အပြစ်တင်ခြင်းသည် ဆင်းရဲခြင်းတဲ့…

👉👈👉👈👉👈👉👈👉👈👉👈

No photo description available.တာဝန်ခံခိုင်းတာနဲ့ အပြစ်တင်တာ မတူဘူးနော်။

တာဝန်ခံခိုင်းတယ်၊ တာဝန်ယူတယ်ဆိုတာ အပြစ်တင်တာ၊ အပြစ်ပေးတာနဲ့ မတူပါဘူး။

တာဝန်ခံတယ်ဆိုတာ ကောင်းသည်ဖြစ်စေ၊ ဆိုးသည်ဖြစ်စေ ပေါ်ထွက်လာတဲ့ ရလဒ်အတွက် တာဝန်ယူတာ ဖြစ်ပါတယ်။ နောက်တခါ ရရှိလာမယ့် ရလဒ်တွေကို တိုးတက်ကောင်းမွန်အောင် အခုဖြစ်နေတဲ့ ပြဿနာတွေကို အဖြေရှာတာ၊ ရလာတဲ့ သင်ခန်းစာတွေကို ပြန်လည်အသုံးချတာဟာ တာဝန်ခံတာပါ။ အဲတော့ တာဝန်ခံတာဟာ အနာဂတ်ပေါ် အာရုံစိုက်တာမို့ အပြုသဘော ဖြစ်ပါတယ်။

အပြစ်တင်တာကျတော့ အပြစ်တင်ထိုက်တဲ့ လုပ်ရပ်အတွက် တာဝန်ခံခိုင်းတာ ဖြစ်သွားတယ်။ အချက်အလက် အားလုံးကို မသိခင်မှာ လူတွေကိုက ပြဿနာပဲလို့ ယူဆတာပါ။ အဲဒီ့လူတွေ ကျင်လည်နေရတဲ့ ဝန်းကျင်၊ စနစ်တို့က စင်းလုံးချောနေတယ်လို့ ယူဆပြီးတော့ပေါ့။

အပြစ်တင်တာက အတိတ်ကို အလေးထားတယ်။ ကျူးလွန်သူကို အပြစ်ပေးဖို့ စိတ်သန်တယ်။ ကျူးလွန်သူကို ဖော်ထုတ် အပြစ်ပေးလိုက်မယ်ဆိုရင် မကောင်းတဲ့ အမူအကျင့်ကို ပျောက်ပျက်သွားစေလိမ့်မယ်လို့ တွေးတတ်ကြပါတယ်။

လက်တွေ့ဘဝမှာတော့ အပြစ်တင်ခြင်းကြောင့် လူတွေ တတ်လာတာက သူတို့အပြစ်တွေကို ဖုံးဖို့သာ ဖြစ်သွားတာကို အတော်များများက သတိမထားမိကြပါဘူး။

လူအတော်များများမှာက အပြစ်တင်တာကို ကိုယ်တိုင်လည်း ခံဖူးတယ်၊ သူများကိုလည်း အပြစ်တင်ဖူးကြသူချည်းပဲလို့ ထင်ပါတယ်။

အပြစ်တင် ခံရတာ များလာရင် ခံရသူဟာ အပြစ်ကို မဖုံးချင်တောင် တုံးသွားပါတယ်။ ဘာလုပ်လုပ် အပြစ်တင်ခံရမှာပဲ ဆိုတဲ့အတွေးနဲ့ မလုပ်ရဲ မကိုင်ရဲတော့ဘူး။

စီမံခန့်ခွဲရေးမှာ ကျနော် သဘောကျမိတဲ့ ချဉ်းကပ်ပုံ တခုရှိပါတယ်။ အဲဒါကတော့ တခုခု လုပ်ပြီးသွားတဲ့အခါမှာ အမှားကို ရှာတာ မလုပ်ဘဲ…

(၁) အခုလုပ်ထားတာမှာ ဘာတွေ ကောင်းကောင်း လုပ်နိုင်ခဲ့သလဲ

(၂) နောက်တခါ အလားတူ လုပ်မယ်ဆိုရင် ဘာတွေကို ပိုကောင်းအောင် လုပ်နိုင်မလဲ။ ဘာတွေကို ပြောင်းပြီး လုပ်နိုင်မလဲ

ဆိုပြီး စဉ်းစားတဲ့ အလေ့အထပါ။

အဲဒါဟာ အပြစ်တင်တာ မပါတော့ဘူး။ တာဝန်ယူချင်စိတ်ကိုလည်း ပိုနှိုးဆွပေးနိုင်ပါတယ်။

သဘောတရားတွေကို ပြောနေမိပါပြီ။ သို့ပေတည့် အကျင့်ဆိုတာ ပြင်လို့ ရပါတယ်။ အပြစ်တင်တဲ့ လူ့ဘောင်ကြီးထဲမှာ ကျနော်တို့ နေနေကြရတယ်။ အိမ်တွင်းရေး၊ ကျောင်းနေဝန်းကျင်၊ လုပ်ငန်းခွင်၊ လူမှုရေး၊ စီးပွားရေး၊ နိုင်ငံရေး နယ်ပယ်အားလုံးမှာ အပြစ်ချည်း လှိမ့်တင်နေကြတာပဲ။ အပြစ်မတင်း ပုံမချဘဲ ကောင်းအောင် ကိုယ့်ဘက်က ဘာလုပ်နိုင်မလဲလို့ စဉ်းစားဖို့ ကျနော်တို့ အားလုံး မေ့နေကြပါတယ်။

ဟိုး… လွန်ခဲ့တဲ့ နှစ်ပေါင်း ၅၀ ကျော်၊ မင်းသား ညွန့်ဝင်း နာမည်ရခါစ အချိန်မှာ သီဆို အသံသွင်းခဲ့တဲ့ ဓာတ်ပြားသီချင်းတပုဒ် ဖြစ်တဲ့ “အချော့တော်” သီချင်းထဲက စာသားလေးတစကိုပဲ ခေါင်းစဉ် တပ်လိုက်ပါရစေ…

အ ပြစ် တင် ခြင်း သည် ဆင်း ရဲ ခြင်း… တဲ့။

ကျနော်တို့တွေ ဆင်းရဲခြင်းက လွတ်ကင်းအောင် “နဂါးနီ”သီချင်းကို ကုန်းအော်နေလို့ မရပါဘူး။ အပြစ်တင်တဲ့ အစဉ်အလာကို အပြတ်အသား တွန်းလှန်ပစ်ကြရမှာပါဗျာ။

အားလုံး တွေးဆ ဆင်ခြင်ကြည့်နိုင်ကြပါစေ…
အတ္တကျော်
(၂၅၀၉၁၉)

ဝန်ခံချက်

ဖော်ပြပါ ဇယားက https://availleadership.com/culture-of-accountability/ မှာပါတဲ့ ဇယားလေးကို ဆီလျော်အောင် ဘာသာပြန်ထားတဲ့ ပုံဖြစ်ပါတယ်။ လုံးကောက် အတိအကျ ပြန်ဆိုထားတာ မဟုတ်ပါဘူး။

သည်စာရဲ့ အစပိုင်း ၆ ပိုဒ်ကလည်း အဲဒီ့ဆောင်းပါးမှာ ပါတဲ့ စာတွေကို ဆီလျော်အောင် ပြန်ဆိုထားတာ ဖြစ်ပါတယ်။

ခေါင်းဆောင်တယ်ဆိုတာ လွယ်မှတ်လို့

“ခေါင်းဆောင်”လို့ ဆိုရာမှာ “အလုပ်သမားခေါင်း”မှသည် “နိုင်ငံ့ခေါင်းဆောင်”အထိ ပါပါတယ်။ တခုတည်းကို ကွက်မမြင်ကြစေချင်ပါဘူး။ နယ်ပယ်အသီးသီး၊ အလွှာအသီးသီးမှာ ခေါင်းဆောင်တွေ ရှိကြတယ်။ အရည်အချင်းကြောင့် ခေါင်းဆောင်နေရာကို အလိုလို ရလာသူတွေ ရှိကြသလို ရာထူးအနေအထားကြောင့် ခေါင်းဆောင် မဖြစ်ချင်၊ မဖြစ်သင့်ဘဲ ဖြစ်လာရသူတွေလည်း ရှိပါတယ်။
သေချာတာတချက်ကတော့ အရည်အချင်းကြောင့် ဖြစ်တဲ့ ခေါင်းဆောင်ပဲဖြစ်ဖြစ်၊ ရာထူးကြောင့် ဖြစ်လာတဲ့ ခေါင်းဆောင်ပဲဖြစ်ဖြစ် “နောက်လိုက်”မရှိဘဲ ခေါင်းဆောင် မဖြစ်နိုင်ပါဘူး။ နှစ်ယောက်တည်း ရှိနေတာတောင်မှ တယောက်က နောက်လိုက်လုပ်မှ တယောက်က ခေါင်းဆောင်ဖြစ်နိုင်တာမျိုးပါ။ (အိမ်ထောင်ရေးတွေမှာ မြင်သာပါတယ်။)

ခေါင်းဆောင်မှုပညာကို ၂၀ ရာစု အနှောင်းပိုင်းက စပြီး လေ့လာစူးစမ်းခဲ့ကြတယ်။ သုတေသနတွေ လုပ်ခဲ့ကြတယ်။ ခွဲခြမ်းစိတ်ဖြာခဲ့ကြပါတယ်။ အဲဒီ့နောက် ခေါင်းဆောင်မှုပညာကို လေ့ကျင့် သင်ကြားပေးတာတွေလည်း ကမ္ဘာအရပ်ရပ်မှာ လုပ်လာခဲ့ကြတယ်။ လိုလို့ လုပ်နေကြတာပေါ့။ မလိုအပ်ဘဲနဲ့တော့ ပညာရှင်တွေပဲဟာ အားအားယားယား အဲဒီ့ကိစ္စကို အခြောက်တိုက် အချိန်ကုန်ခံ၊ ငွေကုန်ခံ၊ အားကုန်ခံ ဆည်းပူးနေကြပါ့မလား။ သုတေသနတွေ လုပ်နေကြပါ့မလားနော်။

Photo Credit: https://knowledge.wharton.upenn.edu
ထားပါတော့… ပြောချင်တာက အဲဒါ မဟုတ်ပါဘူး။ အဲလို ခေါင်းဆောင်မှုပညာနဲ့ ပတ်သက်လို့ ဆည်းပူးကြရာမှာ မေ့လျော့ ကျန်နေတတ်တာက “နောက်လိုက်မှု”ဆိုတဲ့ သဘောသဘောဝတွေကို သတိထားမိဖို့ပါပဲ။ ခေါင်းဆောင်မှု ပညာကို လေ့လာဆည်းပူးဖို့ လိုအပ်ရခြင်း အကြောင်းရင်း ငါးရပ်ကို ချရေးမိတဲ့အခါ တယောက်ကလာမေးတယ်။ “နောက်လိုက်ပညာရော မရှိဘူးလား”တဲ့။ ကောင်းလိုက်တဲ့ မေးခွန်း။
ကျနော်က ခေါင်းဆောင်မှုနဲ့ ပတ်သက်လို့ တော်တော် ဖတ်ဖူး၊ အခါအားလျော်စွာ သင်ပေးဖူးတော့ အဲဒါ ရှိမှန်း သိနေတယ်။ ဒါပေမယ့် သေချာအောင် လျှောက်ဖတ်လိုက်တဲ့အခါ တယောက်က နောက်လိုက်ကို ၇ မျိုးအထိ ခွဲထားတာ တွေ့ရပါတယ်။ ကျနော် သိသလောက်က ၄ မျိုးထဲပါ။ ၅ မျိုးအထိ ခွဲထားတာတော့ မြင်ဖူးတယ်။ အခုကျ ၇ မျိုးအထိ ခွဲထားတာ တွေ့ရတယ်။ ဒါနဲ့ ကျနော် ဖတ်မိတာလေးကို ပြန်လက်ဆင့်ကမ်းပေးချင်လာရပါတယ်။

နောက်လိုက် ၇ မျိုး

 

၁။ ကပ်ဖားရပ်ဖားတွေ
“တင်ပါ့ဘုရာ့”လူတန်းစားတွေ၊ ခေါင်းဆောင်ကို နင်းကန် ချီးမြှောက်တတ်ကြသူတွေပါ။ ကိုယ်ဦးဆောင်နေတဲ့ အဖွဲ့ရဲ့ ရည်ရွယ်ချက်တွေ၊ တန်ဖိုးထားမှုတွေနဲ့ ဖီလာ ဆန့်ကျင်နေတဲ့ လမ်းကြောင်းကို ခေါင်းဆောင်က ဦးတည်မိသွားတဲ့ အခါမျိုးမှာ အင်မတန် အရေးကြီးလှတဲ့ ထောက်ပြမှုမျိုးကို ဘယ်တော့မှ မပေးတတ်တဲ့၊ အားမကိုးရတဲ့ နောက်လိုက် တွေပါပဲ။ ပြဿနာတွေ၊ အခက်အခဲတွေကိုလည်း ခေါင်းဆောင်သိအောင် ဘယ်တော့မှ မပြောဘူး၊ ဖုံးထားတယ်။ ကန့်ကွက်ဖို့ဆိုတာတော့ ဝေလာ ဝေးပေါ့။ ခေါင်းဆောင်နဲ့ ထိပ်တိုက်မတွေ့အောင် ရှောင်တတ်ကြသလို ခေါင်းဆောင်ကိုပဲ အစစ အရာရာ ဆရာတင်ထားတတ်သူတွေပါ။ အထက်ဖား အောက်ဖိတွေလည်း သည်ထဲမှာ မလွဲမသွေ ပါနေတာပေါ့နော်။
၂။ ဝေဖန်ရေးသမားတွေ
“အတိုက်အခံတွေ”ပေါ့။ တနည်းပြောရရင် “အမနာပပြောတတ်သူတွေ”ပါ။ သူ့ရည်ရွယ်ချက်က ခေါင်းဆောင်ရဲ့ အပြုအမူတိုင်း၊ မူဝါဒတိုင်းကို ထောက်ဖို့၊ မေးခွန်းထုတ်ဖို့ပဲ ဖြစ်ပါတယ်။ မြန်မာစကားမှာတော့ (ကန်တော့ပါရဲ့) “ချေးက သေးကအစ လိုက်ပြောတတ်သူ”မျိုးပေါ့။ သူတို့ကို အသိအမှတ်မပြုလို့၊ သူတို့ ရသင့်တယ်လို့ ယူဆထားတဲ့ ချီးမြှောက်မှုတွေ မရလို့ စိတ်ချဉ်ပေါက်နေသူတွေ၊ မကျေမချမ်းဖြစ်နေသူတွေလို့လည်း ဆိုနိုင်ပါတယ်။ ဝန်ထမ်းအဖွဲ့ အစည်းတွေမှာ ဆိုရင်တော့ လူသစ်တယောက် ဝင်လာတာနဲ့ အဲလို လူစားတွေက အရင်ဆုံး ခရီးဦးကြိုပြုပြီး သည်မှာတော့ သည်လို လုပ်ကြစမြဲပဲလို့ သြဝါဒ ချွေတတ်သူတွေ ဖြစ်နေတတ်ပါတယ်။
၃။ လက်တွေ့ကျသူတွေ
အပြုသဘောဆောင်တဲ့ နှိုင်းချိန်စဉ်းစားမှုတွေနဲ့ ဖြစ်ပြီး အဖွဲ့နဲ့ရော ခေါင်းဆောင်နဲ့ပါ အပြန်အလှန် ပြောဆို ဆက်ဆံတတ်သူတွေ ဖြစ်ပါတယ်။ လုပ်ကိုင်ဆောင်ရွက်ပုံကို သူတို့ သဘောတူနေသမျှ ခေါင်းဆောင်ကို ရာနှုန်းပြည့် ထောက်ခံမှာဖြစ်ပေမယ့် သူတို့ သဘောမတူတဲ့အခါ ခေါင်းဆောင်ကို ထောက်မယ်၊ တပြိုင်တည်းမှာပဲ ခေါင်းဆောင်ရော၊ ကိုယ့်အဖွဲ့အစည်းအတွက်ပါ ရည်မှန်းချက်အတိုင်း ဖော်ဆောင်နိုင်မယ့် တခြားနည်းတွေကို ဆွေးနွေးထုတ်ဖော်ရင်း ကူညီပံ့ပိုးပေးတတ်သူများ ဖြစ်ပါတယ်။
၎။ သစ္စာတော်ခံတွေ
“ထောက်ခံသူစစ်စစ်တွေ”ပါပဲ။ ခေါင်းဆောင်ကို ပံ့ပိုးပေးဖို့ ထက်ထက်သန်သန်နဲ့ ကြိုးကြိုးစားစား လုပ်တတ်၊ ကိုင်တတ်ကြတယ်။ သူတို့ကို အားကိုးလို့ရတယ်။ သူတို့တွေက ခေါင်းဆောင်အပေါ် အကျေနပ်ကြီး ကျေနပ်ကြတာမို့ လုပ်ရည်ကိုင်ရည်လည်း ကောင်းကြပါတယ်။ ကျရာနေရာမှာ တာဝန်ယူပြီး ထက်ထက်သန်သန်ကို လုပ်တတ်ကြသူများပါပဲ။ အကြံတွေလည်း မပြတ်ပေးရင်းက အောင်မြင်သထက်အောင်မြင်အောင် ပံ့ပိုးတတ်ကြသူများပါ။
၅။ သစ္စာဖောက်တွေ
“တိတ်တိတ်ကလေး မလိုမုန်းထားဖြစ်နေသူတွေ”၊ “ဆင်ကြံ ကြံနေသူတွေ”ဖြစ်ပါတယ်။ သည်လူတွေက ဟန်ဆောင်တော့ အင်မတန် ကောင်းကြတယ်။ ခေါင်းဆောင်ရဲ့ ယုံကြည်မှုကို ရထားတော့ သစ္စာဖောက်တွေကို ဖမ်းမိဖို့ ခက်လှပါတယ်။ ကျောချမှ ဓားပြမှန်း သိရမယ့်သူတွေပေါ့။ သူတို့က ခေါင်းဆောင်အပေါ် ကြိတ်ပြီး မကျေမနပ်ဖြစ်နေ၊ မုန်းတီးနေသူတွေပီပီ ခေါင်းဆောင်ကို တီးဖို့ အကွက်ချောင်းနေသူတွေဆိုလည်း မမှားပါဘူး။
၆။ ပွဲကြည့်ပရိသတ်
“တစေ့တစောင်း ကြည့်နေတတ်သူတွေ”ဖြစ်ပါတယ်။ သူတို့က ဘေးမှာ အသာလေး နေနေကြတယ်။ ဗမာလို ဆိုရင်တော့ “မလုပ်၊ မရှုပ်၊ မပြုတ်”တွေပါပဲ။ အဖွဲ့အစည်းအပေါ်ရော အလုပ်အပေါ်မှာပါ ဘာသံယောဇဉ်မှ မရှိကြဘူး။ ခေါင်းဆောင်အပေါ်လည်း ဘာစိတ်မှ မရှိဘူး။ မုန်းတာတွေ၊ ချစ်တာတွေ မရှိဘူး။ သြော်… သူက ခေါင်းဆောင်ပဲလေ၊ သည်လောက်တော့ ရှိမှာပေါ့ဆိုတာမျိုးလောက်ပဲ။
၇။ အခွင့်အရေးသမားတွေ
အလစ်သမားတွေ၊ ဓားပြတွေပါပဲ။ သူတို့ကို ဝယ်လို့ ရတယ်။ သြဇာရှိတဲ့သူတွေအနားမှာ အမြဲတမ်း ကပ်နေချင်တယ်။ သူတို့ သစ္စာခံတာက လောလောဆယ် ထိပ်ရောက်နေသူတွေကိုပဲ။ “သာကူးတွေ”ဆိုလည်း မမှားပါဘူး။ မဲဆွယ်ပွဲတွေလို နေရာမျိုးမှာ အဲလိုလူတွေကို ကောင်းကောင်းတွေ့ရနိုင်တယ်။ ကြိုဆိုရေးအဖွဲ့ကနေ သွေးဆာနေသော လူအုပ်ကြီးအဖြစ် ရုတ်ချည်း ပြောင်းနိုင်သူများပါပဲ။
x x x
ပွဲကြည့်ပရိသတ်က အလုပ်ကို တာဝန်ကျေအောင်ပဲ လုပ်တတ်တယ်။ ပိုမလုပ်ဘူး။ အခွင့်အရေးသမားတွေကတော့ သူတို့ကို အသိအမှတ်ပြုလာအောင်၊ ချီးမြှောက်ခံရအောင် လူရှေ့၊ ခေါင်းဆောင်ရှေ့မှာ ဘာမဆို လုပ်ဖို့ ဝန်မလေးဘူး။ သူတို့အတွက် ခေါင်းဆောင်ဆိုတာ သူတို့အဆင့် တိုးတက်လာရေးအတွက် လှေကားထစ်ပဲ။ သစ္စာဖောက်တွေကတော့ အချိန်မရွေး ဒုက္ခပေးနိုင်သူတွေပါ။ တခုခု လွဲပြီဆိုတာနဲ့ ခေါင်းဆောင်ကို အပုပ်ချဖို့ စောင့်စားနေသူများပဲ ဖြစ်ပါတယ်။ လက်တွေ့သမားတွေကိုတော့ ကိုယ့်အလုပ်အပေါ် မူတည်ပြီး အနားမှာ ထားသင့်ပါတယ်။ သို့ပေမယ့် သူတို့တွေကြောင့်လည်း စိတ်ကူးစိတ်သန်းသစ်တွေ ပေါ်မလာအောင် အဟန့်အတားဖြစ်စေနိုင်တာကိုတော့ သတိထားသင့်ကြပါတယ်။ ဝေဖန်ရေးသမားတွေကတော့ သူတို့ဟာ ဘယ်လို လူစားဆိုတာ တန်းသိနိုင်တဲ့အတွက် သူတို့ဆီက ဝေဖန်သံပဲ ကြားနေရမယ်ဆိုတာ မှန်းဆနိုင်ပါတယ်။
ကပ်ဖားရပ်ဖားတွေကိုတော့ ကောင်းကောင်းကြီးကို သတိထားအပ်ပါတယ်။ မီးသွေးကိုပေမယ့် ခေါင်းဆောင်က ဖြူတယ်လို့ ပြောလိုက်တာနဲ့ လိုက်ဖြူမယ့် မမှန်မကန် လူစားတွေမို့ ခေါင်းဆောင်ကို ခွေးကျ ဝက်ကျ ကျအောင် ပံ့ပိုးပေးနိုင်ကြသူများပါပဲ။ သစ္စာတော်ခံတွေကို အားကိုးလို့ ရပေမယ့် ခေါင်းဆောင်အပေါ်မှာ တဖက်သတ်ကြီး ကြည်ညိုမဆုံးဖြစ်နေတဲ့အတွက်ကြောင့် ခေါင်းဆောင်ရဲ့ ပါရမီတွေ၊ အရည်အချင်းတွေနဲ့ ပတ်သက်ပြီး အကဲဖြတ်ရာမှာ မှန်မှန်ကန်ကန် မရှိတော့ဘူး။ ခေါင်းဆောင် ဘာလုပ်လုပ် အကောင်းမြင်နေတဲ့ စိတ်နဲ့ ထောမနာတွေပဲ နင်းကန်ပြုတာကြောင့် ခေါင်းဆောင်လည်း အဟုတ်ထင်ပြီး စွတ်လုပ်ရာက နှာခေါင်း ကျည်ပွေ့ တွေ့ရအောင် ဆောင်ကျဉ်းပေးနိုင်သူများပါပဲ။
နောက်လိုက်တွေရဲ့ သည်သဘောသဘာဝတွေဟာ “ပုံသေကားချ” မဟုတ်ပါဘူး။ ဘေးပယောဂကြောင့်ဖြစ်စေ၊ ခေါင်းဆောင်ရဲ့ လုပ်ဆောင်ချက်အပေါ် အမြင်တွေ ပြောင်းသွားလို့ ဖြစ်စေ လူတယောက်ဟာ အခွင့်အရေးသမား နောက်လိုက်ဘဝကနေ ဝေဖန်ရေးသမား ဖြစ်လာနိုင်ပါတယ်။
ခေါင်းဆောင်လုပ်တဲ့သူက ဒါတွေကို သိထားမယ်ဆိုရင် ဘယ်လိုနောက်လိုက်မျိုးက ကိုယ့်အတွက် အဖိုးတန်သလဲ၊ ဘယ်လိုနောက်လိုက်မျိုးကို ဆိုရင်ဖြင့် သတိထားသင့်သလဲဆိုတာကို မြင်လာမှာ ဖြစ်သလို ကိုယ့်နောက်လိုက်တွေကို လည်း ကိုယ့်ဘက်ပါအောင် စည်းရုံးယူနိုင်တဲ့ မဟာဗျူဟာ၊ နည်းဗျူဟာတွေကို မြင်လာနိုင်ပါတယ်။
အခုလို တစုတစည်းတည်း ချပြလိုက်တော့ အားလုံးမြင်လာမှာပါ။ ဒါတွေက လူတွေထဲမှာ နဂိုတည်းက ရှိပြီးသား လူအများရဲ့ အမူအကျင့်တွေ၊ စိတ်ဓာတ်တွေပါ။ ပညာရပ်အနေနဲ့ ဆည်းပူးသူက ဆည်းပူး၊ သုတေသန လုပ်သူက လုပ်၊ ပြုစုသူက ပြုစုတော့မှ အခုလို တစုတစည်းတည်း ဖြစ်လာရတော့တာပါပဲ။
ဒါ့ကြောင့် ဘာသာရပ်၊ ပညာရပ်တွေ၊ သင်တန်းတွေ အားလုံးကို ကျနော်ကဖြင့် အထင်လည်း ကြီးပါတယ်၊ အခွင့်ကြုံတိုင်းလည်း ဆည်းပူးသွားဖို့ ဝန်မလေးမိပါဘူး။ တဆက်တည်းမှာပဲ စာဖတ်သူကိုလည်း မေးချင်ပါတယ်။ စာဖတ်သူဟာ ခေါင်းဆောင်တယောက်ဆိုရင် ဘယ်လို နောက်လိုက်မျိုးကို လိုချင်ပါသလဲ။ နောက်လိုက်တယောက်ဆိုရင်လည်း ကိုယ်ဟာ ဘယ်လို နောက်လိုက်မျိုး ဖြစ်နေပါသလဲ။ ကျနော့်ကို ဖြေပေးဖို့ မလိုပါဘူး။ တွေးကြည့်ဖို့ပါပဲ။
အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၁၃၀၈၁၈)
ရည်ညွှန်း – https://goo.gl/jzW8t2

