ဘဝတစ်ကွေ့ ခဏတွေ့လိုက်သူ (၂)

AungThinnBook၁။

၁၉၇၆ ခုနှစ် မိုးတွင်း ဖြစ်လိမ့်မည် ထင်ပါသည်။

ထိုအချိန်က ရန်ကုန်ရှိ ဆရာဝန်များ အသင်းတိုက်တွင် ဆရာ မောင်သာရက ကမကထပြုပြီး အပတ်စဉ် စာပေဆွေးနွေးပွဲများ ပြုလုပ်ပါသည်။

ကျွန်တော်ကား ပထမနှစ် ကျောင်းသား။ တက္ကသိုလ်ရောက်စ။ စာရေးသူ ဖြစ်ချင်သည့်ပိုးလေးကလည်း ရွတရွတ။ လူကလည်း ၂၀ မပြည့်သေးချိန်ဆိုတော့ မြောက်ကြွ မြောက်ကြွ။

ကျွန်တော် ပထမဆုံး ရောက်သွားသည့် စာပေဆွေးနွေးပွဲမှာ ဦးဆောင်ဆွေးနွေးသူက ကဗျာဆရာကြီး “ဒေါင်းနွယ်ဆွေ”။ ဆရာဒေါင်းကား အာပေါင်အာရင်း အလွန်သန်သူ။ မာန်အပြည့်နှင့် ဟောတတ်သူ။

ဆရာဒေါင်းဟောအပြီးမှာ ပရိသတ်က မေးသည့်အလှည့်။ ကျွန်တော် ထ မေးလိုက်သည်။ ထမေးသည်ဆိုတာထက် စင်မြင့်ပေါ်တက်ပြီး အာပေါင်အာရင်း သန်သန်နှင့် ဆရာဒေါင်းကို ခွတိုက်သည့် မေးခွန်းမျိုးတွေ မေးဖြစ်ခဲ့ပါသည်။ ပြောပကော တက္ကသိုလ်ရောက်ခါစ လူက ကြွစောင်း ကြွစောင်း ဖြစ်နေချိန်ပါဆို…။ သို့သော် ကိုယ်ပြောချင်တာတွေ ပြောပြီးသည့်နောက် လူကြီးသူမ၊ သမ္ဘာရင့် ဝါရင့်ဆရာကြီးကို ယခုလို ဝေဖန်မေးမြန်းမိသည့်အတွက် ချာတိတ်ကလေး ကျွန်တော့်ကို ခွင့်လွှတ်ပါမည့်အကြောင်းလည်း မမေ့မလျော့ ထည့်ပြောခဲ့ပါသေးသည်။

ဆရာဒေါင်းကလည်း မခေချေ။ ပစ်ကွင်းထဲ ဝင်လာရင်တော့ နှံပြီစုတ်ပဲဖြစ်ဖြစ် ပစ်မှာပဲဟု အစချီကာ ကျွန်တော့်ကို ကောင်းကောင်း ပြန်ပညာပေးပါတော့သည်။

နောက်လူတွေ နောက်လူတွေ ဆက်လက် မေးမြန်း ဆွေးနွေးနေချိန်တွင် လူကြီးတစ်ဦးက ကျွန်တော့် ပခုံးကို လာတို့သည်။

လှည့်ကြည့်လိုက်သောအခါ သူက ကျွန်တော့်ကို ဘိုလို ပြောပါသည်။ “သူတို့တွေကို သိပ်မျှော်လင့်မထားပါနဲ့ ကိုယ့်လူရယ်”ဟု အဓိပ္ပာယ်ရပါသည်။ “ဟုတ်ကဲ့ခင်ဗျာ၊ ကျေးဇူးတင်ပါတယ်”ဟု ကျွန်တော် ပြန်ပြောလိုက်မိပါသည်။

ထိုလူကြီးကို မည်သူမှန်း ကျွန်တော် မသိချေ။

ပွဲပြီးတော့မှ ဟိုလူ့မေး သည်လူ့မေးနှင့် သိလိုက်ရသည်ကား ထိုလူကြီးမှာ နာမည်ကျော် စာပေဝေဖန်ရေး ဆရာကြီး အောင်သင်း ဖြစ်နေပါတော့သည်။

ယင်းသည်ပင် ဆရာဦးအောင်သင်းကို စတင် တွေ့ဆုံခဲ့ဖူးခြင်းပင် ဖြစ်ပါသည်။

၂။

အမှန်တော့ လူအနေဖြင့် ၁၉၇၆ ခုနှစ်မှသာ တွေ့ဆုံဖူးသည်ဖြစ်လည်း ဆရာ့စာတစ်ပုဒ်ကမူ ကျွန်တော့်နှလုံးထဲတွင် ပြက်ပြက်ထင်ထင် ရှိနေပါသည်။ ကျွန်တော်တို့ ကိုးတန်း၊ ဆယ်တန်း မြန်မာစာမှာ “အထက်တန်း မြန်မာစကားပြေ လက်ရွေးစင်” စာအုပ်က ပြဋ္ဌာန်းစာအုပ်ဖြစ်သည်။

ထိုစာအုပ်ထဲတွင် စာရေးဆရာကြီးများ၏ စာကောင်းပေမွန်များကို စုစည်းဖော်ပြထားပါသည်။ ထိုစာကောင်းပေမွန်များထဲတွင် ဆရာအောင်သင်း၏ ချိုတကူးနှင့် ဂုဏ်ရည်မတူ ဟူသော စာလေးတစ်ပုဒ်ပါသည်။

အလွန် အတွေးပွားစေသော စာကောင်းလေးတစ်ပုဒ် ဖြစ်သည်။ ကိုးတန်းမှာကတည်းက ထို အထက်တန်းစကားပြေ လက်ရွေးစင်တစ်အုပ်လုံးကို ကျွန်တော် ဖတ်ထားပြီး ဖြစ်လေရာ ဆရာအောင်သင်း၏ စာကိုလည်း ကျွန်တော် စွဲစွဲမှတ်မှတ် ဖြစ်နေခဲ့သည်မှာ ဆရာ့ကို မြင်ဖူးချိန်ထက် ၃ နှစ်မျှ စောနေပါလေတော့သည်။

ထို့အပြင် ထိုအချိန်က ရှုမဝမဂ္ဂဇင်းမှာ ဆရာ့ စာပေ ဝေဖန်ရေး ဆောင်းပါးတွေကို ကြိုးကြား ဖတ်နေရချိန်လည်း ဖြစ်လေသည်။

၃။

အဆိုပါ စာပေဆွေးနွေးပွဲတွေမှ တစ်ဆင့် ဆရာနှင့် ရင်းနှီးခွင့် ရလာခဲ့ပါသည်။ ထိုမှတစ်ဆင့် ဆရာရှိရာ ရန်ကုန်တက္ကသိုလ် တောင်ငူဆောင်သို့လည်း ကျွန်တော် မကြာခဏ ရောက်ဖြစ်သွားတတ်သည်။

ဆရာက တစ်ခါတစ်ရံ ကျောင်းမှ သူ့ရုံးခန်းလေးတွင် ညဥ့်နက်သည်အထိ နေတတ်လေ့ရှိရာ ကျွန်တော့်အတွက်လည်း အဆင်ပြေလှသည်။

ထိုအချိန်မှာ ကျွန်တော်က ကိုယ်ပိုင်ကားဖြင့် အငှားလိုက်နေချိန် ဖြစ်ပါသည်။ ကျွန်တော့်ကားကို ငှားစီးသည့် ပုံမှန် ဖောက်သည်တစ်ဦးက မြန်မာစာဌာနမှ ဆရာမတစ်ဦးနှင့် ရည်ငံနေရာ ညချမ်းချိန်ခါများတွင် အနှီဆရာမ နေထိုင်ရာ ဆရာမများ အဆောင်သို့ မောင်းပို့ရတတ်စမြဲ ဖြစ်သည်။ အဆောင်ပိတ်ချိန်ကျမှ သူ့ကို ပြန်ကြိုရသည်ဖြစ်ရာ ကြားအချိန်များတွင် ကျွန်တော့်မှာ အားနေတတ်ပါသည်။

ထိုရောအခါ ဆရာ့အခန်းသို့ သွားပြီး ဆရာနှင့် ထွေရာလေးပါးတွေ ပြောဖြစ်ခဲ့ပါသည်။ သက်ကြီးစကား သက်ငယ်ကြားအနေဖြင့် ဆရာ့ထံမှ ကျွန်တော် မမီလိုက်သော ရန်ကုန်တက္ကသိုလ် အကြောင်း၊ ဗကသအကြောင်း၊ တက္ကသိုလ်ပုံပြင်များစသဖြင့် များစွာကို ကြားနာခဲ့ရဖူးလေသည်။

ကျွန်တော်တို့ အတန်းတွေကို ဆရာက စာမသင်သဖြင့် ဆရာသည် ကျွန်တော့် သင်ဆရာ မဟုတ်ခဲ့သော်လည်း မြင်ဆရာ၊ ကြားဆရာဖြစ်ခဲ့သည်မှာ အမှန်ပင်။

၎။

ဆရာ့စာအုပ် နှစ်အုပ် ကျွန်တော့်ဆီမှာ ရှိသည်။ တစ်အုပ်မှာ “စာပေရေးရာ ဆောင်းပါးများ”ဖြစ်ပြီး နောက်တစ်အုပ် (နှစ်အုပ်တွဲ)မှာ ဆရာ၏ နာမည်ကျော် “ကျွန်တော် အကြိုက်ဆုံး ဝတ္ထုတိုများ” ဖြစ်သည်။

ကျွန်တော်ကား ဆိုခဲ့သည့်အတိုင်း စာပိုးအရင့်အမာနှင့် ဖြစ်ပေရာ စာပေနှင့် ပတ်သက်သော စာအုပ်တွေကို လက်လှမ်းမီသမျှ စုထားဖြစ်နေခဲ့တတ်ပါသည်။ ဆရာ၏ ကျွန်တော် အကြိုက်ဆုံး ဝတ္ထုတိုကဏ္ဍမှာ သဘင်မဂ္ဂဇင်းတွင် ပါဝင်ခဲ့ပြီး စောင့်ဖတ်ခဲ့ရသော ဆောင်းပါးလည်း ဖြစ်ပါသည်။ သို့ဖြစ်သဖြင့် စာအုပ်အဖြစ် တစ်စုတစ်စည်းတည်း ထွက်လာသောအခါ ဝယ်ယူ သိမ်းဆည်းထားခဲ့မိရလေသည်။

ဆရာ့ “သရက်ထောင်ဖောက်ခဲ့စဉ်က” ဝတ္ထုလေးမှာလည်း ထင်ရှားလှသလို ဆရာတင်ပြပုံက အလွန်ကောင်းသည်ကို မမေ့မလျော့ ဖော်ပြအပ်ပါသည်။

၅။

ဆရာ့စာတွေထဲမှာ ကျွန်တော်အမှတ်ထင်ထင် ရှိနေသော နောက်ထပ် စာတစ်ပုဒ်မှာ ဆရာမောင်စိန်ဝင်း(ပုတီးကုန်း)၏ သောကခြေရာ ရတနာများ စာအုပ်တွင် ဖော်ပြပါရှိသည့် ဆရာ မောင်စိန်ဝင်း၏ ကဗျာများကို သုံးသပ်ထားသော ဆောင်းပါးပင်ဖြစ်သည်။

ဆရာ မောင်စိန်ဝင်း၏ ကဗျာဉာဏ်ပြေးလှပုံကို ချီးကျူးထားသော စာဟု အကြမ်းဖျင်းဆိုနိုင်လင့်ကစား အသားလွတ်ချီးကျူးသည်မျိုး မဟုတ်မူဘဲ အကျိုးအကြောင်းလေးများ၊ နမူနာလေးများ ဝေဝေဆာဆာ ဖော်ပြကာ တင်ပြသွားပုံမှာ ကျောင်းဆရာ ပီသလှပါသည်။ သုတေသီ ပီသလှပါသည်။

၆။

ကျွန်တော် ကျောင်းမပြီးခင်မှာပင် ဆရာက တက္ကသိုလ်ဆရာအဖြစ်က စုတေသွားခဲ့လေသည်။

ထို့ကြောင့် ဆရာနှင့် ကျွန်တော် လူချင်း မဆုံဖြစ်တော့ပြန်ပါချေ။ ကျောင်းပြီးသည့်နောက် ကျွန်တော် ကျူရှင်ဆရာအဖြစ် အသက်မွေးနေခိုက် တစ်နှစ်မှာ ဆရာနှင့် ကျွန်တော်တို့မှာ စာသင်ဝိုင်းတစ်ဝိုင်းတည်းတွင် သင်ကြားသူများအဖြစ် ပြန်ဆုံပါသည်။ သို့သော် ထိုသို့ ဆုံသည်မှာ အဝင်အထွက်သာ ဖြစ်သည်။ ဆရာ သင်အပြီး ကျွန်တော်က ထိုအတန်းကို ဆက်သင်ရန် အလာတွင်ဖြစ်စေ၊ ကျွန်တော်ပြီးချိန်မှာ ဆရာက ရောက်လာသည်ဖြစ်စေ ဆုံကြသည်မျိုးသာ ဖြစ်ပေရာ ဝင်ခလုတ် ထွက်ခလုတ်ဟု ဆိုနိုင်ပါလိမ့်မည်။

၇။

ဘဝဝန်တာ ထွေရာလေးပါးများနှင့် လုံးချာလည်နေသည့်အတွက် ဆရာနှင့် မဆုံဖြစ်ပြန်တော့ချေ။

ဆရာ့စာတွေကို ကြိုးကြား ဖတ်နေရသလို ကျွန်တော့်စာတွေကလည်း ဆရာ့မျက်စိအောက်တော့ ရောက်ရောက်သွားလိမ့်မည်ဟုတော့ ထင်ပါသည်။

ကျွန်တော် စာပေနယ်သို့ ထဲထဲဝင်ဝင် ရောက်ပြီး ၇ နှစ်မျှ အကြာတွင် ကျွန်တော့် ဎတ္ထုတိုတစ်ပုဒ်ကို ဆရာက သုံးသပ်ချက် ရေးပါသည်။

သရဖူမဂ္ဂဇင်းတွင် ဖြစ်သည်။ ထိုသရဖူမှာ ယခု သရဖူ မဟုတ်သေးသလို ဆရာငြိမ်းအေးအိမ်၏ သရဖူလည်း မဟုတ်မူဘဲ ကိုကျော်သန်းနှင့် ကိုကျော်ဇင်မည်သော သူငယ်ချင်းနှစ်ယောက်၏ သရဖူ ဖြစ်သည်။ ဆရာ မောင်မြင့်မြတ်က စာတည်းချုပ် ဖြစ်သည်။ ကျွန်တော့် ဝတ္ထုတိုလေးကို ဆရာမောင်မြင့်မြတ်က သဘောကျသဖြင့် ရွေးချယ်လိုက်သည်။ ပုံနှိပ်အပြီး စာပေစိစစ်ရေး မတင်မီမှာ ထို ပုံနှိပ်ထားသော မဂ္ဂဇင်းကို ဆရာအောင်သင်း လက်ထဲသို့ ထည့်လိုက်သည်။ ကျွန်တော့် ဝတ္ထုကို ဆရာအောင်သင်းက မျက်စိကျသွားပြီး ဆောင်းပါးတစ်ပုဒ် ရေးချလိုက်သည်။

ဖြစ်ချင်တော့ ထိုဝတ္ထုကို စာပေစိစစ်ရေးက ခွင့်မပြုသဖြင့် ဖြန့်ချိသော စာအုပ်များထဲတွင် ထိုဝတ္ထုပါ စာရွက်များကို ဆုတ်ယူထားလိုက်ရလေသည်။ ထိုအကြောင်းကို ဆရာသိသောအခါ ကိုကျော်သန်းတို့ကို ဆဲလေသည် ဟူ၏။

ကျွန်တော့်မှာလည်း ထီပေါက်ပြီးမှ ထီလက်မှတ် ပျောက်ရခြင်းပင်ဖြစ်သည်။ ကျွန်တော်ကား ဝတ္ထုတို အလွန် အရေးကျဲသူ ဖြစ်သည်။ ကျဲလှသည့် ဝတ္ထုတိုတွေထဲမှာမှ ရှားရှားပါးပါး တစ်ပုဒ်ကို ဆရာအောင်သင်းက သုံးသပ်ဝေဖန်ထားသည်ဖြစ်ရာ လွန်စွာမှ ကြည်နူးစရာ ကောင်းလှပေသည်။

သို့ရာတွင် ကျွန်တော့် ဝတ္ထုက အဆုတ်ခံလိုက်ရပေရာ ဆရာ့ သုံးသပ်ချက်ကိုလည်း ပရိသတ် ဖတ်ခွင့် မရနိုင်ပါတော့ချေ။

ကိုကျော်သန်းတို့ထံမှ တောင်းလိုက်ရာ ဆရာ၏ လက်နှိပ်စက် စာမူကိုတော့ ရလိုက်ပါသည်။ သို့ရာတွင် အိမ်တွေ ခဏ ခဏပြောင်း၊ တစ်အိမ်လုံးမှာလည်း စာရွက်များ၊ စာအုပ်များဖြင့်သာ ပွစိထနေလေရကား ဆရာ၏ ထိုစာမူလေးကို ပြန်ရှာရ ခက်သွားပါသည်။

(အနှီ ကျွန်တော်၏ ဝတ္ထုတိုမှာကား ဝတ္ထုတိုပေါင်းချုပ် လုံးချင်းအဖြစ် ပြန်လည်ထုတ်ဝေရာတွင် ညာတာပါတေးနှင့် ထည့်လိုက်ရာ စာပေစိစစ်ရေးက ခွင့်ပြုလိုက်ပြန်သဖြင့် နောင် ဆယ်နှစ်ခန့်အကြာတွင် ပုံနှိပ်စာလုံးဖြင့် ဖြစ်လာခဲ့ပါသည်။ ခြေရာပြိုးပြောက် လွမ်းပွင့်ကောက်သီ (ကိုယ်တိုင်ကြုံ ဝတ္ထုတိုများ) စာအုပ်ပါ ညစ်ကျု လိပ်ပြာ ဝတ္ထုတိုလေးပင် ဖြစ်ပါသည်။)

၈။

အမှတ်ရစရာ နောက်တစ်ခုမှာ လွန်ခဲ့သည့် ၁၅ နှစ်ကျော်ခန့်ဆီက မိုးမိုး(အင်းလျား) ဝတ္ထုတို ဆုပေးပွဲတွင်ဖြစ်ပါသည်။

မြန်မာစာပေကို နိုင်ငံကာက သိလာရေးအတွက် လုပ်ဆောင်ရမည့်အကြောင်းကို ပြောရင်းနှင့် ဆရာက ကျွန်တော့်ကို လက်ညှိုးငေါက်ငေါက်ထိုးကာ “အဲဒါ မင်းလုပ်ရမှာ၊ မင်းလုပ်ရမှာ”ဟု အာလုပ်သံကြီးဖြင့် ဆရာက အားပါးတရ ပြောခဲ့ဖူးသည့်အချက်ပင် ဖြစ်လေသည်။

ဆရာ ကျွန်တော့်ကို အထင်ကြီးသည့်အတွက် ဝမ်းမသာမိပါ။ အားသာ တိုး၍ ငယ်မိပါသည်။ ကျွန်တော်ကား ရသစာပေကို အင်္ဂလိပ်ဘာသာသို့ ပြန်ဆိုနိုင်လောက်အောင် အင်္ဂလိပ်စာကို ဒေါင်ဒေါင်မြည် မတတ်ပါချေ။ သေစာရှင်စာမျှသာ တတ်ပြီး အနူတောတွင် လူချော လုပ်နေခြင်း၊ သို့တည်းမဟုတ် ပဲခူးရေကြီးနေချိန်ဖြစ်နေခြင်းကြောင့်သာ ကျွန်တော့်ကို

ဆရာအပါအဝင် တချို့က အထင်ကြီးနေခြင်းမျှသာ ဖြစ်ပါသည်။

ကျွန်တော့်အကြောင်း ကျွန်တော် အသိဆုံးပင်ဖြစ်လေသည်။

၉။

တစ်ချီသားတွင်တော့ ဆရာ့ကို ကျွန်တော်က ချစ်ခင်စွာ ကျီစယ်မိရာ ဆရာက ကျွန်တော့်ကို ပယ်ပယ်နယ်နယ်ပင် ဆဲပါလေသည်။

ဆဲလည်း ဆဲချင်စရာပါ။ အဆိုတော် မင်းမင်းလတ် ကွယ်လွန်ပြီးစတွင် ဖြစ်ပါသည်။

မင်းမင်းလတ်အမှတ်တရ ဆောင်းပါးကို ကျွန်တော် ရေးပြီး အလင်္ကာ ဂီတဂျာနယ်သို့ ပေးရန် ၃၃ လမ်းရှိ စာပေလောက စာအုပ်တိုက်သို့ ကျွန်တော် ရောက်သွားပါသည်။ စာမူပေးပြီးနောက် ဆရာမ မိုးမိုး (အင်းလျား)၏ ခင်ပွန်းဖြစ်သူ စာပေလောက ဦးမျိုးညွန့် (မင်းမင်းလတ်၏ သူငယ်ချင်း၊ မင်းမင်းလတ်၏ သီချင်းများ ထုတ်ဝေချိန်က ထုတ်ဝေသူ မောင်မောင်မျိုးညွန့်)နှင့် ထွေရာလေးပါး ပြောနေခိုက်တွင် ဆရာ ရောက်လာပါသည်။

ကျွန်တော့်ကို မြင်သောအခါ “မင်းက သည်ကို ဘာလာလုပ်တာတုံး”ဟု မေးပါသည်။

“စာမူလာပေးတာပါ ဆရာ”ဟု ဖြေလိုက်ပါသည်။

“ဘာစာမူတုံး”

“မင်းမင်းလတ်ကဖြင့် မရှိတော့ဘူး၊ ဦးအောင်သင်းပဲ ကျန်တော့တယ်ဆိုတဲ့ စာမူပါဆရာ…”

ဆရာ ဆဲပါလေတော့သည်။ ဦးမျိုးညွန့်က ရယ်နေလေသည်။

အမှန်က ကျွန်တော့် စာမူ ခေါင်းစဉ်မှာ “မင်းမင်းလတ်ကဖြင့် မရှိတော့ဘူး”ဟူ၍သာ ဖြစ်ပါသည်။

ထိုနှစ်မှာ ၁၉၉၇ ခုနှစ် ဖြစ်ပါသည်။

၁၀။

ဆရာကား စာပေ ဝေဖန်ရေးမှာ ဆရာတစ်ဆူ ဖြစ်သလို (ဆရာဝင်းငြိမ်းက ဆရာ့ကို “စာပေလူကြမ်းမင်းသား”ဟု အနွတ္ထသညာ ပြုခဲ့ဖူးပါသည်) စာရေးသားရာတွင်လည်း ညက်ညောအောင် ရေးသားနိုင်သူ ဖြစ်လေသည်။

ထို့အပြင် စာပေဟောပြောပွဲတစ်ခေတ်မှာလည်း ဆရာ လွန်စွာအောင်မြင်ခဲ့သည်မှာ အားလုံး အသိပင်။

သို့ရာတွင် ကျွန်တော်ကမူ ဆရာ့ဟောပြောပွဲတွေကို ခံတွင်း မတွေ့လှချေ။ (ဆရာဟောပြောတာတွေ မကောင်းဟု မဆိုလိုပါ။ ကျွန်တော့်ဘာသာ ခံတွင်းမတွေ့ခြင်းမျှသာ ဖြစ်ပါသည်။) အလားတူပင် နောက်ပိုင်း ဆရာ့ဆောင်းပါးတချို့မှာလည်း ကျွန်တော် သဘောမတူတာတွေ ရှိပါသည်။ ထို့အတူပင် ဆရာ့ အမူအကျင့် တချို့မှာလည်း ကျွန်တော် သဘောမတူတာတွေ ရှိခဲ့ပါသည်။

ဘယ်လိုပဲဖြစ်ဖြစ် ဆရာဦးအောင်သင်းသည် ကျွန်တော့် မြင်ဆရာ၊ ကြားဆရာ စာရင်းတွင် ပါဝင်သည်လည်း အမှန်ပင်ဖြစ်ပါသည်။

၁၁။

စမ်းချောင်းမှ ဆရာ့အိမ်ကို ကျွန်တော် သိပါသည်။ သို့သော် မှတ်မှတ်ရရ တစ်ခေါက်သာ ရောက်ဖူးပါသည်။

ဘာကိစ္စမှန်းတော့ မမှတ်မိတော့ပါ။ ညနေစောင်းတွင် ဆရာ့အိမ်သို့ ရောက်သွားခဲ့ဖူးပါသည်။ ၂၀၀၀ ပြည့်နှစ်လွန်စတွင် ဖြစ်ပါလိမ့်မည်။

နောက်တော့ ဘုန်းဘုန်း ရဝေနွယ်တို့ ကြွလာကြရာ ကျွန်တော်လည်း ဆရာ့ကို နှုတ်ဆက်ပြီး ပြန်လာဖြစ်ခဲ့ပါသည်။

ဆရာနှင့် လူချင်း တွေ့ခြင်း၊ စကားပြောဖြစ်ခြင်းမှာ ထိုတစ်ခေါက်က နောက်ဆုံး ဖြစ်ပါလိမ့်မည်။

၁၂။

ယခုသော် ဆရာ တိမ်းပါးသွားပြီဟု ကြားသိလိုက်ရပါသည်။ ဆရာကား သူယုံကြည်ရာကို တစိုက်မတ်မတ် လုပ်သွားခဲ့သူ ဖြစ်သလို စာသင်ကြားခြင်း၊ စာပေရေးသားခြင်း၊ ဟောပြောခြင်းတို့ဖြင့် တက်ကုန် ရွက်စုံဖွင့်ပြီး ပတ်ဝန်းကျင်အကျိုးကို အောင်မြင်စွာ ထမ်းရွက်သွားခဲ့သူ ဖြစ်လေသည်။

ဆရာ့ သဘောတရား၊ အယူအဆ၊ ခံယူချက်တွေ အားလုံး ကောင်းသည်၊ မှန်သည်ဟု သုံးသပ်ရန် ကျွန်တော် ဉာဏ်မမီပါ။ ထိုသို့ သုံးသပ်ကလည်း မှန်ကန် မျှတမည် မဟုတ်ပါချေ။

ဆရာသည် ပုထုဇဉ်တစ်ဦးမျှသာ ဖြစ်သောကြောင့် ဆရာ့မှာ ကောင်းကွက်တွေလည်း ရှိမည်၊ ဆိုးကွက်တွေလည်း ရှိမည်၊ ဆရာ့စာတွေ၊ ဆရာ့အပြောတွေမှာလည်း ကောင်းတာတွေ ရှိမည်ဖြစ်သလို ဆိုးတာတွေလည်း ရှိနေမည်မှာ မလွဲပါချေ။

သို့ရာတွင် ဆရာကမူ သူ့ဝန်ကို သူနိုင်သလောက် ထမ်းရွက်သည်ပိုးသွားခဲ့ပါသည်။

ကျွန်တော်တို့လည်း ကျွန်တော်တို့ နိုင်သလောက်ဝန်ကို ထမ်းသွားရမည်သာဟု တွေးနေမိရင်း ဆရာနှင့် ကြုံခဲ့ပုံလေးတွေကို စားမြုံ့ပြန်ကြည့်လိုက်မိခြင်းသာ ဖြစ်ပါတော့သတည်း။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ၂၅၁၀၁၄)

ဖြူကောင်လည်ပြန်

အလိုက်သင့်ကလေး ရေးတဲ့စာ

၁၆ နှစ် မောင်၊ ယောင်တောင်တောင်

အတွက်အချက်အတိုင်းသာ ဖြစ်ခဲ့မယ်ဆိုရင်တော့ ၁၆ နှစ်မှာ ဆယ်တန်း အောင်ရမှာပါ။ သို့ပေမင့် ဘဝဆိုတာ ဖြစ်ချင်ပေမယ့်လည်း မဖြစ်၊ မဖြစ်ချင်လည်း ဖြစ်ချင်သလိုတွေ စွတ်ဖြစ်ကုန်တတ်တာမျိုးမို့ ၁၆ နှစ်မှာ ကျွန်တော် ဆယ်တန်း မအောင်ခဲ့ပါဘူး။ ဆယ်တန်းကို ရောက်ပင် ရောက်ခဲ့ပေမယ့်လည်း အဲဒီ့နှစ်က မအောင်ဘူးခင်ဗျ။

Self-portraitမအောင်လို့ ကျသလားဆိုတော့လည်း မကျဘူး။ အတော်တော့ အူလည်လည်နိုင်ပါတယ်။ စာမေးပွဲ မအောင်ဘူးဆိုတာဟာ ကျတာ မဟုတ်တာတော့ သေချာပါတယ်။ ကျတယ် ဆိုတာ အောက်ကို ရောက်သွားတာ မဟုတ်လား။ အဲတော့ ဆယ်တန်းကျတယ်ဆိုရင် ဆယ်တန်းရဲ့ အောက်ဖြစ်တဲ့ ကိုးတန်းတို့၊ ရှစ်တန်းတို့ဆီ “ကျဆင်း”သွားတာမှ မဟုတ်တာ။ မအောင်တာဟာ ကျတာ ဘယ်ဟုတ်ပါတော့မလဲနော်။

ကျွန်တော်တို့ခေတ်တုန်းကတော့ အတော့်ကို အူလည်လည်နိုင်တဲ့ မအောင်နည်း တစ်မျိုး ရှိပါသေးတယ်။ အောင်တော့ အောင်တယ်၊ ဒါပေမယ့် မအောင်ဘူးဆိုတဲ့ နည်းပေါ့။ ဆယ်တန်းအောင်ရင် တက္ကသိုလ် တက်လို့ ရတယ်ပေါ့။ ကျွန်တော် အောင်တဲ့နည်းက တက္ကသိုလ်တက်လို့ မရတဲ့နည်းနဲ့ အောင်တဲ့ အောင်နည်းပါ ခင်ဗျ။ “ခ”စာရင်းက အောင်တာတဲ့။

ဘာကြီးမှန်းလဲ မသိဘူး။ တက္ကသိုလ်မှ တက်လို့ မရတော့ တက်ချင်ရင် နောက်တစ်နှစ် ပြန်နေရတာပဗျာ။

ဖြစ်ပုံက အဲဒီ့ ၁၉၇၃-၇၄ ပညာသင်နှစ်က ထူးခြားသဗျ။ စာမေးပွဲ မေးခွန်းက ဘယ်လိုဖြစ်တယ် မသိဘူး၊ မတရား လွယ်သွားပြီး အောင်တဲ့သူတွေ ဗုံးပေါလအော ဖြစ်ကုန်တာနဲ့ တစ်ဘာသာ အမှတ် ၄၀၊ စုစုပေါင်း ၆ ဘာသာ အမှတ်ပေါင်း ၂၄၀ ရရင် အောင်ရမယ့်ဟာကို သတ်မှတ်ချက် ပြင်ထည့်လိုက်ကြပြီးသကာလ အဲဒီ့နှစ်မှာ တစ်ဘာသာကြိတ်နှုန်း ၆၀၊ စုစုပေါင်း အမှတ် ၃၆၀ ရမှ အအောင်ပေးတဲ့ နှစ်ကြီး ဖြစ်သွားပါရောလား။ အဲတော့ ကျွန်တော့် ခမျာလေးမှာ တစ်ဘာသာမှ ၄၀ အောက် မရောက်ရှာဘဲ စုစုပေါင်း အမှတ် ၃၆၀ ကို မမီတဲ့အတွက် “က”အဆင့်ကို မမီတော့ဘဲ “ခ”အဆင့်မှာ ဟတ်ကော့ (half-cocked)ကြီး ဖြစ်နေတော့တာပေါ့။

(ဟတ်ကော့ဆိုတဲ့ သိုးဆောင်းစကားက သေနတ်မောင်းက ကျည်ဆံရဲ့ ဖင်ကို အပြည့်မရိုက်မိဘဲ တစ်ဝက်ပဲ ရိုက်မိသွားတာမို့ ကျည်မထွက်ဘဲ တို့လို့ တန်းလန်းကြီးဖြစ်နေတာကို ဆိုလိုသတဲ့။)

အမှန်တော့ စာလည်း မညံ့လှတဲ့ ကျွန်တော်တို့ ဝေလေလေအဖွဲ့သား အတော်များများ အဲဒီ့နှစ်က အဲသလို ဟတ်ကော့ကြီးနဲ့သာ အောင်ခဲ့ကြပြီး ဆယ်တန်းကို နောက်တစ်နှစ် ထပ်နေခဲ့ကြရပါတယ်။

ကာလ သဘာဝ
ခုတော့လည်း ပါးစပ်ရာဇဝင်လေးတစ်ခု ဖြစ်ခဲ့ပြီပေါ့လေ။ အဲတုန်းကတော့ တော်တော်ကြီးကို အရေးကြီးခဲ့တာပ။ ကျွန်တော့်မိဘတွေကတော့ သိပ် ဆူလား ပူလား မလုပ်ကြပါဘူး။ နောက်တစ်နှစ် သေချာ ပြန်ကြိုးစားဖို့လောက်ပဲ ပြောခဲ့ရှာကြပါတယ်။ သို့သော် သူတို့ မဆူပေမယ့် ကိုယ့်ဘာသာ အနေရတော့ အနည်းအပါး ခက်နေခဲ့တာပေါ့လေ။ ဒါလည်း အောင်စာရင်း ထွက်ပြီးခါစလောက်သာပါ။ နောက်ကျတော့လည်း သူ့ဟာနဲ့သူ ပုံမှန်အတိုင်း ဖြစ်သွားတာပါပဲ။

နှစ်နည်းနည်း ကြာလာတဲ့အခါမှာတော့ ဆယ်တန်းကို တစ်နှစ်နဲ့ အောင်ခဲ့သလား၊ နှစ်နှစ်ဖြေယူရသလား၊ သုံးနှစ်ဖြေခဲ့ရတာမျိုးလားက သိပ် အရေးမကြီးတော့ပါဘူး။ ဆယ်တန်းအောင်၊ မအောင်ကသာ အရေးကြီးချင် သလို ဖြစ်လာခဲ့ပါတော့တယ်။ အဲဒီ့ကမှ နှစ်ပေါင်းများစွာ ကြာတဲ့ အခါမှာတော့ အဲဒါတွေက ဘာမှ အရေးမကြီးတော့သလိုပဲ။ ဆယ်တန်း အောင်ခြင်း၊ မအောင်ခြင်း၊ ဘွဲ့ရခြင်း၊ မရခြင်းက ကျွန်တော်တို့ရဲ့ ဖြစ်တည်မှု၊ လူတောတိုးမှုမှာ ဘာမှ သိပ်အရေးမပါတော့ဘူး။

တခြားနိုင်ငံတွေမှာဆိုရင်တော့ အဲလို ဖြစ်ချင်မှ ဖြစ်မယ်၊ ကျွန်တော်တို့ နိုင်ငံမှာတော့ အဲဒီ့အတိုင်းကြီးကို အတိအကျ ဖြစ်နေတော့တာပါပဲ။
လောလောဆယ်မှာ နိုင်ငံခြားက ပညာရှင်တွေနဲ့ လက်ပွန်းတတီး ဆက်ဆံနေရပါတယ်။ သူတို့ရဲ့  အသိပညာတွေနဲ့ သူတို့ရဲ့ ဘွဲ့တွေ၊ သူတို့ရဲ့ ဖတ်အား မှတ်အားတွေကို သဘောကျမိတယ်၊ အားကျမိတယ်။ စာဖတ်တဲ့ နေရာမှာတော့ သူတို့ကို ကျွန်တော် ယှဉ်နိုင်နေတယ်။ အသိပညာ အရာမှာလည်း သိပ်တော့ အကွာကြီး မဟုတ်ဘူး။ သို့သော် ဘွဲ့အရာမှာတော့ ကျွန်တော့်အနေအထားက သူတို့ကို ဘယ်လိုမှ မယှဉ်နိုင်တဲ့ အနေအထား။ အလားတူပဲ အဲဒီ့ဘွဲ့ကို အခြေခံပြီး ရရှိထားတဲ့ ရာထူးဂုဏ်သိရ်၊ ရပ်တည်မှုတွေအရလည်း သူတို့က သာနေကြတယ်။ ရနေတဲ့ ဝင်ငွေချင်းတော့ သိပ်ကွာလှမယ် မထင်ဘူး။ ဘယ်လိုပဲဖြစ်စေ သူတို့နိုင်ငံတွေမှာက ပညာကို တန်ဖိုး ထားတာတော့ သေချာပါတယ်။

ကျွန်တော်တို့ဆီမှာတော့ ပညာက ပွဲလယ် သိပ်မတင့်ချင်သလိုကြီးပဲ။ ပိုက်ဆံက တယ်စကားပြောနေတာကိုး။ အဲတော့ ပိုက်ဆံရှိရင် လူရာဝင် လူတောတိုးနေတော့တာပေါ့။

ထားပါလေ… အဲဒီ့ကနေ နောက်ထပ် နှစ်ပေါင်းများစွာအကြာ သေခါနီးကျရင်တော့ ပညာလည်း အရေးမကြီး၊ ရာထူးဂုဏ်သိရ်လည်း အရေးမပါ၊ ပိုက်ဆံလည်း ကယ်နိုင်တော့မှာ မဟုတ်ပါဘူး။ ရှင်နေတုန်းသာ တစ်နည်းမဟုတ် တစ်နည်းနဲ့ ပွဲလယ် တင့်ချင်ခဲ့ကြ၊ တင့်အောင် နည်းပေါင်းစုံနဲ့ ကြိုးစားခဲ့ကြရင်း သေခါနီးကျမှ အမောဖောက်ပြီး ငါ့နှယ်၊ ဟိုဟာလေးမှ မလုပ်ခဲ့ရ၊ သည်ဟာလေးမှ မပြုခဲ့ရနဲ့ နှောင်းနောင်တများ တစ်ပွေ့တစ်ပိုက်နဲ့ ဂိုက်မကျ ဖြစ်သွားရသူတွေလည်း သည်လောကထဲမှာ နည်းမယ် မထင်ပါဘူး။

ရှင်နေတုန်းနဲ့ ဖြတ်သန်းဆဲ အခိုက်အတံ့မှာ အရေးကြီးသလို ထင်ယောင် မှားခဲ့သမျှဟာ ကာလတောင်တာ ရှည်ကြာလာတာနဲ့အမျှ ဘာဆိုဘာမှ မှုလောက်စရာ မကောင်းတော့တာကိုက လောကတံထွာ ဓမ္မတာလို့သာ ဆိုရ မယ် ထင်ပါရဲ့။

စံပြရဲ့ ကျေးဇူး

၁၆ နှစ်အရွယ်တုန်းက ကျွန်တော် ဘာဖြစ်ချင်ခဲ့သလဲ။

သေချာတာကတော့ဗျာ၊ အဲတုန်းက ကျွန်တော် ဓာတ်ရှင်မင်းသား၊ အဆိုကျော်၊ စာရေးဆရာ၊ ဓာတ်ရှင်ဒါရိုက်တာ သိပ်ဖြစ်ချင်ခဲ့သပေါ့။ အများ သိတော်မူတဲ့အတိုင်း ကျွန်တော့်အတွက် စံပြပုဂ္ဂိုလ်က မင်းသားကြီး ဝင်းဦးပါ။ ကျွန်တော်တို့ခေတ်မှာ ကံကောင်းတာက အထင်ကြီး လေးစား အားကျ အတုယူစရာ စံပြပုဂ္ဂိုလ်တွေ ရှိနေတာပဲ။ ကျွန်တော့်အတွက်တော့ ဝင်းဦးပေါ့။

