ဘောက်ဆူးရတဲ့ အသက် ငွေရတု

Image may contain: car and outdoor၁၉၉၄ ခုနှစ် ဇူလိုင်လကပါ။ ရှပ်ကျိုးလို့ ဆိုပြီး လမ်းတဝက်ပေါ် ရပ်ထားတဲ့ ကုန်ကားကြီးအောက်ကို ကျနော်မောင်းလာတဲ့ ၁၉၈၄ ခုနှစ်ထုတ် သင်္ဘောဦး တိုယိုတာ ကော်ရိုနာကား (န/၉၁၄၆) က တိုးဝင်သွားပါတယ်။ မနက် ၄ နာရီလောက်မှာပါ။ ရန်ကုန်-မန္တလေး လမ်းဟောင်း၊ ပျော်ဘွယ်နဲ့ မိတ္ထီလာကြား၊ ယင်းတော်ရွာကြီးရဲ့ ရဲစခန်းနဲ့ မျက်စောင်းထိုးလောက်မှာပါ။

ကံကောင်းချင်တော့ ကျနော် ခါးပတ် ပတ်မထားပါဘူး။ ခါးပတ်ပတ်ထားရင် ပွဲချင်းပြီးပါပဲ။

ကုန်ကားရဲ့ နောက်မြီးက ကားဘောနက်ကို ကျော်ပြီး ရှေ့လေကာမှန်မှသည် နောက်ခန်းဆီအထိ တိုးဝင်သွားခဲ့တာလေ။ ခါးပတ်သာ ပတ်ထားရင် ခေါင်းပြတ်ပြီး ကျနော် အသက်ထွက်ခဲ့မှာ မလွဲပါဘူး။

ခါးပတ် ပတ်မထားတဲ့အတွက် တိုက်မိတဲ့ အရှိန်နဲ့ ကျနော်ဟာ ထိုင်ခုံရှေ့ ကြမ်းပြင်ပေါ်ကို ဖင်ထိုင်လျက် ကျသွားပါတယ်။ ကျနော့မေးစေ့က စတီယာရင်ခွေရဲ့ အောက်ပိုင်းနဲ့ တတန်းတည်းလောက်ပါ။

ဘရိတ်နင်းလိုက်တဲ့ ညာဘက်ပေါင်ရိုးက ညာဘက် တင်ပါးဆုံခွက်ကို ထိုးခွဲလိုက်တဲ့ ဒဏ်ရာတခုပဲ ပြင်းပြင်းထန်ထန် ရလိုက်ပါတယ်။

ကားပေါ်မှာ အတူပါပြီး ကျနော့်ဘယ်ဘက် ခရီးသည်ထိုင်ခုံက လိုက်ပါလာသူ မန္တလေးက စက်ပြင်ဆရာကတော့ ပွန်းရုံပဲ့ရုံပါပဲ။

ကားကတော့ လုံးလုံး သုံးလို့ မရတော့ပါဘူး။ အဲတုန်းက ၃ သိန်းခွဲနဲ့ ဝယ်တဲ့ကားကို အပုံလိုက်ဈေး ငါးသောင်းနဲ့ ရောင်းခဲ့ရပါတယ်။ ကားဝယ်တဲ့သူက ယာဉ်မောင်းကျနော် မသေတာကို အံ့သြမဆုံးရှာဘူး။

အဲ… သူက ကားသာ တစစီဖြုတ်ရောင်းတာ၊ ကားလိုင်စင်တော့ သက်တမ်းတိုးပြီး ဓာတ်ဆီရောင်းစားခဲ့ပုံပဲ။ ကျနော့်မှာ စသုံးလုံးက အဲဒီ့ကားကိစ္စ ခေါ်စစ်တာလည်း ခံလိုက်ရပါသေးတယ်။ ကျနော် အပုံလိုက် ရောင်းလိုက်တာ ပြောပြလိုက်တော့ ရှင်းသွားပါတယ်။

အဟဲ…

ယာဉ်တိုက်မှုကို ရဲက အမှုဖွင့်တယ်ခင်ဗျ။ ထင်သလို ရပ်ထားတဲ့ကုန်ကားကတော့ အမှုထဲ မပါဘူးခင်ဗျ။

၈ လလောက်အကြာ သွားနိုင် လာနိုင်ချိန်မှာ ပျော်ဘွယ်တရားရုံးကို သွားပြီး ဒဏ်ငွေဆောင်ခဲ့ရပါသေးသော်ကောခင်ဗျာ။

အဲဒါဟာ မြန်မာပြည်ရဲ့ မော်တော်ယာဉ်ဥပဒေပါပဲ။ ကျနော်သာ အဲတုန်းက ပွဲချင်းပြီးသွားခဲ့ရင် သူတို့ ဘယ်သူ့ကို ဒဏ်တပ်မလဲဆိုတာလည်း မသဲကွဲလှဘူးခင်ဗျ။

နှစ်ပေါင်း အစိတ်ပြည့်ဖို့တောင် ရက်ပိုင်းပဲ လိုပါတော့တယ်။ အခုချိန်အထိ ရှင်နေသေးတဲ့အတွက် အနန္တော အနန္တငါးပါးနဲ့တကွ ကံကြမ္မာကို ကျေးဇူးတင်ရပါမယ်။ သက်ဆိုးမို့ ရှည်တာလည်း ဖြစ်နိုင်ပါတယ်။ လူကောင်း သူကောင်းတွေသာ ငယ်ငယ်ရွယ်ရွယ်နဲ့ သေတတ်ကြတယ်ဆိုတဲ့ သိုးဆောင်းဆိုရိုးလည်း အရှိသားမဟုတ်ပါလား။ ကျနော်က ဆိုးပေ ဆိုးတေမို့ မသေခဲ့တာရင်လည်း ဖြစ်ချင်လည်း ဖြစ်မှာပေါ့နော်။

ဘယ်လိုပဲဖြစ်ဖြစ် ရပ်ထားတဲ့ ကားကို နောက်က ဝင်တိုက်တာမို့ နောက်က တိုက်သူ အရေးယူကြေး၊ ရှေ့က စည်းကမ်းဖောက်သူ လွတ်ကြေးဆိုတဲ့ စနစ်ကြီး အခု ရှိ မရှိတော့ ကျနော်လည်း မသိတတ်နိုင်ပါဘူး။

ဆရာလေး နေထွန်းနိုင် တခါက ရေးဖူးသလို “မတရားမှုကလွဲလို့ ဘာမှ မထွန်းကားတဲ့ တိုင်းပြည်”မှာ ကျနော်တို့ လူလုပ်နေကြတာပဲလေ။ ဘယ်တတ်နိုင်ပါ့မလဲနော်…

အားလုံးတွေးဆဆင်ခြင်ကြည့်နိုင်ကြပါစေ…

အတ္တကျော်

(၁၁၀၆၁၉)

မျှော် တိုင်း တုံး

No photo description available.

အစ

မနေ့က ပညာရေးမူဝါဒနဲ့ ပတ်သက်ပြီး ဆရာအောင်သူငြိမ်းရေးထားတာလေး (https://bit.ly/2wIW39J) လက်ဆင့်ကမ်းလိုက်တဲ့အခါ အင်မတိ အင်မတန် ခက်ခက်ခဲခဲ တက်ရောက် သင်ယူ ဖြေကြားရတဲ့ နိုင်ငံတကာ ဆရာဖြစ်သင်လက်မှတ်ရထားသူ မြန်မာလူမျိုး ဆရာမလေးက ကျနော့်ဆီကို အောက်ပါအတိုင်း စာတိုလှမ်းပို့ပါတယ်။

“မြန်မာပြည်မှာတော့ Pedagogy principles တွေ အားနည်းနေသေးတော့ textbook policy ရှိခဲ့ရင်တောင် ပုဂ္ဂလိကကနေ ဖတ်စာအုပ်ထုပ်ရင် အထူးထုတ်တွေ ဖြစ်သွားမှာ စိုးရိမ်မိတယ်”တဲ့။

သိပ်သေချာတာပေါ့။ Pedagogy principles တဲ့။ ဆီလျော်အောင် ပြန်ဆိုရင် သင်ကြားနည်းအခြေခံမူလို့ ဖြစ်မလားပဲ။ ဘယ်လို နည်းနဲ့ အကောင်းဆုံးဖြစ်အောင် သင်မှာလဲ။ ကလေးတွေရဲ့ သင်ယူပုံနဲ့ ပတ်သက်ပြီး ကိုယ်သိထားတဲ့အပေါ် အခြေခံပြီး ဘယ်နည်း ဘယ်ပုံသင်ပေးရင် ကလေးတွေ တတ်ပွန်သွားမလဲဆိုတာပါ။

အနက်အဓိပ္ပာယ်

Pedagogy ဆိုတာ ဂရိစကားပါ။ ဂရိမှာ Peda ဆိုတာ ကလေးလို့ အနက်ရတယ်။ Gogy ဆိုတာ သင်ကြားမှုကို အရူးအမူး နှစ်သက်မြတ်နိုးတာ။ ဒါမှမဟုတ်လည်း သင်ကြားမှု အနုပညာနဲ့ အတတ်ပညာ။ ဒါက ပိုဆီလျော်မယ် ထင်ပါတယ်။

အဲတော့ Pedagogy ဆိုတာ ကလေးတွေကို သင်ကြားရေး အနုပညာ၊ အတတ်ပညာ။

အတတ်ပညာ (သိပ္ပံ)မှာက သင်ယူမှု သဘောတရားတွေကို သိရှိထားတာရယ်၊ သင်ကြားရေးမှာ ဘယ်လို လမ်းညွှန်ရမယ်ဆိုတာကို သိရှိတာရယ် ပါဝင်ပါတယ်။

သင်ကြားမှု အနုပညာ

အနုပညာ (ဝိဇ္ဇာ) က ဘယ်က ပါလာတာတုံး။ သဘောတရားတွေကို လက်တွေ့မှာ မှန်မှန်ကန်ကန်ချသုံးနိုင်ဖို့ အနုပညာလိုတယ်။ သင်ကြားရေးအတွေ့အကြုံတွေကနေ ကိုယ့်ကိုယ်ကိုယ် ပိုကောင်းလာအောင် တည်ဆောက်ယူသွားနိုင်ဖို့ ဝိဇ္ဇာဖြစ်နေမှ။

တကယ်တော်တဲ့ ဆရာတွေဟာ သင်ကြားရေးမဟာဗျူဟာ ပေါင်းစုံကို သုံးတတ်ကြတယ်။ ဘာလို့လဲ။ အခြေအနေ အလုံးစုံနဲ့ ကိုက်ညီတဲ့ သင်ကြားရေးနည်းစနစ်ရယ်လို့ သတ်သတ်မှတ်မှတ် မရှိလို့ပါပဲ။

ဟိုတလောက ကျယ်ကျယ်လောင်လောင် ပြောသံကြားလိုက်ရသေးတယ်။ အင်္ဂလိပ်ဘာသာနဲ့ သင်မှလား၊ မြန်မာလို သင်ကြားရေး လုပ်သင့်တယ် ဘာညာ။ နောက်တခုက တိုင်းရင်းသား ဘာသာစကားတွေနဲ့ သင်ကြားရေး။

အားလုံး မှန်ပါတယ်။ အင်္ဂလိပ်လို သင်ချင်တဲ့သူလည်း မှန်တယ်၊ မြန်မာလို သင်ချင်တဲ့သူလည်း မှန်တယ်၊ တိုင်းရင်းသား ဘာသာစကားနဲ့ သင်ချင်တဲ့သူလည်း မှန်တယ်။

ဘယ်လမ်းက သွားသွား ပန်းတိုင်ရောက်ဖို့က ပဓာန

အားလုံး မေ့နေကြတာက ကျနော်တို့ ဘာကို ဦးတည်ကြမှာလဲ။ ကမ္ဘာ့အဆင့်မီ ပညာရေးကို ဦးတည်ကြမှာ မဟုတ်ဘူးလား။ ဘာ ဘာသာနဲ့သင်သင်၊ ကမ္ဘာနဲ့ ရင်ပေါင်တန်းနိုင်တဲ့ ပညာရေး၊ စင်္ကာပူပဲ သွားသွား၊ အင်္ဂလန်ပဲ သွားသွား မြန်မာပြည်က ဘွဲ့ရဟာ သူတို့ဆီက ဘွဲ့ရနဲ့ တန်းတူ အလေးစားခံ၊ နေရာပေးခံရရေးပဲ မဟုတ်ဘူးလား။

