မြို့ပြစရိုက်၊ ကျေးလက်စရိုက်

IMG_20131028_090404ဖြစ်တည်မှုအဆင့်

ပျဉ်းမနားမဟာမြိုင်တောရ ဆရာတော် ဦးဇောတိက မိန့်ကြားခဲ့ပြီး ကျွန်တော် အရှည်ရေးခဲ့ဖူးတဲ့ တီကောင်နဲ့ လိပ်ပြာက စ ပြောရပါလိမ့်မယ်။ (အပြည့်အစုံ ဖတ်ချင်ရင် https://atkbooks.com/2011/04/10/1667/ မှာ ရှုတော်မူ။)
ဖြစ်တည်မှုအဆင့် (level of being) နဲ့ အမြင်တို့ အချိုးကျနေမှုပါ။
တီကောင်အတွက် အမြင့်ဆိုတာ ဘယ်လောက်မှ မရှိပါဘူး။ အရောင်ဆိုတာလည်း တီကောင်က အလင်းအမှောင်လောက်ပဲ သိပါတယ်။ အဲတော့ လိပ်ပြာလေးတွေက ရောင်စုံ ပန်းလေးတွေ လှလိုက်တာလို့ ပြောရင် တီကောင်က ဘယ်လိုမှ နားလည်နိုင်မှာ မဟုတ်ပါဘူး။
ကျွန်တော်တို့တွေက ခုတောင်မှ ဟိုဖော်သည်ဖော် ဝတ်ထားတဲ့ မိန်းကလေးတွေကြောင့် မုဒိန်းမှုတွေ ဖြစ်ရတာလို့ ခံရသူကို အပြစ်ဖို့ချင်တဲ့ ဉာဉ်နဲ့ပါ။ အရှေ့တိုင်းက စင်္ကာပူ၊ ဘန်ကောက်၊ ချင်းမိုင်လောက်မှာတင်ပဲ ပေါင်ဖြူဖြူတွေ၊ အတွင်းခံ မပါတာတွေ၊ မပေါ့်တပေါ်တွေ မမြင်ချင့်အဆုံးပါ။ ဘယ်သူကမှ မျက်လုံးရိုင်းနဲ့ ကြည့်မနေပါဘူး။ သူတို့ အဲလို ဝတ်လို့ မုဒိန်းမှုတွေ ဖြစ်ရပါတယ်လို့ ပြောသံလည်း မကြားဖူးဘူးခင်ဗျ။
မာမီရယ် ရှာပေးကွယ် ရည်းစားလိုချင်တယ်ဆိုပြီး ၁၉၇၀ ပြည့်လောက်မှာ စတီရီယိုဆိုတဲ့ ဂီတသစ်လမ်းကို စဖောက်ခဲ့သူထဲက တဦးဖြစ်တဲ့ တက္ကသိုလ် ထွန်းနောင်ကို ကံချွန်ဆိုတဲ့ စာရေးဆရာက ၁၉၇၁ ခုနှစ်မှာ စုတ်ပြတ်သတ်နေအောင် ဝေဖန်ခဲ့ဖူးပါတယ်။ ၃၄ နှစ်အကြာမှာ ဆရာကံချွန့်ကို အဲဒီ့ကိစ္စ တက္ကသိုလ်ထွန်းနောင်က စာထဲမှာ ထည့်ရေးထားကြောင်း ကျွန်တော်က အသိပေးလိုက်တော့ ဆရာကံချွန်က အဲတုန်းက ကိစ္စကို ဝန်ခံစာ ပြန်ရေးခဲ့ပါတယ်။ အဲဒီ့စာမှာ အခု ပြောနေတဲ့ မြို့စရိုက် ရွာစရိုက်က ကွက်ကွက်ကွင်းကွင်း ပါလာပါတော့တယ်။ (အကျယ်ဖတ်လိုရင် https://goo.gl/typXEC မှာ ရှုတော်မူ။)

မြို့စရိုက်ကျခြင်း

နောက်ထပ် ဆက်ပြောရင်တော့ မြို့စရိုက်၊ ရွာစရိုက်က (လူ့)ယဉ်ကျေးမှုလို့ အလွယ် ဘာသာပြန်ထားတဲ့ civilisation ကြောင့် ပေါ်လာတာလို့လည်း ပြောနိုင်မယ် ထင်ပါတယ်။
အရင်စောစောပိုင်းက အဲဒါကို ကျွန်တော် အဖန်ဖန်ရေးခဲ့ဖူးတယ်။ မြို့ကျခြင်းလို့။
Civil ဆိုတာ မြို့ပြလေ။ မြို့ပြဆန်လာတာပေါ့။ တနည်းပြောရင် မြို့သားလို နေတတ်လာတာကို ပြောချင်တာပါ။
ကန်တော့ပါရဲ့ဗျာ၊ ယင်လုံအိမ်သာ သုံးတတ်လာတာဟာ မြို့ကျလာတာ၊ civilised ဖြစ်လာတာပါ။ တောတိုးတာဟာ တောကျတာပါ။ အဲလောက် ရိုးစင်းပါတယ်။
ကျွန်တော်တို့ ခုနောက်ပိုင်း မြန်မာရုပ်ရှင်တွေထဲမှာ လိင်တူချင်းတပ်မက်သူတွေ၊ ကိုယ်အင်္ဂါချို့ယွင်းသူတွေ၊ အသားမည်းသူတွေ၊ အရပ်ပုသူတွေကို ရယ်စရာ လုပ်ပြပြီး အတင်းရယ်ခိုင်းနေတာဟာ တောကျတဲ့ စိတ်ဓာတ် (uncivilised attitude) (မသိသားဆိုးရွားမှု) ပါပဲ။ ပြောရတာ သိပ်အားနာစရာ ကောင်းလှပေမယ့် လက်တွေ့က အဲလို ဖြစ်နေတာပါ။
လူတွေ သိပ်စွဲနေတဲ့ ကိုရီးယားဇာတ်လမ်းတွဲတွေဆိုရင်လည်း ကိုရီးယားတွေဟာ အင်မတန် ယုတ်မာတဲ့လူတွေ၊ နိုင်လို့ရတဲ့သူဆို အလွန်အင်မတန် ဖိထောင်းချင်တဲ့ လူတွေနဲ့ ဇာတ်လမ်းဖွဲ့ထားပါတယ်။ အဲဒီ့ ဇာတ်လမ်းတွဲ ရေးနေ၊ ရိုက်နေသူတွေ တောကျနေတာပါ။
တကယ့် ကိုရီးယားဇာတ်ကားကောင်းတွေ၊ ကမ္ဘာ့တန်းဝင်ကားတွေ အများကြီး ရှိပါတယ်။ အဲဒါကို ရိုက်တဲ့သူတွေရဲ့ မြို့ကျမှု (ယဉ်ကျေးသိတတ်လာမှု)ပါပဲခင်ဗျား။
ဆရာမ ဝင်းဝင်းလတ်ရဲ့ အမျိုးသား စာပေဆုရ အချစ်၏ နောက်ဆက်တွဲ စာမျက်နှာကို ရနံ့သစ်မဂ္ဂဇင်းမှာ အဲတုန်းက ကျွန်တော်ချီးကျူးစာ ရေးဖူးတယ်။ (အဲဒါတော့ ရည်ညွှန်းစရာ အသင့်ရှိမနေဘူးခင်ဗျ။)
ဆရာမရဲ့ ဇာတ်လမ်းထဲမှာ ဇာတ်သဘောအရ ဗီလိန် (ဝါ) ကုန်းရုပ် (ဝါ) လူဆိုး ပါတယ်။ ဒါပေမယ့် ဇာတ်သာ သိမ်းသွားတယ်။ ဆရာမက ကုန်းရုပ်ကို ဒဏ်ခတ်မသွားတာကို ချီးကျူးတာ။ အဓိက ဇာတ်ကောင်က သူ့ဘာသာသူ အောင်မြင်အောင် အေးအေးချမ်းချမ်း အားထုတ်သွားတယ်။ ကုန်းရုပ်ကို ဒဏ်ခတ်ဖို့ မကြိုးစားခဲ့ဘူး။ သိပ်ကို မြင့်မြတ်တဲ့ စိတ်သဘောနဲ့ ဇာတ်ကို တင်သွားတာ။ ယဉ်ကျေးတာ၊ မြို့ဆန်တာပါ။ မြို့ကျတာပေါ့ဗျာ။
အဲတော့ကာ ရွာသား မြို့သားဆိုတာထက် uncivilised/civilised attitude (မြို့ပြဆန်တဲ့ စိတ်ဓာတ်၊ မြို့ပြမဆန်တဲ့ စိတ်ဓာတ်)က ပိုအရေးကြီးပါလိမ့်မယ်။
ဆရာ တက္ကသိုလ်ဘုန်းနိုင်ရဲ့ ညနက်နက်မှာ လထွက်ခြင်းမှာ ထင်ပါတယ်။ ကလေးနှစ်ယောက်ကို ဖွဲ့ထားတယ်။ နှစ်ယောက်စလုံးက နယ်မြို့ (တော) မှာပါ။ တယောက်က ဆင်းရဲသား၊ တယောက်က အရေးပိုင်သား (ထင်ပါတယ်)၊ စရိုက်တွေကို ကွဲအောင် ဆရာက ဖော်နိုင်ခဲ့ပါတယ်။ အရေးပိုင်သားက မြို့ပြဆန်တဲ့ စရိုက်နဲ့၊ ဆင်းရဲသားလေးက မြို့ပြမဆန်ရှာဘူး။ သူတို့ချင်း ချစ်ကြတယ်။ မြို့ပြဆန်တဲ့ ကလေးက ဖေးမ လက်တွဲခေါ်ပြသွားခဲ့ဖူးပါတယ်။

အထိအတွေ့ 

နောက်တချက်က exposure ပေါ့။ အထိအတွေ့လို့ ပြောရမလား မသိဘူး။
ဒါလည်း ပြောရင် မြို့ကြီးမှာ၊ နိုင်ငံခြားမှာ ဘယ်လောက်နေဖူးသလဲဆိုတာနဲ့ မဆိုင်ပြန်ဘူး။ မြို့ကြီးမှာ၊ နိုင်ငံခြားမှာ အသက်ရှင် ရပ်တည်နိုင်ဖို့အတွက် မနည်း ကုပ်ကပ်ရုန်းကန်ခဲ့ရသူ၊ မိလက္ခူလူတန်းစား ကြားမှာ အသက်ဆက်ရသူနဲ့ ကော်လာဖြူတွေကြားမှာ ရှင်သန်ရသူကြားမှာ ကွာခြားနေတာ အများကြီးပါပဲ။
တနေ့က တယောက် ရေးထားတာတွေ့မိတယ်။ ဇဏ်ခီတို့၊ ခရစ္စတီးနားခီတို့ကို သူ မသိဘူး။ သူ သိတဲ့ Kyi က ကြည်ပဲတဲ့။ ရေးထားသူဟာ နိုင်ငံခြားကို ခဏတဖြုတ်ခရီး တခါမက ရောက်ဖူးပါတယ်။ ဒါပေမယ့် အမေရိကန်တွေနဲ့ ထဲထဲဝင်ဝင် ဆက်ဆံဖူးပုံမရဘူး။
ဗြိတိသျှ၊ အော်စီတို့နဲ့တောင် မတူဘူး။ အမေရိကန်တွေက ဗမာနာမည်ကို ပိုပြီး အခေါ်ရခက်နေပါတယ်။ မြန်မာကို မိုင်အဲ(န်)မားလို့ ခဲခဲယဉ်းယဉ်း ခေါ်နေရတဲ့ဘဝ။ Chi လို့ ရေးရင် သူတို့အတွက် ချီလို့ နီစပ်နိုင်ပေမယ့် Kyi ကို သူတို့လုံးဝ အသံမထွက်တတ်ဘူး။ Phyo ဆိုတဲ့ မိန်းကလေးနဲ့ တခါလာရင် ၃ ပတ်နှုန်း ဆက်ဆံရ၊ တနှစ်ကို ငါးခေါက်လာနေတာ နှစ်နှစ်ရှိပြီဖြစ်တဲ့ အမေရိကန်ဟာ ယနေ့ထက်တိုင် ဖြိုးလို့ မထွက်တတ်တဲ့အပြင် ဖြိုးထက် သက်တမ်း ၆ လလောက် ပိုကြာပြီး ဆက်ဆံခဲ့ရတဲ့ Nwe Nwe ကိုလည်း ခုချိန်ထိ New New လုပ်နေတုန်းပဲ။
အဲတော့ Kyi ကို ဟိုနှစ်ယောက် ခီထားတာအတွက် သူ့နားထဲမှာ တမျိုး ဖြစ်နေတာ မဆန်းပါဘူး။ ဟိုနှစ်ယောက်ကလည်း ကြည့်ရတာ ဗမာပရိသတ်ထက် နိုင်ငံတကာကို မှန်းနေတာဆိုတော့ သူတို့နာမည်ကိုတောင် နိုင်ငံတကာမှုပြုလိုက်တာလည်း ဖြစ်နိုင်တယ်၊ ဗမာပရိသတ်ကလည်း အဲလိုကြောင့် သူတို့ကို ပိုစိတ်ဝင်စားနိုင်တဲ့ marketing သဘောလည်း ပါနိုင်ပါတယ်။
ဒါပေမယ့် ပြင်ပကမ္ဘာနဲ့ အထိအတွေ့နည်းတော့ အဲဒီ့ နာမည်ကိစ္စကိုပဲ စကားလုပ်ပြောထားတာ တွေ့ရပါတယ်။ ဘာမဟုတ်တာလေးပေမယ့် အတွေ့အထိနည်းမှုကြောင့် ဖြစ်တည်မှု အဆင့်အပေါ် ရိုက်ခတ်သွားပုံ၊ ဖြစ်တည်မှုအဆင့်ကြောင့် ရှုမြင်သုံးသပ်ရာမှာ အတိမ်အနက် ရှိပုံကို ပြနေတဲ့ ဥပမာတခုလို့ ထင်မိပါတယ်။
အဲတော့ ဒေါ်ဆွေဇင်ထိုက် ပြောတဲ့ ရွာသား မြို့သား ကွဲပြားမှုသဘောက ဆန့်ထုတ်စဉ်းစားနိုင်လေ တဦးစီရဲ့ ဖြစ်တည်မှုအဆင့်ကို မြှင့်တင်ယူဖို့ အတွက် အကျိုးများလေလို့ ယူဆမိပါတယ်။

ဘယ်မှာနေနေ ဘယ်မှာဖွားဖွား

ရွာမှာနေခြင်း မြို့မှာနေခြင်းထက် နာယူလိုခြင်း၊ သင်ယူလိုခြင်း၊ မိမိရဲ့ အသိဉာဏ်အဆင့်ကို မြှင့်လိုခြင်းတို့က ပိုအရေးကြီးတာလည်း မှန်ပါတယ်။ တံဆိပ်တွေထက် အနှစ်သာရကို ပိုဂရုစိုက်သင့်တယ်လို့ ပြောလိုရင်းပါ။
ကျွန်တော်ကိုယ်တိုင်လည်း မန္တလေးမှာ မွေးတယ်ဆိုရုံသာ မွေးပြီး ဟိုး ဝေးလံသီခေါင်လှတဲ့ ကယားပြည်နယ်၊ လောပိတအလွန် လောဓလေ့ဆိုတဲ့ ကျေးရွာလေးမှာ လူဖြစ်ခဲ့ရတာပါ။ ဒါပေမယ့် စာသိပ်ဖတ်တဲ့ မန္တလေးသူ မေမေရဲ့ ပျိုးထောင်မှုကြောင့် အသိအမြင်တွေ ပွင့်လင်းခဲ့ရပါတယ်။
ကျွန်တော်ကိုယ်တိုင်လည်း စာကို ဘိန်းစွဲသလို စွဲပြီး တအားဖတ်ခဲ့တဲ့ အတွက်၊ ကံအားလျော်စွာ အင်္ဂလိပ်လိုတွေပါ အရူးအမူး ဖတ်နိုင်လာတဲ့အတွက် ဆိုရှယ်လစ်ခေတ်ဆိုးကြီးမှာ လူဖြစ်ရလင့်ကစား ပြင်ပကမ္ဘာရဲ့ သဘောကို စောကျောခွင့် ရခဲ့ပါတယ်။ နားလည်သဘောပေါက်လာခဲ့ပါတယ်။
ဒါ့အပြင် ကျွန်တော့်ငယ်သူငယ်ချင်းတယောက်က အင်္ဂလိပ်အစိုးရ လက်ထက်မှာ ဝန်ကြီးအဆင့် တာဝန်ထမ်းဆောင်ခဲ့သူရဲ့ မြေးဖြစ်နေပါတယ်။ သူတို့ရဲ့ အမူအကျင့်တွေ၊ လူနေမှုပုံစံတွေဟာ ဆိုရှယ်လစ်ခေတ်ကြီးမှာတောင်မှ အင်မတန် ထူးခြားလို့ နေပါတယ်။ မိဘနဲ့ သားသမီး ဆက်ဆံပုံ၊ လူတွေကို အယုတ်အလတ် အမြတ်မရွေး လေးလေးစားစား ချိုချိုသာသာ ဖွယ်ဖွယ်ရာရာ ပြောဆိုဆက်ဆံပုံ၊ အရာရာကို ဖတ်ရှုဆင်ခြင်ကြပုံ၊ ယုတ်စွအဆုံး စစ်တုရင် ကစားတာကိုတောင်မှ စာအုပ်ကြီးငယ် အသွယ်သွယ်ကို ဖတ်ရှုလေ့လာကြပုံ၊ စားသောက်နေထိုင်ပုံတွေကို ရင်သပ်ရှုမောခဲ့ရဖူးပါတယ်။ တဆက်တည်းမှာ ကျွန်တော်ကိုယ်တိုင်ဟာ အတော့်ကို ရိုင်းနေသေးမှန်းလည်း ရိပ်စားမိလာပါတယ်။

အရိုင်းနဲ့ အယဉ်

ချုပ်လိုက်ရင်တော့ ရိုင်းတယ်ဆိုတာဟာ ယဉ်တာကို မမြင်ဖူးသေးသမျှ၊ ဒါမှမဟုတ်ရင်လည်း ယဉ်တာကို မြင်ပါလျက်ကနဲ့ သင်ယူမှတ်သားလေ့ကျင့်ပျိုးထောင်လိုစိတ် မရှိသေးသမျှ ကိုယ့်ဆီမှာ အမြစ်တွယ်နေနိုင်တဲ့ အမူအကျင့် တခုဖြစ်ပါတယ်။ အဲဒါကို ကျေးလက်စရိုက်ရယ်လို့ပဲ အလွယ်ပြောလိုက်တာဖြစ်ပါလိမ့်မယ်။
ကျွန်တော့်မှာလည်း ကျေးလက်စရိုက်တွေ ရှိခဲ့ဖူးတာ၊ ကြွင်းကျန်နေသေးတာ ဝန်ခံပါတယ်။ ဒါပေမယ့် ကျွန်တော့်သားသမီးတွေ၊ နောက်မျိုးဆက်တွေမှာတော့ မြို့ပြစရိုက်တွေ ကိုယ်စီကိုယ်စီနဲ့ ကမ္ဘာကို ရင်ပေါင်တန်းနိုင်စေချင်တဲ့ ဆန္ဒဇောအဟုန်နဲ့ သည်စာကို ရေးလိုက်ပါတယ်။
ကျွန်တော် ပြောတိုင်း လက်ခံရမယ်လို့ ဘယ်သူ့ကိုမှ မတိုက်တွန်းရဲသလို တိုက်လည်း မတိုက်တွန်းအပ်ပါဘူး။ ကျွန်တော် ဆွေးနွေးတာလေးကို တချက်လောက် ငြိမ်ပြီးဆင်ခြင်ကြည့်၊ မသေချာရင် ပြန်ဖတ်ရင်းက အဖန်ဖန် ပြန်ဆင်ခြင်ကြည့်ပြီး လက်ခံသင့်မှ လက်ခံပါ။ လက်မခံသင့်ဘူး ယူဆရင်လည်း ပစ်ပယ်လိုက်ပါခင်ဗျား။
အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ၁၄၀၃၁၈)

ပေတံရဲ့ အလေးချိန်၊ ပေတံရဲ့ ဖိစီးမှု

နိဒါန်း

aid100079-v4-728px-Use-a-Ruler-Step-14မိခင်က လင်သားအပေါ် မကျေချမ်းနိုင်တဲ့စိတ်နဲ့ သားသမီးလေးတွေ ဖခင်အပေါ် မကောင်းမြင်အောင် နိစ္စဓူဝ စည်းရုံး ဆော်သြမှုများကြောင့် ဖခင်အပေါ် လိုသည်ထက်ပိုပြီး အမြင်လွဲတတ်တဲ့အကြောင်းကို လွန်ခဲ့တဲ့ ၁၀ နှစ်ကျော်က ကျွန်တော် ရေးခဲ့ဖူးပါတယ်။ “ပုံရိပ်ပျက်”ဆိုတဲ့ခေါင်းစဉ်နဲ့ပါ။ အဲဒါလေးကို စာအုပ်မျက်နှာစာ လူမှုကွန်ရက်မှာ ပြန်တင်လိုက်တဲ့အခါ သမီးတယောက်က မေးခွန်းထုတ်လာပါတယ်။

“မယားငယ်ယူတဲ့ အဖေဆိုရင်ရော ဘယ်လို လုပ်မလဲ။ အဖေ့အပေါ် ခါးခါးသီးသီးဖြစ်နေတဲ့ ရင်ထဲက အစိုင်အခဲကို ချေဖျက်ဖို့ အားထုတ်သင့်ပါသလား”တဲ့။

သူ့မေးခွန်းက လွယ်လွယ်လေးပေမယ့် အင်း၊ ဟင့်အင်းလို့ တန်းဖြေလို့ ရတဲ့ မေးခွန်းမျိုး မဟုတ်ပါဘူး။ ထည့်စဉ်းစားစရာ အချက်အလက်တွေ ရှိနေပါတယ်။

ပထမအချက် – ဖအေဆိုတာကို ဘယ်လို အနက်ဖွင့်ဆိုပါသလဲ

ဖခင်၊ ဖအေ၊ အဖေစသဖြင့် ပြောနေကြတဲ့ ဖအေဆိုတာ ဘာကို ခေါ်တာပါလဲလို့ အရင်ဆင်ခြင်ဖို့ လိုမယ်ထင်ပါတယ်။ သိပ်ကို တိကျ ရှင်းလင်းတဲ့ အဖြေကတော့ “မိမိမည်သော သန္ဓေသားအား မိမိ မိခင်၏ ဝမ်းကြာတိုက်ထဲတွင် တည်လာစေသည့် ဖိုမျိုးစေ့ကို ချပေး (သည်ဟုယူဆရ) သူ”ဟာ ဖအေပါပဲ။

သည်နေရာမှာ “(သည်ဟုယူဆရ)”ဆိုတာကို လက်သည်းကွင်းနဲ့ ထည့်ထားပါတယ်။ မအေ့ဆီမှာ ဖိုမျိုးစေ့ကို အမှန်တကယ် ချပေးခဲ့သူလည်း ဖြစ်နိုင်သလို သူ့မျိုးစေ့ပါလို့ အမေက သိစိတ်နဲ့ဖြစ်စေ၊ မသိစိတ်နဲ့ဖြစ်စေ “အတတ်စွဲသူ”လည်း ဖြစ်နိုင်လို့ အစွန်းမရောက်အောင် သည်စာသားကို ထည့်ထားလိုက်တာ ဖြစ်ပါတယ်။

အဲတော့ကာ ဖအေဆိုတဲ့အထဲမှာ မိခင်ရဲ့ အလိုမတူဘဲ မိခင်ရဲ့ကာမကို အဓမ္မရယူခဲ့သူ မည်သူမဆိုလည်း ပါဝင်နေနိုင်တာ အမှန်ပါပဲ။ ဘယ်လိုပဲဖြစ်ဖြစ်၊ အဲဒီ့လူဟာ “ဖခင်”ပါပဲ။

သည်ကနေ ဆက်စဉ်းစားလိုက်မယ်ဆိုရင် “ဖခင်”ဆိုတာဟာ မွေးဖွားလာသူ ရင်သွေးရဲ့ ရွေးချယ်မှုမဟုတ်ဘဲ သဘာဝက ပေးအပ်လိုက်တဲ့ မလွှဲမရှောင်သာ တော်စပ်သူဆိုတဲ့ အချက်က ထင်ရှားနေပါလိမ့်မယ်။ တနည်းပြောရင် ဖခင်ကောင်း ဖြစ်ချင်လည်း ဖြစ်မယ်၊ မဖြစ်ချင်လည်း မဖြစ်ဘူး၊ ဖခင်တာဝန်ကျေချင်လည်း ကျေမယ်၊ မကျေချင်လည်း မကျေဘူး၊ တော်ချင်လည်း တော်မယ်၊ ညံ့ချင်လည်း ညံ့မယ်၊ အတူနေချင်လည်း နေမယ်၊ မနေချင်လည်း မနေဘူး၊ ကိုယ့်အမေနဲ့ တည့်ချင်လည်း တည့်မယ်၊ မတည့်ချင်လည်း မတည့်ဘူး။ ဘယ်လိုပဲဖြစ်နေနေ သူဟာ ကိုယ့်အဖေဆိုတာတော့ ပြဋ္ဌာန်းပြီးသားပါ။

ဒုတိယအချက် – ဖအေဆိုတာ ဘာ သက်ရှိသတ္တဝါအမျိုးအစားလဲ

သေချာတာကတော့ ဖအေဟာ ခွေး၊ ဝက်၊ နွား မဟုတ်ပါဘူး။ “လူ”စင်စစ်သာ ဖြစ်ပါတယ်။ ဒါကို ဘာ့ကြောင့် ဒုတိယအချက်မှာ ထားရတာလဲဆိုတော့ ဘယ်ဖအေမှ “ဘုရား၊ ရဟန္တာ၊ သူတော်စင်” မဟုတ်ဘဲ သာမန် “ပုထုဇဉ် လူသားစစ်စစ်”သာ ဖြစ်ကြောင်း ပြန်နှိုးဆော်ချင်လို့ပါပဲ။

တနည်းပြောရင်တော့ ဘယ်ဖအေမှ စင်းလုံးမချောနိုင်ပါဘူး။ ရုပ်ချောချင်မှ ချောမယ်၊ ဗလတောင့်ချင်မှ တောင့်မယ်၊ အရပ်မြင့်ချင်မှ မြင့်မယ်၊ အသားလတ်ချင်မှ လတ်မယ်၊ စိတ်ထား ဖြူချင်မှ ဖြူမယ်၊ သိမ်မွေ့ချင်မှ သိမ်မွေ့မယ်၊ နှုတ်ချိုချင်မှ ချိုမယ်။ ဒါ အားလုံး သိပြီးသားပေမယ့် သတိလစ်လစ်နေတတ်တာမျိုးတွေမို့ ပြန်အစထုတ်ရတာပါ။