ဝင်းဦးကို အားကျမိတဲ့အတွက် ဓာတ်ရှင်နယ်မှာ ကျွန်တော် ဘာကောင်မှ ဖြစ်မလာခဲ့ပေမယ့် အမြတ်ထွက်ခဲ့တာတွေ ရှိပါတယ်။ အဲဒီ့ထဲက အဓိက အကျဆုံး အမြတ်ကတော့ ကျွန်တော် အထင်ကြီး လေးစား အားကျတဲ့ သူ့ရဲ့ အင်္ဂလိပ်စာ စွမ်းရည်ကို တုပ ကြိုးစားခဲ့မိလို့ ကနေ့အခါမှာ ကျွန်တော်ဟာ အဲဒီ့ အင်္ဂလိပ်စာလေး သေစာရှင်စာတတ်မှုတစ်ခု အကြောင်းပြုပြီး ပိုက်ဆံ ကောင်းကောင်း ရှာစားနိုင်နေတာပါပဲ။ အဲဒါဟာ ကျွန်တော့်ဖခင်ကြီးရဲ့ အင်္ဂလိပ်စာ တတ်စေချင်လွန်းမှု ကျေးဇူးနဲ့အတူ သွားလေသူ နိုင်ငံကျော် မင်းသားကြီး (ဦး)ဝင်းဦး ကျေးဇူးကလည်း တစ်စိတ်တစ်ပိုင်း ပါနေပါလိမ့်မယ်။

ဒုတိယ အမြတ်ကတော့ လက်နှိပ်စက်နဲ့ စာရေးတာပါ။ သူစာရေးရင် လက်နှိပ်စက်နဲ့ စာရေးတယ်လို့ သိထားရတဲ့အတွက် ကျွန်တော်သည်လည်း စာပေနယ်ကို တိုးဝင်စမှာကတည်းက လက်နှိပ်စက်နဲ့သာ စာရေးပါတော့တယ်။ အဲဒီ့အတွက် လက်နှိပ်စက်ကို ကျွမ်းကျွမ်းကျင်ကျင် မျက်နှာလွှဲစနစ်နဲ့ သွက်သွက်ကြီး ရိုက်နိုင်လာခဲ့သလို ကွန်ပျူတာခေတ် ရောက်တော့လည်း စာရိုက်ရတာ ဘာအခက်အခဲမှ မရှိတော့ပါဘူး။

အဲဒီ့ အမြတ်ကတော့ ကျွန်တော် တစ်ယောက်တည်းအတွက်တောင် မဟုတ်ဘူး။ ကျွန်တော်တို့ တစ်မိသားစုလုံးအတွက်ပါ ထွက်တဲ့ အမြတ်လို့ တောင် ဆိုနိုင်တယ်။

တကယ်က ကျွန်တော့် ဖခင်ကြီးက လက်နှိပ်စက်စာရေးအဖြစ် အမှုထမ်းပြီး ကျွန်တော့်ကို လူလားမြောက်အောင် ပျိုးထောင်ခဲ့သူပါ။ သို့သော် သူက အောက်ကျလှတဲ့ သူ့အလုပ်ကို ကျွန်တော် မဆက်ခံစေချင်ရှာပါဘူး။ ဒါ့ကြောင့် လက်နှိပ်စက်နဲ့ ပတ်သက်လို့ ကျွန်တော့်ကို သင်ကြားပြသခြင်း မရှိသလို အားလည်း မပေးပါဘူး။ ကျွန်တော် လက်နှိပ်စက် သင်ချိန်မှာ သူသာ ရှိနေဦးမယ်ဆိုရင် အပြင်းအထန် ကန့်ကွက်မှာကိုတောင် တွေးမိပါတယ်။

ကျွန်တော် လက်နှိပ်စက်သင်တာက အသက် အစိတ်လောက်ကျမှပါ။ အဖေ မရှိတော့ချိန်ပေါ့။ အမေကတော့ မကန့်ကွက်ခဲ့ရှာပါဘူး။ မကန့်ကွက်ဆို မေမေက ကျွန်တော် ဘာလုပ်နေနေ ကြည်ဖြူတတ်သူမို့ပါပဲ။ အဟဲ… မိန်းမ ယူတာက လွဲရင်ပေါ့ ခင်ဗျာ။

အဲလိုနဲ့ ကျွန်တော် အိမ်ထောင်ကျ၊ ကလေးသားမြေးရချိန်မှာ ကွန်ပျူတာက ကျွန်တော်တို့တွေရဲ့ ဘဝထဲကို တိုးဝင်လာခဲ့ပါတော့တယ်။ သည်အခါ ကျွန်တော့်အိမ်သူကိုလည်း လက်နှိပ်စက် သင်ခိုင်းခဲ့သလို ကျွန်တော့်သားသမီး လေးတွေလည်း စာတတ်ချိန်ကတည်းက လက်နှိပ်စက် လက်ကွက်တွေကို မျက်နှာလွဲ ရိုက်တတ်အောင် ကိုယ်တိုင် သင်ကြား လေ့ကျင့်ပေးခဲ့ပါတော့တယ်။ သည်တော့ ကျွန်တော်တို့ မိသားစုဝင် လေးဦးစလုံးဟာ ကွန်ပျူတာ လက်ကွက်ကို မျက်နှာလွှဲစနစ်နဲ့ ဂျောင်းဂျောင်းပြေး ရိုက်နိုင်နေကြပါတော့တယ်။ ဝင်းဦးရဲ့ အကျိုးပေးပုံကတော့ နောက်ထပ် မျိုးဆက်အထိတောင် ပါသွားတယ်လို့ ဆိုရမယ် ထင်ပါတယ်။

ဝင်းဦးကို အထင်ကြီး လေးစား အားကျ အတုခိုးခဲ့တဲ့အတွက် ထွက်လာတဲ့ အမြတ်တွေထဲမှာ နောက်ဆုံး တစ်ခုကတော့ စာရေးရာမှာ သွက်သွက်လက်လက်နဲ့ ရွှင်ရွှင်သောသောလေး ရေးတတ်တာကလည်း သူ့ရေးဟန်ကို အတုခိုးရာက ရတဲ့ အကျိုးကျေးဇူးပါပဲ။

ဒူးလောက်တင်တော့…

ကျွန်တော့်အသက် ၁၆ နှစ်ဆိုတာ နှစ်ပေါင်း ၄၀ တောင် ကြာခဲ့ပါပြီ။

နှစ် ၄၀ ဆိုတာ မနည်းမနောကြီးပါပဲ။ အခုနေရာကနေ ပြန်ပြောင်း ငဲ့စောင်းကြည့်တာတောင် အတော်လေး ကွာလှမ်းသွားပါပြီ။ မနေ့တစ်နေ့ကလိုပဲလို့ ပြောလို့ မရတော့ပါဘူး။

သည်နှစ်ပေါင်း ၄၀ အတွင်းမှာ ဖြတ်သန်းခဲ့ရတဲ့ ခရီးတွေ၊ ရင်ဆိုင်ခဲ့ရတဲ့ အခက်အခဲတွေ၊ ရယ်ခဲ့ရတာတွေ၊ မောခဲ့ရတာတွေကို တစ်စစီ တစ်ဆစ်စီ ပြန်ကြည့်ဖို့တောင် ခပ်ခက်ခက်ပါပဲ။

ကျွန်တော့်ဘဝက ကျွန်တော်ရေးတဲ့ စာတွေလိုပဲ၊ လိုရင်းကို ဘယ်တော့ ရောက်မယ်မှန်း မသိတတ်နိုင်ဘဲ တောရောက် တောင်ရောက် လျှောက်ဖြစ်နေခဲ့တော့ ပိုဆိုးပါတယ်။ အခုထက်ထိလည်း လူသာ ဆက်လုပ်နေရတယ်၊ ကိုယ့်ကိုယ်ကိုယ် ဘာကောင်မှန်းကို ပိုင်ပိုင်နိုင်နိုင် မသိသလိုကြီးပဲ။

ဖြစ်ချင်တာတွေ ဖြစ်မလာခဲ့တာတော့ သေချာပါတယ်။ ၁၆ နှစ်တုန်းက ကျွန်တော်ဖြစ်ချင်တာတွေကို ပြောခဲ့ပြီးပါပြီ။ နှစ်လေးဆယ်အကြာမှာ အဲဒီ့ ကျွန်တော် ဖြစ်ချင်တဲ့အထဲက စာရေးဆရာဆိုတာလေး ကတ်ကတ်သတ်သတ် ကျန်နေသေးတဲ့အတွက် မဆိုးဘူးလို့ ဆိုရမယ် ထင်ပါတယ်။

ဖြစ်ချင်တာတွေ အကုန် ဖြစ်မလာဘူးလို့သာ ပြောရတာပါ။ တကယ်က အဲလို ဖြစ်မလာတဲ့ အတွက် သိပ်တော့ ထိထိခိုက်ခိုက် မခံစားရပါဘူး။

တကယ်ချရေးကြစတမ်းဆို ကျွန်တော် ဖြတ်သန်းခဲ့တဲ့ နှစ် ၄၀ ခရီးကို သည်လိုစာတိုလေး တစ်ပုဒ်တစ်လေမျှနဲ့ ဘယ်လိုမှ အာသာပြေနိုင်စရာ မရှိပါဘူး။ ကျွန်တော့် တောရောက်တောင်ရောက် လျှောက်ရေးတတ်ပုံမျိုးနဲ့ဆို စာအုပ်အထူကြီး တစ်အုပ်စာ ရေးပြနိုင်ပါမှ တန်ကာကျပါမယ်။

၁၆ နှစ် မတိုင်ခင်

အတိုတွေ ချုပ်ကြည့်လိုက်မယ်ဆိုရင်တော့ ၁၆ နှစ်အထိ ကိုယ်ရေးရာဇဝင် သံခိပ်ကို သည်လို ရလာပါတယ်။

မွေးတယ်ဗျာ။ မန်းရွှေမြို့တော်ကြီးမှာ။ မွေးရုံသာ မွေးလိုက်ရတယ်။ အခါလယ်သားပြည့်ဖို့ ဝေးစွ၊ လူ့လောကထဲ ရောက်လို့မှ ရက်ပေါင်း ၅၀ မပြည့်တတ်နိုင်သေးခင်မှာ ကယားပြည်နယ်က လောပိတရဲ့ ဟိုးဘက် လောဓလေ့ဆိုတဲ့ ရွာကလေးကို ရောက်သွားတယ်။ မြန်မာနိုင်ငံရဲ့ ပထမဆုံး ရေအားလျှပ်စစ်စက်ရုံ တည်ဆောက်ဖို့ ပြင်ဆင်နေဆဲ ဒိုင်းနမိုက်ခွဲသံ တအုံး အုံးကြားမှာ လူကလေး ဖြစ်လာခဲ့တယ်။

အဲဒီ့ကနေ လူမှန်း မသိတသိကျတော့ မန်းရွှေမြို့တော်ကြီးက အမေ့ရဲ့ ခန်ဗှင့်(န်)(ထ်) (ကွန်ဗင့်) ကျောင်းတော်ကြီးမှာ ကျောင်းနေဘဝ စတယ်။

အဲဒီ့ကနေ လွိုင်ကော် စိန့်ဂျိုးဇက်ကျောင်းကို ရောက်တယ်။ နောက်တော့ သာသနာပြုကျောင်းတွေကို ပြည်သူပိုင်သိမ်းတာက ဆက်တိုက်။ လောဓလေ့ အလယ်တန်းကျောင်းမှာ သုံးတန်းအထိ နေရတယ်။ လေးတန်းကျတော့ တောင်ကြီးက အမှတ် ၃ အမျိုးသမီးအစိုးရ အထက်တန်းကျောင်းမှာ ကျောင်းအိပ်ကျောင်းစား နေရတယ်။ တရုတ်-ဗမာ အရေးအခင်းဆိုတာကြီးကို စကြုံရတယ်။ ဘာမှန်းလည်း မသိဘူး။ လူကမှ ကိုးနှစ်သာသာ ရှိသေးတဲ့ အရွယ်။ ပုန်း၊ ပုန်းဆိုတာနဲ့ ကျောင်း မြေတိုက်ခန်းထဲ ဝင်ပုန်းနေခဲ့ရတာပဲ မှတ်မိတယ်။

ထူးခြားချက်က အဲဒီ့ လေးတန်းကျောင်းသားဘဝမှာ ဇတွေ ပြလာခဲ့တာပါပဲ။ ကျောင်းပြဇာတ်မှာ ဇာတ်လိုက် ဝင်လုပ်တယ်။ ကဗျာရွတ်ပြိုင်ပွဲမှာ ဆုရတယ်။ ကျောင်းနံရံကပ်စာစောင်မှာ ကဗျာဝင်ရေးတယ်။ ကျောင်းသူကြီးတွေ က နေ့လယ်ခဏနားချိန်မှာ ခေါ်ခေါ်ပြီး သီချင်းဆိုခိုင်းရင် လူပုံအလယ်မှာ မရှက်မကြောက် သီချင်းတကြော်ကြော် ဆိုတတ်တယ်။

တစ်ဆက်တည်းမှာ ကျွန်တော့်ကိုယ်ပေါ်က ဆူးတွေလည်း စတင်ပေါက်လာခဲ့ပါတယ်။

ငါးတန်းနှစ်ရောက်တော့ မန္တလေးက အမှတ် ၉ အစိုးရ အထက်တန်း ကျောင်းမှာ ကျောင်းအိပ်ကျောင်းစား နေရပြန်တယ်။ အတတ်ပေါင်း စုံလာခဲ့တယ်။ ကျောင်းသားကြီးတွေ ကြီးစိုးရာမှာ အရွယ်မတိုင်ခင် မသိသင့်တာတွေ သိလာခဲ့၊ မတတ်သင့်တာတွေ တတ်လာခဲ့တယ်။ ဆေးလိပ်သောက်တတ်ခြင်းရဲ အစက အဲဒီ့ ကျောင်းအိပ်ကျောင်းစားဘဝမှာ ဖြစ်နေတယ်။ ညဘက် ကျောင်း အုတ်တံတိုင်းကို ကျော်ပြီး ညဈေးတန်းလည်း သွားတတ်လာတယ်။

ဒါ့ကြောင့် နှစ်တစ်ဝက်နဲ့ ဘော်ဒါက အထုတ်ခံလိုက်ရတယ်။ အဲဒါက ဘဝမှာ အမှတ်တရပေါ့။ ကျွန်တော် ဆိုး၏ပေါ့။

ကောင်းတာကတော့ ကျောင်းဘင်ခရာဝိုင်းမှာ ပုလွေ ဝင်မှုတ်ရင်း ဒို၊ ရေ၊ မီ၊ ဖှာနဲ့ ရင်းနှီးလာခဲ့တာပါပဲ။ ပုလွေဟာ ကျွန်တော့်ငယ်ဘဝရဲ့ တစ်ခုတည်းသော တူရိယာ။ စန္ဒယား သိပ်တီးတတ်ချင်တယ်၊ အခွင့်အရေး မရှိဘူး။ အကော်ဒီယံ သိပ်တီးတတ်ချင်တယ်၊ အိမ်က ဝယ်မပေးနိုင်ဘူး။ အကော်ဒီယံ ဝေးစွ၊ ဘာဂျာလေးတစ်လက်တောင် အိမ်က ဝယ်မပေးနိုင်ခဲ့တဲ့ဘဝ။

ခြောက်တန်းနှစ်မှာ ရန်ကုန်ရွှေမြို့တော်ကြီးမှာ မိသားစုလိုက် အခြေချ နေထိုင်ခဲ့တယ်။ အထက ၆ ဗိုလ်တထောင်ဆိုတဲ့ စိန်ပေါ(လ်) ကျောင်းဟောင်းကြီးမှာ ဗိုလ်ကြီးဗဟိန်းဆိုတဲ့ တပ်က ပုဂ္ဂိုလ်ကြီးကို ကျောင်းအုပ်ကြီး လုပ်နေချိန် ရောက်သွားတာဆိုတော့ တစ်ကျောင်းလုံး ဆရာမြင်ရင် အလေးပြုတဲ့ အကျင့်ဆိုးကြီး ကိုယ်ထဲမှာ စွဲသွားခဲ့ရတယ်။

အဲဒီ့ ၆ တန်းကတည်းက နေလာလိုက်တာ ၁၆ နှစ်မှာ ဆယ်တန်းကို ရောက်လာခဲ့ပါပြီ။

တောကျောင်းတုန်းက ဇ ပြခွင့် ရခဲ့ပေမယ့် မြို့ကျောင်းကျတော့ ဇပြခွင့် သိပ်မရဘူး။ ဒါတောင် နွေရာသီ လုပ်အားပေး၊ ဘာ၊ ညာမှာ ကျွန်တော်က သီချင်းတွေ ဘာတွေ ရေးလိုက်သေးတယ်။ ဆိုလိုက်သေးတယ်။ ပုလွေကလည်း မှုတ်လို့ ကောင်းဆဲ။ အိမ်အောက်ထပ်က တရုတ်တစ်ယောက်ဆီကနေ ဂစ်တာတီး သင်လို့ ဂစ်တာလေးလည်း အနည်းအပါး တဗျန်းဗျန်းခေါက် တတ်လာခဲ့ပြီ။ သို့သော် အိမ်က ဂစ်တာ ဝယ်မပေးသေး။

စာတွေကတော့ ငါးတန်းကတည်းက စရေးနေပါပြီ။ ရေးလိုက်ရတဲ့ ကဗျာ၊ ရေးလိုက်ရတဲ့ ဝတ္ထု။ မနားတမ်းကို ရေးနေတာပါ။ ဘယ်မှတော့လည်း မပို့ဖြစ်ခဲ့ပါဘူး။ ကိုယ့်ဘာသာ ရေးနေခဲ့တာပါ။

အဲဒါ ၁၆ နှစ်သားအထိ ကျွန်တော့်ဘဝ သံခိပ်။

နောက်ပိုင်း ခရီးရှည်

အဲဒီ့ကနေ နှစ်ပေါင်း ၄၀ ကို သံခိပ်ရပြန်ဦးမယ်ဆိုရင်တော့…

နောက်တစ်နှစ်မှာ ဆယ်တန်းအောင်၊ တက္ကသိုလ်ရောက်လို့ ပြောရမှာပေမယ့် ကြားထဲမှာ အဖြစ်အပျက်တွေက ရှိသေးတယ်။ ဦးသန့် အရေးအခင်း ဖြစ်တော့ ကျွန်တော်ကိုးတန်း။ အဲဒီ့မတိုင်ခင်က တက္ကသိုလ် ရွှေရတု အရေးအခင်း၊ သူ့ရှေ့က ကျွန်းဆွယ် အရေးအခင်းဆိုတာတွေကိုတော့ သိပ်ပြောပလောက်ဖွယ် မမှတ်မိ။ နောက် ဆယ်တန်း ဒုတိယနှစ် ပြန်နေနေချိန်မှာ အလုပ်သမား အရေးအခင်း။

မေမေက အစိုးရကို ထိုင်ဆဲတဲ့ သူ။ ဖေဖေက နိုင်ငံရေးကို သိပ် စိတ် မဝင်စား။ သူ့ဘဝ၊ သူ့အလုပ်၊ သူ့မိသားစုထဲမှာ နှစ်ထားခဲ့သူ။ ကျွန်တော်က အိယောင်ဝါး။

အဲလိုနဲ့ ဆယ်တန်းအောင်ပြီး တက္ကသိုလ်ရောက်လာတော့ မှိုင်းရာပြည့်နဲ့ တန်းတိုးပြီး ကျောင်းတောင် ဖင်ပူအောင်မှ မတက်ရသေးခင် ကျောင်းတွေ ပိတ်သွား။ ကျောင်းပိတ်ရက်ရှည်ကြီးကြားမှာ ကျွန်တော့်အဖေ ပျောက်ကွယ်သွား။ တက္ကသိုလ်ကျောင်းသားဘဝကနေ အရှင်လတ်လတ် အငှားယာဉ် မောင်းသမား ဘဝကို ရောက်။

အဲ… ကျန်ပြန်ပြီ။ ၉ တန်း၊ ၁၀ တန်းတွေမှာ စာတွေ တအား ဖတ်နေပါပြီ။ အမှန်တော့ အမေက စာအုပ်သိပ်ဖတ်သူမို့ စာဖတ် ဝါသနာက ကိုယ်ထဲမှာ ငယ်ငယ်လေးကတည်းက၊ လောပိတမှာကတည်းက စွဲပြီးသား။ သို့သော် အရှိန် တအားတက်လာတာက ကိုးတန်း၊ ဆယ်တန်းမှာ။ နွေရာသီ ကျောင်းပိတ်ရက်ဆို တစ်အုပ်ပြီး တစ်အုပ်ကို မနားတမ်း ဖတ်တော့တာ။

နောက်တော့ ကျောင်းတွေ ပြန်ဖွင့်၊ ပထမနှစ်အောင်၊ ဒုတိယနှစ်အထိ ကျောင်းကို သွားလိုက်၊ ကားမောင်းလိုက်နဲ့၊ ဘဝက ဟုတ်တုတ်တုတ်။ တတိယနှစ်ကစပြီး ကျောင်းဆိုတာ ဘယ်လိုနေမှန်း မသိတော့ဘူး။ လမ်းပေါ်က အငှားယာဉ်မောင်းဘဝမှာပဲ အချိန်ပြည့်နီးပါး ဖြစ်နေခဲ့ပါတော့တယ်။

အခု ပြန်စဉ်းစားရင် တတိယနှစ်နဲ့ နောက်ဆုံးနှစ်တွေမှာ ဘယ် ကျောင်းခန်းထဲ ကျောင်းတက်ရမှန်းတောင် ကောင်းကောင်း မသိချင်တော့ဘူး။ အဲသလောက် ကျောင်းနဲ့ အဆက်ပြတ်ခဲ့တာပါ။ သို့သော် နီးမှ ကပ်တွန်း၊ တစ်ပုဒ်ဖြေ၊ နှစ်ပုဒ်ဖြေပေမယ့်လည်း ဘွဲ့ရတွေ စက်နဲ့ ထုတ်သလို အရေအတွက် များများ ထုတ်ပေးနေတဲ့ စနစ်ကြီးအောက်မှာ တစ်နှစ်တစ်တန်း မှန်မှန်အောင်ပြီးသကာလ ကျွန်တော် ဘွဲ့ရလာခဲ့ပါတော့တယ်။

နောက်ဆုံးနှစ် စာမေးပွဲ ဖြေခါနီးတန်းလန်းမှာ ကားမမောင်းဘဲ စာကျက်မယ် ရည်ရွယ်ပြီး ကားကို တခြား ယာဉ်မောင်းတစ်ယောက်ကို ခဏပေးထားချိန်၊ မင်္ဂလာဒုံနားမှာ ကားမောင်းသင်နေဆဲ တပ်သားက မောင်းနေတဲ့ ထောက်လှမ်းရေးတပ်ရဲ့ အပေါ့စား ကုန်တင်ယာဉ်ငယ်က ကားကို စုတ်ပြတ်သတ်သွားအောင် တိုက်ထည့်လိုက်တယ်။ အလျော်လည်း ကောင်းကောင်း ကန်းကန်းမရ။ ကားကို ပြန်ပြင်တော့ ကျွန်တော်တို့ သားအမိမှာ ကြွေးတင်။ နောက်ဆုံးမှာ ကားရောင်းပြီး ကားပြင်ရုံကို ကြွေးဆပ်ရတဲ့ဘဝနဲ့တင် ကျွန်တော့် အငှားယာဉ်မောင်းဘဝက ယာယီ နိဋ္ဌိတံသွားတယ်။

ကားမောင်းနေစဉ် လေးနှစ်မှာ အမြတ်ထွက်ခဲ့ပြန်တာက စာတွေ တအား ဖတ်ဖြစ်တာပါပဲ။ မြန်မာလိုတောင် မဟုတ်တော့ဘူး၊ အင်္ဂလိပ်လိုတွေပါ ဖတ်ဖြစ်နေခဲ့ပါတယ်။ ဒါ့ကြောင့် ကျောင်းပြီးချိန်မှာ ကိုယ့်ကိုယ်ကိုယ် အင်္ဂလိပ်စာ အတော်တတ်တယ်လို့ ထင်ယောင်မှားလာပါတော့တယ်။ ဟုတ်တော့လည်း ဟုတ်တယ်၊ ငါးတန်းနှစ်မှ အင်္ဂလိပ်စာ သင်ရတဲ့ ပညာရေးစနစ် ထဲမှာ လူလားမြောက်လာတာမို့ ကျွန်တော်က စုံလုံးကန်းတွေအလယ်မှာ ရေးတေးတေးလေး မြင်နိုင်စွမ်း ရှိနေသေးတဲ့ တစ်ဖက်လပ်ပေပဲကိုး။

ကားရောင်းပြီးတဲ့နောက် ရွှေဝယ်ရောင်း လုပ်၊ ခွက်ခွက်လန်။ လန်မှာပေါ့၊ ကျွန်တော်မှ အလုပ်ထဲ စိတ်မဝင်စား၊ မလေ့လာ၊ မစူးစမ်းဘဲ သူများက ကိုက်တယ် ပြောတာနဲ့ ဝင်ဆော့တာမျိုး ဖြစ်နေတာကိုး။ အဲတုန်းက ရွှေ တစ်ကျပ်သားမှ လေးထောင်၊ အများဆုံး လေးထောင့် ငါးရာခေတ်။

အဲဒီ့ကနေ ကားဝယ်ရောင်း လုပ်ပြန်။ ခွက်ခွက်လန်ပြန်။ လန်မှာပေါ့။ ကျွန်တော်က သူဌေးလို လျှောက်လုပ်နေတာကိုး။ အမေ့ခမျာတော့ မချိမဆံ့ပေါ့။ နောက်ဆုံးတော့ ကြံရာမရဖြစ်ပြီး အငှားယာဉ်လေး ပြန်မောင်း။ မောင်းရင်းကနေ ကျူရှင်သင်ဖို့ စဉ်းစား။ ကျူရှင်ဆရာလေး ဖြစ်လာ။ အနည်းအပါး ဝင်ငွေမှန်လာ။

သူငယ်ချင်း အဆွယ်ကောင်းတာနဲ့ မှတ်ပုံတင်ရှေ့နေ ဝင်ခွင့်စာမေးပွဲ ဝင်ဖြေ၊ ဆွယ်တဲ့ သူငယ်ချင်းက မအောင်၊ ကျွန်တော်က အောင်လို့ နှစ်နှစ်တာ ဥပဒေပညာ သင်ယူ။ တစ်နှစ်တစ်တန်းအောင်၊ ရှေ့နေလုပ်မယ်ကြံ။ ဆိုရှယ်လစ် တရားစီရင်ရေးနဲ့ တွေ့တော့ ထိုအကြံသည်လည်း ခွက်ခွက်လန်။ (ဒါတွေ နောက်မှ အသေးစိတ်ရေးပြတော့မယ်ဗျာ။)

သို့သော် ရှေ့နေဘဝမှာ ကျွန်တော့်ဆရာရဲ့ အမှုသည် ကျေးဇူးကြောင့် သံတမန်လောကထဲက ကပြတဲ့ ပြဇာတ်ဝင်ကြည့်ရင် အင်္ဂလိပ်စာ ပြောဆို လေ့ကျင့်နိုင်တဲ့ အခွင့်အရေးလို့ မြင်လာ။ အဲဒီ့ ပြဇာတ်အသင်းကို ဝင်ရင်းက သံတမန်လောကနဲ့ ရင်းနှီးလာရက အသက် ၃၁ နှစ်မှာ အိမ်ထောင်ကျ၊ အိမ်ထောင်ကျပြီး တစ်လကျော်အကြာ၊ ဥရောပသမဂ္ဂမှာ ဘာသာပြန် အလုပ်ကို စရ။ တတိယမြောက် နှစ်မှာ ထောက်လှမ်းရေးက ခေါင်းကို အိပ်နက်ကြီး စွပ်ပြီး ခေါ်သွားတာ ခံရ။ ဘာအပြစ်မှလည်း မရှိပါဘူး။ ဘာနိုင်ငံရေး လှုပ်ရှား မှုထဲမှလည်း မပါခဲ့ပါဘူး။ သို့သော် ကျွန်တော့်ရုံးက ဗြိတိန်သံရုံး အဆောက်အအုံထဲမှာမို့ ကျွန်တော့်ကို အဲဒီ့သံရုံးဝန်ထမ်းမှတ်ပြီး သတင်းမယူအောင် ခေါ် ခြောက်တာပါ။ ကျွန်တော်ပြောပြတော့မှ ကျွန်တော်က ဗြိတိန်သံရုံး ဝန်ထမ်းမဟုတ်ဘဲ ဥရောပသမဂ္ဂ ဝန်ထမ်းမှန်း သူတို့ သိသွားတယ်။ သို့သော် အဲဒီ့ခေတ်က ဥပဒေဆိုတာ မရှိဘူး။ ထောက်လှမ်းရေးတွေ သိပ်တန်ခိုးထွားလို့ ကောင်းနေချိန်မို့ ကျွန်တော့်ကို တော်တော် စိတ်ပျက်အောင် အောင်မြင်စွာ လုပ်နိုင်ခဲ့ကြတယ်လို့ ဆိုရမယ်။

သူတို့ ကျွန်တော့်ကို ၄၈ နာရီ စိတ်ဒုက္ခပေးပြီး ၁၁ လအကြာမှာတော့ ကျွန်တော်လည်း ဩစတြေးလျ သံရုံးကို ပြောင်းပြီး အလုပ်လျှောက်တာ အလုပ် ရလာတယ်။ အဲဒီ့မှာ ကျွန်တော့် ဇာတာ စန်းလဂ်လေးအတော်ပြန် တက်လာခဲ့ပြီး နိုင်ငံခြားတွေ ဘာတွေ နည်းနည်းပါးပါး ရောက်ဖူးသွားတယ်။ အဲဒီ့မှာ ၁၂ နှစ်ကျော်လုပ်ပြီးချိန်မှာတော့ စာရေးသူအနေနဲ့လည်း ကျွန်တော့် အခြေအနေက အတော်ခိုင်လာတယ်။

စာရေးသူအဖြစ် လက်သံအပြောင်ကောင်းလိုက်တာများ အလုပ်ကတောင် အထုတ်ခံရပြန်တယ်။ ကျွန်တော့် အထက် အရာရှိတွေက မြန်မာနိုင်ငံ နိုင်ငံခြား သတင်းထောက်များ အသင်းက မြန်မာသတင်းထောက်တွေကို လူလို မဆက်ဆံတဲ့ ဖြစ်ရပ်တစ်ခုက ၂၀ဝ၂ ခုနှစ် နှစ်ကုန်ပိုင်းလောက်မှာ ဖြစ်ခဲ့တယ်။ အဲဒါကို ဂျာနယ်ထဲမှာ ကျွန်တော် ရေးလိုက်တယ်။ ထုံးစံအတိုင်း ကျွန်တော့်လက်က ပြင်းသွားတော့ မခံမရပ်နိုင် ဖြစ်တဲ့သူက ဖြစ်၊ ကျွန်တော့်ရုံး ကို ချွန်တွန်းလုပ်၊ ကျွန်တော့်ရုံးက လူတွေ ဆွေ့ဆွေ့ခုန်၊ နဂိုကတည်းက မြောက်ကြွ မြောက်ကြွနဲ့ ရုံးမှာ လူဝါးသိပ်ဝလွန်းသော ကျွန်တော့်ကို တွယ်ချင်နေတာက ကြာပြီ၊ အခုမှ အကွက်တွေ့တယ်ဆိုပြီး ကိုင်ထည့်လိုက်ကြတာ နေ့ချင်း ညချင်းပဲ အလုပ်ပြုတ်ပါရောလား။

ဒါပေမယ့် အတိုက်အခိုက် အထုအထောင်းများလေ၊ ငါးဖယ်လို မာလာလေများ ဖြစ်သလားတော့ မပြောတတ်ဘူး။ ကျွန်တော့်ဘဝက အောက်ဆုံး အထိ နစ်မသွားဘူး။ သို့သော် လူတွေရဲ့ မနောကိုတော့ သိလာရပါတယ်။

သနားသလိုလိုနဲ့ ကျွန်တော့်ကို ဝါးကူထိုးချင်တဲ့သူတွေလည်း တွေ့ရတယ်။ လောကတံထွာမို့ ဘယ်သူ့မှ မဥပါဒ်မိပေမယ့် သင်ခန်းစာတွေကတော့ ရပြီးရင်း ရရင်းပေါ့။ အလားတူပဲ ကျွန်တော့်ကို တကယ့် စိတ်သဘောအမှန်နဲ့ ကူညီချင်သူတွေကိုလည်း သိလာရပါတယ်။

၂၀ဝ၃ ခုနှစ်ကနေ ကံတွေက လှိမ့်ဆိုးလာလိုက်တာများ ၂၀ဝ၆ လောက် အထိ ကော့နေအောင် ခံရပါတယ်။ ဒါပေမယ့် ကျွန်တော်တို့ မိသားစုလေး စည်းလုံးနေခဲ့တယ်။ ဘယ်သူ့ဘယ်သူမှ အပြစ်မတင်ကြဘူး။ ဖေးမတယ်။ စာအုပ်လုပ်ငန်းကို ဖိလုပ်တော့ လုံးချင်းနယ်ပယ်မှာလည်း သူ့ဟာနဲ့သူ နေရာ ရလာတယ်။ စာရေးခြင်း အလုပ်နဲ့ပဲ အသက်မွေးတော့မယ်လို့တောင် စိတ်ကူးပေမယ့် ဘဝက ကြံစီတိုင်း မဖြစ်ပြန်ဘူး။

အဲသလိုနဲ့ တဖြည်းဖြည်း ပြန်နာလံထူခဲ့ပါတယ်။

မကောင်းသူထိပ် ကောင်းသူထိပ်

ပြောရင်တော့ အသေးစိတ်တွေက အထက်မှာ ဆိုခဲ့သလို တစ်ပုံတစ်မပါ။

သေချာတာကတော့ အဖေတို့ အမေတို့ ကျေးဇူးကြောင့် ပညာကို တန်ဖိုးထားရကောင်းမှန်း သိခဲ့တယ်။ စာတွေ နင်းကန် ဖတ်ခဲ့တယ်။ အဲဒီ့ အသီးအပွင့်တွေကို ကျွန်တော် ကနေ့ ခံစားနေရပါတယ်။

ရုံးမှာ လုပ်ခဲ့တုန်းက တစ်လ ဝင်ငွေမျိုးကို အခုအခါမှာ ကျွန်တော် မှုစရာ မလိုတော့ပါဘူး။ အဲဒီ့ဝင်ငွေကို ကျွန်တော် မပြောနဲ့ ကျွန်တော့်ရဲ့ ၂၄ နှစ် အရွယ် သမီးတောင် ပညာနဲ့ ရှာဖွေနိုင်နေပါပြီ။ အတော် ကြည်နူးစရာ ကောင်းလို့ နေပါတယ်။

မိသားစု ဘဝမှာလည်း အေးချမ်းစွာ နေနေရပါတယ်။ ကြောင့်ကြမဲ့လို့ တော့ ပြောလို့ မရပါဘူး။ သို့သော် သိပ်ကြောင့်ကြစရာ မလိုဘဲ နေနိုင်နေပါတယ်။ အဲဒီ့အတွက် ဂုဏ်ယူစရာလည်း မရှိပါဘူး။ နိမ့်မြင့် ကျတက်ဆိုတဲ့ လောကဓံရဲ့ သဘောကို သည်အရွယ်မှာတော့ ကောင်းကောင်း နောကျေနေပြီမို့ တက်နေ မြင့်နေလည်း ဘဝင်မမြင့်အားတော့ပါဘူး။ နိမ့်တုန်း၊ ကျတုန်းကလည်း အီနေအောင် ခံခဲ့ဖူးပြီမို့ လာသမျှ လောကဓံ သတိလေးနဲ့ ခံဖို့ပဲ အားခဲနေရပါပြီ။

ကမ္ဘာ့ကျန်းမာရေးအဖွဲ့ကြီးရဲ့ အလိုအရ မြန်မာနိုင်ငံက အမျိုးသား တစ်ယောက်ရဲ့ ပျမ်းမျှ အသက်ရှင်နိုင်တဲ့ အသက်ဟာ ၄၈ နှစ်ပဲ ရှိပါတယ်။ အဲဒီ့အသက်ထက် ရှစ်နှစ်ကျော် ပိုနေပြီးပြီမို့ အခုနေ သေရမယ်ဆိုလည်း အေးအေး သေလိုက်ရုံ ရှိတာပါပဲ။ ကျွန်တော်နဲ့ ခေတ်ပြိုင်တွေ၊ ရွယ်တူတွေထဲမှာလည်း သေတဲ့သူတွေ သေကုန်ပြီပဲလေ။

ကျွန်တော်လည်း ယာဉ်တိုက်မှုကြောင့် လွန်ခဲ့တဲ့ ၁၀ နှစ်လောက်ကတည်းက သေမလို ခံခဲ့ရဖူးပါပြီ။

မသေခင် စပ်ကြားမှာ ကိုယ်လုပ်နိုင်တာလေး လုပ်သွာရင် မိသားစု အကျိုး၊ ပတ်ဝန်းကျင်အကျိုးလေး နိုင်သလောက် လုပ်သွား။ သေစရာရှိတော့လည်း သေခြင်းကို ရွှင်ရွှင်ပျပျ လက်ခံနိုင်အောင်သာ အတတ်နိုင်ဆုံး အားထုတ်ရတော့မှာပါ။

ရေးဆိုလို့သာ ရေးလိုက်တယ်။ ကျွန်တော့်စာက ဘယ်ကို ဦးတည်နေမှန်းလည်း ကိုယ့်ဘာသာ မသိဘူးခင်ဗျ။

၁၆ နှစ်ကနေ အခုအချိန်အထိ ဖြတ်သန်းခဲ့သမျှကို အတိုချုပ် စာရင်းချ ကြည့်လိုက်တာ ဖြစ်လင့်ကစား လိုရင်းကို ရောက်ပါ့မလားလို့ ပူမိရပါတယ်။
မရောက်လည်း မတတ်နိုင်ဘူးခင်ဗျ။ ကျွန်တော် ရေးတတ်သလို လျှောက်ရေးကြည့်လိုက်တာ ဖြစ်ပါတယ်။

ကျွန်တော့်ဘဝမှာ ဖြစ်ချင်တာတွေ သိပ်မဖြစ်ခဲ့ပါဘူး။ သူဖြစ်ချင်သလိုတွေ လျှောက်ဖြစ်နေတာချည်းပါ။ အဲဒီ့မှာ ကျွန်တော်က အလိုက်သင့်မျှော နေရင်းက သည်ဘဝကို ရောက်လာတာပါပဲ။

အခုလည်း အတူတူပါ။ ကျွန်တော် ရေးချင်တဲ့စာကို ရေးချလိုက်တာ မဟုတ်ပါဘူး။ မဂ္ဂဇင်းက ပူဆာလို့ အားနာပြီး ရေးပေးလိုက်တဲ့စာသာ ဖြစ်ပါတယ်။ သည်တော့ သည်စာသည်လည်း အလိုက်သင့် ရေးလိုက်တဲ့စာလို့ သာ သတ်မှတ်ရပါလိမ့်မယ်။ သည်အထိတော့ ရောက်လာပြီမို့ သည်နေရာမှာပဲ နိဂုံးကမ္ပတ် အဆုံးသတ်လိုက်ပါတယ်။

