ အကျိုးသင့် အကြောင်းသင့် တင်ပြနိုင်ကြရပါမယ်။ ဆိုခဲ့တဲ့အတိုင်း မိဘများ ဆိုတာလည်း လူသားများသာဖြစ်တဲ့အတွက် အမှားအယွင်းများ မုချ ရှိမှာပါ။ သို့သော် ထိုအမှားအယွင်းများသည် စေတနာ၊ မေတ္တာ ဇောအဟုန်ကြောင့်၊ စေတနာ၊ မေတ္တာ တိမ်သလ္လာဖုံးမှုကြောင့် အမှတ်မဲ့ မှားယွင်းနေတတ်တာမျိုးဆိုတာကို သားသမီးတို့အနေနဲ့ သတိထားတတ်ကြရပါမယ်။

အရွယ်ရောက်နေတဲ့ သားသမီးတို့အနေနဲ့ (ယေဘုယျအားဖြင့် အသက် ၂၀ကျော်တို့) မိမိတို့ရဲ့ ပိုင်ခွင့် တစ်စုံတစ်ရာကို မိဘရဲ့အလိုဆန္ဒနဲ့ ဆန့်ကျင်ပြီး ရယူ တောင်းဆိုကြရာမှာ အကျိုးသင့် အကြောင်းသင့် ဖြစ်နေဖို့ လိုအပ်ပါတယ်။

ဆိုကြပါစို့၊  မိဘ သဘောမတူသူနဲ့ လက်ထပ်မယ့် ကိစ္စမျိုးမှာ သားသမီးတို့ဘက်က ဘာကြောင့် လက်ထပ်သင့်တယ်ဆိုတာကို အကျိုးအကြောင်းနဲ့တကွ ပြေပြေလည်လည်၊ ချေချေငံငံ ပြောပြနိုင်ရပါမယ်။ ဒါပေမယ့် အရက်သေစာ သောက်စားမူးယစ်မိလို့ မိဘက ဆိုဆုံးမတဲ့အခါမျိုးမှာတော့ မိဘမှာ အဲသလို ဆုံးမပိုင်ခွင့် အပြည့် ရှိတယ်ဆိုတာ သတိမူရမယ်။ တစ်ခါတစ်ရံ သောက်စားတာအတွက် ပြောဆိုတာမျိုးဆိုရင် မိဘကို အကျိုးသင့် အကြောင်းသင့် ရှင်းလင်းပြလို့ ရတတ်နိုင်သေးပေမယ့် အမြဲတစေ သောက်စား၊ မူးယစ်၊ ရမ်းကားနေလို့ မိဘတွေဘက်က ပြောလာရင်တော့ (ကိုယ်တိုင်က မလိုက်နာနိုင်သည့်တိုင်) မိမိတို့ရဲ့ လုပ်ရပ် ကိုယ်၌က မှားယွင်းနေတာမို့ ပြန်လှန်ပြောဆိုဖို့ မသင့်ပေဘူး။

မိဘဘက်က အစွန်းကတော့ မိမိတို့ရဲ့သားတွေ၊ သမီးတွေက အကျိုးသင့် အကြောင်းသင့်နဲ့ ချေချေငံငံ ပြန်လည်တင်ပြတဲ့အခါ “ငါ မိဘ၊ ငါသာအမှန်၊ ငါ့စကား အောင်ကို အောင်ရမယ်”ဆိုတာမျိုးကို ရှောင်ရှားဖို့ပါပဲ။ သားသမီးဘက်က တင်ပြတာကို မိဘဘက်ကလည်း တလေးတစား နားထောင်ပြီး ချင့်ချိန်ရပါမယ်။
သားသမီးတို့ရဲ့ တင်ပြချက်များ ခိုင်လုံနေသော်လည်း မိမိတို့ဘက်က လက်မခံနိုင်သေးလျှင် တစ်ချက်ကို အသေအချာ စဉ်းစားပါ။ အဲဒါကတော့ မိမိတို့ လက်မခံနိုင်ခြင်းသည် မိမိတို့ရဲ့ သားသမီးများကို အလွန့်အလွန် ကောင်းစေချင်သော စေတနာ ဆန္ဒဇောကြောင့်များ လက်မခံနိုင်အောင် ဖြစ်နေရခြင်းလား ဆိုတာကိုပါပဲ။ အဲသလိုကြောင့်သာ ဖြစ်နေရင်တော့ အသာလေးသာ လျှော့လိုက်ပါတော့။ ဘုရားရှင် ကိုယ်တော်တိုင်ပင်လျှင် ကျွတ်ထိုက်တဲ့ သတ္တဝါတို့ကိုသာ ချွတ်နိုင်ခဲ့ပါတယ်။ သားသမီး အရင်းခေါက်ခေါက် ဖြစ်နေတဲ့အတွက် သဗ္ဗေသတ္တာ ကမ္မသကာ စာရင်းထဲက ပယ်လိုက်လို့မှ မဖြစ်နိုင်တာပဲ။

ဆရာသမား ကိစ္စ

တစ်ဆက်တည်းမှာ ဆရာသမားကိစ္စကိုပါ တစ်လက်စတည်း ဆွေးနွေးလိုပါတယ်။ ကျွန်တော်တို့မြန်မာတွေဟာ လူတကာကို ဆရာခေါ်ဖို့ အလွန် ဝါသနာ ကြီးကြပါတယ်။ ကျောင်းဆရာကိုလည်း ဆရာ၊ ဆေးဆရာကိုလည်း ဆရာ၊ ဆရာဝန်ကိုလည်း ဆရာ၊ စာရေးဆရာကိုလည်း ဆရာ၊ ကားသမားကိုလည်း ဆရာ၊ ဆိုက်ကားသမား၊ မြင်းလှည်းသမားတို့ကိုလည်း ဆရာ ခေါ်တာဟာ သာမန်အားဖြင့် ယဉ်ကျေးသမှုမို့ ခွင့်မလွှတ်နိုင်စရာ မရှိပါဘူး။

ဒါပေသည့် အလုပ်ရှင်၊ မိမိထက် ရာထူးကြီးသူများကို ဆရာ ခေါ် ခြင်းအားဖြင့်တော့ အကုန်“ရှုပ်”ကုန်တတ်ပါတယ်။ (တချို့များဆို နိုင်ငံခြားသား မျက်နှာဖြူများကိုပင် ဆရာ၊ ဆရာမ စသည်ဖြင့် မြန်မာလို မြိန်ရည် ယှက်ရည် ခေါ်နေကြတာကို ကျွန်တော့်နားနဲ့ ဆတ်ဆတ်ကြားဖူးပါတယ်။ ပညာတတ်ကြီးတွေ၊ စာရေးဆရာကြီးတွေရဲ့နှုတ်ကနေ အဲလိုထွက်လာတာကို ကြားရတော့ ယဉ်ကျေးသမှုဆိုတာကို နေရာနဲ့နေရာ အံဝင်ခွင်ကျ မသုံးတတ်ရှာကြတဲ့ အနှီပုဂ္ဂိုလ်များရဲ့အသိနုံနဲ့မှုကို ဩချမိရပါတယ်။ စကားကြုံလို့ ပြောတာပါ။)

ဘာကြောင့် ရှုပ်ကုန်တတ်တယ်လို့ ပြောရသလဲဆိုရင် ဆရာလို့ ဆိုတာနဲ့ အနန္တော အနန္တငါးပါးထဲမှာ ပါတဲ့ ဆရာနဲ့ ရောထွေးကုန်ပြီး အကျိုးသင့်၊ အကြောင်းသင့်မှ မပြောရဲ မဆိုရဲတွေ ဖြစ်ကုန်ကြတာကြောင့်ပါပဲ။ တစ်ဖက် ကလည်း “ဆရာ” အခေါ်ခံရသူများက ဘဝင်လေဟပ်ကာ “ငါပြောတာ အမှန်၊ ငါ လုပ်တာအမှန်”လို့ ထင်ကုန်တတ်ကြပြီး လက်အောက်ငယ်သားအပေါ် အနိုင်ကျင့်ချင်တိုင်း ကျင့်တတ်သွားတာတွေကြောင့်လည်း ဖြစ်ပါ တယ်။