မအေ့မှာ အနာအဆာတွေ ရှိသလို ဖအေ့မှာလည်း ချို့ယွင်းချက်တွေ အားနည်းချက်တွေ ရှိနေမှာ ဘယ်လိုမှ မလွဲပါဘူး။ အဲဒါကို လူတိုင်း သားသမီးတိုင်း လက်ခံနိုင်ကြမယ် ထင်ပါတယ်။

တတိယအချက် – ကိုယ့်ပေတံ ဘယ်က ရလာတာလ

လူတိုင်းဟာ မွေးလာတုန်းက အဖြူထည်လေးတွေပါ။ လက်ဦးဆရာဖြစ်တဲ့ မိခင်နဲ့ ဖခင်အပါအဝင် ပတ်ဝန်းကျင်ရဲ့ ဖြည်းဖြည်းချင်း လေ့ကျင့်ပျိုးယူမှုကြောင့် ဘာသာစကားတွေ တတ်မြောက်လာတယ်၊ အမှား အမှန်ဆိုတဲ့ “သတ်မှတ်ချက်”တစုံတရာကို ခွဲခြားတတ်လာပါတယ်။ အစဉ်အလာတွေ၊ ရိုးရာဓလေ့ထုံးတမ်းတွေ၊ ယုံကြည်ကိုးကွယ်မှုတွေက ကိုယ့်ကို ပုံဖော်ယူတဲ့ ပတ်ဝန်းကျင်အပေါ်မှာ အများကြီး လွှမ်းမိုးထားပါတယ်။

အလွယ်ဆုံး ဥပမာ ပေးမယ်ဆိုရင်တော့ ဖအေ၊ မအေကိုဖြစ်စေ၊ ကိုယ့်ထက်အကြီးကိုဖြစ်စေ “နင်”နဲ့ “ငါ”နဲ့ ပြောခြင်းဟာ ဗမာလူမျိုး အတွက် မှားပါတယ်။ မပြောအပ်တဲ့ အသုံးအနှုန်းဖြစ်ပါတယ်။ ဒါပေမယ့် ပေါက်ဖော်တွေ၊ အနောက်တိုင်းသားတွေအတွက်ကျတော့ ဘာမှကို ပြဿနာ မရှိပါဘူး။ အကြီးကိုလည်း ယူ၊ အငယ်ကိုလည်း ယူ၊ ကိုယ့်ကိုယ်ကိုယ်လည်း အိုင်နေတာပဲ။ အဲဒီ့အတွက် ဘယ်သူမှားတယ်လို့ ပြောလို့ မရပါဘူး။ ဒါ့ကြောင့် အမှား အမှန်ဆိုတဲ့ “သတ်မှတ်ချက်”တစုံတရာလို့ ရေးလိုက်တာ ဖြစ်ပါတယ်။ တကယ့် အမှား၊ အမှန်၊ ပရမတ်သဘောမဟုတ်ဘဲ ကိုယ့်အယူနဲ့ကိုယ် အမှန်မှတ်နေကြတဲ့ ပညတ်သဘောကို မြင်စေချင်လို့ပါ။

အလားတူပဲ၊ တလင်တမယား စနစ်ကို အားပေးတဲ့ ဘာသာတရားနဲ့ လူ့ဘောင်ရှိသလို အိမ်ထောင်ရေးမှာ ဘာအကန့်အသတ်မှ မရှိတဲ့ ဘာသာတရားနဲ့ လူ့ဘောင်လည်း ရှိပါတယ်။ ဗုဒ္ဓဘာသာမှာ တလင်တမယားစနစ်ကို အားပေးတယ်ဆိုတဲ့ ပြဋ္ဌာန်းချက် မတွေ့ဖူးသလို ဗမာ့ဓမ္မသတ်မှာ “မယားခိုးမှု”နဲ့ ပတ်သက်ပြီး ရေးထားတာဆို ရှင်းပါတယ်။ “သူ့လင်နှင့်ကြုံ၊ တံခါးခုံ၊ လွတ်ရုံ ကျော်၍ ပြေး”လို့ သတ်မှတ်ထားတာပါ။ ဆိုလိုတာက သူတပါး မယားနဲ့ ကျူးလွန်လို့ လင်ရောက်လာတဲ့အခါ အိမ်ရှေ့ တံခါး ခါးပန်းကို ကျော်အောင် ပြေးနိုင်တာနဲ့ အရေးယူလို့ မရတော့ပါဘူးတဲ့ဗျား။ အဲဒါ ဓမ္မသတ်ထဲမှာ ပါတာပါ။

အခု ဗမာပြည်မှာ သုံးနေတဲ့ “မယားခိုးမှု”ပါဝင်သော ပြစ်မှုဆိုင်ရာဥပဒေ (ရာဇသတ်ကြီး)ဟာ တလင်တမယားစနစ်ကို ဘာသာရေး အရ အထူးအားပေးတဲ့ ခရစ်ယာန်ဘာသာဝင် နယ်ချဲ့ ဗြိတိသျှတွေ ရေးဆွဲခဲ့တာကို နှစ်ပေါင်း တရာကျော်လာတဲ့တိုင် မပြင်နိုင်ကြသေးလို့ အတည်ဖြစ်နေတာပါ။ တကယ်က ဗမာ့ဓမ္မသတ်နဲ့ ဖြောင့်ဖြောင့်ကြီး ဆန့်ကျင်နေပါတယ်။

အဲဒါတွေက သမိုင်းနဲ့ ချီနေလို့ ဝေးတယ်ဆိုရင်တောင် တချို့နိုင်ငံတွေမှာဆိုရင် အရွယ်ရောက်သူအချင်းချင်းကြား အိမ်ထောင်ရေး ဖောက်ပြန်မှုနဲ့ တခြားလိင်ပိုင်ဆိုင်ရာ ပြုကျင့်မှုများကို ရာဇဝတ်ကြောင်းအရ အရေးယူတာတွေကို ပယ်ဖျက်နေကြပါပြီ။ ကိုယ်ရေး ကိုယ်တာ ကိစ္စတွေကို ပြစ်မှုအဖြစ် သတ်မှတ်စရာ မလိုဘူးလို့ သဘောပေါက်လာကြလို့ပါပဲ။ အရက်၊ ဆေးလိပ်၊ မူးယစ်ဆေး စတာတွေဟာ ကျန်းမာရေးအတွက် မကောင်းဘူး၊ ဒါပေမယ့် အရွယ်ရောက်သူ တဦးအနေနဲ့ သူ့သဘောနဲ့သူ သောက်သုံးတာဟာ ပြစ်မှုအဖြစ် မသတ်မှတ်သင့်ဘူးဆိုတဲ့ အယူအဆပါ။

အဲတော့ ဆင်ခြင်တုံတရားရှိတဲ့ လူတိုင်းအနေနဲ့ ကိုယ့်လက်ထဲမှာ အသေဆုပ်ကိုင်ထားတဲ့ ပေတံကို ပြန်ဆန်းစစ်ဖို့ လိုမယ် ထင်ပါတယ်။ ကိုယ့်ပေတံက မှန်ရဲ့လား။ ကိုယ့်စံနဲ့ ကိုယ် ဟုတ်သလို ရှိပေမယ့်၊ ဟုတ်ချင်မှလည်း ဟုတ်နိုင်တယ်လို့ မြင်လာမယ်ဆိုရင် အမြင်တွေ ပိုပွင့်လာနိုင်ပါတယ်။

မူလ မေးခွန်းနဲ့ ပြန်ဆက်စပ်လိုက်မယ်ဆိုရင်တော့ ဖအေ မယားငယ်ယူတာ မှားတယ်၊ မှန်တယ်လို့ သတ်မှတ်တဲ့ ကိုယ့်ပေတံကရော ဘယ်လောက်အတိုင်းအတာအထိ မှန်တယ်လို့ အာမခံနိုင်တဲ့ ပေတံအမျိုးအစားလဲ။ ဆင်ခြင်ကြည့်သင့်ကြမယ် ထင်ပါတယ်။

တခြား ဆင်ခြင်စရာတွေ

ဖအေက မယားငယ် ယူတာတော့ မှန်တယ်။ ဒါပေမယ့် ကိုယ်အပါအဝင် တခြားသားသမီးတွေအပေါ်နဲ့ အမေ့အပေါ်မှာ အဖေ့ရဲ့ သဘောထားက ဘယ်လို ရှိသလဲ။ အမေနဲ့ အဆင်မပြေပေမယ့် အဖေက ကိုယ်တို့တွေအပေါ် ဘယ်လို သဘောထားသလဲ။ ဖခင်တယောက်အနေနဲ့ ချစ်ခင်ယုယမှု၊ ကျွေးမွေးပြုစုမှု၊ လိုအပ်ချက်တွေကို သူစွမ်းနိုင်သလောက် ဖြည့်ဆည်းမှုတွေကရော ဘယ်လို ရှိသလဲ။

မအေနဲ့က အဆင်မပြေဘူး၊ မယားငယ်နဲ့က အဆင်ပြေနေတယ်။ မအေနဲ့ မယားငယ်ကိစ္စ စကားများတိုင်း ကိုယ်တွေကိုပဲ မဲရန်ရှာတတ်၊ မောင်းမဲတတ်၊ နှိပ်စက်တတ်တဲ့ အဖေမျိုးဆိုရင် မုန်းပလိုက်စမ်းပါ။ နာကျည်းလိုက်စမ်းပါလို့ အားပေးရင် မှန်နိုင်ပါတယ်။

ဒါမှမဟုတ်လည်း မယားငယ်နောက် ကောက်ကောက်ပါအောင် လိုက်သွားပြီး မယားငယ်နဲ့ ပေါက်ဖွားတဲ့ သားသမီးတွေကိုသာ အသိအမှတ်ပြုတဲ့ ဖအေမျိုးဆိုရင်လည်း မုန်းလို့၊ နာကျည်းလို့ မမှားနိုင်ဘူး ထင်ပါတယ်။ ကိုယ့်အမေကို အလိုမတူဘဲ အဓမ္မပြုကျင့်ခဲ့ရာက ကိုယ့်ကို သန္ဓေတည်စေခဲ့တဲ့ မုဒိမ်းကောင် လူရမ်းကားက ဇီဝဗေဒသဘောအရသာ ကိုယ့်ဖအေ လာဖြစ်နေတာမျိုးနဲ့ မနီးရိုးစွဲမို့ နာကျည်းခွင့် ရှိတယ်လို့ မြင်မိပါတယ်။

အရပ်ပျက်ဖြစ်နေနေ မအေဟာ မအေပဲ

မအေလုပ်သူဟာ အကျင့်စာရိတ္တပျက်ပြားနေပါစေ၊ ကိုယ့်ဆီမှာ အမေ့ကျေးဇူးတွေ ရှိနေတာမို့ မအေဟာ မအေပါပဲဆိုတဲ့ အယူအဆ တခု ရှိပါတယ်။

 

အဲဒါနဲ့ ဖအေနဲ့ကိုတော့ မချိန်ထိုးသင့်ဘူးလို့ ယူဆမိတယ်ခင်ဗျ။ ဆိုလိုတာက ဘာကြီးပဲ ဖြစ်နေနေ၊ ဖအေဟာ ဖအေပဲလို့တော့ ညီမျှခြင်း ချလို့ သင့်မယ် မထင်ပါဘူး။

အဲဒါက ဇီဝဗေဒသဘောအရပါပဲ။ လူသားတယောက်ဖြစ်လာရေးမှာ ဖိုမျိုးစေ့ချသူ ကျွန်တော်တို့ ယောက်ျားတွေဟာ ကိုယ့်ရဲ့ သွေးသားဆန္ဒကို မထိန်းနိုင်လို့ ကျူးလွန်ကြတာပါ။ အဲဒီ့ကမှ သန္ဓေသားရယ်လို့ ဖြစ်လာတဲ့အခါ အဲဒီ့ယောက်ျားဟာ ခန္ဓာကိုယ်ထဲက ဘာကိုမှ စိုက်ထုတ်ရင်းနှီးရတာ မဟုတ်ပါဘူး။ မအေမှာသာ သူ့ရဲ့ ဝမ်းကြာတိုက်ကို ၉ လတာပေးအပ်ထာရသလို မအီမသာ ဝေဒနာပေါင်းစုံကို ကိုးလလုံး ခံစားရသလို မွေးဖွားချိန်မှာ မချိမဆံ့နာကျင်ခြင်းများအထိ စိုက်ထုတ် ရင်းနှီးထားခဲ့လို့သာ ကိုယ်ဆိုတဲ့ လူသားလေး ဖြစ်လာရခြင်းပါပဲ။ အဲဒီ့ ဒုက္ခကို ဖအေတွေဟာ သညာသိနဲ့သာ နားလည်နိုင်ပြီး တကယ့်တကယ် ကိုယ်ချင်းစာပေးနိုင်ဖို့ အလွန်ခက်ခဲလှပါတယ်။ သည်အတွက် ကိုယ်လူဖြစ်လာရေးမှာ မအေ့ကျေးဇူးက မြင့်မိုရ်တောင်ဆိုရင် ဖအေ့ ကျေးဇူးက ဆီးစေ့လောက်သာ ရှိပါတယ်။

ကိုယ်မွေးဖွားပြီး နောက်ပိုင်း ကိုယ့်ကို လူတန်းစေ့ နေနိုင်စားနိုင်၊ လူလားမြောက်နိုင်ရေးအတွက် ဖအေ့ရဲ့ ပံ့ပိုးမှုတွေ ရှိခဲ့ရင်တော့ အဲဒီ့ ကျေးဇူးကို သတိထားရမှာပဲဖြစ်ပါတယ်။

နိဂုံး

ကျွန်တော်အပါအဝင် လူသားအားလုံးလို့ မဆိုနိုင်သည့်တိုင် အများစုဟာ ငယ်ဘဝရဲ့ ရိုက်ခတ်မှုတွေ၊ ခံစားချက်ဝေဒနာတွေ တနင့်တပိုးကို ရင်ဘတ်ကြီးတလုံးနဲ့ ထမ်းပိုးရင်း ဘဝခရီးကို လျှောက်လှမ်းနေကြသူများဖြစ်ပါတယ်။ ကျွန်တော့်ကို မေးလှာတဲ့ ကလေးမလေးနဲ့ တထပ်တည်း တူချင်မှ တူမှာဖြစ်ပေမယ့် ကျွန်တော်တို့ အားလုံးမှာလည်း မုန်းတီးမှု၊ စက်ဆုပ်မှု၊ နာကျည်းမှု ခံစားချက် အသကနဲ့ ရှိနေကြပါတယ်။

ကျွန်တော်ကတော့ သားတယောက်အဖြစ်လည်း ခံစားခဲ့ရဖူးသလို ဖအေတယောက်နေရာမှာလည်း နေနေခဲ့တာ နှစ်ပေါင်း ၃၀ နား တိုင်လာခဲ့ပါပြီ။ သည်အတွက် ဝေဒနာစုံနဲ့လည်း ရင်ဆိုင်ခဲ့ဖူးပြီး ဖြစ်ပါတယ်။ သည်အခါမှာ သေချာတာ တခုကတော့ အဲဒီ့ ဝေဒနာတွေကို လွှတ်ချနိုင်တာနဲ့အမျှ နေရတာ ပိုလို့ ပေါ့ပါးလာတာပါပဲ။ မလွှတ်ချနိုင်သေးသမျှ၊ ကိုယ်က ထမ်းပိုးထားသမျှ လေးလံ ဖိစီးနေမှာလည်း မလွဲပါဘူး။

အဲသလို လွှတ်ချနိုင်၊ လွှတ်ချတတ်ဖို့အတွက် ပထမဆုံး လွှတ်ချသင့်တဲ့အရာကတော့ ကိုယ့်လက်ထဲမှာ ဆုပ်ထားမိတဲ့ ပေတံများ ဖြစ်လေမလားဆိုတာကို လေးလေးနက်နက် တွေးနေမိရပါတယ်။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ၂၁၁၁၁၇)  

 

 

 

 

 

 

 

 

မှိုင်းမိ နှုတ်ကျိုးနေတာများရဲ့ နောက်ကွယ်မှာ

10584029_649347675184158_4959805731051738918_nမြန်မာစာ မြန်မာစကား ချွတ်ခြုံကျနေတဲ့ ကာလကြီးမှာ ဒါကို ပြောရင် ပြောတဲ့သူက ရူးရာကျပါလိမ့်မယ်။

ဒါပေမယ့် မပြောဘဲလည်း မနေနိုင်လို့ ရူးကြောင်မူးကြောင်နဲ့ ထပြောလိုက်ပါတယ်။

စကားလုံးတွေရဲ့ အလျားအတာကို တွက်ဆသင့်တဲ့အကြောင်းပါ။

အဖွဲ့အစည်းတွေ၊ အများနဲ့ ပတ်သက်ပြီး ကောင်းရာ မွန်ရာ လုပ်နေသူတွေက စကားလုံးတွေကို သိပ်ဂရုစိုက်ကြပါတယ်။

အထင်ရှားဆုံးက ပြည့်တန်ဆာဆိုတဲ့ အသုံးအနှုန်းကိုပါ။ ဖာ၊ ဖာသည်အစရှိသဖြင့်လည်း အနက်ဖွင့်နိုင်တဲ့ prostitute ဆိုတဲ့ စကားလုံးကို အစောပိုင်းမှာ Commercial Sex Worker (အတိုကောက် CSW) လို့ ခေါ်ခဲ့ကြပါတယ်။ စီးပွားဖြစ် လိင်လုပ်သားပေါ့။ သို့သော် အင်္ဂလိပ်စကားမှာ အဲဒီ့ စီးပွားဖြစ်ဆိုတဲ့ ဝေါဟာရက ရိုင်းတဲ့ အနက်နဲ့လည်း သုံးပါတယ်။ သိပ်စီးပွားရေးဆန်တာပဲ၊ အမြီးကျက် အမြီးစား၊ ခေါင်းကျက်ခေါင်းစားဆိုတဲ့ သဘောဘက် နွယ်နေတတ်တယ်။

ဒါ့ကြောင့် အခုနောက်ပိုင်းမှာ စီးပွားဖြစ်ကို ဖြုတ်လိုက်ကြပြီး လိင်လုပ်သား (Sex Worker) လို့ ပြောင်းလဲ ခေါ်ဝေါ် သုံးနှုန်းလာကြပါတယ်။

နောက်ထပ် ထင်ရှားတဲ့ ဥပမာတစ်ခုကတော့ အိပ်(ခ်ျ)အိုင်ဗှီ ပိုးရှိသူများပါပဲ။ အိပ်(ခ်ျ)အိုင်ဗှီ ပိုးရှိသူ (HIV-positive people) လို့ အရင်က ခေါ်ခဲ့ကြပေမယ့် အခုအခါမှာတော့ အိပ်(ခ်ျ)အိုင်ဗှီ/အေအိုင်ဒီအက်(စ်)ဖြင့် နေထိုင်လျက်ရှိသူများ (People Living with HIV/AIDS အတိုကောက် PLHA) လို့ ပြောင်းလဲ ခေါ်ဝေါ် သုံးနှုန်းလာခဲ့ကြပါတယ်။

အလားတူပဲ လူကုန်ကူးခံလိုက်ရသူ သားကောင်များ (trafficked victims) လို့ မသုံးတော့ဘဲ လူကုန်ကူးခံလိုက်ရသူများ (trafficked persons) လို့ ပြောင်းသုံးလာတာတွေလည်း တွေ့ရတယ်။

ဘာဖြစ်လို့ အဲသလို စကားလုံးတွေကို အလေးထားနေတာလဲလို့ မေးစရာ ရှိပါတယ်။

ရှေးက လူပြက်တွေ ပြက်ခဲ့တဲ့ ပြက်လုံးကိုပဲ ပြန်ကိုးကားပါရစေ။ အမေအရွယ် မိန်းမကြီး တစ်ယောက်ကို “အဒေါ်ကြီးက ကျွန်တော့် အမေနဲ့ တူလိုက်တာဗျာ”လို့ ပြောရင် ဟိုအမယ်ကြီး သဘောတွေကျနေမှာ ဖြစ်ပေမယ့် “အဒေါ်ကြီးက ကျွန်တော့်အဖေ့ မယားကြီးနဲ့ တူလိုက်တာဗျာ”လို့ ပြောရင် ပါး ထချမှာပေါ့။

သဘောသွား ဘယ်လောက်တူတူ၊ သုံးတဲ့ အသုံးအနှုန်း လွဲသွားရင် အမြင်နဲ့ အယူအကောက်တွေ လွဲကုန်နိုင်တာမျိုးမို့ တစ်ဖက်သားကို ငဲ့ညှာတဲ့အနေနဲ့ စကားလုံးတွေကို သတိထားကြရတာပဲ ဖြစ်ပါတယ်။

အခုခေတ်လူများများက စာဖတ်လည်း မနာ၊ စာလုံးပေါင်းတောင် မှန်အောင် မပေါင်းနိုင်တဲ့အပြင် ကိုယ်ပိုင်ဉာဏ်နဲ့ ဆင်ခြင်တုံတရားဆိုတာလည်း ခေါင်းပါးလွန်းနေရှာကြတော့ တချို့စကားလုံးတွေကို အလွယ်တကူ ယူသုံးနေကြတယ်။ ဒါပေမယ့် သူတို့စကားလုံးတွေက ဘယ်ရောက်လို့ ဘယ်ပေါက်မှန်း မသိရှာကြဘူး။

ကျွန်တော့်နားထဲမှာ အမြဲတန်း ထော်လော်ကန့်လန့်ဖြစ်နေတဲ့ စကားလုံးက “ပြည်သူ”ဆိုတဲ့ စကားလုံးပါ။ အဲဒီ့ စကားလုံးဟာ အင်မတန်မှ ကွန်မြူနစ်စော်၊ ဆိုရှယ်လစ်စော် နံလှပါတယ်။ “လုပ်သား ပြည်သူ့ နေ့စဉ်” သတင်းစာကြီးကို ပြေးမြင်လိုက်မိစေသလို တစ်ချိန်က ကွန်မြူနစ်နိုင်ငံတွေ ဖြစ်တဲ့ ယူဂိုဆလားဗှီးယား၊ ပိုလန်၊ ချက်ကိုစလိုဗှက်ခီးယားတို့ရယ်၊ ယနေ့ထက်တိုင် ရှိနေဆဲဖြစ်တဲ့ ဗှီယက်နမ်၊ မြောက်ကိုရီးယားတို့ရယ်က ပြည်သူ့တပ်မတော် (People’s Army) ဆိုတာကြီးတွေကိုလည်း သတိရသွားစေပါတယ်။

အဲဒါကို “ပြည်သူ”လို့ မသုံးဘဲ  “လူထု”လို့ ဖြစ်စေ “လူအများ”လို့ဖြစ်စေ ပြောင်းသုံးလိုက်မယ်ဆိုရင် ကွန်မြူနစ်စော် သိပ်နံတော့မယ် မထင်ဘူး။

သည်နေရာမှာ “မိဘပြည်သူများခင်ဗျား”လို့ လစဉ် အစချီတတ်တဲ့ သမ္မတတော့ နည်းနည်း ကသိကအောက် ဖြစ်သွားမယ် ထင်တယ်။ “တိုင်းသူပြည်သား လူအများတို့ ခင်ဗျား”ဆိုရင်လည်း သက်ဦးဆံပိုင် ရှင်ဘုရင့်လေ ဖြစ်နေနိုင်တယ်။ “မိဘ လူထု ခင်ဗျား” “မိဘ လူအများခင်ဗျား”ဆိုလည်း အာတွေ့စရာ အကြောင်း မရှိဘူး။ “မိဘ”ကြီး မထည့်ဘဲ “နိုင်ငံသူ နိုင်ငံသားအပေါင်းတို့ ခင်ဗျား”ဆိုရင်တော့ တော်တော်လေး အဆင်ချောသွားမယ် ထင်တယ်။

ပြောရတာတော့ ခက်တယ်။ သမ္မတကြီးအပါအဝင် ကျွန်တော်တို့ အရွယ်တန်းတွေက စပြီး နောက်ပိုင်း လူငယ် လူရွယ်တွေအထိ သည် ရွှေဆိုရှယ်လစ်ခေတ်ကြီးမှာ လူဖြစ်လာရတော့ ဆိုရှယ်လစ်အသုံးအနှုန်း ဖြစ်နေတဲ့ “ပြည်သူ” ဆိုတာကြီးကို “နှုတ်ကျိုး”နေကြတယ်။ သို့သော် သည်စကားလုံးကို စိုက်လိုက်မတ်တတ် သုံးနေခြင်းအားဖြင့် သမ္မတကြီးသည်လည်း “ဆိုရှယ်လစ်အငွေ့အသက်”ကို ဖက်တွယ်ထားဆဲ ဖြစ်နေလေဘိသကဲ့သို့ သဘောသွား သက်နေစေတာကို သတိချပ်သင့်မယ် ထင်ပါတယ်။

နောက်ထပ်ဆိုးရွားတဲ့ ဝေါဟာရတစ်လုံးက ဟိုတစ်ရက်က ကြားလိုက်တာပါ။  “ဆူပူအကြမ်းဖက်မှု”တဲ့ ခင်ဗျ။

ဟား… ဆိုးလိုက်တာ။ “ဆူပူတာ”နဲ့ “အကြမ်းဖက်တာ”ကို “လုံးချ”လိုက်တဲ့အခါ လူစုလူဝေးနဲ့ ဆန္ဒဖော်ထုတ်တဲ့အခါ၊ ကြွေးကြော်သံတွေ ဟစ်ကြွေးတဲ့အခါ “နှိပ်ကွပ်ချင်စရာ” “အကြမ်းဖက်မှုမဟာ”အဖြစ် တာဝန်ရှိသူတွေက ခံယူကုန်ကြပါတော့မယ်။

ဒီမိုကရေစီ အခြေခံမူမှာ လွတ်လပ်သော သဘောဆန္ဒများက လူတိုင်းမှာ ရှိနေနိုင်ပါတယ်။ အဲဒါဟာ အခြေခံ လူ့အခွင့်အရေးပါ။ သူနဲ့ ဆက်နေတာက “လွတ်လပ်စွာ ထုတ်ဖော်ခွင့်”ပါပဲ။ လွတ်လပ်စွာ ထုတ်ဖော်ရာမှာ ပုံစံအမျိုးမျိုးနဲ့ ဖြစ်နေနိုင်ပါတယ်။ စုဝေးနိုင်တယ်၊ လှည့်လည်နိုင်တယ်၊ ကန့်ကွက် ဆန္ဒပြနိုင်တယ်၊ ကြွေးကြော်သံတွေ၊ တောင်းဆိုချက်တွေ၊ သံချပ်တွေ ဟစ်အော်နိုင်ပါတယ်။

အဲသလို မိမိတို့ရဲ့ သဘောဆန္ဒကို လွတ်လပ်စွာ ဟစ်ကြွေးခြင်းဟာ “ဆူပူတာ”ထဲမှာ အကြုံးဝင်နေနိုင်ပေမယ့် “အကြမ်းဖက်တာ”နဲ့တော့ လားလားမျှ မသက်ဆိုင်ပါဘူး။