တဖက်လပ်နဲ့ စုံလုံးကန်း

🥺🥺🥺🥺🥺🥺🥺🥺

မမြင်ချင်လည်း မြင်နေရလို့ပါ

ပူးတွဲပုံမှာ အင်္ဂလိပ်လို ထင်ရာရေးထားတာပဲ အများစု တွေ့တော်မူကြပါတယ်။ ဗမာ သတ်ပုံမှားနေတာ မြင်တဲ့လူ တယောက်မှ မရှိရှာဘူး ထင်ပါတယ်။

No photo description available.အလှမ်းကျယ် အလယ်လပ်တွေပေါ့ဗျာ။

အမှန်တော့ ဒါမျိုးတွေ ဝင်ကို မပြောချင်တော့ပါဘူး။ ဆန်စင်ရာ ကျည်ပွေ့လိုက်နေရင် ကျောက်သားနဲ့ လုပ်ထားတဲ့ ကျည်ပွေ့တောင် ဒိုးပြားသာသာ ကျန်စရာ အကြောင်းမြင်လို့ပါ။

သတ်ပုံမှားတဲ့ ရွှေပြည်တော်

“မုခ်”လို့ စာလုံးပေါင်းပါတယ်။ ပါဠိပျက်ပါ။ မူရင်း “မုခ”ဖြစ်ပါတယ်။ မျက်နှာစာပါ။ တောင်ဘက် မျက်နှာစာကို “တောင်ဘက်မုခ်” အရှေ့ဘက်မျက်နှာစာကို “အရှေ့ဘက်မုခ်”လို့ ခေါ်ကြပါတယ်။

တနေ့ကပဲ တွေ့လိုက်သေးတယ်။ နံနံဂျားအဖွဲ့အစည်းတွေမှာ ဆရက လုပ်နေတဲ့ ဒေါက်တာဘွဲ့ခံ ပုတ်ကိုယ်တပါး ရေးထားတဲ့ စာမှာပါ။

“ဆုတ်ကဒ်”ရောက်နေတာတဲ့။ တော်သေးတာပေါ့။ “စုပ်ကဒ်”လို့ မရေးတာ။

သူ ဘုရားရှိခိုးတဲ့အခါ “အပယ်လေး bar, Card သုံး bar”လို့များ အော်နေသလားလို့တောင် တွေးမိတဲ့အထိ ပြောင်မြောက်တဲ့ ဒေါက်တာဘွဲ့ခံ ကိုယ်ဒေါ်မျတ်ကြီးပါပဲ။

Card ကို “ကတ်”လို့သာ တဝမ်းပူသတ်နဲ့ ပေါင်းပါတယ်။ ဒထွေးသတ်နဲ့ “ကဒ်”ဆိုတဲ့ စာလုံးပေါင်းက ဗမာစာမှာ မရှိပါဘူးလောက်တော့ သည်စာတိုလေးကို ဖတ်မိသူတွေ မှတ်သားမိသွားရင်ပဲ ကျေးဇူးတင်မိပါလိမ့်မယ်။

ပူးတွဲပါ ပုံမှာ အင်္ဂလိပ်လို ဘာသာပြန်သူဟာ တကယ်လို့များ “တောင်ဘက် ပတ်လမ်း”ကိုဆိုရင် ဘယ်လိုများ ရေးလေမလဲဆိုတာလည်း ရယ်စရာ တွေးမိပါတယ်။

အရမ်းပြန်တို့ရဲ့ လက်ရာမွန်

ဗမာစာကို အင်္ဂလိပ်လို ပြန်သူတွေရဲ့ အရည်အချင်းကလည်း ထူးခြားတယ်ခင်ဗျ။

စကားစပ်တုံး ပြောရဦးမယ်။ တနေရာမှာ တွေ့လိုက်တယ်။ နာမည်ကျော် “မုန်းစွဲ”ကို ဘာသာပြန်ထားတာများ “Clinging with Hatred”တဲ့ဗျား။

(၁) Cling ဆိုတဲ့ ကြိယာနောက်မှာ လိုက်ရတဲ့ preposition က T-O to သာ ဖြစ်ပါတယ်။ ဘယ်တော့မှ with မသုံးပါဘူး။

(၂) “မုန်းစွဲ”ဟာ “အမုန်းနဲ့ တွယ်ငြိခြင်း”ဆိုတဲ့ သဘောထက် အမုန်းကြောင့် စွဲတဲ့ “စိတ်အစွဲ”သဘောကို ဆိုလိုပါတယ်။ “အစွဲအလမ်း”ပေါ့။ ယောက္ခမဆိုတာ ချွေးမအပေါ် မေတ္တာမရှိတဲ့သူလို့ စွဲနေတာမျိုးဟာ “အစွဲ”ပါ။ ဒါမှမဟုတ် သေသူတယောက် မကျွတ်မလွတ်ဘူးလို့ ယူဆတာမျိုးဟာလည်း “အစွဲ”ပေါ့။

အဲဒီ့“အစွဲ”ဟာ “Clinging” မဟုတ်တာလောက်မှ မသိဘဲ အင်္ဂလိပ်လို ခပ်ရဲရဲ ဘာသာပြန်သူကို အလေးပြုလိုက်ချင်ပါတယ်။

ကဝိပစ္စည်းနဲ့ ဘာသာပြန်

တလောက တိုင်းရင်းသားအဖွဲ့တဖွဲ့က ငြိမ်းချမ်းရေးအတွက် သီချင်းတပုဒ်ရဲ့ စာသားကို ကျနော့်ကို အင်္ဂလိပ်လို ဘာသာလာပြန်ခိုင်းပါတယ်။

ကျနော် မပြန်ရဲပါဘူး။ (မပြန်ရဲတဲ့အကြောင်း ပွင့်ပွင်လင်းလင်းပဲ ပြောပြီး အဲဒါမျိုးကို ပြန်တတ်သူလို့ ကျနော် ရာနှုန်းပြည့် ယုံကြည်စိတ်ချသူတဦးနဲ့ ဆက်သွယ်ပေးခဲ့ပါတယ်။ အဲဒီ့တယောက်ကလည်း စိတ်မပါရင် ပိုက်ဆံ ဘယ်လောက်ပေးပေး မပြန်မယ့်သူမျိုးပါ။ ကံအားလျော်စွာ၊ တိုင်းရင်းသားတွေရဲ့ အားထုတ်မှု ဆိုတာကြောင့် လိုလိုချင်ချင် ပြန်ပေးခဲ့ပါတယ်။ ပိုက်ဆံလည်း တပြားမှ မယူခဲ့ပါဘူး။)

အင်္ဂလိပ်ဘာသာကို ပြန်ဆိုရာမှာ ကျနော် မထိရဲတာ ကဗျာ၊ ဝတ္ထု၊ သီချင်းပါပဲ။ အဲဒါတွေက ကဝိပစ္စည်းတွေပါ။

ဆေးညွှန်း ဘာသာပြန်ဆို ပြန်ရဲပါတယ်။ သမိုင်း၊ သိပ္ပံ၊ ဝိဇ္ဇာ စာတန်းတွေ ပြန်ဆို ပြန်ရဲပါတယ်။ ကျနော့် ဘာသာပြန်သက် ၃၁ နှစ်အတွင်းမှာ ဥပဒေတောင် အင်္ဂလိပ်လို ပြန်ပေးခဲ့ဖူးတာတွေ မနည်းပါဘူး။ ကုမ္ပဏီ သင်းဖွဲ့စည်းမျဉ်း၊ သင်းဖွဲ့ မှတ်တမ်းတွေလေည်း မနည်းမနော ပြန်ဆိုခဲ့ဖူးပါတယ်။

သို့သော် ကဗျာ၊ ဝတ္ထု၊ သီချင်းလို “ကဝိပစ္စည်း”တွေကို လုံးဝ (ခြောက်ခါ) မပြန်ရဲပါဘူး။ ယုတ်စွအဆုံး၊ ကျနော်ကိုယ်တိုင် ရေးထားတဲ့ ပင်ကိုယ်ရေး ဝတ္ထုတိုကိုတောင် ဘာသာမပြန်ရဲပါဘူး။

ခြွင်းချက်အနေနဲ့ ကျိုင်းတုံက ဝစီပိတ်ဆရာတော်ရဲ့ ကဗျာသင်္ချိုင်းက ၃-၄-၅ ကြောင်း ကဗျာတိုလေးတွေ ၃-၄ ပုဒ်တော့ Facebook မှာ ပြန်ခဲ့ဖူးတာ ရှိပါတယ်။

စုံလုံးကန်းတွေ ကြားက တဖက်လပ် ကျနော်

အဲဒါက လွဲရင် ကျနော် ဘယ်ကဝိပစ္စည်းကိုမှ ရဲရဲတင်းတင်း ဘာသာမပြန်ဝံ့ပါ။ အဲလို မပြန်ဝံ့တာကို ကွယ်လွန်သူများဖြစ်တဲ့ ဆရာအောင်သင်း၊ ဆရာမာန်မြင့် (ကန့်ဘလူ) တို့က နားမလည်ရှာခဲ့ကြဘူး။ ကျနော့်ကို ဗမာဝတ္ထုတိုကောင်းတွေ ဘာသာပြန်ဖို့ တိုက်တွန်းခဲ့ကြဖူးပါတယ်။ ကျနော်က မပြန်တတ်ဘူးလို့ ပြောတော့ ဆရာတွေက ကျနော့်ကို ခွကျသူလို့ အောက်မေ့ကြသဗျ။ သူတို့ခမျာ ကျနော် အင်္ဂလိပ်စာ အတော်တတ်တယ်လို့ ထင်ရှာကြပုံပါပဲ။

ကျနော်က အင်္ဂလိပ်စာကို “သေစာ၊ ရှင်စာမျှသာ”တတ်သူပါ။ စာတအားဖတ်တဲ့ ဝါသနာကြောင့် ကျနော်ဟာ အကန်းတို့ အလယ်က တဖက်လပ်မျှသာ ဖြစ်ကြောင်းလည်း “ကိုယ့်ကိုယ်ကိုယ်” “ကောင်းကောင်းကြီး”သိနေပါတယ်။

တဖက်လပ်ဆိုတော့ ကျန်တဖက်နဲ့ မြင်နိုင်သေးတာပေါ့။ မြင်တော့ မရဲဘူးပေါ့။

အဲတော့လည်း “စုံလုံးကန်း”တွေ ရဲဝံ့ကြတာ အလေးပြုရမှာပေါ့ခင်ဗျာ… ဟုတ်ဘူးလား…

အားလုံး တွေးဆ ဆင်ခြင်ကြည့်နိုင်ကြပါစေ
အတ္တကျော်
(၂၇၀၈၁၉)

ကလေးကို လိင်ပိုင်း မဟားဒယားလုပ်ကြတာနဲ့ ပတ်သက်ပြီး သိထားသင့်တဲ့ အချက်တွေ

Image result for child sex abuse၁။ ကလေးတွေအပေါ် လိင်ပိုင်းမတော်မတရားပြုကျင့်သူ (ကလေးကို မဟုတ်တာလုပ်သူ) ၇၀ က ၇၃ % ဟာ သူတို့ ကိုယ်တိုင် ကလေးဘဝတုန်းကလည်း မဟုတ်တရုတ်လုပ်တာ ခံခဲ့ဖူးသူတွေ ဖြစ်နေကြပါတယ်။

၂။ ကလေးကို မဟုတ်တာလုပ်သူ ၆၀ % လောက်ဟာ မိသားစုနဲ့ ရင်းနှီးဝင်ထွက်နေသူတွေ၊ ကလေးထိန်းတွေ၊ အိမ်နီးချင်းတွေလိုမျိုး ကလေးနဲ့ သိကျွမ်းသူတွေပါ။ မိသားစုဝင်တွေတော့ မဟုတ်ကြပါဘူး။

၃။ ၃၀ % လောက်ကတော့ အဖေ၊ အမေ၊ အကို၊ ဦးလေး၊ ဦးကြီး၊ ဘကြီး၊ ဘထွေး၊ ဝမ်းကွဲညီအကို မောင်နှမတွေ ဖြစ်ကြပါတယ်။

၎။ လိင်ပိုင်းကျူးလွန်မှု အားလုံးရဲ့ ထက်ဝက်ထက် နည်းတဲ့ ပမာဏသာလျှင် ရဲဆီ တိုင်တန်းကြပါတယ်။

၅။ ၂၀၀၂ ခုနှစ်တနှစ်တည်းမှာတင်ပဲ တကမ္ဘာလုံးမှာ အသက် ၁၈ နှစ်အောက် မိန်းကလေး သန်းပေါင်း ၁၅၀၊ ယောက်ျားလေး ၇၃ သန်းတို့ဟာ အဓမ္မပြုကျင့်မှု၊ လိင်ပိုင်းအကြမ်းဖက်မှု တခြားပုံစံတွေကို ခံစားခဲ့ရတယ်လို့ ကမ္ဘာ့ ကျန်းမာရေးအဖွဲ့ (WHO) က ဆိုပါတယ်။

၆။ ယောက်ျားလေးတွေ တိုင်တန်းတဲ့ အမှု ၁၄ % ၊ မိန်းကလေးတွေ တိုင်တန်းတဲ့ အမှု ၆ % မှာ ကျူးလွန်သူတွေဟာ မိန်းမတွေ ဖြစ်ပါတယ်။

၇။ ဝင်ငွေနည်းတဲ့ နိုင်ငံတွေမှာ အရွယ်မရောက်သေးသူတွေကို သတ်ဖြတ်မှုနှုန်းထားက ဝင်ငွေများတဲ့ နိုင်ငံတွေထက် နှစ်ဆ ပိုများပါတယ်။ ဒါပေသည့် အိမ်တွင်းမှာ လိင်ပိုင်းမတော်မတရားပြုကျင့်ကြတာကတော့ နိုင်ငံတိုင်းမှာ တွေ့ရတယ်။

၈။ ယေဘုယျအားဖြင့် ယောက်ျားတွေ မတော်မတရားပြုကျင့်ခံရတဲ့ နှုန်းထား နည်းပါးခြင်းဟာ တိုင်တန်းမှု နည်းပါးခြင်းကြောင့် ဖြစ်ပါတယ်။ ယောက်ျားဆိုတာ သန်မာရတယ်၊ ခုခံတုံ့ပြန်နိုင်စွမ်းရှိရမယ်လို့ အစဉ်အလာအရ သွန်သင်ထားကြတော့ ခံလိုက်ရတဲ့ ယောက်ျားသားတွေဟာ “ယောက်ျားမဟုတ်ဘူး”လို့ အထင်ခံရမှာ စိုးတဲ့အတွက် မတိုင်ကြတာဖြစ်ပါတယ်။