သည်ကြားထဲကမှ သည်စာလေးက တစ်စုံတစ်ရာ အကျိုးရှိတယ်ဆိုရင် ရေးတဲ့ ကျွန်တော့်အတွက် သာဓုခေါ်ပေးကြပါခင်ဗျာ။ ဘာမှလည်း မဟုတ်ဘဲ စာညံ့တစ်ပုဒ်ဖြစ်နေရင်တော့ ကျွန်တော် မရေးချင်တာကို ဇွတ်ရေးခိုင်းတဲ့ မဂ္ဂဇင်းကိုသာ ကလော်ကြပါတော့ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(နေပြည်တော် – ၁၁၀၁၁၄)

၂၀၁၄ ခုနှစ် မတ်လထုတ် Fashion Image မဂ္ဂဇင်းမှာ ဖော်ပြထားတာဖြစ်ပါတယ်။

Women’s Talk

ကမ္ဘာကျော်ကြီးပေမယ့်

မိတ်ဆွေတစ်ယောက်ဆီက လက်ဆင့်ကမ်းလာတဲ့ ကြော်ငြာလေးတစ်ခု  ဓာတ်ချောစာကနေ ဝင်လာတယ်။

ဖတ်ကြည့်လိုက်တော့ နိုင်ငံတကာ အစိုးရမဟုတ်တဲ့ အဖွဲ့အစည်း တစ်ခုက ကမကထလုပ်ပြီး ကျင်းပမယ့် “အမျိုးသမီးများရဲ့ စကားဝိုင်း” အစီအစဉ်ပါတဲ့။

အဲဒီ့အစီအစဉ်မှာ ပြောမယ့်သူတစ်ယောက်ကြောင့် ကျွန်တော် မျက်လုံးပြူးသွားရပါတယ်။ သူကတော့ ဗြိတိသျှ ရုပ်ရှင်မင်းသမီး အကျော်အမော် အယ်မာ ထော(မ်)ဆင်(န်) ဖြစ်နေပါတယ်။ သူ့ နာမည် မြင်လိုက်တာနဲ့ ခေါင်းထဲမှာ ပေါ်လာတာက “ဂျိန်း အော် စထင်(န်)” ရဲ့ ဂန္ထဝင်ဝတ္ထုကြီးဖြစ်တဲ့ Sense and Sensibility ပါပဲ။ အဲဒီ့ဝတ္ထုကို ရုပ်ရှင်ဇာတ်ညွှန်းအဖြစ် သည်မင်းသမီးကိုယ်တိုင်က ရေးသားခဲ့ပြီး ကိုယ်တိုင်လည်း ပါဝင်သရုပ်ဆောင်ခဲ့ဖူးပါတယ်။

အဲဒီ့ဇာတ်ကားအတွက် အကောင်းဆုံး ဇာတ်ညွှန်း အော်စကာဆုကို သူက ဆွတ်ခူးရရှိခဲ့တဲ့အပြင် အော်စကာဆုမဟုတ်ပေမယ့် BAFTA လို့ လူသိများတဲ့ “ရုပ်ရှင်နဲ့ ရုပ်မြင်သံကြား အနုပညာ ဗြိတိသျှ အကယ်ဒမီ“က ချီးမြှင့်တဲ့ အကောင်းဆုံး အမျိုးသမီးဇာတ်ဆောင်ဆုကိုလည်း အဲဒီ့ကားနဲ့ပဲ ရခဲ့ပါသေးတယ်။ ဟယ်ရီပေါ်တာ ဇာတ်လမ်းတွဲတွေမှာလည်း ပါဝင် သရုပ်ဆောင်ခဲ့သူ ဖြစ်သလို Howards End ဆိုတဲ့ ဇာတ်ကားနဲ့လည်း အကောင်းဆုံးအမျိုးသမီး သရုပ်ဆောင် အော်စကာဆု  ရရှိထားသူလည်း ဖြစ်ပါတယ်။ တိုတိုပြောရရင် အောင်မြင်ထင်ရှားတဲ့ ကမ္ဘာကျော် ရုပ်ရှင်မင်းသမီးပေါ့။

အဲဒီ့မင်းသမီးက သည်အခမ်းအနားမှာ စကားပြောမယ်ဆိုတော့ ကျွန်တော်လည်း အလွန်စိတ်ဝင်စားသွားတယ်။ ကမ္ဘာကျော် မင်းသမီး တစ်ယောက်ကို အပြင်မှာ မြင်ဖူးဖို့ဆိုတာ အိပ်မက်တောင် မမက်ဖူးတာမျိုးပါ။ အခုတော့ ကိုယ့်တိုင်းပြည်ထဲကလည်း တစ်လက်မမှ မထွက်ရဘဲ သူလို မင်းသမီးကို မြင်တွေ့နိုင်တဲ့အခွင့်အရေးမို့ လက်လွတ်မခံတော့ဘဲ သက်ဆိုင်တဲ့ တာဝန်ခံဆီကို ဖိတ်စာပို့ပေးဖို့ ဓာတ်ချောစာနဲ့ပဲ လှမ်း မေတ္တာရပ်ခံလိုက်ပါတော့တယ်။

ဟိုကလည်း မဆိုင်းမတွဘဲ အကြောင်းပြန်တယ်။ နေရာအခက်အခဲကြောင့် ဖိတ်စာကန့်သတ်ထားကြောင်းနဲ့ ဖိတ်စာတွေ အဆင်သင့်ဖြစ်ရင် ကျွန်တော်တို့ ဇနီးမောင်နှံအတွက် ပို့ပေးပါ့မယ်တဲ့။ သည်လိုနဲ့ ဖိတ်စာကလည်း အင်တာနက်ကတစ်ဆင့်ပဲ ရလာတယ်။ ဖိတ်စာကို ပုံနှိပ်ပြီး ယူလာခဲ့ပေးပါလို့လည်း မှာပါသေးတယ်။

သည်လိုနဲ့ ၂၀၁၁ ခုနှစ် အောက်တိုဘာလ ၁၅ ရက် စနေနေ့မှာ အဲဒီ့အခမ်းအနားကို တက်ရောက်ခွင့်ရခဲ့ပါတယ်။ အဲဒီ့ အခမ်းအနားက နေ့ခင်း ၃ နာရီမှာ စမှာ။ ၃ နာရီအတိမှာ စချင်တဲ့အတွက် ၂ နာရီ ၄၅ မတိုင်ခင် အရောက်လာပြီး နေရာယူပေးဖို့လည်း ဖိတ်စာမှာ နှိုးဆော်ထားတယ်။ ဖြစ်ချင်တော့ အဲဒီ့နေ့ နေ့လည် တစ်နာရီက သုံးနာရီအတွင်း ကန်တော်ကြီးစောင်းက ဟိုတယ်ကြီးတစ်ခုမှာ ကျင်းပမယ့် မင်္ဂလာအခမ်း အနားအတွက် အခမ်းအနားမှူး လုပ်ပေးဖို့ ကျွန်တော်က လွန်ခဲ့တဲ့ တစ်လလောက်ကတည်းက လက်ခံထားမိနေတယ်။ အချိန်က နည်းနည်း ကသီလင်တဖြစ်ချင်စရာပေါ့။

တကယ်လည်း ကသီပါတယ်။ မင်္ဂလာဆောင်က ပြန်ထွက်လာတော့ ၂ နာရီ ၁၅ မိနစ်ရှိနေပြီ။ ဖြစ်ချင်တော့ ကျွန်တော့်ကားရှေ့မှာ တခြား ကားတစ်စီးက ပိတ်ရပ်သွားလို့ အဲဒီ့ကားရှင်ကို ရှာရတာနဲ့ အချိန်က ပိုကြာသွားတယ်။ ဘယ်လိုပဲဖြစ်ဖြစ် ကဆုန်စိုင်းပြီး အိမ်ပြန်ပြေးရသေးတယ်။ အဝတ်ပြန်လဲရသေးတာပ။ ပွဲထိုင် အဝတ်ကြီးနဲ့ လန်းလန်းလန်းလန်း လုပ်ပြီး သွားဖို့မှ မတော်ဘဲလေ။

သည်လိုနဲ့ ၂ နာရီ ၄၅မိနစ်အတိမှာပဲ “အမျိုးသမီးများရဲ့ စကားဝိုင်း“ ကျင်းပမယ့် ရွှေတောင်ကြားထဲက ဩစတြေးလျသံရုံးရဲ့ အပမ်းဖြေရိပ်သာကို ရောက်သွားပါတယ်။ စိတ်ထဲမှာ သံသယတစ်ခုက ရှိနေသေးတယ်။ သူတို့ကသာ အယ်မာ ထော်(မ်)ဆင်(န်) ပြောမယ်လို့ ပြောတာ။ လူကိုယ်တိုင် မဟုတ်ဘဲ ရုပ်မြင်သံကြားကတစ်ဆင့် ပြောရင်လည်း ဖြစ်နိုင်နေတာပဲလို့ တွေးမိနေရတာပါ။

ဒါပေမယ့် ကျွန်တော် ရောက်ပြီး မကြာခင်မှာပဲ မင်းသမီးကြီး ဝင်လာတာတွေ့လိုက်ရပါတယ်။ အသက် ၅၃ နှစ်အရွယ်ရောက်နေပြီဖြစ်တဲ့ မင်းသမီးကြီးက ချောမောတင့်တယ်လှပါတယ်။ သူနဲ့အတူ ပြောမယ့်သူတွေက အငြိမ်းစား ပါမောက္ခ ဒေါက်တာ ဒေါ်မြင့်မြင့်ခင်၊ စာရေးဆရာမ ဂျူးနဲ့ တေးသံရှင် ဖြူဖြူကျော်သိန်းတို့လည်း ပါပါတယ်။ ကျွန်တော့် ကင်မရာက မနားတော့ပါဘူး။

အခမ်းအနားကို သုံးနာရီတိတိမှာ စလိုက်ကြပါတယ်။ စုစုပေါင်း လူ ၇၀ စာ ထိုင်ခုံချထားပြီး ထိုင်ခုံ အားလုံးနီးပါး ပြည့်ပါတယ်။ အများစုက အမျိုးသမီးတွေပါ။ အမျိုးသားရယ်လို့ ဆယ်ယောက်မပြည့်ပါဘူး။ အဖွင့်အမှာစကားကို မြန်မာနိုင်ငံဆိုင်ရာ ဩစတြးလျ သံအမတ် အမျိုးသမီးကြီးက ပြောတယ်။ သူ့နောက်မှာ ကမကထပြုတဲ့ Action Aid အဖွဲ့အစည်းက အမှုဆောင်အရာရှိချုပ်က ပြောပါတယ်။ အဲဒီ့နောက် ဒေါက်တာ ဒေါ်မြင့်မြင့်ခင်က မြန်မာနိုင်ငံက အမျိုးသမီးများရဲ့ အနေအထားကို ပုဂံခေတ်က အစချီကာ ပြောပါတယ်။ အသံချဲ့စက်မပါတဲ့ အခမ်းအနားမို့ တိုးတိုးသက်သာ ပြောတဲ့ ဆရာမကြီး အသံကို အတော် နားစိုက်ထောင်ရပါတယ်။ ဆရာမကြီးက အင်္ဂလိပ်ဘာသာနဲ့ပဲပြောတာပါ။

နောက် ဆရာမဂျူးအလှည့်ပါ။ ကျွန်တော်နဲ့အတူ မော်လမြိုင်မှာ ဟောတုန်းကထက် သည်မှာ ဒေါ်ဂျူးကပိုပြီး သွက်လက်နေတယ်။ မိန်းကလေးဆိုရင် ဘယ်ကဲ့သို့ ဘယ်ချမ်းသာဆိုပြီး ပုံသေကားချ သတ်မှတ်ချင်ကြတဲ့ သဘောထားကို ပယ်သင့်တဲ့အကြောင်းကို သူက ဆွေးနွေးသွားတာပါ။ သူ့မိခင် ဖခင်တို့ရဲ့ အိမ်ထောင်ရေးဘဝ၊ မိသားစုဘဝကို နမူနာလေးနဲ့ ပုံဖော်သွားတာက စိတ်ဝင်စားဖွယ်၊ နှစ်လိုဖွယ်ပါပဲ။

နောက်တစ်ယောက်က ဖြူဖြူကျော်သိန်းဖြစ်ပါတယ်။ သူကလည်း အင်္ဂလိပ်လိုပဲ ပြောပြန်ပါတယ်။ ရော့(ခ်)အဆိုတော် တစ်ယောက်အဖြစ် သူ လျှောက်လှမ်းခဲ့ရတဲ့ လမ်းကြောင်းလေးနဲ့ အစချီပြီး အမျိုးသမီးများရဲ့ အနာဂတ်အတွက် အခြေခံအကျဆုံးကတော့ ပညာရေးသာ ဖြစ်ကြောင်း သူကလည်း ချက်ချက်ချာချာ ပြောသွားတယ်။

လာပါပြီ။ ကမ္ဘာကျော်မင်းသမီးကြီး။ သည်မင်းသမီးကြီးရဲ့ ဂုဏ်ပုဒ်တွေထဲမှာ သရုပ်ဆောင်မင်းသမီး၊ ဟာသပညာရှင်၊ ဇာတ်ညွှန်းဆရာမ ဆိုတဲ့ ဂုဏ်ပုဒ်သုံးရပ်က တွဲနေပါတယ်။ ဟာသပညာရှင်ပြီပြီ သူ စဝင်လာကတည်းက ပရိသတ်က တသောသောနဲ့ ရယ်မောနေကြရရအောင် ဟန် မာန်အပြည့်နဲ့ လှုပ်လှုပ်ရှားရှား ပြောသွားပါတယ်။ ဟောစင်နောက်မှာ တောင့်တောင့်ကြီး ရပ်ပြီး ဟောပြောတာကို ဘယ်တုန်းကမှ မကြိုက်တတ်သလို ကိုယ်တိုင်လည်း တစ်ခါမှ မလုပ်ဖူးတဲ့ ကျွန်တော့်အတွက်တော့ အယ်မာ့ ပြောပုံ ဆိုလက်နဲ့ ဟန်အမူအရာတွေ၊ အလှုပ်အခတ်တွေက  စွဲမက်စရာ ကောင်းနေပါတယ်။ မင်းသမီးပီပီ မျက်နှာထား၊ အသံနေ အသံထားနဲ့ မင်မောင်းကလည်း အလွန်ကောင်းလှပါတယ်။

သူကလည်း သူဖြတ်သန်းခဲ့ရတဲ့ ဘဝ၊ သူရောက်ခဲ့တဲ့ မြန်မာနိုင်ငံ အပူပိုင်းဒေသမှာ တွေ့ခဲ့ရတဲ့ မိန်းကလေးတွေရဲ့ ဘဝများနဲ့ အစချီရင်း မိန်းမကောင်းဆိုတာ ဘယ်ကဲ့သို့ ဘယ်ချမ်းသာဆိုတဲ့ ခေါက်ရိုးအထပ်ထပ် အချိုးခံပြီး ပုံစံခွက်ထဲ အသွပ်ခံရပုံများကို ပြောသွားပါတယ်။ အဲဒီ့ အစဉ်အလာ အရိုးစွဲအတွေးအမြင်တွေ ပပျောက်အောင် ဆောင်ရွက်ဖို့က လူတိုင်းမှာ တာဝန်ရှိကြောင်းပေါ့။

အားလုံးခြုံလိုက်ရင် စိတ်ဝင်စားစရာ ကောင်းတဲ့ အစီအစဉ်လေးပါပဲ။ ဟောပြောသူတွေကလည်း တစ်ယောက်ကိုတစ်ယောက် ငဲ့ပြီး အချိန်တွေ အများကြီး ယူမသွားဘဲ တိုတိုကျဉ်းကျဉ်းနဲ့ ထိထိမိမိ ပြောသွားကြတာမို့ ကျစ်ကျစ်လစ်လစ် ရှိပါတယ်။ ဒါတောင် အခမ်းအနားပြီးတော့ ငါးနာရီ ထိုးခါနီးနေပါပြီ။ အချိန်ကို ငဲ့ရတာမို့ မူလ အစီအစဉ်အတိုင်း ပရိသတ်ရဲ့ မေးခွန်းတွေကို ဖြေကြားမယ့် အစီအစဉ်ကို ပယ်ဖျက်လိုက်ကြပါတယ်။

ကျွန်တော့်အတွက် နည်းနည်း စိတ်ကသိကအောက်ဖြစ်ဖို့ ကောင်းသွားတာကတော့ အဲဒီ့က တာဝန်ရှိသူ အမျိုးသမီးတစ်ယောက်က ပွဲအလယ်မှာ ကျွန်တော့်ကို သိပ် လမ်းမသလားပါနဲ့လို့ သူ့နားက အဖြတ်မှာ ပြောတာပါပဲ။ လမ်းသလားတာ မဟုတ်ပါဘူး။ ဓာတ်ပုံရိုက်နေတဲ့အတွက် သွားလာလှုပ် ရှားနေရတာပါလို့ ကျွန်တော် ပြောပေမယ့် သူက ဇွတ်ပြောနေပါတယ်။ နိုင်ငံခြားသူတစ်ယောက်ပါ။ စိတ်ထဲမှာ အလွန်မျက်သွားပါတယ်။ အဲဒီ့ပွဲမှာ နိုင်ငံခြားသား လူငယ် ဓာတ်ပုံဆရာတစ်ယောက်၊ မြန်မာ အမျိုးသမီး ဓာတ်ပုံဆရာမတစ်ယောက်နဲ့ နိုင်ငံတကာအဖွဲ့အစည်းတစ်ခုမှာ အလုပ်လုပ်နေတဲ့ မြန်မာတစ်ယောက်တို့လည်း ဓာတ်ပုံရိုက်နေကြပါတယ်။ သူတို့ဆိုရင် ပရိသတ်အားလုံးရဲ့ ရှေ့ကနေ မတ်တတ်ရပ်ပြီး ရိုက်ကြတာတွေတောင် ပါသေးတယ်။ ကျွန်တော်ကမှ ဘေးဘက်က ရိုက်တာပါ။ ဆရာမကြီး ဒေါ်မြင့်မြင့်ခင် ပြောနေတုန်းမှာသာ ဆရာမကြီးက ထိုင်ရာက မထဘဲ ပြောတာမို့ အလယ် မင်းလမ်းက သွားရိုက်ရပါတယ်။

ကျွန်တော်ကိုင်တဲ့ ကင်မရာကလည်း အပျော်တမ်း ကင်မရာဆိုပေမယ့် ကချော်ကချွတ်တော့ မဟုတ်ပါဘူး။ အငယ်တမ်း ပညာရှင်သုံး ကင်မရာမျိုးပါ။ တစ်ခုတော့ ရှိသပေါ့။ ကျွန်တော်က ဓာတ်ပုံရိုက်ရင် ဖြည့်စွက်မီးကို သုံးခဲတယ်။ သဘာဝ အလင်းရောင်နဲ့ ရိုက်တဲ့ အကျင့်ရှိတယ်။ မီးခွက်ကြီး တပ်ဆင်မထားတဲ့ ကင်မရာမို့ သူက အထင်သေးသလားတော့ မသိဘူး။ ဓာတ်ပုံရိုက်နေသူ လေးယောက်အနက်မှာ ကျွန်တော့်တစ်ယောက်ကိုပဲ ကွက်ပြီး အဲလိုပြောတော့ စိတ်ထဲ အတော် မျက်သွားပါတယ်။ အခမ်းအနားကလည်း တန်းလန်းမို့ အကျယ်အကျယ် မငြိမ်းဖွယ် မဖြစ်ချင်လို့သာ ကျွန်တော် ရှောင်ထွက်လာခဲ့ပါတယ်။ မဟုတ်လို့ကတော့ သူ့ကို ကောင်းကောင်း ပြန်ပြောဖြစ်သွားမှာ သေချာတယ်။

မြင်ရတွေ့ရခဲလှတဲ့ ကမ္ဘာကျော် မင်းသမီးကြီးကို အားပါးတရ တွေ့ရတာ၊ ဓာတ်ပုံတွေ ရိုက်ခွင့်ရလိုက်တာ၊ စကားပြောခွင့်ရလိုက်တာနဲ့ပဲ အဲဒီ့ အထစ်အငေါ့လေးကို ကျော်လွှားလိုက်နိုင်သွားပါတယ်။ ပွဲအပြီး လက်ဖက်ရည်ဝိုင်းမှာ မိတ်ဆွေတွေကို နှုတ်ဆက်ရင်း ဓာတ်ပုံပြပွဲကို ကြည့်ရပါတယ်။ အဲဒီ့ ဓာတ်ပုံတစ်ပုံဝယ်ရင် အယ်မာ ထော(မ်)ဆင်(န်)ရဲ့ လက်မှတ်ပါတဲ့ ကပ်ခွာလေးတစ်ခု ရမှာမို့ ဓာတ်ပုံနှစ်ပုံ ဝယ်လိုက်ပါတယ်။

ပြီးတော့ အယ်မာနဲ့ ဓာတ်ပုံတွဲရိုက်ပေါ့ဗျာ။ မင်းသမီးကြီးကလည်း သဘောမနော ကောင်းစွာပဲ၊ လူတကာနဲ့ ဖက်လှဲတကင်း ဓာတ်ပုံအရိုက်ခံ ပေးတာမို့ ကြည်နူးစရာ ကောင်းပါတယ်။

အပြန်လမ်းမှာ ကျွန်တော့်အိမ်သူက ပြောပါတယ်။

“ကမ္ဘာကျော်ကြီးပေမယ့် ပဲမများဘူးနော်”တဲ့။

ကျွန်တော်က သူ့စကား နောက်ကွယ်က အနက်ပွားကို ဆင်ခြင်မိရင်း ခေါင်းညိတ်ထောက်ခံလိုက်မိရပါတော့တယ်။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၁၆၁၀၁၁)

ကနေ့ (၂၀-၁၀-၁၁)ထုတ် Bi Weekly Eleven ဂျာနယ်ပါ စာတစ်ပုဒ်ကို ပြန်လည် တင်ဆက်လိုက်တာပါ။

ချွတ်ခြုံ

၁။

ကားမောင်းနေတုန်း ဖုန်းဝင်လာသည်။ ဖုန်းသံက အိမ်မှ ဆက်သည်ဟု တန်းသိနိုင်သော သီချင်းသံ။ ကားမောင်းနေတုန်းမို့ ဖုန်းကို ကျွန်တော် မထူးတော့ဘဲ ဘေးတွင် ထိုင်နေသော ဇနီးသည်လက်ထဲ ဖုန်းထည့်ပေးလိုက်သည်။

စကားအသွားအလာအရ ချက်ချင်း သိလိုက်ရပြန်သည်။ ကျွန်တော့်သမီး ကိုင်သော ပါလေရာဖုန်း ပျောက်သွားပြီ ဆိုခြင်းပင်။ ရုတ်တရက်တော့ စိတ်တိုသွားရပါသည်။ သို့သော် တစ်ဖက်ကလည်း ဝမ်းမြောက်ဝမ်းသာ ဖြစ်မိရပြန်သည်။

ကျွန်တော့်သားက ၁၈၊ သမီးက ၂၀။ သည်အရွယ်တွေက ပြောရဆိုရ အင်မတန်ကျပ်သည်။ တစ်ခုခုပြောလိုက်လျှင် “ဒါတော့ သားသိပါတယ်” “သည်လောက်တော့ သမီးနားလည်ပါတယ်”ဟု ပြန်ပြောတတ်ကြသော အရွယ်တွေ။ သည်ဖုန်းနှင့်ပတ်သက်ပြီးလည်း သတိပေးဖို့ အတန်တန် ကြိုးစားဖူးသည်။ သားကတော့ ကျွန်တော့်စကားကို နားထောင်ပြီး ဖုန်းယူသွားလျှင် ဖုန်းထည့်သော အိတ်ကလေးနှင့် လည်ပင်းမှာ ဆွဲသွားသည်။

ကျွန်တော့်သားက အင်မတန် အာရုံများသည့်ကောင်။ ဒါမှမဟုတ်လည်း သူ့စိတ်ကူးလေးထဲမှာ အလွန်အမင်းနစ်နေတတ်သည့်ကောင်။ ဘယ်လောက်များ ဆိုးလဲဆိုလျှင် သူ့ကိုယ်သူ ညစာစားပြီး မပြီးပင် ရံဖန်ရံခါ မမှတ်မိတတ်ချေ။ အကြင်သူသည် ဘာဟင်းနဲ့စားသလဲလို့ သူထမင်းစားအပြီး နာရီဝက်ခန့် အကြာတွင် မေးငြားအံ့။ သူ ပြန်စဉ်းစားမရတော့သည်မှာ မလွဲဧကန်။ သူ့ကိုယ်သူ ဘာဟင်းနဲ့ စားလို့စားမှန်းတောင် သတိရှိတဲ့ကောင်စားမျိုး မဟုတ်။

သည်တော့ ပါလေရာဖုန်းကို သူနှင့် တစ်စက်မှ စိတ်မချ။ ဘယ်နား ချထားခဲ့မှန်း မသိဖြစ်မည့်သူဟု ကျွန်တော် အပြည့်အဝ ယုံသည်။ ထို့ကြောင့် သူ့ကို ကျွန်တော် သေချာရှင်းပြကာ လည်ပင်းမှာ လွယ်စေခဲ့သည်။ သူကလည်း စကားနားထောင်ကာ သူ ထိုဖုန်းကိုင်တိုင်း လည်ပင်းမှာ ဆွဲထားတတ်ပါသည်။ (ကျေးဇူးတင်ပါတယ် ငါ့သား။)

သမီးကတော့ အလွန်ဂိုက်ပေးကြမ်းသော၊ ပြောရဆိုရလည်း အင်မတန် ခက်သော၊ ငါသိငါတတ် အင်မတန်လုပ်ချင်သော ကျွန်တော့်ဉာဉ်ဆိုး မှန်သမျှကို ပြည့်ပြည့်ဝ၀ ကျကျသန်သန် ဆက်ခံထားသူ ဖြစ်ထသည်။ သူ့ကိုကျတော့ ပြောလို့ တစ်စက်မှ မရခဲ့။

အခုတော့ ဖြစ်ပြီ။ ပါးစပ်နှင့် ပြောလို့မရတာကို အတွေ့အကြုံက သင်သွားလေပြီ။ ထိုအတွက် ဂျွမ်းထိုးချင်အောင် ဝမ်းသာနေမိရပါတော့သည်။

၂။

ထားပါ။

ပါလေရာ ဖုန်းပျောက်တာ ဘာမှ မဆန်း။ ကျွန်တော်ကိုယ်တိုင်လည်း ပျောက်ဖူးပါသည်။ ကျွန်တော်ပျောက်တာက ခါးမှ ထွက်ကျသွားခြင်းဖြစ်သည်။

မှတ်မှတ်ရရ၊ ပထမအကြိမ် စာနယ်ဇင်းအဆိုပြိုင်ပွဲ ကျင်းပစဉ်ကဖြစ်သည်။ အဲတုန်းက ပါလေရာဖုန်းတွေ သည်လောက် မပေါသေး။ ဂျီအက်(စ်)အယ်(မ်)ဖုန်းမှ တကယ့်ပေါ်ဦးပေါ်ဖျားကာလ။ ဖုန်းကံကောင်းသည့် ကျွန်တော်က ပထမဆုံးအသုတ် ဂျီအက်(စ်)အယ်(မ်)တစ်လုံးကို ကျပ်ငွေငါးသိန်းနှင့် ရလိုက်သည်။ အဲတုန်းက ဆင်း(မ်)ခါ့(ထ်)ဟု ခေါ်သော ဖုန်းကတ်တင်ရတာ မဟုတ်။ ဟဲ(န်)ဆက်(ထ်)ဟုခေါ်သော ဖုန်းအလုံးလိုက်တောင် ရလိုက်သေး။ ဆီးမဲ(န်)(စ်) အမျိုးအစားဖြစ်သည်။

စာနယ်ဇင်းအဆိုပြိုင်ပွဲကျင်းပရာ နေရာက ယုဇနဂါးဒင်း(န်)ဟိုထဲ(လ်)မှာ။ ထိုအချိန်က ယုဇနခြံဝင်းအတွင်းမှာ ဈေးရောင်းပွဲလည်း ရှိနေသည် ဖြစ်ရာ လူအုပ်က ကြက်ပျံမကျ။ လူကြားထဲမှာ တိုးရင်း ဝှေ့ရင်းဖြင့် ခါးတွင်ချိတ်ထားသော တယ်လီဖုန်းက အလုံးလိုက် ပြုတ်ကျ ကျန်ရစ်သည်။ ခါးမှာ အိတ်ပဲ ကျန်သည်။

ကျွန်တော် မသိသေးပါ။ အဆိုပြိုင်ပွဲသို့ ရောက်နေသူ နောက်တစ်ဦးထံ ကျွန်တော့်အိမ်က ဖုန်းဆက်သည်။ ဖုန်းကောက်ရထားကြောင်း အိမ်ကို ဖုန်းဆက် အကြောင်းကြားထားသဖြင့် ပွဲခင်းမှ တာဝန်ရှိသူများထံတွင် သွားရွေးဖို့ လှမ်းပြောခြင်းဖြစ်သည်။ အဲတော့မှ ခါးမှာ ဖုန်းအိတ်ပဲရှိပြီး ဖုန်းမရှိတော့မှန်း ကျွန်တော် သိသည်။

မိနစ်ပိုင်းအတွင်း ကျွန်တော့်ဖုန်း ပြန်ရခဲ့ပါသည်။

၃။

အဲဒီ့နောက် သိပ်မကြာခင်မှာ မိတ်ဆွေအစ်မကြီးတစ်ဦးက လောပျာပျာဖြင့် ဖုန်းဆက်သည်။ သူ့ခင်ပွန်း မူးမူးနှင့် ဖုန်းပျောက်သည့်အကြောင်း။ သူ့ခင်ပွန်းက မူးလို့ကောင်းနေဆဲမို့ မောင်ရင်းသဖွယ် ခင်မင်နေသူ ကျွန်တော့်ကို လှမ်း အကူအညီတောင်းခြင်းဖြစ်သည်။

ဖုန်းကိုတော့ ပြန်တွေ့ပြီ။ တစ်ဖက်က ငွေတောင်းနေသည်တဲ့။ အဲဒါကို ကျွန်တော်က လိုက်ရှင်းပေးဖို့ဖြစ်သည်။

ကျွန်တော်လိုက်သွားရပါတော့သည်။ ကျွန်တော့်အိမ်နှင့် မဝေးလှသော ရပ်ကွက်လေးတစ်ခုကို ဖြစ်သည်။ တစ်မိသားစုလုံးက ကျီးများ အာသလို ဝိုင်းအာနေကြသည်။ ပြန်ပေးသည့်အတွက် သူတို့ကို ငွေတစ်သိန်းလောက် ဆုချစေချင်သော စကားတွေပြောကြသည်။ အစ်မကြီးနှင့် ကျွန်တော် ညှိပြီးသား။ အစ်မကြီးကလည်း ကျွန်တော့်ကို ပိုက်ဆံပေးပြီးသား။ ငါးသောင်းတာ့ ပေးမည်ဟု အစ်မကြီးက ယတိဖြတ်ပြီးသား။

ပြောရင်းနှင့် ကျွန်တော် စိတ်ချဉ်ပေါက်လာသည်။ မူကို ဦးထိပ်ထားတတ်သော ကျွန်တော့်စိတ်နှင့် ဟိုမိသားစု၏ ပြောပေါက်တွေက ဖီလာ ကန့်လန့်။ ကိုယ့်ပစ္စည်းလည်းမဟုတ်၊ ကိုယ်လည်း ဘာမှ လုပ်ပိုင်ခွင့်မရှိသော အရာတစ်ခုဖြစ်သလို ကောက်ရသောပစ္စည်းဆိုတာ ပိုင်ရှင်ပေါ်လာလျှင် ပြန်ပေးရမည်မှန်း သိသိကြီးနှင့် မာန်တက်နေတာကို ခံတွင်းမတွေ့တော့။

နောက်ဆုံးတော့ ကျွန်တော်ကပင် စကားရောဖောရော လုပ်ကာ ငါးရာတန် ငွေစက္ကူတစ်ထပ်ကို လုံးထွေးပြီး ပေးလိုက်ကာ တယ်လီဖုန်းကို ပြန်ယူလာခဲ့သည်။

ကားပေါ်ရောက်တော့ အစ်မကြီးလက်ထဲကို ငွေသုံးသောင်း ပြန်အပ်လိုက်သောအခါ အစ်မကြီးက အံ့တွေ ဩနေပါသည်။

“ငွေညှစ်သလို လုပ်နေတာကို မုန်းလာလို့ တမင်လျှော့ပေးပစ်ခဲ့တာ”ဟု ကျွန်တော် ပြောလိုက်ရပါသည်။

၎။

အခု သမီးဖုန်းပျောက်တော့ သမီးလည်း ဒေါင်းတောက်နေသည်။ အိမ်မှာ ကျန်ခဲ့သော သားတော်မောင်လည်း ဒေါင်းတောက်နေသည်။ သူရို့အမေကလည်း မျက်နှာအိုအိုဖြင့် ဟိုသည်လျှောက်ဆက်နေလေသည်။ ကျွန်တော်က ပွဲကြည့်ပရိသတ်။ ပွဲကြည့်ပရိသတ်မှ ရိုးရိုးမဟုတ်၊ ဆိုခဲ့သည့်အတိုင်း အူမြူးနေသော ပွဲကြည့်ပရိသတ်ဖြစ်သည်။

ပျောက်သွားသော ဖုန်းကို ဆက်ကြသည်။ ဟိုက ဖုန်းမကိုင်။ မကိုင်သည့်အပြင် ပိတ်တောင် ထားလိုက်ပြန်သေးသည်။

အတန်ကြာတော့ အိမ်ဖုန်းကို ထိုနံပါတ်ဖြင့် လှမ်းဆက်သည်။ ဘာမှတော့ အသံမပေး။ သားတော်မောင်က တောင်းပန် မေတ္တာရပ်ခံသမျှကို နားထောင်သွားသည့်တိုင် ဘာသံမှ ပြန်မပေး။

ကျွန်တော်တို့ ဖုန်းပျောက်သည့်သတင်းက ကျွန်တော့်သမီးသူငယ်ချင်းတွေ၊ သမီးသူငယ်ချင်း၏ အမေတွေ၊ ကျွန်တော့်ဇနီးသူငယ်ချင်းတွေ အကုန်လုံးကြားမှာ တောမီးသဖွယ် ပျံ့သွားသည်။ အားလုံးက ထိုဖုန်းကို ဝိုင်းဆက်ကြသော်လည်း အဆက်အသွယ် မရ။ ဟိုက ဖုန်းကို ပိတ်လိုက်လေပြီ။

ထိုနေ့က ၂၀ဝ၉ ခုနှစ် ဇန်နဝါရီ ၃ ရက် စနေနေ့ဖြစ်သည်။ နောက်တစ်နေ့ လွတ်လပ်ရေးနေ့က တနင်္ဂနွေ။ သက်ဆိုင်ရာကို အကြောင်းကြားပြီး ဖုန်းပိတ်ခိုင်းဖို့က တနင်္လာနေ့အထိ စောင့်ရမည်။ ထိုကြားထဲမှာ ဖုန်းကို ကောက်ရထားသူက ထိုနံပါတ်မှတစ်ဆင့် နှစ်သက်ရာကို ဖုန်းဆက်ထားနိုင်သည်။ ဖုန်းခတွေ တစ်ပုံတစ်မ ကျနိုင်သည်။ ထိုဖုန်းခတွေကို ကျွန်တော်သာ ခံပေရော့။

သို့သော် ထိုဖုန်းကို နိုင်ငံခြားသို့ ခေါ်မရအောင် ကျွန်တော် လုပ်ထားပြီးသားမို့ သိပ်တော့ မပူမိချေ။ နှစ်ရက်အတွင်း သေအောင်ဆက်တောင်မှ ငါးသောင်းပင် ကျမည်မဟုတ်မှန်း တွက်မိသောကြောင့်ပင်။

သက်ဆိုင်ရာကို အကြောင်းကြားပြီး ဖုန်းကို ပိတ်လိုက်၊ ဖုန်းကတ် အသစ်ပြန်လုပ်၊ ဖုန်းအသစ်တစ်လုံး ပြန်ဝယ်၊ ဘာညာဆိုလျှင် စုစုပေါင်း သုံးသိန်းလောက်တော့ အခြောက်တိုက် ထီပေါက်ပေရော့မည်။ သို့သော် လက်ရှိ ကျွန်တော့် ဘဏ္ဍာရေးအခြေအနေနှင့် ထိုမျှ ငွေသည် တနင့်တပိုးဖြစ်နေသည့်တိုင် သိပ်တော့ ဝန်မကြီးလှပါ။ သမီးတော် ရသွားသည့် သင်ခန်းစာအတွက် ဈေးကြီးလှသော သင်တန်းကြေးသာဖြစ်ပေလိမ့်မည်။

၅။

သို့သော် ကျွန်တော် စိတ်မကောင်းခြင်းကြီးစွာ ဖြစ်ရပါသည်။

ကျွန်တော့်အတွက်လည်း စိတ်မကောင်းတာမဟုတ်၊ သမီးအတွက်လည်း စိတ်မကောင်းတာမဟုတ်ချေ။

ကျွန်တော်တို့ မြန်မာလူမျိုးများအတွက် စိတ်မကောင်းဖြစ်ရခြင်းဟုဆိုလျှင် ကြီးကျယ်လှရန်ကောဟု အဆွေစာဖတ်သူ တွေးကောင်း တွေးပါလိမ့်မည်။

ဟုတ်ကဲ့… ကိုယ့်ထမင်းကိုယ်စားကာ တစ်ပြည်လုံးကို မနေနိုင် မထိုင်နိုင် ခေါင်းပေါ်ရွက်ထားလေ့ရှိသော ကျွန်တော့်မှာ တကယ့်ကို ရင်နာ ညှိုးခြုံး စိတ်နှလုံးမချိ ဖြစ်မိရသည်ကား အမှန်ပင်။

“ကိုယ်နှင့်မဆိုင် ခွင့်မပိုင် ဆွဲကိုင်မကြည့်ရ”ဟူသော အခြေခံနီတိလေးကိုသော်မျှ လိုက်နာ မနေနိုင်အား၊ “ကိုယ့်ချွေးနှဲစာနှင့် ရှာဖွေရ ရှိထားတာ မဟုတ်သော သူတစ်ပါးပစ္စည်းကို အလကား မလိုချင်ဘူး”ဆိုသည့် အခြေခံ လူ့မာနလေးပင် ထားရကောင်းမှန်း မသိလေသည့် စာရိတ္တ ချွတ်ခြုံကျမှုများ တစ်နေ့တခြား တိုးပွားနေသော အခြေအနေကို သည်ဖုန်းကိစ္စတွေက အတိအလင်း ညွှန်ပြလျက်ရှိပါသည်။

၆။

ကျွန်တော်တို့က ဆက်လျှင်လည်း မကိုင်တော့ဘဲ ဖုန်းပိတ်ထားတာ၊ သူက တစ်ခါ ဆက်လာသော်လည်း ဘာသံမှ မထွက်တာများကို ကြည့်ပြီး ဆက်စပ် ဆင်ခြင်ကြည့်ရသော် ထိုကောက်ရထားသူသည် ထိုဖုန်းကို ပြန်ပေးလိုစိတ် လုံးဝ မရှိတော့တာ သေချာနေပါပြီ။

