Hi-Tech Challenges and Blogs

နည်းပညာ စိန်ခေါ်မှုနှင့် ကူမှတ်တမ်း

၁။
print_screenအလုပ်သဘောအရ အီးမေး(လ်)မည်သော ဓာတ်ချောစာကို ၁၉၉၈ လောက်ကတည်းက စတင်သုံးစွဲခဲ့ရသည်။ ထို့နောက် ၂၀ဝ၀ပြည့်မှာ အင်တာနက်။ ထိုစဉ်က ကျွန်တော်သည် ဩစတြေးလျသံရုံးမှ ဒေသခန့် ဝန်ထမ်း။ မြန်မာပြည်တွင် အင်တာနက် သုံးစွဲနိုင်သူ အရေအတွက် အလွန်တရာ နည်းသေးချိန်။

၂၀ဝ၃ခုနှစ်တွင် ထိုအလုပ်မှ ကျွန်တော်ပြုတ်လာသည်။ အင်တာနက်နှင့်လည်း ဝေးခဲ့ရသည်။ ၂၀ဝ၆-၂၀ဝ၇ လောက်မှာတော့ ရွှေတွေလည်း အင်တာနက်ကို ကောင်းကောင်း သုံးလာကြပြီ။ အင်တာနက်ကဖှေးဟု ခေါ်သော ဆိုင်တွေလည်း တဖြည်းဖြည်း ဝေဆာလာသည်။ သို့သော် ကျွန်တော်နှင့်မူ အလှမ်းဝေးနေဆဲ။

မလွှဲသာလွန်းသောအခါတွင်မူ အင်တာနက်ဆိုင်တွေကို အားကိုးရသည်။ သို့တိုင်အောင် အိမ်က ခွာရမှာကို သေမလောက် ကြောက်တတ်သော ကျွန်တော့် စရိုက်နှင့် သိပ်မကိုက်။ မလွတ်လပ်ဟု ခံစားရတာလည်း ပါသည်။ ထို့ကြောင့် စာပေးစာယူအတွက်သာ အင်တာနက်ဆိုင်ကို အားထားခဲ့သည်။ အခြားမူ သိပ် မသုံးဖြစ်ခဲ့ချေ။


ကံအားလျော်စွာ ၂၀ဝ၉ခုနှစ် ဩဂုတ်လထဲတွင် ကျွန်တော့်အိမ်မှာ ကြိုးမဲ့ အင်တာနက်စနစ် ချိတ်ဆက်နိုင်ခဲ့ပါသည်။ ထိုအခါကျမှ အင်တာနက် မည်သော အချစ်ဟောင်းနှင့် ကောင်းကောင်း ပြန်ပေါင်းထုပ်ရသည်။ ကိုယ့်အိမ်ကိုယ်ဆိုတော့ ဘယ်သူ့မှလည်း အားနာစရာမလို၊ အဝတ်လဲနေစရာလည်း မလို၊ ကွန်ပျူတာရှေ့မှာ အချိန်မရွေးထိုင်ကာ ရှာချင်တာ ရှာလို့ရလာသည်။ ပို့ချင်တာ ပို့လို့ ရလာသည်။ ဆက်သွယ်ချင်တာ ဆက်သွယ်လို့ ရလာသည်။
အချိန်တော်တော်များများမှာ အချစ်ဟောင်းနှင့် ကုန်ဆုံးရပြန်တော့သည်။

၂။
ကျွန်တော်နှင့် အင်တာနက် ပြတ်လပ်သွားခိုက် ငါးနှစ်လောက်အတွင်းမှာ အင်တာနက်လောကတွင် ဝေါဟာရသစ်တစ်လုံး ပေါ်ပေါက်လာသည်။ ဘလော့(ဂ်) (blog) ပါတဲ့ ခင်ဗျား။

ကျွန်တော် ဘာမှန်း မသိသေး။ စိတ်လည်း မဝင်စားမိသေး။ စင်္ကာပူရောက် မိတ်ဆွေဟောင်းတစ်ဦးက အဆိုပါ ဘလော့(ဂ်)ကို ရေးနေသည်ဟု တစ်ဆင့်စကား ကြားသိရသည်။

သူ ရန်ကုန်ပြန်လာခိုက် ခဏတဖြုတ်တွေ့တော့ သူက ဘလော့(ဂ်) ရေးရတာ  ယစ်မူးနေကြောင်း ပြောသွားတာကိုလည်း ကြားလိုက်ရသည်။

အိမ်မှာ အင်တာနက် ချိတ်ဆက်လိုက်သောအခါတွင်မူ ကျွန်တော်လည်း ထိုဘလော့(ဂ်)ကို စိတ်ဝင်စားလာသည်။

၃။
ခေတ်က တသွင်သွင်စီးဆင်းနေသည်။ အရှိန်အဟုန်နှင့် ဖြစ်သည်။ အရှိန်အဟုန်မှ အလွန်ပြင်းထန် မြန်ဆန်သော အရှိန်အဟုန်။

သတင်းအချက်အလက် နည်းပညာ၏ တိုးတက်မှုကား အံ့မခန်း။ ၁၉၈၈ ခုနှစ် ဇူလိုင်လတွင် ဥရောပသမဂ္ဂမှာ ဝင်အမှုထမ်းတော့ တစ်ရုံးတည်းသားတစ်ချို့မှာ ကွန်ပျူတာကို သုံးနေကြလေပြီ။ သူတို့ကို ကြည့်ပြီး ကျွန်တော်လည်း သုံးချင် လာသည်။ သို့နှင့် သူတို့ကို ဆရာတင်လိုက်၊ အရေးဆို ကယ်ပါဦး (help) ခလုတ်ကို နှိပ်လိုက်ဖြင့် ဆည်းပူးခဲ့ရာ ၁၉၈၉-၉၀ လောက်မှာ  ကွန်ပျူတာကို တော်တော် ရင်းနှီးကျွမ်းဝင်လာသည်။ ဆိုခဲ့သည့်အတိုင်း ၂၀ဝ၀ပြည့်နှစ်မှာတော့ အင်တာနက်နှင့် ရင်းနှီးရလေပြီ။

ပြောလိုသည်မှာ သတင်းအချက်အလက်နည်းပညာ၏ တိုးတက်မှုကိုပင် ဖြစ်သည်။ ၁၉၈၈မှ ၂၀ဝ၀ဆိုသော ၁၂နှစ်တာ ကာလအတွင်း ထိုနည်းပညာ၏ တိုးတက်မှုမှာ အလွန်မြန်ဆန်လှသည်။  ၂၀ဝ၀ပြည့်နှစ် နောက်ပိုင်း မြန်ဆန်မှုကား ဒရောသောပါး ပိုနိုင်လာပါသည်။

၂၀ဝ၀ပြည့်နှစ် ကျွန်တော်တို့ အင်တာနက် စတင်သုံးစွဲချိန်တွင် စာလောက်၊ ပုံလောက်ကိုသာ အင်တာနက်မှာ ကြည့်နိုင်သည်။ အဲဒီ့နောက် နှစ်နှစ်၊ သုံးနှစ်ပဲ ကြာလိုက်သည်၊ အသံတွေရော၊ ရုပ်ရှင်တွေပါ ကြည့်နိုင်သည့် ကြားခံ ဆက်သွယ်ရေး နည်းပေါင်းစုံ (multimedia) ဆိုတာက တွင်ကျယ်လာသည်။


၂၀ဝ၃ ခုနှစ်က မြန်မာပြည်မှာ အင်တာနက်ဆိုင်တွေ သိပ်မရှိသေး၊ သုံးစွဲသူလည်း မများသေး။ အခု ၂၀ဝ၉မှာတော့ ကလေးမြို့က လူငယ်လေးကလည်း ကျွန်တော့်ထံ အင်တာနက်မှတစ်ဆင့် လှမ်းဆက်သွယ်နေလေပြီ။ မြိုင်မြို့တို့၊ မိတ္ထီလာတို့ကလည်း ဆက်သွယ်နေကြလေပြီ။ အင်တာနက် သုံးစွဲသူ အင်အားကား အုံနှင့် ကျင်းနှင့်။


၂၀ဝ၇ခုနှစ်မှာ ကျွန်တော် နိုင်ငံခြားသွားမည်ဆိုတော့ ထွက်ခွာပုံစံ (departure form) ကို လူဝင်မှုကြီးကြပ်ရေးက အင်တာနက်မှတစ်ဆင့် ထုတ်ပေးနေလေပြီ။ နိုင်ငံတော် အစိုးရအဖွဲ့အစည်းများပင်လျှင် အင်တာနက်ကြီး၏ အဆင်ပြေ၊ လွယ်ကူ၊ ထိရောက်၊ မြန်ဆန်မှုကို အသုံးချနေလေပြီတကား။

၎။
တသွင်သွင်စီးဆင်းနေသော ရေအလျဉ်ကို လက်ဖြင့် ကာလို့ မရနိုင်သလို တမံ တုတ်လို့လည်း မရတော့ပါ။ အရှိန်အဟုန်က ပြင်းလွန်းသဖြင့် တမံဝေးစွ၊ တာပဲ ဖို့ဖို့၊ ဆည်ကြီးပဲ တင်းခံခံ အမှန်ကျော်လွှားသွားတော့မည့် နည်းပညာ ပေါက်ကွဲမှုကြီးပင် ဖြစ်သည်။

ထိုအခြေအနေမှာ ကိုယ်က ထိုနည်းပညာကို မျက်စိစုံမှိတ် ငြင်းပယ်မည့်အစား သူ့အားသာချက်များကို ချသုံးလျက် အမြတ်ထုတ်နိုင်မှ တန်ကာကျတော့မည်ဟု မြင်လာပါသည်။

ထိုအတွေးဖြင့် ဘလော့(ဂ်)ကိုလည်း ကျွန်တော် အမီလိုက်ရတော့မည်ဟု သဘောပေါက်လာသည်။

၅။
ဘလော့(ဂ်) ဆိုသည်မှာ ပင့်ကူအိမ် မှတ်တမ်း (web log)မှ ဆင်းသက်လာသော စကားလုံးဖြစ်ပါသည်။ အင်တာနက်ကွန်ရက်ကြီးကို ပင့်ကူအိမ်နှင့် တင်စားကြသည်။ ကမ္ဘာအနှံ့ဖြန့်ကျက်ထားသော ပင့်ကူအိမ် [worldwide web (ဝါ) www] တဲ့။

ထိုပင့်ကူအိမ်မှာ မှတ်တမ်းတင်ခြင်းကို weblog ၊ အတိုချုံ့လိုက်သောအခါ blog [ဘလော့(ဂ်)] ရယ်လို့ ဖြစ်လာပါတော့သည်။ မြန်မာစာအဖွဲ့က ထုတ်သော အင်္ဂလိပ်-မြန်မာ အဘိဓာန်မှာမူ ထိုစာလုံးအတွက် အနက်ဖွင့်ချက် မပါရှိသေးပါ။ နောက်ဆုံးပေါ် Cambridge Advanced Learners Dictionary, 3rd Edition မှာတော့ ဘလော့(ဂ်)ကို a  diary   (= regular record of your thoughts, opinions and experiences)  that you put on the Internet for other people to read ဟု ဖွင့်ဆိုပါသည်။ “အခြားသူများ ဖတ်ရှုနိုင်ရန် အင်တာနက် ပေါ်သို့ တင်ထားသော နေ့စဉ်မှတ်တမ်း (ဆိုလိုသည်မှာ မိမိ၏အတွေးများ၊ အယူအဆများ၊ အတွေ့အကြုံများ၏ ပုံမှန် မှတ်တမ်း”ဟု ဆိုလျှင် ရမည်ထင်သည်။

မှန်ပါသည်။ ယခုအခါ ကမ္ဘာအရပ်ရပ်မှာ ဘလော့ဂါ [blogger (ဝါ) ပင့်ကူအိမ်မှတ်တမ်းရေးသူ]တွေ သန်းချီပြီး ရှိနေပါလေပြီ။ အကြောင်းအရာစုံ၊ လူပေါင်းစုံ။ ဘာသာစကားပေါင်းစုံ။  ကျွန်တော်တို့ ရွှေမြန်မာ ဘလော့ဂါတွေကိုက မနည်းမနော။ ပြည်တွင်းမှရော၊ ပြည်ပမှပါ အုံကျင်းနှင့် ရေးနေကြသည်။


တချို့က အပျော်သဘော၊ တချို့က မဟုတ်တမ်းတရားတွေ၊ တချို့က မရိုးဖြောင့်သော ရည်ရွယ်ချက်ဖြင့်၊ တချို့ကတော့လည်း လေးလေးနက်နက်။ တချို့က ဘာသာရေး၊ တချို့က ပညာရပ်၊ တချို့က နိုင်ငံရေး၊ တချို့က အလဇ္ဇီရှစ်သောင်း၊ တချို့က အတင်းအဖျင်း၊ တချို့က အဝါအကြွား။ အားလုံးက ကိုယ့်စိတ်ကူးနှင့်ကိုယ်။ အကန့်အသတ်မဲ့၊ အလွှတ်မဲ့၊ တပျော်တပါး။

တစ်မျိုးတော့လည်း ကောင်းသည်။ လူ့စရိုက်တွေက သည်နေရာမှာ ပေါ်လာသည်။ အကြောင်းအရာပေါင်းစုံကိုလည်း သန်ရာ သန်ရာ ရွေးချယ် ကြည့်ရှုနိုင်သည်။ ပြည်တွင်းမှ ဘလော့ဂါတစ်ဦးဆိုလျှင် ကဗျာလည်း အရေးကောင်းသည်၊ ကဗျာနှင့် စာအုပ် ဝေဖန်ချက်တွေကလည်း တော်တော်လေး အနှစ်အသားပါသည်။ စာရေးသူကောင်းတစ်ဦး ဖြစ်နိုင်မှန်း သိနေသဖြင့် သူ့ကို အားတိုင်း မြှောက်ပေး (ချောက်ချ)နေမိပါသည်။

သူငယ်နာ မစင်သူတွေလည်း တစ်ပုံတစ်ပင် တွေ့ရသည်။ ဘာပဲဖြစ်ဖြစ်၊ ကိုယ့်သဘောနှင့်ကိုယ်၊ ကိုယ့်ရင်ဘတ်ထဲ ရှိတာ၊ ကိုယ်ပြောချင်တာ၊ ကိုယ် ထင်ရာမြင်ရာကို ကိုယ်သန်သလို ပြောနေကြသူများကို ဘလော့ဂါဟု သညာပြုလျှင် လွန်အံ့မထင်ပါ။

ကျွန်တော်ကတော့ အဲဒါတွေကို သဘောကျနေသည်။ တားလို့လည်း မရနိုင်တော့သည့် နည်းပညာပေါက်ကွဲမှု ခေတ်ကြီးထဲမှာ ဟိုမှ သည်မှ အလျှိုလျှို ပေါ်နေသော ဘလော့ဂါများကို ကြည့်ရင်း ခေတ်၏ သဘောကို ဆင်ခြင်မိသည်။ ပွင့်လင်းခေတ်၊ နေ့ညမဆိုင်း အကုန်သိနိုင်သောခေတ်ကို ချင်းနင်း ဝင်ရောက်နေသော ပြယုဂ်ပေပဲဟု နားလည်လာရသည်။

အမှိုက်တွေ ပါနေတာ ဘယ့်နှယ့်လုပ်မတုံးဟု တချို့က မေးကောင်း မေးပါလိမ့်မည်။ ကျွန်တော့်စိတ်ထင်တော့ အရေးသိပ်မကြီးလှပါ။ အမှိုက်က အမှိုက်ပုံထဲ ရောက်သွားပါလိမ့်မည်။ ကျွန်တော်တို့ စာနယ်ဇင်းလောကမှာ တစ်လောဆီက အလျှိုလျှို ပေါ်လာသော ဂျာနယ်၊ မဂ္ဂဇင်းများလိုပင် ဖြစ်သွားပါလိမ့်မည်။ တချို့က တင်ကျန်ရစ်သည်။ တချို့ကား သက်ဆိုး မရှည်။ ပရိသတ်သည် အချဉ်မဟုတ် ဆိုတာကို ပြဆိုနေခြင်းပင်။

ပင့်ကူအိမ်မှတ်တမ်းဟု အနက်ရသော ဘလော့(ဂ်)တွေလည်း ထို့အတူပင် ဖြစ်ပါလိမ့်မည်။ တချို့ဘလော့(ဂ်)တွေဆို တစ်ခါဝင်ကြည့်ပြီးသည်နှင့် နောက်ထပ် ထပ်ကြည့်ချင်စိတ် ပျောက်သွားသည်။ စာရေးတာကလည်း ကမောက်ကမ၊ သတ်ပုံတွေ၊ ရေးထုံးတွေလည်း နေရာမကျ၊ အကြောင်းအရာကျပြန်တော့လည်း အတင်းအဖျင်းနှင့် ဝါကြွားတာက များနေမှန်း တစ်ခါကြည့်လိုက်ရုံနှင့် ထင်းနေသည်။ အဲတော့ အဲဒီ့ပင့်ကူအိမ်မှတ်တမ်းကို အချိန်ကုန်ခံပြီး နောက်ဝင်ကြည့်စရာ မလိုတော့ချေ။ တချို့ကျတော့လည်း သူငယ်နာမစင်သည့် အယူအဆတွေ တင်းကြမ်း။ အဲဒါလည်း တစ်ခါကြည့်ပြီးသည်နှင့် အော်ဂလီဆန်ကာ တစ်ဖန် ပြန်မလှည့်မိတော့ချေ။


အဲဒါတွေကိုမှ မက်မက်စက်စက် ကြည့်နေသူတွေလည်း ရှိသည်။ ဒါလည်း ပြဿနာမဟုတ်၊ အချိန်က အဆုံးအဖြတ်ပေးသွားမည်သာ၊ သည့်ထက် ကြီးကြီးကျယ်ကျယ် ပြောရလျှင် သမိုင်းက အဆုံးအဖြတ်ပေးသွားမည်သာပင်။ ကျွန်တော်တို့က ကြားချောင်က ဝင်ပြီး တောင်ပြော မြောက်ပြော လျှောက်ပြောနေလည်း ဟောရင်းသာ ပျံတော်မူရမည်မှာ အသေအချာပင်။