 ၉။ ကလေး လိင်ပိုင်းမတော်မတရားပြုကျင့်မှုဆိုတာ နမ်းတာ၊ ပါးစပ်နဲ့၊ စအိုနဲ့၊ မိန်းမကိုယ်နဲ့ လိင်ဆက်ဆံတာလို ကိုယ်ခန္ဓာထိတွေ့မှုလည်း ပါတယ်။ ဒါတင်မကသေးဘူး၊ လိင်အင်္ဂါကို ကလေးတွေကို လှစ်ပြတာ၊ ကလေးတွေကို မဖွယ်မရာ ရုပ်သေ၊ ရုပ်ရှင်တွေ အတင်းကြည့်ခိုင်းတာ၊ ကလေးရဲ့ ဝတ်လစ်စလစ် ကိုယ်ခန္ဓာကို ကြည့်ဖို့ အားထုတ်တာ၊ လိင်ဆက်ဆံဖို့ ကလေးကို ဖိအားပေးတာ၊ ကလေးရှေ့မှာ လိင်ဆက်ဆံတာ၊ ကလေးကို မဖွယ်မရာ ရုပ်သေ၊ ရုပ်ရှင်အတွက်၊ ပြည့်တန်ဆာလုပ်ဖို့အတွက် အမြတ်ထုတ်တာတွေလည်း ပါဝင်ပါတယ်။

၁၀။ မဟုတ်တာ အလုပ်ခံရပြီးတဲ့နောက် ကလေးအများစုက ဘယ်သူ့ကိုမှ ပြောပြလေ့ မရှိတတ်ကြပါဘူး။ ပြောတဲ့ ကလေးဖြစ်ပြန်ရင်လည်း အရေးယူမှု တခုခု ဖြစ်မလာခင် သည်အကြောင်းကိုပဲ လူပေါင်း ၄-၅-၁၀ ယောက်ကို မဖြစ်မနေ ထပ်ပြန်တလဲလဲ ပြန်ပြောပြနေရစမြဲဖြစ်ပါတယ်။

၁၁။ မဟုတ်တာ အလုပ်ခံလိုက်ရတဲ့ ကလေးတွေမှာ ကျန်းမာရေးထိခိုက်မှု အများအပြားဖြစ်လာနိုင်တယ်။ စိတ်ထိခိုက်မှု ဒဏ်ကို အပြင်းအထန်ခံရပြီးနောက် တင်းကျပ်မှု စိတ်စံလွဲရောဂါ (Post-Traumatic Stress Distorder)၊ အစားအသောက် စံလွဲမှု (မတရား စားတာ၊ မတရား မစားတာမျိုး)၊ စိတ်ထောင်းကိုယ်ကျေ ရောဂါလက္ခဏာတွေ၊ ယဉ်ယဉ်လေးနဲ့ စိတ်ကျန်းမာရေး ချို့ယွင်းနေတာ၊ နာတာရှည် နာကျင်ကိုက်ခဲမှု၊ လွန်ကျူးတဲ့ လိင်ပိုင်း အမူအကျင့် (ကလေးတွေဟာ သူ့အရွယ်နဲ့သူ လိင်ကိစ္စကို စိတ်ဝင်စားတာ သဘာဝပါ။ သို့သော် လွန်ကျူးတယ်ဆိုတာကတော့ မူကြိုအရွယ်ကလေးငယ်က လိင်ကိစ္စတွေ တစ်တစ်ခွခွပြောတာတို့၊ ၁၂ နှစ်သားက လူရှေ့မှာ တကိုယ်ရေ အာသာဖြေတာတို့လိုမျိုးကို ဆိုလိုပါတယ်)၊ သင်ယူမှု ပြဿနာ၊ တိရစ္ဆာန်လေးတွေအပေါ်မှာ ရက်စက်တာ၊ ကိုယ့်ကိုယ်ကိုယ် ဖျက်ဆီးတဲ့ အမူအကျင့်၊ မိမိကိုယ်ကို သေကြောင်းကြံမှု၊ လူ့ကန့်လန့်အမူအကျင့်၊ အိပ်မပျော်တာ၊ အိပ်မက်ဆိုးတွေ မက်တာ၊ ဒေါသတကြီး ပေါက်ကွဲတာ၊ တယောက်တည်း မနေချင်တာ၊ အရွယ်ရောက်တဲ့အထိ တခြားသူတွေအပေါ် ကျူးလွန်ချင်တာစတဲ့ အမူအကျင့်တွေ ပေါ်ပေါက်လာတတ်ပါတယ်။ ဒါပေမယ့် အဲဒါတွေကို သူတို့က လူမြင်သူမြင်တော့ မပြတတ်ကြတော့ဘူး။

၁၂။ ကလေးကို မဟုတ်တာလုပ်သူတွေဟာ ကာယအားနဲ့ အဓမ္မ မလုပ်ကြဘူး။ လက်ဆောင်လေးတွေ ပေး၊ အတူကစားပေး၊ အတူနေပေး၊ သွားပေး၊ ကလေးတွေကို မဖွယ်ရာတဲ့ ရုပ်ရှင်၊ ရုပ်သေတွေ ပြပေး၊ စိတ်မပါဘဲ အော်လိုက်ဟစ်လိုက်၊ မာန်လိုက်မဲလိုက်နဲ့ ကလေးစိတ်ထဲမှာ ကျူးလွန်မယ့်သူကို ဘာမှန်းမသိဘဲ ဇဝေဇဝါဖြစ်နေအောင် လုပ်ပေးတာမျိုး တွေနဲ့ ကျုံးသွင်းတတ်ကြပါတယ်။

၁၃။ မိဘတပါးတည်းနဲ့သာ နေထိုင်ရတဲ့ ကလေး၊ လက်ထပ်မထားတဲ့ သူနဲ့ အတူနေနေတဲ့ မိဘနဲ့ နေရတဲ့ ကလေးတွေဟာ မိရင်းဘရင်းနဲ့အတူ နေရတဲ့ ကလေးတွေထက် မဟုတ်တာ အလုပ်ခံရနိုင်ချေ ရှစ်ဆပိုများပါတယ်။

၁၄။ ကလေးကို မဟုတ်တာလုပ်တယ်လို့ တိုင်ကြားတဲ့အမှုတွေရဲ့ ၂၃ % လောက်ကို ၁၈ နှစ်အောက်တွေက ကျူးလွန်ကြတာ တွေ့ရပါတယ်။

၁၅။ ၂၀၀၄ ခုနှစ် လေ့လာချက်တရပ်မှာတော့ အရေအတွက် စုစုပေါင်း လေးသန်းခွဲလောက်အထိ ရှိမယ့် အစိုးရကျောင်း တက်နေသူ ကလေးပေါင်း ၉.၆ % ဟာ သူတို့ကို ပညာသင်ပေးနေသူတွေရဲ့ လိင်ပိုင်းဆိုင်ရာ မဖွယ်ရာမှုတွေကို တွေ့ကြုံဖူးတယ်လို့ ဆိုပါတယ်။ သည်လို မဖွယ်ရာမှုဆိုရာမှာ လိင်နဲ့ပတ်သက်တဲ့ ဟာသတွေ ပြောတာမှသည် လိင်ဆက်ဆံတာအထိ ပါဝင်ပါတယ်။ ကျူးလွန်သူတွေထဲမှာ ဆရာက ၁၈ % ၊ အားကစားနည်းပြက ၁၅% ၊ လူစားဝင်သင်တဲ့ ဆရာက ၁၃ % ၊ ကျောင်းအုပ်က ၆ % ၊ ကလေးတွေကို ဖေးမ ဆွေးနွေးပေးသူက ၅ % ပါဝင်ပါသတဲ့။

၁၅။ မတော်တရော် အလုပ်ခံရတဲ့ ကလေး ၉၅ % က ကျူးလွန်သူကို သိကျွမ်းကြပါတယ်။

၁၆။ ကလေးကို မတော်တရောလုပ်တဲ့သူ အများစုဟာ ကလေးထက် ဆယ်နှစ်၊ ဆယ်နှစ်အထက် ကြီးသူတွေပါ။ ကလေး အပေါ် ကျူးလွန်သူ တဝက်ကျော်ဟာ ၃၅ နှစ်အောက်တွေပါ။

မူရင်းက ၆၄ ချက် ပါပါတယ်။ များလို့ အဓိက သိသင့်တဲ့ ၄ ပုံတပုံကိုပဲ ဘာသာပြန်ပေးလိုက်ပါတယ်။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

၀၁၀၇၁၉

မူရင်း – https://www.factretriever.com/child-abuse-facts

Permission to Cry

ငိုခွင့်

ထမင်းစားခန်းထဲက စားပွဲမှာ တစ်ယောက်တည်း ထိုင်နေမိတယ်။ တစ်အိမ်လုံး မည်းမှောင်နေပြီး ကျွန်တော်ထိုင်နေရာ ထမင်းစားပွဲလေးမှာပဲ မီးရောင်လေးက ကွက်ကွက်လေး လင်းနေတယ်။ မျက်ရည်တွေနဲ့ ကျွန်တော် ထိုင်နေတာပါ။

img_1445နောက်ဆုံးမှာတော့ ကလေးနှစ်ယောက်စလုံးကို အောင်အောင်မြင်မြင် သိပ်နိုင်ခဲ့ပါပြီ။ သူများတွေနဲ့ယှဉ်ရင် အင်မတန့်ကို နုနယ်လှသေးတဲ့ မိဘတစ်ပါးတည်းနဲ့ ဖြတ်သန်းရတဲ့ မိသားစုဘဝမှာ ကျွန်တော်ပဲ အဖေ၊ ကျွန်တော်ပဲ မအေ လုပ်နေရပါတယ်။ အော်လိုက်ဟစ်လိုက်ကြ၊ တောက်တက် တောက်တက်နဲ့ ပြေးလိုက်ကြ၊ ဆော့လိုက်ကြလုပ်နေကြတဲ့ ကလေး နှစ်ယောက်ကို မရအရ ရေချိုးပေးရတယ်။ ပြီးတဲ့နောက် အတော်လေး ဂဏှာငြိမ်သွားကြတဲ့အခါမှာ နှစ်ယောက်စလုံးကို အိပ်ရာထဲ ဝင်ခိုင်း၊ တစ်ယောက်ကို ငါးမိနစ်စီ ဖင်ပုတ်ပြီး သိပ်ပေးမယ်လို့ သတ်မှတ်ပြီး သူတို့ တင်ပါးလေးတွေကို အသာအယာပုတ်ရင်း သိပ်။ အဲဒီ့နောက် ဂစ်တာကိုယူ၊ ကလေးတွေ အိပ်ခါနီးတိုင်း ဆိုပြနေကျ သီချင်းလေးတွေကို ဆိုပေး။ ကလေးနှစ်ယောက်စလုံး သိပ်ကြိုက်ကြတဲ့ ပိတောက်ရိပ်ဝယ်သီချင်းနဲ့ အနားသတ်လို့ အဲဒီ့ သီချင်းကိုပဲ သူတို့ အိပ်ပျော်တဲ့အထိ အထပ်ထပ်ဆိုပေးလိုက်ရပါသေးတယ်။

မကြာသေးခင်ကမှ အိမ်ထောင်ဖက်နဲ့ ကွာရှင်းပြတ်စဲလိုက်ပြီး ကလေးနှစ်ယောက်ရဲ့ တာဝန်ကိုလည်း အပြည့်အဝယူထားသူ ယောကျာ်းသားတစ်ယောက်အနေနဲ့ ကျွန်တော်ဟာ သည်ကလေးနှစ်ယောက်ကို ကျွန်တော့် ကိုယ်စွမ်း ဉာဏ်စွမ်းရှိသမျှ အဆင်အပြေဆုံး၊ အတည်ငြိမ်ဆုံး မိသားစုဘဝလေးကို ပေးနိုင်အောင်ပေးဖို့ စိတ်ကူးထားပါတယ်။ ကလေးတွေရှေ့မှာ ကျွန်တော့်မျက်နှာကို အမြဲပြုံးရွှင်နေအောင်လည်း ထားတယ်။ သူတို့လုပ်သမျှ ကိုင်သမျှကို ဂရုစိုက်တဲ့နေရာမှာလည်း အရင်က သူတို့မအေနဲ့ အတူရှိစဉ်က ရခဲ့တဲ့ နွေးထွေးမှုမျိုး ရနေအောင်လည်း ကျွန်တော် ကြိုးစားတယ်။ စောစော ကလို ညတိုင် သိပ်တာကတော့ ခြွင်းချက်ပေါ့။ ဖင်ပုတ်ပေးတာ၊ သီချင်း ဆိုပေးတာတွေအားလုံးက အရင်လည်း ကျွန်တော်ပဲ လုပ်နေကျပါ။ တစ်ခုပါပဲ၊ အရင်တုန်းကတော့ ဒါတွေ အားလုံးကို ကျွန်တော်လုပ်တာ မှန်ပေမယ့် သူတို့မအေကတော့ အနားမှာ ရှိနေခဲ့လေသပေါ့။ အခုတော့ ကျွန်တော် တစ်ယောက်တည်း။ ဘာပဲဖြစ်ဖြစ်၊ တစ်ညတော့ အောင်မြင်သွားပြန်ပြီပေါ့ လေ။

ကလေးတွေ အိပ်ပျော်သွားတဲ့အခါ ဂစ်တာကို ပိုက်ပြီး ထိုင်ရာကနေ ဖြည်းဖြည်းလေး၊ ဖော့ဖော့လေး၊ အသံမမြည်အောင် ထလိုက်ပါတယ်။ အသံ မြည်သွားလို့ သူတို့များ မတော်တဆ ပြန်နိုးလာမယ်ဆိုရင် သီချင်းတွေ မဆုံးအောင် ပြန်ဆို၊ ပုံတွေ မနားတမ်း ပြန်ပြောရလေဦးမယ့်အရေးကို ကြို မြင်မိလို့ပါ။ အသံမမြည်အောင် ထပြီး သူတို့အခန်းထဲက ခြေဖျား ထောက်လို့ အသံမမြည်အောင် အသာထွက်ခဲ့ပါတယ်။ ပြီးတော့ အခန်းတံခါးကို အသံမမြည်အောင်ပိတ်ပြီး အောက်ထပ်ကို ဆင်းလာခဲ့တယ်။

ထမင်းစားပွဲမှာ ခြေပစ်လက်ပစ်ထိုင်ချလိုက်မိရင်းက တွေးမိသွားတာ တစ်ခုရှိတယ်။ ညနေ အလုပ်က ပြန်လာကတည်းက ကျွန်တော့်မှာ အခုမှ ထိုင်ရတာပါကလားဆိုတာကိုပါ။ အလုပ်က ပြန်ရောက်လာတော့ ထမင်း ဟင်း ချက်ရတယ်၊ ပြီးတော့ ကလေးတွေစားဖို့ ပြင်ဆင်ပေးပြီး စားဖြစ်အောင်လည်း စောင့်ကျွေးရတယ်။ ပြီးတော့ သူတို့နှစ်ယောက် မေးသမျှ မေးခွန်းပေါင်းစုံကို ဖြေရင်းနဲ့ ပန်းကန်တွေ ဆေးရတယ်။ ပြီးတော့ သမီးကြီးရဲ့ ဒုတိယတန်းအိမ်စာတွေကို ကူလုပ်ပေးရတယ်။ သားငယ်လေးဆွဲထားတဲ့ ပုံတွေကို ချီးမွမ်းပေးရတယ်။ သစ်သားတုံးလေးတွေနဲ့ သူဆောက်ထားတဲ့ အိမ်ကိုလည်း ဟား… တယ်လှပါလားလို့ ပြောပေးရတယ်။ ပြီးတော့ ရေမိုးချိုးပေးရ၊ ပုံပြောပြရ၊ ဖင်ပုတ်ပေးရ၊ သီချင်းဆိုပေးရနဲ့ အခုနောက်ဆုံးမှာတော့ ကျွန်တော့်ဘာသာ ကျွန်တော်တစ်ယောက်တည်း နားနားနေနေ နေနိုင်တဲ့ အချိန်တိုလေးတစ်ခု ရလာခဲ့ပါပြီ။ တစ်အိမ်လုံး တိတ်ဆိတ်နေတာကိုက လောလောဆယ်အတွက်တော့ စိတ်သက်သာစရာ ကောင်းနေပါ တယ်။

အဲဒီ့နောက်မှာတော့ ကျွန်တော့်ကို အရာရာက ဖိစီးလို့ လာပြန်တယ်။ စိတ်ပင်ပန်းမှု၊ တာဝန်ကြီးလေးတာ၊ ကျွန်တော် ရှင်းနိုင်၊ မရှင်းနိုင် သိပ် မသေချာလှသေးတဲ့ သည်တစ်လစာ ကုန်ကျစရိတ်အထွေထွေ…။ အိမ်တစ်အိမ်မှာက အသေးစိတ်ပြောရင် လုပ်စရာတွေ၊ လိုအပ်တာတွေက အများကြီး။ သိပ်မကြာသေးခင်တုန်းကတော့ ကျွန်တော်ဟာ အိမ်ထောင်သည် တစ်ယောက်ဖြစ်နေလေတော့ သည်တာဝန်တွေ၊ သည်စရိတ်စကတွေ၊ သည် ကြောင့်ကြမှုတွေကို မျှဝေခံစားပေးမယ့် အဖော်တစ်ယောက် အနားမှာရှိနေခဲ့ဖူးပါတယ်။

အခုတော့ အထီးကျန်။ ကျွန်တော်ဟာ ဘာမှ မရှိ၊ သက်ရှိသတ္တဝါ မရှိတဲ့ အထီးကျန်ပင်လယ်ကြီးရဲ့ အောက်မှာ နစ်နေသလို ခံစားရတယ်။ သည်အတွေးတွေ၊ သည်ခံစားချက်တွေဟာ ကျွန်တော်မဖိတ်ခေါ်ပါဘဲ ကျွန်တော့်ရင်ထဲကို အုံနဲ့ကျင်းနဲ့ ချင်းနင်းဝင်ရောက်လာပြီး ကျွန်တော့်ကို ဖိစီးနေပါတော့တယ်။ တဖြည်းဖြည်းနဲ့ သည်ခံစားချက်တွေ၊ သည်အတွေးတွေက ရင်မဆန့်အောင် လျှံတက်လို့လာပါတော့တယ်။ သည်အခါမှာတော့ ကျွန်တော်ဟာ ဘယ်လိုမှ မမျှော်လင့်ထားမိဘဲ တသိမ့်သိမ့်ရှိုက်လိုက်မိပါတယ်။ ကျွန်တော်လေ… ထမင်းစားပွဲမှာ ထိုင်ရင်းနဲ့ အသံမထွက်ဘဲ ရှိုက်ငိုနေမိရပါတယ်။

အဲဒီ့အချိန်မှာ လက်ကလေးနှစ်ဖက်က ကျွန်တော့်ကို ဖက်လိုက်ပြီး မျက်နှာသေးသေးလေးတစ်ခုကလည်း ကျွန်တော့်ကို စူးစူးစမ်းစမ်းကြည့်လာပါတယ်။ ကျွန်တော့်ရဲ့ ငါးနှစ်အရွယ်သားကလေးရဲ့ စာနာစိတ်နဲ့ကြည့်နေတဲ့ မျက်နှာနုနုလေးပါ။
ကျွန်တော်ငိုနေတာကို သားလေးမြင်သွားတဲ့အတွက် ကျွန်တော် ရှိုးတိုး ရှန့်တန့်ဖြစ်သွားတယ်။ ရှက်သလိုလိုလည်း ရှိသွားရပါတယ်။ “ဆောရီးပါ သားရယ်။ သား မအိပ်သေးမှန်း ဖေဖေ မသိလို့ပါကွာ”လို့ ကျွန်တော် ပြောလိုက်မိတယ်။ ဘာ့ကြောင့်လဲတော့မသိဘူး၊ လူအတော်များများဟာ ငိုမိသွားရင် အနားက လူကို တောင်းပန်တတ်ကြတာချည်းပါပဲ။ ကျွန်တော်လည်း လူသားတစ်ယောက်ဖြစ်တဲ့အားလျော်စွာ အနား ရောက်လာတဲ့ သားငယ်ကို တောင်းပန်နေမိရပါတယ်။

“ဖေဖေ ငိုတာမဟုတ်ပါဘူး သားရယ် နော်။ ဆောရီးကွာ၊ ကနေ့ည ဖေဖေ့စိတ်ထဲမှာ နည်းနည်း ဝမ်းနည်းသလို ဖြစ်သွားလို့ပါသားရယ်”လို့လည်း ဆက်ပြောမိတယ်။

“ရပါတယ် ဖေဖေရဲ့။ ငိုတာ ဘာမှ မဖြစ်ပါဘူး။ ဖေဖေလည်း လူပဲဟာကို…”

သားရဲ့စကားကြောင့် ကျွန်တော့်မှာ ပြောမပြတတ်အောင်ကို စိတ်ချမ်းသာသွားပါတယ်။ သည်ကလေးပေါက်စလေး၊ ဘာမှ မသိသေးတဲ့ ကလေးပေါက်စလေးမှာ ဆင်ခြင်တုံတရားလေးက အပြည့်ရှိနေပြီးတော့ သူကလေးက ဖအေကို ငိုခွင့်ပေးနေပါကလား။ သူပြောချင်ကာကို ကျွန်တော် နားလည်လိုက်သလိုပဲ။ ကျွန်တော့်အနေနဲ့ တစ်ချိန်လုံး တင်းနေဖို့၊ တောင့်ထားဖို့ မလိုဘူး၊ တစ်ခါတလေတော့လည်း ကျွန်တော်အားငယ်နိုင်တယ်၊ ကျွန်တော့်ခံစားချက်တွေကို ဖွင့်အန်နိုင်တယ်ဆိုတဲ့စကားကို သူ ပြောတတ်သလို ရိုးရိုးလေး ပြောလိုက်တာပါ။