ရဲအရာရှိ တစ်ဦးရဲ့ နှုတ်ထွက်စကားလုံးအဖြစ် အဲဒီ့စကားလုံး နှစ်လုံးကို ပေါင်းစပ်ပြီး သုံးလိုက်တာကို အမှတ်မထင် ကြားလိုက်ရတာပါ။ ကြားလိုက်ရတဲ့ နေရာက ရဲအရာရှိကြီးများအတွက် ရပ်ရွာအတွင်း ရဲလုပ်ငန်း ဆောင်ရွက်ခြင်းနဲ့ လူစုလူဝေးစီမံခန့်ခွဲမှု သင်တန်းမှာဖြစ်ပါတယ်။

အဲဒီ့သင်တန်းမှာ အဓိက အချက်က ဆန္ဒပြတာတွေ၊ စီတန်းလှည့်လည်တာတွေ၊ ဆန့်ကျင်ကန့်ကွက်ပွဲတွေဟာ ဘယ်နိုင်ငံမှာမှ ရှောင်လွှဲလို့ မရနိုင်တဲ့ ဖြစ်ရပ်တွေ ဖြစ်တယ်။ ရဲတပ်ဖွဲ့ရဲ့ တာဝန်က လူ့အခွင့်အရေးကို ချိုးဖောက်ခြင်း မရှိဘဲ တရားဥပဒေစိုးမိုးရေးကို ဖော်ဆောင်သွားရမှာ ဖြစ်တယ်။ တစ်နည်းပြောရရင် ဆန္ဒပြသူတွေလည်း လွတ်လပ်စွာ ဆန္ဒပြနိုင်၊ မသက်ဆိုင်တဲ့ လူအများမှာလည်း ဘေးအန္တရာယ် ကင်းရှင်းစွာ သွားလာလှုပ်ရှားနိုင်အောင် စီမံကြပ်မတ် ပေးရမှာသာဖြစ်ပါတယ်။

သင်တန်းဆရာတစ်ဦး ပေးသွားတဲ့ ဥပမာက ကောင်းတယ်။ စီတန်းလှည့်လည် ဆန္ဒပြမှာမို့ လမ်းမကြီးတစ်ခု ပိတ်သွားနိုင်တယ်။ အချိန်က တကယ့် အချိန်ကောင်း၊ ရုံးဆင်းချိန် လူသွားလူလာ များတဲ့အချိန်။ အဲလိုဆိုရင် ဆန္ဒပြ ခေါင်းဆောင်တွေနဲ့ ညှိနှိုင်းပြီး လမ်းကို ၁၅ မိနစ်တစ်ကြိမ် ဖွင့်ပေးသွားနိုင်ဖို့အတွက် ဆန္ဒပြ စီတန်း လှည့်လည်တာကို ၁၅ မိနစ်တစ်ကြိမ် ဆိုင်းပေးတာ၊ ဒါမှမဟုတ် လမ်းတစ်ခြမ်းကိုပဲ ဆန္ဒပြသူတွေက စည်းကမ်း သေဝပ်စွာ အသုံးပြုပြီး ကျန်တစ်ခြမ်းကို ယာဉ်ကြောအတွက် ဖွင့်ပေးတာမျိုးများနဲ့ ရှဥ့်လည်း လျှောက်နိုင်၊ ပျားလည်း စွဲနိုင်မယ့် နည်းမျိုးကို ကြံဆတာဟာ လူ့အခွင့်အရေးကို မထိခိုက်စေဘဲ တရားဥပဒေစိုးမိုးရေးကို ဖော်ဆောင်တာ ဖြစ်ပါတယ်။

အဲသလို လူအုပ်ထဲမှာ အကြမ်းဖက်ဖို့ လှုံ့ဆော်သူတွေလည်း ပါလာနိုင်တယ်။ ဒါကို မူလကတည်းက ကြိုတင် ပြင်ဆင်ထားဖို့ လိုတယ်။ ဆန္ဒပြပွဲကို ကမကထပြုသူတွေနဲ့ အရင်ညှိနှိုင်းထားမယ်ဆိုရင် ဒါကို ဖြေရှင်းနိုင်တယ်။ လူစုလူဝေးထဲမှာ ဖြစ်စေ၊ စီတန်းလှည့်လည်နေရာမှာဖြစ်စေ အကြမ်းဖက်ဖို့ လှုံ့ဆော်နေသူတွေ တွေ့လာပြီဆိုတာနဲ့ တစ်ပြိုင်နက် ငြိမ်းချမ်းစွာ ဆန္ဒပြနေသူတွေက အဲဒီ့လူတွေနဲ့ ခွာလိုက်တာပါပဲ။ ဒါဆိုရင် အကြမ်းဖက်လိုသူတွေကို ရဲက စောစောစီးစီး ခွဲခြားနိုင်ပြီး အလျင်အမြန် ဖယ်ရှားလိုက်ခြင်းအားဖြင့် ငြိမ်းချမ်းစွာ ဆန္ဒပြနေသူတွေကို ပံ့ပိုးပေးနိုင်ပါတယ်။

အတော်ကောင်းတဲ့ အစီအမံတွေပါပဲ။

ထားပါ။ ပြောခဲ့သလိုပဲ အဲဒီ့ဆွေးနွေးပွဲမှာ တစ်ဦးက “ဆူပူအကြမ်းဖက်မှု”ဆိုတဲ့ စကားလုံးကြီးကို ချသုံးလိုက်တော့ ကျွန်တော့်စိတ်ထဲမှာ ပျာခနဲ ဖြစ်သွားတယ်။ သူတို့ရဲ့ စိတ်အခံမှာကိုက ဆန္ဒပြတယ်ဆိုတာကို အကောင်းမမြင်နိုင်သေးမှန်း သည်စကားလုံး အသုံးအနှုန်းက ထင်ရှားသွားစေပါတယ်။

အပြစ်မမြင်မိပါဘူး။ ဆိုခဲ့သလိုပဲ ခမျာများမှာလည်း ရွှေဆိုရှယ်လစ်နဲ့ တစ်ပါတီအာဏာရှင်စနစ်အောက်မှာ လူလားမြောက်ခဲ့ရ၊ ကြီးပြင်းခဲ့ရ၊ ပညာရင်နို့ သောက်စို့ခဲ့ရ၊ လူလားမြောက်လာခဲ့ရလေတော့ကာ ရှေးက မှိုင်းတွေ မစင်ရှာကြသေးတာ ခမျာများရဲ့ အပြစ်မှ မဟုတ်ဘဲလေ။

သို့သော် ခေတ်ကြီးက အရှိန်အဟုန် ပြင်းပြင်းနဲ့ ပြောင်းနေပါပြီ။ အရင်မှိုင်းတွေထဲမှာ ပိတ်မိနေလို့ မရတော့ဘူး။ ဆန္ဒပြတာကို အရင်လို ထင်သလို နှိပ်ကွပ်လို့ နှိမ်နင်းလို့ ရနိုင်တဲ့ ခေတ်မျိုး မဟုတ်တော့ဘူး။ ထင်သလို နှိမ်နင်း နှိပ်ကွပ်တာကိုလည်း ဖုံးထား ဖိထားလို့ ရတဲ့ ခေတ်မဟုတ်တော့ဘူး။

သည်အခါမှာ နှစ်ဘက်စလုံးအတွက် ပြေလည်မယ့် နည်းလမ်းကို နိုင်ငံတိုင်း ရှာဖွေနေကြရပါတယ်။ သူလည်း မနိုင်၊ ကိုယ်လည်း မရှုံး၊ ကိုယ်လည်း မသာ၊ သူလည်း မနာမယ့် နည်း၊ တစ်နည်းပြောရင် နှစ်ဖက်စလုံးအတွက် အဆင်ပြေမယ့် နည်းကို ကျားကုပ်ကျားခဲ ရှာဖွေနေကြရပါပြီ။

သည်အနေအထားမှာ မှိုင်းမိနေတဲ့ စကားလုံးဖြစ်တဲ့ “ဆူပူအကြမ်းဖက်မှု”ဆိုတဲ့ ဝေါဟာရကြီးကို အပြီးတိုင် သုတ်သင်ပြီး “ဆူပူတာ”ကို ဆူပူတာသက်သက်အဖြစ် သတ်သတ် ခွဲမြင်ဖို့ လိုသလို “အကြမ်းဖက်တာ”ကိုလည်း သတ်သတ်ခွဲမြင်ဖို့ လိုလာပါလိမ့်မယ်။

အိမ်က မိန်းမကြီးနဲ့ပဲ ပြောရအောင်လား။

“သည်မိန်းမက တော်တော် ဆူဆူပူပူလုပ်တာပဲ၊ ပူညံပူညံ တယ်လုပ်ပဲ”လို့ ပြောရင် အဲဒါ “အကြမ်းဖက်တာ”နဲ့ ဘယ်လိုမှ မပတ်သက်မှန်း လူတိုင်း သိကြပါတယ်နော်။

“အကြမ်းဖက်တယ်”ဆိုတာက ကာယအင်အားကိုဖြစ်စေ၊ ဘေးဖြစ်စေနိုင်တဲ့ ကိရိယာတန်ဆာပလာတစ်ခုခုကို ဖြစ်စေ အသုံးပြုပြီး လူ၊ ပစ္စည်းတွေကို ရန်ပြုတာပါ။ ဆူပူတိုင်း အကြမ်းမဖက်၊ အကြမ်းဖက်သူတွေ မဆူပူဆိုတာကို နားလည် တတ်မှ စကားလုံး အသုံးအနှုန်းလည်း မှန်သွားပါလိမ့်မယ်။

ပြောမယ့်သာ ပြောရတယ်။ ရိုးတွင်းခြင်ဆီထဲတောင် စွဲနေပြီဖြစ်တဲ့ ခေတ်ဟောင်းမှိုင်းဆိုသော ဗှိုင်းရပ်(စ်)ပိုးကို သတ်နိုင်တဲ့ ဆေးဝါးကလည်း မပေါ်တတ်နိုင်သေးတော့ကာ နှုတ်ကျိုးနေတဲ့ စကားလုံးများကြားမှာပဲ ပိတ်မိနေရင်းက အတွေးအခေါ် ဟောင်း၊ အမြင်ဟောင်း၊ အကျင့်ဟောင်းတွေ အစွန့်ရ ခက်နေကြမှာကိုလည်း စာနာရင်းနဲ့ စိတ်ပျက်လက်ပျက်ကြီးသာ ဖြစ်နေမိရပါတော့တယ်။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် – ၀၅၀၉၁၄)

၂၀၁၄ ခုနှစ် အောက်တိုဘာလထုတ် စုံနံ့သာ မဂ္ဂဇင်း အတွဲ ၁ အမှတ် ၁၀

ဘယ်ဘ၀မှာ နေချင်ကြပါသလဲ

???????????????????????????????

မပြောဖူးပေမယ့် ကြားဖူးတဲ့စကား

“သိသာ သိစေ၊ မမြင်စေနဲ့”တဲ့။

သည်စကားက ကျွန်တော်တို့ လူမျိုးကို လှိုက်စားနေတဲ့ စကားလို့ မြင်မိပါတယ်။ စတင်ကြားဖူးတဲ့ လူမမယ် အရွယ်ကတည်းက သည်စကားကို ဘဝင်မကျဖြစ်နေခဲ့မိရတယ်။

ဝမ်းသာစရာ ကောင်းတာက ကျွန်တော့်မိဘတွေ သည်စကားကို ပြောသံ မကြားဖူးဘူး။ အဖေရယ်၊ အမေရယ်၊ ကျွန်တော်ရယ် သုံးယောက်ပဲ ရှိတဲ့ မိသားစုလေးမှာ အဖေလည်း သည်စကား မပြောတတတ်၊ အမေလည်း သည်စကား ပြောလေ့မရှိတော့ ကျွန်တော့် ပါးစပ်ထဲမှာလည်း သည်စကားက ရောက်ကို မလာတော့ဘူး။
သို့ပေမယ့် လူ့လောကဆိုတာ ကျွန်တော်တို့ မိသားစုလေး တစ်ခုတည်းမှ မဟုတ်တာ။ ပတ်ဝန်းကျင် အပြင်လောကနဲ့ တွေ့ထိဆက်ဆံရတဲ့အခါမှာ သည်စကားကို ရံခါ ကြားခဲ့ရတတ်တယ်။

တော်တော်ကြီးကို ဘဝင်မကျတဲ့ စကားပါ။

သိတာနဲ့ မြင်တာ

သည်စကားရဲ့ အတိမ်အနက်ကို ချိန်စက်မယ်ဆိုရင် ပထမဆုံးက သိတာနဲ့ မြင်တာမှာ ဘယ်ဟာက ပိုပြီး ပဓာနကျသလဲဆိုတာကို ဆန်းစစ်ဖို့လိုမယ် ထင်ပါတယ်။

မြင်တယ်ဆိုတာ အပေါ်ယံသဘောဆောင်ပါတယ်။ ဖျတ်ခနဲ မြင်လိုက်တယ်။ ရိပ်ခနဲ မြင်လိုက်တယ်။ ဆိုကြပါစို့၊ ဟိုဘက်အိမ်က အပျိုကြီး မမနဲ့ အိမ်ရှေ့အိမ်က ဦးလေးကြီးကို ကားတစ်စီးပေါ်မှာ နှစ်ယောက်တည်း မြင်လိုက်တယ်။ ဒါမှမဟုတ် အရပ်ထဲက ဘုရား ဒါယိကာကြီးဟာ တစ်ချိန်လုံးလိုလို ရေနွေးကြမ်းတွေ တစွတ်စွတ်သောက်နေတာ မြင်တယ်။ ဒါတွေက အမြင်သက်သက်ပါ။

သိတယ်ဆိုတာကျတော့ တော်တော် အတွင်းကျသွားပါပြီး ဟိုဘက် အိမ်က အပျိုကြီးနဲ့ အိမ်ရှေ့အိမ်က ဦးလေးကြီးတို့ တိတ်တိတ်ပုန်း ညားနေကြတယ်လို့ သိလိုက်တယ်ဆိုရင် ဘယ်လိုနေမလဲ။ ဘုရားဒါယိကာကြီး ကလည်း လူရှေ့မှာသာ ဘုရား ဒါယိကာကြီးကလည်း ရေနွေးကြမ်းအိုးထဲ အရက်တွေ ထည့်ပြီး ခွက်ပုန်းချနေတယ်လို့ သိလိုက်တယ်ဆိုရင် ဘယ်လို နေမလဲ။

သည်အခါ သိခြင်းက ပိုတန်ဖိုးကြီးသလား၊ မြင်ခြင်းက တန်ဖိုးကြီးသလားဆိုတာ အတော်စဉ်းစားစရာ ကောင်းသွားပါပြီ။

ဟိုနှစ်ယောက် ညားနေမှန်း သိတော့နေတယ်၊ သို့သော် မမြင်တဲ့ အတွက် သက်သေပြရ ခက်နေတာကြီးက ကောင်းသလား။ ဘုရား ဒါယိကာကြီးကလည်း ခွက်ပုန်းသမားကြီးမှန်း သိနေတယ်။ တစ်ချက် တစ်ချက် လေကြောင်းအသင့်မှာ သူ့ဆီက အရက်နံ့ ရတယ်။ သို့သော် သူ တကယ်မော့နေတာ မမြင်လို့ သူ့ကို ဘုရားတကာကြီးအမှတ်နဲ့ပဲ ဆက်လက် ကြည်ညိုလေးစားနေမှာလား။

သိသာ သိစေ မမြင်စေနဲ့ဆိုပြီး အဲဒီ့လူတွေက လူမမြင်အောင် အတတ်နိုင်ဆုံး ရှောင်တိမ်း ဖုံးကွယ်ရင်း အရပ်ကို၊ မိသားစုကို လှည့်ဖျား နေကြမယ်ဆိုရင် အဲဒီ့ သိသာသိစေ မမြင်စေနဲ့ဆိုတဲ့စကားဟာ လက်ခုပ် ဩဘာ ထောမနာပြုသင့်တဲ့၊ အားပေးထိုက်တဲ့ စကားဖြစ်နေမှာပါလား။

စဉ်းစားစရာ သိပ်ကို ကောင်းနေပါပြီ။

ခြွင်းချက်

အရာတိုင်းမြှွာခင်းချက် ရှိစမြဲမို့ သည်မှာလည်း ခြွင်းချက်ကို ထည့်ပြောမှ တန်ပါလိမ့်မယ်။

မကြားဝံ့ ရှေ့နေ၊ မမြင်ဝံ့ တရားသူကြီးဆိုသလို တချို့ မကြားဝံ့ မနာသာ ကိစ္စတွေကျရင်တော့ မျက်မြင်ဒိဋ္ဌ သက်သေပြစရာ မလိုအပ်ပါ ဘူး။ သည်အတွက် သည်စကားကို စတင်သံးစွဲခဲ့ကြတာလို့ ယူဆရပါ တယ်။

ဆိုကြပါစို့။ ဖိုမဆက်ဆံရေး ကိစ္စလိုမျိုး၊ မုဒိန်းမှုလိုမျိုး၊ ဒါမှမဟုတ် မျိုးဆက်ပွားအင်္ဂါမှာ ဒဏ်ရာ အနာတရ တစ်ခုခု ဖြစ်နေတာလိုမျိုးမှာ သာမန်လူများအတွက် သိရုံနဲ့ လုံလောက်ပါတယ်။ မျက်စိနဲ့ တပ်အပ် မြင်တွေ့ဖို့ မလိုပါဘူး။ ဒါတောင်မှ အမှုအခင်း တရားတဘောင် ဖြစ်လာ တဲ့အခါမှာ ခိုင်လုံတဲ့ သက်သေ ဖြစ်လာအောင် ကျွမ်းကျင်သူတွေအနေနဲ့ မျက်စိနဲ့ တပ်အပ် မြင်ဖို့၊ စစ်ဆေးဖို့ လိုအပ်ပါသေးတယ်။

သို့သော် ကျွမ်းကျင်သူက အတည်ပြုပြီးပြီဆိုရင်တော့ သာမန်လူတွေ မြင်ဖို့ မလိုတော့ပါဘူး။ သိနေရုံနဲ့ လုံလောက်ပါပြီ။

ဒါဟာ “သိသာ သိစေ၊ မမြင်စေနဲ့”ဆိုတဲ့ စကားရဲ့ သဘောသွားပါ။

သို့သော် သည်မှာလည်းပဲ ရှေ့မှာ ဆိုခဲ့တဲ့အတိုင်း “သိတာ”က “မြင်တာ”ထက် အဆများစွာ ပိုအခရာကျတဲ့ အချက်ကိုလည်း ဘယ်သူမှ ငြင်းနိုင်မယ် မထင်ပါဘူး။

ကောက်ချက်

သည်တော့ကာ သည်စကားကို စတင်သုံးစွဲခဲ့တဲ့ ရှေးလူကြီးတွေအနေနဲ့ အမှန်တရားကို မျက်ကွယ်ပြုဖို့ဖြစ်စေ၊ လိမ်ညာဖုံးဖိခြင်းကို အားပေးဖို့ ဖြစ်စေ၊ အခုခေတ်မှာ တအားခေတ်စားနေတဲ့ ဝေါဟာရဖြစ်သော “ပွင့်လင်း မြင်သာမှု”ကို ဆန့်ကျင်ဖို့ ဖြစ်စေ သည်ဆိုရိုးကို အတည်ပြုခဲ့ကြတာ မဟုတ်ဘူးဆိုတဲ့ ကောက်ချက်တစ်ရပ် ထွက်လာပါတယ်။

သို့သော် ထုံးစံအတိုင်းပဲ၊ မတစ်ရာသားတွေ လက်ထဲကို ရောက်သွားတဲ့အခါ အရိအရွဲတွေကို လှီးထုတ်ဖို့၊ မာကျောတဲ့ အရာတွေကို တုံးဖို့ ၊ တစ်ဖို့ အစရှိသဖြင့် ကောင်းသော ရည်ရွယ်ချက်နဲ့ ထုတ်လုပ်လိုက်တဲ့ ဓားဟာ သူတစ်ပါးကို အန္တရာယ်ပြုဖို့၊ ခြိမ်းခြောက်ဖို့၊ အသက်ကို ရန်ရှာဖို့ အသုံးပြုတဲ့ လက်နက်ကိရိယာ ဖြစ်သွားပါတော့တယ်။

လူတွေဟာ သူတို့ လုပ်ချင်တာကို လုပ်ရဖို့ ဖြစ်စေ၊ သူတို့ မလုပ်ချင် တာကိုမလုပ်ရဖို့ဖြစ်စေ၊ ဆင်ခြေ၊ ခုတုံး၊ အကာအကွယ်အနေနဲ့ ဆိုရိုး စကားတွေကို လွယ်လွယ် ယူသုံးပါတော့တယ်။ သူတစ်ပါး အလုပ်ပြောင်း၊ နေရာပြောင်းတာကို မရှုဆိမ့်တတ်သူတွေ၊ အလုပ်ပြောင်း၊ နေရာပြောင်း ကာမှ အသားမကျခင် အခက်ပွေရသူတွေကိုဆိုရင် လွယ်လွယ်ပဲ “သေချင် တဲ့ ကျား တောပြောင်း”လို့ ပြောလိုက်တာပေါ့။ ဘာခက်တာလိုက်လို့လေ။

အဲ… ပြောင်းလိုက်လို့ အဆင်ပြေသွားတယ်ဆိုပြန်ရင်တော့ “တစ်ရွာ မပြောင်း သူကောင်းမဖြစ်”ဆိုတာကြီး ဝင်လာပါလိမ့်မယ်။

အလားတူပဲ၊ မူရင်းဆိုရိုးအမှန်က “မုတ မပါ လင်္ကာမချော” (ခံစား ချက်မပါရင် စာမချောဘူး) လို့ ဆိုတာကိုပဲ နားစွန်နားဖျားနဲ့ လေဖမ်း ဒန်းစီးပြီး “မုသားမပါ လင်္ကာမချော”လို့ အသံချင်းဖလှယ်ချလိုက်ပြီး လိမ်ညာတာပဲ တရားသလိုလို ဖြစ်အောင် လုပ်ကြတာဟာ ကောင်းတဲ့ ရည်ရွယ်ချက်နဲ့ ထုတ်လုပ်ထားတဲ့ ဓားကို လူတွေကို ရန်ပြုဖို့ သုံးလိုက်တာမျိုးပါပဲ။

ယုံကြည်မှုရဲ့ အခန်းကဏ္ဍ

“သိသာ သိစေ မမြင်စေနဲ့”ဆိုတဲ့ ဆိုရိုးဟာလည်း “မုတမပါ လင်္ကာ မချော”လိုပဲ ခေတ်အဆက်ဆက် အလွဲသုံးစား အပြုခံနေရတဲ့ မြန်မာဆိုရိုးစကား ဖြစ်ပါတယ်။
ဘယ်သူတွေက အလွဲသုံးစား ပြုနေကြတာလဲလို့ မေးစရာ ရှိပါ တယ်။ “အကျင့်မကောင်းတဲ့သူတွေက”လို့ တစ်ခွန်းတည်း တန်းဖြေလိုက် ရင် အတော်များများ မဟုတ်တောင် တချို့တွေတော့ အတော့်ကို ဆွေ့ဆွေ့ခုန်ကုန်ကြမှာပါ။

သို့သော် လူကြီးမင်းများ တစ်ခု ဆန်းစစ်ကြစေချင်ပါတယ်။

ကျွန်တော်တို့ လူ့ဘောင်ကြီးကို လိမ်ညာဖုံးဖိမှုတွေ အပြည့်အသိပ်နဲ့ တည်ဆောက်ချင်ကြပါသလား။ လူ့ဘောင်ကြီးက သိပ်ဝေးလွန်းရင် ကိုယ့်မိသားစုကိုရော လိမ်ညာဖုံးဖိမှုတွေနဲ့ တည်ဆောက်ချင်ပါသလား။ ဒါကို အလေးအနက် စဉ်းစားဖို့ လိုပါလိမ့်မယ်။

ကျွန်တော့်အိမ်မှာ စည်းကမ်းတစ်ခုပဲ ရှိပါတယ်။ အဲဒါက “မလိမ်နဲ့၊ မဖုံးနဲ့”ဆိုတဲ့ စည်းကမ်းပါပဲ။ မှားတာကို ကြိုက်သလောက် မှားလာလို့ ရတယ်။ လူဆိုတာ အမှား မကင်းဘူး။ ကျွန်တော်ကိုယ်တိုင်လည်း အခု အချိန်အထိ မှားနေတုန်းပါပဲ။ အမှားကို အမှန်ပြင်နိုင်ဖို့၊ အမှားထဲက သင်ခန်းစာယူဖို့က အရေးကြီးပါတယ်။ ဒါပေမယ့် လိမ်ညာတာ၊ ဖုံးဖိတာ ကတော့ မိသားစု တစ်ခုလုံး၊ လူ့ဘောင်တစ်ခုလုံးကို အကြီးအကျယ် လှိုက်စားသွားနိုင်ပါတယ်။

ဒါ့ကြောင့် ကျွန်တော့်အိမ်မှာ ကျွန်တော်ကိုယ်တိုင်လည်း မလိမ်ညာဘူး၊ မဖုံးဖိဘူး။ အားလုံးကို အမှန်အတိုင်း အိပ်သွန်ဖာမှောက် ပြောပြ ထားခဲ့တယ်။ ကျွန်တော် ပွေတာ၊ ကျွန်တော် အိမ်ထောင်ရေး ဖောက်ပြန်မှုတွေ ကျူးလွန်ခဲ့တာ၊ ကျွန်တော် အရက်သောက်တာ ကျွန်တော့် တစ် မိသားစုလုံး သိတယ်။ သိသာ သိစေ မမြင်စေနဲ့ ဆိုပြီး အိမ်ဦးခန်းမှာ ဟန်တစ်လုံး ပန်တစ်လုံးနဲ့ မနေဘူး။

သည်တော့ ဘာဖြစ်သလဲ၊ ကျွန်တော်တို့ မိသားစုမှာ သူမတူတဲ့ ချစ်ခင်မှု ရှိတယ်၊ သူမတူတဲ့ လေးစားမှု ရှိတယ်။ ကျွန်တော့်သားသမီးတွေလည်း မလိမ်တတ်၊ မဖုံးတတ်တော့ဘူး။ တစ်ယောက်ကို တစ်ယောက် အပြန်အလှန် ယုံကြည်ကြတယ်။ မယုံလို့ လိုက်ချောင်းရတယ်ဆိုတာမျိုး တွေ ကျွန်တော်တို့ မိသားစု သက်တမ်း ၂၆ နှစ်မှာ တစ်ခါဆို တစ်ခါဖူး မျှ မရှိခဲ့ဖူးဘူး။

ယုံကြည်မှု ပျက်ယွင်းသွားပြီဆိုမှတော့၊ တစ်ယောက်ကိုတစ်ယောက် အပြန်အလှန် မယုံရမှတော့ အဲဒီ့ မိသားစု ဘာဖြစ်လို့ မိသားစုအဖြစ် ပေါင်းစည်းနေကြမှာလဲ။ လူ့ဘောင်တစ်ခုကရော ယုံကြည်မှု ပျက်ယွင်းနေ ပြီဆိုရင် စည်းလုံးမှု ရှိနိုင်ပါဦးတော့မလား။