၆။
အဆိုပါ ပင့်ကူအိမ်မှတ်တမ်းပေါင်းများစွာကို အင်္ဂလိပ်ဘာသာဖြင့်ရော၊ မြန်မာ ဘာသာဖြင့်ပါ တော်တော်လေး ဖတ်ရှုပြီးသွားသည့် နောက်တွင် ကျွန်တော်တို့ မြန်မာစာပေနယ် လက်ဖက်ရည်ပန်းကန်ထဲမှ မုန်တိုင်းလေးများကို ကရုဏာသက်မိရသေးသည်။ ဘာတဲ့… အဆိပ်အတောက်တို့၊ မှိုင်းတိုက်တာတို့ ဘာညာ သာရကာတွေ တံဆိပ်ကပ်ကာ ဟိုစာဖြင့် မရှိသင့်ဘူး၊ သည်စာဖြင့် မရေးသင့်ဘူး စသဖြင့် တွင်တွင်အော်နေကြသူများပင် ဖြစ်သည်။

အဲဒီ့ ကိုကိုတွေ အင်တာနက်ထဲကို ပယ်ပယ်နယ်နယ် ဝင်ကြည့်စေချင်စမ်းလှသည်။ များများမဟုတ်၊ တစ်နေ့ကို ငါးနာရီနှုန်းလောက်ဖြင့် တစ်ပတ်လောက်ပဲ အချိန်ယူဖို့ လိုပါလိမ့်မည်။ သူတို့ပြောနေတာထက် ဆိုးရွားလှသော မရှိသင့်မရှိ ထိုက်သည့် အကြောင်းအရာများမှာ အင်တာနက်ကြီးပေါ်တွင် ရှိနေပါသည်။

လူဆိုတာက နုရာက ရင့်လာကြသူချည်းသာ။ ကျွန်တော်တို့လည်း ကာတွန်းတွေ၊ ဒဏ္ဍာရီတွေ၊ နတ်သမီးတွေ၊ သိကြားမင်းတွေနှင့် စာဖတ်ဝါသနာ ထုံလာရသည်။ ဆယ်ကျော်သက်မှာ အချစ် အသည်းကွဲ ဝတ္ထုတို/ရှည်တွေကို စွဲမက်ခဲ့သည်။ ဂမ္ဘီရတွေလည်း ဖတ်ခဲ့ကြပါသည်။ ယုတ်စွအဆုံး အလဇ္ဇီစာပေတွေလည်း မကျန်။
အဲဒါတွေက ကျွန်တော်တို့ရင်မှာ တင်မကျန်နေခဲ့ပါ။ သို့သော် ကျေးဇူးတင်တတ်မည်ဆိုလျှင် ထိုစာပေအထွေထွေကို ကျေးဇူးတင်ထိုက်ပါသည်။ ထိုစာများ၏ ကျေးဇူးကြောင့် စာဖတ်ခြင်း အလေ့လေး ထုံလာခြင်း မဟုတ်ပါလော။ ဘာပဲ ဖြစ်ဖြစ်၊ အသက်အရွယ် အနုအရင့်အလိုက် တက်ရသော လှေကားထစ်လေးများဟု ယူသော် ရနိုင်ပါသည်။

ထို့ကြောင့် ကျွန်တော့်သဘောအရမူ ဘယ်စာကိုမှ အပြစ်မတင်လိုပါ။ ဘယ်စာကိုမှ ကိုယ်နှင့် အယူအဆ မတူသဖြင့် ပစ်ပယ်ရန်လည်း မလှုံ့ဆော်လိုပါ။ စာဖတ်ခြင်းကို အားပေးရာတွင် ဘာမဆို ဖတ်ဟုသာ လူငယ်ထုတစ်ရပ်လုံးကို မောင်းခတ်လိုလှပါသည်။ ဘာမှ မဖတ်တာထက် စာလျှင် တစ်ခုခုကို ဖတ်ခြင်းကပင် စာဖတ်ခြင်း ဝါသနာ မျိုးစေ့ကို ပျိုးထောင်ခြင်း မည်ပါလိမ့်မည်။

နောက်ဆုံးတွင် အားလုံးက သူ့သဘော သူဆောင်သွားကြမည်သာလည်း ဖြစ်ပါသည်။

၇။
ပင့်ကူအိမ်မှတ်တမ်းများမှာလည်း ထို့အတူပင်ဖြစ်သည်။ သူ့သဘော သူဆောင်နေကြသလို သူ့လမ်း သူသွားကြပါလိမ့်မည်။

အဲ… ပင့်ကူအိမ်မှတ်တမ်းမှာ အခြား ပုံနှိပ်စာများနှင့် မတူသော အားသာချက်တစ်ခု ရှိနေသည်လည်း အမှန်။ ယင်းမှာ စာဖတ်သူက မိမိအမြင်၊ မိမိ သဘောထားကို ချက်ချင်း တုံ့ပြန်နိုင်သော အခွင့်အရေးရှိနေသလို မှတ်တမ်းရှင်ကလည်း ထိုတုံ့ပြန်ချက်များကို ချက်ချင်း သိနိုင်၊ ဖြေကြားနိုင်သော အခွင့်အရေးများ ရရှိနေခြင်း ဖြစ်သည်။ ရေးသူနှင့် ဖတ်သူကြားမှာ အပြန်အလှန် တုံ့လှယ် ဆက်ဆံနိုင်သော အားသာချက်ရှိနေသည်။ ပုံနှိပ်စာလို တစ်လမ်းသွား မဆန်လှတော့၊ နှစ်လမ်းသွား သဘော ဆောင်လာသည်။

သည်အခါမှာ ဆင်ခြင်တတ်သူဆိုလျှင် ဆင်ခြင်နိုင်သည်။ တစ်နည်းပြောလျှင် အများက ဝိုင်းဝန်းဆွေးနွေးမှုများကို ခံယူရသဖြင့် အများကြီး ဉာဏ်ပွင့်လာနိုင်ပါသည်။ စိတ်ကူးစိတ်သန်းအသစ်များ၊ အယူအဆသစ်များ ပွားများလာနိုင်ပါ သည်။ ယင်းကား ပင့်ကူအိမ်မှတ်တမ်း၏ အဓိက အားသာချက်ဖြစ်သည်။

၈။
ကျွန်တော်ကတော့ နည်းပညာစိန်ခေါ်မှုကို အံ့ဩမနေတော့ဘဲ ဝံ့ဝံ့ပင် ရင်ဆိုင်ချင်နေပါပြီ။ စာဖတ်သူ လူကြီးမင်းရော… ရင်သပ်နေသည့် ဘဝမှာ ရပ်နေလိုပါသလား၊ ဒါမှမဟုတ် မစွမ်းသာမှန်း သိလျက်နှင့် အတင်း ငြင်းပယ် ဆန့်ကျင် ကာဆီးလိုပါသလား။ ဒါမှမဟုတ်လည်း နင်လားဟဲ့ နည်းပညာဆိုသည့် စိတ်မျိုး မွေးလျက် ထိုစိန်ခေါ်ချက်ကို လက်သင့်ခံကာ သူ့ကို အသုံးချပြီး ကိုယ့်အတွက် မျက်မျက်ကလေး ဖြစ်လာအောင် ကြံဆောင်မည်လား။

လူတိုင်းသည် မိမိကြိုက်တာကို မိမိကြိုက်သလို ရွေးနိုင်ကြမည့်သူချည်းသာ ဖြစ်ပါသတည်း။

အားလုံးတွေးဆ ဆင်ခြင်ကြည့်နိုင်ကြပါစေ
ဆူဒိုနင်
(စာပြီးရက် ဝ၈၀၉၀၉)

စာကြွင်း – သူတို့က web log ကို ပေါင်းချပြီး blog ဟု ဝေါဟာရသစ်ဖန်တီး လိုက်သလို ကျွန်တော်တို့ကလည်း အဆိုပါ ပင့်ကူအိမ်မှတ်တမ်းကို “ကူမှတ်တမ်း” ဟု ခေတ်နှင့်လျော်ညီသော ဝေါဟာရသစ်တစ်လုံး ဖန်တီးလိုက်လျင် ကောင်းလေမည်လားဆိုခြင်းကိုပါ ဝိုင်းဝန်းစဉ်းစားပေးတော်မူကြည့်ကြစေလိုလှပါသေးသည်။

————————-

(၂၀ဝ၉ ခုနှစ် အောက်တိုဘာလ ၂၃ရက်နေ့ထုတ် Bi Weekly Eleven ဂျာနယ် အတွဲ ၂ အမှတ် ၃၁ မှာ ဖော်ပြထားတာလေးကို ပြန်လည် တင်ဆက်လိုက်တာပါ။)

Will & Way

sidney-poitierဖြစ်အောင်လုပ်က ဖြစ်မှာဗျ

မြန်မာရုပ်ရှင်ကြည့် ပရိသတ်နဲ့တော့ သိပ်ရင်းနှီးမယ် မထင်ဘူး။ နိုင်ငံခြား ရုပ်ရှင် ဝါသနာအိုးဆိုရင်တောင်မှ အသက် ၄၀တန်း၊ ၅၀တန်းလောက်ပဲ ရင်းနှီးနိုင်မယ့် သရုပ်ဆောင်တစ်ယောက်အကြောင်း ပြောပြချင်ပါတယ်။


သူက “ဆစ်ဒနီ ပွိုင်တီယာ”တဲ့။ လူမည်း သရုပ်ဆောင်အနေနဲ့  ရုပ်ရှင်သမိုင်းမှာ ပထမဆုံး အော်စကာ (အကယ်ဒမီ)ဆု ရခဲ့တဲ့ မင်းသားကြီးပါ။ သူ့ ဘဝဇာတ်ကြောင်းလေးက စိတ်ဝင်စားဖို့ ကောင်းတယ်။

သူ့ကို ဘဟားမား(စ်)ကျွန်းစုများထဲက “ကြောင်ကျွန်း”မှာ မွေးခဲ့တာပါ။ သူ့မိဘတွေက ဆင်းရဲတယ်။  မွေးတုန်းက သူ့ကိုယ်အလေးချိန်က သုံးပေါင်သာ ရှိတာမို့ တအား လှီတာပေါ့။ သည်လောက် လှီတဲ့ဟာလေးတော့ သက်ဆိုးရှည်မှာ မဟုတ်ဘူးလို့ ယူဆတာကြောင့် သူ့အတွက် ခေါင်းတလား ပိစိလေးတစ်လုံးတောင် အဆင်သင့် လုပ်ထားခဲ့ကြပါသတဲ့။

သို့သော် လျှပ်စစ်မီးလည်း မရှိ၊ အိမ်တွင်းအရောက် သွယ်တန်းထားတဲ့ ရေပိုက်တွေလည်း မရှိတဲ့ အဲဒီ့ တဲကလေးထဲမှာ ဆင်းဆင်းရဲရဲ နေရတဲ့ မိသားစု ကြားက အဲဒီ့ လူစဉ် မမီတဲ့ ကလေးလေးက အသက် ရှင်လာခဲ့တယ်။ အဲသလိုနဲ့ အတန်းကျောင်းဆိုလည်း နှစ်တန်းထက် ပိုပြီး မနေလိုက်ရဘူး။ အသက် ခြောက်နှစ်၊ ခုနစ်နှစ်လောက်မှာ ကျောင်းက ထွက်ပြီး ခရမ်းချဉ် စိုက်ခင်းတွေမှာ သွားအလုပ်လုပ်ရတော့တဲ့ ဘဝ။

သူ့မိဘတွေက သူတို့သားလေး အခုလို ဆင်းဆင်းရဲရဲ နေရတာကို မကြည့်ရက်ရှာကြဘူး။ ဒါနဲ့ ဆယ်ကျော်သက်ဘဝကို ရောက်ခါစမှာပဲ ဆစ်ဒနီ့ကို မိုင်ယာမီမှာ ရှိတဲ့ သူ့အစ်ကိုဆီ ပို့လိုက်ကြတယ်။ မိုင်ယာမီ ရောက်တော့ သူက ကုန်စုံဆိုင်မှာ ပစ္စည်းပို့တဲ့သူအဖြစ် အလုပ်ဝင်ရတယ်။

တစ်နေ့ကျတော့ ချမ်းသာတဲ့ လူဖြူအမျိုးသမီးကြီးတစ်ယောက်ရဲ့ အိမ်ကို ပစ္စည်းတစ်ခု သွားပို့ဖို့ အကြောင်းပေါ်လာတယ်။ အဲဒီ့မိန်းမကြီးအိမ်ကို ပစ္စည်းပို့ရင် နောက်ဖေးပေါက်ကပဲ ပို့ရတယ်။ အိမ်ရှေ့ပေါက်က ဘယ်တော့မှ မပို့ရဘူး။ ဒါကို သိမထားတဲ့ ဆစ်ဒနီဟာ အိမ်ရှေ့ပေါက်ကို ရောက်သွားပါတယ်။

အိမ့်ရှင် မိန်းမကြီးက နောက်ဖေးပေါက်ကို ပို့ပေးဖို့ သူ့ကို ပြောတဲ့အခါကျတော့ ဆစ်ဒနီက သူ မှားသွားတဲ့အကြောင်း၊ သို့သော် အခုမှတော့ မထူးတော့တဲ့အပြင် လူချင်းလည်း ဆုံနေပြီမို့ ပစ္စည်းကို လက်ခံပေးဖို့ တောင်းပန်လိုက်ပါတယ်။ မိန်းမကြီးက လက်မခံဘူး။ လက်မခံတဲ့အပြင် သည်လူမည်းလေးက သူ့ကို ပြန်ပြောရကောင်းလားဆိုပြီး စိတ်က တအားပေါက်သွားတယ်။

မကြာပါဘူး၊ အဲဒီ့အချိန်က အမေရိကန်နိုင်ငံမှာ လူမည်းတွေကို အကြမ်းဖက်တဲ့နည်းနဲ့ နှိပ်ကွပ်နေတဲ့ “ခလူ၊ ခလပ်(ခ်)(စ်)၊ ခလယ်(န်)”ဆိုတဲ့ အဖွဲ့က ရှိနေတယ်။ အဲဒီ့အဖွဲ့က သည်အမှုကြောင့် ဆစ်ဒနီ့ကို မြေလှန်ပြီး ရှာကြပါတော့တယ်။ သည်မှာတင် ဆစ်ဒနီ့မိသားစုလည်း စိုးရိမ်တကြီးနဲ့ ဆစ်ဒနီ့ကို နျူးယော့(ခ်)မြို့တော်ကို ပို့လိုက်ကြပြန်ပါတော့တယ်။

အဲဒီ့အချိန်မှာ ဆစ်ဒနီ့အသက်က ၁၅နှစ်ပဲ ရှိသေးတယ်။ သူ့အိတ်ကပ်ထဲမှာလည်း ငွေလေးက သုံးဒေါ်လာပဲ ပါတယ်။ နျူးယော့(ခ်)ရောက်တော့ ပန်းကန်ဆေးတဲ့ အလုပ်တစ်ခု ရတယ်။ ဒါပေမယ့် ရတဲ့ လုပ်ခက သိပ်မများတော့ တအားကို ဆင်းရဲတာပေါ့။ ညတိုင်ကျရင် သူ့မှာ ပိုက်ဆံပေးပြီး သွားရတဲ့ အများသုံး အိမ်သာထဲမှာ သွားသွားအိပ်ခဲ့ရပါသတဲ့။

တစ်နေ့ကျတော့ ပြဇာတ်တစ်ပုဒ်မှာ ဝင်ရောက် သရုပ်ဆောင်ဖို့အတွက် သရုပ်ဆောင်များ အလိုရှိသည်ဆိုတဲ့ ကြော်ငြာတစ်ခုကို သတင်းစာထဲမှာ သူ တွေ့သွားတယ်။ သူလည်း စိတ်ဝင်စားသွားပြီး လျှောက်တော့တာပေါ့။

တကယ်လည်း သူ့ကို အစမ်း သရုပ်ဆောင်ခိုင်းတဲ့အခါမှာတော့ သူ သရုပ်ဆောင်တာက တအား ချာတူးလန်နေတယ်။ ထုတ်လုပ်သူလည်း ဒေါတွေ ပွ၊ ဆစ်ဒနီ့လက်ထဲက ဇာတ်ညွန်းစာရွက်ကို ဆောင့်ဆွဲ ဆုတ်ဖြဲပစ်လိုက်ပြီး လူအများ ရှေ့မှာတင်ပဲ မင်းလိုကောင်မျိုးက သရုပ်ဆောင် မဖြစ်နိုင်ဘူး၊ ပန်းကန်ဆေးတဲ့ ကောင်ပဲ ဖြစ်မှာလို့ အော်လိုက် ဟစ်လိုက်ပါတော့သတဲ့။ ဆစ်ဒနီဟာ ပန်းကန်ဆေးတဲ့ ကောင်မှန်း အဲဒီ့ ထုတ်လုပ်သူက မသိပါဘူး။ သို့ပေမယ့် သူ့ စကားက ဆစ်ဒနီ့ကို အကြီးအကျယ် အရှက်ရသွားစေခဲ့ပါတယ်။ ကျလုဆဲဆဲ မျက်ရည်တွေကို ထိန်းရင်း အဲဒီ့ ထုတ်လုပ်သူရဲ့ စကားကြောင့် တစ်နေ့ကျ ငါ သရုပ်ဆောင်တစ်ယောက် ဖြစ်ကို ဖြစ်ရမယ်ဆိုတဲ့ သန္နိဋ္ဌာန်က သူ့ရင်မှာ ခိုင်မာ သွားပါတော့တယ်။


အဲဒီ့နောက် ခြောက်လလုံးလုံးအတွင်းမှာတော့ ဆစ်ဒနီဟာ ရေဒီယိုကို မပြတ် နားထောင်ပြီး သူ့ရဲ့ ပလုံးပထွေးနဲ့ ပြောတတ်တဲ့ ကျွန်းသား လေယူ လေသိမ်းကို ပြုပြင်နိုင်အောင် ကြိုးစားပါတော့တယ်။ မြန်မာ နားလည်အောင် ပြောရင်တော့ သူ စကားဝဲတာကို မဝဲတော့အောင် ရေဒီယို အသံလွှင့်ချက်တွေ နားထောင်ပြီး ကျင့်တော့တာပါ။