သားလေးက ကျွန်တော့် ပေါင်ပေါ်ကို တက်လာပြီး ကျွန်တော်တို့ သားအဖ နှစ်ယောက် တစ်ယောက်ကိုတစ်ယောက် ဖက်ထားရင်း စကားတွေ ပြောဖြစ်နေကြပါသေးတယ်။ ခဏနေတော့မှ သားငယ်ကို သူ့အိပ်ရာထဲ ပြန်ပို့ပြီး ပြန်သိပ်လိုက်ပါတယ်။

သားလေးအိပ်ပျော်သွားပြီးတဲ့နောက် ကျွန်တော်လည်း အိပ်ရာဝင်လိုက်ပါတယ်။ သည်ညအဖို့တော့ ကျွန်တော် အိပ်ပျော်ဖို့ သိပ်မခဲယဉ်းလှဘူး ဆိုတာကိုလည်း တွေးလိုက်မိရပါတော့တယ်။

ကျးဇူးပါပဲ သားငယ်ရယ်…

Hanoch McCarty ရေးတဲ့ Permission to Cry ကို ပြန်ဆိုတင်ဆက်လိုက်တာပါ။

ဘာဖြစ်လို့မှန်းတော့ မသိဘူး။ ဒါလေးကို ဖတ်မိပြီး စာဖတ်သူများကို ပြန်မျှချင်တဲ့စိတ်က အလိုလိုပေါက်လာလို့ပါ။
ကျွန်တော်ကိုယ်တိုင်ကလည်း ပုထုဇဉ်လူသား ယောကျာ်းတစ်ယောက် ဖြစ်နေလို့ ထင်ပါရဲ့၊ သည်စာလေးကို ဖတ်ပြီး ထောက်ထား စာနာနေမိရပါတယ်။ အမှန်တော့ ယောကျာ်းတစ်ယောက်က သူ့ခံစားချက်ကို အဲသလို အိပ်သွန်ဖာမှောက် ဖွင့်အန်ထားတာမျိုး အင်မတန် တွေ့ရခဲတယ်။

ကျွန်တော်တို့ ယောကျာ်းတွေမှာက ငယ်ငယ်ကတည်းက ထိမိ၊ ခိုက်မိ ရင်တောင် “ဟေ့ကောင် မငိုနဲ့၊ မင်း ယောကျာ်းမဟုတ်ဘူးလား”ဆိုတာကြီးနဲ့ တစ်ချိန်လုံး နပန်းသတ်လာခဲ့ရလေတော့ ငိုခြင်းဟာ ကျွန်တော်တို့နဲ့ လားလားမျှ မသက်ဆိုင်တဲ့ အရာတစ်ခုလို ဖြစ်နေတယ်။ ကြီးလာလို့ လောကဓံအထွေထွေနဲ့ ရင်ဆိုင်ရတဲ့အခါတွေမှာတော့ ကျွန်တော်တို့တွေ လည်း ဘာသားနဲ့မှ ထူးပြီး ထုမထားတဲ့ လူသားစစ်စစ်တွေသာမို့ အားငယ်တာတွေ၊ ပျော့ညံ့တာတွေက မလွဲမသွေ ရှိနေပါတယ်။

သို့ပါသော်လည်း ငယ်ငယ်ကတည်းက ပုံသွင်းခံထားရတဲ့ ယောကျာ်း ဆိုတာ မငိုရဘူးဆိုတဲ့ တရားသေ ကန့်သတ်ချက်တစ်ခုကြောင့် အံကြိတ်ရလွန်းလို့ အံသွားတွေလည်း နဲ့ချင်ချင်၊ အောက်နှုတ်ခမ်းလည်း ပြတ်လု ပြတ်ခင်။ မာန်တင်းရလွန်းလို့လည်း ရင်ပတ်ကြီးကလည်း အောင့်တောင့်တောင့်၊ နာတာတာ။

သည်အခါမှာ သည်စာလေးကို ဖတ်လိုက်ရတော့ တစ်မျိုးဖြစ်သွားသလိုပဲ။

တစ်ဆက်တည်းမှာ စဉ်းစားမိရတာတစ်ခုက ဘယ်နိုင်ငံ၊ ဘယ်လူမျိုး မှာဖြစ်ဖြစ်၊ ယေဘုယျပြောရင် ယောကျာ်းတွေက မိန်းမတွေလောက် အသက် မရှည်တာကို တွေ့ရပါတယ်။ အဲသလိုဖြစ်နေတာဟာ အထက်မှာ ကျွန်တော် ပြောခဲ့သလို ကျွန်တော်တို့ ယောကျာ်းသားတွေက ကိုယ့်ခံစားချက်ကို မဖွင့်တတ်၊ မအန်တတ်ကြဘဲ ရင်ဘတ်ထဲမှာပဲ အတင်း ဖိသိပ် သိမ်းဆည်းထားကြ၊ အံကြိတ်ပြီး တင်းခံ၊ အောင့်ခံထားကြတာတွေများ တရားလွန်နေလို့လားဆိုတာ အတော် စဉ်းစားစရာ ကောင်းလှပါတယ်။

စာဖတ်သူဟာ အမျိုးသမီးတစ်ယောက်ဖြစ်နေရင် ခင်ဗျားကို ကံ ကောင်းလိုက်တာဗျာလို့ ပြောပြီး နည်းနည်းတော့ ကျွန်တော် မနာလို ဖြစ်နေမိပါလိမ့်မယ်။

စာဖတ်သူဟာ အမျိုးသားတစ်ယောက်ဖြစ်နေတယ်ဆိုရင်တော့ လိုအပ်ရင် ကျွန်တော်တို့လည်း ငိုသင့်တဲ့အခါ ငိုလိုက်ကြရအောင်ဗျာလို့ အဖော်စပ်မိ သွားမလားပဲ။

ကိုင်း… အဆွေ စာဖတ်သူလူကြီးမင်းများရော ဘယ်လိုများ သဘောရကြပါသလဲခင်ဗျာ…

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

၂၀၀၅ ခုနှစ် ဇန်နဝါရီလမှာ လက်တွဲဖော်စာအုပ်တိုက်က ပထမအကြိမ် ထုတ်ဝေခဲ့တဲ့ ဘယ်ဆီကိုများ ဒုန်းစိုင်းသွားနေ (မောဟပြေ ပုံတိုပတ်စများ – ၃) ထဲက စာတစ်ပုဒ်ပါ။

No Charge

Duriyaအခမဲ့

တစ်ညနေခင်းမှာပါ။ မအေလုပ်တဲ့သူက မီးဖိုချောင်ထဲမှာ ညစာအတွက် ချက်ပြုတ်ပြင်ဆင်နေတုန်း သားလေးက မအေ့နား ရောက်သွားပြီး သူရေးထားတဲ့ စာရွက်လေးတစ်ရွက်ကို မအေ့ဆီကမ်းလိုက်တယ်။ မအေလုပ်တဲ့သူက အနားမှာရှိတဲ့ လက်နှီးနဲ့ လက်ကို ခြောက်အောင် သုတ်လိုက်ပြီးတော့မှ သားပေးတဲ့ စာရွက်ကလေးကို ယူဖတ်လိုက်တယ်။ စာရွက်လေးပေါ်မှာတော့ သည်လိုရေးထားတယ်။

မြက်ရိတ်ခ
၅၀ဝ
ယခုတစ်ပတ်အတွက် ကိုယ့်အခန်းကိုယ်ရှင်းခ
၁၀ဝ
ဈေးဝယ်ပေးခ 
၅၀
အမေဈေးသွားနေစဉ် ညီလေးကို ထိန်းခ 
၂၅
အမှိုက်သွန်ခ
၁၀ဝ
အတန်းထဲမှာ ပထမရအောင် လုပ်ခ 
၅၀ဝ
နောက်ဖေးခြံတွင်းကို ပေါင်းသင်ရှင်းလင်းခ
၂၀ဝ
စုစုပေါင်း
၁၄၅၀

မအေက စာရွက်ကို ဖတ်အပြီးမှာ သူ့နံဘေးမှာ မျှော်လင့်တကြီးနဲ့ မအေကို မော်ကြည့်နေတဲ့ သားငယ်ကို ကြည့်လိုက်ရင်းက စဉ်းစားနေလိုက်ပါတယ်။ ပြီးတော့ မင်တံတစ်ချောင်းကို ကောက်ယူလိုက်တယ်။ သား ရေးထားတဲ့ စာရွက်ရဲ့ ကျောဘက်ကို လှန်လိုက်ပြီး လွတ်နေတဲ့ အဲဒီ့ ကျောဘက်မှာပဲ ရေးစရာရှိတာတွေ တန်းစီပြီး ချရေးလိုက်ပါတယ်။ 

ကိုးလလုံးလုံး သားကို မေမေ့ဝမ်းထဲမှာ လွယ်ထားခ    
အခမဲ့
သားနေမကောင်းတဲ့အခါတွေမှာ တစ်ညလုံးမအိပ်ဘဲ သားကို ပြုစုစောင့်ရှောက်ရင်း ဘေးရန်ကင်းရှင်းပါစေကြောင်း အခါခါ ဆုတောင်းခဲ့ရတာများအတွက်
အခမဲ့
သားအတွက်ကျရတဲ့ မေမေ့ မျက်ရည်တွေအတွက် 
အခမဲ့
အထက်အားလုံးကို ပေါင်းလိုက်ရင် ရလာမယ့် မေမေ့မေတ္တာ တန်ဖိုး 
အခမဲ့
သားအတွက်ပူပင်ကြောင့်ကြရတာတွေ၊ သောကရောက်ရတာတွေ   
အခမဲ့
ကစားစရာ၊ စားစရာ၊ ဝတ်စရာတွေနဲ့ သားရဲ့ နှပ်ကို သုတ်ပေးခများ 
အခမဲ့
စုစုပေါင်း မေမေ့မေတ္တာစစ်အတွက် ကျသင့်ငွေ  
အခမဲ့

အားလုံးကို ချရေးပြီးတော့မှ မအေက စာရွက်လေးကို သားဆီ ပြန် ပေးလိုက်ပါတယ်။ သားလေးက အမေရေးထားတာတွေကို ဖတ်ကြည့်ပြီးတဲ့နောက် မအေကို မော်ကြည့်လိုက်တဲ့အခါ သူ့မျက်ဝန်းထဲမှာ မျက်ရည်စလေးတွေနဲ့။ ပြီးတော့ သားက ပြောပါတယ်။

“မေမေ့ကို သားသိပ်ချစ်တာပဲ”တဲ့။

ပြီးတော့ မအေစောစောက ကောက်ကိုင်လိုက်တဲ့ မင်တံကိုယူတဲ့ပြီး သူ တင်ပြတောင်းဆိုထားတဲ့ စာရင်းအောက်မှာ စာလုံးကြီးကြီးနဲ့ ခပ်သွက်သွက်ချရေးလိုက်ပါတယ်။

“ငွေရှင်းပြီး”တဲ့။

Brian Adams ရေးတဲ့ No Charge ခေါင်းစဉ်ပါ စာတိုလေးကို ဆီလျော်အောင် ပြန်ဆိုပြလိုက်တာပါ။

ဖတ်လို့တော့ ကောင်းသားပဲနော်။

ဒါပေမယ့် ကျွန်တော် စဉ်းစားကြည့်နေမိတယ်။ ကျွန်တော်တို့လည်း ငယ်ငယ်တုန်းက မအေဖအေဆီက လုပ်ခတွေ တောင်းဖူးတယ်။ ကျွန်တော့်သားသမီးတွေလက်ထက် ရောက်ပြန်တော့လည်း သားတွေသမီးတွေက ကျွန်တော်တို့ဆီက လုပ်ခတွေ တောင်းဖူးတယ်။ အထူးသဖြင့် ဖအေ၊ မအေကို နင်းနှိပ်ပေးတဲ့အခါတွေမှာ သူတို့လေးတွေကို အခကြေးငွေ ပေးရတယ်။

သူတို့က တောင်းတတ်သွားတာလား၊ သူတို့ တောင်းတတ်လာအောင် ကျွန်တော်တို့ မိဘတွေဖက်က စပြီး သူတို့ကို ပိုက်ဆံနဲ့မျှားခဲ့ မိတာလားဆိုတာ ကျွန်တော့်စိတ်ထဲမှာ သိပ်မသေချာဘူးဖြစ်နေတယ်။

ကျွန်တော်တို့ ကလေးဘဝတုန်းကရော။ ကျွန်တော်တို့က အလိုလို တောင်းတတ်သွားတာလား၊ တောင်းတတ်အောင် ကျွန်တော်တို့ မိဘတွေကပဲ ငွေနဲ့မျှားခဲ့တာလား။ ဒါလည်း သိပ်မသေချာလှပြန်ဘူး။

စာဖတ်သူလူကြီးမင်းများရော၊ ဘယ်လို စဉ်းစားမိကြပါသလဲ။ အဖြေတစ်ခုခုကိုတော့ ကျွန်တော့်ကို “အခမဲ့”ရှာပေးကြပါလားဗျာ။

(အတွေးသစ်ဂျာနယ်၊ ၂၀ဝ၃ ခုနှစ် ဧပြီ ၂၈ – အတွဲ ၃၊ အမှတ် ၁၃၀) ၂၀၀၄ ခုနှစ် ဇန္န၀ါရီလထုတ် အတ္တကျော်ရဲ့ ဘဝတူရိယာ (မောဟပြေ ပုံတိုပတ်စများ ၂ စာအုပ် စာမျက်နှာ ၁၃၃ မှာ ဖော်ပြထားပါတယ်၊)

39-Day Prayer

၃၉ ရက် မေတ္တာပို့ အဓိဋ္ဌာန် ဂါထာ

————————————————

 ခေါင်းစဉ်ဖတ်ပြီး “အတ္တကျော်”တစ်ယောက်တော့ လိုင်းပြောင်းသွားပြီလို့ မအောက်မေ့လိုက်ကြပါနဲ့။ ကျွန်တော် လိုင်းမပြောင်းတာကို လူကြီးမင်းများ အဆုံးအထိ ဖတ်ပြီးရင် သိလာကြပါလိမ့်မယ်။

မောင်နဲ့နှမ၊ သားနဲ့အမိ၊ လင်နဲ့မယား၊ အလုပ်ရှင်နဲ့ဝန်ထမ်း၊ ကိုယ်နဲ့ ကိုယ့်မိတ်ဆွေအစရှိတဲ့ ဆက်ဆံရေးဟူသမျှမှာ သူ့ကြောင့် ကိုယ့်စိတ် အနှောင့်အယှက်ဖြစ်ရတာ၊ ကိုယ့်ကြောင့် သူ့စိတ် မကြည်မသာ ဖြစ်ရတာတွေကို ဘယ်လိုမှ ရှောင်လွှဲလို့ မရနိုင်ပါဘူး။

တစ်ယောက်ယောက်ကို မကျေနပ်ဖြစ်သွားတိုင်း “ခွင့်လွှတ်လိုက်ပါ၊ မေတ္တာသာ များများပို့”ဆိုတဲ့ စကားကို ခဏခဏ ကြားဖူးကြမှာပါ။ ပြောလိုက်သူအတွက် အပြောရ လွယ်ကူလှသလောက် နာရသူအတွက်တော့ အင်မတန့်ကို ခက်ခဲလှပါတယ်။ အထူးသဖြင့် ခွင့်လွှတ်ဖို့ လွယ်ကူချင်တယ် ဆိုဦးတောင် “မေတ္တာပို့ဖို့”ကတော့ တော်တော့်ကို ခက်နေတတ်ပါတယ်။

ဘာကြောင့် ခက်တာလဲဆိုတာကို သုံးသပ်ကြည့်ကြရအောင်လား။

စာဖတ်သူများ အသေအချာ စဉ်းစားကြည့်ပါ။

တစ်ယောက်ယောက်က ကိုယ့်ကို အနာတရ ဖြစ်အောင် လုပ်လိုက်တဲ့ အခါ သူ့ကို မေတ္တာထားနိုင်ဖို့အတွက်က သူ့လုပ်ရပ်ကို မေ့ဖျောက်လိုက်ရ ပါတော့မယ်။ အဲဒါကြီးကိုမှ မေ့ဖျောက်ဖို့ဆိုတာက အင်မတိ အင်မတန် ခက်ခဲတတ်ပါတယ်။ ပြုလိုက်သူမှ တစ်ခဏ၊ ခံရသူမှာ တစ်ဘဝ ဆိုသလိုပါပဲ။ ခံလိုက်ရသူအတွက် မေ့ဖျောက်ပစ်ဖို့ အသည်းအသန် ကြိုးစားလေလေ၊ ပိုပြီး တနုံ့နုံ့ တွေးမိလေလေ ဖြစ်နေတတ်ပါတယ်။

တကယ်လို့များ တစ်ယောက်ယောက်က ကိုယ့်ကို “အနီရောင် ဆိုတာ ကိုမေ့လိုက်စမ်းပါ”၊ “အနီရောင်ဆိုတာကို မေ့လိုက်စမ်းပါ”၊ “အနီရောင်ဆို တာကို မေ့လိုက်စမ်းပါ”လို့ အထပ်ထပ် ပြောလာတယ် ဆိုပါစို့။ သူပြောတဲ့အတိုင်း ဘယ်လောက် ကြိုးစားပြီး မေ့ကြည့်ကြည့်၊ မျက်စိထဲမှာ ဖြစ်ဖြစ်၊ အတွေးထဲမှာ ဖြစ်ဖြစ် အဲဒီ့ အနီရောင်ကိုမှ မြင်နေ၊ တွေးနေဖြစ်တော့မှာ အသေအချာပါပဲ။

အဲသလိုပဲ စိတ်ခံစားမှုတွေနဲ့ ပြွမ်းတီးနေတဲ့ နာကျည်းစရာ၊ ဒေါသထွက်စရာ၊ စိတ်ထိခိုက်စရာ ဖြစ်ရပ်တစ်ခုခုကို ဇွတ်အတင်း မေ့ဖျောက်ဖို့ ကြိုးစားတဲ့အခါမှာလည်း ကြိုးစားလေ၊ မမေ့နိုင်လေဖြစ်နေတတ်ပါတယ်။

အဲတော့ အဲလိုအခြေအနေမျိုးနဲ့ရင်ဆိုင်ရတဲ့အခါမှာ ဘာလုပ်သင့်လဲ ဆိုတာကို ဆက်စဉ်းစားကြရအောင်။

ခွင့်လွှတ်လိုက်ပြီး မေ့ဖျောက်တာထက် စာရင် ခွင့်လွှတ်ပြီးတော့ အရှိအတိုင်း လက်ခံလိုက်တာက ပိုကောင်းပါတယ်။

ကိုယ့်အိမ်ထောင်ဖက်က အိမ်ထောင်ရေးဖောက်ပြန်မှုကို ကျူးလွန်လိုက်တာမျိုး၊ ကိုယ့်မိတ်ဆွေက ကိုယ့်ကို နင့်နင့်သီးသီး ပြောလိုက်တာမျိုး၊ ကိုယ့်မိဘက ကိုယ့်ကို မဦးမချွတ် ဆိုလိုက်တာမျိုး၊ တစ်ခုခုကြောင့် နာကျင် ခံစားရတဲ့အခါမျိုး၊ ကိုယ့်ကို မချစ်တော့ဘူး၊ မကြင်နာတော့ဘူး၊ တန်ဖိုး မထားတော့ဘူးလို့ ခံစားရတဲ့အခါမျိုးတွေမှာ ဘယ်လို လုပ်ပြီး ခွင့်လွှတ်ရမလဲ၊ အဲဒီ့ခံစားချက်ကို ဘယ်လို ဖျောက်ပစ်ရမလဲလို့ လူတိုင်း သိချင်မှာပါ။

တကယ်တော့ လူတစ်ယောက်နဲ့ တစ်ယောက် ဆက်ဆံရေးမှာ အဖု အထုံးဖြစ်လာတဲ့အခါ အဲဒါကို ဖြေဖျောက်ဖို့အတွက် ခွင့်လွှတ်မှု တစ်ခုတည်းနဲ့ မလုံလောက်ပါဘူး။ အရှိအတိုင်း လက်ခံလိုက်ဖို့ပါ လိုပါတယ်။

ဟာ… ဘာတွေ လာပြောနေတာလဲ၊ ဘယ်လို အရှိအတိုင်း လက်ခံရမှာလဲလို့ မေးမယ်ဆိုရင် ကျွန်တော့်မှာ အဖြေရှိပါတယ်။