အတော် စဉ်းစားစရာ ကောင်းတဲ့ အချက်တွေပါ။

မြန်မာ့လူ့ဘောင်

လက်ရှိ မြန်မာ့လူ့ဘောင်ကတော့ အတော့်ကို ယိုယွင်းပျက်စီးနေပါတယ်။ ဒါ အမှန်တရားပါ။ ၁၉၆၄ ခုနှစ်က စတင်လိုက်တဲ့ ပညာရေးစနစ်သစ်က မြန်မာ့ လူ့ဘောင် တစ်ခုလုံးကို အမြစ်ကလှန်ပြီး ပြိုလဲသွားအောင် ဖန်တီးခဲ့ပါတယ်။

သည်ပညာရေးစနစ်က လူအများစုရဲ့ “ဆင်ခြင်တုံတရား”ကို ရိုက်ချိုး ဖျက်ဆီးပစ်လိုက်ပါတော့တယ်။ လူတွေဟာ “ဉာဏ်ပညာ”ဆိုတဲ့ လက်ဆုပ် လက်ကိုင် ပြလို့ မရသော်လည်း အလွန်တန်ဖိုးကြီးလှသော ကိုယ်တွင်းက အစွမ်းအစကို ရဖို့ထက်၊ “အမှတ်”တို့၊ “ဘွဲ့လက်မှတ်”တို့ဆိုတဲ့ စက္ကူပေါ်က အဆောင်အယောင်တွေကိုသာ ပိုတပ်မက်ကုန်အောင် သည်ပညာရေး စနစ်ကြီးက ဖန်တီးပေးခဲ့ပါတယ်။

သည်မှာတင် လူတို့ရဲ့ ဆင်ခြင်တုံတရားကလည်း ချွတ်ခြုံကျကုန်ပါလေတော့တယ်။ လှေနံဓားထစ်သမားတွေ၊ လေဖမ်းဒန်းစီးသူတွေ မနိုင်ရင်ကာ ဖြစ်လာပါတော့တယ်။

သည်လိုပြောတော့ တစ်ယောက်က ကျွန်တော့်ကို ပြောတယ်။ ပညာရေးစနစ်ကိုချည်း လှိမ့်အပြစ်တင်မနေပါနဲ့၊ သည်ပညာရေးစနစ်ကြားမှာ လူဖြစ်ခဲ့ရတဲ့ ကျွန်တော်လိုလူတောင်မှ အတွေးသစ်၊ အမြင်သစ်တွေ ရှိနေတာ မဟုတ်ဘူးလားလို့လည်း ထောက်ပြပါတယ်။

ပာသူ မှန်ပါတယ်။ သို့သော် အဲဒါက ခြွင်းချက်သဘောကို ဆောင်ပါတယ်။ ကျွန်တော်က ကံကောင်းချင်တော့ မလိမ်မညာ မဖုံးမဖိတဲ့ မိသားစုထဲမှာ လူလားမြောက်ခွင့် ရခဲ့တယ်၊ သင်ယူမှုကို အားပေးတဲ့ မိဘ နှစ်ပါးကို ရခဲ့တယ်၊ စာအလွန်ဖတ်တဲ့ မိခင်ရဲ့ ရင်ငွေ့ကိုလှုံခွင့်ရခဲ့တယ်။ အရွယ်ရောက်လာချိန်မှာလည်း စာတွေ နင်းကန်ဖတ်ရာက ကိုယ့်မြန်မာစာနဲ့ ဖတ်ရတာတင် အားမရတော့ဘဲ နိုင်ငံတကာ စာတွေ ဖတ်နိုင်အောင် ကိုယ့်ကိုယ်ကိုယ် ပျိုးထောင် လေ့ကျင့်ယူနိုင်ခဲ့ပါတယ်။

ကိုယ်ရည်သွေးတယ်လို့ မှန်ကုန်မှာစိုးလို့ သည်လောက်နဲ့ပဲ ရပ်ပါရစေ။ အများစုမှာက အဲလို အခွင့်အရေးတွေ မရခဲ့ဘူး။ သည်တော့ ပညာရေးစနစ်ဆိုးကြီးရဲ့ ပုံသွင်းမှု ဒဏ်ကိုပဲ လှိမ့်ခံခဲ့ကြရပါတယ်။ စာကြည့်တိုက် မသုံးတတ်၊ စာဖတ်ခြင်းကို မခုံမင်၊ ဘာသာစကားအရ ထွန်းပေါက်မှုအားကလည်း တအား နည်းနေလေတော့ကာ ကိုယ့်ဝါးလုံးခေါင်းလေးကိုပဲ အဟုတ်မှတ်နေရတဲ့ ဘဝမှာ လူလားမြောက်ရသူက ဒုနဲ့ ဒေး ဖြစ် နေပါတော့တယ်။

သည်တော့ ဆင်ခြင်တုံတရားက ပါးရှားကုန်ပြီပေါ့။ ဆင်ခြင်တုံတရား မဲ့လာတဲ့အခါ ဆိုရိုးစကားတွေကိုလည်း အဆင်ခြင်မဲ့ ယူသုံးပြီး ကိုယ်စီးတဲ့ မြင်း အထီးမှန်း အမမှန်း မသိဖြစ်နေကြပါပြီ။

နိဂုံး

လူတွေဟာ တန်ရာ တန်ရာကိုသာ ရကြပါတယ်။ ဘုရားဟောကတော့ သတ္တဝါမှန်သမျှ ကံစီမံရာကို နာခံကြရတယ်ပေါ့။ အဲဒီ့ကံထဲမှာ မိမိတို့ရဲ့ ကာယကံ၊ ဝစီကံ၊ မနောကံတွေလည်း ပါပါတယ်။

လိမ်ညာဖုံးဖိမှုကို အားပေးချင်သလား၊ လိမ်ညာဖုံးဖိသူတွေနဲ့ပဲ တစ်ဘဝလုံး ရင်ဆိုင်ရတော့မှာကို မြင်ဖို့ လိုပါတယ်။ ကိုယ့်ကို လူတွေက ယုံကြည်စေချင်သလား၊ ကိုယ်ကိုယ်တိုင်က ဖြောင့်မတ်ဖို့ လိုပါတယ်။ မလိမ်မညာ မဖုံးမဖိဘဲ အားလုံးကို အမှန်အတိုင်း ပွင့်ပွင့်လင်းလင်း ရှိနေဖို့ လိုပါတယ်။

ယုံကြည်မှုဆိုတာ တစ်နေ့ တစ်ရက် တစ်မနက်နဲ့ တည်ဆောက်ယူလို့ ရတာမျိုး မဟုတ်ပါဘူး။ နှစ်ပေါင်းများစွာ ရင်းနှီးမြှုပ်နှံရတာမျိုးပါ။ ကိုယ့်မိသားစုထဲမှာ၊ ကိုယ့်အသိုင်းအဝိုင်းထဲမှာ ကိုယ်ဟာ ဖြောင့်မတ်သူ ဖြစ်ချင်သလား၊ ဒါမှမဟုတ် မယုံကြည်ထိုက်သူ ဖြစ်ချင်သလား။

စာဖတ်သူ လူကြီးမင်း ဘယ်လို ဖြေမယ်ဆိုတာ ကျွန်တော် သိနေမိ သလိုပါပဲ။

သို့သော် ကိုယ့်ရဲ့ အမူအကျင့်က ကိုယ်ဖြစ်ချင်တာကို ပံ့ပိုးပေးနေသလား၊ ဆန့်ကျင်နေသလားဆိုတာကို ကိုယ်တိုင် စဉ်းစားရပါလိမ့်မယ်။

မြန်မာဆိုရိုးစကားတွေဟာ ကောင်းသော ရည်ရွယ်ချက်နဲ့ ထားရှိခဲ့ ကြတဲ့ အစဉ်အဆက် စကားတွေ ဖြစ်ပါတယ်။

ဒါပေမယ့် အဲဒီ့စကားတွေကို ခုတုံးလုပ်ပြီး ကိုယ့်အကျင့်တန်မှုကို ဖော်ချင်ရင်လည်း ကိုယ့်သဘောပါ။ အဲသလို ခုတုံးလုပ်လို့ တကယ်တမ်း ထိခိုက်လာမယ့်သူကလည်း ကိုယ်ကိုယ်တိုင်သာ ဖြစ်တယ်ဆိုတာကို မြင်ကြမယ်ဆိုရင်ဖြင့်…
အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ဝ၇၀၃၁၄)

(၂၀၁၄ ခုနှစ် ဧပြီလထုတ် Fashion Image မဂ္ဂဇင်းမှာ ဖော်ပြထားတာဖြစ်ပါတယ်။)

 

A Round of Applause May Easily Drive You Crazy

လက်ခုပ်

အသက် ၄၀ ကျော်လာပြီဆိုတော့ ဘဝမှာ ကိုယ်တိုင်လည်း စင်ပေါ်ကလူကို လက်ခုပ်တီးပေးခဲ့ဖူးတာ အကြိမ်ပေါင်း မနည်းတော့ဘူး။ ကိုယ်ကိုယ်တိုင်ကလည်း စင်ပေါ်တက် လူလုံးပြတာကို အထုံဝါသနာကြီးနေလေတော့ ဆယ်နှစ်သား မပြည့်တပြည့်၊ လေးတန်းကျောင်းသားအရွယ်က စလို့ ယနေ့ထက်တိုင် ကိုယ့်ကို တီးပေးတဲ့ လက်ခုပ်သံမျိုးစုံကို ရယူခဲ့တာလည်း အကြိမ်ကြိမ်။

Clapping emoticonအမှန်တော့ စင်ပေါ်ကလူအတွက် လက်ခုပ်သံဟာ အင်မတန်ယစ်မူး သာယာဖို့ ကောင်းလှပါတယ်။ သီချင်းပဲဆိုဆို၊ ဟောပြောတာပဲလုပ်လုပ်၊ ဩဘာစာပဲဖတ်ဖတ်၊ ကခုန်တာပဲဖြစ်ဖြစ်၊ လူသူပရိသတ်ရဲ့ရှေ့မှောက်ကို ထွက်ပြီး လူလုံးပြနေတဲ့အခိုက်အတန့်မှာ လက်ခုပ်သံဟာ စင်ပေါ်ကလူ အတွက်တော့ “အားဆေး”ပါပဲ။

ဒါပေမယ့် အဲဒါက စင်ပေါ်တက် လူလုံးပြနေသူဘက်က အမြင်နဲ့ ခံစားချက်ပါ။ စင်အောက်က လူကတော့ အနက်အမျိုးမျိုးနဲ့ လက်ခုပ်တီးနေတာကို စင်ပေါ်က လူဟာ စင်ရဲ့အရှိန်၊ ပရိသတ်ရဲ့ ဟိတ်တို့ကြောင့် တစ်ကြောင်း၊ ဘဝင်ကြောင့်တစ်ကြောင်း မေ့လျော့နေတတ်ပါတယ်။

ကိုယ်တိုင်သူတစ်ပါးကို လက်ခုပ်တီးပေးတဲ့အခါမှာ အမျိုးမျိုးကွဲပြားနေခဲ့တာကို သတိရမိတယ်။

  • တကယ့်ကို သဘောကျနှစ်ခြိုက်လို့၊ ဘဝင်ခွေ့၊ နှလုံးတွေ့သွားလို့ အားပါးတရ လက်ခုပ်တီးပြီး အားပေးတာ၊
  • ကိုယ့်လိုပဲ ပွဲကြည့်ပရိသတ်တွေက တီးနေကြလို့၊ အများနဲ့ ရောနှေပြီး ဝတ်ကျေတန်းကျေ တီးလွှတ်လိုက်တာ၊ (တစ်ခါတလေများဆို ကိုယ့်လက် နာမှာစိုးလို့တောင် လက်နှစ်ဖက်ကို အားပါးတရ တီးဟန်လုပ်ပြီး အသံမထွက်အောင် တီးတာမျိုးတောင် ပါသေးတယ်။)
  • စင်ပေါ်ကလူ စင်ပေါ်တက်ခွင့်ရတုန်း အားမနာ လျှာမကျိုး နှိပ်စက်သမျှ ခံနေရတဲ့ ဝဋ်က လွတ်သွားပြီ (သူစင်ပေါ်က ဆင်းတော့မယ်ဆိုတာသေချာပြီ) ဆိုတဲ့ အသိကြောင့် ဝမ်းသာအားရ လက်ခုပ်တီးတာ၊
  • လက်ခုပ် များများတီး၊ စင်ပေါ်ကလူ များများကျေနပ်၊ မြန်မြန်ဆင်း သွားစေချင်လို့ ရွဲ့တီးလေးတီးပေးတာ၊
  • ကိုယ်ကလက်ခုပ်တီးလေလေ၊ စင်ပေါ်ကလူက ဘဝင်ကြွလေလေ၊ အလွဲလွဲအမှားမှားတွေကိုပဲ ဟန်တစ်လုံးပန်တစ်လုံးနဲ့ ဆက်လုပ်လေလေ၊ ကိုယ့်အတွက် ရယ်စရာကောင်းလေလေဖြစ်နေတာမို့ အဆင်းမှာ ဘီးတပ် ပေးတဲ့အနေနဲ့ တီးပေးတာ…

အမလေး… အခုလို တစ်ခုစီချရေးတော့လည်း အများသားခင်ဗျ။

ဒါက ကိုယ်တိုင်က သူများကို ဩဘာပေးနေတဲ့အချိန်မှာ သူသူကိုယ်ကိုယ် ရှိတတ်မြဲအနေအထားတွေကို တတ်နိုင်သလောက် သရုပ်ခွဲကြည့်တာပါ။

အဲ… ကိုယ်ကိုယ်တိုင် စင်ပေါ်တက်နေတဲ့အခါကျတော့ အထက်မှာ ရေးခဲ့သလို စင်ရဲ့ အရှိန်၊ ပရိသတ်ရဲ့ ဟိတ်နဲ့ ဘဝင်တို့ကြောင့် ဒါတွေကို အမှုမဲ့အမှတ်မဲ့ဖြစ်နေတတ်တာလည်း သူသူကိုယ်ကိုယ်ပါပဲ။

လွန်ခဲ့တဲ့ ၁၃-၄ နှစ်လောက်ကတည်းက အဲဒါကို သတိထားမိခဲ့တာပါပဲ။ ဆိုခဲ့တဲ့အတိုင်း ကျွန်တော်ဟာ စင်ပေါ်တက် လူလုံးပြရတာကို အင်မတန် ဝါသနာကြီးလေတော့ အင်မတန် စင်ပေါ် တက်ခဲ့၊ ဆိုခဲ့၊ ကခဲ့၊ ဟောပြောခဲ့ဖူးပါတယ်။

စောစောပိုင်းကတော့ သိပ်သတိမထားမိဘူး။ လက်ခုပ်သံကို သာယာ ယစ်မူးနေမိတာချည်းပါပဲ။ တစ်ချီမှာတော့ ကိုယ်နဲ့အတူ စင်ပေါ်ကို အလှည့်ကျတက်နေသူ ၄-၅ ယောက်နဲ့ ပွဲတစ်ပွဲတည်းမှာ ရင်ဆိုင်နေရ၊ ကိုယ့်အလှည့်မကျခင် ပရိသတ်ကို အကဲခတ်၊ လက်ခုပ်သံကို သရုပ်ခွဲမိတော့မှ လား… လား… လက်ခုပ်သံကို တော်တော် လန့်သွားရတာပါ။

အဲဒီ့လက်ခုပ်သံကို သာယာမိလို့ ချောက်ကျပေါက်ကို တန်းမြင်လိုက်တဲ့အခါမှာတော့ နောင်ကို ဘယ်တော့ပဲ စင်ပေါ်တက်တက် လက်ခုပ်သံကို သာယာစိတ်က တော်တော်ကြီး ပျောက်သွားပါတော့တယ်။ ပရိသတ်ဆီက လက်ခုပ်သံ တဖြောင်းဖြောင်း ကြားတာနဲ့ မီးလှန့်သံချောင်းခေါက်သံ ကြားရသလို အန္တရာယ်အချက်ပေးသံလို့ စိတ်က ချက်ချင်းဖြစ်သွားပါပြီ။

လက်ခုပ်သံကြောင့် ချောက်ကျပေါက်ကို သာမန်ဟောပြောပွဲတစ်ခုနဲ့ နမူနာပြချင်ပါတယ်။ ဟောပြောတဲ့အခါမှာ ပရိသတ်က လက်ခုပ်တီးရင်း ဟောပြောသူအတွက် လမိုင်း ကပ်ဖို့ သိပ်လွယ်သွားတတ်တယ်။ အမှန်ကတော့ လမိုင်းကပ်တယ်ဆိုတာထက် ဘဝင်ကြွသွားတာ၊ ကိုယ့်ကိုယ်ကိုယ် အဟုတ်ထင်သွားတာပါ။
တစ်ချိန်တည်းမှာပဲ၊ ဟောပြောသူအနေနဲ့ ကိုယ့်ရဲ့ ဘယ်စကားလုံးတွေ၊ ဘယ်အကြောင်းအရာတွေကို ပရိသတ်ပွဲကျတယ်ဆိုတာ ရိပ်စားမိနိုင်တယ်။ သည်အခါမှာ လက်ခုပ်သံ ပိုရဖို့အတွက် အလားတူ အကြောင်းအရာတွေ၊ စကားလုံးတွေကို မူလ ရည်ရွယ်ထားတာထက် ပိုပိုသာသာ ဖောဖောသီသီ ပြောဆို သုံးစွဲဖြစ်ကုန်ရင်းက စကားတွေ လွန်ကုန်၊ ကျွံကုန်တတ်တာက ပထမချောက်ပေါက်ပါ။ တစ်ခါတလေများဆိုရင် လက်ခုပ်သံလိုချင်ဇောနဲ့ ဖြီးလုံးတွေ၊ လေလုံးထွားတာတွေ၊ ကိုယ်ရည်သွေးတာတွေပါ ပါကုန်တတ်သေးတယ်။

ဒုတိယချောက်ပေါက်ကတော့ အဲဒီ့လက်ခုပ်သံကိုသာယာ ယစ်မူးပြီး လက်ခုပ်သံနောက်ကိုပဲ တစိုက်မတ်မတ်လိုက်ရင်း ကိုယ်ပြောလိုတဲ့ အကြောင်းအရာကနေ လုံးလုံးကြီး သွေဖီသွားတတ်တာပါပဲ။ တစ်နည်းအားဖြင့် မူလရည်ရွယ်ရင်းကနေ ပျက်သွား၊ မျောသွားနိုင်ပါတယ်။

သီဆိုသူ၊ ကခုန်သူတွေမှာလည်း ထို့အတူပဲ။ ကိုယ်ပိုင်နိုင်ကျွမ်းကျင်ရာကို ကခုန်၊ သီဆို၊ တီးမှုတ်နေရင်းက လက်ခုပ်သံကို သာယာမိပြီး တစ်ပုဒ်ပြီးတစ်ပုဒ် ဆက်တင်ရင်းကနေ ကိုယ်သိပ်မပိုင်တဲ့အပုဒ်ဆီ ရောက်သွားတော့မှ ကိုယ်သိပ်အဟုတ် မဟုတ်လှတာကို ပရိသတ် ရိပ်မိသွားစေနိုင်တဲ့ ချောက်ပေါက်က ရှိနေတတ်ပါတယ်။

အဆိုးဆုံး ချောက်ပေါက်ကတော့ လက်ခုပ်သံတွေပေးနေတဲ့ ကိုယ့်ပရိသတ်ကိုပဲ မထီမဲ့မြင်လုပ်မိတာတွေ၊ ပြောမိတာတွေဖြစ်ကုန်တတ်တာပါပဲ။ တစ်နည်းပြောရရင် ကိုယ့်ကို လက်ခုပ်တီးပေးနေသူတွေထက် ကိုယ်က ပိုတတ်၊ ပိုသိ၊ ပိုတော်တယ်လို့ ဘဝင်လေဟပ်သွားရင်းကနေ မတော်မနန်း တွေပြောမိ၊ လုပ်မိရင်းကနေ “မြှောက်ပေးရင် သွေးတက်အောင် ကတဲ့သူ” ဖြစ်မှန်းမသိ ဖြစ်သွားတတ်ပါတယ်။

အချုပ်ပြောရရင် လက်ခုပ်သံဟာ လူကို“ရူးသွပ်”သွားစေနိုင် (ဝါ) “ပေါကြောင်” သွားစေနိုင်ပါတယ်။ ဘာလို့လဲဆို လက်ခုပ်သံနဲ့ ဘဝင်တို့ဟာ တိုက်ရိုက်အချိုးကျနေလို့ပါပဲ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

သတင်းစုံဂျာနယ်၊ ၂၀ဝ၁

လက်တွဲဖော် စာအုပ်တိုက်ထုတ် အတ္တကျော်ရဲ့ “ဖြေတွေးလေးများ” စာအုပ်မှာလည်း ဖော်ပြထားပါတယ်။

True Value of Money

ပိုက်ဆံရဲ့သဘောထားအမှန်

မနက်က ကျွန်တော့်ရည်းစားဟောင်း တစ်ယောက်ဆီက ဓာတ်ချောစာ ဝင်လာတယ်။သူက ကျွန်တော် ပိုက်ဆံ မစုတာကို တစ်ချိန်လုံး မကျေမနပ်ဖြစ်နေတာ၊ အားမလို အားမရ ဖြစ်နေတာ။

ကျွန်တော်က လူမိုက်ပေါ့။ ကျွန်တော်က ပြည်တွင်းမှာပဲ အိုးမကွာ၊ အိမ်မကွာ ဒေါ်လာစားလာတာ ၁၁နှစ်တောင်ရှိနေပြီ။ ကနေ့အထိ တိုက်ခန်းလေးတစ်ခန်းတောင် အပိုင်မဝယ်နိုင်သေးဘဲ အိမ်ငှားနေရတဲ့အတွက် သူတင် မဟုတ်ပါဘူး၊ ကျွန်တော့်ပတ်ဝန်းကျင်တစ်ခုလုံးကပါ ကျွန်တော့်ကို အားမရကြဘူး။

P1010898ကျွန်တော်ကတော့ ပန်းချီကိုမုတ်သုန် ပြောနေကျစကားလို “ဘဝကို ချောင်ထိုးထားတဲ့သူ”ပါ။ ဖန်တရာတေနေတဲ့ ကလီရှေး(cliché) ကို သုံးရရင်တော့ နေသလို မဖြစ်တဲ့ လောကမှာ ဖြစ်သလို နေလိုက်တာ အကောင်းဆုံးလို့ အောက်မေ့လိုက်ရုံပါပဲ။

ကျွန်တော့်အသက် ၄၀ ကျော်ပြီ။ ၁၉ နှစ်သားကတည်းက ပိုက်ဆံရှာတဲ့ အလုပ်ကိုလုပ်ခဲ့တာ။ ကျောင်းတစ်ဖက်နဲ့ အငှားယာဉ်မောင်းတဲ့ အလုပ်က စလာလိုက်တာ အခုအခါမှာတော့ စားပွဲနဲ့၊ ကုလားထိုင်နဲ့၊ လေအေးစက်နဲ့၊ ကွန်ပျူတာနဲ့၊ ဓာတ်ချောပို့စနစ်နဲ့၊ အသံသွင်း ချောပို့ စနစ်နဲ့၊ စတိုင်ကျကျ အလုပ်တစ်ခုမှာ ရောက်နေတယ်။ အကြီးတန်း အရာရှိဆိုတဲ့ဂုဏ်ပုဒ်တစ်ခုလည်း ရှိတယ်။ လစာအနေနဲ့ကလည်း တစ်လကို ၃သိန်းလောက် ဝင်နေတာ။

ဒါပေမယ့် အဲဒီ့အလုပ်ကနေ ထွက်ဖို့ ကြံနေမိပြီ။ ဒါဖြင့် မင့်မှာ တခြားဘာအလုပ် ရှိလို့လဲဆိုရင် ဘာမှမရှိဘူး။ ခပ်တည်တည်ပဲ၊ လုပ်နေရတဲ့အလုပ်မှာ မပျော်ပိုက်တော့တဲ့အတွက် ထွက်ဖို့ စိတ်ကူးတော့တာ။ ပိုက်ဆံဆိုတာလေး ရလိုမှုတစ်ခုအတွက် ကျွန်တော့်စိတ်ချမ်းသာမှုကို မစတေးချင်တော့တာ။

အားလုံးကတော့ ကျွန်တော့်ကိုလူမိုက်တဲ့။ ကျွန်တော့်အိမ်သူအပါအဝင် ကျွန်တော့်ကို နားလည်သူ၊ ကျွန်တော်နဲ့အယူအဆချင်းတူသူ တချို့က လွဲရင်ပေါ့။
ဟိုးလွန်ခဲ့တဲ့ နှစ်၂၀လောက်က မိတ်ဆွေတစ်ယောက်ပြောဖူးတဲ့ စကားကိုသတိရတယ်။
ဆီဦးထောပတ်ကို လာကျွေးတဲ့အခါ ဇွန်းနဲ့ဖြစ်ဖြစ်၊ လက်နဲ့ဖြစ်ဖြစ် စားခွင့်မရှိဘဲ နှုတ်သီးနဲ့ ထိုးဟပ်ပြီးစားရမယ်ဆိုလို့ကတော့ နတ်သုဒ္ဓာလောက် ကောင်းနေစေဦးတော့ မစားသင့်ဘူးတဲ့။

ကျွန်တော်သိပ်သဘောကျတဲ့စကား။ လူ့သိက္ခာနဲ့ လူ့မာနကို အထိ ပါးခံပြီး ခွေးလို ဟပ်ရမှတော့ အဲဒီ့စားစရာက နတ်သုဒ္ဓာပင်ဖြစ်နေစေဦးတော့ ဘယ် အရသာရှိပါတော့မလဲ။ ဒါပေမယ့်လည်း လောကမှာ လူ့သိက္ခာ လူ့မာနကို တန်ဖိုးမထားဘဲ စားရဖို့လေးကိုပဲ မဲနေတတ်တဲ့ သူတွေကလည်း အများသားဆိုတော့ ကျွန်တော်က လူမိုက်ပေါ့။
အခုလည်း ရည်းစားဟောင်းကြီးက ကျွန်တော် အားကျစေချင်ဇောနဲ့ ရေးလာတယ်။ သူ့လင်တော်မောင်က နိုင်ငံခြားမှာ အလုပ်သွားလုပ်တာ ၈ နှစ် ရှိပြီတဲ့။ သူတို့က အခု ရန်ကုန်ဆင်ခြေဖုံးမှာ တိုက်ဆောက်နေတဲ့အကြောင်း၊ မြေကွက်ကိုက သိန်း ၉၀ လောက် တန်တဲ့အကြောင်း၊ နောက်ထပ်မြေတစ်ကွက်၊ တိုက်ခန်းနှစ်ခန်းနဲ့ ကားတစ်စီးလည်း ရှိနေပြီဖြစ်တဲ့ အကြောင်းတွေကို ရိုးရိုးလေး ရေးထားပါတယ်။

ရိုးရိုးလေးဆိုတာက သူတမင် အကြွားတိုက်နေတာ မဟုတ်တာကို ပြောလိုရင်းပါ။ သူ့သဘောကို ကျွန်တော်သိပါတယ်။ ကျွန်တော့်မှာက သမီးနဲ့သားနဲ့၊ သူ့မှာက သားသမီးတစ်ယောက်မှ မထွန်းကားဘူး။ ဆိုလိုတာက ကျွန်တော်က သူ့ထက်ပိုလို့ စုသင့်ဆောင်းသင့်တယ်လို့ သူက ယူဆပါတယ်။

အခုလောက် စုမိနေတာတောင် သူက အခုလည်း ဆက်စုနေတုန်းပဲလို့ရေးလိုက်တာပါ။ သူ့စာထဲမှာ တခြား ဘာမှ မပါဘူး။ ဒါလေးပဲ ပါတာ။ သူကတော့ အားကျစေချင်လို့ပေါ့။

ကျွန်တော်က အခု အများလို မတွေးတော့တာ သူမသိဘူး။

အဲဒါနဲ့ သူ့ကို တစ်ခုခုပြန်ရေးလိုက်ဖို့ စဉ်းစားတဲ့အခါ တစ်ခါက ရေးပြဖူးတဲ့ “ကိုယ့်မြေ”ဆိုတဲ့ ပုံပြင်လေးကို သတိရသွားတယ်။ အဲဒါလေးကို ပြန်ရှာရင်းနဲ့ ကဗျာလေးတစ်ပုဒ်ကို တွေ့ရပြန်တဲ့အခါ စာဖတ်သူ လူကြီးမင်းများအတွက် ပြန်ဆိုပေးချင်သွားမိရပြန်တယ်။

ဖတ်ကြည့်ကြပါဦး…

ပိုက်ဆံရှိရင် အိမ်ဝယ်လို့ရတယ်၊
ဒါပေမယ့် နားခိုရာကိုတော့ ငွေနဲ့ဝယ်လို့မရဘူး။

ပိုက်ဆံရှိရင် နာရီဝယ်လို့ရတယ်၊
ဒါပေမယ့် အချိန်ကို ငွေနဲ့ဝယ်လို့မရဘူး။

ပိုက်ဆံရှိရင် စာအုပ်ဝယ်လို့ရတယ်၊
ဒါပေမယ့် ပညာကို ငွေနဲ့ဝယ်လို့မရဘူး။

ပိုက်ဆံရှိရင် သွေးဝယ်လို့ရတယ်၊
ဒါပေမယ့် အသက်ကို ငွေနဲ့ဝယ်လို့မရဘူး။

ပိုက်ဆံရှိရင် အပျော်ရှာလို့ရတယ်၊
ဒါပေမယ့် အချစ်ကို ငွေနဲ့ဝယ်လို့မရဘူး။

ပိုက်ဆံရှိရင် အာမခံထားလို့ရတယ်၊
ဒါပေမယ့် လြုံခံမှုကို ငွေနဲ့ဝယ်လို့မရဘူး။

ပိုက်ဆံရှိရင် ခုတင်ဝယ်လို့ရတယ်၊
ဒါပေမယ့် အိပ်ပျော်အောင် ငွေနဲ့လုပ်လို့မရဘူး။

ပိုက်ဆံရှိရင် စားစရာဝယ်လို့ရတယ်၊
ဒါပေမယ့် ခံတွင်းလိုက်အောင် ပိုက်ဆံပေးပြီး လုပ်လို့မရဘူး။

ပိုက်ဆံရှိရင် ဆေးဝယ်လို့ရတယ်၊
ဒါပေမယ့် ကျန်းမာအောင် ငွေနဲ့လုပ်လို့မရဘူး။

ပိုက်ဆံရှိရင် လူရာဝင်တယ်၊
ဒါပေမယ့် လူရိုသေအောင် ငွေနဲ့လုပ်လို့မရဘူး။

တွေ့တယ်နော်?
ငွေရှိရင် ဘာမဆိုဖြစ်တယ်ဆိုတာ ဟုတ်လို့လား?