ခြောက်လလောက်ကြာတော့ သူ့ကိုယ်သူ အတော် ယုံကြည်လာတယ်။ ဒါနဲ့ သရုပ်ဆောင် သင်တန်းကျောင်းကို တက်ပါတော့တယ်။ အဲဒီ့ သင်တန်းကျောင်းအတွက် ကျောင်းလခကိုတော့ အဲဒီ့ကျောင်းမှာပဲ သန့်ရှင်းရေးသမားအဖြစ် အမှုထမ်းရင်း အဲဒီ့က ရတဲ့ လခနဲ့ ပြန်ချေရတာပါပဲ။ မကြာပါဘူး၊ ပြဇာတ်တစ်ပုဒ်မှာ မထင်မရှား အခန်းလေးတစ်ခန်းကနေ သူ စသရုပ်ဆောင်ရ ပါတယ်။ သို့ပေမယ့် စင်ပေါ်မှာ သူသရုပ်ဆောင်တာက အချိုးသိပ်မကျတော့ ပရိသတ်က ရယ်ကြပါတယ်။ မရယ်သင့်တဲ့ ပြကွက်မှာ ရယ်ကြတာ ဖြစ်ပေမယ့်လည်း ပရိသတ်ရဲ့ အာရုံကို တစ်နည်းတစ်ဖုံ ဖမ်းစားနိုင်ခဲ့တာလည်း အမှန်ပါပဲ။


အဲဒီ့ကနေ တဖြည်းဖြည်းနဲ့ သူဟာ ပြဇာတ်တွေမှာ နေရာရလာပါတော့တယ်။ ၁၉၅၀ပြည့်နှစ်မှာတော့ “ထွက်ပေါက်မရှိ”ဆိုတဲ့ ဇာတ်ကားမှာ ပါဝင် သရုပ်ဆောင်ခွင့် ရလာပါတော့တယ်။ အဲဒီ့ကမှ အားလုံးက ဝိုင်းနှိမ်နေတဲ့ကြား၊  လူမည်းများအတွက် အင်မတန်မှ ခက်ခဲလှတဲ့ အခြေအနေအတွင်းမှာ သူ့ရဲ့ ကြိုးစားမှု၊ မဆုတ်နစ်တဲ့ ဇွဲ၊ ပြင်းထန်တဲ့ စိတ်ဓာတ်များကြောင့် အမေရိကန် ဟောလီးဝု(ထ်)ရဲ့ ထိပ်တန်း သရုပ်ဆောင်နေရာ တစ်နေရာကို ရောက်လာခဲ့ပါတော့တယ်။

သည်နေရာမှာ မေးစရာတစ်ချက်ရှိတယ်။ အတန်းကျောင်းအနေနဲ့ နှစ်တန်းအထိသာ နေခွင့်ရခဲ့တဲ့ ဆစ်ဒနီဟာ ဘယ်လိုလုပ် ထိပ်တန်းနေရာကို ရလာသလဲဆိုတဲ့ မေးခွန်းပါ။ ဟုတ်ကဲ့… ဆစ်ဒနီဟာ စာကို စွဲစွဲလန်းလန်း ဖတ်သူတစ်ယောက်ပါ။ နှစ်တန်းအထိ နေခွင့်ရခဲ့တဲ့အတွက် သူဟာ စာတော့ ဖတ်တတ်တယ်။ စာဖတ်တတ်တဲ့အတွက် စာကို စွဲစွဲလန်းလန်း ဖတ်တယ်။ စာအုပ်တွေ၊ ပြဇာတ်တွေ၊ သတင်းစာတွေ၊ မဂ္ဂဇင်းတွေကို ပြင်းပြင်းထန်ထန် ဖတ်ပါတယ်။

ကနေ့ သူ့အသက် ၇၈နှစ်အထိလည်း တစ်နေ့ကို သတင်းစား ငါးစောင် အပါအဝင် အခြား စာများကို တအားဖတ်ဆဲပါပဲ။

အဲတော့ ပညာရေးအရ မရခဲ့ပေမယ့်လည်း ကိုယ်လိုချင်တဲ့ ပညာကို စာအုပ်တွေထဲမှာ၊ အင်တာနက်တွေထဲမှာ၊ စာနယ်ဇင်းတွေထဲမှာ ရှာလို့ရတယ် ဆိုတာကို ဆစ်ဒနီက သက်သေထူသွားခဲ့တာပါပဲ။ တကယ်တော့ အသိပညာဆိုတဲ့ နယ်ပယ်တစ်ရပ်ဟာ ကျွန်တော်တို့ လူသားအားလုံးကို ငံ့လင့် ကြိုဆိုနေတာပဲ မဟုတ်ပါလား။

၂၀ဝ၉ ဩဂုတ်လ ၂၅ရက်ထုတ် Kazan Today စာစောင်ထဲမှာ တွေ့ရတာလေးကို ဆီလျော်အောင် ပြန်ဆိုတင်ဆက်လိုက်တာပါ။

ကျွန်တော်ကိုယ်တိုင်သည်လည်း အဖေက လက်နှိပ်စက်စာရေးလေး၊ လူလားမြောက်ရတာက လောပိတဆိုတဲ့ ဟိုး ကယားပြည်နယ်ထဲက ရွာသိမ် ရွာငယ်လေးမှာ။ ဆစ်ဒနီ့လောက် မဆင်းရဲပေမယ့် မပြည့်စုံတဲ့ဘဝ၊ သိမ်ငယ်တဲ့ ဘဝမှာ နေခဲ့ရတာပါ။

အဲဒီ့ကနေ ကနေ့အခြေအနေ ရောက်လာအောင် ခါထုတ် နင်းတက်ခဲ့ရသူ မို့လားတော့ မသိဘူး၊ ဆစ်ဒနီ ပွိုင်တီယာဆိုတဲ့ လူမည်း သရုပ်ဆောင် အကျော်အမော်ရဲ့ ဘဝဇာတ်ကြောင်းလေးက ကျွန်တော့် ရင်ကို လာထိပါတယ်။

ကျွန်တော်တို့ ဖြတ်သန်းရတဲ့ ခေတ်ကလည်း ငါးတန်းကျမှ အင်္ဂလိပ်စာသင်တဲ့ ခေတ်ပါ။ အဘက်ဘက်က ချို့ချို့ငဲ့ငဲ့နေခဲ့ရပေမယ့် ကိုယ့်ဘဝကိုယ် တက်အောင် လုပ်မဟဲ့ဆိုတဲ့ ဇွဲနပဲနဲ့ ပြင်းထန်သော စိတ်များကြောင့် ကနေ့အခါမှာ ကျွန်တော်ဟာ ဆစ်ဒနီ့လို ကမ္ဘာကျော် ဖြစ်မလာသည့်တိုင် လူတစ်လုံး၊ သူတစ်လုံးတော့ ဖြစ်လာခဲ့ပါပြီ။ သည်အတွက် ကျွန်တော့်ကို ပျိုးထောင်ပေးခဲ့တဲ့ လက်ဦးဆရာ မိဘနှစ်ပါးအပါအဝင် အနန္တော၊ အနန္တ ငါးပါးရဲ့ ဂုဏ်ကျေးဇူးကလည်း ရှိပါတယ်။ ဆစ်ဒနီ့ကို သူ့မိဘတွေက ကျွန်းစုလေးကနေ အမေရိကန် ပြည်ထောင်စုထဲ တွန်းပို့ခဲ့ကြသလို ကျွန်တော့် မိဘတွေကလည်း ကျွန်တော့်ကို  ကယားပြည်နယ်ကနေ ရန်ကုန်အရောက် ခေါ်လာခဲ့ကြပါတယ်။


ကျောင်းပညာအရ ကျွန်တော်နဲ့ အလှမ်းဝေးခဲ့တာတွေ အားလုံးဟာ စာအုပ်တွေက ရခဲ့တာလည်း အမှန်ပါ။ စိတ်ပညာ၊ စီမံခန့်ခွဲရေးပညာ၊ ကျန်းမာရေး၊ မျိုးဆက်ပွား ကျန်းမာရေး စတာတွေနဲ့ ပတ်သက်တဲ့ စာတွေ တော်တော် များများ ရေးသား ထုတ်ဝေနိုင်ခဲ့တာဟာ အဲဒီ့အတွက် အခိုင်လုံဆုံး သက်သေပါပဲ။

သည်စာလေးကို ဖတ်ပြီး အားထုတ်ချင်သူ လူငယ်လေးများအတွက် စိတ်ကူး စိတ်သန်းကောင်းလေးများ တစ်စတစ်လေ ပေါ်လာမလားဆိုတဲ့ အတွေးနဲ့ ရေးထုတ်လိုက်ရပြန်တာကတော့ အထူးပြောစရာ လိုမယ်မထင်ပါဘူးခင်ဗျား။


အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၁၀၉၀၉)

——————————

(လာမယ့် တနင်္လာ (၂၈-၀၉-၀၉) မှာထွက်လာမယ့် “အတွေးသစ်ဂျာနယ်” အတွဲ ၁၀ အမှတ်စဉ် ၄၅၈ ရဲ့ စာမျက်နှာ ၁၀ မှာ ဖော်ပြထားတာလေးကို ပြန်လည်တင်ဆက်လိုက်တာပါ။)

Though we can make a difference

KBC090910_4မတူပေမယ့် တွဲလို့ရတတ်နိုင်သော်လည်း

ဆူဒိုနင်

ဆရာလူထုစိန်ဝင်းရဲ့ “မတူပေမယ့် တွဲလို့ရပါတယ်”ဆိုတဲ့ ဆောင်းပါးနဲ့ ပတ်သက်ပြီး ကျွန်တော့်ဘက်က ဖြည့်စွက်ပြောဖို့ လိုအပ်မယ်ထင်လို့ ပြောပါရစေ။

ပထမဆုံးတစ်ချက်က ဆရာနဲ့ ကျွန်တော်နဲ့ ပထမဆုံးအကြိမ် စတွေ့ခဲ့တဲ့ ကာလကို ဆရာက ဆယ်နှစ်လောက်ရှိပြီလို့ ပြောခဲ့ပါတယ်။ တကယ်က ဆယ်နှစ်ကျော်ပါပြီ။ အတိအကျ ပြောရင် ၁၉၉၆ခုနှစ်ပါ။ ၁၃နှစ်တောင် ရှိခဲ့ပါပြီ။

သည်အချက်က အရေးကြီးပါတယ်။ အဲဒီ့အချိန်မှာ ကျွန်တော့်ကလောင်သက်က ဆယ်နှစ်မပြည့်သေးပါဘူး။ ရှစ်နှစ်မျှသာ ရှိပါသေးတယ်။ လူသက်ကလည်း ၄၀မပြည့်တတ်သေးဘူး။ ၃၉နှစ်ထဲ ရောက်ခါစပါ။

တစ်နည်းပြောရရင် ကြွစောင်းစောင်းနဲ့ ထင်သလို ရမ်းကားလို့ကောင်းတဲ့ အရွယ်ပဲ ဆိုပါစို့။ (အခုလည်း ကျွန်တော် တစ်ခါတစ်ခါ ရမ်းကားမိတုန်းပါပဲ။ အရင်တုန်းက အခုထက် အဆပေါင်း ငါးရာလောက် ပိုဆိုးပါတယ်။)

ဆရာဦးစိန်ဝင်းဆိုတာက တကယ့် ဝါရင့်သတင်းစာဆရာကြီးပါ။ ကျွန်တော့်အဖေအရွယ်ပါ။ ကလောင်သက်ချင်းရော၊ လူသက်ချင်းရော မယှဉ်သာအောင် ကွာခြားလှပါတယ်။

ဒါပေမယ့် ငယ်စိတ်ငယ်သွေး ငယ်မာန်အပြည့်နဲ့ ကျွန်တော်ဟာ ဆရာ ရေးလိုက်တဲ့ စာတစ်ပုဒ်(ဘာအကြောင်းလဲ မမှတ်မိတော့ပါ)ထဲက အပိုင်း တစ်ပိုင်းကို ဘဝင်မကျဖြစ်မိတဲ့ အတွက်ကြောင့် စိတ်လိုက်မာန်ပါတွေ ပြန်ရေးမိသွားတယ်။ ရေးပြီးတော့ အဲဒီ့အချိန်က ပန်းဝေသီမဂ္ဂဇင်းကို တာဝန်ယူထားတဲ့ ဆရာကျော်စိုးဝင်းလက်ထဲကို ထည့်လိုက်တယ်။ ဆရာကျော်စိုးဝင်းက ဖတ်ကြည့်ပြီးတော့ တွန့်သွားပုံရတယ်။ သူက ဆရာဦးစိန်ဝင်းကို သွားပြကြည့်ပါလား၊ ဆရာဦးစိန်ဝင်းက သဘောတူရင် သူထည့်ပေးမယ်လို့ ပြောပါတယ်။ အမှန်ကတော့ ကိုကျော်စိုးဝင်းက လူလည်။ သူ့လုပ်နည်းလုပ်ဟန်က ခေတ်စကားနဲ့ ပြောရင် “လန်ထွက်နေတယ်။” မျောက်အမြီးနဲ့ မျောက်ကို ပြန်ချည်တာပေါ့။

ကျွန်တော်လည်း ဘာမှ မစဉ်းစားဘဲ တစ်ခါမှ မမြင်ဖူးတဲ့ ဆရာဦးစိန်ဝင်းဆီ ရောက်သွားတယ်။ ဆရာ့လက်ထဲ စာမူထည့်တယ်။ ဆရာက ဖတ်ကြည့်တယ်။ ပြီးတော့ ဆရာ့ဆောင်းပါးထဲမှာ ပါတဲ့အတိုင်း ကျွန်တော့်စာမူကို ဖော်ပြဖို့ ဆရာ့ဘက်က သဘောတူခွင့်ပြုပါကြောင်း မှတ်ချက်ရေးသားပြီး လက်မှတ်ထိုး ပေးပါတယ်။ သို့ပေမယ့် အကြောင်းကြောင်းကြောင့် အဲဒီ့စာမူဟာ ပုံနှိပ်ဖော်ပြတဲ့အဆင့်ကို ရောက်မလာခဲ့ဘူး။

အခု ဆရာဦးစိန်ဝင်းက သူ့ဆောင်းပါးမှာ ကျွန်တော့်ကို ချီးကျူးထားတာတွေ ဖတ်ရတော့ ကျွန်တော် တော်တော် မချိမဆန့်ခံစားရပါတယ်။ အမှန်က အဲဒီ့အချိန်၊ အဲဒီ့အရွယ်တုန်းက ကျွန်တော်ဟာ မာန်လေးတဝင့်ဝင့်နဲ့ သိပ်ကို ထောင်လွှားလို့ ကောင်းနေတဲ့အချိန်ပါ။ စာရေးတာလည်း ကလောင်တဝင့်ဝင့်နဲ့၊ ဟိုလူ့ငြိ၊ သည်လူ့ငြိနဲ့မို့ အဲဒီ့အချိန်က စာပေနယ်ကို ခဏအလည်လာသွားကာ အခုအခါမှာတော့ ရုပ်မြင်သံကြားဖန်သားပြင်ပေါ်က မဆင်းတော့လေတဲ့ ရောင်းရင်းကြီး ကိုမျိုးမြတ်သူကတောင် ကျွန်တော့်ကို “ဆူးလှည်းကြီး”လို့ ကင်ပွန်းတပ်ခဲ့ရတဲ့ အချိန်မျိုးပါ။

ဆရာဦးစိန်ဝင်းရဲ့ ဆောင်းပါးအပေါ်မှာ ကျွန်တော် တုံ့ပြန်ရေးသားထားတာတွေက တော်တော်ကြီး ပြင်းထန်ပါတယ်။ ကြမ်းတမ်းလှပါတယ်။ အဲဒါတွေကို ဆရာက ကနေ့ ပြန်ရေးပြရာမှာ ချန်လှပ်ထားခဲ့ပါတယ်။ ကျွန်တော့်ကို အားနာလို့ ဖြစ်ပါလိမ့်မယ်။

သည်နေရာမှာ ဆရာဦးစိန်ဝင်းရဲ့ တုံ့ပြန်ပုံက အရေးကြီးလှပါတယ်။ ဆရာ ဦးစိန်ဝင်းက ကျွန်တော့်ကို “လူယဉ်ကျေး ပီသတယ်”လို့ သူ့ဆောင်းပါးထဲမှာ မွှမ်းထားတယ်။ မဟုတ်ပါဘူး။ ကျွန်တော်က ဆိုခဲ့တဲ့အတိုင်း ကြွစောင်းစောင်းနဲ့ အောက်ခြေလွတ်နေတဲ့ အကောင်ပါ။

ဆရာဦးစိန်ဝင်းက ကျွန်တော့်ထက် အသက်ရော၊ သမ္ဘာရော၊ ဝါရော၊ ပညာပါ မယှဉ်သာအောင် မြင့်မားလှပါတယ်။ ဆရာ့စကားနဲ့ပြောရင် ပါဝါအရာမှာ ဆရာဦးစိန်ဝင်းက ဆင်ဆိုရင် ကျွန်တော်က အလွန်ဆုံးမှ ခပ်ဝ၀ ကြောင်တစ်ကောင်လောက်ပဲ ရှိပါလိမ့်မယ်။ ဆိတ်လောက်တောင် မဟုတ်ပါဘူး။

အထက်က ပြောခဲ့သလို ကိုကျော်စိုးဝင်းက ကျွန်တော့်ကို ပြန်ချည်လိုက်ချိန်မှာ ကျွန်တော်က ပင်ကိုသဘာဝအရကို နောက်ကျောကို ဓားနဲ့ ထိုးတတ်သူမျိုးမဟုတ်ဘဲ ကိုယ်ရေးတဲ့စာကို ကိုယ့်ဘာသာ တိတိလင်းလင်း တာဝန်ယူချင်တဲ့ စိတ်ရင်းနဲ့ ဆရာ့ဆီကို ဆိုက်ဆိုက်မြိုက်မြိုက် ရောက်သွားခဲ့တာ တစ်ခုပဲ ကျွန်တော့်ဘက်က လုပ်ခဲ့တာ ရှိပါတယ်။