ကိစ္စအတော်များများမှာ လူတစ်ယောက်ကို ခွင့်လွှတ်ဖို့ ခက်ခဲနေတာဟာ ကိုယ်ကိုယ်၌က တစ်ခုခုကို စွဲနေလို့သာ ဖြစ်ရတာပါ။ အဲဒီ့အစွဲတွေကလည်း ကိုယ်ခံစားနေရတာ၊ ကိုယ်နာကျင်တာဟာ မှန်ကိုမှန်တယ်၊ တရားကို တရားတယ်ဆိုတဲ့ အစွဲ၊ ကိုယ့်ကို အလေးပေးသင့်တယ် ဆိုတဲ့အစွဲ၊ လူမှန်ရင် ဘယ်ကဲ့သို့ ဘယ်ချမ်းသာ လုပ်သင့်လုပ်ထိုက်တယ် ဆိုတဲ့အစွဲ၊ ကိုယ်ခံစားရသလို သူလည်း ပြန်ခံစားစေချင်တယ်ဆိုတဲ့ အစွဲ၊ လက်တုံ့ပြန်ချင်တဲ့ အစွဲတွေပဲ ဖြစ်ပါတယ်။

အဲတော့ အဲလိုအစွဲတွေကြားထဲမှာ နစ်နေမိတာနဲ့အမျှ ဆက်ဆံရေးမှာ ဖြစ်လာတဲ့ အဖုအထုံးကို ဖြေဖို့ ခက်ခဲနေတော့မှာပါ။

မီးခဲကိုဘယ်သူမှ လက်ထဲမှာ ကိုင်မထားပါဘူး။ အလားတူပဲ၊ လေးလံတဲ့ဝန်ကိုလည်း ဘယ်သူမှ ကြာကြာ ထမ်းပိုးမထားချင်ဘူး။ အမြန်ဆုံး ကိုယ့်လက်ထဲက လွှတ်ချလိုက်ချင်တဲ့သူချည်းပါပဲ။ ပူလောင်မှု၊ နာကျင်မှု၊ လေးလံမှုတွေအားလုံးကို မခံချင်ဘူးဆိုရင် လွှတ်ချလိုက်ဖို့က လိုလာပါပြီ။

သည်အခါမှာ တစ်ဖက်သားကို ခွင့်လွှတ်ပြီး မေတ္တာသာ များများ ပို့ ရတော့မှာပါ။ မေတ္တာပို့နိုင်ဖို့အတွက် အထက်က ပြောတဲ့ အစွဲတွေကိုလည်း လွှတ်ချလိုက်ရတော့မှာပါ။

ဟင်… ပြောပြန်ပြီ၊ သူပြောတော့ လွယ်လွယ်လေး။ သည်မှာ ရင်နဲ့ မဆန့်အောင် ခံစားနေရတဲ့သူက ဘယ်လိုလုပ် မေတ္တာပို့ရမှာတုန်းလို့ တွေးများ တွေးနေမိပါသလား။

ဟုတ်ပါရဲ့…

ကျွန်တော်ကိုယ်တိုင်လည်း သူများတကာက မေတ္တာသာ များများ ပို့ ဆိုလို့ ပို့ကြည့်တယ်၊ မအောင်မြင်ပါဘူး။ ကိုယ့်ဘက်က မေတ္တာ ပို့နေတယ် ဆိုကတည်းက သင်းကို ကိုယ်လို ပြန်ခံစားစေချင်၊ ကိုယ့်မေတ္တာတွေ စူးစေချင်တဲ့ ရည်ရွယ်ချက်ကြီးက နောက်က ထက်ချပ်လိုက်နေတော့ ပို့လည်း ပို့ပို့ပဲ၊ ဘာမှ မပြောင်းလဲဘူး။

ဘာလို့လဲဆိုတော့ မေတ္တာပို့လို့သာ ဘေးလူတွေက ပြောတတ်ကြတာ။ မေတ္တာပို့နည်းကျတော့ ဘယ်သူကမှ ကျကျနန သင်မှ မပေးတာကိုး။ အများ သိထားတဲ့မေတ္တာပို့နည်းကလည်း “အရှေ့အရပ်၌ရှိသော လူနတ်ဗြဟ္မာ အနန္တ သတ္တဝါ တို့…” အစချီတဲ့ တရားတော်လာ မေတ္တာပို့နည်း ဖြစ်နေတော့ ဒေါသတွေ၊ နာကျင်ထိခိုက်မှုတွေကို လတ်တလော ရင်ဆိုင်နေရသူ ပုထုဇဉ်အတွက်ရော၊ ဗုဒ္ဓဘာသာဝင် မဟုတ်သူများအတွက်ပါ တော်တော်လေး အခက်တွေ့နိုင်တဲ့နည်း ဖြစ်နေပါတယ်။ အဲဒီ့ မေတ္တာပို့နည်းအတိုင်း တကယ့် စေတနာသန့်သန့်နဲ့ (ဝါ) သင်းလည်း ငါ့လို ပြန်ခံစားရပါစေဆိုတဲ့ စိတ်မျိုး မပါဘဲ လေးလေးနက်နက် ရွတ်နိုင်မယ်ဆိုရင်တော့ သိပ်ကောင်းပါတယ်။

ဒါပေမယ့် ကျွန်တော်ပြောသလိုပဲ၊ လက်တွေ့ ရင်ဆိုင် ခံစားနေရချိန်မှာ သည်နည်းက သိပ် တာမသွားနိုင်တဲ့အတွက် အနုဉာတ အန္ဓ ပုထုဇဉ်များအတွက် လွယ်ကူ အဆင်ပြေတဲ့ မေတ္တာပို့နည်းလေးကို တင်ပြလိုက်ချင်ပါတယ်။

ကျွန်တော့်မေတ္တာပို့နည်းကတော့ “၃၉ရက် မေတ္တာပို့ အဓိဋ္ဌာန်ဂါထာ”နဲ့ လုပ်ရမှာ ဖြစ်ပါတယ်။

ကျွန်တော့် ဂါထာက ပါဠိပါဋ္ဌ်သားတွေ မပါပါဘူး။ ဥုံလည်း ခံစရာ မလိုဘူး။ နေ့စဉ်သုံး စကားနဲ့ နေ့စဉ် ရွတ်ဖို့ပဲ လိုပါတယ်။ တကယ် အလုပ် ဖြစ်တဲ့နည်းပါ။

တစ်ခုရှိတာက ၃၉ရက်လုံးလုံး တစ်ရက်မပျက် လုပ်ဖို့ လိုပါတယ်။

ဖြစ်နိုင်ရင် တစ်နေ့ကို အနည်းဆုံး တစ်ကြိမ်၊ မြန်မြန် အဆင်ပြေသွားချင်ရင် အကြိမ်ရေ များများ ရွတ်ရပါမယ်။ အနားမှာ ဘယ်သူမှ မရှိဘဲ၊ တစ်ယောက်တည်း ရှိနေတဲ့အချိန်မှာ အောက်ပါအတိုင်း ရွတ်ကြည့်ပါ။

“ကိုဟဝှာ/မဟဝှာရေ (ကိုယ့်ကိုနာကျင်ထိခိုက်ခံစားအောင်လုပ်တဲ့ သူရဲ့နာမည်ပါ။) ကျွန်တော့်ကို/ကျွန်မကိုရော၊ ကျွန်တော်/ကျွန်မ ချစ်ခင်သူတွေအပေါ်မှာပါ ခင်ဗျား/ရှင် ပြုခဲ့သမျှအတွက် ကျေးဇူးတင်ပါတယ်။ ကျွန်တော်/ကျွန်မ ခင်ဗျားအပေါ်မှာ ပြုခဲ့သမျှ အားလုံးအတွက် ကျွန်တော့်ကို/ကျွန်မကို ခွင့်လွှတ်ပါနော်။ ကျွန်တော်/ကျွန်မနဲ့ ခင်ဗျား/ရှင်နဲ့ ဆက်ဆံရေးကို တစ်က ပြန်စရအောင်ပါ”


ကိုဟဝှာ/မဟဝှာရေ (ကိုယ့်နာမည် ကိုယ်ပြန်ခေါ်တာ)၊ နင့်ကို ငါချစ်တယ်။ နင် သိပ်မွန်မြတ်တယ်၊ နင့်စိတ်ထား သိပ်ကောင်းတယ်”

ဒါလေးပါ။

ကျွန်တော့် ဂါထာလေးက အဲသလောက် ရိုးစင်းပါတယ်၊ ရှင်းလင်းပါတယ်။

ရင်ထဲမှာ နာကျင်ခံစားနေရချိန်မှာ ဒါတွေကိုပြောရတာတော့ အစ ပထမမှာတော့ အနည်းနဲ့အများ ခက်ချင် ခက်နေပါလိမ့်မယ်။ ဒါပေမယ့် ကြိုးစားပြီး ပြောကြည့်မယ်ဆိုရင် အတိုင်းမသိ ထိရောက်တာကို လက်တွေ့ သိရပါလိမ့်မယ်။

ကိုယ့်ကို နာကျင်ခံစားအောင် လုပ်ခဲ့သူကို ကျေးဇူးတင်လိုက်ခြင်းဟာ သူ့နေရာမှာ နေကြည့်လိုက်ခြင်း တစ်မျိုးပါပဲ။ တကယ်တော့ သူက ကိုယ့်ကို နာကျင်ခံစားအောင် လုပ်တယ်ဆိုရာမှာ သူ့အကြောင်းနဲ့သူပါ။ တစ်ဖက်ကလည်း ကိုယ့်ဘဝမှာ ကြုံဆုံရသမျှ အရာတိုင်း၊ အခက်အခဲတိုင်း၊ ဒုက္ခတိုင်းဟာ ကိုယ့်ကို ပိုရင့်ကျက်လာအောင်၊ ပိုခံနိုင်ရည် ရှိလာအောင်၊ ပိုအရည်အချင်း ရှိလာအောင်၊ ပိုမွန်မြတ်လာအောင် လုပ်ပေးနေတာတွေချည်းပါပဲ။

တစ်ခါ ကိုယ့်ကို ခွင့်လွှတ်ဖို့ သူ့ကို ပြောတာဟာ ကိုယ်နဲ့ သူနဲ့ရဲ့ဆက်ဆံရေးမှာ အဖုအထုံး ဖြစ်သွားရတာအတွက် ကိုယ့်မှာလည်း တစ်စိတ်တစ်ပိုင်း တာဝန်ရှိနေကြောင်း ကိုယ့်ကိုယ်ကိုယ် ပြန်သတိပေးတဲ့သဘောပါ။

“လက်ခုပ်ဆိုတာ နှစ်ဖက်တီးမှ မြည်တယ်”ဆိုတဲ့ ကလီရှေးလိုပါပဲ၊ သူနဲ့ ကိုယ်နဲ့ အဆင်မပြေတာဟာ သူ့တစ်ယောက်တည်း မကောင်းလို့ ဘယ်နည်းနဲ့မှ မဖြစ်နိုင်ပါဘူး။ ကိုယ့်ဘက်ကလည်း ကိုယ်ကိုယ်တိုင် သတိမထားမိတဲ့ အမှားအယွင်း တစ်စုံတစ်ရာ ရှိနေနိုင်ပါသေးတယ်။ ဒါကြောင့် ကိုယ့်ကို ခွင့်လွှတ်ဖို့ သူ့ကို တောင်းပန်စကားပါ ထည့်ပြောရတာပါပဲ။

ကိုယ့်ကိုယ်ကိုယ် ချစ်ကြောင်း၊ ကိုယ် မွန်မြတ်ကြောင်း၊ ကိုယ်စိတ်ထား ကောင်းကြောင်း ရွတ်တာဟာ ကိုယ့်ကိုယ်ကိုယ် အားသစ်လောင်းတဲ့ အနေနဲ့ပါ။ လူတွေဟာ ကိုယ့်စိတ်ကို ကိုယ်ကိုယ်တိုင်ပဲ ပြုပြင်လို့ ရပါတယ်။ တခြားလူက ပြုပြင်ပေးလို့ မရပါဘူး။ အဲတော့ ကိုယ့်ကိုယ်ကိုယ် မောင်းတင်တဲ့ အနေနဲ့ အဲဒီ့အပိုဒ်ကို ထည့်ထားတာပါ။

အဲဒီ့ဂါထာလေးကို ရွတ်ရင်းနဲ့ ကိုယ့်ကိုယ်ကိုယ်ရော၊ တစ်ဖက်သားအပေါ်မှာပါ နားလည်မှု အသစ်တစ်ရပ် ဖြည်းဖြည်းချင်း ဖြစ်လာပါလိမ့်မယ်။ ရွတ်ရင်းနဲ့ တစ်ဖက်သားအပေါ်မှာ ထွက်နေတဲ့ေ ဒါသတွေ၊ စက်ဆုပ်မုန်းတီးမှုတွေကလည်း တစ်စတစ်စ လျော့ပါးလာတာကို တွေ့ရပါလိမ့်မယ်။
ကိုယ့်ကိုယ်ကိုယ်နဲ့ ကိုယ့်ခံစားချက်ကို ပြောင်းဖို့ အားထုတ်တဲ့ ဂါထာပါပဲ။ ဒါပေမယ့် ကိုယ်နဲ့ သူနဲ့ ဆက်ဆံရေးကို သတိထားကြည့်မယ်ဆိုရင် ၃၉ရက်ကျော်လို့ ရက်၄၀ကို ရောက်ပြီ ဆိုတာနဲ့ ထူးခြားနေတာကို မလွဲမသွေ တွေ့ရတော့မှာပါ။

သည်မှာ မေးစရာတစ်ခု ရှိပါတယ်။ ဘာကြောင့် ၃၉ရက် လုပ်ခိုင်းတာလဲဆိုတဲ့ ကိစ္စပါ။ အဲဒါက စိတ်ပညာ သဘောအရပါပဲ။ အခု ကျွန်တော် ပြောလိုက်တဲ့ ဂါထာနဲ့ ရက်များဟာ မိမိစိတ်ကို မိမိ ပြန်အမိန့်ပေးတဲ့ auto-suggestion နည်းပါပဲ။ လူတစ်ယောက်အနေနဲ့ ဘာကိုပဲဖြစ်ဖြစ် အကျင့်တစ်ခုလို စွဲလာအောင် လေ့ကျင့်ယူဖို့ အနည်းဆုံး ရက်၃၀ကနေ ရက်၄၀အတွင်း နေ့စဉ်မပျက် ဆက်တိုက် လုပ်ဖို့ လိုအပ်ပါတယ်။ ဒါကြောင့် ၃၉ကို ရွေးလိုက်တာပါ။ ဘာဂမ္ဘီရ သဘောမှ မပါပါဘူး။

တကယ် လုပ်ကြည့်လိုက်တဲ့အခါ တစ်ဖက်သားကို မေတာပို့တယ်၊ မေတ္တာပို့တယ်လို့ တွင်တွင် ပြောနေတဲ့ကြားက သူ့ကို ကိုယ်လို ပြန်ခံစားစေချင်တဲ့ စေတနာတွေလည်း တဖြည်းဖြည်း ကင်းပပျောက်ကွယ်သွားတော့မှာနဲ့အမျှ ကိုယ် သူ့အပေါ်ထားတဲ့ စေတနာ မေတ္တာကလည်း တည့်လာ၊မှန်လာ၊ စင်ကြယ်လာပါတော့မယ်။

ကိုယ့် စေတနာ မေတ္တာ မှန်လာတာနဲ့အတူ တစ်ဖက်သားရဲ့ကိုယ့်အပေါ် ထားတဲ့ သဘောထားကလည်း သိသိသာသာ ပြောင်းလာမှာပါ။
ကျွန်တော်ထပ်ပြောပါ့မယ်။ ၃၉ရက်လေးပဲ လိုပါတယ်။ ၃၉ရက်တိတိ အဓိဋ္ဌာန်ဝင်ပြီး တစိုက်မတ်မတ် ရွတ်သွားမယ်ဆိုရင် စာဖတ်သူ လူကြီးမင်းရဲ့ ဆက်ဆံရေးဘဝ အကြီးအကျယ် ပြောင်းလဲသွားတော့မှာပါ။

မယုံဘူးလား…

မယုံရင် လက်တွေ့ စမ်းကြည့်လိုက်ကြပါခင်ဗျား။

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

 

———————————————

(၁၉၉၉ခုနှစ်လောက်က သရဖူမဂ္ဂဇင်းမှာ ဖော်ပြခဲ့တာလေးကို ပြန်လည်ဖော်ပြလိုက်တာပါ။ 
ဘယ်လုံးချင်းမှာမှ ပြန်မထည့်ဖြစ်ခဲ့ဘဲ ကျန်ရစ်နေခဲ့တာလေးမို့ အများအတွက် 
အသုံးတည့်လို တည့်ငြား ပြန်လည် တင်ဆက်လိုက်ပါတယ်။)

Aung San and Dworkin: Well-lived lives

လွတ်လပ်စွာ ပြောဆိုခြင်း

အောင်ဆန်းနဲ့ ဒွာခင်တို့ရဲ့ ကောင်းကောင်း လူလုပ်သွားကြတဲ့ ဘ၀တွေ

(မြင့်ဇံ အင်္ဂလိပ်ဘာသာနဲ့ ရေးထားတာကို အတ္တကျော် မြန်မာပြန်ပါတယ်)

SZ200_zanဖေဖော်ဝါရီ ၁၃ ရက်ဟာ မြန်မာ့လွတ်လပ်ရေး ခေါင်းဆောင် ဦးအောင်ဆန်း (၁၉၁၅ ခုနှစ် ဖေဖော်ဝါရီ ၁၃ – ၁၉၄၇ ခုနှစ် ဇူလိုင် ၁၉)ရဲ့ နှစ် ၁၀၀ ပြည့် မွေးနေ့ဖြစ်ပါတယ်။ နိုင်ငံတစ်ဝှန်းမှာ ဗိုလ်ချုပ်အောင်ဆန်း နှစ်တစ်ရာပြည့် အခမ်းအနားတွေကို ၀ှဲချီး ဆင်ယင်ကျင်းပနေလေတော့ကာ မြန်မာနိုင်ငံက ကျောင်းသား (ကျောင်းသူ)တိုင်းနီးပါး သိထားသင့်တဲ့ နေ့ပါပဲ။

နိုင်ငံတိုင်းလိုလိုမှာ နိုင်ငံ့“သူရဲကောင်းတွေ”၊ နိုင်ငံရေး “သူရဲကောင်းတွေ” ရှိကြပါတယ်။ အဲဒီ့ နိုင်ငံ့သူရဲကောင်းတွေထဲက တချို့ရဲ့ မွေးနေ့အခမ်းအနားတွေ၊ အထူးသဖြင့် နှစ် ၁၀၀ ပြည့် အခမ်းအနားတွေကိုတော့ သက်ဆိုင်ရာ နိုင်ငံမှာသာ မဟုတ်ဘဲ နိုင်ငံတကာမှာပါ ကျင်းပလေ့ ရှိကြပါတယ်။ မြန်မာပြည်မှာ ကျင်းပတဲ့ မဟတ္တမဂန္ဓီ (၁၈၆၉ အောက်တိုဘာ ၂ – ၁၉၄၈ ဇန္န၀ါရီ ၃၀) ရဲ့ မွေးနေ့ နှစ် ၁၀၀ ပြည့် အခမ်းအနားရယ်၊ ၁၉၆၉ ခုနှစ် အောက်တိုဘာလ ၂ ရက်နေ့က မန္တလေး မြို့တော်ခန်းမမှာ ကျွန်တော် တက်ရောက်ခဲ့တဲ့ မဟတ္တမ ဂန္ဓီ မွေးနေ့ ရာပြည့်အခမ်းအနားရယ်ကို မှတ်မိနေပါသေးတယ်။

အဲဒီ့က ခြောက်လအကြာ ၁၉၇၀ ပြည့်နှစ် ဧပြီလ ၂၂ ရက်နေ့မှာတော့ ရန်ကုန်မြို့တော် ခန်းမမှာ ကျင်းပတဲ့ (မြန်မာလို ဗလာဒီမီ လီနင်လို့ အရေးများတဲ့) ဗှလာ့ဒီးမီးရဲ(ရ်) လျဲ့နယင်ရဲ့ နှစ် ၁၀၀ ပြည့် မွေးနေ့အခမ်းအနားကို တက်ရောက်ခဲ့ပါတယ်။ အဲဒီ့အခမ်းအနားမှာ ဟောပြောသူ တစ်ဦးက မြန်မာ စာရေးဆရာ (ဦး) သိန်းဖေမြင့် (၁၉၁၄ ဇူလိုင် ၁၀ – ၁၉၇၈ ဇန္န၀ါရီ ၁၅) ပဲ ဖြစ်ပါတယ်။ နိုင်ငံခေါင်းဆောင်တွေဟာ “လူသားဆန်”ရမယ်၊ အဲသလို ခေါင်းဆောင်ကြီးတွေ ပြုမိခဲ့ကြတဲ့ အမူအကျင့်ဆိုးလေးတွေ၊ စရိုက်ဆိုးလေးတွေကလည်း သူတို့တွေရဲ့ လူသားဆန်မှုကိုသာမက သူတို့ရဲ့ ခေါင်းဆောင်မှု အရည်အသွေးတွေကိုတောင် တောက်ပြောင်လာစေတယ်လို့ ဦးသိန်းဖေမြင့်က ပြောခဲ့တာကိုလည်း မှတ်မိလို့ နေပါသေးတယ်။