ခင်ဗျားမှာ ထားစရာမရှိအောင် များနေရင်
ကျုပ်ကို နည်းနည်းပါးပါး ပေးလိုက်ပါတော့လား။

ကဗျာလေးကတော့ ဒါပါပဲ။ ကျွန်တော် ပြန်တတ်သလို ပြန်ဆို ထားတာပါ။ စာဖတ်သူများအတွက်တော့စဉ်းစားစရာလေးတွေ အထိုက်အလျောက် ပေါ်လာတန်ကောင်းတယ်ဆိုတဲ့ မျှော်လင့်ချက်နဲ့ ပြန်ဆိုတင်ပြလိုက်ရပြန်တာပါပဲခင်ဗျား။

(အတွေးသစ်ဂျာနယ်၊ ၂၇-ဝ၃-ဝ၁)

“နေပျော်တဲ့ ဘ၀၊ ကြည်မြတဲ့ဘ၀င်၊ ရွှင်လန်းတဲ့ စိတ်” စာအုပ်ထဲမှာလည်း ဖော်ပြထားပါတယ်။

———–

ဟိုးလွန်ခဲ့တဲ့ ၁၃ နှစ်က ရေးခဲ့တဲ့ စာလေးကို သည်ဘလော့(ဂ်)မှာ သည်စာကို ပြန်တင်ဖြစ်သွားတာက ပိုက်ဆံအကြောင်း သိပ်ပြောနေတဲ့ လူငယ်လေးတွေကို မြင်နေရလို့ပါပဲ။

ပိုက်ဆံတော့ ကျွန်တော်လည်း မက်ပါတယ်။ ဒါပေမယ့် ကျွန်တော်က “အသုံးချဖို့”အတွက် ပိုက်ဆံကို လိုချင်တာပါ။ တစ်နည်းအားဖြင့် ပိုက်ဆံကို ကျွန်တော်က “ကျွန်”လုပ်ချင်တာပါ။

ပိုက်ဆံက ကျွန်တော့် “သခင်”မဟုတ်ပါဘူး။ ပိုက်ဆံရဲ့ “ကျေးကျွန်”ဘ၀ကို ကျွန်တော် အရောက်မခံနိုင်ဘူး။ ဒါ့ကြောင့် ပိုက်ဆံကို ကျွန်တော် မကိုးကွယ်ဘူး။

လွန်ခဲ့တဲ့ ၁၃ နှစ်က သဘောထားဟာ အခုအခါမှာ ပိုလို့ ခိုင်မာလာပါတယ်။ လွန်ခဲ့တဲ့ ၁၃ နှစ်ကထက် စာရင် သေဖို့က ၁၃ နှစ် ပိုနီးလာပါပြီ။ သည်အချိန်မှာ ပိုက်ဆံက သေခြင်းအတွက် အရေးမကြီးပါဘူး။ အခုနေ ကျွန်တော် ဘယ့်(န်)ထလီပဲ စီးနိုင် စီးနိုင်၊ ရိုး(လ်)(ဇ်)ရွိုက်(စ်)ပဲ စီးနိုင် စီးနိုင်၊ ရွှေသားအတိနဲ့ ပြီးကာ စိန်စီထားတဲ့ အိုင်ဖုန်းဂျီးပဲ ကိုင်နိုင်ကိုင်နိုင်၊ အိုဗျာ… ကိုယ်ပိုင် ရွက်သင်္ဘောကြီးပဲ ပိုင်ပိုင် သေခါနီးကျ အဲဒါတွေက စိတ်ချမ်းသာမှု ပေးမှာ မဟုတ်ပါဘူး။ ကိုယ်ချစ်တဲ့ ခင်တဲ့သူတွေ အနားမှာ ရှိနေခြင်း၊ သေခြင်းကို တည်တည်ငြိမ်ငြိမ် ရင်ဆိုင်နိုင်ခြင်းကသာ အရေးကြီးပါတယ်။

ဒါက သေခါနီး အဘိုးကြီးတစ်ယောက်ရဲ့ စကားပေါ့။

ဘ၀ရဲ့ အနှစ်သာရနဲ့ အနက်အဓိပ္ပာယ်က ရုပ်ဒြပ်တွေဆီမှာ မရှိပါဘူး။ စိတ်အတွင်းမှာသာ ရှိပါတယ်။ စိတ်ပိုင်းဆိုင်ရာ ဖွံ့ဖြိုးတိုးတက်မှု၊ တစ်နည်းပြောရင် အသိဉာဏ်တိုးတက်မှုဟာ ပိုက်ဆံရှိဖို့ထက် သာလို့ အရေးကြီးပါတယ်။

အဲဒါကို လူငယ်တွေ မြင်စေချင်လို့ လွန်ခဲ့တဲ့ ၁၃ နှစ်က စာလေးကို ပြန်တင်လိုက်တာပါပဲ။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ရန်ကုန် ၃၀၀၃၁၄)

ဘ၀နဲ့ နိုင်ငံရေး

အရေးအခင်းက ဖြစ်လို့ကောင်းဆဲ၊ လူ့ဘ၀မှာလည်း နိုင်ငံရေးထက် အဆများစွာ ပိုအရေးကြီးတာတွေ ရှိနေဆဲ

ကိုယ့်မိသားစုဝင်တွေ၊ မိတ်ဆွေသူငယ်ချင်းတွေမှာ ကိုယ်နဲ့ မတူတဲ့ နိုင်ငံရေး အမြင်တွေ ရှိနေကြလင့်ကစား လူ့ဘ၀မှာ နိုင်ငံရေးထက် အဆများစွာ ပိုအရေးကြီးတာတွေ ရှိနေသေးတာမို့ အစွန်းရောက်အမြင်တွေကြောင့် ချစ်ခင်ရင်းနှီးမှုတွေ မထိခိုက်စေသင့်ဘူး။

နိုင်ငံရေး ပဋိပက္ခတွေက နိုင်ငံ့ရှေ့တန်းမှာ ဆက်လက်တည်ရှိနေခိုက် အဲသလို အခက်အခဲတွေကို အောင်မြင်စွာ ကျော်လွှားနိုင်ခဲ့သူ နှစ်ဦးဆီက ထွက်လာတဲ့ အကြံပြုချက် ဖြစ်ပါတယ်။

နိုင်ငံရေးအရ ကွဲပြားမှုတွေဟာ ဆွေမျိုး မိတ်သင်္ဂဟတွေနဲ့ အဆက်ဖြတ်ပစ်စရာ အကြောင်းရင်းခံ တစ်ရပ် မဖြစ်သင့်ဘူးလို့ အစိုးရမဟုတ်တဲ့အဖွဲ့အစည်းတစ်ခုရဲ့ ဖွံ့ဖြိုးရေး လုပ်သားဟောင်းတစ်ဦးဖြစ်သူ အသက် ၅၈ နှစ်အရွယ် ဂါဝင် ချူတီမာက ဆိုပါတယ်။

???????????????????????????????

မဆွေးနွေးသင့်တဲ့ အကြောင်းအရာတွေ 

“သံယောဇဉ်တွေက အလွန်အရေးကြီးပါတယ်။ ကိုယ့်မှာ တစ်ခုခု ဖြစ်လာတဲ့အခါ လာပြီး ပြုစုစောင့်ရှောက်ပေးလေမယ့် နိုင်ငံရေး ပါတီဆိုတာ ရှိလာမှာတဲ့လား။ ကိုယ့်မိဘတွေကသာ ကိုယ့်ကို စောင့်ရှောက်မှာ။ မိသားစုက အရေးကြီးပါတယ်”လို့ လွန်ခဲ့တဲ့ နှစ်တွေအတွင်း အချင်းချင်း ရင်ဆိုင်တိုက်ခိုက်ကြရာကနေ အသက်တွေ ဆုံးခဲ့ရ၊ ဒဏ်ရာတွေ ရခဲ့ရတဲ့ ၀မ်းနည်းစရာ အဖြစ်တွေကို ရည်ညွှန်းရင်း သူက ပြောပါတယ်။   

အကောင်းဆုံးနည်းကတော့ ဘာပြောမယ်ဆိုတာကို စိစစ်ဖို့ရယ်၊ နိုင်ငံရေးကို ဆွေးနွေးကြတဲ့အခါ ဘယ်လောက်အထိ ပြောသင့်တယ်ဆိုတာကို ချင့်ချိန်ဖို့ရယ်ပါပဲလို့ ဂါဝင်က ပြောပါတယ်။

ဓာတုဗေဒ ကထိကလည်းဖြစ်၊ တော်ဝင်သိပ္ပံရဲ့ အဖွဲ့ဝင်လည်း ဖြစ်ပြီး အသက် ၈၇ နှစ်အရွယ် ရှိနေလေပြီဖြစ်တဲ့ သူ့မိခင်ကြီးနဲ့ ပတ်သက်လို့ ပြောရာမှာ “တချို့ကိစ္စတွေဆို ကျွန်တော် လက်ရှောင်တယ်”လို့ သူက ဆိုပါတယ်။

သူ့အမေကို သူ တစ်ခုပဲ ပြောပါသတဲ့။ အဲဒါကတော့ အစိုးရဆန့်ကျင်ရေး ကောင်းကင်ပြာ ရုပ်သံလိုင်းလို သတင်းဌာန တချို့ဆီက တစ်ဖက်သတ် သတင်းတွေကိုချည်း မယုံသင့်ကြောင်းဆိုတာပါပဲ။

ဒါ့အပြင် အိမ်စောင့်အစိုးရ ၀န်ကြီးချုပ် ယင်းလပ်(ခ်) ရှင်န၀ါထြာဟာ အကျင့်ပျက်နေတဲ့ မိန်းမဆိုတာမျိုးလို အခြေအမြစ်မရှိတဲ့ စွပ်စွဲချက်မျိုးကို ခိုင်လုံတဲ့ အထောက်အထားမရှိဘဲ လျှောက်မပွားသင့်ဘူးလို့လည်း သူ့အမေကို သူက သတိပေးခဲ့ပါတယ်။

“ကျွန်တော်သာ အမေ့နေရာမှာဆိုရင် အဲလို စကားမျိုးကို ပြောဖြစ်မှာ မဟုတ်ဘူးဗျာလို့ အမေ့ကို ကျွန်တော် ပြောခဲ့ပါတယ်”တဲ့။

လူထုရဲ့ ဒီမိုကရေစီနည်းကျ ပြုပြင်ပြောင်းလဲရေး ကော်မတီ [ပီဒီအာ(ရ်)စီ]က သူတို့ကို ထောက်ခံသူတွေအနေနဲ့ အစိုးရ ငွေစုဘဏ်က ငွေစာရင်းတွေ ပိတ်သိမ်းဖို့ တိုက်တွန်းလိုက်တဲ့နောက် သူ့အမေလည်း အဲဒီ့ဘဏ်က သူ့စာရင်းကို ပိတ်ချင်နေတဲ့အခါ အဲသလိုလုပ်လိုက်ရင် ထိုင်းစီးပွားရေး တစ်ခုလုံးကို ဘယ်လောက်အထိ ရိုက်ခတ်သွားမယ်ဆိုတာကို ဂါဝင်က သူ့အမေကို ရှင်းပြပြီး တားခဲ့ပါတယ်။ အဲသလို စာရင်းပိတ်မယ့်အစား အငြင်းပွားဖွယ်ဖြစ်နေတဲ့ ဆန်စပါး အာမခံ အစီအစဉ်ကို ပံ့ပိုးပေးဖို့ ပိုက်ဆံချေးမယ့် ဘဏ်ရဲ့ အစီအစဉ်တွေကို ရှုံ့ချတဲ့ စာတစ်စောင်ကို ဘဏ်ဆီပေးပို့ဖြစ်သွားအောင် သူ့အမေကို စည်းရုံးနိုင်ခဲ့ပါတယ်။

မိတ်ဆွေသူငယ်ချင်းတွေနဲ့ ပတ်သက်လာရင်တော့ အချင်းများရတော့မယ့် အနေအထား ပေါ်ပေါက်လာမယ့် ကိစ္စမျိုးတွေကိုဆို မဆွေးနွေးကြေးလို့ အချင်းချင်း သဘောတူထားကြတယ်လို့ ဂါဝင်က ဆိုပါတယ်။ ခိုင်လုံတဲ့ သက်သေအထောက်အထား မရှိတဲ့ ကိစ္စတွေမှာ အချေအတင် ငြင်းခုန်တာဟာဖြင့် ဘယ်လိုနည်းနဲ့မှကို အဓိပ္ပာယ် မရှိပါဘူးတဲ့။

ဘယ်လိုပဲဖြစ်ဖြစ် သူ့ဆွေမျိုးတစ်ယောက်ကတော့ သည်လို သဘောတူထားကြတာမျိုးကို လက်မခံနိုင်တာမို့ သူနဲ့ အမြင်မတူသူ သူ့ဇနီးနဲ့ နိုင်ငံရေး လုံးလုံးမဆွေးနွေးဖို့ ဆုံးဖြတ်ထားပါတယ်။

အိမ်မှာဆိုရင်တော့ ဂါဝင်ဟာ တရားခံပြေး ၀န်ကြီးချုပ်ဟောင်း တာ့(ခ်)ဆင်(န်) ရှင်န၀ထြာရဲ့ ပရိသတ်တွေဖြစ်ကြသူ သူ့ယာဉ်မောင်း၊ သူ့အိမ်ဖော်တို့နဲ့ သော်လည်းကောင်း၊ နိုင်ငံလုံးဆိုင်ရာ လူ့အခွင့်အရေး ကော်မရှင် တာဝန်ရှိသူ တစ်ဦးလည်းဖြစ်၊ ပီဒီအာ(ရ်)စီကို ထောက်ခံသူလည်း ဖြစ်တဲ့ သူ့ဇနီးနဲ့သော်လည်းကောင်း ဘာတွေဖြစ်ပျက်နေတယ် ဆိုတာကို ဂါဝင်က ဘယ်တော့မှ မဆွေးနွေးဘဲ နေပါတယ်။

တစ်ချိန်ချိန်မှာ ဘယ်ဘက်ကပဲ နိုင်သွားသွား ထိုင်းတွေဟာ ကိုယ်နဲ့ တွေးပုံ မတူသူ သန်းပေါင်းများစွာနဲ့ အတူယှဉ်တွဲ နေထိုင်သွားရမှာပဲလို့ ဂါဝင်က ထောက်ပြပါတယ်။

“အဲတော့ ကျွန်တော်တို့ ဘယ်လို အတူယှဉ်တွဲ နေထိုင်ကြမှာတုံး”လို့ ဂါဝင်က မေးပါတယ်။ အတိုက်ခံဘက်ကို ကျန်တဲ့ တစ်ဘက်က စသတ်ပြီဆိုတာနဲ့ ထိုင်းနိုင်ငံဟာ ပြည်တွင်းစစ် နွံ့ထဲမှာ နစ်သွားလိမ့်မယ်လို့ သူက ပြောပါတယ်။

အသက် ၄၀ အရွယ် နိုင်ငံရေး သိပ္ပံပညာရှင် ဆီရုတ် ခလာ(မ်)ပိုင်ဘွန်ကတော့ သူ့ထက် ၁၆ နှစ်ကြီးသူ ဒီမိုကရက်တစ် ပါတီ အဆင့်မြင့်အဖွဲ့ဝင် သူ့အစ်ကိုကြီး အော်(န်)ငါ့(ထ်) ခလာ(မ်)ပိုင်ဘွန်နဲ့ နိုင်င့ရေး ဆွေးနွေးတဲ့အခါမှာ နှစ်ဖက်စလုံးက လက်ခံနိုင်တဲ့  စစ်တပ်အာဏာ မသိမ်းရေး၊ ဆန္ဒပြသူတွေကို အင်အားသုံး မဖြိုခွင်းရေး ဆိုတာမျိုးတွေကိုသာ အရင်ဆုံး စပြောတယ်လို့ ဆိုပါတယ်။

“ကျွန်တော့်မိသားစုက အစွန်းရောက်တွေ မဟုတ်ကြတာ၊ (ဆန့်ကျင်ဘက်အမြင်တွေကို) နားမထောင်ဘဲ နေကြမယ့်သူတွေ မဟုတ်တာ ကျွန်တော် ကံကောင်းတယ်”လို့ သူကပြောတယ်။ ဘ၀ထဲက နေရာတကာမှာ နိုင်ငံရေးနဲ့ ကိုင်တုပ်တာဟာ “အဓိပ္ပာယ်မရှိဘူး”လို့ သူက ဆက်ပြောလိုက်ပါသေးတယ်။

“နိုင်ငံရေးဆိုတာ ဘ၀ရဲ့ ထောင့်တစ်ထောင့်သာ ဖြစ်ပါတယ်။ နိုင်ငံရေးနဲ့ ပတ်သက်လို့ ကျွန်တော်တို့ ကွဲလွဲနိုင်ကြပါတယ်။ ဒါပေမယ့် စီးပွားရေးကို ဘယ်လို ဆောင်ရွက်သင့်တယ်ဆိုတာကိုပဲဖြစ်ဖြစ်၊ အားကစားနဲ့ ပတ်သက်လို့ပဲဖြစ်ဖြစ် ကျွန်တော်တို့ သဘောတူနိုင်တာတွေလည်း ရှိမှာပါ။ လူတွေမှာက သဘာဝအမျိုးမျိုး ရှိကြတယ်။ အဲဒါကို နားလည် လက်ခံနိုင်မှ တန်ကာကျလိမ့်မယ်”ဟူလို။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(ဘာသာပြန်သူ)

၂၃၀၂၁၄

သတင်းတစ်ပုဒ်ကို ဖတ်လိုက်မိပြီး ဘယ်လိုမှ မအောင့်နိုင်တော့လို့ ဘာသာပြန်လိုက်တာပါ။
မူရင်း http://www.nationmultimedia.com/politics/As-crisis-continues-people-discover-that-theres-mo-30227516.html

A Civil Tongue

နှုတ်မှုရေးရာ စဉ်းစားစရာ

IMG_2506နိဒါန်း

“ချိုချိုသာသာ ပြောရင် လေယာဉ်ပျံတောင် အလကားစီးရသတဲ့”ဆိုတဲ့ စကားက တော်တော်လေး ခေတ်စားခဲ့ဖူးပါတယ်။ သည့်ထက်စောတဲ့ မြန်မာ ဆိုရိုးစကားကတော့ “နှုတ်ချို သျှိုတစ်ပါး”ဆိုတာပါပဲ။ “သျှို”ဆိုတဲ့ စကားက သင်္သကကရိုဋ်က ဆင်းသက်တဲ့ ဝေါဟာရဖြစ်ပြီး သည်ဆိုရိုးမှာက လွဲရင် အတော် အသုံးနည်းသွားပါပြီ။ “အောင်မြင်ပြီးမြောက်မှု”ကို “သျှို”လို့ ဆိုပါသတဲ့။ အဲတော့ကာ “နှုတ်ချို သျှိုတစ်ပါး”ဆိုတာဟာ “ချိုချိုသာသာ ချေချေငံငံ ပြောဆိုခြင်းဟာ ကိစ္စအရပ်ရပ်ကို အောင်မြင် ပြီးမြောက်စေနိုင်တဲ့ အကြောင်းတရားတစ်ခုဖြစ်တယ်”လို့ ဆိုလိုပါတယ်။
သို့သော်လည်းပဲ ကျွန်တော်တို့တွေရဲ့ နေ့စဉ်ဘဝမှာ မြင်တွေ့ကြုံဆုံနေရသူတွေကတော့ အတော့်ကို မဖွယ်ရာလှပါဘူး။ ချိုချိုသာသာ ချေချေ ငံငံ ဖွယ်ဖွယ်ရာရာ မပြောတတ်ကြဘူး။ စကားပြောလိုက်ရင် “တုတ်ထိုး အိုးပေါက်“တွေ၊ “ပိဿလေးနဲ့ ဘေးပစ်သလို”တွေ၊ “ရုန့်ရင်းကြမ်းတမ်းတာ”တွေကိုသာ အကြားရ အမြင်ရ များပါတယ်။

တချို့က အဲသလို ပြောတတ်တာကို ဂုဏ်ယူတတ်ကြတယ်။ “တို့ကတော့ ချိုချိုသာသာလည်း မပြောတတ်ဘူး။ ပြောစရာ ရှိ၊ တည့်တည့်ပဲ ပြောတတ်တယ်၊ ဝမ်းထဲမှာလည်း မြုံမထားသလို ကောက်လည်း မကောက်ကျစ်ဘူး” ဘာဘူး၊ ညာဘူးနဲ့ သူတို့ နှုတ်ကြမ်းတာကို အကာအကွယ် ယူတတ်ကြပါတယ်။
ရုတ်တရက်ကြည့်ရင်တော့ ဟုတ်သလိုလိုပါ။ သို့ပေမယ့် စဉ်းစားစရာက နှစ်ချက် ရှိပါတယ်။

စဉ်းစားစရာ ပထမတစ်ချက်

ပထမတစ်ချက်က “အမိယုတ်တော့ နှုတ်ကြမ်း”ဆိုတာပါပဲ။ အဲဒီ့ မြန်မာ ဆိုရိုးစကားကလည်း နှယ်နှယ်တော့ မဟုတ်ဘူးခင်ဗျ။ ပြောရတာတော့ အလွန် အားနာစရာ ကောင်းတယ်။ မှန်တာကတော့ သွေးထွက်အောင် မှန်တဲ့ စကားမို့ပါ။

သည်လိုပြောလိုက်တော့ တချို့မအေတွေ မျက်ထောင့်နီကောင်း နီကုန်နိုင်ပါတယ်။ ဒါ့ကြောင့် အကျိုးသင့်အကြောင်းသင့် ရှင်းပြပါရစေ။

ကနေ့ စကားတွေ ပြောနေကြတဲ့ ကျွန်တော်တို့ အားလုံး အဲဒီ့စကားတွေ ဘယ်ကတတ်သလဲဆိုတာ စဉ်းစားကြည့်တော်မူဖို့ပါပဲ။ ဗမာကလေးက ဗမာစကား တတ်တယ်၊ ရှမ်းကလေးက ရှမ်းစကားတတ်တယ်၊ ချင်းကလေးက ချင်းစကားတတ်တယ်၊ တလုတ်ကလေးက တလုတ်စကား တတ်တယ်။ ဘယ်ကျောင်းမှ မနေ၊ ဘယ်သင်တန်းမှ မတက်ဘဲနဲ့ စကားကို အလိုလိုတတ်လာတာပါ။ ဒါ့ကြောင့် “မိခင်ဘာသာစကား”လို့ ဆိုတယ် မဟုတ်ပါလားခင်ဗျာ။

စကားတင် တတ်တာမဟုတ်ပါဘူး။ မိခင်ရဲ့ အမူအကျင့်၊ ဝမ်းနည်း ဝမ်းသာမှုကို တုံ့ပြန်ပုံအမျိုးမျိုးကပါ ကလေးဆီကို ရောက်လာတာချည်းပါပဲ။ အဲတော့ ငယ်စဉ်တောင်ကျေး အကလေးဘဝကတည်းက မိဘနဲ့ ခွဲမနေရသူများအတွက် လက်ဦးဆရာဟာ မိဘတွေသာ ဖြစ်ပါတယ်။ ခွဲနေခဲ့ရသူတွေဆိုရင်တော့ အနီးဆုံးမှာ ရှိနေကြတဲ့ အုပ်ထိန်းသူတွေက လက်ဦးဆရာတွေ ဖြစ်ကုန်ကြမှာပေါ့။