အဲဒီ့အချိန်မှာ ဆရာ့ “အခံ”က သိပ်စကားပြောသွားပါပြီ။ ဆရာ့မူရင်း ဆောင်းပါးမှာ အဲဒီ့အချက်ကို ဆရာက ချန်လှပ်ခဲ့ပါတယ်။ မချန်လို့လည်း မဖြစ်ပါဘူး။ သိုးဆောင်းဘာသာစကားနဲ့ “ကိုယ့်နှဲကိုယ် ဖိမှုတ်”ဆိုသလို ကိုယ့်ကိုယ်ကိုယ် ဖော်တဲ့ မသူတော်ထဲမှာ ဆရာဦးစိန်ဝင်း မပါခဲ့သလို အခု ကျွန်တော်နဲ့ အကြောင်းကို ရေးရာမှာလည်း သူ့ဘက်က တစ်ခြမ်းကို သိသိသာသာ လက်ရှောင်ထားခဲ့ပါတယ်။

ဆရာ့ဘက်ကသာ ကျွန်တော့်အရေးအသားတွေကို လုံးကောက်လိုက်ခဲ့မယ်၊ ကျွန်တော်လက်ညှိုးထိုးပြခဲ့တဲ့ လမင်းကို မကြည့်ဘဲ ကျွန်တော့်လက်ညှိုးကိုပဲ မဲပြီး ကြည့်ခဲ့မယ်ဆိုရင် ဆရာနဲ့ ကျွန်တော်နဲ့ အခုလို ခင်မင်ရင်းနှီးသွားတဲ့ အဆင့်ကို ဘယ်လိုနည်းနဲ့မှ ရောက်လာစရာ အကြောင်းမရှိပါဘူး။ ဆရာက ကျွန်တော့်စာကြောင်းတွေကြားထဲက အနက်အဓိပ္ပာယ်၊ တစ်နည်းပြောရင် ကျွန်တော်ပါးချင်တဲ့ သတင်းစကားကို လှစ်ခနဲ မြင်လိုက်ပုံရပါတယ်။ တစ်ဖက်ကလည်း (အထက်က ကိုမျိုးမြတ်သူရဲ့ ဖခင်) ဆရာသန်းဆွေရဲ့ နှုတ်ခမ်းကို ခုံဖိနပ်နဲ့ တင်စားတဲ့အထိ လက်သံပြောင်ခဲ့တဲ့ ဆရာ သော်တာဆွေတို့ရဲ့ ခေတ်ကို ဖြတ်သန်းခဲ့သူပြီပြီ ကျွန်တော် ရမ်းရမ်းကားကား ကလောင်သရမ်းတာလောက်ကိုလည်း မှုပုံ သိပ်မရပါဘူး။

အဲဒါကြောင့် ဆရာ့ဘက်က လူကြီးလူကောင်းဆန်ဆန် တုံ့ပြန်ခဲ့တယ်လို့ ကျွန်တော် သဘောပိုက်ပါတယ်။ ဆရာက စတွေ့ချိန်ကတည်းက နွေးထွေးနေတယ်။ လှိုက်လှဲနေတယ်။ ပျူငှာနေပါတယ်။ ဆရာ့ဘက်က ကျွန်တော်လို ငမျောက်ငချောက်ကို တလေးတစားနဲ့ နေရာပေးပြီး ဆက်ဆံခဲ့ပါတယ်။ (အဲဒါ အဲဒီ့ခေတ် ဆရာကြီးတွေ အကုန်လုံးပါပဲ။ ဆရာ အထောက်တော်လှအောင်၊ ဆရာစိန်ခင်မောင်ရီ၊ ဆရာသော်တာဆွေမှသည် ဆရာသာဂဒိုး၊ ဆရာ အောင်ပြည့်၊ ဆရာမောင်ဝဏ္ဏ၊ ဆရာသုမောင်၊ ဆရာမင်းလူ၊ ဆရာ လယ်တွင်းသား စောချစ်တို့အထိ ကျွန်တော်ကြုံဖူးသမျှ အဲဒီ့ခေတ်ကို ကောင်းကောင်း သိမီလိုက်သူ လူကြီးသူမတွေ အားလုံးဟာ ကျွန်တော်လို ငမျောက်ငချောက် ထင်တိုင်းကျဲတာကို ခွင့်လွှတ်ပြုံးလေးနဲ့ နွေးနွေးထွေးထွေး လေးလေးစားစား တုံ့ပြန် ဆက်ဆံခဲ့ကြသူချည်းပါပဲ။)

အဲဒီ့အခါမှာ မူလက မာန်တဝင့်ဝင့်နဲ့ ကြွစောင်းစောင်း ကျွန်တော်တစ်ကောင် အလိုလို အပိုးကျိုးသွားပါတော့တယ်။ ဟုတ်တယ်လေ။ ဆင်ပါဝါကြီးက ကြောင်ဝတုတ်လေးကို “မင်းလိုကောင်ကများ ရာရာစစ”ဆိုတာမျိုး တစ်ကွက်မှ မပါဘဲ အေးချမ်းကြည်သာစွာ တုံ့ပြန်ခဲ့တာမို့ ဆရာနဲ့ ကျွန်တော်တို့ မိတ်ဆွေတွေဖြစ်ခဲ့ကြပါတယ်။ စကားတွေ အခါများစွာ ပြောဖြစ်တဲ့အထိ ခင်မင် ရင်းနှီးသွားခဲ့ပါတယ်။

အဲတော့ ဆရာပြောသလို မတူပေမယ့် တွဲလို့ရတယ်ဆိုတဲ့အချက်ကို ကျွန်တော် ခြွင်းချက်မရှိ ထောက်ခံပါတယ်။ သို့ပေမယ့် ဖြည့်စွက်ချင်တာက ဆင်ပါဝါဘက်က ငမျောက်ငချောက် ဘက်ကို ငဲ့ညှာ ထောက်ထားတဲ့စိတ်၊ စာနာတဲ့စိတ်၊ ခွင့်လွှတ်တဲ့စိတ် မွေးနိုင်မှသာလျှင် မတူပေမယ့် တွဲလို့ရမှာပါ။ ဆင်ပါဝါတွေဘက်ကလည်း ငမျောက်ငချောက်လို ရှိစုမဲ့စု မာန်လေးတွေ ထည်ပြနေမယ်ဆိုရင်တော့… အင်း… သိပ်မလွယ်လှဘူးဆိုတဲ့ ကိုယ်တွေ့သိတွေ ကျွန်တော့်မှာ အများကြီး ရှိပါတယ်။

အနီးစပ်ဆုံး နမူနာက ကျွန်တော်ရေးတဲ့ စာတစ်ပုဒ်ကြောင့် ရှိသမျှအင်အားကို ဘက်ပေါင်းစုံက အစွမ်းကုန် ထုတ်သုံးကာ ကျွန်တော့်ဘဝကြီး ယိုင်လဲသွားအောင် ထိုးနှက်ခဲ့ဖူးတာမျိုးအထိ ကျွန်တော် ကိုယ်တိုင် ကြုံဖူးလိုက်တာ အဲဒီ့နောက် ခြောက်နှစ်အကြာ၊ ၂၀ဝ၂ခုနှစ်မှာပါ။

သည်တော့ကာ ဆရာဦးစိန်ဝင်းရေးသွားသလို ကျွန်တော် တော်လို့၊ ကျွန်တော် လူယဉ်ကျေးပီသလို့ မတူပေမယ့် တွဲလို့ရခဲ့တာ မဟုတ်ဘဲ ဆရာဦးစိန်ဝင်းဘက်က အခံကောင်းလို့၊ သဘောထားပြည့်ဝလို့၊ လူကြီးလူကောင်း ပီသလွန်းလို့သာ၊ တစ်နည်းပြောရရင် ဆရာဦးစိန်ဝင်းဘက်က (ဆရာ့စကားနဲ့ပဲ ပြန်ပြောရရင်) ပါဝါမာန်မတက်ခဲ့လို့သာ မတူပေမယ့် တွဲလို့ရသွားတာ ဖြစ်ပါကြောင်း ကျွန်တော့်ဘက်က ဖြည့်စွက်ပြောလိုက်ချင်ပါတယ်။

ဆရာ့လိုပဲ ဥပမာဆောင်ရရင် ဆရာရော ကျွန်တော်ပါ ရန်ကုန် အခြေစိုက် မန္တလေးသားတွေပါ။ သို့ပေမယ့် ဆရာက မုန့်တီမှ ကြိုက်တယ်၊ ကျွန်တော်က မြီးရှည်မှ ကြိုက်တယ်။ ပိုက်ဆံကိုင်ထားတာက ဆရာ။ ကျွန်တော့်ကို မုန့်တီ ကျွေးတယ်။ ကျွန်တော် မစားဘူး။ ကျွန်တော်က မြီးရှည်မှ ကြိုက်တယ်လို့ ပြောမိတယ်။ ဆရာက ကျွန်တော့်ကို လက်ခံကာ ဒါဆို မင်းလည်း မြီးရှည်စား၊ ငါလည်း မုန့်တီစားမယ်ဆိုပြီး သဘောထားကြီးပေးခဲ့တာပါ။ တစ်နည်းပြောရင်တော့ အပြန်အလှန် လေးစားမှုပေါ့။

(သည်ဆောင်းပါးနဲ့ ဆရာလူထုဦးစိန်ဝင်းကိုလည်း ဂါရဝတရား၊ နိဝါတ တရားရှေ့ထားကာ ဆရာ့အပေါ်မှာ မနောကံ၊ ဝစီကံ၊ ကာယကံများနဲ့ ပြစ်မှားမိခဲ့သမျှ ခွင့်လွှတ်ပါမယ့်အကြောင်း ထပ်လောင်း ဝန်ချတောင်းပန်ရင်း ရှိခိုး ကန်တော့လိုက်ပါတယ်ခင်ဗျား။)

အားလုံးတွေးဆ ဆင်ခြင်ကြည့်နိုင်ကြပါစေ
ဆူဒိုနင်
(ဝ၃၀၈၀၉)

——————————————————-

(၂၀၀၉ခုနှစ် သြဂုတ်လ ၁၀ ရက်နေ့ထုတ် Weekly Eleven Journal မှာ ဖော်ပြခဲ့တာလေးကို ပြန်လည်တင်ဆက်လိုက်တာပါ။ ၂၀၀၉ခုနှစ် သြဂုတ်လ ၃ ရက်နေ့ထုတ် Weekly Eleven Journal မှာ ဖော်ပြခဲ့တဲ့ ဆရာ လူထုစိန်ဝင်းရဲ့ ဆောင်းပါးအကျယ်ကို ဖတ်လိုရင် အောက်မှာ ကပ်လျက်ဖော်ပြထားပါတယ်။)

Points to Ponder

ရှေ့တင်နှင့် ကွယ်ရာ

———————————————–

ထိုပွဲမှာ ကျွန်တော်က ဧည့်မြှောင်။

ဦးရွှေဉာဏ်နှင့် ကိုကြည်မြမည်သော ကျွန်တော့် မိတ်ဆွေနှစ်ဦးကို ဂုဏ်ပြုသည့် ညစာစားပွဲ။ အစားအသောက် ဖွယ်ရာသော ဆိုင်တစ်ဆိုင်မှာ တည်ခင်းသည့်ပွဲ။

ညစာစားပွဲဖြစ်လင့်ကစား ယမကာ မပါ။ အချိုရည်သောက်သူက သောက်၊ ရေသန့်သောက်သူက သောက်၊ ရေနွေးကြမ်းသောက်သူက သောက်။

စီစဉ်ကျင်းပပေးသည့် အဖွဲ့မှ ဦးဆောင်သူက ကျွန်တော့်မိတ်ဆွေနှစ်ဦးကို ဂုဏ်ပြုစကား၊ ကျေးဇူးတင်စကားတွေ ပြောသည်။ ထို့နောက် တစ်ယောက် တစ်ယောက် မိတ်ဆက်ကြ၊ စကားစမြည် ပြောကြရင်း ညစာဝိုင်းလေးက စိုပြည်နေသည်။ စုစုပေါင်း လူနှစ်ဆယ်၊ အစိတ်လောက်တော့ ရှိမည်။

ဦးရွှေဉာဏ်နှင့် ကိုကြည်မြတို့က ထိုအဖွဲ့လေးအတွက် မေတ္တာဖြင့် ကူညီခဲ့ကြသည်ကို ကျေးဇူးတင်သော ပွဲ၊ ဂုဏ်ပြုသောပွဲဟု အလွယ်ပြောနိုင်ပါသည်။

ကျွန်တော်တို့ စားလို့သောက်လို့ ပြီးခါနီးတွင် ဆိုင်ထဲသို့ လူတစ်ဦး ဝင်လာသည်။ အသားညိုညို၊ အရပ်မြင့်မြင့်၊ ဗိုက်ပူပူ၊ လူဝ၀၊ မျက်လုံးပြူးပြူး၊ နဖူး ပြောင်ပြောင်။ တစ်ခါမြင်ရုံနှင့် မှတ်မိလွယ်သော အလုံးအဖန်နှင့် မျက်နှာကျ။

ဦးရွှေဉာဏ်က စားပွဲတစ်ဖက်ခြမ်းဆီမှ ဆိုင်တွင်းသို့ ဝင်လာသည့် ထိုသူကို ကြည့်နေပြီး ထိုသူ ခပ်လှမ်းလှမ်းသို့ ရောက်ခါမှ လှမ်းခေါ်လိုက်ပါသည်။

“ဟေ့…ဇော်မင်း… ဇော်မင်း မဟုတ်လား…”

ဝင်လာသူက လှည့်ကြည့်သည်။ ထို့နောက် ကျွန်တော်တို့ ဝိုင်းထိုင်နေကြရာ စားပွဲရှည်၏ သည်ဘက်ခြမ်း ခြေရင်းဆီမှ ပြန်လျှောက်လာသည်။ ဂုဏ်ပြုခံတွေက ခေါင်းရင်းဘက်မှာ ထိုင်နေပါသည်။ ဇော်မင်းဆိုသူ၏ မျက်နှာထားနှင့် ကိုယ်အမူအရာမှာ တမင် ရိုကျိုး ပျပ်ဝပ်ပြနေသော ပုံပန်း ဖြစ်နေလေသည်။

“မဟုတ်ပါဘူးခင်ဗျာ၊ ကျွန်တော်ဇော်မင်း မဟုတ်ပါဘူး။ ကျွန်တော်က ဦးရွှေဉာဏ်ရဲ့ တပည့်ပါခင်ဗျာ”

မိတ်ဆွေကြီး ဦးရွှေဉာဏ်ကား အငြိမ်းစားဝန်ထမ်းတစ်ဦးဖြစ်သည်။ အသက်က ခုနစ်ဆယ်ခန့် ရှိနေပါလေပြီ။ ဝန်ထမ်းလောကမှာ တစ်ဘဝလုံး ကျင်လည်ခဲ့သူမို့ သူ့မှာ အသိအကျွမ်း တပည့်တပန်း ပေါများနေလေမည်မှာ မြေကြီး လက်ခတ်မလွဲပေ။

အနှီ ဇော်မင်းဆိုသူ ပုဂ္ဂိုလ်က ကျွန်တော်တို့ ဝိုင်းထိပ်မှာ ဝင်ထိုင်သည်။ မူလက ဝိုင်းထိပ်ကို နေရာယူထားသော တည်ခင်းဧည့်ခံသည့်အဖွဲ့၏ ခေါင်းဆောင်က သူ့ကို နေရာပေးလိုက်ခြင်းပင်ဖြစ်သည်။

ထိုင်ပြီးသည်နှင့် ဇော်မင်းက အာပေါင်အာရင်းသန်သန်၊ အာဝဇ္ဇာန်းရွှင်ရွှင် စတင် ပြောဆိုလေတော့သည်။ ရေပက်မဝင်။ တစ်ဝိုင်းလုံး တသောသော ရယ်ကြသည်။ အမှန်မှာ ကျွန်တော်မှ လွဲ၍ ကျန်တစ်ဝိုင်းလုံးက အနှီဇော်မင်း ဆိုသူအား မည်သူမည်ဝါမှန်း သိနေကြပုံပင်။ ဇော်မင်းကလည်း ကျွန်တော်မှ လွဲ၍ အားလုံးကို သိနေပုံရပါသည်။

သူက တစ်ဝိုင်းလုံးကို ဦးဆောင်နေသည်။ ပုံတိုပတ်စတွေလည်း ပါသည်။ အတွေ့အကြုံတွေလည်း ပါသည်။ ကြမ်းတမ်း ရင့်သီးသော စကားလုံးတွေလည်း ပါသည်။ ဝိုင်းထဲမှ သူနှင့် ရင်းနှီးသိကျွမ်းပြီးသူများကို ကျီစယ်သောစကားတွေက အများဆုံး။ သူ အကျီစယ်ဆုံးကတော့ ဦးရွှေဉာဏ့်ကိုပင်။

“ခင်ဗျားတို့က ဦးရွှေဉာဏ့်ကို ဂုဏ်ပြုညစာ ကျွေးတာဆိုတော့ တစ်ခါက ပညာရေးမှူးတစ်ယောက် နယ်ပြောင်းရတဲ့အခါ သူ့ဝန်ထမ်းတွေက ဂုဏ်ပြုညစာ ကျွေးတာကို သွားသတိရတယ်။ အဲဒီ့ ပညာရေးမှူးက တကယ် ပြဿနာရှာတဲ့ သူ၊ ဆီလို အပေါက်ရှာတတ်တဲ့သူဆိုတော့ သူ နယ်ပြောင်းရတာကို ဝမ်းသာအားရနဲ့ ညစာကျွေးတာ။ သူကတော့ မြိန့်မြိန့်ကြီးပေါ့။ သူ့ဝန်ထမ်းတွေကတော့ ဝမ်းသာလုံးဆို့ပြီး သည်လူ ပြောင်းသွားတာ ကောင်းလင့်တည်းဆိုတဲ့ အမှတ်နဲ့ ကျွေးနေတာ။ အခု ခင်ဗျားတို့ ဦးရွှေဉာဏ်ကို ကျွေးတာလည်း အဲဒါမျိုးပဲလားတော့ မသိဘူး”