အဲဒါဟာ အထက်မှာ ပြောခဲ့တဲ့ “အခြေအနေ အလုံးစုံနဲ့ ကိုက်ညီသော” သင်ကြားရေးပုံစံနဲ့ သွားရင် ရပါတယ်။ ဖတ်စာအုပ်ကို ကြိုက်တဲ့ဘာသာနဲ့ရေး၊ သင်ရိုးညွှန်းတမ်းက တခုပဲ ရှိမယ်။ စာသင်သားရဲ့ အရည်အသွေးကို စစ်ဆေးတဲ့ စနစ်ကလည်း တခုပဲ ရှိမယ်ဆိုရင် သက်ဆိုင်ရာ ကျောင်းတွေ၊ ဆရာ၊ ဆရာမတွေက သူတို့သင်ပေးရမယ့် ကျောင်းသားတွေနဲ့ ကိုက်ညီမယ့် ဖတ်စာအုပ် တအုပ်မကကို ကိုင်ပြီး သုံးစွဲနိုင်ပါလိမ့်မယ်။ တိုင်းရင်းသားအတွက် တိုင်းရင်းသားဘာသာနဲ့ ဖတ်စာအုပ်ပဲ။ အင်္ဂလိပ်လို သင်ချင်သူအတွက် အင်္ဂလိပ်လို ဖတ်စာအုပ် ဖြစ်နေမယ်။

အာဆီယံ ဖတ်စာအုပ်မူဝါဒတွေထဲမှာ တချက်ပါတယ်။ ဘာသာရပ်အားလုံးဟာ ဖတ်စာအုပ်တအုပ်တည်းနဲ့ မလုံလောက်တတ်ဘူး။ တချို့ဘာသာရပ်တွေအတွက်၊ အထူးသဖြင့် မိခင်ဘာသာစကားအတွက် ဆရာတွေရဲ့ လက်စွဲတွေ၊ သင်နည်းစနစ်တွေ၊ တခြားသင်ထောက်ကူပစ္စည်းတွေ လိုအပ်နေစမြဲပဲတဲ့။

အလွယ်ပဲ ပြောမယ်။ အပင်အကြောင်း သင်တယ်။ မြေပြန့်က ပိတောက်ပင်လို့ ပြောပေမယ့် တောင်ပေါ်က ကလေးက ပိတောက် မမြင်ဖူးဘူး။ ဘာအရေးလဲ၊ ဆရာက ချယ်ရီပင်နဲ့ သင်ပေးချင် သင်ပေးမှာပေါ့။ အပင်ဆိုတာရဲ့ အခြေခံ သဘောတရားက အတူတူပဲ။ အပင်အကြောင်း ကမ္ဘာ့အဆင့်မီ လူလူသူသူ သိဖို့က အဓိက မဟုတ်ဘူးလား။ ဘာပင်ဖြစ်မှ၊ ညာပင်ဖြစ်မှ လုပ်နေစရာ လိုလို့လား။ သည်သဘောပါပဲ။

ရန်ကုန်မြို့လယ်မှာ နေတဲ့ ကလေးက ပိတောက်လဲ မမြင်ဖူး၊ ချယ်ရီလည်း မမြင်ဖူးတော့ရော ဘယ်လိုလုပ်မတုံး။ ကျောင်းကလည်း ရန်ကုန်မြို့က ဗိုလ်တထောင် အထက ၅ လို မြေပြည့်ဆောက်ထားတဲ့ကျောင်းဆိုပါစို့။ ကျောင်းထဲမှာ ပြစရာကလည်း ဘာပင်မှ မရှိဘူး။ ကလေးတွေက သစ်ပင်ဆိုတာပဲ ဖျန်းသိထားတယ်။ တည်ပင်လား၊ မယ်ဇလီပင်လား၊ သရက်ပင်လား၊ ကုက္ကိုပင်လား မကွဲရှာကြတဲ့ မြို့လယ်က ကလေးတွေ ဖြစ်နေတယ်။ ဒါလည်း ပြဿနာ မရှိပါဘူး။ ပိတောက်လို့ မှန်မှ အမှတ်ပြည့်ပေးစရာမှ မလိုတာလေ။ အပင်သဘောကို သူတို့သိအောင် သူတို့ မြင်ဖူးနေတဲ့ အပင်တွေနဲ့ မြင်သာအောင် ဆရာက ဉာဏ်ကို လွှာသုံးပြီး သင်တတ်ဖို့ပဲလိုတယ်။

အဲဒါဟာ သင်ကြားရေး အနုပညာပဲ။ သဘောတရားတွေကို လက်တွေ့မှာ မှန်မှန်ကန်ကန် ချသုံးတာပဲ။

ကျက်နိုင်စိန်၊ ကျက်အားမဲ့

ပြောရတာ အားတော့နာတယ်။

ကျနော်တို့နဲ့ အဲဒီ့ သင်ကြားရေးနည်းစနစ်တွေက ဝေးလွန်းနေပါသေးတယ်။

မနေ့တနေ့က အောင်စာရင်းတွေ ထွက်လာတယ်။ မော်တဲ့သူတွေကလည်း မော်လို့ မဆုံး။ ညှိုးတဲ့သူတွေလည်း ညှိုးခြုံးလို့။ ဒါပေမယ့် သေချာ စဉ်းစားကြည့်မယ်ဆို သည်လို ပညာရေးမျိုးမှာ မော်တဲ့သူက ကျက်နိုင်စိန်၊ ညှိုးတဲ့သူက ကျက်အားမဲ့ဆိုတာကို မြင်ကြပါလိမ့်မယ်။

ကျက်နိုင်စိန်ပဲဖြစ်ဖြစ်၊ ကျက်အားမဲ့ပဲဖြစ်ဖြစ် ဘဝကို ရင်ဆိုင်ရဲဝံ့နိုင်ဖို့အတွက်ကတော့ အမြော်အမြင် ဆင်ခြင်တုံတရားသာ ဖြစ်ပါလိမ့်မယ်။

မနေ့က ပြောခဲ့တဲ့ စွန်းလွန်းဂူဆရာတော်ကြီးနဲ့ပဲ ပြောရအောင်။ ဆရာတော်ကြီး ဦးကဝိက ကျက်အားမဲ့။ မင်္ဂလသုတ် နောက်ဆုံးပိုဒ်တောင် ၃ နှစ်တိုင်တိုင် ကျက်ပြီး အလွတ်မရနိုင်ရှာခဲ့တဲ့သူလေ။ ဒါပေမယ့် သူက ရဟန္တာမထေရ်ကြီး ဖြစ်ခဲ့တာ အထင်အရှား။ ဘွဲ့နာမတော်တွေတော့ ထုတ်မပြောတော့ပါဘူး။ ဦးကဝိဟာ ရဟန္တာပါဆိုပြီး ထင်ရှားလာတော့ ခေတ်ပြိုင် စာတတ် ထေရ်ကြီး ဝါကြီးတွေက အစာမကျေကြဘူး။ ဘယ့်နှယ့် စာမတတ်တဲ့ ကိုယ်တော်က ရဟန္တာ ဖြစ်ရမှာလဲဆိုပြီး ဝိုင်းစစ်ကြဆေးကြသေးသဗျ။

သူတို့က စာတတ်တွေဆိုတော့ အလွတ်ကျက်သန်သူတွေ။ တနည်းပြောရင် သူတို့လည်း ကျက်နိုင်စိန်တွေပဲ။

ဦးကဝိက ကျက်အားမဲ့။ ကျက်အားမဲ့တော့ အလုပ်အားကောင်းတယ်။ အလုပ်အားကောင်းတော့ ခရီးပေါက်သွားခဲ့တယ်။ နောက်ဆုံးမှာ ကျက်အားမဲ့တပါးတော့ ခရီးကောင်းကောင်း ပေါက်သွားပြီဆိုတာကို ကျက်နိုင်စိန်တွေ အောင့်သက်သက်နဲ့ လက်ခံခဲ့ကြရပါတော့တယ်။ (စွန်းလွန်းဆရာတော်ကြီးရဲ့ ထေရုပ္ပတ္တိထဲမှာ ပါပါတယ်။ စိတ်ဝင်စားရင် ရှာဖတ်ကြပါ။)

စာအုပ်ကြီးသမားတွေကို မမုန်းပါဘူး

အာဆီယံ ပညာရေးမူဝါဒ စာအုပ်ထဲမှာ ဝါကျတကြောင်းတွေ့မိတယ်။

Poorly written textbooks can reinforce rote-learning. ခပ်ညံ့ညံ့ ဖတ်စာအုပ်တွေဟာ အလွတ်ကျက်ခြင်းကို ခိုင်မာလာစေနိုင်ပါသတဲ့။

ဓာတ်ရှင်နယ်ပယ်မှာ ထူးချွန်ထင်ရှားခဲ့ဖူးသူ စာရေးဆရာ ဝင်းဦးရဲ့ နာမည်ကျော် “မိန်းမလှအမုန်း”ဝတ္ထုရှည်ကြီးထဲက ဝါကျတခုကိုလည်း ကိုးကားချင်ပါသေးတယ်။ “မောင်က စာအုပ်ကြီးသမားတွေကို မမုန်းပါဘူး။ စာတအုပ်တည်းသမားတွေကိုသာ မုန်းတာပါ”တဲ့။

အဘက်ဘက်က နောက်ကျ ကျန်နေခဲ့တဲ့ ကျနော်တို့တွေအတွက် သင်ယူဆည်းပူးမှုက သေမတတ်အရေးကြီးပါတယ်။ ကျနော်တို့ရဲ့ ကနေ့ လူငယ် အများစုမဟုတ်ဘူးဆိုရင်တောင် အတော်များများဟာ တဖက်ပိတ်အတွေးအမြင်တွေနဲ့ ဖြစ်နေတာ စာအုပ်မျက်နှာစာမှာ သူတို့ရေးနေ၊ တင်နေ၊ လက်ဆင့်ကမ်းနေတာနဲ့တင် ထင်ရှားနေပါတယ်။ သူတို့တွေဟာ တကယ်တော့ လူတော်လေးတွေပါ။ သို့သော် သူတို့တွေဟာ ဆရာဝင်းဦးရေးခဲ့သလို “စာတအုပ်တည်းသမား”တွေသာ ဖြစ်နေရှာကြပါတယ်။

အလွတ်ကျက်စနစ်နဲ့ ကြီးပြင်းလာ၊ လူဖြစ်လာခဲ့ရသူတွေမို့ အဲလိုဖြစ်နေတာ သူတို့အပြစ်မဟုတ်ပါဘူး။ ခမျာများမှာ စနစ်ရဲ့ သားကောင်ဖြစ်နေရှာကြတာပါ။

မကြာခင် ရောက်လာတော့မယ့် ဉာဏ်ရည်တု လွှမ်းမိုးသွားမယ့် ခေတ်ကြီးမှာ အဲဒီ့စာတအုပ်တည်းသမားတွေ ဘယ်လို ရပ်တည်ကြမှာလဲ။ ဘက်စုံ ထောင့်စုံက ဆင်ခြင်နိုင်အောင်၊ အသိပညာ ခိုင်လုံအောင် စာတအုပ်တည်းနဲ့တော့ ဘယ်လိုမှ မဖြစ်နိုင်ပါဘူး။ စာတအုပ်မက အများအပြား ဖတ်တတ်အောင်၊ ဖတ်ရဲအောင်၊ ဖတ်ကျင့်ရှိအောင် ပညာရေးစနစ်ကသာ လုပ်ဆောင်ပေးနိုင်ပါလိမ့်မယ်။

သို့သော်…

ခက်တာက… ကျနော်တို့မယ် ဦးစားပေးရမှာတွေက သိပ်များနေတယ်။ ဆုံးဖြတ်ချက်ချမှတ်သူတွေကလည်း လူထုအကျိုးစီးပွားအတွက် ဆုံးဖြတ်ချက်ချမှတ်ဖို့ထက် မိမိတို့ ထိုင်စရာနေရာတနေရာလေးကိုပဲ မဲတင်းနေခဲ့တာ လွတ်လပ်ရေးရကတည်းကလို့ဆိုရင် မမှားတန်ကောင်းဘူးလို့ ထင်ပါတယ်။ လူ့ဘောင်အပေါ် တကယ် စေတနာထားသူတွေကလည်း နေရာရရိုး မရှိတဲ့ ပတ်ဝန်းကျင်မှာ ကျနေ်ာတို့ နေနေကြရတာလည်း နှစ်ပရိစ္ဆေဒ ကြာမြင့်လှပါပြီ။