အဲတော့ နှုတ်ကြမ်းတာဟာလည်း မိဘဆီက ဆင်းသက်လာတဲ့ အမွေပါပဲ။

ကျွန်တော့်အမေဟာ သူ့ကို မွေးစမှာ မိခင်က ကောင်းကောင်း မကျန်းမာတာမို့ သူတို့အိမ်က အလုပ်သမားများ လက်ပေါ်မှာ ကြီးခဲ့ရရှာ ပါတယ်။ အဲဒီ့ အလုပ်သမားတွေက စာမတတ်၊ ပေမတတ်နဲ့ ရိုးသားသလောက် နှုတ်ကြမ်းကြတဲ့သူတွေပါ။ အဲတော့ မေမေဟာ အလွန်နှုတ်ကြမ်းပါတယ်။ ဖေဖေကကျပြန်တော့လည်း အခြေခံလူတန်းစားက ပေါက်ဖွားတာမို့ အဆဲအဆို၊ အအော်အဟစ်၊ အရိုက်အပုတ်တွေဟာ သူ့ပတ်ဝန်းကျင်မှာ မမြင်ချင့်အဆုံး ဖြစ်ခဲ့ပါလိမ့်မယ်။ သည်တော့ ဖေဖေလည်း ကြမ်းပါတယ်။

သူတို့က ပေါက်ဖွားလာတဲ့ ရင်နှစ်သည်းချာ ကျွန်တော်ကလေးခမျာမှာလည်း ဘာသားနဲ့ ထုထားတာမို့လဲဗျာ။ အော်တာ၊ ဟစ်တာ၊ ဆဲတာ၊ ဆိုတာ၊ ရိုက်တာ၊ ပုတ်တာတွေကို အလွန်သန်ပါတယ်။ ကျွန်တော့် သွေးထဲ သားထဲမှာ အဲသလို စရိုက်တွေက သံမှိုနှက်ထားသလို စွဲမြဲလို့ နေပါတယ်။

သို့သော် ဘယ်မိဘကတော့ ငါ့သားရေ၊ ငါ့သမီးရေ၊ ငါတို့ ဆဲသလို ဆဲဟေ၊ ငါတို့ အော်သလို အော်ဟေလို့ မသွန်သင်ပါဘူးနော်။ လိမ္မာရေးခြားရှိအောင်၊ ယဉ်ယဉ်ကျေးကျေး ပြောတတ်အောင် သွန်သင်ခဲ့ကြသူတွေလည်း အများအပြား ရှိမှာပါ။ ကျွန်တော့် မိဘတွေလည်း အဲသလိုပါ ပဲ၊ ကျွန်တော့်ကို ကျကျနန သွန်သင်ပေးခဲ့ကြပါတယ်။ သည်တော့ကာ ကျွန်တော်ဟာ ဘာမှ မဖြစ်တဲ့အခြေအနေ၊ စိတ်လက်ကြည်သာနေတဲ့ အခြေအနေမှာ အလွန်အင်မတန် ယဉ်ကျေးသိမ်မွေ့ပါတယ်။ နှုတ်ချိုပါ တယ်။ ဒါပေသည့် ကျွန်တော် စိတ်တိုသွားတဲ့အခါမှာတော့ အင်မတန် ကြမ်းတမ်းတဲ့သူ ဖြစ်သွားပါတယ်။ အင်မတန် စိတ်ပျက်စရာကောင်းသွားပါတော့တယ်။

သွားလေသူ မိဘတွေကို အတာချတာတော့ မဟုတ်ဘူးခင်ဗျ။ သို့ပေမယ့်လည်း ဆိုခဲ့တဲ့အတိုင်းပါပဲ၊ သည်အမူအကျင့်တွေက ကျွန်တော်တို့ ရဲ့ ကိုယ်တွင်းကို မိဘတွေက မျိုးစေ့ချပေးတဲ့ အကျင့်တွေပါ။

အခုဆို ကျွန်တော့်သားနဲ့ သမီးဟာလည်းပဲ ဒေါသထွက်ပြီဆိုရင် သံကုန်ဟစ်တတ်တဲ့အကျင့် အခိုင်အမာနဲ့ ဖြစ်နေပါပြီ။ ဘာပြုလို့လဲ၊ ကျွန်တော့်မှာတင် သည်အကျင့် ရှိတာမဟုတ်ဘဲ သူတို့ရဲ့ မွေးသမိခင် ကျွန်တော့်ဇနီးမှာလည်း သည်အမူအကျင့်က ရှိနေမှတော့ သူတို့လည်း ဘာသားနဲ့မှ ထုမထားတဲ့ လူသားလေးများပီပီ ဝစီစရိုက် မျိုးရိုးလိုက်ကုန်ရတော့တာပေါ့ခင်ဗျာ။

သို့သော် သူတို့က ကျွန်တော့်ထက် ကံကောင်းတယ်။ သူတို့အမေက မဆဲတတ်ဘူး။ အံ့ဩစရာ ကောင်းလောက်အောင် လုံးဝ မဆဲတတ်တဲ့ အမေဖြစ်နေတာပါပဲ။ “ဗိုင်းတာမ”လောက်၊ “ခွေးသား”လောက်တောင် မဆဲတတ်ပါဘူး။ သူ မဆဲတတ်ဆို သူ့မွေးသမိခင် ကျွန်တော့် ယောက္ခမကြီးကလည်း မဆဲတတ်ဘူးကိုခင်ဗျ။ မဆဲတတ်တဲ့အပြင် ဆဲတာကို ဘယ်လိုမှ မခံစားနိုင်သူ ဖြစ်နေပါတယ်။
အဟဲ… ခုနစ်သံချီတာနဲ့ စိတ်တိုလွယ်တာကတော့ ကျွန်တော်ကတောင် ရိုသေလာရတဲ့အထိ ကျွန်တော့်စံချိန်ကို မီရုံမက တစ်ခါတစ်ခါ ကျော်သွားချင်တတ်တယ်။ ဒါလည်း… ဟဲ… ဟဲ… ဆက်မရေး တော့ဘူးနော်… သည်လောက်ဆို သဘောပေါက်။

အဲတော့ အလွန် အဆဲသန်တဲ့ ကျွန်တော်က မွေးတဲ့ ကျွန်တော့်သား သမီးတွေဟာ ဒေါသဖြစ်လာတဲ့အခါ အော်ကြ ဟစ်ကြတာက လွဲလို့ ဆဲတာကို အလွန် အင်မတန်မှ ကြားရခဲတယ်ခင်ဗျ။ အဲဒါကြောင့် ပြောတာ ပါ။ “အမိယုတ် နှုတ်ကြမ်း”ဆိုတဲ့ စကားဟာ သွေးထွက်အောင် မှန်ပါတယ် လို့။

ဒါက ပထမတစ်ချက်။

နှုတ်မချို အလိုမပြည့်

ဒုတိယတစ်ချက် စဉ်းစားရမှာက နှုတ်ကြမ်းတဲ့အတွက် ဘယ်ကိစ္စမှာဖြစ်ဖြစ် မအောင်မြင်နိုင်တဲ့ အကြောင်းပါ။

ဒါက အတော်သတိထားသင့်တဲ့ အချက်ဖြစ်သွားပါပြီ။ ဆဲဆိုတာ မပါဘူးဘဲ ထားဦး၊ ဒေါသတကြီးနဲ့ လေသံပြတ်ပြတ်၊ လေသံမာမာနဲ့ ပြောတာ၊ ဒါမှမဟုတ် အော်လိုက် ဟစ်လိုက်တာနဲ့တင် တစ်ဖက်သားက ကိုယ့် စကားကို နားမဝင်ဖို့ ရာနှုန်းပြည့်နီးပါး သေချာသွားပါပြီ။ လူ့ရဲ့ ကိုယ်ခန္ဓာထဲမှာ ကိန်းနေတဲ့ ခုခံမှု ယန္တယားက မနှစ်မြို့စရာ တစ်ခုခုနဲ့ ဆုံလာတိုင်း သူ့ကိုယ်သူ ကာကွယ်ဖို့ အလိုလို ပိတ်ချလိုက်ပါပြီ။
အဲဒါကို ကျွန်တော်တို့ မေ့လျော့နေမိတတ်ကြပါတယ်။ ကျွန်တော်က အဲဒါကို အမေ့ဆုံးပါပဲ။

အမှန်တော့ ကျွန်တော်တို့ သတိမထားမိလို့သာပါ။ ကျွန်တော်တို့ ချေငံ ဖွယ်ရာခဲ့တဲ့အတွက် အဆင်ပြေခဲ့ပုံတွေ၊ လိုချင်တာ ရခဲ့ပုံတွေကို ကျွန်တော်တို့ မေ့နေမိခဲ့လို့သာပါ။ အခြေအနေချင်းတော့ မတူဘူးပေါ့လေ။ ဒေါသဖြစ်စရာ မကောင်းတဲ့ အခြေအနေတွေမှာ ပြေလည်အောင် ဆောင်ရွက်နိုင်ခဲ့တဲ့ နှုတ်စ လျှာစတွေ ရှိကြသူချည်းပဲလို့ ကျွန်တော် ယုံပါတယ်။

ကျွန်တော့်အသက်ကလည်း မငယ်တော့ဘူးဆိုတော့ အဲလိုအဖြစ်တွေလည်း ဘဝမှာ မနည်းဘူးပေါ့ခင်ဗျာ။ ပြောမဆုံးပေါင် တောသုံးထောင် ရှိပါတယ်။ သည်အထဲက နောက်အကျဆုံး နမူနာတစ်ခုကို ပြပါရစေ။

တစ်နေ့သားမှာ ကျွန်တော်မောင်းတဲ့ကားက သိန်းထောင်ချီတန်တဲ့ ကားသစ်ကြီးတစ်စီးကို ပွတ်မိသွားပါရောလား ခင်ဗျာ။ အားနာစရာ ကောင်းလိုက်တာ။ ကားဈေးတွေ သည်လောက်ကျနေတဲ့ အချိန်ပေမယ့် အဲဒီ့ကားကြီးက အသစ်ကျပ်ချွတ်ကို တင်သွင်းလာတဲ့ ကားအကောင်းစားကြီးခင်ဗျ။ ထူးရှယ်ကြီး။ ကျွန်တော့်ဗျာ၊ အားနာလိုက်တာ။ တကယ့်ကို အားနာသွားတာ။ လျော်ပေးမယ်ဆိုရင်တောင် ကျေနပ်စရာ မကောင်းဘူး။ ကျွန်တော် လောမိသွားတာရယ်၊ ကြည့်ပေးနေတဲ့ လူငယ်လေးတွေကို စိတ်ချလိုက်မိတာရယ်ကြောင့် ဖြစ်သွားတာပါ။

ကားရှင်ရဲ့ မျက်နှာဟာ ပြိုတော့မယ့် မိုးလို အုံ့မှိုင်းနေပါတယ်။ သည်ကားကို သူ မနက်ကမှ ဝယ်လာတယ်ဆိုတာကို ပြောဖြစ်အောင် ပြောပါတယ်။ ကျွန်တော် သူ့ကို တအား အားနာနေပါပြီ။ အဲတော့ ကျွန်တော့်တူအရွယ်၊ သားအရွယ်လောက်သာ ရှိသေးတဲ့ သူ့ကို အနူး အညွတ်တောင်းပန်လိုက်ပါတယ်။ သူက သူ့ကားကို စိမ်ပြေနပြေ စစ်ဆေးပါတယ်။ မျက်နှာကလည်း တကယ့်ကို စိတ်အနှောင့်အယှက်ဖြစ်နေ၊ ဒေါသဖြစ်နေတဲ့ မျက်နှာနဲ့ပါ။

ကျွန်တော်က မနားတမ်း တောင်းပန်နေပါတယ်။

ဟုတ်ကဲ့… ဇာတ်ပေါင်းတော့ တစ်ပြားမှ မလျော်လိုက်ရဘူး ခင်ဗျ။

တွေ့ပြီမဟုတ်လား၊ “နှုတ်ချို သျှိုတစ်ပါး”ဆိုတာ။

ဒါပေမယ့် အခြေအနေက ကျွန်တော် စိတ်တိုရမယ့် အခြေအနေ မဟုတ်ဘဲ ကျွန်တော့်ဘက်က အလျှော့ပေးရမယ့် အခြေအနေဖြစ်နေပါတယ်။ သည်တော့ ကျွန်တော် ပြေပြေလည်လည် ပြောပါတယ်။ ချေချေငံငံ ပြောမိနေခဲ့ပါတယ်။

အဆင်မပြေမှု တစ်ခုခုကြောင့် ဒေါသဖြစ်သွားချိန်မှာကျရင်တော့ ကျွန်တော် ထချဲမိတတ်တယ်။ အဲဒါ အတော်ဆိုးတာပါ။ အဲဒီ့အတွက် ပို အဆင်ပြေမလာတဲ့အပြင် ပြဿနာတွေ ပိုကြီးကုန်ရတတ်တာချည်းပါပဲ။ တုတ်ဆွဲ၊ ဓားဆွဲဖြစ်ရတာတွေ၊ ရုံးရောက် ဂတ်ရောက်ဖြစ်ရတာတွေလည်း မနည်းမနောပေါ့။

တကယ်လို့သာ အဆင်မပြေလို့ ဒေါသထွက်သွားတဲ့အချိန်မှာလည်း နှုတ်မှုကို စောင့်စည်းကြီး ချေချေငံငံ ပြောနိုင်မယ်ဆိုရင် အဆင်ပြေစရာ လမ်းစက ပေါ်လာနိုင်ပါတယ်။ ဒါကို ကျွန်တော်တို့ ကောင်းကောင်း သတိထားမိဖို့ လိုပါတယ်။

မချေငံပုံ နောက်တစ်မျိုး

ဒေါသတွေ ပါနေတဲ့ အခြေအနေတွေမှာ လေသံမာတာ၊ အသံကျယ်တာ၊ ဆဲမိဆိုမိတာတွေကို အသာထားဦး။ သာမန်အချိန်တွေမှာ ပြောကြ ဆိုကြတဲ့အခါမှာလည်း မချေငံမှုက ပြဿနာရှိပါတယ်။

တစ်နေ့က ကျွန်တော့်ကို လူငယ်လေး တစ်ယောက်က ပြောတယ်။ “သေချာ လေ့လာကြည့်ရင် သိမှာပါ”တဲ့။ သူပြောတဲ့ စကားထဲမှာ ရိုင်းပြ တဲ့ စကားလုံးတစ်လုံးမှ မပါပါဘူး။ သူ့လေသံကကျတော့ ငြင်းခုန်တာပေမယ့် နည်းနည်းလေး ဆတ်နေပါတယ်။ အဆိုးဆုံးကတော့ သူ ကျွန်တော့်ကို ဘာမှ မသိတာနဲ့ သူ့အသက်ဟာ ကျွန်တော့်သားနဲ့မှ မတိမ်း မယိမ်းဖြစ်နေတာပါပဲ။

သူက ကျွန်တော့်ကို သေချာလေ့လာကြည့်ရင် သိမှာပါလို့ ပြောတဲ့ အကြောင်းအရာက ကျွန်တော်နှစ် ၂၀ ကျော် လေ့လာဆည်းပူးနေတဲ့ အကြောင်းအရာဖြစ်နေပါတယ်။ သူက ဘာဆို ဘာမှ မလေ့လာဘဲ သူ့ရဲ့ ပုဂ္ဂိုလ်စွဲနဲ့သာ မဲပြောနေတာဖြစ်နေပါတယ်။ ကျွန်တော် ထောင်းခနဲ ဖြစ် သွားပေမယ့် ချေချေငံငံပဲ ပြန်ပြောဖြစ်ပါတယ်။ လူပုံအလယ်မှာ ဖြစ်နေတာမို့ ကျွန်တော့်စိတ်ကို ထိန်းဖို့ လိုမှန်း သိနေလို့သာဖြစ်ပါတယ်။ အမှန်က နားရင်းကို သုံးချက်လောက် ပိတ်တီးပြီး ပြောချင်တာမျိုးပါ။
သို့သော် ကျွန်တော့်စိတ်ကို ထိန်းပြီး သူ့ကို ချေချေငံငံ လေးလေး စားစားနဲ့ ချက်ကျ လက်ကျ ရှင်းပြနိုင်သွားတဲ့အတွက် အဲဒီ့ လူငယ်လေး ဘဝင်ကျသွားပါတယ်။ ဆက်မငြင်းတော့ပါဘူး။ သူ အများကြီး ဖတ်ဖို့ လိုသေးတယ်ဆိုတာ သိပါပြီလို့ ဝန်ခံသွားပါတယ်။

ပြောချင်တာက စကားပြောတဲ့နေရာမှာ ထိန်းဖို့ပါ။ ရိုင်းပြတဲ့ စကားမပါပေမယ့် တစ်ဖက်သားကို စွပ်စွဲရာရောက်တဲ့ စကားမျိုးပါသွားပြန်ရင်လည်း အဲဒါဟာ မချေငံတာ ဖြစ်သွားနိုင်တဲ့ အကြောင်းပါ။ “သေချာ လေ့လာကြည့်ရင် သိမှာပါ”လို့ ပြောလိုက်တာဟာ တစ်နည်းပြောရရင် “ဘာမှလည်း လေ့လာမထားဘဲ၊ မသိဘဲ မပြောနဲ့ဗျာ”ဆိုတဲ့ အဓိပ္ပာယ်ပဲ ဖြစ်ပါတယ်။ အဲသလို ပြောလိုက်တဲ့အတွက် သူဟာ ကျွန်တော်ဟာ ဘာမှ ဖတ်မထား၊ ဆည်းပူးမထားသူလို့ စွပ်စွဲရာ ရောက်သွားပါပြီ။
အချက်အလက်ကို ငြင်းခုန်တာ မဟုတ်တော့ဘဲ တစ်ဖက်သားကို ပုတ်ခတ်တာတွေ ပါသွားပါပြီ။ ဒါမျိုးဟာ အင်မတန် ဆင်ခြင်အပ်ပါတယ်။
ပြောမယ့်သာ ပြောရတယ်၊ ကျွန်တော်ကိုယ်တိုင်လည်း အဲလို မကြာ ခဏ ပြောမိတတ်ပါတယ်။ အခုတော့ နည်းနည်း လည်လာပြီလို့ပဲ ဆိုကြပါစို့ရဲ့။ တစ်ဖက်သား နားဝင်အောင် ပြောချင်ရင် အဲသလို စကားမျိုးတွေ မပြောမိအောင် ဆင်ခြင်ဖို့ အနည်းဆုံး “စာသိ”လေးတော့ သိလာပြီလို့ ဆိုရပေမပေါ့ခင်ဗျာ။

ချေငံသော်လည်း မဖွယ်ရာ

ရိုင်းပြတာလည်း မပါ၊ မာကျော ဆတ်တောက်မှုလည်း မရှိ၊ နူးနူးညံ့ညံ့ ချိုချိုသာသာနဲ့ ပြောတာပေမယ့် ခါးသီးတဲ့ အပြောတွေလည်း ရှိသေးတယ် ခင်ဗျ။

တစ်ရက်မှာ ကျွန်တော့်ဆီကို ဖုန်းတစ်ခု ဝင်လာတယ်။ ကျွန်တော် ထူးလိုက်ချိန်မှာ တစ်ဖက်က ပြောတာက “ကျွန်တော် ဦးမျိုးသိန်းပါ”တဲ့။ လေသံချိုပါတယ်။ ပြေပြစ်ပါတယ်။ အေးဆေးပါတယ်။ ဒါပေမယ့် ကျွန်တော် မကြိုက်တော့ပါဘူး။

ကိုယ့်နာမည်ကိုယ် အဲသလို ဦးတပ်၊ ကိုတပ် ပြောတဲ့ သူတွေကို ကျွန်တော် အလွန်မုန်းပါတယ်။ ကျွန်တော်ဖုန်းဆက်လိုက်တဲ့အခါ တစ်ဖက်ကကိုင်သူက ကလေးသံလေးနဲ့ပင် ဖြစ်နေစေဦးတော့ ကိုယ်နဲ့ မသိတဲ့ကလေးဆိုရင် နာမည်ရင်းကို သည်တိုင်း ပြောလိုက်ပါတယ်။ ကလေးက ကျွန်တော် ပြောချင်တဲ့ သူ့ဖခင်၊ ဒါမှမဟုတ် သူ့မိခင်ကို ကျွန်တော့်နာမည်ရင်းအတိုင်း ဦးမပါ၊ ကိုမပါနဲ့ အော်လိုက်သံတွေ ရံဖန်ရံခါ ကြားလိုက်ရတတ်တယ်။ ဒါပေမယ့် အဲဒါ တစ်ခါပါပဲ။
တစ်ဖက် မိဘတွေအတွက် သူတို့ကလေးကို သွန်သင်ဆုံးမခွင့်တောင် ရသွားစေတာမို့ ကျွန်တော်က အဲဒီ့နည်းကိုသာ စိုက်လိုက်မတ်တတ် ကျင့်သုံးပါတယ်။

ဒါပေမယ့် လူတိုင်းဟာ ကျွန်တော်မဟုတ်တဲ့အတွက် ကိုယ့်ကိုယ်ကိုယ် ဖော်ချင်သူများနဲ့ မကြာမကြာ ကြုံရတတ်တာလည်း အင်း… ဘယ်လို ပြောရမယ်မှန်းတောင် မသိပါဘူး။ အခုလည်း သူ့ကိုယ်သူ “ကျွန်တော် မျိုးသိန်းပါ”လို့ ပြောလည်း ကျွန်တော်က သူ့ကို “ငမျိုးသိန်း”လို့ သော်လည်းကောင်း၊ “မောင်မျိုးသိန်း”လို့ သော်လည်းကောင်း၊ “ကိုမျိုးသိန်း”လို့သော်လည်းကောင်း ခေါ်စရာ ဘာအကြောင်းမှ မရှိပါဘူး။ သူပြောတဲ့ သူ့ရာထူးဌာနန္တရနဲ့ သူပြန်အစဖော်လို့ သိရတဲ့ သူ့ပုံပန်းအရ သူဟာ ကျွန်တော့်ထက် အသက်ကြီးမယ့်သူမှန်း သိသာနေတဲ့အတွက် “ဦးမျိုးသိန်း”လို့သာ သူ့ကို ကျွန်တော် အလိုလို ခေါ်ဖြစ်မှာပါ။ ဒါကို စကတည်းက ယဉ်သကို လုပ်နေကတည်းက ကျွန်တော် သည်းခံနားထောင်နေပါတယ်။

သူက ကျွန်တော့်ကို အလုပ်တစ်ခုအပ်တာပါ။ ကျွန်တော်က ဈေးကို ခပ်မြင့်မြင့် တောင်းချလိုက်ပါတယ်။

သူက စကားတွေ အများကြီး ပြောနေပါတယ်။ အမှန်တော့ သူ့စကားတွေက ချိုချိုသာသာ ပြေပြေပြစ်ပြစ်ပေမယ့် မနားတမ်း တရစပ် ပြောနေတဲ့အခါ စိတ်ပျက်စရာ ကောင်းနေပါတယ်။ ဈေးဆစ်ချင်လို့ ပြောနေမှန်းလည်း ကျွန်တော် ရိပ်မိနေပါတယ်။ အဲဒီလို ပြောတဲ့အထဲမှာ စကားတစ်ခု သူကျွံလာပါတယ်။ “ခင်ဗျားကို ကျွန်တော်တို့ နောက်လည်း သုံးမှာပါ”ဆိုတဲ့ စကားပါပဲ။

ဟား…

သူက ဝန်ထမ်းတစ်ယောက်ပါ။ သူအလုပ်လုပ်တဲ့ အဖွဲ့အစည်းကတော့ ဧရာမ အဖွဲ့အစည်းကြီးဖြစ်ပါတယ်။ အဲတော့ တခြားသူသာဆိုရင်တော့ သူတို့အဖွဲ့အစည်းနဲ့ ဆက်မိတဲ့အတွက် အူတွေ ရွချင် ရွသွားပါလိမ့်မယ်။ ကျွန်တော်က အဲလို လူမဟုတ်ဘူး။ ဝန်ထမ်းလည်း မဟုတ်တော့ဘူး။ ကျွန်တော့်ဘာသာ တစ်ဦးတည်း ရပ်တည်နေတဲ့သူ။ ကျွန်တော့်အလုပ်ကို အလုပ်နဲ့တူအောင် မှန်မှန်ကန်ကန် စေတနာအပြည့်နဲ့ လုပ်ကိုင်ရင်း ရပ်တည်နေတဲ့သူ။

အဲလိုလူကို “နောက်လည်း သုံးမှာပါ”ဆိုတဲ့ စကားနဲ့ လာပြောနေတော့ ကျွန်တော် သူ့ကို ပြန်ပြောလိုက်မိရပါတော့တယ်။ “ဟုတ်ကဲ့ခင်ဗျာ၊ တခြားလူပဲ ရှာလိုက်ပါတော့။ ကျွန်တော် လူကြီးမင်းနဲ့ အလုပ်လုပ်ချင်တဲ့ ဆန္ဒ လုံးဝ မရှိတော့ပါဘူးခင်ဗျာ။ ကျေးဇူးတင်ပါတယ်ခင်ဗျ”လို့သာပါပဲ။

သူ ကျွန်တော့်ကို ဖိပြောနေပါသေးတယ်။ ကျွန်တော် ငြိမ်နားထောင်နေလိုက်ပါတယ်။ သူ့မှာ အချိန်မရှိတော့တဲ့အကြောင်း၊ တခြားသူ ရှာဖို့ ခက်ခဲတဲ့အကြောင်း၊ ဘာညာပေါ့။ ကျွန်တော့်အဖြေက မပြောင်းတော့ပါဘူး။ သူနဲ့ ကျွန်တော် မလုပ်နိုင်တောပါ့ဘူးလို့သာ အေးအေးဆေးပြန်ပြော ဖြစ်သွားပါတော့တယ်။

သည်ဥပမာမှာကျတော့ ရိုင်းပြတာ တစ်ခုမှ မပါတဲ့အပြင် အတော် ချေချေငံငံ ပြောတာပါ။

ဒါပေမယ့် စစချင်း သူ့ “ဦး”က ကျွန်တော့်ကို စိတ်အနှောင့်အယှက် အကြီးအကျယ် ဖြစ်စေခဲ့ပါတယ်။ ဒါကို လူတချို့ရဲ့ စရိုက်ပါပဲလေလို့ ဇွတ်မှိတ်နားလည်ယူရင်း နားထောင်ပေးတဲ့အခါ ဒုတိယစိတ်အနှောင့်အယှက် ဖြစ်ရတာက သူပြောချင်တာတွေကိုပဲ နင်းကန် ပြောနေတာပါ။ ကျွန်တော့်ဘက်က ပြန်ပြောခွင့် မရလောက်အောင်ကို ဖိပြောနေတာက တော်တော် စိတ်ပျက်စရာ ကောင်းနေခဲ့ပြန်ပါတယ်။
နောက်ဆုံးကတော့ ကျွန်တော့်ကို “နောက်လည်း သုံးမှာပါ”ဆိုတဲ့ စကားက ကျွန်တော့်ကို မျက်သွားစေပါတယ်။ ရိုင်းပြတာ မပါပေမယ့် တော်တော် မပြေပြစ်တဲ့စကားပါ။ ခင်ဗျားကို နောက်လည်း ကျုပ်က ပိုက်ဆံပေးဦးမှာပါဗျလို့ ပြောတဲ့ အပေါက်ဖြစ်နေပါတယ်။ တစ်နည်းပြောရင် တော်တော်လေး တင်စီးတဲ့ အပြောပါပဲ။ ဒါဟာ စကားပြောချိုပေမယ့် မဖွယ်ရာတာမျိုးပါပဲ။