ဦးရွှေဉာဏ်က တဟဲဟဲ ရယ်လို့သာ နေပါသည်။ ဇော်မင်းဆိုသူအား ပခုံးလေး ပုတ်၊ ကျောလေး သပ်ရင်း ပြုံး၍သာ နေသည်။ တစ်စက်မှ ခွန်းတုံ့မပြန်။

စိတ်ထင် မိနစ်၂၀ခန့် ကြာသွားပါသည်။ ထိုအချိန်မှာ အနှီကိုဇော်မင်းကို သူ့ဇနီးက မျက်ရိပ်ပြ၍ လာခေါ်သွားသဖြင့် ကိုဇော်မင်းလည်း ကျွန်တော်တို့ဝိုင်းကို နှုတ်ဆက်ကာ ကုပ်ကုပ်ကုပ်ကုပ်နှင့် သူ့ဇနီးခေါ်ရာသို့ ပါသွားပါတော့သည်။

ကျွန်တော်တို့ ညစာဝိုင်းလည်း စခန်းသိမ်းချိန်သို့ အလိုလိုရောက်သွားလေ တော့သည်။ တစ်ယောက်တစ်ယောက် နှုတ်ဆက်ကြ၊ လက်ဆွဲ ဝှေ့ရမ်းကြနှင့် ပြီးသွားသည်။

အပြန်လမ်းမှာတော့ ကျွန်တော်နှင့် မိတ်ဆွေကြီးနှစ်ယောက်။ ယာဉ်မောင်း လူငယ်က ကားကို ဂရုတစိုက် မောင်းနေသည်။ ကားထွက်ခါစမှာပင် ကိုကြည်မြ က တစ်စခန်းထသည်။

“ကိုဇော်မင်းဆိုတဲ့လူကိုတော့ ကျွန်တော် မကြိုက်ဘူးဗျာ။ ဘယ့်နှယ်ဗျာ၊ သူ့နေရာလည်း မဟုတ်ဘဲနဲ့ အတင်းဝင်လာပြီး ပွဲဖျက်တယ်။ ပြီးတော့ သည်ပွဲက ဆရာဦးရွှေဉာဏ်ကို ဂုဏ်ပြုတဲ့ပွဲ။ အဲဒါ ဆရာဦးရွှေဉာဏ်ကိုမှ သူက အသားလွတ် နှက်နေတော့ ဘယ်ကောင်းမလဲ။ ပရိသတ်က ဆရာ ဦးရွှေဉာဏ်ကို အကြည်ညိုပျက်သွားနိုင်တာပေါ့။ သည်လူဗျာ…”

ကျွန်တော်က ဧည့်မြှောင်ဖြစ်သဖြင့် ပွဲကြည့်ပရိသတ်ဖြစ်နေခဲ့သည်။ သည်တော့လည်း ပွဲကြည့်ပရိသတ်ပီပီ ဝင်အာချောင်မိရပါတော့သည်။

“ဆရာဦးရွှေÓဏ်ကို အကြည်ညို မပျက်နိုင်ပါဘူးဗျာ။ သူ့ဝသီစရိုက်နဲ့သူ ဆိုတော့ ကျန်တဲ့ပရိသတ်ကလည်း ဘယ်ဟာ မှန်ကင်း၊ ဘယ်ဟာ ထင်းဆိုတာ သိနေကြမှာပါပဲ ကိုကြည်မြရဲ့…”

“ဘာပဲဖြစ်ဖြစ် ကျွန်တော်ကတော့ ကျေကို မကျေနပ်ဘူးဗျ…”

ခက်တော့နေပြီ။ ကိုကြည်မြ အမှန်ပင် ဒေါပွနေပါသည်။ သည်တော့လည်း ဟုတ်ကဲ့… ပွဲကြည့်ပရိသတ်က ရွှေပြည်အေး တရား ဟောချင်သွားရပြန်သည်။

“ဆရာတော် ဦးဇောတိကရဲ့ စကားလေးကို ပြန်ကိုးကားပါရစေ ကိုယ့်ဆရာရေ။ သူများ ပါးစပ်လှုပ်တိုင်းသာ ကိုယ်က လိုက်လှုပ်နေမယ်ဆိုရင် ကိုယ့်ဘဝ ဟာ သူများပါးစပ်ထဲမှာပဲ နစ်မွမ်းသွားလိမ့်မယ်ဗျို့…”

ကျွန်တော့်ရွှေပြည်အေးတရားက ကိုကြည်မြကို မအေးစေပါ။

“ဒါပေမယ့် ဘာပဲဖြစ်ဖြစ်၊ ကိုယ် မကြိုက်တာကို မကြိုက်ဘူးလို့ ပြောရဲတဲ့ သတ္တိတော့ ရှိရမှာပေါ့ဗျ။ မဟုတ်ဘူးလား”

အလဲ့ကွဲ့။ အဲဒါမှ ပြဿနာပဲ။ သူ့စကားကို ကျွန်တော် အလွန် သဘောကျသွားပါသည်။ ကျွန်တော့်နှုတ်ကလည်း ဘရိတ် အုပ်လို့ မရတော့။

“ခင်ဗျားကို ခွတိုက်ပြောတာတော့မဟုတ်ဘူးနော် ကိုကြည်မြ။ ဒါပေမယ့် ခင်ဗျား ပြောသလိုသာ ကိုယ်မကြိုက်တာကို မကြိုက်ဘူးလို့ ပြောရဲတဲ့ သတ္တိ ခင်ဗျားမှာ အမှန်သာရှိမယ်ဆိုရင် စောစောက ထမင်းဝိုင်းမှာကတည်းက တစ်ခါတည်း ပြောခဲ့ပါတော့လား။ အခုကျမှ ကျွန်တော်တို့ကို လာပြောနေတာကြီးကကျတော့ ခင်ဗျားစကားနဲ့ ဆန့်ကျင်နေပြန်သဗျို့…”

ကိုကြည်မြကလည်း မခေပါ။ ချက်ချင်း ချေပသည်။

“အဲသလို ပြောလိုက်ရင် ဝိုင်းပျက်သွားမှာ စိုးလို့ပေါ့ဗျ။ ကျွန်တော်လေ ပြောထည့်လိုက်ချင်သမှ၊ လျှာ့ကို ယားလို့…”

သူ့အတွက် ထွက်ပေါက်ကို ကျွန်တော်ရှာပေးလိုက်ပါသည်။

“အဲလိုဆိုလည်း အမှန်တော့ လွယ်လွယ်လေးပဲ ကိုကြည်မြရဲ့။ ကိုဇော်မင်းလိုပဲ ရယ်သလို မောသလို၊ ရွှန်းသလို၊ ပြက်သလိုလေး ပြောရင်း သူ့ကို သာသာနဲ့ နာနာ နှက်လိုက်လို့ ရတာပေါ့ ကိုကိုရဲ့”

သည်တစ်ခါတော့ ကိုကြည်မြ ချက်ချင်း မတုံ့ပြန်အားပါ။ သူ တွေသွားပါသည်။ ပြီးတော့မှာ သူပြောသည်။

“ဟုတ်တယ်။ ခင်ဗျားပြောတာ ဟုတ်တယ်။ ကျုပ် ဝန်ခံတယ်။ ကျုပ်မှာ အဲလို ပြောတတ်တဲ့ အရည်အချင်းမျိုး မရှိဘူး။ အဲဒါကို ဝန်ခံတယ်ဗျာ…”

ဒါပါပဲ။ ကျွန်တော့်ဇာတ်လမ်းလေးက ဒါပါပဲ။

မကြိုက်တာကို မကြိုက်ကြောင်း လူတိုင်း ပြောနိုင်ပါသည်။ ငါးပိရည် မကြိုက်ဘူးဗျာ၊ နံနံပင် မကြိုက်ဘူးဗျာ၊ သည်အရောင် မကြိုက်ဘူးရှင့်၊ သည်ဆံပင်ပုံ မကြိုက်ဘူးရှင့်စသဖြင့် လူတိုင်းမှာ ကြိုက်ခွင့်၊ မကြိုက်ခွင့်ရှိသလို ပြောခွင့်လည်း ကောင်းကောင်း ရှိပါသည်။

လူတွေနှင့် ပတ်သက်လာသောအခါတွင်မူ ကြိုက်ခွင့်၊ မကြိုက်ခွင့်က ဆက်လက် တည်မြဲနေသည့်တိုင် ပြောခွင့်ကတော့ ပြောင်းသွားပါပြီ။ အထက်က ဥပမာလို ကာလ ဒေသ ပယောဂကြောင့်လည်းကောင်း၊ မျက်နှာ နာစရာတွေ၊ ထောက်ထားစရာတွေကြောင့်လည်းကောင်း ကျွန်တော်တို့တွေသည် လူတွေနှင့် ပတ်သက်လာလျှင် မကြိုက်လှသည့်တိုင် မကြိုက်တာကို နှုတ်မှ အတိအလင်းထုတ်ဖော် ပြောရန် ဝန်လေး နေမိတတ်ကြရစမြဲသာဖြစ်သည်။

အကယ်၍သာ ကိုကြည်မြက “မကြိုက်တာကို မကြိုက်ဘူးလို့ ပြောခွင့် တော့ရှိရမယ်ဗျို့”ဟုသာ ဆိုခဲ့ပါမူ ကျွန်တော် သူ့ကို ပစ်ထောက်ခံမိခဲ့မည်သာ ဖြစ်သည်။ ဟုတ်သလေ၊ သူ့မှာ မကြိုက်ခွင့်ရှိသလို မကြိုက်တာကိုလည်း (ကွယ်ရာမှာ ဖြစ်စေဦးတော့) မကြိုက်ဘူးဟု ပြောခွင့်ရှိပါသည်။

သို့သော် ကိုယ့်လူက စကားလုံး အသုံးအနှုန်း မှားသွားသည်။ သူ့စကားလုံးက တစ်ဆိတ်ကြီးသွားသည်။ “ပြောရဲတဲ့သတ္တိ”ဆိုပဲ။

သည်မှာတင် ကျွန်တော်တစ်ယောက် မအောင့်အဉ်းနိုင်တော့ဘဲ သူ့ကို ထောက်ပြမိသွားရခြင်း ဖြစ်လေသည်။

“သတ္တိ”ကျတော့ လူတိုင်းမှာ မရှိ။ ငဲ့စရာတွေ၊ ထောက်စရာတွေ၊ လောဘတွေ၊ မောဟတွေ၊ ဘယာဂတိတွေက သတ္တိကို ဖုံးလွှမ်းထားသည်။ သည်အခါမှာ ထွက်ပေါက်က လိုလာသည်။ အခြေအနေတစ်ရပ်ကို ကိုယ် မနှစ်လိုတော့သည့်အခါ ထိုအခြေအနေကို ပညာသားပါပါနှင့် ပြောင်းလဲသွားအောင် အားထုတ်ခြင်းပင် ဖြစ်တော့သည်။

အထက်က ဖြစ်ရပ်တွင် ကိုဇော်မင်းသည် ဗလွတ်ရွှတ်တ၊ ဟောင်ဖွာ ဟောင်ဖွာနှင့် လူတကာကို လှည့်လည် နှိပ်ကွပ်နေသည်။ သည်လို အခြေအနေမျိုးကို ကိုယ်မနှစ်လိုတော့ပါက ပြင်ယူသည့် နည်းလမ်းမှာ လွယ်လှသည်။ သူ့ နည်းတူပင် ဗလွတ်ရွှတ်တတွေ၊ ဟောင်ဖွာ ဟောင်ဖွာတွေ ထလုပ်ကာ ရေပက် မဝင်ဖြစ်နေသော သူ့နေရာကို အသာဝင်ယူလိုက်ခြင်းဖြင့် သူ့ကို နောက်တန်း ပြန်ပို့လို့ရပါသည်။

ချရေးလိုက်တော့ အလွယ်လေး။ လက်တွေ့တွင်မူ ထိုသို့ ပညာသားပါပါ ပြန်လည် ထိန်းသိမ်းတတ်ဖို့မှာ မလွယ်ပါ။ ကျွန်တော်လည်း ကိုကြည်မြနှယ် ဝန်ခံရပါလျှင် နည်းကိုသာ သိပါသည်။ လက်တွေ့တွင် ထိုနည်းကို အခါခပ်သိမ်း ချမသုံးနိုင်သေးပါ။

အမှန်တော့ အလေ့အကျင့်ပင်ဖြစ်သည်။ ပညာသားပါပါနှင့် တစ်ဖက်သားကို ပိဿလေးနှင့် ဘေးပစ်သလိုလည်း မဖြစ်စေဘဲ မိမိ မနှစ်သက်သည်ကို မနှစ်သက်ကြောင်း တိတိလင်းလင်း ပြောတတ်အောင် လေ့ကျင့်ထားလျှင် ရပါသည်။ ထို့အတူ မိမိ၏ရပ်တည်မှုကို အခိုင်အမာပြောတတ်ရန်လည်း လေ့ကျင့်ယူလျှင် ရပါသည်။ ဒါ ကျွန်တော့်စကားမဟုတ်ပါ။ သုတေသနအသီးသီးအရ ပေါ်ထွက်လာသော စီမံခန့်ခွဲရေးနယ်ပယ်မှ ဆက်သွယ်အသိပေးပြောကြားမှု ဘာသာရပ်တွင် အထင်အရှား ဆိုထားသော စကားပင်ဖြစ်ပါသည်။

မည်သို့လေ့ကျင့်မည်နည်း။

ပထမဆုံးကတော့ ကိုယ်မကြိုက်တာ၊ ကိုယ်သဘောမတွေ့တာကို ကွယ်ရာကျမှ အထုတ်ဖြည်တတ်သော အလေ့အကျင့်ကို အရင်ဦးဆုံး ဖျောက်ရမည် ဖြစ်သည်။ ကွယ်ရာမှာ ပြောနေမည့်အစား ရှေ့တင် မပြောဖြစ်ခဲ့သည့် အကြောင်းရင်းများကို ပြန်ဆင်ခြင်ရမည်မှာ ဒုတိယအဆင့် ဖြစ်သည်။ စောစောက ကိုကြည်မြ ပြောသလို ပွဲပျက်သွားမှာ စိုးလို့ဟူသော အကြောင်းရင်းမျိုးကို ရသည့်အခါ တတိယဆင့်အနေဖြင့် ပွဲမပျက်အောင် ဘယ်လို ပြောမလဲဟူသော နည်းလမ်းကို စဉ်းစားရပါတော့မည်။

နည်းလမ်းကို ရှာတွေ့ပြီဆိုသည်နှင့် အလားတူ ဖြစ်ရပ်မျိုးနှင့် နောက်တစ်ခါ ထပ်ကြုံရသည့်အခါ ထိုနည်းအတိုင်း ချပြောကြည့်ခြင်းမှာ နောက်ဆုံးအဆင့် ပင်ဖြစ်ပါသည်။

ကျွန်တော်သာ ကိုကြည်မြနေရာမှာဆိုလျှင် ဘာလုပ်မည်နည်းဟု မေးစရာ ရှိပါသည်။ အမှန်တော့ ထိုစဉ်က ထိုပွဲမှာ ငေါက်ခနဲ ပေါ်လာသော ဇော်မင်းကို ကျွန်တော်လည်း သိပ်မကြည်လင်လှပါ။ သို့သော် ဆိုခဲ့သည့်အတိုင်း ကျွန်တော်က ဧည့်မြှောင်။ ပြီးတော့ ကျွန်တော့်နယ်ပယ်လည်း မဟုတ်။ ဘောလုံးစကားနှင့် ပြောလျှင် ကွင်းက ကျွန်တော့်အတွက် စိမ်းနေသည်။

သည်တော့ ကျွန်တော် ဘာလုပ်တယ် မှတ်ပါသနည်း။ ပထမဆုံးက အိတ်ထဲမှ ကင်မရာကို ထုတ်ကာ အာပေါင်အာရင်း သန်နေသော ကိုဇော်မင်းကို ဓာတ်ပုံတွေ တဖျတ်ဖျတ် ရိုက်လိုက်သည်။ ထို့နောက် သူ့စကားကို စိတ်ဝင်တစား နားထောင်ပြပြီး သူ့စကားအတိုင်း အလိုက်သင့် ခေါင်းညိတ်တာ၊ ပြုံးတာ၊ အံ့အားသင့်တာ၊ ရယ်မောတာများကို ဟန်ပါပါလုပ်ပေးလိုက်ပါသည်။ စကားစ သတ်ပြီး သူနေရာမှ ထချိန်တွင် ကျွန်တော်က ဦးဆောင်ကာ သူ့ကို လက်ခုပ် ဩဘာပေးလိုက်သည်။ ထိုရောအခါ ကျန်သူတွေလည်း မနေသတော့ဘဲ လက်ခုပ်တဖြောင်းဖြောင်း တီးကြရတော့သည်။

ကိုဇော်မင်း ကျေနပ်သွားလေပြီ။ စားပွဲမှအခွာတွင် မျက်နှာစိမ်းဖြစ်နေလေ သူ ကျွန်တော့်ပခုံးကိုပင် ပုတ်ကာ သူက နှုတ်ဆက်သွားပါလေသည်။

ကျွန်တော်ကဖြင့် ဝမ်းထဲက ကျိတ်ရယ်နေခဲ့ပါသည်။ အမှန်တော့ သူ့ကို ဘီးတပ်ပေးလိုက်ခြင်းပင်ဖြစ်သည်။ ကျွန်တော့် လုပ်ပေါက်ကြောင့် သူ့ကိုယ်သူ အတော် အဟုတ်မှတ်ချေတော့မည်။ ထိုအခါ သူ့ဝစီစရိုက်ကိုလည်း ပြင်ရကောင်းမှန်း သိတော့မည် မဟုတ်ချေ။ မပြင်လျှင် ထိုပုဂ္ဂိုလ်သည် တစ်ချီမဟုတ် တစ်ချီတွင် နှုတ်ကြောင့်ပင် မုချသေရပေလိမ့်မည်။