ဘာ့ကြောင့် ပြန်ပေးလိုစိတ် မရှိတော့တာပါနည်း။

ဟုတ်ကဲ့… သူသည် ထိုဖုန်းကို ရောင်းစားပါတော့မည်။ ဖုန်းက ဆိုနီ အရစ်(ခ်)ဆင်(န်) စမာ့(ထ်)ဖုန်းဖြစ်သည်။ အသစ်မှ နှစ်သိန်း ပတ်ဝန်းကျင် ပေးလျှင် ရနိုင်သော ဖုန်းမျိုးဖြစ်သည်။ အဟောင်းကို သွားပြန် ရောင်းလျှင် အလွန်ဆုံးမှ တစ်သိန်းလောက်ပဲ ရခြိမ့်မည်။ ခိုးရာပါပစ္စည်းမှန်း ဝယ်သူက ရိပ်မိလျှင် ထိုမျှပင် ရတော့မည်မဟုတ်။ လေး-ငါး-ခြောက်သောင်းက အလွန်ဆုံး ဖြစ်သည်။ (ဖုန်းဆက်ဖို့ဆိုလျှင်တော့ ထိုသူ ထိုမျှ မိုက်မဲမှာ မဟုတ်တာ သေချာပါသည်။ တနင်္လာနေ့ ရောက်သည်နှင့် ထိုဖုန်းမှာ ဆက်၍ရတော့မည် မဟုတ်ပေ။)

ဒါဆိုလျှင် သူ ပြန်မပေးဘဲ ထားလိုက်သည်မှာ ငွေလေး လေး-ငါး-ခြောက်သောင်းကို မက်သောကြောင့်သာဖြစ်လောက်သည်မှာ အလွန် သေချာသွားလေပြီ။

၇။

မက်တာပေါ့။ ပိုက်ဆံတော့ ကျွန်တော်လည်း မက်တာပေါ့။

အခုခေတ်မှာ ပိုက်ဆံက ပိုမက်စရာကောင်းလာသည်။ လိုချင်စရာတွေက အများသား မဟုတ်ပါလား။ စားဝတ်နေရေး ဖူလုံရုံမျှဖြင့် မတင်းတိမ်နိုင်လောက်အောင် လိုချင်စရာတွေက ကျွန်တော်တို့ ပတ်ဝန်းကျင်မှာ အောတိုက်နေသည်။ ကားရှိသူကလည်း လက်ရှိထက် နံပါတ်ပိုမြင့်သောကား၊ မော်ဒယ်(လ်)ပိုမြင့်သော ကားကို မက်သည်။ အိမ်ရှိသူတွေကလည်း လက်ရှိထက် ပိုမိုသစ်လွင်ကျယ်လွင့်သော အိမ်ကို အလိုရှိသည်။ ရုပ်သံစက်ရှိသူတွေအတွက်လည်း မက်ချင်စရာ၊ ဘယ်နှရာခိုင်နှုန်းတောင် လျှော့ပေးဦးမည်ဆိုသည့် ကြော်ငြာတွေကြားမှာ အံတကြိတ်ကြိတ်။ ဖုန်းရှိသူတွေဆိုလည်း ကိုယ့်လက်ထဲက ဖုန်းထက် သူများကိုင်သော ဖုန်းကမှ ပိုမက်စရာကောင်းနေပြန်သည်။

ယုတ်စွအဆုံး၊ စားစရာသောက်စရာမှာပင် စားချင့်စဖွယ် ဆင်ယင် ထုတ်ပိုးထားသော စားစရာတွေက သည်ခေတ်မှာ ပိုများလာသည်။

သည်တော့ လူတွေ ငွေမက်တာ မဆန်းပါ။ ကြွယ်ဝချင်တာ မဆန်းပါ။

၈။

ဆန်းတာက ငွေကြေးကို မက်မောရကောင်းမှန်းသိလာသလို ကြွယ်ဝလိုစိတ် အပြည့်နှင့် ထိုလူတွေကား အသိဉာဏ်နှင့် စာရိတ္တအရာမှာ ချွတ်ခြုံကျသည်ထက် ကျကျလာတာပင်ဖြစ်သည်။

ဘယ်သူသေသေ ငတေမာပြီးရောဆိုသော “ငတေစိတ်”တွေ ဖွံ့ထွားလွန်းမက ဖွံ့ထွားနေသော ခေတ်ကြီးတစ်ခေတ် ဖြစ်လို့လာနေတာကို ကျွန်တော်တို့ မြင်နေရသည်။ ဒါ ဖွံ့ဖြိုးဆဲ ကျွန်တော်တို့ဆီမှာချည်း မဟုတ်။ မကြာမတင်ကမှ ဖွံ့ဖြိုးစပြုလာသော အိမ်နီးချင်းနိုင်ငံတွေမှာလည်း ထို “ငတေစိတ်”တွေက ထွန်းကားတန်သလောက် ထွန်းကားလို့ နေပါသည်။

ရုပ်ဝတ္ထုများ တိုးတက်ဖွံ့ဖြိုးလာခြင်းနှင့် အချိုးညီစွာ စိတ်ဓာတ်ပိုင်းမှာ ယိုယွင်းပျက်စီးလာသည်မှာ ဖွံ့ဖြိုးပြီးနိုင်ငံများတွင် ပိုမိုသိသာလို့ နေသည်။ ထို့ကြောင့်လည်း အသိဉာဏ်ရင့်သန်သူ အနောက်တိုင်းသားများက ဗုဒ္ဓ တရားတော်များမှတစ်ဆင့် ငြိမ်းအေးမှုကို ဖွေရှာလာတတ်ကြသလို တချို့တွေကလည်း မဖွံ့ဖြိုးသေးသော အရှေ့တိုင်း နိုင်ငံများတွင် ခေါင်းချနိုင်ရန် ရည်သန်လျက် ရွှေ့ပြောင်းအခြေချ နေထိုင်လျက်ရှိကြခြင်းပင်ဖြစ်သည်။ သူတို့က သူတို့ ကျင်လည်ရာ လူ့ဘောင် အသိုင်းအဝိုင်းထဲက စိတ်ဓာတ် ယိုယွင်းပျက်စီးမှုကို မခံစားနိုင်ကြ၊ မခံစားလိုကြတော့ချေ။

အခုပဲကြည့်။ နယ်မြို့လေးတစ်မြို့တွင်ဖြစ်စေ၊ ကျေးရွာလေးတစ်ခုတွင် ဖြစ်စေ၊ ဖုန်းကျပျောက်ခဲ့သည်ဖြစ်ပါက အလွယ်တကူ ပြန်ရဖို့ ၉၅ % သေချာသော်လည်း မဟာရန်ကုန် ရွှေမြို့တော်ကြီးတွင် ကျပျောက်သွားပြီဖြစ်သောကြောင့် ပြန်မရဖို့ ရာနှုန်းပြည့် သေချာနေပါလေပြီ။

၉။

စိတ်ဓာတ်ပိုင်းဆိုင်ရာ ဖွံ့ဖြိုးမှု၊ အသိဉာဏ်ဖွံ့ဖြိုးမှု၊ စာရိတ္တဖွံ့ဖြိုးမှုကို ရုပ်ဝတ္ထု တိုးတက်မှုနှင့်အညီ ဆက်လက်တည်တံ့အောင် ထိန်းသိမ်းနိုင်ရန်မှာ နည်းက တစ်နည်းတည်းသာ ရှိပါသည်။ ထိုနည်းကား လူအများ စာဖတ်လာအောင် အနည်းစုက ဝိုင်းဝန်း လှုံ့ဆော်ကြိုးပမ်းရမည့် နည်းသာဖြစ်ပါသည်။

မြန်မာပြည် လူဦးရေက သန်း၅၀၊ အရောင်းရဆုံး စာနယ်ဇင်းစောင်ရေက သောင်းဂဏန်း၊ ရန်ကုန်လူဦးရေက အကြမ်းဖျဉ်း ငါးသန်း၊ ရန်ကုန် စာအုပ်အရောင်းက အရောင်းရဆုံးစာအုပ်မှ ထောင်ဂဏန်း။ ကန်တော်ကြီး မျှော်စင်ကျွန်းက လူသုံးကုန်ပစ္စည်းရောင်းသော ဈေးပွဲတော်မှာ လူတွေ ကြိတ်ကြိတ်တိုး၊ ထိုနေရာမှ စာအုပ်ဈေးပွဲတော်ကား ချောက်တိချောက်ချက်။

ဈေးပွဲတော်တစ်ခုတွင် ကျွန်တော့်ထုတ်ဝေသူ ဇနီးသည်က ဆိုင်ဖွင့်ချင်လှသည်ဆိုသဖြင့် ကျွန်တော် သွားဖွင့်ဖူးသည်။ ဘေးဆိုင်က မိတ်ကပ်တွေ နှစ်သောင်းကျော်ဖိုး ဝယ်သည့် သားသည်မအေက ကျွန်တော့်ဆိုင်က ကျပ် ၅၀ဝ တန် ကလေးဖတ် စာအုပ်လေး လိုချင်သည့် သူ့သားငယ်ကို ငေါက်ငမ်းကာ ဆောင့်ဆွဲခေါ်သွားသည်ကို မျက်စိနှင့် တပ်အပ်မြင်ဖူးလိုက်ပါသည်။

ဟုတ်ကဲ့…

သည်လိုပုံနှင့်ကတော့…

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(၀၄၀၁၀၉)

(စာကြွင်း – ကျွန်တော့်သမီး ဖုန်းပျောက်သော ၂၀ဝ၉ ခုနှစ် ဇန်နဝါရီလ ၃ ရက်နေ့မှာပင် တူမ ဆရာဝန်မလေး၏မိတ်ဆွေ ဆရာဝန်မလေး နှစ်ဦး၏ ပါလေရာဖုန်းနှစ်လုံးမှာလည်း အလားတူပင် ပျောက်သွားခဲ့ကာ ထိုဖုန်း နှစ်လုံးမှာလည်း လုံးဝ စုပ်စြုမပ်စပျောက်သွားခဲ့သည်ဟု ကြားသိလိုက်ရပြန်ပေရာ…)

(၂၀၀၉ ခုနှစ် ဇန်န၀ါရီလ ဒုတိယပတ်တွင် ထုတ်ဝေသော Bi Weekly Eleven ဂျာနယ်ပါ ဆောင်းပါးကို ပြန်လည် တင်ဆက်လိုက်တာပါ။ ကနေ့ပဲ ကျွန်တော့် အိမ်ကို လာလည်တဲ့ ကျွန်တော့်သမီးအရွယ် ကလေးမလေးတစ်ယောက်ရဲ့ ပါလေရာဖုန်းလည်း ပျောက်သွားပါတယ်။ ကျွန်တော့်အိမ် အလာမှာ သူ စီးလာတဲ့ အငှားယာဉ်ပေါ်မှာ ကျကျန်ရစ်ခဲ့တာပါ။ ကျွန်တော့်သမီး ဖုန်းပျောက်တုန်းကအတိုင်း တစ်ထပ်တည်းပဲ ဖြစ်ပါတယ်။ ပြန်ရစရာ လမ်းမမြင်တော့တာ သေချာသွားပါပြီ။ ဒါ့ကြောင့် လွန်ခဲ့တဲ့ နှစ်နှစ်ကျော်က ရေးခဲ့ဖူးတာလေးကို ပြန်ရှာပြီး အမှတ်တရ ပြန်တင်လိုက်တာပါပဲခင်ဗျား။)

Believe it or not?

ကဲ… မယုံချင်နေ…

လေယာဉ်နဲ့ ကျွန်တော်က ဖွားဖက်တော်လို့တောင် ဆိုနိုင်ပါတယ်။ အသက် နှစ်လသား မပြည့်ခင်ကတည်းက လေယာဉ်စ စီးရတာကိုး။ ၁၉၅၈ ခုနှစ် ဇန်နဝါရီလထဲလောက်မှာ ဖြစ်လိမ့်မယ်ထင်တယ်။

ဆန်းတော့လည်း မဆန်းပါဘူး။ ကျွန်တော့်အဖေက အဲဒီ့အချိန်က တည်ဆောက်ဆဲ လောပိတ လျှပ်စစ် ဓာတ်အားပေး လုပ်ငန်းက ဝန်ထမ်းဆိုတော့ သျှောင်နောက်ကို ဆံထုံးတင် လိုက်ရတာမဟုတ်ဘဲ ဆံညှပ်လေး ပိစိကွေး ကျွန်တော်ပါ အချောင်ပါသွားရတော့တာပါ။

အခုဆို ကျွန်တော့်အသက်က ၅၄ နှစ်ထဲမှာ။ အဲဒီ့အတောအတွင်း စီးလိုက်ရတဲ့ လေယာဉ်ခရီးစဉ်တွေဆိုတာ မနည်းပါဘူး။ သမုဒ္ဒရာကြီး ကျော်ဖြတ်ပြီး အချိန်ကာလကို ကျော်လွှားသွားရတဲ့ ခရီးစဉ်တောင် ပါခဲ့ဖူးသေးတယ်။

သို့ပေမယ့်ဗျာ… မြေပြင်ကနေ ပေပေါင်း နှစ်သောင်းနဲ့မှ ရှစ်ထောင် အမြင့်မှာ လေယာဉ် ပျံသန်းနေတုန်း လေယာဉ်မယ် တစ်ယောက် တာတိုပြေးပွဲဝင်သလို အူယားဖားယားပြေးတာ တစ်သက်နဲ့ တစ်ကိုယ် တစ်ခါဆို တစ်ခါဖူးမှ မမြင်ခဲ့ဖူးပါဘူး။ မြင်မယ့်မြင်တော့ မနေ့ တစ်နေ့ကမှ ခင်ဗျ။

၂၀၁၁ ခုနှစ် မတ်လ ၂၄ ရက်နေ့မှာ ကျွန်တော်တို့ မိသားစု ဇင်းမယ်ကနေ ရန်ကုန်ကို ပုဂံလေကြောင်းနဲ့ ပြန်လာကြပါတယ်။ အဲဒီ့အချိန်မှာ တွေ့လိုက်ရတာပါ။ ဟုတ်မဟုတ်တော့ မသေချာဘူး၊ ခရီးသည်တွေကို ကျွေးမွေးပြီးလို့ လေယာဉ်ပဲ့ပိုင်းမှာ သိမ်းစရာ ရှိတာ သိမ်းနေကြတုံး သူတို့ဆီမှာ အချက်ပေးသံတို့၊ အချက်ပြမီးတို့ ပေါ်သွားလို့လား မသိဘူး။ လေယာဉ်မယ်လေး ကျွန်တော့်ဘေးကနေ လှစ်ခနဲ ပြေးချသွားလိုက်တာ မျက်စိနဲ့ တပ်အပ်မြင်လိုက်ရပါတယ်။

အား… ဘယ်ဟုတ်မတုန်း။ သူ့ခမျာ ပြေးသင့်လို့ ပြေးရတာပါ။ သူ သွားတာက ကျွန်တော်တို့ ရှေ့ ခုံတန်း ငါးတန်းအကျော်လောက်ကို ပြေးတာပါ။ အဲဒီ့ ခုံတန်းမှာ ထိုင်နေတဲ့သူနှစ်ဦးထဲက တစ်ဦးက လေယာဉ်ရဲ့ အရေးပေါ်ထွက်ပေါက် အဖွင့်ခလုတ်ကို သွားဆွဲလို့ ပြေးရတာမှန်း ကျွန်တော်တို့ သိလိုက်ရပါတယ်။ သိဆို လေယာဉ်မယ်လေးက အဲဒီ့ခလုတ် ကို တဖိဖိ လုပ်နေတော့တာကိုး။

အဲဒါနဲ့လည်း သူ စိတ်မချဘူး၊ အဲဒီ့ ခရီးသည်နှစ်ဦးကို နေရာပြောင်းခိုင်းပါတော့တယ်။ အဲလိုနဲ့ ကျွန်တော့်ရှေ့ ငါးတန်းအကျော်က နှစ်ဦးဟာ ကျွန်တော်တို့နောက် နှစ်တန်းကျော်က လေယာဉ်မောင်မယ်များအတွက် ထားရှိတဲ့ ခုံကို ရွှေ့လာကြရပါတယ်။ ဘယ့်နှယ့်ဟာတွေတုံးဆိုပြီး စူးစမ်းချင်မိလို့ ကြည့်လိုက်မိရတော့ သားအမိလို့ ယူဆရတဲ့ မြန်မာအမျိုးသမီး နှစ်ယောက်ပါခင်ဗျ။

ခုခေတ်စကားနဲ့ ပြောရရင်တော့ အဲဒီ့နှစ်ယောက်ဟာ သူတို့ပဲ ဘာမှ အမှားမလုပ်မိသလို “ရုပ်တည်ကြီးတွေနဲ့” ချီတက်လာပါတယ်။ ဘာပြုလို့များ အဲဒီ့အရေးပေါ် ထွက်ပေါက် ခလုတ်ကို သွားဆွဲရတာလဲဗျာလို့ မေး ကြည့်ချင်စိတ်က တဖွားဖွားပေါ်ပါတယ်။ သို့ပေမယ့် သည်အခြေအနေမှာ သင်းတို့ ရှက်ရမ်း ရမ်းမဲ့ အရေးကို တွေးမိရတဲ့အတွက် သိချင်စိတ်ကို ဇွတ်မျိုချရင်း အသာငြိမ်နေလိုက်ရပါတော့တယ်။

လေယာဉ်မယ်လေးခမျာ စိတ်မချရှာဘူး။ ဟိုသားအမိ ထသွားတဲ့ နေရာမှာ ထိုင်လိုက်၊ ထလိုက်နဲ့ အဲဒီ့ ခလုတ်ကို ဖိနေ၊ စမ်းနေရရှာတယ်။ နောက်ဆုံးမှာ လေယာဉ်မှူးကြီးကိုယ်တိုင် ရောက်လာ၊ စစ်ဆေးပြီးတော့မှ ကိစ္စပြီးသွားပါတယ်။

ထပ်ပြောပါရစေနော်… ဇင်းမယ်က ရန်ကုန်ကို လာတဲ့ ခရီးစဉ်ပါ ခင်ဗျာ။ ဒါကို ထပ်ပြောရတာက အဲဒီ့ နှစ်ယောက်ဟာ အခုမှ လေယာဉ်ကို ပထမဆုံး စစီးဖူးသူတွေ မဖြစ်နိုင်တာပါ။ ပြီးတော့ သမီးလုပ်သူက ဂါဝန်နဲ့ ဘာနဲ့ အကျအန ဆိုတော့လည်း ခေတ်နဲ့အထိုက်အလျောက်တော့ ညီနေပါသေးတယ်။

စာမတတ်သူတွေများလားလို့ ဖော့တွေးလည်း ဖြစ်နိုင်စရာ သိပ်တော့ အကြောင်းမရှိပါဘူး။ အဲဒီ့အရေးပေါ်ထွက်ပေါက် အဖွင့်ခလုတ်က အနီရောင်ဖြစ်သလို “ထွက်ပေါက်”ဆိုတဲ့ စာတန်းကိုလည်း အင်္ဂလိပ်-မြန်မာ နှစ်ဘာသာနဲ့ အနီရောင်ပဲ ထင်ထင်ရှားရှား ရေးထားပါတယ်။ အဲဒါကိုမှ ဘာပြုလို့ သွားဆွဲတာလဲဆိုတာ ကျွန်တော့်အတွက်တော့ အဖြေရှာ မရတဲ့ ပုစ္ဆာတစ်ပုဒ်ဖြစ်နေခဲ့ပါတယ်။

ဖြစ်ချင်တော့ အဲဒီ့ကနေ နှစ်ပတ်အကြာ မေလ ၇ ရက်နေ့မှာ တောင်ငူကို စာပေဟောပြောပွဲ သွားရပြန်ပါတယ်။ ဟောပြောပွဲစီစဉ်သူတွေက အသွားအပြန်ကို ခရီးသည်တင် မှန်လုံ လေအိတ် ဘတ်(စ်)ကားကြီးတွေ စီစဉ်ပေးပါတယ်။ ကားတွေက ကားသစ်ကြီးတွေဖြစ်တော့ အင်မတန် ငြိမ့်ငြိမ့်ငြောင်းငြောင်း ရှိပါတယ်။ လေအေးစက်ကလည်း အသွားတုန်းက ကားက သိပ်မအေးပေမယ့် အပြန်ကားက အတော်အေးတယ်။ အသွားတုန်းက သိပ်မအေးဘူးဆိုသည့်တိုင် အပြင်မှာ ခြစ်ခြစ်တာက် ပူနေတာနဲ့ စာရင် အတော်နေသာထိုင်သာ ရှိတဲ့ အပူချိန်မို့ သက်သောင့်သက်သာပါပဲ။

သို့သော်… အသွားမှာရော၊ အပြန်မှာပါ ယာဉ်မောင်းနဲ့ ယာဉ်နောက်လိုက်တွေက ကျွန်တော်တို့ နောက်ဖက်က ခရီးသည်တွေကို ဘေးမှန်တွေ မဖွင့်ကြပါနဲ့လို့ လှမ်းလှမ်းအော်ရတာ ငါးခေါက်စီလောက် ကျပါတယ်။ အသွားတုန်းကလဲ သူတို့မှာ အတော်အော်ရရှာတယ်။ အပြန်ကျတော့လည်း အော်ရရှာတယ်။

အဲတော့မှ ကျွန်တော်လည်း လေယာဉ်ပေါ်က သားအမိကို သွား သတိရမိပါတော့တယ်။ အင်း… အဲဒီ့သားအမိလည်း သည်ခရီးသည်တွလိုပဲ နေမှာဆိုတဲ့အတွေးနဲ့ ပြုံးမိရပါတယ်။

ဟုတ်တယ်လေ… တချို့က မှန်လုံကားနဲ့ သိပ်ယဉ်ပါးတာ မဟုတ်ဘူး။ မွန်းကျပ်ရှာကြမှာပေါ့။ သူတို့ တစ်သက်လုံး အစီးများလာခဲ့တဲ့ကား ဆိုတာတွေက ဘေးမှန်တွေ ဖွင့်ထားရင်လည်း ဖွင့်ထား၊ ဒါမှမဟုတ်လည်း ကုန်တင်ယာဉ်ကြီးငယ်ရဲ့ နောက်ပိုင်း ကုန်တင်တဲ့နေရာကို ပျဉ်ပြား ဘယ်ညာ ဆင်ရိုက်ထားပြီး ကားဦးတည်ရာကို ပုခုံးလှည့်ထားရာတဲ့ ခရီးသည်တင်ကားမျိုးတွေရင်လည်း ဖြစ်နေခဲ့မှာမို့ အသက်ကို ဝအောင် ရှူနိုင်ရုံသာမက လူတောင် လွင့်မကျန်ရစ်အောင် မနည်း ကိုင်တွယ်ထားရတဲ့ လေတိုးမှုကို ခံစားခဲ့ရမှာလေ။ အဲဒါတွေနဲ့ အသားအကျ လွန်သွားတာ့ လေလုံးလုံး မတိုးတဲ့ မှန်လုံကားတွေထဲမှာ ဗျာတွေ များကုန်ပြီး လျှောက်ဖွင့်ကြတာနေမှာပေါ့။

အင်း… ဟိုသားအမိခမျာလည်း အလုံပိတ် လေယာဉ်ထဲ မွမ်းရှာကြ မှတ်တယ်။ တော်သေးတယ်။ လေယာဉ်ပြတင်းတွေက အသေပိတ်တွေမို့၊ ခရီးသည်တင်ကားတွေမှာလို အရှင်သာဆိုလို့ကတော့ လေယာဉ်မယ်လေးတွေခမျာ တစ်နေ့တစ်နေ့ ပြေးလိုက်ရမယ့် ဖြစ်ခြင်း… အံမယ်မင်းတဲ့မှ မင်း…

ဇာတ်လမ်းက သည်မှာ ဆုံးရမှာ။ မဆုံးချင်တော့ နောက်ဆက်တွဲနဲ့ တွေ့တယ်။ သည်အဖြစ်ကို စင်္ကာပူက ပြန်လာပြီး ကျွန်တော့်ကို တခုတ်တရ လာနှုတ်ဆက်တဲ့ မိတ်ဆွေလေးတစ်ယောက်ကို ပြောပြတော့ သူနဲ့ အတူ ပါလာသူ ပြန်ပြောတဲ့ စကားက ငိုအားထက်ရယ်အားသန်။

သူလည်း ကျွန်တော့်လိုပဲ လေယာဉ် ခဏ ခဏ စီးခဲ့ရာက မကြာသေးခင် တစ်ခေါက်မှာတော့ စင်္ကာပူက ရန်ကုန်ကို အပြန်ခရီးမှာ သူနဲ့ ဘေးချင်းကပ်ထိုင်ရသူက သနရုပ္ပ သူငယ်မလေး တစ်ယောက်တဲ့ခင်ဗျ။ ဝတ်ထား စားထားတာကလည်း အပျံစားတဲ့။

အဲ… သို့သော် လေယာဉ်ပေါ်မှာ အစားအသောက်ကျွေးတဲ့အခါကျတော့ အဲဒီ့ ကလေးမလေးက လေယာဉ်က ပေးတဲ့ တစ်ယောက်စာ ပလတ်စတစ် သောက်ရေအေးခွက်ကလေးကို ဖွင့်၊ ပြီးတော့ ကော်ဖီ၊ လက်ဖက်ရည်သောက်တဲ့အခါ သုံးဖို့ အရံသင့်ပေးထားတဲ့ သကြားနဲ့ နို့မှုန့် ထုတ်ကလေးတွေထဲက နို့မှုန့်ထုတ်လေးကို ဖြည်ကာ အဲဒီ့အမှုန့်တွေကို သောက်ရေအေးခွက်ထဲ သွန်ချပြီး မွှေပါသတဲ့ ခင်ဗျား။ နို့မှုန့်လို့သာ  အလွယ်ရေးလိုက်တာပါ။ အမှန်က ကော်ဖီ၊ လက်ဖက်ရည်နဲ့ သောက်တဲ့အခါ နို့အစား သုံးလို့ရတဲ့ “ခရီမာ”ခေါ် နို့မှုန့်နဲ့ ခပ်ဆင်ဆင် တစ်မျိုးသာ ဖြစ်ပါတယ်။

အဲဒါက ရေနွေးပူပူနဲ့မှ ပျော်ပါတယ်။ ရေအေးနဲ့ကတော့ အခဲလိုက် အဖတ်လိုက်တွေ ဖြစ်နေတာပေါ့ခင်ဗျာ။

မိတ်ဆွေခမျာ မိန်းကလေး ရှက်သွားမှာ စိုးတာနဲ့ ပြောလည်း မပြော ရဲ၊ ရယ်ကလည်း ရယ်ချင်ပက်ကျိဖြစ်နေပါသတဲ့။ အမယ်… မမက အဲဒါကို သောက်ကြည့်သေးတယ်တဲ့ခင်ဗျ။ သောက်ကြည့်တော့လည်း ဘယ် အဆင်ပြေမတုံးခင်ဗျာ။

မိတ်ဆွေက ဆက်ပြောပါတယ်။ “စင်္ကာပူ အသွားခရီးစဉ်ဆိုရင်တော့လည်း မပြောပါဘူးဗျာ။ အခုဟာက အပြန်ဆိုတော့ သူ လေယာဉ်စီးဖူးမှာ သေချာပါတယ်။ ဟိုမှာလည်း နေခဲ့မှာ သေချာတယ်။ ဒါပေမယ့် ဒါတွေနဲ့ မကြုံခဲ့ဖူးတာ အံ့ဩစရာနော်”တဲ့။

ကျွန်တော်လည်း ရယ်လို့သာ နေမိပါတယ်။ စိတ်ထဲမှာလည်း ကျွန်တ်ာကိုယ်တိုင် လွန်ခဲ့တဲ့ သုံးနှစ်ကျော် အထက်ကာရီက ကြုံဖူးတာလေးကို ပြေးမြင်မိတယ်။ အဲတုန်းက ကျွန်တော်က အလုပ်တာဝန်နဲ့ သွားရတာ ခင်ဗျ။ တစ်ယောက်တည်းလည်း မဟုတ်ဘူး။ ၁၅ ယောက်လောက် ပါတဲ့ အဖွဲ့နဲ့သွားရတာ။ တည်းတော့ ဟိုဘက်က စီစဉ်ပေးတာမို့ ကြယ်ငါးပွင့် ဟိုတယ်အကောင်းစားကြီးမှာ တည်းရတာဖြစ်သလို စားတော့လည်း အဲဒီ့ ဟိုတယ်ကြီးမှာပဲ မနက်စာရော၊ နေ့လည်စာရော၊ ညစာပါ စားရတာခင်ဗျ။

အဲဒါဗျာ၊ တစ်ရက်မှာ တစ်ယောက်တည်း ထိုင်စားနေတဲ့ ကျွန်တော်နဲ့ အတူ လာပူးပေါင်းပြီး မနက်စာစားတဲ့ ဘိုးတော်တစ်ပါးနဲ့ ကြုံတယ်ခင်ဗျ။ လာကတည်းက တစ်ဖွဲ့တည်း အတူလာ၊ ဟိုကျတော့လည်း အတူတွဲပြီး အလုပ်လုပ်တဲ့ ရက်ကလေးလည်း ရလာပြီမို့ တစ်ယောက်နဲ့ တစ်ယောက် ကောင်းကောင်း သိကျွမ်းနေပြီဆိုတော့ တစ်စားပွဲတည်း လာစားတာ ဘာမှ ကန့်ကွက်စရာ မရှိပါဘူး၊ အဖော်တောင် ရပါသေးတယ်။

အဲ… သူ ထိုင်အချလိုက်မှာ မြင်လိုက်တာက သူ့ပန်းကန်ထဲမှာ ထည့်လာတဲ့ ထောပတ်တွေပါပဲ။ စားနေတာက မနက်ခင်းစာ ခင်ဗျာ။ အဲတော့လည်း ပေါင်မုန့် သုတ်စားဖို့ တစ်ယောက်စာ ထောပတ်ခဲလေးတွေ ချပေးထားပါတယ်။ အဲဒါလေးတွေက အလျား အနံ တစ်လက်မ ပတ်လည် မရှိ တရှိ၊ အထူ တစ်မတ်လောက် ရှိတဲ့ ကော်ဘူးလေးထဲမှာ ထည့်ပြီး အလုံပိတ်ထားတာလေးတွေပါ။ ပေါင်မုန့်စားတဲ့သူအတွက် အဲဒါလေး တစ်ဘူးက ကောင်းကောင်း လုံလောက်ပါတယ်။

အဲဒါဗျာ၊ သူ့ပန်းကန်ထဲမှာ ပါလာတာ အနည်းဆုံး ငါးဘူးခင်ဗျ။ ကျွန်တော် လန့်သွားပါတယ်။ အိမ်များ သယ်သွားဖို့ ကြံတာလားလို့လည်း တွေးမိတယ်။ ဘယ်ဟုတ်မတုံးခင်ဗျာ၊ သူက ခဏနေတော့ အဲဒါလေးတွေကို ဖွင့်၊ စားပွဲတင်ဓားနဲ့ အကျအန ကလော်ပြီး တုပ်ပါလေရောလား။

အား… တစ်သက်နဲ့တစ်ကိုယ် တစ်ခါမှ မမြင်ဖူးတာ မြင်ရပြန်တာပါပဲခင်ဗျာ။ ကျွန်တော်လည်း ဘာပြောရမှန်း မသိဘူး။ စောစောက မိတ်ဆွေ ပြောသလိုပဲ၊ ကျွန်တော် တစ်ခုခု ပြောလိုက်ရင် ခမျာ ရှက်သွားမှာ စိုးတာနဲ့ မသိချင်ယောင်ပဲ ဆောင်နေလိုက်ရပါတယ်။

ဒါနဲ့ မပြီးသေးပါဘူး။ အဲဒီ့ ထောပတ် ငါးဘူးလောက်ကို ကုန်အောင် တွယ်ပြီးတဲ့နောက် သူ ထသွားပြန်ပါတယ်။ မနက်စာက ဘူဖှေးဆိုပြီး ကိုယ့်ဟာကိုယ် ကြိုက်တာ ကြိုက်သလောက် ထယူစားလို့ရတဲ့အမျိုးဆိုတော့ သူက ထပ်သွားယူတာပါ။ ပြန်လာတော့ သူ့လက်ထဲမှာ ဒိန်ချဉ်ဘူးလေးတွေ ပါလာပြန်တယ်။ သည်တစ်ခါလည်း လေးဘူး သယ်လာပြန်တာ ခင်ဗျ။

အဲဒီ့ဘူးလေးတွေကလည်း တစ်ခါသုံး ဖန်ခွက်ပုံစံ၊ ဖော့ဘူးလေးတွေနဲ့ အလုံပိတ်ထားတဲ့ ဘူးလေးတွေပါ။ လေးဘူးဆိုတော့ သူ့ခမျာ ဒိန်ချဉ် အတော်ကြိုက်ရှာလို့ နေမှာပဲလို့ ကျွန်တော် တွေးမိနေရပြန်တယ်။

သူက ပြန်ထိုင်တယ်။ အဲဒီ့ လေးဘူးကို သူ့ဘေးမှာ ချတယ်။ ပြီးတော့ တစ်ဘူးကို ဖောက်တယ်၊ ဇွန်းကလေးနဲ့ မြည်းပါတယ်ခင်ဗျ။ ပြီးတော့ မှိုရတဲ့ မျက်နှာနဲ့ “ဟီး… ဟီး… ဒိန်ချဉ်တွေဗျ… ကောင်းတယ်၊ စားပါဦးလား”လို့ ကျွန်တော့်ကို ပြောပါတယ်။ ကျွန်တော် ခေါင်းသာ ရမ်းပြလိုက်မိရပါတော့တယ်။ (ဘူးပေါ်မှာ ဒိန်ချဉ်လို့ အဓိပ္ပာယ်ရတဲ့ အင်္ဂလိပ်စာလုံးကို ထင်ထင်ရှားရှား ရေးထားတာ သူမဖတ်မိတာလား၊ မဖတ်တတ်တာလားတော့ သူပဲ သိပါလိမ့်မယ်။)

အင်း… ခက်လှပါလားကွယ်ရို့။

ကျွန်တော့်ကိုယ်တွေ့ဆီ စွေ့ခနဲ စိတ်လည်သွားခိုက်မှာ စောစောက မိတ်ဆွေက နောက်အတွေ့အကြုံတစ်ခုကို ဆက်ပြောပြန်ပါတယ်။

အဲဒါကတော့ ကနေ့ မြန်မာပြည်က နာမည်ကျော်လူကြိုက်များလှတဲ့ အဆိုတော် သရုပ်ဆောင်နဲ့ လေယာဉ်ပေါ်မှာ ဘေးချင်းကပ်ထိုင်ခဲ့ရတဲ့ အဖြစ်တဲ့။ သူက နာမည်နဲ့ အတိအကျ ပြောတာပါ။ ကနေ့ နာမည်ကျော် ဆိုကတည်းက မြန်မာပြည်မှာတော့ သူတို့ထက် ခေတ်လွန်တဲ့ သူကောင့်သား၊ သူကောင့်သမီးတစ်ယောက်မှ မရှိတဲ့ အိုက်တင်အပြည့်နဲ့ပေါ့ခင်ဗျာ။

အဲဒီ့နာမည်ကျော်ဟာ အဲဒီ့ နိုင်ငံခြားက ပြန်လာတဲ့ လေယာဉ်ပေါ် ရောက်တာနဲ့ သူ့အိတ်ထဲက အိုင်ဖှုန်း၊ သို့မဟုတ် အိုင်ပေါ့(ထ်)ကို ထုတ်ပါသတဲ့။ ပြီးတော့ သီချင်း နားထောင်ပါသတဲ့။ အဲဒါကတော့ ဘာမှ ပြောစရာ မရှိပါဘူး။ သူ့ပစ္စည်းနဲ့ သူ၊ သူ့ဝါသနာနဲ့သူ၊ သူ့လွတ်လပ်မှုနဲ့ သူပါ။

ပြောစရာ ရှိတာက မောင်မင်းကြီးသားက သီချင်းနားထောင်တာကို ရိုးရိုး နားမထောင်ဘဲ လိုက်ဆိုတော်မူတာပါပဲတဲ့။ ကဲဗျား… နှစ်နာရီ ကျော်စီးရတဲ့ လေယာဉ်ခရီးစဉ်မှာ ကိုယ့်ဘေးက လူက တလှုပ်လှုပ်တရွရွှနဲ့ သီချင်းဆိုနေတာကို ခံစားနေခဲ့ရသူတစ်ဦးရဲ့ နေရာကို ကျွန်တော် ကိုယ်ချင်းစာမိပါတယ်။ ကျွန်တော်သာဆိုရင်တော့ အဲဒီ့မောင်မင်းကြီးသားကို ပြောမိသွားမှာ အမှန်ပါပဲ။

“ကိုယ့်ဆရာရေ… ကိုယ့်ဆရာ သီချင်းကြိုက်တာကို နားလည်ပါတယ်။ အဆိုတော် ဖြစ်နေလို့ လိုက်ဆိုနေတာကိုလည်း သဘောပေါက်ပါတယ်။ သို့သော် ကျွန်ုပ်အတွက်တော့ အလွန်အနှောင့်အယှက်ဖြစ်နေတာလေးကို နားလည်ပေးစေချင်ပါတယ်။ နားပဲ ထောင်ပါ ကိုယ့်ဆရာ၊ လိုက်တော့ မဆိုပါနဲ့လို့ လေးစားစွာ မေတ္တာရပ်ခံပါရစေလားခင်ဗျ”လို့ ပြောလိုက်မိမှာပါ။

အားလုံးကို ချုပ်လိုက်တဲ့အခါမှာတော့ ကျွန်တော့် ပါးစပ်ထဲမှာ ညည်းချင်းတစ်ခု ဝင်လာပါတယ်။ အဲဒါကတော့ “ဪ… ရွှေ…ရွှေ”ဆိုတာလေးပါပဲ။

ရွှေတွေ ဘာ့ကြောင့် သည်လို ဖြစ်နေတာလဲဆိုတာကို ဆက်စဉ်းစားတဲ့အခါမှာတော့ ကျွန်တော့်မှာ အဖြေတွေ့သလိုလို၊ မတွေ့သလိုလိုနဲ့ ခေါင်းနောက်လာပါတယ်။

ဒါ့ကြောင့် စာဖတ်သူလူကြီးမင်းများကို အဖော်စပ်ပါရစေလား။ ရွှေတွေ ဘာ့ကြောင့် အဲလိုတွေ ဖြစ်နေတာလဲဆိုတာလေး ကျွန်တော့်ကို တစ်ဆိတ် ကူစဉ်းစားတော်မူပေးကြပါလားခင်ဗျာ။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် - ၂၈၀၅၁၁)

[ဝန်ခံချက် - “ကဲ... မယုံချင်နေ”ဟူသည့် ခေါင်းစဉ်မှာ လွန်ခဲ့သော နှစ်ပေါင်း ၄၀ ကျော်က ရုပ်ရှင်ကားတစ်ကားအမည် ဖြစ်ပါသည်။]

ယနေ့ထုတ် Bi Weekly Eleven ဂျာနယ် အတွဲ ၄ အမှတ် ၁၀ မှာ ဖော်ပြထားတဲ့ ဆောင်းပါးကို ပြန်လည် တင်ဆက်လိုက်တာပါ။ 
အပြာရောင် အရောင်ကွဲနဲ့ ဖော်ပြထားတဲ့ စာသားတွေတော့ ပါမလာပါဘူး။