အဲတော့လည်း ကျနော်တယောက် ရူးလို့ လျှောက်ရေးနေတယ်ပဲ မှတ်ကြပါဗျာ။

ဘာကိုမှ မမျှော်လင့်အားတော့ပါဘူးလေ…

(စာဖတ်သူများကို စိတ်ညစ်အောင် လုပ်မိသွားတဲ့အတွက် ကျနော့်ကို ခွင့်မလွှတ်ကြပါနဲ့ဗျာ။ ကျနော် ညစ်နေတာကို လက်ဆင့်ကမ်းပေးလိုက်တာပါ။)

အားလုံး တွေးဆ ဆင်ခြင်ကြည့်နိုင်ကြပါစေ…

အတ္တကျော်

(၁၀၀၆၁၉)

တိရစ္ဆာန်စိတ်နဲ့ စိတ္တဇ

ဖြုတ်သွားတဲ့ မှတ်ချက်တခု

မနေ့က တင်လိုက်တဲ့ စိတ္တဇသားကောင်များ ပို့(စ်)အောက်မှာ ၈-၉-၁၀ တန်း ကျူရှင်ဆရာတယောက်က မှတ်ချက်လာရေးတယ်။ သူကတော့ ကလေးတွေ သူ့ကျူရှင်နဲ့ ဝေးဝေးမှာ သောက်ရင် ခွင့်ပြုတယ်။ သူ့ကျူရှင်မှာ သောက်တာတွေ့ရင်တော့ ရိုက်တယ်။ ဆေးပြားအန္တရာယ်လည်း ရှိသေးတယ်ဆိုတာပါ ပါပါတယ်။ (ဆေးပြားကို အလျဉ်းသင့်မှ သတ်သတ် ထပ်ဆွေးနွေးပါ့မယ်။)

Image may contain: one or more peopleကျနော်က မရိုက်ဘဲ တခြားနည်း အရေးယူဖို့ သူ့ကို အကြံပြုခဲ့ပါတယ်။ ကိုယ့်ကို ဘာမှ ပြန်မလုပ်နိုင်တဲ့သူအပေါ် အင်အားသုံးတဲ့ အကျင့်ဆိုးကြီး သည်နိုင်ငံမှာ ကွယ်ပျောက်စေချင်လို့ဆိုပြီးလည်း ပြောခဲ့ပါတယ်။

သူက အကြံပေးတာ ကျေးဇူးတင်ပါတယ်လို့ ပြောပါသေးတယ်။

ဖြစ်ချင်တော့ မိတ်ဆွေတယောက်က သည်ခေတ်မှာ သည်လို ရိုက်နှက်နေသေးတာကို အံ့သြတဲ့အကြောင်း အဲဒီ့အောက်မှာ လာရေးပါတယ်။

အဲဒီ့အထိ ကျနော် ဖတ်လိုက်ရသေးတယ်။

အခု ပြန်ရှာတော့ အဲဒီ့ ကျူရှင်ဆရာရဲ့ မှတ်ချက် မူရင်း မရှိတော့ဘူး။ သူ ဖြုတ်သွားပါပြီ။

လက်ယဉ်နေတဲ့ ကိုယ်ပိုင်ကျောင်းတွေ

ပြောရတာတော့ သိပ်မကောင်းလှဘူး။ ကြားနေရတာကတော့ အောင်ချက် သိပ်ကောင်းတဲ့ အထက်အညာက ကိုယ်ပိုင်သင်တန်းကျောင်းကြီးတခုသည်လည်းပဲ အရိုက်အနှက် ဧတဒဂ်တဲ့။ ကိုယ်ပိုင်သင်တန်းကျောင်း အတော်များများဟာ တုတ်နဲ့ သူတို့ နာမည်ကောင်းရအောင် ကြိုးပမ်းနေကြသလားလို့တောင် တွေးချင်စရာပါပဲ။ အရိုက်ခံရရာက နှလုံးမခံနိုင်တော့လို့ ဆယ်တန်းကျောင်းသားလေးတယောက် အတန်းထဲတင် သေသွားခဲ့ဖူးတဲ့ ဖြစ်ရပ်လည်း လွန်ခဲ့တဲ့ နှစ် ၂၀ နီးပါးက အထက်မြန်မာပြည်မှာ ရှိခဲ့ဖူးပါတယ်။

ကိုယ်ပိုင်သင်တန်းကျောင်းတွေသာ ဖွင့်ထားကြ၊ ကိုယ့်ဘာသာခန့် ဆရာတွေသာ တက်လုပ်နေကြတာ၊ စာတော့ နှံ့အောင် ဖတ်ဖူးကြပုံ မရဘူး။

အထင်ကရ တခု ရှိခဲ့ဖူးပါတယ်။

တုတ်သာ အလုပ်ဖြစ်ရိုးမှန်ရင်

လွန်ခဲ့တဲ့ နှစ်ပေါင်း ၁၀၀ ကျော်ကဖြစ်မယ်လို့ မှန်းရပါတယ်။ ဆရာတော်ကြီး ပျံလွန်တော်မူခဲ့တာတောင် နှစ်ပေါင်း ၆၀ ကျော်မှကိုး။

ရဟန္တာကြီးရယ်လို့ နာမည်ကြီးလှသလို လွန်ခဲ့တဲ့ နှစ်ပေါင်း ၆၀ ကျော်က ခန္ဒာဝန်ချခဲ့တဲ့ ဥတုဇရုပ်ကလာပ်ဟာလည်း ဘာဆေးမှ မစိမ်ဘဲ ယနေ့ထက်တိုင် မြင်းခြံမှာ အထင်အရှားရှိနေဆဲ စွန်းလွန်းဂူ ဆရာတော်ကြီး ဦးကဝိရဲ့ ငယ်ဘဝဖြစ်ရပ်ပါ။

အဲဒီ့ခေတ်၊ တောရွာက ကလေးပီပီ ဦးကဝိလောင်းလျာ မောင်ကျော်ဒင်လေးကို ဘုန်းကြီးကျောင်းမှာ ထားခဲ့ပါတယ်။

ဘုန်းကြီးကျောင်းမှာ သုံးနှစ်နေသည့်တိုင် မင်္ဂလသုတ် နောက်ဆုံးပိုဒ် မရလို့ ဘုန်းကြီးကျောင်းက အထုတ်ခံခဲ့ရတာ အဲဒီ့ မောင်ကျော်ဒင်ပါ။

လူကြီးမင်းများ စဉ်းစားကြည့်ပါ။

လွန်ခဲ့တဲ့ နှစ် ၁၀၀ ကျော် ဗမာ့အသိုင်းအဝိုင်းက ဘုန်းကြီးကျောင်းတွေမှာ ဘယ်လောက်များ ရိုက်နှက်ကြလေမလဲလို့။

သူတို့တုတ်သာ တကယ်စွမ်းရင် မောင်ကျော်ဒင်လည်း ကျောင်းထုတ်ခံရမှာ မဟုတ်ပါဘူး။ ရဟန္တာမထေရ်ကြီးလည်း ဖြစ်ချင်မှ ဖြစ်လာပါလိမ့်မယ်။

အဟိတ်တိရစ္ဆာန်တို့ရဲ့ စိတ္တဇ

တုတ်နဲ့ ပြုပြင်လို့ ရမယ်၊ သွန်သင်လို့ ရမယ်ဆိုတဲ့ စိတ္တဇဟာ စိတ္တဇတကာအနက်မှာ အဟိတ်တိရစ္ဆာန်နဲ့ အနီးစပ်ဆုံး စိတ္တဇပါပဲ။

ကျနော် ဒါကို အကြိမ်ကြိမ်ရေးခဲ့ပြီးပါပြီ။ ၂၀၁၅ ခုနှစ် နိုဝင်ဘာလကုန်တုန်းကလည်း ကြေးမုံမှာ ရေးခဲ့ဖူးပါတယ်။

ဟိုကျူရှင်ဆရာအပါအဝင် မဖတ်ဖူးသူတွေ ပြန်ဖတ်ရအောင် လင့်(ခ်) ထပ်ပေးလိုက်ပါရစေ။

အကြမ်းဖက်မှုများ ဆိတ်သုဉ်းပါစေသား…

ကြေးမုံ လင့်(ခ်) https://goo.gl/jf6fEf

အားလုံးတွေးဆ ဆင်ခြင်ကြည့်နိုင်ကြပါစေ…
အတ္တကျော်
(၀၉၀၆၁၉)

စိတ္တဇ သားကောင်များ

၁။

လွန်ခဲ့တဲ့ ၁၂ နှစ်ကပေါ့။

ကျနော့်သား ကိုးတန်းကျောင်းသားဟာ အတန်းတင် စာမေးပွဲကြီး ဖြေရခါနီး တလသာသာ အလိုမှာ ရန်ကုန်မြို့ရဲ့ အထင်ကရ ကျောင်းကြီးတခုကနေ ကျောင်းထုတ်တာ ခံလိုက်ရပါတယ်။

ပြစ်မှုက အယ်စတုံကြီး။ သူ့လွယ်အိတ်ထဲက စီးကရက်တဘူး မိလို့တဲ့ဗျား။

No photo description available.တနေ့က ပြောခဲ့တဲ့အတိုင်း (ကန်တော့ပါရဲ့ဗျာ) ကိုယ်တိုင် ဖင်က မီးခိုးထွက်အောင် သောက်ပေမယ့် သားလုပ်သူ ကျနော် ဆေးလိပ်သောက်တာ မိတော့ သေအောင်ရိုက်ပြီး တားဖို့ ကြံခဲ့တဲ့ အဖေ့ကို ကျနော် အစာမကျေခဲ့ဘူး။

ကျနော် ဖအေလုပ်ရတဲ့ အလှည့်ကျ ပိုဆိုးတယ်။ ကျနော်သာမက ကျနော့်အိမ်သူပါ ဆေးလိပ်သောက်နေကြတာလေဗျာ။

၂။

အဲတော့ သား ဆေးလိပ်သောက်တာကိုလည်း မတားခဲ့ဘူး။ ၈ တန်းကတည်းက ခွင့်ပြုခဲ့ပါတယ်။

တခါ ရေးဖူးတယ် မှတ်တယ်။ ကျနော့်အိမ်မှာ စည်းကမ်းတခုပဲ ရှိတဲ့အကြောင်း။ အဲဒီ့ တခုတည်းသော စည်းကမ်းက မလိမ်ရဘူး။ မဖုံးမဖိ မကွယ်မဝှက်ရဘူး။ ဒါပဲ။

ကျန်တာ ကြိုက်တာ မှား။ ကျနော်လည်း မှားကောင်းတုန်းပဲလေ။

ဒါပေမယ့် သားကို မှာရတယ်။ ကျောင်းက အိမ်မဟုတ်ဘူး။ အိမ်မှာ အဝသောက်၊ ကျောင်းနဲ့ ကင်းကင်းနေပေါ့။

အဲဒါကို မောင်မင်းကြီးသားက ကျောင်းထုတ်ခံရတယ်။ ထုတ်ပေါ့။ ကျနော်လည်း သည်ပညာရေးကို သိပ်ကြောင့်ကြစိုက်နေတာမှ မဟုတ်တာ။ လက်ဆောင်ခြင်းတွေ၊ ပက်ဆပ်ထုပ်တွေနဲ့ လိုင်းဝင်ရင် အိုခေသွားမယ်မှန်း သိလျက်နဲ့ မသိချင်ယောင်ဆောင်ပြီး ကျောင်းထုတ်တာကို အသာတကြည် ခံယူလိုက်ပါတယ်။ ၉ တန်း ဖြေခွင့်ပေးပြီးတဲ့နောက် ကျောင်းထွက်လက်မှတ် ထုတ်ပေးရင် ပြီးတာပဲပေါ့။

သားကိုတော့ ကျောင်းထုတ်ခံရအပြီး ကားပေါ် ပြန်အရောက်မှာ တခွန်း နာနာကျည်းကျည်း ပြောပလိုက်တယ်။

“ကတောက်… အတော် အသုံးမကျတဲ့ ကောင်… ဆေးလိပ်ကြောင့် ကျောင်းထုတ်ခံရတာ မင်း ငါ့ထက် ၄ နှစ် နောက်ကျသကွ။ ငါက ငါးတန်းမှာတင် ဆေးလိပ်သောက်တာ၊ ညဘက် ကျောင်းအုတ်တံတိုင်းကျော်တက်ပြီး ညဈေးတန်း သွားလည်တာတွေ မိလို့ ဘော်ဒါက အထုတ်ခံခဲ့ရတာကွ…”