တကယ်က အထက်က ဆိုခဲ့သလို အနန္တော အနန္တ ဂိုဏ်းဝင် ဆရာသခင်ပင် ဖြစ်စေဦးတော့ သူဟာ ပုထုဇဉ်မျှသာ ဖြစ်နေသေးတာမို့ သူ့ကိုလည်း ချေချေငံငံ၊ ပြန်လည် ထောက်ပြ ဝေဖန်ခွင့် ရှိပါတယ်။

“ပါစိတျာဒိ အဌကထာ”စာမျက်နှာ ၂၅၉ မှာ ဆရာလုပ်သူက အာပတ် မကင်းတဲ့ စကားမျိုးကိုဆိုနေလျှင် တပည့်အနေနဲ့ “သည်စကားဟာဖြင့် အာပတ်မကင်းတဲ့ စကားမျိုးများ ဖြစ်မနေဘူးလား ဘုရား”လို့ မေးလျှောက်ခြင်းဖြင့် ဟန့်တားရပေမယ်လို့ ဘုရားရှင် ကိုယ်တော်တိုင်က တိတိလင်းလင်း ပညတ်ခဲ့ပါတယ်။

တစ်ခါ၊ “သီလက္ခန္ဒ ဝဂ္ဂဌကထာ” စာမျက်နှာ ၃၈ နဲ့ ၃၉ မှာ “ဆရာ မစင်ပုံ နင်းသည်နှင့် တပည့်က လိုက်မနင်းရာ၊ ဆရာ မီးပုံနင်းလျှင်လည်း တပည့် မနင်းရာ၊ ဆရာ ဆူးပုံနင်းလျှင်လည်း တပည့်မနင်းရာ၊ ဆရာ အဆိပ် သောက်သော်လည်း တပည့်မသောက်ရာ၊ ဆရာ ချောက်ထဲ ခုန်ဆင်းသော် လည်း တပည့်မဆင်းရာ”လို့ အတိအလင်း ပါရှိပါတယ်။

သည်လောက်ဆိုရင် ဆရာသမားကို ချေချေငံငံနဲ့ အကျိုးသင့် အကြောင်းသင့် ပြန်လည် တင်ပြလိုက်မိရုံမျှနဲ့ ငရဲမှာ သစ်ငုတ်ဖြစ်စရာ ဘာအကြောင်းမှ မရှိဘူးဆိုတာ သေချာလောက်ပါပြီ။

အနှစ်ချုပ်

သည်ဆောင်းပါးကို ရေးရခြင်း အကြောင်းရင်းကတော့ ဆရာသမား၊ မိဘဆိုတာနဲ့ မှားသည် ဖြစ်စေ၊ မှန်သည်ဖြစ်စေ၊ အရာရာကို ရေငုံနှုတ်ပိတ်ပြီး ခေါင်းငုံ့ခံနေရမယ်ဆိုတဲ့ လွဲမှားတဲ့ အယူအဆ တစ်ရပ်ကို တည့်မတ်သွားစေချင်လို့ပါ။ တစ်ဖက်ကလည်း လူငယ်တွေဘက်က အကျိုးသင့် အကြောင်းသင့် ပြန်လည်တင်ပြလာရင် “ဂိုဏ်းသင့်မယ်”ဆိုတဲ့ စကားနဲ့ အနိုင်ပိုင်းတတ်ကြတဲ့လူကြီးသူမများ အမြင်မှန်ရလေအောင် တင်ပြလိုက်ရခြင်းပဲ ဖြစ်ပါတယ်။

အဓိကအချက်များအနေနဲ့ကတော့…

  • မိဘဆရာသမားတို့ကို ရိုသေလေးစားကြပါ။
  • သို့သော် ရိုသေလေးစားမှုကြောင့် အရာရာကို ရေငုံနှုတ်ပိတ်နေဖို့ လုံးလုံး မလိုပါ။
  • ပြောရေးရှိတဲ့အခါတိုင်း သားသမီးများ၊ တပည့်များတို့က ချေချေငံငံ၊ ပြေပြေပြစ်ပြစ်နဲ့ အကျိုးသင့် အကြောင်းသင့် ရှင်းလင်း တင်ပြနိုင်ပါတယ်။
  • မိဘ၊ ဆရာသမားများအနေနဲ့လည်း ဆန္ဒာဂတိ၊ မောဟာဂတိ၊ ဒေါသာဂတိ၊ ဘယာဂတိဆိုတဲ့ အဂတိတရား လေးပါးကို အတတ်နိုင်ဆုံး ပယ်ရှားပြီးမှ တပည့်၊ သားသမီးများရဲ့အရေးကိစ္စများကို အဆုံးအဖြတ်ပေးရပါမယ်။
  • မိဘဆရာသမားတို့အတွက် အရေးကြီးဆုံးအချက်ကတော့ မိမိတို့ရဲ့ သားသမီး၊ တပည့်များရဲ့အရွယ်ကို အသိအမှတ်ပြုတတ်၊ လေးစားတတ်ဖို့ပဲ ဖြစ်ပါတယ်။
၁၉၉၆ ခု ဇန်နဝါရီထုတ် “သရဖူ” မဂ္ဂဇင်းပါ သည် ဆောင်းပါးအတွက် လိုအပ်တဲ့ ဘာသာရေးစာပေ အထောက်အထားများကို မိန့်ကြား လမ်းညွှန်ပေးသူက ပျံလွန်တော်မူသွားခဲ့ပြီးဖြစ်တဲ့ တိပိဋကဓရ ဆရာတော် ဦးသုမင်္ဂလ ဖြစ်ပါတယ်။ ဆရာတော်နဲ့ တွေ့ဆုံနိုင်ဖို့ စီစဉ်ပေးခဲ့ကြတာက (အခုအခါမှာ မြန်မာပြည်မှ သွားလေသူ) စာရေးဆရာမ မိုးချိုသင်း၊ စာရေးဆရာ မောင်မိုးသူနဲ့ သူ့သား ညီညီမိုးသူတို့ ဖြစ်တာမို့ သည်စာမူ ပါရှိတဲ့ ကျွန်တော့်ရဲ့ “သားငယ်သမီးငယ်များ ပဲ့ပြင်ထိန်းကျောင်းခြင်း အနုပညာ” စာအုပ် ပထမအကြိမ်ထုတ်မှာရော၊ ဒုတိယအကြိမ်ထုတ်မှာပါ သူတို့အားလုံးကို လေးစားစွာ ကျေးဇူးစကားဆိုခဲ့ဖူးသလို အခုလည်း ကျေးဇူးတင်ကြောင်း ထပ်လောင်း အစီရင်ခံအပ်ပါတယ်။

For Parents and Teachers to Think Twice

မိဘ ဆရာများ တွေး ဆဆင်ခြင်စရာ

သင်္ကြန်မတိုင်ခင်က မန္တလေးကို ရောက်သွားတော့ စိတ်မကောင်းစရာ သတင်းတစ်ပုဒ်ကို ကြားရတယ်။


ကျွန်တော်နဲ့ ခင်မင်ရင်းနှီးတဲ့ မိတ်ဆွေတစ်ယောက်ရဲ့ သားလေး ပျောက်ဆုံးနေတဲ့ သတင်းပါ။ သားက ၁၅ နှစ်သားပဲ ရှိသေးသတဲ့။ မနက်ပိုင်းမှာ မုန့်စားဖို့ ဆိုပြီး အိမ်က ထွက်သွားရာက လုံးလုံး ပျောက်သွားတာဆိုပဲ။

ကျွန်တော်ကိုယ်တိုင်လည်း သူ့လိုပဲ၊ သမီး တစ်ယောက်၊ သား တစ်ယောက်ရဲ့ဖခင်ဖြစ်နေတဲ့အတွက် မိဘချင်း