On a Thai Train

ဇင်းမယ်-ဘန်ကောက်-ဇင်းမယ်သွား ရထားပေါ်ဝယ်

ဧပြီလ ၁၄ ရက် သင်္ကြန်အကျနေ့မှာ တစ်ချိန်က ဇင်းမယ်လို့ ခေါ်ပြီး အခုတော့ ‘ချင်းမိုင်‘လို့ လူသိများတဲ့ ထိုင်းနိုင်ငံရဲ့ ဒုတိယမြို့တော်ကို ရောက်သွားပါတယ်။ မနှစ်က ပထမဆုံးအကြိမ် စရောက်ခဲ့ရပြီးကတည်းက သည်မြို့လေးကို ကျွန်တော် ချစ်နေမိတယ်။ မန္တလေးနဲ့ ဆင်သလိုလို ဘာလိုလိုမို့လားတော့ မသိဘူး။ သူ့မှာလည်း သူ့ပုံစံ ကျုံးနဲ့၊ မြို့ရိုး အပြိုအပျက်တွေနဲ့မို့လည်းပါရဲ့။ ဘန်ကောက်လို မွန်းကျပ်ရှုပ်ထွေးမှု မရှိဘဲ အေးအေးသက်သာရှိတဲ့ ၀န်းကျင်မို့လည်းပါရဲ့။

ကျွန်တော့်သဘောနဲ့ ကျွန်တော်သာ ဆိုရင်တော့ ဘယ်မှ ဆက်မသွားဘဲ ချင်းမိုင်မှာပဲ စတည်းချမိမှာ သေချာပါတယ်။ အခုတော့ နိုင်ငံရပ်ခြားကို တစ်ခါမှ မရောက်ဖူးသေးလေသူ ကျွန်တော့်သမီးတော် ငါးကျည်းကြော်ရဲ့ အလိုဆန္ဒကို လိုက်လျောပြီး ဘန်ကောက်ကို သွားဖို့ ခရီးစဉ် ထည့်ဆွဲခဲ့ပါတယ်။ ချင်းမိုင်ကနေ ဘန်ကောက်ကို သွားဖို့တော့ လေယာဉ် စီးမနေတော့ဘဲ ရထားစီးဖို့တော့ ကျွန်တော်ကပဲ ဆုံးဖြတ် ရွေးချယ်ထားနှင့်ခဲ့တယ်။

ခက်တာက ချင်းမိုင်မှာ ကျွန်တော်နဲ့ ကိုယ်ရင့်တတူ ရင်းနှီးတဲ့သူ မရှိဘူး။ အသိအကျွမ်းလည်း ကောင်းကောင်းကန်းကန်း ရှိလှတာ မဟုတ်ဘူး။ မနှစ်က တစ်ခေါက်သွားတုန်းက သိခဲ့တဲ့သူ တစ်ယောက် ရှိတယ်။ ကျွန်တော့် ငယ်သူငယ်ချင်းတစ်ယောက်ရဲ့ ချစ်သူရည်းစားအဖြစ် ဟိုးလွန်ခဲ့တဲ့ နှစ်ပေါင်း ၂၀ ကျော်က သိကျွမ်းခင်မင်ခဲ့ဖူးသူ တစ်ယောက် ရှိတယ်။ သို့သော် သူတို့တွေမှာကလည်း သူတို့အလုပ်နဲ့သူတို့ ဖြစ်နေသလို သိပ်လည်း အရင်းကြီး မဟုတ်တော့ ရထား လက်မှတ်ကို ကြိုဝယ် ခိုင်းထားလို့ မရဘူး။

အို. . . ဖြစ်ချင်ရာဖြစ် ဆိုပြီး ညနေငါးနာရီလောက်မှာ ချင်းမိုင်မြို့ထဲ ရောက်ပြီး ချက်ချင်းလိုပဲ ဘူတာရုံကို ပြေးသွားခဲ့ပါတယ်။ ဟိုကျတော့ လက်မှတ်ရုံမှာက ကျီးနဲ့ ဖုတ်ဖုတ်။ တာဝန်ကျ အရောင်းစာရေးလေး တစ်ယောက်ပဲ ရှိရှာတယ်။ သို့သော် သူက လေအေးစက် တပ်ဆင်ထားတဲ့ အခန်းထဲမှာ သန့်လို့ ပြန့်လို့ရယ်။ သူ့ရှေ့မှာလည်း ကွန်ပျူတာနဲ့။

ကျွန်တော်က နက်ဖြန်ညရထားနဲ့ ဘန်ကောက်ကို သွားလိုကြောင်း ပြောတော့ သူက ကွန်ပျူတာမှာ နှိပ်ကြည့်ပြီး ထိုင်ခုံနဲ့ သွားရမယ့် ရထား ရှိကြောင်း ပြောပါတယ်။ အိပ်စင်ရထားတော့ မရနိုင်တော့ဘူးတဲ့။ ဘာဖြစ်ဖြစ် သွားတာပေါ့။ ရထားခ ဘတ်ငွေ ၆၆၁ ဘတ် ကျသင့်ပါမယ်တဲ့။

ဒါဆို လေးစောင်ယူပါမယ်လို့ ကျွန်တော် ပြောလိုက်တယ်။ သူက ကျွန်တော့် နာမည်ကို စာလုံးပေါင်းခိုင်းတာနဲ့ ကျွန်တော်လည်း သတ်ပုံခေါ်သလို တစ်လုံးချင်း ပြောပြလိုက်ပါတယ်။ ဒါလေးတစ်ခုပဲ သူ မေးတယ်။ ကျွန်တော် ပိုက်ဆံပေးတယ်။ တစ်မိနစ်လောက်အတွင်းမှာ ကွန်ပျူတာနဲ့ ပုံနှိပ်ထားတဲ့ ရထားလက်မှတ်တွေ ထွက်လာပါတယ်။ အရောင်းစာရေးလေးက ကျွန်တော့်ကို လက်မှတ်ဖြန့်ပြပြီး ကျွန်တော့်နာမည် စာလုံးပေါင်း မှန်မမှန် စစ်ခိုင်းပါတယ်။ ပြီးတော့ တွဲနံပါတ်နဲ့ ထိုင်ခုံနံပါတ်တွေကို တစ်စောင်ချင်း ထောက်ပြပေးပါတယ်။ လေးစောင်စလုံးမှာ ကျွန်တော့်နာမည်နဲ့ပါပဲ။

လွယ်ချင်တော့လည်း ကျွန်တော့်ဘ၀ သက်တမ်း ၅၄ နှစ်နီးပါး အတွင်းမှာ ပထမဆုံးအကြိမ်အဖြစ် ရထားလက်မှတ် လေးစောင်ကို လွယ်လွယ်ကူကူ ၀ယ်ယူ ရရှိခဲ့ဖူးတဲ့ အဖြစ်လို့ မှတ်တမ်းတင်ရတော့မလို ဖြစ်သွားပါတော့တယ်။ ဒါနဲ့ကျွန်တော်လည်း ဘူတာထဲက ပြန်ထွက်ခဲ့ပါတယ်။ ဒုတိယမြို့တော်ရဲ့ ဘူတာ ဆိုပေမယ့် မခမ်းနားဘူး။ မကြီးကျယ်လှဘူး။ မန္တလေးဘူတာကြီးနဲ့ ယှဉ်မယ်ဆိုရင် ကျယ်ပုံ၊ ကြီးပုံက ဆင်နဲ့ ဆိတ်လောက် ကွာခြားလှပေတယ်။ မန္တလေးဘူတာက ဆင်ဆိုရင် ချင်းမိုင်ဘူတာက ဆိတ်ပေါ့ခင်ဗျာ။

သည်လိုနဲ့ နောက်တစ်ရက် ညဦးပိုင်းမှာ ဘူတာကို ဆင်းခဲ့ကြတယ်။ ဘူတာရောက်တော့မှ မနေ့က တစ်ခါတည်း လုပ်ရမယ့် အလုပ်ကို အခုမှ သတိရပြီး လုပ်မိရပြန်တယ်။ အဲဒါကတော့ အပြန်လက်မှတ် စုံစမ်းဖို့ပါ။ ဒါနဲ့ မနေ့က လက်မှတ်ဝယ်တဲ့ နေရာကိုပဲ ပြန်သွားလိုက်တယ်။ စုံစမ်းလိုက်တယ်။

အိပ်စင်ရထား နှစ်စီး ရှိတယ်။ တစ်စီးက ၆ နာရီခွဲ၊ နောက်တစ်စီးက ၇ နာရီခွဲပါတဲ့။ မနေ့က လက်မှတ်ရောင်းပေးတဲ့သူကပဲ ပြောပြတာပါ။ သူ့မျက်နှာက အေးအေးချမ်းချမ်းပါပဲ။ ခက်ထန်တဲ့ မျက်နှာလည်း မဟုတ်သလို အလွန်အမင်း ဖော်ရွေပုံလည်း မပြပေမယ့် သူ့မျက်နှာကြောင့် တစ်စက်မှ စိတ်အနှောင့်အယှက် မဖြစ်ရပါဘူး။ ၆ နာရီခွဲ ထွက်တဲ့ ရထားက ချင်းမိုင်ကို ၈ နာရီခွဲ ၀င်မယ်၊ ၇ နာရီခွဲက ၉ နာရီခွဲ ၀င်မယ် ဆိုတာကိုပါ ကျွန်တော်မေးစရာ မလိုဘဲ သူက ပြည့်ပြည့်စုံစုံ ပြောပြလိုက်ပါတယ်။ လက်မှတ်ခကတော့ ၈၈၂ ဘတ် ကျပါမယ်တဲ့။ ဒါကျတော့ အိပ်စင်ကိုး။

ကျွန်တော်လည်း ၀ယ်ချလိုက်ပြန်တယ်။ မနေ့က နည်းအတိုင်းပဲ၊ ကျွန်တော့် နာမည် စာလုံး ပေါင်းပြလိုက်တာ တစ်ခုက လွဲလို့ ဘာမှလုပ်စရာ မလိုဘဲ ငွေချေလိုက်တာနဲ့ လက်ထဲကို လက်မှတ်လေးစောင်က ချက်ချင်း ရောက်လာပါတယ်။

ကျွန်တော်တို့ စီးရမယ့် ရထားက စင်္ကြံ အမှတ် ၂ မှာ ဆိုက်မယ်လို့ သူ့ဆီက သိရတာနဲ့ ကျွန်တော်တို့လည်း စောင့်နေလိုက်ကြပါတယ်။ ရထားက နာရီဝက်လောက် နောက်ကျပြီးမှ ဆိုက်လာတယ်။ ခရီးသည်က သိပ် များများစားစား မရှိပါဘူး။ ရထားကလည်း စုစုပေါင်းမှ သုံးတွဲလေးပဲ ပါတယ် ခင်ဗျ။

ဘန်ကောက်က လာတာလို့ ယူဆရတဲ့ ခရီးသည်တွေ ဆင်းလာကြတယ်။ ဆင်းလာသူတွေ ကုန်သွားတော့ ကျွန်တော်တို့ တက်ရမယ် မှတ်တာ၊ မတက်ရသေးဘူး။ ရထားတွဲစောင့်တွေက တားထားတယ်။

ဘယ်ဟုတ်မတုန်း၊ သူတို့က ရထားကို “ရေချိုးပေး” ကြသေးတာကိုး။ ရထားကို ရေဆေးတာ မဟုတ်ဘူးနော်။ ဆပ်ပြာတွေကို ရထားအပြင်ဘက် ကိုယ်ထည် နေရာအနှံ့ ရှေ့က စက်နဲ့ ဖျန်းသွား၊ နောက်က တစ်ယောက်က ရေမြှုပ်ကြီးကြီး ထိပ်မှာ တပ်ထားတဲ့ တံမြက်စည်းဆန်ဆန် တုတ်ရှည်နဲ့ လိုက်ပွတ်၊ နောက်က လူက ရေပန်းနဲ့ အဲဒီ့ဆပ်ပြာတွေ စင်အောင် ဖျန်းသွားတာမို့ ရထားကို ရေဆေးတာ မဟုတ်ဘဲ “ရေချိုးပေးတာ”လို့ ရေးလိုက်မိရတာပါပဲ ခင်ဗျား။

ကျွန်တော်ကလည်း ဒါမျိုးကို ၀ါသနာပါတတ်သူမို့ သူတို့ လုပ်ပုံကိုင်ပုံကို ကြည့်မိတယ်။ ၀တ်ကျေတန်းကျေ ပြီးကပစ် မဟုတ်ဘူး။ ဓာတ်ပုံတွေကို ကြည့်လိုက်မယ် ဆိုရင် ပြောင်စင်ဖိတ်လက်နေတဲ့ ရထားတွဲတွေကို တွေ့ကြရမှာမို့ သူတို့ရဲ့ အလုပ်ကို အလုပ်နဲ့တူအောင် လုပ်တတ်ပုံကို မျက်ဝါးထင်ထင် မြင်ကြရမှာပါ။

ရထားတစ်စင်းလုံး ဟိုဘက်သည်ဘက် အကျအန ဆေးကြောသန့်စင် ပြီးတော့မှ ကျွန်တော်တို့ ရထားပေါ် တက်ရပါတယ်။ ရထားပေါ်မှာတော့ လေအေးစက်က အေးလို့ စိမ့်လို့ရယ်။ ထိုင်ခုံတွေက ဆိုဖာပေါ်မှာ သားရေတု အုပ်ထားတဲ့ ထိုင်ခုံတွေပါပဲ။

ကျွန်တော်တို့လည်း ၀န်စည်စလယ်တွေကို ခေါင်းပေါ်က တန်းတွေပေါ် ထိုးသိပ်တင်ပြီး ၀င်ထိုင်လိုက်ကြတယ်။ သက်သောင့်သက်သာ ရှိပါတယ်။

ခဏနေတော့ ခေါင်းလောင်းသံ ကြားရပြီး ရထားလည်း ထွက်ပါတော့တယ်။ အပြင်ဘက်မှာ မှောင်နေပြီမို့ ဘာမှ သိပ် သတိထား ကြည့်မနေမိတော့ဘူး။

ခဏနေတော့ လက်မှတ်စစ် ပေါ်လာတယ်။ လက်မှတ်စစ်ရဲ့ မျက်နှာက ကျွန်တော်တို့ အညာလေ အလင်္ကာနဲ့ တန်ဆာဆင်ရရင် “ခွေး တက်လျက်ချင်စရာ ကောင်းအောင်”ကို ချိုနေတာကို သတိထားမိတယ်။ သူက ကျွန်တော့်အိမ်သူ ထုတ်ပေးတဲ့ လက်မှတ်လေးစောင်ကို ကြည့်တယ်ဆိုရုံ တစ်ချက် ဖြန့်ကြည့်လိုက်ရင်း စစ်ဆေးပြီး ဖြစ်ကြောင်း အထိမ်းအမှတ်နဲ့ သူ့လက်ထဲက ပလိုင်ယာလို ကိရိယာလေးနဲ့ အပေါက်ဖောက်သွားတယ်။

တော်ကြာနေတော့ ပလတ်စတစ်အိတ်နဲ့ ထုတ်ထားတဲ့ မျက်နှာသုတ်ပ၀ါလို အသားမျိုး ခြုံစောင်တွေ လာပေးတယ်။ ပလတ်စတစ်အိတ်နဲ့ အလုံ ထုတ်ပိုးထားတယ်။ အိတ်ပေါ်မှာတော့ လျှော်ဖွပ်လုပ်ငန်းရဲ့ တံဆိပ်ကို ထိုင်း၊ အင်္ဂလိပ် နှစ်ဘာသာနဲ့ ရိုက်နှိပ်ထားလေရဲ့။

သူတို့က ခြုံစောင် လာပေးနေပြီ ဆိုမှတော့ ကျွန်တော်လည်း အိပ်တော့တာပေါ့။ ရထားကတော့ သုံးတွဲထဲမို့လား မသိဘူး၊ အသံ တော်တော်မြည်သလို ရမ်းခါနေတယ်။ အထက်အောက်တော့ မခုန်ဘူး။ ဘယ်ညာ တအား ရမ်းခါနေတာပါ။

ခဏနေလို့ ကျွန်တော် တစ်ရေးနိုးလာတော့ ရထားက လာပေးသွားတဲ့ ထမင်းဘူးနဲ့ ရေခဲရေတစ်ခွက်ကို ကျွန်တော့်လက်ထဲ ကျွန်တော့်အိမ်သူက ထည့်ပေးတယ်။ ကျွန်တော့် အစာအိမ်က သိပ်ကောင်းလှတာ မဟုတ်လို့ “စားလိုက်ဦး”လို့ တိုက်တွန်းတာနဲ့ ကျွန်တော်လည်း ပလတ်စတစ် ထမင်းဘူးကို ဖွင့်စားလိုက်တယ်။ အမယ်… ကြက်သားဟင်းနဲ့ ခင်ဗျ။ ထိုင်းပုံစံ၊ အုန်းနို့လေးနဲ့ ချိုချို ဆိမ့်ဆိမ့် စပ်စပ်လေး ချက်ထားတာ။ မှိုနဲ့ ပန်းငရုတ်သီးလေးတွေတောင် ပါသေး။ ဟင်းလေးက မွှေးလို့ရယ်။ ဟင်းရံက သင်္ဘောသီးသုတ်လေး။ ဆန်ကတော့ ထိုင်းဆန်ပီပီ နည်းနည်းစေးတယ်။ ကျွန်တော်တို့ဆီက ဆန်သစ်ပေါ်စမှာ စားရတာမျိုးရယ်။

စားပြီးတော့ ပြန်အိပ်တာပေါ့ဗျာ။ ဘာရမလဲ။ တော်တော်လည်း အိပ်လို့ ကောင်းနေတယ်။ မနက်လင်းပြန်တော့ ကော်ဖီတစ်ခွက်နဲ့ မုန့်တစ်ခုစီ ရပြန်တယ်။ တွယ်ပေါ့။ ပြီးတော့ ပြန်အိပ်တာပဲ။ ဘာဖြစ်နေမှန်း မသိဘူး၊ အိပ်လို့က လွှတ်ကောင်းနေတယ်။

တစ်ပိုတစ်ပါး ထသွားတော့ ရထားတွဲထဲက အိမ်သာရဲ့ သန့်ရှင်းမှုကို သတိထားမိသွားခဲ့ရပါသေးတယ်။

ဘန်ကောက် ၀င်လုနီးမှ ပြန်ထလိုက်တယ်။ ဘန်ကောက် တရုတ်တန်းနဲ့ ကပ်နေတဲ့ ဟွာလန်းပေါင်း ဘူတာမှာ ဆိုက်ပါတယ်။ အဲဒီ့ကနေ အငှားကားနဲ့ တည်းခိုရာ ဟိုတယ်ကို သွားတာပေါ့။

ရထားအကြောင်းပဲ အဓိကထား ပြောချင်တာမို့ အပြန်ခရီးစဉ်ဆီပဲ တန်းသွားလိုက်ပါရစေ ခင်ဗျား။

အပြန်ကျတော့လည်း အဲဒီ့ ဟွာလမ်းပေါင်းမှာပဲ သွားစီးရတယ်။ သည်တစ်ခါကျတော့ တွဲတွေ အတော်များသား ခင်ဗျ။ စိတ်ထင် ဆယ်တွဲလောက်ရှိမယ် မှတ်တယ်။

သူတို့ အိပ်စင်တွဲက အိပ်ခန်းတော့ မဟုတ်ဘူး။ သို့သော် လေးယောက်ခန်းများသဖွယ် ကန့်ထားပါတယ်။ အပေါ်၊ အောက် အိပ်စင်တစ်စုံစီနဲ့ပေါ့။ နှစ်ယောက်အိပ်စင် နှစ်ကန့်လား ပါတယ်။ အိပ်စင်မှာကတော့ ဆိုဖာခင်းထားတယ်။

အဲဒီ့အထက်မှာမှ မွေ့ယာအပါးလို ဖြန့်ခင်းလို့ ရတဲ့ ထိုင်ဖုံလိုဟာမျိုး သုံးခုဆက် ရှိတယ်။ ရထား ထွက်ပြီးတော့ အိပ်ရာခင်းနဲ့ စောင်တွေ လိုက်ဝေပါတယ်။

ထူးခြားတာက သည်ရထားရဲ့ လေအေးစက်က ခိုက်ခိုက်တုန်အောင် အေးတာပါပဲ။ သို့ပေမယ့် အိပ်တဲ့အခါ အိပ်စင်ပတ်လည်ကို ကာထားလို့ ရတဲ့ ကန့်လန့်ကာ နှစ်စကို ဆွဲစေ့လိုက်တဲ့အခါမှာတော့ အအေးသက်သာသွားပြီး သက်သောင့်သက်သာ အိပ်လို့ရသွားပါတယ်။

နောက်တစ်ချက်က သည်ရထားမှာ ညစာမကျွေးဘူး။ စားသောက်တွဲက တာဝန်ကျ ၀တ်စုံဝတ် အမျိုးသမီးကြီးက စာအုပ်တစ်အုပ်နဲ့ ဘာစားချင်လဲဆိုတာ လိုက်မေးတယ်။ ဈေးနှုန်း ဖော်ပြထားတဲ့ စားစရာ စာရင်းကတ်ပြားကိုလည်း ပြတယ်။ ညစာအတွက်သာမက မနက်စာအတွက်ပါ ကြိုတင် မှာကြားနိုင်ကြောင်းလည်း ပြောပါတယ်။

အဲဒီ့အတွက်တော့ ပိုက်ဆံပေးရတယ်။ ကိုယ်စားရင် စားသလောက် ကုန်တာပေါ့။ ရထားက အလာတုန်းကလို ဒလကြမ်း လှုပ်ခါမနေတော့ဘူး။ ငြိမ့်ငြိမ့်ငြောင်းငြောင်း ရှိတယ်။ အဲတော့ ကျွန်တော့်မှာ အိပ်လို့ကောင်းရပြန်တယ်ပေါ့။

သည်ရထားရဲ့ နောက်ထူးခြားချက် တစ်ခုက (ကန်တော့ပါရဲ့) အလွန် သေးစော်နံတာပါပဲ။ ဒါနဲ့ တွဲထိပ်က ရေအိမ်တွေကို သွားကြည့်တော့ သန့်တော့ သန့်ပြန့်တာ အမှန်ပဲ။ သေးစော်ကတော့ အလွန်နံနေတယ်။ ဒါနဲ့ ကျွန်တော်လည်း ရေအိမ် နှစ်လုံးစလုံးရဲ့ တံခါးတွေကို စေ့နေအောင် ပိတ်ထားလိုက်ပြီး ပြန်လာခဲ့ပါတယ်။ အဲတော့လည်း အနံ သက်သာသွားပြန်တယ်။

ကျွန်တော့်ဇနီးကတော့ တစ်ညတာ အတွင်းမှာ အလားတူပဲ အိမ်သာ တံခါးကို သုံးကြိမ်တိတိ ထပိတ်လိုက်ရကြောင်း မနက်ကျတော့ ပြောပြပါတယ်။ ကျွန်တော်ကတော့ အိပ်လိုက်ရင် တုံးမို့ မိုးလင်းမှ တစ်ရေးပဲ။

လင်းတော့ လမ်းဘေးဝဲယာကို ကြည့်မိရပြန်တယ်။ အိမ်နီးချင်းနိုင်ငံပီပီ ကျွန်တော်တို့ ရေမြေနဲ့ သိပ်မကွာဘူး။ စိုစိုစိမ်းစိမ်း ရှိတယ်။

ဘူတာငယ်လေးတွေကို ဖြတ်တယ်။ ချင်းမိုင်ဘူတာလိုပဲ လူသူ ကျဲကျဲပါးပါး၊ ဆိတ်ဆိတ်ငြိမ်ငြိမ်။ သပ်သပ်ရပ်ရပ်၊ သန့်သန့်ရှင်းရှင်း။ ဘူတာအိုလေးတွေမှန်း သိသာပေမယ့် သူ့ဟာလေးနဲ့သူ စိုစိုလွင်လွင်။ တမင် စိုက်ပျိုးထားတဲ့ သစ်ပင်ပန်းပင်တွေနဲ့ စိမ်းစိမ်းစိုစို။ ဘူတာစင်္ကြံဆိုလည်း သန့်ရှင်းလို့။

ကြားဘူတာ တချို့မှာရပ်တဲ့အခါလည်း ရပ်။ အဲဒီ့ဘူတာတွေလည်း အလားတူ၊ သန့်သန့်ရှင်းရှင်း၊ စိုစိုပြည်ပြည်။ လူသူ ကျဲကျဲပါးပါး။

ရထားလမ်းနဲ့ ပြိုင်နေတဲ့ ကားလမ်းတွေကို မြင်ရတယ်။ လမ်းမကျယ်ကြီးတွေ မဟုတ်ပေမယ့် ဖြူးနေအောင် ချောတဲ့ လေးလမ်းသွား အဝေးပြေးလမ်းတွေပါ။ လမ်းမှာ ဆက်ရာ မရှိ၊ ဖာထေးရာ မရှိ၊ ချိုင့်ခွက် မရှိ၊ လှိုင်းတွန့် မရှိတာကို ကားသမားပီပီ ကောင်းကောင်းကြီး သတိထားမိနေရပြန်သေးတယ်။ ရထားကို ရွေးချယ်ခဲ့မိတဲ့ ကျွန်တော့်စိတ်ကူးကို ကျွန်တော့်ဘာသာ သဘောကျနေမိတယ်။ သူတို့ရဲ့ ကျေးလက်ကို ဖျတ်ခနဲ လှမ်းမြင်ခွင့် ရလိုက်တာပေါ့။

ရွာသိမ်ရွာငယ်လေးတွေကို မြင်ရတယ်။ အားလုံး သပ်သပ်ရပ်ရပ်၊ စိုစိုလွင်လွင်။

သည်လိုနဲ့ ချင်းမိုင်ဘူတာကို မနက်ဆယ်နာရီကျော်စမှာ ပြန်ရောက်လာတယ်။ ကျွန်တော်တို့မှာက ၀န်စည်စလယ်တွေ အများသား။ ဘန်ကောက်မှာ ဈေးဝယ်လို့ ကောင်းလာခဲ့ကြတာကိုး။ အဲတော့လည်း ၀န်စည်စလယ် အကြီးစားကိုက ငါးအိတ်၊ အသေးက ငါးအိတ်၊ စုစုပေါင်း အိတ်ဆယ်အိတ်နဲ့မို့ နောက်ဆုံး ချန်ရစ်ပြီးမှ ရထားပေါ်က ဆင်းလိုက်ကြတယ်။

ကျွန်တော်တို့ရော ၀န်စည်စလယ်အားလုံးပါ ဘူတာစင်္ကြံပေါ် ရောက်သွားချိန်မှာတော့ ၀န်ထမ်းတွေက ရထားကို ရေ စ ချိုးပေးနေကြပြန်ပါပြီ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော် (ရန်ကုန် – ၂၈၀၄၁၁)

ယနေ့ (၁၉-၀၅-၁၁) ထုတ် Bi Weekly Eleven Journal မှာ ဖော်ပြပါရှိတဲ့ စာကို ပြန်လည် တင်ဆက်ထားတာပါ။ 

Photos in My Heart

ရင်ထဲက ဓာတ်ပုံ

၁။

ဓာတ်ပုံတိုင်းက ဇာတ်လမ်းတစ်ပုဒ်စီကို ပြောနေကြတယ်တဲ့။

ဟုတ်မယ်။ တစ်လောဆီက အင်တာနက်ထဲမှာ ဗြိတိသျှ စာကြည့်တိုက်ရဲ့ ဓာတ်ပုံသိုက်တစ်ခု သွားတွေ့တယ်။ အဲဒီ့မှာ ၁၈၈၅-၈၆ခုနှစ် လောက်က မန္တလေးတို့၊ ရန်ကုန်တို့ရဲ့ မြင်ကွင်းတွေကို ပုံနှိပ်ယူလို့ ရတဲ့ အရည်အသွေးနဲ့ မြင်တွေ့ရပါတယ်။ မန္တလေးကို သိမ်းဖို့အတွက် ဂေါဝန်ဆိပ်ကနေ ဗြိတိသျှ စစ်သားတွေ တက်လာတဲ့ ပုံတွေတောင် ပါသေးတယ်။ အဲဒီ့အချိန်မှာ ဆိပ်ကမ်းအနီးတဝိုက်မှာ ရှိနေကြတဲ့ အရပ်သူ အရပ်သားတွေက ကြည့်ချင်ပွဲတစ်ပွဲကို ကြည့်နေကြသလို အုံပြီး ကြည့်နေကြတာကို တွေ့ရတယ်။

ကျွန်တော်က မန္တလေးသားဆိုတော့ မန္တလေးနဲ့ ပတ်သက်တဲ့ ပုံတွေကိုပဲ အဓိကထားပြီး ကြည့်မိသွားရတယ်။ ဟုတ်တယ်… ဓာတ်ပုံတိုင်းက ဇာတ်လမ်းတစ်ပုဒ်စီကို ပြောနေကြတာ အမှန်ပါပဲ။

သီပေါမင်း၊ စုဖုရားလတ်၊ စုဖုရားကြီးဆိုတာလည်း အဲတော့မှ မြင်ဖူးတယ်။ ကုလားဖြူတွေကို ခံတိုက်ဖို့အတွက် လက်နက်အပြည့်အစုံနဲ့ သီပေါရဲ့ စစ်သင်္ဘောလည်း အဲတော့မှ မြင်ဖူးတယ်။ အဲဒီ့ဓာတ်ပုံတွေ မမြင်ဖူးခင်က မြန်မာတွေက လက်နက်အင်အား ချို့ငဲ့လို့ ခံလိုက်ရတယ် မှတ်တာ။ ဘယ်ဟုတ်မလဲ စစ်သင်္ဘောတွေလည်း ရှိသတဲ့။ အင်းဝခံတပ် မှာဆိုလည်း အမြောက်တွေနဲ့။

ဓာတ်ပုံတွေက ပြောပြနေတဲ့ ဇာတ်လမ်းတွေပေါ့။ စာဖတ်သူ လူကြီးမင်းများလည်း ကိုယ့်ဘာသာ အဲဒီ့ဇာတ်လမ်းများကို မှန်းဆကြည့်ချင်ပါရင် British Library On Line Gallery မှာ ဝင်ကာ  mandalay လို့ ရိုက်ထည့်ပြီး ရှာလိုက်ရင် ပုံငါးရာကျော် တွေ့ရနိုင်ပါတယ် ခင်ဗျား။

၂။

ကျွန်တော့် ပုဂ္ဂလိကဘဝမှာလည်း ဓာတ်ပုံတွေ အတော်များများ ရှိခဲ့ဖူးတယ်။

ကျွန်တော် မွေးကင်းစတုန်းက ပုံတွေ၊ ကလေးဘဝက ပုံတွေ၊ ရှင်ပြုတုန်းက ပုံတွေ၊ လူပျိုဖော် ဝင်ခါနီးပုံတွေ၊ လူပျိုပေါက်တုန်းက ပုံတွေသာမကဘဲ ကျွန်တော့်မေမေ အပျိုတုန်းက ပုံ၊ အမေ့ဘက်က အဘိုးနဲ့ အဘွားပုံ စသဖြင့် အထိုက်အလျောက် ရှိခဲ့ဖူးပါတယ်။

အလားတူပဲ၊ ဖေဖေ လူပျိုဘဝ ရေတပ်မှာ တာဝန်ထမ်းဆောင်စဉ်က ပုံတွေအပါအဝင် အဖေ့ပုံအမျိုးမျိုးလည်း ရှိဖူးတယ်။ ဒါတင်မက ကျွန်တော် လူပျိုပေါက်အရွယ် စိတ်ကစားစဉ်အချိန်က အရူးအမူးဖြစ်ခဲ့ရသူများရဲ့ ပုံတချို့တောင် ကျွန်တော့်မှာ ရှိဖူးတယ်။

အဲဒီ့ပုံတွေသာ အခုနေ ရှိနေရင် ပုံတစ်ပုံစီက ဇာတ်လမ်းတစ်ပုဒ်စီကို ပြောပြနေမှာ သိပ်ကို သေချာလှပါတယ်။

သို့ပေမယ့် ကျွန်တော့် ပုဂ္ဂလိက ဘဝထဲမှာ ငယ်ဘဝ ဓာတ်ပုံတွေက မရှိသလောက် ရှားသွားပြီ ဖြစ်သလို အမေနဲ့ အဖေတို့ရဲ့ ဓာတ်ပုံဆိုတာလည်း မနည်း လိုက်ရှာတော့မှ နှစ်ပုံစီလောက်သာ ရနိုင်ပါတယ်။

တော်တော် ကြေကွဲစရာ ကောင်းတာပါ။

၃။

ကျွန်တော်တို့ မိသားစုက သုံးယောက်ရှိတယ်။ အဖေရယ်၊ အမေရယ်၊ ကျွန်တော်ရယ်ပေါ့။ ဒါပဲ ရှိတာ။

အဲဒီ့မိသားစုမှာ ဓာတ်ပုံစာအုပ်က မှတ်မှတ်ရရ နှစ်အုပ် ရှိဖူးတယ်။ မေမေ အပျိုတုန်းက ဓာတ်ပုံစာအုပ်က တစ်အုပ်၊ အဖေနဲ့ အိမ်ထောင်ကျပြီးမှ ထပ်ထားတဲ့ ဓာတ်ပုံစာအုပ်က တစ်အုပ်။ မေမေ့စာအုပ်ထဲမှာ မေမေ့ သူငယ်ချင်းတွေ၊ မေမေ့ တပည့်တွေအပြင် မေမေ့အသည်းစွဲ ရုပ်ရှင်မင်းသမီး၊ အဆိုတော်ကြီး (ဒေါ်)မေရှင့်ပုံတွေပါ ပါနေခဲ့တာကို မှတ်မိနေပါတယ်။

ဒါပေမယ့် အဲဒါတွေ အားလုံး အခုအခါမှာ မရှိတော့ပါဘူး။

တော်တော် ကြေကွဲစရာ ကောင်းတာပါ။

၎။

ဖြစ်ပုံက သည်လိုပါ။

ကျွန်တော့်မေမေဟာ စိတ်ဒဏ်ရာ အရင့်အမာနဲ့ သူ့ဘဝရဲ့ ၇၅ နှစ် သက်တမ်းကို ဖြတ်သန်းသွားသူဖြစ်ပါတယ်။ သူ့ကို မလိုချင်ဘဲ အမျိုးမျိုး ဖျက်ချဖို့ ကြိုးစားတဲ့ကြားက လူဖြစ်လာ၊ လူ့လောကထဲ ဝင်မယ့်ဆဲဆဲမှာလည်း သူ့ကို မလိုချင်၊ မလိုချင်တော့ မအေ့အသက်နဲ့ ကလေးအသက် ဘယ်သင်းကို ယူမလဲလို့ ဖအေလုပ်သူကို မေးတဲ့အခါ မအေ့အသက်ပဲ ယူမယ်လို့ ပြောလိုက်။ ဆရာဝန်ကလည်း ဒါနဲ့ ကလေးကို ညှပ်နဲ့ဆွဲပြီး မွေး။ အသေလေး မွေးတယ်အမှတ်နဲ့ နီးရာ စားပွဲပေါ် သည်တိုင်း ပစ်တင်ထားပြီး သေလုမျောပါး ဝေဒနာ ခံစားနေရတဲ့ မီးဖွားပြီးစ မိခင်ကိုပဲ ဂရုစိုက်နေ။ အဲဒီ့အခိုက်မှာမှ အသေလေး မွေးထားတယ်လို့ ထင်တဲ့ (ကျွန်တော့်မိခင်လောင်းလျာ) မွေးကင်းစလေးက လှုပ်လိုက်ပြီး စားပွဲ ပေါ်က ပြုတ်ကျ။ မွေးပြီးလို့ မိနစ်ပိုင်းတင် ခေါင်းပေါက်သွားခဲ့ရ။

ဟား… ဆိုးလိုက်တဲ့ အဖြစ်ဗျာ။ သည်အဖြစ်ဆိုးကို ထိန်ချန် မထားကြဘဲ ကျွန်တော့်အမေ သိအောင် ပြောပြခဲ့ကြလို့ ကျွန်တော့်အမေက ကျွန်တော့်ကို ပြန်ပြောပြလို့ ကျွန်တော်တောင် သိခွင့်ရတဲ့အဆင့်အထိ ရောက်လာခဲ့ပါတယ်။ အဲသလို ပြောပြသူတွေကလည်း ကျွန်တော့်အမေရဲ့ မိရင်း ဘရင်းများ ကိုယ်တိုင် ဖြစ်နေကြတာလည်း အမှန်ပါပဲ။ သည်လောက်တောင် အသိဉာဏ်ဆင်းရဲရကောင်းလားလို့ ကိုယ့်အဘိုး၊ ကိုယ့်အဘွားကို အပြစ်တင်ချင်သလို ဖြစ်မိခဲ့ဖူးပါသေးတယ်။

ဒါပေမယ့် အစမှာ ဖော်ပြခဲ့တဲ့ အဲဒီ့အချိန်က မန္တလေးသူ မန္တလေးသားများရဲ့ ဓာတ်ပုံတွေက ပြောနေတဲ့ ဇာတ်လမ်းတွေကို ပြန်ကြည့်မိတော့ အပြစ်မတင်ရက်တော့ဘူး။ သူ့ခေတ်နဲ့တော့ သူတွင်ကျယ်ပေါ့။

အဓိက ပြောလိုရင်းက မေမေက အဲဒီ့ စိတ်ဒဏ်ရာကြီး ရှိနေခဲ့တာ။ ဒါ့အပြင် မေမေ့ကို မွေးပြီးတော့လည်း ဂြိုဟ်ကောင်မလေး၊ စနေဂြိုဟ်လေးဆိုတဲ့ အစွဲတွေနဲ့ ငယ်ဘဝမှာ ကောင်းကောင်း နှိပ်စက်ခဲ့ကြပြန်တယ်။ သမီးလေး တစ်ယောက်တည်းရယ်လို့လည်း တန်ဖိုး မထားကြဘူး။ သမီး၊ မိန်းမဆိုတာကို တန်ဖိုးမထားဘဲ ခွဲခြားဆက်ဆံကြတဲ့ ခေတ်ကာလလည်း ဖြစ်တာကိုး။

အဲတော့ မေမေဟာ စိတ်ဒဏ်ရာ အရင့်အမာနဲ့ လူဖြစ်ခဲ့ရတယ်။ အဖေနဲ့ ရတော့လည်း အဖေက မဟာဖိုဝါဒနဲ့။ အမေ့ စိတ်ဒဏ်ရာကို သေသည်အထိ နားလည်မသွားဘဲ သူ စိတ်တိုင်းမကျတိုင်း အမေ့ကို ဖိရိုက်တဲ့ နည်းနဲ့သာ သူ့အိမ်ထောင်ရေးဘဝကို ကျော်လွှားသွားခဲ့ပါတယ်။ အဲတော့ မေမေ့စိတ်ဒဏ်ရာက သက်သာမလာဘဲ တစ်သက်လုံး တစ်တိ တစ်တိနဲ့ အုံကျင်းဖွဲ့လာရပါတော့တယ်။