ဒါက ထိုအခြေအနေကို ကျွန်တော့်နည်းနှင့် ကျွန်တော်တုံ့ပြန်လိုက်ခြင်းပင် ဖြစ်သည်။

ထိုနေ့ညခင်းက မိတ်ဆွေ သုံးဦးရှိသည်။ ကာယကံရှင် ဦးရွှေဉာဏ်ကလည်း ပြုံးကာ ရယ်ကာ၊ ပုတ်ခါသပ်ခါဖြင့် ရေငုံခေဲ့သည်။ ကျွန်တော်ကလည်း အထက်က နည်းအတိုင်း နေခဲ့သည်။ ကျန်တစ်ဦးကတော့ ထိုသူ့အပေါ် မကြည်လင်ကြောင်းကို အချင်းချင်းကျတော့မှ ဒေါသတကြီး ပေါက်ကွဲပြနေခဲ့ပါသည်။

သတ္တုချလျှင် ကျွန်တော်တို့ သုံးဦးစလုံး သူ့နည်းနှင့်သူ မှန်နေကြသူချည်းသာဖြစ်သည်။ ကိုကြည်မြ မှားသည်။ ဦးရွှေဉာဏ်မှားသည်။ ကျွန်တော်သာ အမှန်ဟုဆိုရန် လုံးဝ မသင့်လှချေ။

ကိုကြည်မြ မှားသွားသည်ကား စကားလုံး အသုံးအနှုန်းသာ ဖြစ်ပါသည်။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၇၀၈၀၈ – မြိတ်မြို့တွင် ရေးသည်)

—————————————————————————

(၂၀၀၈ခုနှစ် စက်တင်ဘာလ ပထမပတ်ထုတ် အတွေးသစ်ဂျာနယ်မှာ ရေးခဲ့တာလေးကို ပြန်လည် ဖော်ပြလိုက်တာပါ။)

Peanuts & Garlic

မြေပဲလှော်နဲ့ ကြက်သွန်ဖြူ

———————————————————————————————-


တနင်္ဂနွေတစ်ရက်မှာ ကျွန်တော် ငယ်စဉ်ကတည်းက နှစ်သက်စွဲလန်းခဲ့တဲ့ တေးသီချင်းများဆိုတဲ့ ခေါင်းစဉ်နဲ့ ရန်ကုန်မြို့တော် အက်(ဖှ်)အယ်(မ်) ရေဒီယို အသံလွှင့်ဌာနက လွှင့်ဖို့ ပြောလာတာနဲ့ ကျွန်တော်လည်း သူတို့ စတူဒီယိုမှာ အသံ သွားသွင်းပါတယ်။ စတူဒီယိုက ရန်ကုန်မြို့ လှည်းတမ်းလမ်းဆုံမှာ ရှိတယ်။

အသံသွင်းပြီး အပြန်မှာတော့ အတော်ဆာနေပြီ။ မနက် အိမ်က ထွက်ကတည်းက ကော်ဖီခွက်ကြီး တစ်ခွက်သာ သောက်ခဲ့ပြီး စတူဒီယိုကို ရောက်ခဲ့တာပါ။ အသံသွင်းတာက လိုသည်ထက် ပိုကြာသွားတယ်။ ကြာဆို ကျွန်တော်က မိကျောင်းသား၊ လျှာက ခပ်ရှည်ရှည်ဆိုတော့ သူများတွေ တစ်ကြိမ်၊ မိနစ် ၃၀လောက် လွှင့်ရုံနဲ့ ပြတ်မယ့်အစီအစဉ်ဟာ ကျွန်တော်နဲ့ကျမှ နှစ်ကြိမ်ခွဲပြီး တစ်နာရီလောက် လွှင့်ရမယ့် အစီအစဉ် ဖြစ်သွားပါတော့တယ်။

အသံသွင်းပြီးတော့လည်း သူတို့တွေနဲ့ ဆက်ထိုင်ပြီး စကားတွေ ပြောနေဖြစ်သေးတယ်။ ဝန်ထမ်းတွေက လူငယ်လေးတွေဆိုတော့ လူငယ်တွေကို အခွင့်သာတိုင်း စကားပြောချင်နေမိတဲ့ ကျွန်တော့်အတွက် အချိန်ကို မနှမျောမိတော့ဘူး။ အကျိုးဆက်ကတော့ သူတို့ စတူဒီယိုက ပြန်ထွက်ချိန်က အတော် နောက်ကျနေပြီ။ သည်အထဲ လှည်းတန်းကို သွားမှာဆိုတော့ ဇနီးသည်က ဆကာကြီး မုန့်ဟင်းခါးလေး ဝယ်ခဲ့ပေးဖို့ မှာလိုက်သေးတယ်။ အဲတော့ အိမ်အတွက် မုန့်ဟင်းခါး ဝင်ဝယ်လိုက်ရသေးသပေါ့။

ဆာနေတဲ့ ကျွန်တော့်မှာ မုန့်ဟင်းခါးနံ့ရတော့ ပိုလို့ ဆာလာပါတယ်။ အချိန်က မွန်းလွဲနေပြီမို့ အိမ်ပြန်ရောက်မှပဲ ထမင်းစားဖို့ စိတ်ကူးလိုက်ပြီး ကားကို အိမ်ဘက် ပြန်လှည့်လိုက်ပါတယ်။

တနင်္ဂနွေနေ့ပင် ဖြစ်လင့်ကစား လှည်းတန်းလမ်းဆုံမှာတော့ ယာဉ်ကြောက ကျပ်သိပ် ရှုပ်ထွေးနေတယ်။ ကျွန်တော်က လှည်းတန်းလမ်းအတိုင်း အရှေ့ဘက်ကို ပြန်တက်ရမှာ။ အမှန်က ကျွန်တော့်အိမ်နဲ့ လှည်းတန်းလမ်းမနဲ့က တစ်ဖြောင့်တည်း။ ကျွန်တော်က တက္ကသိုလ်ရိပ်သာလမ်းသစ်မှာ နေတာဆိုတော့ အရှေ့ထိပ်နဲ့ အနောက်ထိပ်လို ဖြစ်နေတာပေါ့။

ယာဉ်ကြောသာ ရှင်းပြီး ပုံမှန်အတိုင်းသာ သွားရမယ်ဆိုရင် အိမ်ကို ငါးမိနစ်လောက်အတွင်းမှာ ရွှတ်ခနဲ ရောက်သွားနိုင်ပါတယ်။ အခုတော့ တစ်ချိန်က ကမာရွတ်အဝိုင်းကြီး ရှိခဲ့ဖူးတဲ့ လှည်းတန်းလမ်းဆုံ အချက်ပြမီးတိုင်မှာ မီးနီက အကြာကြီး မိနေတယ်။

အဲဒီ့အချိန်မှာ ကျွန်တော့်မျက်စိအောက်ကို မြေပဲဆားလှော်သည် လူငယ်လေးတစ်ယောက် ရောက်လာပါတယ်။ မြေပဲဆားလှော် အထုပ် ပိစိလေးတွေကို နှစ်တောင်လောက် မြင့်တဲ့ ပလတ်စတစ်အိတ်ကြီးထဲမှာ စီစီရီရီ ထည့်ထားတယ်။ ပလတ်စတစ်အိတ်ကြီးက ဝိုင်းဝိုင်းကြီးဆိုတော့ တောင်းလိုဖြစ်နေတာပ။

တောင်းထက်သာတာက တိုးလျှိုပေါက် မြင်နေရတာပဲ။ အမြင်နဲ့တင် စားချင့်စဖွယ် ဖြစ်နေတာကတစ်ကြောင်း၊ ဝမ်းလည်း ဟာနေတာက တစ်ကြောင်းတို့ကြောင့် မြေပဲလှော်ဝါးဖို့ စိတ်ကူးလိုက်မိရပြီး ဈေးသည်ကို လှမ်းခေါ်လိုက်တယ်။ ဈေးမေးလိုက်တော တစ်ထုပ်တစ်ရာတဲ့။ ငါးရာဖိုးခြောက်ထုပ်ပေးမယ် လို့ ပြောပါတယ်။

ကျွန်တော့်အိတ်ထဲမှာက တစ်ထောင်တန်တွေချည်းပဲဖြစ်နေတယ်။ ငါးရာတန်က မရှိဘူး။ မီးပွိုင့်က အချိန်မရွေး စိမ်းသွားနိုင်တာမို့ အမ်းတာတွေ ပြုတာတွေ မလုပ်ချင်တာနဲ့ တစ်ထောင်ဖိုးပဲ ဝယ်ချလိုက်ပါတယ်။ သူက မြေပဲလှော် ထုပ်ကလေးတွေ ရေတွက်ပြီး ပေး၊ ကျွန်တော်က တစ်ထောင်တန် ပေးပြီးသွားပေမယ့် မီးက တကယ့်တကယ် မစိမ်းသေးပါဘူး။

မြေပဲလှော်ထုပ်ကို ဖောက်တယ်၊ ဝါးတယ်။ မြေပဲဆားလှော်သာမက ကြက်သွန်ဖြူလှော် ကြွပ်ကြွပ်ကလေးတွေပါ နိုင်းချင်းထည့်ထားတော့ စားလို့ အဆင်ပြေနေသလိုပါပဲ။ ဟာနေတဲ့ ဝမ်းအတွက် ဘာမှ ထူးပြီး မထောင်းသာပေမယ့် တစ်ခုခု ပါးစပ်ထဲ ထည့်လိုက်ရတဲ့အတွက် ဆာတယ်ဆိုတဲ့ အာလျကတော့ အထိုက်အလျောက် ပြေသွားပါတယ်။

သည်လိုနဲ့ ကျွန်တော်လည်း မြေပဲဆားလှော် တစ်ထုပ်ပြီး တစ်ထုပ် ဖောက်စားရင်း အိမ်ပြန်ရောက်ခဲ့တယ်လို့ပဲ အလွယ် ပြောကြပါစို့ရဲ့။ ကားမောင်းရင်း စားနေတာဖြစ်တာမို့ တစ်ကြောင်း၊ လှည်းတန်းလမ်းဆုံနဲ့ ကျွန်တော့်အိမ်က သိပ်အဝေးကြီး မဟုတ်တာမို့ တစ်ကြောင်း၊ စုစုပေါင်းမှ တစ်လက်မလောက် အနံ၊ တစ်လက်မခွဲလောက် အလျားသာ ရှိတဲ့ မြေပဲဆားလှောက်ထုပ်လေး သုံး ထုပ်လောက်သာ လမ်းမှာ ကုန်ခဲ့ပါတယ်။ ကားမောင်းရင်းနဲ့ စားတာဖြစ်လို့လားတော့ မသိဘူး၊ အရသာလည်း သိပ်မိမိရရ မခံစားဖြစ်ခဲ့တာလည်း အမှန်ပါ။ စားတယ်၊ ဝါးတယ်ပေါ့။ သည်လောက်ပဲ။

ပြဿနာက အဲဒီ့နောက် သုံးရက်လောက်အကြာမှာ ဖြစ်တာ။ ကျွန်တော်က အဲဒီ့ မြေပဲဆားလှော်ထုပ်တွေကို မေ့တောင် မေ့တေ့တေ့ဖြစ်နေပြီ။ သို့ပေမယ့် သုံးရက်လောက်အကြာ၊ တစ်ညခင်းမှာတော့ အဲဒီ့အထုပ်ကလေးတွေပေါ် မျက်စိက ရောက်သွားတယ်။

ဒါနဲ့ ယူစားမိပြန်ရော ဆိုပါတော့။ (ကျွန်တော်က မြေပဲတို့၊ သီဟိုစေ့တို့၊ သစ်ကြားသီးတို့၊ ဖရုံစေ့တို့၊ နေကြာစေ့တို့လို သစ်ဆိမ့်စေ့တွေကို မက်မက်စက်စက် စားတတ်ပါတယ်။)

သည်တစ်ခါ အဲဒီ့အထုပ်ကို ယူစားတော့ တစ်မျိုးဖြစ်သွားတယ်။ ပထမတော့ အဟုတ်ဗျ။ သို့ပေမင့် စားရင်းနဲ့ အဆင်မပြေတော့ဘူး။ ဘာဖြစ်လို့လဲ ဆိုတော့ အဲဒီ့ထဲမှာ မြေပဲဆားလှော်က ၁၄-၅စေ့လောက်သာ ပါပြီး၊ ကြွပ်နေပြီဖြစ်တဲ့ ကြက်သွန်ဖြူ ဆားလှော်ကလည်း ဆတူလောက် ပါနေတာပါပဲ။

စာဖတ်သူ လူကြီးမင်းများ ကြုံဖူးကြမလားမသိဘူး။ မြေပဲဆားလှော်တို့၊ နေကြာစေ့လှော်တို့တွေထဲမှာ အနံ့ကောင်းအောင် ထည့်ထားတဲ့ ကြက်သွန်ဖြူလှော်လေး တစ်စေ့တစ်လေ၊ နှစ်စေ့နှစ်လေလောက်များ ပါလာတဲ့အခါ အဲဒီ့ ကြက်သွန်ဖြူလှော်လေးက အလွန်စားလို့ ကောင်းနေတတ်တာကို ပြောပါတယ်။ စားလက်စ မြေပဲ၊ နေကြာစေ့ရဲ့ အရသာကနေ ခဏတဖြုတ် အလှည့်အပြောင်း ဖြစ်သွားပြီး ကြက်သွန်ဖြူလှော်ရဲ့ အရသာကို ခံစားလိုက်ရတာမျိုးပါ။

တခြားသူတွေတော့ မသိဘူး၊ ကျွန်တော်တော့ အဲဒါလေးကို သဘောကျ မိတတ်တယ်။

အခုလည်းပဲ ကျွန်တော် ဝယ်လာတဲ့ မြေပဲဆားလှော်ထုပ်တွေထဲမှာ ကြက်သွန်ဖြူတွေ နိုင်းချင်းထည့်ထားမှန်း အဝေးက မြင်သာနေတာမို့ ကျွန်တော်လည်း ဝယ်ချမိခဲ့တာဖြစ်ပါတယ်။

သို့ပေမယ့် အခု တကယ် စားတဲ့အခါကျတော့ အဆင်က မပြေတော့ဘူး။ ပြောခဲ့သလို မြေပဲလှော်တွေ အများကြီးထဲမှာ ကြက်သွန်ဖြူလှော်လေး တစ်စေ့၊ နှစ်စေ့လောက် ပါလာတယ်ဆိုရင်တော့ အဆင်ပြေမှာပါ။ အခုကျတော့ မြေပဲနဲ့ ကြက်သွန်ဖြူက ဆတူဖြစ်နေပါတယ်။ အဲလိုမှ မဟုတ်ရင်လည်း ကြက်သွန်ဖြူကတောင် မြေပဲထက် ပိုများနေသလားပဲ။

စားခါစတုန်းကတော့ ဟုတ်သလိုဖြစ်နေပေမယ့် တဖြည်းဖြည်းနဲ့ ကြက်သွန်ဖြူလှော်တွေချည်းသာ စားရသလို ဖြစ်လာတဲ့အခါ ပါးစပ်ထဲမယ် ဖွယ်တယ်တယ် ဖြစ်လာတယ်။ နောက်ဆုံးမှာတော့ ကြက်သွန်ဖြူလှော်တွေကို ဖယ်လိုက်ပြီး တိုရေရှားရေ ဖြစ်နေလေတဲ့ မြေပဲဆံ ညိုညိုလေးတွေကိုပဲ ရွေးစားနေ ဖြစ်ရပါတော့တယ်။ နောက်တစ်ထုပ် ထပ်ဖောက်တော့လည်း အလားတူပဲ၊ ကြက်သွန်ဖြူလှော်တွေကိုဖယ်၊ မြေပဲဆံတွေပဲ ရွေးစား။

စားရင်းနဲ့ စိတ်ထဲမှာ လှုပ်ခနဲ ဖြစ်သွားတယ်။ “အတိုင်းအချင့်”ဆိုတဲ့ ဝေါဟာရကလည်း ခေါင်းထဲမှာ ဝေ့ခနဲ ပေါ်လာပါတယ်။
မြေပဲဆားလှော်မှာ အနံ့သင်းအောင် ကြက်သွန်ဖြူလေး ထည့်လှော်တာ ကောင်းပါတယ်။ အဲဒီ့ ကြက်သွန်ဖြူလေး တစ်မြွာနှစ်မြွာက မြေပဲလှော်ထုပ်ကြီး တစ်ထုပ်ထဲမှာ ပါလာမယ်ဆိုရင်တော့ မြေပဲလှော်စားရင်း ကြက်သွန်ဖြူလေး ဖောက်ဝါးရတာကိုက အရသာ ထူးနေတတ်ခဲ့ဖူးတယ်။

သို့ပေမယ့် မြေပဲလှော်နဲ့ ကြက်သွန်ဖြူ ဆတူလောက်ဖြစ်နေတာ၊ ကြက်သွန်ဖြူက မနိုင်ရင်ကာ များလွန်းနေတာကျတော့ မြေပဲလှော်ရဲ့ အရသာက အကြီးအကျယ် ပျက်သွားတယ်။ ဘာဖြစ်လို့လဲဆိုတော့ အချိုးအဆ လွဲနေလို့ပါ။

ကျွန်တော်တို့ ဘဝတွေမှာရော… အဲလိုပဲ အချိုးအဆ လွဲနေတာ မရှိပေဘူးလား။ ငယ်ဘဝတုန်းက ကျောင်းစာနဲ့ အပျော်အပါးကြားမှာ အချိုးအဆ လွဲခဲ့တာတွေ ရှိတယ်။ ကျောင်းစာတွေ တအား များပြီး အပျော်အပါးတွေ တအား နည်းသွားတဲ့အခါ ကျောင်းစာမှာတော့ ချွန်ပါရဲ့၊ ကျန်တဲ့နေရာတွေမှာ ကချလာ ဖြစ်နေတဲ့သူတွေ သည်ဒွန္နယာကြီးမှာ အများကြီးရှိပါတယ်။ အပျော်အပါး အချိုးအဆ လွန်သွားလို့ ကျောင်းစာမှာ ထိုက်သင့်သလောက် မအောင်မြင်တဲ့သူတွေလည်း ရှိတာပဲ။