စာနာစိတ်နဲ့ စိတ်မကောင်း ဖြစ်ရပါတယ်။ ခက်တာက သူ့ဒုက္ခကို ကူညီ ဖြေရှင်းပေးနိုင်တဲ့ နည်းလမ်းက ကျွန်တော့်မှာ မရှိတာပဲ။ ပြေရာပြေကြောင်းအတွက် တတ်အားသမျှ ပြောဆို ဖေးမရုံပဲ တတ်နိုင်ခဲ့တယ်။

ကျွန်တော့် ရင်ထဲမှာ တနုံ့နုံ့နဲ့။ မန္တလေးမှာ ၁၂ ရက်နေပြီး ပြန်သာ လာခဲ့ရတယ်၊ သူ့သားသတင်းကို အစအနတောင် မကြားရတော့ လိပ်ခဲတင်းလင်းဖြစ်နေတယ်။
ခမျာများမှာ မန္တလေးသတင်းစာတွေ
ထဲလည်း လူပျောက်ကြော်ငြာတွေ ဘာတွေ ထည့်ကြသေးတယ်။ ဂျာနယ်တစ်ခုမှာ မန္တလေးသတင်း ပင်တိုင် ရေးနေသူ ဆရာတစ်ဦးကလည်း သူ့ဂျာနယ်ထဲ သားငယ် ပျောက်ဆုံးနေတဲ့ သတင်းကို စာနာစွာ ဖော်ပြပေးပါသေးတယ်။

သတင်းထူးရင် ကျွန်တော့်ကို ဖုန်းဆက် အကြောင်းကြားပါဗျာလို့ မှာခဲ့ပြီး ကျွန်တော်လည်း ပြန်လာခဲ့ရပါတယ်။ ဒါပေမယ့် သုံးပတ်သာ ကြာသွားတယ်၊ သူ့သား သတင်းကို အစအနတောင် မကြားရဘူး။ ကျွန်တော့်မှာသာ မန္တလေးက ဆွေမျိုးရင်းချာတစ်ဦးရဲ့ နာရေးကြောင့် နောက်သုံးပတ်နေတော့ မန္တလေးကို တစ်ခေါက်ပြန်တက်ရပြန်တယ်။

သည်အခါမှာလည်း မိတ်ဆွေကြီးဆီ ဝင်ပြီး သူ့သားသတင်း စုံစမ်းမိရပြန်တယ်။ ဘာအကြောင်းမှ မထူးသေးဘူးဆိုတာပဲ ကြားရတော့ အားပျက်ချင်သလို ဖြစ်လာတယ်။


အလုပ်က တစ်ဖက်နဲ့မို့ သည်တစ်ခေါက်တော့ မန္တလေးမှာ သုံးညပဲ အိပ်ပြီး ပြန်ပြေးခဲ့ရပြန်ပါတယ်။

ရန်ကုန် ပြန်ရောက်ပြီး သုံးရက်လောက်နေတော့ ဖုန်းဝင်လာတယ်။

ပျောက်ဆုံးနေသူ သားလေးကို ပြန်တွေ့တဲ့အကြောင်း မိတ်ဆွေကြီးက အကြောင်းကြားတာပါ။

ကျွန်တော်လည်း သက်ပြင်းကို ဟင်းခနဲ ချလိုက်တယ်။ ဖြစ်ပုံပျက်ပုံကို မိတ်ဆွေကြီးက ကျွန်တော့်ကို စိတ်မကောင်းခြင်းကြီးစွာ ပြောပြတဲ့အခါမှာတော့ သည်အကြောင်းကို ရေးရပေဦးမယ်လို့ စိတ်ထဲမှာ တေးလိုက်ရပြန်ပါတယ်။

ကလေးက မန္တလေးနဲ့ မနီးမဝေးက မထင်မရှား ရွာလေးတစ်ရွာကို သွားပြီး သင်္ကန်းစီးနေတာတဲ့။ သတင်းအရ ဖအေလုပ်တဲ့သူ လိုက်ခေါ်တဲ့အခါမှာလည်း ကိုရင်ဝတ်နဲ့ပဲ ပြန်လိုက်လာတယ်လို့ သိရပါတယ်။

ဘာဖြစ်တာလဲ၊ ဘယ်လို ဖြစ်တာလဲလို့ စေ့ငုလိုက်တဲ့အခါ ကျွန်တော့်မိတ်ဆွေတင်မက မိဘအများနဲ့ပါ သက်ဆိုင်တဲ့ကိစ္စမို့ သည်အကြောင်းကို ချရေးရတော့တာပါ။

ဖြစ်ပုံက ကလေးက သည်နှစ်မှာ ဆယ်တန်းကို တက်ရတော့မှာပါ။ ကိုးတန်းမှာကတည်းက သူ့ကို မြို့ရဲ့အကျော်အမော် ကျူရှင်ကျောင်းကြီး တစ်ကျောင်းမှာ အပ်ထားပါတယ်။ ကျောင်းအုပ်က ကလေးရဲ့မိဘနဲ့ ခင်မင်နေတော့ ကျူရှင်ခတောင် မယူပါဘူး။

သည်အထိက အင်မတန် ကောင်းနေပါသေးတယ်။

ဆိုးသွားတာက ကလေးက စာသိပ်မလိုက်နိုင်ဘူး။ ကျူရှင်မှာက စာမလိုက်နိုင်တဲ့ ကလေးတွေကို လိုက်နိုင်လာအောင် လုပ်တဲ့နည်းက ရှိနေတယ်။ အဲဒါကတော့ တော်တော်လေး ပြင်းပြင်းထန်ထန် နှိပ်ကွပ်တဲ့နည်းပါ။ ကိုးတန်း၊ ဆယ်တန်း ကျောင်းသားတွေကို တုတ်နဲ့ ရိုက်တဲ့နည်း၊ အရှက်ခွဲတဲ့နည်းများကို ကျင့်သုံးပြီး ခပ်ပြင်းပြင်း မောင်းပါသတဲ့။

ဒါလည်း ကျူရှင်ဘက်က ကြည့်ရင် မှန်တယ်လို့ ရှေ့နေလိုက်ချင် လိုက်လို့ရပါသေးတယ်။ အဲသလို ပြင်းပြင်းထန်ထန်လေး မောင်းပေးမှ ကလေးတွေရဲ့ ပညာရည် တိုးတက်လာမှာဖြစ်သလို ကျူရှင်ရဲ့ အောင်ချက်လည်း တအားကောင်း၊ နာမည်လည်း ပိုထွက်၊ နောက်နှစ်တွေ၊ နှစ်တွေမှာလည်း ငွေတွေ သောက်သောက်လဲ ဝင်တော့မှာကိုး။ ကျူရှင်ဘက်က ကြည့်ရင် သူ့ဟာနဲ့ သူတော့ တရားနေပါတယ်။

ကျွန်တော့်မိတ်ဆွေရဲ့ စကားများအရ သူ့သားအပါအဝင် ကလေးအတော်များများက အဲဒီ့ ကျူရှင်ရဲ့ ဇွတ်အတင်း မောင်းနှင်မှုကို မခံစားနိုင်လောက်အောင် ဖြစ်နေကြတယ်လို့ သိရပါတယ်။ ဒါပေမယ့် မိဘတွေက ကိုယ့်သားသမီးကို ဖြစ်စေချင်၊ ထွန်းပေါက်စေချင်ဇောနဲ့ မတက်မနေရ လုပ်ကြပါသတဲ့။ တစ်ဖက်ကလည်း ကျောင်းအပ်တဲ့အခါမှာ မကျိုးမကန်း ရင်တော်ပါပြီ၊ ဆရာတို့ ကြိုက်သလို ဆုံးမပါဆိုတဲ့ အစဉ်အလာ အရိုးစွဲ အတွေးအခေါ်လေးတွေကလည်း ရှိနေလေသေးတော့ ကလေးတွေခမျာမှာ အလကားနေရင်း သားကောင်လေးတွေ ဖြစ်ကုန်ပါတော့တယ်။

ကျွန်တော့်မိတ်ဆွေရဲ့သားက အင်္ဂလိပ်စာမှာ တော်တော်လေး အားနည်းတဲ့အတွက် အဲဒီ့ကျူရှင်မှာ နေ့တိုင်း အနှိပ်ကွပ်ခံရလေသတဲ့။ ၁၅ နှစ် ဆိုတာ ကြီးကောင်ဝင်စ အရွယ်ပါ။ ကောင်းကောင်းလည်း ရှက်တတ်၊ နာတတ်နေတဲ့ အရွယ်လည်း ဖြစ်ပါတယ်။