မေမေ့မှာ နိုင်လို့ရတာ ဘာမှ မရှိရှာဘူး။ ကျွန်တော် ငယ်ငယ်တုန်းကတော့ ကျွန်တော့်ကို နိုင်လို့ ရချင်ရမှာ ဖြစ်ပေမယ့် မိခင်စိတ်နဲ့ ညှာခဲ့မှာပါ။ အဲတော့ သူ နိုင်လို့ ရတာက ဓာတ်ပုံတွေပါ။

အဖေ့ကို မကျေနပ်တိုင်း အဲဒီ့ဓာတ်ပုံတွေကို အမေက ရမယ်ရှာခဲ့ပါတယ်။ ပထမတော့ အဖေနဲ့ သူနဲ့ တွဲရိုက်ထားတဲ့ ဓာတ်ပုံတွေထဲက တချို့တွေကို အဖေ့ဘက် တစ်ခြမ်း ကပ်ကြေးနဲ့ ကိုက်ကာ လှီးဖြတ်ပစ်ပြီး မီးရှို့ပစ်တတ်တာ ကျွန်တော် ငယ်ငယ်ကတည်းက မကြာခဏ ကြုံခဲ့ဖူးပါတယ်။

အဲတုန်းက ကျွန်တော်က ကလေးလည်း ကလေး၊ ကျွန်တော့်ကိုပါ ကျွဲရိုက်၊ နွားရိုက်ရိုက်တတ်ရုံတင်မက ကျွန်တော် သိပ်ချစ်တဲ့ ကျွန်တော့် အမေကိုပါ ကျွန်တော့် မျက်စိအောက်တင် လူမဆန်စွာ ရိုက်နှက် နှိပ်စက်တာတွေကို တစ်လမှာ ရက် ၂၀ လောက် မြင်ထားရတဲ့ အရှိန်ကလည်း ရှိနေတော့ အမေ လုပ်နေတာတွေကို တားရကောင်းမှန်း မသိတဲ့အပြင် စိတ်ထဲက ကျိတ်ပြီးတောင် အားရနေမိခဲ့သလား မသိဘူး။

၅။

အမေနဲ့ အဖေနဲ့က စုစုပေါင်း ၂၃ နှစ်နီးပါး ပေါင်းလိုက်ရတယ်။

ဖေဖေ မရှိတဲ့ အချိန်မှာ ဖေဖေ့ဓာတ်ပုံတွေကလည်း မကျန်သလောက် ဖြစ်သွားပါပြီ။

ကျွန်တော်ကလည်း အခု အသက် ၅၃ နှစ်ရောက်တော့မှသာ မေမေ့ စိတ်ဒဏ်ရာ၊ ဘာညာနဲ့ လျှောက်ရေးမိတော့တာ၊ အဖေကွယ်ချိန် အသက် ၁၉ နှစ်သားတုန်းကတော့ ဒါတွေ ဘယ်နားလည်ပါ့မလဲဗျာ။ ကျွန်တော့်အမေနဲ့ ကျွန်တော်နဲ့က တော်တော် အဆင်မပြေ ဖြစ်ခဲ့ရပါတယ်။ မေမေကလည်း ကျွန်တော့်ကို စိတ်တိုင်းမကျပါဘူး။

ဆိုးသွားတာက မေမေက ကျွန်တော့်ကို မွေးထားတာဆိုတော့ သူ နိုင်လို့ ရမယ်လို့ ထင်ထားတယ်။ ခက်တာက ကျွန်တော်ကလည်း လူလေးလည်း တစ်နေ့တခြား ဖြစ်လာ၊ အမေကိုလည်း ခါးချိအောင် ကားမောင်းပြီး ရှာကျွေးနေရတော့ လူဝါးက ဝ၀လာတယ်။ အမေ ပြောရင် မခံတော့ဘူး။  အမေနဲ့ ထိပ်တိုက်တွေ ဖြစ်လာတယ်။

အဲဒီ့မှာတင် ကျွန်တော့် ဓာတ်ပုံတွေလည်း စတင် ထိုးနှက်ခံရတော့တာပါပဲ။

ဇာတ်ရှိန်တက်သွားတာက မေမေ သဘောမတူတဲ့ မိန်းမကို ယူလိုက် တာပါ။ မေမေ သဘောမတူတဲ့ မိန်းမဆိုလို့ တစ်မျိုးတော့ မထင်လိုက်ကြ ပါနဲ့။ စာရိတ္တတွေ၊ ဉာဏ်ရည်တွေနဲ့ မဆိုင်ပါဘူး။ မေမေ့ ပေတံနဲ့ မကိုက် ညီတာ သက်သက်ပါ။

အဲဒီ့နောက် ချွေးမနဲ့ ယောက္ခမ ဘောက်ကျကြ၊ ကျွန်တော်က တစ်အိုးတစ်အိမ်လည်း ခွဲလိုက်ရော၊ ဟား… မေမေ့ရဲ့ ဒေါသတွေဟာ ကျွန်တော့်ဓာတ်ပုံတွေ အပေါ်မှာ ကျရောက်သွားပါတယ်။ ကျွန်တော်တို့ အိမ်ထောင်သက် နှစ် ၁၇ နှစ်ကျော် အကြာမှာ မေမေ ဆုံးပါတယ်။ (ကံအားလျော်စွာ ကျွန်တော့် လက်ပေါ်မှာပဲ ဆုံးသွားတာပါ။)

အဲဒီ့ ၁၇ နှစ်သက်တမ်းအတွင်းမှာ မေမေဟာ သူနိုင်မယ့်နည်းနဲ့ ကျွန်တော့်ကို အရေးယူတဲ့ အလုပ်တွေ လုပ်ပါတယ်။ အဲဒါကတော့ ဓာတ်ပုံတွေ အားလုံးသာမက ဓာတ်ပုံစာအုပ်များကိုပါ စုပ်စမြုပ်စ မကျန်အောင် ဖျက်ဆီးပစ်ခဲ့တာပါပဲ။

၆။

ဓာတ်ပုံတိုင်းဟာ ဇာတ်လမ်းတစ်ပုဒ်စီကို ပြောနေကြတယ်တဲ့။

ဟုတ်ကဲ့… ကျွန်တော့်မှာ ဇာတ်လမ်း မရှိတော့ပါဘူး။ ကျွန်တော် မွေးခဲ့တဲ့ ဇာတ်လမ်း မရှိဘူး။ ငယ်ဘဝ ဇာတ်လမ်း မရှိဘူး။ လောပိတမှာ နေခဲ့တဲ့ ဇာတ်လမ်း မရှိဘူး။ မန္တလေးမှာ နေခဲ့တဲ့ ဇာတ်လမ်းလည်း မရှိဘူး။  လူပျိုဖော်ဝင်ချိန်နဲ့ လူပျိုပေါက်အရွယ်၊ ရွှေစက်တော်ကို၊ ကျိုက်ထီးရိုးကို၊ ပုဂံကို သွားခဲ့တဲ့ ဇာတ်လမ်းတွေလည်း မရှိတော့ဘူး။ ကျွန်တော် ချစ်တဲ့ အမေနဲ့ ပတ်သက်တဲ့ ဇာတ်လမ်းလည်း မရှိတော့ဘူး။ အမေချစ်တဲ့ ခင်တဲ့ သူတွေရဲ့ ဇာတ်လမ်းတွေလည်း မရှိတော့ဘူး။

အားလုံး စုပ်စ မြုပ်စပျောက်။

၇။

တော်သေးတယ်၊ အဖေနဲ့ အမေနဲ့ မင်္ဂလာဆောင်တုန်းက ရိုက်ထားတဲ့ ဓာတ်ပုံတစ်ပုံရယ်၊ အမေကိုယ်တိုင် တမင် သေချာကူးပြီး ချန်ထားခဲ့တဲ့ အမေ ငယ်ငယ်က ဓာတ်ပုံတစ်ပုံရယ်၊ ချောင်ကြိုချောင်ကြားက ထွက်လာတဲ့ အဖေ့ဓာတ်ပုံတစ်ပုံရယ် ရှိနေလို့သာ ကျွန်တော့် သားနဲ့ သမီးမှာ သူတို့အဖေဟာ မိစုံဖစုံနဲ့ မွေးလာခဲ့တာမှန်း မှန်းဆနိုင်ကြလိမ့်မယ်။ တကယ့်တကယ် ကျွန်တော့်မှာ တခြား ပြစရာ မရှိတော့ဘူး။ ကျွန်တော့်ဆီမှာ ရှိနေတဲ့ ကျွန်တော် အငယ်ဆုံး ဓာတ်ပုံက အသက် ၂၀ အရွယ်လောက်က ပုံတွေသာ ဖြစ်ပါတယ်။

အဲဒီ့ရှေ့ပိုင်း နှစ် ၂၀ လုံးလုံးက မရှိတော့ဘူး။

၈။

ပြောရင်းနဲ့ ကြေကွဲလာပါတယ်။ ပြန်စဉ်းစားမိတဲ့အခါတိုင်းလည်း တကယ် ကြေကွဲရပါတယ်။

ဒါပေမယ့် လူ့စိတ်ဆိုတာ ကြေကွဲစရာကို ကြိတ်ဖြေတတ်တဲ့အမျိုး ဆိုတော့ သူ့ဟာနဲ့သူတော့ ဖြေယူရတာပေါ့ဗျာ။

ဘာမှ မရှိတော့ဘူးဆိုတော့လည်း ရှင်းသွားတာပေါ့။ အတိတ်ကို အတိတ်မှာပဲ ထားလိုက်ကြစို့ရဲ့ပေါ့။

ဒါပေမယ့် တကယ်တော့ အတိတ်က ဓာတ်ပုံထဲမှာ ရှိနေတာ မဟုတ်ပါဘူး။ ကျွန်တော့် ရင်ဘတ်ထဲမှာ ရှိနေတာ။

အခုပဲ ကြည့်လေ… ကျွန်တော့်အတိတ် တစ်စွန်းတစ်စကို စာဖတ်သူလူကြီးမင်းတွေတောင် ဖျိုးခနဲ ဖျတ်ခနဲ မြင်လိုက်ကြရပြီ မဟုတ်ပါလား။

ဓာတ်ပုံလေးနဲ့ပါ ပြနိုင်ရင်တော့ ပိုလို့ ဝေဝေဆာဆာ ဖြစ်မှာပါ။ သို့ပေမယ့် ဓာတ်ပုံမပါသည့်တိုင် ကျွန်တော့် ရင်ဘတ်ထဲက ဝေဒနာတွေကို လက်ဆင့်ကမ်းပေးလိုက်တော့ အခုလည်း စာဖတ်သူလူကြီးမင်းရဲ့ ရင်ထဲကို တစ်စိတ်တစ်ပိုင်းတော့ ရောက်သွားမယ်လို့ ကျွန်တော် ယုံကြည်ပါတယ်။

၉။

ကိုယ့်ဘဝကိုယ် အချဉ်ပေါက်ပေါက်နဲ့ပဲ ပြောလိုက်ချင်ပါတယ်။

ဓာတ်ပုံတွေ ရှိတာ သိပ်ကောင်းပါတယ်။ ဒါပေမယ့် မရှိတော့လည်း ဘာဖြစ်သေးတုံးဗျာလို့။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ဝ၁၀၈၁၀)

(မြန်မာနိုင်ငံ ဓာတ်ပုံအသင်း နှစ် ၆၀ ပြည့် အထိမ်းအမှတ် အဖြစ် ၂၀၁၁ ခုနှစ် မတ်လမှာ ထုတ်ဝေတဲ့ မဂ္ဂဇင်းမှာ ဖော်ပြခဲ့တာလေးကို ပြန်လည် တင်ဆက်လိုက်တာပါ။)

အမှတ်တရ ဖေဖော်ဝါရီ ၁၅

၂၀၁၁ ခုနှစ် ဖေဖော်ဝါရီ ၁၅ ရက် အင်္ဂါနေ့ဟာ ကျွန်တော့်အတွက် အမှတ်တရ ဖြစ်သွားခဲ့ပါတယ်။

နေ့ခင်းက လျှပ်စစ်မီးဖိုတစ်လုံး ၀ယ်ဖို့ ဇနီးသည်က ပြောတာနဲ့ အိမ်နဲ့ နီးတဲ့ ရန်ကင်း ဆယ်(န်)ထာက ဆစ်ထီးမာ့(ထ်)ကို ရောက်သွားတယ်။ မီးဖိုကို ရွေးချယ် စမ်းသပ်ပြီး ၀ယ်ဖို့ ဆုံးဖြတ်လိုက်ကာ ငွေရှင်းမယ်လုပ်တော့ ငွေလက်ခံတဲ့ စားပွဲငယ်လေးမှာ ကျွန်တော့်ရှေ့က တစ်ဦးက အသက် ၅၀ ကျော် သီလရင်တစ်ပါး ဖြစ်နေပါတယ်။ သီလရင်က ငွေရှင်းဖို့ စောင့်နေရင်းက သူ့နောက်က ကျွန်တော့်ကို မြင်သွားတော့ “စာရေးဆရာ အတ္တကျော် မဟုတ်လား”တဲ့။ ဘယ်လိုမှ မျှော်လင့် မထားတဲ့ နေရာမှာ ဘယ်လိုမှ မျှော်လင့်မထားသူ တစ်ဦးဆီက သည်လို မေးခွန်းမျိုးကို ကြားလိုက်ရတော့ အံ့အားသင့်သွားခဲ့ရသလို ကြည်နူးသွားတာကိုလဲ ၀န်ခံပါတယ်။

ခက်တာက သီလရင်ကို ဘယ်လို နာမ်စားနဲ့ စကားပြောရမှန်း မန္တလေးသား ကျွန်တော် မသိတော့တာပါပဲ။ တင်ပါ့လို့ပဲ ပြောရတာပ။ သို့သော် ဘုရားဆိုတာလည်း ထည့်လို့ မဖြစ်မှန်း သိနေတော့ အတော် ခက်တယ်။ ကိုယ့်ကိုယ်ကိုယ်လည်း တပည့်တော်လို့ ပြောရမလား၊ မပြောရဘူးလား မသိဘူး။ ဆရာလေးက ကျွန်တော့်စာအုပ်တွေကို ဖတ်ရုံမက ခင်မင်သူတွေကို လက်ဆောင် ၀ယ်ပေးဖြစ်တဲ့အကြောင်းတွေ ဆက်မိန့်ပါသေးတယ်။ စာအုပ်နာမည်တွေလည်း ရွတ်ပြသွားလေရဲ့။

ကြည်နူးစွာ အိမ်ပြန်လာခဲ့ပါတယ်။ အိမ်ပြန်ရောက်တော့ စာတစ်ထပ်က ကျွန်တော့်ကို ဆီးကြိုနေပါတယ်။ ကျွန်တော့်မှာ စာတိုက်သေတ္တာ သတ်သတ် လုပ်ထားတာ ရှိတယ်။ ပရိသတ်က ဆက်သွယ်ချင်ရင် လွယ်ကူ အဆင်ပြေအောင် စီစဉ်ထားတာပါ။ စာတိုက်သေတ္တာကို ကျွန်တော့် စာအုပ်တိုက် ၀န်ထမ်းက ရန်ကုန်စာတိုက်ကြီးဘက် ရောက်တာနဲ့ လမ်းကြုံလို့ ၀င်ဖွင့်လာခဲ့ပုံ ရပါတယ်။

အဲဒီ့ထဲက စာတစ်စောင်ကလည်း ကျွန်တော့်အတွက်တော့ ကြည်နူးစရာ ကောင်းနေပြန်တယ်။ ကျွန်တော့်ကို “မင်း”ဆိုတဲ့ နာမ်စားနဲ့ တရင်းတနှီး ရေးထားတဲ့ မန္တလေးက “အဘွား”တစ်ယောက်ရဲ့ စာတစ်စောင်ပါပဲ။ သူ့စာ အသွားအလာ၊ သတ်ပုံနဲ့၊ လက်ရေး ခပ်သော့သော့တို့ကြောင့် အဲဒီ့အဘွားဟာ ကျွန်တော့် အမေ အရွယ်၊ အသက် ၈၀ ပတ်ဝန်းကျင်လောက် စာဖတ်နာသူ အမေကြီးတစ်ယောက် ဖြစ်မယ်လို့ မှန်းဆမိရပါတယ်။ ကျွန်တော့်အတွက် ကြည်နူးစရာ ကောင်းနေတဲ့ အဲဒီ့ အဘွားရဲ့ စာလေးကိုလည်း မူရင်း သူ့သတ်ပုံများအတိုင်း အစအဆုံး ပြန်လည် ဖော်ပြပေးလိုက်ပါတယ်။

အဲဒီ့စာကို ခေါင်းစဉ်တပ်ရရင်တော့ “ကျွန်တော်မျိုးကြီး သေသင့်ပါတယ်”လို့ ဖြစ်သွားမလားပဲခင်ဗျ။

သို့

အတ္တကျော်

မှ

ဒေါ်တင်တင်ရီ

မန္တလေးမြို့

နေ့စွဲ ၁၁၊ ၁၊ ၂၀၁၁

ကျေးဇူးတင်လှစွာဖြင့်

ဒီနေ့မှာ အဖွားစိတ်တွေ တစ်ခါမှ မဖြစ်စဖူး အထူးပဲ လေးနေခဲ့တယ်။ လောကကြီးထဲမှာ နေရတာကို ဘာမှ အဓိပ္ပာယ်မရှိသလိုလဲ ခံစားနေခဲ့မိတယ်။

အဲဒီလိုဖြစ်နေတုံးမှာဘဲ အဖွားရဲ့ သ္မီး အငယ်ဆုံးလေးရောက်လာပြီး မင်းရဲ့ “မဖတ်ကြည့်နဲ့နော်”ဆိုတဲ့ စာအုပ်ကလေး လာပေးတယ်။ (အမေ… သူများဆီက ငှားလာတာတဲ့။ ဘတ်ပြီးရင်လဲ သူ့စာအုပ်ထဲမှာ ပါတဲ့အတိုင်း စာပြန်ရေးလိုက်ပါအုံး)လို့ ပြောသွားတယ်။

ဒါနဲ့ သ္မီးငယ်လေး ပြန်သွားပြီးမှ စိတ်မပါ့တပါနဲ့ဘဲ မင်း စာအုပ်ကို စဘတ်မိတယ်။ ဘတ်ရင်း၊ ဘတ်ရင်းနဲ့ ပြုံးလာမိတယ်။ နောက် အသံမထွက်ပဲ ရီခဲ့တယ်။ နောက် သစ်ကုလားအုပ်တွေ ကာရာအိုကေဆိုတာ မြင်လိုက်ရတော့ အသံထွက်ပြီး တစ်ယောက်တည်း ရယ်မိတယ်။ စောစောက စိတ်ညစ်၊ ၀မ်းနည်းနေခဲ့တာတွေ ဘယ်ရောက်သွားမှန်း မသိတော့ဘူး။ ကိုယ်ဘတ်ပြီးတော့ ချက်ချင်းပဲ လက်ဆင့်ကမ်းခြင်စိတ် ဖြစ်ပေါ်လာတယ်။ ခက်တာက အနားရှိတဲ့လူတွေက သိပ်မအားကျဘူး။ စာဖတ်ချိန်လည်း သိတ် မပေးနိုင်ကြဘူး။ ၀ါသနာလဲ သိတ်မပါကြဘဲ အားရင် မြန်မာ ဟာသခွေတွေလောက်ပဲ ငှားပြီး တစ်အိမ်လုံး ကြည့်လေ့ရှိနေတော့ ဘာလုပ်ရမှန်းမသိ ဖြစ်သွားတယ်။

အဲ… ၁၀ တန်း ကျောင်းသားလေး ကျူရှင်က ပြန်လာတာ တွေ့တော့ ခဏလေး… ငါးမိနစ်လောက်ကလေး အချိန်ပေးပြီး ဒါလေး ဖတ်ကြည့်စမ်းပါလို့ ပြောတော့ အင်တင်တင်ရယ်။ အော်… ဖတ်စရာ မလိုဘူး အရုပ် ကြည့်ယုံလေးရယ်လို့ ပြောပြီး လက်ထဲ အတင်း ထဲ့ပေးလိုက်ရတယ်။ နောက်တော့ သူတို့ တအိမ်လုံး ဖတ်ဖြစ်သွားကြတယ်။ အားလုံး ပြုံးလို့ဘဲ။ ရီရတယ်နော်တဲ့။ မင်းစာအုပ်ကလေးကြောင့် အားလုံး ပြုံးပျော်သွားကြပါတယ်။ ဒါကြောင့် ကျေးဇူးတင်ပါတယ်။

အဖွား အကြံပေးခြင်တာကတော့ နောက်ထပ် ရိုက်အုံးမယ်ဆိုရင် မူရင်း အင်္ဂလိပ်စာတန်းလေးပါ တွဲပြီး ထည့်ပေးစေခြင်ပါတယ်။

မင်းဘာသာပြန်ထားတာကို မယုံလို့ မဟုတ်ပါဘူးနော်။ ဘတ်တဲ့လူတွေ အင်္ဂလိပ်စာ တိုးအောင်ရယ်၊ တခါတလေ အင်္ဂလိပ်စာလုံးလေး တစ်လုံးရဲ့ အဓိပ္ပာယ်ဟာ မြန်မာလို ပြန်ရရင် သိတ်ပြီး မထိရောက်ပဲ ရှေလျားထွေပြားသွားတတ်လို့ မူရင်းလေးနဲ့ ထိထိမိမိ ဘတ်စေချင်တဲ့ ဆန္ဒပါဘဲ။

နောက်တခုက မင်း ကလောင်နံမည်ဘဲ။ ဒီစာအုပ်လေးကို မင်းက လူအများ ဘတ်ပြီး ပြုံးရွှင်ကြပါစေ။ ပျော်နိုင်ကြပါစေလို့ စေတနာအပြည့်အ၀နဲ့ လုပ်ထားခဲ့ပြီး မင်းနာမည်ကျမှ “အတ္တ”တဲ့လား။ အတ္တဆိုတာ အဖွားနားလည်သလောက်ကတော့ တစ်ကိုယ်ကောင်းသမားပဲလေ။ ဒီတော့ မင်းနံမည်လေးက စေတနာ လျော့ပါးမှာ မဟုတ်၊ မေတ္တာကို အရင်းခံပြီးမှ ဖြစ်ပေါ်လာရတဲ့ စေတနာမို့ “မေတ္တာကျော်”လို့ပဲ ဖြစ်သင့်ပါတယ်။

နံမည်ပြောင်း ကင်ပွန်းတတ်ရင် အဖွားကိုလဲ ဖိတ်ပါအုံး။

ကျမ္မာစွာ၊ စိတ်ရော လူရော ချမ်းသာစွာနှင့် စာပေများ ဆက်လက်ပြီး ရေးကာ ထုတ်ပေးနိုင်ပါစေလို့ ဆုတောင်းမေတ္တာ ပို့သလိုက်ပါသည်။

တင်တင်ရီ

P.S.  မင်းစာအုပ်တွေကို ဒီတအုပ်ပဲ ဖတ်ဖူးပါတယ်။ ကြိုက်သွားပြီ။

နောက်ဆက်တွဲ

နံမည်ဟာလဲ ဆွဲဆောင်မှု ရှိတယ်။ မြေးတွေ မင်းစာအုပ်တွေ ဖတ်နေတာ တွေ့ပေမယ့် “အတ္တ”ဆိုတဲ့ နံမည်ကို ကြည့်ပြီး ခေတ်လူငယ်လေး ရူးကြောင် မူးကြောင် ရေးချင်ရာတွေ ရေးထားတာပဲ ဖြစ်မယ်ဆိုပြီး ကိုင်ကို မကြည့်ခဲ့ဘူး။

ဒီလိုဘဲ မင်းခိုက်စိုးစံ ဆိုလဲ နံမည်ကိုက ဘ၀င်ကိုင်နေတဲ့ နံမည်လို့…

အဖွားတို့က ဒဂုန်မဂ္ဂဇင်း ပေါ်တဲက စာတွေ ဘတ်လာပြီး စာပေ အနုအယဉ်ဆို မောင်သာရ၊ နိုင်ငံရေးဆို ရန်ကုန်ဘဆွေ။ ဂျာနယ်ကျော် မမလေးတို့၊ ခင်နှင်းယုတို့ကိုတော့ လက်ခံပါတယ်။ လမင်းမိုမိုတို့၊ နွန်ဂျသိုင်းတို့ တခါလောက် ဘတ်ကြည့်ပြီး လှဲ့ကို မကြည့်တေ့ဘူး။ နောက်တော့ ဘာသာပြန်တွေဘဲ ကြိုက်သွားတယ်။ ဒီတော့ မြန်မာစာရေးဆရာတွေကို သိတ်စိတ်မ၀င်စားတော့ဘူး။ ဂျူးလဲ ထွက်ခါစ ခဏကတော့ ဘတ်ပါတယ်။ နောက်တော့ ၀တ္ထုဇာတ်လမ်းကို မရေးတော့ဘဲ သူသိထားတာတွေ သူတတ်တာတွေဘဲ ရေးလာတော့တယ်။

မောင်သာရ အသက်ကြီးလာတော့ လက်ပြောင်းသွားသလိုပါဘဲ။ ဒီလိုပါဘဲ ကိုယီးယားကားတွေ ကြည့်ပြီး မြန်မာအငြိမ့်တို့ ဇာတ်လမ်းတို့က ဘာအဓိပ္ပာယ်မှ မရှိတော့သလို ဖြစ်ကုန်သွားတယ်။ စာပေအနုပညာမှာလဲ ရေးစက ၀ါသနာပါပြီး လူအများ လက်ခံအောင် အပြုသဘော စာပေတွေ ရေးကြပေမယ့် နံမည်လေး ရလာရင် စီးပွားရေးဆန်ပြီး ၀တ္ထု တအုပ်ပြီး တအုပ်ထွက်ဘို့ သက်သက်ဘဲ ရည်ရွယ်လာကြတာ စာပေ အရသာက ပျောက်ပျောက်ကုန်တယ်။

ပရိသတ်ကို အလေးထားတတ်စေချင်တယ်။ “မြန်မာပြည် မြောက်ပိုင်း” ၀တ္ထုစာအုပ်ကြီးကို အစချီ တည်ခဲ့ပြီး ယနေ့တိုင် အဆုံးမသတ်နိုင်တဲ့ စာရေးဆရာကြီးလဲ ရှိသေးတယ်။ အဆုံးသတ်ရ ခက်နေပုံ ရတယ်။ ဇာတ်အိမ်ကြီး ဘွဲ့ထားပြီး ဇာတ်သိမ်းခက်နေပုံ ပေါက်တယ်။ တိုင်းပြည်က သူထင်သလို၊ သူ စ ရေးတုံးကလို မဖြစ်လာဘဲ ကမောက်ကမတွေ ဖြစ်နေတော့ သနားပါတယ်။

တချို့ဝတ္ထုထဲ ဇာတ်လိုက်နာမည်ပေးထားတာက မင်းသိင်္ခထက်တောင် ကဲနေသေးတယ်။ မြေးတွေက ပြောပါတယ်။ အဖွားက ခေတ်မမှီတော့လို့တဲ့။ ဒါ့ကြောင့် နံမည်ဟာလဲ အရေးကြီးပါတယ်။ ရုပ်ရှင်ကား၊ စာအုပ် ၀တ္ထုတစ်ပုဒ်တိုင်းမှာ “ပညာပေး”တခုခုတော့ ပါမှ စာပေ၊ ရုပ်ရှင်လို့ အဘွားက ယူဆထားတော့ ခေတ်နဲ့ မကိုက်ညီတော့ဘူးပေါ့ကွယ်။

ရီ

ကျွန်တော့်ဆီမှာ ရှိတဲ့ scanner က အခု Windows 7 နဲ့ အဆင်မပြေတော့ဘူး။ driver ကို အင်တာနက်ကနေ download လုပ်ကြည့်ပေမယ့်လည်း ဘာလွဲနေမှန်း မသိတော့ scanner သုံးလို့လို့ မရဘူးဖြစ်နေပါတယ်။ အခု စာရေးလိုက်တဲ့ ဒေါ်တင်တင်ရီရဲ့ စာနဲ့ စာအိတ် တစ်စိတ်တစ်ပိုင်းကို ကင်မရာနဲ့သာ ဖြစ်သလို ရိုက်ပြီး အဖြစ်ပဲ တင်ပေးလိုက်ရတာကို နားလည် သည်းခံတော်မူပေးကြပါခင်ဗျား။

သြော်… သူပြောတဲ့ ကျွန်တော့်စာအုပ်နာမည်က “မဖတ်ကြည့်နဲ့နော်” မဟုတ်ပါဘူး။ “မဖတ်နဲ့နော်”သာ ဖြစ်ပါတယ်။ အလားတူပဲ၊ နွမ်ဂျာသိုင်းကိုလည်း သူ စာလုံးပေါင်းထားတဲ့အတိုင်း “နွမ်ဂျသိုင်း”လို့သာ သူ့စာကို ပြန်ကူးရာမှာ ရေးထည့်လိုက်တာပါ။ မင်းခိုက်စိုးစန်ဆိုလဲ သူက စံထားတဲ့အတိုင်းပါပဲ ခင်ဗျား။ နောက်ဆက်တွဲ အပါအ၀င် စာတစ်စောင်လုံး သူ့စာလုံးပေါင်းများအတိုင်းသာ ဖြစ်ကြောင်းပါ။

Win Oo, the Ideal Artist

ကွယ် တာ    ကြာ ပေ မယ့်    ဘယ် ခါ    မေ့ နိုင် လိမ့်

“၀င်းဦး” ကျွန်တော့်ဘ၀ထဲ ၀င်လာတာ လူမှန်း သိကတည်းက ဖြစ်သည်။ သူ့သီချင်းသံတွေက အရင်ဝင်လာတာ ဖြစ်လိမ့်မည် ထင်သည်။ အိုး… မေဘရဏီလို… ငွေပန်းချီတောင် လက်မှိုင်ချရသကိုး… မမမိုး… ၀ိုးဝို့ဝို ဖြစ်ပါလိမ့်မည်။ သူ့ခေတ်မှာ လူဖြစ်လာတာဟု ဆိုရမလား မသိပေ။ ကလေးဆိုတော့ ၀င်းဦးကား ကြည့်ဖူးသလား၊ မကြည့်ဖူးသလားလည်း မမှတ်မိ။ သီချင်းကတော့ ငယ်ငယ်ကတည်းက ၀ါသနာပါပြီး တကြော်ကြော် ဆိုနေတတ်ပေရာ မမမိုး ၀ိုးဝို့ဝိုကတော့ တော်တော် စွဲခဲ့တာ မှတ်မိနေပါသည်။

နောက်ထပ် မှတ်မိတာ တစ်ခုရှိသေးသည်။ အဲဒါက မေမေ လစဉ် ၀ယ်ဖတ်သော ရှုမ၀ မဂ္ဂဇင်းထဲက ၀င်းဦး၏ ၀ထ္ထုတစ်ပုဒ်ကို ဖတ်ခဲ့ဖူးတာဖြစ်သည်။ ကျွန်တော် ၆ နှစ်လား၊ ၇ နှစ်လားတော့ မသိ။ သို့သော် ၆ နှစ်၊ ၇ နှစ်အရွယ် ကလေးတစ်ယောက်အဖို့ ၀ထ္ထုကို နားမလည်နိုင် မခံစားတတ်နိုင်သေးချေ။ အဲတော့လည်း ၀င်းဦးသည် ကျွန်တော့်အတွက် ၀ိုးဝို့ဝိုသာ ဖြစ်ခဲ့ပါသည်။ ၀ိုးဝို့ဝိုသာ မကပါ။ “မီးပုံပွဲမှာ စုကာ ဝေးကာ အပေါင်းအဖော်များနဲ့ ပျော်ရွှင်ဖွယ်”တွေရော၊ “မေခင် ကျွန်တော့်အချစ်တော် ဟိုင်း… ဟိုင်…”တွေ အပါအ၀င် သူ့သီချင်းပေါင်းများစွာကို နှုတ်တက်ရွရွ ဆိုတတ်ခဲ့ပါသည်။

မှတ်မှတ်ရရကတော့ ၁၀ နှစ်သားမှာ ဖြစ်သည်။ အဲတော့ ကျွန်တော် မန္တလေးသို့ ရောက်နေလေပြီ။ ၀င်းဦး၏ တိမ်လွှာမို့မို့လွင် ပိုစတာကြီးများက တစ်မြို့လုံးကို မင်းမူထားသည်။ ကျွန်တော်က ကျောင်းကြက်ခြေနီအသင်းနှင့် ဘင်ခရာ အသင်းကို ၀င်သည်။ အဲတုန်းက ကြက်ခြေနီမှာရော ဘင်ခရာမှာပါ ၀တ်စုံအဖြူ အထက်အောက် ဆင်တူ ၀တ်ရသည်။ ဒါကို သဘောကျသဖြင့် အသင်းများသို့ ၀င်လိုက်ခြင်းဖြစ်သည်။ ၀မ်းတွင်းရူးဟု ထိုခေတ်က လူတကာ သရော်လေ့ရှိသော ၀င်းဦးရူး ရောဂါပိုး စ၀င်ခြင်းပင် ဖြစ်တော့သည်။

၁၁ နှစ်သားမှာ ရန်ကုန်ရောက်လာပြီ။ ၁၉၆၈ ခုနှစ်။ ၀င်းဦး အရှိန်တက်လို့ အကောင်းဆုံး အချိန်ပင် ဖြစ်တော့သည်။ သူ့ပုံတွေ ပါသော စာစောင် မဂ္ဂဇင်းတွေ ကြည့်ရတာ အမော၊ သူ့ကားဆိုလည်း ကြည့်ချင်မိရတာ အမော။ သူ့သီချင်းဆိုလည်း လိုက်ဆိုရတာ အမောပင်။

ကျွန်တော် ၁၃ နှစ်သားမှာ သူ အကယ်ဒမီ ရသည်။ မှုန်ရွှေရည်။ မှုန်ရွှေရည်ထဲက သီချင်းတွေ တစ်ပုဒ်မကျန် ကျွန်တော် အကုန်ရသည်။ ကျွန်တော့် ပင်ကိုသံကလည်း သူ့လိုပင် အသံလုံးကြီးသော ဘယ်သံဖြစ်ပေရာ သူ့အသံနှင့် တစ်ထပ်တည်း တူအောင် တုပြီး ဆိုရတာကိုပင် အရသာရှိနေသည်။ အဖေက ကျွန်တော် ၀မ်းတွင်းရူးနေတာကို သိသည်။ သည်တော့ ၀င်းဦး၏ အားကျစရာ တခြား အရည်အချင်းတွေကို ပြောပြသည်။ သူ အင်္ဂလိပ်စာ တတ်တာ၊ သူ ပညာတတ်ပြီးမှ အဆိုတော် မင်းသား လုပ်တာများကိုပင် ဖြစ်သည်။

မှတ်မိနေတာ တစ်ခု ရှိသေးသည်။ accident ကို ၀င်းဦး အသံထွက်တာ။ ၀င်းဦးရူးသော ကျွန်တော်သည် ၀င်းဦး သီချင်းမှန်သမျှ မလွတ်တမ်း နားထောင်တတ်သလို သူ့သီချင်းအတော်များများကိုလည်း (ယနေ့ထက်တိုင်) အလွတ်ရသည်။ သူ့ အသံနှင့် လာသော ရေဒီယို အသံလွှင့်ဇာတ်လမ်းများကိုဆိုလည်း တခုတ်တရ နားဆင်သည်။ ထိုအထဲမှာမှ အင်္ဂလိပ်ပိုင်း အစီအစဉ်မှာလည်း သူက အသံလွှင့်ဇာတ်လမ်းမှာ အသံဖြင့် သရုပ်ဆောင်ဖူးသည်။ ယင်းအသံလွှင့်ဇာတ်လမ်းတွင် ၀င်းဦးက “အက်(ခ်)ဆစ်ဒင့်(ထ်)”ဟု ပီပီသသ ထွက်သွားတာကို မှတ်မိနေခြင်းဖြစ်သည်။ တစ်လျှောက်လုံး အက်ဆီးဒယ့်(န်)ဟု ထွက်လာခဲ့သော ကျွန်တော့်အသံထွက်အတွက် သူက အမှန်ကို ပြပေးသော ကြားဆရာ ဖြစ်လေသည်။

ကိုးတန်း ဆယ်တန်းမှာတော့ စာတွေ ကောင်းကောင်း ဖတ်တတ်လေပြီ။ ထိုစဉ်က ကျွန်တော်နေထိုင်ရာနှင့် မဝေးလှသော နေရာမှ စာအုပ်ဆိုင်လေးမှာ စာအုပ်စုံလှသည်။ နာမည်ကျော် စာရေးဆရာတိုင်း၏ စာအုပ်များ တစ်အုပ်မကျန် ရှိနေတတ်သည်။ သည်တော့ ၀င်းဦးကို ကျွန်တော် ဖတ်ပြီ။ သူ့စာအုပ်တွေ တစ်အုပ်မကျန် ဖတ်သည်။ အဲတော့လည်း သူ့အရေးအသား၊ ဇာတ်ဖွဲ့ပုံများကို သဘောကျလို့ မဆုံးနိုင်ပြန်တော့ပေ။

ထိုစဉ်က ၀င်းဦးမှာ တိုက်ခန်းတွေ ရှိသည်။ လွစ္စလမ်းဟု ထိုစဉ်က ခေါ်သော ယခု ဆိပ်ကမ်းသာလမ်းမှာ တစ်ခန်း၊ ဘားလမ်းဟု ခေါ်သော မဟာဗန္ဒုလ ပန်းခြံလမ်းမှာ တစ်ခန်းဖြစ်သည်။ ကျွန်တော်က ရန်ကုန်မြို့ထဲမှာ နေသည်မို့ ထိုလမ်းများမှ ဖြတ်တိုင်း ၀င်းဦးကို တွေ့ရနိုးနှင့် ကြည့်ရတာလည်း အမောသား။ သူ့ အမိုးဖွင့် ပြိုင်ကား နီနီလေးမြင်လျှင်လည်း အူယားဖားယား ကြည့်မိသည်။ ကားနံပါတ်တောင် မှတ်မိနေပါသေးသည်။ စ-၅၆၇၁ ခင်ဗျ။ နှုတ်ခမ်းမွေးနှင့် အသားဖြူဖြူ မင်းသားကြီးကိုကား ရိပ်ခနဲသာ မြင်လိုက်ရသည်ချည်းပင်။

ထိုခေတ်က ကားဟောင်းတွေကို ရုံပြန်ပြန်တင်သည့် အလေ့ ရှိသည်။ ၀င်းဦးကားသာဆိုလျှင် ဘယ်လောက် ဟောင်းဟောင်း၊ ဘယ်နှကြိမ်ဖြစ်ဖြစ် ကျွန်တော် အမိအရ ပြန်ကြည့်နေမိခဲ့စမြဲပင်။

ဝင်းဦး စာအုပ်အဟောင်းတွေဆိုလည်း စာအုပ်ဈေးပွဲတော်တိုင်းမှာ လိုက်ရှာသည်။ တွေ့သမျှ ၀ယ်ထားသည်။ ရှာရှာဖွေဖွေ ပြား-၆၀ တန် ၀င်းဦး အချစ်ဝတ္ထုတစ်အုပ်ပင် ကျွန်တော့်မှာ ရှိနေသည်။ အင်တာနက်ခေတ်မှာလည်း ၀င်းဦး သီချင်းတွေ လိုက်စုနေတာ အပုဒ် ၇၀ နီးပါး ရခဲ့လေပြီ။