၃။

မှန်ပါတယ်။ စိန့်ပီတာလို့ သိကြတဲ့ မန်းလေး အမှတ် ၉ အထကမှာ ကျောင်းအိပ်ကျောင်းစားနေနေတုန်း ဆေးလိပ်မှုနဲ့ အထုတ်ခံခဲ့ရတာ ကျနော် ငါးတန်းမှာပါ။ သည်ကောင် ၄ နှစ် နောက်ကျတာ အမှန်ပဲမဟုတ်လား။

အဲလိုနဲ့ သားတော်မောင်လည်း ၉ တန်း အောင်သွားပြီးတဲ့နောက် မေမြို့က နာမည်ကျော် ပုဂ္ဂလိက စာသင်ကျောင်းကြီးတခုမယ် ကျောင်းအိပ် ကျောင်းစား သွားနေရပါတော့တယ်။

သီတင်းကျွတ် ကျောင်းပိတ်ရက်မှာ သူ့ကို ရန်ကုန် ပြန်ခေါ်လာတော့ မန်းလေးမှာ တည အိပ်ကြတယ်။ သား အိပ်ပျော်နေချိန်မှာ သူ့ခြေသလုံးမှာ သွေးခဲတွေနဲ့ အရှိုးရာ ဗရပွတွေ့တယ်။

ဒါနဲ့ သားနိုးလို့ မေးကြည့်တော့ သူ ဆေးလိပ်သောက်တာ မိသွားလို့ အဆောင်မှူး ဆရာက ရိုက်ထားတာတဲ့။

၎။

အတော် ကျက်သရေတုံးတဲ့လူ၊ ဉာဏ်မရှိတဲ့လူ၊ ကိုယ့်ကို ဘာမှ ပြန်မလုပ်နိုင်သူအပေါ် အငြိုးတကြီးနဲ့ သွေးထွက်သံယိုဖြစ်အောင်အထိ ရိုက်နှက်တတ်တာဟာ ကြီးနိုင်ငယ်ညှဉ်း လုပ်တာမို့ သူဟာ ဆရာသာဆိုတယ်၊ တိရစ္ဆာန်စိတ်နဲ့ နေထိုင်သူပဲ။

ကျနော် အတော် စိတ်ဆိုးသွားတယ်။

သားက ကျနော့်ကို ဖျောင့်ဖျတယ်။ အဲဒီ့ (ဂေါ်ရခါး) ဆရာက ခံစားချက် ပြင်းတယ်တဲ့။ သူ့အမေက ဆေးလိပ်ကြောင့် သေတာဆိုတဲ့အစွဲနဲ့ ဆေးလိပ် ဆန့်ကျင်ရေးသမားကြီး ဖြစ်နေရှာတာပါ အဖေရယ်တဲ့။

ကျောင်းအုပ်/သင်တန်းပိုင်ရှင် သထိန်းဆီ စာတိုစာရှည်ရေးပြီး တိုင်တော့လည်း ခုခေတ်စကားနဲ့ဆိုရင် စောင်တောသားပီပီ လူလူချင်း လေးစားစိတ်နဲ့ အကြောင်းပြန်ရကောင်းမှန်းတောင် သင်း မသိခဲ့ပါဘူး။

၅။

ထားပါတော့ဗျာ…

အခု မယ်မွှေတယောက် ပေါ်လာပြီး ဓာတ်ရှင်ကို ပျောက်သနာ ရှာလိုရှာ၊ သင်ရိုးညွှန်းတမ်းကို တောင်ပြောမြောက်ပြော ပြောလိုပြော လုပ်နေတဲ့ အကြောင်းတွေ ဖတ်ရတဲ့အခါ ဟို တိရစ္ဆာန်စိတ်နဲ့ စာသင်တဲ့ဆရာ တက်လုပ်နေသူကို ပြေးသတိရမိသွားတယ်။

မယ်မွှေ့ကို တိရစ္ဆာန်လို့ ပြောလိုက်တာ မဟုတ်ပါဘူးနော်။

လူတွေရဲ့ စိတ္တဇ၊ စိတ်ဒဏ်ရာနဲ့ သူတို့ လုပ်ရပ်တွေရဲ့ အဆက်အစပ်ကို တွေးမိသွားတာပါ။

၆။

ဒါ့ကြောင့် ဘုရားက ဟောထားတာ… ပုထုဇနော ဥမ္မတ္တကောတဲ့။ လူတိုင်း ရူးနေကြတာတဲ့။

သူတို့လည်း သူတို့ စိတ္တဇနဲ့ သူတို့၊ မှန်တယ် ထင်တာ စွတ်လုပ်နေကြတာ။

ကျနော်လည်း ဆေးလိပ်ကို ထိရင် နည်းနည်းမှ မခံချင်တဲ့ ကျနော့် စိတ္တဇနဲ့ ကျနော် သည်စာကို ချရေးလိုက်ပါတယ်။

စာဖတ်သူလည်း ကိုယ့်စိတ္တဇနဲ့ကိုယ် like ချင်လည်း like ၊ ဟဟ ပေးချင်လည်း ပေး၊ ဆေးလိပ်မသောက်ဖို့ မှတ်ချက်လာရေးချင်လည်း ရေး။

ဘာလုပ်လုပ် ဘိန်းစားချင်းအတူတူပဲလို့သာ မှတ်ထားလိုက်မယ်ညော်…

အားလုံး တွေးဆ ဆင်ခြင်ကြည့်နိုင်ကြပါစေဗျား…

အတ္တကျော်

(၀၈၀၆၁၉)

ဆိတ်ကွယ်ရာမရှိ

သင်ခန်းစာနော်

တယောက်ယောက် မှားသွားရင်၊ လွဲသွားရင်၊ ချာသွားရင် အပြစ်ပြောရတာ၊ ကဲ့ရဲ့ရတာ လွယ်ပါတယ်။ ခက်တာက သူများအမှားကနေ ကိုယ့်အတွက် အမြတ်ထုတ်တတ်ဖို့ပါ။

နိုင်ငံတော်သမ္မတ လစ်လပ်နေရာမှာ ဘယ်သူဖြစ်လာမလဲဆိုတဲ့ စိတ်ဝင်းစားမှုကိုတောင် ကျော်လွှားသွားနိုင်ခဲ့လေတဲ့ ဗမာကျော် အုပ်စုဖွဲ့ ကျိတ်ပြောစကားတွေ လူမှုမီဒီယာတခွင် ပြဲပြဲစင်အောင် ပျံ့နှံ့ကုန်တဲ့ ဖြစ်ရပ်ကို ပြောချင်တာပါ။

သည်ကိစ္စမှာ ကျွန်တော်မြင်လိုက်မိတာကတော့ အားလုံး ယူထိုက်တဲ့ သင်ခန်းစာသာ ဖြစ်ပါတယ်။

သူတို့က ဗမာကျော်တွေမို့၊ ကိုယ်က ပါချီပါချက်မို့ မဆိုင်ဘူး မမှတ်ပါနဲ့။

အင်ထနက်ကို သုံးနေသမျှ ဘယ်လိုမှ တိုးတိုးတိတ်တိတ်မဟုတ်နိုင်ဘူးဆိုတာကို သင်ခန်းစာ ယူကြဖို့က အင်မတန် အရေးအကြီးပါတယ်။

ဖြစ်ဖူးခဲ့ပါ၏

ရှေ့မှာလည်း ဖြစ်ရပ်တွေ အများကြီး ရှိပါတယ်။ အထူးသဖြင့် မိန်းကလေးတွေပါ။ သူတို့က သူတို့ပုံလေးတွေ လှတပတလို့ ထင်ပြီး တင်တယ်။ မသမာသူက ယူသွားတယ်။ မဟုတ်တရုတ်စာမျက်နှာတွေမှာ ဖြန့်တော့မှ မျက်ရည်နဲ့ မျက်ခွက်ဖြစ်ရသူတွေလည်း မြင်ဖူးပါတယ်။

pexels-photo-230554.jpegဟိုတရက်က ပြောလိုက်တဲ့ ခံစားတဲ့ဦးနှောက်ကို ရှေ့တန်းတင်တယ်၊ ဆင်ခြင်တဲ့ ဦးနှောက်နဲ့ မစဉ်းစားဘဲ ထင်ရာ မြင်ရာ ပြောချလိုက်တယ်၊ ပြီးတော့မှ စကားမှားသွားမှန်း သိပြီး မိနစ်ပိုင်းအတွင်း ပြန်ဖျက်တယ်။ မမီတော့ဘူး။ ကိုယ်တင်တာကို ဓာတ်ပုံရိုက်ယူလိုက်တဲ့သူက ယူပြီးနေပြီ။ ဖြန့်ပြီးနေပြီ။ ငြင်းမရတော့ဘူး။

ကျွန်တော်ကိုယ်တိုင်တောင် လုပ်ဖူးသေးတယ်။ မူးလို့ပါဆိုပြီး အကြောင်းပြနဲ့ ကျွန်တော်နဲ့ နှစ်ယောက်ချင်းကြားမှာ (အုပ်စု မဟုတ်ဘူးနော်၊ နှစ်ယောက်ထဲ) သူ့ကို စေတနာထားသူ၊ ချစ်ခင်သူတွေကို စော်ကားမော်ကား ပြောထားတဲ့ စကား။ ကျွန်တော် ချက်ချင်း ဓာတ်ပုံရိုက်ယူထားလိုက်ပါတယ်။ သူပြောသူတွေကိုတော့ ပြန်မပြပါဘူး။ သို့သော် သူ့ကို ပြင်းပြင်းထန်ထန် သတိပေးဖို့အတွက် အဲဒီ့ ဓာတ်ပုံကို သုံးတာပါ။ မောင်မင်းရဲ့ လုပ်ရပ်တွေကို ရပ်တန်းက ရပ်၊ မရပ်ရင် ဟောဒီ့မှာ အထောက်အထားနဲ့ မောင်မင်း လူတောထဲ တိုးမရအောင် လုပ်လိုက်မယ်ဆိုပြီး ခြိမ်းခြောက် သတိပေးရတော့တာပါ။ တခါတည်းကို မိတ်ပျက်သွားပေမယ့် သူအတော် ဆင်ခြင်သွားတာကတော့ အမြတ်ပါပဲ။

“ကောင်မကြီး”နဲ့ ကျွန်တော်

ဟိုးနှစ်ပေါင်းများစွာက ဖွဘုတ်မှာပဲ ကျွန်တော့်ရဲ့ “ကောင်မကြီး”ဆိုတဲ့ အသုံးအနှုန်းကြောင့် ပွက်လော အတော်ရိုက်သွားခဲ့ဖူးပါတယ်။ ကျွန်တော့်ဘာသာ အဆက်ဟောင်းတယောက်ကို ရည်ညွှန်းလိုက်တာပါ။ “ကောင်မလေး”လို့ ပြောတာကျ ဘယ်သူမှ မနာပေမယ့် “ကောင်မကြီး”လို့ ပြောလိုက်တာကျတော့ နာလိုက်ကြတဲ့ မိန်းမတွေဗျာ၊ နည်းမှတ်လို့။ သွားလေသူ ဆရာမကြီးတယောက်တောင် ပါသေးတယ်။

ကျွန်တော်ကတော့ အဲဒီ့ပို့(စ်)ကို ယနေ့ထက်တိုင် ဖျက်မပစ်ခဲ့ပါဘူး။ စကားလုံး အသုံးအနှုန်းနဲ့ ပတ်သက်လို့လည်း နောင်တ မရမိတာလည်း ပါပါတယ်။ တဖက်သားကို စော်ကားလိုတဲ့ စိတ်နဲ့ သုံးလိုက်တာ မဟုတ်မှန်း ကျွန်တော့်လိပ်ပြာ ကျွန်တော် အသိဆုံးပဲလေ။

ဘာပဲဖြစ်ဖြစ်၊ အဲဒီ့ကတည်းက ကျွန်တော် တော်တော် မှတ်သွားခဲ့ပါတယ်။ ဖွဘုတ်မှာ စကားလုံး အသုံးအနှုန်းကို အလွန်ဂရုစိုက်ရတယ်ဆိုတဲ့ နီတိကိုလည်း အသည်းစွဲအောင် မှတ်သွားပါတော့တယ်။