သည်အခါ လူပုံအလယ်မှာ နေ့တိုင်း အနှိပ်ကွပ်ခံနေရတော့ သူ့အနေနဲ့ ဘယ်လိုမှ မခံနိုင်တော့ဘူး။ မအေမိဘကို ပြောလို့ကလည်း သဘောပေါက်ကြမှာ မဟုတ်တဲ့ အတူတူ၊ အိမ်က ထွက်ပြေးတာ အကောင်းဆုံးပဲလို့ အောက်မေ့လိုက်ပါတော့တယ်။

ဒါပေမယ့် ကလေးက ကလေးကောင်းလေးဆိုတော့ သူ့အတွက် နားခိုရာ၊ အားကိုးရာကို ရတနာသုံးပါးရဲ့ အရိပ်အာဝါသအောက်မှာ သွားရောက် ရှာဖွေလိုက်တာလေးကြောင့်သာ တော်သွားပါတယ်။ ဖအေနဲ့ ပြန်လိုက်လာခဲ့သော်လည်း လူဝတ်လဲဖို့ ငြင်းဆိုနေခြင်းဟာ လူဘဝကို ပြန်ရောက်ရင် ကျောင်းတက်ရမှာ၊ ကျောင်းတက်ရင် အဲဒီ့ရွှေကျူရှင်နဲ့ ပြန်လည် ရင်ဆိုင်ရမှာကို တအားစိုးရွံ့နေလို့ပဲလို့ တွေးလို့ရပါတယ်။

ကျွန်တော်ကတော့ ကျွန်တော့်မိတ်ဆွေကို ကျွန်တော့်အယူအဆလေးတစ်ခု ပြောလိုက်မိပါသေးတယ်။

သည်လောကမှာ ရှိရှိသမျှ အမွေများ အားလုံးအနက်မှာ အမြတ်ဆုံး အမွေဟာ လူအဖြစ်ကို ရတုန်းရခိုက်မှာ နိဗ္ဗာန်ကို မျက်မှောက်ပြုနိုင်တဲ့ လမ်းကြောင်း ပေါ် တင်ပေးလိုက်နိုင်တာသာ ဖြစ်ကြောင်းပါ။ ဒါကြောင့် ကလေးက သာသနာ့ဘောင်မှာ ပျော်မွေ့သွားမယ်ဆိုလည်း အင်မတန် မွန်မြတ်တာမို့ ကလေး စိတ်ချမ်းသာတဲ့ နည်းလမ်းအတိုင်း လိုက်လျောဖို့ အကြံပေးလိုက်မိပါတယ်။

တစ်ဖက်ကလည်း ကလေးရော၊ ကလေးမိဘပါ အင်မတန် ကံကြီးလွန်းလို့သာ သည်လောက်နဲ့ ပြီးသွားတာကို တွေးမိနေပါတယ်။ တကယ်လို့သာ ကလေးက စိတ်ပေါက်ပေါက်နဲ့ တွေ့ကရာတွေ လျှောက်လုပ်လို့၊ မတော်တာတွေ ဖြစ်ကုန်ရင် စေတနာနဲ့ ဆောင်ရွက်ပေးခဲ့ရတဲ့ မိဘတွေပဲ ရင်ကျိုးရမှာပါ။

မိဘဆိုတာကတော့ ကိုယ့်သားသမီးကို ချွန်စေ၊ ထက်စေ၊ တော်စေ၊ ထွန်းပေါက်စေချင်သူချည်းပါပဲ။ အဲသလိုပဲ၊ ကျူရှင်ဆရာအပါအဝင် ဆရာများအားလုံးကလည်း ကိုယ့်တပည့်လေးတွေကို ဖြစ်စေချင်ကြတာချည်းပါပဲ။

ဒါပေမယ့် ကလေးတွေကို ဖြစ်စေချင်ဇောနဲ့ တအားတွန်းတဲ့အခါမှာ လိုက်နိုင်တဲ့ ကလေးရှိသလို မလိုက်နိုင်တဲ့ ကလေးဆိုတာလည်းရှိနေမှာ  သေချာပါတယ်။

လူချင်းတူပေမယ့် အသက်ရှူချင်းကွဲတယ်ဆိုတာလို ခံနိုင်ရည်ချင်းလည်း မတူတာမို့ ပုံသေကားချနည်းတွေ၊ လှေနံဓားထစ် စနစ်တွေနဲ့ ကိုယ်ဖြစ်စေချင်တာကို ဇွတ်အတင်း လုပ်ယူမယ်ဆိုရင် ကောင်းကျိုးထက် ဆိုးကျိုးက ပိုများနိုင်တဲ့အကြောင်း  မိဘဆရာများ သတိထားမိနိုင်ကြစေဖို့အလို့ငှာ လတ်တလော ဖြစ်သွားခဲ့တဲ့ ဖြစ်ရပ်မှန်လေးတစ်ခုကို အခြေခံတင်ပြလိုက်ရပါတယ်။

(၂၀၀၂ ခုနှစ်က မန္တလေးမြို့မှာ ဖြစ်သွားခဲ့တဲ့ ဖြစ်ရပ်ကို အခြေခံပြီး အလင်းတန်းဂျာနယ်မှာ ရေးသားခဲ့တဲ့ ဆောင်းပါးဖြစ်ပါတယ်။  စာမူခွင့်ပြုချက်အမှတ် ၁၂၀၅/၂၀၀၃(၁၂) နဲ့ လက်တွဲဖော် စာအုပ်တိုက်က ၂၀၀၄ ခုနှစ် သြဂုတ်လမှာ ထုတ်ဝေခဲ့တဲ့ အတ္တကျော်ရဲ့ “သားငယ် သမီးငယ်များ ပဲ့ပြင် ထိန်းကျောင်းခြင်း အနုပညာ” စာအုပ်ထဲက စာတစ်ပုဒ်လည်း ဖြစ်ပါတယ်။)

Impacts of Corporal Punishment

ရိုက်နှက် ဆုံးမခြင်းရဲ့ အကျိုးအပြစ်

လူတောထဲလည်း တိုး၊ လုပ်ရည်ကိုင်ရည်လည်း ရှိ၊ တာဝန်လည်း ယူတတ်တဲ့ လူကြီးတွေ ဖြစ်လာစေဖို့အလို့ငှာ ကလေးတွေကို ပြုစုပျိုးထောင်ရာနဲ့ သင်ကြားပေးရာမှာ စည်းကမ်းဆိုတာ မရှိမဖြစ် လိုအပ်ပါတယ်။

ပြစ်ဒဏ်ပေးတယ်ဆိုတာဟာ စည်းကမ်း ထိမ်းသိမ်းတဲ့ နည်းပေါင်း များစွာထဲက တစ်နည်းဖြစ်ပြီး ရိုက်နှက် ဆုံးမတယ်ဆိုတာကတော့ ပြစ်ဒဏ် ပေးတဲ့ နည်းပေါင်းများစွာထဲက တစ်နည်းသာ ဖြစ်ပါတယ်။

ပြစ်ဒဏ်ပေးလိုက်တဲ့အတွက် ကလေးတွေရဲ့ အမူအကျင့်တွေအပေါ်မှာ အကျိုးသက်ရောက်ပုံကို စူးစမ်း လေ့လာကြည့်မယ်ဆိုရင်တော့ တော်တော် အံ့ဩစရာ ကောင်းတဲ့ ရလာဒ်တွေကို တွေ့ရပါလိမ့်မယ်။ လူမှုဗေဒပညာရှင်များနဲ့ စိတ်ပညာရှင်များရဲ့ကျယ်ပြန့်တဲ့ သုတေသနများနဲ့ လေ့လာတွေ့ရှိချက်များအရ ပြစ်ဒဏ်ပေးတဲ့အတွက် သင်ယူမှုကို ဘယ်လိုမှ အထောက်အကူ မပေးတဲ့အပြင် ပြစ်ဒဏ်ပေးသူ လိုချင်တဲ့၊ ဖြစ်စေချင်တဲ့ အမူအကျင့်ရဲ့ ပြောင်းပြန် အကျိုးသက်ရောက်မှုတွေသာ ရရှိနိုင်ကြောင်း ခိုင်ခိုင်မာမာ တွေ့ထားရပါတယ်။