မိဘနဲ့ သားသမီးကြားမှာရော၊ ချစ်တာနဲ့ အလိုလိုက်တာရဲ့ အချိုးအဆက အတော် စကားပြောတယ်။ ချစ်တာက မြေပဲ၊ အလိုလိုက်တာက ကြက်သွန်ဖြူ။ မြေပဲများရမယ့်နေရာမှာ ကြက်သွန်ဖြူကပါ မြေပဲနဲ့ ဆတူဖြစ်နေရင် မြေပဲဆား လှော်အရသာပျက်သလိုပဲ အချစ်ခံရသူရဲ့ ဘဝပါ ပျက်သွားနိုင်ပြန်တယ်။

ဟောကြ ပြောကြတဲ့အခါ၊ သင်ကြ ကြားကြတဲ့အခါမှာလည်း ကိုယ့်ပရိသတ် အာရုံနိုးနေအောင် အရွှမ်းလေးတွေ ဖောက်တန် ဖောက်ရတယ်။ အရွှမ်းက ကြက်သွန်ဖြူ၊ ပို့ချမယ့် အကြောင်းအရာက မြေပဲ။ သူ့အတိုင်းအဆနဲ့သူ မှန်နေမှ ကောင်းတာ။ အရွှမ်းတွေ သိပ်များသွားရင် ပို့ချမယ့် အကြောင်းအရာဆီ မရောက်နိုင်တော့ပြန်ဘူး။

ဆက်တွေးကြည့်မယ်ဆိုရင် ကျွန်တော်တို့ ဖြတ်သန်းရင်ဆိုင်နေကြတဲ့ လူမှုရေး၊ စီးပွားရေး၊ နိုင်ငံရေး ဘဝတွေ အားလုံးထဲက နေ့စဉ်ကိစ္စ အထွေထွေမှာလည်း အဲဒီ့ အတိုင်းအချင့်က အတော် စကားပြောတယ်။ အချိန်အဆ မှန်နေ၊ ကိုက်နေတဲ့အခါ အားလုံးက အဆင်ပြေနေတယ်။ အချိန်အဆ လွဲသွားတဲ့အခါ အရာက မရောက်တော့ဘူး။

မြေပဲဆားလှော် တစ်ထောင်ဖိုး ဝယ်စားမိရာကနေ သည်အတွေးတွေ ပေါ်လာတာမို့ လှည်းတန်းလမ်းဆုံက မြေပဲလှော်သည်လေးကို ကျေးဇူးတင်ရပါမယ်။

တစ်ဆက်တည်းမှာပဲ “မြေပဲလှော်နဲ့ ကြက်သွန်ဖြူ”ဆိုတဲ့ စာတန်းလေးကို အိမ်မှာ ချိတ်ဆွဲထားရင် ကောင်းမလားလို့လည်း စဉ်းစားနေမိရပါတော့တယ်။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ဝ၈၀၈၀၈)

————————————————————————————————

(၂၀၀၈ခုနှစ် သြဂုတ်လ နောက်ဆုံးပတ်မှာ ထုတ်ဝေတဲ့ “အတွေးသစ်ဂျာနယ်”မှာ ဖော်ပြခဲ့တာလေးကို ပြန်လည် တင်ဆက်လိုက်တာပါ။)

Let’s Open Our Mind’s Eye

စိတ်မျက်စိကို ဖွင့်ရအောင်

——————————————–

???????????????????????????????မိတ်ဆွေစာတည်းတစ်ယောက်က ကျွန်တော့်ကို ပြောပြတယ်။ လူငယ် လက်သစ်စာနယ်ဇင်း ဆရာမလေးတစ်ယောက်က  ဆရာလူထုစိန်ဝင်းကို မကျေမနပ်နဲ့ “ကွယ်ရာက” ပြန်ပြောတဲ့စကားတဲ့။ လူငယ်တွေနဲ့ အထိအတွေ့ အလွန်များပြီး လူငယ်တွေအပေါ် စေတနာထားတဲ့ ဆရာဦးစိန်ဝင်းက လူငယ်တွေကို စာများများ ဖတ်ကြဖို့ သူ့စာတွေထဲမှာ အခါအားလျော်စွာ တိုက်တွန်းတတ်တယ်။ အဲဒါကို မကျေနပ်တာတဲ့။ အဲဒီ့ကလေးမက “အင်တာနက်ထဲမှာ ကျွန်မတို့တွေ နေ့စဉ်ဖတ်နေတဲ့ စာတွေကို အဲဒီ့ဆရာ ဖတ်ဖူး၊ မြင်ဖူးလို့လား”လို့  ပြန်ပြောတယ်ဆိုပဲ။

အကြောင်းမသိရင် အဲဒီ့ကလေးမလေး စကားက ဟုတ်သလိုလိုပါ။ အကြောင်း သိရင်တော့ အဲဒီ့စကားက အတော်လေး အံချော်နေတာကို တွေ့ရပါတယ်။ ကျွန်တော့်ကိုသာ အဲဒီ့စကားမျိုး တိုက်ရိုက်လာပြောရင် အဲဒီ့ ကလေးမလေးကို အားနာနာနဲ့ ပထမဆုံး မေးမိမှာက “ညည်း အင်္ဂလိပ်စာ ဘယ်လောက်များ တတ်လို့လဲဟင်…”လို့သာ ဖြစ်ပါလိမ့်မယ်။ ဒါမှမဟုတ်ရင်လည်း တရုတ်စာ၊ ပြင်သစ်စာ၊ စပိန်စာလို တခြား အများသုံး ဘာသာစကား တစ်ခုခုကိုများ တစ်ဖက်ကမ်းခတ် တတ်ပွန်နေပါသလားလို့ မေးရတော့မှာပါ။

မှန်ပါတယ်။ အင်တာနက်ထဲမှာ “သတင်းအချက်အလက်တွေ” အများကြီး ရှိပါတယ်။ သို့ပေတည့် အဲသလို အောတိုက်နေတဲ့ သတင်း အချက်အလက်တွေ အားလုံးဟာ ကမ္ဘာမှာ လူသုံးများတဲ့ ဘာသာစကားတွေနဲ့ ရေးထားတာတွေပါ။ မြန်မာလို ရေးထားတာတွေ မဟုတ်ပါဘူး။ အဲတော့ ကမ္ဘာ့လူသုံးများ ဘာသာစကားတစ်ခုခုကို တတ်ကျွမ်းမှသာလျှင် အဲဒါတွေကို ဖတ်ရှုနိုင်မှာလည်း သေချာနေပါတယ်။ ဒါက ပထမဆုံး အချက်ပါ။

ဒုတိယအချက်ကတော့ အဲဒီ့အင်တာနက်ထဲမှာ ရှိနေတာက “သတင်း အချက်အလက်”တွေသာ ဖြစ်ပါတယ်။ “ရသစာပေ”တွေ မဟုတ်ပါဘူး။ ရသစာပေတွေ လုံးလုံး မရှိဘူးလို့တော့ မပြောလိုပါဘူး။ ရှိတန်သလောက် ရှိပါတယ်။ သို့ပေမယ့် တကယ့် ရသမြောက် ဝတ္ထုရှည်ကြီးတွေ ကျရင်တော့ အလကား ဖတ်လို့ မရတော့ဘူး။ ပိုက်ဆံပေး ဝယ်ပြီး ဖတ်မှ ရနိုင်တာတွေ ဖြစ်ကုန်ပါတယ်။ ရသမြောက် ဝတ္ထုရှည်အကုန်လုံးလည်း အင်တာနက် ထဲမှာ မရနိုင်ပါဘူး။ ရှိနေတဲ့ ရသစာတွေက အတိုအထွာလေးတွေပါ။ (ကျွန်တော် ကိုယ်တိုင် အဲဒီ့အတိုအထွာတွေထဲက တချို့ကို ဘာသာပြန်ပြလာခဲ့တာ ၁၉၉၉ ခုနှစ်ကတည်းကပါ။)

တတိယအချက်ကတော့ နည်းပညာပေါက်ကွဲမှုခေတ်၊ သတင်းအလျှံပယ်ခေတ်ရဲ့ သဘာဝပဲဖြစ်ပါတယ်။ သည်အချက်က အင်မတန် အရေးကြီးပါတယ်။ သည်အချက်ကြောင့်လည်း သည်စာကို ရေးဖြစ်ရတော့တာပါ။

သတင်းအလျှံပယ်ခေတ်မှာ သတင်းအချက်အလက်(information)နဲ့ အသိပညာ (knowledge)က တကယ့်ကို အလျှံပယ်ဖြစ်သလို လူတိုင်း လက်လှမ်းမီနိုင်တဲ့ အရာဖြစ်လာပါပြီ။ ဆိုကြပါစို့၊ ဂရိနိုင်ငံသမိုင်းကို သိချင်တယ်၊ ဒါမှမဟုတ် နောက်ဆုံးပေါ် ဆေးဝါးတစ်ခုအကြောင်း သိချင်တယ် ဆိုပါစို့။ တစ်ချိန်တုန်းက အဲဒါမျိုး သိချင်ရင် အတော့်ကို ကရိကထ များလှပါတယ်။ သမိုင်းကို သိချင်တဲ့အခါ စာကြည့်တိုက်ကြီးတွေကို အားကိုးရတယ်။ နောက်ဆုံးပေါ် ဆေးဝါးအကြောင်း သိချင်တဲ့အခါ အဲဒီ့ ဆေးဝါးအကြောင်း ပါတဲ့ ဆေးပညာ စာနယ်ဇင်း တစ်ခုခုကို မနည်း လိုက်ရှာရတယ်။ အဆက်အသွယ်လည်းကောင်း၊ အချိန်လည်းပေးနိုင်မှ အဲဒါတွေကို သိနိုင်တယ်။ ကျေးရွာလေးမှာ နေထိုင်သူတစ်ယောက်အနေနဲ့ အဲဒါမျိုးတွေကို သိချင် ဖတ်ချင်နေရင် ဘယ်လိုမှ လွယ်လွယ်ကူကူ မသိနိုင် မဖတ်နိုင်ခဲ့ဘူး။

အခု သတင်းအချက်အလက်အလျှံပယ်ခေတ်မှာကျတော့ အဲလို မဟုတ်တော့ဘူး။ ဟိုး ဇနပုဒ်မှာ နေထိုင်လင့်ကစား အင်တာနက်ကို လက်လှမ်းမီ နေပြီဆိုတာနဲ့ တစ်ပြိုင်နက် ဘာသိချင်သလဲ၊ သက်ဆိုင်ရာ ဘာသာစကားကိုသာ တတ်ကျွမ်းမယ်ဆိုရင် မိနစ်ပိုင်းအတွင်းမှာ လိုချင်တာကို အလွယ်တကူ ရှာဖွေ ဖတ်ရှုနိုင်နေပါပြီ။ သိရနိုင်ပါပြီ။ ဒါဟာ သတင်းအချက်အလက် အလျှံပယ်ခေတ်ရဲ့ အားသာချက်ပါ။

အဲဒီ့ အားသာချက်နဲ့အတူ ဒွန်တွဲနေတာကတော့ သတင်း အချက်အလက်တွေ၊ အသိပညာတွေကို သိရှိထားခြင်းဟာ ဘာမှ အရေးမပါတော့ပါဘူး။ ဆိုလိုတာက ဗဟုသုတ စုံလင်ရုံနဲ့ လူတော မတိုးနိုင်တော့ပါဘူး။ အတွေ့အကြုံရင့်ကျက်ရုံနဲ့လည်း လူလုပ်လို့ မရတော့ဘူး။ ဘာဖြစ်လို့လဲဆိုတော့ အတွေ့အကြုံ နုနယ်လှပြီး ဗဟုသုတ နည်းပါးသူတစ်ယောက်အနေနဲ့လည်း သူ သိချင်တာကို မိနစ်ပိုင်းအတွင်းမှာ အလွယ်တကူ ရှာဖွေ သိရှိလာနိုင်နေတဲ့ ခေတ်ကာလကြီး ဖြစ်နေလို့ပါပဲ။ လန်ဒန်က မြို့ကြီးသား တစ်ယောက် သိနိုင်တာကို အာဖဂန်နစ္စတန်နိုင်ငံရဲ့ ကျေးရွာလေးက တောသားလေး တစ်ယောက်လည်း အချိန်မဆိုင်းဘဲ သိနိုင်နေတဲ့ ခေတ်ကြီးပါ။ သည်တော့ တောသားလေးအပေါ်မှာ မြို့ကြီးသားက ငါသိ၊ ငါတတ် သွားလုပ်လို့ မရတော့ဘူး။

အလားတူပဲ၊ ကိုယ့်ဆီ လာပြီး ဈေးဝယ်တဲ့သူ၊ အလုပ်အပ်တဲ့သူကို လှိမ့်လို့၊ ဖြီးလို့ မရတော့ဘူး။ သူက ကိုယ့်ဆီ မလာခင်ကတည်းက သူ ဝယ်မယ့် ပစ္စည်းအကြောင်းတွေ၊ ဈေးနှုန်းတွေကိုဖြစ်စေ၊ ကိုယ့်အလုပ်နဲ့ ပတ်သက်တဲ့ အချက်အလက်တွေကိုဖြစ်စေ အင်တာနက်ထဲမှာ ကြိုတင် ရှာဖွေ သိရှိထားနိုင်ပါပြီ။ ဆိုကြပါစို့၊ စင်္ကာပူနိုင်ငံက ကျောင်းတစ်ကျောင်းမှာ ကျောင်းအပ်ချင်တယ်ဆိုပါစို့။ ဆိုင်ရာ ဘာသာစကားကိုသာ တတ်ကျွမ်းမယ် ဆိုရင် အဲဒီ့ကျောင်းနဲ့ ပတ်သက်တဲ့ အချက်အလက်တွေကို အင်တာနက်ထဲကတစ်ဆင့် အပြည့်အစုံ သိနိုင်နေပြီ။ ဒါတင်မကသေးဘဲ၊ အဲဒီ့ကျောင်းကို တိုက်ရိုက်လှမ်းဆက်သွယ် ပြီး စုံစမ်းနိုင်နေပြီ။ ကြားပွဲစား ပြောသမျှကို ယုံနေစရာ မလိုတော့ဘူး။

တစ်နေ့က ကျွန်တော့်အိမ်သူ တာချီလိတ်ကို အလည်သွားတယ်။ ကျွန်တော်က အလုပ် မပြတ်တာနဲ့ ရန်ကုန်မှာ ကျန်ရစ်တယ်။ သူက ကျွန်တော့်ဆီ တာချီလိတ်ကရော၊ မိုင်းလားကရော၊ မယ်ဆိုင်ကပါ ဖုန်းတွေ ပြန်ပြန်ဆက်နေတယ်။ သူ့အသံကို ကြည်ကြည်လင်လင် ကြားနေရတယ်။ တစ်ချိန်တုန်းက၊ ဟိုးလွန်ခဲ့တဲ့ နှစ်၂၀ ကျော်တုန်းကဆို ဘယ်လိုမှ မဖြစ်နိုင်တာကြီးက အခုတော့ လွယ်ကူနေပြီ။

တာချီလိတ်ရဲ့ တာလောဈေးထဲက ပစ္စည်းတစ်မယ်ရဲ့ ရောင်းဈေးကို စက္ကန့်မဆိုင်းဘဲ ရန်ကုန်က သိနိုင်နေသလို ကမ္ဘာတစ်ခုလုံး ကြိုက်တဲ့နေရာကလည်း သိနိုင်နေပြီ။ ခေတ်ကြီးက နည်းပညာရဲ့ စောင်မမှုကြောင့် တအားကို ပြောင်းသွားပြီ။ သိချင်တာ သိရဖို့ သိပ်ကို မြန်ဆန်လွယ်ကူသွားပြီ။
ပြောချင်တာက သတင်းအချက်အလက်နဲ့ အသိပညာဟာ မည်သူမဆို ပေါပေါပဲပဲနဲ့ အလွယ်တကူ ရရှိနိုင်တဲ့ အရာတွေ ဖြစ်လာတာနဲ့အညီ အဲဒီ့ သတင်းအချက်အလက်နဲ့ အသိပညာတို့ရဲ့ တန်ဖိုးကလည်း အဆမတန် ကျဆင်းသွားပါတော့တယ်။

အသိပညာ ပြည့်စုံခြင်းဟာ မကောင်းဘူးလားဆိုတော့ ကောင်းတယ်။ သို့ပေမယ့် အသိတစ်ခုတည်းနဲ့ မလုံလောက်တော့ဘူး၊ ရပ်တည်လို့ မရတော့ဘူး။ ဆိုခဲ့တဲ့အတိုင်း ကိုယ်သိသလို မည်သူမဆို သိနိုင်နေတဲ့ ခေတ်ကြီးထဲမှာ ကိုယ်သိထားသလောက်ဟာ ဘာမှ တန်ဖိုး မရှိတော့ဘူး။

အသိပညာကို လူတိုင်း အလွယ်တကူ ရနိုင်ပေမယ့် လူတိုင်း မရနိုင်တာက “ဉာဏ်ပညာ အမြော်အမြင်”(wisdom)နဲ့ “အတွေးသစ်အမြင်သစ်” (creativity) ပါပဲ။ အဲဒါကိုကျတော့ ဘယ် နည်းပညာ၊ ဘယ် ကွန်ပျူတာကမှ  စီမံပြုပြင်မပေးနိုင်တော့ဘူး။ ဖန်တီး ထုတ်လုပ်မပေးနိုင်တော့ဘူး။

အသိပညာ (knowledge)ကနေ ဉာဏ်ပညာ (wisdom)ဖြစ်လာဖို့အတွက် အဆင့် တစ်ဆင့် လိုတယ်။ အဲဒါက တွေးတောဆင်ခြင်မှု (thinking and reflecting) ပဲ။

အဲဒီ့တွေးတောဆင်ခြင်မှုအတွက်ကျတော့ အလေ့အကျင့်လိုတယ်။ တွေးတောတယ်၊ ဆင်ခြင်တယ်ဆိုတာ စိတ်နဲ့ လုပ်ရတဲ့ အလုပ်။ တွေးကျင့်၊ ဆင်ခြင်ကျင့်လေး အထုံစွဲနေမှ တွေးလို့တတ်တယ်၊ ဆင်ခြင်လို့ တတ်တယ်။  အကျင့်မရှိရင် မတွေးဖြစ်ဘူး။ အဲဒါ စိတ်ရဲ့ သဘာဝပဲ။