လူနည်းတာ များတာ ပဓာနမဟုတ်

ရှိသေးတယ်။ သည်စာရင်းမှာတော့ မဟုတ်ဘူး။ ကျွန်တော့် နာမည်ရင်းနဲ့ လူနည်းနည်းလေးပဲ ရှိတဲ့စာရင်းမှာပါ။ အဲတုန်းက လူ ၂၀၀ ကျော်ပဲ ရှိပါသေးတယ်။ (ခုတော့ ၄၀၀ နည်းနည်းစွန်းလာလို့ စိတ်ပိန်နေပါတယ်။ မကြာခင် လျှော့ချမှာပါ။) အဲဒီ့မှာ လွန်ခဲ့တဲ့ နှစ် ၄၀ ကျော်က ကျွန်တော်နဲ့ တွဲခဲ့ဖူးတဲ့ ကျွန်တော့် ပထမဆုံး ရည်းစားနဲ့ အတူတွဲရိုက်ထားတဲ့ ဓာတ်ပုံလေးကို တင်မိခဲ့တာပါပဲ။

မိတ်ရင်းဆွေချာ ဒေါ်တိကျတယောက်က ပြင်းပြင်းထန်ထန် အသည်းအသန် ကန့်ကွက်ပါတယ်။ နှစ်တွေ ကြာခဲ့ပြီ ဖြစ်သော်ငြား တဖက်သားရဲ့ မိသားစုကို ငဲ့ကွက်သင့်တဲ့အကြောင်းက အဓိကပါ။ ဒေါ်တိကျက ငယ်တော့ ဟို တယောက်နဲ့ ဘယ်လိုမှ မပတ်သက်ပါဘူး။ သူက မူကို ပြောနေတာပါ။

ကျွန်တော် အဲဒီ့ပုံကို ဖြုတ်ချခဲ့ရဖူးပါတယ်။ ဒါပေမယ့် နောက်ကျသွားလောက်ပြီဆိုတာလည်း တွေးလိုက်မိပါတယ်။ ရှိနေတဲ့ မိတ်ဆွေ ၂၀၀ ကျော်ထဲက မည်သူမဆို ကူးယူထားလိုက်နိုင်တယ်ဆိုတာကို တွေးမိလို့ပါ။

သင်ခန်းစာတွေပါပဲ။

နောက်တချက်က အရက် ဘီယာမူးနေရင် ဖွဘုတ်ပေါ် ယောင်လို့တောင် မတက်မိအောင်၊ တက်မိရင်လည်း ဘာမှ မရေးမိအောင် ဆင်ခြင်ဖို့ လိုပါတယ်။ အဲဒီ့အချိန်မှာ ဆင်ခြင်တဲ့ ဦးနှောက်က ထိုင်းမှိုင်းပြီး အလုပ်မလုပ်တော့ဘဲ ခံစားတဲ့ ဦးနှောက်က တက်တက် လွှမ်းမိုးတတ်တာကိုး။

အခုလည်းပဲ အုပ်စုဖွဲ့ ကျိတ်ပြောစကားတွေက ဆိုခဲ့တဲ့အတိုင်း ဒုသမ္မတ သတင်းထက်တောင် လှုပ်ခတ်သွားခဲ့ပါတယ်။ လှုပ်ခတ်နေဆဲပါပဲ။

သင်ခန်းစာ သုံးရပ်

ပါဝင်တဲ့ အကြောင်းအရာကို မဝေဖန်လိုပါဘူး။ အားလုံးက သူ့သဘော သူဆောင်နေကြတာပဲလေ။ ဒါပေမယ့် ယူရမယ့် သင်ခန်းစာ အကြီးကြီးကတော့ ရှိပါတယ်။

ပထမဆုံးကတော့ အထက်က ပြောခဲ့တဲ့ အင်ထနက်ရဲ့ မလုံခြုံမှု သဘောပါ။

ဒုတိယက ပိုအရေးကြီးပါတယ်။ အဲဒါက အဲဒါမျိုးဖြစ်သွားခဲ့သည်ရှိသော် ဘယ်လို တုံ့ပြန်မလဲဆိုတာပါ။

ဘာမှ မလုပ်တတ်သေးရင် ငြိမ်ပြီး အသာလေးကြည့်နေတာက အကောင်းဆုံးပဲလို့ မြင်မိပါတယ်။ ဟိုက်… ရွှေကျိုးတော့ နည်းပြီ၊ တခုခုတော့ လုပ်မှဆိုပြီး သွေးရူးသွေးတမ်း ထလုပ်ခြင်းဟာ ဖွပ်သထက် ညစ်သွားစေတတ်တယ်ဆိုတဲ့ သင်ခန်းစာပါပဲ။

တတိယက မှားသွားရင်း မှားသွားကြောင်း ဝန်ခံတောင်းပန်တာပါ။ အဲဒါဟာ လိမ်ညာ ဖုံးဖိဖို့ အားထုတ်တာထက် ခြောက်သွားတဲ့လက် ပြန်စိုမလာတောင် သွေ့သွေ့လေးဖြစ်လာအောင် ပံ့ပိုးပေးနိုင်ပါတယ်။ သည်သင်ခန်းစာကိုလည်း သည်ဖြစ်ရပ်က ပေးသွားပြန်ပါတယ်။

ကျွန်တော့်ပင်ကိုစရိုက်နဲ့ အဖွဲ့တို့ရဲ့ သဘာဝ

ကျွန်တော်လည်း အဲလို အုပ်စုဖွဲ့ ကျိတ်ပြောတာတွေထဲမှာ ထင်းခွေမကြုံ၊ ရေခပ်ကြုံရတတ်ပါတယ်။ မိနစ်ပိုင်းအတွင်းမှာ အဲဒီ့လို အဖွဲ့တွေထဲက ထွက်ချလိုက်တာပါပဲ။ အဓိကကတော့ တယောက်ပြောလိုက်တိုင်း ကိုယ့်ဆီမှာ အသိပေးစာတွေ တတိန်တိန်နဲ့ တက်လာတာကို သည်းမခံနိုင်လို့ပါ။ ကျွန်တော့်မှာ နှောင့်ယှက်သံကို သည်းမခံနိုင်တဲ့ ရောဂါ အရင့်အမာ ရှိပါတယ်။ ဖုန်း ထမြည်ရင်တောင် အလိုလို စိတ်တိုတတ်တဲ့ ရောဂါမျိုးနဲ့ကိုး။

အင်ထနက်ပေါ်က အဖွဲ့တွေကိုလည်း ကျွန်တော် တတ်နိုင်သမျှ ရှောင်ပါတယ်။ မလည်မဝယ်တုန်းက သီချင်းအဖွဲ့တဖွဲ့ထဲ စိတ်ဝင်စားလွန်းလို့ ဝင်မိဖူးတယ်။ သီချင်းဆိုသူ ဘယ်သူမှန်း မသိလို့ မသိဘူးလို့ ရေးတင်မိတာနဲ့ ကျွန်တော့်ကို အသားလွတ် နင်ပဲငဆ အပြောခံလိုက်ရပါတယ်။ ပြောသူက ဘယ်သူမှန်းလည်း ကျွန်တော် ယနေ့ထက်တိုင် မသိပါဘူး။

နာမည်ရင်းနဲ့ စာရင်းဖွင့်ထားသူ ဖြစ်ပေမယ့် သွားလည်း ကြည့်မနေတော့ပါဘူး။ အတော့်ကို ရိုင်းရိုင်းပြပြ ပြောလို့ပါ။ ပြောသူကို အပြစ်မတင်ပါဘူး။ ကိုယ့်ကိုယ်ကိုယ်သာ အပြစ်တင်မိပါတယ်။ အဖွဲ့တွေထဲ ဝင်ချင်ဦးဟဲ့ဆိုပြီး ကိုယ့်ကိုယ်ကိုယ် ဆုံးမ လိုက်ပါတယ်။ အဲဒီ့အဖွဲ့ကို ဘယ်တော့မှ ပြန်မသွားတော့ပါဘူး။ သီချင်း နားမထောင်ရလို့ သေသွားမှာမှ မဟုတ်တာလေ။

မနေ့တနေ့က ထပ်ကြုံလိုက်ရပြန်တယ်။ အဲဒီ့အဖွဲ့ထဲ ကျွန်တော် ဘယ်လိုပါ သွားမှန်းတောင် မသိဘူး။ စီမံရေးရာ အဖွဲ့ဝင်တောင် ဖြစ်နေတယ်။ အဲဒီ့မှာ တယောက်က လာရေးတဲ့ အချက်တခုကို ကျွန်တော်ဆိုတဲ့ အမှတ်မရှိသော သတ္တဝါက ပြန်ဆွေးနွေးမိတယ်။

ဟား… ဘာပြောကောင်းမလဲ၊ ပုဂ္ဂိုလ်ရေးအရ ရိသဲ့သဲ့ ပြန်အပြောခံရတဲ့အပြင် မဆီမဆိုင် နောက်တယောက်က သံပြတ်နဲ့ သည်အဖွဲ့မှာ သည်လို မဖြစ်သင့်ဘူး၊ ဟိုလိုမဖြစ်သင့်ဘူးဆိုတဲ့ အာဏာသံပြင်းပြင်းနဲ့ ပြောထည့်လာပြန်ပါတယ်။ သူက သာမန်အဖွဲ့ဝင်ပါ။ စီမံရေးရာ တာဝန်ယူထားသူဆိုလည်း ထားတော့။ သူ့လေသံက ထန်လွန်းတော့ အကြောင်းအရာ မှန်နေဦးတောင် လက်ခံဖို့ ခက်ခဲနေတာကို သူကိုယ်တိုင် ရိပ်စားမိပုံမပေါ်ဘူး။

ကျွန်တော် တာ့တာ ပြလိုက်ပါတယ်။ ပထမအဖွဲ့ကိုလည်း အမှတ်ရသွားတယ်။ ဘယ်အဖွဲ့နဲ့မှ မပတ်သက်တော့ဘူးဆိုတဲ့ ကျွန်တော့်ဉာဉ်ကိုလည်း ထပ်လောင်း အားဖြည့်လိုက်ပါတယ်။ တော်လောက်ပြီလေ။ လက်တွေ့လောကထဲက အဖွဲ့တွေထဲမှာ ဘယ်အဖွဲ့မှာမှ မပါခဲ့ဖူးပေမယ့်၊ ယုတ်စွအဆုံး လမ်းစဉ်လူငယ်တို့၊ လမ်းစဉ်ပါတီတို့လို ကျွန်တော်တို့ခေတ်က လူတိုင်းလိုလို မလွှဲမရှောင်သာ ပါရတဲ့ အဖွဲ့တွေထဲတောင် ယောင်လို့ ခြေဦးမလှည့်ခဲ့ဖူးပေမယ့် အင်ထနက်ဆိုတဲ့ အတုအယောင်လောကက အဖွဲ့တွေထဲမှာ အကြောင်းအရာကို စိတ်ဝင်စားလို့ ဝင်ပါမိထားတာတွေ ရှိပါတယ်။ အဲဒါတွေကို ရပ်တန်းက ရပ်ပါတော့မယ်။

တချို့က ကျွန်တော့်ကို အဖွဲ့ဝင်အဖြစ် ထည့်ထားတာတွေလည်း ရှိပါတယ်။ ကျွန်တော် ဘယ်အဖွဲ့ကိုမှ မသွားပါဘူး။ မကြည့်ပါဘူး။ အားနာလို့ ငြိမ်နေတာသာ ဖြစ်ပါတယ်။

အုပ်စုဖွဲ့ ကျိတ်ပြောတာတော့ ကျွန်တော့်မှာ ရှိပါတယ်။ သားတွေ သမီးတွေနဲ့ ပြောတဲ့အခါပဲဖြစ်ဖြစ်၊ ဒါမှမဟုတ် တဖက်က လင်မယားနှစ်ယောက်နဲ့ ပြောတဲ့အခါ ဖြစ်ဖြစ်၊ အုပ်စုအနေနဲ့ ပြောဖြစ်ပါတယ်။ အလွန်ဆုံးမှ ၃-၄-၅ ယောက်ပေါ့။

ဒါကတော့ ကျွန်တော့်ရဲ့ ပင်ကိုစရိုက်နဲ့ သက်ဆိုင်ပါလိမ့်မယ်။ ကျန်တဲ့သူတွေကတော့ သဘောပါ။

သို့သော်… အဖွဲ့တွေနဲ့ ပတ်သက်လို့ တခုတော့ သတိထားသင့်ပါတယ်။

ကိုယ်ကကျူးရင် ကိုယ့်ဒူးတောင် စိတ်မချရ

ဒါလည်း ကျွန်ေတာ့်အတွေ့အကြုံပါပဲ။ မိန်းမတွေချည်းပဲ စုထားတဲ့ လျှို့ဝှက် အဖွဲ့တဖွဲ့ရှိဖူးပါတယ်။ အိမ်ထောင်သည်တွေချည်းပဲလား ဘာလားတော့ မမှတ်မိတော့ဘူး။ သူတို့ မိန်းမချင်း ပြောကြတာ။ ကျွန်တော်နဲ့ လားလားမှ မသက်ဆိုင်ပါဘူး။