ရိုက်နှက်ဆုံးမတယ်ဆိုတာ ဘာလဲ

တချို့ မိဘ ဆရာများအတွက်က ကလေးတွေရဲ့တင်ပါးကို ရိုက်တာလို့ ဖြေပါလိမ့်မယ်။ တချို့တွေအတွက်ကျတော့ လက်ဝါး၊ မျက်နှာ အပါအဝင် ကလေးရဲ့တစ်ကိုယ်လုံးကို ရိုက်နှက်တာပါ။ “မာရေးစထရော့စ်” အမည်ရှိ မိသားစုတွင်း အကြမ်းဖက်မှု ကိစ္စကို တစိုက်မတ်မတ် စူးစမ်းနေတဲ့ သုတေသီကတော့ ရိုက်နှက် ဆုံးမတယ်ဆိုတာဟာ တစ်ဖက်သားကို ကိုယ့်သဘောအတိုင်း လိုက်နာလာစေဖို့ဖြစ်စေ၊ အမှားပြင်လာစေဖို့ဖြစ်စေ သွေးထွက် သံယို မဖြစ်စေဘဲ ကိုယ်ခန္ဓာမှာ အနာတရ ဖြစ်အောင် ကာယ အင်အား သုံးပြီး လုပ်ဆောင်ချက်လို့ အနက်ဖွင့်ပါတယ်။ အဲဒီ့ မာရေးစထေရာ့စ်ရဲ့ သုတေသနက အောက်ပါအချက်များကို အတည်ပြုပေးပါတယ်။

  • လင်ယောက်ျားရဲ့ အရိုက်အနှက်ကို ခံနေရတဲ့ မိခင်များ၊ ဆရာမများဟာ မိမိတို့ရဲ့ ရင်သွေးငယ်များ၊ ကျောင်းသားငယ်များကို တခြား မိခင်တွေ၊ ဆရာမတွေထက် ပို အရိုက်သန်တတ်တယ်။
  • ဆယ်ကျော်သက်အရွယ်မှာ ကိုယ်တိုင် အရိုက်ခံခဲ့ရဖူးသူ မိဘများ၊ ဆရာ၊ ဆရာမများဟာလည်း တခြားသူတွေနဲ့ ယှဉ်ရင် ပို အရိုက်သန်နေတတ်တယ်။

မာရေးစထေရာ့စ်တင်မကဘဲ အခြားသော မိသားစုရေးရာ သုတေသီများရဲ့ တွေ့ရှိချက်များအရ ရိုက်နှက်ဆုံးမခြင်းကြောင့် ဖြစ်လာတဲ့ ဘေးပန်း သက်ရောက်မှုတွေကလည်း ကြောက်စရာပါ။ အဲဒါတွေကို ခေါင်းစဉ်ထိုးပြီး ဆွေးနွေးပါရစေ။

ရန်လိုတာ

ရိုက်နှက်ဆုံးမခြင်းကြောင့် လူတစ်ယောက်က တခြားလူတစ်ယောက်ကို အနာတရဖြစ်အောင် ကာယကံမြောက် ကျူးလွန်တာဟာ မှန်တယ်၊ တရားတယ်လို့ သင်ပေးရာ ရောက်ပါတယ်။ တစ်ယောက်ယောက်က အမှားတစ်ခုခုကို ကျူးလွန်နေပြီး အဲလိုကျူးလွန်နေတာလည်း မရပ်ဘူးဆိုရင် သူ့ကို ရိုက်လိုက်တာ တရားတယ်၊ မှန်တယ်လို့ အရိုက်ခံဖူးသူတွေအနေနဲ့ မလွဲမသွေ တွေးတော့မှာပါ။

ကလေးငယ်တစ်ယောက်အနေနဲ့ တခြား ကလေးတစ်ယောက်ကို အလကားနေရင်း ထထိုးဖို့၊ ထရိုက်ဖို့ ဆိုတာ ဘယ်လိုမှ မဖြစ်နိုင်ပါဘူး။ ဒါပေမယ့် သူ့အရုပ်ကို လုသွားပြီး ပြန်မပေးတော့လို့၊ သူ့ကို မခံချင်အောင် ဆက်တိုက် ပြောနေလို့စသဖြင့် အကြောင်းတစ်ခုခုကြောင့် တခြားကလေးတစ်ယောက်ကို အနာတရဖြစ်အောင် လုပ်ကြတာပါ။ ကလေးတွေ အမှား ကျူးလွန်တဲ့အခါ မိဘတွေက ရိုက်နှက် ဆုံးမထားတယ်ဆိုရင် ကလေးချင်း ထိုးကြိတ် ကန်ကြောက် ရိုက်နှက်ဖို့ အခွင့်အလမ်း ပိုများလာတာဟာလည်း တကယ်တော့ အံ့ဩစရာမဟုတ်ပါဘူး။ အတုမြင် အတတ်သင်တဲ့ သဘောပါပဲ။

အဲလိုပဲ အံ့ဩစရာ မကောင်းတာတစ်ခုကတော့ အရိုက်ခံရပြီး လူလား မြောက်လာသူများဟာလည်း မိဘဘဝ၊ ဆရာဘဝကို ရောက်တဲ့အခါ ကလေးတွေကို ရိုက်တတ်တာကို သုတေသနပေါင်း အမြောက်အများက အခိုင်အမာ အတည်ပြုပေးနေပါတယ်။ အသက် ၁၃ နှစ်ကျော်တဲ့အထိ အရိုက်ခံခဲ့ရသူများဟာဆိုရင် ပိုပြီးတောင် ကိုယ့်ကလေးကိုယ်၊ ကိုယ့်တပည့်ကိုယ် ရိုက်တတ်ပြန်သေးတယ်လို့လည်း စစ်တမ်းများက ဆိုပါတယ်။ ဒါတင်မကသေးဘဲ၊ ငယ်ငယ်က အရိုက်ခံခဲ့ရသူ ယောက်ျား၊ မိန်းမများဟာ ကိုယ့်အိမ်ထောင်ဖက်ကိုလည်း ရိုက်တတ် ပုတ်တတ်နေတော့မှာ သေချာနေပြန်တယ်။

သရဖူမဂ္ဂဇင်းကတစ်ဆင့် ကျွန်တော်ပြုလုပ်ခဲ့တဲ့ စစ်တမ်းကလည်း သည်အချက်ကို အပြည့်အဝ အတည်ပြုပေးလို့နေပါတယ်။ အရိုက်ခံဖူးသူများရဲ့ ၉၀.၂၄ (ကိုးဆယ်ဒဿမ နှစ် လေး) ရာခိုင်နှုန်းဟာ တခြားသူတွေကိုလည်း အနာတရ ဖြစ်အောင် ကိုယ်ထိလက်ရောက် လုပ်ခဲ့ဖူးပါကြောင်း အတိအလင်း ဝန်ခံထားတာကိုတွေ့ရပါတယ်။ သည်စစ်တမ်းမှာ နောက်ထပ် စိတ်ဝင်စားစရာကောင်းလှတဲ့ ကိန်းဂဏန်းတစ်ခုကိုလည်း တွေ့ရပါသေးတယ်။ အဲဒါကတော့ ကိုယ်တိုင် အရိုက်ခံဖူးသူများအနက်က ၄၄.၇၂ ရာခိုင်နှုန်းကသာ ရိုက် နှက်ဆုံးမဖို့ မလိုအပ်ဘူးလို့ဆိုကြပြီး ၅၀.၄၁ ရာခိုင်နှုန်းကတော့ ရိုက်နှက် ဆုံးမဖို့လိုတယ်လို့ ဆိုကြပြန်ပါတယ်။ ကျန်တဲ့ ၄.ဝ၇ရာခိုင်နှုန်းကတော့ ရိုက်နှက်ဆုံးမဖို့ လို/မလိုဆိုတဲ့ မေးခွန်းကို လုံးလုံးမဖြေဘဲ နှာစေးနေလိုက်ကြတာကိုလည်း တွေ့ရတယ်။