နိုင်ငံတကာမှာ(ရော၊ ကမ္ဘာတစ်လွှားက သူတို့ရဲ့ နောက်လိုက်နောက်ပါများကြားမှာပါ) ပိုကြီးမြတ်တဲ့ “သူရဲကောင်းတွေ” ဖြစ်ကြလေသော မဟတ္တမဂန္ဓီတို့၊ လျဲ့နယင်တို့ရဲ့ ရာပြည့်အခမ်းအနားတွေလိုတော့ ပြည်တွင်းမှာ အလွန်အမင်း လူကြိုက်များသလို အကြီးအကျယ်လည်း ကြည်ညိုကြလေတဲ့ ဗိုလ်ချုပ်အောင်ဆန်းရဲ့ ရာပြည့် အခမ်းအနားကို နိုင်ငံတကာမှာ ကျယ်ကျယ်ပြန့်ပြန့် ဆင်နွှဲကြမှာ မဟုတ်ပါဘူး။

၂၀၁၅ ခုနှစ်တစ်နှစ်လုံးမှာ ဗိုလ်ချုပ်အောင်ဆန်း မွေးနေ့ နှစ် ၁၀၀ ပြည့်အခမ်းအနားတွေကို “ထုံ့ပိုင်း ထုံ့ပိုင်း” ကျင်းပသွားဖို့ စီစဉ်ထားကြောင်းလည်း သိရပါတယ်။

ကွပ်မျက်ခံလိုက်ရတဲ့ ဖိလစ်ပိုင်နိုင်ငံသား အာဇာနည် လွတ်လပ်ရေး တိုက်ပွဲဝင် (မြန်မာတွေက ရီဇော်လို့ ရေးလေ့ရှိတဲ့) ဟိုဇေး ရီသား(လ်)ရဲ့ နှစ် ၁၀၀ ပြည့်မွေးနေ့အခမ်းအနားကို ဖိလစ်ပိုင်နိုင်ငံမှာ ၁၉၆၁ ခုနှစ်က ကျင်းပခဲ့ကြရာမှာ ဗိုလ်ချုပ်အောင်ဆန်းရဲ့ မွေးနေ့ကို ၂၀၁၅ ခုနှစ် တစ်နှစ်လုံး ကျင်းပကြမှာလိုပဲ ဆင်နွှဲခဲ့ကြသလား၊ မဆင်နွှဲခဲ့ကြဘူးလား ဆိုတာတော့ ကျွန်တော်လည်း မသိပါဘူး။ အသက် ၃၀ ကျော်အရွယ်မှာ စပိန်လူမျိုး အာဏာပိုင်တွေက ရုံးတင်၊ စီရင်၊ ကွပ်မျက်ခံခဲ့ရတဲ့ ဟိုဇေး ရီသား(လ်)ဟာ ကွယ်လွန်ချိန်မှာ အောင်ဆန်းနဲ့ အရွယ်ချင်း မတိမ်းမယိမ်းပါပဲ။ (ဗိုလ်ချုပ်အောင်ဆန်းက အသက် ၃၂ နှစ်အရွယ်မှာ ရီသား(လ်)လို ကွပ်မျက်ခံခဲ့ရတာ မဟုတ်ဘဲ လုပ်ကြံခံခဲ့ရတာပါ။)

၁၉၈၁ ခုနှစ်မှာ ကျင်းပခဲ့တဲ့ ခေတ်မီ ထာခီ (ဗမာအခေါ် တူရကီ) နိုင်ငံ (တည်ထောင်သူ) ဖခင်ကြီး ဆီမား(လ်) အတ္တားထာ့(စ်)ရဲ့ မွေးနေ့ နှစ် ၁၀၀ ပြည့်အခမ်းအနားဟာ ဗိုလ်ချုပ်အောင်ဆန်းရဲ့ မွေးနေ့ ရာပြည့်အခမ်းအနားထက် နိုင်ငံတကာမှာ ပိုပြီး ကျယ်ကျယ်ပြန့်ပြန့် ဆင်နွှဲခဲ့တယ်လို့ ဆိုနိုင်ပါလိမ့်မယ်။ ကုလသမဂ္ဂကိုယ်၌က အဲဒီ့နှစ်ကို ဆီမား(လ်) အတ္တားထာ့(စ်)နှစ်အဖြစ် ကြေညာခဲ့သလို ကုလသမဂ္ဂ ပညာရေး၊ သိပ္ပံပညာ၊ ယဉ်ကျေးမှုအဖွဲ့ (ယူနက်စကို)ကလည်း အတ္တားထာ့(စ်) ရာပြည့် အထိမ်းအမှတ် ဆုံးဖြတ်ချက်တစ်ရပ်ကို ချမှတ်ခဲ့ပေတာကိုး။

မြန်မာပညာရှင် (ရှိမယ်ဆိုတောင်) မဆိုစလောက် အနည်းငယ်မျှလောက်ကသာ ၂၀၁၅ ခုနှစ် ဖေဖော်ဝါရီလ ၁၃ ရက်နေ့ဟာ ပါမောက္ခ ရော်နယ်(လ်)(ဒ်) ဒွာခင် (၁၉၃၁ ဒီဇင်ဘာ ၁၁ – ၂၀၁၃ ဖေဖော်ဝါရီ ၁၃) ကွယ်လွန်တာ နှစ်နှစ်မြောက်တဲ့ နေ့ဆိုတာ သတိရကြမှာပါ။ မြန်မာနိုင်ငံက ကျောင်းသားကျောင်းသူ တစ်ယောက်ကမှတော့ အဲဒါကို သိမှာ မဟုတ်ပါဘူး။ ပါမောက္ခ ဒွာခင်ဟာ ၂၀ ရာစု နှောင်းပိုင်းနဲ့ ၂၁ ရာစု အစောပိုင်းတို့မှာ အထင်ရှားဆုံး ဥပဒေရေး၊ နိုင်ငံရေး၊ ကိုယ်ကျင့်တရားပိုင်း  ဒဿသန ဆရာတစ်ဦးဖြစ်တယ်လို့ ကျွန်တော် ယူဆမိပါတယ်။

စာရေးသူဟာ ရော်နယ်(လ်)(ဒ်) ဒွာခင်ရဲ့ စာတွေကို ဗိုလ်ချုပ်အောင်ဆန်းရဲ့ စာတွေထက် ပိုဖတ်ဖူးတယ်လို့ဆိုရင် ကြောင်တောင်တောင် နိုင်ချင်လည်း နိုင်နေလိမ့်မယ်၊ ဒါမှမဟုတ်လည်း ပြောမယ်ဆိုရင် နည်းနည်းများ ထူးဆန်းနေမလား မသိဘူး။ ဗိုလ်ချုပ်အောင်ဆန်းရဲ့ စာတိုပေစတွေ စုစည်းဖော်ပြထားတဲ့ ဗမာ့စိန်ခေါ်မှု ခေါင်းစဉ်ပါ စာအုပ်ထဲက စာတချို့ကို အင်္ဂလိပ်ဘာသာနဲ့ ကျွန်တော် ဖတ်ဖူးပါတယ်။ သူ့ မိန့်ခွန်း တချို့ကိုလည်း မူရင်း မြန်မာဘာသာနဲ့ ဖတ်ဖူးပါတယ်။

ရော်နယ်(လ်)(ဒ်) ဒွာခင်ရဲ့ စာအုပ် သုံးအုပ်စလုံးကိုတော့ အပြည့်အ၀ ဖတ်ဖူးတယ်။ (၁၉၉၃ ခုနှစ် ပထမအကြိမ်ထုတ်) ဘ၀ရဲ့ စိုးမိုးမှု၊ ကိုယ်ဝန်ဖျက်ချခြင်း၊ သနားသောအားဖြင့် ဇီဝိန်ခြွေပေးခြင်း၊ တစ်ဦးချင်းစီရဲ့ လွတ်လပ်မှုတို့နဲ့ စပ်လျဉ်းတဲ့ ငြင်းချက်  ဆိုတာရယ်၊ (၂၀၁၁ ခုနှစ် ပထမအကြိမ်ထုတ်) ဖြူကောင်တွေအတွက် တရားမျှတမှု ဆိုတာရယ်၊ သူသေပြီးမှ ထုတ်ဝေခဲ့တဲ့ ဘုရားသခင်မဲ့ ဘာသာရေး (၂၀၁၃ ခုနှစ်)တို့ရယ်ပဲ ဖြစ်ပါတယ်။ ဒွာခင့် ဖြူကောင်တွေအတွက် တရားမျှတမှု ဟာဆိုရင်ဖြင့် အစဉ်အလာအရ လက်ခံထားခဲ့ကြပြီး လူ့ကျင့်ဝတ်၊ နိုင်ငံရေး ဒဿသနတွေကို ခေတ်ပြိုင် လူ့ကျင့်ဝတ်၊ နိုင်ငံရေးဒဿသနတွေနဲ့ စေ့စေ့စပ်စပ်၊ အမြော်အမြင်ကြီးကြီး၊ မျှမျှတတ ဆန်းစစ်ထားသလို ဆင်ခြင်စရာကောင်းလှတဲ့ ထိုးထွင်းအမြင်များ ပါဝင်သော သြဇာကြီးလှတဲ့ စာအုပ်ဖြစ်ပါတယ်။ ဖြူကောင်တွေအတွက် တရားမျှတမှုထဲမှာ “ဘ၀ အကျိုးပေး ကောင်းတာ”နဲ့ ကောင်းကောင်းကြီး လူလုပ်သွားတာတို့ဟာ မတူဘူးလို့ ဒွာခင်က ဆိုထားပါတယ်။

“ဆိုးယုတ်မှုအရာမှာ နှစ်ပြန်စွာ”တဲ့ (ဒွာခွင့် စကားလုံးတွေအတိုင်း ဖြစ်ပါတယ်။ ဖြူကောင်တွေစာအုပ် စာ ၂၃၇) စတာလင်ဟာ ဘ၀အကျိုးပေး ကောင်းပင် ကောင်းခဲ့လင့်ကစား ကောင်းကောင်းကြီးတော့ လူလုပ်မသွားခဲ့ဘူး၊ မာသာ ထရီဇာရဲ့ ဘ၀နဲ့များ တခြားစီ (စာ ၂၃၆-၂၄၂)ပဲဆိုတဲ့ အာဘော်ကို ရှင်းရှင်းလင်းလင်း တိတိကျကျ ရေးမထားပေမယ့် ဒွာခင်က အဲသလိုပဲ ဆိုလိုပုံရတယ်လို့ ထင်မြင်မိပါတယ်။

ဒွာခင်ရေးခဲ့တာနဲ့ ဆင်ခြင်ကြည့်မယ်ဆိုရင် မွေးနေ့ရာပြည့်အခမ်းအနားတွေကို ဆိုင်ရာ နယ်သားတွေ၊ ကမ္ဘာပေါ်က တခြား နိုင်ငံတချို့တွေမှာ ကျင်းပခံခဲ့ရသူတိုင်းလိုလိုဟာ “ကောင်းကောင်းကြီး လူလုပ်သွားကြ”တဲ့အတွက်သာ အဲသလို အခမ်းအနားတွေ ကျင်းပခဲ့ကြတာပဲလို့ ဒွာခင်က ဆင်ခြင်ဖြစ်ခဲ့လောက်မယ်ဆိုတာကို အရဲစွန့် ပြောကြည့်ချင်ပါတယ်။ တစ်ဖက်ကလည်း ဖြစ်နိုင်ချေရှိပြန်တာကတော့ လျဲ့နယင် (လီနင်)လည်း ကောင်းကောင်းကြီး လူလုပ်သွားတယ်ဆိုတဲ့ အဆိုပြုချက်ကို ဒွာခင်ရော၊ ဝေဖန်သူ အတော်များများ မဟုတ်ရင်တောင်မှ တချို့က ကန့်ကွက်ကြမယ့် အလားအလာရှိပါတယ်။ (“ဆိုးယုတ်မှုမှာ နှစ်ပြန်စွာ”တယ်လို့ ဒွာခင်က ရေးခဲ့တာဟာ စတာလင့်ကို ပြောခဲ့တာသာဖြစ်ပြီး လျဲ့နယင်ကို ပြောခဲ့တာ မဟုတ်ဘူးဆိုတာကတော့ အထင်အရှားပါပဲ။)

အထက်မှာ ဖော်ပြခဲ့တဲ့ နာမည်တွေထဲမှာ တစ်ကမ္ဘာလုံးအတိုင်းအတာနဲ့ ကြည်ညိုလေးစားကြသလို ထင်ရှားတဲ့သူရယ်လို့ ပြောမယ်ဆိုရင်တော့ အသေအချာ မဟုတ်ဘူးဆိုရင်တောင် ဖြစ်နိုင်တဲ့သူက မဟတ္တမ ဂန္ဓီပဲ ဖြစ်ပါတယ်။ ဂန္ဓီပင်လျှင် (ဒါမှ မဟုတ်လည်း ဂန္ဓီဆိုလို့ ဝေဖန်တဲ့သူက ပိုပြီးတော့တောင် ရှိနေဦးမယ်) သူ့ကို သွားပုပ်လေလွင့်ပြောတဲ့သူတွေ ရှိနေသလို ပြင်းပြင်းထန်ထန် ဝေဖန်ရှုတ်ချသူ အနည်းအပါးလည်း ရှိနေတာပါပဲ။

၁၉၃၁ ခုနှစ် ဒီဇင်ဘာလက အမေရိကန်ပြည်ထောင်စုမှာ ရော်နယ်(လ်)(ဒ်) ဒွာခင့်ကို မွေးဖွားချိန်မှာ ကိုအောင်ဆန်း၊ ဒါမှမဟုတ် မောင်အောင်ဆန်းဟာ မြန်မာနိုင်ငံက သူ့ဇာတိမြို့ နတ်မောက်မှာ ၁၆ နှစ်အရွယ် အထက်တန်းကျောင်းသား အဖြစ် ရှိနေခဲ့ပါတယ်။ လုပ်ကြံသူတွေရဲ့ ကျည်ဆံတွေကြောင့် မကွယ်လွန်ခင် ၄-၅-၆ လလောက်တုံးက နိုင်ငံရေးက အနားယူ၊ ခြံလေးဘာလေးစိုက်၊ စာလေးပေလေးဖတ်၊ စာလေးဘာလေး ရေးသွားချင်တယ်လို့ ဗိုလ်ချုပ် အောင်ဆန်းက စိတ်ကူးပေါက်သလို ပြောခဲ့ဖူးပါတယ်။ အဲသလိုတော့ ဖြစ်မလာခဲ့ပါဘူး။

ဒွာခင်ကတော့ အသက် ၈၁ နှစ်အထိ နေသွားခဲ့ပြီး စာအုပ်တွေ အများကြီး ရေးသွားခဲ့တယ်၊ ၂၀ ရာစု ဥပဒေရေးရာ၊ ကိုယ်ကျင့်တရားရေးရာ၊ ဒသနရေးရာ၊ နိုင်ငံရေးရာ အတွေးအမြင်တွေကို အကြီးအကျယ် အကျိုးပြုခဲ့တယ်၊ ပညာကိုလည်း ကျကျနန လေ့လာဆည်းပူးသွားခဲ့ပါတယ်။ အောင်ဆန်းရဲ့ ဘ၀တိုတိုကလေးကို ကောင်းကောင်းကြီး လူလုပ်သွားခဲ့တဲ့ ဘ၀လို့ ဒွာခင်က သတ်မှတ်လောက်ပါတယ်။ ဘ၀မှာ ကောင်းကောင်းနေသွားခဲ့တယ်လို့ သတ်မှတ်ဖို့ စာအုပ်တွေ ရေးဖို့လည်း မလို၊ အောင်မြင်ပေါက်မြောက်မှုကြီးတွေလည်း ရှိစရာ မလိုပါဘူးလို့ ဒွာခင်က ရေးခဲ့ပါတယ်။

 

အောင်ဆန်းရော ဒွာခင်နှစ်ယောက်စလုံးပါ ကျွန်တော့်အမြင်မှာတော့ ဘ၀မှာ ကောင်းကောင်း လူလုပ်သွားခဲ့ကြသလို သူတို့ရဲ့ လူ့ဘောင်အသိုင်းအ၀ိုင်းတွေကိုလည်း အကြီးအကျယ် အကျိုးပြုခဲ့ကြပါတယ်။ ဘယ်လိုနည်းနဲ့ပဲဖြစ်ဖြစ် ဒွာခင်က “အမေရိကန် သူရဲကောင်း”မဟုတ်ခဲ့ပါဘူး။ [အင်မတန်နှုတ်ရေးကြွယ်လှတဲ့ ရော်နယ်(လ်)(ဒ်) ရီဂယ်(န်)ကလည်း သူ့ကိုယ်ရေး အတ္ထုပ္ပတ္တိကို အမေရိကန် ဘ၀တစ်ခု လို့ နာမည်ပေးခဲ့တယ်။ အဟဲ… သူ့ကိုယ်သူတော့ သူရဲကောင်းပေါ့။ အမေရိကန် ဓာတ်ရှင်ရုံတွေမှာ ပြခဲ့တဲ့၊ ရီဂယ့်(န်)စာအုပ်ထက် ပိုပြီးတောင် ကလေးကလားဆန်တဲ့ ရုပ်ရှင်ကလည်း ထင်တိုင်းစွတ်ကျဲပြီး အသားလွတ် ရမ်းကားတာကိုပဲ သူရဲကောင်းကြီးအဖြစ် ချီးပထားပြန်တယ်။ ချောင်းပစ်သေနတ်သမား ဇာတ်ကားကို ပြောပါတယ်။] အောင်ဆန်းကတော့  မြန်မာနိုင်ငံသား လူအများအပြားအတွက်“ဗမာ့သူရဲကောင်း”ဖြစ်ခဲ့သလို ယနေ့ထက်တိုင်လည်း ဖြစ်နေဆဲပါပဲ။

သည်ဆောင်းပါးနဲ့ ဗိုလ်ချုပ်အောင်ဆန်းနဲ့ ရော်နယ်(လ်)(ဒ်) ဒွာခင်တို့ကို သတိတရ ဂုဏ်ပြု လိုက်ပါတယ်။

ဒေါက်တာမြင့်ဇံဟာ မလေးရှားနိုင်ငံ၊ မလက္ကာမြို့၊ မာလထီမီဒီယာတက္ကသိုလ်၊ ဥပဒေဌာနက ပါမောက္ခဖြစ်ပါတယ်။

မူရင်းကို သည်မှာ ဖတ်နိုင်ပါတယ်။

http://www.atimes.com/atimes/Southeast_Asia/SEA-01-270215.html

Is it your mind or whose?