အဟဲ… သို့သော်… အဲဒီ့အဖွဲ့ထဲမှာ အပြင်မှာ ဟန်တလုံး ပန်တလုံးနဲ့ မဟာ့မဟာ အိန်ဒလေ့ရှင် မမ တယောက် ကာမကိစ္စတွေကို ဘယ်လို ပြောဒယ်ဆိုတာ သိခွင့်ရခဲ့ဖူးသဗျ။ အဲ့ထဲက အဖွဲ့ဝင်တယောက်ကပဲ ပြန်ဖောက်သည်ချတာပါ။ သူရေးထားတာတွေကို ကျကျနန ရိုက်ကူးထားတဲ့ ဖန်သားပြင်ဓာတ်ပုံနဲ့တကွပေါ့နော်။

ဘယ်အဖွဲ့မှာဖြစ်ဖြစ် အားလုံးအတွက် ဆင်ခြင်စရာ ရမယ် ထင်ပါတယ်။

အစက ပြောခဲ့တာကို ပြန်ကောက်ပြီး နိဂုံးချုပ်ပါရစေ။

သူများကို အပြစ်ပြောရတာ၊ ကဲ့ရဲ့ရတာ လွယ်ပါတယ်။ ခက်တာက သူများအမှားကနေ ကိုယ့်အတွက် အမြတ်ထုတ်တတ်ဖို့ပါပဲခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၂၆၀၃၁၈)

(ပုံကို အင်ထနက်က ယူထားပါတယ်။)

လူစိတ်နဲ့ လူ့စိတ်

ကြောက်ခမန်းလိလိ

ဟုတ်မဟုတ်တော့ မသိဘူး။ တဆင့်ကြား စကားမို့ အဲလို ပြောရတာပါ။

သည်နှစ်မှာ သမရိုးကျ ဗမာကားတကား အလွန်ပေါက်သွားတယ်။ သည်မှာတင် အဲဒီ့ကားမှာ ပါတဲ့ မင်းသားလေးရဲ့ ဈေးလည်း ထိုးတက်သွားပါတယ်။ ကားကြီး (ရုပ်ရှင်)တကားအတွက် သူ့သရုပ်ဆောင်ခက သိန်း ၈၀၀ ပါတဲ့။ ရိုက်ရက်က ၁၀ ရက်ပဲ ပေးပါမယ်တဲ့။ အဲ… အဲလိုဆိုလို့ သူ့ကို ရက်ချိန်းယူထားဖို့က ၂၀၁၉ အတွက် မရနိုင်တော့ဘူးဆိုပဲ။ ရှိသမျှ ဆူပါ မင်းသားတွေရဲ့ ဈေးကိုတောင် အပြတ်အသတ် ကျော်တက်သွားပြီတဲ့။

ပြည်တွင်း အခွန်က တာဝန်ရှိသူတွေတော့ ဘယ်လို တွက်ချက်ကောက်ခံနေကြတယ် မသိဘူး။ တကား သိန်း ၈၀၀၊ ရိုက်ရက် ၁၀ ရက်၊ တလကို ၁၀ ရက်ပဲ ရိုက်တယ်ထား၊ တနှစ်ကို ကားကြီး ၁၂ ကား၊ သိန်း တသောင်းနား ကပ်နေပါပြီ။

အောင်မြင်တာ၊ ပိုက်ဆံရတာ မုဒိတာ ပွားစရာ ကောင်းပါတယ်။ ဟောလီးဝု(ဒ်) သရုပ်ဆောင်တွေ ရတဲ့နှုန်းနဲ့ ယှဉ်ရင် အပုံကြီးလည်း နည်းမှာပေါ့နော်။

ဘာလိုချင်တာလဲ၊ ဘာဖြစ်ချင်တာလဲ

ဒါပေမယ့် အဲဒါဟာ ကနေ့ ဓာတ်ရှင်လောကရဲ့ ပြဿနာပါပဲ။

ဟိုနေ့က ဓာတ်ရှင်မျိုးရိုးတယောက်က ပြောသွားတယ်။ ရိုက်ရက် ၄ ရက်ပဲ ပေးတဲ့ မင်းသမီး။ အဲတော့ ဘယ်လိုလုပ်ပြီး အရည်အသွေးကောင်းမလဲပေါ့။ သူပြောတာ သိပ်မှန်တာပေါ့။

ဒါပေသည့် အဲလို ၁၀ ရက် သိန်း ၈၀၀ တန် မင်းသား၊ ရိုက်ရက် ၄ ရက်ပဲ ပေးတဲ့ မင်းသမီးနဲ့မှ ဓာတ်ရှင်ဖြစ်မှာလား။

မဟုတ်ဘူးဆိုတာ အခု မျက်နှာသစ်တွေနဲ့ အောင်မြင်သွားတဲ့ ဖြစ်ရပ်က သက်သေပြနေပါတယ်။

အဓိကက စေတနာပါ။ ဇာတ်ကားအပေါ် စေတနာထားတာ၊ ပရိသတ်အပေါ် စေတနာ ထားတာပါ။ ကိုယ်ရိုက်တဲ့ ဇာတ်ကားလေးကို ကောင်းစေချင်တဲ့ စေတနာ၊ ကိုယ့်ပရိသတ်ကို အကောင်းဆုံးပေးချင်တဲ့ စေတနာလေး ပျောက်ဆုံးနေကြတယ်။

ဘယ်မျက်နှာကို ကြည့်နေကြသတုံး

ဓာတ်ရှင်ဟာ ဘယ်နိုင်ငံမှာဖြစ်ဖြစ် အင်မတန် ပိုက်ဆံရတဲ့ လုပ်ငန်း။ ပိုက်ဆံနောက်ကို ကောက်ကောက်ပါအောင် လိုက်ချင်စရာ။

လူတိုင်း ငွေမက်တာပဲ။ ကျွန်တော်လည်း မက်တာပဲ။ ဒါပေသည့် ပိုက်ဆံသိပ်လိုချင်ရင် ဓားပြသာ ထွက်တိုက်လိုက်မယ်၊ ကိုယ့်ပရိသတ်ကိုတော့ နှပ်ပစ်ဖို့ (ခေတ်စကားနဲ့ ပြောရင် ဂျင်းထည့်ဖို့) စိတ်မကူးဘူးဆိုတဲ့ အခြေခံ လူစိတ်ကလေးတော့ ရှိသင့်တယ် ထင်တာပဲ။

အခုဟာက ပြောရတာ အားနာစရာ ကောင်းပါတယ်။ ဂျင်းကားဆရာတွေက ငွေမျက်နှာ တမျက်နှာတည်းကိုပဲ ကြည့်နေကြတာ။ ငွေရဖို့အတွက် သရဲမရဲ စီးနေကြတာ။ ဒါ့ကြောင့် ပရိသတ်ကြိုက် မင်းသား မင်းသမီးကို ဈေးကြီးတွေ နင်းကန်ပေး၊ ရိုက်ရက်မရလည်း ရတဲ့ ရက်ကလေးမှာ အတင်း ဖျစ်ညှစ်ရိုက်၊ သူတို့ပါတယ်ဆိုတာနဲ့ လုပ်စားဖို့ပဲ ဦးစားပေးနေတာပါ။

ကားကောင်းရေးလား၊ လာမပြောနဲ့၊ ဟိုလူ့ပုံချ၊ ဟိုအဖြစ် ပုံချဖို့ တစက်မှ ဝန်မလေးဘူး၊ ပြန်ပြောထည့်ပလိုက်မယ်။ ကိုယ်ကတော့ ဘယ်တော့မှ အပြစ်မရှိတဲ့သူ။ အပြစ်မရှိဘူး ပြောရင်းနဲ့ ကိုယ်အဖြစ်မရှိတာပေါ်နေမှန်းလည်း maxresdefaultမရိပ်စားမိကြ။

အမှတ်တံဆိပ်ရဲ့ တန်ဖိုး

တကယ့်တကယ် သိန်း ၈၀၀ ဆိုတာ မနည်းပါဘူး။ ဓာတ်ရှင်တကား ရိုက်ဖို့အတွက် အတော်အတန် လုံလောက်နေတဲ့ ပမာဏပါ။ အသစ်တွေနဲ့သာ ရိုက်မယ်၊ မရိုက်ခင်ကတည်းက လက်ကြားမယိုအောင် အသေးစိတ် ပြင်ဆင်ထားမယ်ဆိုရင် အဲဒီ့ သိန်း ၈၀၀ နဲ့တောင် ဇာတ်ကားတကား ကောင်းကောင်း ရိုက်နိုင်ပါတယ်။

သည်ကုမ္ပဏီက ထွက်တဲ့ ကားဆိုရင် ဘယ်သူရိုက်ရိုက် ဘယ်သူပါပါ ကောင်းတယ်ဆိုတာမျိုးဖြစ်အောင် တချိန်က မန္တလေးရုပ်ရှင်က အားထုတ်ခဲ့ဖူးပါတယ်။ အမှတ်တံဆိပ် ထူထောင်တာပေါ့။

ဒါကိုပဲ ဒါရိုက်တာ ကိုဘယ်သူ၊ မဘယ်ဝါ ရိုက်ရင် ဘယ်သူပါပါ ကောင်းတယ်ဆိုပြီးတော့လည်း ဒါရိုက်တာ အမှတ်တံဆိပ် ထူထောင်လို့ ရပါတယ်။

သို့သော် အဲသလို ထူထောင်ဖို့အတွက်ကျတော့ ဇာတ်ကားအပေါ်၊ ပရိသတ်အပေါ် စေတနာထားဖို့၊ သစ္စာရှိဖို့လေးပဲ လိုပါတယ်။ အဲသလို ကိုယ့်အမှတ် တံဆိပ် ကိုယ်အခိုင်အမာ ထူထောင်ပြီးပြီဆိုတာနဲ့ ရလာမယ့် ငွေကလည်း ဂျင်းကားက ရတဲ့ ဝင်ငွေနဲ့ သိပ်ကွာမှာ မဟုတ်တော့တာလည်း အသေအချာပါ။

ဓမ္မိယလဒ္ဓ (တရားသဖြင့်ရရှိသောအရာ)

ကွာနေမှာကတော့ ဂျင်းထည့်ပြီး ရတဲ့ ပိုက်ဆံက စင်ကြယ်သော ငွေမဟုတ်ဘူး။ အပင်းအဆိပ်တွေပါ။ စေတနာနဲ့ လုပ်ကိုင် ဆောင်ရွက်ပြီး ရတဲ့ ပိုက်ဆံက အင်မတန် မွန်မြတ်ပါတယ်။ ချိုမြိန်ပါတယ်။

ငွေရှာနေသူ ဘယ်သူပဲဖြစ်ဖြစ်၊ ယုတ်စွအဆုံး အခွန်ဌာနပဲဖြစ်စေဦးတော့ သူများ အိပ်ကပ်ထဲက ပိုက်ဆံကို နှိုက်တာပါ။

အတင်းနှိုက်မယ့်အစား အိပ်ကပ်ပိုင်ရှင်က ကျေနပ်တဲ့ မျက်နှာနဲ့ သူ့အိပ်ကပ်ထဲက ပိုက်ဆံကို သူ့လက်နဲ့ ကျေကျေနပ်နပ် နှိုက်ပြီး ကိုယ့်အိပ်ကပ်ထဲ ကြည်ကြည်ဖြူဖြူ ထည့်ပေးတာမျိုးကိုပဲ ကျွန်တော်တော့ စားချင်တယ်။ ငြူငြူစူစူနဲ့ ပေးတဲ့ ပိုက်ဆံ၊ မလွှဲသာလို့သာ ပေးလိုက်ရတယ်၊ ကွယ်ရာမှာ မဲ့ရွဲ့သွားရတဲ့ ပိုက်ဆံမျိုးကိုတော့ လျှာမှာ မြက်ပေါက်နေပါစေ၊ မစားဘူးဆိုတဲ့ စိတ်ကလေးက ကျွန်တော် အခုတလော ဆွေးနွေးဖြစ်နေတဲ့ လူစိတ်လို့ မြင်မိရပါတယ်။