အဲတော့ အားလုံးသော ကောက်ချက်များအရ ကလေးတွေကို ရိုက်နှက် ဆုံးမခြင်းဟာ ကလေးတွေရဲ့ခန္ဓာထဲကို ရန်ပြုချင်တဲ့ အကျင့်စရိုက် မျိုးစေ့များ ထည့်သွင်းပေးရာ ရောက်ပါတယ်။ လေ့လာချက်များအရ အိမ်မှာ၊ ကျောင်းမှာ များများ အရိုက်ခံရတဲ့ကလေးဟာ တခြားကလေးတွေကိုလည်း ပိုရန်လုပ်တတ်၊ ထိုးတတ်၊ ရိုက်တတ်သွားကြကြောင်းပါ။

ပြောမရ ဆိုမရတွေ ဖြစ်လာတာ

ရိုက်နှက်ခြင်းဟာ မိဘနဲ့ သားသမီး၊ ဆရာနဲ့ တပည့်တို့ကြားက ချစ်ခင် လေးစားခြင်းနဲ့ ဖွဲ့စည်းအပ်တဲ့ စည်းနှောင်မှုကို ဖဲ့ထုတ်သွားပါတယ်။ ကလေးတွေဟာ သူတို့ ချစ်ခင်လေးစားသူ မိဘဆရာများ အလိုကျအောင် ဆောင်ရွက်ပေးချင်စိတ်တွေနဲ့ပါ။ ကြောက်ရသူကိုဆိုရင်တော့ ကြောက်လို့သာ ဆောင်ရွက်ပေးရတယ်၊ အရာရာ အလိုက်တသိနဲ့ စိတ်တိုင်းကျအောင် လုပ်ပေးဖို့တော့ အင်မတန်ဝေးပါတယ်။ စာဖတ်သူလူကြီးမင်း မှတ်မိတဲ့ ဆယ်ကျော်သက်အရွယ် ငယ်ဘဝကိုပဲ ပြန်စဉ်းစားကြည့်လိုက်ပါ။ ကျွန်တော်တို့တွေဟာ ကြောက်ရသူနဲ့ ချစ်ခင်လေးစားသူ နှစ်ဦးကြားမှာ ဘယ်သူ့ကို ပိုစိတ်ချမ်းသာစေချင်ခဲ့သလဲဆိုတာ စေ့စေ့ တွေးကြည့်လိုက်ရင် ရေးရေးမက ကွင်းကွင်း ကွက်ကွက်ကြီး ပေါ်လာပါလိမ့်မယ်။

ဘာသာတရားရယ်၊ ယဉ်ကျေးမှု ဓလေ့ထုံးစံရယ်၊ အခြေအနေ အကြောင်းတရားတွေရယ်ကြောင့်သာ အောင့်နေခဲ့ရတယ်၊ မိဘက ဖြစ်စေ၊ ဆရာက ဖြစ်စေ၊ ကိုယ့်ကို ရိုက်နှက်လာတဲ့အခါမှာ အဲဒီ့ မိဘဆရာ အပေါ်မှာ (အဖျဉ်းဆုံး အဲဒီ့ အရိုက်ခံလိုက်ရစဉ် တစ်ဒင်္ဂအတွင်းလေး)မှာတော့ မုန်းတီး စက်ဆုပ်စိတ် ပေါ်ခဲ့ကြသူချည်းပါပဲ။ အဲဒီ့အချိန်က ခံစားခဲ့ရပုံ အသေးစိတ်ကို ကိုယ့်ကိုယ်ကိုယ် မညာတမ်း ပြန်ဆန်းစစ်ကြည့်ကြစေချင်ပါတယ်။

သုတေသနများအရ အရိုက်မခံရတဲ့ ကလေးတွေဟာ အမှားအမှန် ခွဲခြားတတ်တာကို တွေ့ရတယ်။ အရိုက်ခံရတဲ့သူတွေကတော့ အမှားအမှန် ခွဲခြားမနေတော့ဘဲ အရိုက်ခံရတာကိုမှ အမှားလို့ မြင်သွားတတ်တဲ့အပြင် အမှား၊ အမှန် ခွဲခြားဖို့က မိဘ ဆရာများရဲ့ တာဝန်ဖြစ်ပြီး သူတို့ကတော့ နေချင်သလို နေမယ်ဆိုတဲ့ တာဝန်မဲ့စိတ်တွေ ဖြည်းဖြည်းချင်း ဝင်လာတတ်ပါတယ်။

သူတို့နဲ့ ပြောင်းပြန်၊ အရိုက်မခံရတဲ့ ကလေးတွေကကျတော့ မိဘတွေရဲ့ စံနမူနာကို အလိုလို ယူချင်စိတ်အပြည့်နဲ့ ဖြစ်နေကြပြီး ကိုယ်လုပ်လိုက်တာ၊ ကိုယ့်အပြုအမူ၊ ကိုယ့်အကျင့်စရိုက်ကို ကိုယ့်ဘာသာ ပြန်လှန် စစ်ဆေးတဲ့ တာဝန်ကိုလည်း အလိုလို ယူသွားတတ်တာကို တွေ့ရပါတယ်။ အဲဒီ့နည်းနဲ့ အရိုက်မခံရတဲ့ကလေးတွေဟာ မိမိကိုယ်ကို တာဝန်ယူပြီး မိမိကိုယ်ကို စောင့်ကြည့် ကြပ်မတ်တတ်တဲ့ အကျင့်ကောင်းသူများ ဖြစ်လာပါတော့တယ်။ မိဘတွေက စောင့်ကြည့် ကြပ်မတ်ပေးနေလိမ့်မယ်၊ မှားရင် ရိုက်နှက်ပြီး ပြင်ပေးလိမ့်မယ်ဆိုတဲ့အသိမျိုး သူတို့မှာ လုံးလုံး မရှိတဲ့အတွက် မိမိကိုယ်ကို ပိုဂရုစိုက်ဖြစ်၊ ကိုယ့်အမှားကို ဆန်းစစ်ဖြစ်သွားတတ်တာလည်း အလွန် ယထာဘူတကျတဲ့ အချက်ပါပဲ။


အဲတော့ကာ မိဘ ဆရာများအနေနဲ့ ရိုက်နှက် ဆုံးမခြင်းကို ရှောင်ကြဉ်ပြီး ကိုယ်ခန္ဓာ အနာတရ မဖြစ်စေတဲ့ နည်းမျိုးကို သုံးလို့ စည်းကမ်းထိန်းပေးနိုင်ကြမယ်ဆိုရင် ပြောလို့ဆိုလို့လည်း လွယ်၊ ပိုလည်း အကျင့်ကောင်းတဲ့ ကလေးတွေ ထွက်လာမယ်ဆိုတဲ့ ကောက်ချက်က မလွဲဧကန် ထွက်လာပါ တော့တယ်။ ဒါပေမယ့် ခက်တာက သည်လူ့ဘောင်မှာ လူအတော်များများက အဲသလို မတွေးဖြစ်ကြဘဲ ရိုက်နှက် ဆုံးမမှ ကောင်းသွားမယ်၊ တော်သွားမယ်လို့ ယုံမှတ်မှားနေကြတာကြီးပါပဲ။

စိတ်ဓာတ်ကျတာ။ မထုံတက်သေး ဖြစ်သွားတတ်တာနဲ့ အစွမ်းအစတွေ ငုပ်ကုန်တာ

ကျွန်တော် လုပ်ခဲ့တဲ့ စစ်တမ်းထက် အများကြီး ပိုပြီး ကျယ်ကျယ်ပြန့်ပြန့် လုပ်ခဲ့တဲ့ အမေရိကန်နိုင်ငံလုံးဆိုင်ရာ မိသားစုတွင်း အကြမ်းဖက်မှု လေ့လာရေး စစ်တမ်းအရဆိုရင် လူတစ်ယောက်ဟာ များများ အရိုက်ခံခဲ့ရဖူးလေလေ၊ စိတ်ဓာတ်ကျနိုင်ချေ ပိုများလေလေဖြစ်တဲ့အပြင် မိမိကိုယ်ကို သတ်သေဖို့အထိ စိတ်ကူးမိတဲ့အနေအထားမျိုးလည်း ပိုကြီးမားလေလေဆိုတဲ့အချက်ကို တွေ့ရှိရပြန်ပါတယ်။