ကိုယ့်စိတ်ကို ကိုယ်တကယ်ပိုင်ရဲ့လား (၂)

မနက်တိုင်း ရှစ်နာရီမထိုးခင်မှာ အဝတ်အစား အပြည့်အစုံ ဝတ်၊ ခေါင်းကိုလည်း ကျကျနန ဖီး၊ မုတ်ဆိတ် ကျင်စွယ်တွေကိုလည်း စင်အောင် ရိတ်နေကျ ၉၂ နှစ် အရွယ်၊ အလုံးအဖန်သေးသေး၊ တည်ငြိမ်အေးဆေးသလို ဝင့်ဝင့်ထည်ထည်ရှိတဲ့ လူကြီးတစ်ယောက်ဟာ ကနေ့အခါမှာတော့ လူအိုစောင့်ရှောက်ရေး ဂေဟာကို ပြောင်းရွှေ့သွားခဲ့ပါတယ်။ သူက မျက်မမြင်တစ်ဦးရယ်ပါ။

သူ နှစ်ပေါင်း ၇၀ ပေါင်းခဲ့တဲ့ ဇနီးက ကွယ်လွန်သွားခဲ့ပြီမို့ သူ့မှာ လူအိုဂေဟာကို မပြောင်းမဖြစ် ပြောင်းလိုက်ရတော့တာပါပဲ။

IMG_0187လူအိုဂေဟာရဲ့ ဧည့်ခန်းမှာ နာရီပေါင်းများစွာ စိတ်ရှည်လက်ရှည် ထိုင်စောင့်နေခဲ့ရပြီးတဲ့နောက် သူနေရမယ့်အခန်း အဆင်သင့်ဖြစ်ပြီလို့ သူ့ကို ပြောလိုက်တဲ့အခါ သူက ကျေကျေနပ်နပ် ပြုံးလိုက်ပါတယ်။

လေးချောင်းထောက် လမ်းလျှောက်ခုံလေး ထောက်ကာ ထောက်ကာနဲ့ ဓာတ်လှေကား ရှိရာကို သူသွားနေစဉ်မှာ သူနေရမယ့် အခန်း သေးသေးလေးရဲ့ အနေအထားကို ရုပ်လုံးပေါ်အောင် ကျွန်တော် သူ့ကို ပြောပြလိုက်ပါတယ်။ ပြတင်းပေါက်က ဇာပန်းထိုး ခန်းဆီးပါမကျန်ပေါ့။

“သဘောကျတယ်ဗျာ”

ခွေးတစ်ကောင် လက်ဆောင်ရသွားတဲ့ ရှစ်နှစ်သားလေးရဲ့ ထက်သန်မှုမျိုးနဲ့ သူက ပြောပါတယ်။

“အဘနေရမယ့် အခန်းကို မတွေ့ရသေးဘူးလေ… တကယ် သဘောကျမကျ သိရအောင် ခဏလေး စောင့်ပါဦးလား ”

“တွေ့ရဖို့ မလိုပါဘူးလေ”လို့ သူက ပြန်ပြောပါတယ်။

“စိတ်ချမ်းသာမှုဆိုတာ ကြိုပြီး ဆုံးဖြတ်ရတာမျိုးဗျ။ အခန်းကို ကျုပ် ကြိုက်တယ်၊ မကြိုက်ဘူးဆိုတာဟာ အဲဒီ့ အခန်းထဲမှာ ပရိဘောဂတွေ ဘယ်လို စီစဉ်ထားသလဲဆိုတဲ့ အပေါ်မှာ မတည်ပါဘူး၊ ကျုပ်စိတ်ကို ဘယ်လို စီစဉ်ထားသလဲဆိုတဲ့ အပေါ်မှာသာ မူတည်ပါတယ်။ အခန်းကို သဘောကျတယ်လို့ ကျုပ်က ဆုံးဖြတ်ပြီးသွားပြီ။

“မနက်မိုးလင်းလာတဲ့အခါတိုင်း ကျုပ် ချနေကျ ဆုံးဖြတ်ချက်ပဲ။ ကျုပ်မှာ ရွေးစရာ ရှိပါတယ်။

“ကျုပ်ကိုယ်ခန္ဓာပေါ်က ယိုယွင်းလာတဲ့ အစိတ်အပိုင်းတွေကြောင့် ရင်ဆိုင်နေရတဲ့ အခက်အခဲကို တွေးပြီး အိပ်ရာထဲမှာပဲ ခွေနေမယ်ဆိုလည်း နေလို့ရတယ်။ ဒါမှမဟုတ်လည်း လှုပ်နိုင်ရှားနိုင်သေးတဲ့ အစိတ်အပိုင်းတွေကို ကျေးဇူးတင်ပြီး အိပ်ရာက ထမယ်ဆိုလည်း ထလို့ ရတယ်။

“နေ့တိုင်းဟာ ဆုလာဘ်ပဲ။ ကျုပ်မျက်စိတွေ ပွင့်နေသေးသမျှ နေ့သစ်အပေါ်ရယ်၊ ကျုပ်စုဆောင်းထားတဲ့ စိတ်ချမ်းသာစရာ အဖြစ်အပျက်တွေရယ်ကိုပဲ အာရုံစိုက်နေမှာ… ကျုပ်ဘဝရဲ့ နောက်ဆုံးအချိန်လေးမှာ အဲဒါတွေကိုပဲ အာရုံစိုက်တော့မယ်။

“အိုမင်းလာတယ်ဆိုတာဟာ ဘဏ်စာရင်းလိုပါပဲ။ ကိုယ်ထည့်ထားတာ ကိုယ်ပြန်ထုတ်သုံးရတာပေပဲပေါ့။

“အဲတော့ ကိုရင့်ကို အကြံပေးချင်တာက အမှတ်ရစရာတွေ စုဆောင်းထားတဲ့ ဘဏ်စာရင်းထဲမှာ စိတ်ချမ်းသာမှုတွေ အများအပြားသာ ဖြည့်ထားလိုက်စမ်းပါလို့ပဲ။ ကျုပ်ရဲ့ အမှတ်ရစရာများ ဘဏ်စာရင်းမှာ ကိုရင်လေး အခုလို ဖြည့်သွင်းပေးခဲ့တဲ့အတွက်လည်း ကိုရင်လေးကို ကျေးဇူးတင်ပါတယ်။

“ကျုပ်ကတော့ ဖြည့်နေတုံးပဲဗျို”တဲ့။
—————————————

ဖတ်လိုက်ရတဲ့ မူရင်းမှာ အကြံပြုချက် ၅ ချက် ပါပါသေးတယ်။ အမုန်းကင်း၊ အပူကင်းအောင်နေ၊ ရိုးရိုးကျင့်၊ များများ ပေး၊ နည်းနည်းပဲ မျှော်လင့် ဆိုတာတွေပါ။ Matilda Fone’s ရဲ့ Post ကနေ ကူးယူတာလို့ ရေးထားပါတယ်။

ဒါလေးကို ဘာသာပြန်နေရင်းနဲ့ အနောက်တိုင်းက လူတွေရဲ့ ကုသိုလ်စိတ်ကို တွေးနေမိပါတယ်။ ဗုဒ္ဓဘာသာဝင်တွေလို စုတေစိတ်အတွက် သရဏဂုံတွေ၊ ဘာဝနာပွားတာတွေ၊ ဝေဒနာရှုမှတ်တာတွေ၊ ငါနဲ့ ဝေဒနာ ခွာပြီး သတိကပ်ထားတာတွေကို သူတို့ မသိပါဘူး။

အခုဇာတ်လမ်းထဲက အဘိုးကြီးက ရိုးရိုးလေးပဲ တွေးတယ်။

စိတ်ချမ်းသာမှုဆိုတာ အခြေအနေပေါ်မှာ မတည်ဘူး၊ ကိုယ့်အပေါ်မှာပဲ တည်တယ်ဆိုတဲ့ သူ့စကားက ကျွန်တော့်ကို သည်စာတိုလေး ဘာသာပြန်ဖြစ်သွားအောင် တွန်းပို့လိုက်ပါတယ်။

ဟုတ်ပါရဲ့။

စိတ်ချမ်းသာခြင်း ပျော်ရွှင်ခြင်း၊ ငြိမ်းချမ်းခြင်း၊ ညစ်ညူးခြင်း၊ ပူလောင်ခြင်း၊ မုန်းတီးခြင်း၊ နာကျည်းခြင်း၊ တပ်မက်ခြင်းတို့ရဲ့ မူလဘူတဟာ ကိုယ့်ဆီက စတာပါ။ ဒါပေမယ့် ကိုယ့်ကိုယ်ကိုယ် မမြင်မိဘဲ ဘေးပန်းက သက်ရှိ သက်မဲ့တွေကိုသာ သွားသွား အတာချနေမိတယ်။ သူ့ကြောင့် ညစ်ညူးရတာ၊ သည်လိုကြောင့် တပ်မက်တာ၊ သဟာကြောင့် ပျော်တာတွေ လုပ်မိနေကြတယ်။

အဲဒီ့ ခံစားချက်တွေက ဘယ်သူ့စိတ်မှာ ဖြစ်ပေါ်နေတာလဲ။

ကိုယ့်စိတ်မှာ ဖြစ်နေတာလေ။

ဘေးပန်းက သက်ရှိ သက်မဲ့တွေကြောင့် ကိုယ့်စိတ်က လိုက်လှုပ်နေတယ်ဆိုရင် ကိုယ့်စိတ်ကို ကိုယ်ပိုင်ပါတယ်လို့ ဘယ်လိုလုပ် ပြောနိုင်မှာလဲ။

ရွေးချယ်မှု…

ဟုတ်တယ်။ စိတ်ချမ်းသာမှုနဲ့ စိတ်ညစ်ညူးမှုကို ဘယ်သူ ရွေးနိုင်သလဲ။

ကိုယ်ပဲ ရွေးနိုင်တယ်။

ကျွန်တော် စိတ်ချမ်းသာချင်တယ်ဗျာ။ ခင်ဗျားတို့ လုပ်ပေးကြပါဆိုပြီး လူတကာဆီက စိတ်ချမ်းသာမှုကို လည်ပြီး အလှူခံနေလို့မှ မရတာနော်…

စိတ်ချမ်းသာချင်သလား၊ စိတ်ညစ်ချင်သလား။

ရွေးချယ်ခွင့်နဲ့ ချမ်းသာခွင့်၊ ညစ်ညူးခွင့်က ကိုယ့်ဆီမှာပဲ ရှိပါတယ်။

ကျွန်တော်တော့ စိတ်ချမ်းသာချင်ပါတယ်။

စာဖတ်သူ လူကြီးမင်းကရော…

နှစ်သက်ရာ ရွေးချယ်နိုင်ပါလိမ့်မယ်။

အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော် (ဘာသာပြန်သူ)
(ရန်ကုန် – ၁၁၀၉၁၄)

ဘာသာပြန်သူ့ နာမည် မထည့်ဘဲ ကိုယ့်ဟာလိုလို ကူးပြီး ဆက်လက်ဖြန့်ဝေသူများ နာမည်ဖော်လို့ မရတဲ့ ရောဂါဆိုးဝင်ပြီး တော်တော်နဲ့ မသေနိုင်ဘဲ မချိမဆံ့ ဝေဒနာကို ကြာရှည်ကြာမျော ခံစားကြရပါစေသားလို့ ပက်ပက်စက်စက် ကျိန်ဖို့ ကျွန်တော် ရွေးချယ်မလို့ပါပဲ။ ဒါပေမယ့် အထက်က ဘာသာပြန်ထားတဲ့စာနဲ့ ဖီလာ ကန့်လန့်ဖြစ်နေလို့ အဲသလို မကျိန်တော့ဘဲ လူလူချင်း လေးစားစိတ်လေး မွေးတော်မူကြပြီး လက်ဆင့်ကမ်းတဲ့အခါမှာလည်း ဘာသာပြန်သူနာမည်ကို မချန်လှပ်ဘဲ သည်လင့်(ခ်)ကိုသာ ကူးပြီး လက်ဆင့်ကမ်းတော်မူကြပါလို့ မေတ္တာရပ်ခံလိုက်ပါတယ်။

ပြောမယ့်သာ ပြောလိုက်ရတယ်၊ ပလာတာများ ကျွေးမိပြန်ပလားလို့လည်း ကိုယ့်ကိုယ်ကိုယ် သံသယ ဖြစ်မိပါသေးရဲ့။

သည်ပို့(စ်)ကို လက်ဆင့်ကမ်းခဲ့တဲ့ Daw Baby Shwe ကို ကျေးဇူးတင်ပါတယ်ခင်ဗျား။

A Friend on the Line

လက်ဆောင်မွန်

ဖုန်းနံပါတ်ကို လှည့်ပြီးပြီးချင်းမှာပဲ နံပါတ်မှားပြီး လှည့်လိုက်မီပြီဆိုတာ ကျွန်တော်သိလိုက်သလိုပါပဲ။

ဖုန်းကမြည်တယ်။ တစ်ကြိမ်…၊ နှစ်ကြိမ်၊ နှစ်ကြိမ် မြည်ပြီးတဲ့နောက်မှာ တစ်ဖက်က ကောက်ကိုင်လိုက်တယ်။

“ဖုန်းမှားနေတယ်ကွ”ဆိုတဲ့ ယောကျာ်းသံကြီး ပေါ်လာပြီးတဲ့နောက် ဖုန်းကို ဂွပ်ခနဲ ချလိုက်သံကို ကြားလိုက်ရပါတယ်။

ကျွန်တော့်ဘက်က ဘာမှတောင် မပြောရသေးဘူး၊ “ဖုန်းမှားနေတယ်ကွ”လို့ အသားလွတ် အငေါက်ခံလိုက်ရတဲ့အတွက် သို့လော သို့လော ဖြစ်သွားပါတယ်။ ဒါနဲ့ ကျွန်တော်လည်း မူလက မှားလှည့်မိတဲ့ နံပါတ်ကိုပဲ ချက်ချင်း ပြန်လှည့်လိုက်မိရပြန်တယ်။

ချက်ချင်းလိုလိုပဲ တစ်ဖက်က ကိုင်လိုက်ပြီး ကျွန်တော်ဘာမှ မပြောနိုင်ခင် “ဖုန်းမှားနေတယ်လို့ ဘယ်နှခါပြောရမလဲကွ”လို့ ပြောတဲ့ ယောကျာ်းသံကြီးကို ကြားလိုက်ရပြီး ဖုန်းချလိုက်သံပါ ကြားလိုက်ရပြန်ပါတယ်။

သည်ပုဂ္ဂိုလ် ဘယ်လိုလုပ်ပြီး ဖုန်းမှားနေမှန်း အလိုလို သိနေရတာလဲ။

အဲဒီ့အချိန်က ကျွန်တော်ဟာ နျူးယော့(ခ်)မြို့တော် ရဲဌာနမှာ အလုပ် လုပ်နေခိုက်ပါ။ ရဲတစ်ယောက်အနေနဲ့ စူးစမ်းတတ်ကျင့်ကလည်း ရှိ၊ တစ်ခုခုဆို သင်္ကာမကင်း ဖြစ်တတ်တဲ့ အလေ့အကျင့်က ရနေပြီ။ ဒါနဲ့ ကျွန်တော်လည်း အဲသည့်နံပါတ်ကို တတိယအကြိမ် ထပ်လှည့်လိုက်တယ်။

“ဟ… ဘယ်လိုလဲကွ၊ စောစောက ဆက်တဲ့လူပဲ မှတ်တယ်…”လို့ သည်တစ်ခါကျတော့ တစ်ဖက်က ပြောပါတယ်။ စောစောက အသံရှင်ပါပဲ။

“ဟုတ်ပါတယ်၊ ကျွန်တော် ထပ်ဆက်တာပါ။ သည်လိုပါဗျာ၊ ကျွန်တော့်ဘက်က ဘာမှတောင် မပြောရသေးဘဲနဲ့ ဖုန်းမှားနေမှန်း လူကြီးမင်းက ဘယ်လိုလုပ်ပြီး တန်းသိနေတာလဲဆိုတာ ကျွန်တော် စဉ်းစားလို့ မရလို့ပါ ခင်ဗျ…”

“သေချာစဉ်းစားကြည့်ပေါ့ကွ…”လို့ အော်လိုက်ပြီး သူက ဖုန်းချသွားပြန်တယ်။

ကျွန်တော်လည်း တယ်လီဖုန်းကို ကိုင်ပြီး ခဏတော့ ငိုင်နေမိတယ်။ ခဏနေတော့ အဲဒီ့နံပါတ်ကို ကျွန်တော် ထပ်လှည့်မိရပြန်တယ်။ တစ်ဖက်က ချက်ချင်းလိုပဲ ကောက်ကိုင်လိုက်ပြီး ကျွန်တော့်ကို “ဘယ့်နှယ့်လဲ စဉ်းစားလို့ ရသွားပြီလားကွ”လို့ ပြောပါတယ်။

“ကျွန်တော် စဉ်းစားလို့ ရသမျှကတော့ လူကြီးမင်းဆီကို ဖုန်းဆက်မယ့်သူ တစ်ယောက်မှ မရှိလို့သာ ဖြစ်မယ်ဆိုတာပါပဲ”

“အေး… အဲဒီ့အတိုင်းပဲ”လို့ ပြောပြီး ဖုန်းကို စတုတ္ထအကြိမ် ဂွပ်ခနဲ ချသွားပြန်တယ်။ ကျွန်တော် ပြုံးလိုက်မိရင်းက အဲဒီ့နံပါတ်ကို ထပ်လှည့်လိုက်ပါတယ်။

တစ်ဖက်က စောစောကလိုပဲ ချက်ချင်းကောက်ကိုင်လိုက်ပြီး “ကဲ… ဆို၊ အခုကျတော့ ဘာပြောချင်လို့လဲ”လို့ မေးပါတယ်။

“ဘာရယ် မဟုတ်ပါဘူးဗျာ။ ကျွန်တော့်အနေနဲ့ လူကြီးမင်းကို မင်္ဂလာပါလို့ နှုတ်ခွန်းဆက်ချင်လို့ပါခင်ဗျာ…”

“ဘာကွ၊ နှုတ်ခွန်းဆက်ချင်လို့၊ ဟုတ်လား၊ ဘာလို့ဆက်ချင်ရတာတုန်းကွ…”

“သည်လိုပါခင်ဗျာ။ လူကြီးမင်းကို ဖုန်းဆက်မယ့်သူတစ်ယောက်မှ မရှိဘူးဆိုတဲ့အနေအထားမှာတော့ ကျွန်တော့်အနေနဲ့ ဆက်သင့်တယ် ထင်လို့ပါ…”

“ဟုတ်ပြီလေ။ မင်းကိုလည်း ကျုပ်က ပြန်ပြီး နှုတ်ခွန်းဆက်ရမှာပေါ့၊ မင်္ဂလာပါ မောင်ရင်။ ဒါနဲ့ နေစမ်းပါဦး၊ မင်းက ဘယ်သူတုန်း”

နောက်ဆုံးမှာတော့ အဲဒီ့ပုဂ္ဂိုလ် စကားပြန်ပြောချင်စိတ် ပေါက်လာအောင် ကျွန်တော် လုပ်နိုင်ခဲ့ပြီ ထင်ပါတယ်။ ခုဆို သူလည်း ကျွန်တော့် အကြောင်းသိချင်လာပြီပေါ့။

ကျွန်တော်လည်း ကျွန်တော် ဘယ်သူဘယ်ဝါဆိုတာ အတိုချုပ်ပြောပြလိုက်ပြီး သူ့အကြောင်းကိုလည်း ပြန်မေးလိုက်ပါတယ်။

“ကျုပ်နာမယ်က အောင်မြတ်။ ကျုပ်အသက်က ၈၈ နှစ်ထဲမှာ။ နောက်ပြီးတော့ တစ်နေ့တည်းမှာ သည်နေ့လောက် ဖုန်းမှားပြီး ဝင်တာမျိုး ကျုပ်တစ်သက်လုံးတစ်ခါမှ မကြုံဖူးသေးဘူး…”လို့ သူက ရယ်ပြီး ပြောတာနဲ့ ကျွန်တော်လည်း ရယ်မိရပါတယ်။

အဲဒီ့နေ့က ကျွန်တော်တို့ ဆယ်မိနစ်လောက် စကားပြောဖြစ်ကြပါတယ်။ ဦးအောင်မြတ်မှာ မိသားစုလည်း မရှိတော့၊ မိတ်ဆွေ အပေါင်းအသင်းတွလည်း မရှိတော့ပါဘူး။ သူနဲ့ ရင်းနှီးတဲ့သူတွေအားလုံး ကွယ်လွန်တိမ်းပါးကုန်ကြပါပြီ။

ပြောရင်းနဲ့ သူနဲ့ကျွန်တော်နဲ့ကြားမှာ တူတာလေးတစ်ခုကို သွားတွေ့ပါတယ်။ အဲဒါကတော့ ဦးအောင်မြတ်ကလည်း နျူးယော့(ခ်)မြို့တော်ရဲဌာနမှာ နှစ်ပေါင်း ၄၀ နီးပါး တာဝန်ထမ်းဆောင်သွားခဲ့ဖူးတယ်ဆိုတာပါ။ သူက အဲတုန်းက ဓာတ်လှေကားမောင်းသူအဖြစ် ဌာနာမှာ လုပ်ခဲ့တာပါ။

ကျွန်တော့်အတွက်တော့ ဦးအောင်မြတ်က စိတ်ဝင်စားစရာ ကောင်းနေသလို သေချာစကားပြောကြည့်တော့ ခင်မင်ချင်စရာ အဖိုးကြီးတစ်ယောက်ပါပဲ။ ဒါနဲ့ နောက်တစ်ခါ ကျွန်တော် ဦးလေးဆီ ဖုန်းဆက်လို့ ရပါမလားလို့ မေးလိုက်မိတယ်။

“ဘာဖြစ်လို့ မောင်က ကျုပ်ဆီ ထပ်ဆက်ချင်ရတာလဲ…”

“တယ်လီဖုန်းထဲက မိတ်ဆွေအဖြစ်ပေါ့ ဦးလေးရယ်…”

သူ ခဏတော့ ငြိမ်နေတယ်။ ခဏနေတော့မှ “”အေးကွ… မိတ်သစ် ဆွေသစ် တိုးတယ်ဆိုတော့လည်း မင်္ဂလာရှိတာပေါ့လေ”လို့ ပြောပါတယ်။

နောက်တစ်ရက်ကျတော့ ကျွန်တော် သူ့ဆီဖုန်းဆက်သလို အဲသည့် နောက်ပိုင်းမှာလည်း လေး၊ ငါးရက် ဆက်တိုက် ဆက်ဖြစ်ပါတယ်။

ဦးအောင်မြတ်က သူရင်ဆိုင်ဖြတ်သန်းခဲ့ရတဲ့ ပထမကမ္ဘာစစ်နဲ့ ဒုတိယ ကမ္ဘာစစ်အတွင်းက အတွေ့အကြုံတွေအပါအဝင် သမိုင်းဝင်ဖြစ်ရပ်တွေ ကျွန်တော့်ကို ပြောပြပါတယ်။