ဘာနောက်ကို လိုက်ကြမလဲ

လူငယ်တွေကို ကျွန်တော် ပြောနေကျ စကားတခွန်း ရှိပါတယ်။ နာမည်ကောင်း၊ ဂုဏ်သတင်းကောင်းရဲ့ နောက်မှာ ပိုက်ဆံတွေ အမြောက်အမြား ရှိပါတယ်။ ပိုက်ဆံရဲ့ နောက်မှာတော့ နာမည်ပျက်ကိန်း၊ ဂုဏ်သတင်းပျက်ကိန်းက အမြဲကပ်လိုက်နေပါတယ်လို့။

အခု မြန်မ့ာရုပ်ရှင်က နာမည်ပျက်၊ ဂုဏ်သတင်းပျက်နေပါပြီ။ အချိန်မီ အဖတ်ဆယ်ကြဖို့ ရုပ်ရှင်လောကသားအားလုံး ကြိုးစားကြရတော့မယ် ထင်ပါတယ်။

လူ့စိတ်ကို ရှေ့တန်းတင်ပြီး ဘယ်သူသေသေ ငတေမာပြီးရောဆိုတဲ့ သဘောထားနဲ့ ငွေနောက်ကိုပဲ သည်းသည်းမည်းမည်း ဆက်လိုက်ကြမလား။ လူစိတ်ကလေး မွေးပြီး ကိုယ့်အလုပ်ကို စေတနာပါပါနဲ့ ကောင်းကောင်းမွန်မွန် လုပ်ဖို့ အားထုတ်ကြမလား။

အားလုံး ကိုယ့်သဘောနဲ့ကိုယ်၊ ကိုယ့်ကုသိုလ်နဲ့ ကိုယ်၊ ကိုယ်အကုသိုလ်နဲ့ ကိုယ်ပါပဲဗျာ။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၂၂၀၃၁၈)

ပုံက Bridges of Madison County (1995) ဇာတ်ကားထဲက ဇာတ်ဝင်ခန်း ပုံပါ။ အဲဒီ့ကားမှာ မင်းသမီး Meryl Streep ဟာ အမျိုးသမီး သရုပ်ဆောင် အော်စကာ ဆန်ခါတင်စာရင်း ဝင်ခဲ့ပါတယ်။ ကလေး နှစ်ယောက်အမေ အသက် ၅၀ ဝန်းကျင် အဘွားကြီးတယောက် အိမ်ထောင်ရေး ဖောက်ပြန်မှု ဇာတ်လမ်းလို့ပဲ အတိုဆိုရပါလိမ့်မယ်။ သို့ပေမင့် ဇာတ်ကားကြည့်သူ ပရိသတ်က ဖောက်ပြန်သူ အမျိုးသမီးကြီးကို အပြစ်မမြင်ဘဲ သနားအောင် ရိုက်ပြနိုင်ခဲ့ပါတယ်။ မင်းသားက Clint Eastwood ပါ။ ကုန်ကျစရိတ် ဒေါ်လာ ၂၂ သန်း ရှိခဲ့ပေမယ့် ၁၈၂ သန်း ပြန်ဝင်ခဲ့တဲ့ ဇာတ်ကားလည်း ဖြစ်ပါတယ်။ ဘာ လူငယ်သရုပ်ဆောင်မှ မပါဘဲ အဘိုးကြီး အဘွားကြီးနှစ်ယောက်ရဲ့ ဇာတ်လမ်းနဲ့ အဲလောက် ငွေပြန်ပေါ်တဲ့ ဇာတ်ကားပါ။ အစက Spielberg ကိုယ်တိုင် ရိုက်ဖို့ကြံခဲ့သေးပေမယ့် မရိုက်ဖြစ်ခဲ့ပါဘူး။

ဒီမိုခရက်တစ် အာဏာရှင် ဖြစ်ချင်ကြပါသလား

27750025_10213857428202897_2584576942854188819_nကျက်သရေ ဝေလီဝေလင်း

မနေ့မနက်က မိုးမလင်းခင် လေယာဉ်ကွင်းအသွား လမ်းမှာ ဒါကို တွေ့တော့ ပြုံးမိရပါတယ်။

အငှားယာဉ်တစီးရဲ့ နောက်မှန်မှာ ပိုက်ဆံအကုန်ခံ၊ စထစ်ခါကို စာထွင်းပြီး ကျကျနန ကပ်ထားတာပါ။

အစိုးရကို ဝေန်တာ မင်းအပြစ် မဟုတ်ဘူး။ ကိုယ့်ရှေ့က အမှိုက်တောင် မကောက်ပဲ (သတ်ပုံမှန်က ဘဲ) ဝေဖန်ရေးပဲ ထိုင်လုပ်နေရင်တော့ မင်းအပြစ်ဖြစ်သွားပြီတဲ့။

အောက်က Bill Gates လို့လည်း ရေးထားသေးတယ်။ ခပ်တည်တည်ပဲ။

စဆရကတွေက ဖွဘုတ်ပေါ်မှသည် ကားနောက်မှန်အထိ တက်လာပါပေါ့လားလို့ တွေးမိပြီး ပြုံးမိရတာပါ။

အမြင်လွဲ၊ အယူတိမ်း

ရုတ်တရက်တော့ သူပြောတာ ဟုတ်သလိုလို။ ဒါပေမယ့် နည်းနည်းလေး ခေါင်းသုံးလိုက်တာနဲ့ ဒါဟာ ဆင်ခြင်ဉာဏ်နုံနဲ့တဲ့ စကားမှန်း သိသာပါတယ်။

ဝေဖန်ရေးအပေါ် လူအတော်တော်များများရဲ့ သဘောထား လွဲနေတာကို ထုတ်ဖော်ပြသနေတာပါပဲ။ တလောက သွားလေသူ နာမည်ကျော်တယောက် လွန်ခဲ့တဲ့ နှစ် ၃၀ လောက်က ဝေဖန်ခံရတာကို ဆတ်ဆတ်ခါပြီး စာမျက်နှာထက်ကနေ ဝေဖန်သူတွေကို ယဉ်ယဉ်ကျေးကျေး ဆဲထားတဲ့ စာလေးကို ရေနှူးနေကြတာတွေ ဖွဘုတ်မှာ တွေ့လိုက်ရသေးတယ်။ အကျဉ်းချုပ်ကတော့ ကားနောက်မှန်က သည်စာသားနဲ့ မနီးရိုးစွဲပဲ။

ကိုယ်ဘာမှ မလုပ်နိုင်ရင် မဝေဖန်နဲ့ဆိုတဲ့ သဘော။

ဟား… ဆင်ခြင်ဉာဏ်ကင်းလိုက်ကြတာ…

လူနဲ့ ဝေဖန်ရေး သဘာဝ

သိပ်အဝေးကြီး ကြည့်စရာ မလိုပါဘူး။ ၄-၅-၆ နှစ်အရွယ် ကလေးလေးက ပြောတယ်၊ ဘွားဘွားကြီးက မွှေးနေတာပဲတဲ့။ ရေချိုးပြီးစ သနပ်ခါးအဖွေးသားနဲ့ ဘွားအေကို ဖက်ရင်း ပြောလိုက်တယ်။ ဒါ ဝေဖန်တာပဲ မဟုတ်ပါလား။

အဲဒီ့ကလေးလေးကပဲ သူ့အဖေက ခုခေတ်ဟန် ဂျင်းဘောင်ဘီ အပြဲအစုတ်ကို ဝတ်လာတာ တွေ့တော့ ဖေဖေ့ ဘောင်းဘီကြီးကလဲ အပြဲကြီးလို့ ပြောလိုက်ပြန်တယ်။ ဒါလည်း ဝေဖန်တာပဲလေ။

အဲဒီ့ကလေးက အိမ်ရှေ့ဝရံတာမှာ ထိုင်ရင်း လမ်းသွားလမ်းလာတွေကို ကြည့်ပြီး ပြောချင်တာတွေ ပြောနေနိုင်ပါသေးတယ်။ ဟို အဒေါ်ကြီးက မည်းလိုက်တာ၊ ဟိုဦးလေးကြီးက သနားစရာ၊ ဟိုအန်တီကြီးက ဝတုတ်ကြီး၊ ဟိုအန်ကယ်ကြီးက ပိန်ပိန်ရှည်ရှည်ကြီး…

ဒါက ကလေး။

လူကြီးမိဘတွေကရော ကျွန်တော်တို့ ငယ်စဉ်တောင်ကျေး ကလေးဘဝမှသည် သူတို့ မသေမချင်း ကျွန်တော်တို့ကို ဝေဖန်ခဲ့ကြတာပဲ မဟုတ်ပါလား။

ခွေးဖြစ်မယ့် အကောင်၊ ဟိုကလေးရဲ့ မစင်ကို ကျွေးရမယ်၊ လူလေးက လက်တောက်လောက် ရှိသေးတယ်၊ မိဘကို ခံပြောတာ ငရဲအိုးထဲ စောက်ထိုးကျတော့မှာ၊ ပိုက်ဆံလေး ရှာနိုင်လာတော့ လူဝါးဝလာတယ်၊ ခွာရာတိုင်းချင်လာတယ်… စုံတကာ့ကို စေ့လို့။

သူငယ်ချင်းတွေကရော၊ တခြား ပတ်ဝန်းကျင်ကရော… တေ့တေ့တင်တင် အဝေဖန်မခံဖူးတဲ့သူ ရှိလို့လား။

ဘုရားသော်မှ မရှောင်သာ

မြတ်စွာဘုရားရှင်ကိုယ်တော်မြတ်ကြီး၊ ယေရှုခရစ်တော်၊ တမန်တော်မိုဟာမက်တို့ရော ဝေဖန်ရေးနဲ့ ကင်းနိုင်ခဲ့ကြလို့လား။ အမနာပ အပြောမခံခဲ့ကြဘူးလို့လား။

ပထမနမူနာက ကလေးလေးပဲဖြစ်ဖြစ်၊ ဒုတိယနမူနာက မိဘတွေပဲဖြစ်ဖြစ်၊ တခြားတခြားသောသူငယ်ချင်းတွေ၊ ပတ်ဝန်းကျင်က လူတွေ၊ သူစိမ်းတွေထဲက အမနာပ ပြောသူတွေ၊ ဝေဖန်ကဲ့ရဲ့ သူတွေကို အမှိုက်လေးတောင် ကောက်ဖော်မရလို့ဆိုပြီး ဝေဖန်တာ အပြစ်လို့ သွားပြောတာမျိုးဟာ တော်တော့်ကို ဆင်ခြင်ဉာဏ်နည်းလှတယ်ဆိုတာ ထင်ရှားနေပြီ မဟုတ်ပါလား။

တချိန်က အင်မတန် လက်သံပြောင်တဲ့ ရုပ်ရှင်ဝေဖန်ရေးဆရာ အကျော်အမော် စိန်ခင်မောင်ရီဆိုတာ ရှိဖူးတယ်။ အဲဒီ့ခေတ်က ရုပ်ရှင်သမားတွေရဲ့ မေတ္တာကို အတုံးလိုက် အတစ်လိုက် ခံယူခဲ့ရသူပေါ့။ ပရိသတ်ကတော့ ဆရာ့ ဝေဖန်ရေးတွေကို တခုတ်တရ စောင့်ဖတ်ခဲ့ကြရပါတယ်။ အဲဒီ့ ဆရာဟာ ရုပ်ရှင်သာ ဝေဖန်နေပါတယ်၊ ကိုယ်တိုင် ရုပ်ရှင်တကား ရိုက်ဖူးဖို့ ဝေးစွ၊ ရုပ်ရှင် ရိုက်ရာမှာ မှန်ထိုး မီးထိုးတောင် မလုပ်ဖူးတဲ့သူပါ။ အဲဒါနဲ့ပဲ သူ မဝေဖန်ရတော့ဘူးလား။

အခါခါလည်း ရေးဖူးတယ်။ ဟင်းချက်တတ်ချင်မှ ချက်တတ်မယ်၊ ပေါ့တယ်၊ ငန်တယ်၊ စပ်တယ်၊ ခါးတယ်၊ ဆီချေးစော်နံတယ်၊ တူးနံ့ရတယ်၊ အသားက မလတ်ဘူး စသဖြင့် ပြောတတ်ကြပါတယ်။ အဲလိုပြောသူကို မီးဖိုချောင် အရိပ်တောင် မနင်းဖူးပဲနဲ့ ပြောရကောင်းလားလို့ သွားပြောရင် ဝေဖန်သူ ရူးတာလား၊ ပြောသူ ရူးတာလား။