ကျွန်တော့်စစ်တမ်းမှာလည်း စိတ်ဓာတ်ကျဆင်းနေသူတွေအပြင် မိမိကိုယ်ကို သတ်သေဖို့ စိတ်ကူးမိတာ အကြိမ်ကြိမ်ပါလို့ ဖွင့်ဟရေးသားခဲ့သူ ၁.၃၃ရာခိုင်နှုန်း ရှိနေခဲ့တာကိုတွေ့ရပါတယ်။ ဒါဟာ အဖန်ငါးရာ၊ ငါးကမ္ဘာ ဆိုတဲ့ သညာမျိုး ရှိနေသူတွေ များပြားတာမို့ သည်လောက် ရာခိုင်နှုန်းသာ ပေါ်ထွက်လာခဲ့တာလို့ ခန့်မှန်းနိုင်ပါတယ်။


နောက်ထပ် တွေ့ရှိချက် တစ်ခုကတော့ များများ အရိုက်ခံခဲ့ရဖူးသူဟာ မထုံတက်သေးနဲ့ ဘာသိဘာသာ နေသွားတတ်တဲ့အချက်ပါပဲ။ ကျွန်တော့် စစ်တမ်းမှာဆိုရင် အရိုက်ခံဖူးသူများထဲက ၁၆.၂၆ ရာခိုင်နှုန်းဟာ တခြားသူတွေက မိမိကို ချစ်တယ်၊ ခင်တယ်လို့ ပြောလာရင် ယုံတယ်လို့ ဖြေထားကြပြီး အခြေအနေအရ ချင့်ယုံမယ် ဆိုတဲ့သူက ၂၈.၄၆ ရာခိုင်နှုန်း ရှိနေပါတယ်။ လုံးလုံး မယုံဘူးဆိုတဲ့သူက ၅၅.၂၈ရာခိုင်နှုန်းပါ။

လုံးလုံး မယုံဘူးဆိုတဲ့သူ အားလုံးဟာ တော်တော့်ကို ပြင်းပြင်းထန်ထန် အရိုက်နှက်ခံထားရသူများ ဖြစ်နေတာကိုလည်း တွေ့ရပါသေးတယ်။ လူတွေကို မယုံတော့ဘူးဆိုတာနဲ့ အဲဒီ့လူဟာ အထီးတည်းပဲ နေတော့မှာပါ။ ဘယ်သူ့ကိုမှလည်း ဂရုမစိုက်တော့ဘဲ ဘာသိဘာသာ နေတဲ့ စရိုက်လေး အလိုလို ဝင်လာမှာလည်း အသေအချာပါပဲ။


ဒါတင်မကသေးပါဘူး၊ အဲသလို စိတ်ဓာတ်ကျတာ၊ ဘယ်သူနဲ့မှ မရောနှောဘဲ ဘာသိဘာသာ နေတတ်လွန်းတာများရဲ့အကျိုးဆက်အဖြစ် ဘဝ တစ်လျှောက်လုံးမှာလည်း အောင်မြင်မှုရရှိဖို့ ခဲယဉ်းလာပြီး အများနဲ့ ပေါင်းရ သင်းရ ခက်တဲ့ အနေအထားမျိုးတွေ ရောက်ကုန်တာတွေကိုလည်း နိုင်ငံလုံး ဆိုင်ရာ စစ်တမ်းက အဖြေထုတ်ပေးနိုင်ခဲ့ပါတယ်။

ရိုက်နှက်ဆုံးမခြင်းရဲ့ တခြားဆိုးကျိုးတွေ

စည်းကမ်းထိန်းသိမ်းဖို့ အားထုတ်တဲ့အနေနဲ့ ရိုက်နှက် ဆုံးမရာက အချိန်မရွေး လက်လွန်သွားတတ်ပြီး ခန္ဓာကိုယ် အနာတရဖြစ်အောင် နှိပ်စက် ညှဉ်းပန်းရာကို ရောက်သွားတတ်ပါတယ်။

ဒါကလည်း သဘာဝကျပါတယ်။ ကျွန်တော် အခါခါ ရေးခဲ့ဖူးသလို ပါပဲ၊ လူရဲ့ စိတ်နဲ့ ရုပ်ခန္ဓာဟာ အပြန်အလှန် အကျိုးသက်ရောက်နေပါတယ်။ ဝမ်းနည်းလို့ ငို၊ ငိုရင်းနဲ့ ပို ဝမ်းနည်းလား၊ ကြောက်လို့ ထွက်ပြေး၊ ပြေးရင်းနဲ့ ပိုကြောက်လာတာဟာ စိတ်ကို ရုပ်က ပြန်လွှမ်းမိုးတတ်တဲ့ သဘောပါပဲ။


ဒေါသဖြစ်ဖြစ်နဲ့ ဖိပြောကြည့်ပါ။ ပြောရင်းနဲ့ ဒေါသက ပိုထွက်လာပါလိမ့်မယ်။ အလားတူပဲ၊ ဒေါသဖြစ်ဖြစ်နဲ့ ရိုက်နှက်တဲ့အခါမှာလည်း ရိုက်ရင်း ပိုဒေါသထွက်လာပြီး ပိုနာအောင် ရိုက်မိသွားတတ်တာလည်း သဘာဝပါပဲ။ လက်လွန်သွားရင်တောင်မှ ကိုယ်က ဖအေ မအေ၊ ဆရာသမားဖြစ်နေတဲ့ အတွက် “ဆုံးမတာ”ဆိုတဲ့ အကြောင်းပြချက်နဲ့ ကိုယ့်ကိုယ်ကိုယ် တရားချင်ယောင်ဆောင်လို့ ရနေတော့ လက်လွန်တုန်း ခဏ နောင်တရချင်ဦးတောင် ခွေးမြီးကောက် ကျည်တောက်စွပ်နဲ့ ရိုက်နှက်မှု သံသရာမှာ လည်လို့ကောင်း နေနိုင်ပါတယ်။

နောက်တစ်ချက်က ရိုက်နှက်ခြင်းဟာ စာနာစိတ်၊ နောင်တနဲ့ ကရုဏာတရားများကိုလည်း ချိုးနှိမ်ပေးရာ ရောက်ပါတယ်။ ကလေးတစ်ယောက်ဟာ အရိုက်ခံလိုက်ရတဲ့အချိန်မှာ သူ့အသား နာတဲ့အပေါ်မှာသာ အပြည့်အဝ အာရုံစိုက်သွားပါတယ်။ အရိုက်ခံဖြစ်စေတဲ့အထိ သူ ကျူးလွန်ဖြစ်ခဲ့တဲ့အမှု၊ ဒါမှမဟုတ် သူ့အမှားကို လုံးလုံးကို သတိမရအားတော့ပါဘူး။ ကလေးဖြစ်ဖြစ်၊ လူကြီးဖြစ်ဖြစ်၊ လူမှန်သမျှ အသားနာပြီဆိုတာနဲ့ ထောင်းခနဲ ဒေါသထွက်တာနဲ့ ကြောက်သွားတာ နှစ်မျိုးကလွဲရင် စိတ်ထဲမှာ တခြားဘာကိုမှ ခံစား မနေအားပါဘူး။ ဒါ လူ့သဘာဝ အစစ်အမှန်လည်း ဖြစ်ပါတယ်။