နိဂုံး

နှုတ်မှုရေးရာဟာ အနုပညာတစ်ရပ်ပါ။ နှုတ်ကြောင့် သေနိုင် ရှင်နိုင်ပါတယ်။ နှုတ်ကြောင့်ပဲ ပြဿနာတွေ တက်ကြရပါတယ်။ နှုတ်နဲ့ပဲ ပြဿနာတွေကို ပြေလည်အောင်လည်း လုပ်ဆောင်နိုင်ပါတယ်။
ကျွန်တော် တွေ့ကြုံဖူးတာနဲ့ ကျွန်တော် တွေးမိလိုက်တာလေးတွေကို အတတ်နိုင်ဆုံး ချပြဆွေးနွေးကြည့်လိုက်တာပါ။

စာဖတ်သူလူကြီးမင်းများအတွက်လည်း တွေးကြည့်စရာ တစ်စုံတစ်ရာရသွားမယ်လို့ မျှော်လင့်မိရကြောင်းပါခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(၁၉၁၂၁၂ – ဝ၂၀၉ ရန်ကုန်)

(၂၀၁၃ ခုနှစ် ဇန်န၀ါရီလထုတ် သရဖူ မဂ္ဂဇင်း)

The Law of the Jungle and the Modernised Urban Life

တောရိုင်း ဥပဒေနဲ့ ခေတ်မီမြို့ပြ

အဖေနဲ့ပတ်သက်လို့ကတော့ အဖေ့ အဖေနာမည် ဘယ်သူ၊ အဖေ့အမေ နာမည် ဘယ်သူ၊ ဘယ်မြို့က ဆိုတာလောက်ပဲ သိရပေမယ့် အတူနေခွင့်ရတာ ပိုများတဲ့ အမေနဲ့ ပတ်သက်လို့ နောက်ကြောင်းကိုတော့ ကျွန်တော့် ဘေး (အမေ့အဘိုး) အဆင့်အထိ သိခွင့်ရပါတယ်။ အမေ့ရဲ့ အဖေဘက်က အဘိုးက မန္တလေးနယ်၊ ကပိုင်ရွာဘက်ဆီက မြန်မာစစ်စစ်ကြီး ဖြစ်ပေမယ့် အမေ့ရဲ့ အမေဘက်က အဘိုးကကျတော့ တရုတ်စစ်စစ်ကြီးပါတဲ့။ အဲဒီ့ တရုတ်စစ်စစ်ကြီးက ဗန်းမော်သူ အမေ့ အဘွားနဲ့ ညားရာက အမေ့ အမေကို ဖွားမြင်ခဲ့တာပါပဲ။ အဲတော့ အမေ့ အမေ ကျွန်တော့် အဘွားမှာ  တရုတ်သွေးက ငါးမူးဖိုးပါနေတာပေါ့။ သို့သော် ဗန်းမော်ကနေ ငယ်ငယ်ကတည်းက မန္တလေးကို ပြောင်းရွှေ့ အခြေချလာတဲ့အခါ တရုတ်ထုံးစံတွေလည်း လိုက်နာကျင့်သုံးမှု မရှိတော့ဘဲ ပကတိ ဗမာစစ်စစ်ကြီးများလိုသာ နေသွားခဲ့ပါတယ်။ အဘွားက ကျွန်တော် ရှစ်တန်းကျတော့မှ တိမ်းပါးသွားခဲ့တာမို့ ကျွန်တော် မြင်ဖူးလိုက်ပါတယ်။ အသားဖြူဆွတ်လွန်းပြီး တရုတ်သွေးပါမှန်း သိသာတဲ့ မျက်နှာပေါက်ကို မှတ်မိနေပါတယ်။

အမယ်… ဘာမဆိုင် ညာမဆိုင် ပြောရရင် လက်ရှိ ထိုင်းဝန်ကြီးချုပ် ယင်လပ်(ခ်)နဲ့ သူ့အစ်ကို ဝန်ကြီးချုပ်ဟောင်း သာ့(ခ်)ဆင်တို့ရဲ့ ဘေးတော်ကြီးကလည်း ထိုင်းကို ၁၈၆၀ ပြည့်လွန်နှစ်တွေမှာ လာရောက် အခြေချတဲ့ ဂွမ်ဒေါင်းပြည်နယ်သား တရုတ်ကြီးပဲတဲ့ခင်ဗျ။ အဲဒီ့ ဘေးတော်ကြီးရဲ့ သားအကြီးဆုံးက ထိုင်းအမျိုးသမီး တစ်ယောက်နဲ့ အိမ်ထောင်ကျတယ်။ သူက မွေးတဲ့ သားအကြီးက တရုတ်နာမည်ကို စွန့်လိုက်ပြီး ရှင်နာ ဝါထရာဆိုတဲ့ ထိုင်းနာမည်ကို ခံယူခဲ့တယ်လို့ သိရပါတယ်။ သာ့(ခ်)ဆင်(န်)တို့၊ ယင်လပ်(ခ်)တို့ရဲ့ အဖေကလည်း အဲဒီ့ တရုတ်နဲ့ ထိုင်းတို့ အိမ်ထောင်ကျရာက ပေါက်ဖွားလာခဲ့တာပါပဲ။

သူတို့ကကျတော့ ကျွန်တော့်လို အမေဘက်က မဟုတ်ဘဲ အဖေ့ဘက်က အစဉ်အဆက် ဆင်းသက်ခဲ့လို့လားတော့ မသိဘူး၊ သူတို့ရဲ့ မျက်နှာပေါက်နဲ့ အသားအရေမှာ တရုတ်သွေးပါမှန်း ကောင်းကောင်းကြီး သိသာ နေပါတယ်။ ကျွန်တော်ကကျတော့ မြန်မာရုပ် ပိုထွက်နေသပေါ့ဗျာ။

ပြောချင်တာက လူအမျိုးမျိုး အရပ်ရပ်ကို ကျဲပြန့် လွင့်စင်နေပုံကိုပါ။ ကျွန်တော်တို့ အရှေ့တောင်အာရှဒေသမှာ အကျဲပြန့်ဆုံးလူမျိုးကတော့ တရုတ်လူမျိုးတွေ ဖြစ်ပါတယ်။ ၁၉ ရာစုမှာ တရုတ်ပြည်ကြီးရဲ့ လူဦးရေ ပေါက်ကွဲမှုနဲ့တကွ အဲဒီ့အကျိုးဆက်အဖြစ် စားရေးနေရေး ခက်ခဲကြပ်တည်းလာမှုများက တရုတ်နိုင်ငံသားတွေကို ရေကြည်ရာ မြက်နုရာ ရှာဖြစ်အောင် တွန်းအားပေးခဲ့ပါတယ်။

ဒါ့ကြောင့် တရုတ်တွေဟာ အာရှတစ်ခွင်လုံးကို လွင့်စင်ကုန်ပါတော့တယ်။ အင်ဒိုနီးရှားလို နိုင်ငံက အိမ်ခြေ ဆယ်ဂဏန်းမျှသာ ရှိတဲ့ ကျွန်းငယ်လေးများဆီအထိကို လွင့်စင်ကုန်ကြတာပါ။

ရာစုတစ်ခုအတွင်းမှာ သူတို့တွေဟာ အလုပ်ကို ကြိုးကြိုးစားစား လုပ်ကြတယ်။ လူ့အောက်ကျို့ပြီး သူတို့ မက်မောတန်ဖိုးထားတဲ့ ငွေကိုသာ ကျားကုပ်ကျားခဲ ရှာဖွေခဲ့ကြပါတယ်။ သည်လိုနဲ့ နှစ်ဆယ်ရာစု အနှောင်းပိုင်းမှာတော့ သူတို့က ပေါက်ဖွားလာသူများဟာ ရောက်ရှိနေရာ နိုင်ငံအသီးသီးရဲ့ စီးပွားရေးမှာ အဓိက ချုပ်ကိုင်ထားသူများ ဖြစ်လာပါတော့တယ်။ မလေးရှားရဲ့ စီးပွားရေးကိုပဲ ကြည့်ကြည့်၊ အင်ဒိုနီးရှားနဲ့ ထိုင်းကိုပဲ ကြည့်ကြည့် ဒေသခံ မလေးတွေ၊ အင်ဒိုနီးရှန်းတွေ၊ ထိုင်းတွေက ကျောမွဲနေရာမှာသာ ရှိနေပြီး သူတို့ဆီကို လွန်ခဲ့တဲ့ နှစ်ပေါင်း တစ်ရာကျော်၊ နှစ်ရာအတွင်းက အဝတ်တစ်ထည် ကိုယ်တစ်ခုနဲ့ ရောက်လာသူများက အသက အသက ပေါက်ဖွားလာသူများကသာ ကြွယ်ဝချမ်းသာနေကြ၊ စီးပွားရေးနယ်ပယ်ကို ခြယ်လှယ်နေကြတာ အထင်အရှား မြင်တွေ့ရနိုင်ပါတယ်။

နောက်ထပ် လွင့်စင်ပုံ တစ်မျိုးကတော့ ကနေ့ အမေရိကန်နိုင်ငံလို့ ခေါ်ဆိုနေတဲ့ အမေရိကန်ပြည်ထောင်စုပါပဲ။ အဲဒီ့ကိုလည်း ရေကြည်ရာ၊ မြက်နုရာလို့ ယူဆပြီး ပြောင်းရွှေ့လာကြတဲ့ နိုင်ငံပေါင်းစုံက ဥရောပတိုက်သားများက ရွှေ့ပြောင်းအခြေချနေထိုင်လာကြရင်း အမေရိကန်နိုင်ငံကြီး ဖြစ်ပေါ်လာတာပါပဲ။ နေရင်း ဇာတိခံ လူနီတွေကိုတောင် ကျော်လွှားပြီး အဲဒီ့ ဥရောပတိုက်သားများက ဦးဆောင် အုပ်ချုပ်တဲ့ ပြည်ထောင်စုတစ်ခု ဖြစ်လာခဲ့တာပါ။

အမေရိကန်နိုင်ငံမှာ စိတ်ဝင်စားစရာ ကောင်းတာတစ်ခုက အဲဒီ့ လူဖြူဥရောပသားတွေက ကျွန်တွေအဖြစ် ခေါ်ဆောင်လာခဲ့ကြတဲ့ အာဖရိကနွယ်ဖွား လူမည်းများရဲ့ အခန်းကဏ္ဍပါပဲ။ ကျွန်တွေဘဝကနေ  အခုအခါမှာ နိုင်ငံတော်သမ္မတရာထူးအထိ တက်လှမ်းနိုင်ခဲ့တဲ့ လူမည်းတွေရဲ့ စွမ်းပကားက အမေရိကန်သမိုင်းစာမျက်နှာပေါ်မှာ အင်မတန် ထင်ရှား ရွှန်းလက်လို့ နေပါတယ်။

အမေရိကန်နဲ့ ဆင်တဲ့ အာရှ-ပစိဖိတ်ဒေသထဲက နိုင်ငံကတော့ ဩစတြေးလျ ဖြစ်ပါတယ်။ ပညာရှင်များရဲ့ အလိုအရ ဥရောပတိုက်သား အခြေချသူတွေ ရောက်မလာခင် နှစ်ပေါင်း ခြောက်သောင်းလောက် စောပြီးတော့ အာရှတိုက်က စူးစမ်းရှာဖွေသူတွေဟာ ဩစတြေးလျတိုက်ကို ရောက်ရှိ အခြေချနေထိုင်ခဲ့ပါတယ်။ ဥရောပတိုက်သားတွေ ရောက်လာချိန်မှာ သူတို့က ဒေသခံ ကျွန်းသူကျွန်းသား (aborigines)တွေအဖြစ် အသတ်မှတ်ခံခဲ့ရပါတယ်။

နောက်ထင်ရှားတဲ့ နိုင်ငံတစ်နိုင်ငံက တောင်အာဖရိကပါ။ အဲဒီ့ကိုကျတော့ ဒတ်(ခ်ျ)နယ်ချဲ့တွေ၊ နောက်ပိုင်းမှာ ဗြိတိသျှ နယ်ချဲ့တွေ ရောက်ရှိ နယ်ချဲ့ လာရင်းကနေ နောက်ဆုံးမှာ သူတို့ကိုယ်သူတို့ အာဖရိခန္နားဆိုတဲ့ အာဖရိကက လူဖြူလူမျိုးတစ်မျိုးအဖြစ်တောင် တီထွင် ဖန်တီးခဲ့ကြတဲ့အပြင် ကိုယ်ပိုင် ဘာသာစကား အသစ်တစ်ခုတောင် ပေါ်ပေါက်လာခဲ့ဖူး ပါတယ်။ သည်မှာလည်းပဲ လူမည်းတွေက ၂၁ ရာစု စခါစ ကာလမှာ အသားအရောင်ခွဲခြားမှုကို တိုက်ဖျက်ပြီး နေရာ ပြန်ယူနိုင်ခဲ့ကြတာက စိတ်ဝင်စားစရာ ကောင်းပါတယ်။

စင်္ကာပူနိုင်ငံဆိုတာလည်း တကယ်တော့ မလေးကျွန်းဆွယ်ရဲ့ တောင်ပိုင်း အစွန်အဖျားလေးမျှသာ ဖြစ်ပါတယ်။ မူလက မလေးနွယ်တွေရဲ့ မြေပေါ့ခင်ဗျာ။ သို့သော် အထက်မှာ ဆိုခဲ့တဲ့အတိုင်း ဖူးကျန့်နဲ့ ကွမ်းတုံ ဒေသက တရုတ်တွေ၊ အိန္ဒိယက ရောက်လာသူတွေနဲ့ ဖြည့်တင်းလိုက်တဲ့အတွက် ယနေ့အခါမှာတော့ တရုတ်တွေက စင်္ကာပူ လူဦးရေရဲ့ လေးပုံ သုံးပုံကျော်ကို လွှမ်းမိုးထားပါတယ်။ စင်္ကာပူသားတစ်ရာမှာ ခုနစ်ဆယ့် ငါးယောက်က တရုတ်မျက်နှာတွေနဲ့ ဖြစ်နေတာ အထင်အရှားပါပဲ။ သူကတော့ တတိယမြောက် တရုတ်နိုင်ငံလို့ တင်စား ခေါ်ဝေါ်ယူရတဲ့အထိကို တရုတ်တို့က စီးပွားရေးမှာသာမက နိုင်ငံရေးမှာပါ ချုပ်ကိုင်ထားတာကို တွေ့ရနိုင်ပါတယ်။

ဒုတိယမြောက် တရုတ်နိုင်ငံတော်ကတော့ ထိုင်ဝမ်ပါ။ ထိုင်ဝမ်ကကျတော့ ရှေးအစဉ်အဆက်ကတည်းက တရုတ်ပိုင်နက် နယ်မြေဖြစ်ခဲ့ပြီး တရုတ်တော်လှန်ရေးမှာ အရေးနိမ့်ခဲ့တဲ့ အမျိုးသားရေးဝါဒီ တရုတ်များ (တရုတ်ဖြူများ)က အဲဒီ့ ကျွန်းကလေးကို ရယူ လွှမ်းမိုးခဲ့တာ ဖြစ်ပါတယ်။ နေရင်း ကျွန်းသားတွေကို စစ်ရှုံးလို့ ပြေးလာရတဲ့ တရုပ်ဖြူများက လွှမ်းမိုး အုပ်ချုပ်ခဲ့တာလည်း ထင်ရှားပါတယ်။

ဒါတွေကို ပြောနေရတာက လူမျိုးတစ်မျိုး၊ နိုင်ငံတစ်နိုင်ငံ၊ ယဉ်ကျေးမှုတစ်ခုရဲ့ အဓွန့်ရှည် တည်တံ့မှုဟာ သက်ဆိုင်ရာ လူမျိုး၊ နိုင်ငံသားများ၊ လူမျိုးစုများအပေါ်မှာသာ မူတည်နေတယ်ဆိုတဲ့ အချက်ကို မီးမောင်းထိုး ပြချင်လို့ဖြစ်ပါတယ်။

တကယ်တော့ တောရိုင်း ဥပဒေကသာ နယ်ပယ်တိုင်းအတွက် အဓိကကျလှတယ်လို့ မြင်မိပါတယ်။ အဲဒီ့ ဥပဒေက “အကြံ့ခိုင်ဆုံး (ဝါ) သက်လုံအကောင်းဆုံး သူသာလျှင် ရပ်တည်ရှင်သန် ကျန်ရစ်နိုင်တယ်”ဆိုတာပါပဲ။

သတ္တဝါတွေထဲမှာလည်း မျိုးတုံးပျောက်ကွယ်ခဲ့ရတဲ့ သတ္တဝါတွေဟာ လောကဓံအထုအထောင်းကို ကြံ့ကြံ့မခံနိုင်ခဲ့ကြလို့၊ သက်လုံ မကောင်းကြလို့သာ ဖြစ်ပါတယ်။  

သမိုင်းစဉ်နဲ့ ကြည့်မယ်ဆိုရင် ရောမ၊ ခေါမ အင်ပါယာကြီးတွေ နေဝင် ခဲ့တာ၊ တရုတ်ရဲ့ နှစ်ပေါင်း နှစ်ထောင်ကျော် ယဉ်ကျေးမှုကြီး ကွယ်ပျောက်ခဲ့ရကာ ဥရောပက ဒုက္ခပင်လယ်ဝေနေခိုက် လွန်ခဲ့တဲ့ နှစ်ပေါင်း ၂၀ဝ၀ ကျော်တုန်းက ကမ္ဘာကို ဦးဆောင်နေခဲ့တဲ့ တရုတ်နဲ့ အာရှက နောက်တန်းကို ရောက်သွားခဲ့ရတာ၊ ဥရောပသားတွေကသာ ကမ္ဘာကို လွှမ်းမိုးလာတာများဟာ အဲဒီ့ တောကြီးမျက်မည်းရဲ့ အခြေခံ ဥပဒေသအတွက် ခိုင်လုံတဲ့ သင်ခန်းစာတွေအဖြစ် မြင်ကြရမှာပါ။

ကမ္ဘာတစ်လွှားမှာ တန်ခိုးထွားနေတဲ့ တရုတ်တွေနဲ့ပဲ ပြန်ကြည့်ရင်တော့ သည်အချက်က ပိုထင်ရှားပါတယ်။ ဘယ်နိုင်ငံမှာပဲဖြစ်ဖြစ်၊ သူတို့တွေ နေရာ ရနေတာဟာ တော်တော် ဆင်ခြင်စရာ ကောင်းလှပါတယ်။ တရုတ်တန်းတွေက အိမ်နီးချင်း အရှေ့တောင် အာရှနိုင်ငံတွေမှာသာ မကဘဲ အာဖရိက၊  အရှေ့အာရှ၊ အမေရိကတိုက်က နိုင်ငံတွေ၊ ဩစတြေး လျနဲ့ ဥရောပတိုက်က နိုင်ငံတွေအပါအဝင် တစ်ကမ္ဘာလုံး အနှံ့မှာ ရှိနေတာပါပဲ။ ဖိလစ်ပိုင်နိုင်ငံ မနီလာမြို့က ဘီနိုဒို တရုတ်တန်းဆိုရင် တရုတ်တန်းတကာအနက်မှာ အစောဆုံးလို့တောင် အဆိုရှိတယ်။ ၁၅၉၄ ခုနှစ်မှာ စတင်ပေါ်ပေါက်လာတာတဲ့။ နှစ်ပေါင်း ငါးရာကျော်ပြီပေါ့။

သူတို့တွေဟာ မိခင်နိုင်ငံကို စွန့်ခွာခဲ့ကြပြီး ရေကြည်ရာ မြက်နုရာကို ရွှေ့ပြောင်း အခြေချခဲ့ကြတာ လွန်ခဲ့တဲ့ နှစ်ပေါင်း ငါးရာကျော်ကတည်းကပဲ။ ဒါပေမယ့် အရှိန်အဟုန် မြင့်သွားတာက ပီကင်း သဘောတူစာချုပ်ကို ချုပ်ဆိုအပြီး ၁၈၆၀ ပြည့်လွန်နှစ်တွေမှာပါပဲ။ အဲဒီ့ စာချုပ်က နယ်စပ်ကို ဖွင့်ပေးပြီး တရုတ်တွေကို လွတ်လပ်စွာ သွားလာခွင့်ပေးခဲ့ကြတယ်။ သည်မှာတင် ကမ္ဘာတစ်လွှားကို တရုတ်တွေ အုံနဲ့ကျင်းနဲ့ လွင့်ထွက်ကုန်တော့တာပါပဲ။

အဲဒီ့ ရေကြည်ရာ မြက်နုရာ ဒေသတွေမှာ သူတို့ စီးပွားဖြစ်ကြတယ်။ ဒါနဲ့ ပတ်သက်လို့ ကျွန်တော် ဘာသာပြန်နေတဲ့ စာအုပ်တစ်အုပ်ထဲက  အင်ဒိုနီးရှားမှာ အနေကြာနေတဲ့ ဒတ်(ခ်ျ)လူမျိုး ခရစ်ယာန် ဘုန်းတော်ကြီးတစ်ပါးက တရုတ်တွေနဲ့ ပတ်သက်ပြီး ပြောတဲ့ မှတ်ချက်က စိတ်ဝင်စားစရာ ကောင်းပါတယ်။ “ကျွန်းတိုင်းမှာ တရုတ်တွေက လူနည်းစု၊ သို့သော် ကျွန်းတိုင်းမှာ အလုပ်အလုပ်ဆုံး၊ အလှုပ်ရှားဆုံးနဲ့ အချမ်းသာဆုံးတွေကလည်း သူတို့ပဲ။

“သူတို့တွေနဲ့ ဒေသခံတွေကြားမှာ ခြားနားနေတာက ရိုးရိုးစင်းစင်းလေးပဲ။ အင်ဒိုနီးရှန်းတစ်ယောက် ငါးဖမ်းထွက်တယ်၊ ငါးရပြီဆို ပျော်ပြီး အိမ်ပြန်တယ်။ ငါးရောင်းလို့ ရတဲ့ ပိုက်ဆံကိုသုံးမယ်။ ဇိမ်နဲ့ နှပ်မယ်။ တရုတ်တစ်ယောက်ဆိုရင်တော့ အဲလိုမဟုတ်ဘူး။ ငါးဖမ်းထွက်ရင်း ငါးရရင် သူတွေးတာက ဟာ… သည်ရာသီက တယ် ဟုတ်ပါလား။ ငါးပေါတဲ့ နေရာလည်း ငါတွေ့ပါပေါ့လားပေါ့။ ပြီးတာနဲ့ သူ့လှေထဲမှာ ဖမ်းမိလာသမျှ ငါးတွေကို အပြတ်ရှင်း၊ ပြီးတာနဲ့ ငါးဖမ်းပြန်ထွက်၊ ငါးတွေ ထပ်ရ။ ဒါပဲ။
ဒါဟာ လူမျိုးအလိုက် ကွာခြားမှုဖြစ်ပြီး ဘယ်လိုမှကို လုပ်လို့ မရဘူး”တဲ့။

ဟုတ်လောက်တယ်။ ကျွန်တော်ကိုယ်တိုင်လည်း မျက်မြင်တွေ့ဖူးပါ တယ်။ နာဂစ်မုန်တိုင်းအပြီး တစ်နှစ်ကျော်အကြာမှာ မုန်တိုင်းသင့် ဒေသတွေရဲ့ ပြန်လည်ထူထောင်ရေး လုပ်ငန်းမှာ စွမ်းရည်တည်ဆောက်ရေးအတွက် တစ်ရွာမှာ ဆယ်ရက်နှုန်းနဲ့ သွားနေခွင့်ရခဲ့ပါတယ်။

အဲဒီ့အချိန်မှာ တွေ့ရတာက ထူထူထောင်ထောင် ဖြစ်ရုံမက အဲဒီ့ ရွာလေးတွေရဲ့ စီးပွားရေးမှာ တွင်ကျယ်နေသူတွေက တရုတ်သွေးမကင်းတဲ့ မိသားစုတွေ ဖြစ်နေ တာပါပဲ။ ကျန်တဲ့သူတွေကတော့ ဗှီဒီယိုရုံ၊ အရက်ဆိုင်၊ ဘိလိယက်ခုံတွေကို လုပ်ကျွေးရင်း ကျောမွဲဘဝက တက်မလာကြဘူး။

ရေရှည်မှာ ဘယ်သူက ဘယ်သူ့ကို ဝါးမျိုသွားမှာလဲ။ အဖြေက ပေါ်နေပါပြီ။ နာဂစ်က အားလုံးကို လူတန်းစား ညှိပစ်လိုက်တယ်။ အားလုံး ပြုတ်ပြုတ်ပြုန်းကုန်စေတယ်။ သူလည်း လက်မဲ့၊ ကိုယ်လည်း လက်မဲ့သာ ကျန်ရစ်တယ်။ တစ်နှစ်ကျော် ကြာသွားတယ်၊ ကိုယ်က လက်မဲ့၊ သူက လက်ရှိဖြစ်လာရင် သူက ကံကောင်းလို့လား၊ ကိုယ်က ကံဆိုးလို့လား။ အဲဒီ့ ကံက ဘာလဲဆိုတာ စဉ်းစားဖို့ သိပ်လိုပါတယ်။

ရွှေ့ပြောင်း အချေခြနေကြသူတွေ၊ တစ်ရွာပြောင်းရင်း သူကောင်း ဖြစ်နေသူတွေကို တွေ့တိုင်း ယူသင့်တဲ့ သင်ခန်းစာတွေက အများကြီးပါ။ မျက်စိရှေ့တင် ဖြစ်နေ ပျက်နေတာပါ။

ကျွန်တော်ကတော့ တောရိုင်းဥပဒေကိုပဲ ပြန်သတိရနေမိပါတယ်။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(၂၃၀၇၁၂)

The Thanlwin Times ဂျာနယ်၊ အတွဲ ၁ ၊ အမှတ် ၄ ။ ၂၀၁၂ ဩဂုတ်လ။

Cut and paste လုပ်ပြီး ကူးယူဖော်ပြလိုက်ရမှ အားရ ကျေနပ်မယ်ဆိုရင် ဂျာနယ်အမည်နဲ့ ထုတ်ဝေတဲ့ လအထိ 
အပြည့်အစုံ ကူးပြီးမှ လက်ဆင့်ကမ်းတော်မူကြပါခင်ဗျား။
     