ခက်တာက

ဆင်ခြင်ဉာဏ်ကို အမြစ်ပြတ်ချေမှုန်း သုတ်သင်တဲ့ ပညာရေးစနစ်ကို ၁၉၆၄ ခုနှစ်မှာ စတင်ခဲ့တာပါ။ ဒါ့ကြောင့် ကနေ့ ၆၀ တန်းနဲ့အောက်ဟာ ဆင်ခြင်ဉာဏ်ရေချိန် နည်းသထက် နည်းနည်းလာပါတော့တယ်။ ဗမာပြည်မှာ လူဖြစ်ရသူတွေအနေနဲ့ အသက်ငယ်လေ ဆင်ခြင်ဉာဏ် နည်းလာလေလို့ ယေဘုယျ ဆိုနိုင်ပါလိမ့်မယ်။ (ခြွင်းချက်တွေကို ထောက်မပြစေချင်ပါဘူး။ ယေဘုယျဆိုတဲ့ စကားကို မမေ့မလျော့ ထည့်ထားပါတယ်။)

အဲတော့ စောစောက ပြောခဲ့တဲ့ သွားလေသူ နာမည်ကျော်အပါအဝင် လူအတော်များများဟာ ဆင်ခြင်ဉာဏ်ထက် ကိုယ့်ထိ မချိအောင် နာပြသူတွေက တနေ့တခြား ပိုပိုပေါလာသလိုပဲ။

သည်အထဲမှာမှ ကိုယ့်အစိုးရကို ဝေဖန်ရင် ကြားထဲကနေ အခြောက်တိုက် ရင်နာပြီး ဆတ်ဆတ်ထိ မခံဖြစ်နိုင်ကြသူတွေရဲ့ အကဲပိုမှုကလည်း တကယ်တော့ ဆင်ခြင်ဉာဏ် နည်းတဲ့နေရာမှာ ဧတဒဂ် ဘွဲ့ခံလောက်အောင် အုံနဲ့ ကျင်းနဲ့ တွေ့နေရပါတယ်။

အဝေဖန်မခံချင် လူဆက်မလုပ်နဲ့

အစိုးရကို အသာထား၊ ရပ်ကွက်လူကြီးလောက် လုပ်ရင်ကို အကောင်းပြောမယ့်သူ၊ အဆိုးပြောမယ့်သူ၊ ဓမ္မဓိဋာန်ကျကျ ဝေဖန်သုံးသပ်မယ့်သူ၊ လူပေါင်းစုံ ရှိနေတော့မှာ မလွဲတဲ့ အချက်ကို မျက်စိလျှမ်းနေကြတာပါပဲ။

နီတိအနေနဲ့ကတော့ လူမှန်ရင် အဝေဖန်ခံရမှာချည်းပါပဲ။ ဒါက စကားအဖြစ် ပြောတာပါ။ တိရစ္ဆာန်တွေတောင် လူတွေရဲ့ ဝေဖန်ချက်က ပြေးမလွတ်ပါဘူးနော်။ ဟိုခွေးကြီးကို ဆိုးလိုက်တာ၊ သည်ခွေးလေးက သိပ်အဟောင်သန်တာပဲ၊ သည်ကြောင်မက ဟင်းခိုးစားတတ်တယ်၊ ဟိုကြောင်လေးက ရောဂါသည်ထင်တယ် ပိန်ညှော်လို့ စသဖြင့်ပေါ့။ သို့သော် တိရစ္ဆာန်က လူစကား နားမလည်တော့ ဆွေ့ဆွေ့ခုန်ရကောင်းမှန်း မသိကြဘူးပေါ့။ ကားလည်း မမောင်း၊ မရှိတော့ ကားမှန်က တဆင့် တိရစ္ဆာန်တွေ စဆရက လုပ်လို့ မရဘူးပေါ့။

ဝေဖန်ရင် အကဲဆတ်တာ အာဏာရှင်ပါ

သည်စကားကို အထူးဖွင့်ဆိုစရာ မလိုပါဘူး။ ၁၉၆၂ ခုနှစ်ကစပြီး ယနေ့ထက်တိုင် ဝေဖန်လို့၊ သတင်းရေးလို့ ပုဒ်ထီး ပုဒ်မ အမျိုးမျိုး အတပ်ခံရပြီး အကျဉ်းစံရသူတွေ အရေအတွက်၊ အနှိပ်စက်ခံရသူ အရေအတွက်၊ ဒုက္ခပေးခံရသူ အရေအတွက်က နည်းမှ မနည်းတာ။

ဘယ်အာဏာရှင် နိုင်ငံမှာမှ စာနယ်ဇင်း လွတ်လပ်ခွင့်၊ လွတ်လပ်စွာ ထုတ်ဖော်ပြောဆိုခွင့်ကို အသိအမှတ်မပြုပါဘူး။ ခွင့်မပေးပါဘူး။ သူတို့ရဲ့ အုပ်ချုပ်ရေးကို ဝေဖန်ပြောဆိုသူကို ရန်သူလို့ အတိအလင်း သတ်မှတ်ပြီး အရေးယူအပြစ်ပေးနေကြပါတယ်။

ကားမှန်မှာ စာရေးတဲ့သူကို သွားမေးရင် သူ့ကိုယ်သူ ဒီမိုကရေစီ ဘက်တော်သားကြီးလို့ ပြောကောင်း ပြောနိုင်ပါတယ်။ ဒါပေမယ့် သူရေးတဲ့စာဟာ သူ့သွေးသားထဲက အာဏာရှင်စိတ်ကို ဖော်ကျူးနေမှန်း သူကိုယ်တိုင် တစက်ကလေးမှ သတိထားမိမယ် မထင်ပါဘူး။

လူတွေမှာ ပါးစပ်တွေ ပါတယ်ဆိုတာကို မမေ့ကြပါနဲ့

သူများသာ ပြောနေရတယ်၊ ကျွန်တော်ကိုယ်တိုင်လည်း တချိန်က ကျွန်တော့်ကို ဝေဖန်ရင် မချိအောင် နာတတ်ခဲ့ဖူးပါတယ်။ လူသိရှင်ကြားသာ ဘာမှ သိပ်မတုံ့ပြန်ခဲ့တာပါ။ ကျွန်တော့် ဝမ်းထဲမှာတော့ ကျိတ်ပြီး ဆွေ့ဆွေ့ခုန်တတ်ခဲ့ဖူးပါတယ်။

ဒါပေသည့် အခုနောက်ပိုင်းတော့ နေတတ်လာပါတယ်။ စာရေးသူ ဘဝကို အသာထားဦး၊ အခုလို ဖွဘုတ်မှာ တောင်တောင်အီအီ ရေးပြီး လူသိရှင်ကြား တခုခု ချပြပြီဆိုကတည်းက ပြောချင်တဲ့သူလူတကာ ပြောချင်တာ လာပြောဖို့ အလိုလို လမ်းဖွင့်ပေးလိုက်သလို ဖြစ်နေပါပြီ။ အဲဒါကို
ဆင်ခြင်မိခြင်းနဲ့အတူ လူတွေမှာ ပါးစပ်တွေပါတယ်၊ ပြောချင်တာ ပြောလိမ့်မယ်ဆိုတဲ့ စိတ်ကလေးကို မွေးနိုင်နေပါပြီ။ အရင်ကဆို ဆဲတဲ့သူတွေကို ကျွန်တော့်ဆီ ဝင်ကြည့်လို့ မရအောင် ပိတ်ခဲ့ဖူးပါတယ်။ အခုတော့ ဘယ်သူ့ကိုမှ ပိတ်မထားတော့ဘူး။ ဆဲလည်း သူ့သဘော သူဆောင်နေတာပဲ၊ သူ့အကြောင်း လူသိတာပဲလို့ တွေးတတ်လာပါပြီ။

လူတွေမှာ ပါးစပ်တွေ ပါတဲ့အတွက် ပြောချင်တာ ပြောကြမယ်၊ ဆဲချင်လည်း ဆဲကြမယ်၊ ဝေဖန်ချင်လည်း ဝေဖန်ကြပါလိမ့်မယ်။ ဒါကို မမေ့သင့်ကြဘူးလို့ ထင်ပါတယ်။

ဝေဖန်ရေးထဲက အမြတ်

သည်လို ပြောတဲ့အတွက် လာရေးတဲ့ မှတ်ချက်တွေကို ကျွန်တော်လစ်လျူရှုထားတယ် မမှတ်ပါနဲ့။ အကုန် ဖတ်ပါတယ်။ အဲဒီ့ထဲကမှ ကျွန်တော့်ရဲ့ ဟာကွက် ပျော့ကွက်ကို ထောက်ပြတာတွေ့ရင် ကျေးဇူးတင်တဲ့အကြောင်း ပြောပါတယ်။ ပြီးတော့ အမှားကို ပြင်ပေးပါတယ်။ ဒါကတော့ စာရေးသူဘဝ အစအဦးကတည်းက အစဉ်တစိုက် လုပ်ခဲ့တဲ့ ကျွန်တော့်အကျင့်ပါပဲ။

အစိုးရအဖွဲ့ဝင်များ၊ ရဟန်းသံဃာများအပါအဝင် ကျွန်တော်တို့ လူသားတွေအားလုံးဟာ အလုံးစုံ ထိုးထွင်းသိမြင်တဲ့ ဉာဏ်တော်အနန္တနဲ့ ဘုရားရှင်တွေ မဟုတ်ကြပါဘူး။ သာမာန် အနုဉာတ ပုထုဇဉ်များသာ ဖြစ်ပါတယ်။ ဒါကြောင့် ကျွန်တော်တို့ သိထားတာဟာ အကန့်အသတ်နဲ့သာ ဖြစ်နေကြမှာ ဖြစ်သလို အယူအစွဲတွေရဲ့ ပယောဂဒဏ်ကိုလည်း လူတိုင်း ခံနေကြရသူချည်းပါပဲ။ အဲဒီ့ အသိ၊ အဲဒီ့ အစွဲတွေကြောင့် ကျွန်တော်တို့ ပြုသမျှ အမှုတိုင်းဟာ စင်းလုံးမချောနိုင်ရုံသာမက မှားတာ၊ လွဲတာ၊ ချော်တာ အနန္တနဲ့ ပြည့်ဝနေမှာလည်း မလွဲပါဘူး။

အဲတော့ ဝေဖန်လာတဲ့အခါ ကိုယ့်အမှား ကိုယ့်အလွဲကို ရင်ဖွင့်ကြိုဆိုလိုက်တာနဲ့အမျှ ကိုယ့်ရဲ့ အသိဉာဏ်အဆင့်က အလိုလို မြင့်လာတော့မှာပါ။ ဒါဟာ ဝေဖန်ရေးထဲက ကောက်နုတ်ယူနိုင်တဲ့ ဧရာမအမြတ်အဖြစ် သုံးသပ်ဆင်ခြင်နေမိရပါတယ်။

ဝေဖန်ကြတဲ့အထဲမှာ ခပ်ညံ့ညံ့ခပ်ချာချာတွေလည်း ပါလာမှာ မလွဲသလို ဆဲသံတွေလည်း ကြားရမှာပါ။ ဒါကိုတော့ တဦးချင်းစီရဲ့ သဘောထားအတိုင်း ခံယူရုံပါပဲ။ လစ်လျူရှုမလား၊ အဆဲကို အဆဲနဲ့ တုံ့ပြန်မလား၊ ဒါမှမဟုတ် လုံးလုံး ရှောင်ကြဉ်မလား။ ကြိုက်တာ ရွေးနိုင်ပါတယ်။ အဲဒီ့မှာလည်း ဆင်ခြင်ဉာဏ်ကတော့ စကားပြောနေဦးမှာလည်းပဲ ဖြစ်ပါတယ်။

အချုပ်

ဝေဖန်ရေးဟာ ဒီမိုကရေစီ စနစ်အတွက် မရှိမဖြစ်လိုအပ်ချက်ပါ။ အတိုက်အခံဆိုတာလည်း ဒီမိုကရေစီစနစ်မှာမှ ထွန်းကားတာပါ။

အတိုက်အခံတွေ၊ ဝေဖန်ချက်တွေကို လက်မခံဘူး၊ အတိုက်အခံလုပ်သူ၊ ဝေဖန်သူတွေကို ရန်သူ မှတ်နေမယ်၊ အပြစ်ပြောနေမယ်ဆိုရင် လူကြီးမင်းဟာ ဒီမိုကရေစီဆိုပြီး လေးဘက်ထောက် ကုန်းအော်နေလင့်ကစား အာဏာရှင် စိတ်ထားက တပြားမှ မလျှော့နိုင်သေးသူသာ ဖြစ်နေမယ်ဆိုတဲ့အကြောင်းလောက်တော့ သဘောပေါက်သင့်ပါတယ်ခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(နေပြည်တော် – ၁၄၀၂၁၈)