ကျွန်တော်လည်း ကျွန်တော့်အိမ် ဖုန်းနံပါတ်ကိုရော၊ ရုံးဖုန်းနံပါတ်ကိုပါ သူ့ကို ပေးထားလိုက်တယ်။ သူကျွန်တော့်ဆီ ဆက်ချင် ဆက်လို့ ရအောင်လို့ပါ။ တကယ်လည်း ဦးအောင်မြတ်က ကျွန်တော့်ဆီ ပြန်ဆက်ပါတယ်။ ဆက်တာမှ နေ့တိုင်းပါ။

ကျွန်တော်ဟာ သက်ကြီးရွယ်အို တစ်ယောက်အပေါ်မှာ စာနာစိတ် တစ်ခုတည်းနဲ့ သည်အလုပ်ကို လုပ်ဖြစ်သွားတာ မဟုတ်ပါဘူး။ သည်ဦးလေးကြီးနဲ့ စကားပြောနေရတာဟာ ကျွန်တော့်အတွက်လည်း တန်ဖိုး ရှိလှပါတယ်။

ကျွန်တော်ကိုယ်၌က မိဘမဲ့ကျောင်းကနေ လူလားမြောက်ခဲ့ရတာပါ။ မိဘမဲ့ဂေဟာကနေ လူငယ်သင်တန်းကျောင်းကို ရောက်ခဲ့ရတဲ့ မိဘမဲ့ တစ်ဦးပီပီ ကျွန်တော့်မှာ အဖေအမေ မရှိပါဘူး။ သည်တော့ကာ ကျွန်တော့်အတွက် ဦးအောင်မြတ်ဆိုတဲ့ဦးလေးကြီးဟာ တဖြည်းဖြည်းနဲ့ ကျွန်တော့်ဖအေလို ဖြစ်လာပါတော့တယ်။ ကျွန်တော်ကလည်း ကျွန်တော့် အလုပ်အကိုင်အကြောင်း၊ ညပိုင်းမှာ ကျွန်တော် တက်နေတဲ့ သက်ကြီး တက္ကသိုလ်အကြောင်းတွေပါ ဦးလေးဦးအောင်မြတ်ကို ပြောပြပါတယ်။

ဦးလေးဦးအောင်မြတ်ဟာ ကျွန်တော့်ရဲ့ပုဏ္ဏားတိုင်လည်း ဖြစ်မှန်းမသိ ဖြစ်လာခဲ့ပါတယ်။ ကျွန်တော့် အထက်အရာရှိနဲ့ ကျွန်တော်နဲ့ သဘောထား ကွဲလွဲပြီး ငြိကုန်တဲ့အခါ ကျွန်တော်က ဦးလေးဦးအောင်မြတ်ကို တိုင်တည်မိတယ်။

“ကျွန်တော်တော့ အဲဒီ့ပုဂ္ဂိုလ်နဲ့ စာရင်းရှင်းမှဖြစ်တော့မယ် ဦးလေးရာ…”

“ဘာလို့ အလောသုံးဆယ် လုပ်ချင်ရတာလဲ သူငယ်ရဲ့။ စိတ်ကို အေးအေးထားပြီး အခြေအနေကို စောင့်ကြည့်ပါဦးလား။ မောင်ရင်လေး ကျုပ်အရွယ်လောက် ရောက်တဲ့အခါကျရင် အချိန်ယူတယ်ဆိုတာဟာ တော်တော့်ကို အကျိုးရှိမှန်းသိလာပါလိမ့်မယ်။ ခဏ ဆိုင်းထားပါဦးလေ။ သည်ကြားထဲကမှ သူ့ဘက်က အခြေအနေဆိုးလာတယ်ဆိုရင်တော့လည်း တစ်မျိုးစဉ်းစားကြတာပေါ့…”လို့ ဦးလေးဦးအောင်မြတ်က ကျွန်တော့်ကို ဖျောင့်ဖျပါတယ်။

ပြီးတော့ အကြာကြီး ငြိမ်နေတယ်။ ခဏနေတော့မှ သိသိသာသာ နူးညံ့ညင်သာနေတဲ့အသံနဲ့ စကားဆက်တယ်။

“ကျုပ် မောင်ရင်လေးကို ကိုယ့်သားလို သဘောထားပြီး ပြောနေမိတယ်။ ကျုပ်လေ သားနဲ့ သမီးနဲ့၊ မိသားစုနဲ့ သိုက်သိုက်ဝန်းဝန်း သိပ်နေချင်ခဲ့တာကလေား။ မောင်ရင်လေးက ငယ်သေးတော့ ဒါတွေကို နားလည်နိုင် ဦးမှာ မဟုတ်သေးပါဘူးလေ…”

မဟုတ်ပါဘူး။ ကျွန်တော် သိပ်နားလည်တာပေါ့။ ကျွန်တော်လည်း မိသားစုဘဝကို အငမ်းမရ တောင့်တ လိုချင်ခဲ့ပါတယ်။ အထူးသဖြင့် အဖေဆိုတဲ့ အရိပ်အာဝါသကို မရနိုင်မှန်းသိလျက်နဲ့ တမ်းမက်ခဲ့ပါတယ်။ ဒါပေမယ့် ဦးလေးဦးအောင်မြတ်ကိုတော့ ဒါတွေပြောနေတော့ပါဘူး။ တစ်သက်တာ ခံစားခဲ့ရသမျှဟာ ပြောရင်းနဲ့ အသစ်ဖြစ်ပြီး ရင်ဆို့ရဦးမှာကို မခံနိုင်တာမို့ မပြောချင်တာပါ။

တစ်ညနေမှာတော့ ဦးလေးဦးအောင်မြတ်က ကျွန်တော့်ကို ပြောပါ တယ်။ သူ့ရဲက ၈၉ နှစ်မြောက်မွေးနေ့ကို ရောက်တော့မယ့်အကြောင်းပါ။

ဒါနဲ့ ကျွန်တော်လည်း ဖှိုင်ဘာသားနဲ့ လုပ်ထားတဲ့ ချပ်ပြားတစ်ပြား ဝယ်ပြီး ငါးပေ၊ နှစ်ပေအရွယ်ရှိတဲ့ မွေးနေ့ ကတ်ပြားတစ်ခု လုပ်လိုက်ပါတယ်။ အဲဒီ့ ကတ်ပြားပေါ်မှာ ကျွန်တော်တို့ဌာနက ရဲမှူးကြီးအပါအဝင် ရဲတွေ အားလုံးကို လက်မှတ်တွေကို လိုက်ထိုးခိုင်းလိုက်တဲ့အခါ ထိုးမြဲလက်မှတ်ပေါင်း တစ်ရာနီးပါး ရလာပါတယ်။ အဲဒီ့ကတ်ပြားနဲ့ ဖယောင်းတိုင် ၈၉ တိုင် ထောင်ထားတဲ့ မွေးနေ့ကိတ်မုန့်ကြီးတစ်လုံးကိုယူပြီး ဦးလေး ဦးအောင်မြတ်ကို ပေးဖို့ ကြံလိုက်ပါတယ်။ သူ အလုပ်လုပ်ခဲ့ဖူးတဲ့ ကျွန်တော်တို့ ရဲဌာနက ရဲတွေရဲ့ထိုးမြဲလက်မှတ်တွေ စုံစုံလင်လင် ပါဝင်နေတဲ့ မွေးနေ့ကတ်ပြားကို ရတဲ့အခါ ဦးလေးဦးအောင်မြတ်တစ်ယောက် အတော့်ကို စိတ်ချမ်းသာသွားမှာပဲလို့ ကျွန်တော် အတတ် ပြောရဲပါတယ်။

ကျွန်တော်နဲ့သူနဲ့ ဖုန်းပြောလာခဲ့တာလည်း လေးလတောင် ကျော်လာခဲ့ပါပြီ။ သည်အချိန်ဟာ သူနဲ့ ကျွန်တော်တို့ တစ်ယောက်ကို တစ်ယောက် မြင်ဖူး တွေ့ဖူးသင့်ကြပါပြီ။ ဒါကြောင့် ဦးလေးဦးအောင်မြတ်အတွက် မွေးနေ့ကတ်ပြားကို ကျွန်တော်ကိုယ်တိုင် သွားပေးဖို့ ဆုံးဖြတ်လိုက်ပါတယ်။
ကျွန်တော် လာမယ့်အကြောင်း ဦးလေးဦးအောင်မြတ်ကို ကြိုပြောမထားပါဘူး။ ဦးလေးတစ်ယောက် အံ့ဩဝမ်းသာသွားအောင်လို့ပါ။

တစ်မနက်မှာတော့ ကျွန်တော်ဟာ လိပ်စာအတိုင်း သွားလိုက်ပြီး ဦးလေးဦးအောင်မြတ်ရဲ့တိုက်ခန်းရှိရာ အဆောက်အအုံရှေ့ လမ်းမပေါ်မှာ ကားရပ်လိုက်ပါတယ်။

တိုက်ထဲကိုဝင်သွားတော့ စာပို့လုလင်လေးက လှေကားရင်းက စာတိုက်ပုံးတွေထဲကို စာတွေ ထည့်နေတယ်။ စာတိုက်ပုံးတွေထဲမှာ ဦးအောင်မြတ်ဆိုတဲ့ နာမည်ကို ရှာကြည့်လိုက်တော့ အခန်းအမှတ် ၁-ည မှာ ဆိုတာ သိလိုက်ရတယ်။ ကျွန်တော် ရပ်နေတဲ့ နေရာရဲ့အပေါ် ပေ ၂၀ အကွာအဝေးမှာ ဦးအောင်မြတ် ရှိနေတယ်ဆိုတဲ့ သဘောပါ။

စိတ်လှုပ်ရှားမှုကြောင့် ကျွန်တော်ရင်ခုန်လာရတယ်။ ဖုန်းထဲက အတိုင်းပဲ ဦးလေးဦးအောင်မြတ်ဟာ ကျွန်တော့်ကို လိုလိုလားလား ဖော်ဖော်ရွေရွေမှ ရှိပါ့မလား။ အဲဒီ့အတွေးနဲ့တင်ကို ရင်ဘတ်ထဲမှာ အောင့်လာသလိုပဲ။ ဦးလေးဦးအောင်မြတ်ကရော၊ ကျွန်တော့်အဖေအရင်းက ကျွန်တော့်ကို စွန့်ပစ်ခဲ့သလို ခါးခါးသီးသီး စွန့်ပယ်လေဦးမှာလား။

ကျွန်တော်ဟာ စိုးတထိတ်ထတ်နဲ့ပဲ ဦးအောင်မြတ်နေထိုင်ရာ တိုက်ခန်းတံခါးကို အသာခေါက်လိုက်ပါတယ်။ ဘာသံမှ မကြားရတာနဲ့ နောက်တစ်ခါ ထပ်အခေါက်မှာ ပထမအကြိမ်ထက် ပိုကျယ်ကျယ် ခေါက်လိုက်ပါတယ်။

“အဲဒီ့အခန်းမှာ ဘယ်သူမှ မရှိဘူးဗျ…”

အောက်က စာပို့လုလင်လေးက ကျွန်တော့်ကို လှမ်းပြောပါတယ်။

“အေးဗျာ။ သည်ဦးလေးကြီးက တယ်လီဖုန်း ကိုင်တဲ့အခါ ဘုကျသလိုပဲ၊ သူ့အခန်းတံခါးကို ခေါက်တဲ့အခါမှာလည်း ဘုကျတတ်တယ်ဆိုရင် ကျွန်တော်တော့ တစ်နေကုန် ခေါက်နေရမယ် ထင်ပါရဲ့…”

“အစ်ကိုကြီးက အဲသည့်ဦးလေးကြီးနဲ့ ဘာတော်လို့လဲ…”

“ဘာမှမတော်ပါဘူး။ မိတ်ဆွေလို့ပဲ ဆိုကြပါစို့ရဲ့ဗျာ…”

“စိတ်မကောင်းပါဘူး အစ်ကိုကြီးရယ်။ အဲဒီ့အခန်းက ဦးအောင်မြတ် တမြန်မနေ့ကပဲ ဆုံးသွားတယ်”

ဆုံးသွားပြီ… ဦးလေးဦးအောင်မြတ် ဆုံးသွားပြီတဲ့။

ကျွန်တော် ကြက်သေသေသွားပါတယ်။ ကျွန်တော်ဟာ ဦးအောင်မြတ် နေထိုင်ခဲ့ဖူးရာ အခန်းရဲ့ တံခါးဝမှာ တုန်လှုပ်စွာ ဆက်ရပ်နေမိပါတယ်။ နားကြားလွဲစရာ ဘာအကြောင်းမှ မရှိပေမယ့် ကျွန်တော့်အတွက် မယုံနိုင်စရာပါ။

ကွှန်တော့်ကိုယ်ကျွန်တော် မနည်း သတိပေးပြီး၊ တည်ငြိမ်အောင် ကြိုးစားပြီးမှ အကျိုးအကြောင်း ပြောပြတဲ့ စာပို့လုလင်လေးကို ကျေးဇူးတင်စကား ပြောလိုက်ရပါတယ်။ ပြီးတော့ ကျွန်တော်လည်း အဆောက်အအုံထဲက ထွက်လာခဲ့မိပါတယ်။

အပြင်မှာတော့ မွန်းတည့်လုနီး နေက ခြစ်ခြစ်ကို တောက်လို့ပါ။ ကားဆီကို လျှောက်လှမ်းနေတဲ့ ကျွန်တော့်ရဲ့မျက်ဝန်းတွေထဲမှာတော့ မျက်ရည်စတွေ ဝေ့ဝဲလို့။

ကျွန်တော့်ခေါင်းထဲမှာ ဖတ်ဖူးတဲ့ စာကြောင်းတစ်ကြောင်းက ပေါ်လာပါတယ်။ “မိတ်ဆွေသူငယ်ချင်းဟူသည်ကား ထာဝရသာဖြစ်တော့သည်။ မိတ်ဆွေသူငယ်ချင်းမှန်က သေသည်အထိပင် စွဲမြဲ ခင်မင်နေစမြဲသာဖြစ်လေ၏”တဲ့။

သည်စာကြောင်းကို သတိရလိုက်တဲ့အခါမှာတော့ ကျွန်တော်လည်း အားလုံးကို ပြန်သတိရလာပါတယ်။

တကယ်တော့ မျှော်လင့် ထင်မှတ်မထားတဲ့ ကြေကွဲ ဝမ်းနည်းဖွယ်ရာ အလှည့်အပြောင်းတွေကပဲ ကျွန်တော်တို့တွေရဲ့ ဘဝတာတိုတိုထဲက အရသာ ချိုချိုလေးတွေကို ကြံဖန် ရှာဖွေ ဖော်ထုတ်ပေးနေတာပါကလား။

ပထမဆုံးအကြိမ်အနေနဲ့ ကျွန်တော်နဲ့ ဦးလေးဦးအောင်မြတ်တို့ ဘယ့် ကလောက် ခင်မင်ရင်းနှီးခဲ့ကြတယ်ဆိုတာကို ကျွန်တော် သတိထားမိသွားပါတယ်။

သြော်… တစ်ယောက်နဲ့တစ်ယောက် ခင်မင်ရင်းနှီးဖို့ဆိုတာ တကယ်တော့ သိပ်မခက်လှပါလား။ နောက်တစ်ခါ တခြားမိတ်ဆွေ တစ်ယောက်နဲ့ အခုလို ခင်မင်ရင်းနှီးဖို့ ဆိုတာရော၊ ပိုလို့တောင် လွယ်ကူနေဦးမှာဆိုတာကို သတိထားမိလာပါတယ်။

ဖြည်းဖြည်းချင်းနဲ့ ကျွန်တော့်ရင်ထဲမှာ အလိုလို နွေးထွေးလာတယ်။ နားထဲမှာတော့ “ဖုန်းမှားနေတယ်ကွ”ဆိုတဲ့ ဦးလေးဦးအောင်မြတ်ရဲ့အသံကို ကြားယောင်လိုက်မိတယ်။ တစ်ဆက်တည်းမှာပဲ၊ “မင်းက ကျုပ်ဆီ ဘာလို့ ဖုန်းဆက်ချင်ရတာတုန်း”လို့ သူမေးလိုက်တာကိုပါ ပြန်ကြားယောင်မိရပြန်တယ်။

“ဦးလေးဦးအောင်မြတ်ရယ်၊ ဦးလေးက ကျွန်တော့်အတွက် အရေးပါတဲ့ သူမိုလို့ ဆက်ချင်ရတာပေါ့ဗျာ။ ပြီးတော့လည်း ကျွန်တော်က ဦးလေးရဲ့ မိတ်ဆွေလေ…”

ကျွန်တော်ဟာ သည်စကားတွေကို ကျွန်တော့်ဘာသာ တစ်ယောက်တည်း အော်ကြီးဟစ်ကျယ် ပြောနေမိပါတယ်။

ပြီးတော့ မဖွင့်ရသေးတဲ့မွေးနေ့လက်ဆောင်ကပ်ပြားကို ကားနောက်ခန်းထဲမှာ သေချာထည့်လိုက်ပြီး မောင်းသူနေရာမှာ ဝင်ထိုင်လိုက်ပါတယ်။

ကားစက်ကိုမနှိုးခင်မှာ ဦးလေးဦးအောင်မြတ် နေထိုင်ခဲ့တဲ့ တိုက်ခန်းရှိရာ အဆောက်အအုံဘက်လှည့်ပြီး ခပ်တိုးတိုး ရေရွတ်မိပါတယ်။

“ကျွန်တော် ဖုန်းမမှားခဲ့ပါဘူး ဦးလေးရယ်…”

(A Friend on the Line by Jennings Michael Burch)

အားလုံးတွေးဆ ဆင်ခြင်ကြည့်နိုင်ကြပါစေ

အတ္တကျော်

(အတွေးသစ်ဂျာနယ် ၂၀ဝ၂ ခုနှစ် မတ် ၂၅ – အတွဲ ၂၊ အမှတ် ၇၅)

လက်တွဲဖော်စာအုပ်တိုက်ထုတ် ဘဝတူရိယာ (မောဟပြေ ပုံတိုပတ်စများ – ၂ မှာလည်း ဖော်ပြထားပါတယ်။

သည်စာလေးကို ပြန်ဖော်ပြဖြစ်သွားတာက ကနေ့ Facebook မှာ အမေရိကန်နိုင်ငံမှာ နေထိုင်တဲ့ မြန်မာနိုင်ငံသား မိတ်ဆွေလေး တစ်ဦးက အောက်ပါအတိုင်း ရေးထားလို့ပါ။

Thank you to ATK for sharing this story about 5 years ago.I read your version long long time ago and it really touched my heart.I never thought that it would happen to me in real life as similar to this story. I am lost, deeply sorry and regret that i don’t have a chance to see him or say goodbye to him. If only i could turn back time i would call you just one time.This is dedicated to Mr.Jerry A. Walker who died in April 2014.Rest in peace.You are in a better place now.

ကျွန်တော်ဘာသာပြန်ခဲ့တဲ့ သည်ဇာတ်လမ်းလေးကို အဲဒီ့ မိတ်ဆွေလေးက တော်တော်စွဲပါတယ်။ ကျွန်တော်နဲ့ သူနဲ့ စတင်သိကျွမ်းစ ၂၀၀၃ ခုနှစ်လောက်မှာ သူက ကျွန်တော့်ကို “ကျွန်တော် ဖုန်းမမှားခဲ့ပါဘူး ဦးလေးရယ်…”လို့ ပြောခဲ့ဖူးပါတယ်။ ကြည့်ရတာ အမေရိကန် နိုင်ငံကို သူ ရောက်ပြီးမှ သူလျှိုမှုနဲ့ အကျဉ်းကျနေသူ Jerry A. Walker ကို သူ ဖုန်းဆက် စကားပြောခဲ့ရာက မိတ်ဆွေ ဖြစ်သွားခဲ့ကြဖူးပုံပါပဲ။ အဲဒီ့ Jerry ဟာ တစ်သက်တစ်ကျွန်းဒဏ်ကျခံနေခဲ့ရတာပါ။ သူ့မှာ ဆီးချို ရောဂါနဲ့ လည်ချောင်း ကင်ဆာ ရောဂါတို့ ခံစားနေရပါတယ်။ အကျဉ်းထောင်ထဲမှာပဲ ၂၀၁၄ ခုနှစ် သြဂုတ်လ ၂၈ ရက်နေ့မှာ ကွယ်လွန်သွားခဲ့ပါတယ်။

မူရင်းကို ယှဉ်တွဲ ဖတ်ချင်ရင် http://zhidao.baidu.com/question/91352904.html မှာ ဖတ်ရှုနိုင်ကြပါလိမ့်မယ်။ ဘာသာပြန် အတတ်ပညာကို လေ့လာ ဆည်းပူးလိုသူများအတွက် တစ်နည်းတစ်ဖုံ အသုံးတည့်မယ်လို့ မျှော်လင့်ပါတယ်။