အားလုံးချုပ်လိုက်လျှင် ကျွန်တော့် တစ်ဘ၀လုံးကို ၀င်းဦးက အကြီးအကျယ် လွှမ်းမိုးထားခဲ့ပါသည်။ ယုတ်စွအဆုံး အမိုးဖွင့် ပြိုင်ကား စီးချင်သော ရောဂါအထိ ကျွန်တော့်မှာ အကြီးအကျယ် ရှိပါသည်။ အင်္ကျီအဖြူ၊ ဘောင်းဘီအဖြူ၊ ဖိနပ်အဖြူ ၀တ်ချင်သော ရောဂါကလည်း မသေးချေ။ လစ်ရင် လစ်သလို ၀တ်နေမိဆဲဖြစ်ပါသည်။ ၂၀၁၀ ပြည့်နှစ် မေလမှာ ကျင်းပသော ရွှေအမြုတေ စာပေဆုပေးပွဲမှာ အခမ်းအနားမှူး လုပ်စဉ်ကတောင် ၀တ်လိုက်သေးသည်။ ကျွန်တော့် ပြောပုံဆိုလက်၊ ကျွန်တော့် ရေးပုံသားပုံ၊ ကျွန်တော့်အ၀တ်အစားတွေမှာ တော်တော် သိသာနေပါသည်။ အထင်ရှားဆုံးကား ကျွန်တော့် တစ်ပုဒ်တည်းသော လုံးချင်း ၀တ္ထုမှာ ၀င်းဦး၏ “မိန်းမလှ အမုန်း”နှင့် မထင်မှတ်ဘဲ သွားဆင်နေခြင်းပင်တည်း။ (သူ့လောက် ကောင်းဖို့နေနေသာသာ သူ့ခြေဖျားပင် မမီဟု ကျွန်တော့်ဝတ္ထုကို ဆရာမောင်ဝဏ္ဏက ထောမနာပြုဖူးပါသည်။)

သို့သော် ထိုဝင်းဦးကို သူ အသက်ရှင်စဉ်အခါက တစ်ခါမျှ လူချင်း မတွေ့ခဲ့ဖူးပါ။ သူ့ စန္ဒာမဂ္ဂဇင်းသို့မူ စာမူလေးတွေ ပို့ခဲ့ဖူးပါသည်။ တစ်ခါမျှ အရွေးမခံခဲ့ရချေ။

စာတည်းစားပွဲ အဆင့်ဆင့်ကို ဖြတ်သန်းလျက် စာပေလမ်းပေါ်သို့ ကျွန်တော် ရောက်ရှိစအချိန်မှာတော့ ၀င်းဦးတစ်ယောက် ကွယ်လွန်သွားခဲ့ပါသည်။ ကျွန်တော့်မှာ ယူကြုံးမရ။ နေမယ်ဆို ကောင်းကောင်း နေနိုင်သေးသော အရွယ်ဖြစ်သည်။ လုပ်စရာတွေလည်း အများကြီး လုပ်နိုင်သေးသည်။ ထိုအရွယ်မှာ သူ ကွယ်တော့ ကျွန်တော့်မှာ မဆည်နိုင်၊ မဖြေနိုင်။

ထို့ကြောင့် သူ့ကို လွမ်းလွမ်းနှင့် ၀င်းဦးသုတေသန လုပ်ပြီး မဟေသီမှာ ရေးဖြစ်ခဲ့သည်။ ၀င်းဦး၏ မိသားစုဝင် တချို့၊ ၀င်းဦး၏ လုပ်ဖော် ကိုင်ဖက်တချို့ကို တွေ့ဆုံ မေးမြန်းကာ ပြန်လည်တင်ပြခြင်းပင်ဖြစ်သည်။ ခက်တာက အမှန်ကို ပြောရန် လူအတော်များများက ၀န်လေးနေကြခြင်းပင်။ ခပ်ဖွဖွသာ ပြောခဲ့ကြသဖြင့် ခပ်ကြမ်းကြမ်း ကောက်ကြောင်းကိုသာ ရသည်။

သူ့အမေဘက်က အဘိုးက အင်္ဂလိပ်စစ်တပ်က ဆရာဝန်ကြီး ကာနယ်(လ်) ဘခက်၊ သူ့အမေက မင်နီဘခက်၊ စန္ဒယားအတီးကောင်းကာ စီးကရက်ကြိုက်သူ၊ သူ့အမေနှင့် သူ့အဖေတို့ ကွဲတော့ သူတို့ ညီအစ်ကို မောင်နှမတစ်တွေက မအေနဲ့ ကျန်ခဲ့ကြတာ၊ ၀ါးချက်ကို စစ်ပြေးတော့ သူ့အမေ မမာတော့တာ၊ သည်အချိန်မှာ သူ့အဖေနဲ့ သူ့မိထွေးတို့ကလည်း ၀ါးချက်ကိုပဲ ပြေးလာကြရာက ပြန်ဆုံကြတာ၊ သူ့အမေကွယ်တော့ ဖအေနဲ့ ပြန်ပေါင်းစည်းရတာ၊ ချောင်တစ်ချောင်မှာ ကုပ်ပြီး စာအုပ်နဲ့ မျက်နှာ မခွာတမ်းဖတ်တာ၊ ၁၅ နှစ်နဲ့ ဆယ်တန်းအောင်တာ၊ တက္ကသိုလ်တက်ချိန်အထိ လူဗလံလေး၊ ပိန်ညှော်ညှော်နဲ့၊ တက္ကသိုလ်က အလှပဂေးကို ချစ်ရေးဆိုရာမှာ ဟိုက နင့်လို ကနွဲ့ကလျနဲ့ ဗလံလေးကဆိုပြီး ပြောထည့်လိုက်တာမို့ စိတ်နာပြီး စစ်ထဲ ၀င်သွား၊ အလေးမ၊ အားကစားလုပ်ရင်း သူ့ကိုယ်ခန္ဒာကို မွေးမြူခဲ့တာ၊ အဲဒီ့ဘ၀က ဇာတ်လမ်းစုံ၊ သူကြိုက်ခဲ့ဖူးတဲ့ အဆိုတော် တစ်ယောက်၊ သြစတြေးလျမှာ ပညာသင်သွားခဲ့တာ၊ ပြန်လာတော့ မွေးပွ ခွေးလေးတစ်ကောင်ပါလာတာ၊ ၀င်ဒါမီယာ အသံလွှင့်ရုံမှာ သူ သဘောကျတဲ့ အဆိုတော် သီဆိုနေတော့ သွားပြီး ခွေးလက်ဆောင် ပေးခဲ့တာ၊ ရှုမ၀မဂ္ဂဇင်းတိုက်သို့ မော်တော်ဆိုင်ကယ်ဖြင့် ပေါက်ချလာတတ်သော နှုတ်ခမ်းမွှေးနှင့် စာရေးဆရာ ကိုလူချော၊ သူရုပ်ရှင်ထဲ ရောက်လာပုံ၊ လျှမ်းလျှမ်းတောက်လာချိန်မှာ တစ်သက်လုံး အနေအထိုင် စည်းမရှိတဲ့ လူတစ်ယောက်က သူ့ကို ဇာတ်သွင်းခဲ့တာ၊ သူအတိုက်အခိုက်ခံရပုံ မျိုးစုံ၊ သူ ဘာသာပြောင်းခြင်း အကြောင်းရင်း၊ မှုန်ရွှေရည်ထဲက စရိုက်နဲ့ သူ၊ သူက တစ်ဖက်သားတွေကို သူ့နည်းနဲ့သူ ပြန်နှိပ်ကွပ်ခဲ့တာ၊ သူ့ကို စာမျက်နှာပေါ်ကနေ တိုက်ခိုက်သူတွေ သူတိုက်တဲ့ အရက်ကောင်းကို သောက်ကာ သူသေတော့ သူ့ဘုန်းတော်ဘွဲ့တွေ ရေးကုန်ခဲ့ကြတာ…. အို… ခပ်ကြမ်းကြမ်း ကောက်ကြောင်းပေမင့် အများကြီးကို သိခွင့်ရခဲ့ပါသည်။

ထိုအထဲမှာမှ သူ့ အနုပညာ လုပ်ကွက်လှလှလေးတွေ၊ အနုပညာအား ကောင်းပုံတွေ၊ သင်ယူမှတ်သားမှု မြန်ဆန်ပုံတွေကိုလည်း သိခွင့်ရလိုက်တာ တစ်ပုံတစ်မ။

အားလုံးချုပ်လိုက်လျှင်မူ သူမတူအောင် ထူးခြားသော ပါရမီရှင်တစ်ဦးဟုသာ ဆိုရန် ရှိတော့သည်။ သို့သော် မှတ်တမ်းမှတ်ရာကား များများစားစား မကျန်နိုင်တော့ချေ။ ၀မ်းနည်းစရာ ကောင်းသည်မှာ သူ့ရုပ်ရှင်ကား အများအပြားအနက်မှ တချို့တလေသာ ကျန်ရစ်တော့ခြင်း ဖြစ်လေသည်။ မှုန်ရွှေရည်၊ မောင်တို့ ချယ်ရီမြေ၊ ဆောင်းတစ်ည၀ယ်၊ ကျောက်မဲ အကျဉ်းသား၊ သစ္စာတူပြိုင်၊ တိမ်လွှာမို့မို့လွင်၊ ချစ်သူရွေးမယ် ချစ်ဝဲလည်၊ မုန်းပါတယ် မောင့်ကို၊ တစ်ကျော့နှစ်ကျော့ တေးကိုသီတို့လောက်သာ ရှိတော့မည် ထင်သည်။ နှစ်ယောက်ထဲ နေချင်တယ်၊ ချစ်သော မောင်မောင်၊ မောင်မောင်နဲ့ သိင်္ဂီ၊ မုန်းတစ်လှည့် ပြုံးတစ်လှည့်၊ သိကြားစေ သက်သေညွန်း၊ ပိတောက်ရိပ်ဝယ်၊ နှင်းပျောက်တဲ့ နွေ၊ ဆောင်းအိပ်မက်တို့ဆိုရင် ဘယ်တွေ ရောက်သွားရှာလေပြီလဲ မသိ။

ထို့ထက် ၀မ်းနည်းစရာ ကောင်းသည်ကား စာရေး အင်မတန် ကောင်းသော အတုယူထိုက်သော သူ့စာများကို နှောင်းလူတို့ ဖတ်ခွင့်ကြုံရန် ခက်ခဲနေခြင်းပင်ဖြစ်တော့သည်။ ၀င်းဦးကို အတော်များများက ဇာတ်လိုက်မင်းသား၊ အဆိုတော်အဖြစ်သာ သိထားကြပါသည်။ စာရေးဆရာ ၀င်းဦးအဖြစ် လူငယ်တွေဆိုလျှင် မသိကြတော့ပါ။ အမှန်က ၀င်းဦး၏ အနုပညာ ခရီးအစသည် စာရေးဆရာ ဘ၀သာဖြစ်ပါသည်။ မင်းသား ၀င်းဦးဖြစ်ပြီးမှ စာအုပ်ထုတ်စားသည်မျိုး မဟုတ်မူဘဲ စာရေးဆရာအဖြစ် ခိုင်ခိုင်မာမာ အောင်မြင်ပြီးမှ ရုပ်ရှင်နယ်ထဲသို့ ရောက်လာကာ ရုပ်ရှင်မှာ လျှမ်းလျှမ်းတောက်သွားသူသာ ဖြစ်လေသည်။

လွန်ခဲ့သည့် နှစ်ပေါင်း ၂၀၊ ၀င်းဦးကွယ်လွန်ပြီးစတွင် ဆရာဝင်းဖေ (စာပေနယ်တွင် ဇင်နိုးကြူး ၀ါဒဟု တွင်ကျယ်စေခဲ့ရာတွင် ပါဝင်သူ တစ်ဦးဖြစ်သည့် ဆရာမြဇင်။ ကျန်သူများမှာ ကျွန်တော့် အင်္ဂလိပ်စာဆရာ မောင်သာနိုးနှင့် ဆရာမင်းလှညွန့်ကြူးတို့ ဖြစ်ပါသည်။ ဤကား စကားချပ်)နှင့် ဧည့်ခံပွဲတစ်ပွဲတွင် ဆုံခဲ့ဖူးသည်။ ဆရာ ၀င်းဖေနှင့် ၀င်းဦး၏ စာပေလက်ရာများအကြောင်း ပြောဖြစ်ရာ ဗန်းမော်တင်အောင်၏ သြဇာက တင့်တယ်အပေါ်မှာ သက်၊ တင့်တယ်၏ သြဇာက ၀င်းဦးအပေါ်မှာ သက်ခဲ့သည် မှန်သော်လည်း ၀င်းဦး၏ စကားပြေရေးဟန်မှာ ကိုယ်ပိုင်ဟန်ရှိသဖြင့် stylist ဟု ခေါ်ဆိုနိုင်ကြောင်း ဆရာဝင်းဖေက အလွတ်သဘော ပြောခဲ့ဖူးပါသည်။

ဝင်းဦး၏ စာပေလက်ရာများမှာ နှောင်းလူတို့အတွက် အမှန် တကယ် အတုယူဖွယ်၊ နည်းနာယူဖွယ် စကားပြေလက်ရာများသာ ဖြစ်ပါသည်။ မြန်မာစာကို နှိုက်နှိုက်ချွတ်ချွတ် ဖတ်ထားသလို နိုင်ငံတကာ စာပေကိုလည်း အထိုက်အလျောက် အဖတ်အရှုများသူ တစ်ဦး ဖြစ်သည့် အားလျော်စွာ သူ့စာလေးတွေမှာ တွေးစရာ တစ်ပုံတစ်ပင် ပါဝင်နေခဲ့ဖူးသည်မှာလည်း ဧကန်ပင်။

သူ့စာတွေကို အများပြည်သူ နှောင်းလူ ခေတ်လူငယ်များ ဖတ်ဖြစ်စေချင်သော စေတနာနှင့် ထုတ်ဝေခွင့်ရရန် ကျွန်တော် ကြိုးပမ်းဖူးပါသည်။ သို့သော် သူ့စာများအပါအ၀င် သူ့အနုပညာအရပ်ရပ်ကို ဆက်ခံသူကမူ ဒါတွေနှင့် ဝေးလွန်းလှသည်။ သူ့ကို အဆိုတော် မင်းသား တစ်ဦးအဖြစ် အရူးအမူး ချစ်ခဲ့သည်က လွဲ၍ သူ့တန်ဖိုးကိုလည်း သတိမမူ၊ သူ့အနုပညာအမွေများကိုလည်း လက်ဆင့်ကမ်းဖို့ စိတ်ကူးမရ ဖြစ်နေပေရာ သူ့စာတွေကို လူအများ ဖတ်ရဖို့ ခဲယဉ်းနေပါလေတော့သည်။

သို့သော်… ယနေ့ကာလ နည်းပညာခေတ်၊ သတင်းအချက်အလက်ခေတ်ကြီးမှာ မျှော်လင့်ချက် ရောင်ခြည်က သန်းလာပါလေပြီ။ သူ့စာတွေကို အင်တာနက်စာမျက်နှာပေါ်မှာ အပင်ပန်းခံ တင်ဖို့သာ လိုသည်။ ပင့်ကူအိမ်မှတ်တမ်းဟု ခေါ်သော နိုင်ငံတကာ ဆက်သွယ်ရေး ကွန်ရက်ပေါ်မှ မှတ်တမ်းစာမျက်နှာတစ်ခုကို ဖွင့်လှစ်ရန်မှာ ဘာမှ ခက်ခက်ခဲခဲ မဟုတ်လှချေ။ ထိုစာမျက်နှာပေါ် အပင်ပန်းခံပြီး တင်မည့်သူ တစ်ယောက်မျှ ပေါ်လာလျှင်ပင် ၀င်းဦး၏ လက်ရာမွန်များကို လူငယ် ပရိသတ် ရှာဖွေ ဖတ်ရှုနိုင်တော့မည်မှာ မလွဲပါတည်း။

ထိုနည်းဖြင့်ပင် တစ်နှစ်မျှအတွင်း ၀င်းဦး၏ သီချင်းပေါင်း ၇၀ ကျော်ကို ကျွန်တော် စုနိုင်ခဲ့ပြီဖြစ်ပေရာ မဝေးသောကာလမှာလည်း ကျွန်တော် ချစ်သော၊ လေးစားသော၊ အားကျသော စာရေးဆရာ ၀င်းဦး၏ စာများကို ဖတ်ရှုနိုင်တော့မည်ဟု မမှိတ်မသုံ ယုံကြည်နေမိရပါတော့သတည်း။

(၁၉၈၈ ခုနှစ် ဒီဇင်ဘာလ ၁၄ ရက်မှာ ကွယ်လွန်တိမ်းပါးခဲ့သော အနုပညာရှင် ၀င်းဦး ကွယ်လွန်ခြင်း ၂၂ နှစ်ပြည့် အမှတ်တရ)

အားလုံးတွေးဆ ဆင်ခြင်ကြည့်နိုင်ကြပါစေ

ဆူဒိုနင်

(ရန်ကုန် – ၁၀၁၂၁၀)

In Ever Loving Memory of Min Min Latt

မင်းမင်းလတ်ကဖြင့် မရှိတော့ဘူး

၁း ၁
၁၉၆၇ ခုနှစ်က ကျွန်တော် ငါးတန်းပါ။ Tape Recorder လို့ ခေါ်တဲ့ အသံသွင်းကြိုးခွေ ဖွင့်စက်ကြီးနဲ့ ကျွန်တော့်ဦးကြီးက သီချင်းတွေ ဖွင့်တတ်ပါတယ်။

သေနတ်သံတွေနဲ့အတူ အကော်ဒီယံအုန်းကျော်ရဲ့ “ရေခြား.. ဝေးမြေ၊ မနေမနား ပြေးနေ”ဆိုတဲ့ သီချင်းကို ကြားဖူးခဲ့ပါတယ်။

အသံသွင်းကြိုးခွေနဲ့  ဦးကြီး ဖွင့်လေ့ ရှိတဲ့ တခြားသီချင်းတွေကတော့ ရေဒီယိုမှာ ကြားဖူးထားတဲ့ သီချင်းတွေ၊ ရုပ်ရှင်ထဲမှာ ကြားဖူးထားတဲ့ သီချင်းတွေပါ။ အကော်ဒီယံ အုန်းကျော်ရဲ့ သီချင်းတွေကတော့ ရေဒီယိုမှာရော ရုပ်ရှင်မှာပါ မကြားဖူးသေးတဲ့ သီချင်းတွေပါ။

၁း ၂
၁၉၆၈ ခုနှစ်ကျတော့ ကျွန်တော်တို့ မိသားစု ရန်ကုန်ကို ပြောင်းလာကြပါပြီ။ ဦးကြီးနဲ့လည်း အနေဝေးခဲ့သလို ကျွန်တော်တို့အိမ်မှာလည်း အသံသွင်း ကြိုးခွေ ဖွင့်တဲ့စက် မရှိပါဘူး။ National ရေဒီယိုကြီးတစ်လုံးပဲ အိမ်မှာ ရှိတာမို့ သီချင်းအသစ်တွေနဲ့ ဝေးနေပါတယ်။ ရေဒီယိုက လာတဲ့ သီချင်းတွေသာ စောင့်နားထောင်ရတဲ့ အနေအထားပါ။

၁း ၃
၁၉၆၉ ခုနှစ်ကျတော့ ရန်ကုန်မြို့ထဲက လမ်း ၄၀ ကို ကျွန်တော်တို့ ပြောင်းနေကြပါတယ်။

တစ်ရက်မှာတော့ မြို့လည်က ရဲရင့်ရုံ (အခု“ဆကုရ” မျှော်စင် အဆောက်အအုံ နေရာ) နားကို ဖြတ်အသွားမှာ ဝင်းဦးရဲ့အသံနဲ့ “မာမီရယ် ရှာပေးကွယ် ရည်းစား လိုချင်တယ်”ဆိုတဲ့ သီချင်းသံကို ကြားလိုက်ရပါတယ်။

ဝင်းဦးကို အတော်ကြိုက်တဲ့ ကျွန်တော်က တစ်ခါမှ မကြားဖူးတဲ့ ဝင်းဦး သီချင်းကို အဲဒီ့အနားမှာ ရစ်သီရစ်သီ လုပ်ရင်း နားထောင်ကြည့်နေလိုက်ပါတယ်။

အဲဒီ့မှာက BRC ဆိုတဲ့ ရေဒီယိုတွေ၊ အသံသွင်းခွေ ဖွင့်စက်တွေကို ပြင်တဲ့ဆိုင် ရှိပါတယ်။ အဲဒီ့ဆိုင်က သီချင်းဖွင့်ထားတာပါ။ သေချာ နားစိုက်ထောင်တော့ ဝင်းဦးနဲ့ အသံလုံးချင်း ခပ်ဆင်ဆင် တခြားတစ်ယောက် ဆိုထားမှန်း သိလာပါတယ်။

သည်လောက်ပါပဲ။

၁း ၄
လမ်း ၄၀ ကို ရောက်တော့ ကျွန်တော့် ပတ်ဝန်းကျင်က ပြောင်းသွားပါပြီ။

အိမ်ဘေးခန်းမှာက အသံသွင်းကြိုးခွေ ဖွင့်စက်တွေ ရှိပါတယ်။ သီချင်း ဖွင့်ရင်လည်း ခပ်ကျယ်ကျယ် ဖွင့်ကြပါတယ်။ အဲဒီ့အိမ်မှာက မောင်နှမတွေကလည်း များတော့ သီချင်းသံတွေကလည်း စဲတယ်ကို မရှိပါဘူး။

ကျွန်တော်တို့အခန်းကနေ အတိုင်းသား ကြားနေရပါတယ်။ စောစောက “မာမီရယ် ရှာပေးကွယ်”ကိုလည်း သူတို့အိမ်က မကြာခင်မှာ ဖွင့်လာတဲ့ အတွက် ကျွန်တော်လည်း ကောင်းကောင်း ရသွားပါတယ်။

“မာမီရယ် ရှာပေးကွယ်”တင်မက “ဖြေလည်းမပြေပေ… မင်းကို ချစ်ရ လွန်းလို့ အလွမ်းတွေ လွမ်းမကုန်နိုင်အောင်လေ…”တို့လို သီချင်းတွေကိုပါ အဆစ် တတ်လာပါတယ်။

သီဆိုသူ “တက္ကသိုလ်ထွန်းနောင်”ဆိုတာကိုပါ သိလာရပါတယ်။

၁း ၅
ကျွန်တော်တို့အခန်း အောက်ထပ်မှာက ကျွန်တော့်ထက် နှစ်တန်းကြီးတဲ့ တရုတ်အမျိုးသားတစ်ယောက် ရှိပါတယ်။

သူက “ဂစ်တာ”ဆိုတဲ့အရာကို ကျွန်တော့်ဘဝထဲ စတင်ယူဆောင်လာသူပါ။

သူက ဂစ်တာကို တဗျန်းဗျန်း ခေါက်ပြီး သီချင်းတွေ ဆိုတတ်ပါတယ်။ ကျွန်တော်တို့ ဘေးခန်းက ကြားရတဲ့သီချင်းမျိုးတွေပါ။

အဲဒီ့အထဲမှာ “အပေါ်ထပ်နဲ့ အောက်ထပ် ဇာတ်လမ်း”ဆိုတဲ့ သီချင်းမျိုးတွေလည်း ကြားနေရပါပြီ။

အဲဒါ “မင်းမင်းလတ်”ဆိုတဲ့ အသိတစ်ခုလည်း ရလာပါပြီ။ မသိချင်လို့လည်း မရပါဘူး။ အဲဒီ့အချိန်က သီချင်းကြော်ငြာတွေဟာ နေ့စဉ် သတင်းစာတွေထဲမှာ စာမျက်နှာဝက်တွေ ကြော်ငြာလေတော့ ကျွန်တော်တို့အတွက် “မင်းမင်းလတ်”ဆိုတဲ့ ဆံပင်ရှည်ရှည်၊ ခေါင်းလောင်းဘောင်းဘီ၊ ကော်လာ ရှည်ရှည်နဲ့ လူတစ်ယောက်ကို သတင်းစာထဲမှာ မြင်ဖူးထားပါတယ်။

သီချင်း နားထောင်ရာမှာ ခံစားချက် သီချင်းတွေကိုသာ နားအရသာခံတတ်၊ အသံချိုတွေကိုမှ နာပျော်တတ်တဲ့ ကျွန်တော့်အတွက် သူ့သီချင်းတွေဟာ နားဝင် ကြမ်းနေခဲ့ပါတယ်။ ခဏခဏ ကြားရဖန်များလွန်းလို့ သူ့သီချင်း စာသားအတော်များများကို အလွတ်နီးနီး ရနေပေမယ့် ကိုယ်တိုင်တော့ တစ်ခါမှ စွဲစွဲလမ်းလမ်း မဆိုဖြစ်ခဲ့ဘူး။

စိုးပိုင်တို့၊ တက္ကသိုလ်အေးမောင်တို့ရဲ့ သီချင်းတွေကိုသာ ကျွန်တော် စွဲလမ်းခဲ့ပါတယ်။

ကျွန်တော် မစွဲလမ်းမိပေမယ့် သူ့သီချင်းတွေကိုမှ စွဲစွဲလမ်းလမ်း ဆိုကြ၊ တီးကြသူတွေ ကျွန်တော့်ပတ်ဝန်းကျင်မှာ အများကြီး တွေ့ခဲ့ရဖူးတယ်။

၁း ၆
မင်းမင်းလတ် သီချင်းထဲမှာ ကျွန်တော် သဘောကျတဲ့ သီချင်းတစ်ပုဒ်တော့ ရှိတယ်။ ပြောင်တောင်တောင် နောက်တောက်တောက် သီချင်းတွေထဲက တစ်ပုဒ်ပါ။ ခေတ်ဟောင်း သီချင်းသွားတွေထဲမှာ ခပ်နောက်နောက် စာသားတွေ သွတ်သွင်းပြီးဆိုတဲ့ သီချင်းစုထဲကပါ။

“မိန်းမယူခါနီးရင် စဉ်းစားဖို့လိုတယ်..
အရေးကြီးတာတွေ တစ်ပုံကြီး သတို့သားလောင်းတို့ရယ်…
ယောက္ခမ ဘူဒါကြီးတွေ လိုက်နှောက်ယှက်နေမယ်…
ဧဝ အာဒံတို့များ ယောက္ခမ မရှိကြတယ်
ဟင်းတွေ ချက်ကောင်းမှ ဖြစ်မယ်…
ဝယ်စားကြရရင် ကြားမကောင်းပါကွယ်…
အဝတ်တွေ ကုလားမနဲ့ငှားကာ လျှော်ခိုင်းလို့ ရှိရင် ဝိုင်းကဲ့ရဲ့မယ်…
ယောက်ဖတွေပါလာရင် အိမ်မှာရှုပ်ပါတယ်…
ခယ်မလေးတွေ ပါလာခဲ့ရင် အပျင်းလည်းပြေမယ်” ဆိုတဲ့သီချင်းကို ကျွန်တော် တော်တော် ခံတွင်းတတွေ့ အော်ခဲ့ဖူးပါ တယ်။ မောင်တင်မောင်ရဲ့ “ဇွတ်ချစ်မယ်” ခေတ်ဟောင်းသီချင်းအလိုက်ကို ဖျက်ပြီး အတည်ပေါက်ကြီးနဲ့ သူဆိုခဲ့တာပါ။

၁း ၇
နောက်တစ်ခါ မင်းမင်းလတ်ကို အမှတ်ထားမိစေခဲ့တာက သူ့ရဲ့ “လမ်းဘေးက ဝေါဟာရများ”စာအုပ်ပါ။ အဲဒါကလည်း အဲဒီ့အချိန်က သူ့သီချင်းတွေလိုပဲ ထူးခြားပါတယ်။

သေချာတာတစ်ခုကတော့ အဲဒီ့စာအုပ်ဟာ ယနေ့အထိ မြန်မာပြည်ရဲ့ ပထမဆုံးနဲ့ တစ်ခုတည်းသော ဗန်းစကားအဘိဓာန် (Dictionary of Slangs) ဖြစ်နေတာပါပဲ။

၁း ၈
မြန်မာပြည်မှာ ကက်ဆက်ခွေ အငှားဆိုင် လုပ်ငန်း တစ်ခုကို စတင်ခဲ့တာလည်း မင်းမင်းလတ်ပဲ ဆိုရင် မမှားပါဘူး။

ဆူးလေဘုရားလမ်းနဲ့ မလှမ်းမကမ်း အနော်ရထာလမ်းပေါ်မှာ သူ့ရဲ့ “အရှေ့-အနောက်”ဆိုတဲ့ ကက်ဆက်ခွေ အငှားဆိုင်တစ်ဆိုင် ပေါ်ထွန်းခဲ့ဖူးတာကို ကျွန်တော် ကောင်းကောင်း မှတ်မိနေခဲ့ပါတယ်။

၁း ၉
အဲဒီ့ “အရှေ့-အနောက်”ကပဲ အင်မတန် ထူးခြားတဲ့ အလုပ်တစ်ခုကို လုပ်ဖူးခဲ့သေးတယ်။ မြန်မာပြည်ရဲ့ အကောင်းဆုံး သီချင်းစာအုပ်တစ်အုပ်ကို ထုတ်လုပ်ခဲ့တာပါ။
သီချင်းတွေက ကျော်ဟိန်းရဲ့ပထမဆုံး သီချင်းခွေထဲက သီချင်းတွေ ချည်းပါ။ “မျက်ရည်ငှက်များ နားစေသတည်း”ဆိုတဲ့ ကျော်ဟိန်းရဲ့ပထမဆုံး သီချင်းခွေပါ။

ကျွန်တော် တက္ကသိုလ် တက်နေချိန် ၁၉၇၆/၇၇ခုနှစ်လောက်ကလို့ ထင်ပါတယ်။

ပုသိမ်မောင်စိမ်းသူတို့၊ မောင်စစ်ငြိမ်းတို့က အဲဒီ့အချိန်မှာ အလွန် ကျော်ကြားတဲ့ နိုင်ငံခြားသီချင်းသွားတွေထဲမှာ စာသားတွေ သွင်းပေးခဲ့တာပါ။

“ဆူပါစတားတီးဝိုင်း”(ကြယ်ပွင့်လေးများ)ရဲ့ ပထမဆုံး တီးခတ်တဲ့ လက်ရာလည်း ဖြစ်ပါတယ်။

When I Need You, Sailing, Stairway to Heaven, The First Cut is the Deepest အစရှိတဲ့ သီချင်းများကို မြန်မာစာသား ကောင်းကောင်းလေးတွေနဲ့ ဆိုစေခဲ့တာပါ။

အဲဒီ့အခွေထဲက သီချင်းတိုင်းလိုလိုဟာ တော်တော့်ကို ကောင်းခဲ့ပါတယ်။ သီချင်းစာအုပ်ကလည်း အဲဒီ့အချိန်က ကျပ်၂၀လား၊ ပေးရပါတယ်။ (အဲဒီ့အချိန်က ငွေ ၂၀ ဆိုတာ မန္တလေးဘီယာ ပုလင်းကြီး နှစ်ပုလင်း  ဝယ်နိုင်ပါတယ်။)
စာအုပ်ရဲ့ စာမျက်နှာတိုင်းကို ကြွေစက္ကူချောနဲ့ ရိုက်နှိပ်ထားပြီး ကျော်ဟိန်းရဲ့ ရောင်စုံဓာတ်ပုံအမျိုးမျိုးက စာမျက်နှာတိုင်းမှာ ပါသလို သီချင်း စာသားတွေကိုလည်း အဲဒီ့ပုံတွေပေါ်မှာ နင်းပြီး ရိုက်ခဲ့တာပါ။

ခေတ်က မင်းသားကျော်ဟိန်း လျှမ်းလျှမ်းတောက်နေတဲ့ အချိန်ဆိုတော့ ၂၀တန် သီချင်းစာအုပ်ဟာ ပြိုက်ခနဲ ကုန်သွားခဲ့တာကို မှတ်မိနေပါတယ်။

ဒါလည်း မင်းမင်းလတ်ရဲ့ စိတ်ကူးတွေပါပဲ။

၁း ၁၀
နောက်တော့ “အရှေ့-အနောက်” ကက်ဆက်ခွေ အငှားဆိုင် ပျောက်သွားတယ်။ ရန်ကုန်မြို့ရဲ့ နေရာအနှံ့မှာ ကက်ဆက်ခွေ အငှားဆိုင်တွေ တအား ပေါလာတယ်။ ကျွန်တော့် အိမ်မှာတောင် တစ်ဆိုင် ဖွင့်ခဲ့ဖူးပါသေးတယ်။ (တစ်ခါက ရနံ့သစ်မဂ္ဂဇင်းမှာ ကျွန်တော်ရေးခဲ့ဖူးတဲ့ “ဆံဒို”ဆိုသူ ကျွန်တော့် သူငယ်ချင်းရဲ့ဆိုင်ကို ကျွန်တော့် စာအုပ်အငှားဆိုင်နဲ့ တွဲပြီး ဖွင့်ခဲ့တာပါ။ ၁၉၇၉မှာ ဖြစ်ပါတယ်။)

အဲဒီ့အချိန်မှာ အနော်ရထာလမ်းပေါ်မှာပဲ မင်းမင်းလတ်ရဲ့ ထမင်းဆိုင် ပေါ်လာပြန်တယ်။ သည်တစ်ခါတော့ မဟာဗန္ဓုလပန်းခြံလမ်းနဲ့ ၃၅ လမ်း ကြားမှာပါ။

“ရွှေအိမ်စည်”ဆိုတဲ့ အအေးခန်း မြန်မာထမင်းဆိုင်ပါ။

မြန်မာလူမျိုးတွေအတွက် အအေးခန်းထဲကို မှန်တံခါး တွန်းပြီး ဝင်စားဖို့ဆိုတာ (အဲ့တုန်းက) တော်တော့်ကို မလွယ်ကူတဲ့ကိစ္စပါ။

အဲဒါကို မင်းမင်းလတ်က ထိုးဖောက်ပြီး စတင်လုပ်ဆောင်ခဲ့တာပါ။

၁း ၁၁
ရွှေအိမ်စည်က သိပ်မကြာလိုက်ပါဘူး။ အဲဒီ့ရွှေအိမ်စည်နောက်မှာ “မင်းမင်းလတ်”ဆိုတဲ့အသံကို သိပ်မကြားမိတာ တော်တော် ကြာသွားပါတယ်။

နှစ်တွေ နည်းနည်း ခြားသွားပြီး  ၈၀ ပြည့်လွန်နှစ်များရဲ့ အလယ်ပိုင်း ကာလမှာ မင်းမင်းလတ်ဆိုတဲ့ နာမည်ကို ပြန်ကြားရပြန်ပါတယ်။

ဆံဒို့အဒေါ်ရဲ့ယောက်ျား ကိုအေးမြင့် (မြန်မာ့ရုပ်သံမှ အငြိမ်းစားယူလိုက်သူ)ဆီကနေ ကြား၊ ကြားနေရတာပါ။ ကိုအေးမြင့်က ဆံဒို့အိမ်ရှေ့က ဆိုင်တန်း (အခု ဆရာစံ လမ်းပေါ်က YKKO ကြေးအိုးဆိုင်) မှာ ဗှီဒီယိုခွေ အငှားဆိုင် ဖွင့်ပါတယ်။

မင်းမင်းလတ်နဲ့ မြန်မာ ဗှီဒီယို ဇာတ်လမ်းခွေတွေ ရိုက်နေတယ်ဆိုတဲ့ စကားကို သူ့ဆီက ကြားရတယ်။ အဲဒီ့အချိန်က မြန်မာ ဗှီဒီယို ဇာတ်လမ်းခွေတွေကို ဘယ်သူမှ မရိုက်သေးပါဘူး။

ကျွန်တော့်မှာ ဗှီဒီယို ဖွင့်စက် မရှိတဲ့အတွက် သည်ကိစ္စကို ကျွန်တော် သိပ်စိတ်မဝင်စားပါဘူး။

နိုင်ငံခြားကားတွေကို ဗှီဒီယိုခွေနဲ့ ကူးယူ ဖြန့်ချိတဲ့လုပ်ငန်းတွေ ကပ်သင့်ကြတဲ့အခါတွေမှာလည်း “မင်းမင်းလတ်”ဆိုတဲ့ နာမည်တစ်လုံးကို ကြားခဲ့ရဖူးပါတယ်။ ဒါလည်း သာမန်ကာလျှံကာပါ။

၂း ဝ
အဲဒီ့ မင်းမင်းလတ်နဲ့ ကျွန်တော်နဲ့ တစ်နေ့မှာ သိကျွမ်း ရင်းနှီးခွင့်ရလိမ့်မယ်လို့ တစ်ခါမှ မတွေးခဲ့ဖူးပါဘူး။

၂း ၁
၁၉၈၈ခုနှစ်မှာ ကျွန်တော်ဟာ ဥရောပဘုံဈေးအဖွဲ့ (အခုဥရောပသမဂ္ဂ)ရဲ့ ဘာသာပြန်နေရာမှာ အလုပ်ဝင်ခဲ့ပါတယ်။ ဥရောပဘုံဈေးအဖွဲ့က မြန်မာပြည်မှာ ရုံး သီးခြား မရှိတာမို့ ကျွန်တော့်ရုံးကို ကမ်းနားလမ်းမှာ ရှိတဲ့ ဗြိတိသျှ သံရုံးမှာ တွဲပေးထားပါတယ်။

သည်အခါ နာတာလူးပွဲတော်လို၊ နှစ်သစ်ကူးပွဲတော်လို အခမ်းအနားမျိုးတွေမှာ တက်ရောက်လာတတ်တဲ့ မင်းမင်းလတ်ကို တွေ့တွေ့နေတတ်ပါတယ်။

ဗြိတိသျှသံရုံးရဲ့ မြန်မာတိုင်းရင်းသား ဝန်ထမ်းတစ်ယောက်နဲ့ ပတ်သက်ပြီး ကျွန်တော်ဟာ မင်းမင်းလတ်ကို စတင်သိကျွမ်းခဲ့ပါတယ်။ သိပ် ရင်းရင်းနှီးနှီးတော့လည်း မဟုတ်ပါဘူး။ သိကျွမ်းတယ်ဆိုတဲ့ အဆင့်မှာပါ။

၂း ၂
၁၉၉၁ ခုနှစ်ကုန်မှာ ကျွန်တော် အလုပ်ပြောင်းပါတယ်။ ဗြိတိသျှသံရုံးနဲ့ လမ်းတစ်လမ်းသာ ခြားတဲ့ ဩစတြေးလျသံရုံးရဲ့ ပြန်ကြားရေးဌာနကို ပြောင်းလိုက်တာပါ။

အဲဒီ့နှစ် နာတာလူးပွဲတော်ကျတော့ မင်းမင်းလတ်က ပေါ်လာပြန်ပါ တယ်။ ပျော်ပျော်နေတတ်တဲ့ မင်းမင်းလတ်ဟာ ပျော်စရာနောက်ကို လိုက်ရင်း ကျွန်တော်နဲ့ တစ်နည်းတစ်ဖုံ ပတ်သက်လာရပြန်ပါတယ်။

ကျွန်တော်အလုပ်လုပ်တဲ့ သံရုံးက နာတာလူးပွဲတော်ကို သူတို့ရဲ့ ဝန်ထမ်းများ အပန်းဖြေရိပ်သာမှာ ကျင်းပပါတယ်။ မြန်မာဝန်ထမ်းများကိုလည်း လက်မှတ် ရောင်းပါတယ်။ မြန်မာဝန်ထမ်းများက တာဝန်ယူပေးနိုင်တဲ့ တခြားမြန်မာမိတ်ဆွေများကိုလည်း လက်မှတ်ရောင်းပေးပါတယ်။