ဆိုတော့ ကလေးတစ်ယောက် တစ်ခုခု မှားလိုက်လို့၊ ကျူးလွန်လိုက်လို့ ရိုက်နှက် ဆုံးမပြီဆိုတာနဲ့တစ်ပြိုင်နက် ကလေးမှာ သူ့အသားနာတာကလွဲလို့ နားထောင်နိုင်တဲ့ စွမ်းအား၊ ဆင်ခြင်စဉ်းစားနိုင်တဲ့ အသိဉာဏ်နဲ့ သူ ပြုလိုက်တဲ့ အမှု၊ မှားလိုက်တဲ့အမှားအတွက် နောင်တရချင်တဲ့စိတ်တွေ အားလုံး ကွယ်ပျောက်သွားအောင် တွန်းအားပေးရာ ရောက်သွားတတ်ပါတယ်။

လေးဘက်သွားတဲ့အရွယ် ကလေးငယ်လေးတွေကို ရိုက်နှက်ဆုံးမလို့ကတော့ အဲသည့်ကလေးအနေနဲ့ အသိဉာဏ်ဖွံ့ဖြိုးမှု အလွန့်အလွန် နှေးကွေး လေးလံသွားတတ်ပါတယ်။

အဲ… ဆယ်ကျော်သက်တွေကို ရိုက်နှက် ဆုံးမမယ်ဆိုရင်တော့ ရာဇဝတ်မှု အသေးစားလေးတွေကို စွတ်ကယ် စွတ်ကယ် ကျူးလွန်ဖြစ်အောင် တွန်းပို့ရာ ရောက်ပါတယ်။ လူသတ်မှုလို၊ ဓားပြမှုလို ရာဇဝတ်မှုကြီးတွေကို ဆိုလိုတာ မဟုတ်ပါဘူး။ အလစ်သုတ်တာမျိုးလို၊ ခိုက်ရန်ဖြစ်ပွားတာမျိုးလို၊ တစ်ဖက်သားကို နာကျင်စေတဲ့ အမှုမျိုးလို၊ မူးယစ်ဆေးစွဲတာလို၊ အရက် သေစာ သောက်စားတတ်တာလို အမှုသေးလေးတွေကို ကျူးလွန်ဖြစ်သွားစေတတ်တာပါ။

အမှန်တော့ အရွယ်မရောက်သေးသူများ ရာဇဝတ်မှုကျူးလွန်ဖြစ်စေတဲ့ အကြောင်းရင်းက သုံးချက် ရှိပါတယ်။

ပထမတစ်ချက်က မိဘတွေအနေနဲ့ ကလေးတွေကို ကျိုးကြောင်း ဆီလျော်မှု မရှိတာတွေ ခိုင်းလွန်းတာမျိုးကြောင့်ပါ။ ဆိုကြပါစို့… သုံးနှစ်သားလေးအနေနဲ့ သူ့ဘာသာသူ စားတဲ့သောက်တဲ့အခါ ဖိတ်တာ၊ စင်တာမျိုးက ရှိကိုရှိနေဦးမှာပါ။ ဒါကို မလိုအပ်ဘဲ ဇွတ်ကြီး မောင်းမဲပြီး သင်ပေးတာမျိုး။ ဒါမှမဟုတ်လည်း လေးနှစ်သားလေးကို ဝလုံးလောက် အရေးမခိုင်းဘဲနဲ့ ကကြီးခကွေး ဇွတ်သင်ပေးတာမျိုးကို ကျိုးကြောင်းဆီလျော်မှု မရှိတာတွေကို ခိုင်းတာလို့ ဆိုလိုပါတယ်။

ဒုတိယတစ်ချက်ကတော့ တစ်လျှောက်လုံး ဆွေးနွေးလာခဲ့တဲ့ ကိုယ်ထိ လက်ရောက် ရိုက်နှက် ထိုးကြိတ် အပြစ်ပေးတာမျိုးကြောင့်ပါ။ ဒါကိုတော့ အသေးစိတ် ရှင်းစရာ မလိုတော့ပါဘူး။

တတိယအချက်ကတော့ ရိုက်နှက်ဆုံးမတာ မပါသည့်တိုင်အောင် ထစ်ခနဲရှိ ဒဏ်ပေးတဲ့နည်းနဲ့ အပြစ်ပေး အရေးယူဖို့ အားသန်နေတတ်တဲ့ မိဘမျိုးတွေနဲ့ တွေ့ရတဲ့ ကလေးတွေဟာ အရွယ်မရောက်ခင်မှာ အထက်က ပြောခဲ့တဲ့ ရာဇဝတ်မှု အသေးစားလေးတွေကို ကျူးလွန်ဖြစ်ဖို့ အလားအလာ ပိုများနေတတ်ပါတယ်။

မရိုက်မနှက်တဲ့အတွက် ဖြစ်လာနိုင်တဲ့ အကျိုးကျေးဇူး

တိုတိုပဲ ပြောပါရစေ။

မိဘဆရာတွေမှာ ကလေးတွေနဲ့ ပတ်သက်တဲ့အခက်အခဲတွေ၊ ပြဿနာတွေ နည်းသွားပါလိမ့်မယ်။ အကျင့်စာရိတ္တ ကောင်းတဲ့ တပည့် သားသမီးတွေကို ရလာပါလိမ့်မယ်။

ကလေးတွေအတွက် အသားနာခံရတဲ့ ဒုက္ခက မလွဲမသွေ ကင်းဝေးသွားတော့မှာဖြစ်သလို အရွယ်မရောက်သေးသူများ ကျူးလွန်တဲ့ ရာဇဝတ်မှုတွေ ကျဲပါးသွားတော့မှာလည်း အသေအချာပါ။

နောက်လာမယ့်မျိုးဆက်အတွက်ကတော့ လမ်းပေါ်မှာ ရန်ဖြစ်နေတာတွေ နည်းသွားမယ်၊ စိတ်ဓာတ်ကျသူတွေ (စိတ်ကျရောဂါ ခံစားနေရသူတွေ)၊ ကိုယ့်ကိုယ်ကိုယ် သတ်သေသူတွေ နည်းပါးသွားမယ်၊ ကိုယ့်အိမ်ထောင်ဖက်ကို ရိုက်နှက် နှိပ်စက်သူတွေလည်း နည်းသွားမယ်။ ဒါတင်မကသေးဘဲ စီးပွားရေးမှာလည်း ပိုအောင်မြင်လာပါလိမ့်မယ်။

ဒါတွေအားလုံးကို ချုပ်လိုက်မယ်ဆိုရင်တော့ အကြမ်းဖက်မှု နည်းပါးပြီး ကျန်းမာ ချမ်းသာတဲ့ လူ့ဘောင်တစ်ခုကို တည်ဆောက်ချင်ကြတယ်ဆိုရင်တော့ ကျွန်တော်တို့ရဲ့ သွေးထဲသားထဲမှာ ရှိနေတဲ့ သတ္တဝါတို့ရဲ့ အငုံ့စိတ်ကြောင့် ဖြစ်ပေါ်လာတတ်မြဲ ထစ်ခနဲရှိ ရိုက်နှက်ချင်တဲ့စိတ်ကလေးကို ချိုးနှိမ်ကြရပါလိမ့်မယ်။

(သရဖူမဂ္ဂဇင်းကတစ်ဆင့် စစ်တမ်းကောက်ယူပြီး သရဖူမဂ္ဂဇင်းမှာပဲ ရေးသားဖော်ပြခဲ့တဲ့ ဆောင်းပါးဖြစ်ပါတယ်။ စာမူခွင့်ပြုချက်အမှတ် ၁၂၀၅/၂၀၀၃(၁၂) နဲ့ လက်တွဲဖော်စာအုပ်တိုက်က ၂၀၀၄ ခုနှစ် သြဂုတ်လမှာ ဒုတိယအကြိမ် ထုတ်ဝေထားတဲ့ အတ္တကျော်ရဲ့ “သားငယ် သမီးငယ်များ ပဲ့ပြင်ထိန်းကျောင်းခြင်း အနုပညာ” ဆိုတဲ့ စာအုပ်ရဲ့ “အပိုင်း ၁ – မိဘကောင်းဖြစ်ရန် လိုအပ်သော အရည်အချင်း”ဆိုတဲ့ အပိုင်းမှာ ပြန်လည် ဖော်ပြထားပါတယ်။)