Enjoying Responsibly

တာဝန်သိစွာ အရသာခံတာ

နိဒါန်း

မနေ့ညက တစ်ယောက်တည်း အဖော်မပါဘဲ အရက်ပုလင်းသစ်တစ်လုံး ဖွင့်လိုက်တယ်။ သောက်နေကျ အမျိုးအစား မဟုတ်ဘူး။ တစ်လောဆီက နိုင်ငံခြားသားတစ်ယောက်က လက်ဆောင်ပေးသွားလို့ တစ်ခါသောက်ဖူး သွာပြီး လျှာစွဲသွားလို့ ဘန်ကောက်က အပြန်မှာ ဝယ်လာတဲ့ပုလင်းပါ။

သောက်နေကျ ပုလင်းမဟုတ်တာမို့ ပုလင်းဖွင့်၊ ဖန်ခွက်ထဲက ရေခဲတုံးတွေပေါ် လောင်းချကာ အနံ့ရဲ့ အရသာကို အရင်ခံစား၊ ပြီးတော့မှ တစ်ကျိုက် ကျိုက်လိုက်မိပါတယ်။ ပြီးတော့မှ သေချာ မစေ့ငုမိတဲ့ ပုလင်းကို လှည့်ပတ်ကြည့်မိသွားရပါတယ်။ ပထမတစ်ခါ လက်ဆောင်ရတဲ့ ပုလင်းတုန်းက မိတ်ဆွေတွေနဲ့ အတူ သောက်ခဲ့တာဖြစ်ပြီး တစ်ထိုင်တည်းနဲ့ တစ်ပုလင်းလုံး အပြတ်ဖြတ်ခဲ့ကြပါတယ်။ ပုလင်းခွံကိုတော့ မိတ်ဆွေတွေထဲက ဒီဇိုင်းဆရာလေးတစ်ယောက်က ယူမယ်လို့ ပြောလို့ ခေါင်းညိတ်ခဲ့ပါတယ်။ သူက ပုလင်း၊ ဘူးခွံ အဆန်းတွေကို စုထားတတ်ပါတယ်။ သူ့ရဲ့ ဒီဇိုင်းများအတွက် အသုံးတည့်ပုံပါပဲ။ ဒါ့ကြောင့် ပထမတစ်ခါတုန်းက သည်ပုလင်းကို မြင်ရုံသာ မြင်၊ ပုလင်းထဲက အရည်ကိုလည်း သောက်ရုံသာ သောက်ခဲ့ရကာ လျှာစွဲလောက်အောင် ကောင်းတယ်လို့သာ ခေါင်းထဲမှတ်ထားခဲ့မိပါတယ်။

အခုကျတော့ ပုလင်းကို စဝယ်လိုက်ချိန်ကတည်းက မူလ ရည်ရွယ်ရင်းစွဲရှိတဲ့အတိုင်း ကိုယ့်ဘာသာ တစ်ယောက်တည်း အေးအေးဆေးဆေး သောက်ဖို့ စိတ်ကူးနဲ့ ပုလင်းကို ဖွင့်လိုက်ပါတယ်။ ပြီးတော့ အထက်မှာ အစီရင်ခံခဲ့တဲ့အတိုင်း ပုလင်းကို ကျကျနန လှည့်ပတ်ကြည့်မိသွားတယ်။

အဲလို ကြည့်ရင်းနဲ့ တစ်နေရာမှာ တွေ့လိုက်ရတာကတော့ Enjoy Responsibly. (“တာဝန်သိသိ အရသာခံပါ”)တဲ့။

ဟား… အတော်သဘောကျသွားတယ်။ အဲဒီ့စာတန်းလေးကို ကြည့်နေရင်း အတွေးတွေလည်း တစ်သီတစ်တန်းကြီး ပေါ်လာပါတယ်။

မှန်ပါတယ်။

ဘယ်နေရာမှာပဲဖြစ်ဖြစ် တာဝန်သိဖို့ လိုတယ်။ ကိုယ့်တာဝန်ကို ကိုယ် နားလည်ဖို့ လိုတယ်။ ထိန်းသိမ်းဖို့ လိုတယ်။ ဒါဟာ အရွယ်ရောက်နေသူ လူသားတိုင်း သတိထားရမယ့် အရာပဲ။

တာဝန်သိစွာ သောက်သုံးတာ

အရက်ကို ကိုယ်ကြိုက်လို့ သောက်တာပေမယ့် သူတစ်ပါးကို ထိခိုက်ရင် အဲဒါ တာဝန်သိသိ အရက်သောက်သူ၊ အရသာခံသူ မဖြစ်နိုင်တော့ဘူး။ ကိုယ့်ရဲ့ ပျော်ရွှင်မှု၊ ကိုယ့်ရဲ့ စိတ်ချမ်းသာမှုအတွက် သူတစ်ပါးကို စတေးနေတဲ့သူဟာ တာဝန်မသိတဲ့သူ၊ တာဝန်မဲ့တဲ့သူပေါ့။

ခက်တော့လည်း အခက်သားခင်ဗျ။ အရက်ဆိုတာ လူကို ယစ်မူးစေတတ်တဲ့ အရာဖြစ်နေတာကိုး။ အာရုံကြောတွေကို တစ်မျိုးတစ်ဖုံ ပြောင်းလဲသွားစေတဲ့ အစွမ်းသတ္တိနဲ့ဆိုတော့ အရက်သောက်ပြီးတဲ့နောက် အမှားတွေလည်း ကျူးလွန်ဖြစ်တတ်ကြပါတယ်။

ကျွန်တော်ဆို ငယ်ငယ်က အတော်ဆိုးတယ်။ အရက်နဲ့ မှားခဲ့တဲ့ အမှားတွေမှ တစ်ပုံတစ်ပင်ပါ။ ကျွန်တော့် ဘယ်မျက်ခုံးနဲ့ ဘယ်လက်ဖမိုးတို့မှာ သေရာပါ ဒဏ်ရာတစ်ခုစီတောင်မှ ကျန်နေပါသေးတယ်။ တာဝန်သိစွာ မသောက်တတ်ခဲ့ပုံများ ပြောပါတယ်။

ခက်တာက ကျွန်တော်က အတော် အရက်ကြိုက်တယ်ခင်ဗျ။ ကြိုက်တော့ လူလည်သောက်နည်း သောက်တယ်။ အရက်က ကျွန်တော့်ကို နိုင်သွားမယ့် အခြေအနေကို သည်လောက် အရက်ကြိုက်တဲ့ကြားက ဘယ်တော့မှ အရောက်မခံခဲ့ဖူးဘူး။ ကျွန်တော်ကသာ အရက်ကို နိုင်နိုင်နင်းနင်း သောက်ချင်တာ ဖြစ်ပါတယ်။ အဲတော့ ကျွန်တော့် လူလည်သောက်နည်းက သောက်ချင်ရင်လည်း နေ့စဉ်ရက်ဆက် ငါးရက်၊ တစ်ပတ် သောက်တယ်။ ပြီးရင် မသောက်ဘဲ တစ်လ ကိုးသီတင်း နေတယ်။ တစ်ခါ တစ်လများဆို လေး-ငါးလ ကြာသည့်တိုင် သောက်ဖြစ်ချင်မှ သောက်ဖြစ်တယ်။ ဖြတ်သလားဆိုတော့ မဖြတ်ဘူး။ အပြတ် ဖြတ်ဖို့တော့ ကြိုးစားဖူးပါတယ်။ ဒါပေမယ့် စိတ်က သိပ်နိုင်တာ မဟုတ်ဘူး။ အရက်ကို သွေးထဲ၊ သားထဲကကို နှစ်ခြိုက်တဲ့စိတ်က အတော်ဆိုးတယ်။

အဲတော့ အဲလို သောက်တစ်လှည့် မသောက်တစ်လှည့် နေတဲ့နည်းနဲ့ ကျွန်တော် ထိန်းပါတယ်။ နောက်တစ်နည်းက တစ်ယောက်တည်း သောက်တဲ့နည်းပါ။ အဲဒီ့နည်းကတော့ အကောင်းဆုံးပါပဲ။ တစ်ယောက်တည်း အဖော်မပါဘဲ သောက်တဲ့အခါကျတော့ သိပ်များများ မသောက်ဖြစ်တော့ဘူး။ သောက်ချင်သလောက် ဝအောင် သောက်ပြီး အလုပ်လုပ်ချင် ဆက်လုပ်၊ မလုပ်ချင် အိပ်နေလိုက်တဲ့ နည်းက အခုနောက်ပိုင်းမှာ အတော် အလုပ်ဖြစ်တဲ့နည်းပါ။

ထားပါတော့။ ပြောချင်တာက ကျွန်တော် မူးရင်း သောင်းကျန်းတတ်ခဲ့ပုံများပါ။ မူးရင် ငိုတဲ့အထဲမှာလည်း တစ်ခါတရံ ပါခဲ့ဖူးတယ်။ ပြီးတော့ ဂျီကျတတ်တယ်။ အဲ… အဆိုးဆုံးကတော့ မိသားစုကို ပြဿနာရှာတာပါ။ မိသားစုအပေါ် မကျေနပ်ခဲ့သမျှတွေ စုထားပြီး မူးတော့မှ အထုပ်ဖြည်တတ်တဲ့ အကျင့်ဆိုးပါ။

အဲဒီ့ အကျင့်ဆိုးကို ကျွန်တော့်ဇနီးက ပညာသားပါပါ ဖျောက်ပေးခဲ့ပါတယ်။ တစ်ခါလည်း အဲဒါကို ရေးပြခဲ့ဖူးပါတယ်။ သူက ကျွန်တော် မူးပြီး အော်ကြီးဟစ်ကျယ် ဆဲဆို သောင်းကျန်းနေတုန်းမှာ ကျွန်တော် မသိအောင် အသံဖမ်းထားလိုက်တာပါ။ နောက်တစ်ရက် ကျွန်တော် အေးအေးဆေးဆေး ကြည်ကြည်လင်လင် ရှိချိန်ကျမှ ပြန်ဖွင့်ပြပါတယ်။ အဲဒီ့မှာ ကျွန်တော် အတော် ရှက်သွားပါတယ်။ အဲဒီ့နေ့ကစပြီး နောက်ပိုင်းမှာ ကျွန်တော် မူးရင် အော်ဟစ်ဆဲဆိုတတ်တဲ့ အကျင့်က လုံးလုံး ပျောက်သွားပါတယ်။

ကျွန်တော့် သားသမီးတွေကလည်း ကျွန်တော် အရက်သောက်နေရင် မူးပြီအမှတ်နဲ့ စကားအတည် သိပ်အပြောမခံကြပြန်ဘူး။ အဲဒါကလည်း ကျွန်တော့်ကို စိတ်အနှောင့်အယှက် အကြီးအကျယ် ဖြစ်စေပါတယ်။ သည်မှာတင် တာဝန်သိသိ အရက်သောက်တဲ့ အကျင့်တစ်ခုကို ကျွန်တော် ပျိုးယူခဲ့ပါတော့တယ်။

တာဝန်သိသိဆိုတာက ကိုယ်သောက်တာကြောင့် တစ်ဖက်သားမှာ အနှောင့်အယှက် မဖြစ်ရအောင် ဆင်ခြင်တဲ့နည်းပါပဲ။ သို့သော် တရားလွန် မူးသွားတဲ့အခါမျိုးတွေမှာ အဲဒါကို ဆင်ခြင်ရ ခက်တတ်တယ်ဆိုတာ အရက်သောက်ဖူးသူတိုင်း သိပါတယ်။ အဲတော့ တရားလွန်မမူးအောင် ထိန်းထိန်းသိမ်းသိမ်းနဲ့ သောက်ခြင်းဟာ တာဝန်သိသိ သောက်သုံးခြင်းလို့  တစ်ဖက်က ပြောမယ်ဆို ပြောနိုင်ပါလိမ့်မယ်။

တာဝန်မဲ့စွာ အရသာခံတတ်ပုံ နမူနာ

အရက်သောက်တာကို ဖယ်ထားလိုက်ပါဦး။ ကျွန်တော်တို့ လူသားတွေ တခြားကိစ္စတွေမှာ အရသာခံတတ်ပုံတွေကလည်း မနည်းမနောပါပဲ။

အဲဒီ့ကိစ္စကို ကိုယ်တွေ့ နမူနာလေးတစ်ရပ်နဲ့ ဆွေးနွေးပါရစေ။

ကျွန်တော် ငယ်ငယ်တုန်းက ကြုံခဲ့ဖူးတာလေးပါ။ တာဝန်သိသိ အရသာ မခံတတ်တဲ့ မိခင်တစ်ယောက်ကြောင့် စိတ်နှလုံး ညှိုးခြုံးခဲ့ရဖူးတာလေး ဖြစ်ပါတယ်။

မှတ်မှတ်ရရ ၁၉၇၄ ခုနှစ် ဆယ်တန်းအောင်စာရင်း ထွက်တဲ့နေ့မှာပါ။

အဲဒီ့နှစ်မှ ကျွန်တော် စာမေးပွဲ မကျပေမယ့် မအောင်ပါဘူး။ “ခ“ စာရင်းဆိုတဲ့ အူကြောင်ကျားနဲ့သာ အောင်တာပါ။ အဲတော့ တက္ကသိုလ် တက်ခွင့်မရဘူး။ စာမေးပွဲ ကျတယ်လို့ အပြတ်ပြောလို့ရလားဆိုတော့လည်း မဟုတ်ပြန်ဘူး။ ဘာကြီးမှန်း မသိဘူးခင်ဗျ။ တက္ကသိုလ် တက်ချင်ရင်တော့ နှစ်ကျများနည်းတူ နောက်တစ်နှစ် ပြန်နေ၊ စာမေးပွဲ နောက်တစ်ကြိမ် ပြန်ဖြေရမှာပေါ့။

အဲ… အဲဒီ့နှစ်က ကျွန်တော်နဲ့ တစ်တန်းတည်း သူငယ်ချင်းတွေ အကုန်လုံးလောက်နီးနီး ကွင်းလုံးကျွတ် အောင်ကြပါတယ်။ စာတော်တဲ့သူတွေချည်း စုထားတဲ့ အတန်းမို့လို့လည်း အောင်သူတွေ အားလုံးကလည်း ဂုဏ်ထူးတွေ ကိုယ်စီနဲ့ပါ။ ကျွန်တော်တို့ အတန်းက အဲဒီ့ခေတ်တုန်းက အင်မတန်မှ ရှားပါးလှတဲ့ ခြောက်ဘာသာ ဂုဏ်ထူးရှင် ထွက်ပါတယ်။ အင်မတန် ရှားပါးဆို တစ်ပြည်လုံးမှ အဲလို ခြောက်ဘာသာ ဂုဏ်ထူးထွက်သူက တစ်ယောက်၊ နှစ်ယောက်ထက် မပိုလို့ပါပဲ။

ကျွန်တော် မကျသော်လည်း လွတ်လွတ်ကျွတ်ကျွတ်အောင်တာ မဟုတ်တဲ့အတွက် နောက်တစ်နှစ် ပြန်နေရပါတော့မယ်။ အဲဒီ့အတွက် ကျွန်တော့်စိတ်ထဲမှာ သိပ်ဘာမှ မဖြစ်ပါဘူး။ ကျွန်တော် ကြိုးစားလျက်ကနဲ့ ခြေချော်လက်ချော် ဖြစ်သွားတာမှ မဟုတ်တာလေ။ လေလို့ ကောင်းနေတာနဲ့ အခုလိုဖြစ်တာပဲ။ အမှန်က လုံးလုံးတောင် ကျရဦးမှာ။ သည်လောက်လေလို့ ကောင်းနေတဲ့ ကြားက “ခ“စာရင်းနဲ့ အောင်တာကိုက ကျွန်တော် သိပ်မခေလို့ပေါ့။ ဟဲ… ဟဲ…

ဖြစ်ပုံကလည်း ရယ်ရတယ်။ အမှန်တော့ ဘာသာစုံ အောင်ပါတယ်။ အဲဒီ့နှစ်က မြန်မာနိုင်ငံ ဆယ်တန်းစာမေးပွဲ သမိုင်းမှာ တစ်ကြိမ်သာ ထူးထူးကဲကဲ ဖြစ်သွားတဲ့နှစ် ခင်ဗျ။ တစ်ခုခုသော အကြောင်းကြောင့် ရမှတ်တွေ တရားလွန် ဖောင်းပွသွားတဲ့အတွက် တက္ကသိုလ် မဆံ့မှာ စိုးလို့လားတော့ မသိဘူး။ အဲဒီ့နှစ်မှာ ဘာသာစုံအောင်သူတွေ ဖြစ်လင့်ကစား စုစုပေါင်း အမှတ် ၃၆၀ မပြည့်ရင် အအောင်မပေးတဲ့ နှစ်ပါပဲ။ အဲတော့ ဘာသာစုံ အောင်တဲ့ ကျွန်တော်ဟာ အမှတ်ပေါင်း ၃၆၀ မပြည့်ရှာတဲ့အတွက် “ခ”စာရင်း ဝင်သွားခဲ့ပါတယ်။ (သနားစရာလေးနော်…)

ကျွန်တော်က ကိုယ်လုပ်ချင်တာ လုပ်ပြီးတဲ့နောက် ဖြစ်လာတဲ့ အကျိုးဆက်ကို ကျေကျေနပ်နပ် လက်ခံတတ်တဲ့အကျင့်က အဲဒီ့ကတည်းက ရှိနေပြီးသားပါ။ အိမ်က ဆူရင်လည်း ဆူပေါ့။ ရိုက်ရင်လည်း ရိုက်ပေါ့။ ကျွန်တော် အလေလိုက်လို့ ကောင်းနေလို့ အခုလို ဖြစ်နေတာကို သိပ် ထိခိုက် ခံစားမနေပါဘူး။ အဲတော့ အောင်တဲ့ သူငယ်ချင်းတွေဆီ လျှောက်သွားပြီး ဟေးလားဝါးလား လုပ်တာပေါ့ခင်ဗျာ။

အဲဒီ့ထဲကမှ လေးဘာသာဂုဏ်ထူးနဲ့ အောင်တဲ့ သူငယ်ချင်းတစ်ယောက် အိမ်ကို သွားတော့ ကျေးဇူးရှင်က မရှိဘူး။ အပြင်သွားနေသတဲ့။ သူ့အိမ်ကို အဝင်အထွက်များလို့ ခင်မင်နေပြီဖြစ်တဲ့ သူ့အမေက ပြန်လာတော့မှာပါ၊ စောင့်လိုက်ပါဦးဆိုတာနဲ့ သူတို့ ဧည့်ခန်းမှာ ထိုင် စောင့်နေရပါတယ်။

သည်အခါမှာ သူ့အမေက သူ့သား လေးဘာသာ ဂုဏ်ထူးနဲ့ အောင်တဲ့ အပေါ်မှာ အားရပါးရ အရသာခံပါတော့တယ်။ သူ့သား ဘယ်လို တော်ကြောင်း၊ ဘယ်ပုံ ထက်မြက်ကြောင်း၊ ဘယ်သို့ ထူးချွန်ကြောင်းများကို တရစပ် ပြောပါတော့တယ်။

ကျွန်တော်က နောက်တစ်နှစ်ပြန်နေရမယ့်သူဆိုတာကို သူ့အမေလည်း သိတယ်။ သည်ကြားထဲကပဲ သူ့အမေရဲ့ စကား အခွန်းတိုင်းက ကျွန်တော့်ကို ဖိနင်းနေသလို ခံစားလာရတယ်။ စကားတွေ စိပ်လာလေ ခါးသီးလာလေ ဖြစ်နေတယ်။ သူ့သား တော်တယ်၊ အရမ်းတော်တယ်။ သူ ပြောတယ်။ တစ်နည်းပြောရင် ပြန်နေရမယ့် မင်းက ချာတယ်၊ အသုံး မကျဘူး၊ အလကားကောင်ပဲလို့ ပြောသလို ဖြစ်နေပါတယ်။

နောက်ဆုံးမှာတော့ ကျွန်တော် သွားစရာ ရှိနေသေးလို့ပါဆိုတဲ့ အကြောင်းပြနဲ့ ဟိုကောင့်ကို မစောင့်တော့ဘဲ လစ်ထွက်လာခဲ့ရပါတော့တယ်။ နောက်လည်း အဲဒီ့အိမ်ကို ဘယ်တော့မှ မသွားတော့ပါဘူး။

တချို့ကတော့ ကျွန်တော့်ကို မခံချင်စိတ်ဖြစ်လာပြီး နောက်နှစ်မှာ အစွမ်းကုန် ကြိုးစားအောင် သူ့အမေက တစ်ဖက်လှည့်နဲ့ ပညာပေးလိုက်တာလို့ တွေးကောင်း တွေးပါလိမ့်မယ်။ ကျွန်တော်ကတော့ အဲလို လုပ်တယ်ဆိုလည်း ဉာဏ်နည်းတဲ့ လုပ်ရပ်အဖြစ်သာ အဲဒီ့ကတည်းက မြင်ခဲ့ပါတယ်။ လုပ်ပေါက်က ကျွန်တော့်အမေ ပြောနေကျ စကားနဲ့ ပြောရရင်၊ ကန်တော့ပါရဲ့ဗျာ၊ ငါ့ပန်းတော့ ဘုရားတင်၊ နင့်ပန်းတော့ မစင်တွင်းထဲ ပစ်ချဆိုတဲ့ အပေါက်မျိုးပါ။

ကျွန်တော်ဆိုတဲ့ကောင်ကလည်း စာတော်သူတွေ စုထားတဲ့အတန်းကို မျက်စိလည် လမ်းမှားပြီးသာ ရောက်သွားတာ။ ကိုးတန်းနှစ်ကစပြီး ကျောင်းစာကို သိပ် ကြိုးကြိုးစားစား မရှိတော့တာ တစ်တန်းလုံးအသိပါ။  စာတော်မှ ဘဝမှာ အောင်မြင်တာ မဟုတ်ဘူးဆိုတဲ့ အမြင်ကလည်း ခိုင်စပြုလာတဲ့အချိန်ပါ။ ကျွန်တော် ဖြစ်ချင်တာက အနုပညာသည်။ ကျွန်တော့် အိပ်မက်တွေက အနုပညာသည်ဖြစ်လာဖို့။ အဲတော့ ကျောင်းစာကို အခြေခံပညာတစ်ရပ်အနေနဲ့ပဲ သင်ယူပါတော့တယ်။ ပြီးရင် အနုပညာ လုပ်တွေ လုပ်မယ်ပေါ့။ အဲဒီ့စိတ် ရှိနေတဲ့သူကို ဘယ်လောက် မခံချင်အောင် ပြောပြော ဘာမှ အကြောင်းထူးမှာ မဟုတ်တာကို အဲဒီ့သူငယ်ချင်းရဲ့ မိခင် မသိပါဘူး။ ကျွန်တော်သာ အားငယ်တတ်သူဆိုရင် ငါ အသုံးမကျပါလားဆိုတဲ့အတွေးနဲ့ သိမ်ငယ်ပြီး အကြီးအကျယ် စိတ်ဒဏ်ရာ ရသွားစေနိုင်တာမျိုးပါ။ သည်အထိ မတွေးတတ်တဲ့အတွက် အဲဒီ့မိခင်ကို ဉာဏ်နည်းတဲ့ အလုပ်တွေ လုပ်လိုက်တာပဲလို့ ဆိုခဲ့တာ ဖြစ်ပါတယ်။

သားလုပ်သူရဲ့ အောင်မြင်သူအတွက် အမေတစ်ယောက်အနေနဲ့ မြိန်ရည်ယှက်ရည် အရသာခံတာဟာ တကယ်တော့  သဘာဝကျလှပါတယ်။ ဒါပေမယ့် တာဝန်သိစွာ အရသာမခံတတ်တော့ သူ့ရဲ့ အရသာခံမှုက တစ်ဖက်သားကို လူလူချင်း မထောက်ထား၊ မညှာတာရာ ရောက်သွားခဲ့ပါတော့တယ်။

နိဂုံး

ကျွန်တော်တို့ ကိုယ်တိုင်လည်း ဘဝမှာ အရသာခံမိတာတွေ အများအပြားပါ။ ကိုယ်ကိုယ်တိုင်ရဲ့ အောင်မြင်မှုအတွက်ဖြစ်စေ၊ ကိုယ့်သားချင်းရဲ့ အောင်မြင်မှုအတွက် ဖြစ်စေ၊ ကိုယ်ချစ်တဲ့ခင်တဲ့သူရဲ့ အောင်မြင်မှုအတွက် ဖြစ်စေ ကျွန်တော်တို့ အားလုံးဟာ မြိန်ရည် ယှက်ရည် အရသာခံတတ် ကြသူချည်းပါပဲ။ ဟုတ်ကဲ့လား မသိဘူးနော်။

ဒါပေမယ့် ကျွန်တော်တို့တွေ တကယ်ရော တာဝန်သိစွာ အရသာ ခံတတ်ပါရဲ့လား။

အင်မတန် စဉ်းစားစရာ ကောင်းလှတဲ့ မေးခွန်းဖြစ်ပါတယ်။

ကျွန်တော်ကတော့ အိမ်မှာ အဲဒီ့အရက်ပုလင်းက စာတမ်းလေး ကူးပြီး ရေးကပ်ထားရင် ကောင်းမလားလို့တောင် စဉ်းစားမိလာပါတယ်။ ဘာတဲ့။ “Enjoy Responsibly”တဲ့။ “တာဝန်သိစွာ အရသာခံပါ”တဲ့။

ကြီးကြီးကျယ်ကျယ် ပြောရင်တော့ အခု လူပြောသူပြောများလှတဲ့ ဒီမိုကရေစီနဲ့လည်း သက်ဆိုင်ပါတယ်။ ဒီမိုကရေစီရဲ့ အနှစ်သာရထဲက အရေးကြီးတဲ့ တစ်ချက်က ပြိုင်ဖက်တွေ၊ အတိုက်အခံတွေ၊ တခြားသူတွေ၊ ကိုယ်နဲ့ အယူအဆ အတွေးအမြင် မတူသူတွေ၊ လူနည်းစုတွေ၊ အားနည်းသူတွေကိုလည်း လေးစားဖို့၊ နေရာပေးဖို့၊ အသိအမှတ်ပြုဖို့ ဖြစ်ပါတယ်။ ကိုယ့်လုပ်ရပ်ကြောင့် တစ်ဖက်သား မထိခိုက်အောင် ထိန်းသိမ်းနိုင်မှ ဒီမိုကရေစီနဲ့ ထိုက်တန်တဲ့ နိုင်ငံသားတွေ ဖြစ်လာမှာပါ။ အဲတော့ကာ သည် “တာဝန်သိစွာ အရသာခံတတ်တာ”လေးကလည်း ဒီမိုက်ရေစီနဲ့ ထိုက်တန်တဲ့ နိုင်ငံသားများ ဖြစ်လာရေးမှာ လေးနက်တဲ့ အချက်တစ်ချက်လို့ ဆင့်ပွား တွေးနေမိရပါတယ်ခင်ဗျား။

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(ရန်ကုန် – ဝ၇၀၇၁၂)
 

(၂၀၁၂ ခုနှစ် သြဂုတ်လထုတ် သရဖူမဂ္ဂဇင်း။ သရုပ်ဖော်ပုံများမှာ မဂ္ဂဇင်းပါ ဆရာ ဇော်မောင့် လက်ရာများဖြစ်ပါတယ်။)