နမူနာ ပြောပါရစေ။ ဂဏန်းပေါင်းစက်တွေ တအားပေါလာတဲ့ခေတ်မှာ  ၅၀ဝ ကို ၁၈ နဲ့ မြှောက်မယ်ဆိုရင်တောင် ဂဏန်းပေါင်းစက်ကိုပဲ အားကိုးနေကြပြီ။ အဲလို ဂဏန်းပေါင်းစက်ကို အားကိုးကျင့်က သိပ်များလာတဲ့အခါ အဲဒီ့အတွက်အချက်ကိုပဲ စိတ်တွက် တွက်တဲ့အခါ အချိန်က ပိုကြာနေတတ် ပါတယ်။ ဦးနှောက်က စိတ်တွက် တွက်တဲ့ အလေ့အထမှ မရှိတော့တာကိုး။

နောက်ထပ် နမူနာတစ်ခုက ဖုန်းနံပါတ်ကို စာအုပ်ထဲမှာ ရေးမှတ်တာပါ။ ဒါမှမဟုတ် အခုခေတ် တယ်လီဖုန်းတွေထဲမှာ ဖုန်းနံပါတ်တွေကို အလွယ်တကူ မှတ်သား သိုလှောင်ထားနိုင်တဲ့ စနစ်တွေ တွဲပါနေတာမို့ ဖုန်းထဲမှာ မှတ်ထားတာပါ။ အဲသလို မှတ်တော့ ဘာဖြစ်တုံး။ ဟုတ်ကဲ့… အရေးဆို စာအုပ်ပြန်လှန်ရ၊ ဖုန်းကို ဖွင့်ကြည့်ရနဲ့ အတော် ကရိကထ များကုန်ပါတယ်။

အရင်က ကျွန်တော့်ခေါင်းထဲမှာ ဖုန်းနံပါတ် အတော်များများကို အလွတ် ရနေတယ်။ ဆက်နေကျ လူတွေ၊ ရုံးတွေရဲ့ ဖုန်းတွေဟာ ခေါင်းထဲမှာ အသင့်ရှိနေတယ်။ စာအုပ်ထဲမှာ မှတ်တဲ့အကျင့်၊ ဖုန်းထဲမှာ မှတ်တဲ့အကျင့်က ရှိလာတော့ ခေါင်းက ဘာမှ မမှတ်တော့ဘူး။ ဆက်နေကျ ဖုန်းကိုတောင်  ဆယ်ခါ ဆက်မယ်ဆိုရင် ဆယ်ခါလုံး ပြန်ကြည့်နေရတယ်။ ပိုဆိုးတာက ဖုန်းနဲ့ မှတ်တဲ့ စနစ်မှာ နာမည်နဲ့ နံပါတ်နဲ့ တွဲမှတ်ထားတာပဲ။ အဲတော့ ဖုန်းဆက်ချင်ရင် အဲဒီ့လူရဲ့ နာမည်ကို ရှာပြီး ဆက်လိုက်ရုံပဲ၊ သူ့ ဖုန်းနံပါတ် ဂဏန်းတွေကို နှိပ်နေစရာတောင် မလိုတော့ဘူး။ အဲတော့ ဂဏန်းတွေက ခေါင်းထဲကို ဝင်မလာတော့ဘူး။ ဝင်မလာတော့ မမှတ်မိတော့ဘူး။

ဒါတွေဟာ ဦးနှောက်ရဲ့ “ကျင့်သားရလွယ်ပုံ”တွေကို ထင်ဟပ်စေတဲ့ နမူနာပါပဲ။

အဲတော့ ကျွန်တော်ပြောနေတဲ့ တွေးတောဆင်ခြင်မှုဟာလည်း အကျင့် လိုတယ်ဆိုတာ စာဖတ်သူ လူကြီးမင်း လက်ခံနိုင်လောက်ပြီ ထင်ပါတယ်။ တွေးတောဆင်ခြင်မှုဆိုတာ စိတ်က လုပ်ရတာ။ တတိယမျက်လုံးလို့ ခေါ် တဲ့ အာရုံဝင်စားမှုနဲ့ လုပ်ရတာ။

အဲဒီ့အာရုံဝင်စားမှုအတွက် အကျင့်လိုတယ်။ တတိယ မျက်လုံးကို သုံးတဲ့ အကျင့် ရှိထားလို့ လိုတယ်။

ရုပ်မြင်သံကြား ဇာတ်လမ်းတွဲကို စိတ်ဝင်တစားနဲ့ မလွတ်တမ်း စောင့်ကြည့်နေသူတွေအနေနဲ့ တတိယမျက်လုံးကို သုံးတဲ့အကျင့်က မရှိနိုင်တော့ဘူး။ သတင်းအချက်အလက်တွေကို အင်တာနက်ထဲမှာ အငမ်းမရ ဖတ်ရှုနေသူ တွေလည်း အတူတူပဲ၊ တတိယမျက်လုံးက သေသွားနိုင်တယ်။

ဇာတ်လမ်းတွဲကို ပကတိမျက်လုံးနဲ့ ကြည့်နေတာ၊ အွန်စောဆိုလည်း အွန်စောဆိုတဲ့ ကိုရီးယားရုပ်ကိုပဲ မြင်နေတယ်၊ ချန်ဂင်ဆိုလည်း သူပြတဲ့ အရုပ်ကိုပဲ မြင်နေတယ်။ အဲဒီ့အထဲမှာ မျောပါနေတယ်။ ရသ မြောက်တာကိုး။ အဲဒီ့ရသကို ခံစားနေရင်းနဲ့ တတိယမျက်လုံးက အလိုလို သေသွားတာကို သတိမထားမိကြဘူး။

အဲဒီ့ဇာတ်လမ်းကို ရုပ်မြင်သံကြားဇာတ်လမ်းအနေနဲ့ မဟုတ်ဘဲ ရသ စာတစ်အုပ်အနေနဲ့ ဖတ်မယ်ဆိုပါစို့။ တတိယမျက်လုံးက အလိုလိုပွင့်လာပြီ။  စာထဲမှာ အရုပ် ရှိမနေဘူးလေ။ အဲတော့ စိတ်မျက်စိက အလိုလို အလုပ် လုပ်ရပြီ။ အွန်စောဆိုတာကို စိတ်မျက်လုံးထဲမှာ ရုပ်လုံး ဖော်ကြည့်ရတယ်၊ ရုပ်သံထဲမှာ ပြထားတဲ့ အွန်စောထက် အဆပေါင်း တစ်သိန်း ပိုချောတဲ့သူလည်း ဖြစ်နေနိုင်သလို အွန်စောဟာ ကိုယ်လည်း ဖြစ်နိုင်သွားပြီ။

အဲလိုနဲ့ ရသစာ များများဖတ်သူဟာ စိတ်ကို အလုပ်ပေးတဲ့ အတတ်ကို သင်ယူစရာ မလိုလိုဘဲ အလိုလို ကျွမ်းကျင်လာပါတော့တယ်။ ထစ်ခနဲရှိ တွေးယူတဲ့အကျင့်၊ ဆင်ခြင်တဲ့ အကျင့်ကလည်း အထုံစွဲလာပါတော့တယ်။
ရေးရင်းနဲ့ ဝါရင့်စာရေးဆရာတစ်ဦး အမှတ်တမဲ့ ပြောလိုက်တဲ့စကားက ခေါင်းထဲ ပေါ်လာပြန်တယ်။ သူက ကနေ့ခေတ် လူတွေ စာမဖတ်ဘူးလို့ မပြောပါနဲ့တဲ့။ ည ခုနစ်နာရီနဲ့ ရှစ်နာရီကြားမှာ မြန်မာပြည်က လူအများ စာဖတ်နေကြပါတယ်တဲ့။ ကိုရီးယားကားတွေ ကြည့်ရင်း အောက်က စာတန်း ထိုးတွေကို အမီ လိုက်ဖတ်နေကြတာကို သူက ထောက်ပြတာပါ။

ဒါလည်း အမှတ်တမဲ့ဆိုရင် ဟုတ်သလိုလိုပဲ။ လူတွေ စာဖတ်နေကြတာတော့ မှန်တယ်။ ဒါပေမယ့် ရုပ်သံမှာ ထိုးတဲ့စာတန်းကို အမီ လိုက်ဖတ်ရင်းက အရုပ်ကိုလည်း ကြည့်ရသေးတယ်၊ ဇာတ်လမ်းကြောကို မိအောင်လည်း လိုက်နေရသေးတယ်ဆိုတော့ အဲဒီ့အချိန်မှာ သူတို့စိတ်က မနားဘူး။ စာလုံးတွေ ဝါကျတွေကို ဖတ်နေကြတာမှန်ပေမယ့် ကျွန်တော် ပြောတဲ့ စိတ်မျက်စိ (ဝါ) တတိယမျက်လုံးကို သုံးခွင့် မရတဲ့နည်း၊ တစ်နည်းပြောရရင် စိတ်မျက်စိကို သေစေတဲ့ နည်းနဲ့သာ ဖတ်နေကြတာပါ။

အဲဒါဟာ စာအုပ်စာပေကို ဖတ်ရှုခြင်းနဲ့ ကွာခြားချက်ပဲ။ စာအုပ်စာပေကို ဖတ်တဲ့အခါကျတော့ ကိုယ်ရပ်ချင်တဲ့အချိန်မှာ ရပ်ထားလိုက်လို့ရတယ်၊ ကိုယ်ဖတ်ချင်တာကို နောက်ကြောင်းပြန် ဖတ်လို့ရတယ်။ စိတ်က အလုပ် လုပ်နေရတယ်။ စာအုပ်ပြီးသွားရင်တောင် စိတ်က ဆက်အလုပ်လုပ်လို့ ကောင်းချင် ကောင်းနေတတ်ပြန်သေးတယ်။ စိတ်မျက်စိထဲမှာ မြင်ယောင်လို့ မဆုံး ဖြစ်နေနိုင်ပြန်သေးတယ်။

ချုပ်ရရင်တော့ အဲဒီ့ဝါရင့်စာရေးဆရာ ပြောဖူးတဲ့စကား၊ အစမှာ ရေးပြခဲ့တဲ့ လက်သစ်စာနယ်ဇင်းဆရာမလေးက ဆရာလူထုစိန်ဝင်းကို ကွယ်ရာကနေ ခံပက်တဲ့စကားတွေ အားလုံးဟာ မမှားပေမယ့် အပြည့်မမှန်ဘူးဆိုတာကို ပြောချင်တာပါ။ သူတို့စကားတွေအရ စာတွေကို ဖတ်တော့ ဖတ်နေကြတယ်၊ ဒါပေမယ့် ပကတိမျက်လုံးနဲ့ ဖတ်တိုင်း စာဖတ်တာ မမည်သလို စာဖတ်ခြင်းရဲ့ အကျိုးကျေးဇူးကိုလည်း ဘယ်လိုနည်းနဲ့မှ ရနိုင်မှာ မဟုတ်ပါဘူး။

စာဖတ်တယ်ဆိုတာဟာ စိတ်ကို အလုပ်ပေးဖို့ပါ။ တတိယမျက်လုံး ရှင်သန်လာစေဖို့ပါ။ ဆရာလူထုစိန်ဝင်းက စာများများ ဖတ်ခိုင်းတာဟာ ရသစာပေတွေကို နာနာဖတ်ခိုင်းတာလို့ ကျွန်တော် ယူဆမိပါတယ်။ ဒါမှလည်း တွေးကျင့်၊ ဆင်ခြင်ကျင့်ရလာမယ်လို့ ကျွန်တော် ယုံကြည်သလို ဆရာလူထု စိန်ဝင်းကလည်း ယုံကြည်ထားလို့ ဖြစ်ပါလိမ့်မယ်။

အဲဒီ့ကလေးမလေး ခံပက်တဲ့ စကားမှာကိုက အတွေးမပါ၊ ဆင်ခြင်မှု မပါတာကို ရိပ်ခနဲ တွေ့ရနိုင်ပါတယ်။ အတွေးပါရင်၊ ဆင်ခြင်မှု ရှိနေရင် သည်စကားမျိုးကို အလွယ်တကူ ပြောဖြစ်လိမ့်မယ်မထင်ဘူး။ ဟိုဆရာက ဘာဖြစ်လို့ သည်စကားပြောတာလဲ၊ သူက စေတနာနဲ့ ပြောတာလား၊ သက်သက်မဲ့ နှိပ်ကွပ်နေတာလား၊ ဘယ်သူ့အကျိုးအတွက် ပြောနေတာလဲ စတာတွေကို တွေးဖြစ်ခဲ့မယ်၊ ဆင်ခြင်ကြည့်ဖြစ်ခဲ့မယ်ဆိုရင် သည်လိုစကားမျိုး သူ့ပါးစပ်က လွယ်လွယ် ထွက်မလာနိုင်ပါဘူး။

အဲဒီ့အတွက် အဲဒီ့ကလေးမလေးကို အပြစ်မတင်ချင်ဘူး။ တင်လည်း မတင်ရက်ဘူး။ ဘာဖြစ်လို့လဲဆိုတော့ ခမျာမယ် တွေးကျင့်၊ ဆင်ခြင်ကျင့်မှ မရှိခဲ့ရှာတာကိုး။ ဘာဖြစ်လို့ တွေးကျင့် ဆင်ခြင်ကျင့် မရှိရတာလဲဆိုရင်တော့ ငယ်ကတည်းက ပြင်ပစာပေ၊ ဒါမှမဟုတ် ရသစာပေ အဖတ်အရှု နည်းခဲ့တာမို့ပဲဆိုတာ မှန်းဆနိုင်ပါတယ်။ အပြင်စာဖတ်ခြင်းကို အားမပေးတဲ့ မိဘအသိုင်းအဝိုင်း၊ ကျောင်းနေဝန်းကျင်များက ကနေ့လူငယ်တွေရဲ့ တတိယမျက်လုံးကို တိမ်ဖုံးနေစေပါတယ်။

အဲတော့ အတော်များများဟာ လူတိုင်း အလွယ်တကူ ပေါပေါပဲပဲ ရနိုင်တဲ့ အသိပညာနဲ့ သတင်းအချက်အလက်တွေကို လက်လှမ်းမီနိုင်၊ သိရှိနိုင်တာကိုပဲ အဟုတ်ကြီးထင်၊ ငါ့ပြင်မရှိ အောက်မေ့နေမိတတ်ကြပါတယ်။ ထပ်ပြောပါရစေ၊ လူတိုင်း အလွယ်တကူ ပေါပေါပဲပဲ ရနိုင်တဲ့ အသိပညာနဲ့ သတင်း အချက်အလက်များဟာ လူတစ်ယောက်အတွက် ဘာမှ တန်ဖိုးမရှိတော့ပါဘူး။ အရှိန်အဟုန်နဲ့ ပြောင်းလဲနေတဲ့ သည် ခေတ်ကြီးမှာ လူတစ်လုံး သူတစ်လုံး ဖြစ်ဖို့ အသိပညာတွေ၊ သတင်းအချက်အလက်တွေနဲ့လည်း ဖေးမထားလို့ မရနိုင်တော့ပါဘူး။ ဉာဏ်ပညာရှိမှ၊ အတွေးသစ်အမြင်သစ်တွေ ဖော်ယူ သုံးစွဲတတ်မှ သူများ နောက်မြီးဆွဲဘဝက လွတ်မြောက်နိုင်၊ သတင်းအချက်အလက် အလျှံပယ်ခေတ်ကြီးမှာ အများနဲ့ ယှဉ်နိုင်မှာပါ။

သည်အတွက် တွေးတောဆင်ခြင်တဲ့ အလေ့အထလေးကို မွေးယူဖို့ လိုပါတယ်။ အဲဒီ့အလေ့လေးရဖို့အတွက် တတိယမျက်လုံး (ဝါ) စိတ်မျက်စိ ကို ရှင်သန်နေအောင် လုပ်ရပါမယ်။ အဲသလို လုပ်ဖို့အတွက် စာအုပ်စာပေကို စိတ်မျက်စိနဲ့ ဖတ်တဲ့အကျင့်လေး စွဲသွားအောင် ဦးဆုံးလုပ်ရပါတော့မယ်။

ကျွန်တော့် ဆွေးနွေးချက်ကို စာဖတ်သူ လူကြီးမင်းရဲ့ ကိုယ်ပိုင်ဉာဏ်နဲ့ ဆင်ခြင်ကြည့်စေချင်ပါတယ်။ စိတ်မျက်စိနဲ့ စာဖတ်ခြင်းဟာ ဘဝအတွက်၊ လူတစ်လုံး သူတစ်လုံး ဖြစ်လာဖို့အတွက် တကယ် အရေးပါတယ်၊ မပါဘူးဆိုတာကိုလည်း သေချာ တွေးကြည့်ဖို့လည်း မေတ္တာရပ်ခံပါရစေ။

ဟုတ်ကဲ့… ကျွန်တော်ပြောတာကို သဘောတူတယ်၊ လက်ခံနိုင်တယ် ဆိုရင်တော့ စာဖတ်သူလူကြီးမင်းရဲ့ ပတ်ဝန်းကျင်မှာ ရှိနေတဲ့ ကလေးသူငယ်လေးတွေ၊ လူငယ်လူရွယ်လေးတွေ စိတ်မျက်စိနဲ့ စာဖတ်ဖြစ်လာအောင် ကိုယ်စွမ်းသလောက် ဝိုင်းဝန်းဖေးမရင်း လက်တွဲခေါ်လိုက်ကြပါစို့လားခင်ဗျာ။

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၅၁၂၀၈)

—————————————————————————————————————————————————

(၂၀ဝ၉ခုနှစ်  ဇွန်လထုတ် ကလျာမဂ္ဂဇင်းမှာ ဖော်ပြခဲ့တဲ့ ဆောင်းပါးကို အစအဆုံး ပြန်လည် ဖြော်ပလိုက်တာ ဖြစ်ပါတယ်။)