အဲဒီ့အချိန်က အခုအချိန်လို night club တွေ၊ ဘာတွေရဲ့ ခေတ်မရှိသေးတော့ သံရုံးတွေက လုပ်တဲ့ ပျော်ပွဲရွှင်ပွဲတွေကိုသာ ပျော်တတ်သူများ က တစေ့တစောင်း စောင့်နေရတတ်ခဲ့တဲ့ကာလပါ။

ကျွန်တော့် အိမ်သူရဲ့တူ လူငယ်လေးတစ်ယောက်ကလည်း အဲလိုပွဲမျိုးဆို အလွန်ပျော်ချင်ပါတယ်။ အဲတော့ ကျွန်တော့်ကို လက်မှတ် ဝယ်ခိုင်းတတ်တယ်။

ဖြစ်ချင်တော့ သူက မင်းမင်းလတ်ရဲ့ သားအကြီးဆုံး “ဓိဓိ” (အဓိက)နဲ့ ပြောမနာ ဆိုမနာ သူငယ်ချင်းတွေပါ။ သည်အခါ သူ လက်မှတ်ဝယ်ခိုင်းတဲ့ အခါတိုင်းမှာ မင်းမင်းလတ်အတွက်ပါ ဝယ်ခိုင်းတာတွေ ကြုံရပါတယ်။

သည်အထိလည်း  သိပ်အရင်းနှီးကြီး ဖြစ်မလာသေးပါဘူး။

၂း ၃
၁၉၉၂ ခုနှစ်ထဲမှာ ပန်းချီရေးတဲ့ မသိင်္ဂီနဲ့ ကျွန်တော်နဲ့ တော်တော် ခင်လာပါတယ်။

မသိင်္ဂီကို အကြောင်းပြုပြီး မသိင်္ဂီနဲ့ အလွန်ခင်တဲ့ မင်းမင်းလတ်ကိုလည်း ပိုပြီး အတွေ့စိပ်လာပါတယ်။

တပြုံးပြုံးနဲ့ နေတတ်တဲ့ မင်းမင်းလတ်၊ စကားနည်းပေမယ့် ပြောလိုက်ရင်လည်း ချက်ကျလက်ကျနဲ့  ရွှတ်ရွှတ်နောက် နောက်နေတတ်တဲ့ မင်းမင်းလတ်ကို ကျွန်တော် ခဏချင်းမှာပဲ ခင်မင်သွားပါတယ်။

ဘီယာကို မက်မက်ခြိုက်ခြိုက် သောက်တတ်တာ၊ အစားကောင်းကို ဝါသနာပါတာ၊ ငွေရေးကြေးရေးနဲ့ ပတ်သက်ရင် ကိုယ်ကလည်း သူ့ကို အားမနာရ၊ သူကလည်း ကိုယ့်ကိုအားနာ မနေရအောင် ခုရှုပ်မှ နောင်ရှင်း သဘောနဲ့ ကိုယ့်အတွက်ကိုယ် ရှင်းဖို့ဖြစ်စေ၊ အားလုံး ညီတူမျှတူ စုထည့်ကြပြီး ပျော်ပျော်ပါးပါး သုံးစွဲကြဖို့ဖြစ်စေ လောဆော်တတ်တာတွေနဲ့ တွဲပြီး မင်းမင်းလတ်ကို ကျွန်တော် ပိုသိလာပါတယ်။

ချစ်စရာကောင်းတာတစ်ခုက မင်းမင်းလတ် မူးပြီး ရမ်းတယ်ဆိုတာ တစ်ခါမှမတွေ့ဖူးတာပါပဲ။ သူနဲ့ကျွန်တော်နဲ့ အရက်ဝိုင်းတွေမှာ ခဏခဏ ဆုံဖူးပါတယ်။ ကျွန်တော်သာ မူပျက်တတ်ပေမယ့် မင်းမင်းလတ်ကတော့ တစ်ချက်ကလေးမှ ဟန်မပျက်သူပါ။ ကျွန်တော် တွေ့မိခဲ့သလောက် သူ အရမ်း သောက်တာ၊ အလွန်အကျွံ သောက်တာမျိုး မရှိပါဘူး။

၂း ၄
၁၉၉၄ ခုနှစ်ထဲမှာ ရန်ကုန်-မန္တလေး အဝေးပြေးလမ်းမပေါ်မှာ ကျွန်တော် ယာဉ်တိုက်မှု အကြီးအကျယ်ဖြစ်ပြီး အိပ်ရာပေါ်မှာ နှစ်ရှည်လများ နေခဲ့ရပါတယ်။

အဲဒီ့အခါ မင်းမင်းလတ်နဲ့ သူ့ဇနီးက ကျွန်တော့်အတွက် ဖွယ်ဖွယ်ရာရာ၊ စားစရာတွေလုပ်လုပ်ပြီး  ကျွန်တော့်ဆီကို လူမမာမေး ရောက်လာတတ်ကြပါတယ်။

ကျွန်တော့်အိမ်ကို အဲသလို ရောက်လာပေမယ့် သူကတော့ ကျွန်တော်တို့နဲ့ သိပ်စကားများများမပြောပါဘူး။ ကျွန်တော်တို့ ပြောဆိုနေသမျှကို သူ့မူပိုင် “မြိန့်မြိန့်ပြုံး”ကြီးနဲ့ နားထောင်နေရင်း တစ်ချက် တစ်ချက်မှာမှ ဝင် သောတတ်စမြဲပါ။

၂း ၅
ကျွန်တော် နာလန်ထူတဲ့အချိန်ကျတော့ သူ့ဆီက ဗှီဒီယိုခွေတွေ သွားသွား ယူပြီး ငှားကြည့်တတ်လာပါတယ်။

သူက အဲဒီ့အချိန်မှာ နိုင်ငံခြားကားတွေကို ကူးယူ ဖြန့်ချိတဲ့အလုပ်ကို လုပ်နေတာမို့ သူ့ဆီမှာ အခွေတွေ ပေါပါတယ်။ သူ့ဆီက အခွေဟောင်းတွေကို ငှားကြည့်ရတာ ကော်ပီတွေလည်း ကောင်းသလို သူကိုယ်တိုင်က ဘယ်ကားကဖြင့် ကောင်းတယ်၊ ဘယ်ကားဖြင့် ကလေးတွေနဲ့ အတူမကြည့်အပ်ဘူး စသဖြင့် တင်တင်ကြိုကြို ပြောပေးတတ်ပါတယ်။

၂း ၆
ကျွန်တော့်ပါးစပ်က ကျွန်တော့်ဦးနှောက်ထက် အဆပေါင်းများစွာ ပိုမြန်၊ ပိုသွက်တတ်ပါတယ်။

တစ်ခုခု မပြောခင် တစ်ကနေ တစ်ဆယ်အထိ ရေကြည့်ပြီးမှ ပြောဖို့ ကျွန်တော့်ကို တိုက်တွန်းဖူးသူ ဘဝမှာ နှစ်ယောက် ရှိခဲ့ဖူးပါတယ်။ တစ်ယောက်ကတော့ အင်္ဂလိပ်-မြန်မာ အဘိဓာန်ကို ပြုစုခဲ့သူ ဒေါက်တာဘဟန်ရဲ့ မြေး၊ ကို Kevin ဆိုတဲ့ ဦးအောင်တင်သိန်းပါ။ သူ ပြောတာ ၁၉၈၀ ပြည့်လွန် နှစ်များမှာပါ။

နောက်တစ်ယောက်က သည်စာကို ချရေးနေတဲ့ သည်ကနေ့ ၁၉၉၇ခု ဩဂုတ်လ၂၆ ရက်နေ့မှာ ပြောတာပါ။ ပြောသူက Ken ဆိုတဲ့ ဦးအုံးခိုင်ပါ။ တစ်ချိန်က မြန်မာ့အသံလေလှိုင်းရဲ့ အင်္ဂလိပ်ပိုင်းအစီအစဉ်မှာ ကြားခဲ့ရတဲ့ Read by Ohn Gaing ပါ။ [သူ့အမည်ရင်းက Kendley Smith ပါ။  ၂၀ဝ၅ခုနှစ် နှစ်ဦးပိုင်းမှာ သူ ကွယ်လွန်သွားခဲ့ပါတယ်။ သူ ဆေးရုံ တက်နေစဉ်က ကျွန်တော် တစ်ခေါက်ပဲ ရောက်ဖြစ်ခဲ့တယ်။ သူ ကွယ်လွန်ချိန်မှာ ကျွန်တော် မန္တလေးကို ရောက်နေတယ်။ သူ့ဈာပနကို ကျွန်တော် ရောက်မသွားနိုင်ခဲ့ဘူး။ အခုသည်စာအုပ်ကို ဒုတိယအကြိမ် ပြန်ထုတ်ဖို့ စီစဉ်တဲ့အခါ သည်နေရာကို ရောက်တော့ သူ့မျက်နှာကို မြင်ယောင်မိပါတယ်။ ထာဝရ ဘုရားသခင်က သူ့ဝိညာဉ်ကို စောင့်ရှောက်မှာ သေချာပါတယ်။ သူက တကယ့် လူကောင်းတစ်ယောက်ပါ။ ခင်မင်ခဲ့တဲ့ သက်တမ်း ဆယ်နှစ်လောက်အတွင်းမှာ အင်မတန်ဆိုးတဲ့ ကျွန်တော့်ကိုလည်း အစ်ကိုကြီးတစ်ယောက်လို အရမ်းကို သည်းခံခဲ့ရှာပါတယ်။ ချစ်သော Uncle Ken ကောင်းရာ သုဂတိ လားပါစေ။]

သူတို့ကလည်း ပြောပါတယ်၊ ကျွန်တော်ကလည်း ဘယ်တော့မှ အမှတ် မရှိပါဘူး။ ကျွန်တော့်နှုတ်ကို လူအတော်များများက လန့်ကြပါတယ်။ ကျွန်တော်ကလည်း မကောင်းမှန်း သိလျက်နဲ့ ဆင်ခြင်နိုင်စွမ်း တစ်စက်မှ မရှိပါဘူး။

ပန်းချီရေးတဲ့ မသိင်္ဂီကလည်း ကျွန်တော့်ကို ပြောဖူးပါတယ်။ အဲဒီ့ နှုတ်ကိုသာ ထိန်းနိုင်မယ်ဆိုရင် ကျွန်တော်ဟာ တော်တော် ကောင်းတဲ့လူ တစ်ယောက် ဖြစ်လာနိုင်ချေ ရှိတယ်တဲ့။

ဟုတ်ကဲ့၊ ကျွန်တော်ကဖြင့် သည်အကျင့်ကို သေမှ ဖျောက်လို့ ရတော့မယ်လို့သာ ထင်ပါတယ်။

ကျွန်တော့်ရဲ့ ညံ့ဖျင်းမှုတစ်ခုလို့ပဲ ဆိုကြပါစို့ရဲ့။

အဲဒီ့ ညံ့ဖျင်းမှုကို အရက်မူးတာနဲ့ ပေါင်းလိုက်တဲ့အခါမှာတော့ ကျွန်တော့် ပါးစပ်မှာ ဘရိတ်မပါတော့ပါဘူး။ ဒါကြောင့် တစ်ချီမှာ မင်းမင်းလတ်ရဲ့ဇနီးသည်က ကျွန်တော့်ကို အကြီးအကျယ် စိတ်ကွက်ပြီး မခေါ်နိုင်၊ မပြောနိုင်အဆင့်တွေ ရောက်ကုန်ပါတယ်။

ကျွန်တော် ထင်ပါတယ်၊ ၁၉၉၅ ခုနှစ် နှစ်လယ်လောက်မှာပါ။

ဒါပေမယ့် မင်းမင်းလတ်နဲ့ ဟိုနားသည်နားဆုံတဲ့အခါ သူက “မြိန့်မြိန့်ပြုံးကြီး”နဲ့ပါပဲ။

၃း ၁
၂၉ ဇူလိုင်ကပါ။ နိုင်ငံခြားသံရုံး အမှုထမ်းတစ်ယောက်ရဲ့ အိမ်က ပုဂ္ဂလိက ဧည့်ခံပွဲလေးမှာ လူအတော်စုံပါတယ်။

အဲဒီ့ပွဲမှာ မင်းမင်းလတ်ကို ဆုံရပြန်ပါတယ်။ သူက ထုံးစံအတိုင်း မြိန့်မြိန့်ကြီး ပြုံးနေဆဲပါပဲ။

တစ်ချက်မှာတော့ သူက ကျွန်တော့်ကို ပြောပါတယ်။

“ခင်ဗျား အမျိုးသမီးကို ပြောလိုက်ဗျာ၊ မင်းမင်းလတ်က အားပေးတယ်လို့၊ အပြတ်ကို အားပေးတယ်လို့ ပြောဖြစ်အောင် ပြောလိုက်စမ်းပါ”တဲ့။

၃း ၂
သည်နေရာမှာ ကျွန်တော် မလုပ်ချင်ဆုံး အလုပ်တစ်ခုကို မလွှဲသာ မရှောင်သာ လုပ်ရတော့မှာပါ။ ကျွန်တော် မလုပ်ချင်ဆုံးဆိုတာက  ကျွန်တော် ရေးတဲ့စာထဲမှာ ကျွန်တော့် စီးပွားရေးလုပ်ငန်းအကြောင်းကို ကြော်ငြာသလို ထည့်ရေးတဲ့ အလုပ်မျိုးကိုပါ။

အခုတော့ လုပ်ရပါတော့မယ်။ မင်းမင်းလတ်အကြောင်း ပြောတဲ့အခါ သည်ကိစ္စပါလေမှ ပြည့်စုံမယ် ထင်လို့ပါ။

ကျွန်တော့်အိမ်သူက “အိမ့်ရှင်မ” အိမ်မှုကိစ္စ အထောက်အကူပြုလုပ်ငန်း ဆိုတဲ့ ဝန်ဆောင်မှုလုပ်ငန်းတစ်ရပ်ကို ဦးစီးပြီး လုပ်ကိုင်နေပါတယ်။

အဲဒီ့လုပ်ငန်းက မြန်မာပြည်မှာ တစ်ခါမှ မလုပ်ဖူးသေးတဲ့ လုပ်ငန်းသစ်တစ်ခုပါ။ အိမ်တွေမှာ လိုအပ်တဲ့ လျှော်ဖွပ်၊ မီးပူတိုက်တဲ့ အလုပ်ကိုပဲ ဖြစ်ဖြစ်၊ သန့်ရှင်းရေး အလုပ်ကိုပဲဖြစ်ဖြစ် ဝန်ထမ်းအင်အား သုံးစွဲပြီး အချိန်ပိုင်းနဲ့ သွားဖြေရှင်းပေးတဲ့ လုပ်ငန်းမျိုးပါ။ အိမ်ဖော်ပွဲစားလို လူတစ်ဦးချင်း လွှတ်ပေးတာမျိုးမဟုတ်ဘဲ လုပ်သား လေး၊ ငါး၊ ဆယ်ယောက်နဲ့ တစ်ချိန်တည်း တစ်ပြိုင်တည်း ဝင်ရောက်ပြီး အချိန်တိုတိုနဲ့ သပ်သပ်ရပ်ရပ် ပြီးသွားအောင် လိုက်လံဆောင်ရွက်ပေးတဲ့ ဝန်ဆောင်မှု လုပ်ငန်းမျိုးဖြစ်တော့ လုပ်ငန်း စတင်ခဲ့တာ တစ်နှစ်လောက်ရှိပြီဖြစ်ပေမယ့် မြန်မာပရိသတ်နဲ့က ယနေ့ ထက်တိုင် စိမ်းနေဆဲပါ။

သည်အလုပ်ကို ရည်ရွယ်ပြီး မင်းမင်းလတ်က သတိတရနဲ့ တလေးတနက် ပြောပါတယ်။ ပြီးတော့လည်း… “အဲဒါ ခင်ဗျားစိတ်ကူး မဟုတ်လား”လို့ ကျွန်တော့်ကို မေးပြော၊ ပြောပါသေးတယ်။

ကျွန်တော့်မှာ အဲဒီ့ကိစ္စက ရှင်းရပေါင်း များလှပါပြီ။ ကျွန်တော့်ကို သိကြသူ အားလုံးလိုလိုက သည်လုပ်ငန်းဟာ ကျွန်တော့်စိတ်ကူးက ပေါ်ပေါက်လာခဲ့တယ်လို့ချည်း ထင်တတ်ကြပါတယ်။

တကယ်က မဟုတ်ပါဘူး။ ကျွန်တော့်အိမ်သူရဲ့ စိတ်ထဲမှာ သည်လုပ်ငန်းကို စိတ်ကူးနေတာ ၄-၅ နှစ် ကြာခဲ့ပါပြီ။ အိမ်မှာ အိမ်ဖော်ထားလို့ အဆင်မပြေလေတိုင်း သည်စိတ်ကူးကို ကျွန်တော့်အိမ်သူက တရရ ပြောတတ်ပါတယ်။

မနှစ်ကတော့ ကလေးတွေလည်း ကျောင်းနေတဲ့အရွယ် ရောက်လာပြီမို့ ဇနီးသည်ကို အလုပ်တစ်ခုခု လုပ်စေချင်လာရတာနဲ့ သူစိတ်ပါတဲ့ သည်လုပ်ငန်းကို လုပ်ပေရော့ဆိုပြီး အားပေးလိုက်တာပါ။

သူ့စိတ်ကူးကို ကျွန်တော့် ငွေအား၊ လူအား၊ ဉာဏ်အားတွေ ဖြည့်စွက်ပေးပြီး မတည်ခဲ့တာမှန်ပါတယ်။ ဒါပေမယ့် လုပ်ငန်း စိတ်ကူးရှင် အစစ်အမှန်ကတော့ ကျွန်တော့်ဇနီးသည်သာ ဖြစ်ပါတယ်။

သည်မှာတင် လမ်းရိုးဟောင်းကို မလိုက်ချင်ဘဲ လမ်းသစ်ဖောက်ဖို့ကိုသာ အစဉ်တစိုက် ထက်သန်တတ်ခဲ့တဲ့ မင်းမင်းလတ်က တခုတ်တရနဲ့ လှိုက်လှိုက်လှဲလှဲ အားပေးစကား ပြောလှာတာပါပဲ။

၃း ၃
အဲဒီ့နေ့က ဧည့်ခံပွဲအပြီး အိမ်ကို ပြန်ရောက်ရောက်ချင်းမှာ ကျွန်တော့် အိမ်သူကို မင်းမင်းလတ် ပါးလိုက်တဲ့စကား ပြန်ပြီး ပြောလိုက်မိရပါတယ်။

ကျွန်တော့်အိမ်သူက အတော့်ကို ဝမ်းသာသွားပါတယ်။

“ကိုလတ်ကြီးတစ်ယောက်ပဲ အားပေးဖော်ရတယ်နော်”လို့လည်း ပြောပါတယ်။

အမှန်တော့ ကျွန်တော့်အိမ်သူက မေ့နေလို့ပါ။ သည်လုပ်ငန်း စတင် တည်ထောင်ချိန်မှာ ကိုလတ်ကြီးဆိုတဲ့ မင်းမင်းလတ်လိုပဲ လှိုက်လှိုက်လှဲလှဲနဲ့ သူ့ကို အားပေးခဲ့သူ နောက်တစ်ယောက် ရှိပါသေးတယ်။

သူကတော့ သရဖူမဂ္ဂဇင်းကို အားကြိုးမာန်တက် စီစဉ်ခဲ့တဲ့ ကိုငြိမ်းအေးဆိုတဲ့ စာရေးဆရာ “ငြိမ်းအေးအိမ်”ပါ။ ကိုငြိမ်းအေးကလည်း မင်းမင်းလတ်လိုပဲ သူ့ကို တကယ့်ကို သည်းလှိုက်အူလှိုက် အားပေးခဲ့သူပါပဲ။

သေချာတာတစ်ခုကတော့ ကိုငြိမ်းအေးလည်း မင်းမင်းလတ်လိုပါပဲ၊ လမ်းရိုးအတိုင်း မလိုက်ချင်ဘဲ လမ်းသစ်ကို စွန့်စား ဖောက်ထွက်ချင်တဲ့ စိတ်အခံ အရင့်အမာနဲ့ပါ။

၃း ၄
ပြီးခဲ့တဲ့အပတ် ဩဂုတ်လ ၂၁ ရက်နေ့မှာ စာပေလောက တိုက်အုပ် ဦးမျိုးညွန့်ဆီကို ကျွန်တော် ဖုန်းဆက်ပါတယ်။

သူ့ကို ကျွန်တော် ဝစ္စကီတိုက်မယ်လို့ ချိန်းထားတဲ့ ပွဲတစ်ပွဲကို ဖျက်တာပါ။ ဦးမျိုးညွန့်က ဖျက်ရကောင်းလားဖြစ်မသွားတဲ့အပြင် ဝမ်းတောင် သာသွားတဲ့ပုံပါပဲ။

“အရက်သောက်ရမှာ လန့်နေတယ်ဗျ၊ မင်းမင်းလတ်တစ်ယောက်တော့ အခု ဦးနှောက်နဲ့အာရုံကြောကို ရောက်နေတယ်။ အခြေအနေမကောင်းဘူးတဲ့။ သည်နေ့ ညနေ ငါးနာရီမှ သတိလည်မလာဘူးဆိုရင် သွားပြီလို့ ပြောတယ်။ အဲဒါ ကိုထိန်ဝင်းနဲ့ တစ်နေ့ကပဲ Cutty Sark (ဝစ္စကီ)နဲ့ ဘဲကင် မြည်းပြီးတဲ့နောက် ဖြစ်သွားတာဆိုပဲ၊ ကိုထိန်ဝင်း ပြောတာ/ ကျွန်တော်လည်း အရက်သောက်ရမှာ ခပ်လန့်လန့်ပဲ…”

ကျွန်တော် အတော် စိတ်မကောင်း ဖြစ်သွားပါတယ်။ မကြာသေးခင်ကပဲ ပြုံးပြုံးကြီးနဲ့ လတ်လတ်ဆတ်ဆတ်ကြီး တွေ့ခဲ့ရတဲ့သူတစ်ယောက် အခုလို ဆေးရုံပေါ် ရောက်နေတယ်လို့ ကြားရတဲ့အခါ အတော် ထိတ်ပျာသွားပါတယ်။

ချက်ချင်းပဲ ကျွန်တော့်အိမ်သူကို လှမ်းဖုန်းဆက်ပြီး အကြောင်းကြားလိုက်မိရပါတယ်။ ကျွန်တော့်အိမ်သူလည်း ဟင်ခနဲပါပဲ။

၃း ၅
အဲဒီ့နေ့ ညနေမှာပဲ ဆေးရုံကို ကျွန်တော်တို့လင်မယား သွားကြည့်ပါတယ်။

ခွဲစိတ်ခန်းအထွက်က နာလန်ထအခန်းရဲ့ကုတင်ပေါ်မှာ ကိုလတ်ကြီး တစ်ယောက်ကို သတိကင်းမဲ့စွာ တွေ့ရပါတယ်။

သူ့ကို ကြည့်ရတာဟာ ဘာကိုမှ ခံစားနေရပုံ မပေါ်တော့ပါဘူး။ သူ့ ရင်ဘတ်ကြီး နိမ့်လိုက်၊ မြင့်လိုက်ဖြစ်နေတာ၊ သူ့ကိုယ်နဲ့ ဆက်ထားတဲ့ ကြိုးတွေက တစ်ဆင့် ပြနေတဲ့ ခေတ်မီစက်များအရ သူ့နှလုံး ခုန်နေသေးတာ၊ သူ့သွေးပေါင်ချိန် မူမမှန်လှစွာ တက်လိုက်၊  ကျလိုက်ဖြစ်နေသေးတာတို့ကိုပဲ တွေ့နေရပါတယ်။

မကြည့်ရက်တော့တာနဲ့ သိပ် ကြာကြာမနေဘဲ အခန်းပြင်ကို ထွက်ခဲ့ပါတယ်။

ဆေးရုံအောက်ကို ရောက်တဲ့အခါ သူ့သား “ဓိဓိ”ရဲ့သူငယ်ချင်းလေးတွေကို တွေ့ရတယ်။ ခွဲစိတ်ပြီး ၂၄ နာရီကျော်တဲ့ ခုချိန်အထိ သတိမလည်သေးဘူးဆိုရင်တော့ အခြေအနေ မကောင်းဘူးပေါ့နော်လို့ ကျွန်တော့်ကို တစ်ယောက်က ပြောပါတယ်။

ကျွန်တော်က “လောကမှာ ဘာကိုမှ တစ်ထစ်ချ ပြောလို့ မရပါဘူးကွာ၊ သူ့ကံ ရှိရင်တော့ နေရမှာပေါ့”လို့သာ ဖြေလိုက်ပါတယ်။

၃း ၆
အဲဒီ့နေ့က သူ့ကို ကျွန်တော် ခဏပဲ သွားကြည့်ခဲ့ပေမယ့် သူ ရှိနေတဲ့ ဆေးရုံပရဝုဏ်ထဲမှာတော့  နာရီပေါင်းများစွာ နေဖြစ်ခဲ့ပါသေးတယ်။

နောက်တစ်ရက်မှာလည်း သူ့ဆီကို ကျွန်တော့်စိတ်က ရောက်ပါတယ်။ လူကတော့ မရောက်နိုင်တော့ပါဘူး။ ကျွန်တော့်ရုံးအလုပ်က မနက်ရှစ်နာရီ က ညနေ လေးနာရီ အထိပါ။ ရုံးဆင်းတာနဲ့ အတန်း နှစ်တန်းကို စာသင်ပေးရတဲ့ နေ့လည်း ဖြစ်နေပါတယ်။ ညရှစ်နာရီမှ အလုပ်သိမ်းတာမို့ အဲဒီ့နေ့က သူ့ဆီကို စိတ်ရောက်ပေမယ့် လူမရောက်ဖြစ်တော့ပါဘူး။

ပထမအတန်းမှာက ၂၀ ကျော်အရွယ် တက္ကသိုလ်ကျောင်းသားလေးတွေ ကို သင်ပေးရတာပါ။ သူတို့လေးတွေထဲက တချို့က ဂစ်တာတီးကြပါတယ်။

မင်းမင်းလတ် ဆေးရုံတက်နေရတဲ့အကြောင်းကို စာသင်နေရင်း စိတ်မကောင်းခြင်းကြီးစွာ ပြောပြဖြစ်တော့ သူတို့က မင်းမင်းလတ်ဆိုတာကို သိပ်မသိကြပါဘူး။

ဇော်ဝင်းထွဋ်ရဲ့ “ဆေးဆိုးပန်းရိုက်မျက်နှာ”သီချင်းခွေ တစ်ခွေလုံးကို မင်းမင်းလတ် ဆိုခဲ့တာပေါ့လို့ ပြောပြတော့မှ ယောင်ဝါးဝါးနဲ့ ခေါင်းညိတ်ကြပါတယ်။

ကျွန်တော်လည်း စာသင်ချိန်မှာ သိပ်ရှည်ရှည်ဝေးဝေးတွေ မပြောချင်လှတာနဲ့ အဲလောက်ပဲ ထားလိုက်ပါတယ်။

၃း ၇
နောက်တစ်နေ့ စနေနေ့မှာ ကျွန်တော့်အိမ်သူက ကျွန်တော့်ကို ပြောပါတယ်။

“ကိုလတ်ကြီးဆုံးပြီတဲ့၊ သတင်းစာထဲမှာ ပါလာတယ်…”

အဲဒီ့စကားကို ဆိုပြီးတဲ့နောက် ကျွန်တော့်အိမ်သူ မျက်ရည်ကျပါတယ်။

ကျွန်တော် သူ့လို ထိထိခိုက်ခိုက် ဖြစ်မသွားရပေမယ့် စိတ်ထဲတော့ အတော့်ကို မကောင်းပါဘူး။

ဝး ဝ
၄၉ နှစ် ပြည့်ဖို့ တစ်လလောက် လိုသေးတဲ့အချိန်မှာ သူ ကွယ်လွန်သွားတာမို့ သက်တမ်းစေ့နေသွားတယ်လို့ ဘယ်လိုမှ ပြောလို့မရပါဘူး။

ဝင်းဦးတုန်းကလည်း အဲသလိုပဲ သိပ်အသက်မကြီးသေးခင်မှာ သေသွားခဲ့တာပါပဲ။ ဝင်းဦးဆိုတာကလည်း မြန်မာပြည်ကို Spanish Guitar လို့ခေါ်တဲ့၊ ကနေ့ လူငယ်တွေ တမ်းမက်စွာ ကိုင်တွယ်တီးခတ်နေတဲ့ ဂစ်တာကို မြန်မာလူငယ်တွေနဲ့ စတင်မိတ်ဆက်ပေးခဲ့သူပါ။

အခု မင်းမင်းလတ်က ကျတော့လည်း ယနေ့လူငယ်တွေ သိပ်နှစ်သက် လက်ခံနေကြတဲ့ ဂီတသစ်စစ်စစ်ကို မြန်မာပရိသတ်နဲ့ စတင်မိတ်ဆက်ပေးခဲ့သူပါပဲ။

သူ့အရင် ဝင်းဦးမှသည် တက္ကသိုလ်အေးမောင်တို့၊ တင်အောင်မိုးတို့၊ စိန်လွင်တို့အထိက အသံချိုများနဲ့ ခံစားချက် (sentimental) သီချင်းများကိုသာ သီဆိုခဲ့ကြတာပါ။

သူ့ကျတော့မှ Rock စစ်စစ်ကို မြန်မာသီချင်းအဖြစ် စတင်ကြားရတယ်လို့ ဆိုနိုင်ပါတယ်။ နောက်ပြီးသီချင်းဆိုရာမှာ အသံကောင်းဖို့ထက် အဆိုတတ်ဖို့ လိုတယ်ဆိုတဲ့ သဘောတရားသစ်တစ်ခုဟာလည်း မြန်မာဂီတနယ်မှာ မင်းမင်းလတ်နဲ့ကျမှ ပေါ်လာတယ်လို့ ဆိုနိုင်ပါတယ်။

နောက် မင်းမင်းလတ် စတင် မိတ်ဆက်ခဲ့ပြီး ယနေ့ထက်တိုင် ဘယ်သူကမှ ဆက်မလုပ်သေးတဲ့ အရာတစ်ခုက ဗန်းစကား အဘိဓာန်ပါ။

မင်းမင်းလတ် စတင် မိတ်ဆက်ခဲ့တဲ့ ဂီတသစ်လိုပဲ သူကပဲ စတင်မိတ် ဆက်ခဲ့ပြီး တအားပျံ့နှံ့သွားခဲ့တာတစ်ခုကတော့ ကက်ဆက်ခွေ အငှားဆိုင်တွေပါပဲ။ ဒါကိုလည်း မင်းမင်းလတ်က စခဲ့တာပါ။

“မျက်ရည်ငှက်များနားစေသတည်း”လို မြန်မာသီချင်းစာအုပ်အကောင်း စားကိုလည်း တစ်ခါမှ ထပ်မတွေ့ဖူးသေးတာအမှန်ပါ။ ဒါလည်း မင်းမင်းလတ် စီစဉ်ခဲ့တာပါပဲ။

သေချာတာတစ်ခုကတော့ အထက်မှာ ပြောခဲ့တဲ့အတိုင်း မင်းမင်းလတ်ဟာ လမ်းရိုးဟောင်းမှာ ငြိမ့်ငြိမ့်ညောင်းညောင်း၊ အေးအေးသက်သာ လိုက်ဖို့ထက် ခက်ခဲ ပင်ပန်းတဲ့ လမ်းသစ်ဖောက်ခြင်းအလုပ်ကို သူ့ သက်တမ်းတစ်လျှောက်လုံးမှာ တစိုက်မတ်မတ်နဲ့ ထက်ထက်သန်သန် အားထုတ်သွားခဲ့တယ်ဆိုတာပါပဲ။ သူကိုယ်တိုင် အားထုတ်ရုံတင်မက အဲသလို လမ်းသစ် ထွင်ဖို့ ကြိုးစားသူများကိုလည်း လှိုက်လှိုက်လှဲလှဲ အားပေးတတ်ခဲ့တာကို ကျွန်တော်ကတော့ ကိုယ်တွေ့ ကြုံခွင့်ရလိုက်ပါသေးတယ်။

နယ်ပယ်တစ်ခုခုရဲ့သမိုင်းကို ပြောကြရချိန်မှာ မင်းမင်းလတ်ဟာ တစ်ခုထက် ပိုတဲ့နေရာမှာ မလွဲမသွေ ရှိနေတော့မှာပါ။

ဂီတသစ်သမိုင်းမှာ မင်းမင်းလတ်ကို ချန်ထားလို့မရပါဘူး၊ အဘိဓာန်သမိုင်းမှာလည်း မင်းမင်းလတ်ကို လက်ရှောင်လို့ မဖြစ်ပါဘူး၊ အိမ်တွင်း စီးပွားရေးလုပ်ငန်း တစ်ခုဖြစ်တဲ့ ကက်ဆက်ခွေ အငှားဆိုင်တွေရဲ့သမိုင်းမှာလည်း မင်းမင်းလတ် ရှိနေပါတယ်။

ဒါတင်လား…

ပုံနှိပ် ထုတ်ဝေမှု သမိုင်းမှာရော မင်းမင်းလတ်ကို မေ့လိုက်လို့ဖြစ်ပါ့ မလား။ မြန်မာ ထမင်းဆိုင်သမိုင်းမှာ ဆိုရင်လည်း မင်းမင်းလတ်ရဲ့ မှတ်တိုင်တစ်ခုတော့ ရှိနေခဲ့ပါသေးတယ်။

မြန်မာဗှီဒီယိုခွေ သမိုင်းမှာရော သူ့ကို ဘယ်လိုမှ ထားခဲ့လို့ မရပါဘူး။ ဒါတောင် သူက ၄၉ နှစ် မပြည့်တပြည့်လောက်ပဲ နေသွားလို့သာပါ။ (ကျွန်တော် မသိလိုက်တာတွေလည်း အများကြီး ကျန်ချင်ကျန်နိုင်ပါသေးတယ်။)

သည့်ထက်များ ပိုနေခွင့်ရမယ်ဆိုရင် သူဘာတွေများ ထပ်ပြီး လုပ်ဖြစ်ခဲ့ဦးမယ်မသိဘူး။

ဝး ၁
ကျွန်တော်တို့၊ ခင်ဗျားတို့ကရော၊ သည်အတိုင်း လမ်းရိုးဟောင်းမှာ ရေစုံ မျှောလိုက်နေရင်း ထမင်းကြမ်း ယပ်ခတ်စားနေရတာလေးနဲ့ ရောင့်ရဲနေကြတော့မှာလား။

မင်းမင်းလတ်ဟာ ခင်ဗျားတို့၊ ကျွန်တော်တို့လိုပဲ မွေးဖွားခြင်းက စတင်ပြီး သေဆုံးခြင်းနဲ့အဆုံးသတ်သွားတဲ့ ဘဝခရီးသွားတစ်ဦးပါပဲ။ တစ်နည်းအားဖြင့် သူလည်း ပုထုဇဉ်၊ သာမန်လူသားတစ်ဦးပါပဲ။

သူ့စိတ်ကူး သေးသေးလေးတွေကနေ အကြီးကြီးတွေ ဖြစ်ခဲ့ပါတယ်။ ခင်ဗျားတို့၊ ကျွန်တော်တို့မှာရော အကြီးကြီး ဖြစ်နိုင်တဲ့ စိတ်ကူးသေးသေးလေးတွေ မပေါ်လာနိုင်ဘူးလို့ ထင်လား။

ကျွန်တော်ကတော့ မင်းမင်းလတ်ကို သိပ်အားကျတယ်ဗျာ၊

ခင်ဗျားတို့ရော…

၂၇၊ ၈၊ ၉၇ (ဝ၀း၁၀နာရီ)

(၁၉၉၇ ခုနှစ် အောက်တိုဘာလထုတ် အလင်္ကာဂီတဂျာနယ်မှာ ဖော်ပြခဲ့ပြီး အတ္တကျော်ရဲ့ “တွေးတော ဆင်ခြင်မှု အနုပညာ” စာအုပ်ထဲမှာလည်း ဖော်ပြထားပါတယ်။ )

 

Blog ပေါ်တင်ချိန်မှာ ဖြည့်စွက်သင့်တယ်ထင်လို့ ဖြည့်စွက်ပေးလိုတာ နှစ်ချက် ရှိပါတယ်။

ပထမအချက်က ၂၀၀၀ ပြည့်နှစ် နောက်ပိုင်းမှာ သီချင်းစာအုပ် လှလှ ကောင်းကောင်းတွေ ပေါ်ထွန်းလာတာပါ။ ပုံနှိပ်နည်းပညာက ပြည်တွင်းမှာ တအား ထွန်းကားလာပြီမို့ သီချင်း စာအုပ်ကောင်းကောင်းတွေလည်း အပြိုင်းအရိုင်း ပေါ်ထွန်းခဲ့ပါတယ်။ ဒါပေမယ့် မင်းမင်းလတ် ထုတ်ခဲ့တဲ့ မျက်ရည်ငှက်များ နားစေသတည်းရဲ့ ပုံစံနဲ့ အပြင်အဆင်မျိုးကတော့ သိပ်မတွေ့ရသေးပါဘူး။

ဆရာစိုင်းခမ်းမလိတ်ရဲ့ အသက် ၆၀ ပြည့်မွေးနေ့အထိမ်းအမှတ်အဖြစ် ထုတ်ဝေတဲ့ ဆရာ့သီချင်းပေါင်းချုပ်စာအုပ်ကတော့ အထူး ကောင်းမွန် သေသပ်လှပါတယ်။ သီချင်းစာသားတွေကို နောက်ခံ တစ်ရောင်၊ စာသားတွေကို အနက်ရောင်နဲ့ ပေါင်း နှစ်ရောင် သုံးထားပါတယ်။ မျက်ရည်ငှက်များ နားစေသတည်းကတော့ တစ်အုပ်လုံး လေးရောင် (၀ါ) ရောင်စုံ ဖြစ်ပါတယ်။  ၁၉၇၅-၇၆ က အခြေအနေနဲ့ဆိုရင် အဲဒီ့သီချင်းစာအုပ်က တအားကို “လန်ထွက်နေတဲ့” အဆင့်မှာ ရှိတာကို ပြောလိုရင်းပါ။

ဒုတိယအချက်ကတော့ ကျွန်တော့် အိမ်သူရဲ့ “အိမ့်ရှင်မ”လုပ်ငန်းဟာ အတော်လေး အောင်မြင်နေချိန် ၁၉၉၉ လောက်မှာပဲ ရပ်နားလိုက်ရတာပါ။ အဲဒီ့အချိန်မှာ လျှပ်စစ်ဓာတ်အား ပြတ်တောက်မှုတွေက တအား ဖြစ်လာပါတယ်။ ကျွန်တော်တို့မှာ မီးစက်ဝယ်နိုင်တဲ့ အင်အား မရှိတာက သည်လုပ်ငန်းကို အလျဉ် ပြတ်သွားစေခဲ့ပါတယ်။ နောက်ဆုံးမှာ ဘယ်လိုမှ ဆက်လုပ်ဖို့ မဖြစ်နိုင်တော့မှ နားလိုက်ရတာပါ။